|
وعليكم السلام ورحمه الله وبركاته في البدايه أشكرك على الطرح المميز :) مثل ما قلت كل انسان له عيوب وأخطاء لكن أنا فرايي لابد من كل شخص إنه يكتشف أخطائه ويصححها وما يستمر بالغلط ممكن تلقى ناس تقول احنا غلطنا واحنا هب معصومين من الغلط هالشي يدل إن الشخص ما يريد يغير من نفسه الحياه ما تستمر بكثره الأخطاء ويصير هالشي روتين يومي مع البعض منهم وليس الجميع على سبيل المثال : لو كان لك صديق وهذا الصديق به من الصفات الجميلة الشيء الكثير ولكنه نمّام أو كذّاب أو كثير الكلام ,, هل ستواجهه ؟؟ أكيد بواجهه وهالموقف استوى عندي وايد الإنسان ممكن يسامح مره عالجذب لكن إذا استمر في الجذب شي فداخلي بيخليني أفقد الثقه بالشخص اللي يجذب دوووم وبالتالي أبعد عن هالأشخاص واذا كانت هذه الصفات فيك ( مثلاً ) هل سترضى اذا واجهك بها . أكيد أتمنى أي شخص يواجهني بعيوبي هالشي يشرفني واللي يواجهك بأغلاطك معناته إن هالشخص يخاف عليك ويبا مصلحتك ( بس أنا ما أجذب ولا أحب الجذب ) بصراحة هل ستعتبرها هدية ؟؟؟؟!!!!! أم ستعتبرها إهانة وتدخل فيما لايعنيني أم وقاحة؟ اعتبرها هديه وما أجوف هالشي فيه إهانه أو وقاحه انتظر .. وفكر قبل الإجابة قليلاً . إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن تغلّف به هديتك ؟ إني أنصح وأوصل عيوب أي شخص بأسلوب حلو بدون لأجعل أي حساسيه بينا بحيث إنه يتقبل النصيحه والحمدالله ولا مره صادفت أشخاص ما تتقبل النصيحه مني :) هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟ بصراحة : أكييييد أعرفها وأنا شخصيا أحب أكتشف عيوبي أكثر من حسناتي عشان أغير من نفسي وبما إني أدور عيوبي فهي الأوضح لي حاليا :) هل أنت مع هذه المقولة .. هل ترضى أن يصارحك احد بعيوبك نعم أنا مع هذه المقوله وربي يهدي الجميع :) والسموحه |
انا اعتقـد انـه هالشـي لازم في حياتنـآآ ,, !! يعني إذا كنا نحب هالانسـآن و نخآف عليـه ’’ ومثل ما يقولون ,, [ الصاحب اللي ما ينفعني في حياتي ما ينفعني بعد مماتي ] لازم نصارحه , , بس طبعاً لازم نختار الوقت و المكـآن المناسب,, و مب نهاجمه بالاسـلوب ,, ترى يقولون ,, [ اللسان مفتاح الخير والشر ] ,, و انابصـرآحه ,, اعترف بـ عيوبي ,, او شـرآت ما يقولون ,, احب حد يصارحني و يناقشني عن اسلوبي سواء من الناحيه السلبيه او الايجابيه ,, عادي ,, عندي ما ازعل وما احط بخاطري ,, و ما اقول لا غلطـ ولا صح ’’ و من هالكلام ,, بالعكس ابتسم ,, و اسوي عمري عادي ,, و بعد هذا ايلس بروحي و افكر بالكلام اللي نقال ,, اشوف كيف اقدر اصلح هالشي او اغيرهـ ’’ ,, و الحمد لله ,, ع كل شي ,, هذا رايي الشخصي ,, ^_^ ,, تسلم ع اخيتاركـ ’’ و ع الطرح ربي يحفظكـ من كلـ شر ,, |
اتقبل حد يصارحني ع عيوبي بس يكون { بأسلووب}~ تسلم اخوي ع الطرح ربي يعطيك العافيه |
وعليكم السلام والرحمه مساك الله بالنور والسرور^_^ موضوع رائع وبرد عليك بهالابيات واظنها وافيه الصحيح من العيوب اللي تشوفي قولها في الوجه والنيه مطيـــــــه بارك الله في من أهداني عيوبي وأشكره جداً على هذي الهديـــه بالعكس لو حد صارحني بطريقه لبقه وحلوه وبعيدعن الناس بتقبل هالشي منه وبحاول اعدل من نفسي لكن اهم شي الاسلوب يعطيك العافيه عالطرح الطيب ما تقصر وبانتظار اليديد |
وعليكم السلام ورحمة الله وبركاته مساك الله بالخير والسرور اخويه اخويه اصابعك هب سواسيه موب مهم شو الغلاف لي تبغي تهديبه الموهيم هل الطرف الاخر يستقبل هاي الهديه بعض الناس يقولون انت مالك دخل او مايخصك او ع الاقل انا جي ولي يباني يتعامل ويايه مثل ماانا وهااي ططباعي مابغيرها وقتها انت بتحس انه انسان مهما قتله ومهما نصحته كلامك بيروح بشربه ميه حتعمل ايه بىء؟؟؟ بعض الناس يتقلبون وانا اكون سعيده واحب اتعامل ويا ناس جي لانهم راح يبادلوني بنفس الشي اذا انا قدمت العيوب هديه انا ادري انهم راح يردون الهديه ويمكن احسن عنها وبينصحوني وهالشي اكيد يسعدني لانه ماشي مخلوق خالي من العيوب يعطيك الف عافيه اخويه ع الطرح النايس يسلمو وماعليك زوود تقبل مروري |
| الساعة الآن 07:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir