|
تسلمين اختي على هالقصة بصراحة امبين عليها وااايد روعة ربي يعطيك ألف عافية ونتريا البارت |
مشكوورين على المرور و ان شا الله اليوم بكملها ملاك بين البشر |
الجزء الخامس يوم الجمعه الصبح الساعه 11 نشت عليا وتسبحت وتلبست وتعدلت وطلعت ولقت الكل يالس في الصاله سارت ويلست وياهم وشوي ونشت وتريقت هي وعويش عويش: علايه شو بلاج؟؟ عليا: ماشي ليش؟؟ عويش: ما ادري بج جيه شكلج مضايجه عليا: لا والله عادي بس تعبانه شوي احس بجسمي يعورني عويش: اها واذن ونشو الشباب وسارو المسيد وعقب الصلاة الكل كان يتغدا اما عليا فما كانت مشتهيه شي بوفهد: عليا شو بلاج ابويه ليش ما تاكلين؟؟ عليا: ماشي عمي بس مالي نفس لايعة جبدي ام فهد: ليش اميه شو متريقه ؟؟ عليا: ماشي شربت عصير برتقال وكلت خبز وجبن عويش: وكلتي زيتون بعد عليا: خخخخ انزين وكلت زيتون عويش: اصلن هي من الصبح تعبانه وجسمها يعورها اطالعت عليا عويش: عويش بسم الله محد يقولج شي بو فهد: اوديج المستشفى ابويه عليا: لالالالا عمي شحقا ليش لالا ما بلاني شي ام فهد: عيل سيري ارتاحي لج شوي يمكن تصحين عقب عليا : انشالله نشت عليا وهي صدق تعبانه كانت تحس بانها بتزجم وسارت حجرتها وانسدحت اما عن هزاع فكان يقول في خاطره اونها تعبانه الا هاي حركاتها مالت الدلع وعقب الغدا ام فهد: هزاع اميه امم ترا خالتك بعدها زعلانه عليك من هذاك اليوم وهي بعد ما طاعت اتي اليوم اميه سير راضي خالتك تنهد هزاع: انشالله اميه ام فهد: يعلني ما اخلا منك فديتك ابتسم هزاع والعصر سار هزاع بيت خالته مع سلامه الي سارت وامه وياه اما عن عويش فما سارت لانها تكره بنات خالتها ويتها الريم البيت في بيت ام عبدالله ميثا: اميـــــــــــــــــــــــــــ ـــــــــــــه اميـــــــــه هزاع هزاع ام عبدالله: بسم الله عليج وين هزاع ميثا: هني هزاع في بيتنا هاذو هو وسلامه وخالوه ام عبدالله: اشوف دشت ام فهد وسلامه اما عن هزاع فكان واقف عند الباب ام عبدالله: يا مرحبا هلا والله ام فهد: مرحبتين (وايهت ختها) شحالج الغاليه؟؟ ام عدالله: الحمدالله يسرج حالي وانتي شو مسويه يا اختي؟؟ ام فهد: والله كل شي تمام الحمدالله ام عبدالله: ويـــــه هزاع احترق اقرب اقرب اميه دش هزاع: هــــــــــود هـــــــــــــــود ام عدالله: هدا هدا اقرب اميه سار هزاع وحب راس خالته: شحالج خالتيه ؟ ام عبدالله: بخير الحمدالله اميه هزاع :السموحه خالتيه ام عبدالله: مسموح يا اميه مسموح سلامه: شكلي ما بسلم عليج خالتيه ام عبدالله : ويه تعالي اميه هزاع: شحالج ميثا ؟ استانست ميثا وهي شاقه الحلج: يسرك حالي وانتي شحالك؟؟ هزاع: حالي من حالكم دش عبدالله عليهم عدالله: السلام عليكم والرحمه الكل: وعليكم السلام الكل بدا يسولف ونش هزاع مع عبدالله صوب الميلس وتموا يسولفون واستانس هزاع ععبدالله الي وايد اندمج وياه وحبه اما عن الحريم فنشن سلامه وميثا وسارو صوب وديمه وتمو يسولفون وعالمغرب ردو البيت سلامه: شحالج ريم؟؟ الريم: تمام الحمدالله وانتي شحالج؟؟ سلامه: بخير الحمدالله هزاع: هلا والله ببنت العم ريم: اهلين سلامه: عويش وين عليا؟؟ عويش: حليلها راقده ام فهد: ليش هي بعدها تعبانه عويش: هيه اظني فيها حما ام فهد: هيه يلا باجر بتصحى هزاع: هاي عليا الا تتدلع ما تعرفون حركاتها عويش: هزاع لو سمحت لا تقول جيه عنها وهي ما تدلع هي صدق تعبانه ولوسمحت لا تقول شي عنها هزاع: جب انتي ما يخصج لا تراددين لييج شي ما يعيبج سلامه: ستوب وبعد صح عليا تتدلع شوي باجر بتصحى بققت عويش عيونها وهي تشاهق: انتو شو سوا فيكم هناك جلبو مخكم شو تقولون ليش جيه ترمسون عن البنيه شو سوت لكم البنت تعبانه واظني لازم تودونها المستشفى يعني حرام عليكم والله لو تشوفون شكلها ام فهد: عنبو عالاقل احشموني انا يالسه وجيه تقولون وانتي عويش شو هالرمسه ها تبين تنضربين شكلج ونحن نعرف شو نسوي وعليا الحين بتاخذ لها كم من حبة بندول وبتصحى وخلاص ونشت ام فهد اما عن عويش فما صدقت الي تسمعه الحين هالرمسه سلامه تقوله وهزاع عويش: عمري ما توقعت انكم جيه عمري ما توقعت هالرمسه منكم وخاصتن انتي سلامه ولا هزاع اتوقع منه كل شي وانا للحين ما عرفت هزاع لاني عمري ما يلست وتميت وياه اكثر عن شهرين من سنين واحيد هالشهرين كان انسان ثاني والحين يوم رد تحريته تغير واستوى انسان ثاني بس شكله رد شرات ما كان وانتي سلامه بعد كنت اعرف انج نذله بس ما توقعت انج تقولين هالرمسه عن عليا والله انكم نذاله وسارت اما عن الريم فكانت تشوفهم وسارت تربع عند عويش هزاع: الله ياخذج يالسباله تعالي عسب تنصفعين يالهرمه سلامه: انا نذله يالجلبه والله لراويج نش هزاع واتصل بعبدالله وتواعدو انهم يتلاقون في مركاتو وسارت سلامه حجرتها في حجرة عويش: الريم : خلاص عويش خلاص عويش: والله ادري ان اخواني نذاله وانا اعرف هالطبع فيهم بس ما توقعت انهم لهدرجه يوصلون انا ادري بخالتي تلعب براسهم وادري ان اميه ما تحب عليا وايد بس جيه عسب ابويه وادري ان اميه بعد مب اوكيه الريم: خيبه عويش شو تقولين انتي عويش: انزين هذا هو الصدق اهلي نذاله الصراحه يعني انتي سمعتي الي قالوه انتي روحج سمعتي وشفتي عليا حليلها كيف تعبانه الريم سكتت ما عرفت بشو ترد : عويش انسير عند عليا يمكن نشت وهي ما صلت المغرب تعالي نسير نوعيها عويش: اوكيه بس بسير اغسل ويهي الرم: يلا بترياج سارو صوب حجر عليا وكانت عليا راقده وعوها عسب تصلي صلت عليا وردت صوبهم ويلست عالشبريه عويش: عليا شو رايج تسيرين المستشفى انتي فيج حما الريم: هيه حتى حرارتج مرتفعه ابتسمت عليا: لا مابا الحين بصحى ما عليكم وانتي عويش احيد عندج بحث سويتيه عويش: امم لا عليا: ليش؟؟ عويش : مب متفيجه بسوي كوبي من ورقه ريم ريم: ومن قالج اني سويت البحث عويش وعليا: خخخخخخخخخخخخخخ عليا: لا والله عيل شو تتريون يلا سيرو عويش: قولي طلعو وخلاص بنطلع نفهم نحن عليا: خخخخخخخخخخخخخخخخخخخخخخخ لا والله عويش: عيل لمي ثمج وخلينا بنيلس عندج عليا: اوف انا ملانه يلا انسير صوب سلامه عويش: لالا ما نبا لالا عليا: ليش؟؟ عويش: ما ادري بس جنها سارت ترقد عليا: هيه انزين انسير الصاله عويش : اوكيك نشو وسارو صوب الصاله عليا كانت تعبانه وانسدحت وشوي ورقدت الريم: عويش عليا رقدت صدت عويش صوب عليا: حليلها نوعيها؟؟ الريم: لالالا خليها عالساعه 10 ردت الريم بيتهم و10 وشوي رد هزاع البيت والكل كان متيمع في الصاله هزاع: السلام عليكم والرحمه الكل ما عدا عويش: وعليكم السلام سا هزاع ويلس وياهم وتم يشرب جاهي بوفهد: وين عليا؟؟ عويش: راقده بوفهد: راقده؟؟ ليش؟؟ عويش: حليلها تعبانه وفيها حما من الصبح ومب ماكله شي لا متغديه ولا متعشيه وفيها حراره وتكح وحالتها حاله ومحد مسولها سالفه الكل صد صوب عويش وفهد: شو حليلها ومن متى ليش محد خبرني عويش: اتحراك تدري ولا جان خبرتك ام فهد: ما فيها الا الخير هاي عويش الا تزيد من عندها قبل شوي انا شايفتنها عويش: وين شايفتنها احيدها راقده؟؟ ام فهد: شـــــــــــــــــــــــو؟؟ مسودة الويه يعني انا اجذب!!! ها ؟؟ نشي قبل لا ايج شي ما يعيبج مسودة الويه بوفهد: عويش شو هالرمسه تجذبين امج عويش: والله ما قلت شي وما قلت اميه جذابه بس يعني استغربت هزاع: عويش والله ان ما سكتي والله لاكسر لج ضلوعج سلامه: وايد مكبره راسها هاي هالايام نشت عويش وسارت صوب الصاله وشافت عليا حليلها راقده جان توعيها: عليا علايه عليا: همممممم عويش: علايه نشي سيري حجرتج نشي وفي هالوقت دش هزاع الصاله عويش: هزاع اطلع اطلع هزاع وهو يطالعها : نعم وليش اطلع ؟؟ عويش: اطلع عليا راقده هني مب لابسه الشيلا اطلع شاف هزاع عليا وهي راقده وكانت محمره : انزين ليش راقده هني؟؟ عويش: انت اطلع الحين وبعدين بقولك حرام لا تطالع البنت حرام في هالوقت نشت عليا وشافت هزاع وعويش تواجعه وتقوله اطلع عليا: شو مستوي؟؟ ابتسم هزاع لان شكل عليا كان يضحك شعرها ناقع وكانت دهمانه عويش: ماشي (وتم تدز هزاع) انت ما تفهم اقولك اطلع طلع هزاع وهو يضحك عشكل عليا وسار حجرته (( اه ياربي شو اسوي خخخخخخ بس وايد كانت حلوه بس شو فايدة الجمال اه يا هزاع شو الي في قلبك صوبها يا هزاع انت ما تناسب عليا او الاصح عليا ما تناسبك اتخيل عاد باجر عيالي يطلعون شقر واحيد هييج المره يوم ربعي كان يعايبون عولد واحد من اربع ماخذ اجنبيه كانو يقولون انه اشقر وعيونه ملونه عاد انا ناقص عيالي يكونون انجليز بس يا هزاع شو تقول انته حرام عليك شو ذنبها يوم امها اجنبيه بس وانا بعد شو ذنبي بعد على اخر عمري ييلسون الناس يقولون عيال هزاع بن سلطان ال ----ي انجليز وييلسون عيالي يتعقدون شو يالس تقول هزاع اه يمكن انا تسرعت يوم وافقت بس اه يا عليا احبها واكرها وليش اكرها ؟؟ اه بس انا اباها واخاف من الي بيستوي باجر اخاف عيالي يعيشون الحياه الي عاشته هي بس ما اظن ان عليا تودر عيالها وانا الله يطول في عمري بس انا ماابا عيال شقر ما ابا هالشي انا ماباه خلاص يا هزاع في مليون وحده احلا عن عليا وعرب ليش انا ميت في عليا احبها هيه نعم بس ما اقدر اخذها مب بس لازم افكر في نفسي لازم افكر في عيالي والي بيستوي فيهم (( شو بيستوي؟؟)) يــــــه هزاع خلاص خلاص هزاع عليا ما تناسبك والصراحه بعد انا اليوم عيبتني ميثا صح ان عليا احلى بس ميثا بعد حلوه وامها عربيه وابوها عربي مب انجليز ييها ليش ايلس افكر من الحين يصير خير لين ذاك الوقت(( اما عن عويش وعليا فكانو في حجرة عليا عويش: عليا بقولج شي! عليا: شو؟؟ سارت عويش ولوت على عليا : والله العظيم احبج واموت فيج لو تعرفين مكانتج في قلبي هنيه عاد ما اقدر اوصف مشاعر عليا كانت مستانسه الا طايره من الفرحه: والله العظيم حتى انا احبج جيه احس اني خلاص استويتو شي مني ما اروم اعيش بدونكم تعرفين اني صدق صدق احبكم من خاطري ابتسمت عويش وتموا يسولفون لين الساعه 12 عليا: عويش مب جنه باجر عندج مدرسه عويش: يها وانتي شو ذكرج عليا: خخ يلا عويش سيري ارقدي نشت عويش:اوكيك بباي سي يو عليا: باي انشالله ++يوم السبت الساعه 10 ونص نشت عليا++ وكانت ميته من اليوع وتذكرت انها البارحه لا تغدت ولا تعشت ويه بموت انا بسير اكل لي شي أي بموت من اليوع نشت عليا وتغسلت وتلبست وطلعت وسارت صوب المطبخ وقالتلهم ايبون لها الريوق وسارت الصاله وتم تشوف فلم اجنبي في هالوقت دش هزاع هزاع: صباح الخير عليا: صباح النور هاتشوو ااااه الحمدالله هزاع: يرحمج الله يابو لعليا الريوق وهزاع بعد قالهم الي يباه وتمت عليا تتريق لانها صدق كانت يوعانه وتعبانه وكل شوي تعطس عليا: ااه هاتشووو الحمدالله هاتشووو هزاع: يرحمج الله يرحمج الله طالعته عليا: يعني ما اعطس هزاع: لا عليا: والله هاي مشكلتك هزاع: لا الغاليه مشكلتج انتي عليا: هاتشــــــــــــــــــــــــــ ــــــــــــــــــــ ـــو واللـــــــ هاتشو اه بموت تم هزاع يطالعها عليا: نعم؟؟ صد هزاع عنها وهو يضحك شلة عليا قوطي الكلينكس: اه اوف وتنهدت هزاع تقطع قلبه عليها شكلها صدق تعبانه هزاع: تبيني اوديج المستشفى عليا: لا مشكور هزاع: كيفج عليا: هاتشــــــــــــــــــــــــــ ـــــــــو (ودمعت عينها) الحمدالله هزاع: اقول نشي نشي بوديج المستشفى نشت عليا لانها كانت صدق تعبانه اتصل هزاع في ابوه وخبره انه بيودي عليا المستشفى تم يدور على امه بس قالتله البشكاره انها طلعت هزاع: عنبو متى لحقت تطلع وشوي الا عليا نازله : هاتشو هزاع: يرحمج الله عليا: بسم الله ما لحقت اقول الحمدالله وركب هزاع السياره اما عليا فكانت تفكر وين تيلس ورا ولا جدام نزل هزاع الدريشه: ما بتركبين؟؟ عليا: ها هيه هيه بركب (وركبت ورا) هزاع: حوو وين يالسه دريولج انا على طول نزلت عليا وركبت جدام استغرب هزاع منها وضحك شكلها كانت تترياني اقولها سارو المستشفى وفي المستشفى على طول دخلوهم لان حرارة عليا كانت مرتفعه شوي الدكتوره: ها يا عليا شو بكي وين عم بيوجعك عليا: ما ادري ما اعرف وتمت الدكتوره تفحص عليا وهزاع كان واقف عند الباب يترياها الدكتوره: امم يا عليا راح نركب لك مغذي لمدة ساعتين وبعدها راح نعطيك الدوا وبتروحي عليا: شــــــــو مـ مغذي لالالالالا ما با مابا مغذي لالالالالا سمع هزاع عليا وهي تزاعج ودش هزاع: شو مستوي شو بلاج ليش تزاعجين الدكتوره: بدنا نركب لها المغذي وهي ما بدها هزاع: عليا ركبي المغذي شو بلاج؟؟ عليا: لالالالالالالالالا ما اريد لالالالالالالالالا (وصاحت) بقق هزاع عيونه: خيبه ليش تصيحين عليا الا هو مغذي عليا وهي تنش :لالالالالالالالالالالالالالام ا اريد (وتصيـــــــــــــــــــــــــ ـــح) نش هزاع صوبها: شو ما تريدين جيه بيزيد عليج المرض عليا: قلت لا يعني لا افهمـــــــــــــــــــو ما اريد الدكتوره: مايصير عليا: كيفي كيفي (وتصيح) ما اريد هزاع لالالا هزاع: فضحتينا شولالالا ليش تصيحين لا تصيحين بس بيركبولج مغذي ما يعور عليا: لالالالالالالالالالا ما اريد وطلعت تربع وهزاع والدكتوره وراها هزاع: عليا عليا الله ياخذج ردي ليش تربعين الدكتوره: خلاص خلاص ما راح نركبلك مغذي بس ابره زخ هزاع عليا: قالت لج بس ابره خلاص عاد وعن الدلع شو ها ولا ياهل وتربعين بعد فضحتينا عليا وهي تصيح وشكلها يكسر الخاطر: لاااااااااااااااا ياريتني ما يت وياك لالالا هاتشو اه ماابا يلس هزاع ويلس عليا وياه : يا بنت الناس بس هي ابره مب مغذي خلاص وتم هزاع يقنعها ويقولها ان الابره ما تعور اقتنعت عليا وسارت ويا الدكتوره تنهد هزاع : اووووووف الحمدالله يوم انها رضت صدق انها اخس عن الياهل بعد شوي والا يسمع وحده تصارخ وعرف انها عليا هز راسه: لا حول ولا قوة الا بالله) دش هزاع وسار صوبها) ها خلاص لو انتي كنتى راضيه جان خلصتي من زمان وشوفي الياهل هاي حليلها لا صاحت ولا زاعجت شراتج عليا وهي بعدها تصيح: أي عورني (وصاحت) بقق هزاع عيونه: انتي شو ليش تصيحين انزين خلاص خلصنا تعالي نسير ندفع ونشل دواج يلا (وسارو) وفي السياره هزاع: تعرفين انج فضيحه عليا: ......... هزاع: عنبو حرمة بشيلتج وعباتج وتربعين في المستشفى ولا بعد تصيحين عليا: ........ استغرب هزاع منها ليش ما ترد ليكون صار بها شي ماتت لا سمح الله وشهق ليكون اغمى عليها صد هزاع صوبها: عليا عليا: ها شو خلاص خلصت هزاع: الله ياخذج تحريت بعد اغمى عليج ولا شي عليا: لا لا تخاف اصحى عنك وعن دكتورتك ضحك هزاع وهو يتذكر عليا وشكلها وكيف كانت تربع صدت عليا صوبه وهو ناقع من الضحك عليا: هاتشو شو بلاك ليش تضحك هزاع: وااااااااااااههههههههههههههههه هههههههههههههههههههه ههه واخخخخخخخخخخ كــ وااههه كنتي تربعين وخخخخخخخخخخخخخخخخخخ ما قدر هزاع يرمس وعليا تطالعه وضحكت وياه لانها ما كان يسكت حتى كان بيدعم لانه ماكان يروم يركز من كثر ما كان يضحك دشو البيت ولقو ام فهد يالسه ووترياهم وبوفهد بوفهد: ها ابويه شحالج الحين . ام فهد: شو بلاج اميه وين يعورج عليا: هاتشو الحمدالله انا تمام الحين بعد الاـــــ ونقع هزاع من الضحك وعليا وياه وام فهد وبوفهد يشوفونهم دشت سلامه الي كانت راده من الجامعه لان الساعه كانت وحده وشوي سلامه وهي تشوف عليا وهزاع: السلام عليكم شو مستوي ام فهد وبوفهد الي كانو يضحكون مع هزاع وعليا مع انهم ما يدرون بالسالفه: وعليكم السلام والرحمه سلامه: عليا هزاع شو بلاكم عليا وين كنتي وهني هزاع يلس عالارض وتم يضحك بطريقة غريبه وعليا وياه ناقعه من الضحك وهي تعطس كل شوي وتساندت عالكرسي وبعد تقريبا 10 دقايق هدو هزاع: أي بطني بموت أي عليا: هاتشو هاتشو أي هاتشو سلامه: شو مستوي بلاهم؟ ام فهد: والله ما ادري من دشو وهم يضحكون هزاع: تخيلو واهههههههههههههههههههههههههههه ههههههههههههه عليا: هاتشو هزاع والله لا خخخخخخخخخخخخخخخخخخخخخخخخخخخخخخ خخ هزاع: فضحتني بنت اخوك خخخخخخخخخخخخخخخخخخخخخخخخخخخخخخ خخخخخخخ الكل: خخخخخخخخخخخخخخخخخخخخخ دشت عويش ورقعت الباب: مرحبا !!! شو مستووي شو بلاكم ؟؟ سلامه: والله ما ادري هزاع مودي عليا المستشفى ومن دشو البيت وهم يضحكون عويش: ها شو مسوين في المستشفى قولولي؟؟ هزاع: تخيلو انتوا انا مودي عليا المستشفى ودشت عند الدكتوره وشوي والا اسمع وحده تزاعج دشيت ولقيت عليا تضارب الدكتوره خخخخخخخخ الدكتوره تبا تركب المغذي على عليا وعليا مب طايعه حاولت اقنعها وخخخخخخخخخخخخخ جان احصل وحده تزاعج وتصيح وتقول ماباه وانا ما عرفت شو اسوي وتمينا انا والدكتوره نرمسها شوي والا احصل وحده تربع وتصيح وخخخخخخخ وتربع في المستشفى وانا والدكتوره وراها والدكتوره حليلها تقولها خلاص بس خلاص ما بنركب المغذي بس بنعطيج ابره ويلست اقنعها والمهم دشت وشوي والا اسمع وحده تزاعج عرفت انها عليا وسرت واحصلتها بعدها تصيح بس والله لو تشوفون شكلها وهي تربع صدق مصخره ولا بعد تصيح خخخخخخخخخخخخخخخخخخخخخخخخ خخخخخخخخخخخخ الكل: خخخخخخخخخخخخخخخخخخخخخخخخخخخخخخ خ عويش: كفج كفج خخخخخخخخخخخخخخخخخخخخخخخخخخخخ عليا: اااااااااه ابتسم بو فهد وهو يشوف عياله وعليا المهم الكل تغدا وعقب الغدا نصهم سار حجرته والباقي تموا في الصاله وزقر بو فهد هزاع عرف هزاع انه اوه بيرمسه عن سالفه تخص عليا سار هزاع عند ابوه بوفهد: يا ولدي انا خبرتك من قبل اني اباك تاخذ بنت عمك وانت وافقت واجلنا السالفه لبعدين لين ما تسافر وتخلص وتقريبا الحين بنكمل السنه بعد كم من شهر من وفاة يدتك انا ما اقول اني اباك تعرس الحين بس اباك تخطبها لان اليوم يوني عرب وخطبو عليا هزاع وهو منصدم: منو هالعرب؟؟ بوفهد: ولد سالم ال-------ي هزاع: خليفه؟؟ بوفهد: هيه هزاع وهو يتنهد: ابويه اممم انا ابا اخبرك بشي اممممم بوفهد: خير ابويه هزاع: واباك تفهمني ابويه لان السالفه هاي سالفة حياة ومستقبل بوفهد وهو مب فاهم: قول ابويه؟؟ هزاع: اممم ابويه انا ما ابا عليا بوفهد: شـــــــــــــــــــــــــــــ ــــــــــــــــــــ ـــــــــــــــــــــــو!!!!!! !!!!!!!!!!!!؟؟؟؟؟!!! !!!!!!!! هزاع: ابويه انا ماباها واباك تفهمني ابويه هاي سالفة مستقبل ابويه وعليا ما تناسبني بوفهد: شو اقطع شو هالرمسه ليش ما تبا بنت عمك وشو ما تناسبك ليش شو ناقصنها ها ارمس قول هزاع: ابوي ابوي انا ماباها ابوي انا مابا عيال شقر انجليز ابوي انت تشوف عليا كيف حلوه هيه نعم بس جمالها مب جمال عربي بياضها لون عيونها لون شعرها ابوي انا ما ابا عيالي يكونون شقر انا ما ابا حرمتي تكون بنت انجليز مابا ابوي لو حد شافني بيقول هذا ما خذ اجنبيه وبعد ما ابا ابويه العرس مب غصب انصدم بو فهد من الرمسه الي يقولها هزاع: افا والله افا الحين هالرمسه انته تقولها يا هزاع وبنت عمك شيخة الحريم شيخة البنات وبنت عمك بنت عرب وباينه انها بنت عرب وانت اصلن ما تباها لان الكلام الي تقوله مب سب يمنعك انك تاخذها هزاع: ابويه انت ما تعرف حتى مرة كنت طالع مع ربعي وكان مواطن ما خذله اجنبيه لو تشوف كيف تمصخرو عليه عيال بعد شقر ولا يبينون انهم عيال عرب يا ابوي انا ما ابا جيه انا ماابا عيالي يكونون انجليز وانت بعد تقول انها نخطبت فليش ما توافق تريحني وهي بعد ترتاح يا ابوي انا ما اباها بوفهد: اصصصصصصصصص اسكت اسكت ما اريد اسمع رمستك انت تعرف انته شو يالس تقول تعرف حرام عليك خاف ربك البنت شو ذنبها وشو عيال شقر وربعك الصراحه ما عندهم سالفه وحرمتك ما بتجابل ربعك هزاع: ابويـــــــ بوفهد وهو يقاطع ولده: لا تقاطعني ولا تقول ولا تزيد في الرمسه الي قلته كفايه بس كفايه انت ما تعرف ولا تحس بالي يالس تقوله ويلس بو فهد وهو حاط ايده عراسه وقلبه هزاع: ابويه بوفهد: لا تقرب الله يسامحك يا ولدي الله يسامحك اااااه يا اخوي (وهز بوفهد راسه) حليلج يا بنتي الله يعينج ويصبرج عالحياة الي تعيشينها يا بنت اخوي حط هزاع ايده عراسه وتم يهز براسه: اااااااااه وهنيه سمعوا ضحكت عليا (( كانت ضحكة عليا غريبة ومميزة)) نزلت دمعه من عين بو فهد: دام هذا تفكيرك وانت ولد عمها عيل الناس شو وهذا خليفه بعده ما شاف عليا ولا يدري هي كيف بس ابوه خطبله لان كان ربيع عمك يا خوفي لا اوافق عليه وعقب هو يرفض البنت هنيه هزاع حس بشعور غريب عليا لواحد غيري؟؟ لالا اناابها لا مااباها انا ما اقدر اخذ عليا لا ماباها انت هزاع بعد الي سويته بترد تقول تباها لا انته خلاص سويت الي كنت تباه خلاص انا مااباها وتمو هزاع وبوفهد ساكتين وهم يفكرون وكل واحد يفكر بشي الجزء السادس بعد فترة صمت . . . هزاع: ابويه بوفهد: ....... هزاع: ابويه انا بفكر في الموضوع شوي وبيلس بشاور عمري ابويه انا لازم اكون مقتنع لاني بعرس يعني بعيش حياتي مع انسانه وبييب منها عيال ما يستوي اخذها وانا مااباها لازم افكر ابويه (وسار وحب ابوه عراسه) واسمحلي ابويه تنهد بو فهد: هزاع انا ما بجبرك انك تاخذ بنت عمك ولا بغصبك على شي ما تباه انت فكر وانا ما بضغط عليك يا بوي فكر في بنت عمك ولا تخلي الشيطان يلعب براسك وطلع الافكار من راسك عيال شقر وانجليز لان هذا مب تفكير واحد مثلك وانشالله الي الله يباه بيصير بس ياولدي لا تسوي شي تندم عليه باجر واذا بنت عمك ما تباها فقول من الحين انت تباها ولا لا؟؟ هزاع: ابويه انزين اممم انا مب لازم بس افكر فيها حتى لازم افكر في نفسي يابوي وانشالله انا باجر رد عليك بوفهد: باجر يا هزاع عسب لا اقطع نصيب البنت تباها بارك الله فيك ما تباها ولد سالم ويباها تنهد هزاع: انشالله طلع هزاع من الحجره والكل يشوفه ام فهد: هزاع هزاع ما عبرها وسار لحجرته وتم يفكر اخذ عليا؟؟ لا هيه ما ادري يا ربي اذا خذتها بريح ابويه وبريح بنت عمي وكل حد واذا ما خذتها بيزعل ابويه وعليا بتسير عني بياخذها خليفه!!!! لا لا لا عليا وخليفه لالالالالالا انا ماقدر اتخيل ان عليا تكون لواحد غيري ولا اقدر اني اتخيل ان عيالي يكونون شرات امهم شقرا وعيونها ملونه هذا عمي خذ انجليزيه وحمدالله انه ما ياب ولد وياب بنت ولا تبين انها بنت عرب و يعني عيالي بيكونون شراتها صح حلوين بس انجليز وبعد الناس بتقول هزاع ما خذ انجليزيه والصراحه ما اخيل اني اسير واخطب لولدي ويرفضونه لان شكله ولد انجليز لا وبعد ما اريد حرمة جيه مب عربيه انا ابا وحده امها عربيه وابوها عربي وحلوه ابا استانس في حياتي وما يصير انا هزاع اخذ وحده جنها انجليزيه وما تبين انها بنت عرب بس يا هزاع هاي بنت عمك ويعني ادمر حياتي عسب بنت عمي احبها هيه نعم واموت فيها بس لا ما باخذها بس بعد اباها بس انا ما ابا اه يا ربي رحمتك شو اسوي هل اخذها واستانس الحين ولا اعاني بعدين من شكل عيالي لا ما اتخيل عيال شقر لالالا ما ابا عيالي يكونون شقر ما ابا حد ياخذ اسمي ويكون اشقر لالالالا والله اذا ما خذت عليا اممم باخذ ميثا انسانه حلوه وبعد بنت خالتي وعربيه بس يا هزاع عليـــــــــــــــــــــــا تروم ما تاخذها تخيل تكون لواحد غيرك عليــــــــــــــــا ما تكون لك تخيل خلاص عقب ماشي عليا يعني الانسانه الي احس صوبها بشي كبير شي مب عادي احب اني ايلس وياها وارمس وياها واستانس يوم تكون موجوده ويوم تتعدل وكشختها وحركاتها ودلعها لالالالالالالالالالالالالالالا لالا لالالا ما اروم اااااااااااااااااااه عليا لي انا اباها اموت فيها خلاص يا هزاع دامك تباها خذها وطلع هالافكار من راسك عيال شقر وحاله فديتها وفديت عيالي بس لا نزل هزاع وحصل ابوه هزاع: ابويه بوفهد: هلا هزاع: تعال اباك شويه نش بوفهد صوب ولده وقلبه يعوره حس بشي حس ان ولده ما يبا بنت اخوه يلس هزاع ويلس بوفهد هزاع: ابويه انا فكرت وانا ما عندي غير هالراي الي بقولك عنه هذا بتم رايي من اليوم لين ما اموت بوفهد: لا يا هزاع فكر ياولدي لا تسوي شي تندم عليه لا هزاع: ابويه هالشي الي بسويه قلبي يباه انا اباه وماشي شي بغير رايي بوفهد وهو مغمض : الي هو؟؟ هزاع: انا ابا بنت عمي واحبها وفوق كل هذا بنت عمي ومحتاجتني وانا احق بها من الغرب استانس بوفهد ونش ولوى على ولده: بارك الله فيك يا ولدي اااااه لو تدري بالراحه الي احس ابها ريحتني يا بوك اااه الله يرضى عليك دنيا واخره ما استانست في يوم كثر ما انا مستانس اليوم لو تدري بالفرحه الي في قلبي مشكور يا ولدي مشكور وعرفت انك ريال وعاقل وفاهم وتعرف انك ما بتقلى احسن من بنت عمك (وتم يحب ولده) صدق اني ربيت ريال الحمدالله لك يارب الحمدالله لك والشكر لانك قبلت دعواتي الحمدالله هزاع بصدمه: ابويه يقاطعه بو فهد: لا تقول اعرف الي بتقوله يا ولدي خلاص فاهمنك انا بسير ابشر امك وعمك طلع بو فهد وخل هزاع في حالة من الصدمه والياس هزاع: بس انا ما كملت رمستي انا ما ابا عليا ما اباها ليش ياوي ماخليتني اكمل رمستي سار هزاع صو حجرته وتلبس وطلع ((خلاص يا هزاع خذ عليا بس عليا تباك؟؟ عمرك سالت نفسك هالسؤال بس ما اظن انها ما تحبني اصلن تحمد ربها ان واحد مثلي خطبها اصلن انا مكبر السالفه ومسويلي فلم شو يعني باخذ بنت عمي وهي حلوه والكل يتمناها وانا اتمناها ييه ما بفكر الحين والي يصير يصير(( مرت الايام وهزاع وتعلق في عبدالله وسلامه في ميثا وعويش في عليا فى هالفتره تقدرون تقولون سلامه ابتعدت عن عليا وتمت طول الوقت مع ميثا اتيها ميثا ولا هي تسير لها وعليا طول الوقت تتجن ميثا يوم تكون عندهم وهزاع وايد تقرب من عبدالله وحبه وطلعاته كل وياه وماصار ييلس في البيت وعليا ما كانت تيلس الا مع عويش الي كانت وايد تحب عليا وايد تعلقت عليا في عويش وعويش بعد لاحظت عليا كيف سلامه ماصارت تيلس وياها وابتعادها عنها وتقرب عويش منها وهزاع ماصارت تشوفه واذا رد البيت يرقد ولا ياكل ويطلع جنه في عايش في فندق فماصار هزاع يشوف عليا بالاسابيع لانها ماصارت تطلع وايد من حجرتها وعويش عندها وتقريبا هزاع نساها لان طول الوقت طلعات وسوالف فما كان عنده وقت يفكر فيها وصار تقريبا يحب ميثا حبها لانها كانت حبوبه بس بعد ما كان ينسى عليا في حجرة عليا عليا: عويش عويش: هلا عليا: عويش شو رايج اصبغ شعري؟؟ عويش: لـــــــــــــــــــــــــــــ ـــيش لالالالالا لا تصبغينه حرام شعرج حلو عليا: اممم لا اريد اصبغه بني غامج عويش وهي تشهق : ليش الناس يتمنون لون شعرج شعرج حلو لونه لالالا عليا: عويش بقولج شي بس لا تخبرين حد عويش: انشالله شو؟؟ عليا: عويش تحيدين هذاك اليوم قبل يمكن اسبوعين ما ادري اكثر يوم ميثا كانت هني يوم يا هزاع عويش وهي تفكر : اممم هيه تذكرت؟؟ عليا: ما ادري جيه شفتي كيف كان يطالعني انا وميثا جنه يقارن وعقب يوم سلامه قالت بتصبغ شعرها اشقر .... وسكت ..... جان يقولها هزاع لالالا الشعر الاشقر مب حلو حلات الشعر وهو غامج اسود عويش وجنها فهمت: انزين كملي عليا: وانا شعري جيه كستنائي جيه اشقر تقريبا يعني انا شعري مب حلو لونه انا مابا شعر اشقر ولا ابا عيون ملونه (وبدت دموعها تنزل) عويش: لالالالا عليا لا تقولين جيه وبعد الناس يركبون عدسات علون عيونج ويصبغون شعرهم لون شعرج انتي تبين تغيرينه عليا: عويش لالالالا المهم شعرهم مب اشقر عيونهم مب ملونه والناس يعرفون هالشي انا مابا اكون غير عن الناس تحيدين يوم سرنا مركاتو كيف كانو الحريم يطالعوني يوم عقيت الغشوه جيه كانو يرمسون انه هاي مب اختهم هاي جنه اختهم من ام ثانيه ومن هالكلام وبعد رمسة هزاع يوم يقول حلاة الشعر يوم هو اسود وعيون سود ووساع وانا شعر اشقر عيوني وملونه وشكلي (وصاحت) عويش وهي تصيح عورها قلبها عبنت عمها ما توقعت ان عليا تفكر بالكلام الي يقولونه لانها عليا جيه ما تبين انها زعلانه: عليا والله ان شعرج لونه حلو وعيونج احلا وع شو تبين بالشعر الاسود والعيون السود تتحرينها حلوه وععع عليا: بنسبه لج حلوه بس الناس لا انا مابا ماابا (وتصيح) انا ابا اكون شراتكم ليش يعني كل شي غير فيني ليش انا غير عن الناس ليش (وصاحت) عويش وهي تصيح: عليا لا تقولين جيه (وصاحت وياها) لوت عويش على عليا: سمعي انتي حلوه تعرفين وما في حد يوصل لجمالج وانتي بلون شعرج وعيونج مميزه يعني انتي غير عنا وحلاته يوم تكونين سبشل عليا انتي حلوه بشعرج وعيونج فليش تغيرينه وياويلج ان غيرتيه يلا عاد مسحي دموعج تعالي نسير نيلس عند الباب الجو حلو عليا: وين في الشارع؟؟ عويش: خخخ لا عند باب الصاله عليا: اوكيك نشت عليا وغسلت ويها وعايشه وياها ولبسو شيلهم وطلعو وتموا يسولفون ويضحكون شوي والا هزاع دش البيت بسيارته وسلامه وياه لان هو مر عليها لانها كانت بيت خالتها تحجبت عليا وعدلت يلست نزلت سلامه وهزاع وياها هزاع: يعني خلصت الاماكن ييتو يلستوا هني عويش: عنبو حتى الهوا ما يبونا نشمه هزاع: شـــو؟؟ عويش: ماشي سلامتك سلامه: ليش يالسات هني (ويلست عدالهم) عليا: بس جيه سلامه: اها يلس هزاع عدالهم وتم يطالع عليا وشاف عيونها عرف انها كانت تصيح والي استغرب منه ان عويش بعد شكلها كان يبين انها صايحه هزاع(( ماشالله عليها حلوه تخبل وانا كيف ما كنت ابا هالانسانه(( عويش: ها استانستي بيت خالتج ؟؟ سلامه: هيه استانــــــــــــــــــــســــ ــــــــــــــــــــ ت عويش: انزين انزين شوي شوي بسم الله ابتسمت عليا عويش وهي تشهق: تذكـــــــــــــــــــــــــــ ــــــرت عقب باجر عيد ميلاد الريم عليا: حلفي؟؟ عويش: واللـــــــــــه هزاع وهو يتعبث بمبايله: هيه وانا بعد عيد ميلادي بعد شهر تقريبا عويش: احلف؟ هزاع: والله بستوي 25 سنه احم احم عليا: اونه هزاع : والله عويش: هيه صدق عليا انتي كم عمرج؟؟ عليا: 17 وبعد 4 شهور بستوي 18 صد هزاع صوبها : قولي والله استغربت عليا: والله ليش؟؟ هزاع: صح شكلج صغيره بس 17 وايــــــــــــد صغيره بيبي عليا: محد البيبي غيرك 17 سنه تعرف يعني كم هزاع: هيه اعرف بس تعرفين كم من سنه انا اكبر عنج تقريبا 7 8 سنين عليا: ويعني؟؟ اطالعها هزاع: يعني انا اكبر عنج ب8 سنين عليا: اها سلامه: انا باجر بطلع ويا ميثا بتون؟؟ عليا: مشكوره انا ما بي عويش: دام عليا ما بتي انا ما بيي هزاع: وانتي ليش ما تبين تسيرين؟؟ عليا: ماابا تبون نتضارب في المركز كيفكم بسير هزاع: وليش تضاربون؟؟ عليا: جيه انا ما ادانيها وهي ما تدانيني شعور متبادل سلامه: ومنو قال ان ميثا ما تدانيج الصراحه انتي بديتي بالغلط عليها وهي طيبه بس انتي ما ادري شو بلاج اطالعت عليا سلامه: لا والله انا بديت ولا بنت خالتج ودخليج ما فيني اضارب طبي السالفه عويش: اوف نحن من زمان ما يلسنا وياهم شو الي يلسنا اليوم صد هزاع صوب الريم: اقولج ان ما لميتي ثمج لصفعج الحين هزاع: وانتي شو تشردين سيري سوي الي تبين وليش تضاربين اذا انتي ما قلتي شي وهي ما قالت محد منكم بيضارب عليا: اها اوكي بس انا مابا اطلع ويا ميثا خلاص هزاع: هيه قولي جيه يعني انتي الي تبين الضرابه عليا: هيه انا الشريره وانا الي بديت وانا الي ابا الضرابه وميثا هي البريئه الطيبه (وسارت) عويش: عسب جيه تقولي لمي ثمج وتبونا نيلس عسب تعقون الرمسه انت واختك وتصيحونها وانتو تعرفون ان ميثا الي بدت بس انا عرفت باجر اخاف ما ترمسوني عنبو ما تحسون الكلام الي تقولونه صح عليا ما تبين انها مضايجه ولا شي وتسوي نفسها جنه الموضوع ما يهمها بس هي تحط في قلبها وتيلس تصيح بعدين حرام عليكم والله العظيم وانتي ليش ابتعدتي عن عليا صرتي مول ما تيلسين وياها محد معبرنها غيري اسير وارد من المدرسه احصلها في حجرتها يا راقده من الملل يا يالسه ومرات تصيح حرام عليج يلسي وياها عالاقل يوم انا مب موجوده ولا اقول لا تيلسين احسن اخاف تعقين عليها رمسه وانت يا هزاع يوم بتقول شي فكر بالي تقوله مب بس سالفه اليوم كل ما تيلس (وسارت) انصدم هزاع وحتى سلامة يعني هالرمسه تطلع من عويش ولا بعد اكيد لو هي مب شايفه عليا وعارفه كل شي جان ما قالت هالكلام لان عويش ما تقول هالرمسه مني والدرب سارت سلامه حجرتها وهزاع بعد وكل واحد فيهم متلوم هزاع ((حرام صدقها عويش بس انا شو قلت شو سويت وبعد ليش تزعل تحمد ربها باخذها انا شو تبا اكثر)) سلامه ((انا ليش احاول اني ابتعد من عليا صدقها عويش ميثا لاعبه براسي كل ما اطري عليا ما تخليني اسير لها ولا اخذها هي ما خذه كل وقتي وانا مستانسه جيه ليش اغير حياتي وعليا بعد احبها من باجر بحاول اتغير انشالله(( سارت عويش عند عليا عويش: شو تسوين؟؟ عليا: ارقص عويش: هيه انزين انتي متضايجه؟؟ عليا: لا عويش: الحمدالله عليا: خخخخخخخخ عويش : اووف يو عانه عليا: حتى انا عويش : الساعه كم الحين؟؟. عليا: 7 ونص عويش: اووف نحن نتعشى الساعه 9 تعالي نسير ناكل لنا شي عليا اوكيك سارو عويش وعليا صوب المطبخ وعويش كل ما تاخذ لها شي عليا ما تخليها تقولها بتمنتنين بعد شوي بنتعشى شلت عليا تفاحه عويش تطالعها عويش: تحرين هالتفاحه بتشبعني عليا: هيه عويش: تحرين كروش الناس شرات كشتج عليا: خخخخخخخخخخخخخ انزين كلي تفاحه اذا ما شبعتي كلي الي تبينه عويش: اااه اووكيك طلعو وسارو صوب البيت ويلسو في الصاله ويشوفون التلفزيون رن التلفون وردت عليا عليا: الــــــــو ميثا: الو مرحبا وين سلامه عليا: مرحبتين موجوده لحظه عويش: منو عليا : ميثا عويش سيري ازقري سلامه سارت عويش وزقرت سلامه يت سلامه وردت عالتلفون وتمو يسولفون وعليا كل شوي تطالع سلامه شوي ودخل بو فهد عليهم بو فهد: السلام عليكم والرحمه عليا وعويش وسلامه: وعليكم السلام والرحمه سارت عليا تربع صوب عمها ويلست عداله ابتسم بو فهد وحبها تمت عليا لاويه ععمها وترمسه وهو كل شوي يضحك دشت ام فهد: سلطان انت متى ييت؟؟ بوفهد: من شوي انتي وين كنتي؟؟ ام فهد: الا هني في المطبخ بو فهد: هيه دش هزاع عليهم هزاع: مرحبا مرحبا ابويه بو فهد: مرحبتين هزاع: اقول نشي نشي ابا ايلس عند ابويه عليا: ذيس از يور بروبلم هزاع: اقولج نشي عليا: ما ابا انا ابا ايلس عند عمي هزاع: نــــــــــشــــــــــــــــــ ـــــــــــي عليا: قلت لا يعني لا بوفهد: تعال هني ابوي بس بس عن الضرايب يلس هزاع عند ابوه وهو يطالع عليا وهي تطالعه وجنهم يتحدون بعض سلامه: ميثا تسلم عليكم تنهدت عليا وسوت حركه في ويها جنه مب عايبنها الي انقال طالعها هزاع ورفع وحده من حياته الكل: الله يسلمها عويش: باباتي انا وعليا بنطلع باجر بوفهد: وين تبون اتسيرون؟؟ عليا وهي تحب عمها: عمي نبا نسير نسوي شوبينق ابتسم بو فهد: انشاللله هزاع: ومنو بيسير وياكم؟؟ عويش: الشيخه الي عدالي (( تقصد امها(( ام فهد: لالالالا انا باجر بسير ويا خالتج صوب يدتكم وعقب بنسير عندنا كم من شغله عويش: اميه يعني منو بيودينا ام فهد: كيفكم عويش: انا ادري منو بيودينا الشيخ هزاع بن سلطان ال-----ي هزاع: بتبطين عويش: ابويه بوفهد: خلاص انا بوديكم بس الصبح وتمرون كم من محل بس (وتم يفكر شوي) لازم تسيرون باجر؟؟ فهمو عويش وعليا ان نو وي يسيرون عليا: خلاص ما بنسير عويش بزعل ومكر: هيه نحن حرموا علينا بس في ناس باجر بيطلعون ويا ميثا منو بيسير وياهم دام خالتي بتسير مع اميه اطالعت سلامه عويش: انتي شو مشكلتج في الدنيا يالحسوده عويش: ما عندي مشاكل هزاع: شو ويا منو كنتو بتطلعون سلامه: ما ادري كنا بندور لنا حد وبعد حرام لازم انسير هزاع دخيلك ودنا دخيلك لازم نطلع تم هزاع يفكر وعقب قال: اوكيك وديكم صدت عليا صوبه وعويش بعد.. نشت عليا وحبت عمها وكانت يايه بتطلع بو فهد: وين سايره ابويه؟؟ عليا: بسير ارقد تعبانه بوفهد: بس انتي ما تعشيتي عليا: مابا مب يوعانه (وسارت) صدت عويش صوب هزاع: ليش يعني ما بتودينا وبتودي قوم سلامه شفت ابويه ولدك شو يسوي هزاع: لمي ثمج بوفهد: يا ابوي بيودي اختج وبنت خالتج سيرو وياهم عويش بعناد: والله ما اسير ..... وهيه تعرفون بخبركم شي انا خلاص كرهتك يا هزاع وكرهتج انتي سلامه وحتى خالتكم وعيالها كلهم اصلن انا ما احبكم كلكم (وسارت تربع صو حجرتها) ام فهد: انا هالبنت وبتذبحني كل شوي وطولتن لسانها وقلت ادبها بوفهد: هاي الا ياهل وانتو ليش تفرقون من بينهم لا تبينون لها انكم تهتمون في وحده اكثر عن الثانيه سلامه: ابوي هاي عويش وايد مستويه تطول لسانها وكل شوي وسبت هزاع: والله يبالي اضربها كم من ضربه عسب تصطلب بوفهد: ياويلك ان مديت ايدك عليها هزاع: عيل اخليها جيه كل شوي وعقت رمسه ام فهد: انا مادري هالبنت ليش تكره خالتها بوفهد: خلوها انتو بحالها ولا تفرقون من بينهم ولا تواجعونها ولا تضربونها عن تتعقد البنت والله ان سمعت في يوم انكم مزعلين عويش عاد تحملو الي بييكم وانت هزاع لا تيلس تودي هاي وما تودي هاي شو هالحركات هزاع: ابويه بوفهد: هيه صدق تعال اباك في رمسة فز قلب هزاع وعرف ان السالفه تخص عليا وان في شي بيستوي بوفهد: ام فهد شلي بنتج وطلعو اطالعت ام فهد ريلها جان يطالعها بوفهد بنظره جان تطلع هي وسلامه بوفهد: انا برمس باجر عليا هزاع: باجر!!!! وفهد: هيه يا بوي انا وعمك باجر بنرمسها وبنشوف وانشالله يصير الي الله يباه وتكون عليا من نصيبك وارتاح واعرف اني ظمنت مستقبل بنت اخوي نزل هزاع راسه :انشالله يلس هزاع يفكر وهو متضايج ((ماابها ماابها ابا ميثا يا رب شو اسوي ما اباها)) صد صوب ابوه ولقى ابوه طار الحلج سار هزاع صوب حجرة سلامه ودق الباب : سلامه سلامه: ادخل هزاع دش هزاع الحجره وتم يطالع سلامه سلامه: هزاع شو بلاك ليش جيه ويهك؟؟ هزاع: ااااه سلامه بخبرج شي بس لا تخبرين حد سلامه: انشالله خبر هزاع سلامه كل السالفه سلامه: هزاع انت من متى تحب ميثا او ميثا تعنيلك شي احيدك ميت في عليا ليش ما تباها الحين؟؟ هزاع: شوفي ميثا حلوه وبنت خالتي وتنحب حبوبه وهي بالنسبه لوايد اشياء احسن عن عليا سلامه: وشو هي هالاشيا هزاع: شوفي سلامه انا احب عليا هيه نعم واموت فيها بس في وايد اشيا تمنعني اني اخذها سلامه انتي شو في عليا ما تبين انها بنت عرب جنها بنت انجليز اوكيك وبعد تخيلي باجر يوم بنيب عيال تخيلي عيال شقر تخيلي عيالي انا يكونون شقر ويوم يكبرون جيه تخيلو شكلهم انجليز ولا بسين سفره وعقال وانجليزيات لابسات شيل وعبي عليا ملامحها حلوه بالشيلا و العباه بس عيالي ما ادري وبعد انا مابا حرمتي تكون انجليزيه وما ادري كيف اوف ما ادري احس اني ما برتاح وياها وهي بعد وايد وايد صغيره علي عمرها 17 سنه ياهل وتفكيرها وحركاتها بعدها حركات ياهل ما ادري احس ان جيه ما اعرف وميثا العكس مناسبتني وبنت عرب وكل شي ما ادري يا سلامه انا جيه يالس افكر صح ولا لا ما اعرف شو اسوي راسي يعورني ااااه تعبت من كثر ما افكر سلامه: شوف يا هزاع صح اني هالفتره ابتعدت عن عليا بس هذا مب يعني انا ما احبها بس حرام الي تقوله هي شو ذنبها هي حلوه ووايد حلوه الا تخبل وبعد شو عيال شقر ترا انته مب اشقر هزاع: ليش عمي كان اشقر سلامه: هزاع شو تقول انته حرام بس كيفك سو الي يريحك ولا تسوي شي تندم عليه واذا انت ما تباها خبر ابويه من الحين وكان لازم تخبره من زمان هزاع: ما اروم لو تشوفين ابويه كيف مستانس لا ما اروم سلامه: عيل خذ عليا يا هزاع ولا تفكر طلع هزاع من حجرة سلامه وسار حجرة من التعب رقد رقد هزاع وهو يفكر ويحاتي اما عن عليا فكانت منسدحه وتصيح ((ليش بيودي قوم سلامه وما يودينا انا وعويش لان ميثا وياها ليش جيه يسوي كرهتك يا هزاع كرهتك ما احبك حرام عليك ليش جيه تعذبني والله حرام عليك ليش تحبها وما تحبني ليش شو الي فيها احسن عني لان امها عربيه وانا لا لان شعري اشقر وهي اسود لان عيوني ملونه وهي لا (وصاحت) حرام عليك انا احبك يا هزاع احبك والله العظيم احبك )) وتمت تصيح بقهر وتمت تدعي ربها وكانت تحس بغصه تحس انها ما تروم تنفس من الصياح ورقدت ونشت عليا عالاذان وصلت وطلعت لانها كانت يوعانه لقت عمها واعي وبيسير المسيد سلمت ععمها وشافت مرت عمها وهي توعي هزاع وتدق الباب وهزاع مب طايع ينش ام فهد: هــــــــــــــــــــــــــــز اع اميه بسك رقاد نش بتخبرك انته ليش مسكر باب حجرتك عسب ما اوعيك نش فتح هزاع الباب وهو دهمان وعيون وحده امبطله والثانيه لا وكشته ناقعه وشكله يضحك عليا وبوفهد: خخخخخخخخخخخخخخخخخخخخخ ام فهد: بسم الله ولدي شو مسوي بشكلك وهو تمسح عشعره عسب تعدله وتعدل له لبسه هزاع ومتساند عالباب: شو تبين اميه تعبان ابا ارقد ام فهد: نش ولدي الصلاة سير المسيد ويا ابوك هزاع؟: هيه ورقد وهو متساند عالباب بوفهد: هزاع يلا بسرعه فز هزاع وسار الحمام بوفهد: شو معونج ابويه ؟؟ عليا: ماشي بس جيه نشيت اصلي بوفهد: بارك الله فيج (وهو يصد صوب ام فهد) هاي هي الحرمه مب بناتج لو تميت اوعيهم من اليوم لباجر ما بينشون ابتسمت عليا طلع هزاع من حجرته وهو يشوفهم بوفهد: يلا نسير هزاع: يلا طلعو هزاع وبو فهد صوب المسيد وفي الدرب بوفهد: هزاع انت تعال اليوم وياي الشركه هزاع: ليش ابويه؟؟ بو فهد: عسب تشتغل وتتعلم انته الحين بتعرس ولازم تشتغل هزاع: انشالله ابويه في المسيد تم هزاع يدعي ربه انه يسامحه ويرحمه ويهديه ويغفر ذنوب ويساعده ردو البيت وسار بو فهد يتريق وهزاع ويا ويلست عليا تتريق وياهم كان هزاع يراقب عليا كسرت خاطره بنت عمه جيه شكله كان يعور القلب كانت يالسه وتاكل هدوء وشكلها تعبانه ومتضايجه ومهمومه كانت ملامح الحزن مغطيه ويها حس هزاع بنغزه في قلبه وشوي وكان بيصيح بس ما صاح طبعن لان حس انها مظلومه وكان يقول يوم انا اقول عنها هالرمسه وين الناس هزاع انت لازم تاخذ بنت عمك وتستر عليها وتريحها وتكسب فيها اجر بعد اوف شو بلاني غامضتني شكلها يعور القلب نشت عليا بوفهد: وين سايره ابويه؟ عليا: بسير ارقد تعبانه بوفهد: الله وياج يا بنتي وسارت عليا ورقدت وسار هزاع ويا ابوه الشركه وهم رادين يا بو هادف وياهم وهزاع كان يحس قلبه بيطلع من حلجه ما كان يعرف شو يسوي فسار يتغدى بيت خالته سار هزاع بيت خالته وسارو بو فهد وبو هادف يتغدون في بيت بو فهد في بيت ام عبدالله الكل يالس يتغدى وميثا طايره من الفرحه لان هزاع موجود وهزاع طول الوقت عينه على ميثا ام عدالله/ اميه تباني ازيد لك هزاع: لالالالا مشكوره خالتيه ميثا: تباني احط لك سلطه هزاع وهو يمد الصحن صوبها: هيه حطت ميثا السلطه لهزاع بدلع ميثا كانت تتحرا ان هزاع يحبها وان ياي عشانها وان صار دوم أي عشان يشوفها وهزاع اليوم كان يشوفها فكانت يعني صدق مستانسه.. ولا بعد كل شوي يبتسم لها في بيت بو فهد بعد الغدا وفهد: عليا ابويه تعالي الميلس استغربت عليا وخافت وسارت ورا عمامها والكل يطالعهم بوفهد: يلسي بنتي يلست عليا بوفهد: انا زاقرنج اليوم يا بنتي عسب ارمسج في موضوع يخصج عليا: خير عمي بو هادف: يا بوي انتي كبرتي الحين وغديتي حرمه واليوم ياين نخبرج انج انخطبتي عليا: انـــــــا!! بو فهد: هيه نعم انتي يا بنتي نحن ابوي ما بنغصبج عشي ولا بنزعل منج والريال الي يباج انتي تعرفينه زين... هزاع يا بنتي يباج وشارنج ونحن ما نبا رايج الحين بس فكري يا بنتي ولا تسوين شي تندمين عليه باجر ولا تحرين ان نحن ما نباج ونبا الفكه منج لا يا بوي نحن نبا مصلحتج ونبا نظمن مستقبلج وهي ترا في واحد خطبج اسمه خليفه سالم ال----ي وهزاع ما وافق وقال ان هو يباج وهو احق بج من الغريب بو سلطان: يا بوي نحن ما بنزعل منج اذا رفضي وسوي الي يريحج عليا وهي مصــــــــــــــــــــدومه ومب مصدقه:انــ نــ شالله طلعت عليا وسارت تربع صوب حجرتها .... هل عليا بتوافق على هزاع؟؟ شو بتكون ردة فعل هزاع اذا وافقت ولا رفضت؟؟ |
يسلموو على البارت ونتريا البارت الثاني |
آخـتي آنآ آمس قريت آلقصه كآمله الفضول ذبحني ههههه .. سهــرت عليهآآ من آلفليل آلين آلظهر .. بس مآعليه بقرآهآ مرثآنيه معآج وبتبع معآج... مآ آبي آجآوب لآني آعرف.. لآكن بجآآوب يوم كنت لو كنت مب قآريه ألقصه .. والله اعتقد انه علياا بتواافق وهزاع بيتانس يمكن او بيرفض.. |
| الساعة الآن 08:03 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir