منتدى استراحات زايد - بحر جده..!! "واخر حروفي سلامي يابحر جده ~ والله والله ماغيرك برا حالي"

[size=6][font=Comic Sans MS]
واهنيك فـي حياتـك بالهنـا يالورقـا
واهنيك تلعبيـن السامـري مسـروره
واهنيك من كـوى قلبـك بنـار الفرقـا
ولا حنا الهجران حالك حنيـة الباكـوره
ولا غرق جيبك وكمك من هميل الزرقـا
ولا انتبهتي هود ليل من الكرى مذعوره
ولا سرابك هاجس الخلان غرب وشرقا
من هزيع اليل لين الصبح يبـدي نـوره
مثل من دنيـاه بالحيلـه درقتـه درقـا
من كثر غاراتهـا ضـده تهشـم زوره
في النحر فرسانها دايـم طعنهـم زرقـا
وصار جيشه منهزم وجيوشها منصوره
ما مرادي منها واخطو العنـود الطرقـا
لو تبيـن قدمـي المكيـاج والحمـوره
حالي اللي سمها واللي سرقهـا سرقـا
شـوف دار كانـت بسكانهـا معمـوره
يوم اسير في ربوع اوطان روق وبرقـا
شوفها يحزن بعـد سكانهـا مهجـوره
منهم من اللي هاجروا بديار حضر الورقا
ومنهم اللي في ثراها اجسامهم مقبـوره
ما بقي في مرحهم غير الشنون الحرقـا
والاثاثي والرحى والبرمـه المكسـوره
كل ما اشتاق إلمباديـه المنيفـه وارقـا
قام فلم الذاكره قدمـي يعيـد الصـوره
وانزل وجيبي وكمي من دموعي غرقـا
ولو تعل العين الارض بدمعها معـذوره
ليت ذكرا ذكرها في وسط جوفي عرقـا
تنمحي مثل الطباشيـره مـن السبـوره
وليت جرحي بالعـلاج وبالقرايـه يرقـا
وليت جرحي مزمن يحتار بـه دكتـوره

الشاعر غازي بن عون والشيله لمهنا العتيبي

ــــــــــــــــــــــــــــــــــــــــــــــــــ ــــــــ

أبنشدك يا صحيبي ليـش هالصـده
ثلاثه شهـور ماشفنـاك يالغالـي
يالي تجيب الخبر لاهنـت لـه وده
مرسول من خاطري كالسكر الحالي
قله صحيبك حزين طـول هالمـده
أنته نسيـت الخـوي وإلا يورالـي
يا بو حمد صاحبك حال الهوى هده
الله يامكبـر همومـي وغربالـي
لا واوجودي على شوفت بحر جده
أذن تصفى هواجـس علـى بالـي
لا واوجودي على اللي ناعم خـده
شيهانة تطرق الأول علـى التالـي
بالزين مقياسها ماحد وصل حـده
ماهي خرافه ولا هو قول جهالـي
بنت الدلع في دلعهـا ماحـد قـده
مدلعه في ثرا مـن يحتـم التالـي
يومن عيني لصوب الحـزن ملـده
مافيه غيره يخلي خاطري سالـي
انا اشهد انه سكن وسط الحشا وده
ياوجد حالي على ما اشوفه قبالـي
أثر المفارق عـذاب لعنبـو جـده
وأنا كما تايه وسط الخـلا الخالـي
خضيت بحر الغرام بجـزره ومـده
وأشعلت نار القصايد بأشهب اللالي
وأخر حروفي سلامي يابحر جـده
والله والله ماغيـرك بـرا حالـي