عايشه: عاااااااااااااش عسب لندن تحولت اللغه المرقعه..
الكل: هههههههههههههههههههههههه
ام سالم: ليش الضحك شوه قال هذاا انته ما تستحي ترمس رمسه ماهي برمستناا.!
حامد: يقول لج اليوم اشووفج ريم ساااااارح بينهم خخخخخخ
ام سالم: ( تضربه بالعصى ) ادري انك تجذب يا ولد فاطمه تعال مني..؟
بو خليفه: بسكم عاده ع اميه هههههههه فديتج قومي عنهم وطي راسج..
وراحت لانها تعبانه ما نامت الظهر

حمد الصغير داخل عليهم يصيح :امااااااااااااااااااااااااييييييه..!!
حامد: حشى مب ريس عليه..
عايشه: ههههههههههههههههههه من خوه..؟؟
موزة: حاااااااااااااااااااااااااااااااااااامد هههههههههه.؟
حامد: جب جب بنات اخر زمن.؟
ام خليفه: تعال يابويه شفييييييييك؟؟
شمسه يايه تربع: امايه حميد ضربه لانه خرب عليه السوني..
بو خليفه: هذاا حميد يباله فركت اذن..؟
علي: عاااااااااااااد كله ولا حمد بن سالم
بو خليفه: عيل ..
علي: ماشي لازم اخر العنقوود..
وقام بو خليفه هو حرمته عسب يشوفون حميد ويوطون روسهم
حامد: ههههههههههههههههههههه بوحسن تغاااااااار
موزة وعايشه: ههههههههههههههههههههههههههه وككك وكككك
علي: يفر عليهن المخااااااد مالت عليكن وعليه هالتافه..؟
مريم الصغيره: علي ..
علي: (كله ولا مريم) فدييييييت رووووووووحج شوه يا قلب علي.
مريم الصغيره: اباا باجر حديقه الحيواااان من زمان ما رحت لها..
علي: يقوم يحبها ع خدها ما طلبتي عيونه علي لج..
موزة: واناااااااااا بعد..
حامد: افااا تبين بوسه.خخخخخخخخخخخ انا بعطيج...
عايشه: وعععععععععع منكـــــ؟؟
موزه : لااااااااااا مالت عليكم اباا اروح عند علي.
علي: اشووه تحريتج تبين بوسه خخخخخخخخ
حامد : وككككككك وكككككككك فشلوها موزوه الدبه..
عايشه: احسسسسسسسسسسسسسسسسسسسسسسسسسسسن.
موزه: مآآآآآآآآآآآآآآآآآآحبكـ خايسين وزعلت..
علي: حووووووووه شفيكم ع مواااازي الشيخه ماعليه بشلها ولا بشلكم غلامين ..
موزة: حلييييييييييلكم .........
وراحوو يناموون الاا حامد وعايشه يلسوو يطالعون التلفزين.. وعفد حامد عند عايشه..
حامد: عواشي...
عايشه: ( مندمجه عند الفلم) شووه...........
حامد: امممممممممممممم بقولج شي..
عايشه: شوه..........
حامد: شوه قالت لج الريم عنيه..........؟؟؟؟!!
عايشه: (مندمجه من الخاطر) ماأأأأشي........
حامد: ابداااااااااااااااااا.......!!!!!!!!!!؟؟
عايشه: هاه ما ادري..
حامد: افففففففففف حوه مالت عليج بقوم برقد ما تنفعين..
عايشه: اففففففف احسن......
وراح حامد وهو يهويس بنظرات عيون الريم وكييف خبلتبه بس حط في خاطره انها ما بتنزل راسه ومن هي تم يحط هالافكار في راسه ما يباا يتعلق في نظراتهاااااا..
في هالوقت كانت مريم عالنت والكل نايم .......
مريم: بقول لك شي.........
مهاجربقلبي: امريني ( فديت رووحج)......
مريم: ما ادري كيف اقول لك؟؟
مهاجر بقلبي: قوووووولي عااد..
مريم: اممممممممممممممم
مهاجر بقلبي: الغلااااااااا
مريم: لبييييييييييييك.
مهاجربقلبي: لبى قلبج.. شوه في خاطرج..
مريم: امم بقول لك بعد كم يوم بروح لندن!!!!!!!!!!
مهاجر بقلبي: هااااااااااااااااه( فز قلبه ويلس يقول في خاطره آآآآخ يعني بشوفها اللي في قلبي بيتحقق)
مريم: شوه هاااااااااه؟؟
مهاجر بقلبي: حلفي حلفي ..
مريم: والله ليش مب مصدق...؟؟
مهاجر بقلبي: يعني بشووووووفج...؟؟
مريم: هااه ما ادري لا لا..
مهاجر بقلبي: شوه لااااااا حرام عليج..
مريم: ما ادري انا برووح عند العايله كلها وعايلتنا كبيره..
مهاجر بقلبي: ارجووووووج فرحي قلبي شوي..... لو من بعيد عالاقل قولي لي اووكيه.....
مريم: امممممممم ما عليه يستوي خير ..بس الغريبه لا اعرف اسمك ولا شي ع الاقل......
مهاجر بقلبي: لا شفتج بقولج بسمي وبعد شي بس ما بقول لج شو هو..
مريم: شوووووووه قول..
مهاجربقلبي: لالا انا سمينيه مهاجر .. وانتي اسمج الغلااااا
مريم: ما عليه اووووكيه يالله الحينه انا برووح بوطي راسي شي تامرني عليه.؟؟
مهاجر بقلبي: سلااااااااامتج ونوم العوافي..
مريم: الله يعافيك مع السلامه.بااي
مهاجر: باااي.

وجييه تمت تفكر مريم بكلامه وتقول هل ممكن انيه اشوفه لو من بعيد اففف والله حاله وتعبت من التفكير وراحت تنام بس مهاجر ما قدر ينام يلس يفكر فيها ويهويس بهاااا لانه ماخذه كل تفكيره وقلبه,.............

بعد مرور أيام بقى عالسفرة يوم
العصر بيت بومحمد بوظبي..

بومحمد: الووو..!
محمد: مرحبا السآآآآآآع بهالصوت..
بومحمد: الله يرحبك عفضله شحالك..؟
محمد: بخير وسهاله أنتو شحالكم عساكم بخير.؟؟
بومحمد: بخير وبالنعيم ما نشكي بااس ..وعلومك وعلوم الدراسه..؟
محمد: الحمدلله ماشي الحال ..
بو محمد: الحمدلله...الاا بتخبرك بو جسيم الفله ترتيباتها خلصت.؟
محمد: هيه خالصه من زمان .. لييش..؟
بو محمد: لا ما شي الا حبينا نسوي لك مفاجأة وانا قلت لهم لاتخبرونه الاا قبل بيووم يابويه بنييك وبنسكن عندك شهر.....
محمد: ( منصدم) والله....؟؟
بو محمد: افاا تحلف ابووك..؟
محمد: لا والله شيبتيه بس صدمتنيه بهالرمسه عالعموم لندن من الحينه بتنور والعين اوسع لكم من المكان انته وامايه والعيال..
بو محمد: مب الاا هذيلا بعد عيال عمك وبناتهم وبعض الاهل ولا ويدتك العوده..
محمد: في ذمتيه مرحبا مليااااااااااار ولا يسدن بس كان خبرتونيه قبل عسب ازهب الفله عدل..؟
بو محمد: ادري بك بتقول جيه بس ما نباا عليك كلفه المهم ان تعديلاتها خالصه وهذاا الاهم وما عليه ان شااء الله باجر فليل واصلين وع خير..
محمد: ان شااء الله .....................

بيت بو خليفه بعد المغرب..
بو خليفه: الاا يام خليفه زهبتوو سمانكم حق السفره..؟
ام خليفه: هيه الغالي ما خلينا شي..
(حامد لازم يدخل ويناقر ويغايض.........سوالف هالريال)
حامد: اوووووووووووه بو خليفه الغالي مته ان شاء الله بترحون مطار دبي..؟
بو خليفه: والله يا حموود بروح الساعه 2 الظهر...
عايشه: هههههههههههه حموود الغالي لييش تسأل ؟
حامد: (يقلدها) حموود الغالي لييش تسأل ..أقول لمي ثمج..؟
ام خليفه: هاااه شفيك ع اختك تراك قلدتنيه وما رمست..!!
حامد: انا غيرررررررررر......يوم اقلد هي لا تتكلم..؟
ام سالم: منقوووووووود هالرمسه لك لا الحينه اربيك من يد ويديد ..
(موزة وعايشه يصاصرن)
موزة: اشكرها اللي تعرف تسكتك...
عايشه: هيه والله تعرف توقف الجيش ع خط المستقيم..
ام سالم : شوه عندكن تتصاصرن الرواحكن..؟؟
حامد: ( يشارو خواته) احسسسسسسسسسسسن..رمسن عليه مره ثانيه.هييع
عايشه: لا امايه الا مواز تتخبر عن الشنطه مالتنا مالت الملابس بس..
ام خليفه: اقول قومن الحينه عن امكن ازعجتنها انت وهذاا ..
حامد: من هذااااااا..؟
بو خليفه قام تلفونه رن..
ام خليفه: من غيرك....
حامد: امايه ترى الوالد رايح يغازل.....ههههههههههههههه
ام خليفه: شو هالرمسه لك حشم بوك يالهرم....
البنات: ههههههههههههههههههههههههههههه
ام سالم: وابويه عليكم ما بسكم من هالرمسات ياللا كل واحد غرفته وعايشوه زقري لي مريوم الصغيره عسب تهمز ظهريه ..
عايشه: ان شاااااااااء الله..(تلتفت ع موزة) مواز نشيي..(وراحن)

ورد بو خليفه ويلس يناغز بينهم حامد عليه هالريال سوالف وياهم علي وكتملت يلسوو الا يعلقوون ويضحكوون.......

في بيت بو سعيد الكل نايم الساعه 1 ونص الفير مريم ع المسن طبعا تكلم اللي ما تعرفه ولا يعرفها واللي تحبه بس خايفه تقول وهو مثلها خايف يلست تكلمه ووعدته انها تكلمه في لندن وان شاء الله انها تلقي به......

نهاية الجزء الرابع..


بداية الجزء الخامس
فهالجزء بشووف شوه بيستوي في السفر وهل ممكن ان مريم تشوف مهاجر وهل بيقدر حمد يعترف لليازيه وشوه موقف علي اللي طاح في حبها بس ما خبر احد والريم بطلتنا شوه بيستوي بها .....خلونا نشوف هالجزء


يوم السفر طبعا الكل حاظر والكل بيرووح الا بو سعيد وولده سهيل اما الباقي كلهم بيروحون بو خليفه بييلس هو وحرمته وعيالهم الصغار اسبوع ونص وبيردون عسبت شغل بو خليفه وبنتهم شيخه اللي بتيلس عند امها لان ريلها بيسافر برى اما الباقي هم ويدتهم بييلسون شهر كامل....

في مطار دبي....

في سيارة بو خليفه يسوق حامد وبوخليفه قدام وورى ام خليفه وبناتها وعيالها اما ام سالم عند سعيد وامه وخواته وبوهم ودعهم وستسمح منهم لانه هب رايح المطار مافيه ع خط دبي..
ومن بوظبي ياا بو محمد وفريجه وبو مبارك وعياله ولتقوو كلهم في المطار يتريوون طيارتهم ......
الشباب يالسين الرواحهم هم وشيانهم والنسوان الرواحهن وعندهم العيال الصغار اما البنات راحن عسبت يطالعن السوق الحره في المطار الريم ومريم وعليا وعايشه واليازية وموزة والعنود كانن متغشيات ... خطفت الريم عسب تشتري لها مجله تتسلى فيها وراحن البنات يطالعن الشنط وقالت لهن لا تتحركن من مكانك لين ارجع في هالوقت كان حامد رن تلفونه وراح من الشباب وكان خاطف وشاف بنت عمه بس ماعرف من هي بس لما دقق فيها لانها فاتحه الغشوه عرف عيونها وفز قلبه وتاكد انها الريم راح لها بس........... تتوقعون شوه استوى
كان واحد من الريال حاط عينه عالريم من شافها غرم عليها ويلس يراقبها بس هي ما حست به وحامد بعد ما حس يلس حامد قدام باب المحل في كرسي الانتظار لين ما طلعت الريم اول ما طلعت قام يباا يسلم عليها بس الريال اللي يراقبها ياا قدامها وقال...............
.......: يويل حاااااااااااااااااااااااااااااالي من عيون ذبحت انظاري..
الريم: ( انصدمت ع الحركه اللي سواها الريال وبدون حس قالت بصوت عالي) بسم الله!!!!!!!!!!!!!!!!!!!!!
.........: آآآآه يسموون علي وانا لو اكبر مطوع والله ما يلقى علاجي......
الريم: ( احترقت اعصابها قامت تباا تخطف من عداله وتسير بس منعها) لز اقول لك واستهد بالله........
حامد اللي كان في قمه الغيض ع حركة الريال يااااا بلا تفاهم بسرعه من ورى الريم وعطى الريال كف ع ويهه.......صرخت الريم وهب الريال في ويه حامد وضاربوو وكانت راعيه واحد من الكشك شافت شو مستوي دقت لرجال الامن وطبعا شلوو المغزلجي وكانوو يبوون يشلون حامد الاا الريم قالت لهم انه ولد عمها ..اللي دافع عنها كان حامد متعور وايد في جسمه وفيه ضربه عند حاجبه يابت له الريم شي عسب يسوويبه يرحه اللي كان شكله يعور بس حامد كان ما يحس بآآآآآآي شي لان الريم كانت قدام عيونه ويقول في خاطره( انتي يابنت العم دواااااااي) ..الريم كانت خايفه لااا السالفه توصل لهلها لانها راحت من دوون البنات بدوون اذن ..في طريقهم هي وحامد صوب الاهل لااا حظ ان الريم خايفه وهداهاا .....
حامد: شو بلاج خايفه مب ع بعضج..؟
الريم: (متوتره) هاه لا ماشي..
حامد: لا شي خايفه من شوه...؟؟
الريم: تباا الصدق ما فيه توصلهم السالفه ويقولوون ان بنت بوسعيد سببت لنا مشكله في المطار بعدنا ما سافرنا وبو سعيد هب موجوود وشو بيكون موقفيه من خوانيه واميه وبعد بنات عميه اللي مالهم ذنب ........ويايه بتكمل وسكتها حامد..
حامد: بس بس بس يابويه ومن قال لج ان السالفه بتوصل لهم.؟؟
الريم: ليش انته مب قايل لهم ؟؟
حامد: وليش ان شاء الله اقوول.....
الريم: (منصدمه لان ما توقعت ولد عمها هالطيب لانها تعرفه مثل خوها اللي ما يتفاهم) واذا سألوك شو سبب اليرح..؟؟
حامد: بسيطه هههههههه دعمت دريشة المحل..
الريم: (تبسمت ورتاحت ونزلت راسها وراحت عنه)
حامد: ( آآآآآآآآآه ويلي منهاااااااااااااااا بس)

ويت الريم وتمن يسالن عنها وشو سبب تاخرها وعاده خبرتهن ان المحل كان امبند وتريته وطبعا لازم محاظره من ام سالم ليش راحت الروحها و ..و..الخ
وحامد تخبروه ابوه وعمومته شو بلاه خخخخ وقال لهم ان دعم دريشه مكسوره بس حمد طبعا ما صدق لانه يعرف حامد زين ..

وياا وقت السفر وركبوو الشباب قدام والنسوان وريالهن وبناتهم والعيال الصغار ورى....
وصلوو تقريباا 11 فليل وكان محمد في انتظارهم طبعا هناك هب لازم الغشوه كان الجوو يوم وصلوووو غير عن جو الامارات كان غااااااااااوي وحلووو بشكل فضيييييع...

محمد لهم خمس سنين ما شافووه وكانت له سنه وبيرد البلاد لانه كان يدرس ويدرس ولا يقطع بين دراساته لانه يبا يخلص بسرع وقت ويرد كااااااااااااااان متغير طبعا ولا واحد عرفه بس هو عرفهم وكان المطار مب واايد مزحووم لكن في شووي زحمه كان محمد واقف عن اللي ينتظروون كان متغير اميه وثمانين درجه كانو يكلمونه بكميرا النت بس كان عالطبيعه غير شوفو شوه استوى في اللقااااااء

كان بوخليفه ماسك امه هو سعيد وحمد عن امه وخواته عدالهم وخونهن راشد وام خليفه وبناتها وعيالها عدالها اللهم حمد الصغير وشالته الخدامه كان نايم وبو مبارك وخته وبنته وولده راشد اما مبارك اخر عند علي وياره صالح العامري عسب اييون عقب ثلاث اياام بسب شغلهم اما ام محمد كانت ما سكه ولدها فهد وبو محمد العنود ما سكته من ايده وعايشه وراهم اول ما شافته .............امه ام محمد هلت دموعهاااا وركض لها وتحضن بها ويلم على بوه وتحضن به كااااااان لقائهم مآثر وااااااايد لانه سنين ما شافووه حتى انه بين عيونه دموووع الغربه والحزن اللي شايله في قلبه.... حتى بكى يوم شاف اخوه اللي كان اخر مره شايفه شاله بين احضانه استوى ريال تقريبا بطوله وخواته اللي كان دوم يشلهن ويحوطهن كبر بدون ما يشوفهم وعيال عمه اللي كان بينهم الاتصال قليل وامه العوده اللي من شافته صاحت من الخاطر عليها ومتحسفه لانها ما فكرت ولا يوم تسافر له اما بنات عمه اللي اخر مره شايفهن في العيد اللي ما يذكر حتى اساميهن يوم لتقى بهن فيه......كان الموقف عليها مثل السكين في قلبه سلم على عمومته وعيالهم وكان فرحان بهم وكانوو منصدمين من شكله كان غير كانه اجنبي ....لابس جنز كحلي وقميص مخطط لونه احمر وشعره لين كتوفه وابيض وحاط النظارات في صدره

طبعا بو جسيم ما قصر كان حاجز لهم سياير عسب تنقلهم الفله وراحوو ووصلوو وهم ميتين من التعب واكثر وحده تعبانه هي يدتهم اول ما دخلوو البوابه كانو منصدمين لان الفله خييياليه حلوه شوي عليها كانت فيها حديقه واسع ومرتبه بشكل فضيع وفيها حمام سباحه بس من ورى وفيها ملحق برى لضيوف واول ما تدخل صاله كبيره وفيها اكثر من باب واحد يودي للمطابخ وواحد للحديقه من الطرف الثاني وفي اكثر من قسم الشباب اختاروو القسم اللي تحت اللي بعيد عن الازعاج كان عباره عن صاله وفيه ثلاث غرف تقاسموهن بينهم والقسم اللي عدالهم لأم سالم وخدامتها اما بو خليفه وشيبان الباقين كان لهم غرف تفرقوو فيهن والعيال الصغار كانت لهم غرفه خاصه اما البنات فلهن قسم بس في الطابق الثاني صاله وثلاث غرف فيها بس قررن البنات يوم ينزلن الشنط انهن ينامن كلهن مع بعض خخخخخ مب خووف لا مشتاقات لبعض وفي غرف للخدامات بعد ...طبعا ما كان احد له نفس للعشى كلهم تعبانين خاطرهم ينامون بس محمد كان عند امه كان في احضانها في الغرفه اللي فيها هي وابوه كانت تكلمه وتمسح على راسه كان مشتاق لها من الخاطر حتى انه كان يصيح على صدرها حتى انها رحمته من الخاطر وكانت تقول ( آآه ياولديه كيف صبرت عنك هالسنين ااخ مثل السكين فرقاك ) ويرد والعبره خانقته( فديتج وربيه مشتاااااق لكم حييييييل ما اعرف كيف اخذت قرار انيه ما ارد ااه والله ما ادري احس روحي تباا تطلع وترد البلاد),,,,,,,,,,,ويلس عندها لين نامت

اما البنات كانت العنود ميته من التعب اواول ما دخلت الغرفه نامت وموزه اللي كانت مقرره انها تنام عندهن دقتها خيانه وراحت تنام عند امها وبقت الريم وعايشه ع طرف عايشه كانت حاسه بان شي في الريم مب ع بعضها من يوم كانو في مطار دبي تخبرتها وجيه بعد حنه خبرتها السالفه وكانت وايد متآثره منها بس عايشه هدت بالها وقالت لها عادي انسى انتي ما سويتي شي ...والاا وشوي تدخل عليهن اليازيه ومريم وعليا كانن في الغرف يطالعن كيف بينامن بس ما ياهن نوم الساعه 1 الفير قررن انهن يحوطن في البيت ويطالعنه خخخخ كانت ع القياده علياا اللي اونها تذكره يوم يت يوم هي صغيره بس كل شوي وتقول من غير هذا مكانه طبعا كل شي يتغير .......
ياعن البنات وراحن المطبخ اللي لقن فيه كل اللي يبنه .. وراحن الحديقه اللي من باب المطبخ ويلسن داقات سوالف ليين الساعه 3 وشي الفير وتعبت الريم وعايشه ودخلن يبن ينامن وبقت مريم وعلياا ويلس عليا تتكلم عن محمد خوها وعن اشواقها له.... وتعبت هي الثانيه وراحت داخل عسب تنام اما مريم يلست في الصاله اطالع التلفزيون وكل تفكيرها باللي ساكن لندن وقلبها اللي حبته قبل ما تعرفه ولاتشوفه.. وشوي وتسمع صوت والتفت وراها وانه محمد ولد عمها مستغرب منها ليش حتى الحينه ما نامت.. بس انتبه انها خافت منه......
محمد: السموحه الشيخه عساني ماخوفتج..؟؟
مريم: لا عااااادي بس استغرب من هو لين الحينه قاعد..!!
(وياا يلس عدالها بس في الكنبه الثانيه)
محمد: لييش ما نمتي مب تعبانه من السفر.؟؟
مريم: لا والله ما ياني نووم يلست عالتلفزيون وقبل شوي رايحه عنيه اختك (يويلي منه اجنبي مب إمراتي)
محمد: اهاا....( ياربي من هااي أي وحده من بنات عمي) الاا بتخبرج.من انتي.؟
مريم: ههههههههه افاا بنت عمك ماتعرفها..؟
محمد: هههههههه عاده سمحي لي ما اعرفكن ناسنكن..؟
مريم: ينساك الموت انا مريم بنت عمك ناصر..
محمد: والنعم والله سو ناايس ..
مريم: تسلم.......
(يلسوو تقريبا عشر دقايق يطالعون التلفزيون وهدوء)
مريم: الشيخ ما تباا شي من المطبخ..؟
محمد: لا والله تسلمين..!
مريم: براحتك (وراحت المطبخ بس ما هان عليها ترد وايدها خاليه.. فسوت عصير وحطت بسكوت بحلاوه في صحن)
محمد يالس يعابل في الاب توب ماله...وحطت مريم الصحن والعصير قدامه رفع عينه ويت عينه في عينها........
محمد: ( يوووويل حااااالي من هالعين) لييش تعبتي عمرج..؟
مريم: ( مستحيه يوم يت عينها بعينه ..مواطيه راسها) لا تعب ولاشي بعدين مب حلوه منيه ارتز عندك واكل وانته ما تاكل..
محمد: هههههههههههه حلوه ارتز( يويلي عالنطووق)
مريم: ههههههه ( ويلست اطالع فيه يالس يعابل في ماله وسألته) بتخبرك شي نت هينه..؟؟
محمد: اكييييييييييييييد يا بويه العرب مطوورين عيل شقايل الاجانب ما يطورون اكيد شي ولا بعد يوصل كل مكان في الفله..الاا لييش..؟
مريم: لا ماااشي الاا يايبه الاب توب ماليه قلت برمس ربيعاتي..(مرتبكه)
محمد: هيه لا اطمني شي ..الااا انتي صف كم..؟
مريم: هذي اخر سنه خلصت..
محمد: مشااء الله ..
ونشت مريم عنه تباا تروح تنام وخلته ويلس هو يطالع الاب توب فاتح المسن ماله بس ما حد داخل...

وهي كانت تباا تفتح مالها بس من التعب ما قدرت بس فرحت ان شي نت وانها بتاخذ راحتها..وفكرت في طيب ولد عمها وتقول مشاء الله في الغربه وعنده اسلوب روعه......وبعد تفكير غطت بنومها ونفس الحاله محمد راح ينام..

قاموو الصبح الشيبان ويلسوو وعندهم ام سالم تهد وتناقر<<بو طبيع ما يوز عن طبعه..بس طبعا ما يستغنون عنهااااااا.......وقاموو الشباب الضحى ويلسوو كلهم في الحديقه معد البنات الخمس الريم ومريم وعايشه وعليا واليازيه كانت العنوود يالسه عدال امهاا وكان راشد يراقبها بنظراته متبهت فيها وفي حلاتها ولا احد لاحظ الاا امهاا وعمته سهيله وطبعا فرحن لانه ما بيحصل احلى منها.......وشووي وياهم محمد توه قاعد..

محمد: السلام عليكم ورحمه الله قود مورنق افري بدي.؟؟
الكل: وعليكم السلام ورحمه الله..
ام سالم: شوه هذي بعدها قد مونه ..ولا مادري بعدها؟؟
الكل: هههههههههههههههههههههههههه
محمد: هههههههههههه فديتج( بعد ما حب راس ابوه وعمومته ياا وحب راسها ) يعني صباح الخير ... يا اميه..
ام سالم: انا احيدها صبحكم الله بالخير ما حيدها قد مونه ......
سعيد: هههههههههههه اميه مب قد مونه لا قود مورنق..
بوخليفه: بسكم عاده ع امكم..تعرفونها ماتعرف لرمسه هالانقليز..
ام سالم: هيه والله شدراني برمست هالصفر ...
سعيد: وين صفر وهم مقطعين البيااض امايه.
ام سالم: لا صفر عنبووه ما تشووفهم صفر وعيونهم خضر ومن كل لون.
بو مبارك: هههههههههههه هذاا نوعهم فهالبلاد سبحان الله..
سهيله: هيه خالتيه هم جييه كل بلاد انواعها واجناسها تختلف..
ام سالم: ماعليه منهم الاا بتخبرج العنوود خواتج وين.؟؟
محمد: (يدري انهم مب نايمات من وقت) يمكن نايمات من التعب السفر..
ام سالم: كلنا تعبانين وقمنا من فير وصلينا وهن لاصلاه ولا حياه ..موزوه نشي خليهن ينشن لا اييها الوحده امرغها بالعصى...
موزه: ان شااء الله..
ام خليفه: هيه بسهن من النوم خلهن يقوم ويطالعن هالارض..
بو محمد: هيه والله جنه ريف لندن..
بو خليفه: يبالها لفه والله..
طلب بو محمد من خوانه ولد خالته يروحون في السياره يتحووطوون فيها(وراحوو بو محمد وبو خليفه وبو مبارك ويسوق بهم حمد )

وراحت ام محمد هي وام خليفه وسهيله وام سعيد يطالعن البيت وبقت ام سالم عندها محمد وراشد وسعيد والعنوود نشت تشوف البنات واما العيال الصغاريه يلعبوون في الحديقه وعندهم الخدامات ..

موزة : (ادق الباب) يلااااااااا قوووووووووومن مالت عليكن عيوزنا محتشره الله ينطبكن.......
الريم: ( متغييييييييضه) عيز عدوينج الركب ماااااااااالت عليج ان قمت ماابتعينين خير ......
موزة: قوووووووووووووووووووووومن( وادق الباب قوو)
عايشه: اففففففففففففف موزووووووووووه بس من صوتج اللي يروع..
تقوم اليازيه لانها ما اداني حد يدق الباب وتفتحه وراحت الحمام وكان منضرهن يوم نايمات يفطس من الضحك الوحده فوق الثانيه..
موزة: وعععععععععععع شو هذا غجر حير الفله مزر التراب هههههههه..
علياء: اففف والله متفيجه وراحت الحمام...
يت العنود: شو هذااااااا ما قمتن والله اميه متغيضه عليكن ولا خلت مسبه ما سبتها
الريم: قامت اف قمنااااااااااا وراحت الحمام مال الصاله...
اما مريم وعاشه تريين احد تطلع عسب يدخلن..
وتسبحن وتلبسن وطلعن برى عند ام سالم والشبيبه..
عليا: السلام عليكم..(وتحب اخوها وامها العوده)
الكل: وعليكم السلام ..
واللي وراها كل وحده تسلم على خوها وتحب راس امها العوده.
ام سالم: لا حلفت عليكن ما تقوومن شوه هالنووم خميتن..
كل وحده مواطيه راسها والعنود وموزة ميتات من الظحك بسس عالصامت

محمد: يا اميه فديتج خليهن لا دراسه ولاشي وماعليهن..
سعيد: لا خلهن ينشن من الصبح بسهن نووم عنبوه..بلا مذهب..
الريم: ( تكلم خوها بصوت واطي) نحن مضييعين الذهب..
علياء: ( طالعت فيه ولفت ويها) الله يعافينا..
مريم: بسكن عاده..
محمد: (سمعها) هيه صدق بسكم سعيد يوز عن البنات..
ام سالم: شبلاكم تتغامزون كنكم دياي..
علياا واليازيه: هههههههههههههههه وحليلهم..
ام سالم: ما عليه امهات لسانين ستكتن عاده..
فهالوقت اللي الكل نساه يا حامد توه ناش من النوم......

حامد: السلام عليكم(ويحب راس امه وخشووم الشبيبه)
الكل: وعليكم السلام..
عايشه: هااه هذاا توه ناش ونحن مسوين لنا محاضره.؟
علياء: نحن غير..
سعيد: ( يباا يغايض عليا) انتن بنات..
حامد: حووووه شفيكم..؟
ام سالم: والله يبالهم مرغ وهالنوم يباله دووى وابويه عليكم عبرتوو الرقاد العرب تصلي من فير وانتوو قايمين الضحى ولا من الحينه تعلمتوو من هالكفار الصفر..
الكل: هههههههههههههههههههههههههه........
محمد: مااشي ياريال يلس بس اميه متغيضه البنات ما قامن من الصبح.
حامد: ( يت عينه عالريم) اهاااااا لييش يمكن تعبانات..
الريم: ( يات عينها عليه ونزلت راسها) بس عاده عليا وعواش تعرفنها امكن..
ويلسوو ساكتين وحامد كل شوي.. ويطالع الريم ومريم كانت تباا تقوم تفج لابها بس ما تقدر ومحمد ساكت.. وسعيد يطالع علياا ومن الخاطر يباا يرمسها ويعتذر عن كل اللي سواه فيها..وراشد يطالع العنوود
محمد : لا حول الكل عالصامت .. اميه (العيوز يالسه تتسمع قران في مسجلها) دقيت للمستشفى ورتبت لج موعد..
ام سالم: ( بندت المسجل) هيه ع خير ياولديه..
محمد شاف ان الجوو معكر ..ردت النسوان ويلسن..
محمد: شرايكم.. نروح الحديقه اللي تبعد عن الفله كيلو تقريبا بروح مشي..
الشبيبه: (طبعا مب معارضين) طاح اليواب..
ام سالم: بس الحينه شوي وصلاه وغدى بروح بعد ما نقيل بروح لها العصريه..
الكل مستغرب لانها وافقت بدوون مناقر ومحايل..
ام محمد: عيل بخلي الخدامات يسوون فطاير وبسكوت وسندويجات وبنشلها للعيال..

وردوو الشيبان ويلسوو الشباب يطالعون التلفزوين وراحت ام سالم غرفتها والبنات يلسن في صالتهن يطالعن التلفزيون اما الريم يلست عن العيال في الحديقه يلعبون راشد خوها وحميد ولد بو خليفه وفهد ولد بو محمد يلعبون كروه خخخخ يلست تلاعبهم ....وشوي ان حامد طالع من برى يباا يشوف السياره ياخذ منها حايه..شاف الريم تخبل كانت لابسه شيلتها بس مطلعه قصتها وطالعه اسم ع مسى ريم الضبي..ويلس متسمر فيها وما نتبهت تمت تلاعب اليهال..
حامد: ( يكلم نفسه) يويلي لالا لا يكوون حبيتها والله قلبي يدق ياللاا دعوات حمد عليه انيه احب وحده بس ما اقدر لها بس لو حبيت الريم هذي بنت عمي وانا احق فيها يالله طرررررررر هالبنت يويلي....
وشوي ويقطع حب افكاره خوه حميد يوم فر الكوره يت ع ريول حامد فأنتبهت الريم انه يطالعها عدلت شيلتها وياا هو صوبهم شال الكوره
حميد: فرهاااا عليه ...
راشد: اناا اناا سرعه..
الريم: شفييكم بس بيفرها..
فهد: ( هذاا عليه حركات) حامد شووه تسوي هنيه ماتيلس عن الريال..
حامد: افاا تراكم بعد انتو ريال ياي صوبكم..
فهد: بس نحن اصغر منك شعنه ياي..؟
حامد: قلبي ضااع ادوره عندكم..(يقصد الريم)
الريم: ( نعــــــــــــــــــــــــم شيقصد) دور قلبك بعيد خلنا نلعب براحتنا..؟
حامد: يا سلام الريم تلعب وانا لا..؟؟ وهيه حرمه شتبا فيكم.؟؟؟؟
راشد: اختي عااااااادي تلعب ..
حميد: لا والله واخويه عاااااادي يلعب..
حامد: خشمك بو عبدالله..(وتوايهوو)
فهد: انزين الريم تستحي تلعب عندك انته ريال..؟؟
الريم: (منصدمه من فهد ) خخخخخ صدقه فديته فهوود..
حامد: فديته لا مااشي بلعب والريم بتلعب وكل واحد بفريق انا وخويه وانتوو كلكم يالاا موافقين..؟؟(يباا يلعب عند الريم باااي طريقه)
الريم: ههههههه وان طلعت اميه بالعصى من بيفكنا منها..
حامد: ههههههههههه بنمووت من الضحك بعدين بنحب راسها ولا بنعيدها.
الريم: لا سمحوو ليه انا ماا اباا كله ولا شيوخي ازعلهم (وقفت تبا تروح داخل)
حامد: ( لا حوووووول منها) الريــــــــــــم.....
الريم: لبيه..
حامد: (يوويلي) لبيتي حايه ..شكلج ما تبينا ولا مب خايفه ولا شي..؟
الريم: نعــــــم صدق مب خايفه بس شوه ابا فيكم..
العيال الواحد يطالع الثاني..
حامد: لا والله تعالي هنيه الحينه انا ارمسج ريال طول وعرض وتقفين شهالاسلوب..
الريم: والله انا قلت برووح ولاقفيت وبعدين شو قصدك يعني انا الحين بلا اسلوب ..؟؟
حامد: لا مب جييه بس اللي اعرفه البنات المتحضرات لازم مايسوون جيه!
الريم: ههههههه ومن قال لك انيه متحضره انا بعدني بدويه..
العيال: هههههههههههههههههه راعيه عزبه..
الريم: اشكركم صح يلاا بااي سي يوو (وقفت ولا عطته ويه)
حامد: ( افففففففففف) مالت عليكم(يطالع في العيال) راعيه عزيه يالهوش..
فهد: يالتيس..امبااااااااااااااااااااع
راشد: ههههههههههههههههههههه حليله
حميد: عطناا الكوره وروح عند اللي كبرك..
صدق قفطووه واتفضح على ويهه باللي الموقف والسبه الريم...
حامد: ( راح منهم وهو يكلم نفسه) والله يردها يا الريم ماعليه..

كانت الريم تمشي وتفكر في كلامه وشو معناه وهي رايحه لصاله البنات لاقت ختها مريم ......
مريم: ريماني شوه تسوين.؟؟
الريم: هاه لا ماشي كنت آلااعب العيال كوره..
مريم: حافظ عليج ختيه لو حد شافج عندهم..؟
الريم: هههههههه عادي شافني حامد ويبا يلاعبنيه بس ماطعت..
مريم: يويلي منج روحي الحينه داخل وطبي عنج هالحركات وحشمي انتي بنت سعيد وخلج عن ثقته اللي وكلها لنا..
الريم: فدييييييت روحه وربيه مشتاقه له بروح بتصل فيه بااي..
مريم: سلمي عليه ...

راحت مريم تطالع الطابق الثاني وتشوف الغرف اللي ما حد دخلهن لين ما وصلت لغرفه بعيده ع طرف الروحها في خاطرها( غرفت من هذي ادخل او لا..) امممم عقب تفكير قالت بدخل الفضول لعب فيها....دخلت الغرفه وكانت ليتاتها مبنده شغلتهن..(يالله شوه تهبببببببببببببل يربي هذي غرفت من ..مرتبه من الخاطر)تمت تحوط فيها ..كبيره وواسعه وفيها اثاث قديم بس حلوو وفيها دريشه حلوه تطل عالريف بمنظر حلو وفضيع كانت ماسكه الستاره وطالع المنظر وحاطه شيلتها ع كتفها ومبطله شعرها والمهب يلعب به وكل أفكارها عن مهاجر اللي مابينها وبينه الاا خطوات.....
انقطعت احبال افكارها بصرخه شوفو شوه استوى..........
يوم كانت تطالع المنظر دخل ولد عمها محمد وكان مسمر في جمالها وفي شعرها اللي يلعب به المهب ..ولا تكلم متبهت وفجآه هي أتفت وراها ويوم شافته صرخت واطت راسها عسب تسوي شعرها وتتشيل..وهو..
محمد: (نزل راسه) اسفـــــــ وربيه ماكان قصدي اخوفج...
مريم: (شوي وبتصيح من الخوف والمستحى) اف لا عادي انا اللي داخله الغرفه ولا دريت مالت من...(وعدلت شيلتها ووقفت..ويت عينه بعينها)
محمد: اسف لاني دخلت ولا قلت شي..
مريم: انااسفه ..هذي غرفتك..؟؟
محمد: هيه..شرايج فيها (ويسلوو يطالعون الغرفه بنظراتهم بس في مكانهم)
مريم: امممم كلمه حلوه عليها شوي
محمد: ههههههه حلال عليج ترى..
مريم: لا وين هذي غرفتك وانا وين ابا رازه الفيس..؟
محمد: تفداج الغرفه وراعيها...يابنت العم..
مريم: ( من الخاطر استحت)بس انا مستغربه كيف انها لريال..!!
محمد: افاا ليش شفيهم الريال..؟
مريم: اليي اعرفه الريال وخاصه خواني تدخل غرفهم لا حول لانظافه ولاشي..
محمد: هههههههههههه لا لا مب لهدرجه انا ما اداني انظفها الروحيه احيانا اذا ما يت عاملت التنظيف..
مريم: اهاا...اوكي انا بطلع خذ راحتك..
محمد: لا وين يلسي..
مريم: ( منصدمه من طلبه لان كيف بنت تيلس مع ريال ولا وفي غرفته) لا شوه هالرمسه شكلك محمد انته واااايد ماخذ عهالبلاد ترى عيب ومنقود نيلس عند الريال بروحهم..
محمد: ( استحى لان بنت عمه اصغر منه وتعلمه) هيه والله صدقتي سمحي ليه..
مريم: الله يسمح ذنبك ماسويت شي ..يالاا ماباقي عن الصلاه شي صل وانزل تغدى..فداعت الله (وقفت عنه)
محمد: ( اول مره حد يعلمني شي وينصحني ) يويلي منها..

وصلوو وتغدو الريال والنسوان بعد والبنات كلهن الا عليا ما تباا لانها متغيضه من الخاطر ع سعيد وحركاته البايه وكل مره يجرحها ولا ترد عليه ..النسوان خطفن انها تعبانه بس الريم كانت تعرف شوه بلاهاا
راحت لها ............
الريم: الله الله آنته يا الزعلان لو تعرف غلاك..(تمت تغني لها)
عليا: هههههههه صوتج صراحه يضحك..
الريم: الحمدلله يوم ضحكتي كله ماده بوزج..شفيج..؟
علياء: ماشي!!
الريم: علينا....(وطالعها بعيناا) من بوعسكور صح..؟
علياء: (من ذكرت اسمه قامت تبا تصيح).......
الريم: (مطتها من ايدها وقعدتها) يلسي والله ماتقومين ..عنبوه تعرفينه خويه حار ويبا له شخص يفهمه..
علياء: لاوالله كم مره يجرحني واليوم يطالع فينيه ويرمس غياض فيه.
الريم: هاه قلتي تراج غياض فيج لانه يحبج..
علياء: شدراج انتي..؟؟؟(تصيح)
الريم: ( تلوي عليها) لالا انتي اقوى من جيه يوم تشوفين الوقت المناسب كلميه ..ولاآ انا برمسه..؟
علياء: لالا لاترمسينه ولا شي ..خليه هو يي الروحه ويرمس..؟؟
الريم: غآآآآآآآآلي..........!!(تغايضها تباها ترضى)
علياء: أأأه ..بس
الريم: يآآآآآحظظظظظظك يابوعسكور بس..
علياء: ههههههههههههه مالت عليج..
الريم: هيه خلج جييه فرحي وترى مب كل يوم العيد لندن لاتحلمين انج دوم بتينها..
علياء: الريييييييييييم.........يوعانه!!!!!!!
الريم: يوم العرب تتغدى وحاطين ذاك الغدى اللي ما يتفوت بوعسكور مسوي معسكراته فيراسج يالله نشي بندور لج غدى..
علياء: ( تحب الريم ع خدها) فديت اللي يفهمو الله يرزقج يارب..
الريم: وععععع لا دخيلج ماأأ اباا........
وتمت تضحك عليها علياء......وراحن المطبخ


نهايه الجزء الخامس
بداية الجزء السادس:
شوه بيستوي لوين بيوصلون وهل بنكتشف شخصيات يديده ..؟وهل بيطلع البطل .؟ عليا تتريا الاعتذار بس سعيد بيعتذر.؟ حامد لوين حب الريم بيتملكه.؟ وبعد.......... محمد ومريم ........شوه السالفه
اشيا وايد بنعرفها فهالجزء........


2:30 الظهر
الكل راقد ولا واحد قايم حتى الصغاريه...
آلا محمد في غرفته...يسمع حد يدق الباب..
محمد: اقرب .......من.؟
حمد: قريب انا حمد..
محمد: مرحبا بك ياحي الله بولد العم شكلك مانمت..
حمد: الله الله خقاااااااق عاطنا غرف هب حلوه ومستحل احلى غرفه في الفله.. بس والله تستاهلها......لا والله قلت بيلس عند ولد العم اذا هب راقد..
محمد: هههههههههههه اناخقاق حرام عليك..حيااك انا مرات هب دوم انام الظهر..
حمد: حشى الفله هااااااااديه ولا واحد قايم..
محمد: مساكين تعبانين والعصر بروح نمشيهم..
حمد : زين زين ...الا بتخبرك ماعندك انته كنادير..؟
محمد: ( استحس) لييش..؟
حمد: لا ولاشي بس من يينا انته كله بناطلين وقمصان..
محمد: اممممممم تبا الصدق ماعندي..واخر مره ما اذكر متى لابس كندروه..
حمد:افااااا..انا شكلي انا وانته نفس الطول بعطيك من كناديري..
محمد: تسلم والله بس هب هالايام عقب يوم بيي علي والشبيبه اللي عنده..
حمد: ع خير ان شاء الله بخليك الحينه قابل لاابك بروح بوطي راسي..
محمد: نوم العوافي..
راح حمد ترى حمد فيه من ملامح مريم ..عيونه كبار شعره حلو طويل
حساس يحب الهدووء عكس خويه حامد الهواوي..
تريا محمد اللي ماخذه تفكيره تدخل بس ما دخلت ..قال اكيد انشغلت او مالقت نت او شي المهم دور لها اعذار..ومن التعب نام ولاحس من كثر مايفكر فيها..........

4:30 العصر
ام سالم مرتزه في الصاله الرئيسيه وعندها الشيبان بو خليفه وبو مبارك وبو محمد..ونسوان وحمد ولد بوخليفه الصغير..
بو خليفه: ( حاط ولده في حظنه) بو محمد ماتشوفه هالرحيم يشيهني..؟
بومحمد: هههههههههههه لا الله يفج له ما يشبهك ارحم..
الكل: ههههههههههههههههههههههههه
بو خليفه: ماعليك يالهرم الحينه انا مب رحيم لا بويه ارحم منك انا وتخبر اميه..
بو مبارك: عاده الحينه انقلبتو يهال من احلى الحلى حلا الروح..
بو محمد: نعم صدقت ...
ام سالم: (ماكانت عندهم تتسمع القران ..بندت المسجل) وينهم هالعيال ماحد نش من النوم..
سهيله: فديتج خالتيه تعبانين خليهم يناموون..
ام محمد: صدقتي يا ختيه بعد الحينه الصيف والليل قصير ما يشبعك نوم..
بو محمد: هيه والله لازم الانسان ينام ساعات محدده ع قد عمره..
ام سالم: ام سعيد ماكلمتي ريلج يابنتي..؟
ام سعيد: هيه رمسنيه وصح يلسم عليكم كلكم ..وتخبر عنج وعن مواعيدج بس قلت له بعدها..
ام سالم : فديته مشغوب بتصل فيه بعدين..
بو خليفه: ( يلاعب ولده حمد ) تباني وين اوديك..؟
حمد: بروح الالعاب..؟
بو خليفه: فديت خشمك فالك طيب ..
يحدر عليهم سعيد..وشوي شوي الكل قاام ويلسوو برى في الحديقه وكانت ام محمد ترتب في المطبخ وعندها بنتها عليا والريم ومريم يساعدنها عسب الروحه للحديقه....وكانت عندهن اليازيه بس طلعت راحت تشوف عايشه وموزة تطالعهن لاآنهن فوق..

دخلت الصاله اللي تروح ع فوق وكان في هذي الصاله حمد منسدح يفكرويلعب بتلفونه... بدون ما تحس به كانت تغني وخاطفه
خلك معي يامهدي الجو لونين ..
وانتبه حمد وفز من الكنبه وتروعت منه وصرخت
حمد: سوررررررري وربيه ما دريت بج انج انتي بس كان هدوو وفجآه طلع صوت السموووووووحه منج..؟(متلوم فيها ليش خافت)
اليازيه: ( مستحيه مووت لانها كانت تغني وبعدين صرخت فويه حمد)..انا اسفه.. لا عاادي ما انتبهت ان احد هنيه..(مواطيه راسها وقفت سرعه)
حمد: (ااااااااه فديت الصوت والعود والله) مسموحه بالحل..(اف راحت ولا كلمتها مالت عليه)..
ياا صوبه حامد ..
حامد: شفيك..؟ متعفس ويهك.
حمد: اااااااه فديت عرب وربيه انهم احلى منك..
حامد: وعع لا انا احلى واحد فهالبيت ترى..هههههههه اليازيه خطفت منيه.
حمد: وط صوتك هيه يا احلى واحد..
حامد: هاه زين قول شوه استوى..؟
حمد: ماشي روعتها وصرخت وراحت وهي مواطيه راسها..
حامد: ههههههههههههههههه ليش روعتهااا.؟؟؟
حمد: كنت منسدح ولا شوي واسمع صوت عقب الهدوى وفزيت بطالع الا هي في ويهي تصارخ..!!
حامد: مسكينه تروعت من هالويه..!!ههههههههه
حمد: اسكت وربيه ما كان قصدي اروعها!!
حامد: الحينه بروح الحديقه وبتشبع من شوفتها واذا حصلت فرصه اعتذر وترى بتتقابلوون لمد شهر وتونا اول يوم..
حمد: ان شااااء الله..يلاا خلنا نطلع عندهم

طبعا بقياده محمد الشامسي راحو كلهم مشي حتى الشيبان مشااااء الله موكب بس كان منظرهم يهبل ..حتى الخدامات..والعيال الصغار ماسكين

محمد ويربعوون والكل ميت من الضحك عليهم البنات عدال امهاتهن ورى وام سالم ماسكينها بو محمد وبو خليفه يمشونها والشباب كل واحد يسوي حركه بالثاني منظرهم يضحك ..كل اللي عدالهم فلل ومناظرهن روعه وكل اللي يسكنونهن من رجال الاعمال الخليجيين والعربيين حتى ان في بيت فيه من سوريا يعرفون محمد زين ابوهم رجل اعمال وعنده بنتين وحده كبر علياء 19 توها داخله الجامعه ورنا كبر مريم الصغيره عمرها 12 شافهم محمد يالسين برى زقرهم ..وطلعوا له برى يسلمون الريال وحرمته وبناته..
محمد: اهلييييييييين بوريما شحالك؟.
بو ريما: هلاوالله بيك محمد كيف حالك ياعمي من زمان ماشفناك.؟
محمد: هيه طيب ويسرك حاليه (تم محمد يعرفه بالعيايله )
بو ريما: مشاء الله على وين يا محمد ناوين تروحو..؟
بو محمد: حياك بو ريما انته وعايلتك اقرب عندنا بروح الحديقه.؟
بو ريما : لا خلكم لحالكم عياله مشاء الله وقت ثاني..!
ام سالم: (مب عايبنها منظر حرمت بو ريما وبنتها بلا شيل) ان شاء الله
يالله خلونا ترى تعبت من الوقفه..؟؟
الكل: ( منصدم من حركه ام سالم ليش تقول جيه كأنه مب متحملتهم)
بوخليفه: اميه شفييج ..؟
ام سالم: ماتشوف العيال كلهم تسمرو يطالعون بنته هاللي متعريه.؟
بو خليفه: هههههه الله يهداج هذي حريه..
او يالم: خلنا نمشي اقول..
محمد: (لأمه ام محمد) اميه عاد الله الله عاده ام ريما الحينه ربيعتج..
ام محمد: اكيد ولديه ..يا ام ريما اترياج انتي وبناتج فالبيت..
ام ريما: ان شاء الله تسلميلي .
محمد:يلاا اشوفكم عقب مع السلامه..

وسارو صوب الحديقه... والبنات يتهامسن..
عايشه: اففف يا جمالها شفتيها!!!
علياء: هيه والله عسب جيه اميه قالت خلونا نمشي الشباب تسمرو يطالعون
الريم: تعجبني فيهم هههههههه
اليازيه: والله شكلها طييييييوبه وحبوبه بتخبر محمد عنها ودي اتعرفه عليها
مريم: لحقوو هذي تمووووت وتبا تتعرف..!
العنود: شكلكن والله ادورن الهزيه خطفن عن الرمسه الزايده..
عايشه: لازم تكدرينا بالهزبه..؟؟
موزة: بنات من تسابقني لمحمد والعيال اللي عنده..؟
الكل: هههههههههههههههه ماحد طبعا.!!
موزه: ليييييش!!
عايشه : تبين امايه تلحقج بالعصى سابقي..
الريم: ااخخخخ هههههههههههههههه اتخيها بس..!
الكل: ههههههههههههههههههه
موزة: مالت عليكن بروح عند بويه.....
راشد : ( اخر شوي عسب يكلم البنات) اليازيه بسالج..؟
اليازيه: امر..؟
راشد: ( وهو مسمر يطالع العنود) اخر مره متى شفتي كلب!!
اليازيه: ( تخااااااف من الحيونات) اميه ليييش ..!
حمد: ( انتبه لراشد واخر عسب يلحقونه) ههههههههه ترى يبا يراويج كلب فهالحاره,..؟
اليازيه: لاااااا بلييييز مآآدانيه بصييح لا تراويني ولا شي,..!!
الريم: ولللللللل يالديايه..؟
عايشه: دلوووووووووووعه صدق
العنود : وينه ابا انا اشوفه..؟
راشد: ( يطالع العنود) ههههه لايكون بعد انتي تخافين..؟
العنود: لا تحلم انا اخاف لا ما اخااف الخوف لختك..
اليازيه: ( تضرب العنود بأيدها) مالت عليج..؟
حمد: مريووم وانتي القطوه حتى الحينه تخافين منها..؟
حامد: ( ياهم) من اللي يخاف من القطوه..؟
مريم: لا مآ اخاف هذا اول الحينه تخبر الريم من يخاف..؟
الريم: لا والله انا ما اخااف ..
حامد: هههههههههههه عيل من يخاف..؟
حمد: مريم!!!
محمد: شفيكم عالبنات لازم تدورن شي يخوفهن..؟
سعيد: ههههههههههه يا بابا الدلع مب عندنا انا بييب لهن اسد..
علياء: ياكلك قول امين..!!
الكل: منصدم !!!!!!!!!!
الريم: هههههههههههههههههه ااخ اتخيلك بو عسكور انته واسدك!
حامد: ههههههههههه هيه والله
محمد: عليا اباج عقب في شي يالاا عجلوو ما بقى شي عالحديقه..

ووصول الحديقه ويلسوو وكل واحد راح في طريق يتأمل ويفكر..

راحت علياء عدال بحيره تمشت عدالها لين ما يلست..تتوقعون من كان وراها...سعيد!!!

سعيد: ( يبا ينبه عليا انه وراها) احمممممممم..!
علياء: (عدلت قعدتها ولتفت فيه) خير شي تبا!!
سعيد: اممم لا مآشي ..بس شفتج الروحج قلت بيي عندج..
علياء: اهاا حلو منظرنا لو احد شافنا..
سعيد: ( يلس) والله يابنت عميه انا قاعد عندج وانا ولد عمج وبعيد انا ما يلست عداااالج يلست الاا قربج ابا اطالع هالبحيره..
علياء: اهاا لو احد شافنا ماليه خص..انته السبب..
سعيد: لاحوووووول لاتخافين دامني موجود والله ما احد يستانس يمس شعره من شعرج..!!
علياء: ( اسسسسسسسستحت من الخاطر) (نزلت راسها)
سعيد: ( فديت اللي يستحون والله) امممم عليا انا اسف..
علياء: امممممم معذور ولا تتآسف!!
سعيد: بس حسيت انيه غلطت في حقج وايد!!
علياء: لا ترى نسيته..وانته انساه!!
سعيد: ( ياي بيتكلم الا الريم تحدر عليهم) ا....!
الريم: اووووووه عصافير الحب هنيه..!!
سعيد: نعم!!!!!
علياء: جبببب أي حب..!!
الريم: ههههههههه ماشي ..!!
سعيد: شوه قصدج ريموه رمسي الحينه..؟؟
الريم: مآآآآآآآآآآآشي..
سعيد: ( ماقدر يتكلم وسكت)....
علياء:................
الريم: لييش سكتو يوم ييت ولا طارت الشياطين يوم حظرت الملائكه
سيعد: ( اففففف ريموووووه زولي من هنيه) ..خخخ أي ملائكه
علياء: (ااااخخ هذا وقتج ريماني الله يهداج) فديتها الريم ملاك..
حادر عليهم محمد..
محمد: اوه عيال العم هنيه شوه تسوون..!
الريم: والله ياخويه مثل ما تشوف فاتحين مواقع لرمنسيه عهالجوو..(الريم جررررررررئه وااااايد مع الكل والكل يحبها ع جرئتهاااا وتسمي محمد خوها لانه مثل خوها حمد وسعيد)
محمد: ههههههههههههه هيه والله جو رومنسي بس ليت ناس هنيه..؟.!
سعيد: اوووووووب الخو متخششششششششششع..!!
محمد: اااخ يا بوعسكووووور..
الريم: ( عايبها الشوووووور) عاش خويه محمد من من..؟؟
علياء: من ورانا بوجسيم؟؟
سعيد: انتن بنات شوه تبن بهالرمسه..؟؟
علياء: ياااااا سلام هذا خويه..!
الريم: وانا خوووووووويه الطييييييييب..!
محمد: ههههههههه حووه لا تحسبون انيه بقول لكم يوم وقته بقول..
سعيد: ( قام بيشل عنده محمد) نش بويه نش عنهن..!
محمد: فاااااالك طيب ..
الريم: ...............
علياء: يقهرررررررررر خووووووج اففففف !!
الريم: ههههههههههههه حليلج..!
علياء: وانتي بعد يوم شفتينا ييتي..
الريم: والله انا ان ما ييتكم كان يا محمد وشافكم مع بعض ولا ماتفكرون هاه
علياء: حلف ان شافنا حد ما حد يقدر يمس شعره من شعريه..!!
الريم: اوووووووووووووه خويه مب هين..مغزلجي!!
علياء: بس من الرمسه اللي بلا ملح..
الريم: افاا بيب لها ملح وملحيها هههههههه
علياء: وخخخخخخخ سخييييفه!!!!
الريم: هههه يلاا نشي بروح عند الباقي!!

ويسلوو سوالف وطماشه وضحك وردو البيت وهم ميتين من التعب..

12:30 فليل
الكل ناااااايم من التعب الا مريم عالاب مالها يالسه في وحده من غرف البنات الفاضيه ..تتريا ناس يحدروون.. ألاا وشوي وحدروو مثل ما تمنت..!

مهاجربقلبي: مرحبااااااا مليااااااااااااار وأأأأأأكثرررررررر.!
مريم: اووووووووه كل هذا لي..؟؟
مهاجربقلبي: وربيه عشت ايااااااام من غيرج ما طاحتها الحلاه..
مريم: اشتقت لي؟
مهاجربقلبي: اشووووووووق سوى دروب في صدري وقلبي ياقلبي..
مريم: ( اكتشفت انهمشتاق لها مثل مب هي مشتاقه) يويلي انا!
مهاجربقلبي: ااخ ..الغلا بقول لج شي...؟ بس لاتفهميني غلط
مريم: (الله يستر) امرني كلي اسمعك..
مهاجربقلبي: احبج..............
مريم: .....................
مهاجربقلبي: الغلااااااااااا!!!!!!
مريم:...........!!
مهاجربقلبي: اف لا تشبين نيران قلبي..!
مريم: ( وهييييي مب عارفه شوه تسوي معقوله هالحب انبى جيييييييه)...
مهاجربقلبي: ادري ادري بتقولين هذا يلعب ولا يعرف الحب..ولآ كيف هالحب انبنى من دون شوف لا شفتج ولا شفتيني ..بس انا اللي ضميته في خاطر اااااه ما قدرت اصبر عليه وان احبج والله واموت فيج..
مريم: اااااااااااااااااااه
مهاجربقلبي: فديتج من اااااااااااه
مريم: اموت فيك (وطلعت اللي في خاطرها اللي كتمته وما قدرت انها تكتمه اكثر)
مهاجربقلبي: اااااااااااااااااااااااااااااه ياقلبي ياهلي لبو عليه..
مريم: سلامت روحك من ااااااه شفيك هههههه..؟
مهاجربقلبي: احس بدخلي شي مب عارفه ااخ دخلتي قلبي من اوسع ابوابه
مريم: والله حتى انته..(تسمع مريم احد يدق الباب) يالاا الحينه بخليك احد حادر باااااااي..(وتطلع عنه )

مهاجربقلبي: ( اااااااخ لا حراااااام افففففففف كنت ابا اسألها هي وين في لندن ياررررررربي شهالحظ ) عين الله ترعاج ..باي يا غلا القلب وناسه.. وطلع من المسن...

قامت مريم تبطل الباب وانها اليازيه والعنود يبن يروحن المطبخ يوعانات وشافن انها ما نامت طلبن منها تروح عندهن...وراحت...وردت للمسن مالها بس لقته طالع وكاتب لها (عين الله ترعاج ..باي يا غلا القلب وناسه.)
مريم: ( في خاطرها ) فديته وفديييت قلبه ااه ويلي شو هالحب اللي جيه اه بس.. الله يصبرني ..
وطلعت وراحت عسب توطي راسها تعبانه..وكل تفكيرها باللي استوى اليوم من اعترافات...

نهايه الجزء السادس..
بدايه الجز السابع..

شوه بيستوي في مريم ولوين هعلاقه بتوصل حد بيكشفها..متى سعيد بيترك حركات اليهال يوم يغايض بعلياء ..من هيه اللي شاغله بال محمد ..حامد بيوصل لقلب الريم..وشوه بستوي في كل واحد.. خولنا نشوف..


اليوم الثاني في لندن الساعه 7:45 الصبح

الكل نايم معد الشيبان وام سالم ونسوانهم..

مثل ما تعرفون ام سعيد ما عندها ريلها وسهيله تنام عندها ..
ام سعيد: فديت سعيد وحمد اباا ادور لهم ع مزينات اباهم يفرحونيه..
سهيله: هيه والله حتى مبارك .. ولأ راشد لاحق عالعرس وعوار راس..
ام سعيد: هذي كلمتهم ما فينا ع عوار راس..
سهيله: شباب لا تلومينهم..ههههههه
ام سعيد: هيه والله ..يلاا بروح صوب عمتيه ام سالم واللي عندها..
سهيله: هيه فديتها خالوه سرنااا..

ويلسو في لصاله والكل يسولف ويطمش والشبان مقررين انهم يروحون يتمشون ويشوفون البلاد ..وسرحو الساعه 9 الصبح من البيت
بو محمد: لا تتريونا لا ع غدى ولا عشا ..
ام محمد: ان شاء الله
ام خليفه: الله يسهل دربكم..

قومت سالي البنات آوامر من السلطات العليا بس مريم ما طاعت تقوم وخلتها وكلهن نزلن تحت وهي نايمه..ونفس الحاله الشباب قامو كلهم ..

أم سالم: ( لاحظت ان مريم ماحد) الريم..!
الريم: لبيه شيختيه..
حامد: ( فززززز قلبه)...آآه
ام سالم: وين اختج..؟؟
الريم: ( توهقت..مريم الله ينطبج) نايمه اميه..
ام سالم: شوه مرقدنها حتى الحينه الساعه 10 بتي 11 نشي قوميها لأ ييها..
حمد: هيه قوميها ولا بييها ..(وهو كل شوي ويطالع اليازيه ومستحى من الحركه اللي سواها ذاك اليوم)
ام سعيد: خلو البنت ترقد ..
سعيد: بس ما شي نوم حتى الضحى..
الكل: ( ساكت)
ام سالم: هيه انتي مدلعه هالبنت ولا لازم شرات خواتها تقوم يوم يقومن..
توها الريم بتنش آلاا ومريم حادره عليهم..وكانت منوره وطالعه تهبل ..
مريم: السلام عليكم..
الكل: وعليكم السلام..
سعيد: ( لاحظ أنها مبسوطه وشي في خاطرها مفرحها) اقول مريوم..
مريم والكل ( يلتفت صوبه)
سعيد: سلمتي سلامه اليوم من الضرب..
ام سالم: هيه كنت ناويه اقوم لج ودهنج بالعصى..(ام سالم تخلي عمرها شريره لانها تحب النظااااام بالقوووووو..ومسكين اللي يطيح بين يديها..)
مريم: (سكتت) ..........
سهيله: عاده بس كليتوو قلب البنت
محمد: ( يرمس سعيد ) بسك عاده من اختك....
راشد الصغير ولد بو سعيد: الرررريم(يصااااااارخ)!!
الريم: هلا غلايه رشود شوه عندك..
راشد الصغير: تعاااااااااااااالي بنلعب كوره...!!!!!
الريم: ( تقفط ويهها عند عيال عمها ونسوان عمومتها وطبعا عند الشيووخ ام سالم) اممممم لا انا بيي وبطالعكم بس ما اعرف..!
ام سالم: رشود والعثره تبا تلاعب اختك وهي شكبرها..!
سعيد: ان قمت لك انا بلاعبك يالهرم..تطلب من بنات يلاعبنك
حامد: بس عاده سعيد اليوم انته شفيك..
علياء: ( مستحسه من الخاطر من حركات سعيد البايخه)...
راشد ولد بو مبارك: اقول السمي عني فدى عينك فر عليه الكوره انا بلاعبكم..وقام راشد يلاعبهم وقامو وراه محمد
كآآآآن محمد عذاب شعره يوم يلعب يتناثر ع ويهه ويوم يعدله عذابين الكل متسمر فيه

3:15 الظهر

الكل في غرفته وكانت البنات ع لاب توب مريم هي الوحيد اللي يابت مالها لان الباقي اونهن في لندن ايبن شي يكفيهن..
كانت الريم كل شوي وتحط لهن أغنيه قديمه ..ميحد حمد...حد تعيبها وحد لا.... بس يوم حطت
مط روحي قلبي وشقى
وآسرقه من داخل أجسامي
غصب لا رآفه ولا رقه
لا ولا يدخلهم ارحامي

عايشه: اااااااااه يبتي عالعووووق يا الريم..
علياء: من الخاااااااااااااااااطر ماشي فيهم رحمه........
مريم: ااااه بس...
اليازيه: ( طالع متبهته وطالع الريم) هههههههههههههههههه
الريم: الله لا تبلاناااااااااااااااااا..
اليازيه: آميييييييييييييييييييييييين
عايشه: الله يبلاها الوحده بثنين مب واحد ..مالت عليكن..
اليازيه: هههههههههههه والله ما شفتي شكلج يوم تتكلمي ااخ بموت من الضحك ريماني شغلي وحده غيرها هنيه كل الرومنسه ولادريناا.
الريم: هههههههههههههههه ما طلبتي
عرفتك من قبل لا آتعرف عليك رسمتك
في خيالي حب غالي
قبل عيني تشوفك والتقيك احبك
ياخيال في خيالي

مريم: ااااااااه خليهااااا خليهاااااااا يابها ميحد والله........
الريم: حشىــــأأأ شوه يابهاااااااااااا!!لا يكون ختيه طايحه ولا حد سمى عليج....
مريم: أأأأأه بس ....( ونشت عنهن راحت الحديقه لان العبره خانقتها تحب واحد ما تعرف عنه شي حتى اسمه..)
اليازيه: شفيها مريوم..؟
عايشه: اول مره اشوفها جييه..
الريم: انا اختها ولا ادري معقوله تحب..؟؟
العنود: امممممممممم شكلها والله!!
الريم: فديتها ختيه بس شكلها مهمومه؟؟
علياء: هيه..يربي من هذاااااا !!؟
عايشه: بسكن عاده لا خلاص انسن......ولاتفكرنها اذا بغت بتقول لوحه تأمنها....
الريم: ( بالها عند اختها ) هيه....
اليازيه: عطينيه الاب توب بشووف ...ويلسن يعابلن المواقع.....

نهايه الجزء السابع
بدايه الثامن..
شوه بيستوي عن كل وااااااحد..بيطلع حد يدي او بعده مريم شوه موقفهااا ..خلونا نشوف..


في هالوقت مريم يالسه الروحها في الحديقه من ورى قربها حمام السباحه..
وياها حمد..
حمد: ( يالس يغني)
الحب مايسكن قلوب ومحاني
الحب اسمى عاطفه تسكن الروح
يا حبك اللي كل ما ضمى سقاني
سرى بلال ودرب مهجور ومزوح
مريم: ( انتبهت ع خوها ويلست تتسمع فيه..لان عليه صوت غرام)......
حمد: ( يلس عدالها وكمل)
ما قول منك اللي لفاني كفاني
مريم: يوووووووويلي ياخويه شكلها شاله قلبك شل..!!
حمد: اااااااااه يا ختيه بس ما غير ااااااااااه
مريم: سلامت قلبك من ااااااااااه..
حمد: ربيه يسلمج اللا ليش يالسه الروحج..؟
مريم: بس مافيه ع ازعاجهن قلت بطالع هالطبيعه...
حمد: من هن..؟؟
مريم: اختك ريموه وعايشه والعنود وعليا واليازيه...
حمد: ( يوم طرت اليازيه تنهد) ...أأه
مريم: اوووووووب خويه لا بكون وحده منهن...
حمد: لاني احبك هجر وعناد وجروح
مريم: فديت خشمك يا بوشهاب .ان شاء الله اللي في بالك لك يا خويه
حمد: امين ومن قال.. يالاا عيل انا بروح بوطي راسي وانتي لاتيلسين الروحج..
مريم: نوم العوافي.. ان شاء الله..

وراحت مريم داخل عند العيال تطالعهم...

7:45 فليل

ام سالم: متى ان شاء الله بويه محمد الموعد..
محمد: عقب يومين ان شاء الرحمن....
سعيد: (ملاحظ ع محمد متغير)... بو جسيم شوه مغيرك اليوم...؟؟
فهالوقت ين البنات ويلسن عندهم..
محمد: ههههههه ليش مبين عليه متغير..
سعيد: هيه لان شكلك امس غير واليوم متغيييييير شوه شاغلك..؟
محمد: ( فديت روحها) ابد ما شي فرحان بشوفكم...
ام سالم: راشد ولد بو مبارك بويه عطني التلفون بتصل ببوك وخوانه...
راشد: ما طلبتي غاليه والطلب رخيص....
حمد: يطالع اليازيه.....(فديتهاااااااا )
اليازيه: ( ما لاحظت ولو واحد بالاميه بحمد)...مريم..
مريم: ( فكرها مب عندهم) ...........
اليازيه: ( ما نتبهت مريم لها فمسكتها من ايدها) مريووم..شفيج.؟
مريم: هاه(انتبهت) شوه ما شي..؟؟
علياء: اللي ما خذ عقلج يتهنابه...
مريم: ( فديته).....ماحد
الريم: بسكم عن ختيه...
ام سالم: اقول يام لسانين لا الوحده اقص لسانها خلنيه ارمس في التلفون...
البنات: ( ان شاء الله) ......البنات يالسات الرواحهن ع طرف في خواطرهن ماحد يسمعهن بس ام سالم تفهم حركاتهن....

ام سعيد: بس عاده قصرن الحس...
البنات : ان شاء الله
شمسه: امايه فاطمه اباا لعبتيه شلتها مريم ختيه
ام خليفه: مريوم عطي اختج اللعبه...
سهيله: اقول راشد ..متى بييون مبارك واللي عنده..؟
راشد: والله يا عمتيه يمكن باجر..
اليازيه: يويلي بييي علي..اأخ

وجيه دامو وسوالف.........

الكل كان متواجد بس حامد( حامد من يوم ما دخلت الريم قلبه وهو حاله كل يوم يزيد سووء...وسوالفه مب هيه الاوليه ييلس الروحه بأفكاره..)

يالس حامد في الحديقه ومشغل في تلفونه شله
حبك ملكني واصبح القلب مفتون
فتان حسنك بالجمال العجيبي
تفدى عيوني نظرة ذيك العيون
يا نظرتن منها فوادء صويبي

حمد: ( ياا يدور ع ربيعه وشافه..) اووووووه مزيونا شوه يسوي هنيه..
حامد: هههههههه ماشي....
حمد: افاا ماشي!!
حامد: ( بند الشله.) ماشي اتسمع...
حمد: مب هين تتسمع شلات لايكون حد شل فوادك...
حامد: ههههههههههههههه مب اناا اللي اطيح...
حمد: اونه ..لالا بطيح وطيحه قويه يعلهاا!!
حامد: حرام عليك لاتدعي عليه....
حمد:هههههههههههههه شفيك..؟؟
حامد: مااشي خلناا نقوم صوبهم داخل....

ويلسوو الكل وبعدين تفرقو عسب الصلاه والعشااء.. وياا الشيبان وطو روسهم من وقت

12:30 نص الليل البيت هاادئ
البنات يطالعن التلفزيون في غرفتهن والشباب نفس الحاله وعندهم محمد..والشيبان كل واحد نايم والنسوان بعد...

مريم متحرقصه تبا تكلم قلبها بس ماتقدر عند هالبنات .....
مريم: (مافيها ع هزبه قالت بتروح الغرفه وطرش له انها اشتاقت له وما قدرت تكلمه لان عندها خواتها..) بنات انا بروح بنام..
الكل: ( مستغرب )..
الريم:ختيه لايكون شي فيج شي يعورج..؟؟
مريم: ههههههههههه لا ماشي بس بنام من وقت مافيه ع هدت امج الصبح
علياء: هيه والله انا عقب شوي بنام مافيه عليها..
وراحت مريم ودخلت المسن مالها بس ما لقته داخل وطرشت له..وراحت تنام.....

ماطولن البنات بالرمسه بعد ما طالعن الفلم راحن ينامن

والشباب باتو رمسه وسوالف وضحك .....

سعيد: اقول حامد انته اليوم مب عايبنيه..؟؟
حامد: افاا كنيه احلى واحد فهالعايله مب عايبنك..!!
محمد:ههههههههههههههههههههههه
حمد: اوووووووووه مزيونا فيه شي..
راشد: لالا الريال مب طبيعي
حامد: لا ا فينيه شي الا انتو مكبرين هالسالفه...
حمد:
يا طرشي ود السلام ورده
للي عيونه والهدب مسوده
غالي ويتزايد بقلبي وده
حامد: والهدب مسوووووده عااااااش بو شهاب....
محمد: لاحوووووول لالا فيهم شي..
حامد: بعد بو شهاب غيرهاا...
يا حال حالي ياليتك تنظر لحالي
الحال في بعدكم يازين يرثاله
..
سعيد: همن وغربى وبعد وشوق قتال
يدعي المحاجرعلى الخدين هماله

راشد: لا لا رايحين فيهااااااااااااا!! ولا شوه رايك بوجسيم..
محمد: ان شهد اشكرها اللي شلت الفواد وعيت ترجعه..
حمد: اااااااااخ عيت من الخاطر
سعيد:ههههههههه خويه ما دريت بك انك لهدرجه..
حمد: ورب اللي خلقني انها ملكتني ملك..
حامد: ههههههههههههههههههههههههه!!
محمد:ههههههههه شو يضحك ضحكنا...؟؟؟!!
حامد: لا ولاشي..بس صدق انها عييييييييت ترجعني
حمد:
اللي خذاني وعيى ما يرجعني
والدرب مجهول والتفكير ضيعنا
سعيد: صح لسااااااااااانك ياراعي الشلات.. وانته محمد ما تحب.....؟؟؟
سعيد: صح بدنك....
محمد:آآآآآآآه...............!!
حمد: رووووووووح ع هالتنهيده اللي طالعه من الخاطر
حامد: ههههههه وين يروح صوبهااااااا..؟؟
راشد: هههههههههههههههه هيه روح صوبهاا.
محمد: ليت..؟؟؟
سعيد: افاا ليش ليت....؟؟
محمد: خلوها في القلب تجرح ولا تطلع وتفضح...
حمد: صااااااااااااادق.....
محمد: يالاا انا هب مطول عليكم بروح اناام ...تصبحون ع خير..
الكل: وانته من اهل الخير...


راح محمد ينام بس يلس عالاب توب ماله ..وبعدها نام....

قامو الشباب من وقت عسب يروحون المطار يستقبلون الشباب الباقين علي ومبارك ويراد علي صالح...فوق سياره محمد الرنج ..وسعيد سار هو وراشد ولد بو مبارك يستآجرون سيارة لهم عسب الحواطه وجيه

نهايه الجزء الثامن..
بدايه التاسع..
كل واحد وحب له وحده ..لين وين بيوصل هالحب وهل بيعترفوون..

في البيت ام سالم محتشره ومسويه محاضراتها اللي ما تخلص على الكل ..ناوين يسوون عزيمه اللي كانو متفقين يسوونها يوم كانو فالعين..قررو انهم يسوونها عشى بييت الشباب الباقين.... يوم الشباب وقربو بربيعهم في غرفه الضيوف...ودخلو علي ومبارك يسلمون ع اهلهم وبعيدن يلسو في الصاله الرئيسيه وعندهم الشيبان وام سالم....ودامت سوالفهم لين العشى وبعدها تفرقوو والشباب كانو في صاله الضيوف عند صالح ومحمد توه يتعرف عليه ...اما البنات يلسو في صالتهم الخاصه سوالف وطماشه وضحك.... الكل نام من وقت........

1:15 الفير

محمد قاعد في الصاله اللي عدال الصاله الرئيسيه يطالع التلفزيون وماسك الاب توب ماله.... شوي ويسمع صوت احد نازل من الدري..وهي بنت عمه مريم ماسكه الاب توب مالها ..بس يوم شافته ارتبكت..

محمد: مريم..!! شوه ميلسنج لين الحينه...؟؟
مريم: هاه ..!! لا ماشي بس ماياني نوم قلت بنزل تحت شوي..
محمد: اهاا...حياج يلسي...
مريم: ( ماودها تيلس عنده بس قالت بيلس شوي عسب هالنزله اللي نزلتها)..
محمد: ( يطالع الاب توب ماله والتلفزيون)...
مريم: ( يالسه وودها تروح)..اممم انا بترخص اخليك ع راحتك..
محمد: ليش عاد ترى ..سمح ليه لانيه اعابل هالعله..
مريم: الله يسمح ذنبك ..لا انا بروح قلت الا بتمشى شوي وبرد الغرفه..
محمد: اهاا.. ربيه يحفظج ..نوم العوافي...
مريم: تسلم..ربي يعافيك..فداعت الله

وراحت مريم وهي كانت مرتبكه لدرجه ان الاب توب مالها ما فتحته..
ودخلت الصاله مالت البنات وفتح الاب توب مالها وسيده عالمسن..

طبعا المهاجر داخل.........
مهاجر بقلبي: مرحباااااا ملايين ولايسدن..
مريم: هههههه مرحب بااااااااقي وله زود..
مهاجر بقلبي: شحالج يا قلبي...
مريم: ( مستحيهـ) بخير وسهاله بسمع علومك وانته علومك؟
مهاجر بقلبي: علومي توها بدت بخير...
مريم: هههه دوم يارب..
مهاجر بقلبي: غلايه ما قلتي ليه انتي وين..؟
مريم: ( مرتبكه ) اممممممم
مهاجر بقلبي: غلايه ..ولا خلاص خلاص براحتج يوم تريدين قولي ليه
مريم: لاتزعل منيه بقولك بس خل الوقت المناسب ايي...
مهاجر بقلبي: اووكي حياتي ..براحتج..
مريم: اخبارك بعد.......................

وداموو جيه لين 4 الا ربع وقام كل واحد ينام من التعب....

اليوم الثاني
ام سالم تتريا محمد يقوم عسب يشلها المستشفى بس محمد ما قام من وقت وطرشت له حمد عسب يقومه...

كان حمد رايح يقوم محمد تتوقعون من آلتقى في دربه ..اليازيه..اول ما شافها كان من الخاطر وده يكلمها ويعتذر لها عن ذاك اليوم..

حمد: السلام عليكم..
اليازية: ( عدلت شيلتها)وعليكم السلام هلا بوشهاب..
حمد: ( ااه.بو شهاب يفداج) شحالج..؟
اليازية: بخر وسهاله انته شحالك.؟
حمد: بخير ربيه يسلمج من كل عوق...
اليازية: امين ومن قال.. شكلك رايح صوب محمد...
حمد: هيه والله اميه العوده تباه يشلها المستشفى ..
اليازية: اهاا..ع خير ان شاء الله اخليك عيل...(وقفت عنه)
حمد: (اااااااااه ) فداعت الله..

راح حمد يقوم محمد وهو مييييييييت وذااااااايب....

حمد: ( يفتح ع محمد الباب لانه لقاه مبطل) بوجسيم...
محمد: ( متغطي بالحاف ولا له خلق) هاااااااه!!!!
حمد: قوم نش خميت رقاد.....
محمد: (يعدل عمره ويفتح اللحاف) شوه عندك من الصبح..
حمد: أي صبح الحينه الضحى قوم امك العوده تباك تشلها المستشفى ياراعي لندن..
محمد: ااااااااااه نسيتهااااا (وقام الحمام) اليوم بتينيه هزبه محترمه...
حمد: ( يضحك عليه يوم يربع الحمام ويتكلم) ههههههههههههه الا هزبه ع اصولها ....يالا انا بنزل اترياك عندهم تحت....

ونزل حمد وراح عند ام سالم وخبرها ولقى النسوان وسلم عليهن وراح عند الشبيبه في صاله الضيوف عند ضيفهم....

البنات يالسات في الصالتهن....
عايشه: ( تمط كندورة الريم)ريمووه شفتي اللي عند الشباب..
الريم: لا بس شفيه...
عايشه: ولا شي..!!
الريم: يه!! كيف ماشي قولي...
عايشه: ريموووه..ااااااااه عذابي هوووو...
الريم:هههههههههههههه حلفي...
عايشه: هيه مالت عليج لاضحكين....
الريم: اووووووووه الله يفكلي منكن..........
اليازيه: ( داخله توها كانت رايحه المطبخ) هلووو..
العنود: شوه اخرج....
موزة:هلوتييييين...
اليازيه: ( تبتسم ع موزة وحركاتها) والله يا وخيتيه بو شهاب لآقيته رايح يقوم محمد وسلمت عليه وجيه....
علياء: اهاااا ..اشوفج تآخرتي....
مريم: ( توها قايمه)...صباحكم الله بالخير...
الريم: ( ماااا تيوز عن سوالفها) صباحكم الله بالنور والسرور يا العربان اقربووو حلفت بنذبح.......
الكل: هههههههههههههههههههههههه............
مريم: ه ه ه آآي بآآآآآآآيخهـ!!
الريم: هههههههه شوه مخلنج نتامين هالوقت كله.......
علياء: اقول لكم اللي ما خذ عقلها يتهنابه...
موزة: ( تقلد علياا) اقول لكم اللي...(وتضربها عليااا بالمخده)
علياء: جب جب ....
مريم: حوووه انتو جب ازعاج عالصبح.....
الريم: اوووووووه المعسكر اليوم ضارب طوارئ...
عايشه: هيه شكله هههههههههههههههههههههه..
اليازية: اللي تبا ريقو تلحقنيه.....
مريم: انا بيي عندج عن هالتفاهه اللي هينه....

وراحن وبعدها البنات الباقي....

البنات يلسو في الصاله الصغيره اللي تروح للمطبخ وعندهن النسوان اما الريال في الخوش فارشين ومحمد بعد كم هده راح هو ويدته المستشفى وشلو عندهم الخدامه عسب تساعد ام محمد......راحو المستشفى وطبعا المترجم محمد ما قصر بلبل في الانقليزي..سوو الفحوصات وكل اللي طالبه الدكتور.....وبعدها ردوو........

اما في البيت سوالف الشيبان والشبيبه ماتخلص والشيبان يحنون فوق روس عيالهم عسب يعرسون..والشباب رافضين الفكره............

بو خليفه: الاا متى ناوين مخاويه شما تعرسوون...؟؟
علي: عن نفسي ما فكر الحينه...
بومحمد: افا علي متى بوحسن تفكر...؟؟
سعيد: هيه صدقه لاحقين ع عوار راس ....
صالح:هههههههه شكلهم مطلقين الرمسه موليه...
بومبارك: هيه شكلهم....
حامد: انا بعرس خخخخخخخ!!!!!!!!!!!!!
حمد:ههههههههههههههه وين اللي يقول ما ابا اعرس ابا اعيش...
بوخليفه: والله ياولديه كنه بتفرحنيه زين والله...
علي: ههههه الوالد شكلك صدقته..هذا ويه عرس..
مبارك:ههههههههههه بوحسن ليش حامد قدها...!!
حامد: خشمك نعام قدها وقدود غير الا اسولف لاتصدقوون...
علي: ماشفت قلت لك مب راعي عرس هذاا....
راشد: لازم ايكم يوم وبتعرسون ...
بو محمد:هيه عاده فرحونا وفرحو امهاتكم بكم وبعيالكم..
حامد: والخييييييييييييبه في عين العدو مره وحده عيال خلنا نعرس قبل...
بومحمد:ههههههه هيه بتعرس وبتيب عيال....
حامد: ( راح فكره لعرب)..في خاطره(ويلي ياااااااارب...!!)
بوخليفه : يالله يارب ..خلونا نروح نصلي صلاه ..
وقاموو عسب يروحون يصلون ويتلاقون ع الغدا...

نهايه التاسع..


بدايه العاشر..
شو بيستوي مريم بتشوف مهاجر ولا لا..حمد بيقدر يعترف ...حامد اللي قلبت كيانه الريم شو بيكون موقفه منها...مبارك حب ولا لا.....


رد محمد ويدته من المستشفى...وراحت تصلي ويلست عند النسوان في الصاله..

2:30 الظهر

الكل نايم ماحد قاعد غير عليا واليازيه يالسات في الصاله اللي فوق يتابعن دي في دي ياهن محمد...
محمد: سلام عليكم..
البنات: وعليك السلام...
محمد: شحالكن.؟
البنات: بخير وسهاله من صوبك...؟
محمد:يسركن حاليه ألاا شوه تابعن.؟؟
علياء: ماشئ ...كل شوي ونحط شي..ماعيبنا شي...

حادره عليهم مريم وعندها الاب توب مالها...
مريم: السلام عليكم..محمد شحالك..؟؟
الكل: وعليكم السلام..
محمد: بخير ونعمه وانتي شحالج..؟؟
مريم: بخير ربيه يسلمك..!
اليازيه: انا بنش بسير انام ...(وراحت عسب تنام)
الكل: نوم العوافي..
مريم عالاب توب مالها فاتحه المس بس يالسه شو بعيد منهم ..
محمد: عليا روحي غرفتيه وهاتي الابتوب غايرتني مريم..ههههه
مريم: ههههههه افا عليك تبا هذاا..
عليا: ههههههه فالك طيب(ونشت تيب مال خوها)
محمد: لا افا عليج..بتييب الحينه العله مالتيه علوي...
عليا يابت الابتوب وستآذنتهم عسب تروح تنام..

بقى محمد ومريم وكل واحد شوي بعيد من الثاني بينهم طاوله وكم كنبه... محمد حاط السماعات.. ومريم مسمره ع المسن تتريا مهاجر قلبها..شوي ويحد وتوترت مريم من الخاطر بس خلت عمرها عادي عسب محمد مايشك واونها تكلم وحده من ربايعهاا......

مهاجر بقلبي: مرحبااااااااا ومسهلاااااااااااا مليااااااااااار..
مريم: الله يرحبك ع فضله..شحالك.؟
مهاجر بقلبي: بخير وسهاله وانتي شحالج...؟
مريم: بخير ربيه يسلمك ...
مهاجر بقلبي: شوه تسوين....؟؟
مريم: ماشي والله يالسه...
مهاجر بقلبي:اهااااااا..وعلومج بعد..؟
مريم: ماشئ علوم بقبالك علومي بخير..:$
مهاجر بقلبي:فدييييييييييتج والله...
مريم:.....!:$
مهاجر بقلبي: اااااااخ كم بتحمل البعاد...وربيه مشتاااااااااااااااااق!
مريم: ااااخخ الله كريم...قول خير عسى ....!!(انتبهت مريم حق محمد وشافته متغير فرحان زعلان مافهمت شو فيه واكن حاط السماعات ويسمع شي ..بس ردت لقلبها..)
مهاجر بقلبي:شفيج ساكته..؟؟
مريم: لا لا ولاشي....
مهاجر بقلبي : ما ادري احس شي فيج..حد عندج.؟؟
مريم: لا عادي..امممممم هيه عنديه واحد بس بعيد منيه ...
مهاجر بقلبي:اهاااااا يا حظه وياااااااااحظه بس...!
مريم: ههههههههه:$ ليش تبا تكون مكانه....؟؟
مهاجر بقلبي:ااااخ لو كنت مكانه مابيلس بعيد عنج بيلس وانا ماسك ايديج واتسمع في منطوقج اااااه فديتج..
مريم: فديتك قلبك:$................
مهاجر بقلبي:برب ثوااااااااني...(بروح وبرجع=برب)
مريم:تيت....(تيك يور تايم=تيت)

مريم يلست طالع التلفزيون ومحمد بطل السماعات وراح اييب تلفونه..ورد
ومريم ردت عالبتوب مالها...

مهاجر بقلبي: باااااااااك لحلى ملاك في الارض..
مريم: ولكم بااك هههههههههه وين ماشفتنيه لين تقول جييه..
مهاجر بقلبي: احسسسسسس فيج يا حياتي....
مريم: اهااااا ..يمكن ليش لاا...
مهاجر بقلبي: ههههههه اوكي بطرش لج مقطع من اغنيه ميحد وبنشغلها مع بعض ..اوكي غلاي..
مريم: اوكي .
بعد ما طرشهااااا
مهاجر بقلبي:اوكي الحينه شغليها.......
المقطع يقول,,
أن قلت أحبك ترى ما قلتها رضوه
من كل قلبي احبك صدق واعنيها
,,,,
كان الموقف مثل السكين عالقلب كأنه يحفر فجوه في القلب ببطء..ماي حااااااااااااااااااااااار عالجسم يسري..كأن احد مصوب سلاح عالراس ومفجره طلعت مريم من الصاله لغرفتها تصيح ومحمد راح غرفته هو الثاني وعيونه مليانه دموع...........شوفو شوه استوى...
طلب مهاجر بقلبي من الغلا اللي هيه مريم انهم يشغلون المقطع اللي طرشه فالتفقو..اول ماوصلت الغنيه شغلتها مريم ومهاجر نفس الوقت ..كان محمد يالس قدام مريم...والمصيبه شغل محمد نفس الاغنيه:|...........
محمد مهاجر بقلبي مريم الغلا.........
محمد ماقدر يسوعب الامر قام وطالع الابتوب مال بنت عمه منصدم..
مريم نفس الحاله منصدمه اول ما شغلو نفس الاغنيه وقامت وكانت مصدومه..ماكان بين محمد ومريم شي كل واحد حاط عينه في عين الثاني..مريم من قو الصدمه ماتحملت راحت غرفتها تصيح ومحمد ماسك عمره لين راح غرفته...............

دخلت مريم الغرفه ما حد فيها...عقت عمرها عالسرير ويلست تصيح مصدوه وتهويس وتفكر....(ااااخ مهاجر هو محمد لالا ياررررب ااخ اكيد الحينه بيكرهني ااااااااه يارب شوه سويت ..........)وتمت جيه تفكر وتصيح ومقفله ع نفسها لين ما نامت....

اما حال محمد كان يعور القلب..... كان يالس عالدريشه وضام ريوله عصدره وحاط راسه ع ريوله ويفكر(يربي الحينه اللي داخله قلبي واللي كنت شايل همها هي بنت عميه يالله كيف الدنيا........يالله اكيد بتكرهني وبتبتعد عني...ياكريم.ارحمني) ويلس ضام ريوله حتى نام والدريشه كانت مفتوحه...


7:30 بعد المغرب

الشباب يالسين ويا الشواب وام سالم في الصاله الرئيسيه..معد محمد كان نايم .... والبنات وامهاتهن في الصاله اللي عدالها.... الكل يالس معد مريم كانت تعبانه ونايمه......

ام سعيد: الريم فديتج اميه نشي طالعي اختج شوه مرقدنها لين الحينه...؟
الريم: فالج طيب..(ونشت الريم عسب تشوف اختها..)
ام محمد: يمكن مريضه او شي..؟؟
ام سعيد: والله ما ادري بها بروح لها كنه ما قامت...!!
سهيلة: خير ان شاء الله..
علياء: اميه تدرين ان محمد حتى الحينه نايم..؟؟
ام محمد: شفيه فديته مب عادته..؟؟
علياء: والله ما ادري....
ام خليفه: يمكن اليوم ما رقد يوم ودى يدته..
ام محمد: والله يمكن..!
......

في هالوقت الريم رايحه اطالع اختها...
الريم: ( ادق الباب..) مريوم مريم...نشي بسج رقاد..؟؟
مريم: ( مالها خاااااااااطر تقوم) مافيه...............
الريم: نشي عنبوه لا صلاه ولا حياه بسج عاده بتيي صلاه العشا قومي...
مريم: ( قامت تفتح الباب لختها..كان ويهها متنفخ وعيونها حمر من الصايح..) ...اففف ما تخلون حد يرتاح...!
الريم: ( اطالع ختها مصدومه) شفيييييييييييج..؟؟
مريم: شوه...؟؟
الريم:عيونج شبلاهن وييهج..كنتي تصيحين..؟؟
مريم: لالا.....!!
الريم: لا تجذبين ع اختج اعرفج زين ..يلاا رمسي شو حال فيييييج..؟؟
مريم: ( تذكرت السالفه ولوت ع اختها وصاحت) ااااااااه يا ختيه لو تعرفين شوه استوى.......
الريم: بسم الله عليج حياتي بس لا تصيحين وقولي شوه مستوي عسى ترتاحين...
مريم: ( قامت تصيح اكثر..).........
الريم: قومي الحمام وغسلي ويهج وصلي وعقبها قوليليه السالفه....
راحت مريم الحمام بعد ما هدت شوي والريم ماسكه قلبها خايفه ع اختها..
وطلعت مريم من الحمام وصلت وخبرت ختها شوه استوى من البدايه لين هاليوم......

الريم: يالله كل هذاااااااا.............َ!!!!
مريم: اااااااااخ شوه اسوى بمووووت ليتني اموت وافتك...
الريم: بسم الله عليج(تقوم وتلوي ع اختها) بالعكس لازم تفرحين انه طلع ولد عمج وقريب لج......
مريم: لو كرهنيه............!!!!!!
الريم: لالا ماضن دامه يحبج ما اضن يكرهج اللي يحب ما يكره...
مريم: اممممم................
الريم: يالاا خلينا ننزل تحت اميه مسكينه تحاتج ...
مريم: اوكيه والله لخاطرها ولا ماليه خاطر اقابل احد.....
الريم: فديتج ..الله كريم....

نهايه الجزء العاشر

بدايه الجزء الحادري عشر..

الصدمه كانت قويه عالاثنين...هل هناك فيه صدمات اكبر من هااي...خلونا نشوف..
.....................

فهالوقت... في الصاله الرئيسيه..

ام سالم: كل واحد يقوم يصلي خلو منكم هالرمسه....
علي: هههههههههههههههه اميه لازم اذا خذينا وحده نعرفها معرفه زينه..
ام سالم: والله احيد اول الحرمه مايعرفها اللي بياخذا الاا اول ليله لهم..
سعيد: لا الحين لازم يعرفها زين....
ابو خليفه: هيه اميه الحينه كل شي مطور وحتى الزواج اطورو فيه...
ام سالم: والله يبالهم عصى مدهنه شوه بعد تعارف.....
حامد: هههههههههههههههه هذاك اول زواج بدون شوف...
حمد: هههههه لازم الحينه لأتزوجنا اللي بناخذها نعرفها زين..
بومحمد: تعرفها بس مب لهدرجه يعني....
صالح: اصلن دامك تعرف اهلها وناسها يكفيك..
بومبارك: صادق ياولديه...
ام سالم :هيه هذي الرمسه...
علي: ( يطالع صالح) ههههه شكلك بتاخذ وحده من معرفتك لهلها..
صالح: عادي ليش لا دامهم ونعم اتشرف بهم...
مبارك: عن نفسي دامني شفتها وعيبتنيه باخذها....
راشد: عاده انته الله يعينا عليك لو تاخذ لك وحده مب من الدار عادي عندك..
مبارك: لييش شفيها دامها حلوه ودخلت مزاجي ليش ما اخذها..
ام سالم: بسكم من سالفت العرس وبويه حامد قوم نش قوم محمد ويلاا صلاه...
حامد: حاضرين لطيبين...
....

النسوان يالسات فالصاله الداخليه...

يلست مريم عندهن بس فكرها كله عند محمد... شوي ويدخل عليهن حامد...

حامد: احــــــم السلام عليكم..
الكل:وعليكم السلام..
حامد: (رايح فوق) انا بروح اقوم الشيخ محمد(فز قلب مريم يوم ذكر اسمه) من الظهر راقد..
ام محمد: هيه ياولديه روح طالعه فديته شي فيه....
انتبهت الريم ع مريم .....
راح حامد عسب يقوم محمد ويت ام سالم وطبعا هده عالصلاه خخخخخخ والكل قام يصلي......

مريم: (مالها خاطر اول مايت صالة البنات انسدحت عالكنبه)..اففف
علياء: شفيج..؟اليوم مب عايبتنيه..!!!
مريم: ماشي.......
علياء: براحتج بس عندي احساس انه شي..!!
اليازيه: يلاا عن الرمسه روحن صلن...
الريم: يلاا مريم صلي وسمي بالله........
مريم: حاضرين.......

..
حامد يدق الباب ع محمد....
حامد:بوجسيم الغالي قوم بسك رقااد...نش لا تييك امك بالعصى الحينه هههههه.. (بس ما سمع صوت خاف ع محمد وجرب يمسك الباب ولقيه مفتوح..ودخل..ولقى محمد نايم عالدريشه والغرفه مثل الثلج.مسك عقلبه مصدوم لان منظر محمد يقطع القلب) حمود فديتك شفيك...؟؟؟
مسك محمد كان خايف لين الموت عليه في خاطره شي فيه...
محمد: (تنبه وطالع حامد) حامد........
حامد: حمود شي فيك ...؟؟شي يعورك.؟؟
محمد: لالا............
قام حامد وشغل الليت...ومحمد عدل يلسته..
حامد: شفيك راقد جييه..؟
محمد: لا ولاشي....
حامد: والله طيحت قلبي لو احد شافك بيصرخ بس مسكت عمريه.(مسك ايد محمد.) محمد ايدك بارده انته متأكد ان مافيك شي..؟؟
محمد: اااااااااااااااااااه بجذب عليك ان قلت بخير.....
حامد: شفيك يابويه..؟؟؟
محمد: احبها وربي اموووووووت فيها ياخوفي تكرهني...!
حامد: ( انصدم بجرآة محمد)...محمــــــد من هااي وشوه السالفه.؟؟
محمد: ااخ السالفه طويله ....
حامد: يلاا الحينه صل وببنزل تحت وبعدين قول ....
محمد: ان شاء الله...اااااااه يارب...
قامو كل واحد منهم وحامد شال هم محمد شوه فيه ومن هااي اللي يموت عليهاا وشوه سالفتها في خاطره اسأله بس قال بعدين بعرف كل شي..



مريم اول ما خلصت عشى راحت سيده غرفتها ما تبا تلقي بمحمد...وهو نفس الحاله كان يتحاشى انه يخطف من الصاله اللي ييلسن فيها..


2:12 الفير

في صاله البنات...
علياء: يلاا خلنا نروح الصاله اللي فوق ونطالع فلم لقيت شرايط دي في دي يديد..
الريم: غاااااايته عيل ...
مريم: سمحن ليه ما فيه ارووح بيلس هنيه وبنام بعد شويه..؟
عايشه: حشى هب نوم انتي شفيج عالنوم...؟
مريم: بس ماليه بارض انام احسن...
العنود: قومي خلي عنج هالرمسه حلو الفلم يلاا..
مريم: لا مافيه....
الريم: خلناها ع كيفهاا..(فهمت الريم انها ما تبا تلتقي بمحمد.)
علياء: يلاا عيل...

وراحن البنات..يطالع الفلم...

في الحديقه يالسين الشبيبه دق سوالف وتمصخير بس تفرقوو وبقى محمد وحامد...وحامد خاطره يعرف شوه سالفة محمد..بس ماطلب منه حتى محمد قال بنفسه......
وخبره السالفه كلها............

محمد: ادري بتنصدم بس والله كل شي استوى ولا هو بيديه....
حامد: مب ذنبك الله كاتب ان هالشي يستوي....
محمد: شوه وصفك بتكرهنيه...؟؟
حامد: بالعكس لازم تفرحون انها طلعت بنت عمك وانت اولى دامك تباها..
محمد: اااه اباها من الخاطر والله دخلت قلبي قبل لا اعرفها وزاد يوم دريت انها بنت عميه بس خفت انها تكرهني لانيه طلعت قريب لها....
حامد: ما اضن تكرهك ......توكل عالله واذا شفتها وسمحت لك الفرصه رمسها وشوف رايها...؟؟
محمد: شورك وهدايت الله....يلاا الحينه انا بروح فوق لان ماليه خاطر وانته روح نام انا مخلص نو العصر والمغرب كله...
حامد: هههههههه فديت خشمك ماعليه تصبح ع خير....وتآكد اللي بينا مخلوق مابيدري به....
محمد: انا مأمنك قبل ماتقول ولا ترمس لانها مثل مب اهيه بنت عميه بنت عمك وسمعتها من سمعتناااا..
حامد: صاااااادق.... ربيه يحفظك( وقام محمد عن حامد وشوي وراح حامد ينام)

نهايه الجزء الحادي عشر.


بدايه الجزء الثاني عشر..
خلونا نشوف شوه مستوي...


البنات يالسات يطالعن الفلم اللي في الصاله فوق..محمد كان ياي من برى والتفت عباب البنات اللي في الطرف الثاني وحس شي في قلبه ..بس كمل دربه وشوي ويشوف البنات ماقدر الا يسلم...

محمد: السلام عليكم..
الكل: وعليكم السلام..
محمد: ( انتبه ان مريم ماحد..) شوه تسون..؟
علياء: ماشي نطالع فلم حياك طالعه عندناا..!!
محمد: لا مافيه.... امممم الاا مريم وين...؟؟
الريم احست في سواله لمريم خوف عليها بس سكتت....
علياء: ماشي يالسه في الغرفه وتبا تنام..
العنود: مستغربه منها قايمه 8 وتبا تنام..؟؟
الريم: ( ما قدرت تسكت) ليش تعرفين شوه فيها تعبانه تبا تنام خاطرها مسكور...
محمد: ( فهم ان الريم تعرف السالفه وقلبه ع مريم خاطره يريحها ..) يلاا تصبحون ع خير....
الكل: وانته من اهل الخير..!
عايشه: الريم شبلاج شبيتي عالعنود...؟؟
الريم: ماسمعتيها من الصبح ع مريم تعبانه البنت.!!
العنود: اسفين ما كان قصدي شي....
اليازيه: لاحول خلاص ماشي استوى....
علياء: بس العنود مالج خص في احد بس اسكتي..
العنود: اوكيه خلاص...افف...
الريم: ماعليه بس المره الثانيه لاحد ترمس عنها متى تبا تنام تنام ع كيفها..(الريم واااااااايد تخاف ع اختها ولا تحب احد يتكلم عنها من وراها...)
محمد: ( سمع كل اللي دار بين البنات وكل هذا بسبت سواله عن مريم..) ااااه يارب ساعدني .....ااه والله ما تستاهلين يا الغلاا ..(ويلس محمد عسريره يفكر بها ويهوويس...لين مانام

حتى مريم بعد تفكير نامت من التعب
وبعد نهايه الفلم البنات كل وحده راحت توطي راسها..

8:15 الصبح

مبارك وسعيد يتمشون عدال الفلل....كل واحد لابس لبس رياضه ومره يركضون ومره يتمشون عالراحات.....

مبارك: والله حلوه هالبلاد...
سعيد: هيه مشاء الله سبحان الله.....
مبارك: الحينه في بلادنا حر القيض...
سعيد: ههههههه فديت الوالد ناش من الصبح قبل ساعه كلمته ..
مبارك: اكيد في عزبته..
سعيد:وهوه يروم لغيرها....
مبارك: هههههه فديته الله يحفظه...
سعيد: امين يارب اجمعين....

في الرده كانت ريما بنت ابو ريما اللي من سوريا طالعه برى البيت وشافوها...

مبارك: الله وكبر........
سعيد :شفيك.؟؟
مبارك :طالع هالشوفه يبويه ريم سارح...
سعيد: هههههههه وحياتك ريمااا...!!
مبارك: ريماااا!!!!!!!!!! شدراك.؟
سعيد: هذاك اليوم لا قيناهم من سوريا ..سرنا نسلم...
(ومشوو لين وصولوو عدالها شوي وسلموو..)
سعيد: السلام عليكم..
ريما: وعليكم سلام.. اهليين
سعيد: شحالج.؟
ريما : تمام اخبارك انته واللي معك.؟
سعيد: بخير يسرج هذا مبارك وانا سعيد ولا نسيتينيه..
ريما: ههه لالا ما نسيتك ..اهلين بمبارك تشرفنا...
مبارك: ( متسمر يطالعها تخبل) هلا فيييييييج زوود الغاليه..
سعيد: ( يظرب مبارك بكوعه) شفيك..؟
مبارك: ( شوي شوي لسعيد) يبويه تهبل ...
ريما : فيه اشي..؟
سعيد: ههههه لا سلامتج عيل نترخص الحينه سلمي عالوالد والوالده ونترياكم عاده...؟
ريما :ان شاء الله...

وراحو منها...

مبارك: اااااااخخخخخ ملاااااااااااااااااااااااك...
سعيد: حوه شوي شوي شحلبك يالهرم..؟؟
مبارك: ااه كسرتيم هالبنت...
سعيد: لايكون طحت في هواها.....
مبارك: اااااخ اول انا اسمع بحب من اول نظره وهذاا هو حب من اول نظره ..
سعيد: الا من اول لفته...ههههههه لا بويه ودر هالرمسه عنك الا عيبتك حلاتها بس...
مبارك: اخ من قال لا والله حبيتها واحس بقلبي يرجف بها..
سعيد: ربيه يعين حالك صعيييييييب..! بس ما واحى لك خلك شوي وبتعرف انه مب حب...
مبارك: ااخ لالالاماضن حب يابويه حب..اول مره احس بحساس تجاه بنيه..
سعيد: اشكر فنها اللي طيحتك هههههههههههه
مبارك: مالت عليك ما تلبي ع خوك خلنا الحينه نروح البيت لان قلبي احسبه يضارب ضرب...
سعيد: ههههههههههههههه يلااا..

في الحوش ام سالم فارشه وعندها الشبيبه والشواب.. داقين سوالف وطماشه....ومقررين الشبيبه انهم يروحون حواطه والشواب معزومين عند واحد من الامارات بس في منطقه ثانيه في لندن....

بعد الكشخه راحو الشواب....

10ونص قام الشبيبه وراحو يتحوطون والبيت فضى فيه النسوان وقامو البنات ..ويلسن عند امهم برى سوالف وطماشه شوي ودقت ام محمد لم ريما وبناتها عسب ايين صوبهن لان البيت فاضي...
ام محمد: الحينه بتيي ام ريما وبناتها ريما ورنا..
ام سالم: العرب مافيهم حيله بس لو يلبسن نسوانهن شيل اليوم بشيلهن..
البنات كل وحده لثانيه: اليوم يوم الفضايح..
ام سالم: شوه تقولن يمهات لسانين...؟؟
الريم: سلامت شيوخنا بس نقول اليوم ان شاء الله ينكتب لج الاجر اذا بتشيلينهن...
سهيله: خالتيه خليهن ترى عداتهم هااي...
ام سالم: هيه عادات بس الدين فوق العادات انا بنصحهن كننا مسلمات وخلي شويه العادات..
الكل مصدم....... ام سالم درر اليوم..

عايشه: قولو مشاء الله اليوم عيوزنا متحول السديس..
البنات: هههههههههههههههههههه.......
ام سالم:.(تمغط العصى وتضرب بها عايشه عالخفيف)عيزن ركبج يالهرمه تتحرينيه ماسمعتج يام لسانين...
عايشه: هههههههههههههههه والله اقول لهم يقولن ماشاء الله.......
الريم: هههههههههههههه احسن تستاهلين...
سهيله: ههههههههههههههه مره ثانيه لاترمسين ع حد..
ام خليفه: خلج تتأدبين تضحكين ع يدتج...

وشوي وتدخل ام ريما بس لابسه شيله ومتحشمه وشاله عندها سحن بسكوت وشويت فطاير...والكل قام وسلم عليها وام سالم دخلت قلبها عاللي سوته يومها تحشمت....يسلن النسوان برى وراحت رنا عند مريم الصغيره تلعب اما ريما والبنات راحن فوق....

كانت ريما لابسه قميص وردي عليه ورود باللون البني وتنورد جينز محشومه..اما البنات كلهن طبعا كنادير ماشي مناك ولامناك

اليازية: الحمدلله يوم ييتي..والله كنت ابا اتعرف عليج اكثر واكثر..
عايشه لريم: ماصدقت اليازيه عاده,..؟
اليازية: (تضرب عايشه بكوعها)مالت عليج سمعتج...
ريما: وانا بعد كنت كتير بدي اتعرف عليكون...وبتشرف..
الريم: نحن يزيدنا شرف.....
العنود: انتي شوه تدرسين.؟؟؟

ويسلمو البنات سوالف الاا مريم يالسه عدالهم تتسمع شوه يقولون بس مالها خاطر تتكلم...

نهايه الجزء الثاني عشر..
بدايه الجزء الثالث عشر..

الشبيبه طلع كل واحد مهم عنده عووق...الله يعينهم من هوو الشخص اللي بعده ماطلع في القصه خلونا الحينه نعرفه..


عند الشبيبه....
الشبيبه رايحين في سيارتين رنج محمد وسياره سعيد الاجار راحو لمطعم عدال البحر بعد كم لفه....ويسلوو فيه....

سعيد: يالله عالهمنظر لوئطه عقولت المصاروه...
حامد: ياشين هالكلام عثمك....
الكل: ههههههههههههههههههه.........
سعيد: خشم ولد عمك اكبر منك....لا ادهن لك سيرك...!!
مبارك: منقود تتضاربون هالانقليز شوه بيقولون...
سعيد: عادي بقول لهم اربي ولد عمي.....
حمد: بس دخيلكم طالعين نتسلى ما نتناقر تقول دياي...!
راشد: لا الدياي نستفيد منهن هذيلا شوه فايدتهم...
سعيد: مشاء الله اليوم الاا السب عندك!!
صالح: ههههههههه ما قالوو شي بوعسكور لاتكبر السالفه..
علي: بسكم عاده...محمد ليش ما ترمسهم...
محمد طبعا ابدا مب عندهم ولا يدري عن شوه يرمسون...حامد ملاحظ انه مب عندهم...
محمد: هااااه...!!
علي: حوه بويه وينك...؟؟
محمد: لا الاا هنيه...
حامد:.(يبا يلهيهم عن محمد.) انا بروح اطلب عصير شوه تبوون...
محمد:.(لاحظ ان حامد يبا يلهيهم..)انا بروح عندك....

وراحو محمد وحامد يطلبوون....وشوي عند الكشير..
محمد: ذياااااااااااااااااااب..!!
ذياب: لبيه..........محمد يا مرحبااااااااا الساااااااااع(وتوايهو بالخشم وعرف محمد بذياب...)

هذا ذياب الخييلي ربيع محمد وياره في لندن ودرسو اول سنه مع بعض في لندن بس ذياب كمل دراسته في امريكا...هو وحيد امه وابوه وهم من العين..عليه جمااااااااال عجييييييب..كان لابس بنطلون اسود وتيشيرت كمه قصير كحلي مكتوب عليه بالانقليزي في الوسط وحاط النظارات في صدره.وشعره لين كتفه وابيض وعيونه نعاس وبتسامته عذبه وفيه غمازات ولحيته خفيفه...

محمد: وينك يالهرم ما حد يشوفك حتى التلفون منقطع منك...؟|
ذياب: ههههههههه لا والله يابويه مشاغل دنياا,,وتونا يايين الوالد يبا يسوي فحوصات والوالده اصرت انها تيي وهم الحينه في طريقهم للفله وانا قلت بييكم بس باخذ لي كم لفه...
محمد: والله عاش من شافك يالقاطع...
ذياب :هههههه عاشت ايامك....الاا شحالك حامد...؟؟
حامد: بخير وسهاله الحمدلله يوم ذكتونيه...!!
محمد: لازم يابويه عتاب الاحبه هذاا...
ذياب:هيه والله عتاب الاحبه..
محمد: يلاا بعرفك عالشله برى..
ذياب: حاضرين ...

وعرف محمد ذياب ععيال عمه ورباعته .......ويلسو مع بعض يذكرون ايام اول يوم كانو مع بعض...سوالف وضحك...وقت الرده للبيت..
محمد: ذياب....
ذياب: عونك....
محمد: عانك الله ,,,والله العظيم ان عزيمتكم عندنا بأي وقت يتون وهذا انا حلفت اعرفك ما بتوافق والحينه دامني حلفت مالك شور..
ذياب: الله يهداك يا بوجسيم ماعليه بس خلها يوم ثاني هب هاليومين خنا نضبط الامور ..وترى البيت الا عدال بيتكم هب بعيد وبينا ان شاء الله..
محمد: خلاص عليك تخبر هلك ونحن زاهبين أي وقت البيت مفتوح...

ردو الشباب للبيت....

نزلن البنات عند النسوان...بس المفاجأه ان اليازيه خلت ريما تلبس كندوره وشيله وعطتها كم وحده وكانت تهبل عليها او ما نزلت الكل متسمر يطالعها حتى ام سالم عيبتها ويلست تمدح فيهاا....

الشباب اول مارد راحو صاله الضيوف عند صالح يالسين وام ريما هيه وبنتها يبن يروحن البيت ووصلتهن لين باب الفله اليازيه وام سعيد...وكان مبارك توه طالع من عند الشباب شاف ريما وهيه لابسه العربيه....تخبل ...

مبارك: السلام عليكن....
الكل: وعليكم السلم....
مبارك: مشاء الله اليوم البس الاماراتي طاغي علندن...
ام سعيد: هههههههه هذي بصاير اختك...
مبارك: يعلني ما ذوق حزنها بونها غير...
ام ريما: ابن مين هذاا...
ام سعيد: هذا اخو اليازيه..
ام ريما : اها مشاء الله
مبارك:.(مسمر يطالع ريما..) يزوي شحال ربيعتج...
اليازيه:ههههههههه بخير...
ريما: انا بخير الحمدلله....
مبارك: عيل اهب مطول توكلن عالله....

وراحت ام ريما وبناتها ومسك مبارك اخته وراحت ام سعيد داخل...

مبارك: يزوي هالبنت تهبل...
اليازية: هيه وايد مشاء الله...
مبارك: هي كبر من..؟؟
اليازية: كبرنا ليش,...؟
مبارك: لا ماشي.....برايج ..
اليازية: برايك...

وراح مبارك عند الشبيبه وطلع محمد يبا يروح لمه يخبرها عن ام ذياب ييرانهم انهم ياين من العين....وخبرت ام محمد ام سالم وقرر انهم يعزمونهم بس محمد قال انا خلاص حالف عليهم..

3:15 العصر..

الكل نايم حتى الشيبان ردو ميتين من العتب ووطو روسهم...معد الريم كانت عند العيال(راشد خوها وحميد وفهد). تلاعبهم كوره... يلعبون لين ما طلعت الكوره برى طبعا الريم شاتتها قو لين ما طلعت برى وراحو يطالعونها...طلعت الريم اول شي لان اليعال ما طاعو يطلعون خايفين لانهم سمعو واحد يصرخ..
نهايه الجزء الثالث عشر
بدايه الجزء الرابع عشر..

من هو اللي صرخ...الريم شوه بتسوي......خلونا نعرف..


الريم:.(عند باب شوي شوي تبا تطلع ويالسه تعدل شيلتها..) مالت عليكم يا الدياي اونكم ريال العنبووه هالمريله ما عليكم بس ...(تبا تطلع شوي شوي وهيه تسب العيال..) وشوي
الريم:ااااااااااااااااااااااااااااااااااااه(تصرخ )
تخيلو من كان في ويهاا.
ذياب:.(هو ميت من الضحك لان يسمع الريم تسب ويا في ويها فجآه وصرخت.) ههههههههههههههههههههههههه..ااخ يابطني ههههههه
الريم:.(ماتت من القهر بس يلست متسمره فيه حتى نست الغشوه ولاتغشت ..)مااااااااااااالت عليك ثم مالت خوفتنيه....
العيال: (ميتين من الضحك يطالعون الريم..)
ذياب: (تخبل عليها وع جمالهااا..ويلس متسمر فيها) اسف الشيخه ما كان قصدي هههههههههههههه..
الريم: أي اسف طيحت قلبي من الخوف...
ذياب: بسم الله ع قلبج(ونزل راسه ورفع عيونه عليها...)
الريم:.(ذابت من المستحى ..وانتبهت ان في ايده الكوره..) اه اسفه خخ ضربتك الكورة...
ذياب :.(الحمدلله يوم ضربتنيه وخلتنيه اشوفج..) لا عادي افا عليج(وعطاها الكوره.)
الريم: اسفين مره ثانيه..(وقفت عنه..)
ذياب:.(يوووويلي من هالشوفه...(مسك العيال وسلم عليهم.)) شحالكم مخاويه شما عساكم بخير,,,,؟
الكل: بخير ...
ذياب: بتخبركم انتو عيال منوه..؟
يلسو كل واحد يعرف بنفسه....
ذياب: والنعم والله ...عاده انا ما اعرف غير محمد والباقي اليوم عرفتهم الا بتخبركم من هااي اللي كانت تلاعبكم...
راشد: هاي ختيه الريم...مالت عليهم كلهم ما حد يلاعبنا الا هي..
ذياب:.(يويلي عالريم اسم عمسى..) اهاا عيل اخليكم وخلكم مره ثانيه ريال لاتخلون البنات يطلعن وانتو ما تطلعون..واللي استوى لاتخبروبه حد ولا مره ثانيه ما بيخلونكم تلعبون...)
الكل: ان شاء الله...

وراحو العيال يترابعون صوب الريم....
الريم: شوه قال لكم..؟؟
حميد: ماشي تخبر نحن عيال منوه..وتخبر عنج..!!
الريم: شوه قلتو له...؟؟؟؟؟؟
راشد: انا قلت له انج ختيه الريم....
الريم:.(اااخخ منكم..) بس..
فهد: وقال لنا لاتخبرون حد عن اللي استوى ولا ما بيخلونكم تلعبون مره ثانيه..
الي:.(يويلي منه خايف علينا من الهده..) زين عيل لا تخبرون ويلاا انا بروح داخل عنكم وانتو لعبوو..
راشد: مره ثانيه لاتطلعين قال انتو ريال طلعوو...
الريم: بسم الله عليكم ياالريال انتو الل ما طعتوو..يلاا انا بخليكم يا الريال...

وراحت الريم عنهم داخل....

ذياب كان يبا شي من السياره بس اللي استوى نساه شوه يباا كان يفكر بالموقف وكيف الريم لاقاها وصرخت في ويهه...(يويلي منها اه تهبل ..الريم....يويلي كيف هالبنت غير...احس بشي بس شو هو الله وعلم..)
ويلس ذياب يفكر فيهاا حتى نسى شوه كان يبا لين راح داخل ..

الريم:.(اول ما دخلت غرفه البنات لقت عايشه ومريم في الصاله اما الباقي كان نايم..) لحقووووووووووووووونيه يا ناااااااس بمووت..!!
عايشه: بسم الله عليج...!!!!
مريم: شبلاج رمسي...؟؟
الريم: شفت ملاااااااااااااااااااااااك ااااااه منه ...
عايشه: من بسم الله...!
الريم: لا تسمين عليه ااااااااااخ هذا انتي ببتخبلين ان شفتيه..
مريم: عاده رمسي مللتيبيه.......
الريم: انزين بقول لكم شوه استوى...........(وقالت الريم للبنات السالفه...)

عايشه: ههههههههههههههههههه..والله انج فضايح..!
مريم: ههههههههههههه ولا تغشيتي...
الريم: بس نسيتها من الخوف والصدمه.....
عايشه: حلو....؟؟
الريم: شو عليه قوووووووووولي طر طر طر كسرتيم..
مريم: شوي شوي ع عمرج.....
الريم: اااااه خليني يابويه يهبل ....
عايشه: هيه عرفته...؟؟
الريم: من من..؟؟ يلاا رمسي...؟
عايشه: شوي شوي لاتآكلينيه...هذا الله يطولي بعمرج ذياب...!
الريم: ذياااااااااب..!!!!!شدراج.؟
عايشه: علياء قالت لي هم من العين يايين هنيه وامها خبرتها انهم عازمينهم......
الريم: يووووووووووويلي من العين .تعالي زين قولي شوه حد خوات عنده..؟؟
عايشه: ما اضن بس محمد ربيعه ويعرفه زين...
مريم: (يوم طرت محمد تغيرت ملامحها..وقامت) انا بروح بوطي راسي..
الريم:.(فهمت ليش تبا تقوم..) نوم العوافي...انزين اف والله يهبل....
عايشه: لا يكون حبيتيه......؟؟
الريم: هاااااااااااه!!!!!!!!لاااا ما اضن..بس حلاته عيبتنيه...امممممممم ما ادري..لالا؟؟!!!
عايشه: شفيج تخبطي بالرمسه ههههههههههه لا شكلج طحتي بهواه...
الريم: افففففف يهبل انتي بس شوفيه.....
عايشه: عاد ان شاء الله ما يخبر عن اللي شافه منج يالفضيحه لو درى خوانج ولا عيوزنا رحتي فيها.......
الريم: لالا اصلن هو قال للعيال لاتخبرون حد...
عايشه: هيه..شكله طيب..
الريم: هيه وسوالف عليه.....

ويلسو البنات يتكلمون لين اذن العصر ونزلن تحت عند امهن العوده....

في هالوقت
في حيرة ام سعيد وسهيله..
سهيله:تصدقين ياخويتيه انيه اشتقت لبوظبي..
ام سعيد:ههههههههههه ماواحيتي الأ كم يوم انتي هنيه..
سهيله:بويه هذي بوظبي مب أي دار دار بوخليفه ربيه يرحمه لها مكان فالقلب غير..
ام سعيد:هيه والله الله يرحمه والله حتى انا مشتاقه للبلاد وودي ارد اليوم قبل باجر بس حرام من هالعيال يبون عيال عمومتهم..والا وديه اكون عند بو سعيد وسهيل عني افداه..
سهيله:ان شاء الله بنرد صوبهم وهم بخير وعافيه..
ام سعيد:ان شاء الله..

في الصاله..
الريم وعايشه حادرات ع ام سالم..
ام سالم: يالله يا كريم....ماحد ثاير غيركن غلامتين...
الريم:.(اطالع عايشه.)هيه..
ام سالم: عايشوه روحي هاتي المسجل بنسمع قرآن...
عايشه: حاااااضرين...
الريم: اميه...شيختيه
ام سالم: خير يأم لسان حلو....
الريم: نباا نروح مكان من يينا ماطلعنا من البيت الا مره....
ام سالم: وبعد وين تبين..؟؟
الريم: نطلع أي مكان..؟؟
ام سالم: لأأيا واحد من خوانج رمسيه يطلعج اما انكن تطلعن الرواحكن تحلمين..
الريم: عاده والله والخوان بيوافقون .....
ام سالم: اذا ما وافقو حوطي فهالبيت وسيع ....
عايشه:.(يابت المسجله..) اندوج اميه...
ام سالم: زخيه الريم وشغليه...
الريم: ان شاء الله..
ويلسن يتسمعن لين ما قامو الشيبان ويلسن عندهم وعايشه كلمت ابوها عسب يروحون مكان وهو الثاني نفس كلام امه خلو واحد من الشباب يشلكم....


راحت عايشه السياره ابوها وصاها انها تييب له شي منها..ركبت السياره يوم ركبته كان حر داخلها فكت شيلتها ويلست ادور اللي وصاها ابوها عليه...لقته ونزلت بس ما عدلت شيلتها وشوي..وصالح كان طالع من الغرفه وشافها...
عايشه:.(ماتت من المستحى وعدلت شيلتها.)..
صالح:.(عرفها وتخبل يوم شافها..ونزل راسه لين تتغشى) السلام عليكم..!
عايشه:.(تغشت..) وعليكم السلام يا مرحبا...
صالح: شحالش ..؟؟ عايشه صح..؟
عايشه: بخير وسهاله... هيه مشاء الله عليك عرفتنيه..!
صالح: اكيد لازم هههههههه اذا ما عرفتش من بيعرفش...
عايشه:.(ماتدري شوه قصد صالح بس فهمت انه شي وراه..) هيه عيل بخليك..شي تامرنيه..
صالح: سلامتش شيختيه....
عايشه: الله يسلمك...

ودخلت عايشه وهيه بتموت من الفرحه عاللي لاقته..
وهو نفس الحاله.........
دخلت عايشه وقالت لريم تقوم عندها بيروحن فوق وخبرت عايشه الريم عاللي شافته والريم تضحك عليها...

دخل صالح ويلس في الصاله الرئيسيه عند الشيبان وشوي ويوو الشبيبه ويلسو عنده...

ام سعيد وام خليفه في الحديقه من ورى عند حمام السباحه عند الصغاريه..

ام سعيد: اليوم هالعصريه مافيها كلام..
ام خليفه: هيه والله...مساكين هالبنات يبون يطلعون بشوف علي عسب يطلعهن...
حادره عليهم ام محمد وسهيله..
ام محمد: هيه والله مساكين يبون حد يطلعهم...
سهيله: هيه هم يايين عسب يستمتعون بس ما حد طلعهم غير مره..
ام محمد: ان شاء الله بخلي بوجسيم يوم يقوم يشلهن ويوديهن يتحوطن..
ام سعيد: والله بيكسب من وراهن اجر ..
سهيله: هههههههه هيه والله...

وحادره عليهم ام سالم وعندها مسجلها ...والكل نش وعدلوو يلستهم وفرشو تحت عسب تيلس ام سالم عندهم تحت...
ام سالم: لا اله الا الله..وين هالبنات كانو عندي عقب الصلاه وما ادري وين سرحن..
ام سعيد: يمكن عمتيه فوق..
ام سالم: شعنه ماييلسن هنيه...
ام محمد: ما درن انا تحت ماعليه بنادي الخدامه تخليهن ايين..
ام سالم: شعنه تنادين البشكاره ...زقري مريوم بنت سالم ولديه تعلب اكيه وهي بتزقرهن......
ام خليفه: مريوم مريوم..بويه روحي لخواتج فوق وبنات عمج خليهن ايين..
مريم الصغيره: ان شاء الله ...افف ما يخلون احد يلعب..
ام سالم: لا الحينه امرغج بالعى شوه لعب حاسر وتلعب..
سهيله: ههههههههه فديتج خالوه بعدها ياهل خليها..
ام سالم: لا ما شي ياهل...

وراحت مريم تخبر البنات ينزلن عند يدتهن في الحديقه تحت...

مريم الصغيره: (دخلت الصاله ما لقت فيها حد ودخلت الغرفه الاولى بعد ما حد والثانيه نفس الحاله والثالثه..) والخييييييييييييييييييييبه كيف شلتكن كلكن مااااالت عليكن,,,,,,,,,,,
عايشه: افففففففف انتي وهالصوت مب نايمين سكتي انتي وهالويه..
اليازيه: حرام عليج..عواشي..
مريم الصغيره: اميه تقول لكن اذا ماييتن تحت بتي بالعصى المدهنه وبتكفخها الوحده منكن كن ما نزلتهن...(وراحت وسكرت الباب قو..)

عايشه: الله يخسج..هالبنت مزعجه..
عليا: هههههههههههههه خلنا نقوم لا تي اميه صدق..
اليازيه:هيه يلاا..
الريم: انا ما فيه روحوو انا بيي بعدين..
مريم: شي فيج..؟؟
الريم: لا لا بس ابا ايلس الروحيه وبيي بعدين..
عايشه: ههههههههههههههه ريموه خلينا ننزل واللي في العقل بيترياا..
الريم:.(تفرها بالمخده) تااااااااااااافهه..!!
عليا: لا يكون شي من ورانا ريمووه...
موزة:.........!!
الريم: لا مشي وراج عليوه مافيه شي اقول يلاا نزلنا نزلت عليكن بنت بن عروه...
العنود:هههههههههههه مره وحده حرام عليج..
عايشه: هههههههههههه لا فيوزات الريم من اليوم ورايح ضاربه ضرب..
الريم: والله تافهااااااااات اقول انا بنزل(وقامت عنهن وتبعنهاا..)

نهايه الجزء الرابع عشر..
بدايه الجزء الخامس عشر..
هل الريم حبت ذيااب وهو نفس الحاله حبها ولا اعجاب من برى بس..وريما شوه دخلها في العايله..بيكون لها حد فيها او لا...خلونا نعرف..


النسوان يالسات برى في الحديقه من ورى وياهن محمد يلسن عندهن كان منسدح فوق ركبت يدته وكانت يدته تمسح ع شعره وهو مهوم بس يكتم ورى ضحكاته ع تعليقات يدته...
وشوي ويحدرن البنات....
البنات :السلام عليكم...
الكل: وعليكم السلام...........
محمد قام وبعدين رد مره ثانيه ع ركبت يدته بس ما انتبه ان مريم كانت اخر وحده فيهن..
ام سالم: الحمدلله يوم الشيخات نزلن اقول وين رحتن غلامتين عايشوه وريموه ..ليش مازقرتن خواتكن وييتن تحت ولا انت دوم فوق..
البنات كل وحده تطالع الثانيه وتبا تضحك بس ساكتات حتى يلسن مريم انتبهت ع محمد انه ساكت بس ما كان يطالع فيها يمكن لانه ما شافها لين..

ام سعيد: مريم فديتج تعالي عدالي ..
انتبه محمد ان مريم موجوده بس كانت منزله راسها ويلست عدال امها مقابلته تقريبا وقام وعدل يلسته..
كانت مريم بين امها وام محمد كان محمد يباه طالع فيه باي طريقه بس هي تتحاشى نظرات عينه......
ام خليفه: ما مليتن البيت يا بناتي..
عايشه: هيه والله اميه ملينا من الخاطر..
عليا: هيه والله.......
موزةه: كله مجابلين البيت حشى..
ام سالم: الشيخه موزوة وين تبينهن الشيخه يودونج..
موزة: (تقفطت.) مب مكان........
ام خليفه: هههههههههههه تراج تقولين مجابله البيت ما تبين تغيرين..
العنود: ما عليج منها تبا تطلع اسميها من الخاطر..
ام سالم: وبنات بو سعيد ما رمسن....
الريم: (ماكانت عندهم لين دقتها عايشه وقالت لها..) هاه..!! هيه البيت ملل..
ام سالم: شفييج.."؟
الريم: لا سلامتج اميه ....
محمد: الكل تكلم وانتي مريم....؟؟(كانت ساكته ومالها لحد ومحمد ما فارقن عيونه ويهها كان يدقق فيها وخاطره مخنووووق..كان يبا أي شي عسب طالع في عيونه وتفهم لو شوي..)
مريم:.(انحرجت من سواله وطالعت في عيونه..) انا أي مكان دامهم فيه راضيه به كل الرضى...........
محمد:.(فرح من الخاطر لان فهم شو قصدها ما قام يحس بعمره ابتسم ابتسامه ردت له الروح....) خلاص عليه انيه اشكلن ولا احد يشلكن غيري بوديكن أي مكان تبنه ......
مريم:.(ابتسمت له ونزلت راسها......)
محمد:.(ااااااااااه فديتهااااااااااا والله.....!!)
علياء: عااااااااااااااااااش خويه...
محمد: ههههههه عاشت ايامج..
الريم:.(والله مب هينه ختيه .) عاش بوجسيم جيه ولابلاش..
ام سالم: خلاص عيل بيوديكن محمد وانا ترى مافيه ولا بروح..
موزة: احسن..
عايشه :.(ضربتها بكوعها ...) يالهرمه سكتي..!
موزة:هااه..!
العنود:هههههههههه ليتها سمعتج موزوه لا عز الله رحتي فيها..
ام سالم: شعندكن تتصاصرن كنكن دياي..!
ام خليفه: اقول بنات بسكم عاده ..
محمد: يلاا نشن تلبسن لا الحينه اروح عنكن..
العنود: يعني بتشلنا بذله..
محمد: هههههه ما عاش من يذلج ختيه....بس يلا بسرعه بترياكن في السياره....

وراحن البنات عسب يتزهبن...
اليازية: والله مب هينه مريم خليتي حمود يشلنا..
مريم: وانا شوه قلت....
عليا: هيه صدق من سمع رايج وهو وافق بدون مقدمات..
مريم: شوه قصدكن...؟
عايشه: ماشي ههههههههه بس شكله مطيح الريال..
العنود: بسكن ترمسن فيه وهو متيمل فيكن..
الريم: هيه شو يعني سمع رايها ووافق بس اصلن يدري ان كلنا نبا نروح وهو طيب ووافق..
مريم: اقول عن الكلام الزايد ..تراني انا هونت مافيه اروح...
الريم: افاا ليش...!!
مريم: بس جيه ماليه خاطر..!!
موزة: حراام ليش روحي ترى محمد هب طايع يشلنا..
مريم: يالله وانا شوه دخلنيه ...خلاص اب ارايحه..

ومريم عاندت وماطاعت تروح..
نزلن كل البنات ولقن محمد يترياهن..
عليا ركبت قدام وورى اليازيه وعايشه والريم اما ورى اخر شي موزة وعنود عسب الوسع..
عليا: يلا بو جسم طرق...
محمد: هاه ومريم وين..؟؟؟؟
الريم: هب رايحه...!
محمد: وليش؟..!!
عليا: ما ادري عنها...
نزل محمد من السياره وراح لها داخل...
اليازية: ابصم بالعشره ان محمد مطيح ع مريم...
الريم: ويحق له ختيه تهبل...
عايشه: هيه والله..
عليا: اذا كان صدق يارب يوفقهم لانهم يناسبون بعض..
موزة: صدق نسوان عافانيه الله عنكن..
العنود: ليش انتو رجال ههههههههههههههههههههه
الكل:ههههههههههههههه...
موزة: مالت عليج يالدبه..

راح محمد لها ودق باب الصاله مالت البنات..
مريم:.(يالسه في الغرفه بس الباب مالها مبطل وبعد باب الصاله مبطل ويالسه ع الدريشه وفاجه شعرها كان شعرها لين اخر ضهرها .)الباب مفتوح اميه دخلي...
محمد:.(سكت ماحب انه يذكر اسمه فتح الباب شوي شوي وشافها مبطله شيلتها ..تغرم وما قدر يقاوم دموع عينه من شافها حس بشوق غريب تجاهها...وغنى لها..)
أن قلت احبك ترى ما قلتها رضوه
من كل قلبي احبك صدق وعنيها

ودموع عينه غلبت عالموقف اول ما سمعت صوته نشت بلا ذهن واول ما شافت دموع عينه ما قاومت دمعت عينها...حتى انها نست تغطي شعرها..

محمد: لهدرجه ما تريدين تروحين عنديه...
مريم:..................
محمد: وين اللي كانت تحبني من كل قلبهاااااا..
مريم:................
محمد: ليش من دريتي انيه اقرب لج واعرفج تركتيني وانا اللي ابيع الكون عشانج....
مريم: خلااااااااص ارجووك(وحطت ايدها ع ويها تصيح..)
محمد: اااااه انتي اللي خلاص لاتصيحين ارجوج وربيه اتعذب فديتج اناا..
وتقدم لها شوي ومسكها بآيده من ايدها وايده الثانيه رفع راسها به وبتسم لها..
محمد: اااااااه فديت هالويه كم تمنتيت شوفته....يلا غسلي ويهج وخلينا نروح ..لاحد ايي ويشوفنا..ولا امج العوده تييب العصى..
مريم:.(ابتسمت ع كلامه الحلوو.) هههههه بالعصى عاد..
محمد: فديت هالضحكه..انا
مريم:.(استحت وسحبت ايدها وراحت الحمام..)
محمد:فديتج يلاا اترياج تحت...

عند الشيبان..
بوخليفه حاط راسه عالمخده وعنده ولده الصغير حمد..وعداله اخوه بومحمد يتقهوى هو بومبارك ...
بوخليفه:ازين بوشهاب شرايك احلى مناطق العين والا المناطق اللي هنيه.؟؟
بومبارك:ههههههههههههه الله يهديك يابوخليفه عاده شوه دراه هالبزر بالمناطق..
بوخليفه:افاا عليك مراونه كل العين وكل منطقه فيها من الساد ومزيد والمسعودي والوقن وزاخر واليحر وكل مكان...وعاده هنيه واايد بس اللي شافهن.
حمد:بويه احلى هنااااااااك هنيه ماحد عيال يلاعبونيه..
بومحمد:هههههههههههههههه حليله صدقه بومبارك شدراه هو هامنه اللعب عند الفريخات ولا مامتحن من المناظر..هاايتك الا انته شايبنا تبا هنااك وماعيبتك هالدار..
بوخليفه:لاحشى بس الاا صدق بلادك ماترووم عنها وفي نظرك احلى مكان فالكون..
بومبارك:هيه والله صادق..

طلع محمد عنها وهو ميت من الفرحه يحس عمره بيطير ملامح ويه متغيره عن الاول كآنه واحد غير...كل البنات اول ما شافن محمد ياي كل وحده طالعت الثانيه شفيه شوه مغيره جييه..
محمد:.(ركب محمد وشغل السياره .) يالله ياكريم..