|
البـآأآرت الثآ‘لـث .................................................. .......... المكان : بيت يدوه الساعه : 4: 37 الريم .................................................. ....... تميت ساكته حسيت ان ميروه عندها شي واترياها ترمس بس مارمست ونزلت عيونها وسكتت جان اقول الريم : فديتج ميروه شوفيج ميره بابتسامه حزينه : لا الغلا ماشي الريم : حبيبتي ميره انا اعرفج اكثر من نفسي ادري ان فيج شي حتى يوم تضحكين هب من قلبج ميره : ماعرف شو اقولج ولا شو اخلي بصراحه متضايجه الريم : انزين الغلا ارمسي ولاتخلين شي ف خاطرج جنج ترمسين عمرج وسرج ف بير ميره : انا ادري انج مابتقولين شي بس ماعرف ماعرف شو اقول وطاحت دمعه من عينها الريم : قولي الي ف خاطرج ميره : محمد الريم : شو فيه ؟؟؟؟ ميره : محمد ياريم ماعرف عنه شي من اسبوع الريم : همم مايفتح المسن ميره وهيه تصيح: هيه من اسبوع ومافتح اتريااه والله ياريم تعبانه اطرشله رسايل مايرد ياااريم انا احس ان فيه شي وعقب اتذكرت ان اخت قبل كانت ويانا ف السكول تعرفينها شيخو المهم اتصلت قلت بسحب منها الرمسه ويلست اسولف وياها وقالتي ان اخوها مسوي حادث من فتره ودخل ف غيبووبه 5 ايام ويوم نش ريوله قالو لازم يسوله عمليه عسب يرد يمشي وبيركبوله حديد لين يلتحم العظم مره وهم قالو انهم بيودونه المانيا بيسوووله هناك انزين وعقب يوم دشيت المسن جفته مطرشلي رساله يستسمح مني ويقولي انه بيساافر ومايدري متى بيرد وقالتي تحملي ع عمرج وكملت صياحها الريم سارت حظنتها : حبيبتي لاتستهمين ماعليه شر يالغلا بيرد وتر العمليه سهله لا تصيحين غناتيه ووهو الحين يالغلا محتااج دعوااتج ادعيله ميره : بس بس انا خايفه الريم : الغلا ماعليه شر يالغلا ادعيله ويلا مشي دموعج الحين الكل بيون ميره وهيه تمسح دموعها : سووري ريمو ضايقتج الريم : افا عليج يالغلاآ نحنا لبعض اممم خلني اقوولكم سالفه ميره من سنه كانت مشتركه ف منتدى ويعني جي المدير كان دوم يهتم فيها وهالمنتدى منتدى اخو ربيعتها وهيه دوم تلاحظ انه يعني يهتم فيها ويرد ع مواضيعها وجي وخلاها مشرفه وجي ومره كانت سايره مول جان اتجوف شيخه ربيعتها وياها اخوها وكانت ماشاء الله عليه حلو بس هيه يعني ماقالت شي وعقب سـألت شيخه منو كان وياج قالتلها اخوي قالتلها هالي عنده منتدى قالت هيه المهم يعني عقب هاكي حست عمرها تهتم فيه وادور مواضيع واتراقبه وتترياه يدش وجي وعقب فتره قال المدير انه بيصك المنتدى خلاص وماعرف شو المهم هيه تضايجت وجي وعقب كم يوم يتها اضافه ع المسن المهم استقبله وطلع المدير ماخذ ايميلها من ايميل اخته بدون ماتدري المهم حاول وياها وهيه ماطاعت اترمسه وجي وسوتله بلوك بس بدون دليت ومره فتره وهو يطرشلها ع الهوت رسايل وجي ويوم عيد ميلادها اتذكرها وكان الوحيد الي تذكر وطرشلها رساله وجي وهيه جافت اون لاين قالت بشكره وجي ورمسته وجي وقامت مره تسويله بلوك ومره ترمسه ومره جي يعني صدق متحملها ماشي ريال يتحمل ها المذله فاكيد ايحبها والحين هيه اترمسه ع المسن بس حتى صوتها وصورتها ماجافها وقايللها بخطبج بس هيه ماطاعت قالت اونه لا ييوم بخلص الجامعه .................................................. ............... المكان : سياره احمد الساعه : 5 ونص احمد .................................................. ............... خطفت ع احمد واتفقنا انسير بيت قوم يدوه نسلم عليها وعقب نسير الفستفل ونحنا ف الدرب يالسين نسولف خليفه : احمدو مر الكفتيريا خل نشتري كرك احمد : اوكي خلاص هب مشكله ومرينا الكفتيريا .................................................. ........ المكان : بيت يدوه الساعه : 5 : 44 امل .................................................. ......... كنت يالسه اتمشى وافكر واسمع اغاني ف الايبد المهم وسرحانه ويالسه اغني همم صوتي يعني هب وايد حلو حلو بس في اغاني يطلع حلو وفي اغاني عادي يعني هب مزعج واكثر شي حلو ف الاغاني الحزينه هع كنت افكر ف حياتي احس انها ممله ماشي شغل يعني غير احس ناقصنها شي ماعرف شو هممم قلبي يعورني ماعرف ليش احـس بشي غريب ماعرف شو بس ع خفيف يسير ويرد عليه جفت يهال داخلين البيت هايل عيال يران يدوه اكيد يايين ياخذون حق الله المهم سرت الصوب الثاني رديت افكر ياربي احس انه ناقصني شي يمـكـن الحـب معني مـستحيل افكر ف ها الشي خـلاص انا عفت الحب وعقب جان اجوف سياره احمد داشه البيت ونزل احمد وخليفه سرت صوبهم اتوايهت ويا احمد لاني ماجفته من يومين امل : احمدوو وينك من يومين مالك حس احمد : والله موجووده يالغلا امل : شحالك خلوف ؟ خليفه : والله تمامو ووانتي ؟ امل : والله يسرك مانشكي باس خليفه : دوم امل : خلوف خليفه : اصغر عيالج خلوف قولي خليفه امل : ههههه اوكي الشيخ خليفه ليش مايبت هندو خليفه : هيه جي ابااج وهند مايبتها بتي ويا امايه ويلست اسولف وياهم لين دخلنا داخل ودخلنا داخل سلمو ع يدوه جان احصلي هزبه من امايه ام احمد : امل خوزي ها من اذنج هب زين اليوم نص شعبان مفروض تستغفرين هب زين امل : ان شاء الله امي احمد : وي نازعوها امل : جب جب احمد : يجبج جان اجوف امي تتطالعنا بنظرات يعني احشمو يدتكم وخلوف يضحك من تحت لي تحت ههه امل : الله مابقا شي ع رمضان يدوه : هيه والله امل: افف والله قهر عقب العيد مداارس قهر احمد : وي وي انتو بعدكم مال المدرسه امل : جب انزين ويلسنا نسوولف شويه وعقب وصلت مرت عمي سلمت عليها وعلى هندوو وسرنا صوب البنات ويلسنا نسولف وعقب فليل ردينا البيت ويووم ردينا البيت سرت الحجره تسبحت ولبست بجامه وحطيت راسي ورقدت مر اسبوعين بدون احداث تذكر هع .................................................. ............... المكان : غرفه الريم الساعه : 3 الظهر الريم .................................................. .............. كنت امشط شعري واغني ومستانسه دشت عليه امول امل : شو تسوين الريم: ماشي يالسه امل : اليوم بنسير بيت قوم يدوه الريم : هيه امل: خخ احسج مستانسه الريم : هيه هع امل : زين زين الريم : امممم امول ابا اسألج سؤال امل : هلا شو ؟ الريم : انتي يعني في مره حبيتي ؟؟ امل : ههههههههههههههه صح انها ضحكت بس حستها ضحك حزن ماعرف ليش انا دوومي مافهمها هالانسانه الريم : بلاج شوفيج ليش تضحكين امل وهيه تمش دموعها من الضحك : لا ماشي ... لاوالله ماجربت احب ولا ابا اجرب بعد الريم: ليش عاد الحب شي حلو امل : جنج الا مجربه الريم ارتبكت : لا لا لا امل : انزين بلاج جي تقولينها الريم : لا عادي اطالعتني امل بنظرهـ ماعرف افسرها بصراحه اقولكم ماافهم ها البنت جان اتقول امل : تتحريني ماعرف انج تحبين حميد ولد عمي وطلعت من الحجره انا فجيييت عيني ع الاخير هال كثر انا مكشوفه ولا شو السالفه افف هالبنت جنيه ماعرف كيف عرفت بعدين بتستجوبها اذا طاعت تقول تجهزت ولبست لان بعد شويه بنسير بيت قوم يدوه وعقب سرت غرفه امول .................................................. ............. المكان : غرفه امل الساعه: 3:33 امل .................................................. ........... هممم كنت يالسه امشط شعري و يالسه اجوفه ف المنظره دخلت عليه الريم جان ابتسم ابتسامه خبيثه انا متـأكده انها بتسألني عن السالفه بس استغبيت امل : اقول ريموو خاطري اقص شعرف الريم : همممم بس انتي قاصتنه قبل كم شهر امل : لا عادي ابا اغير استايلي الريم :والله كيفج امل : همممم خلاص بقصه حق العيد الريم : كيف بتقصينه امل : يمكن اقصه قرادي يمدحونها الريم : همم زين امون دوم تقصها تقول حلوه امل : زين زين الريم : هيه صح انتي شو سالفتج قبل شويه امل استهبل : اي سالفه؟؟ الريم : لاتستهبلين امل : لا صدق ماستهبل اي سالفه ؟ الريم : قبل شويه يوم كنتي ف غرفتي امل : ماذكر انا رمسنا فسالفه ؟؟ ذكريني انتي الريم : اوهو امول يوم يوم قلتي سكتت ويها استوى احمر هع ع فكره انا يوم قلت عن حميد كنت شاكله بس الحين تأكدت لانها احمرت هع امل : شو قلت كملي غمضت عينها بسرعه وقالت : يوم قلتي اني احب حميد امل : ايوااا هيه تذكرت شو فيها السالفه ؟ الريم: انتي منوو خرط عليج وقالج اني احبه امل : جوفي ويهج ف المنظره كيف احمر وبتعرفين وسرت عنها تحت ايلس ويا امايه شويه ... .................................................. ........... المكان: غرفه امل الساعه : 3:50 الريم .................................................. ............ سرت اجوف ويهي ف المنظره جفته عادي بس شويه احمر اووبس انا رووحي كشفت عمري اكيد ويهي احمر وهيه عرفت ياربي اففف ماعليه ادري انها مابتخبر حد هع سرت حجرتي واتصلت حق امون الريم : مرحبآآآآ امون :مرحبتين حياتي الريم : كيفك ؟ امون : منيحه حبي وانتي كيفك ؟ الريم : والله بنشكر الله امون : دووووم ياربي هب يوم الريم : اموووووووووون الحقي امون : خيييير شو مستوي ؟ الريم : امووووول امون : بلاها ؟؟؟؟ الريم: عرفت عن حميد امون : اوييييه كيف عرفت؟؟؟ الريم :ماعرف اليوم يتني اونه تتحرين اني ماعرف انج تحبين حميد امون : اويييه انزين كملي الريم : عقب جان اسريلها حجرتها سألتها عن السالفه قالتلي اون جوفي ويهج ف المنظره وبتعرفين اموون : بلاه ويهج ليكووون محمر ادريبج انا الريم :هييه تخلي كان تعرفيني من ايبوون طاريه احمر امون : والله هاي اختج شيطانه ماشاء الله عليها الريم : هيه والله وعقب سولفت وياها شويه وسكرت عنها عسب بنسير بيت يدوه وسرنا بيت يدوه ويلسنا وبنات عمي يو وتيمعنها نحنا ف الصاله الي برع هند : اقوووول بقوولكم نكته ؟ امل : اوك يلا قوولي هند : محششين اثنين يطالعون الاخبار قال الاول حق الثاني بلاها الاخبار طولت اليوم قالت يمكن الحلقه الاخير هههه امل والريم وميره يضحكون ميره : امول طلبتج امل : تـمـ السـآع الغلاآ مييره :غني امل : لا لا صوتي هب حلو هند : لالا غني ريمو تقول صوتج حلو ف الاغاني الحزينه غني عن خاطريه الريم : هيه والله صوتها طرر فالاغاني الحزينه امل : اممم اوكي هب مشكله عطوني غنيه حلوه ميره : غني مال الجسمي والله مايسوى .................................................. ............... المكان بيت يدوه الساعه : 9 امل .................................................. ............. من طرت ميروه هالاغنيه احس ان قلبي عورني ودق بسرعه وحسيت بغصه وجسمي وصلت حراارته 40 بس سويت عمري عادي امل :بس ع شرط هند : الي هوه ؟ امل : يبولي قلاس ماي بارد الريم : نشتغل عندج امل: يلا عادي انا بغنيلكم وبتعب احبالي الصوتيه ميره : اوك بيبلج بس اذا ماطلع صوتج حلو بفره ع راسج امل : ههههه اوك انتي يبي سارت ميروه يابتلي قلاس ماي بصراحه حسيته برد عليه ويودت عمري عسب اغني عدل امل : احمـ احمـ اسكتووو واسمعوو كلهم سكتو اتساندت عاالايدار الي ورايه وغمضت عيني وبديت اغني امل : والله مايسـوى اعيش الدنيااا دوووونك لا ولا تسوى حياتي ف هالوجوود دامك انت الي رحـــلت وكيف بصبر عن بعادك وكيف بنثر هالوروود ...... الــخ ويوم ييت عند هالمقطع حسيت قلبي من الخاطر يعورني روووح انا رااضي بغيااابك ياحيااااتي هاذي قسمه لي وهاذا لي نصيب كنت شمعه تضوي وتشرق حياتي انطفيت ورحت في وقت المغيب انطفيت ورحت في وقت المغيب ... وكملت الاغنيه لين اخر شي فتحت عيوني جفتهم مندمجين ف الاغنيه وجفت ميرو عيونها ادمع حسيت انه فيها شي جي ولا ماتوقع تصيح عسب اغنيه بدون سبب حتى لو كانت واايد متأثره ماتوصل لصياح اكيد فيها شي بس بعرفه مع الايام مع اني متأكده ان الساالفه فيها حب بس يالله ياخبر اليوم بفلوس باجر بلاش .. كنت ابا اتم بروحي بس اذا نشيت بيشكون فيني امل : هممم شورايكمـ ؟؟ هند : ماشاء الله صووتج حلوو حسيت انج غنيتيها من الخاطر امل :هههههه كله عشان يعيبكم صووتي الريم: حلو صوتج امل : عيوونج الحلوه ميره : توني ادري ان عندي بنت عم صوتها حلو امل : وانا بعد توني ادري ان عندي بنت عم حسااسه ميره : لا عادي امل : لاعادي تتحريني ماجفت دمووعج هاا ميره : لا لا بس رمل دخل ف عيوني امل : اهاا صح صح هند : بسكم عاد حشرتوناآآ ههه .................................................. ............... بيت يدوه الساعه : 10 الريم .................................................. .............. مادري ليش حسيت املو بعد تعرف عن ميروو يوم لمحتلها مايندى هاي شوورها خلني عقب بحذر ميرووه انتبهت ع هند ترمسني هند : بلاج ريمو سرحاااااانه ف منووو ؟؟؟ جان اضحك : قلتلها لا هب سرحانه ف حد يوم لفيت الصوب الثاني جفت امول وميرو يغمزوولي اونه عاد حميد عاد انا مت من الضح اشكالهم اتضحكت كل وحده من صوب تغمزلي هع والله عبط لازم اقول حق ميروه ان امول تعرف بعد مافينا امل : الله بااااجر رمضان اسميني مستاانسه ميره : هيه والله حتى اليوم الجو جو رمضان والوقت يمر بسرعه حتى اضني صلو التراويح امل : هيه اليوم انا قريت جزء وباجر بكمل الريم: زين زين انا باجر ببدأ هند : زين حتى انا .. ميره : اشريتو حق العيد ولا لا ؟ الريم : انا فصلت حق هالعيد مخوره جي تغير شو رايكم انتو بعد جي انطقم تغير عن البدل امل : مي 2 فصلت وياها ميره : خلاص هب مشكله بقول حق اماايه تفصلي هند : همممم حتى انا .. امل: شورايكم بنات نختار لنا يوم ونسير نسوي شوبينغ ؟؟ هند : الله فكره حلوه بعد حلانه كلنا انطقم ويا بعض نايسوو الريم : هيه والله كشخه كلنا صباح العيد نلبس مخور وعقب العصر كلنا نفس البدل واليوم الثاني بعد نايس احس ميره : هيه والله كششخهـ... امل : اوك بنحدد يوم وبنسير كلنا صح ان امل اصغر وحده فينا بس احسها يعني هيه الي تحلي اليلسه بسوالفها ورمساتها ودوم نعتمد عليها احس عندها خبرات ف كل المجالات دوم اسألها مع انها اصغر بس بعد فيها اشيااء ماافهمها .................................................. ......... المكان : امارات مول الساعه : 10 احمد .................................................. ........ كنت يالس ويا الشبااب فالكوفي نسولف ونعلق ع السااير والراد فجاءه رن فوني جفت رقم غريب قمت عن الشبااب وسرت رديت احمد : الو اليازيه : مرحبآ احمد : يزوووي الياازيه : شحالك احمد ؟؟ احمد : هب بخير يالغلاآ وينج انتي من اسبووعين فذمتيه اني ولهت عليج الياازيه : اسمحلي الغالي انت تعرف ان اخويه شال تلفوني وماروم ارمس واليوم يوم سرت العياده خذت فون ربيعتي ورمستك احمد : علني افداج الغلاآ اليازيه: مبروك عليك الشهر غناتيه احمد: علينا وعليج حياتي اليازيه : همممم انت وين حبيبي ؟ احمد : انا ف امارات مول ويا الشباب اليازيه : اهاآ انزين الغالي انا بخلليك الحين ماقدر ارمسك زياده عيب فون البنت وتحمل ع عمرك ولا تطالع يمين ولا يسار احمد : من عيووووني يالغلا من عيووني اليازيه : فديت عيونك احمد : ماوصيت حبيبتي لاتقطعين اليازيه : ان شاء الله حبيبي اذا لقيت فرصه بدقلك ولا يهمك الغالي احمد : اوكي الغلاآ اليازيه : فمان الله احمد : ربي يحفظج .. بنتدت عنها فديتها وربي همممـ سرت صوب الشباب وقلتلهم احمد : اسمحولي انا اترخص الحين سالم: ويين احمدو توه الناس احمد : لا ماعليه مره ثانيه الحين لازم اروح كلهم : اوك الرب حافظنك وروحت عنهم ركبت سيارتي يلست اتحوط وافكر ف اليازيه .................................................. ............... المكان :غرفه امل الساعه: 11 فليل امل .................................................. ............. همم رديت من بيت يدوه وخذيت شور ويلست ع الاب كنت بقرا قصه قريت شويه بس حسيت مالي خاطري اقرا مع انها حلوه بندتها وطحت اتجلبت وافكر ماياني رقاد قمت اجوف الساعه 11ونص حسيت توه الناس طلعت برع غرفتي جفتهم كلهم رقود دخلت غرفة ريمو جفتها يالسه ع الاب امل : همم ريموشو تسوين الريم : ماشي اتحوط ع النت امل : اوك تبين شي بتصل حق احمد ايبلنا عشى يوعانه باجر صيام الريم : همممم اوك قوليله نبا من مكدونلز امل : اوك وطلعت عنها وسرت تحت اتصل ف احمد .................................................. ......... المكان : سياره احمد الساعه : 11:44 .................................................. ......... كنت يالس اتحوط وسرحان فجاءه رن فوني جفت ان البيت متصلين ورديت امل : مرحباااااااااااااااا احمد : مراحب امل : شحالك ؟ احمد : تمامووو شو تبين؟ امل : عافان الله اسـأل عن اخبااري احمد : قبل كم ساعه جاايفنج امل : اوك خلاص اقول مر مكدولنز ايبلنا عشا احمد : سحوور يالهبله هب عشا امل : خلاص الي هوه احمد : اوك يوم بوصل بتصل فيج بجوف شو تبين امل : اوك باي احمد :باي .................................................. ............... المكان : بيت بواحمد .. الساعه : 12 ونص الريم .................................................. .............. طلعت من غرفتي جفت امول يالسه ف الصاله الي فوق امل: ريموووووو تعالي جوفي بيحطون فلم حلووو الريم : اوك حمود متى بي امل : مادري توه متصل يسألني شو نبا الريم: اهاا اوك اكيد ع وصول يلسنا انا وريم نتاااااااابع الفلم وحطو اعلان الريم : اقول هب جنه اتأخر امل : هممم هيه اوك انا بسير اتصل الريم : اوك اتصلت امل فيه .................................................. ............ المكان : سياره احمد الساعه: 12: 33 احمد .................................................. ............ كنت اسولف ويا حميد ولد عمي رن الفون احمد : اقول حميد لحظه برد ع الفون حميد : اكيد وحده من ربيعاتك احمد :جب هاي اختي ودرنا هاالسوالف من زمان ياخي رديت ع الفون وانا مـتأكد انها امول تسأل عن العشا احمد : مرحب امول : هلا وغلا احمد : هاه شو تبين امول : ليش تأخرت احمد : كنت ويا حميد امول : اهاا حميد ولد عمي احمد : هيه يلا باي امل : باي وسلم عليه ههه وبندت في ويهي صدق ماتستحي بأدبها يوم برد هع ورديت عند حميد احمد : اسمحلي حميد برد البيت حميد : وين توه الناس احمد : لا بس هاي امل متصله اون متى بتي حميد :ههه لين الحين ملسونه احمد : هيه ولين باجر هه شارلهم عشى وتترياه حميد : سير يابوك عن تأكلك احمد : هه هيه اوك يلا فمان الله حميد : الرب حافظنك نهـآأـأ‘يـه البـآآرب |
بدآـ‘يـه البـآأ‘رت الر’أبـع .................................................. ........ المكان : بيت بو احمد الساعه : الساعه 12:35 امل .................................................. ........ بندت عن احمد وماحسيت الاباموسده ع راسي امل: ريمووووووووووووووو وووجع ان شاء الله الريم : انتي شو خصج بحميد تسلمين عليه امل :ككك ولد عمي لاتنسييين هع وفريت عليها الموسده مره ثانيه يلسنا نظارب بالمواسد وعقب ردو الفلم ويلسنا نتاابع ومندمجين ع الاخير فجآه اااااااااااااااااااااااااااأآأ احمدوووو خسك الله قلبي وقف احمد ميت من الضحك : ههههههههههههههههههههههههههههههههههههخخخهخهخههههههه ههههههههههههههههههههههههههههه ماقدر هههههههه اشكاالكم ههههااخخخ تحفففففففففففففففففه هههههههههههههه انا انقهرت منه اففف يقهر شليت مخده وفريتها عليه احمد : حماره امل : حرمتك احمد : ريلج اطااااااالعت بنظره يمكن هوه الوحيد الي فهمها احمد : اوووه ماتبون تتعشون هاكو يبتلكم حسيت انه يبا يغير السالفه الريم : هييه نبااا يلا يبوو بكمل الفلم امل : هيه يلا عطنا احمد : هكوو الجيس خذوه كله مالكم امل : انت مابتاكل احمد: لا انا متعشي ويلا انا بسير ارقد تامروني بشي ريمو ماردت عليه لانها كانت مندمجه ف الفلم امل : لا سلامتك احمد : ربي يسلمج وسار يرقد اخخ ياخوي جلبت المواجع كلت الوجبه وسرت ارقد حتى بدون ماكمل الفلم وريمو حرجت عليه .................................................. ............... المكان :بيت بو احمـد الساعه:10 امل .................................................. ............... نشيت من الرقاد وانا اطالع الساعه قلت خلني اقوم اقرا قرآن لان اليوم اول يوم من رمضان سرت الحمام واتسبحت لبست لي جلابيه بيت و قريت لي شويه قرآن وسرت تحت امل : صبآح الخــير امايه : صباح النور امل : شحالج ماما ؟ امايه : تمام الحمدالله امايه : غريبه اليوم ناشه من وقت امل : همم امس راقده من وقت امايه :هيه احسلج تنضمين رقادج حق المدرسه امل : هييه والله امايه : انزين زهبو عماركم اليوم الظهر بنسير بيت يدتج بنفطر هناكي اليوم امل : اوكي عيل خلاص امايه انا بسير فوق بيلس ع النت شويه امايه : حشا عيونج بترووح من الكمبيووتر امل :ماعليه امايه بس شويه وسرت فوق ويلست ع الاب كنت توني بشغل اغنيه جان اذكر اني صايمه قمت شغلة قران وفتحت المسن مالقيت حد اون وحدرت المنتدى طرشت حق الاعضاء تهاني بمناسبه رمضان وعقب اتصلت بخالو مهره باركتلها بالشهر ووع الساعه 12 ونص سرت صليت الظهر وسرت حجرة ريمو اوعيها امل: ريم يلا نشي الريم وهيه مغمضه عين وفاتحه عين: هممم شو تبين؟؟ امل : يلا نشي صلي وتلبسي بنسير بيت يدوه .................................................. ......... المكان : بيت بو احمد الساعه : 12 ونص الريم .................................................. ............... نشيت ع صوت امول توعيني عسب بنسير بييت يدوه وسرت الحمام < عزكم اللله .... وتسبحت وطلعت وقفت جدام المنظهر انشف شعري وسرت صليت قريت قران وسرت غرفه امول ريمو : امول اليوم شو بتلبسين ؟؟ امل : هممم انا قلت بلبس مخوره... الريم : هيه اوك زين امل : واتصلي ف بنات عمي خل نطقم الريم : اوكي طلعت من حجرتها وسرت غرفتي اتصلت ف ميرو وقلتلها واتصلت ف هند ماردت طرشتلها مسج وقلتلها .................................................. ........ المكان : بيت بو احمد الساعه : 1 الظهر امل .................................................. .............. سرت حجرت ريمو جفتها متجهزه ومخلصه وسرنا تحت جفنا امايه تلبس عباتها وسرنا ركبنا السياره وسرنا بيت يدوه ومحد كان يااي ويلسنا نسولف ويا يدوه وعقب بنات عمي ويلسنا نسولف وجي لين العصر .................................................. ............... المكان : بيت يدوه الساعه : 5 العصر الريم .................................................. ............... قمت عن بنات عمي لان فوني رن وكانت ربيعتي كنت ارمسها ومندمجه ف الرمس واظحك وبندت عنها و لفيت ورا جفت واحد انصدمت وحسيته انه هوه بعد منصدم انا عرفته بس هوه ماتوقع وشوي سمعت هند تزقرني هند :ريموووو يلا تعالي مارديت عليها وسرت بسرعه وانا قلبي يدق واتنافض .................................................. ............... المكان بيت يدوه الساعه: 5:5 العصر حميد .................................................. ............... كنت ساير بيت يدوه فجاه جفت وحده ماشاء الله عليها حلوه تميت اطالعها ومنصدم وهيه بعد ويوم سمعت وحده تزقرها ريمو انصدمت هاي ريم بنت عمي سلطاااان متى كبرت من زمااان ماجفتها ماشاء الله عليها وعقب دخلت داخل سلمت على يدوه يلست تتشره عليه اونه انت محد يجوفك ماتي موول وحلفت علي افطر عندهم ماحبيت اردها وسرت ميلس الريااايل وكانو عمامي هناك وسلمت ويلست حذال احمد احمد : غريبه من زمان ماييت حميد : شو نسوي مشاغل احمد : زين زين وسكت عنه سرحـــت فيهاآآآ اخخخ عليها اسميها حلوه .................................................. .......... المكان : بيت يدوه الساعه : 5:10 العصر امل .................................................. ....... جفت ريموؤو وويها متغير عرفت شو فيها لان يوم روحت حميد اتصل ف ميرو سـالها منو هنيه لانه جريب وبي ايسلم واكيد يوم ياء جافها هع حليها والله امل : كم بقا ع الاذن ؟ هند : ساعه وشوي امل : انزين قومو نسوي شي ملانه والله ميره : انزين شو نسوي ؟ امل : همممممم بناات اليوم تعالو بيتنا نسهر وبعد عادي رمضان الريم: هيييه تعالو كششخه ميره : لا استحي فضيحه الريم : جب جب شو فضيحه عادي بيت عمج هند : هممم اوك بشاور امي ويجوف ميره : خلاص حتى اناآ امل: يلا الحين وبسير وياكم عسب انا بعد بقولهم وسرنا داخل وواول شي ماطاااعووو بس حاولت وياهم ووافقو وردينا الصاله الي برع امل:الله كششخه مابغوا يوافقون هند : هيه والله الريم: الله ناااااااايسوؤوؤ امل : الحين عندي فكره خطيييييره ميره : الله يعينا ع افكارج انتي الريم : انزين شو؟؟ امل : شوفو نحنا اليوم بنسهر اوك صح عندي فلم حلو ولازم وياالفلم اكيد لازم شي خرابيطنا ونحنا الحين ملانات فبتصل ف احمد بقردنه خليه يودينا الجمعيه نتشرا الريم : هييه كشخه ميره : بيوافق ؟؟ هند : ماعليه امول بتقردنه امل : اوكي يلا بنسير برع وريمو عطيني مباايلج بتصل فيه وسرنا برع واتصلت احمد : مرحبااااا امل : هلا والله هلا باغلى اخو ف الدنيا مراحب احمد : لا لا هالترحيب اكيد وراه شي شو تبين قوليلي امل :انت اخوي وحبيبي وكل شي ف دنيتي انت الغاالي وانا اختك حبيبتك وقلبك ... احمد يقاطعها : يلا خلصي شو تبين قولي بسرعه امل : تعرف انت يعني همممم احمد: يلا عااااااااد قولي ولا تراني ببند ف ويهج.. امل : اوك خلاص بقول الصراحه البناات يبون يسيرون الجمعيه وماحسيت الا ميره تقرصني امل : اااااااااااااي ياحماره ميره : جب عيل البنات امل : اسكتي خلني ارمس امل : ها احمد شو قلت احمد : البنات عيل امل : هي هي هيه ترا انا والبنات واحد احمد: اوك يلا بسرعه خمس دقايق ولا تراني مابوديكم امل : اوك خلاص باي سويت عمري معصبه وزعلانه ابا اقص ع البنات الريم : ها شو قال امل : ماشي هند : كيف يعني بنسير ولا امل وانا اصااارخ : اااا اقص عليكم يلا بسرعه خمس دقايق ويبانا فالسياره ويلسنا نربع نسير نلبس عبينا .................................................. ........... المكان : بيت يدوه الساعه: 5:22 العصر احمد .................................................. ...............بنتدت الفون وجفت حميد يطالعني احمد : انا الحين بطلع اوك حميد : وين بتسير احمد : بسير بودي البنات الجمعيه حميد : اهااااا احمد : تعال ويايه ؟ حميد : لا فضيحه احمد: لا عادي حد غريب حتى ميره ويانا بعد حميد : اممم اوكي عيل وطلعنا وركبنااا السياره نتريا البنات .................................................. ............... المكان : بيت يدوه الساعه : 5:25 الريم .................................................. ............... طلعنا انا واملوو نترابع عسب منوو ايلس جدام هع امل : يلا جب انا بيلس االريم: يجبج انا اكبر وسرت عنها اربع بطلت باب السياره جدام ولا اجوف وااحد جدامي يلست دقيقه اطالعه لين استوعبت الموضوع وبندت الباب بسرعه وسرت صوب املو امل : ههههههه تستاهلين محد قالج رابعي جنج عنز الريم: جب جب يعلني اجوف فيج يوم طالعتني بنظره وسارت عني وعقب يو بنات عمي وسرنا السياااره .................................................. ............... المكان : سياره احمد الساعه : 5:23 احمد .................................................. ............... كنت قافط من هاي ريمو حشى دفشه فضحتنا ف الريال عقب بهزبها احمد : هههه هاي هبله حميد : ههه حليلها ماتدري اني جدام احمد : تلقاهم كنو يتظاربون ع المكان هع حميد : منو هاي امل ولا ريم احمد : لا هاي الريم حميد :اهااااا كم عمرها الحين احمد : 20 حميد: هيه ماشاء الله العمر كله انشاء الله وامل كم عمرها احمد: امل 16 بدش 17 حميد : هيه ماشاء الله الايام تركض اذكرهم يوم كانو يهال وشوي دخلت امول السياره امل :السلااااااااااااااااااااام عليكم ردينا : عليكم السلام امل : شحااااااااااالك ولد عمي ؟ حميد : بخير ربي يسلمج وانتي شحالج ؟ امل : بخير ربي يعافيك وعقب دشن البنات وسلمن وسرنا الجمعيه اتشرن لين ماشبعن ورديتهم البيت كان باجي ع الاذن ربع ساعه تقريبااااااااا.... .................................................. .............. المكان : بيت يدوه الساعه: 7:20 امل .................................................. ............... فطرنا وخلصنا ويلسنا نطالع التلفزيون وسارو الريايل ايصلون التراويح وعقب ردو ويلسنا نسولف ع الساعه عشر قلت حق ابويه يردنا البيت لان بنكمل سهرتنا فالبيت ورحنا البيت وصلنا البيت سرت الغرفه وسحبت ويااي هند وميره خذتها ريمو دخلت وفتحت كبتي امل : همممم شو البس شو البس اممم هند : البسي اي شي ترتاحين فيه امل: خلاص عيل بلبس بجامه خذتلي بجامه جي برموده زرقا وقميص ابيض فيه دبدوب ازرق وسرت سويت شعري ذيل حصان ماكان وايد طويل وقلت خلاص بطوله احسن لاني دوم اقصه ابغي اغير ستالي مليت هممم وسويت بف ف قصتي واتعطرت وطلعت حق هند جفتها ترمس ف الفون هند : اوكي خلي خلوف يمر همم ع الساعه وحده امل : لا لا بااتي عندنا بليز هند : لا لا امي ماطيع امل خذت عنها الفون ورمست امل: هلا خالو ام هند : هلا امول امل: خالوو بليز خلي هند تبااات بيتنا ام هند : لالا شو تبات عيب امل : خاالوووه شو عيب عادي بيت عمها ومافي حد بتم ف غرفتيه ام هند: عيب تثقل عليكمـ ... امل : لا عيب ولا شي وعادي انا بعطيها من ثيابي ولا ثياب ريموو بليز خالوو عادي واكوه البيت فره حصاه مب من بعده ام هند : هممم خلاص عيل هب مشكله امل : مشكوووره خالوووووووووو ام هند:العفوو ويلا فمان الله امل: مع السلامه بندت عنها ولفيت ع هند وانا ابتسم هند : والله انج قدعه امل : هييه عيل شو تتحرين هع هند : ههه عن تصدقين عمرج بس امل : يحقلي ويلا قومي غيري ثيابج هند : انزيين شو البس انتي طلعيلي امل : هكوو الكبت خذي الي تبينه هند : اممم اوك نحنا وين بنيلس امل : بنيلس ف الصاله الي فوق هند : اوكي عيل بلبس جلابيه سارت خذتلها جلابيه وشيله صلاه لان احمد يمكن ف اي وقت اي .................................................. ........... المكان : بيت بو احمد الساعه : 11 الا ربع الريم .................................................. .......... دخلت غرفتي وميره ويايه كنت ابا اسألها عن محمد الريم : اقول ميروه شحاله محمد ؟ ميره : الحمدالله بخير امس مطرشلي رساله يقول انه سوا العمليه وبيرجع البلاد قريب الريم: الحمدالله الله يرجعه بالسلامه ميره : اآمين يارب الريم : عيل انا بغير ثياااابي ميره : خذي راحتج دخلت الدرستغ مكان الكبت نحنا ف البيت كلنا نفس تصميم الغرف وطلعتلي بجامه ورديه ورفعت شعري بتوكه وطلعت الريم : اقول ميره ماتبين تغيرين ثيابج ؟ ميره : هممم اوك بلس جلابيه من ثيابج الريم : خذي راحتج بطلع الفلم ميره سارت وغيرت ثيابها وانا طلعت فلم وعقب طلعنا سرت الصاله جفت ان مشغلين التلفزيون ومسكرين الليتاات وحاطين مواسد ع الارض لان يوم نتابع افلام دايما نيلس تحت بس ماجفت قوم امل شويه دشت امل وفي ايدها صينيه وفيها كيك وعصيره وبوب كورن وسارت يايت جيس الجمعيه ويلسنا ع الارض امل : اقوووووولكم ترا هند بتبااات بيتنا الريم : والله كشخه هند :احم احم امول رمست امي ووافقت امل : اقول ميره انتي بعد تمي ميره: لا امي مابتوافق امل : خلاص عطيني انا برمسهم << عيبتها السالفه ميره : اممم اوك اتصلت ميره ف امها وعطت امل ام ميره : الوو امل : هلاا والله ام ميره : هلا امول امل : شحالج خالو ؟ ام ميره : بخير حبيبتي وانتي امل : الحمدالله هممم خالو طلبتج ام ميره : اذا قدرت فالج طيب امل : ان شاء الله تقدرين خلي ميره تبات ف بيتنا ؟ ام ميره : لا حبيبتي ماقدر امل : حرام خالو عشان خاطري ام ميره : ماودي اردج بس باجر بنسير الذيذ بنفطر هناك ولا زم تي امل : عادي خالو انتو بتسيرون الظهر وخلي حد يمر عليها الصبح هب مشكله ام ميره : هممم خلاص اوك مابردج بخلي حميد يمر عليها بعد صلاة الظهر خل تتجهز امل : اوك مشكوووووره خالوتي ام ميره : العفو حبيبتي مع السلامه امل : مع السلامه.. بندت امل الفون وفرته ع الغنفاات ميره : واافقت ؟؟ امل : الشيخه امل رمستها وتبينها ترفض هند : ياله عاد مانرووم الريم : الله كشششخهـ ... هند : هيه والله يلا شغلو الفلم .. يسلنا نطالع الفلم وف نص الفلم ميره : وفقو الفلم شويه خل نستريح امل : اوك وسارت وفقته شويه هند: يلا الي يبا يسير الحمام ولا ياكل ولا اي شي يسير كل واحد سار المكان الي يبااه وعقب ردينا الصااله ويلسنا وشغلنا الفلم يلسنا نطاالع .................................................. ............... المكان : بيت بو احمد الساعه : 1: ونص امل .................................................. ............. توه خلص الفلم يلست اتمدد امل : اخخ مابغى يخلص ميره : بس كان حلوو الريم : هيه نايسوؤ هند : هممممم الحين شو بنسوي امل : خل نلعب اونوو الريم : صبرو بسير ايييب الاونوو سارت ريمو تيييب الاونووو هند : اقول امول عندج قصص حلوه ؟ امل : هيييييه عندي واايد الي تبينه هع ميره : اقولج امول قريت قصه سعووديه طرر امل : خلاص عقب باخذ اسمها عنج هند : انا ابا اماراتيه بس ابغي فيها زواج اجباري امل : تم الساع بعدين يوم بنسير الغرفه بخزلج كم قصه هند : اوك شويه ويت ريمو الريم : ها يبتلكم الاونووو ميره : تأخرتي ؟ الريم : يلست ادورها وماعرف شو وعقب شلت هند الاونو ويلست توزع علينا ونحنا نلعب جان ريمو تفر ااورااقااااها الريم : خلااص مابي العب انا يوعااانه هند : ياحماره ليش تخربين الريم : بس مابي امل : انزين خل نطلب من الكفتيريا الريم : اوك شو تبووون خذت ريمو طلباتنا وسارت اتصلت ف االكفتيريا امل : افف ملل الحين شو نسوي ميره : هيه والله الريم : هممممم هند : خل نستهبل ع حـد ... ميره : منووو مثلا الريم : هييييه كشخه شرايكم نستهبل ع احمدووو امل : هييه صح بنتصله من فون ميروه هوه مايعرف الرقمـ . ميره : اوك منوو بيرمس الريم : انا وامول مايستوي نرمسه بيعرف اصواتناآ هند : حتى انا يعرف صوتي .. امل : يعني ماشي الا ميره ميره: لا لا استحي امل : عااادي ليش تستحين الريم : بعد ليش تستحين عادي ميره : اوك خلاص هند : حطي ع الاسبيكر .................................................. ............... المكان : جميرآ الساعه : 2 الفجر احمد .................................................. ............... كنت توني طالع من الكوفي ساير السياره سمعت فوني يرن جفت رقم غريب فالبدايه قلت مغلطين وبس عقب جفتهم كل شويه يردون يتصلون قلت خلني ارد يمكن يزوي مع اني ماتوقع هالوقت تتصل ركبت سيارتي وشغلتها ورديت احمد : مرحبا ردت عليه بنت استغربت صوتها بس حسيته مألوف البنت : مراااحب احمد : منو وياايه البنت بدلع: شحالك حمودي ؟ احمد : بخير بس منوو وياايه ؟ البنت : افا ماتبااا تسـأل عن اخبااااري احمد : هممممم بغيتي منو الشيخه ؟ البنت بدلع : بغييتك انت ؟ احمد : لوسمحتي مب متفيج حق السخافه قووولي بسرعه منو البنت : افاااا الغالي نسيت صووتي .. افف والله تقهر منو هاي شكلها تعرفني ... احمد : الشيخه قولي بسرعه شو تبين لاني هب فاضي البنت : اباااك اقولك اباك احمد : اففففففف قولي انتي منو ولا والله ببند ف ويهج البنت : ليش تبا تعرف احمد عصب : يعني ارمس حد ماعرفه شو هالسخافه البنت : خلاص خلاص لاتعصب سمعت صوت هب غريب عليه : افااا ليش معصب ترا مايسوى عليك احمد : املوووووووووووو امل :هلا والله بحمودي اسمحلنا ع المقلب تعيش وتاكل غيرها حبي احمد : ياحماره انتي ومنووووووووو سويتي هالمقلب ؟؟ ومنو هاي الي رمستني امل : نحنا وبنات عمي احمد : منووو الي رمستني امل : هاي الله يسلمك بنت عمي ميره احمد : اهاا وانا اقول الصوت هب غريب بس دواكم عندي الريم:حبيبي حمودي طلبتك احمد : انتو حاطين ع الاسبيك امل : هيه حموود طلبناك احمد :ولج ويه بعد تطلبين يالعنز هند : العنز حرمتك امل : فديت هنوود والله تدافع عني احمد : هنود انتي بعد وياهم انا قلت كبيره وعاقله هند : خخ نسترجع اياام الطفوله احمد : من كبرج يالعيوز هند : خخخ احترم الي اكبر عنك ميره : يالله الا هيه سنه احمد يتمصخر ويعيب : ونطق الحجر ابااااااااااااك خخخخخخ عاد سمعت اصواااتهم يضحكون وسمعتها سكتت شكلها استحت امل : يلا انت شكلك عيبتك السالفه خسرت البنت رصيد احمد : محد ظربكم ع ايدكم وقالكم اسيخفوو امل : انت وين الحين احمد : والله انا ف الدرب امل : فدييييتك مر باسكن ايبلنا اسكريم احمد: هب متفيجلكم ... امل : اقول يلا باي الكفتيريـآ يأ احمد : باي واتحملي لاتتطلعيييله امل : اوك باي .................................................. ............... المكان : بيت بو احمد الساعه : 2:22 الفجر ميره .................................................. ............... افف كنت مقهووره من احمد يعني ليش يعيب عليه افف فشلني جدامهم افف كنت انافخ من القهر امل : ميرو تعالي ويااي بنسير نفتح الباب ميره اوك وسرت وياها ونحا الي فتحنا الباب لان الخدامه راقده وعبود محد ف بيت خالهم ..... طبعا من ورا الباب كنا عطيناه البيزات وقتلنالهم يخلي الطلبيه عند الباب ويروح ويوم سمعناه روح فتحنا الباب شويه ومدت املو ايدها وشلت الاكل وسرنا فوق ويلسنا ناكل وعقب انا سرت ويا ريم الغرفه وهند وياامل الريم : هييه صح ريمو نسيت اقولج شي مهم ميره : شو ؟ الريم : اليووم جفت حميد .. ميره : احلفي ؟ الريم : والله خخخخخ ميره : وين جفتيه ؟ الريم : اليوم بيت يدوه كنت سايره اسوي شي جني كنت ارمس ف الفون انزين ويوم لفيت جفته واقف يطالعني عاد انا بهت وعقب انا شردت ميره : خخخخخخخخخخخخخ اتخيل اشكالكم تتوقعينه عرفج ؟ الريم : اظني لان ف نفس الوقت هندو زقرتني وشكله عرفني بعد لان يوم نحنا سايرن السياره فتحت الباب الي جدام ماكنت ادري انه موجود وجافني اكيد عرفني ميره : خخخخخخخخخخـ وااه فديت محمد جان تفلعني بالموسده الريم : ارمسج عن حميد تتفدين محمد ميره : ههه انزين شو اسويلج .................................................. ............... المكان : بيت بو احمد الساعه : 2:40 امل .................................................. ............... دخلت الغرفه انا وهندو امل: هند اذا تبين تغيرين ثيابج عادي سيري كبتي خذي الي تبين هند : اوك خلاص انا بسير اغير امل :خذي راحتج سرت بطلت اللاب جان اسمع صوت برع قلت اكيد حمود يأ بسيرله سرت برع جفته يشرب ماي امل : شو تسوي احمد : ماشي انتي لين الحين مارقدتي ؟ امل : لا مارقدت الحين بعد شويه برقد انت تسحرت ؟ احمد : هيه امل : اممممم احمد شحال الياازيه ؟ احمد : بخير الحمدالله امسات مرمسنها امل: زين زين انا الحين بسير ارقد ترا بنات عمي عندنا احمد : اوك خلاص تصبحين ع خير امل : وانت من اهله وسرت عنه دخلت الغرفه جفت هند يالسه ع الاب ويلست اسولف وياها شويه وعقب رقدنا نهآآأيـه البـآأرت |
خطييييييره القصه كملي كملي :az_flw: |
بدآ‘أيــه البـآرت الخـآمـس* .................................................. ............... المكان : بيت بو احمد الساعه : 12 الظهر الريم .................................................. ............... نشيت ع صوت امايه تقولي امايه : ريم حبيبتي نشي وقومي بنت عمج وياج توها امها متصله تقول ان حميد بيمر عليها الريم : ان شاء الله اماايه نشيت وسرت الحمام اتغسل وسرت اوعي ميره الريم : ميره ميره نشي ميره : هاه ريمو شو تبين الريم : نشي يلا الحين بيمر عليج حميد نشت ميره بدون ماتتكلم وسارت الحمام شويه وظهرت ميره : صباح الخير الريم: صبااح النور ميره : يلا تعالي ننزل تحت اكيد الحين بي سارت لبست عباتها والشيله ونزلنا جفناها يالسه تقرا قرآن : صباااااااااااااااح الخير امايه هيه تبند المصحف : صباح النور ميره : شحالج خالو اماايه : بخير الله يسلمج وانتي جيف اصبحتي ميره : بخير مانشكي باس ميره : يلا اسمحولي بروح يا حميد وقفت وياهاا وسرت وصلتها لين البااب ورديت داخل وصليت الظهر ورقدت طاف تقريبا 15 يوم من رمضان ولا حسينا فيه وبدينا نجهز حق العيد .................................................. .............. المكان : بيت بو احمد الساعه : 7ونص المغرب امل .................................................. .............. امل : ريمو اتصلي ف بنات عمي قوليلهم متى بنسير السوق الريم : اوكي انتي اتصلي ف هند وانا ميره امل : اوك سرت انا اتصل ف هند وريم ف ميره هند : الوه امل: هلا والله هند: اهلين وسهلين امل : شحالج هند ؟ هند : بخير انتي علومج امل : بخير الا اقول هند متى بنسير السوق هند : امممم خلاص نص ساعه وبنسير امل : اوك خلاص مع السلامه هند : باي وسرت عند ريمو جفتها توها مبنده . امل : ريمو متى قالتج ميره ؟ الريم : قالت بعد شويه امل : هيه هند قالتلي نص ساعه وعقب اتجهزنا وسرنا السوق قضينا اشغالنا وردينا البيت وعقب يومين كنت ف المطبخ اسوي سويت سمعت صوت مبين انه صوت ريال يكح استغربت ها هب صوت احمد ولا ابويه وتميت مندسه ف المطبخ وعقب سمعت صوت احمد اخويه يرمسه وعقب راح وياه اختفى الصوت طلعت من المطبخ وسرت فوق تسبحت ويلست اقرا قراان لين ماذن المغرب نزلت تحت فطرنا وعقب رديت فوق يلست ع النت فتحت المسن جفت كم وحده مابغيت ارمس حد حطيت اوي ويلست اتحوط ف النت والمنتديات وشويه دخلت نوف ربيعتي حليلها متولهه عليها من زمان مارمستها يلست اسولف وياها وجي لين اذان العشا سرت اطالع المسلسل .................................................. .......... المكان : بيت بو حميد الساعه : الساعه :9 ونص حميد .................................................. ........... كنت طايح ع شبريتي اطاالع الصقف وافكر همم ليش انا مهتم لهدرجه عادي مااصار شي معقوله يعني تعلقت فيها اففف من جفتها ماغابت عن بالي ..اه ياويل حالي ع نظرت عيونها عمري ماجفت بحلاها .. معقوله اكون حبيتها بس ماتوقع من اممم ماذكر اخر مره جفتها يمكن قبل كان عمرها 12 تغيرت وايد احلوت فديتها جنها غزال خلني اسير بيتهم عادي اوني بسلم يمكن اجوفها سيرت بدلت ثيابي وتعطرت وشليت بوكي ومفتاح سيارتي وطلعت من البيت .................................................. ............. المكان : بيت بو احمد الساعه : الساعه 10 الريم .................................................. ........... كنت سايره المطبخ اكل لي شي لاني مافطرت عدل وانا طالعه من المطبخ جفت ليت عن باب بيتنا يلست اطاالع سمعت صوت بابا البيت جفته اخخ ياويل حاالي بسرعه يلست اركض داخل اخ فضيحه سرت فوق جفت امول ف الصااله امل : اويه بلاج تربعين شوي شوي .. الريم : امول الحقييي امل : بلاج الريم : حميييييييييد جفت حميد امل : اوي احلفي صدق انج غبيه جافج جي يلست اطالع شو لابسه اوييييييييه فضحيه نسيت اخ ياويلي كنت لابسه برموده توني كنت برمس يت الخدامه تينا : حميد هير جان اظرب راسي افف محد ف البيت نسيت يعني لازم نظهرله امل : اوك تينا دخليه الميلس الحين بني قمت غيرت ثيابي لبست مخوره وشيله واتجحلت شويه حطيت قلوز شفاف وطلعت سرت غرفة امل استعيلها .................................................. ............... المكان : بيت بو احمد الساعه : 10 : 5 حميد .................................................. ............ اخخخ ياويل حالي عليها غزال جفتها يايه هيه واختها : السلام عليكمـ .. حميد : عليكم السلام هلا والله امل : اهلين ومرحبتيين حيالله الي يانا حميد : الله يحيج شحالج امول ..؟ امل : بخير وانت علوومك حميد : بخير وانتي الريم علومج ؟ الريم: بخير الحمدالله وانت شحالك ؟ حميد : بخير دامج بخير حسيتها استحت من كلمتي ونزلت راسها حميد: عيل وين عمي واحمد ؟ امل : ابويه طالع وحتى احمد حميد : اها عيل الحين انا اترخص امل : اوك عيل ولاتقطع عاد .. حميد : ان شاء تامرووني بشي ؟ امل والريم : سلامتك حميد : الله يسلمكمـ فمان الله وطلعت من البيت وركبت سيارتي وانا فرحان اني جفتها اخ ياويل حالي عليها .................................................. ......... المكان : بيت بو احمد الساعه : 10 : 20 امل .................................................. .......... ماحاولت اقول حق حميد يطول لان اصلا عيب نحنا بنات روحنا ف البيت وعقب ماطلع عنا سرت فوق وريمو بعد جفتها سرحانه اكيد تفكر ف حبيب القلب سرت غرفتي ويلست اقرا قصه .................................................. ............. المكان : بيت بو احمد الساعه : 10: 20 الريم .................................................. ........ دخلت الغرفه وانا بعدني اتنافض افتشلت يوم قالي بخير دامج بخير ماتوقع يقصدها شكلها طلعت عفويه بس فضيحه جافني ابرمووده صدق اني طمه حد يطلع برموده ف الحوي المهم خلني اتصل ف امون اجوف شحالها واقولها امون : هلا والله الريم : اهلين ومرحبتين امون : شحالج ؟ الريم: يسرج الحال ومن صوبج؟ امون : بخيردامج بخير الرين : اوييييي لا تقولين جي امون : شو اقول الريم : حميد توه جفته امون : وين جفتيييه ؟ الريم : توه يأ بيتنا امون : وين شو استوى قوليلي بالتفصيل الملل الريم : جوفي بقوولج شو السالفه انا كنت يوعانه لاني مافطرت عدل سرت المطبخ وانا طالعه من المطبخ جفت ليت عند البااب العود عاد انا ياني فضول تحريت احمد ولا ابويه تميت واقفه والا اجوف سياره حميد ادش جان اربع ادخل البيت امون : اوييي حلفي هههههه فضيحه الريم : ياليييت جي وبس تخيلي كنت لابسه برموودهـ.. امون : خخخخخخخخخخخخخخخخ انتي هبله تطلعين برع ابرموده الريم : شو اسوي مافتكرت ان حد بي المهم خلني اكملج امون : لابعد شي تكمله ؟ الريم : هيه انزين سرت فوق يالسه اقول حق امول السالفه جان تي تينا اتقول اونه حميد تحت عاد جان اذكر ان محد ف البيت غيرنا قلناله خل ادخله الميلس وسرت بدلت اثيابي لبست مخوره ونزلنا امول سوالف وياه جنها تعرفه من سنين عاد انا ساكته جان يقولي شحالج الريم انا قلتله بخير انت شحالك جان يقولي بخير دامج بخير وانا استحييت عقب سولف شويه وروح امون : هههههههههه حليلاتج والله طااااااف الاسبووووووع شرات الماااي وماحسينابهم يأ يوم الخميس وسرنا بيت يدووه ..... .................................................. ........... المكان : بيت يدوه.. الساعه : 7 المغرب ميره .................................................. .......... كنت يالسه ف الصاله ملانه افف والله تعبانه الله يلقع الجامعه تعبت منها اليوم ظهري تكسر وانا امشي فيهااا جان اذكر شي سرت برع اربع صوب الكرجات بطلت باب سياره ابويه وشليت شنطت الاب وانا ياايه بدخل جفت سياره عمي داخله البيت يلست اترياهم ينزلوووون سرت سملت ع عمي ومرت عمي بو احمد : هلا ميره شحالج ميره : بخير عمي انت علومك بو احمد : بخير الله يسلمج وسار صوب الميلس وسرت صوب امول وريمو وسرنا داخل امل : ليش يايبه الاب اليوم الخميس ميره : لا ابا اجيك ع الايميل الريم : ميره ماتعرفين قوم هند بيون ولا ميره: لا ماظني بيون اليوم امل: الله الاسبوووع الياي العيد ميره : هيه والله رمضان طاف ولا حسينا الريم : هيييييه والله امل : هيييييييه بعد ترا عيد ميلاادي ميره : والله كل عام وانتي بخير مقدمااا امل : وانتي بخير حبيبتي ميره : كمـ بتدخلين؟ امل : احم احم بدخل 17 سنه ميره : العمر كـله امل : والله احس ان ريمو غبيه ليش ماتاخذين الليسن ميره : عادي عمي بيخليها ؟ الريم : مادري ماتوقع وبعد اصلا ماحتاجه الكليه احمد يوديني وابويه ايبني عادي يعني واصلا انا اخاف ميره : اآآآه لاتذكريني ف الجاامعه الريم : ليش بلاها ؟ ميره : تعبت تخيلي تعرفيني انتي جامعه الشارجه كيف صعبه وهلاك كبيره وعفسه وانا صايمه يعني تعب موت الريم : هيه الله يعيينج الكليه احسن ميره : هييه والله ياليتني دخلتها ولا هالعذاب امل : خلاص عاد انتي الحين سنه ثانيه يعني عادي الريم : والله ياحيهم مال المدارس مأجزيين ومرتاحين هب نحنا نكرف امل : ههههههههههه حليلكمـ والله ميره:ماعليج ماباقلهم شي اسبوع وبيداومون امل :هيه والله ماباجي شي حتى العيد بسير اييب عباتي الريم: هيي صح امس المحل طرشوولي مسج ان عيبنا خلصن امل: زين عيل باجر بخلي حد ايييبهم ويلسنا نسولف وعقب روحنا .................................................. .............. المكان : شارع المطار الساعه : 8 حميد .................................................. ............... توني مبند من عند اخوي حمد ..هااخوي مسافر المانيا يكمل دراسته وبعد كم شهر بيرجع هوه اكبر عني بسنتيين عمره 24 اتصلت ف ربيعي سعوود اباه يطلع وياايه ملان جفته اونه طالع ويا اهله افف ملان جان تي ف بالي فكره قلت ليش ماتصل ف ولد عمي احمد بطلع وياه يمكن اسمع عنها شي شكلي تعلقت فيها اتصلت ف احمد .. احمد : الوؤو حميد : مرحبا الساع احمد : مرحباا ملايييين ولايسدن حميد : شحالك بوشهاب احمد : مانشكي باس الغالي وانت علووومك ؟ حميد : يسرك مايضرك احمد : دووم حميد : الا اقول يابوشهاب وينك انته ؟ احمد : والله توني طالع من البيت حميد : بتسير مكان ولا احمد : لا ولله بس جي ملان حميد : زين عيل تعال ويايه ؟؟ احمد : اوكي هب مشكله انت وين حميد : بنتلاقى صوب باركنات مستشفى القاسمي الي برع احمد : اوك خلاص باي حميد : باي وصلت هناك ويلست اتريا احمد .................................................. ............... المكان : سياره احمد الساعه : 8:22 احمد .................................................. ............... بندت عن حميد وسرت صوب المستشفى جفت سيارته البورش موقفه هناك وقفت سياارتي النسيان وركبت سيارته وسلمت عليه حميد : هاه احمد وين تبانا نسير ؟ احمد : شرايك نسير البحيره ؟ حميد : اوكي زيـن ... احمد : وعلومك بعد شو مسوي ؟ حميد : وللله ماشـي علووووومـ... احمد : الا اقول حميد تعرف خليفه ال.. حميد :هيييه عرفته كان ويانا ف المدرسه احمد : سمعت انه مسوي حادث حميد : والله وشحاله الحين .؟ احمد : والله تمام بس رضوض وكسر ف ايده حميد : زيين الله يكفينا شر الحوادث احمد بحزن : هييه كفايه الي راحو بشر هالحوادث حميد شكله عرف: الله يرحمهـ ... احمد : امين ... بس تعرف سياارته طرشولي صروتها راحت اقولك مول ماتنفع حميد : نفاد السياره اهم شي هوه احمد : هييه والله ويلست اسولف وياه وعقب ردني البيت وسار بيتهم .................................................. ............. المكان : بيت بو احمد الساعه : 11 الصبح امل .................................................. ............ نشيت اليوم وانا نشيطهـ لاني رقدت من وقت امس سرت تسبحت ولبست جلابيه وسرت تحت جفت اميه وابويه يقرا الجريده امل : السلام عليكم صباح الخير امي وابويه : عليكم السلام صباح النووووؤر امل : شحالك ابويه شو مسويه ابويه : بخير حبيبتي انتي شحالج ؟ امل : بخير دااااااااااامك بخير امايه: هييييه بس ابوج تسألين عنه امل : لا افا عليج انتي الخير والبركه امايه :هييه قصي عليه انتي امل : محشوومه فديتج ابويه : فديتج نشي وعي اخوانج خل يتجهزون حق الصلاه امل : ان شاء الله عبود هني؟ امايه : هيه امل : مابغا اي امايه : شو تبييبه انتي سيري وعي اخوانج انتي سرت وعيت اخواني حق الصلاه وسرت سويت دخون وسرت صوب الصاله حطيت دخون ويلست ادخن البيت وسرت فوق دخنت غرفتي وانا طالعه جفت ابويه ف الصاله لابس ابويه : وعيتي اخوانج ؟ امل : هييه فديتك ابويه : زين تعالي دخنيني امل : صبر بحطي عود سرت حجرتي حطيت عود ف المدخن وسرت الصاله دخنت ابويه وشوي يأ احمد وعبود ودخنتهم وسارو يصلون سرت حجرت ريمو وعيتها صليت ونزلت تحت جفت امايه يالسه امل : امايه خلي حد اييب عباتي انا وريمو لانهم خلصوو امايه : باجر بخلي احمد يمر ايييبهم امل : خلييييه اليوم امايه : لا اليوم بنسير راس الخيمه بنفطر هناكي امل : اهااا زين زين وشوي ونزلت ريمو الريم : صبااح الخير نحنا: صبااح النور الريم : ها شو اخباركم؟ امايه :بخير امل : اقول ريمو ترانا اليوم بنسير راك الريم : زين زين امل : زين عيل انا بسير فوق بقرا قران شويه وبيلس ع النت امايه :الله يهديكمـ... سرت وانا مبتسمه من دعاوي امايه الله يخليها .... نهايه البـآأرت |
بدآأآيـه البـ’‘ـ’آأ‘رت السأآدس .................................................. .............. المكان: المسيد الساعه : 1 الا ربع احمد .................................................. ............... توني طالع من المسيد جفت هناكي عمي وحميد لان بيتهم جريب وسرت البيت قالتلي امايه ان بنسير راك وقلتلها توعيني حق صلاه العصر سرت ارقد لاني امس مارقدت الا عقب الفجر توني راقد سمعت صوت مباايلي افف انقهرت من الخاطر شليته وانا ناوي اهزب المتصل جان اجوف رقم يزووي استااانست ورديت احمد : الو اليازيه : احلى الو احمد : هلا وغلا اليازيه : اهلين شحالك ؟ احمد : بخير يعلج الخير وانتي اليازيه : بخير دامك بخير احمد : رجعوولج الفون ؟ اليازيه: هييييه اليوم رجعه اخوي احمد : والله زين اليازيه : هييييه يلست احن عليهم لين ماعطوني اياه احمد : اهااا اليازيه : شو تسوي انت احمد : لا ماشي كنت طايح برقد اليازيه : عيل اخلييك الحين احمد : لاا عاادي اليازيه : لا لا انا بعد بسير اصلي واقرا قران احمد : اوك عيل تقبل الله اليازيه : منا ومنكم احمد : مع السلامه اليازيه : فمان الله سكرت عنها وطحت ورقدت .................................................. ............... المكان: بيت بو حميد الساعه : 2 الظهر ميره .................................................. ............... كنت يالسه ملانه لا شغله ولا مشغله ماعرف شو اسوي قلت خلني اقوم اسوي شي سويت ولا شي سرت المطبخ وسويت كيكه وسرت تسبحت ويلست اقرا قران وعقب دخلت المسن جفت محمد اون لاين استانست موووت احم احم نكي كان كنت أنا ويـــــــاك صحرى مع مزون لو عطشت القلب مــــــن دمعه رواك وهوه كان نكه سبحان الله اني كنت من الظالميين بديت انا ارمسه عسب اتحمدالله بالسلامه كنت أنا ويـــــــاك صحرى مع مزون لو عطشت القلب مــــــن دمعه رواك: مرحبااااا الساع سبحان الله اني كنت من الظالميين: مرحبتيين ... كنت أنا ويـــــــاك صحرى مع مزون لو عطشت القلب مــــــن دمعه رواك: الحمدالله ع السلامهـ ... سبحان الله اني كنت من الظالميين : الله يسلمج غناتي ... كنت أنا ويـــــــاك صحرى مع مزون لو عطشت القلب مــــــن دمعه رواك: شحالك الحين ؟ سبحان الله اني كنت من الظالميين : بخير ربي يسلمج عقب شهر بيشلون الحديده وانتي علومج الغلاآ... كنت أنا ويـــــــاك صحرى مع مزون لو عطشت القلب مــــــن دمعه رواك: انا بخير دامكـ بخير سبحان الله اني كنت من الظالميين : فديتج خل يشلون الحديده بي بخطبج .. كنت أنا ويـــــــاك صحرى مع مزون لو عطشت القلب مــــــن دمعه رواك: بس احس بسرعه اصبر شويه احس بعدني صغيره.. سبحان الله اني كنت من الظالميين: لا فديتج مااقدر اصبر ازيد بعدين خلاص انا الحين عمري 23وانتي عمرج 20 يعني اوكي وبعد وخلاص يعني كنت أنا ويـــــــاك صحرى مع مزون لو عطشت القلب مــــــن دمعه رواك: اوكي بجوف ويلست اسولف وياه وعقب طلعت وعقب بندت عنه بصراحه احس عمري هب مستعده يخطبني بس ماودي اكسر بخاطره وبعد صح كلامه يعني اوك سنه لين متى بيصر انا الحين من متى اقوله اصبر وهو صبر مسكين .................................................. ......... المكان:بيت بو احمد الساعه : 4: 10 الريم .................................................. ........... طلعت من غرفتي سرت غرفه امل جفتها يالسه ع الاب توب الريم : امول شو تسوين امل : اصمم.. الريم :حق العيد امل : هيه عسب افتك لاني احس اني بكون بزي هالاسبووع الريم: اهاا اوكي امل : اليوم ابا اسير السفير مال راس الخميه الريم : هيه حتى انا اباا اسير لايف ستايل امل : بنخلي خالو مهره تودينا وبنشل خولو ويانا الريم:اوكي انا بسير اتجهز لان بعد شويه يمكن نسير امل : اوك حتى انا بعد بتجهز الريم : بعد سيري وعي احمد امل : اوك طلعت من حجره امل سرت غرفتي طلعتلي بدله تنوره ورديه ويابدي لبست لبست اكسسوارات ولفيت شعري بتوكه واجحلت ع الخفيف وحطيت مرطب ولبست نعال سطاحي وردي وطلعتلي عباه فيها وردي جفت الساعه كانت بعدها خمس الاربع قلت بعده وقت قمت يبت الفون يلست ارمس امون .................................................. ............... المكان : بيت بو احمد الساعه : 4:15 العصر احمد .................................................. ............... كنت يالس اقرا قران سمعت حد يدق الباااااب احمد : تفضل.. امل : هلا حمود انت واعي ؟ احمد : لا راقد شو تجوفين جدامج امل : بسم الله بلاك كلتني احمد : لا ماشي امل : انت بتسير ويانا راك ؟ احمد : هيييه بسير وياكم امل : ف سيارتك ولا ؟ احمد : فسيارتي لاني برد من وقت امل : اها ودنا وياك احمد :لا مابا انا مب متفيج حق حشرتكم امل : لا لا والله مابنسوي حشـرهـ... احمد : اوكي خلاص انا بعد شويه بسير سيري اتجهزي وقولي حق اختـج امل : اوكي خلاص باي احمد : باآي طلعت عني رديت اقرآ قرااااان ورن فوووني احمد : الو خليفه : مرحببباااا السااع بالقااطع احمد : مرحبتيييييييين واللله خليفه : شحاااالك؟ ربك الا بخير احمد : بخير ربي يعافيك علوومك ؟ خليفه : تمام وينك من يوميين مالك حس احمد: والله موجوود خليفه : بتظهر ويايييه اليوم احمد :مادري بجوف انا بسير راك اليوم اذا ظهرت من وقت بمر عليك خليفه : اوكيييك رد عليه عقب .. احمد : خلاص برد عليك خلاف خليفه : اوكي عيل برايك احمد: اوك فمان الله.. بندت عنه وسرت اخذلي شور واتلبس .................................................. ............... المكان : بيت بو احمد الساعه: 4:38 امل .................................................. ............... عقب ماطلعت عن احمد مريت على ريم وقلتلها ان بنسير ويا احمد وسرت غرفتي بدلت ثيابي لبست تنوره سوده فيها وردي وبلوزه ورديه فيها اسود ولبست اكسسورات وحطتلي حجال وغلوس وردي وطلعتلي عباه ساده واسكاارف فيه وردي و طلعت من غرفتي سرت عند ريمو دخلت عليها كانت ترمس امون قلتلها خل تعطيني ارمسها امل : مرحبا ملايين ولايسدن ف ذمتيه امون : مرحبتييين الغلا آ ... امل : شحالج امونه .؟ امون : تمامووووؤوؤو وانتي ؟ امل : بخير الحمدللله شو تسوين ؟ امون : والله ماشي متفيزره امل : ههههههه من زمان ماجفناااج تعالي بيتنا ؟ امون : انتوو تعالوو بيتنا من متى انا اقولكمـ.. امل : بجوف انتي اول تعالي امون : خلاص عقب بشاور امايه وبجوف امل : اوكيييه ياكييييك امون : هع امووول قرب عيد ميلادنا امل : هيييييييه الجمعة الياي امون : هيييه 18.9 امل : عاد محد بيسويلنا سالفه رمضان امون : خههههه صدقج والله امل : انزين الغلا عيل ماطول عليج تامريني بشي ؟ امون: لا سلامتج انا بعد بسير اتسبح امل : الله يسلمج وسلمي ع امج وخواتج امون : اوكي الغلا وسلمي ع ريم امل : يوصل فمان الله امون : الله يحفظج بندت عنها وصديت صوب ريمو جفتها سرحاانه امل : ريمو ريم : هاه شو تبين ؟ امل : تفكرين فيه ؟ ريم: همممممـ هييه امل : تصدقين يوم يا بيتنا المره الي طافت اجوفه يطالعج غير الريم : كيف يعني غير امل : ماعرف واالله الرريم : مادري والله دش احمد الحجره جان يقول احمد : خمس دقاايق اذا ماجفتكم ف السياره برووح عنكمـ.. قمنا نتراابع انا سرت حجرتي لبست عباتي والشيله وشليت شنطتي ونظارتي الشمسيه ومريت غرفه امايه قلتلها انا بنسير ويا احمد وركبت السيااره ورا جفت ريمو جدام واحمد بعده ماياا يلست اتحرطم هوه يقولنا خمس ددقاايق وهو برووحه لين الحين مايا شويه ويا حميد وتحركنا صوب شارع الامارات... .................................................. ............... المكان : سياره حميد الساعه : 5 العصر حميد .................................................. ............... توني طالع من الحلاق متحلق ركبت سيارتي ورن تلفووني شليته جفت الاسم جان اكشر واع هاي شو تبا من زمان ماتصلت حميد : الووو غاليه بدلع ماصخ : فديييت الالوو انا حميد : نعـم .. ؟ منوويايه ؟ غاليه : افاا حبيبي نسيتني انا غاليه حميد : خير شو تبين ؟ غاليه : ماشي حبيبي بسولف وياك حميد : انا مشغول وياليت ماتتصلين مره ثانيه .. غاليه : ليش حبيبي انا مشتاقتلك حميد : اقول لاتتصلين ماتفهمين انا بعرس غاليه: حبيبي وانا تراني احبك حميد : وانا ماحبج ياليت مااتتصلين مره ثانيه يلا باي بندت ف ويها وانا منقهر هاي بلاها افف ماتفهم بس ليش مارمستها مادري بس احس شي ف داخلي يمنعني احس اني بديت اميل حق الريم بس ياربي انا مابا احبها لاني احس انس ماقدر اففف يالله مب قادر افهم عمري يمكن عادي مجرد اعجاااب وبعدين انا بعدني صغير وعلى هالافكار وصلت البيت ونزلت من سيارتي جفت امايه توها طالعه من المطبخ سرت بستها ع راسها حميد : شحالج الغلا؟ ام حميد : بخير حبيبي وانت شحالك شو مسوي ؟ حميد: والله يسرج ام حميد : يلا عيل انا بسير اتسبح بعد شويه بيأذن حميد : انزين عيل انا بسير اقرا شويه قران بعد سرت فوق وقبل لااسير حجرتي جفت زيودد اخوي الصغير عمره 3 سنوات يطالع توم وجيري ف الصاله سرت شلييته وبسته وهوه يخوزني يبا يطالع توم وجيري يلسته مكانه وسرت وانا طايف جفت غرفت ميره دقيت الباب محد رد عليه دخلت جفت المكيف يشتغل والمسجل محطوط ع قرآن ومحد ف الحجره قلت يمكن ف الحمام طلعت وسرت غرفتي اتسبح واقرا قران شويه لين الاذان نهايه البـآآآرت |
| الساعة الآن 10:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir