|
http://vb.ma7room.com/uploaded/1466_01231924977.gif نادرة ما عرفت الدنيا قدرها يوم راحت ما بقى في الناس طيب جسدت كـــــل العواطف في صورها ورحــــلت عني على دمـووع ونحيب مرحبا الساع اكيد مستغربين اليوم برمس عن اكبر حزن عشته وهالانسانه اتذكرها لين الحين فبالي ليتها ما مات وتمت ويانا بس شو انسوي امر الله والحمد لله ع كل رحلت عن دنياي دون سابق انذار رحلت وهي قاعده ويانا بس قالت ليس سيري ازقري امج رحت زقرتها ودوها المستشفى وهي فالدرب توفت فارقت الحياه و خلتنا بروحنا الخبر كان مثل الصاعقه علينا وخاصه اخواني اللي ما يفارقونها الكل يبا يعرف هالانسانه منو تكون هاي يدتي ربتني وانا صغيره وربت كل اخواني ماعادا اخويه الصغير لانه بعده ما انولد ودونا بيت يدوه الثانيه اللي هي ام ابويه عشان فبيتنا بيكون العزا بس نحن هب راضيين نبا نتم عندها ونشوفها يوم يغسلونها بتكون دقايق وعقب مول ما بنشوفها الله يرحمها يارب هالانسانه صعب اوصفها الكم لانها كانت النا ام وابو واخت و يده وكل شي اذا متضايجين من البيت ع طول سرنا عندها اجازه الصيف هناك عندها ابات اتذكر كل زاويه فبيتها وشو كنا انسوي يوم ايي الصبح عطنا فلوس عشان انسير الدكان اللي ورا بيتها انسير ونتشرا ونرد و عقب ايينا الليل وانرد البيت نلعب عندها كل شي عندها من ارد من الرضه ع طول اسير بيتها و عقب نرجع البيت مع اني كنت ياهل بس اتذكرها فديتها يارب بخبركم كيف كانت وكيف كانت تيلس يوم من الايام مرضت وعاد ماما ما بتخليها تقعد فبيت بروحها وجان اتيبها بيتنا وقاعده فالميلس مال الحريم من ماتت يدتي صرت اخاف اقعد فالميلس واخاف ادخله حتى مع انه داخل فلتنا بس انا اخاف اقرب منه كل ما اروح هناك اشوف خيالها اشوف كيف تقعد كيف تسوي اي شي وتسولف وغسولها بعد فبيتنا والمكان اللي تغسلت فيه مستحيل كنت ادوسه او اقرب منه اخاف يستوي شي كنت صغيره وما افهم وايد اشيا فعشان جيه يمكن اذا هي موجوده جان ما عرفتوا انسانه اسمها مس جلكسي مدام هي موجوده اكيد ما بحس بأي ملل وبهذا الشي خلتنا وراحت راحت عنا واكيد ما بترجع وانشا الله التقي فيها يوم القيامه لاني صدق ولهانه عليها :0088: الله يرحمج يا امايه ويغمد روحج الينه اللهم يمن كتابها و هون حسابها و لين ترابها و ثبت أقدامها و ألهمها حسن الجواب اللهم طيب ثراها و اكرم مثواها واجعل الجنة مستقرها و مأواها اللهم نور مرقدها و عطر مشهدها و طيب مضجعها :GIF_13.gif: جعلها فــــي جـــــــــــنــة الخلد بقصرها تقطف الأثمــاار مــــــن عـــــــــودٍ قريب فــي هنا مـــــــــا تفارق البسمه ثغرها ادعي الله يا ســـمــيــــع ويـــــــا مجيب |
قمــــــــــــــة الألم ... أن تضحك بصوت مرتفع كي لايسمع حبيبك صوت بكااااائك " http://vb.ma7room.com/uploaded/1466_21232003808.jpg قمــــــــــــــة الالم.... أن تنام وفي داخلك أمنية ألا تستيقظ أبدا ,,, http://vb.ma7room.com/uploaded/1466_11232003808.jpg قمـــــــــــــة الالم... أن تحب شخص وليس بقلبه ذره حب لك..!! http://vb.ma7room.com/uploaded/1466_01232003808.jpg قمـــــــــة الالم.... أن يجرحك شخص أخر ويدوس على كرامتك وتسكت حتى لاتؤذي مشاعر من تحب ..!! http://vb.ma7room.com/uploaded/1466_21232003990.jpg قمـــــــــــة الالم..... أن تســـعى لفعل الخيـــر ... ويقـــال لك بأنك تسعــى للخراب ولا أحد يقدر صنيعك ... حتى أعز الناس عليك http://vb.ma7room.com/uploaded/1466_11232003990.jpg قمــــــــــــــة الألم ... أن تنام ... و والديـــــــك ليسا راضيان عليـــــك ... http://vb.ma7room.com/uploaded/1466_01232003990.jpg قمــــــــــــــة الألم ... أن تبذل ما أؤتيت من قوة و جهد للنجااح ... وترى بعدها نتيجة مخالفة لما طمحــــــت ومن كان نائما أثناء عملك تجده أمامك في المقدمة وهو الاول ... http://vb.ma7room.com/uploaded/1466_01232004175.jpg قمــــــــة الالم.... ان تحـــــــــــب النـــــــــــاس بقلـب أبيض صادق ... وهم يقابلونك بقلوب تملؤها العقارب ... http://vb.ma7room.com/uploaded/1466_21232004175.jpg قمـــــــة الالم..... أن تصرخ بصوت عالي ولا تجد من يسمعك ...... http://vb.ma7room.com/uploaded/1466_21232004434.jpg قمــــــــــــة الالم..... عندما تقرر الرحيل ولا تجد من يودعـــــــــك...... http://vb.ma7room.com/uploaded/1466_11232004434.jpg قمـــــــــة الالم..... ان ترى الحزن والدموع في عيون من تحب ولاتستطيع ان تفعل شيئا.... http://vb.ma7room.com/uploaded/1466_01232004434.jpg قمــــــــة الالم..... ان تبتسم وفي قلبــــــك مائه دمعه..... http://vb.ma7room.com/uploaded/1466_01232004571.jpg قمـــــــــــه الالم..... ان تفرح وغيرك حزين لاجل هم أصابك...... قمـــــــة الالم...... " أن تبتسم لمن أمامك حتى تخفي دموعك عنه " http://vb.ma7room.com/uploaded/1466_11232004571.jpg قمـــــــة الالم... ان تكون مظلوما ولاتستطيع الدفاع عن نفسك.... http://vb.ma7room.com/uploaded/1466_21232004571.jpg قمـــــــة الالم.... أن تُحاسب نفسك على أخطائك وأخطاء غيرك قمة الالم ... ان تقرأ هذه الكلمات وانت تبكي http://vb.ma7room.com/uploaded/1466_01232004705.jpg كثيره الالام في هذا الزمن فأين سنحتفظ بها ومن سيسمعها واذا سمعها هل سيشاركنا همومنا او سيذهب ولن يسمع اي كلمه كلمات حبيتها ونقلتها الكم |
http://vb.ma7room.com/uploaded/1466_01231748881.jpg آهـ يـآ مــن بـآت مح ـــرۈم المـنــآم عـآف من ﮔثر البكَيـﮯ طيب الحيآهـ زآد بــﮧ ۈج ـــدهـ ۈبـآدآهـ الهــيــآم محـتــرم زآدهـ ۈشــربــﮧ مـآ هنـآهـ مرحبا الساع اليوم الخميس التاريخ : 15 -1 -2009 الساعه : 11 يومي كان نص ونص هب حلو لذاك الزود بسبة الشهاده هع قمت الساعه تسع الصبح اتغسلت و خلصت جان اتقول لي الوالده اسير وياها المزرعه كان الجو رهيب ومغيم و يطيح نفاف و فوق ها طلعنا نتمشى هع وانا اتمشى اريد اظهر الكيمرا بس ما اروم عشان بيدخلها مطر ونحن بالطريق زاد النا المطر وانا كنت لابسه شال و حطيته فوق راس ماما واما انا ما يحتاي من الله ابا المطر واراكض فيه فاتسبحت وانا اتمشى و عقب وصلنا المزرعه دخلنا واتمشينا سرت عند الدياي والحمام وعقب وقفت عند الجلب شفته يوعان حرام المهم كملنا لين وصلنا عند البقر شفتهم وخلصت وجان اسير عند البوش وهناك هم يغنون بروحهم هع المهم شفت البنغالي اللي يشتغل هناك يالس يسوي صالونه للبقر هع << بقر متطورين وبعدين تميت واقفه تحت الشجره لان المطر زاد وانا ميته برد هع مع اني لابسه جاكيت المهم ظهرت فوني واتصلت لأخويه اريده اييب شهادتي لي وياليتني ما طلبته لانها صدمه كبيره لي المهم رديت البيت والنفاف كله مخرسني دخلت وبدلت ملابسي ولبست لي جاكيت و ع طول عند الكمبيوتر فتحت المسن والمنتدى اسولف فالمسن و المنتدى شفت عندي رساله خاصه ورديت عليها لا اييكم الفضول من منو لووول وكملت يومي عند الكمبيوتر لين الظهر وعقب شفت شهادتي وانصمدمت منها منقصيني وايد درجات يعني درجات المحاوله عندي الشهاده مالها وعقب بنفس المكان حاطين درجات ثانيه الله يسامح كل من حط النا امتحان صعب والله يسامح الوزاره اللي ما تراعي الطلاب يعني اول شي راحوا للجامعات وشكثر من الطلاب ظهروا من الجامعات والحين الطلاب الله يعينا يارب سرت عند اللاب عقب وسكرت المنتدى وكل شي بس يلست اسمع اغنية unfaithful لانها تريح اعصابي وتنسيني الدنيا لين اذن العصر وعقب سرت عند اخواني الاولاد دقيت شوي وياهم سوالف لين تعبنا انا رقدت ع سرير اخويه واخواني الاثنين بسرير واحد عشان برد ونبا ننخش تحت اللحاف ونسولف لين تعبنا وغفلت عينا وعقب اخويه سوا النا حشره خذت اخويه الثاني ويايه غرفتي عشان انكمل رقادنا هناك وكملنا هع يت اختي من الدوام وجان اتوعيني اتقول بتطلعين انا ما صدقت و ع طول هيه وسرت وياها السفير مول واتشرينا واتمشيت وغيرت جو لين الساعه تسع طلعنا من السفير لين وصلنا البيت بس وصلت رمست ربيعتيه فديتها ياربيه وعقب فتحت المنتدى وهاي يلستي لين الحين ع المنتدى صح اتحوطت وسويت لكن مووودي هب ذاك الزود وبس من سبــب رعبـۈب مضفيـﮯ اللثـآم ليـﮯ خشع معلآق جبدهـ من حشآهـ نــۈر خ ــدهـ مثـل مـآ بــدر التمــآم ۈيـآدلن محشــۈم ع متـۈنـﮧ ڪَسـآهـ |
http://vb.ma7room.com/uploaded/1466_01231776169.jpg اممم مثل ما تعودت لازم اشوف رااي حد بين فتره وفتره المهم اليوم تتوقعون من يا وقال لي رايه المشرفه الغواني هيه نعم المشرفه الغواني وها كان كلامها لي http://vb.ma7room.com/uploaded/1466_01232047690.gif وعليكم السلام والرحمه بخير وسهاله من صوبج ؟؟!! موجوده انتي اللي ما تبينين الله يبارك فيه تسلمين والله ها من ذوقج يالغاليه انشا الله تشوفون منيه كل يديد شو هاي يالتنكر هع ها كان اقتباس لردي هع بس كلمه للغواني عشان التوقيع اللي حاطتنه انشا الله حد يسمع منكم ويوفقكم وينجكم كلكم بامتياز والله هب انتوا بس اللي ناقصين هالكثر حتى نحن والله انصدمت بكل الدرجات احس اني حاله كل شي صح واليوم شفت كل شي غير لاتحطين فبالج اي شي سوي اللي عليج والباقي ع الله الحين نحن بإجازه عيشي اجازتج بدون اي طاري للوزاره انسي انج فالمدرسه اعتبري لج هاي حياه وما فيه سكول هع وبس تسلم يمناج ع الكلام الغاوي |
http://vb.ma7room.com/uploaded/1466_01231776169.jpg تعرفون اليوم برد مووووووت اووف تيمدت من البرد :3096.gif: المهم هب ها محور حديثنا الحين واانا يالسه عند المنتدى شفت عندي رساله خاصه تخيلوا ويايه منو مطرشنها قولوا يالله هع اللي مطرشنها الله يسلمكم اخويه المشرف النعيمي بصراحه اول ما شفت الرساله استغربت خفت انا قايله شي ولا شيات هع ويم فتحتها قريت الرساله كلها وجان تظهر عن المدونه هع المهم الرساله احسها شوي شخصيه وما حبيت احطها بس بحط الكم المرسل لوول http://vb.ma7room.com/uploaded/1466_01232100850.gif الصوره فيها هيبه و بين الكلام بس حبيت اقول الله يرحم يميع موتى المسلمين وانشا الله بكمل كتاباتي فهالمدونه لان بديت اشوف ردود الاعضاء والمشرفين بعد في منهم ما قصروا بكلامهم الغاوي والله يعافيك ويبقيك يالنعيمي مرورك كان وااااايد غاوي وحتى رسالتك وعرفت من عندك معلومه وايد استانست عليها و ع طول رحت ركضت عن الوالده وخبرتها هع جان اتقول تدري هع احس اني تقفطت هع تسلم والله ومشكور ع الطله اللي كانت اكثر من غاويه :10: |
| الساعة الآن 05:53 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir