|
اقتباس:
الله يسلمج ..^^ اكيد مقبول غصبن علي هع |
بسمّعك بيتن ترى سايقه سوق ***** بيتن على شين الطبايع مردي ماهوب لي ولكن يناسب العوق ***** بالأمس فازعلي* وهالحين ضدي (( روّح مراويح القطا لارتفع فوق ***** رح يا عساك بروحتك ماتردي )) العين ملت والمعزه لها احقوق ***** وان كان ترجعلي ترى كان ودي النفس طابت وافتهم خط مرفوق ***** غرفت من زين التعابير ردي وصلت متاخر هع ماشاءلله رووعه القصيده ماشاءلله عليج اختى صح لسانج ولا تحرمينا من طرحج الجميل والرائع وربي يعطيج الف عافيه فى انتظار كل ماهو جديد |
اقتباس:
والله شرف مرورك ورايك يهمني وايد وثانكس ع الأبيات من ذوقك =] تصدق عاد غريبة انا اول مرة اسمع عن هالشاعر بس هالقصيدة عجبتني .. بس انشالله بدور عنه معلومات وبشوف قصايده وخاصة "وضح النقا" ويعطيك الف الف عافيه ع المرور ^^ |
اقتباس:
صح بدنك انشالله كل يديد لعيونكم ثانكس ع المرور خيو :) |
السلام عليكم ورحمة الله وبركاته بدايتا حبيت ابارك لكم هذا الصرح الشامخ والمنتدى اللامع وصراحتا انا دخلت اهني مندهش ومستغرب !!!!!!!!! بحيث اني كتبت اسمي بقوقل واكتشفت ان قصيدتي منقوله بمنتداكم الكريم ف تفاجأت واشكر اختي دانة الكويت شكرا جزيلا وبصراحه انا حييييييل مندهش واسمحولي على المداخله وتوضيح ببعض تحاليل دانة الكويت فأرجو العذر يامل عينن شرحج لها غلط اي بمعنى الملل والتعب المؤثر والواضح على العين <تشبيه بليغ> خد خدي ايضا كنايه بحيث اني قلت (لاشك ابارد عد في خد خدي) اي بمعنى اخر لاشك سالت دمعتي فوق خدي والخد هنا هو خد الانسان اما الخد الثاني الا وهو الارض او البر يعني بيسيل دمعي فوق خدي وبتصير فياض وروض فيه نياق والخ اي تجريح المحاجر بالدموع ومن كثرة الدموع صارت روضه في خدي . و بسمعك بيتن ترى سايقه سوق يا دانه دلاله على اهمية اللي بقوله واذا قلت البيت اللي كتبتيه فيه خلل بالوزن ف ما يصير وكلمة ماثوق او موثوق بحكم لهجتنا الكويتيه البدويه نقول ماثوق (وهذه اخت تلك) والقطا يوصف به من سرعة طيرانه بحيث انه يمتلك قوة طيران سريعه جدا والقوانيص تتعب على شانه :) بس في بيت يقول خد خدي ما ادري يعني شنو! (كويتي شكله نفس وزن وزنه هع) لا تروحين بعيد وزني 58 ومعنى الخد واضح فوق :) وبالختام اسمحولي على الاطاله وارجو تقبل ماتفظلت بصدر رحب وذلك للتوضيح فقط واشكر اختي دانة الكويت على التحليل والشرح الوافي وحب المداعبه واشكر تمعنج للامانه وانا بصراحه محرج منج ومنكم جميعا لان الموضوع راحت صفحته وانا عدته للصفحات الاولى واخوي كويتي اشكرك كل الشكر ولكن ماتشرفت بمعرفتك (حيرتني) :) واتمنى القبول من الجميع وبصدر رحب وتقبلوا فائق تحيتي وتقديري لكم عامه ودانة الكويت خاصه . |
| الساعة الآن 03:47 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir