منتدى استراحات زايد - قصة حب فطامي ( من شفتها قلبي هلك ) >> لا تفووتكم

دام فيه ها التفاعل بحط الجزء الثانـــيـ

تدخل الريم ويايبه وياها العصير حق منصور ....
وتيلس عدال اخوها وتسولف وياااااه ... وفطوم يالسه تراقب منصور يوم يسولف وهيه ابد مارمست بكلمه .... اتي البشكارة وتقووول .. فطوم تلفون مال انت يصيح ... سارت فطوم تيب تلفونها وترد عليه ...
فطوم : الووووو
أبو سيف : مرحبا والله
فطوم : هلا والله ابويه اشحالك عساك بخير
أبو سيف : بخير ونعمه ... اقول فطوم الحين بخطف عليج برد العين
فطوم : ليييييييييش ... لا اااااا
أبو سيف : شووووووو عيبتج اليلسه عند خالج
فطوم : الصراااااااااحه هيه واااااايد وناسه هنيه ومنصور قال بودينا العزبة الحين .
أبو سيف : والله منصور رجع متى؟؟؟؟؟
فطوم : اليوم الصبح
أبو سيف : لا بس انا خلصت شغلي الحين بخطف عليج وبسلم على منصور في طريجي ...
فطوم : خلااااااااص ابويه بترياااااااك يلا باي

تسير فطوم صووووووب الريم ومنصور ...
منصور : هاااااا فطوم بنسير العزبة ...
فطوم : مابروووووح خلااااااص
الريم : لييييييييييش؟؟؟؟؟؟
فطوم : ابويه الحين بيي وبنروح العين .. ويبا يسلم على منصور بعد
الريم : خلاااااص خيرها في غيرها ... انشاء الله بنروح عزبتكم يا فطوم اللي في العين يوم العيد وانت تدرين بعد العيد ماباقي شي عنه إلا اسبوع...
فطوم : صدق ذكرتيني يعني بتعيدون في العين
منصور : اكييييييييد يبيلها كلاااام بعد شو بنيلس انسوي في بوظبي بروحنا دامهم كلهم في العين
فطوم : الله ونااااااااااااااااسه لاتخبرين ودووووم بنت عمي بنسويها مفاجئة شووووو رايج
منصور : انتن صدق ماتيووووووزن من حركاتكن ...
فطوم : شووووووو ورانا بعد ..
منصور : بدال ماتحاتن نسبتكن انتن الحين 3 ثنوي لاااااازم اتشدن حيلكن نبي نسبة اووكيه تبيض الويهه
فطوم + الريم : انشاء الله يا رب نسبه حلوه
الريم : اقول منصور اذا يبنا نسبه حلوه انا وفطوم شو بتيب لنا هديه
منصور : امممممممممم بوديكن المارينا
فطوم : لاااااااااا مانبي
منصور : اممممممم بوديكن مكان روووووووووعه ؟؟؟؟
الريم : وووووووووووين
منصور : يوم بتي النسبه %%%%%
فطوم : لااااااا قول الحين الفضول بيذبحني
منصور : نووووووون
الريم : منصور دخيلك فديتك انا
منصور : سوووووووووري
فطوم : خلاااص احسن انخليها في وقتها
منصور : توج حرمه جيه ابااااج ماتذلين عمرج
فطوم : اعجببببببببببك ولاااا يهمك

تلفون منصور يصيح .... ويشله ويقوول : مرحباااا الساع
سعيد : هلا والله براعي الصوت
منصور : اشحالك واخبارك بو عسكور
سعيد : بخير ربي يعافيك اخبارك انت واخبار بوظبي
منصور : تمام والله الجووووو روعه هنيه توه نازل مطر .... يمكن اسير العزبه خلاف المغرب
سعيد : صدق والله حتى في العين الجووو حلو اليوم بس مش واايد مطر إلا نفاف ..اقول منصور شووو مابتي العين
منصور : اكيييييييد بيي العين اصلا انا مااقدر اصبر بدونك ...
سعيد : فديتك والله تسلملي
منصور :اخبار الربع في العين
سعيد : الصراااااحه بعدني ماشفت ولا واحد منهم .. بس دقلي هزاع من شوي وقال انهم بسيرون الامارات الشمالية باجر ويبانا انسير وياهم وقال انه دق لك تلفون وتلفونك مغلق .
منصور : هيه والله كنت راقد توني إلا من شوي قايم .. شو سعيد انت بتسير ويا الربع ولا
سعيد : اذا انت بتسير انا بسير وياك
منصور : الصراحة والله مافيني اسير قول لهم يأخرون شوي عقب العيد بنسير شوووووو رايك
سعيد : حتى انا والله كان في خاطريه عقب العيد نحن إلا اليوم واصلين نبي انريح شوي أقول منصور مابتي صوبنا
منصور : أفااااااا أكيييييد بييكم
سعيد : والله متى بتي عيل
منصور : ماادري والله يمكن باجر ولا إللي عقبه ..
سعيد : خلاص عيل برايك الغالي شي في خاطرك
منصور : تسلم ماتقصر ..
ويبند منصور من سعيد ...
الريم : منصور من هااااا اللي ترمسه
منصور : سعيد
الريم : منو سعيد ؟؟؟؟؟
منصور : ولد عمها فطوم ..
فطوم : صدق والله سعيد بعد يدرس في فرنسا ... اقول منصور شو راجعين ويا بعض انت وسعيد
منصور : هيه ،،،،،، لأنه في نفس الكليه مالتيه وما باقينا إلا كمن شهر وبنخلص دراستنا برع
الريم : صدق والله متى
منصور : يعني اممممممممم يمكن بعد 3 شهور تقريبا
الريم : الله وأخيراااااااااا بترد ويانا
منصور : صدق والله بس بعد بشتاق لفرنسا واااايد الحين تقريبا عشت فيها 5 سنين
فطوم : اوني عاااااااد انتو اصلا تبون الفكه ودكم ماتردون فرنساا مووووول
منصور : خخخخخخخخخخخخخخخخ

ويدخل أبو سيف البيت .. هو د هووووود ياهل البيت
منصور : هده هده اقرب اقرب .. محد غريب
يدخل أبو سيف ويسلم على منصور والريم وتقوم فطوم وتحب راس ابوها ...
منصور اقرب عمي حياك البيت بيتك ... أبو سيف : لا والله اسمحلي منصور فديتك ورايه خط بعد ..
منصور : شو عايلنك ؟؟؟
أبو سيف : لا والله ورايه العزبه الحين من اسبوع ماشفتها
منصور : وأنا أقول لييييييييييش مستعيل انت وابويه مره اللي يقول مولودين فيهن هالعزب
أبو سيف : شو انسوي بعد انطالع حلالنا ... يلا عاد سمحولي يا جماعه بنسير الحين
منصور : قصر الدوب ويانا شوي
أبو سيف : اسمحلي وليدي منصور الود ودي اقعد وياك بس شو اسوي
منصور : مرخص ياعمي والله انه العمر يخلص والشغل مابخلص ..
سارت الريم ويا فطوم عشان اتنزل اغرضها ...
الريم : فطوم والله اني بشتاقلج وااااايد
فطوم : يا المكرررررر ... إلا يومين وبتون عدنا العين
الريم : ويا ويهج ؟؟؟؟؟ جامليني شوي
فطوم : هههههههههههه يلا عاد خلينا ننزل ابويه مستعيل
الريم : يلا نزنا ..
وترجع فطوم العين ......
يوم السبت في المدرسة ....
فطوم : هلا والله بأسوم الغاليه
أسوم : أهلين فديتج شحالج
فطوم : تمامووووووو
اسوم : هاااااا اخبار بوظبي
فطوم : والله انها روعه .. بس خساره كنت بسير العزبه ويا الريم بس ابويه قال بنرجع
اسوم : هههههه اللي يقول الحين بتروحين المجمعات
فطوم : سيري نقعي لااااا مش منج مني انا اللي يالسه اسولف وياج
اسوم : افاااااا نمزح
فطوم : ادريبج
اسوم : فطوم سمعتي أخر خبر
فطوم : لا شوووووو صاااار
اسوم : امممممممم المس مالتكم مالت العربي ربت .. ويوم الاثنين اجازه عشان العيد
فطوم : اووووووووف هذي مالقت تربي إلا الحين جان اخرت شوي بعد العيد
اسوم : شو انسوي بعد
فطوم : اقول وين ودوم بنت عمي عيل
اسوم : في الصف
فطوم : شووووووو اسوي
اسوم : تدرس بعد مرة مستويه حمبصيه
فطوم : نحن بنات علمي ماندرس شراتكن انت بنات ادبي وماكلات الكتاب أكل
اسوم : باسم الله علينا قولي ماشاء الله
فطوم : ماشاء الله شو قلنا نحن ..
اسوم : فطوم فطوم شووو منو يمشي هناك
فطوم : ووووووين
اسوم : ويا ويهج عند الدري
فطوم : منوووووو
اسوم : مريم
فطوم : وينهاااااا
اسوم : ويا عيونج طالعي زين
فطوم : فكت ويها ما احبها لييييييييش اتخلينا اشوف ويهااااا ،،،،،،
اسوم : حرااااام عليج والله انها فنانه انت ماتعرفينها زين
فطوم : سيري نقعي انتي وياها ماابي اكلمها ولا اشوف شكلها
اسوم : والله انت فهمتيها غلط
فطوم : شوووو فهمتها غلط ماغلط .. من اول يوم شفتها فيه مخليه دوبها من دوبي ماكله حلال ابوها اناااا عنلاتها .....
اسوم : خلاااااص انت منو يفج لج السالفه سرت اجحلها عميتها ؟؟؟ قومي قومي خلينا انسير انطالع قوم موزة وودوم وينهن .....

في صف قوم فطوم تدخل مس العربي ..
المس : السلام عليكم
البنات : وعليكم السلام
المس : شكرا تفضلن .. أنا معلمة اللغة العربية بدلا من معلمتكن ..
فطوم مس لو سمحتي ممكن سؤال
المس : تكلمي باللغة العربية الفصحة
علاية والعاش يطالعن فطوم ويضحكن ...
تكتب علاية ورقة حق فطوم .. تكلمي اللغة العربية الفصحة يا فاطمة يحليها قفطوووووها ..
تعصب فطوم من علاية واطرش ورقة حقها وتكتب فيها نقعي انت ومس العربي فوووووقج
المس شافت الورقة يوم يمررنها من بينهن .. وتشلها وتقراها .. وتعصب وتوقف علاية وفطوم والعاش وتهزبهن والعاش تقول .. معلمتي نحن أسفين لن نعيدها أخر مرة
المس : هذه أخر مرة اراه هذه الاوراق التي تمر من بينكن
العاش :" خلاص يلسينا ..
وايلسن وفطوم امفوله على المس .. بس بعدها مايازت من حركاتها واطرش ورقة ثانية وتكتب فيها شوفووووو قميص المس (( الحق ماتلحق شو وجهه الشبة بين المس والقرد اللي على قميصها )) أقول بقرتنا مريضة فديت روحها ؟؟؟؟!!!
وتعطيها فطوم موزة عشان تعطيها مريم وتوصلها حق علايه والعاش ..
المس مسكت الورقة عند مريم يوم حاولت تعطيها علايوة والعاش .. وخلت مريم تقراها بصوت عالي جدام بنات الصف ... المس من سمعت الكلام عصبت وقالت منو اللي كاتب الكلام اللي في الورقة .. مريم سكتت .. المس : انت .. مريم اطالع فطوم وموزة .. فطوم نزلت راسها .... مريم : هيه ..
المس قالت جدامي يلا عند الاخصائية ..
وسارن مريم عند الاخصائية وهزبوها وكتبوها تعهد حليلها مريم .. ورجعت الصف ..
في الصف .. موزة تقول حق مريم شو استوااا عند الاخصائية ..
قالت مريم : كتبوني تعهد ..
فطوم فقط ويهااا حرام انا السبب .. كنت اتحسبها مب زينه حليلها .. ماخبرت علي ..
وتسير فطوم صوب موزة وتقولها اريد اتأسف من مريم قوليلها .. تزكر موزة مريم صوبهن واتي مريم ..
فطوم : مريم أنا أسفة
مريم : لااااا عادي
فطوم : والله صدق كنت اتحراج مب زينه والله سمحيلي واذا مافيه مانع استوي ربيعتج
مريم : لاعادي انت ربيعته .. وتسلم عليها
موزة : خلاااااص صافي يا لبن
فطوم : اكييييييييييد

في بوظبي منصور يالس يتمشى مع ربيعه محمد في المارينا ويصيح تلفون منصور
سعيد : الوووووو
منصور : هلا والله بو عسكور
سعيد : اهلين اشحالك
منصور : بخير ونعمه اخبارك انت واخبار الربع
سعيد : ها منصور وين أنت
منصور : والله يالس في المارينا من ساعه الحين ويا محمد دوخ براسي
سعيد : صج ادريبه محمد مغازلجي ورا البنات
منصور : شوفو منو يرمس انت أكبر مغازلجي مب علينا حركاتك
سعيد : كككككككككك وانت
منصور : حشااااااا عليه لييش ألعب بمشاعر البنات دام إني مااحبها
سعيد : خلنا من هالسالفة المهم نترياك مب حلوة القعدة بدونك
منصور : احم احم .. ادري لاااااازم
سعيد : لا والله صدق مب يالس امزح وياك
منصور : انشاء الله بني العين يوم الأحد العصر
سعيد : احلف
منصور : حق شووووو احلف ... مب اكييييييد
سعيد : المهم تراهم الربع مشتركين في مال الخيول شو رايك اندش وياهم ماشي ورانا شغله
منصور : اكييييييييد مدام انه فيه خيول
سعيد عنلاتك ادريبك
منصور : خلاص عيل انا بترخص بسير العزبه ماسرتلها
سعيد : خلاص برايك مع السلامه

منصور : محمد شو رايك اتي وياي عزبتنا بدال ما دام طايح هنيه لا شغله ولا مشغله
محمد : اوكيه بس بني المغرب المارينا
منصور : سير لا متفيج انا مايلست ويا اهلي بيلس وياك لا بعد يربعبي ورا البنات
محمد : خلاص امري لله

يوم السبت العصر .... الساعة 5.50
فطوم الحبيبه داشه المسنجر اترمس ربيعاتها .. ويدخل (( انت غير الناس )) ... فطوم : خيبه منو هااااااا .. اطالع الايميل وتشوفه ايميل منصور ... فطوم : يا ربي استحي ارمسه يا رب يا رب مايدش عليه ...
منصور .يرمس عمره. هلا والله شووووفوو منو داش عندي ((( وش هيه حياتي دونك )))
يدش منصور على فطوم ...
(( انت غير الناس )) : مرحبا والله
فطوم .... لا مستحيل شو بقوله الحين ...
((( وش هيه حياتي دونك ))) : مرااااحب
(( انت غير الناس )) : اشحاااااااالج واخبارج
(((وش هيه حياتي دونك ))) :طيبة والله اشحالك انت
(( انت غير الناس )) : تمام عاااااش من سمع هالصوت
((( وش هيه حياتي دونك ))) : عاشت أيامك .
(( انت غير الناس )) : أقوووووول
((( وش هيه حياتي دونك ))) : تفضل
(( انت غير الناس )) : ماعرفنا شي عنج
فطوم ترمس عمرها شوووو قصده
((( وش هيه حياتي دونك ))) : شووووو ،، مافهمت شو قصدك ؟؟؟؟؟؟؟
(( انت غير لناس )) : قصدي يعني اعرف عن شخصيتج ومواهبج يعني من هذي الامور لأني أنا مايلست وياج وايد عشان اعرف شي عنج
((( وش هيه حياتي دونك ))) : اهاااااا ،،،،،، انت تعرف اسمي فاطمة ،، 3ثنوي علمي ،، اسكن في العين ،،
(( انت غير الناس )) : ههههههههه ادري .. قصدي يعني مواهبج شوووووو
((( وش هيه حياتي دونك ))) : انااااا
(( انت غير الناس )) : هيه احيدج يوم صغيرة تحبين الرسم ..
((( وش هيه حياتي دونك ))) : ههههههه قبل ،، الأول تحول ... الحين احب اكتب خواطر
(( انت غير الناس )) : والله من متى ....
((( وش هيه حياتي دونك ))) : من زماااااان
(( إنت غير الناس )) : اوكيه عيل سمعينا شي منهن
((( وش هيه حياتي دونك ))) : اممممممممم .. بشرط
(( انت غير الناس )) : شووووو
((( وش هيه حياتي دونك ))) : ترد عليها أو تسمعني شي من عندك
(( انت غير الناس )) : فالج طيب ماطلبتي يا بنت خلفان
((( وش هيه حياتي دونك ))) : احم .... احم
((( وش هيه حياتي دونك ))) : لك سلامي يا سيد احساسي ... لك حبي يا بسمة وجداني ... لك الروح والخاطر يا بعد خلاني ... لك مشاعر الكون يا من له فدى العيون ....
منصور من قرأ الكلام وقف قلبه .... والله انج خطيرة ..
(( انت غير الناس )) : وووينك ما فكرت تسأل .. ووووينك غبت عن عيني ... ووووينك سألت الناس عنك ... إرجع .. خلاااااص مالنا عيشه بدووونك ...
فطوم ... اووووووف عجيب ماكنت ادري يعرف يكتب بعد ..
(( انت غير الناس )) : شووووو رايج مب حلوه صح
((( وش هيه حياتي دونك ))) : لا والله حلوه ماعليها كلام
(( انت غير الناس )) : منصور يسألها بمكر ... حق منو تكتبين
(((وش هيه حياتي دونك ))) : امممممممم .. مب حق حد ؟؟؟؟؟
(( انت غير الناس )) : لااااا مايصير مايطلع اصلا شيء إلا اذا انت حاسه بهذي المشاعر
((( وش هيه حياتي دونك ))) : لا والله مب شرط حق حد عادي اكتب بس جيه
(( انت غير الناس )) : والله ... يمكن
((( وش هيه حياتي دونك ))) : ليش مب مصدقني ......
(( انت غير الناس )) : لا والله مصدقنج
((( وش هيه حياتي دونك ))) : تحسبتك بعد ؟؟
(( انت غير الناس )) : المهم برايج أذن بسير المسيد قبل مايقيمون الصلاة ... شيء في خاطرج
((( وش هيه حياتي دونك ))) : سلامة راااااسك ... الله وياك
(( انت غير الناس )) : برايج ...بااااااي

منصور سار وتوضأ ونزل بسرعه عشان يسير المسيد وهو نازل من الدري شافه أبوه هاااا منصور لييييييش مستعيل وين رايح ..
منصور : بسير اصلي بسرعه قبل لايقيمون الصلاة عني
أبو منصور : خلاص انا عيل رايح الحين خلنا انروح ارباعه ..
منصور : يلا ابويه عيل بسرعة
أبو منصور : يلاااا ..

الساعة : 6.55
يصيح تلفون فطوم ....
فطوم : الووووو
الريم : بونسوار
فطوم : هلا والله براعيه هالصوت
الريم : كومان تاليفو ،،، كومان فو بورتيه ،، كووووومان سافا
فطوم : ايل سوبورت بيان ،، ميرسي
الريم : ايل يا لو نتان كوجو نوفوزي بافو
فطوم : دخييييييلج مااعرف فرنسي وايد إلا كمن كلمه
الريم : مشكلتج .. والله انا عندي منصور ألقط لي كمن كلمه من عنده
فطوم : يا حظج انا ماعندي حد
الريم : عندج ولد عمج سعيد
فطوم : دخييييلج لووو شفته مابعرفه
الريم : افااااا لييييييييش
فطوم : ماأطلع يوم أيي بيتنا .. بعدين هو ماأينا وايد
الريم : اهاااااااااا ،،، الصراحة مشكله أهلنا مانشوفهم إلا في المناسبات
فطوم : على طاري المناسبات شووو متى عطوكم إجازة
الريم : يوم الإثنين إجازة يعني بني العين يوم الأحد العصر على قوله أمايه .. بس مأدري يمكن تغير رايها
فطوم : اهااااا مب كيفكم غصبا عنكم اوكيه
الريم : انشاء الله يصير خير
فطوم : تصدقين ماقلت حق ودوم انج بتين يوم الأحد
الريم : أحسن خليها شوي تعصب
فطوم : ههههه .... برايج اسمع أمايه تزكرني أكييييييد منصوري اخويه يصيح بسير اطااااالعه
الريم : فديته حبيه حقي
فطوم : من عنوني
الريم : تسلملي عنونج
فطوم : اوكيه عيل بخليج
الريم : بون وي
فطوم : اووووووووف تغايظ السباله ماعليج يوم بتين العين بخليج تعلميني فرنسي اوكيه
الريم : اوكيه فالج طيب بنخلي منصور يعلمنا شوي
فطوم : لا دخيلج مافينا
الريم : خلاص برايج اسمع امج تزكرج
فطوم : اوكيه باااااي

الساعة : 11.30
فطوم يالسه عند التلفزيون اطالع فلم هندي ولااااا يقول عليها باجر مدرسة .. عاد الأخت مندمجه بالفلم مر تصيح ومره اضارب .. وعيونها تنفخن من الصااااايح على البطل .. ويلست اطالع التلفزيون ولاهماهاااا الوقت .... ويمر الوقت ويمر ... وخلص الفلم .. فطوم اطالع الساعة 2.15 خيبه اوووووف ورايه مدرسه شووو بقومني باجر الله يعين وين بروح من حنة أمايا الصبح وسارت ترقد ...
الساعة : 6.35
شمة توعي فطوم .... فطوم قومي مدرسة .. فطوم تفرها بالمخده خليني ارقد .. وتعصب منها .. وتطلع شمة من حجرة فطوم وسارت صوب الدري وشافت سيف وقالها وين فطوم ..شمة: ماطاعت تقوم .. سيف : ماعليه بخليها تقووم غصبا عنها .. وسار سيف وياب ماي بارد وجبه على ويهه فطوم ويفل بسرعة وفطوم وراه وينزل من الدري وهو يربع على الدري يطيح من فوق اللين تحت ... ويتم يصيييييح ريله عورته .. بسرعه يودونه المستشفى .. الظاهر ان ريله انكسرت وجبسوه حقه .. والسبب فطوم ... والكل الحين طايح عليها ..
أم سيف : أشطولج وعرضج وتربعين ورااا اليهال استحي متى بتعقلين انت .. الله يعين اللي بياخذج
فطوم : احم احم يحمد ربه يوم بياخذني يصلي ركعتين كل يوم يشكر ربه ...
ام سيف : امحق عااااااد شوووفو منو يرمس ؟؟؟؟
فطوم : لااااازم أصلا انت ماتعرفين قيمتي إلا يوم بعرس بتحسين فيني ..
أم سيف : سيري عني .. سيري طالعي الطباخ سوا الغداااا ولا بعده ماشي الحين بيي ابوج من العزبة
فطوم : يهل العزبة والله اني كرهتهاااااا
اقوووول امايا اليوم بيون قوم خالي صح ؟؟
ام سيف : هيه اليوم بيون العصر وابوج بعد مسوي العشاء في العزبة
فطوم : لحووووووول كله العزبة أبويه ماعنده غيرها .. يعني قولي العين مول ولا المبزره ولا يبل حفيت ولااااا .......الخ
ام سيف : ابوج مايحب الناس وااايد ويحب انكون إرواحنا محد ويانا يطالعنا
فطوم : اهاااااا
أم سيف : يلا سيري طالعي الغدااا
فطوم : اوكيه

الساعة: 5.30
عائلة خليفة وصلت من بوظبي وبباتون في بيت أبو سيف لأنه بيته كبير وواسع ومسوين لهم قسم خاص ..
فطوم يالسه في الحجره منسدحه على الشبريه وتدخل عليها الريم .. وتزيغها .. وتنقز فطوم من فوق الشبريه واطيح تحت ..
الريم : ككككككككككككككككككك
فطوم : عنلاتج يا السباله صدق ماتستحين
الريم : شوووووو اسوي يوم انت بسرعه اتزيغين
فطوم : لا والله
الريم : يلا يلا تعالي ننزل تحت أريد أسير اشوف بيت الحمام اللي عندكم
فطوم : باسم الله اول خلينا انسلم على أهلج
الريم : اوكيه يلا نزلي كلهم الحين تحت
فطوم : اوكيه خليني اغير ملابسي .. الريم اختاري لي شوو البس ..
الريم : لبسي شراتي .. كندوره عربيه ..
فطوم : اوكيه .. ون منت
سارت فطوم تلبست وجحلت عيونها وخلت شوي لمعه ونزلت ... الريم ... يا ويلي يا ويلي شوووووو هالكشخه
فطوم : ههههههههه اخجلتي تواضعي
الريم : يلا يلا قبل لاتفجينا سالفه
فطوم : ايه صبري ماقلنا حق ودوم انج عدنا
الريم : سيري دقيلها وقولي لها تعالي بيتنا اونج بتراوينها أي شيء .. بس لاتقولين اني انا هنيه
فطوم : اوكييييييه ...
سارت فطوم ودقت حق ودوم ..
فطوم : الووووو
سعيد : هلااااا
فطوم خيبه منو هااااا
فطوم : جيف الحال
سعيد : بخير يسرج الحال
فطوم : منو وياي
سعيد : لا والله انت اللي داقه
فطوم قفط ويها شووو اقووول
فطوم : انزين لو سمحت اريد ودوم
سعيد : ودوم
فطوم : هيه
سعيد : اوكيه لحظه بزقرها
فطوم : اوكيه
سار سعيد يزقر ودوم ..
سعيد : ودوووووووووم
وديمة : شووووووو
سعيد : تلفون بسرعه نزلي
وديمة : اوكيه بند التلفون من تحت برد عليها من فوق
سعيد : اوكيه
وديمة : الوووووو
فطوم : هلااااا عنلاتج يا الخايسة منو هاااا اللي رد عليه
وديمة : سعيد لييييييش ؟؟؟
فطوم : لا بس ماعرفت منو رد عليه تحريت مغلطه
وديمة : اهاااااا
فطوم : اقوووووول تعالي بيتنا عندي لج مفاجئة
وديمة : شوووووو
فطوم : يوم بتين بقول لج المفاجئة
وديمة : اوكيه
فطوم : يلا عيل اترياج باي
وديمة : باي
تنزل ودوم في الصاله .. تشوف سعيد كاشخ وطالع ...
ودوم : سعيد وين رايح
سعيد : بروح بيت قم عمي
ودوم : والله ودني وياك بسير عند فطوم دخيلك
سعيد : اوكيه قولي حق امي اذا وافقت
ودوم : اوكيه ون منت لاتروح عني
سعيد : عندج خمس دقايق بس
ودوم : اوكيه

في بيت قوم فطوم .......
تنزل فطوم والريم الصالة .. وتسلم على خالها وحرمة خالها ... الريم .. تقرص فطوم .. فطوم يلا نطلع
فطوم : فضحتينا ..
الريم : يلا
فطوم : اوكيه
اقول امايه نحن بنطلع شوي برع في الحديقة
ام سيف : برايكن سيرن
يسيرن فطوم والريم الحديقة ويلسن على الكراسي .. ويشوفن سيارة دخلت البيت .. فطوم : خيبه حد ياااااي خلينا ندخل الخيمة بسرعة
الريم : يلا بسرعة
وهن سايرات صوب الخيمة شافن منصور طالع من الخيمة ويسلم على فطوم ..
منصور : هلااااا والله بنت العمه
فطوم : اهلين منصور
منصور : اشحالج
فطوم : بخيييييييير وسهاله اشحالك انت
منصور : والله يسرج الحال
برايج بترخص بسير سعيد وصل .. ويسير منصور صوب سيارة سعيد .. وتنزل وديمة من السيارة وتسير صوب فطوم والريم ... فطوم : هلااااا والله بودوم
وديمه : اهلين وتسلم عليهن
فطوم : اقووووول من هااااا اللي موصلنج
وديمة : سعيد
فطوم : خسااااااره كنت اريد اشوفه بس السيارة كانت مخفي ماشفت شكله
وديمة : بتشوفينه ولا يهمج

الريم : يلا بسرعه اريد اشوف بيت الحمام
فطوم : باسم الله يلا انسير
وسارن يشوفن الحمام .. ولقن سلامه وهند و شمة ومنصور الصغيروني ... عند الحمام ...
فطوم : شموه شو اسوين
شمة : ماشي بس منصور كان يصيح يريد يشوف الحمام ويبناه يطالع
فطوم : سيري وديه داخل .. بخيس ملابسه
شلت شمه منصور وسارت هيه وسلامه وهند البيت ...
ويلسن الريم وفطوم وودوم ... يسولفن عن المدرسة وعن أغرض العيد .. وشو بيشترن حق العيد ...الخ ،،،،، ويأذن المغرب ويسيرن البيت عشان يصلن .. ويصلن وينزلن على اساس بسيرون العزبة عشان العزيمة ...

ام سيف ... فطوووووووم
فطوم : هاااااا امايه شووووو تبين
ام سيف : وين سيف اخوج
فطوم : في الخيمة ويا حمدان وراشد وعبدالله ( راشد وعبدالله أخوان وديمة ،، راشد 2 إعدادي ، وعبدالله 1 ث )
ام سيف : قولي لهم يسبقونا العزبه ويا الدريول
فطوم : اوكيه نحن بنروح وياهم
ام سيف : كيفكن سيري بس ودي وياج البنات الصغار ومنصور اخوج بس لاتخلين منصور يروح بعيد عنج
فطوم : اوكيه
تسير فطوم عند ودوم والريم يلا بنسير العزبة ..الريم : يلا .. فطوم انسير انطالع البنات الصغار اول وينهن .. وسارن وزقرن البنات وساروا الخيمة .. فطوم : السلام عليكم
الشباب في الخيمة : وعليكم السلام ....
فطوم : يلا بنسير العزبة ويا الدريول
سيف : منو قال
فطوم : أمايا
سيف : يلا اوكيه ..

في العزبة .. الساعة 8.10

البنات يالسات فوق العرقوب ... والاولاد بدراجاتهم ماعدا سيف عشان ريله مكسووووره ومجبسه ...
فطوم : اقول شو رايكم نلعب كيرم
الريم : صدق والله ملينا
ودوم : اوكيه ماعندي مانع
فطوم : الريم قومي انسير نيب الكيرم من السيارة
الريم : اوكيه
وسارن ويابن الكيرم ويلسن يلعبن فوق العرقوب
ودوم : اقوووووول
الريم وفطوم : قولي
ودوم : منووووو هذا اللي لابس اسود
الريم : أي واحد
ودوم : اللي راكب الدراجة الصفراء
فطوم : هذااااا منصور
ودوم : منو منصور
الريم : اخويه
ودوم : صدق
الريم : هذا منصور اللي كان يدرس في فرنسا
ودوم : هذا الحين اللي يدرس ويا سعيد في فرنسا
الريم : هيه هذااا
ودوم : بس ابد مووووول مايشبهج أحلى عنج بواااااااااايد
الريم : جب جب لا اصفعج الحين ... اتخسي احلى عني
ودوم : صدق والله انه كشخة ... شوفي شوفي شو يسوي بالدراجه كيف مركبنها فوق العرقوب ..
من قالت هذي الكلمة ينجلب منصور بالدراجة من فوق العرقوب
فطوم : ايه لا لاااااااااا منصووووووووور
الريم : خيبه مب عيون عليج .. حتى ماشاء الله ماقالت
تربع فطوم والريم يطالعن منصور يوم انجلب من الدراجة ...
بس الحمد لله ماياااااه شيء إلا جرح صغير في ايده

ابو منصور : خلاااااص بسكم من الدراجات لا تتعورون
منصور: شوووو ابويه مب صغار كل واحد فينا بلحيته
ام سيف : يلسوووو سولفو ويانا ابرك لكم من الدراجات وصدعتهن ..
منصور :خلاص فالكم طيب ويبند الدراجة ويسير يقعد وياهم ...

فطوم : ودوم اذا رمستي المرة الثانية بصفعج .. مب عيون عليج الولد انجلب
ودوم : ويها قاااااافط ..... شو يخصني .. الله كاتب انه ينجلب وانجلب
الريم : خلاص بسكن

سارت شمة وياها هند وسلامة وروضة عن عمهم سالم يبن يركبن الدراجات
شمة : خالي فديتك نبي نلعب بدراجات
سالم : سيري قولي حق منصور لأنهن مليله
سارت شمة عند منصور ...
شمة ...... منصوووور خلنا نركب الدراجات شوي
منصور : بس شوي بس لاتركبن فوق العراقيب عشان ما تتعورن
شمة : اوكيه
وكل وحدة ركبتلها دراجة وسارن صوب قوم فطوم
الريم : مااااااالي خص حتى انا اريد اركب دراجه
ودوم : والله حتى انا في خاطري
فطوم .. شمة ودي الدراجات ورااااا هذا العرقوب عشان نركب اوكيه شمة اوكيه
سارن يلعبن وراااااا العرقوب عشان محد يشوفهن ...
الريم : فطوم اشوف حد يالس يمشي هناك
فطوم : هذا منصور بس حد وياه والله يا وينا لو شافونا ركبنا الدراجات
ودوم : وينهم
فطوم : عند هذيج الشجرة ...
ودوم : هيه هذا سعيد اخويه
الريم : ماينشاف ظلام
فطوم : شوووووو تبينه بتشوفينه بعدين
الريم : لا والله حشااااا عليه شو اريد اشوفه خبله قالولج
فطوم : انسير انسير نتعشااااا احسن لنا

الساعة : 10.35
أبو منصور : يلا بنرد البيت بسنا بنسير نرتاح ..
بأو سعيد : يلا صدق والله تعبنا
أم سيف وأم سعيد ... يلا الريم فطوم زقري خواتج بنرد البيت .....
فطوم ... تشل منصور لأنه رقد وتوديه السيارة وتركب سلامي وهند وشمة ..
ركبت ودوم سيارتهم ... وتسير الريم وفطوم يودعنها ...
وكلهم ساروا البيت

الساعة : 11.5
في الصالة فطوم والريم يالسات يسولفن ويدخل منصور .... هاااااا شووووو بعدكن مارقدتن
الريم : لا بس الحين بنسير نرقد
منصور : برايكن عيل تصبحن على خير
فطوم : لييييش انت تبي شيء انسويلك
منصور : لااااا مشكوووورات بس كنت اريد لزقه حق الجرح اللي في ايدي
فطوم : ون منت الحين بسير اييب لك لزقه
منصور : اوكيه
تسير فطوم تيب لزقه حق منصور ... ويابت ماي وغسلت له الجرح وحطت عليه اللزقه ..
منصور : مشكووووووره
فطوم : العفوووووو
الريم : بعد شي في خاطرك .. الصراحة أنا ماأشوف من الرقاد بسير ارقد
منصور : مشكورات .... برايكن مرخصنكن
فطوم : برايك تصبح على خير ..
منصور : بون نوي
الريم : بون وي
فطوم : فكينا يلا يلا
وسارن فوق عشان يرقدن ....
بس فطوم ما ياهااااا الرقاد يلست تفكر بودوم ليييييييش جيه اطالع منصور لا يكون تحبه ؟؟؟ ولييييييش كل كلامها اليوم منصور ومنصور ...
لا لااااااا شو يخصني أنا ماأحبه ولا هو يحبني .... شووووو هااااااا صدق اني متفيجة بسير ارقد ابرك لي .....

الساعة : 8.00
فطوم : الريم قومي بسج
الريم : وين تبين تروحين من الصبح
فطوم : ننزل أكييييييد كلهم قاموووووا
الريم : هههههههه تحلمين سيري رقدي احسن لج
فطوم : قومي مافيني رقاد
الريم : لاتحشريني اريد ارقد ...
وتخلي المخده فوق راسها ....
فطوم : اووووووووف لاااااااا ...
أمري لله بنزل شوي تحت اطالع حد قام..
تنزل فطوم وتشوف البيت فاضي محد كلهم رقووووود ...
فطوم : ميري .. يبي لي حليب
ميري : اوكيه
فطوم تصفح الجريدة .. وتشوف حد يالس برع في الحديقة ...
تطلع فطوم الحديقة وبتشوفه سيف اخوهااااا
فطوم : السلام عليكم
سيف : وعليكم السلام
فطوم : اشفيك
سيف : مااااااشيء
فطوم : لاااا اكيد شي
سيف : صدقيني ماشي
فطوم : شي يعورك
سيف : لاااا بس ريلي شوي تعورني
فطوم : انزين بسير اقول حق امايه عشان تسير المستشفى ..
سيف : لا مب لااااازم بس شوي تعورني ،،، اذا حسيت انها زادت بسير المستشفى
فطوم : اوكيه برايك بسير داخل بشوف الريم ... شي في خاطرك
سيف : قولي حق البشكاره تيب لي دوايه وماي
فطوم: اوكيه
ودخلت فطوم البيت وسارت صوب المطبخ وقالت للبشكارة تيب حق سيف ماي والدوااااء
فطوم وهيه طالعه من المطبخ يدخل منصور
منصور : اهلين صباح الخير
فطوم : صباح النور
منصور : اخبارج
فطوم : تمام
منصور : ليييييش قايمه من الصبح
فطوم : لا بس ماياني الرقاد
منصور : اهاااااا
فطوم : برايك بسير اوعي الريم
منصور : وووووين يلسي وياي اتريقي
فطوم : لا بسير اسمحلي
منصور : اوكيه برايج
وسارت فطوم عن منصور ......
منصور ...... اووووووف كل مااريد اسولف وياها تشرد .. مالي حظ أكلمها ..

الساعة : 8.25
فطوم : الريم يلا قومي
الريم : خلاص الحين بقوم
قامت الريم وتغسلت وتلبست ونزلت تحت ...
الريم : فطوم وين الجريدة
فطوم : في المطبخ
الريم : اوكيه بسير ايبها وبرجع
فطوم : اوكيه
سارت الريم تيب الجريدة ويلسن في الصاله يقرن الجريدة ويسولفن

نزلت أم سيف من فوق ... السلام عليكم
الريم + فطوم ... وعليكم السلام
أم سيف : اشحالكن
فطوم + الريم ... تمام والله
أم سيف .. اقول الريم امج ماقامت
الريم : مادري ماشفتها
أم سيف : أمس قالت بتروح وياي السوق سيري طالعيها جان بتروح
الريم : إشاء الله عموه
الريم سارت عند أمها .. أمايه أمايه عموه تقولج بتروحين وياها السوق
أم منصور : لا ما فيني برتب أغراضنا
الريم : اوكيه خلاص..
سارت الريم عند عمتها
عموه أمايا تقولج مابتروح وياج ..
أم سيف : خلاص برايها بسير اروحي
فطوم : امايا خلينا انروح أنا والريم وياج
أم سيف : اذا تبن تروحن وياي تعالن
فطوم : يلا الريم انسير ويا أمايا السوق
الريم :اوكيه
وسارن السوق ورجعن الساعة 11.30
تدخل فطوم والريم على سيف وحمدان وهم يالسن يطالعون أفلام منصور في فرنسا
فطوم : الله الريم خلينا أنطالع
حمدان : مانبي بنات طلعن برع
الريم : شوووووو كيفك
حمدان : فكنا شلن الجزء الأول وطلعن برع
فطوم شلت الفلم .. الريم انسير انطالع الفلم في الصاله اللي فوق
الريم : اوكيه يلا
حمدان : احسن فكه
الريم تفر عليه المخده مااااااالة على هالويهه

في الصاله الفوقية ............
فطوم والريم مندمجات في الفلم ... اتي شمة وتقول : بنسير المبزرة عقب المغرب بتروحن
فطوم : قلتي حق امايا
شمه : هيه
فطوم : منو بروح وياج
شمه: انا وسلامة وروضة وهند بس ويمكن منصور اخويه
فطوم : شووووو رايج الريم انروح انا وانت وودوم انتحوط اشوي
الريم وهيه مندمجه بالفلم : اوكييييييه مافيه أي مانع .....
فطوم : خلاص قولي حق امايا بنسير وياكم ..

عقب صلاة المغرب
الساعة 7.30
فطوم ادق حق ودوم تلفون : الووووو
ودوم : هلا
فطوم : أهلين اشحالج
ودوم : تمام اخبارج انت
فطوم : الحمدلله بالإختصار المفيد بتروحين ويانا المبزره
ودوم : متى...
فطوم : الحين
ودوم : اوكيه ون منت بقول حق امايا
فطوم : مب لازم بتوافق امج لأن روضة اختج رايحه ويانا
ودوم : اوكيه خلاص بروح
فطوم : بسرعة الحين بنطلع بنخطف عليج
ودوم : اوكيه

الساعة : 8.10
في المبزره ... الريم وفطوم وودوم ومنصور الصغير وهند وسلامه وروضه وشمة يالسين في مكان محد يشوفهم .. يسولفن .. ويلعبن ورقة....
البشكارة تلاعب منصور عشان مايسير بعيد عنهم ويضيع ..
الريم : فطوم قومي وياي انسير نمشي عند النافورة
فطوم : لا مافيناااا واااايد نااااس
الريم : شو يخصنا بالناس وبعدين محد ناس إلا شوي
فطوم : اوكيه يلا قووومي
الريم : ودوم بتروحين ويانا
ودوم : لاااااااا مافيني بكمل الورقة إلا أغلب شمة
فطوم : برايج بنسير وبنرد بسرعة

فطوم والريم يالسات يتمشن ... ورافعات الغشوة فوق روسهن ... بعدين ماشي كان وايد زحمه إلا شوي ناس يالسين بس فيه سيارات يلفن .. المهم يلحقن واحد بسيارته ينزل دريشة السيارة .. ويقول : السلام عليكم
فطوم والريم اول ماشافن السيارة يت وراهن ينزلن الغشوة يحاولن يسيرن من الجهة الثانية بس ماقدرن يلست السيارة تلحقهن ..
الريم : فطوم شو هاااااا مصخوها
فطوم : مسكي اعصابج لاتردين عليهم بملون وبسيرون عنا
الشباب : هااااا الحلوات ردن السلام على الأقل بس نبي نسمع هالصوت ..
فطوم والريم : ساكتات
واحد من الشباب الثنينه قال ماتبون انوصلكن ..
بعدها فطوم والريم ساكتات ابد مايرمسن
الشباب : والله حركات ،، انت كلكن جيه اول بدايه اونك تستحن بس بعدين تربعن ورانا .. انزين بس خذن الرقم بعدين بنتفاهم ..
فطوم اتشوف الريم عصبت ..
فطوم : الريم مسكي اعصابج لا تردين عليهم
الريم : وبعدين واخرتهاا
واحد من الشباب اللي يالس يسوق السيارة : فديت اللي رمس انا ليش الغالية زعلانه ؟؟؟
الريم : ماحست بعمرها إلا شلت حصاة وتفرها على جامة السيارة وتنكسر
وينزل واحد من الشباب حق الريم وفطوم والثاني سار يوقف السيارة
فطوم : الريم ياوينا شو سويتي انت
الريم : بدق حق منصور ولا يهمج بأدبهم شوي
الريم ترجع وراااا عن فطوم ودق حق منصور
الريم : الووووو
منصور : اهلين
الريم : منصور وين انت
منصور : الحين راد البيت ليش شيء تبين
الريم : تعال المبزرة اشوي
منصور : ليييييش
الريم : تخبره السالفة
منصور : يعصب ويسكر التلفون فويها وايي طاير بالسيارة
تسير الريم صوب فطوم اللي واقفه مع واحد من الشباب يقولها تدفع قيمة الجامه ..
الريم ترمس فطوم بصوت واطي .. الريم : فطوم تعالي شوي
فطوم : شو
الريم : الحين بيي منصور وشكله مفول
فطوم : يا وينا شو بنسوي
الريم : لااااا ولايهمج
فطوم : الريم دقي حق ودوم وقولي لها تسير السيارة
تسير الريم بعيد عن فطوم عشان مايسمعها اللي واقف ويا فطوم يهاد ..

في نفس الوقت ايي منصور ويشوف فطوم وافقه ويا الريال والريم بعيد عنها من شاف الريال ان منصور سار صوب الريم بسرعه يسير يزقر سعيد ..
منصور : فطوووووووم
فطوم وهيه ترتجف من فوق لتحت،،، شو
منصور : بعد قواة عين شو يالسة داقه سوالف ويا
فطوم : ا أ أ .. أنا

منصور : هيه عيل انا صدق ماتستحين عيني عينك .. يلا بسرعه جدامي سيرن السيارة ويمط فطوم من ايدها ... ويقول حق الريم : دواج عندي في البيت انت وياها ...
فطوم وهيه اتصييييييح ... الريم انسير
الريم : يلا
ويسيرن السيارة
من الجهة الثانية .. عند الشباب .. يقول اقول تراه يا واحد من صوبهم ياااا .. ويرد عليه الثاني خله ايي بدفعه قيمة الجامه ...
ويسير منصور صوب الشباب اللي واقفين عدال سيارتهم يتريونه اييهم ......
شنو تتوقعون ايصير ؟؟؟؟!!!!!!

من الجهة الثانية .. عند الشباب .. يقول واحد من الشباب اقول تراه يا واحد من صوبهم ياااا .. ويرد عليه الثاني خله ايي بدفعه قيمة الجامه ...
ويسير منصور صوب الشباب اللي واقفين عدال سيارتهم يتريونه اييهم ......
منصور انصدم ؟؟؟؟؟؟!!!!!! لا لا لا لا لا لا مستحيييييييييل .. تعرفون منو طلع الشباب ؟؟؟!! طلع سعيد وهزاع
منصور وهو معصب : سعييييييد شوووووو هالحركات
سعيد : أي حركات !!؟؟
منصور : شووووو تستهبل .. شوو تبا البنات تغازلهن
سعيد : هيه ؟؟؟ اشدراااك
منصور :اونك ماتعرف ان هذيل البنات اختي وبنت عمك خلفان
سعيد : شووووووووو لااااااا
منصور : والله ماتوقعتك جيه
سعيد : والله يامنصور اني ماكنت اعرف انهن من اهليه
منصور : حتى ولو اللي ماترضا لأهلك لاترضاه لبنات الناس
سعيد : دخييييييلك لاتفهمني غلط
هزاع : صدق والله منصور نحن ماكنا نعرف
منصور : جب انت ... تحسبون اعماركم رياييل .. حشاااااا والله انكم مب رياييل ولا طاحتكم المريله ..
سعيد : هدي خلنا نتفاهم
منصور : ماشي تفاهم من بينا
منصور لف ويهه يريد يسر عنهم ..؟؟؟؟ ويمسك سعيد من ايد منصور ويمط منصور ايده
سعيد : منصور صبر خل نتفاهم
منصور : سعيييييييد بطل ايدي لا ارتكب فيك جريمة الحين
هزاع يمسك سعيد : خله يسير يوم بهدي بنرمسه

في سيارة قوم فطوم .....
فطوم لافه ويها عن قوم الريم ودوم ..
ودوم : الريم فطوم اشفيها معصبه وتصيح
الريم : لا ماشي بعدين بخبرج السالفه
ويصيح تلفون الريم
الريم : الوووووو
منصور : ووووينكم الحين
الريم : في السيارة رادين البيت
منصور : المهم لا ادخلن داخل البيت اريد ارمسج انت وفطوم ؟؟؟ اتريني في الخيمة اوكيه
الريم : ليييييييييش؟؟؟؟
منصور : اتريني وخلااااااص .. ماتفهمين الكلام انت
الريم : خلاااص اوكيه باااي
الريم اطالع فطوم وشافتها معصبه .. وقالت في خاطرها برمسها يوم بننزل عشان ودوم ماتحس
وصلن البيت وينزلن من السيارة ..
ودوم : يلا انسير انصلي العشاء
الريم : سيري قبلنا بنلحقج
ودوم : اوكيه بسرعه .... وتسير ودوم داخل البيت
الريم : فطوم منصور يريد يرمسنا قال اتريوني في الخيمة
فطوم : مااريد بسير اصلي وارقد
الريم : انزين خلينا نعرف السالفه منه شوو صار
فطوم : مااريد اعرف السالفه
وتسير فطوم داخل البيت ... وتدخل سيارة منصور البيت.. وينزل من السيارة ويسير صوب الريم .. هاااا وين فطوم عيل
الريم : ماطاعت قالت تريد اتصلي
منصور : المهم تعرفين منو طلع هذيل الشباب ؟؟؟؟
الريم : منووووو
منصور : سعيد ولد عم فطوم وهزاع ربيعه
الريم : شوووووو لااااا مستحيل
منصور : هذي كل السالفه .. وبعدين لييييش فطوم ماعرفت انه هذا ولد عمها
الريم : لااااا ماتعرف اصلا شكل سعيد
منصور : المهم قبل مااطلعن من البيت عطوني علم فهمتن
الريم : انشاء الله
وتسير الريم اتصلي ... وتسير عند فطوم
الريم ادق الباب .. طق طق طق
فطوم : منووووو
الريم : انااااا
تفج الباب فطوم .. هااااا شوو تبين
الريم : اشفيج بعدج معصبه
فطوم : لااا هديت
الريم : المهم تعرفون منو هذيل الشباب
فطوم : منوووو
الريم : سعيد ولد عمج وهزاع ربيعه
فطوم : لااااا منو قال
الريم : منصور
فطوم : حلفي مااصدق
الريم : ماادري منصور قال لي
فطوم : انزين منصور بعده معصب علينا
الريم : لااااا بس قال قبل لانسير مكان نعطيه علم
فطوم : هههههه شووو كيفا مايخصه فيني ورايه اهل ؟؟؟
الريم : المهم هذا اللي قاله
فطوم : وين ودوم عيل
الريم : سارت بيتهم
فطوم : والله.
وتدخل هند وسلامه .. فطوم الريم .. عشااا يلا نزلن ....
الريم : يلا فطوم نزلي ابسير نتعشاا
فطوم : ماادريد راسي يعورني برقد
الريم : كيفج برايج انا بنزل شي تبين
فطوم : لا سلامتج
وتنزل الريم وتشوف العائله كلها مجتمعه ..
ام سيف : الريم وين فطوم عيل
الريم : ماتبا عشاااا قالت بترقد
ام سيف : لييييش شي يعورها ؟؟
واطالع الريم منصور بعين
الريم : لا بس راسها يعورها شوي
ام سيف : اهاااا برايها عيل ترقد عشان يخف راسه شوي ...
منصور : من سمع الكلام قام يريد يطلع
بو سيف : هاااا وين منصور ماتعشيت
منصور : لا والله ياعمي مشكور مااريد بسير امشي شوي في الحديقة
بو سيف : برايك الله يحفظك
ويسير منصور الحديقة وينسدح على الكرسي ..
من الجهة الثانيه كانت فطوم اطالع من الدريشه .. وتشوف منصور على الكرسي .. وتسير تبند الليتات عشان ما يشوفها ..
في نفس الوقت يدق سعيد حق منصور
سعيد : الووووو
منصور : اهيلن
سعيد : لها والله بمنصور الزعلان
منصور : هههههه
سعيد : صدق صدق زعلان ولااا
منصور : لا مب زعلان حصل خير
سعيد : صدق والله
منصور : صدق بس نصيحه يوووووز من حركاتك هذي
سعيد : خلااااااص فالك طيب تامر آآآمر كم منصور عدنا نحن
منصور : خلاص عيل برايك بسير ارقد تعبان
سعيد : برايك تصبح على خير
منصور : وانت من اهله يلا فمان الله

الصبح الساعه 7.10
الريم وفطوم يالسات في الصاله ..
الريم : فطوم ما قريت خواطرج
فطوم : صح ذكرتيني ون منت بسير ايبهن من فوق
الريم : كوكلي
فطوم : اوكيييه
ويلسن يقرن الخواطر وتعلق الريم عليهن ؟؟؟؟
فطوم : الريم تبين شي من المطبخ
الريم : نسكافي
فطوم : اوكيييييه
وتسير فطوم المطبخ ..
ويدخل منصور الصاله
مرحباااااا
الريم : هلااااا والله
منصور : هااااا اشحالج
الريم : بخير وسهاله اشحالك انت
منصور : تمام
الريم : زين والله
منصور : الريم سيري يبيلي ماي عطشان
الريم : تامر امر
وتسير الريم المطبخ .....
ويسمع منصور مسج لتلفون اخته الريم .. ويسير يطالع وقرأ مكتوب فيه (( حبيت اسابق البشر وبارك لج بالعيد ... وعساج من العايدين ))
ويقرأ الرقم ومكتوب الرقم بأسم .. شويخ ..
ويلس يقرأ المسجات اللي في التلفون .. وقرأ مسج بإسم فطوم ويسير يسيف الرقم في تلفونه ويرجع التلفون مكانه .. ويشل الدفتر اللي على الكرسي مال فطوم ويسير فوق ...
تدخل فطوم والريم .... الصاله
الريم : وووووين منصور
فطوم : اشدراني
الريم : ماأدري يمكن سار
فطوم : احسن خلينا نيلس شوي نسولف
ويلسن على الكرسي
فطوم : الريم تتوقعين باجر شي عيد
الريم : اكيييييييييد ميه بالميه
فطوم : ياويلنا ماحجزت في الصالون عشان نتحنا
الريم : صدقج والله زحمة متى بنخلص
فطوم : شوو رايج نسير بوظبي نتحنا
الريم : ههههههههه ضحكتيني تحلمين انت
فطوم : صدق قوم ودوم بسيرن بوظبي
الريم : حلفي
فطوم : والله حتى سلامي وشموه بروحن وياهم
الريم : خلاص شو رايج انسير وياهم
فطوم : فكره بقول حق امايا تخلينا انسير وياهم
الريم : متى بسيرن
فطوم : اليوم الظهر عقب الغداااا
الريم : خلاص عيل انحلت المشكله
فطوم : وووين دفتريه خليتيه
الريم : ماادري على الكرسي
فطوم : وينه مااااااااشي
الريم : عله يمكن منصور شله
فطوم : لاااااااا بذبحج يا السباله
الريم : عااااااادي شووو يعني اصلا هو بروحه يكتب يوم يدق في باله
فطوم : فقته شووو يخصه
الريم : ايه لا تسويلنا مشاكل
فطوم : بشووووف والله لراويه
الريم : شووو رايج انسير انبش في حجرته يمكن نحصله
فطوم : يلا قومي
ويسيرن حجرة منصور بس شووو منصور كان في الحجرة ماقدرن يدخلن ..
فطوم : الريم دخلي ويبيه من عنده
الريم : لا والله دخلي وياي
فطوم : شووووو يخصني اخوج ولا اخويه هو
الريم : اوكيه اتريني هنيه
فطوم : لاااا بسير حجرتيه اخاف يطلع ويشوفني وانا مااريد اشووفه
الريم : اوكيه
وتدخل الريم الحجرة وماتحصل حد داخل منصور كان يسبح وتشوف الدفتر على الشبريه وتشله بسرعه وتطلع وتسير عند فطوم
فطوم : كيف عطاج اياه
الريم : اصلا هو كان يسبح ودخلت اشوي اشوي وشليت الدفتر وطلعت ولا شافني
فطوم : اشكر فنج احسن خليه يدوره ولا يحصله
الريم : انزين دقي حق ودوم وقوليلها بنسير وياها
فطوم : اوكيه بس انتي سيري وقولي حق امايه وامج
الريم : اوكيه
ودق فطوم حق ودوم ومحد يشل التلفون وتيلس تحاول ؟؟؟؟؟؟
ويطلع منصور من الحمام ويتلبس وايلس على الشبريه على اساس بيقرأ الدفتر بس ماحصله .. وعرف انه شلته ويسير يطلع تلفونه ويشوف رقمها ... ياربي ادق ولا .. ولا احسن اطرش مسج يمكن ترد
ويطرشلها مسج
فطوم تفتح المسج وتقرأ اللي فيه (( اسف مب قصدي سمحيلي )) ..
فطوم : منوووو هاااااا مااعرف الرقم ..
تدخل الريم ... اقوووول امايا طاعت حتى امج طاعت
فطوم : حلفي
الريم : والله
فطوم : الريم اقري هالمسج
تقرأ الريم المسج وتيلس تضحك ..ككككككككككككككككككك
فطوم : اشفييييييج
الريم : تعرفين رقم منو هذا
فطوم : لا رقم منووووو
الريم : ككككككككك رقم منصور
فطوم : حلفي
الريم : والله
فطوم : قواة عين ...شووووفي شو بسويله
الريم : شوووو بتسوين
فطوم : بطرش مسج فاضي
الريم : ليييييييش
فطوم : عشااااان يحتر
واطرش فطوم المسج ويعصب منصور منها
ويرد يطرش لها مسج (( مافيك خير ياقاسي تهجرني وتتعب انفاسي لو تدري باللي في قلبي ماكنت تجرح احساسي ))
فطوم اترد اطرش : من وراك أسأل عليك قلبي دوم يحس فيك والله اني مانسيتك بس أبي أتغلى عليك
يقرا منصور المسج ويرد يتصل فيها
فطوم : خييييييبه لا مابرد
الريم : ردي
فطوم : لااااااااااااااااااااا مستحيل
الريك : ردي عشان خاطريه
فطوم : اوكيه
فطوم : الوووووو
منصور : هلا والله
فطوم : اهلين
منصور : اشحالج
فطوم بلا نفس : تمام
منصور : خيبه ماده البوز
فطوم : هههههه
منصور : فطوم اريدج بسالفه
فطوم : قول اسمعك بس فكني بسرعه
منصور : لا التلفون ماينفع نزلي تحت اترياج
فطوم : لاااا ماابا
منصور : يلا عاد لا اذليني بس خمس دقايق
فطوم : بفكر
منصور : قلت لج خمس دقايق مابطول
فطوم : اوكيه خلاص
منصور : اترياج برع في الحديقة
فطوم : اوكيه
وينزل منصور تحت ويطلع برع
فطوم : الريم لحقي يريد يرمسني تعالي وياي
الريم : ههههههههه شووو يخصني برمسج انت مب انا
فطوم : دخيييييلج تعالي وياي
الريم : اسفه مافيني يقفطني
فطوم : والله انج سباله انزين شووووو تتوقعين يباني
الريم : يمكن بسالفه قوم سعيد
فطوم : صدقج والله خليني انزل اطالع شوو يريد
وتنزل فطوم وتسير الحديقة وتشوف منصور يالس وتتتقرب السلام عليكم
منصور : هلا والله
فطوم : نعم بسرعه شوو تريد عندك خمس دقايق
منصور : باسم الله لا اذلينا عاد
فطوم : ......
منصور : سمعي ........

شنو تتوقعون يقولها ؟؟؟؟؟؟؟؟؟؟؟؟