منتدى استراحات زايد - محتـار من تصرفـات بعض الشبـاب !!

1. محتار من الشباب اللي
يطولون كشيشهم وكل واحد
على باله نمر بن عدوان وما
يدرون انهم لووعه!!

2. محتار من الشباب اللي
يصبغون سيايرهم باللون
الوردي وبو لمعه بعد!!

3. محتار من الشباب اللي
يلبسون كراسي سياراتهم بماركات باربرييز ولويس فيتون
( السوق الصيني ما يقصر) إلى هذي
الدرجة تهمكم الموضه والماركات وتنافسون البنات عليها ولا
بس تقليد اعمى وما تدرون شنو السالفة؟؟

4. محتار من الشباب اللي
يخصرون ويضيجون كناديرهم ( الله يرحم كنادير اول )

5. محتار من تواجد الشباب
داخل المحلات النسائية ... واللي يسال
ربيعه حلو هالبدي عليه والثاني يرد عليه ياااي !!!

6. محتار من كنادير الشباب اليديدة وايد شفافه
لدرجة ان الوزار يبان !! اللي لونه احمر واللي لونه
وردي او اخضر..واللي نقشته مربعات واللي مكعبات ( دعاية وزره ؟؟ )

7. محتار من بعض الشباب اللي لما ييلس
على كرسي يرفع كندروته لين ركبته !! ( دعاية كراعين ؟؟ )

[overline]السلام عليكم ورحمة الله وبركاته[/overline]

اختي لما انه الموضوع للناقش حبيت اناقشهـ وياكم ..

نحن في سنه 2008 وغدأ 2020 .. } ~

والمستقبل والضياع مستمر ..

لا تستغربي في حركات الشباب للموضه وهالسوالف

ولا صأر الرجل أمره وامراه رجل ..

أنه يوم القيامه قريب ولا يعرف بعضنا بعض ..

والعالم بيصير واحد .. يعني لا فرق بين الرجل و المرأه

فالحين حركات الشباب هذي هي في بعض الحالات

يزيد اهتمام البنت بالولد .. } ~

والحقيقه واضحهـ لما صارت تطويل الشعر وأكثر عن المراه في بعض الاحيأن ..

هي الموضه ..

وانا أقول الله يهدي الشبـاأأب ..

.: المهم تسلمي على الموضوع :.