منتدى استراحات زايد - تطور فى العزاء

منتدى استراحات زايد (http://vb.ma7room.com/index.php)

- الحوار والنقاش - الرأي والرأي الآخر (http://vb.ma7room.com/forumdisplay.php?f=7)

- - تطور فى العزاء (http://vb.ma7room.com/showthread.php?t=25103)

اقتباس:

المشاركة الأصلية كتبت بواسطة الخالدي-018 (المشاركة 461928)

وعليكم السلام ورحمة الله وبركاته

عز الله ماتسذبتي اختي زهور العزاء الحين صار تسنه عرس

قهاوي وسوالف وضحك لدرجة اني سمعت واحد يقول لخويه اللي ماشافه

مبطي((هذي الساعه المباركه)) بالعزاء وعيال المتوفي يسمعون، زين يااخي

راع الوضع اللي هم فيهم مستانس بخويك عزوا وعقب اللي يسمح دروبكم

اطلع وتحفى فيه مثل ماتبي.

وش نقول؟؟ هذا الواقع يالله لاتبلانا لكن انا وصيت اهلي مايفتحون مجلس

لعزاي ويكون بالمقبره بعد الدفن..

شكراً على الطرح

آخــوتس

الـخــآلــدي

اي والله صدقـــــــــــــت يا اخوي....

قبل كم يوم كنت اشاااهد برناااامج فى قناة راي....الشيخ قال انه كان فى واحد والد متوفي...و هو فى سوااالف سأله....تشجع اي فريق..؟؟؟ لا حول ولا قوة الا بالله

مشكــــــــــــــــــــور اخوي ع المــــــــــرور الطيــــــــب..لاهنـــــــــــــت

زهور ... مشكوره عالموضووع الاكثر من مهم ... وصدقتي والله .. الحينه صار العزاا عند ( بعض ) الناس شي عادي شراات اي عزيمه ... مثلا تلقين بعض البنات اذا يبن يسيرن العزاا .. مع احترامي لهن طبعاا ... تلبس احلا عباه عندها والروج والعطر والذهب ... وتسير تيلس دق سوالف وعلوم مع صديقاتهاا .. طبعاا اللي اتفقت وياهن انه يتلاقن في العزاا ... بنيه تقديم العزاء ..

واناا ما بحط اللوم بس على بعض البنات ... حتى بعض من معشر الشباااب .. تلقوونه ضارب بالويه ويالس سوالف في الفون ولا ضحك مع فلان وعلان ... ولا بعد تلقوونه يقول لواحد من ربعه يعني لو ما مات بو فلان .. ما كنت بشووفك ..

عندي ملاحظه : على شي مش طبيعي قام ينتشر عند بعض الناس ... وهالشي هو .. واللي يمكن البعض لاحظه اذا راح يعزي .. ( الاسرااف ) في الاكل تلقينه نااصب خيمه .. ما قلناا شي بالعكس عسب يروم يستقبل المعزيين على راحته .. لكن تلقين الخيمه مدحوووبه من العيووش والذبااايح ... واكثر المعزيين تلقينهم ياااي خمس دقاايق وشرده .. طبعاا غير اللي ياااي يطمش ...:00:

والسمووحه منكم جني يالس اهذرب ...:02:

ومشكوره الغاليه مره ثاانيه عالموضووع ...

مابزيد على كلامج الصراحه ..

وشي ظاهره يديده .. يحطوون خيمه حذال البيت وفيها خدمه فندقيه .. بالمره ماتحسين انج فعزى !!

وتلاقين اللي فيها يضحكون ويتبادلون اطراف الحديث ولا كان شي صاير ؟!؟

يعني ليش كل هالمظاهر اللي مالها معنى ..

الميت بس يباكم تترحمون عليه وتدعون له بالمغفره .. تقرون اجزاء من القرآن .. لا اكثر ولا اقل ،،، !؟!

نحن في زمن تطبق فيه هالمثل " اللي فات مات " والحي ابقى فيه من الميت .. يا سبــحان الله ..

اقتباس:

المشاركة الأصلية كتبت بواسطة يوييل_الغربيه (المشاركة 475493)

صدقتــــــــــي والله انه الاسرااف..وااايـد صاار...كانه عزاء ...كلها أكل و شــــــــــرب..و حلوياات و ما ادرى شو..؟؟؟

تسلميـــــــــــــن حبـوبه ع المــــــــــــرور الطيـــــــــــب..لاهنتى..

منـــوره

اقتباس:

المشاركة الأصلية كتبت بواسطة sŋfoOrT AD (المشاركة 476534)

تسلميــــــــــــــــــــــن ع المــــــــــــــرور الطيــــــــــــب...منــــــــــوره