منتدى استراحات زايد - انا الي يداوي جروح البشر و نسى نفسهـ

البـــآرت الثــــآني ..*

اول شـى بعرفكمـ علـى عايلـة خليفـه

ابو خليفه : ريـال متوفي من قريب بسبة قلبه كان وايـد ضعيف و الفتـره الأخيـره وايـد تعـب بسبة الأهمـال محد كـان يهتم فيه
ام خليفه : حرمه كبيره في السن .. تقـدرون تقولون عنها ام ويهيـن .. عند الحريم ما احلاها .. بس هي الصدق حقـوده وايد .. متسـلطه اسلـوبها وايد خايس .. و بخيلــــه وآيـد
خليفه : عمره 26 طبعا عرفتـو شخصيتـه من خلال الجـزء .. واحد لعـاااب درجـه اولى .. قام يسكر الفتره الأخيـره .. شغـلته يقـص على بنات الناس ( المثال الأول ميثا ) .. و يشتغل موضف عادي ورآتبه زين يقـدرون يمشون حالهم فيه
هند : عمرها 16 ثاني ثنوي - ادبي - .. هاي مظلـومه وايد .. زين منـها مستحمله هالعايله .. وايد مشددين عليها .. هي الي تغسل , تطبـخ , تنظـف و كل شغل البيت على راسـها ..

اهل خليفه ناس على قد حالهم ..

المـوهيمـ .. نرد للقصه ..

في بيــت خــليفه ~

ام خليفه : شـوف خـلوف اليوم المسا بنروح معا خالكـ علي بيت ام مـايد .. ياويلكـ ان فشلتنا هناكـ .. اصلاً زين منهم وافقو عليكـ ولا واحد سكير شو يبون فيكـ .. بس احمد ربكـ انته مايـدرون عن سوالفكـ..
خليفه : اووووهـ انتي كل يوم تعيدين هالأسطـوانه فهمت والله فهمت
ام خليفه : زين زين فكنا .. اقولكـ روح ود هنـد السوق خلها تشتريلها لبسه تلبسها اليوم عن تفشلنـا اباها تكشخ يمكن حد من عيال ام مايد يعجـب فيهـا و يخطبها و تفكنـي منها ..
هند الي كانت تسمعهم : يــالله يا امايه لهالدرجة انا مثقـله وعـله عليـج تبيـن الفكـه مني ..!!
ام خليفه : اووه اسكتي اسكتـي عن تسويلـي فلـم هنـدي بعـد ..
خليفه : يـالله هند بسـرعه اتـرياج في السيـاره ..
هند : ان شاء الله .. الحين يايـه

فـي بيـت ابو مايـد..
~ في غرفـة ميثـا

ميثا: سلامي ماعـرف شو البس !! .. شو احلى البـس تنـوره و قميص ولا المخـور ؟
قبل ماترد سلامي دخلت ام ميثا : ها ميثـا شو فيـج محتـشره ؟
ميثا : امـايـه شو البس ؟! المخـور ولا تنـوره و قميـص
ام مايد : لا البسي المـخور احلى .. الا هـي عزيمـه بسيطه ..
ميثا : هممم .. ها سلامـي شرايج انتي ؟
سلامي : انا رايي مـثـل عموه .. بيطلـع روعـه عليـج بالـذات لأنه هاللـون احسـه حلو عليج

راحت ميثا تلبس المخور .. الـي لونه عنـابي و ذهـبي و شكـله وايـد فخـم ..
بعدين سلامي حطتلها ميكـ اب خفيف كانـت روعه و لبست الأكسسوريز ماليلها ..

سلامي : والله انج روعه .. دام هاي عزيمه و جي طالعه عيل الله يعين في العرس كيف .. اكيد بتقولين للقمر قوم خلني اقعد مكانكـ..
ميثا : احم احم .. اييـه استحيـــت ..

دخلت عليهم مريم ..

مريـم : الله الله عالقمر الي جدامي الرقم فديتـج
ميثا : الله يقطـع سوالفج عنبو الرقم مره وحده شو واحد من الشبـاب انتي ..
مريم و سلامي : ههههههههههه
مريم : انزين ترا اهل المعـرس تحـت ..
ميثا ( و هي شاقه الحلج ): قـولي والله ؟؟!!
مريم : ليش بجذب عليج .. اخت المعرس تحت شكلهـا جي كبري
سلامي : عيب عليـج ليش مـازقرتيها ..؟
مريم : مـااادري .. ساااااكته طول الوقـت استحيـت ارز ويهـي و ازقـرها..
ميثا : اونج عاد تستحين مـن متى ..
مريم : بس هالفـتره بسـكت عنج عاد اونج عروس مانبا نزعلـج .. المهـم يالله يتريونج تحـت عشان تسلمين عليهـم ..

نزلن البنات تحت .. اول مادخـلت ميثا طبعا يلست ام خليفه تمدح فيها و يلستها عدالها..

خلصـت العزيمه على خير .. و كلـن راح بيتـــه ..

في الصاله ام مايد و ميثـا يسـولفن ..

ام مايد : ها ميثـا شـراج في عمتـج و بنتها ؟
ميثا : ياحليلـهم وايـد طيبـات و حبوبـات ..
ام مايد : مادري بس انا مـن شفـت ويه ام خليفه مارتحتلهـا
ميثا : ليش حرام وايد طيبه و يلسـت تمدح فيني
محمد : هيــه اكيد الحين انتي مستانسـه اول مره حد يمدحج
ميثا : حمود اسكت احسلكـ .. و بعـدين ليـش راز ويهكـ انجـلع
ام مايد : محمد فديتكـ خل اختكـ و روح ارقد احسلكـ
محمد : اووهوو حتى في الأجازه ترقدون الواحد بالغصب .. بروح عند مايد (( وراح عنهم ))
ام مايد :خلي عنج محمد الحين .. المهم ميثاني مـن باجر تروحين تتشـرين اغراض العرس ..
ميثا : ان شـاء الله ..
ام مايد : هيــه صح ..اكيد عرفتي ان العرس بعـد شهر .. و هم يبون رايج اذا عادي عندج مايسون عرس بس حفلت الملجه و تروحين بيـت ريلج ؟
ميثا (منزله راسها هي فخاطرها تسوي عرس ماصار ولا استوى بس تعرف انه خليفه مايقدرعلى هالمصاريف): همممـ .. هيـه يا امايه عادي ..
ام مايد : غريبـه انا اول مره اسمـع انه فـي بنات مايبـن يسـون عرس و لا يلبسـن فستـان ابيض ..
ميثا : ههههه عاد شسوي انـا وحده من هالبنـات ..

و قطع كلامهم رنة تلفون ميثا ..
ميثا : هالــوووهـ
سلامي: ميثـووووهـ الحقي منصوور بيرد باجر الحمار توه قـالي .. والله اني مستانسه
ميثا : والله !! زيـن زيـن ..
سلامي بحزن : تـدرين ليـن الحين محد قاله انج انخطبتي و بتعرسين قريب .. والله حرام احس بينصدم
ميثا : اااه شو نسوي بعد الله يصبره .. تصدقيـن احس اني نسيت شكله ولل من زماااان ماشفته
سلامي : هيــه والله مايسوى علينا يدرس طب
ميثا : هههه انزين اقولج باجر الساعه 11 تعالي بيتنـا
سلامي : لا والله اشوف بس انا الي أي بيتكـم و انتي ماتين !!.. مايخصني باجر انتي تين
ميثا : سلامي عن الأستهبال تعالي انتي عشان بنطلع بروح اتزهب حق العرس
سلامي : هممم اوكـــي .. بس يوم بنخلص من المول بنرد بيتنا على طول
ميثا : لا والله اروح بيتكم و اغراضي وين اوديهـم ان شاء الله
سلامي : تستهبلين يعني مافيهـا شى بنخلي الدريول ينزلنا بيتنـا و بعديـن يـودي اغراج بيتكم يعني من بعـده بيتكـم الا فرة حصى
ميثا : انزين انزين .. اقولج متى بيّ منصــور صرور ؟
سلامي : صرصـور بعينـج .. اظـن اظـن بيّ جي عالمـغرب ولا بعـد صلاة العشـا ..
ميثا : اهـاا .. يـالله عيل بسكر عنج بروح ارقد عشان اقوم نشيطــه
سلامي: هيـــــه حق الطلعات نشيطه اما اتذكر حق المدرسـه وكانو ساعه كامله يـدقون عليج الباب و انتي راقده لا و ساعات اتصيحين و تسويلهم مسرحيه عشان تغيبيــن ههههههههههه
ميثا :هههههههه جــب جـب مايضحكـ
سلامي : ههههههههااي عيل مايضحكـ شحـقه ظحكتي
ميثا : سخيفــه سلامي .. يـالله باي

راحت ميثا غرفتهـا و لبسـت بيجـامتها و قـبل ماتـرقد يلست تفـكر في خليفـه و في علاقتهـم و كيف تعرفت عليه

<<~ اكيد انتو متحرقصين تبون تعرفون كيف تعرفت عليه..

ميثا كانـت مشتركه في منتدى و خليفه بعد كـان مشتركـ فيه .. كانو دوم يلعبون معا بعض و يردون على مواضيع بعض .. مره خليفه طرشلهـا رسـاله خاصه و كاتـب فيـها

(( السلام عليكم اختي .. شحالج عساج بخيـر ؟ .. لو سمحتي اختي اباج تضيفيني عالمسن ابا مساعدتـج شوي لو عادي عندج خذي ها ايميلي [email protected] .. فـداعة الله ))

وطبعاً ميثا تـرددت وايد بعديـن قالت ياحليلـه يمـكن يبـا مساعدتهـا في شى .. و ضافته عالمسن .. يلست تسولف وياه و كانت تعتبره مثل اخوهـا .. و تعودت كل يوم الفليـل تقريبا الساعه 1 لين اذان الفجر تكلمه عالمسن و تسولف وياه صارو تقريبا يعرفون كل شى عن بعض و بعد شهر و شوي خليفه قاللـها :..

الشــاهــد الله مانسيـتـكـ دقـيـقـهـ ( نكـ خليفه ) : ميثانـي انا ابا اعترفلج بشى بس وايد متردد

ما اغير اطباعي لجل خاطر الغير(نكـ ميثا) : هـا خلوف بدينا انخش عن بعض يـالله قـول لا تتردد..

الشــاهــد الله مانسيـتـكـ دقـيـقـهـ :اول شى انــا شـو بالنسبــه لـج ؟

ما اغير اطباعي لجل خاطر الغير : خلـوف انته شخص عزيز و غالي عليه تعودت كل يوم اكلمكـ

الشــاهــد الله مانسيـتـكـ دقـيـقـهـ : بــس ؟؟!! .. تعرفين انتي بالنسبـه لي شى ثاني .. انا اذا ماكلمتج يـوم وآحـد احس انـه شى ناقص في حياتي .. لا تستغربين من كـلامي .. ميثانــي انـــــااااااا احبـــــــــــــــــج ..

و طلع من المسن بدون مايعرف رد ميثا .. و بعدها بكمن يوم رد يكلمها و بعـدين هي حست انها تحبه و اطـورت علاقتهـم بتلفـونات

(( اخـواتي و اخوانـي .. هـل صـدق انتـو تعتقدون انه شـى حب عالـنت !! .. انا بصراحه اقـول لا و الف لا !! ..
لأنه انـتو تكلمون بعـض من ورا شـاشات ولا حد يعرف عن الثاني شى .. ولا تعرفون اشكال بعض .. و هذيـل الناس يستخدمون النت بشكل غلط × غلط .. ))

في اليوم الثاني .. دشـت سلامـي غرفت ميثا كل عاده تصارخ ..

سلامـي و هي تسحب لحاف ميثا : يــــالدبــــه اونـه بتقوميـن نشيطـه .. امحق نشاط بذمتيـه يـالله يـالله قـومي ورانـا حـواطه !! ..
ميثا : اقـول سلاااامي بس 5 دقايق..
سلامي : ههههههههههههههه دخيلج ميثـا قومي و شوفي عمرج الله يعينــــه ريلج اذا جي بيصبح ع ويهج
ميثا( فرت المخده على سلامي ) : جب جب يعنـي وحده توهـا قايمه من الرقاد كيف تتوقعـين بتكون .. قامت ميثا و هي تتأفف ..
و شلت فودتها و ملابسها و دشت الحمام عشان تاخذلها شـور و تلـبس

نزلت سلامي تحت عند ام مايد و مايد ..

سلامي : السلام عليكم ..
ام مايد + مايد : و عليـكم السلام ..
ام مايد : ها سلامـي قومتي ميثا
سلامي : هيه خالـوه ..اقـول خـالو بتون الفلـيل عنا تسلمون ع منـصور ؟
ام مايد : لا فديتـج ترا امج عازمتنا عالغدا باجر عشان منصور .. و بعدين اليـوم يوم بيـرد اكـيد بيـكون تعبان ومافيه عالمـجاملات
و دخل عليهم محمد : اوب اوب سلامي هنـــي شو الطـاري عليـج يعني من الصبح يايتنـا
سلامي : خيــر ان شـاء الله اخ محمد يعني تباني اروح ؟
محمد : هههههه شفيـج انتي ماقصد شى .. عيل وينها مريـوم الـدبه ؟
سلامي : مريــوم في البيت راااقده ..
ام مايد : يا ويلي عليهن بنات هالأيام لهالوقت يرقدون .. ماخذن منا من الساعه 6 نقوم و نروح نساعد امهاتنا نسوي محلا و خبز رقاق و نوزعهم على الفريج كله..
مايد : يـــالله يامايه قبـل غيـر و الحيـن غير .. عيل الحين البنات مايدخلـن المطبخ

دخلت عليهم ميثا : يـــالله سلامــي تأخرنا الحين بتصير الساعه 12 و نحنا ماظهرنا
محمد : استغفر الله النـاس تسلم اول ..
ميثا : مايخصك انته .. اقول امايه منو بيـودينـا ؟
ام مايد : روحن ويـا مايد
مايد : الله يعيني .. يــالله بنات قـومن ..

و راحو الثلاثه المول ..

.: فـــي المـــول :.

طبعا البنات ماخلن شى ماشترنه و ياحليـله مـايد مستـوي الحمالي ..

مايد : أيــــه انتـو انا تعبـت و انتو يالسات تتشـرن يالله شوفـو الساعه 2 .. عنبـوكم مـن ثلاث ساعات و انتن تحاوطن ..والله يوعان تراني ابا اتغدا ..
ميثا : حبيبي ميـــــود بس بنـدخل هالمحل و بنروح ناكـل ..
مايد : اففف يالله انزيـن بسرعه .. انا الغبي الي قلت بوديكـن..
سلامـي : ههههههههه حالتكـ صعبـه
مايد : جب انتي ..

دخلن البنات المحل و يلسـن يتـشرن..و بعـدين راحو يتغـدون ..و بعدين مايد وصل البنات بيت سلامي و رد البيت عشان ينزل اغرآض ميثا و يـرتاح (( مسكيـــن مـآيد لله يعينــه الصراحه خخخ ))

.: بيــــت ابو منصـور :.

فـي غـرفة منـصور كـانن سلامي و ميثا يرتبونهـا و يعـدلونها عشان منصور بيرد اليوم ..

سلامـي : ميثاني كيـف شكـل خليفه يعني حلـو ولا ؟
ميثا ( و هي ادخن الغرفه ) : هيــــه هـو حلو ..
سلامي : طبعاً بس مش احلى عن منصـور
ميثا : الصراحه منصور غير .. منصور وايــــد حلو الا يجنن .. و طيبتــه و حنيتـــه الي محليتنـه اكثر .. و وايد تعيبني شخصيته وشكـ ..
قطـع كلامهم منصـور الي كان يسمعهـم من اول مايلست ميثا تمدحه ..
منصـور ( و هو مستانس حده عالكلام الي سمعه ) : الســــــــلام عليكـــــــم يـاحلوات
سلامي ( على طول ركضت صوبه و لوت عليه ) : منصــــــــور حبيبـي والله اتـولهت عليــــــكـ ..( و يلست ادمع من الفرحه )
ميثا و تقول في خاطرها ( يــالفشيله لايكون كان يسمعنا ) : الحمدالله عالسلامـه منصور .. نورت البـلاد برجعتكـ
منصور ( و نظرات الشوق فاضحتنه ) : الله يسلمج حبــ .. أأأآهـ ميثـا ..
سلامي : منصور كأنكـ قلت بتي الفليـل الحيـن العصر ؟
منصور : قلت ابا اسويلـكم سبرايز ..
سلامي : و احلى سبرايز والله .. ايييييييـــه منصور شفيكـ جي ضعفـان !! ..فقتهـم بلاد الكفـآر مايأكلونكـ زين حسبي الله عليهم
منصور : هههههه شفيج انتي تتأدعيـن عليهـم .. و بعديـن أحم الدكتـــور منصـور مـاياكل الا مـن طباخ امه ..
سلامي : الله عليكـ يالدكتور .. يـالله انزيـن تـعال تحـت سلم على امايه اكيد بتفتحلكـ منـاحه
منصور : فديتها سلمــت عليها من قبـل شوي ..
ميثا : يـالله سلامي خلي منصور بنطلع عنـه
منصور : يـــــالله يا ميثا مسرع ما مليتي مني ..
ميثا : لا حشى عليه مامليت بس يعني بنخليكـ تـرتاح شوف ويهكـ كيف غادي يبـالكـ تـرقد و تـرتاح ..
منصور ( يعلني افداها حاسه فيني ) : هههه انزيــن يالله طلعو بـرع بـرقد ..
ميثا و سلامي : لا والله و تطرد بـــعد !!
منصور : ههههههه استهبل استهبل انزين يلسو هني انا بتسبح و برقد..
ميثا : سلامي يعنـي شو اقوى من انـج تنطردين يالله قومي خلينا نطلع ..

وراح منصور يتسبح و قبل مايـرقد يالس يقول فخاطره (( يـالله فديتهاااا والله والله سمعتها يالسه تمـدحني احس انها تحبني والله انا اموت فيها )) و رقـد و هو يالس يبنـي احلامـه انه ميـثا بتكون لـه بروحه و محد بياخذها عـنه

( مسكيـن يا منصور ماتدري انـه ميثا مخطوبه )

ستـــــ StoP ـــــــب ~

اتريـــآ ردودكمـــ و تعليقـــآتكمـ .. !!