|
الجزء الثالث يرد حامد على التلفون حامد :الو ......: الو حامد منصدم بصوت لانه لواحد مش لوحدة: منو وياي ..........: هذا مش تلفون فاطمة حامد: ليش منو تكون انته .............:انته الي منو وليش تلفون فطوم عندك حامد : شو يخصك انته بتقول منو ولا شوه ........: ـــــــــــــــــــــــــــــ حامد : بترمس ولا شوه .........: انا عادل حامد : منو عادل بعد( وفي خاطره اكيد عادل صاحب المسجات ( عادل: ولد خالها ومنو انت (عادل ابيض وعمره 20 ويدرس هندسة وحبوب وايد وطويل( حامد :مرحبا الساع باهل السعودية شحالك عادل مستغرب: منو حامد : انا حامد عادل (يفكر منو حامد ...هي حامد ياويلي بيذبحني لاني ارمس فطوم ):هلا حامد اخبارك ياريال طيب حامد : الحمد الله يسرك الحال عادل كان يتكلم في الصالة وكان في الصالة ابوه خالد وحرمته نعيمة الي تستوي عمة حامد وهي ردت من العزبة المغرب لأن كان وراها سفرة للسعودية لريلها ووصلها ولدها المطار مع حرمته وعادل يوم عرف ان حامد هو الي يكلمه من تلفون فطيم مات خوف فقاله: اندوك عمتك تبي تكلمك نعيمة : مرحبا الساع بولد اخوي حامد : مرحبا ملايين ولايسدن بذمتيه شحالج عمتيه وشحال فطامي والحمد الله على السلامة انشا الله ماتعبتوا نعيمة : الحمد الله يسرك الحال لا والله ماتعبنا في الطريج شو يسوي تلفون فطوم عندك من الحين جيه ترد على التلفون عيل باجر لو خذيتها شو بتسوي حامد( ويهه قافط ):انا .....لا.. فطامي ناسيه تلفونها عندي نعيمة : والله في تطور بعد يناديها فطامي و لا بعد ناسية تليفونها عند حبيب القلب حامد قافط ومستحي من عمته ما يعرف شو يرد عليها: خلاص عيل برايج بسير ارقد ورايه باجر نشة من الصبح نعيمة : عيل خلاص برايك فديتك سير ارقد حامد : اقول عموه ليش عادل داق حق فطامي نعيمة: ليش تغار حامد : اف منكم الواحد مايقدر يرمس أي شيء الى مسكتوا عليه نعيمة : اعصابك حبيبي انا القايلة حق عادل يدق الحين حقها لين ما البس فطيم بنتي لان فطامي موصتني اييب شيء حقها حامد : والمسجات نعيمة : الله يعينج يا فطيم على حامد حامد : عمووووووووووه نعيمة : شو بعد انا اطرش حقها مسجات حامد :ليش وين تلفونج نعيمة: تلفوني فديتك مايشتغل هني وانا وهي متفقات الي اتشوف مسج حلو اطرش حق الثانية خلاص ارتحت الحينة حامد: هي عيل جي السالفة يلا برايج وراي نشه من الصبح نعيمة :هي لازم الحين برايج خلصت حايتك خلاص ما بطول عليك فديتك سير ارقد تصبح على خير حامد وهو يضحك :هههه وانتي من اهل الخير ..... وسكر التلفون ورقد وهو مرتاح ومر يومين واليوم هو السبت وهو يوم الرعب حق فطامي وميثة بنت عمها وربيعاتهم لان اليوم هو اول يوم في الجامعة حقهم واتفقو ان فطامي اتمر على ميثة وعقب شمة ويسيرن مع بعض الجامعة وفي بيت ابو احمد ام احمد : فطامي ماما نشي يا الله فطيم : امايا ابا ارقد والله امس ما رقدت ام احمد : والله انا ما قلتج سهري على النت انا بخلي ابوج يقطعه فطيم : لا امايا حرام لو قطعتوا النت جنكم قطعتو روحي ام احمد : بسم الله عليج يالله نشي مريوم : اف شو ها ما اتخلون الواحد يرقد فطيم : هي شو عليج انتي دوامج بعد ثلاث اسابيع والله قهر آخر وحدة أأجز واول وحدة اداوم ام احمد : انزين فديتج يا الله نشي فطيم : انشاء الله الحين بسير الحمام بتغسل وعقب بتلبس وبنزل اتريق وياج ام احمد : يلا بس لا تتاخرين عشان يلحق انج اتمرين على ميثة وربيعتج شمة فطيم : انشاء الله ونشت فطيم وسارت تتغسل ولبست تنورة جينز عليها ورود وردية وليست قميص وردي بدون ايدين ولبست فوقهن عباتها المفتوحة وشيلتها الساري عليها وردي وحطت على ويهها كريم فير اند لفلي ورسمت عيونها بجحال وحطت غلوس ونزلت عند امها تحت عشان تتريق ويا امها وفي بيت ابو مبارك نارسي الخدامة : ميثوه ميثوه ......يلا قوم في مدرسة مال انتي ميثوه : الله ياخذج قولي امين نشي عن ويهي برقد نارسي : زين انا الحين روح عشان قول حق ماما ميثوه : سيري انجلعي عن ويهي وسارت الخدامة عند ام مبارك محتشرة ان ميثوه ما طاعت تنش ام مبارك وهي تدخل غرفة ميثة: ميثة يا ميثة يلا نشي امايا ميثة : امايا والله فيني ارقاد ام مبارك : قومي فطوم بنت عمج يالسة ادق هرنات وانتي بعدج ما نشيتي ميثوه : قولي والله امايا ...وميثوه طيران على الحمام وام مبارك يالسة اتضحك على بنتها لان فطيم بعدها ما يت ونرجع لبيت ابو احمد نزلت فطوم ولقت امها وابوها يتريقون فطوم : خلاص انا زعلانة شو هالخيانة تتريقون بدوني وسارت وايهت ابوها وحبت امها على خدها ابو احمد : تعالي فديتج تريقي ويانا فطوم : هي الحين بعد ما خلصتوا ابو احمد : لو بطن بينفجر بنيلس ناكل وياج فطيم : بسم الله عليك في عدوينك انشاء الله وفي هاي اللحظة نزل احمد من الدري عشان يتريق ويظهر ويا ابوه الشغل وسار وحب راس ابوه و حب خد امه وحب فطوم على خدها احمد : اشحالكم الكل : الحمد الله فطوم : الحمد الله انك نزلت عشان اتريق وياك احمد : ليش كنتي تستنين احد يتريق وياج فطوم : هي احمد : يا الدلع الله يعين ريلج عليج فطوم : اصلا الي بياخذني يحب ايده من جدام وورى لان خذه الشيخة فاطمة احمد : انتي ليش جي خقاقة الله يعينك يا حامد من الحين قلبي وياك فطوم : والله يحقلي اتخقق الكل يتمناني ولا شو باباتي وماماتي ابو احمد : صح كلام فطوم ام احمد : صح انا ما بخلي فطيم تعرس بتيلس وياي ما استغني عنها احمد : يا الدلع مفروض مريوم الدلوعة لانها اخر العنقود لكن فطيم شالة الدلع كل حقها الي يشوفها يتحراها اخر وحدة فينا انولدت مب جنة مريوم عقبها فطيم : فديتني ياربي ليش غيران الحين بتعرس وحرمتك بدلعك شو تبى بعد احمد : قفط وتم ساكت فطوم : اوووو ....يلا امايا عشان ما بنتاخر وطلعو فطوم وامها ويا الدريول وعقب خطفو على ميثة وعقب شمة ربيعة فطوم وسارن الجامعة شموه : خيبه يا الزحمة ميثة : شكل البنات يخوف فطوم : شو بيكلونج بس انتي خليج واثقة من عمرج وطنشي الباقي ووصلن البنات الجامعة ونزلن فطوم : يلا امايا مع السلامة ام احمد : الله يحفظكم ودخلن البنات الجامعة وسارن عشان يخذون البطايق في بيت أبو مبارك يرن تلفون حامد حامد وهو شبه واعي : ألووووو منصور : بسك خست رقاد يله قوم نتحوط لأن ورانا أسبوع حبسة حامد : إجلب ويهك خلني أرقد ويوم بنش بدقلك منصور : شو أتحوط بروحي يعني إمحق ربيع حامد : لا تزعل يا الذكي وراك باجر نشة من فير الله و مابتشبع رقاد منصور: صدقك والله يله برايك ويوم تنش دقلي فداعة الله حامد :فداعة الرحمن وفي الجامعة فطوم : وين ميروه تاخرت شموه : هي صح ميثانة : حتى ربيعتي اسما ما اشوفها فطيم : خلاص بدق حق ميروه ......وقعدت فطوم ادور تليفونها ...اوووووووه صح ميثوه وين تلفوني ميثوه : اوووه والله اسفة نسيت اشله من حامد فطوم : يا الفظيحة من 3 ايام وهو عنده والله انتي محد يقولج شيء ميثوه : سوري حياتي والله نسيت فطوم : خلاص برايه لا تنسين اتشلين عنه يوم بترجعين البيت ميثوه: اوكي شموه :شو سالفة وفطوم قالت السالفة حق شموه وتمن يسولفون الين ما يا الدريول وفي السيارة ميثوه :صح فطوم نسيت اقولج ان محمدوه سافر يوم الخميس الي فات فطوم : لااااااااااا جذابة مايخصني والله خايس ليش جي يسوي فيني الحين بدقله .....اووووه نسيت ان تلفون عند حامد والله قهر بصيح شو جي ميثوه وشموه يضحكن على فطوم وقالتلها ميثوه: تستاهلين قتلج انه ما بيظهرج اخوي واعرفه فطوم : والله لا اخليه يندم وانا حليلي اقول ان محمدوه غير عن اخوانه متفاهم وبيظهرني واخر شيء جي يسوي فيني وجذاااااااااااااب يحلف حقي اخ يالقهر وفي بيت ابو احمد الهنوف ومريوم مندمجين ويا التلفزيون يطالعون مسلسل اجنبي ونزلت من ام احمد من الدري ويلست وياهم في الصالة وزقرت الهنوف ويت الهنوف ويلست عدال امها الهنوف : هلا امايا شو تبين ام احمد : فديتج الهنوف امس يدتج رمستني ان محمد ولد عمج يباج الهنوف:امايا مستحيل محمدوه يباني ام احمد: حتى انا انصدمت بس محمد ريال والكل يتمناه وانا اول وحده اتمناه حقج وانسان متفاهم ومنفتح عقليته شوي عن اخوانه الهنوف : امايا ما اقدر احسه شرات اخوي ما اقدر اتخيل اني بخذه مريوم : الهنوف حرام عليج والله محمد فنان وسوالف والكل يتمناه ام احمد : الهنوف انا ماريد ردج الحين انتي فكري عدل وصلي صلاة استخارة وعقب ردي علي الهنوف : انشاء الله وفي السيارة فطوم وصلت شموه بيتهم والحين توهه واصلة بيت ابومبارك فطوم : ميثانة يلا اترياج لا تتاخرين بسرعة ييبي تلفوني ميثة : اوكي ثواني وفي بيت ابومبارك رن تلفون اليازية ومكتوب على الشاشة عمري يشوف خليفة التلفون ويمطه قبل يزوي ما اترد يزوي : ورفجة والله تيبه خلوف : مابى يلا اعترفي منو اتكلمين اكيد حبيب القلب احمدوه عشان جي مستحية يزوي: خلوف حرام ييبه قبل ما يبند وتدخل ميثوه تربع وهي تقول : السلام عليكم وتسير حجرة حامد يزوي وخلوف يتبادلون النظرات ويقولون في نفس اللحظة : شو فيها ويزوي مرة وحدة اتمط التلفون من ايد خلوف وتشرد فوق عشان اتكلم احمد ويضحك خلوف على حركاتها وسار يشوف ليش ميثوه تربع حجرة حامد وفي حجرة حامد ميثة : اف حامد يلا قوم وين حطيت تلفون البنت يلا تستنى في السيارة برع حامد : ميثوه حرام عليج برقد ميثوه : انزين قولي وينه خليفة : شو فيكم يلا حمود نش بسك ارقاد حامد: يعني الواحد ما يعرف يرقد في هالبيت وانتي الثانية شو تبين ميثوه : شو يالسة انا من الصبح اتحرطم هندي اقولك فطوم في السيارة تستنى حظرتك تعطيني تلفونها حامد وهو فاج عيونه : فطوم اهني خلوف وهو يضحك: شوي شوي لا تظهر عيونك من مكانها ميثوه : يلا خلصني البنت تستنى برع حامد :بتلقينه على التسريحة شليه وشلته ميثة وعطته فطوم وحامد سار يتغسل ودق حق اربيعه منصور قاله تعالي الحين والكل في الصالة يتغدون وعقب نشن يزوي وميثوه وراحو الخيمة الي في الحوش ودخلن الخيمة وتمن يسولفون يزوي وهي اتثاوب: انا بسير ارقد ميثوه : انا الحين الي مداومه ما فيني ارقاد وانتي الي راقدة تبين ترقدين يزوي : والله كيفج ما تبين ترقدين انا امس ما رقدت ميثوه : عاد الي يقول ما شاء انا الي رقدت ومتلحفة كلي عشان ما اسمعج ترمسين احمد وصوتج واصل اذني يزوي استحت: والله كيفج انا بسير ارقد وقعدت ميثة اطالع المجلة الي بايدها هي تشل لحمد عامري وصوتها جنان وهي اتشل ويوم وصل منصور ربيع حامد الخيمة وسمع صوت ميثة وغصب عنه انجذب لداخل عشان يعرف مصدر الصوت ويوم دخل شاف جدامه ملاك وكانت ميثة حاطة الشيلة البيضة على جتفها ورافعة شعرها لفوق ومنزلة قصتها ويوم ميثة شافت ظل جدامها ورفعت عيونها لمصدر الظل انصدمت يوم شافت منصور حبيب قلبها كانت اخر واحد تتوقع اتشوفه وميثة انصدمت وما عرفت شو اتسوي وعقب منصور نزل راسه وميثة ربعت برع الخيمة لحجرتها ابسرعة وهي فرحانه وقلبها يدق وخايفة بنفس الوقت لا ايعرف حامد وقعد منصور يفكر في باله: من هالحلا قلبي وقف سميت بالله عليك ذبحتني بسهم العيون...جرحتني بطرف الجفون والمشكلة صعب علي اعرف من تكون ودخل علييه حامد وفي بيت ابو احمد تدخل فطوم : السلا م عليكم الكل : عليكم السلام والرحمة ام احمد: فطوم سيري حبيبي غيري ثيابج عقب نزلي يلا عشان نتغدى فطوم : انشاء الله وسارت فطوم الحجرة وغيرت ثيابها وسمعت دق على باب الحجرة فطوم : منو ادخل الباب مفتوح الهنوف : شحالج شو سويتي اليوم فطيم : الحمد الله بس والله هلكانة موت وقالت الهنوف السالفة حق فطيم عن محمد فطيم : والله ما صدق الصراحة ما اتوقعت محمدوه يحب الهنوف: اتحدين هذاك اليوم شوقال حامد الحين عرفت السبب فطيم : صح كلامج وانتي شو قررتي الهنوف : ما ادري انا احس محمد شرات احمد اخوي بس بصلي وعقب برد على امي فطيم : الله يعين يلا حياتي ننزل وانتي لا اضايجين عمرج كل شخص ومكتوب نصيبه في هالدنيا ونزلو يتغدون ويا اهلهم ويتخبرون فطوم عن الجامعة وعقب الغدا الكل في الصالة يشربون شاي ابو احمد: بنات جهزوا عماركم اليوم عشان اتسيرون ويا اخوكم تتنقون فساتين حق ملجة ولد عمكم مبارك هالاسبوع البنات : انشاء الله ابوي فطيم : يلا انا بسير ارقد تعبانه قبل ما اتروحون بساعة قعدوني ابو احمد : فطيم تعالي وياي الحجرة فطيم وهي خايفة: انشاء الله مريوم : لا والله الهنوف أمي تباها وفطوم أبوي يباها وأنا محد يباني ليش انشا الله بنت البطة السودة ولا مقطوعة من شيرة أقول حمود قوم قوم أباك بسالفة الكل يضحك على خبالها مريوم تمزح : مش منكم من اللي يعيش معاكم (نشت وراحت حجرتها ترقد( فطيم وهي تلحق ابوها وتاشر وراها حق اخوانها شو اسالفة هم ياشرون حقها ما انعرف ودخلت فطيم حجرة ابوها ويلست وياه على الكنبة الموجودة في الغرفة ويلست امها على السرير و فطوم ميتة خوف ابو احمد : بقولج سالفة بس نحن انتهينا منها بس هي اتخصج ولازم اتعرفينها فطوم : شو ابوي ابو احمد: احمد ولد خالج خالد يا يخطبج بس نحنا رديناه لان انتي محيرة حق ولد عمج وعشان انا وامج مستحيل نستغني عن وحدة من بناتنا وانخليها تسير برع الامارات عنا وبعدين نحن انشوف انج صغيرة على العرس فطيم : مشكور ابوي انا اصلا اعد احمد شرات اخوي ونحن مترابين ويا بعض فمستحيل اخذه وانا ما اريد اعرس اريد اتم وياكم انته وامي ام احمد : فديتج والله بس الوحدة اذا ياها نصيبها لازم اتعرس واتسير بيت ريلها فطوم : والله انا كيفي ما اريد اعرس ابو احمد : فطوم لا اتقولين جي ماحد بتم حقج غير ريلج وعيالج فطيم : ابوي بس الله يخليكم سكروا السالفة انتو اصلا تبون الفكة مني بس بتم على قلوبكم ابواحمد وام احمد يضحكون فطوم : شيء بخاطركم انا بسير ارقد تعبانة ام احمد وابواحمد: سلامتج وظهرت فطوم من الحجرة وسارت حجرتها عشان ترقد سارت الهنوف حجرتها جان يرن تلفونها الهنوف : هلا والله بالجاز ( الجاز هي يزوي بنت عمها ( اليازية : أهلين شحالج الهنوف الهنوف: الحمد لله يسرج الحال أخبارج انتي اليازية : الحمد لله حياتي بطلبج طلب قولي تم الهنوف : على حسب الطلب ممكن ما أقدر أسويه اليازية : لا تقدرين بس انتي قولي تم الهنوف : خلاص تم يلا قولي اليازية: بنسير دبي عشان نشتري فساتين ونباكم تسيرون ويانا الهنوف: نحن بعد سايرين اليوم ليش مش انتو اللي تروحون ويانا اليازية : خلاص أوكي بس متى بتظهرون الهنوف : الساعة ثلاث الظهر اليازية : خلاص اوكي نترياكم متى ما تظهرون دقولنا الهنوف : اوكي شاو اليازية : شاو وبندت الهنوف عن الجاز وسارت ترقد وفي السعودية نعيمة : خالد حبيبي لازم انرد هذا الاسبوع الامارات خالد : ليش مايلستي غير اسبوع نعيمة : ادري حياتي بس بروك ملجته هالاسبوع خالد : ولد اخوج ماشاء الله متى خطب اصلا نعيمة : بروك خطب وحدة من دبي اسمها موزة خالد : اها مبروك الله يعطيه على قد نياته اشاء الله نعيمة : انزين حبيبي انا بشتري فستان من هني ويوم الثلاثاء خلانا انسير الامارات خالد : انشاء الله من عيوني كم نعوم انا عندي وغرفة سلوى بنت خالد ريل نعيمة (سلوى بنت خالد من حرمة ثانية وهي بيضة وايد وحلوة وكيوت وايد وهي اول ثانوي( سلوى : بس يا فاطمة ذبحتيني قتلك اجلسي عدل فاهمة فطوم : مابااااااااااا ...اريد العب سلوى : طيب انا اوريكي ما بوديكي المخازن اليوم فطوم قعدت اتصيح : خلاص اسفة بس ودني سلوى : طيب قعدي ولا تعملي حاجة ابغى اقرى المجلة بهدوء ممكن وفي غرفة احمد ( احمد عمره 22 وهو ابيض وطويل ويدرس طب ومن هو صغير يحب فاطمة بنت عمته ( عادل : ابوي كلم عمتي انك تريد بنتها فاطمة احمد : ايي عادل : طيب وش ردو احمد : شكلها ما تبيني لان قالو البنت صغيرة بس انا اريدها عادل : انزين استنها لين ما اتخلص دراسة احمد : ما اقدر لانهم لمحوا حقي ان ولد عمها يبيها قولي وش اعمل عادل : يا احمد هذا النصيب وهذا مكتوب من عند ربك وبيت ابو احمد وفطوم ماياها ارقاد وقعدت اطالع مسجاتها وانصدمت ان في مسجات واصلة حقها اول مرة اطالعهم ومفتوحات يوم شافت متى انرسلوا حقها تذكرت انه كان التلفون عند حامد فطوم وهي معصبة وشوي وبتنفجر : هذا شو يخصه يشوف تلفوني باي حق ( وهي اتصارخ ( مريوم : بسم الله الرحمن الرحيم شو فيج جي اتصارخين مينونة اتكلمين عمرج فطوم : اااااا يا القهر بموت شو يخصه يشوف مسجاتي والله بموت انا انسانه كله مرة وحدة اول شيء محمدوه وعقب احمد والحين حامد والله بنتحر مريوم :بسم الله عليج حبيبتي شو فيج فطوم فطوم : انا الغبية انا اصلا كيف حبيته لو خذيت احمد احسلي بس المنحوس طول عمره منحوس مريوم : احمد منو احمد فطوم : منو احمد بعد ولد خالي مريوم :ليش هو خطبج فطوم : هي بس امي وابوي ردوه عشان السيد المحروس حامد بيه مريوم وهي تضحك : والله متى افا ما اتقوليلي يا الخاينة شو فايدتيه في الحجرة صمنديقة فطوم : والله بروحي انا دريت اليوم يوم ابوي زقرني عقب الغدا و قالي ولا ازيدج من الشعربيت محمدوه الخايس سافر وتقوليلي ليش اتصارخين مريوم : انا ما قلتلج انه شكله جذاب فطوم :انا الغبية اصلا خلاص باخذ قاعدة بعد اليوم الرياييل مالهم امان مريوم :هي والله صدقج تعرفين فطامي من يومين يالسة افكر في بروك احس اني قصيت على عمري يوم قلت احبه احس بس انه كان اعجاب او بالاصح انها فترة مراهقة و مادري لين الحين كيف حبيته فطوم :الحمد الله مريوم يوم ان الله هداج ويسر لج امرج حبيبتي كلن مكتوب له نصيب في الدنيا وبياخذه ومحد يقدر يغير هذا الشيء مريوم : ليش شايفتني جدامج مينونة فطوم : والله هذا جزاني اني معصبة وشوي بنفجر ويالسة ارمسج مريوم : اعصابج يالسة امزح وياج صح شو سالفة التلفون وحامد فطوم : اتصدقين اني اكرهه تخيلي قاري مسجاتي وفاتح مسجات من تلفوني اول مرة اشوفهم وقامن فطوم ومريوم يلبسون في بيت أبو مبارك حجرت ميثة واليازية يزوي : ياربي ما أعرف شو ألبس ميثة : هي لازم ما تعرفين شو تلبسين بتسيرين ويا حبيب القلب والله لأراويج انتي وفطوم جان ما قفطكم جدام أحمد وحامد اليازية : ليش حبيبتي شو مسوتلج ماكله حلالج وله شكله منصور صدق مأثر علييج ميثوه: ااااه يايزوي والله غرشووووووووووووب هالريال طيحني من أول نظرة يزوي : انزين انتي ما قلتيلي شوشوتي يوم شفتيه ميثوه : يعني شو رايج أكيد ربعت برع الخيمة يزوي : يويهج صدق غبية ميثوه :لا والله شو تبيني أسوي عيل ومرة وحدة سمعوا صوت سيارة جان تربع ميثوه صوب الدريشة لأنها كانت عارفة ان هذي صوت سيارة منصور وكانت دريشة الغرفة فوق الحوش نزل حامد وطلع منصور برع البيت بسيارته ميثوه: أوووووووف مانزل عشان أجحل عيوني فيه يزوي نقعت ضحك على اختها الخبلة والساعة 3 دق حامد حق أحمد حامد : مرحبا احمد: مرحبتين حامد : ها وينكم متى بتسيرون احمد: والله نحن جاهزين بس نتريا عيال عمي سالم حامد : ليش بسيرون ويانا .. أصلا متى ياو من قطر احمد : هي بسيرون ويانا ترى من يومين يايين عند أبوهم في أبوظبي وبيون ويانا... برايك هاذم وصلو بند احمد التلفون وسار صوب عيال عمه (اللي من قطر من حرمته الاولى وهي متوفية وهم ولدين وبنت اكبرهم جابر عمره 25 ومعرس وحرمته حامل عشان جذي تمت في قطر عند اهلها... وبعده ثاني عمره 24 وهو أبيضاني وحلو وملامح تذبح وهو شيوخي في فزته.. آخر العنقود سارة عمرها 22 وهي حلوة ومزيونة وشخصيتها قوية وحبوبة وراعية سوالف( احمد: مرحبا الساع نور البيت جابر وثاني : منور باهله وساروا ووايهو احمد ويات سارة سارة : شحالك احمد احمد : الحمد الله يسرج الحال اشحالج انتي سارة: الحمد الله احمد :قربو قربو داخل عن الحر ودخلو داخل الصالة الرئيسية وسلمو على عمهم وحرمة عمهم ابو احمد : مرحبا الساع بعيال اخوي نور البيت (وسار وايهم) شحالكم جابر وثاني وسارة : الحمد الله يسرك الحال عمي ام احمد : شحالك يا جابر وثاني منو هاي الحلوة والله كبرتوا احيدكم وانتو يهال جابر وثاني وسارة : يسرج الحال لازم الواحد يكبر محد يتم اصغير وشحالج انتي عموه سارة : تسلمين عموه مستحيل تنسيني انا سارة الي كنت لاصقة فيج اربع وعشرين ساعة ام احمد : الحمد الله لا طبعا مستحيل انسى أي واحد منكم يلسوا استريحوا يا بنات تعالو سلمن حشى عرايس كل هذا تتلبسن ونزلن الهنوف وفطوم من الدري بعبيهن وشيلهن وكل وحدة راسمة عيونها بالشحال وحاطة غلوس وانصدمو ثاني وجابر وسارة بالهنوف وفطوم لانهن بسرعة كبروا وحلوات وايد الهنوف وفطوم : السلام عليكم اشحالكم ....وسارو صوب سارة عشان يسلمون عليها جابر وثاني : وعليكم السلام ورحمة الحمد الله اشحالكن انتن سارة : يا هلاو الله بنات عمي ماشاء الله بسرعة كبرتوا فطوم : لو سمحتي لا تغلطين انا صغيرة توه عمري 15 سارة : صدق عمرج 15 ابو احمد وام احمد والهنوف واحمد يضحكون على شكل سارة وجابر وثاني وهم منصدمين فطوم : لا اتمصخر وياج انا عمري 18 اول سنة جامعة سارة : صدق ما صدقت ان عمرج 15 بس بعد ما اتوقعت انج في الجامعة سارة : الصراحة نسيت اساميكم ممكن اتسون رفريش حق ذاكرتي الهنوف : انا الهنوف اكبر وحدة من البنات وعمري 20وهاي الي جدامج فطوم وطبعا عرفتو ان عمرها 18 والي فوق مريوم وعمرها 17 سارة : اها انا سارة وعمري22 وفي هاي اللحظة تنزل مريم الدري وهي تربع مريوم : ايرني وين شيلتيه وكل الي في الصالة انصدمو بشكل مريوم وتربع مريوم مرة ثانية الدري لفوق وثاني انصدم بشكل مريوم وعلى طول دخلت قلبه على حركاتها العفوية وضحك عليها بخاطره لبست مريم شيلة ثانية ونزلت تحت تسلم عليهم ولقت في الصالة سارة واخوها جابر وراحت وسلمت عليهم وعقب كلهم ظهروا عشان يركبون السيارات واتفقو ان احمد والهنوف وفطوم بسيارة احمد و في سيارة ثاني ثاني وجابر وسارة ومريوم مريم تكلم فطوم معصبة :لا مستحيل انا ما اعرفهم بس انتو على الاقل يلستوا وياهم فطوم :يلا بلا قلة ادب سيري عندهم تدرين اني مفولة واذا رحت عندهم بطيح حرتيه فيهم مريوم: اووووووووف منكم وراحت ركبت مع قوم عمها ويلست ورى سيت ثاني وسلمت على ثاني لأنها ماسلمت عليه ثاني يوم ركبت مريوم السيارة ياه فضول يبى يعرف كيف شكلها ويعرف صاحبت هالصوت الطفولي وعدل المنظرة اللي جدام عشان يشوفها ويوم شافها تم مبهت معقولة في فهاي الدنيا انسان بها الجمال والله انها ملاك اااااااااااااااه يا ملاكي ووصلوا صوب بيت ابومبارك ونزل الكل يسلم على ابومبارك وام مبارك وعيالهم وتزهبن ميثوه ويزوي وحامد تزهب وطلعو من بيت ابو مبارك الساعة أربع الا ربع وركب حامد واخواته في سيارة احمد وفي سيارة احمد ركب احمد وحامد والهنوف واليازية وميثة وفطوم وسيارة ثاني نفس الركاب وفي سيارة ثاني سارة : والله نورت السيارة بوجودج مريوم مريوم : تسلمين حياتي منورة باهلها ثاني وجابر : تسلمين الغالية ... وتمت سارة تسولف مع اخوانها ومريوم بس ما كانت مريوم ماخذه راحتها عشان جذي ما تكلمت واايد لانها ما تتذكرهم وثاني يطالعها من المنظرة ويقول في خاطرة:ااااااااااه .. ياويلي من عيونك في لحظة صرت مجنونك وأنا يا زين ما تحمل ..هونك يا الظبي هونك .. وفي سيارة احمد حاطين حمد العامري فطوم وميثوه يالسين يرمسون بصوت واطي فطوم : والله اخوج سخيف اكرها احسه وايد متسيطر الحين شو يبى تلفوني يطالعه ميثوه : فطوم حياتي هدي يمكن ضربه فضول فطوم : لا والله احمد : شو عندكن محتشرات حامد : طبهن اكيد سوالف فاضية فطوم خلاص فولت الدخان طلع منها : لاوالله صدق الي قال كلن يطالع الناس بعين طبعه حامد : الاعتراف بالحق فضيلة فطوم : اللي فوق راسه ريشه يتحسسها الكل مستغرب من لهجة فطوم وخصوصا حامد ويقول في خاطره: ليش فطامي ترمسيني جي ..ااااه ياقلبي شكلها زعلانه علي .. شو سويت عشان أزعلج يا الغالية احمد يقطع افكار حامد : هاا وين وصلت حامد يطالعه وهو مش فاهم احمد : شو فيك سرحان حامد : هيه لا بعدي ما وصلت الهنوف : يعني تعترف انك كنت سرحان ميثوه : هي أكيد سرحان كيف متبونه يكون سرحان وحبيبه القلب وراه ماتشوفونه من الصبح يطالعها من المنظرة حامد ويها قافط ومايعرف شو يقول وفطوم مش هامنها كلام ميثوه وجنها مش هي اللي تقصدها احمد : شوفو كيف احمر الريال ميثوه تاخذ تلفون فطوم اللي كان بحضن فطوم وتصور حامد جان تعصب فطوم وتاخذ التلفون من ميثوه وتقرصها قرصه بعمرها ما بتنساها ويوم خذت التلفون شافت الصوة وقالت في خاطرها اعذرني بس ما تستحق تكون بين صوريه ومسحت الصورة ويوم شافتها ميثوه: فطوم ليش مسحت الصورة صدق انج سبالة فطوم:ليش حبيبتي انشا الله تبيني اخليها عشان اللي يشوف الصورة يشك فيني حامد بطل حلجه عشان يقول ليش يشكون فيج اذا الكل يعرف انج لي واللي ما يعرف فرصة انه يعرف اريد العالم كله يعرف انج لي.. بس مثل مابطل حلجه سكره استحى يقول جي وجدام الكل هو من دون شي ماسكين عليه وين اذا بينلهم انه اللي يقولونه صدق شو بسوون فيه تمن البنات يسولفن ويا احمد وحامد سرحان بعالم ثاني عالم فطامي ااااااه يا الفطيم شفيج علي شو سويتلج يالغالية..صدق من قال في هالزمن اذا جرحت وعذبت .. يحبونك.. واذا حبيت وتعذبت .. ينسونك.. صدق زمن بعد ساعة الا ربع من طلعتهم دق ثاني حق احمد ثاني :هلا احمد احمد:اهلين ثاني : اقول ماشي شيشة قريبة احمد : ليش ماشي بترول عندك ثاني : في بس شويه وما اعتقد يكفي لين مانوصل دبي احمد : اوكي مش مشكله اعتقد في وحدة قريبة على الدرب بنوقف عندها ثاني : اوكيك مشكور بعد خمس دقايق وصلو الشيشة نزلن البنات وحامد واحمد يتشرون ومن سيارة ثاني نزل الكل الا ثاني مريوم اول ما شافت فطوم راحت نقزت عندها مريوم : هلا يا البطة فطوم : البطة بعينج مريوم: بل عليج شكلج متفتفه شفيج فطوم : مافيني شي مريوم : كل هالدخاخين اللي ظاهرة منج وما فيج شي وصدفة سمع حامد آخر جملة جان يقول حق فطوم : يعلني افدا هالدخانين يارب فطوم اطالع حامد من فوق لتحت وسارت عنه مب دازتله ويه مريوم وحامد يطالعونها منصدمين وانكسر خاطر مريوم على حامد فحبت تغير السالفة فقعدت تتأفف بصوت عالي حامد :شفيج بعد انتي مريوم : كل اللي فيني بعد شفيني حامد : والله ماشوف شي فيج جنج أسد واقفه جدامي مريوم : بسم الله علي أقول تشاهد على ويهك حامد : هههههههه أشهد ان لا اله الا الله يت ميثوه والهنوف وشافو حامد يضحك الهنوف : شفيك تضحك ضحكنا معاك حامد : اضحك على اختج الخبلة ميثوه : اذا تضحك عليها بصراحة ما استغرب مريوم : لا والله شو قصدج وبعدين والواحد ما يقدر يناقشكم بمشاكله الهنوف : شفيج بعد مريوم : استحي اركب معاهم ما اعرفهم عدل والله طول الدرب وانا ساكته .. استغفر الله تقريبا تمت ساكته ميثوه : تم ساكتة لا مستحيل.. لالا ما أصدق انجاز مريوم: يا ويهج سخيفة الهنوف: ياربي يا كثرما تتحرطم ها البنية حامد : شوفي بقولج قاعدة اذا تمتي مستحية وساكتة بتمين طول الدرب كارها عمرج وملانه بس اذا خذيت وعطيتي معاهم بتسولفين وبتضحكين وبتغيرين جو ميثوه والهنوف وهن يضحكن : ومنكم نستفيد حامد: جب انتن ... ويوجه كلامه حق مريوم: وصلت المعلومة في جها ثانية في السبرماركت يزوي: حياتي برايج بسير السيارة فطوم : أوكي سارت يزوي السيارة اما فطوم طلبت من الهندي قهوة الهندي: with suger فطوم:without suger جابر: تشربين القهوة بدون سكر فطوم : هيه لأني ما احبه مع سكر مستحيل اشربها مع ذرة سكر جابر: مستحيل كيف تشربينها مرة سارة من وراهم : تتحراها حرمتك تصدقين قهوه اللي تشربها مليانة سكر تقولين حلوى سايلة جابر : ساروه عن الغلط على حرمتيه خلينا نرجع جان ما أخبرها عليج سارة : انزين انا ما غلطت حرمتك تموت على السكر والحلو فطوم: اكيد عيل حرمتك حلوة و من حلاتها تحب السكر في سيارة احمد ركبت يزوي السيارة ويوم سكرت الباب وراها كان احمد جدام استحت يزوي لانها كانت بروحها وياه احمد في خاطرة اخيرا تمينا روحنا احمد : شحالج الجاز اليازية: والله اخبار الخير بوجودك احمد: فديت روحج والله ياعسى دوم مب يوم اليازية: انت اشحالك حبيبي ربك بخير احمد: بخير دامي بعيونج وبقربج .. فديتج والله تولهت عليج يزوي محمرة وميتة من المستحا احمد: يعلني افدا هالحيا والمستحا ويوم خلص أحمد كلمته دخلت الهنوف والميث الهنوف: احم احم اشوف الحبايب عايشين في جو رمنسي احمد : وانتي شو يخصج يعني لازم تخربون علينا الجو ميثوه تلصق عند يزوي وتصاصرها : العقبال لي انشا الله في السوبرماركت فطوم كانت تحاسب ياها حامد وقال: انا بدفع فطوم : مش لازم عندي فلوس .. مشكور دفعت وظهرت ويوم ظهرت ما حست الا بحامد يمسك ايدها فطوم منصدمة : فج ايدي حامد: فطوم شفيج علي فطوم بصوت أعلى شوي : قتلك فج ايدي ماتسمع حامد فج ايدها : فطامي سامحيني مادري شو ياني فطوم ماردت عليه بس تلومت وايد فيه وقالت في خاطرها : صح هو فتح مسجاتي وما يحقله بس انا وايد قسيت فيه وحطيت حرتيه من محمدوه فيه يا ربي ليش جي سويت وسارت السيارة صوب السيارة وسار وراها للسيارة وركب جابر وساروه ومريم السيارة سارة عطت ثاني كيس في حلاو وعصير وايس كريم ثاني : مشكورة سارة: لا تشكرني اشكر الريم هي اللي ذلتني داخل عشانك خذي هذا وخذي هذا ثاني في خاطرة فديتها تهتم فيني ثاني : مشكورة الريم ماتقصرين مريوم: أفاااا ياولد العم مابينه شي انته شرات اخوي.. وبعدين عشان اظمن وصولي سالمة لدبي مافيني شي يستويلنا في الدرب عشان بطنك ثاني في خاطره هاللسان توج اطلعينه انا أراويح ثاني : اصلا بطني مافي شي بس أخاف بطني يعورني يوم آكل اللي يبتيه مريوم : يا السبال مش منك من اللي يدلعك وييبلك .. أقول ييب لتسمم بس الكل ناقع ضحك في السيارة بعد فترة وصلو دبي وسارو محل اسمه ضوء القمر فطوم دلتهم عليه وحدة من ربيعاتها قالتلها عنه داخل المحل البنات قاعدات يدورن فساتين والاولاد كالعادة قاعدين يطنزون ع الداخل والطالع ثاني : حمود طالع هالفلبيني احمد : الله ياخذ بليسك يا الثور هاي حرمة مب ريال حامد: ياجذبك احمد : والله ما تصدقون تعالو نروح نسأله سارو الشباب صوبها احمد: هاي الفلبينية: هاي (وتضحكله ( احمد: you now that you are beautiful girl الفلبينية: really thank you (وتضربه عل جتفه وتضحك) والهنوف يالسة ادور بين الفساتين شافت أحمد يرمس ويا الفلبينية الهنوف : يزوي لحقي ريلج يغازل الفلبينية يزوي : وينه وينه .. شوفي الخايس ما لقه غير هالخامة يكلمها عند الفساتين فطوم: الله ما احلى ها الفستان يخبل بيطلع على جسمي جنان بسير أقايسه .. شو اخذ أي لون .. الفيروزي .. ولا الوردي ميثوه :كله حلو عليج بس انا بصراحة احب الفيروزي عليج مريوم : عني انا اقولج روحي سالي حامد اللي اعرفه ذوقه حلو فطوم : يالخايسة تبين انتي سيري سأليه مريوم : خلاص اوكي برايكن وسارت صوب حامد شاله الفستانين الوردي والفيروزي تساله وفطوم تزقرها وهي مطنشة مريوم : حامد تقولك فطامي شو رايك تختار أي لون وردي .. ولا فيروزي ولا أقولك سير عندها احسن شل حامد الفستانين وسار عند فطوم ولقاها بروحها لان ميثوه سارت عنها ادور فستان يوم وصل عند فطوم وقف مجابلها وعينه في عينها بلحظة سرحو الاثنين بعالم ما في احد غيرهم حامد بصوت كله دفء: تتريين احد فطوم نزلت عينها : لالا حامد: لا فطوم :لا مب جي ..... بس.. حامد : بس شو فطوم : ـــــــــــــــــــــــــــــــ حامد : فطووووووم فطوم مستحية : حامد .. سوري على الاستوى اليوم .. ماكان لي الحق اعاملك جذي صدقني مش بايدي غصب عني حامد : مسموحة يا الغالية بس ممكن أعرف شو اللي زعلج شو اللي سويته عشان اييب حقج هالضيجةوالعذاب لي فطوم : حامد انت ليش حست في تلفوني وقريت مسجاتي مالك حق تسوي جي حامد منصدم وفي خاطره ياربي انا شوسويت انا كيف مافكرت بهالشي لو كنت مكانها صدق بزعل كيف كنت بهاي الوقاحة وانتي ياحبي وعمري وكلي وهلي تقوليلي انج مالج حق تزعلين مني يا سلام ياحبيبتي شو ابى اكثر من جذي يا حظي ياحظي فيج ياحبيبتي حامد : فطوم سامحيني.. سامحيني يا الغالية صدقين غصب عني قريت المسجات ياني فضول اعرف كل شي عنج .. انتي ماتعرفين غلاتج عندي والله واحلفلج بربي اني اعصب يوم احد يكلمج او يشوفج اويضحك معاج فطوم منصدمة من الكلام اللي تسمعه ومنزلة راسها من المستحى وويها مستوي احمر حامد : فطوووم فطوم : ياعيون فطوم .. عونك آمر حامد : فديت روحج والله.. فطامي ابى من يوم ورايح نكون صريحين ويا بعض مافي شي يزعلنا الاونتشارك فيه .. ومانخلي احد يفرقنا بينا الا الموت يت ميثوه وقطعت عليهم الجواء : هاا هاا شو تسوون بروحكم محد رد عليها وفطوم نزلت راسها مستحيه ميثوه : ها شو اختار حبيب القلب حامد : الفيروزي أحلى وسار عنها صوب الشباب وقالهم رايح شوي وبيرجع لين ما يخلصون البنات مريوم سارت عند الشباب ولقتهم يالسين يطنزون مريوم: بسكم ماشبعتو شكلكم ما شا الله جمعتوا اجر وايد جابر : مريوم طالعي ريلج شو لابس مريوم : وينه ( وتمت ادورة لين ماحصلته كان وااحد خال ضخم وشعرة معقص ويخوف) لاااااا بسم الله على ريلي الكل يضحك وثاني فخاطره عني افداج يا الغالية من الحين ادافعين عني يت الهنوف ويزوي عندهم وكانو خلاص اختارو فساتينهم احمد: شو الريم اختارتي فستان مريوم : لأ احمد : ليش حضرتج وانتي بتمين جي دوم الكل يخلص الا انتي مريوم : يعني اخذ واحد مش في خاطري ثاني راز ويها : يا اخي كيفها خلها على راحتها مريوم: هي صدقه خلي على راحتي واكيد في النهايه بحصلي واحد احمد : سمعو شو تقول يونه في النهاية انتي دومج تصومين تصومين وتفطرين على بصله ثاني في خاطره وهو يمزح هذا شوفيه يغلط على حبيبتي .. تبا تضارب لا قولي تبى تضارب ساروه : تعالي الريم ندورلج فستان .. مريوم :هذا حلو شو رايج فيه ساروه : هي يجنن نفس مالي .. مريوم ليش ما تخذينه خلينا نطقم حلو شكلنه بكون مريوم: ممممممم .. خلاص اوكي خلصن كل البنات وراحن يحاسبن جابر :وين حامد احمد : قال بسير شوي وبيرد مادري شو عنده ...هاذو يى ولد حلال ويوم خلصوا طلعو صوب العين وفي الطريج كان احمد وثاني يتسابقون في سيارة احمد احمد : شفو السبال شو يسوي... (ويكمل يكلم عمره) ثنوي يالقرد وخر لأدعمك.. ااااااااااااااه ياالاهبل بعد ..ياربي طلع مني الشعر الابيض هاذا مايعرف يسوق هالثور حامد: حوو استاذ احمد انا يوعان شو رايكن بنات في سيارة ثاني مريوم : ما اصدق هالسفاح شوكان يسوي فيني جابر : لابعد ازيدج من الشعر بيت يضربج ويتسبب فيج ويقول حق الكل ماحبها واايد بزاية كله تصيح مريم : اصيح من اللي يسويه فيني هالسفاح ثاني : حراام عليكم والله ما اذكر مريوم : لازم ماتذكر من بلاوييك السودة سارة: عاد انتي ما قصرتي بعد كله تعضينه جنج مب جايفه خير والله لين الحين اذكر كيف تشوه المسكين ذيج الفترة مريوم : يستاهل من لقافته ثاني : قاعدة تتكلم عن بلاويه وما تشوف عمرها الهمجيه كيف هنالج قلبج مريوم: لا عادي مثل ما انته هنالك قلبك جابر : شو سويتو فينا يو كنتو ياهال .. عذبتونا كنتو تكرهون بعض لدرجة كبيرة ماتتصورون كيف ورن تلفون جابر جابر: هلا حامد : اهلين اقول يوعانين جابر سال اللي في السيارة جابر : هي والله ميتين يوع حامد : بنوقف في مطعم الشيشه وطلبو اللي تبونه جابر : خلاص اوكي برايك وقفو عند الشيشة والكل طلب اللي يباه والشباب نزلو يشترون حلاو ودقت مريوم حق احمد مريوم : هلا حمود احمد : اهلين شو تبين مريوم: حمود لو سمحت ييبلي لبن وياك تعرف أي لبن احمد: هي اعرف لبن آب وبندت عنه واشترالها وعطاه ثاني عشان يعطيها ثاني : حق مين هاللبن احمد :حق مريوم ما تشرب غازات وفي سيارة ثاني انجب البيبسي على مريوم فراحت تتغسل ويوم ردت توكلو صوب العين وكان ثاني مطول على المكيف مريوم: ثاني قصر بردانه ثاني : من عيوني ( في خاطره بعد اذا تبين ادافيج بعيوني يا الغاليه( مر الوقت ووصلو العين وسارو عند يدتهم لان جابر وثاني وساره يبون يسلمون عليها ويوم وصلو نزل الكل يسلمون عليها وحصلوها راقدة وقالو بكرة بيون يسلمون عليها ونزلو حامد وميثة واليازية بيتهم والباقي سارو بيت ابو احمد وفي ابو احمد دخلوا الصالة شافو هدوء تام لان ابو احمد وام احمد راقدين وثاني وجابر راحو يرقدون في غرفة الضيوف وسارة راحت ترقد ويا مريوم لان فطوم طلعت بغرفة بروحها من ازعاج مريوم في حجرة فطوم فطوم يالسة اتكلم ربيعتها شمة فطوم : خلاص بموت ما اصدق ان حامد طلع يحبني شموه : والله قتلج من حركاته انه يحبج بس كل يوم وانتي مطلعة حجة فطوم : والله ويهي قفط وهو يكلمني ....احد يدق باب ...شموه لحظة شوي فطوم :منووووووه ودخلت المشكارة وبايدها كيس جنان فطوم : هذا حقي المشكارة :هي من بيت بابا جمعة فطوم : مشكورة خلاص... غريبة توني وياهم منو مطرش حقي فطوم : سوري حياتي طولت شموه : لا عادي بس بسير ارقد وبكره بكلمج في الجامعة فطوم : اوكي باي وسكرت فطوم وحطت الكيس على الشبرية وفتحته ولقت فيه صندوقين ودبدوب وسط ماسك قلب احمر وشكله جنان وايد وشموع معطرة وكرت اما الصندوقين كان واحد حلاوة باتشي وثاني فيه سوارة من ديور وتخبلت فطوم عليها وعقب يلست تقرا الكرت وكان مكتوب فيه تعجبني والله واعجبك والغيرة ادري تعذبك الحب ما يرحم احد تعبني والله وتعبك اغير والله..اغير عليك من نسمة عبير من الشمس من نسمة هوا مني انا نفسي اغير . . . سمحيلي حياتي على كل مابدر مني حامد وفطوم خلاص ماتت من الفرحة ما كانت تعرف ان حامد رومانسي جذيه وانه يحبها فطوم : ياربي الحين كيف ارقد وانا فرحانة جذي بين من الوناسة وفي غرفة مريوم قعدن سوالف الين صلاة الصبح وعقب صلن ورقدن وفي صالة ابو احمد ابوحمد وام احمد يالسين يتريقون ونزلت فطوم واحمد يسولفون فطوم واحمد : السلام عليكم وسارا يوايهون امهم وابوهم ام احمد وابو احمد :وعليكم السلا م والرحمة تعالوا تريقوا فطوم : مشكورة مااريد ريوق بس نسكافيه عشان ما اتاخر ...ايرني شغل الدريول السيارة ايرني : هي فطوم : يلا عيل انسير باي الكل : الله يحفظج وسارت فطوم بيت عمها شلت ميثوه وعقب ساروا الجامعة ابواحمد : احمد عيال عمك ما نشو احمد ما ادري بسير اطالعهم جابر وثاني : السلام عليكم الكل : وعليكم السلام والرحمة عيال حلال تونا بنشوفكم واعين ولا لا جابر : لازم فديتك عمي بنش عشان بسير بيت يدوه وعقب ورانا خط ام احمد : خلاص بخلي المشكارة توعي سارة... برندا يا برندا برندا :نعم ماما ام احمد :سيري وعي سارة برندا : انزين سارت برندا توعي سارة وبعد خمس دقايق نزلت سارة وياها مريوم عشان تودعها مريوم وساره : السلام عليكم الكل : وعليكم السلام والرحمة جابر : الله عليكن يا الحبايب صايحات ( لا عيون مريوم وساره كانت حمر( ثاني : شكلهن متكافخات مريوم : هي هي هي سخيف ياويهك ماتعرف تنكت (وتكمل كلامها موجهتن للباقي الا ثاني) لان مارقدنا الا بعد صلاة الفير ثاني في خاطره: بل عليج لا يكون يوم آخذج بتصبحين علي جي.. الله يعيني وراي اعلمج الرقة ما خذيتي من اختج الفطيم كل الدلع والرقة.. مالت علي وعلى هالقلب المصرقع تريقو وسارو عند يدتهم يسلمون عليها بعدين توكلو صوب ابوظبي وسارت مريوم ترقد وقبل ما اتسير حجرتها شافت باب حجرة فطوم مفتوح ودخلت حجرة فطوم وشافت صندوق الباتشي وخذت كم حبة وسارت ترقد وقالت يوم اترد فطوم بسالها من وين الحلاو وفي الجامعة امتحنن فطوم وشموه وميثوه وطلعت فطوم كل مستوى اول غير الانجليزي مستوى ثاني وميثوه كل مستوى اول وشموه مستوى اول عربي وتقنية معلومات ومستوى ثاني رياضيات والانجليزي مستوى 3 وكل وحدة ردت البيت واتفقت فطوم انها تسيربكرة عند شموه وردت البيت وصلت وسارت ترقد وقالتلهم ماحد يوعيني ويوم سارت حجرتها يتها مريوم فطوم سارت غرفة الملابس وغيرت ثيابها ولبست بجاما برنودا فيروزية من لاسنزا وسارت انسدحت على الشبرية وما تحس بلحظة الا الباب انجلع من قوة الفجة وسارت عندها ومطت اللحاف عنها مريوم : اعترفي من منو الحلاو فطوم : انجلعي برع الحجرة برقد حرام عليج مريوم وهي تناقز على الشبرية : يلا قولي انا الحين متعنية ويايه اسالج وتقوليلي انجلعي فطوم وهي تبى ترقد : فكني حرام عليج من حامد ارتحتي والحين هويني مريوم وهي اتصارخ :جذابة...يا الله بلا سخافة من مين فطوم : امااااااااااااااااااااااه تعالي شوفي بنتج اريد ارقد مريوم ظهري حرام برقد والله من حامد مريوم ونشت من الشبرية وسارت صوب الباب: يا ويهج مش منج من الي يسولف وياج ..لا وبعد لابسة فيروزي لازم ترى حبيب القلب يحب فيروزي وفي العصر ميثة سارت السوق ويا امها وسلطان وراحو يتشرون ودخلو book store وكان داخل منصور يتشرى وصدفة لمح بنت شافها من قبل الي ماخذه عقله وقلبه وتاكد زود يوم شاف سلطان عدالها ويناديها ميثوه ومنصور بخاطره : اخيرا حياتي شفتج منصور يوجه كلامه حق سلطان : هلا بالشاعر ميثوه من سمعت صوته انجلبت فوق تحت وسلم منصور على امها وعقب لف صوبها وقال فخاطره : هلا بعمري وحياتي وهلي وبعدين نزلت فطوم المغرب وشافت الكل متيمع في الصالة فطوم : السلام عليكم الكل : وعليكم السلام ورحمة ام احمد : فطوم حياتي سيري كلي فطوم : امايا انا الصراحة مشتهية من الكفتيريا احد يبى اطلبله وياي الكل : ما حد وسارت فطوم ادق وقبل ما اتشل السماعة رن التليفون وكانت يدتها وقالتلها ان الملجة اجلوها الين الاسبوع الياي عشان اخوالعروس مسافر ويرجع الاسبوع الياي وسارت فطوم ودقت حق الكافتيريا وطلبت وعقب ردت الصالة وقالتلهم الي قالتلها يدتها وبعد العشاء كلن سار حجرته يرقد وفي اليوم الثاني سارو الجامعة فطوم وميثوه وشموه مثل كل يوم وعقب كلن رد بيته وسار يرقد ورقدت فطوم الين المغرب ويوم نشت يلست تتلبس وتتعدل عشان اتسير عند شموه ونزلت تحت في الصالة فطوم : هلا اشحالكم الكل : الحمد الله فطوم : اما يا بسير عند شموه ام احمد : برايج بس لا تتا خرين وسارت فطوم عند شموه ميثوه دقت حق مريوم قالتلها تيها البيت لان محد عندها وقالتلها مريوم بتلبس وبيي وسارت عندها وقعدوا مجابلات التلفزيون ويسلفون شموه :والله نور بيتنا حياتي فطوم :منور حياتي باهله وقعدن البنات يسولفون وفطوم فسخت عباتها وشيلتها وكانت لابسة تنورة بيج وقميص كت مخطط وردي وبيج وعنابي ومرة وحدة دخل اخو شموه محمد ( اكبر من شمة بسنة ويدرس هندسة وهو اسمر وطويل ( وينصدم بفطوم جدامه وفطوم ما عرفت شو اتسوي لانها بدون عباه واتذكر عمره اخوشموه وقال اسف وظهر وفي خاطره ما حلاها جنها ملاك وعقب يا الدريول ويا المشكارة وركبت فطوم السيارة وعقب سارت بيت عمها عشان اتشل مريوم ويوم وصلو ودقو هرن ميثوه : لا حرام لا اتسرين الحين ما حد عندي مريوم : لا حياتي سيري رقدي وراج جامعة ميثوه : حتى لو اسير ارقد ما اقدر لاني اخاف بروحي تمي بعدين بوصلج وسارت مريوم وقالتلهم مابسير عقب بيي وردت فطوم البيت وهزبتها امها عشان ردت الساعة عشر وسالت عنها مريوم وقالتلها فطوم انها ما طاعت اتي ام احمد : ليش مايت ما اتشوف الساعة كم البنت مفروض خلاص الساعة عشر في البيت خلاص بقول حق ابوكم ما يخليكم اتسيرون بيت احد فطوم : انزين انا شو يخصني بنتج ما طاعت اتي وسارت فطوم ادق حق ميثوه وقالت حق ميثوه تقول حق مريوم ترد البيت وقالت ميثوه حق مريوم ومريوم دقت حق الدريول وقالتله اييها فطوم وميثوه تمن يسولف وبعدين بندن وتمت مريوم وميثوه يسولفن ويت الساعة 12:30 وبعده الدريول ما يه ردت مريوم ادق حقه ميثوه : اذا ادقين حق الدريول لا ادقيله مريوم : ليش ميثوه: لأنه ما بيي مريوم مستغربة : شو دراج ميثوه: لان شي استوى في بيتكم …. شو تتوقعون مستوي في بيت ابواحمد يتبــــــــــــــــــــــــــــــــــــــــــع |
الجزء الرابع ميثوه : اذا ادقين حق الدريول لا ادقيله مريوم : ليش ميثوه: لأنه ما بيي مريوم مستغربة : شو دراج ميثوه: لان شي استوى في بيتكم مريوم: ميثوه لا تلعبين بأعصابي شو مستوي ميثوه: دريولكم دعم سيارة اخوج مريوم : لا ياويلي ميثوه : ليش شو يخصج مريوم :لاني يا الحلوة يوم يى رديته والحين انا دقيتله وقتله اييني يلا قومي وصلني وسارت ميثوه تتلبس وسارت هي ومريوم مشي حق بيت ابو احمد (لان بيت ابو مبارك قبل فلة ابواحمد بفلتين) وفي الطريج مريوم : ميثوه خلاص خلينا انرد بيتكم ببات عندكم ميثوه : تراني من الصبح اقولج بس انتي مش راضية مريوم : هي عشان صدق ينحرون كانت فطوم في الصالة تتعشى وياها الهنوف وشافو امهم تنزل ابسرعة من الدري الهنوف : امايا شو فيج ام احمد : شو صار سمعت خبطة قوية فطوم والهنوف : ما ندري وسارت ام احمد والهنوف وفطوم يلبسن شيلهن البيض وظهرن في الحوش عشان يشوفون شو صار كان الدريول داعم سيارة احمد وكاسر المنظرة الجانبية والسيارة كلها اتشمخت على ينب ام احمد:شفتوا ارتحتوا الحين بروحه الدريول ما ايسوق عدل وين مطرشينه الحين فطوم خافت اتقول ان مريوم تباه الهنوف : امايا هدي فديت روحج انشاء الله السيارة ماياها شيء ام احمد : سيروا وعوا اخوكم عشان يدق حق الشرطة وسارت فطوم ووعوت اخوها ونزل يطالع سيارته وينازع الدريول احمد : احول ما اطالع ليش الله خلقك عيون الدريول : انا اسف ما يشوف انا يسوي ريوس بعدين في دعم سيارة مال انته ودق احمد حق الشرطة عشان اتي البيت وقبل ما يوصلون عند الباب مريوم شافت ليت سيارة جان تلف وقالت حق ميثوه عشان تلعب باعصابها ميثوه لحقي شرطة ورانا ...امزح وعقب ميثوه لفت وراها مريوم يا الخبلة صدق شرطة ورانا جان يتغشن ميثوه : مريوم ما بدخل مريوم :يا الخبلة عيل تبين تليسين بروحج عيل ودخلن البيت ودخلت سيارة الشرطة وراهم وكان في بيت أبو احمد الكل يالس برع ويوم دخلت الشرطة دخلن البنات داخل ومريوم وهي داخله كانت تضحك وفجأه لقت احمد جدامها جان تقول بخاطرها: ياويلي احمد: دخلن داخل يلا بسرعة ميثوه ومريوم : انشاء الله وسار احمد عند سيارة الشرطة وفيها اثنين وكلهم ربع احمد وسوو محظر وخلصوا وساروا وقالو حق احمد خل بكرة ايي الدريول المرور وعقب احمد سار داخل البيت عشان يرقد ميثوه : يلا عيل انا بسير ام احمد : سمحيلنا ميثوه فديتج نسيناج ويا هالربكة كلها ميثوه : مسموحة فديتج خالوه على شوه والله ما قصرتوا بسير يلا الدريول برع مع السلامة وعقب كلن سار حجرته عشان يرقد ومريوم سارت حجرتها عقب هزبة محترمة ويوم ميثوه سارت البيت سمعت حشرة في غرفة الطعام وسارت صوبها ووقفت منصدمة ميثوه: محمدوه يالخايس متى رديت والله تولهت عليك.. وسارت اتسلم عليه ويلسو شوي يسولفون عقب كلن سار حجرته عشان يرقد وفي اليوم الثاني في السعودية خالد : يلا اخلصوا عشان نلحق على الطيارة وما اطير عنا نعيمة : يلا انا خالصة بس بشوف العيال اذا خلصوا وراحت نعيمة صوب غرفة سلوى نعيمة : سلوى خلصتي يلا عشان مانتاخر سلوى: يلا انا خالصة بس احمد كان يدور شيء ومالقاه نعيمة : يلا روحي الصالة عند ابوج وشوفي عادل وياج وانا بسير عند احمد وراحت نعيمة غرفة احمد وقعدت ادور وياه تلفونه ويوم لقته راحوا الصالة وعقب ظهروا من البيت للمطار سلوى وهي اكثر وحدة فرحانة لانها بتشوف بنات ام احمد وفي ابو حمد الهنوف يالسة في غرفتها ما اتعرف كيف اتقول حق محمدوه انها ما تباه بدون ما تجرحه ونزلت تحت عند امها ام احمد : يا هلا تعالي حبيبتي يلسي وياي الهنوف : امايا ابى اقولج شيء بس ما اعرف كيف ابدء ام احمد : شو فيج رمسي روعتيني الهنوف : امايا انا ماريد محمد دخيلكم لا تغصبوني عليه ام احمد : ازين مايسوى كلها خوف والله هاي حياتج وانتي ابخص فيها وفي غرفة فطوم فطوم : خلاص احس عمري منتهية الله ياخذ الجامعة انشاء الله مريوم :ـــــــــــــــــــــــــــــــــــــــــــــــــ ــــــــ فطوم : لا الحلوة مش وياي مريوم مريووووووووووووووموه مريم : شوفيج شو اتبين فطوم : اقول مش منج مني انا الي مجابلتج وانا تعبانة واريد ارقد طلعي برع ابرك مريوم :خيبه شو سويت عشان تطرديني بلا قلة ادب فطوم : والله تعبانة ياخوفي تي الحين امي وتقول يلا بنسير مكان مريوم : يلا برايج عيل ويوم يت تطلع مريوم جان تدخل ام احمد ام احمد : يلا بنات جهزن حالكن عقب ساعة بنسير صوب ابوظبي فطوم : لاااااااااااااا امايا حرام والله تعبانة ما فيني اظرب خط لابوظبي ام احمد : يلا لاتتاخرن تعرفون يوم ابوكم يعصب وسارت مريوم حجرتها عشان تلبس وهي فرحانة انها بتشوف ثاني ويلست فطوم تتلبس وكان الها خلق عشان تتعدل واتعدلت وطلعت جنان ومريوم كالعادة ماحطت الا قلوس وجحال لان جمالها جمال طبيعي مايبالا تعدل خلصن ونزلن تحت وحصلن الكل يترياهم تحت ابو احمد: جان مانزلتن يا العرايس مريوم: حمدو ربكم انّا حنّينا عليكم ولولا شفقتن عليكم مانزلنا فطوم: بعدين يكون بعلمكن تبونا نروح لازم بعد مانظهر تمشونا احمد: هي يا بنات محمد الله يعين اللي ياخذكم لو بعد بنت شيخ مابتسوي مثلكن.. يلا جدامي اشوف فطوم: اصلا منو قالك اني بعرس بيلس على قلبك انته وحرمتك في هالبيت والكل يضحك عليهم وركبو السيارة وسارو صوب بيت ابو مبارك عشان يسيرون ويا بعض في ابوظبي (ابو جابر اخو ابو مبارك وابو احمد بس من حرمة ثانية وعنده جابر وهو معرس وثاني وسارة من حرمة في قطر بس متوفية وعنده منصور 22 وسلمى 24 وهي معرسة وعندها ولد اسمه سالم 3 سنوات من حرمته الي في قطر( ابوجابر: سيرو تلبسو عمومكم وعيالهم يايين في الطريج ساره: بين البنات بعد ابو جابر: مادري والله يا بنيتي ثاني : دقي حق الريم وسأليها سارة :شمعنى يعني مريوم ولابعد يقول الريم ابو جابر : يلا قوموا تلبسوا قبل ما ايون وفي بيت شمة ربيعة فطوم شمة: امايا بسير ملجة اخو ميثوه بنت عم فطوم ام شمة : ماشي سيرة صكي الدعنة ويلسي شموه : امايا ام شمة :لو انه ملجة فطوم ربيعتج خليتج اتسيرين دخل ابو شمة الصالة : السلام عليكم ام شمة وشمة : وعليكم السلام والرحمة شمة : امايا حرام بسير ابو شمة : شوفيج الشم شو تبين شمة : اريد اسير ملجة اخو ربيعتيه ابوشمة : بنت منو شمة : جمعة مبارك ابو شمة : الي اخوه محمد مبارك ونعم الساع ويوم اتكلمين اربيعتج خليها اتسلم على ابوها شموه : انشاء الله ابوي ابى اسير انا وعدتها اني بيي ابو شموه: خلاص برايج سيري شموه : فديتك ابوي .........وسارت حبته فوق راسه وراس امها وسارت فوق حجرتها وصلوا ابو مبارك وابو احمد بيت ابو جابروساروا ارياييل ميلس الرياييل والحريم ميلس الحريم وفي ميلس الرياييل ابو جابر : والله نور البيت بوجودكم وردت الروح فيني ابومبارك وابواحمد : تسلم البيت منور باهله ويلسوا الشواب يسولفون ويا بعض والشباب يسولفون في طرف ثاني منصور : ياربي متى اعرس احمد :مستعيل الريال منصور : اسكت لو شفتها تموت مكانك والله انها ملاك خليفة : يا هالطاري الي مايخلص لازم وين ما اسير اسمع عن العرس محمدوه : يعني عرس وفكنا وافتح المجال جدامنا خليفة : اها يعني حاط وحدة ابالك محمدوه : ياريت اتوافق الي في بالي منصور وثاني : اعترف منو خليفة : اكيد فطوم حامد ومحمدوه بطلو عيونهم حامد معصب : فطوم حقي والله بجتله الي بياخذها محمدوه : والله انا ما يخصني مش انا الرامس خليفة : والله كنت اتحرى ان محمدوه بياخذ فطوم لان كله داق سوالف واياها حامد : لا بعد داق يسولف وياها شو رايك تاخذها بعد يكون احسن صح محمدوه : هي لا اتسويلي مشاكل خلوف اصطلب احمد : فكونا صدعتوا راسي ترى ما بعطي ولا واحد منكم اختي مش مستغني عنها خليفة : بسير اغسل ايدي ابرك وسار صوب المغاسل وهو يغسل ايده بهدوء والامان ومرة وحدة انفجرت طبلة اذنه من الصراخ ويلتفت ويشوفها ومن جمالها ما قدر يشل عينه عنها وقعدت سارة اتصارخ وما انتبهت لجدامها سارة : منصور يا السبال ليش عافس غرفتيه فوق تحت ومنصور من وراها : فضحتينا الله يفظح العدو ولفت سارة وراها وشافت منصور وقالت في بالها لو هذا منصور عيل منو من الصبح انازع وردت لفة وطالعة خليفة هو يضحك وصارت كلها طماطة وشردت عنهم من الفشيلة وفي الطريج شافتها مريوم مريوم: صرصوروه عنلاتج ياالمصرية شو فيج محمرة ساروه: لحقيني مريوم لحقي على بنت عمج المقرودة شو سوت مريوم: بسم الله ساروه خرعتيني .. شو مسوية قالت ساروه حق مريوم السالفة ومريوم ناقعة ضحك عليها ساره: مريوم يالسبالة بسج ضحك انا مفتشلة وانتي ولا على بالج مريوم: عادي حبيبتي تكت ايزي الا ولد عمج (وتكمل ضحك عليها( ساره: مش منج من اللي يقولج مريوم: سوري حياتي غصب عني انتي حولة مااطالعين ساره: حوله بعينج يا المصرقعة الله يعين اللي بياخذج.. تعالي اشوف جدامي خلينا نسير عند البنات وسارن عند البنات وتمن يسولفن لين المغرب يرن تلفون الهنوف احمد: هلا الهنوف : هلا والله احمد: اقول الهنوف قولي حق البنات يتزهبن اذا يبن يظهرن الهنوف : والله صدق احمد : هي والله بس لا تتاخرين بنترياكم 5دقايق بس الهنوف:آمر انته بس احمد : مايامر عليج عدو .. يالله براايج باي الهنوف:باي يزوي: شوفيه حبيب قلبي شو يبى مريوم: عيب انا صغيرة ما اسمع هالكلام يزوي :يونه عاد ..ماتسمعين هالكلام يالجذوب ..انت كل البلاوي تعرفينها الهنوف: اوووووووووف كل منكم نسيت أقولكم يقولولكم الشبّيبة يلا اذا تبن تسيرن 5 دقايق وبسيرون (تشوف ساعتها) بقت 4دقايق.. قامن البنات يلبسن عبيهن وطلعن ماعاد مريوم لأنها تعبانه ومافيها تسير معاهم في الحوش عند السيارات محمدوه :أنا واحمد والبنات في سيارة والباقي في سيارة الثانية حامد: لا حبيبي قاص على عمرك هذا اللي ناقص بعد سيارة فيها فطوم ما تركب فاهم يالثور محمدوه: محد ثور غيرك خذها معاك وحطها بعد فوق راسك حامد: محمدوه عن الغلط ولاّ والله هالنعال بويهك الحين خليفة : هدوا هدوا ليش هالضرابة الحين فكونا حامد : خله هو الي مايدّخل فيها فطوم حقي انا بس محمدوه : والله بنت عمي احمد: بس انته وياه على الاقل حشموني انا اخوها وترمسون عنها جدامي ولا جني موجود وين البنات: السلام عليكم الشباب : وعليكم السلام والرحمة ثاني يوايج بين البنات يدوّر على مريوم ثاني : عيل وين الريم سارة : تعبانة وما فيها اتسير احمد : يلا وين تبون اتسيرون الهنوف وفطوم : المارينا خليفة: انزين يلا انسير سيارة احمد فيها احمد والبنات كلهن وسيارة خليفة كل الشباب وساروا المارينا وفي المارينا دخلن البنات برمود عشان يتشرن حق الجامعة ويلسوا الشباب في الكوفي الشوب الي مجابل برمود فطوم يالسة تتنقى بين التنانير وهي مش متغشية وكانت متعدلة وكان وراها واحد ويا اربيعه ومن اول ما دخلت وهم يطالعونها وهي مش منتبهة وحامد اول ما دخل كان يدور وين البنات وشاف فطوم وراها شباب وعصب وسار عندها على طول حامد : خير نعم أي خدمة وفطوم اول ما سمعت صوت حامد لفت وانصدمت باللي وراها وتغشت واحد من الشباب ياشر على فطوم ويقول : طالع خربت علينا الحين اتغشت ارتحت حامد : لااااااااااااااااا شو رايك اسير اقولها تعطيك صورتها ضحك ورد عليه الثاني : والله.. خلها تعطيك درزن.. تدري انه جمالها نادر حامد مفول على الاخر ويضربه وتموووا ويتهاوشون ويتكافخون وحشرتهم واصله لين خاري وفطوم ميتة خوف وشباب العايلة اول ما سمع الصوت سارو داخل يفججون بينهم احمد: حامد هد الريال فضحتنا حامد وهو يصارخ: ماشوفه الحيوان قاعد يغلط على حرمتي (ما انتبه شو قال( فطوم والكل منصدم هذا شو يقول هذا الريال: ونحن شو درانا عالمين غيب حامد : لا والله.. ليش انت ترضى احد يرقم احد من خواتك الريال: ــــــــــــــــــــــــــــــــــــــــــــــــــ ـــــــــــــــــــ محمدوه سحب حامد ووداه بعيد عنهم جابر يكلم الريال وربيعه: سيروا احسلكم قبل ما يرد حامد سار عند فطوم ويوم شافها طار كل اللي كان يبى يقوله حقها ..كان مجابلها وعينه في عينها حامد: فطوم... فطوم: ـــــــــــــــــــــــــــــــــــــــــــــ (بعدها منصدمة من اللي قاله من قبل شوي ( حامد: فطامي ادخيل الله لا تذبحيني ارحمي حالي فطوم:ـــــــــــــــــــــــــــــــــــــــــــــ ـــ حامد: فطوم اذا كنت تعزيني صدق لا تتعدلين... الا حقي .. فطوم شوفيج ساكته تكلمي ..قولي شي فطوم : حامد بس خلاص (وهي مستحية) تدري ليش ساكته ليش ما اتكلم.. حامد انت بصراحة كبرت بعيني وتبى الصراحة يحظي فيك الله لا يحرمني منك انشاء الله حامد : لحظة بسير ويمكن ما ارد فطوم : وين بتسير حامد وهو يطالعها بنظرات حب : بسير انتحر خلاص ما اقدر على هالكلام الحلو وفي بيت ابو جابر مريوم وام احمد وام جابر في الصالة ومريوم يالسة تتثاوب ام جابر: سيري فديتج رقدي في حجرة سارة مريوم : وين ارقد وورانا درب فليل ام احمد : سيري رقدي يوم بنروح بنوعيج وسارت مريوم حجرة سارة ولقتها مقفولة وردت عندهم الصالة مرة ثانية وقالت حق ام جابر انها مقفولة وقالتلها تسير حجرة ثاني وسارت مريوم حجرت ثاني ويوم يلست على الشبرية شافت صورة ثاني وهو يضحك وظاهره غميزاته جنان حست بقبضة في قلبها تمت اطالع الصوره جان تضحك وقالت بخاطرها: صدق اني غبية في العين خالد ونعيمه وعيالهم وصلوا المطار وساروا بيت ام جمعة في مارينا محمدوه شاف الهنوف بروحها وكانت فرصة عشان يكلمها محمدوه:الهنوف الهنوف: آمر محمدوه : ما يامر علييج عدو..(ويكمل وهو مختبص) الهنوف كلمتج يدوه اني اباج الهنوف: محمدوه بقولك شيء بس لا تفهمني غلط محمدوه: ليش ما تبيني الهنوف: لا محمدوه بس انا اعزك شرات اخوي وانته اصلا ما اتحبني بس انته معجب بشخصيتي صدقني انته اكيد الحين بتقول هاي ما اتحس اتقولي جيه بس بكرة مع الايام بتعرف اني صادقة وبعدين صدقني الف وحدة تتمناك محمدوه ساكت مايعرف يرد عليها يحس حلمه بلحظة اتشتت وادمر الهنوف : محمدوه ياريت ما تزعل مني واتفكر بكلامي عدل وسمعوا صوت خليفة يزقرهم عشان يسرون البيت محمدوه : السموحة ....... وسار عند الشباب طلعوا من المول والهنوف تلومت بمحمدوه بس قالت اقوله من الحين ما احبه احسن من بعدين الله يعيني يا ربي ويوم راحو عشان يركبون السيارة الهنوف : ويت ويت احمد سارة وين ياويلنا نسيتاها في المحل احمد الله يخليك سيروا صوبها بسرعة احمد : كيف تنسونها انتو اصلا.. ودق احمد حق خلوف قاله انهم نسو سارة في المحل وعشان لا يتوترون اخوانها ما قلولهم وقالوا ان احمد وخليفة بنزلون لان نسو شيء في المول ودخلو احمد وخليفة صوب برمود وقعدو يدورون سارة والمشكلة اكثر البنات متغشيات فكيف بيعرفونها وسار دق احمد حق الهنوف عشان ياخذ رقم سارة وعقب عطته الهنوف رقمها احمد: خلوف انته دق انا استحي خلوف: لا والله ليش انا مش انت عيل انا ما استحي احمد: خلوف انته اكبر يلا دق تلقى البنية احينه ميتة من الخوف خلوف: انزين فكنا عطني رقمها .... وخلوف يحس قلبه يدق ما ايعرف كيف يكلمها ودق على تلفون سارة سارة : الو خليفة : الو مرحبا سارة سارة : منو خليفة : انا خليفة سارة :منو خليفة خليفة : انا خليفة ولد عمج سارة : انزين انتوا وين سرتوا والله انه قلبيه طاح من الخوف خليفة : سلامت قلبج الغالية بس نحنا ظهرنا وانتي ابطيتي في المحل ونسيناج وينج انتي الحين سارة : انا عند باب البرمود انتوا وين خلوف: نحنا الحين بنيج وسارة كانت تمشي صوب الباب الي هم عنده وكانت متغشية وتمشي سيده وخلوف واحمد مشوا صوب الباب الي هي عنده ودعم خلوف سارة ومسكها عن لا اطيح سارة : امايا خليفة : اسف ماشفتج سارة : لا عادي يلا انسير السيارة وساروا ركبوا السيارة وقعدوا البنات يتاسفن حق سارة عشان نسوها وسارة كانت سرحانة ومش وياهم كانت تفكر يوم اداعمت هي وخليفة وكيف مسكها وكان خايف عليها وردوا البيت الكل سار الصالة الا ثاني سار صوب حجرته عشان يبدل ثيابه دخل الحجرة وشاف المكيف مشتغل فستغرب لانه قبل مايسير ما شغلاه فسار صوب الشبرية ويلسة واول ما يلس جان يسمع مريوم من وراه تونّ جان ينقز من مكانه شاف مريوم راقدة جان يختبص ما يعرف شو يسوي ومرة وحدة سمع حد ياي حجرته جان يندس في الحمام وكانت سارة يايه توعي مريوم عشان يسيرون العين ساره: مريوم.. مريوم.. يلا نشي بتسيرون مريوم: ممممممممم ... الحين الحين قامت وسارت حمام برع الحجره لانه الحمام اللي في الحجرة مقفول وعقب مريوم اتغسلت واجهزت وسارت تركب السيارة وعقب اهل العين ردوا بيتهم وكلن سار يرقد ونشت الهنوف الصبح وكانت اتحس عمرها خلاص يتموت وسارت صوب حجرة فطوم الهنوف : فطوم لحقني بطني فطوم نشت خايفة : هنوف شو فيج الهنوف :ما دري بطني خلاص بموت فطوم : انزين اتري شو حياتي ... وفطوم وهي خايفة سارت صوب حجرة امها فطوم : امايا ام احمد كانت في حجرة الملابس الي في الحجرة ويوم سمعت صوت فطوم طلعت منها ام احمد : صباح الخير شو بلاج فطيم فطوم : امايا لحقي الهنوف اتصاوي من بطنها ام احمد : بسم الله شو بلاها وينها الحين فطوم : بحجرتيا وساروا فطوم وام احمد صوب حجرة فطوم وسمعو الهنوف اتصاوي من بطنها ام احمد : شو بلاج امايا الهنوف : امايا بطني ام احمد : فطوم سيري ييبي عباية اختج وعباتي ولبسي عبايج فطوم : انشاء الله وسارت فطوم ولبست عباتها فوق بجامتها ويابت عباة الهنوف وامها وعقب ساروا المستشفى الدكتور: ليش مايبتوها من قبل لازم الحين اندخلها غرفة العمليات ام احمد : خير يا دكتور شبلاها بنتي الدكتور : بنتج فيها الدودة الزايدة و جنبها وايد منتفخ فما ادري ممكن انفجرت فيها .. عن اذنج الحين لازم ندخلها غرفة العمليات في البيت مريوم نشت من الرقاد ونزلت الصالة وما حصلت حد في البيت مريوم: برندا.. برندا برندا: yes mam what you want مريوم: وين ماما برندا: Idont know مريوم : بسم الله امي وين سارت من صباح الله خير سارت صوب حجرت فطوم والهنوف و ما حصلتهم بعد مريوم: والله شكلهم سووها فينا سارو المول وخلوني راقدة الا مرة وحدة يدق التلفون وكانت فطوم وخبرتها كل شي فى المستشفى ظهروا الهنوف من غرفة العمليات الدكتور يكلم ام احمد: حمد الله على سلامت بنتج .. مشا الله على بنتج مادري كيف استحملت من يومين كان واحد فيه الدود الزايدة بعد بس حالته كانت اهدى من حالت بنتج حشر المستشفى بازعاجه ام حمد: مشكور وما تقصر اسمحلنا دكتور تعبناك ويانا الدكتور: سموحه خالوه ما سويت الا واجبي يلا الحين مروح شي فخاطرج خالوه ام احمد: مشكور الغالي ما تقصر ومرت ثلاث ايام وردت الهنوف البيت وسارت حجرتها ترقد تعبانة وفطوم نفس الشيء يتبـــــــــــــــــــــــــــع ... |
وفي بيت ابو مبارك اليازية : اليوم ظهروا الهنوف لازم انسير حقها البيت فديتها ما تستاهل ميثوه : هي والله فديتها كان شكلها تعبان يزوي : حتى فطوم وخالوه ام احمد شكلهم تعبان ام مبارك : يلا الحمد الله ردت الحين البيت وجهزوا عماركم عشان العصر نسير صوبهم يزوي وميثوه : انشاء الله العصرفي بيت ابو احمد نزلت الهنوف تحت ام احمد: يا امايا اشحقه نازلة تحت جان يلستي في حجرتج عشان ترتاحين الهنوف : يا مايا مليت يالسة ومجابلة اربع يدران ام احمد: على راحتج سوي الي يريحج ونزلت فطوم من الدري فطوم : السلام عليكم اشحالكم الكل: الحمد الله وسارت فطوم ويلست عدال الهنوف الهنوف : امايا بسير بيت اربيعتيه ام احمد: وين بتسيرين وانتي توج طالعة من المستشفى ماشيء سيرة الهنوف : امايا بسير انقل الدروس واكتب واجبات الي فاتتني ام احمد : انزين برايج بس لا اتطولين الهنوف : انشاء الله فطوم : هنوف ما اتولهتي على احد الهنوف : منو فطوم : دكتورج الهنوف : ااااه سكتي الله يخليج والله احس اني تركت المستشفى وتركت قلبي عنده فطوم : يا عيني على الحب الهنوف : سكتي الله يخليج انتي يا جوليت ورميو حامد فطوم مستحية : حرام عليج الهنوف : بسير اتلبس وسارت الهنوف تتلبس واتعدلت ودقت حق ربيعتها وقالتلها تستناها عند الباب وركبت السيارة ويا الدريول والبشكارة ووصلت بيت اربيعتها واستقبلتها اربيعتها امل (امل بيضة وايد وقصيرة وعيونها عسلية وملامحة حلوة وناعمة وعندها اخوين اكبر عنها سيف اكبر واحد وعمره 26 وعقبه خالد24وعقبه امل 20( امل : مرحبا الساع شحالج حياتي الهنوف : الحمد الله يسرج الحال امل : تعالي بنسير حجرتيه عشان تاخذين راحتج الهنوف : اوكي وسارن الهنوف وامل حجرة امل وفسخت الهنوف عباتها وشيلتها عشان تاخذ راحتها وقعدت الهنوف تنقل الي فاتها امل : هنوف بسير شوي وبرد الهنوف : انزين بس لااتطولين امل : انشاء الله وسارت امل عشان تيب عصير حق الهنوف وتقولهم تحط فوالة في غرفة الطعام ودخل سيف اخو امل البيت وسار على طول غرفة امل عشان يتعطر ومسك غرشة العطر الهنوف كانت تكتب على سرير امل ويوم سمعت الباب اتحرتها امل الهنوف : جان ما ييتي الشيخة سيف يوم سمع الصوت طاح قلبه ما اتوقع احد في الحجرة ويوم لف على مصدر الصوت انصدم بالهنوف جدامه (عقب ماردت الهنوف البيت كان سيف يتمنى يشوفها لو نظرة لان هو كان دكتورها في الدودة الزايدة) لا مستحيل انا في حلم والهنوف رفعت راسها عشان اتشوف امل ليش ما اترد عليها وانصدمت بالدكتور سيف في ويها وما عرفة شو اتسوي وتدخل امل الحجرة وتنصدم باخوها سيف جدامها امل : سيفوه شو اتسوي هني بسرعة اطلع برع وطلع سيف برع امل : الهنوف والله سوري حياتي الهنوف : لا عادي حياتي امل : هو يشتغل دكتور ولازم حضرته يخلص عطوري قبل ما ايسير الدوام الهنوف : هي ادري ترى هو الي عالجني ( وقالتلها السالفة كلها( امل : انتي الي حاشرنا عليها ياحظي بتين عندنا البيت الهنوف مستحية : ـــــــــــــــــــــــــــ ودخلت الخدامة : ماما امل في دريول مال صديقة مال انتي امل : لا مايلستي الهنوف : والله انا قلت حق امي ما بطول اشوفج عقب في الجامعة وردت الهنوف البيت وهي تضحك الهنوف: السلام عليكم الكل : وعليكم السلام والرحمة م احمد : غناتي سيري غيري ثيابج ونزلي اتعشي الهنوف : ماريد امايا كلت بيت اربيعتيه مريوم : هانم هنوف داشة البيت وشاقة الحلج متاكدة سرتي بيت اربيعتج مش مكان ثاني الهنوف وهي تضحك : سخيفة وسارت حجرتها فوق وغيرت ثيابها ولبست بجاما ويلست على السرير تقرا دفتر اشعارها وهي سرحانة ويقطع سرحانها تلفونها وسارت الهنوف تيب تلفونها من على التسريحة الهنوف: الو امل : الو هلا شحالج الهنوف : حشى ما اسرع ما اتولهتي علي توني عندج امل وهي تضحك : سخيفة مش منج مني انا الي داقة يلا باي الهنوف : حياتي اسولف وياج امل : خلاص سامحتج انزين هنوف كم رقم امج الهنوف : ليش امل : لا بس امايا اتريد تتعرف على امج الهنوف: اها ......وقالتلها رقم امها وفي الصالة مريوم : انا شاكة ان الهنوف فيها شيء مش طبيعي فطوم : سكتي الله يخليج يا محقق كونن بطالع الفلم وفكيني من حشرتج مريوم : انزين اريد اعرف شو فيها فطوم : امايا شو في بنتج ام احمد : بس من الحشرة مريوم : بروح اسئلها ابرك فطوم : فكة مريوم : منج ........وسارت صوب حجرة الهنوف ورن التلفون البيت وسارت فطوم اتشله فطوم : الو ام امل : الو السلام عليكم شحالج فطوم : الحمد الله يسرج الحال خلوه شحالج انتي ام امل : بخير ونعمة امج هني فطوم : هي بس لحظة....امايا تلفون ام احمد : منو فطوم : ما اعرف ام احمد : انزين هاتيه....السلام عليكم ام امل : وعليكم السلام والرحمة ام احمد شحالج وشحال العيال ام احمد : الحمد الله يسرج الحال بس الغالية منو سمحيلي والله ما عرفتج ام امل : لا فديتج مسموحة انا ام ربيعة الهنوف امل ام احمد : يا هلا والله شحالكم انشاء الله بخير ام امل : الحمد الله يسرج الحال بس الغالية بخاطرية شيء ام احمد : امري شو بخاطرج الغالية ام امل : والله بغيت اييكم باجر عشان نخطب الهنوف حق ولدنا سيف ام احمد:يا هلا والله فيكم يا مرحبابكم في أي وقت ام امل : مشكورة الغالية خلاص موعدنا باجر توصين على شيء الغالية ام احمد : لا سلامتج يا ام سيف ام امل : خلاص عيل بخليج الحين مع السلامة ام احمد : الله يحفظج ....وسكرت ام احمد التلفون فطوم : امايا منو هاي ام احمد : هاي ام امل ربيعة الهنوف فطوم : هي شوعندها ام احمد :بتيي باجر عشان تخطب الهنوف حق ولدها فطوم : اهاا....اما بسير ارقد وراي جامعة تصبحين على خير امايا ام احمد : وانتي من اهل الخير غناتي ويا اليوم الثاني ويوا اهل امل عشان يخطبون الهنوف حق سيف (سيف عمره26 حنطاوي طويل عريض وجسمه متناسق وعيونه سود ناعسات وشعره ناعم شوي طويل يوصل الين حياته من اول مرة شاف الهنوف دخلت خاطره على طول ( وسار ابو احمد بيت امه ودق حق اخوه جمعة عشان ايي بيت امه وقالهم انا في ناس يو يخطبون الهنوف وسئلو عنهم وهم ناس ماشيء يعيبهم وهو ما شاء الله عليه دكتور جمعة : بس محمد قال يباها ابو احمد : دق شوفه وين خله ايي هني وبعد فترة قصيرة محمد : السلام عليكم الكل : وعليكم السلام والرحمة ... وسار ايوايه عمه لان سلم على يدته الصبح محمد : خير امروا شو بغيتوني ابو احمد : الهنوف ياينها خطاب مرخصنها ولا محمدوه قلبه انقبض كان وده يصارخ ويقول الهنوف حقي بس انا بس الهنوف قالت ما تباه كيف ياخذ وحده ما تباه محمد : لا عمي مرخصنها ولا تردون نصيبها ام جمعة : شياك احيدك تباها محمد : لا امايا بس استويت احسها شرات يزوي وميثانة ام اجمعة : يوم اقولكم خلوا بناتكم يتغشون من عيال عمهم ما اطيعون ارتحتوا الحينة كل واحد يعد بنت عمه شرات اخته امره انتو ما تسمعون الرمسة ابو احمد : يا امايا كلن ونصيبه وهذا مكتوب من عند الله وبعد مرور ثلاث ايام ردوا على اهل امل ان الهنوف موافقة وخلوا الملجة الخميس الياي وفي اليوم الثاني ......الخميس الكل محتشر لان ملجة مبارك اليوم في بيت ابو احمد....الساعة وحدة الظهر ابو احمد واحمد (توهم داخلين البيت رادين من الشركة): السلام عليكم ام احمد : وعليكم السلام والرحمة واحمد سار فوق عشان يغير ثيابه ويلس ابو احمد عدال ام احمد في الصالة ابو احمد : شحالج غناتي ام احمد :الحمد يسرك الحال شحالك انت ابو احمد : دامني وياج انا بخير......عيل وين البنات ام احمد : راقدات وكل ما اطرش البشكارة حقهم عشان ينشن يقولون انزين ولا ينشن ابو احمد : طالعي الساعة كم وبعدهم صالون خلاص بسير اوعيهم ام احمد : لاانا بسير اوعيهم الحمد الله خلو الملجة في بيت اخوك لان حوشه اكبر ....الحين انته سير غير ثيابك عشان نتغدا ابو احمد : انشاء الله وسارت ام احمد عشان توعي البنات واول شيء دخلت غرفة الهنوف ام احمد : الهنوف يلا اماية نشي عشان تتغدون وتلحقون على موعدكم في الصالون الهنوف : انشاء الله اماية الحينة بنش ....ونشت وسارت الحمام وظهرت ام احمد وسارت حجرة مريوم : مريوم مريوم : مممممممممممممم امايا ابا ارقد ام احمد : غناتي نشي يلا عشان تتغدين واتسيرين الصالون مريوم : انزين ام احمد : ما بظهر الين ما اتنشين من الشبرية ....ونشت مريوم وعقب ظهرت ام احمد وسارت صوب حجرة فطوم ام احمد: فطوم امايا نشي يلا فطوم : امايا ماريد برقد ام احمد : فطوم يلا عشان اتسيرون الصالون فطوم : امايا يعني لازم انروح وانجابل الحريم ام احمد : يلا نشي فطوم : انزين ها نشيت ....وفرت اللحاف وسارت الحمام وفي بيت ابو مبارك الكل محتشر ويشوف الخيام كيف مركبينها ومجهزينها لان اهل العروس قالو خلو الخيام في بيت المعرس احسن لان بيت المعرس اكبر ام مبارك : ياربي يا هالبنات مانشن الين الحين متى بسيرن وما فيني ارقى فوق حقهم يا ايري ايري : نعم ماما ام مبارك: سيري وعي ميثة ويزوي بسرعة ايري : انزين ماما وسارت ايري توعي يزوي وميثانة من الرقاد ودخلو خليفة وبروك في الصالة : السلام عليكم ام مبارك : وعليكم السلام والرحمة الله يعطيكم العافية ها شو الخيمة بروك : الصراحة عجيبة صدق حلو ذوق عمي محمد وولده احمد ام مبارك : ليش هم الي مختارينها مبارك : هي اماية ترى الخيمة هدية من عمي محمد ام مبارك : ياحليله مايقصر محمد دوم تلقاه قايم بالواجب وزود ونزلن يزوي وميثوه يزوي : امايا منو بيوادينا الصالون ام مبارك : والله الدريول محد شوفوا واحد من اخوانكم يوديكم بروك : والله انا واحد مافيني لازم اكون مرتاح حق فليل خليفة : انا بعد مافيني واحد هلكان من التعب من الصبح وانا اراكض حق اخوج ميثوه : يعني مانسير ام مبارك: مش لازم تتعدلن في الصالون اتعدلن في البيت يزوي : لاوالله نحنا اخوات المعرس لازم انكون احلى شيء ام مبارك : يا الحشرة سيروا وعوا حامد ولا محمد ميثوه : عشان يذبحونا خليفة : انزين سيروا ويا بنات عمي محمد يزوي : صح والله فكرة ترنا بنسير صالون واحد وسارت يزوي ادق حق الهنوف وقالتلها الهنوف انها بتتلبس وبتمر عليهم وسارت تتلبس وعقب نزلت تحت الهنوف : امايا وين فطوم ومريوم ام احمد : بعدهن مانزلن الهنوف : ياربي بنتاخر نحن خمس بنات متى بنخلص ونزلن فطوم ومريوم مع بعض وهن يسولفون ويتضحكن الهنوف : سنتين جان بعد يلستوا زيادة ليش نزلتن اصلا فطوم : انتي ليش معصبة حياتي خليج ريلاكس الهنوف : امايا ما بتسيرين ويانا ام احمد : لا مافيني على حشرة الصالون بحط بروحي (ام احمد تحب وايد تعتني بعمرها وشكلها حتى الي يشوفها ما يعطيها عمرها( الهنوف : اوكي يلا باي وركبن البنات السيارة وقالوا حق الدريول يسير بيت ابومبارك وصلو بيت عمهم وركبن ميثوه ويزوي السيارة وسارن صوب الصالون ونزلن الصالون وقالوا حق الدريول يرد البيت في ابوظبي ابو جابر : يلا ياعيال تجهزو عشان نطلع العصر سارة: ليش مستعيلين خلونا نسير المغرب جابر: يا الحلوه متى تبين توصلين سارة: عادي شو المشكلة الساعة 8 نوصل منصور: لايكون الحبيبه ناسيه انه ملجت ولد عمج ولازم تكونين هناك قبل الغريب ابوجابر: ولاّ ثاني وينه من طلعته الفير لين الحين مارد وينه جابر : واحد من ربعه ياي من قطر من يومين وراح عنده ابو جابر:دقوله وقولوله انا ظاهرين العصر في بيت ام يمعه سلوى: ماما متى بنسير الصالون نعيمه : اتريا فهد عشان يودينا سلوى : طيب وين السايق نعيمه:محد سلوى: وبابا نعيمه: تعبان لانه من الصبح وهو برع عند الرياييل .. دقي حق محمدوه خليه يودينا سلوى:أنا.. انا ادقله نعيمه: ليش تستحين .. ييبي التلفون خليني اكلمه ويوم مسكت التلفون دخل فهد وتغدى ووداهم الصالون في صالون حنان شقير الهنوف ويزوي خلصن الهنوف كانو مسويلها مكب احمر ولانها بيضه فطالعه جنان وشعرها كان مفلول لانه قصير لين جتفها ويزوي بعد تخبل واللوك روعة ومسوية تسريحة وفطوم وميثوه ومريوم اللمسات الاخيرة رن تلفن الهنوف ويوم شافت يزوي الرقم مطت التلفون وردت يزوي: مرحبا ملايين ولا يسدن وان زادن لاباس احمد : يعلني افدا صاحبت الصوت ياربي.. قولي آمييييييييين يزوي مستحيه: آمين احمد: ياربي هالانسانه كيف تذبحني ..احبج يزوي:ـــــــــــــــــــــــــــــــــــــــــــــ ــــــ احمد: افاااااا شو مالنا نصيب يزوي: استحي اقولك تدري انا بعد احمد: شو انتي بعد يزوي مستحيه:احبـ....ك احمد: ياربي على المستحى يعلني افداه وافدا صاحبه الهنوف تمط التلفون من يزوي: بسكم تغزيل ببعض .. خير شوتبى احمد: اوف منج وانتي دايم تخربين الاجواء بينه متى بتعرسين وبتفكنا الهنوف : يا ويهك يالسة على قلبك.. احمد: يالسه على قلبي وسيوف حبيب القلب الهنوف استحت وما ردت عليه احمد : ههههههههههه شو وينج وين سرتي الهنوف: خير شو تبى احمد : يا الله الكل محتشر الساعة سبع وبعدكم ما خلصتوا الهنوف : اوكي نحنا خلصنا تعال حقنا يلا احمد : اوكيك يلا شاو يزوي : بعدهم مريوم وميثوه وفطامي ما خلصوا الهنوف : الين ما ايي بكونون خلصوا.......طالعي هكن خلصنا .....الله فطوم محلا مكياجج ليش يطلع عليج الفيروزي جنان وانا ابيض منج ولا يطلع علي جي حلو اسميج صدق اليوم بتنخطبين فطوم : تسلمين حياتي حتى انتي اتخبلين وما يحتاي احد يقولج لانج تعرفين انج احلى وحدة فينا يزوي : حتى مريوم طالعة جنان وايد حلو وايد عليج الفوشي مريوم : وانتي احلا حياتي وينك يا احمد اتي اشوفها ميثوه : يعني انا مالي رب الهنوف : افا وانا اقول منو هالحلوة البرتقالية الي ويانا طلعتي ميثوه لا ما اصدق صدق ميثوه طالعة جنان وكيوت وايد ميثوه : مشكورة حياتي ويرن تلفون الهنوف وكان احمد متصل عشان يطلعون وطلعو البنات من الصالون وركبو سيارة احمد احمد : هانم يزوي ليش متغشية يلا عقي الغشوة بشوفج ابسرعة يزوي : مابا استحي ميثوه : بدى الفلم الهندي الحين احمد : اتصدقين ميثوه طالعة حلوة ميثوه : مشكور من ذوقق ولد عمي يزوي : لا والله احمد : ازين عقي الغشوة بشوفج حلوة ولا لا عشان ما اتواهق فيج عقب يزوي:عيل والله ما اعق الغشوة احمد : انزين ليش تحلفين اصلا انتي خايفة اشوفج وما تطلعين حلوة يزوي : احمد احمد : اوكي خلاص اسف حبيبي بس كنت ابا اشوفج الهنوف : بس فكونا عورتوا رؤسنا احمد : انزين اخواتي ليش متغشيات مريوم : بس ما نبى احد يطالعنا الين ما انخلص لبس كامل احمد : اها ..اقول يزوية وميثوه كيف بتروحون حجرتكن والناس في بيتكم يزوي : ترى فساتينا في بيتكم يعني بسير بيتكم وعقب بنسير بيتنا احمد: ايوا جي يعني بعد فترة وصلو البيت وحصلوا ساروه بنت عمهم هناك وسلمو عليها وسارت يزوي حجرت الهنوف عشان تتلبس وميثوه سارت حجرت فطوم وساروه سارت عند مريوم في حجرت الهنوف الهنوف كانت تتلبس في حجرت الملابس ويزوي خلاص تجهزت بس بقالها اللمسات الاخيرة ويوم خلصت انفج باب حجرت الهنوف احمد: هنووف حزري من ...................... احمد جاف يزوي وانصدم وكانت عيونه مبطله على آخر شي يزوي منزله راسها: احمد شو فيك شي فيني مب عيبنّك احمد: ـــــــــــــــــــــــــــــــــــــــــــــ ــــــ يزوي :احمد شوفيك اتكلم احمد تقرب من يزوي وتم يطالعها وقال: سبحان ربي كيف خلق انسان بهالجمال وربي ملاك مب انسان (تقرب اكثر منها وحباها بين عينها( دمعت عين يزوي من الفرحه احمد: لا حبيبي لا تخربين اللوك.. اباج تكونين احلى وحده هناك وابتعد عنها وظهر وسكر الباب وراه يتبــــــــــــــــــــــــــــــــع |
في حجرت فطوم كانت فطوم جاهزة وكانت تهبل ويوم شافتها ميثوه: يعلج يا السباله من وين يايبه هالجمال كله فطوم : تشاهدي على ويهج لا يستويلي شي ميثوه: تف .. تف .. خمسة وخميسة عيني عليج باردة ..ههههههههههههههههههههههههههههه.. فطوم :ههههههههه خبله حتى انتي ما يبالج كلام مشاء الله عليج جنان وخاصة البرتقالي عليج وايد حلو ميثوه: تسلمين حياتي انا مااريد احد يقول عني حلوة الي شخص واحد يهمني فطوم : منو ميثوه :حبيب قلبي منصور المنصوري فطوم : يا عمري لاتتمسكين بالامال وعقب تنصدمين بالحياة ميثوه : فطامي دخيلج لا اتعورين قلبي بالهرمسة فطوم : حياتي لاني احبج اقولج جي انزين يلا ننزل تحت في حجرت مريوم مريوم توها طالعه من حجرت الملابس ساروه: مريوووووووووووووم واو تخبلين مريوم: يلا عاد روحي قصي على ياهل من وين ياني الجمال ساروه : احلف بربي انج تخبلين انت اليوم شي ثاني .. الله يعين اللي بياخذج من جمالج بذوب بستوي مينون.. ( وطر فجأه ثاني براسها وقالت في خاطرها هو اصلا مينون) صدقيني باجر بتلقين طوابير عند البيت.. يخربيت الجمال وابوه مايصير جي يونه بنطقم وطالعه احلى عني مريوم: فديت روحج صرصوروه والله انت بعد روعه وكلمه روعه شوي عليج ..والله لوكان عندي اخو ثاني جان خليته ياخذج ساروه سرحانه وما ردت عليها مريوم: اللي ما خذ عقلج يتهنابه ساروه : آمييييييييييييييييييييييييين مريوم : يعني حد ماخذ عقلج اعترفي منو ساره:ــــــــــــــــــــــــــــــــــــــــــــ مريوم: منو يلا يلا قولي ساروه وهي مستحي: اوف .. خليفه مريوم: خلوووووووووووووووووووووووووف ساروه: ليش يحب حد مريوم: خلوف لا مايحب على العكس حبيبتي عرفتي تتنقين ياي فرحتني ساروه ساكته ومحمره مريوم: والله ماتتخيلين هالانسان كيف روعه صدق بتكونون ثنائي حلو وتمن يسولفن وبعدين طلعت مريوم عشان تييب كعبها من تحت ومرت على الميلس وكان الباب مفتوح وجافت احمد يالس بروحه ومعطنها مقفاه .. ودخلت شوي شوي عشان تخوفه ويوم وصلت عنده مسكته من خصره وصارخت بأذنه.......... نقز من مكانه والتفت وانصدمت يوم شافته لانه ماكان احمد كان ثاني ولد عمها مريوم ترتجف مكانها وقافطه ::: وثاني من شاف مريوم وهو مبلم (ياويلي ياولي ربي احمني ما اقدر استحمل) مريوم وخدودها محمرةوبصوت مبحوح: السموحه كنت اتحراك احمد (مريوم ربعت برع الميلس من الفشيله( ما رد عليها وتم يطالعها يبى يشبع من شوفتها ما توقع انه في يوم من الايام بتي وحده بتسحره بجمالها وسارت مريوم حجرتها وسوت عمرها عادي عشان ما اتشك سارة وعقب كلهن نزلن البنات وفي الصالة ابو احمد : مشاء الله عليكن الله يحفظكن ياربي ام احمد سيري جهزي الميالس من الحين بيونج خطاب يخطبون بناتج ام احمد : تعالو بقرا عليكن الله يحفظكن وتوه يدخل الصالة احمد : يلا اخرتونا..... (واحمد فج عيونه) منو هذيلا صدق ماشاء الله عليكن اخواتي والله صدق من الباجر الخطاطيب على الباب ابوحمد: يلا بسرعة وكلهم ركبوا السيايير وساروا بيت ام مبارك ودخلن نعيمة وسلوى بيت ابو مبارك وسلموا على الحريم وعقب دخلوا الخيمة وقعدوا يسلمون والحريم يمدحون سلوى وسارت سلوى تيلس على الطاولة سلوى : ياربي وينهم تاخروا وايد واول ما خلصت جملتها دخلن البنات كلهن وفسخن عبيهن وعقب ساروا يسلمون وكل من يطالعهم يسمي عليهم ويسالن اذا مخطوبات ولا لا وعقب ساروا يسلمون على يدتهم ويا سلوى ام جمعة : مشاءالله عليكن يابنات عيالي غاويات تعالن بقرا عليكن البنات : تسلمين امايا وعقب رن تلفون فطوم وكانت اربيعتها شموه شموه : الو فطوم : مرحبا ملايين بذمتيه ولا يسدن وان زادن لا باس شحالج غناتي وينج شموه : انا وامي عند الباب يلا تعالي فطوم : يلا يايتنج وسارت فطوم صوب اربيعتها واول شيء سلمت على ام شمة فطوم : شحالج عموه ام شمة : يسرج الحال غناتي شحالج انتي فطوم : الحمد شحالج شماني شموه : الحمد الله فطوم : امايا ام احمد : نعم يا امايا شو تبين فطوم : تعالي سلمي عى اربيعتيه وامها وسارت ام احمد وسلمت عليهن وعقب يلست ام شموه ويا ربعها وسارت شموه ويا فطوم وسلمن البنات على شموه وقعدن يسولفون الهنوف : سلاوي ليش ما ييتي بيتنا سلوى : عشان ما تزعل ماما نعيمة خلاص من بكرة بشل شنطتيه وبنام عندكم الهنوف : اوكي وعند الشباب احمد : ها بروك شو النفسية مبارك: الحمد الله خايف احس بطني يعورني خليفة وهو يضحك : عيل شو خليت حق العروس وقامو الشباب يولون كان عندهم ربشة وجو كله سوالف وضحك حامد : ياربي متى بعرس محمد : لا تستعيل على رزقك اول سافر ويوم ترد يستوي خير حامد : والله ودي اصيح ولا اسافر بس شو اسوي يوم هو غصب عني وعند البنات سارة : اقول بسير ايلس بربط الكعب لان خيوطه انفجن وعقب بيكم اوكي البنات : اوكي ميثوه : انا بسير شوي وبرد وسارت ميثوه داخل بيتهم وعقب سارب المطبخ عشان تشرب ماي وشافت واحد معطنها ظهره قالت اكيد واحد من اخواني لان ماحد بيدخل المطبخ غيرهم وسارت وحطت ايدها على عيونه ميثوه : منو انا منصور : ما اعرفج ميثوه يوم سمعت الصوت انصدمت لان مش صوت واحد من اخوانها وعقب فجة عيونه ولف هو وشافها منصور وهو شوي بيموت : انتي ملاك ولا انسان وربعت ميثوه عند البنات وقلبها يدق وما اتصدق كان الي جدامها منصور وسارت سارة يلست على الكرسي ويات وحدة ويلست عدالها البنت : مبروك سارة : الله يبارك فيج منو انتي البنت : انا اربيعة خليفة انصدمت سارة ونشت على الطول وسارت داخل البيت ودخلت حجرة ميثوه وقعدت اتصيح ام احمد تنادي بناتها عشان يسلمون على حرمة ين البنات يسلمن على الرحمة كان شكلها غنية ومحترمة وراقية وايد ام احمد : امايا سلمن على ام راشد اول شيء سلمت الهنوف ام راشد : شحالج غناتي الهنوف: الحمد الله ام احمد :هاي الهنوف ثالث سنة جامعة مخطوبة وملجتها الاسبوع الياي ام راشد : غاوية مشاء الله عليج ام احمد : وهاي فطوم اول سنة جامعة ام راشد : مشاء الله عليج شحالج غناتي فطوم : الحمد الله يسرج الحال خلوه شحالج انتي ام راشد : يوم اشوفج غناتي اكيد ابخير فطوم: تسلمين خالوه ام احمد : وهاي مريوم اخر العنقود ثالث ثانوي ام راشد : ما شاء الله اشحالج امايا مريوم : يسرج الحال خالوه ام راشد : حصوه تعالي ويت حصة تستوي حرمة راشد ولد ام راشد وسلمت عليهم وسارت ويا ام راشد (ام راشد عيبتها فطوم وايد وقالت في نفسها انها بتخطبها حق ولدها هزاع قريب ( (عايلة ابو راشد عنده اشغال وايد ويا ابو احمد وهو تاجر وعنده خير وايد مشاء عليه وهو منصوري وعنده ثلاث اولاد وبنتين اول ولد راشد ماخذ حصة وعنده ولد منها عمره 4 سنوات وعقب هزاع ما شاء الله عليه احلى واحد من اخوانه واخواته وهو طويل وعريض وابيضاني وجسمه رياضي وعيونه ناعسات وخشمه.. سيف وعمره 27 وهو طيار اسبوع يشتغل في شركة ابوه واسبوع يشتغل طيار وهو مخبل بالبنات وراعي سوالف.. وعقب سلامة 25 معرسة وعندها ولد عمره سنتين.. عقب خالد حبوب وراعي سوالف يحب بنت عمه عمره 24 وعقب مهرة 20 وخطوبه حق ولد عمها ( وردن بنات ام احمد حق البنات مريوم : جنها سارة طولت يزوي : صدق وينها ويت صوبهم سارة وسوت عمرها عادي مريوم : وينج طولتي سارة : تعرفين الين ما اعدل المكياج وجي فطوم : ابا اسير اسوي ريفرش حق مكياجي ميثوه : حتى انا يلا انسير وعند الشباب حامد يالس ويا اربيعه منصور واييه مرة وحدة سلطان يربع وفي ايده كوب عصير وبدون قصد جبه على حامد حامد : شو ما اطالع احول جبيته علي اف اسمحلي منصور بسير ابدل وبرد صوبك منصور : مسموح الغالي .... وقعد يفكر بميثوه والمقلب الي صار وياها وعند البنات يت ام مبارك ام مبارك :منو الغاوية الي وياكم الهنوف : هاي شموه اربيعة فطوم خالوه ام مبارك : شحالج غناتي شموه : يسرج الحال خلوه ام مبارك: عيل يلا برايكم بشوف اذا يت العروس (وام مبارك عيبتها شموه فقالت دام حامد بياخذ فطوم بخلي محمد ياخذ شموه( وسارن فطوم وميثوه غرفة حامد لان غرفته تحت وقالت ميثوه سالفتها ويا منصور حق فطوم فطوم : يعلج ما اتشوفين ميثوه : شو اسوي يعني وسارت فطوم صوب المنظرة عشان اشوف مكياجها ميثوه : انا بسير الحمام وبيي فطوم : اوكي لا طولين ميثوه : انزين وعقب شوي دخل حامد الحجرة وقفل الباب فطوم اتحرته ميثوه فطوم : ما اسرع ما رديتي حامد كان يفسخ كندورته انصدم بالصوت ولف وشاف فطوم جدامه حامد : فطامي فديتج شو اتسوين اهني فطوم انصدمت وخافت حامد : ماشاء الله عليج اتخبلين ما اروم اصبر خلاص متى بتزوج وسمعوا دق على الباب فطوم : يا ويلي ...... شو فطوم بتاخذ هزاع ولا حامد؟؟؟؟؟؟ .؟؟؟؟؟؟؟؟؟؟؟؟ يتبـــــــــــــــــــــــــــــــــع..~~~~ |
الجزء الخامس وعقب شوي دخل حامد الحجرة وقفل الباب فطوم اتحرته ميثوه فطوم : ما اسرع ما رديتي حامد كان يفسخ كندورته انصدم بالصوت ولف وشاف فطوم جدامه حامد : فطامي فديتج شو استوين اهني فطوم انصدمت وخافت حامد : ماشاء الله عليج اتخبلين ما اروم اصبر خلاص متى بتزوج وسمعوا دق على الباب فطوم : يا ويلي حامد وهو يضحك : شو انسوي الحين فطوم : مادري ... أي شيء اندس تحت الشبرية او في الكبت ...اي مكان كيفك حامد : لا والله اهون عليج فطوم : حاااااااااااااامد حرام عليك يلا حامد : انزين بس ابى اقولج شيء قبل فطوم : يلا بسرعة حامد : ترى هذا اخر يوم بتشوفيني فيه فطوم : ليش حامد : بسافر بريطانيا وبرد بعد اربع سنوات فطوم : لا ماريد مستحيل حامد وانا........ ما اقدر اصبرعنك واندق الباب مرة ثانية وسار حامد واندس في الكبت وسارت فطوم تبطل الباب ميثوه : ليش قافلة الباب اعترفي يلا فطوم : كيفي ميثوه: طبعا بتقولين كيفي مش غرفة ريلج فطوم استحت لان حامد في الكبت وما عرفت شو اترد :لا والله بعده ما استوى ميثوه : شفتي صورته اليديدة والله الكل تخبل عليها ...لحظة بطلعها حقج فطوم : الله جنان روعة مشاء الله عليه ... نست فطوم ان حامد في الكبت ويوم خلصت رمستها اتذكرت واستحت وحامد من سمع رمستها قال في خاطره ( الله لا يحرمني منك ومن حلاك ودلالك وما اتمنى غير شوفك مبتسم مرتاح بالك( فطوم : اقول ميثانة خلينا نظهر يلا اتخرنا على البنات في الخيمة ميثوه : اكيد بتقولين يلا دامج شالة االصورة بيدج خلاص ارتاح قلبج فطوم : ميثاااااااااااااااانة ميثوه : انزين يلا انسير ويت العروس وكانت حلوة وكيوت مثل العروس بليلة عرسها ودخلت على موسيقى هادية وكانت امها ماسكتنها الين الكوشة عقب شغلوا الاغاني وعند البنات مريوم: مافيها من جمال بس انها بيضة فطوم : هي والله نحن احلى سارة : حرام عليكم ليش جي اتقولون البنت حليوة مريوم : انا احلى صدق والله ما عرف يختار (ورن تلفون مريوم ( مريوم: فديتج والله ام احمد: الو مرحبا مريوم: مرحبتين بنور حياتي ام احمد: الريم وينج حبيبتي مريوم: في خيمه ليش امايا تبين شي ام احمد : تلفوني عندج مريوم: هي ام احمد: يبيلي اياه حبيبتي مريوم :من عيوني تامرين امر انتي دقيقتين ويايتنج ام احمد: يلا انقفضي اترياج وبندت عنها وسارت عندها عشان تعطيها التلفون ويوم ردت قبل ما تدخل الخيمه كانت تبى تعدل عمرها وشافت سيارة موقفه قريب من الباب سارت صوبها وتمت تتعدل جام المنظره وكان داخل السيارة بروك وكان امبندها يتكلم بتلفون وهي ماتدري لان السيارة فيها عاكس وبروك اول ما شافها: أقول سعود برايك بخليك الحين وتم يطالعها وهو مستغرب ويكلم عمره: منو هاي مريوم التفتت وتمت اتطالع عمرها من الجامه وتعدل الشيله عشان تدخل وبروك لاصق ويه في الجامه مش مصدق عمره ورد يكلم عمره: مريووووم لا مستحيل عنلّلاتج يا السباله محلاج صدق كبرتي انتي وينج من زمان عني.. اوووووف ما احلى عيونج.. ومره وحدة رن التلفون وانصعقت مريوم من سمعت الصوت وربعت داخل ميثوه : ياربي متى بيخطبني منصور فطوم : تحلمي انتي ميثوه : انا الصراحة احسدج فطوم لانج الي تحبينه تعرفين انه يحبج الهنوف : نحنا ما فكرنا بالعرس الين ما انخطبنا وانتو تفكرون بالعرس قبل ما اييكم الخطيب يزوي : هي والله سلوى : يارييت والله لو اعيش وياكم هناك ملل في السعودية انا البنت الوحيدة في البيت الهنوف : انتي حياتي بس خلصي المدرسة وعقب تعالي درسي الجامعة عندنا سلوى : انشاء الله وسمعوا ام مبارك تقول انهم بيدخلون المعرس وسارن الهنوف وفطوم وسلوى وسارة عشان يلبسن عبيهن ويوم دخل بروك كان يتلفت يدور مريوم ويوم شافها قال في خاطره: والله حاله اليوم ملجتي وقاعد ادور وحدة ثانيه واتغزل فيها.. لا بعد مش أي وحدة .. والله دنيا مريوم الّي الله حاط بيني وبينها كل نجير وغياظ لبس حرمته الشبكة ويلس وياها ويت المصورة اتصورهم مريوم تكلم فطوم: مادري على شو مختارنها .. ياويها تلوع بالجبد .. والله شكلهم ما يناسبون بعض فطوم: الله يعينها المسكينه بطلعين كل اللي فيها الحين مريوم : هذا الواقع انا ما يبت كلام من عندي.. ما تحسينها ضخمه الله يعينه بتذبحه.. احسن يستاهل هو اللي ياب حق عمره فطوم مستغربه من كلام مريوم: مريوم شوفيج شو هالرمسة مريوم وطاحت من عينها دمعه: اكره اكره ماتتخيلين كيف اكره ليش يسوي فيني جذي.. في شو هي احسن عني.. ولاّ لازم الوحده تكلم عشان اتعرس فطوم مسكت مريوم من ايدها وطلعتها برع الخيمه فطوم : الله يهديج ماقلتي انه خلاص انتهى من حياتج هو مجرد اعجاب كان مريوم وهي تصيح: فطوم ماادري اقص عليج ولاّ على عمري.. صدقيني مش بايدي هو مستولي على حياتي كلها..ساعات احس اللي بينا ولا شي مجرد وهم وساعات احس اني ميته بحبه .. حياتي من دونه مالها طعم فطوم : مريوم حبيبتي مثل ماحبيتيه انشا الله تحبين غيره واللي خلقاه خلق غيره مريوم وهي منهارة : بس هو مب أي حد مب أي انسان هو ...حبيبي ..حبيبي انا ... ليش يسوي فيني جذي من عطاه الحق .. اكرهه .. اكرهه من كل قلبي (ثاني كان ورى مريوم يوم قالت الجمله ويوم سمعها صار بعالم ثاني عالم قاسي ماله طعم كله الم وشوك( فطوم من شافت ثاني تغير ويها وقالت: ثاااني والتفتت مريوم ومن شافها وعينها مليانه دموع وخدودها محمره وشكلها يكسر الخاطر ثاني : الحقير النذل السبال كيف اتجرء ...انا اراويه فطوم: ثاني استهد بالله هذا قسمه ونصيب شو تراويه قدر ومكتوب ثاني: بس..بس...... مريوم تمت ترتجف وتحس الدنيا ادور من حواليها فطوم: مريوم شو فيج حبيبتي مريوم وهي تصيح : فطوم تعبانه ابى اسير البيت فطوم: وشو اقولهم لو سألوني عنج.. مريوم بشكون بعدين مريوم: فطوم تعبانه ما اقدر استحمل ثاني: انا بوصلها البيت وانتي قوليلهم فستانها انجب عليه عصير او أي شي شغل ثاني السيارة وركبت مريوم في السيت اللي ورى وسارو صوب البيت في الطريج مريوم كانت مغمضه عينها ودموعها تنزل وثاني يطالعها وكان قلبه يتقطع وهو يشوف حبيبته تتعذب وعشان واحد مايستاهل ... اااااااااااه يا عمري لو اقدر اسوي شي عشانج.. ونيت من قلبي تلوعت عقبك سلبتلي قلبي وجرحك سرقني.. اقول قلبي تقول اش عاد قلبك ان جيت بخفي الحب جرحك فضحني.. يوم وصلو الباب كان مقفول مريوم: ثاني براايك سير .. مشكور وماتقصر ثاني : شو اسير الدنيا فوضه .. خليني اطمن علييج بعدين بخليج وبسير.. على فكرة احد قالج انج حلوة يوم تصيحين تمت اتطالعه وكره عمره على التعليق اللي مش بوقته انفج الباب مريوم: جان مافجيتي الباب بعد برندا:ــــــــــــــــــــــــــــــــــــــــــــ ـــــــــــــ مريوم: وين كنتي ماتسمعين الجرس ولا ضربنج صمخ برندا:ــــــــــــــــــــــــــــــــــــــــــــ ـــ مريوم بصوت أعالى: ماتردين تكلمي تراني اكلمج ولا انتي واليدار واحد برندا تمت تصيح وتتكلم كلام مش مفهوم من كثر الصياح مريوم : يلا قومي عن ويهي لا تمين تبجبجيلي دموع التماسيح ما تمشي علي ثاني وهو منصدم من مريوم: مريوم حرام عليج شوي شوي عليها مريوم: وانتى شو خصك كلمتك.. لا خلاص.. وصلتني البيت واتطمنت ليش يالس بعد في البيت ما عندنا ريال في البيت ما لك حق تدخل ثاني منصدم من اللي يسمعه هذي اللي جدامه مش مريوم اللي يعرفها مريوم اللي يعرفها حبوبه حنونه عفويه قلبها ابيض مثل الطفل شو اللي استوى وغيرها صدق انه الحب ما يرحم ثاني: مريوم استهدي بالله ترى الكلام اللي تقولينه وايد قوي .. اول شي غلطتي على الخدامه والحين تغلطين علي بس معذوره يابنت العم .. بس احب اقولج لتخلين حبج لبروك يدمرج ويخليج انسانه مالها قيمه لذاتها مريوم :من تكون عشان تقول كل هذا لا يكون انك عرفت السالفة يكون لك الحق عشان تغلط على كيفك مني والدرب.. والله حاله انتو الرياييل كلكم نفس الشي مالكم امان خاينين ونذلين (مرة وحدة ما حست الا بكف على ويها نزلت دمعه وراها دمعه لين طاحت الدموع مرة وحده تمت تطالعه وهي منصدمه حست ان الكف رجعها للواقع بس بطريقه جرحتها( ثاني كان منصدم من اللي سواه حس بايده تحرقه من قوه الصفعه ثاني: مريوم...أنا... مريوم ماخلته يكمل ربعت فوق وسارت حجرتها وانسدحت على الشبريه تصيح وثاني طلع من البيت وسكر الباب بقو وركب سيارته وسار في اللحظه كان هزاع طالع من بيت ابو مبارك وشاف بنات يمشن وقعد يرقمهن وما حس الا بسياره خطفت عداله طلقه ولمح انها سيارة ثاني (وهو وثاني ربع من زمان) ولحقاه وسار ثاني عند العراقيب اللي مجابل بيت الحلامي وهزاع وراه ويوم وصل نزل ونزل وراه هزاع هزاع: يالسبال تبى تنفد عمرك ثاني وهو يصيح: الله يخليك خلني بروحي هزاع: ثاني شو بلاك شو فيك تصيح ثاني: الله يرحم والديك خليني بروحي مب ناقصنك هزاع: شو تخبلت انته اخليك بروحك عشان تسوي شي بعمرك وانا اتوهق بعدين ثاني: اووووووووووووووف منك (وسار ويلس ويلس عداله هزاع( هزاع: خير شوفيك قولي وريح قلبك ثاني: هزاع ايدي .. ايدي تحرقني وقلبي ماكلني ومعذبني هزاع :سلامه ايدك وقلبك يا الغالي ثاني: ياربي ليش انا جي حقير .. اذا ايدي تعورني .. المسكينه شو استوى بويها .. ياربي ليش سويت جذي هزاع: ثاني شو السالفة ..وشفيها ايدك وعن مين تتكلم ثاني: حبيبتي عمري قلبي اللي ذبحتها بقساوتي .. اااااه يا بعد كلي سامحيني (وقاله السالفه من اول ما حبها لين ما صفعها وتم يصيح ( هزاع: ثاني خلاص عاد اللي استوى ماتقدر تغيره ولا تلوم عمرك بتمر الايام وبتنسى وبترجعك مثل الاول وزود بعد ثاني : وين يا حسرة خلاص اللي بينه خلاص انتهى قبل مايبتدي هزاع : لاتقول جذي وخل ايمانك بربك قوي (وخلا هزاع ثاني يحط راسه على ثبانه وتم يهديه ويقرى عليه لين ما حس ثاني براحه نفسيه( في بيت ابو مبارك الكل سار بيته وبروك سار حجرته وقعد يفكر بمريوم وكيف كبرت بعينه ومره وحده رن تلفونه وكانت حرمته وقعد يكلمها في بيت ابو احمد كانو توهم واصلين والكل سار حجرته الا ام احمد راحت تشوف مريوم وحصلتها راقده وسارت حجرتها عشان ترقد وفطوم سارت عند مريوم بعد ما بدلت ملابسها عشان تتطمن عليها ولقتها راقدة خلتها وسارت هي وسارة يرقدون في اليوم الثاني في قطر في بيت اهل حرمه جابر ام حرمه جابر: متى بيي ريلج حصة: مادري الحين بسير اكلمه سارت ادقله جابر: هلا والله بام عيالي المستقبليين حصة: هي يونك لو كنت صدق غاليه ما خليتني كل هالفتره وانا اتريا جابر : افااااااااا حبيبتي انتي كل شي بدنيتيا من دونج ولا شي حصه : صدقتك جابر: قدها خلاص زعلت لا تحاولين لا تحاولين حصه: جاااااااااااااابر حبيبي جابر: خير شو تبين حصه: حبيبي احبـــــــــــــــــــــــــــــــــــــــــــــــ ــــك جابر: اااااااااااااااه ياقلبي ذبحتيني حصه: جابر متى بترد تولهت عليك جابر: صدق والله حصه: واللــــــــــه حتى اللى في بطني جابر: فديته حبيبي اخباره حصه : من يومين قاعد يرافس الله يسامحه وايد معذبني جابر: ياقلبي شكله صدق متوله عليه يله بشريه الاسبوع الياي ياي حصه : الاسبوووووع الياي وتقولي بشريه جابر: ليش وايد اسبوع حصه: وايد بس احس اليوم دهر من اول ما سافرت وتباني اتحمل اسبوع جابر : ياقلبي الله لا يحرمني منج وتمو يسالفون يتبــــــــــــــــــــــــــــــــــــــع |
| الساعة الآن 09:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir