وعليكم السلام ورحمة الله وبركاته

ذكرتيني بأيام المدراس .. يوم كانت روسنا تتشي من هالسالفة..

اربيعتي شراتج .. في نفس سنج هذا... كانت تبي قاانون .. وذابحتنا تبي تستوي محامية.

وكلن منا كان يبي ويحلم انه يكون شي معين ..

بس يالغلا .. لا تفكرين ألحين .. أنتي اللي أسهل عليج دخليه .. اهي دشت علمي ويانا .. وبعدها دخلت الجامعة .. وألحين تدرس تربية وبتصير مدرسة ان شاء الله .. وحنا كلن توكل على جامعته اللي يبي يدرس فيها ..

ما تدرين يمكن تغيرين رايج بعدين ...

ولو في آخر سنة احترتي .. صلي استخارة

الله يوفقج .. وايسدد خطاويج .. ويبارك لج في كل شي.

والله اخوااني .. انتوو احلى مافي الدنيااا ..

مشكوورين وماقصرتووو .. وانشااء الله بصلي استخاارة ..

وبجووف .. والله اعلم مثل ما قلتوو يمكن اغير راايي .. هع

مكشوورين فديتكم عـ الردوود النااااايس

^.^"

شوفي هاليام الدراسه تعتمد ع الطالب لان اكثر المعلمات ما يشرحن عدل و طبعا في الاعدادية غير عن الثانويه

و انا اشوف اذا دخلتي ادبي ما فيها شي دامج تبين تخصص ادبي يعني انا الحين داخله علمي و ميولي علميه و ادبيه في نفس الوقت بس المسات عندنا ما يساعدون ان نيب درجات معنى كنت في عاشر تووووب و امتحانات العلميه ع فكره اتيي على الفهم على الرغم ان حتى العليمي في الجيولوجيا و الكيميا و بعض المواد فيها حفظ يعني ما فرقت .. طول السنه انتي تحفظين و في الاخر في الامتحانات ايبون لج ع الفهم طول السنه المسات يخلونج تحفظين اوكي و بعدين و في الامتحان شو بتسوين اذا يابوا لج عن طريق الفهم بضيعين و ما بتعرفين تحلين .. انا من رايي اذا انتي بتدخلين تخصص ادبي عقب ادخلي من الحين ادبي ولا تعورين راسج في العلمي انا في علمي و اشوف البنات كيف مش مرتاحات و انا منهم و في الاخير ما انيب نسبه على الرغم ان نكرف كراف و انا وحده مب من البنات اللعوبات بالعكس من البنات الدحيحات و لدرجة يسموني في المدرسة بنت الابله من كثر ما ادرس .. بس الحين انا في اخر سنه لي دراسيه و طبعا بحول ادبي بس عشان النسبه لان النسبه هي تحدد مصيرج شو فايدة انا دخلت علمي و ما يبت نسبه ادخلني الجامعه ..

و ع فكرة انا وحده ما احب الحفظ ابدا بس الحين بحول ادبي و في معلومة صغيره اذا مب لازم في ادبي انتي يعني لازم تحفظين لا تقدرين تدرسين المادة و تفهمينها و اذا فهمتيها اكيد بتحفظينها .. انا جي اسوي و اغلب البنات جي يسون
و اذا تبين اي معلومات عن طريقة الدراسة في علمي ولا في ادبي او عندج اي سوأل طرشي لي رساله و ان شاء الله بساعدج .. لاني حاليا ثانويه عامه .. فأقدر اساعدج لو تبين .. و فالج الطيب خيتو و موفقه يا ربي



تحياتي : سندرلا

حبيبتي والله فديتج .. ما قصرتي من عيوني الثنين ..^.*

ومشكوورة فديتج عـ الرد والرااي النايس

^.^

مرحبا اختي ،

حلو انج تفكرين لمستقبلج من الحينه ، بس انتي سايرة عاشر
وعاشر مكس ، مافيه علمي ولا أدبي . !

ثاني شي بخصوص القانون ، ما يخص العلمي والأدبي فالموضوع
واعتقد ان العلمي اشمل ، يعني انتي لو علمي بترومين تاخذين قانون

إن شـآء الله أكون افدتج بشي
تقبلي مروري