|
السلام عليكم ورحمة الله وبركاته اول شي حبيت اشكركـ على الموضوع وبالنسبهـ للأسئله 1- لووعندك بنت تعرفت على واحد وعرفت انه من قبيله ثانيه بس ريال ويخاف الله هل بتوافق عليه بس طبعا بعد ما تسأل عنه ؟ انا عني بوافق دامه يخاف اللهـ يعني بس كيف يخاف الله ورضى يرمس وحده ع النتـ يعني السالفه من بدايتها غلط بس دامه يبي يصلح غلطتهـ مابنقول لا 2-هل البنت من حقهااا تختار الشخص اللي بيكمل ويااها العمر اللي بتنبني بالاسره كبيره ؟ اكيــد انا دايماً احتج اذا الاسرهـ تدخلت بيت الزوج وزوجته لان هم اللي بيعشون مع بعض وهم اللي فاهمين بعض ليش ندخل ... واما من ناحية العيب فالعيب من البنت لان رمست واحد ع النت لو ماكان الريال في خيـر شبيصير ذيكـ الساعه |
السلام عليكم ورحمة الله وبركاااته تسلم يا خوي على طرحك في الاستراحة اولاً:: الغلط غلط......سواء حللناه بالطريقة الصح او باللي نباااها.....كيف هالبنت سمحت لنفسها انها تعرف على واحد غريب عنها....وترمسة....هي جيه خااانت اهلها وخانت الثقة اللي عطوها ايااها.....كيف هي ترضااها على نفسها... ثانياً:: ما بني على باطل فهو باطل>>> علاقة اساسها الحرام ما راح تكمل.......الغلط راكب الطرفين.....هو كيف يرضى يرمسة وحده....ليش هو ما عنده خوااات يخااف عليهن.....وكيف تقو انه يخاااف ربة...لو هو يخاااف ربه ما تعرف على وحده بطريقة هب زينه...او رمس وحده ما بينهم اي علاقة...خطبة او زواج......الوف من الله معناتها...انه الانسان يتق ربه في كل تصرف هو يتصرفه سواء في الخفاء او امام اعين الناس... ثالثاً:: الأهل ويااهم حق ...... جيه هب كل من تقدم للبنت قالو له يرمرحبا ..... من واجبات الاهل صوب بنتهم...اذا تقدم لها وااحد يسألون عن اصلة وفصلة واخلاقة ومعانيه....وبعدين ايون للبنت ويقولن لها تراه الريال جيه جيه جيه,.....بينه وإلا ما تبينه ...هنيه يبدأ دور البنت....بيدها القرار...الاهل مستحيل يغصبون البنت على ريال...حتى لو هو مش زين....بس انه مثلاً هالريال..هب زين...او ما يعرفون عنه شيء...هنيه الأهل عاارفين مصلحت بنتهم وين....يردونه ..... رابعاً:: البنت لها الحق الاول في أختيار الزوج...وذلك عن طريق انه الأهل يسألون عن الريال...واذا هو والنعم...هنيه مهمة الاهل تتوقف..ويقولن رايهم للبنت..ويبقى راي البنت...بالقبول او بالرفض......هو الاول والآخير... السمووووووووووووحه وهذا رايي..... |
مرآآحبـ ’’ بخيــر ربي يعافيكـ ’’ هممـ صح انه الموضوع من بدايـته غلط × غلط بس إذا الريال إداركـ الأمر وكـأن صـادق بمشاعره و مبـ لعيبـ عدلـ الوضـع و شراآت ما يقولون [ اللي يبا الصلاهـ ما تفوتهـ ] و اللي سوآآه مب غلطـ [ دخل من الباب ] و الاهلـ ردوه لسببـ [ التعصب ] شراتـ ما يقولونـ [ حلاة الثوبـ رقعتهـ منهـ وفيهـ ] ,, هنـي خلاصـ [ Stop ] ما بيقدر الريــآآلـ ’’ يسويـ اي شي ,, اللي عليـه سوآه ,, والليـ [ ما يعرفكـ ما يثمنكـ ] ,, احسـن لـه [ ينسـى ] [ وعسى أن تكرهوا شيئاً وهو خيرٌ لكم وعسى أن تحبّوا شيئاً وهو شرٌّ لكم ] والبنتـ لها الحقـ تختـار وترفـض اي انسـىن تقدم لها ,, رايـ لا اكثـر & السموحه منكم |
هاااااااااااياااااااااااات ....... الموضوع حلو بس الشي اللي مب عايبني انه الناس ماحبوا سالفة الجااااات ...انا من رايييي انه يمكن الجااااااات يكووون في لعب و مسخرة بس الرياااال في الاخير خطبهاااا من اهلها يعني هو انسااان يخاااف ربه و يباااهاااا بالحلااااال - لووعندك بنت تعرفت على واحد وعرفت انه من قبيله ثانيه بس ريال ويخاف الله هل بتوافق عليه بس طبعا بعد ما تسأل عنه ؟ اكيييييييييييييييد ...... لانه الريال ما بنرفضه بسبة قبيلته المفروض نرفضه بسبة اخلاقه 2-هل البنت من حقهااا تختار الشخص اللي بيكمل ويااها العمر اللي بتنبني بالاسره كبيره ؟ اكيييييييييييييد ...لانه اولان و اخيران البنيه اللي بتعيش وياااه مب الاهل و مشكوووور عالموووضوووع الروووووعه.......بسي مرررة ثانيه يوم بتسأل اكتب اسئله حج البنااااات مب بس حج الاولاااد بس انننا ماعليه جاوبت ...........ملقووووفه ....هههههههه |
انا اعرف واحد تزوج وحده تعرف عليها من الإنترنت بس لحد الآن خاشيين هالشي لنه مجتمعنا مايرحم او انه يتقبل ها الشي بسهولة ... ونصيحة لكل اخت يستوي وياها ها الشي ماتغامر وتقول لأي شخص ، وزواج الأنترنت 4% ممكن يستوي و 96% مستحيل يكون صادق .. وبالنسبة للزواج من غير قبيلة هالشي يرجع للبيت نفسة وليست للقبيلة نفسها انا اعرف قبايل كبيرة فالدولة ماخذين اجنبيات وحتى من عوايل عادية حضرية .. يعني بكل بساطة ها الشي يرجع للبيت نفسة وليست للقبيلة من حيث يناسبون قبيلة اخرى وكل قبيلة لها فخايذ وجذور ماننكر هالشي وكل فخيذة تختلف عاداتها واعرافها من وحده لأخرى اخوكم / النعيمي |
| الساعة الآن 03:05 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir