|
... .. عـ اغنيه مييحد .. دخل ذيااب ... وراافع رااسه بكل غرووور ... كاانت ندى اخته ويااه ... ماسكه ايده وتوديه صوب الكوشه وتيلسسه ..... وكانت تسمي بالرحمن لا ينظرونه بعيين ...... وذيااب يمشي ولا يفكر بشي كل همه يووصل بسرعه .. يحس بقلبه بيطلع منه ........ يلس شوي والناس مرتبشه ع الاغااني .. والبناات مستخفااات ع ذيااب ....... ذياب ... 27 سنة .... دكتور نفسي .... اسمرااني ... طوييل وعرييض واايد ماشاء الله علييه ... عليه جماااال .. عيونه كبااار وحيااه مقروونه ومرسومه رسم ع عيينه كاامله ...... خشمه سيف وحااد .. و شفايفه متوسطه مترتبه ع ويهه ........ شعره اليين تحت اذنه .. مدرجه بشكل خفيف وكووول ... ذياب يطالع ندي : ابا ماي .. ريجي ناشف ..... ندى تكلمه امها : اميييه .. ذياب عطشاان هاتيله هالماي الي حذالج ....... ام ذيااب تيي صوبه وتعطييه قلاص ماي ويشربه دفعه وحده ......... ذياب : دنوو متى بتي ؟؟ .. بس ماقدر اتحمل انا ... ندى : انزين اصبرر احيين بكلم خواتها بجووف .......... ذياب يزخ ايدها : تعااااالي وين تخلييني روحي !!! ندى : شفيييييك ريال شطولك شعرضك وتخاف .. قوم عني ..... " تخوز ايده " ذياب " بتشوفيين .. مش خاايف .. متوتر ... يارب .. الهمني القوه والجراه .. اخاف اطيح جداامها .. واصير انا البنت " اما ندى سارت عند شهد : مرحبا ؟؟ عطوووونا وييه شوووويه ...... شهد : هلا والله دنووووه ... شخبارج ؟ شوووه هالحلا خفي علينا ..... ندى : خلي عنج .. اخويه بيموت متى بتظهروون مهاري؟ شهد : ماعرف والله الحين بسير ارمس الود بقولهم يدخلونها .. ندى : هيه الله يخليج استعيلي عن يموت اخويه هههه .. شهد : هههههه خلاص مايهمج ..... يت الود صوبها : شبلااج تطاعيني ؟؟ شهد : دنوه تسال متى بتدش مهاري ........ == اطفت الليتات ===== الود : الحيين ...... حد منكم شاف في هالدنيا بدر ........ مقبلن يمشي ومن حوله بشر ......... لا اله الا الله ...... ع النبي محمد .... يالله صلو عليه ............... < مهاري .. اااه يالسه امشي ع منصه موتي... امشي اودي روحي ع قبري ... ماقادره ارفع راسي ولا قادره اتنفس ولا قادره اسمع شي .......... كل الي تسويه تمشي وراسها فالارض .. والمصوره محتشره .. تباها تطالع الكام .... وهيه طااف ... نوره : مهااري حيااتي انتي .. رفعي رااسج شوي .. مهاري صدت يمين اطالعتهم ... قدرت ترتااح شوي يوم جافت خواتها يريحونها ويبتسموولها ... ابتسمت ببراءه .. وكملت مشيها من غير ما تطالعه ... اول ما وصلت جدااه وقف لها ... وهيه وقفت مجاابلتنه بس ماتطالعه ... ندى : بوس رااااسها اييييييه ... ذياب باس راسها : مبروك .... مهاري : ............... عدلت وقفتها ووقفت حذاله .... كاان اطول عنها بشووي ... بس بصراااحه لايقيين ع بعض ... صح كل وااحد واارم وفي حاله بس شكلكم اثنيينهم عجييب ......... تمت المصوره تصورهم والناس بدت تسلم عليهم والزغااريط شاله المكان شل ....... ولين الحيين مهاري ما صدت له ...... عقب ماهدا الوضع شوي ويلستهم هنوف ...... واخيييرا تكلم ذياب ........ ذياب : ممم مهره ؟ مهاري : ...... ذياب يمسك ايدها : احم .... تحس بايدها ترتجف .... قلبها وقف مره وحده ..... ياربي ها سخيف ولا يتساااخف .. حق شوه ميودني شوه يباا ....... ذياب :اكلمج شفيج مسويه طاف حق ريلج .. " يغير نبره صوته " ها اول يوم ..... مهاري واخيرا رفعت راسها " بسم الله الرحمن الرحيم .... هالريال جايفتنه انا ..... وين ويين وييييين ياربي ... هييييييييييه مال كنتااااااكي .... طلع ذياااااب ... واااااااايه يافشيلتي فشيلاااه ......... " ذياب مبتسم : مستحيه ؟ مهاري ترد له الابتسامه بس بشكل اخف : ...... ذياب : شبلااج عاادي .. مهاري بصوت خفيف : يعني انته مش مستحي .... ذياب " وافديت هالحس " : لا مش مستحي ... بس متوتر شوي ... كيف استحي من حرمتي ؟ مهاري سكتت ونزلت راسها ... اممم حلوو .. لا وشكله سوالف .. بس لا تخاف .. ما بسويلك سالفه .. ندى تقربت منهم : ياويلي ع الرومنسيه ....... ذياب : أي رومنسيه ... ؟ هبلا انتي ! ندى : هههههههههههه الحين استويت هبلا .. استغنيت عن خدمااتي ...... ع العموم قومو يلا بتلبسبون الدبل ... ذياب : خلي الدبل تينا شله تتعب " ويصد صوب مهاري وبكل حنيه " العروس .... هنوف يتهم ....... : افا علييك جني حسيت بك ويبتهم لين عند ريولك هههههه .. شوه تبا اكثر النسيب .. ذياب متلوم : اسمحيلي الشيخه .. والله امزح ويا ختييه بس ...... مهاري صدت له .. " اونه ذرب ويستحي بعد " ومن حست انه بيصد لها لفت ويها ...... ام ذيااب : الف الف الف مبروووووك يا بنتي .... الزيين ماخذ الزيينه ...... قامو ذياب ومهاري ... وطبعا ع كل حركه يسوونها المصوره ماتفوت شي ........ يابولهم الدبله ..... الحين الوهقه ..... هنوف : مهووور يلااا لبسيه .. مهاري : مابا مابا .. شوه مايعرف يلبس روحه .... ذياب منزل راسه ويحيس ثمه : لا ماعرف ..... الود : يالفشيله سمعنا لبسيه يلا بلا فضااااايح ........ مهاري : شوه ازخ اييييييده استحي انا اخااااف ......... ام ذياب : ذيااب ابويه لبسها الدبله .. اندوك ........ وتعطييه البوكس ..... يطلع منه الخااتم ويشل ايدها الي كانت ماسكه ايد الود ... وبكل جراااءه دخل الدبله في ايدها وهو مبتسم ........ هنوف : جفتي والله السااااالفه عادي . انتي لا تطولين الوقت ولبسيه بسرعه ....... شلت مهاري الدبله بالقوو ... وهو سهل عليها المهمه رفع ايده صوبها .... من كثر الارتباك ماتعرف شقاايل تدخل الدبله ... جنها تسوي عمليه .. ايدها اليسار زاخه بدايه كم الكندوره .. وايدها اليمين دخلت فيها الدبله بشويش ....... وام ذياب عطته قلاده الماس يلبسها ..... ونفس الشي ماطول السالفه ع طول لبسها ومن اول محاوله سكرره .. شكله متدرب .... ردو يلسو مره ثاانيه ..... ندى : اعنبوووو ما تصدقون انتو نشو بتشربون العصير وبتقصووون الكيك ..... مهاري تتنهد ... ذياب حس بضييجها وضاج ... شفيها هاي . ؟ ليش جي جايفه حالهاا ؟ شو ماكل حلالها انا .. كدرت خااطري الله يسامحها ... نحن تونا نقول بسم الله وهيه جي تعااملني .... لا ماعليه البنت صغييره .. ولازم بتستحي وبترتبك .... ذياب يطالعها وبنظره حااده : تبين انسير داخل ؟ وننهي كل هاا ؟ مهاري بارتباك : هاا ؟ لا عادي ... ذياب : عيل شبلاج عاقده النونه ؟ مهاري نزلت راسها .... ها ليش يكلمني جييه !!!! ماتريا كمن دقيقه وحررج عليه ... الدمعه شوي وبتنزل من عينها بس ارتجفت من لمست ايده ...... ذياب : مضايجه من شي ؟ مضايجه مني ؟؟؟ مهاري بسرعه رفعت راسها وطالعته : لا ..... مش مضايجه منك ...... ذياب ارتااح جزئيا ً : زيين فيج شي ؟ مهاري تبا تعدل الموقف ... افففف ماباه ياخذ فكره عني بعد .. ولا ابا ابويه يرد يضربني مابا انضرب لو عرف والله بيذبحني ..... : لا مافيني شي بس مستحيه شوي ..... ذياب مبتسم : شوي وبس ؟؟ كل ها وشوي ؟ زيين زخي ايدي بقوو وبتتعودين علي بسرعه .. مهاري ابتسمت : لا والله؟ ذياب بكل ثقه : هيه والله ؟؟ جربي ... رصي ع ايدي .. ولا قرمشيني بترتااحيين .. مهاري : آآآي لا حرام بتتعور ....... ذياب بخبث : بتعور ؟ تخافين لا اتعور ؟ نزلت راسها ..... والله حبوب ويدش القلب ...... بس اسمحلي بعدني ماتعودت علييك ..... يابولهم العصيير ... كل وااحد شرب الثااني ..... ونفس الشي الكيكه ...... اكلته بسرعه ... ويوم بغا يأكلها قالتله : ماحب الكيك ..... لا ارادي نقع من الضحك ذياب ....... والله مش معاريس .. يهال يلعبون .... شوه ماتحب الكيك هاي تتمصخر علي ولا شوه سالفتها ........ الود : مهاااااااري كلي ... اسمييييج فضااايح ........ مهاري كلت بالغصب ... وبلعتها مره وحده عسبت ماتحس بطعمها ....... اما ذياب ماقادر يمسك نفسه كل مايتذكر يوم تقوله ماتحب الكيك يضحك ...... والله حاله ... والله ياهل .. شهد بصوت عالي :تغطن بناات .. ابوي بيدخل .......... مهاري رفعت راسها وهيه تطالع ابوها يااي صوبها ........ أي مشااعر احس بها ؟؟؟ انت يابويه دمرتني .. والله ضيعتني ... ادري قلبك طيب .. .بس واايد ضيعتني واايد .... مع كل الي سويته .. احبك .. والله احبك يابوي .... بو الود يبوس راسها : مبرووك ......... مهاري مبتسمه وفي عينها الدمعه : الله يبارك في حياتك الغالي ... عمها ورا ابوها : الغااليه الف مبرووووك تستااااهلين الغلا ........ وحظنها بالقو خلاها تطلق العناان .. ومن عقبها سلم ع ذيااب ووصااه ع مهاري وترخص ... بو الود سلم ع ذيااب وتخاشم وياه ............ ورد لمهاري زخ ايدها بقوو .. يحسسها بالراحه والاماان .. جنه يعرف شوه بيستوي .. وكيف حياتها بتكون ... شكله واااثق من انها بترتاح وياه .... كل الي سوته الابتسامه ... الخواات ع طول صاحن . يحسون باحساس مهاري الحين كييف .... جنه ابوها يباركلها ع موتها الجريب .. ع حياتها الي بنتها وابوها هدم كل شي ......... !! بو الود يكلم ذياب : تجوف عيني يا ذيااب .,.. ترا خواتها كلهن في هالعيين " ياشر ع عينه اليمين " وهييه روحها فهالعيين " ياشر ع اليسار " غلاها كبير واايد .. لا تخيب ظني .. ماشي احس عنك يا ذياب ... < يااااالله يابوييه ... تكبرني وتخقني جدااام ريلي ...... هه .. أي عيين الي ترمس عنه ... بس كلامه قووي واثر فيني واايد ....... واايد ....... < ذياب .. ليش احس الجو متكهرب .؟؟ شوه السالفه ... مهره شو علاقتها بابوها ؟؟ مش مطمن ؟ لالا ان شااء الله خيير ....... بو الود : ياا هنوف ..... يا الود ... يالله زفوهن خل يرتااحون بسهم من اليلسه ....... هنوف : ان شاء الله ابوويه .......... الود : يلا مهاري .. يلا ذيااب قومو بتدشون دااخل الميلس ..... عسبت تتصورون هنااك وتتعشون ..... مهاري صدت لذياب وابتسمت .... والابتسامه ريحت ذياب ,,, زخ ايدها ومشو لين الميلس .... الناس بدت ترووح ... والبيت بدا يخلى ......... == في الميلس == المصوره معصبه وماسكه مهاري بالقو : بت يوووور هاااند هيير .... " وتحط ايد مهاري ع رقبه الذياب " مهاري : شوو ازغده يعني ؟ تبيني اذبحه انتي شوه ........ المصوره : اوه ماي قاااد .. بت اند بلييز بيك وااااايت :@ ., ذياب ماسك ضحكته : بس بس لاتعصبيبها عن تفرنا برع بيتكم ........ مهاري واااااايد مستحيه ماقادره .. بس هالعصبيه بلعتها كانت تسوي كل شي بسرعه بسرعه .. وبعد صووووور وااايد ...... احلى صوره كااانت ....... مهاري يوم حااطه راسها ع صدره ... وهو حااظن ظهرها ومنزل راسه شوي ع شعرها .. ومبتسم ..... وخلص التصويييير ........... من بعد ما طلعت عيونهم .......... شلت المصوره قشاارها ويت الود وشلتها ووطلعوها ......... ندى تتغالس : هااا يلا ذيااب نسير البيت ,. ذياب يطالعها وساكت ....... ندى تضحك : هههههههههههه اسولف عن تااكلني .. بنرد انا واميه الحين .. يلا شوي شوي بالدرب والف مبروووووك .......... مهاري مبتسمه : الله يباارك فييج ..... وتظهر عنهم ...... وتدش الود مبتسمه ..... الود : شكلنا ما بنخليكم تتهنون الحين ... بس سؤال تبون شي ؟؟؟ مهاري وهيه من التعب متجااهله ذياب : هيه عجلو فالعشا بموت يوع .... ذياب صد لها " فديت اليوعاانه انا " ........ الود : من عيووووني .... شوي وبخلي الشغاله تييبه ........ وظهرت ....... الوضع هااادي ..... ذياب : ممم مهاري ؟ مهاري وهيه تلعب بالدبله وماتصد له : هلا ؟ ...... ذياب : ممم ماتبين تقولين شي ؟ مهاري بتردد وارتبااك : لاء .... ذياب مبتسم ومسك ايدها الهنتيين : زيين بس عطيني ويه شوي ...... مهاري متوتره وايد طالعته نظره وردت نزلت راسها ...... ذياب : شدعوه عااد ... مهاري : .......... ذياب : ممممم انا ماقدر اقولج شي الحين ... بس .. ان شاء لله بسعدج ومابخليج تحتااييين شي .. وانا واايد شارنج وبااغنج ..... واحس اني محسوود عليج ...... مهاري مستحيه : مم شكرا ... ذياب : شحقه تشكريني ؟؟ مهاري : عيل شو اقول ...... ذياب مبتسم : ما تبين تقوليلي شي معيين ؟؟ شي عنج ؟ طبعج او أي شي ..... مممم صح تذكرت ... قطعتي الثانويه صح ؟ مهاري طالعته بكل حزن : هييه .... ذياب : امم انجبرتي ؟؟ مهاري اتوترت : انجبرت ع شوه ؟؟ ذياب : يعني ظروف الملجه وجي خلتج تهديين الدراسه ؟؟ واثرت ؟؟ مهاري " زين انه طلع جذبه روحه " : هييه .. ذياب : ودج تكملين ؟ او اقصد تعييدين السنه ..... مهاري تتطاالعه بأمل : انت عاادي عندك ؟؟ ذياب : اذا هالشي انتي تبينه .. اكيد عاادي عندي ... بالعكس بفتخر فيج لانج طموحه ... مهاري : هيه ودي ... بس .. ماعرف .... ذيااب : مممم ماباجي ع عرسنا غير شهر ! .. واذا ناويه تعييديين لازم تترين لين السنه الياايه .. يمكن الظروف تتغير ... يعني في وقت عندج كبير انج تفكرين .. ولاتحاتين تراني مانسى كلامي .. بشعجج ع كل شي تبينه ..... ماا اقدر اوصف شعور مهاري. .. كاااانت واااايد مستااااانسه ...... ماصدقت الكلام الي قااااالته .... من فرحتها ماحست برووحها الا وهيييه لاويه علييييه .... مهاري : مشكوووووووووووور واااايد ....... ذياب استغرب من الحركه ,. بس سكت ....... حسها ع نيااتها وبرئييه وواييد صغييره .... مع ان عمرها 17 المفروض تكون خلاص عارفه كل شي ... بس طبعها واايد غرريب وغاامض .. وفيه عفوويه زاايده ... مهاري اول مافجت عينها جافت روحها لاويه عليه ع طووول خازت : سووووري .... والله من فرحتي ماحسيت .... ذياب مبتسم : ليش سوري ريلج انا .. حلالج عاادي ... بكبرج حقي ... حركااتج واايد عفويه واحب هالشي فييج ... مهاري : ........... ذياب: تدرين انج حلوه ؟ مهاري مبتسمه : هيه ... ذياب : ههههههههههههههههههههه ... مهاري مبتسمه : حتى انته حلوو ,,,,, ذياب رافع حياته : جد ؟ مهاري : هييه حلييو ... ذياب باحباط : حلييو ؟؟ يعني مش مازر عينج .. اصلن البنات يتخبلن عليه يوم يجوفني في مكاان... مهاري : البنات مش انا . ذياب : وانتي شوه .؟ مهاري مبتسمه : انا غيير .. ذياب يقرص خدها بخفيف : اانا اشهد انج غيير ...... يابت البشكاره العشا وحطتلهم اياه ع الطااوله الجريب منهم ...... ماتغيرت وضعييتهم جربو الطاوله اكثر وتمو يالسين حذاال بعض .. بس مش واايد ... ياكلون بشهيه حليلهم صج معاريس ,..,, ذياب : مهااري ... مهاري تطالعه : هلا ... ذياب : هاتي ايدج شوي ...... مهاري تمد لها ايدها .... ذياب خذا صبعها وحطه ع الشااي .. " كان دافي مش حار " ... ذياب : شكرا ً .... مهاري استغربت .. شفيه هالغبي ... خذت كلينكس ومسحت صبعها .... وكملت اكل .... وتمو ساااكتيين واااايد ....... مهاري لما خلصت اكل تسااندت ع الغنقه ... ذياب : اجوفج ارتخييتي ؟؟ مهاري : شبعت الحمدلله ....... ذياب : شوه كلتي انتي عشان تشبعيين .. يلا لا تدلعيين فجي فجي حلجج ... ويلقمها خبزه ممزوره بأكل متفنن فييه ..... بصرااحه عيبتنها اللقمه بس ما قالت ..... رد اكلها مره ثانيه وثالثه ............. مهاري : بسني تعبت ...... هلكت ماقدر اكل .... ذياب : اخر لقمه .... مهاري :والله شبعت خلاص ..... ذياب : تردييني ؟؟ تردين ريلج؟ مهاري : ريلج وريلج محد عرس غيري ؟؟ ذياب : هههههههههههههههههههههههههههه .. عفويتج فالرمسه بتذبحني ... مهاري : اخر لقمه ترا ... ذياب مبتسم : ولا تزعلين اخر لقمه ..... كلته وتعمد يدخل صبعه وعضته ...... ذياب يمثل العوار : آآآي .... مهاري فجت عينها : سوووووري والله ماقصد ..... ااول مره اجوف حد يلقم ويدخل صبعه .. ذياب :آآي آآي .. انتي بقره ماتعرفين تااكلين ..... مهاري تشهق : انااا بقره الحيين ؟؟ ذياب مطنشنها : آآآي ..... خلاص بسير البيت مشكوره ..... مهاري تمسك ايده المتعوره : والله اسفه .. صبر بييب ثلج ..... ذياب مبتسم : ههههههه من صدقج انتي صدقتييني ؟ مهاري :هييه ..... ليش تجذب انته ؟ ذياب ببراءتها : هييه .... مهاري خوزت ايده : مااااالت ! ذياب ميت ضحك : هههههههه تدرين اول وحده تقولي مالت ؟؟ مهاري : وايد مغتر بروحك ترااك ... ذياب ومتعمد : ودام متزوج هالقمر كيف ما غتر بروحي ...... صخت مره وحده .. ذياب : لازم اقفطج يعني عسبت ماتتحرشييين .... مهاري ابتسمت ..... ذياب يجوف الساعه : واال استوت 1 ماحسيت فالوقت ويااج ...... مهاري تثااوب : انا حسيت ... ذياب يطالعها بهدوء : صدق ؟ مهاري : هييه ... ذياب مبتسم : خلاص عيل ما بثقل اكثرر ... مهاري : زين يوم حسيت ابا ارقد تعبت ... ذياب : لاااه يالدفشه ؟ حد يقول حق ريله جي فيوم الملجه ؟؟ تبين تشرديني ؟ مهاري : اقولك الصدق ..... ذياب مبتسم : وشوه عايبني فيج غير صدقج انا .... يقووم ثوااني ويرد ييلس : ممم بتترييني ؟ بسير السياره بيب شي وبرجع ... مهاري : بتيب شوه ؟؟ ذياب : بتتريين ولا ؟ مهاري :هييه بتريا ...... ذياب : زين ما بتاخر علييج شوي بس ...... وراح عنها ..... اول ماسار انسدحت ع طول صدق تحس انها ميته تعب ..... غمضت عيينها شوي تريحها .... .................................................. .... ذيااب بتوتر : مم مهوور ..... .؟؟ مهاري تفج عينها بخفييف ..... : هااه ... يوم جافت ذياب يالس تحت ريلها وينششها تروعت وقامت عدل : سووري ماحسيت بروحي ... ذياب مبتسم : تخبلين وانتي راقده تدرين ... مهاري : لا والله !! رااقبتني ... ذياب : وعندج ماانع ؟؟ مهاري : وين سرت ؟ هذا الي ما بيتاخر ... ذياب :هههههههههه ماتاخرت انتي الي راقده " وبحناان " وانا تام ااطاالعج ..... مم ع العموم " ويعطيها كيس " هذا لج ... ومن اليوم وساير أي شي تحتاايينه لا تستحيين ... انتي مسؤؤله مني الحيين ... ولو تطلبين عيوني ماتغلا علييج ....... مهاري مبتسمه ...... ذياب :والحيين لازم اسير عسبت انتي تريحين وانا اريح بعد ..... تبين شي ؟؟ مهاري : سلامتك .. تحمل ع روحك ....... ذياب يغمز لها : مااعرف اتحمل ع روحي ... انتي تحملي مني ...... مهاري : ههههههه .. زيين ماعليه .... ذياب يبوس راسها : يالله الغاليه .. اجوفج عـ خيير ..... مهاري بحيا : تلاقي الخيير .. و مشت ويااه لين بررع توصله ...... يوم وصلت عند البااب البرااعي ..... ذياب : هاا هااا ؟؟ وين ناويه ان شاء لله ؟؟ يلا دشي دااخل بس ماتعتبيين هالباب وانتي جييه ... مهاري : زين محد برع .. الفريج رااقد .. ذياب : لاتزعلييني منج .. حتى ولو ماشي حد غييرج .. ماتظهرين بفستان وين تبين ..... مهاري :زين ما بظهر انا .. بواايج عليك وانته تسير بس .. ذياب : تحرسيني يعني ..... مهاري مبتسمه : مش حشرتني ريلج وريلج ؟ خلاص ريلي بحرسه ... ذياب بجراءه يتقرب من ويهها : لا جد ؟؟ مهاري تنزل راسه وتدز صدره : بس عااد عن المصااخه .. يلا سير .... ذياب يضحك : ياويلي ع المستحي ههههه ...... يلا الغلا دشي .. انا الي اخاف عليج حتى من حوشكم .. يلا .. مهاري : زيين .. تصبح ع خير ...... ذياب : وانتي من اهله ....... ودشت عنه دااخل ... وهو لما جافها مشت وجريب بتوصل الباب ,, رووح بعد ....... |
< ذياب ,, واافديتها ياناس ... دلع بدلع ... وهيه تتكلم دلع .. وهيه ساكته دلع ,,, ولا اسلوبها البريء .. يااربي بتذبحني والله ,,, الله يسعدنا يا مهره ونعيش حياااه بدون هم ولا غرباال ........ اما مهاري خذت لها شاور سريع و لبست بجااامتها وساابع نووووومه ,,,,,,,,,, == في الصاله == شهد تثااوب : بس بسير ارقد انا ....... هنوف تاكل حب : ع اخر الحلقه ,, صبري شوي مابا اتم روووحي ,,, احين بيخلص .. شهد : قوومي عني تقصين عليه انتي .... بسير ارقد ....... == وتقوم تسير حجرتها === اما هنوف كملت الحلقه لين خلصت ............ الله واكبر الله واكبر ............ اذن الفجر .... طلع ابوها من حجرته جاافها تطالع تلقزيون وبنبره حااده : هنوف !!! هنوف تروعت وقامت : هلا ابوي ... بو الود : شعندج واااااعيه للحين هاا ؟؟ هنوف : كنت اطاالع فلم والله .... بو الود معصب : شو من فلمه لين اخر الليل .... هنوف شوي وبتصيح : والله فلم اجنبي في ام بي سي 4 ... بو الود : التعني حجرتج اجوف .. واخر مره اجوفج سهرانه لهالوقت سمعتي .... هنوف : ان شاء الله ان شاء الله ........ وتركض حجرتها ............... < هنوف , .. الله ييساااااامحج شهدوه لو كنت ويايه جان ماشك فيني ..... شوه بيفكني منه الحين ما بيخلي حد فينا يسهر ...... افففففففف من هالعيشه الي تيب المرض ...... نششت خواتها للصلاه نشن تيددن وصلن ......... وكلهن ناامن ع طول ......... اما مهاري تمت ع سياده الصلاه ,, تدعي ان حظها يكون زيين .. وان ترتااح وما يزيد عذابها من هالزواج ,, < مهاري .. الساعه 5 ونص .. مع اني رقدت 2 لكن احس انيي شبعاانه رقاد ,,,,,, بسير اجوف شوه فالكيس .. شلت الكيس الي يابلها اياه ذيااب وظهررت في المقااعد إلي في الحووش ....... الجو كاان بدييع .. ومهاري كانت بدييعه بجمالها ........ شعرها طوييل لييين تحت ظهرها بشوي ... ونااعم وغليييظ ... لونه ليلي .. عذاااب ... قصتها صغييره متدرجه ع ويهها الصغيير .... خشمه صغيير .. وعييينها كباار ... حايبها لين نهايت عينها ضعييف ومرتب ... بالنسبه لجسمها .. اممم متوسطه ... لا دبه ولا ضعييفه .. منااسب .... كاانت فاله شعررها الطويل كاامل بدون أي قبضه ... وكاان يتحررك بحركاات الهوا بشكل مثيير ..... اثييرييه من الخاطر ....... فجت الكيس وجاافت كرتون تلفون ... ابتسمت .... بطلت التلفون وشغلته .. ماااشاء الله البطاقه دااخل .. كل شي مزهبنه حظرته ....... اول ما فتحته وصلها مسج ........ " طرالي قلبك الغالي .. طرالي يا عساك بخيير .. طرييت وقلت بسأل عنك ... واشوف الغالي واخباره .. كتبت الحرف باحسااسي لانك في خفوقي غيير .. عساك بخيير ومستاانس وفالك بالسعد زادي ... " قبل نص ساعه مطرشنه ..!! جيه ماا رقد ....... لوووووووووول شعنده واعي للحين ... يلست تتعبث بالتلفون وتتفلسف ......... < ذياب ... تم تسلييمه !!! وتوه ! يعني توها فجته ... ليش وااعيه ؟ يمكن مارقدت .. لو مارقدت جان فجته من زماان .. احييد البنات يتخبلن ع الهدايا .... اممممم .. بتصل وبجوف .... ولالا يمكن راقده وازعجها .. بطرش مسج .... " احم احم ... الحلويين وااعيين ؟؟ " < مهاري .. ههههه شبلاه هااا .... امممممم شكله مارقد ....... جيكت ع الرصيد ... ماااشاء الله ماازرلي ايااه .. ياااا حيييج يا مهاري بتدللين اول عرسج بس ...... " احم هييه وااعيين ... والخسفيين واعين ؟؟ " < ذياب ... ههههههههههههههههههههههه يالخقااقه .. انا خسف الحين ؟؟ والله حتى الرييااييل يهاذون بي انزيين ماعليه ... بخلييج تتلوميين بس اتريي علي ...... " لا الخسفيين رقود .. مشكوره يا .. زوجتي " < مهاري .. اوييه انا شوه قلت .. شوه ها جني ارمس وحده من ربيعااتي !! المفروض ارمسه بأتاكييت شوه بياخذ عني فكره الحيين ؟ بيقول هاي ماعندها اسلوب ..... " لازم الخسفيين رقود .... عسبت الحلويين يتموون يتراسلون " < ذياب .. ياااالله ع الدبلوماسيه ... اونهاا بس ماعليه براويج ........ " منو الحلويين ؟؟ ماحيد حد حلو عندنا ؟؟ " لا تستهبل عاااد " " ما ستهبل " " زعلان ؟ " " ما يخصج " " اممممممم " " ... " " بس عاااد والله امزح وياااااك " " هاا مزح تمزحيينه ,, هااي ثاني مره تقولين اني مش حلو " " والله اسولف وياااااك " " سوالف جي ؟ " " هييه انا دفشه شسوي " < ذياب .. هههههههههههههههههههههه فديييييييييييتها وهيه متلومه ... والله خاطرج اجوفها وهي جي محترقه .... بس مااااعليه بـأدبج انا ....... " خلاص مش مشكله .. برقد انا .. يالله تصبحين ع خير " < مهاري .. وليييه !!!!!!! ها من صدقه زعل والله اسولف وياااه .... افففففف برايه كم براضي .. حشى دلوووووووع ..... " وانته من اهله ... باي " < ذياب .. افااا !! لا دخيلج .. انا غبي والله ..... " شكلج تبين الفكه ماعليه مشكوره مشكوره باي " " ياااااربي ذيااااااب " < ذياب .. ياااالبييه ع ذيااب ... يا عيون ذياااب .. بس ماعليه بتغلا علييج ولا برد ..... " رقدت ؟؟ " " هيه " < مهاري ... ههههههههههههههه حلوه راقد ويكتب لي ...... " اها خلاص كمل رقادك " " اوكي " ماطرشت شي .. والله سوالف ذيااب .. ما يبين عليه 27 سنه !! تمت تحااوط في البيت .. ووتصور بمبايلها ..... لين ما طلعت الشمس ... " ريلي يتصل بك " ويييييييه هااا ما رقد شووه ؟؟؟ مهاري : ......... ذياب : صبآح الخيير .. والورد واليااسيميين ,.,, مهاري مبتسمه : صبااح النور ... ذياب : ليش مارقدتي ؟؟ مهاري : وشدراك اني مارقدت ؟ ذياب : ممم من صوتج مفرفشه .... مهاري ببراااءه : مممماااياني رقااد ., ذياب : شي شااغل بالج ؟؟ مهاري : لااء .. وانته جيي ناش من وقت ؟؟ ذياب : انا مارقدت اصلا ً ... مهاري : جيييي !!! ذياب : افكر فييج .... مهاري : .,,,, ذياب : والله جد افكر فييج وافكر في حيااتنا ووالمستقبل وو جيي .... " بحماااس" مهوووووور ... مهاري : هلا .. ذياب : ابا اجوووفج ... مهاري : لا والله ّ !!! امس جااايفنييه ... ذياب : ولهت ع شووفتج ......... مهاري .: ........... ذياب : ماولهتي عليه ؟؟ والله ولهت ع شوفتج ... مهاري ساكته ومستحيييه ............. ذياب : زيين شوه تسوين ؟؟ مهاري : ماشي يالسه بررع اتمشا ...... ذياب : حد من هلج وااعي ؟؟ مهاري : وييين وااعيين .. الحين 6 الصبح شوه بينششهم !!! ذياب : متى بالعااده ينشون ؟؟ مهاري : مممممممم مادري خوااتي 12 ألا الود تنش حق الدواام بس اليوم اجاازه فـ اكيد جيه شراتهم .. لان يوم اجاازتها ... ذياب : وابوج ومرت ابوج ؟ مهاري : قول نوره لا تقول مرت ابويه ..... ذياب : زيين شفيج عصبتي ؟ مهاري :ماشي .... ذياب : زيين ابووج ونوره متى ينشون ؟؟ مهاري : ابويه 10 ونوره جييه ويااه ,,, ذياب بخبث : امممممم زيين انا ياينج الحيين .. مهاري : تيني شوه تسوي ؟؟ ذياب : ارقص وياج شرايج ؟ مهاري : هههههههههههه لا ولله ... ذياب : اووص يلا بيييج بجوفج شويه بس وبسير وربي مشتاااقلج ... مهاري : ذيااااااااب ! ذياب : ياعيون ذياب ......... مهاري مستحيه : قر قر في البيت ....... ذياب : وييت شوي ........ دخل الحماام غسل ويهه بسرعه ... وظهر لبس كندورته وشل كااب ع السريع ,, وبوكه والسويج وظهرر .. ورد مره ثانيه شل تلفونه ........ ذياب : اسف تاخرت علييج .. مهاري : .... ذياب : الوووه ؟؟ وينج ...؟ مهاري : راااقده ... ذياب : هههههههه فديت الراقده ... مهاري تسمع حسه يمشي : وين ساير ؟؟؟؟ ذياب : بتمشا .. مهاري : الحيييييين !!!!! ذياب : هييه بجوف لي غرشويه .... مهاري : جووف .. ذياب : بجوف انزيين ... مهاري : عيل بخليك عسبت تااخذ رااحتك .... ذياب : لا لا خلج ويااي لين ماوصل .... ماريد امل .. عيل حرمتي ع الفاضي ..... مهاري منقهره : ذياااب من صدقك شوو ؟ ذياب : هييه ... مهاري " ويقولي بقوه عييين بعد !! امحق ريااال .. يوم وطلع ع حقيقته " تمو فتره طويييييله ساكتيين .... ذياب يطول ع مسجل السياره ويغني متعمد : خصلات شعرك كنهااا قطعه المااااس ... اشقر على الامتاان شكله مثااااااالي ........ ورموش عيينك كنها صف حراااس .. من ناااظرك صارت يميينه شماالي .... مهاري : .,........ ذياب متعمد : اييه ... مهاري : نعم ؟ ذياب : شفيج عااقده النونه ؟؟ مهاري: ماالك خص سير عند شقرتك ....... ذياب : ماعليج سايرلها الحيين بس شفيج انتي ؟ مهاري : مااافيني شي ...... ذياب : تبين تجوفين الشقرا الي مخبله فييه ؟؟ مهاري: لااء ... ذياب : لاجد تبين تجوفينها تراها جريب بيتكم ... واظن هالوقت طالعه تتمشى .... مهاري: الحين طالعه !!! يمكن تعق الزباله مش تتمشا ..... ذياب نقع من الضحك : هههههههههههههههههههههههههههههههههههههههه ول ول فلفل فلفل .. شو قصدج شغااله يعني ؟ مهاري :ماعرف ... ومابا اعرف ...... ذياااب : وااااااااافدييتها هذي هاااا ياويلي ياويلي ع مشيتها تترنح جداام بيتكم وتتدلع .. دخيلج جوفيها .. مهاري وهيه تركض صوب باب البيت : مااابجوفها ..... ذياب : براااايج ..... مهاري تفج باب الحوي بشويش عسبت ما يحس عليها وتوايج .. ماحست الا بايييد تيرها برع البيت شهقت .. ذياب مبتسم : عيل طلعتي .... " ويطالعها من فوق لين تحت " ياويلي شو هذا ... مهاري تشنجت مره وحده ... أي قفطه واي شعور تحس فيه ماتدري ........ يالفشله يالفشله .. لابسه برمود تحت الركب بشوي ... اخضر فاااتح ومشخط بأصفر .... والقميص هاي نك بدون كم ..... وشفااف شوي .. مهاري ساكته ماتروم تنطق بشي لين الحيين .. وهو كل شوي ويتقرب منها اكثر. ... مهاري : آآآ ..... ذياب يحط ايده ع شفايفها : اشششش ... تعالي ..... يرها وركبها السياره ...... مهاري : انت ايييه كيف مخلني اطلع جي ..... ذياب : فريجكم راقد .. محد يجوف .... ركبي يلا ..... عقب ما ركبها قفل باب السياره ..... وسكر الشمسيه الي جداام .... وصد صوبها وحااط ايده ع السكاان ومبتسم صوبها ...... ذياب : جفتي خباال المعاريس ... مهاري ماتطالعه : جفت خبالك انته بس .. وين تبا .... ذياب يير ايدها ....... مهاري :آآآآآي ... ذياب : اوه نسيت انج رقيقه وايد ..... مهاري بنظره : سخيييف .... ذياب مبتسم : والله ؟؟ مهاري :هييه والله ..... فج ايدي ..... ذياب : واذا مافجيتها ؟؟ مهاري وتفكر : ممممم بضربك .... ذياب قابض ضحكته : بتضربيني ؟ كيف ان شاء الله بتضربيني ..؟ مهاري : بعطييك بكس ع خشمك ... وبير شعرك وو بعضك ..... شوه بسوي فيك ... ذياب : لا خفت .... " وير ايدها الثانيه " .. يلا ضربيني عيل ..... مهاري تحاول تفج ايده مش رايمه ..... ذياب : انتي اول فجي ايدي عسبت ترومين تضربيني ..... مهاري : بس عااااد عن المصاااخه .. خوز عني ..... ذياب خوز ايدها بهدووء ... اضايج من كلمه " مصاخه " ... > ذياب .. احين مشتااقلج ومشتااق لشووفتج وتقوولي مصااخه ... مش مشكله .. يااهل ... ومن قلبه ظهرت ع لسانه واطالعها وحايبه مرفوع : ياااهل ... وبتبقيين ياهل يلا نززلي .. مهاري : انااااا يااهل الحين ؟؟ ذياب يطالع جداامه : هيييه يااهل شوه عندج ... مهاري معصبه : لا تقولي يااهل .. ذياب يطالعها وباصرار : ياااهل ... مهاري : ذياااااااااااااااب ... ذياب : شي يعورج ؟ شوه تبين ؟؟ كاكاو ؟؟ ولا حلاو ؟ مهاري شوي وبتصيح جافت علبه الكلينكس الي جدامها وشلته فرته ع ويهه .... ذياب : آآآآآخ ... وحطا ايده ع عينه ... ذياب وحاط ايده ع عينه : شووو سوييييتي !!! طرف الكلينكس دش في عيني .. نزلي اجوف نزززلي .. مهاري تلومت " اويه انا شو سويت ... والله بتصرفاتي هاي جني صدق يااهل .. انزين هو عصب بي " مهاري تخوز ايده : اجووف .... ذياب نزل ايدها : لا تجوفين ماباج تجوفين شي .... مهاري : اسفه والله عصبتني .... ذياب نزل ايده من عينه واطالعها : انزلي خلاص مافيني شي .... يلا دشي داخل .... < مهاري .. يااااااااويلي عينه حمرااااااااا .. وفيها شخطه ... ياويلي ياويلي شو سويت فيييه .. والله اني مااااستحي والله ...... مهاري: ذيااااب عينك وايد حمرا ... ذياب : ماعلييج بتخف ... يلا نزلي تعبتييني اباا اسير ارقد ..... مهاري : مابا انزل ...... ذياب ياب كلينكيس ونفخ علييه وحطه في عينه ويرمسها من غير مايجوفها : حيرتيني تراج شوه ماتبين تنزلين ... مهاري : انزين لين تخف عيينك ع الاقل ... ذياب : بتخف يوم بتنزلين ... > مهاري .. اخيج احس بالقفطه .. خل انزل احسلي شكله صدق بااغضني ....... مهاري فجت الباب ويايه بتنزل قبض ايدها .: صبري بعدل السياره عسبت ادشين الباب ع طول .. تمت تطالعه ... ويوم عدل السياره .... ذياب : يالله نزلي ..... وعـ فكره .. اخر مره اتجوفين اخبالي او اقصد مصااختي .... بخلي كل شي اهنييه " وياشر ع قلبه " ,,, يلا تمسين ع خير ..... مهاري انحبطت واايد .... ونزلت من السياره ,,, يوم يااي بيحرك انتبه لتلفونها نسته .... ذياب : ياربي ع الفالحه نست تلفونها شو اسوي فيها ..... ياهل يااااهل ... نزل من السياره .. جاف الباب بعده ماتسكر .. دش شوي .. سمع صوت ... صد يميين .. جافها متساانده ع اليدار ورا الباب وتصييييح .... < ذياب .. يااويل حالي ... انا ماكنت اقصد الي قلته ... انا كيف اقولها جيه وهيه توها تعرفني .. وحساسه .. ولله مافيني مريله اصيح هالملاك .... الحين شو اقولها ... كيف اكلمها ... شكلها مش منتبهة لوجودي بعد .. يلس ع ريووله مجاابلنها ...خوز ايدها عن ويها .... تقطع قلبه عليها .. من الخاطر تصييح .. حتى خدودها توردت .... مسح ادمووعها بظهر اييده ... ورص ع ايديينها بقوو ... ذياب : شفيج تصيحين ؟ مهاري تعض ع شفايفها وتنزل دموعها بحراره من دون صوت ..... ذياب: بس حيااتي .. قطعتي قلبي ..... اسف ع الي قلته حقج علييي .... مهاري : ....... ذياب : خلاص .. دخيلج .. عذبتيني ويا دموعج ... " يحبها ع راسها " اسف ... مهاري نزلت عينها وتمت سااكته ...... خوز ذياب شعرها الساايح بالدموع عن ويهها وتم يتأمل ملامحها الطفوليه .. والله يااهل لو شو اقول .. طبعها براائتها .. حتى ويهها .... ذياب مبتسم : يوم اقولج ياهل .. مهاري رفعت عينها ... ذياب : ههههههههههه واحلى يااهل جافته عيني ..... زخها من ايدها وقومها ... ومدالها تلفونها : نسيتييه فالسياره .... ذياب متوتر مش عارف كيف يكسر السالفه .. وينسيها .. مهاري خذت التلفون بهدوء ... ذياب : سمحيلي تراج غاليه ... ومابا اجوف دموعج مره ثانيه ..... انزيين ؟؟ سكتت ..... ذياب : بس مهووور .. خلاص بسج دلع وزعل .. مهاري وصوتها متغير شوي من الصياح : مش زعلانه ... ذياب يقرص خدها : وااااضح ..... مهاري :آآآآي .... ذياب : زيين عندي لج اقترااح يمكن يفش غليلج .... مهاري تطالعه .. تترياه يرمس ..... ذياب : اضربييني .... مهاري: مابا اضربك .. يالله سيير بدش ارقد ..... ذياب مبتسم : زيين لاتزعليين اوكي ؟ مهاري :انزين .... ذياب : يالله اجوفج ع خيرر ....... مهاري : مع السلامه ........ باس ايدها الي كان قابضنها ... وطلع من بيتهم ....... اما مهاري .. سارت ترررقد عـ طووول .... في بيت ذياب ...... ام ذياب : ذيااب وين كنت ابويه من الصبح ..؟؟؟ ذياب : ممم ... اتمشى متملل ... ام ذياب : من شو يابوييه متملل ؟؟ سير ارقد لك كم ساعه وراك صلاه الجمعه ... ذياب : ان شاء الله امايا ... لا تنششيني بنش روحي ...... ام ذياب تتقرب منه : فيك شي ؟ مضايج من شي ؟؟ ذياب ييلس ع الغنفه : امايا اشمعنى مهره الي عيبتج ؟؟ ليش ماخذتي الاكبر ؟؟ يعني تعرفين اني عوود وسني يناسب سن اختها الود اعتقد .. ليش ما خطبتيها لي .؟؟ ام ذياب ترمسه وهو حطا راسه ع ريلها ... وتمت تلعب بشعره وترمس ... ام ذياب : جفتها حشيييم يا وليدي .. وغير عن خواتها .. حيااها غيير .. ولين الكل يرمس هيه ساكته .. جمالها مختلف عنهن .. هن يتشابهن بس هييه ماخذه حلا امها لانها ماتشبهن ولا تشبه ابوها ... حبيت شعرها الطويل .. كل خواتها شعرهن لين اهنه " وتاشر ع رقبتها " والا نص ظهرهن .. اما هيه شعرها ساايح ع طول ظهرها كاامل ... شفتها تركب لك ....نفس نظره الغموض .. ليش يا بويه ما عيبتك ؟؟ مارتحتلها ... ذياب مبتسم ومستانس من كلام امه وايد : الا مرتاح ونص .. وخبلت بي يا اميه .. مادري شوه استوابي .. ماعرف ارقد من حلاها .. ولا من طبعها ... ماعرف شوه اقولج ... مارتحت الا لين جفتها توني ... ام ذياب : واااااااااابويه وين جفتها ؟.. ذياب : آآ .. فالحلم فالحلم اقصد ..... جفتها في مخي ووو ماعليج مني امييه قمت اهاااذي ... ام ذياب: قوم قوم سير ارقد عشان ترتااح قوم ..... ذياب : صبري خليني طاايح ع ريلج شووي دليعييني ..... ام ذياب : بتي حرمتك عقب اساابيع وبدلعك ..... ذياب : ااااااخ متى بس متى .... تدريين امييه .. موول ما بقصر علييها .. لو تبا عيوني بعطيها .. ام ذياب : الله يقدرك ياا ذياب .. يالله ابوي سير ارقد ورايه طباخ انا .. ذياب : ان شاء الله " ويحب راسها " ........ ام ذياب : الله يوفقك يارب ويسهل امورك ....... اما ذياب سار حط راسه يحاول يرقد ماقدر .... < ذياب .. ياااااربي هاي شو مسويه فيني !!!!! شفيني مش قااااادر ارقد بتخبل .... شل تلفونه واتصلبها ..... " رنيت لك رنه ماسويت لي رنه وتقول انك تحبني لالا والله ماتحبني ,, يالس على ناري وانته منته بداري وماتعرف اخباري ياخي ليش متعبني ...... " شهد تصارخ : مهاااااااري ردي ع تلفونج صدعبنا ......... مهاري انتبهت وشلته وبصوت تعبان : الوه ؟ ذياب يغمض عينه : فديت هالحس .... مهاري : ذياب ! ذياب : ياروحه ياعيونه ياقلبه ..... امري تدللي .؟ اذبح روحي ؟؟ مهاري تصد تطالع شهود الي منخمده ... وتتلحف وتصد الصوب الثاني : شبلاك ابا ارقد .. ذياب : اااااخ ياحظج ترومين ترقدين ... مادري شبلاني ماقادر ارقد ... مهاري : ................. ذياب : الوو ؟؟ مهاري وهيه شبه راقده : هممممممم ...... تم ذيااب يقول الي في خاطره لين .................................................. ................................ سابع نومه .......... ع الساعه 11 ونص ... تحركت مهاري شوي جافت السماعه فاذنها .. مهاري " اوووه ذياب ,, وييه بعده ع الخط .... جيه ما بند ؟؟!! " مهاري : الوه ؟ ذيااب ؟؟ ذياب : ,,,,,,,, مهاري بصوت اعلى : ذياااااب ........ ذياب الي بدا ينزعج : مممممممممممممممم ... راقد شوه ...... مهاري تضحك : ههههههه زين يلا برايك ارقد .... ذياب يتثاوب : لا خلج ويايه ..... مهاري : لا والله ! ذياب يفتح عينه ويجوف الساعه : 11 ونص .. الله يهدييج بقوم اتسبح عسب الحق الصلاه .. مهاري : ....... ذياب : مهوور ... مهاري : لبييه ... ذياب : والله ... والله ... اني ....... اني اداانيج وايد ..... وارتاح لين اكون ويااج .. وماذفت الرقاد الا يوم انتي ويايه ... مادري شو سويتي فيني ......... مهاري : ..................... ذياب : مضايجه ؟ مهاري : بالعكس .. اول مره حد يقولي جيه ..... ذياب : اممم كيف يعني اول مره ؟ مهاري : ممم ماشي زيين انا بخلييك بعد بسير اتسبح .. وانته بعد سير وبنرمس بعدين اوكي ؟ ذياب : بكلمج عقب مارد ؟؟ مهاري: هيه ان شاء الله ..... تحمل ع روحك وشوي شوي فالدرب .... ذياب : هااااااااه ؟؟ شو قلتي ؟؟ عيدي عيدي دخيلج عيدي ؟ مهاري : بسم الله شوه قلت ؟ ذياب : وصيني مره ثانيه .. مهاري : هههههه تحمل ع روحك وشوي شوي فالدرب .. ولا تطالع مني مناك .. ذياب : يااااااااااااااااااااااااااااااااااه ... ياااويل حالي شوه اسوي بعمري انا ...... خلاص مذبوح مذبووح .. ذبحتني .. مهاري بدلع : يلااا عاد قوم .... ذياب : ان شاء الله... وانتي بعد تحملي ع روحج ... شي في خاطرج ؟؟ مهاري : سلامتك ..... ذياب : ربي يسلمج ....... قام خذاله شاور سرييع ولحق ع الصلاه ,,, اما مهاري فتمت منسدحه ع السرير تفكر لين دخلت عليها الود ... الود : مهووره ؟؟ فيج شي ؟؟ شي يعورج ؟؟ لبيش راقده للحين ؟؟ مهاري مبتسمه : مافيني شي شفييج ماشي افكر بس .... الود : محتاجه شي تبين شي ؟؟ مهاري : ههه لا مابا تسلميين لي ..... الود : زين يلا قومي اقري الكهف وصلي ..... مهاري : ان شاء الله ............... قامت مهاري سوت الي قالته اختها ...... وردت سريرها .......... == فالصاله == بو الود : انا ونوره سايرين بوظبي باجر ... بنتم كمن يووم اهناااك .... " يطالع الود " تحملي من البيت ... الود : ان شاء الله ابويه ........ شهد : ابووييه ليش ؟؟ بو الود يطالعها ومارد عليها ... حست ع دمها وسكتت .............. نوره : مهره وين ؟ هنوف : منسدحه ع السرير ........ بو الود : جي شوه عندها ان شاء الله .. سيري زااعقي عليها خلي تي تيلس اهنه اجوف .. نوره : خلها تعبانه البارحه مارقدت عدل ....... سكت بو الود ...... الود : ابويه نحط الغدا ؟ بو الود : حطوه شوو تتييروون ان شاء الله ؟ لين اموت من يوعي ...... الود : بسم الله عليك الغالي .. الحين بقولهم يحطونه ... نوره : انا بي وياج ....... وسارن المطبخ ........... بو الود : اتحملو من عمااركن يوم بسير عنكم .. مش تهومون اهنه واهنااك .. اتصلن بي قبل .. هنوف : اكييد ابويه افا عليييك تربيتك نحن ..... بو الود : وانتي حظرتج شوه ناويه " يطالع شهد " شهد : آآ يعني شوه بسوي ابويه اكييد افا علييك والله ماسوي شي انا .... بو الود : واذا ياااكم ريل مهره هالله هالله به .. غدن ريااييل هب تتماايعن ويااه .... هنوف : ان شاء الله ابويه تامر امر .. ليش انته بتطول ؟ بو الود : على حسب ..... |
:a050::a050::a050: وين التكملهـــ :unsure::unsure::unsure: |
:eh_s(1)P: :eh_s(1)P: :eh_s(1)P: :36: انا نااطر :36: |
روووووووووعه القصة |
| الساعة الآن 07:19 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir