منتدى استراحات زايد - افكـــار حلوه للاعراس .. حياكم ~

عندي كم فكره راح اقولها لك كمثال وانتي شوفي اللي يناسبك :

1) وهو انه يجي العريس وحده يمشي على موسيقى او اغنيه او زفه محمد عبده الين يوصل للمنصه ( الكوشه )
طيب يكون وجهه وقتها للمعازيم طبعاً الحريم المهم تجي فهالوقت العروسه
وطبعاً يشغلون لها اغنية عبدالمجيد عبدالله اذهلتني يوم صوبي مقبله اضنك عارفتها وطبعاً الى ما تجي للكوشه وبعدين يمسك يدها ويقبل راسها وتقوم برش الورد على الحضور .
2) وهو انه يجي العريس ايضاً وحده ماسك بيده المسكه تبع الورد تبع العرووووس ويمشي ليصل لدرجه المنصه
وقف عندها تقوم تجي العروس ويشغلون لها اغنية علي بن محمد اقبلت الين تقرب منه يقوم هو يعطيها المسكه
ويقبل جبينها وياخذها ويجلسون .
في حركه طلعو فيها حلوه وهي انهم ياخذون فلوس ريال ، خمس ريال ، عشر ريال ، ويقومون بلف كل ورقه منها
بسولفان الهدايا يعني تصير مطويه وعليها سلوفان وتعبى في سله ويمسك بها العريس لحين قدومه للممر ويقوم
رشها على الحضور والله جد سله يعبيها ويرشها تلاقين الناس يلومون من تحته
كانهم جايين من مجاعة افريقيا اخخخخخ .
ايضاً في حركه التقائهم في نقطه معينه طبعاً عارفتها لانها هي المنتشره والسايده وهي كل واحد منهم يجي من
جنب من جوانب القاعه او القصر او الفندق على حسب اذا لم يكن به ممرين ويلتقون في نقطه واحده ويقبل جبينها
ويمسك يدها ويطلعون للمنصه .

اتمنى اعجبك شي