|
السلام عليكم ورحمة الله وبركاتة ------ .:[ الحلقة السادسة ]:. عذراً لاني ماكتبت المدونة في وقتها . نظراً لأنشغالي وانضغاطي شوي خخخ ورجوعي للبيت في وقت نومي. نبدأ الحلقة مدونتي لتاريخ 1/7/2009 . يوم الاربعاء قعدت من نومي الساعة 8:00 صباحاً .. غسلت وتوضيت ورحت اصلي صلاة الفجر . لاني ماصليتها في وقتها . عقب ماصليت . رحت ابي اتريق . كلت لي خبز وجبن شوي . وكوب حليب . طبعاً الضيف موجود عندي . نايم فالميلس ^^ ماحبيت اوعية . لانة لازم يرتاح شوي . وراه خط العصر . المهم رجعت الغرفة . وسويت نفس الحلقة الخامسة . اتصلت للشخص نفسة عشان اطفرة واوعية من رقادة . الاتصال الاول مارد علي . الاتصال الثاني رد . وقالي هي تتصل مرتين ورى بعض عشان تخليني افز من رقادي هههه المهم طفرتبة اقولة يالله نش نش نش . ليييييييين خليتة ينش وقعدت على الكمبيوتر وتصفحت المنتدى . لين الساعة 10:00 . واتصلبي الضيف . قعد من النوم كان رايح شوي مشوار يوصل اهلة . وكملت على المنتدى لين الساعة 11:00 رجع الضيف واتصلبي قال انا وصلت . وسكرت الجهاز والمنتدى . ورحت عندة . وقلت للخدامة تحط ريووق لانة ماتريق المهم تريق الضيف . وانا كلت شوي وياه بعد . ويلسنا نسولف ونضحك ونتابع التي في لين صلاة الظهر . صلينا . وعقب رجعنا نتابع التي في . كنا نشوف فلم مصري بطولة محمد هنيدي . وإسم الفلم . يا انا يا خالتي المهم يلسنا نتابع لين قبل العصر بشوي . ونسولف طبعاً . ونضحك خلص الفلم .. والضيف قالي يا فلان تراني بتوكل الحين . وحانت لحظة الوداااااااااااااع :( المهم سلمت علية . وودعتة . وتوكل على الله وراح . انا رجعت غرفتي . وشغلت الكمبيوتر ودشيت المنتدى شوي . لين صلاة العصر . وصليت ورجعت على المنتدى . وكنت انـزل برنامج الفوتوشوب . لاني أفكر اتعلم عليه هالفترة ^^ المهم نزلتة وخلصت . وشوي . يرن تلفوني . اكبر اخواني يتصلبي خخخ طبعاً هو متصل ثلاث مرات وانا مارديت لاني ما انتبهت كلمتة . قالي وين انته ماترد !! قلت له التلفون سايلنت المهم . قالي تعال بتشل هذا العامل مايشوف من عيونة تلبست ونشيت وسرت له العزبة . عيونة مسكين ملتهبة + فيها جفاف قوي جداً . والسبب من آلة لحم الحديد ^^ المهم شليتة مسكين . ووصلتة عيادة عيون . طبعاً انا ماعرف اي مكان احصل عيادة عيون . يلست ادور وادور وادور . لين بالحظ شفت عيادة عيون . وصلتة اهناك . وكااااانت زحمة العيادة . المهم انتظرنا لين وصل دورة . وكشف عليه الدكتور وخلص . وعطاني وصفة عشان اخذها له من الصيدلية . سرت اول صيدلية . بشتري الدواء . بس ماحصلت عنده الوصفة كلها . حصلت شي . والشي الثاني ماحصلتة . المهم خذت الي حصلتة . ورحت صيدلية ثانية عشان اخذ الدوا . وخذتة . وانا موصلنة العزبة اتصلبي أحد الاصدقاء يسولف وياي . وسألني وين و و و إلخ . قلت له الحين راد بوصل العامل يايبنة من العيادة . وقالي عقب وين بتروح !! قلت له بروح البيت . قال انزين يوم بتخلص من هذا . تعال عندي بنيلس مايلسنا من فترة !! طبعاً انا كان فيني رقاد ههههه . لكن استحيت . المهم قلت له اوكي وصلت العامل . ورجعت البيت . طبعاً . انا وصلت البيت بعد صلاة العشى . يعني لا صليت لا مغرب ولا عشى :( المهم توضيت وصليت المغرب والعشى . ولبست وطلعت عساس بسير عند صديقي . سرت وقعدت معاة فالميلس . وسولفنا وشفنا التي في مع بعض . وناقشنا مواضيع كثيررررررررررررة كثييييييييييييرة المهم . شفت الساعة !!! وإلا اشوفها واصلة 11:59 اقول في خاطري خيييبة اليوم سهرت وايد لازم اسير ارقد . ترخصت عن الريال وقلت له بروح تعبان بوطي راسي وبرقد . رجعت البيت . يوم رجععععععععععععت . اكتشفت إني من اول ماطلعت من البيت العصر وانا كنت ابي اشتري رصيد . لكن نسسيت وما اشتريت مول . واقول في خاطري الحين اروح ولا ما اروح !! فيني عيازة . لكن في الاخير نشيت وطلعت . سرت شريت الرصيد ورجعت البيت . وقبل لا ارقد . يتني مكالمة من شخص صار له فترة ماكلمني . وقعدنا نسولف شوي . وطبعاً انا مغفي وكل شوي اتثاوب هههه سولفت سولفت سولفت وياه . اخر شي قلت له انا تراني تعبان فيني رقاد هههه قالي خلاص نوم العوافي . وسكرت عنة . وعقب وطييييييييييييت راسي وررررررررررررررررررررقدت وتوتة توتة خلصصصصصصصت الحتوتة مع الســـلامة |
السلام عليكم ورحمة الله وبركاتة ------ .:[ الحلقة السابعة ]:. اليووووووم نشيت تقريباً الساعة 9:17 صباحاً . اول مانشيت رحت غسلت وتوضيت . وصليت صلاة الفجر . كالمعتااد تطوفني ما انش اصليها في وقتها :( بعد الصلاة . رحت ابي اتريق .. تريقت شوي وشربت لي كوب حليييب ورجعت الغرفة . اول مارديت مسكت التلفون . واتصلت حق الشخص الي كل مرة يسهرني وانا اوعية من الصبح . قلت خلني اوعية من الرقاد مابخلية يرتاح . اتصلت به مرة وحده ومارد علي . عقب فكرت . وقلت يحليلة بخلية يرقد ويرتااح ^^ المهم شغلت الجهاز ودشيت المنتدى واتصفع المواضيع و و و و إلخ . لين تقريباً الساعة 10:10 . نشيت عقبها وتكشخت ورحت احد المراكز . عشان اشتري لي عطر . المهم رحت وخذتلي جولة شوي . وعقب رحت يلست في كوفي واشرب لي هوت شوكليييييت وصار لي موقف شوي هههه بس مابقولة .. المهم خلصت وطلعت . رحت اتحلققققققققققققققققققققق واخيراً بعد عناء ثلاث ايام متتالية سرت اخفف على شعري شوي . كل مرة افكر اسير يطلع لي شغل . المهم سرت وتحلقت وخلصت . ورديت البيت . صليت الظهر وتغدييت . وبعدها يلست على الجهاز . وفتحت المنتدى وتصفحت لين العصر . وبعديييييين صصصصصصلاة العصر عقب الصلاة رجعت على الجهاز . ويلست شوي . لين قبل المغرب بشوي . واتصلت لي الوالدة . وقالت لي اباك تروح العيادة تيب لي ادوية ^^ رحت اييب لها ادوية . ورجعت . صليت المغرب . وعقب طلعت رحت شوي الاسواق للتبضع. خلصت ورديت . وصليت العشى .. ويلست على المنتدى من عقب صلاة العشى . عقب حسيت باليوع . قلت بروح اشوف لي عشى . والصدمة إنة ماكان في عشىى خلصووه عني ههههه رضيت بالامر الواقع . ورحت اسوي لنفسي سندويجة جبن :( وكوب حليب طبعاً . ورديت على المنتدى لين هذه اللحظة الي اكتب فيها مدونتي لهذا اليوم . والحين الساعة 12:11 صباحاً . وبروح إن شاء الله بوطي راسي وبرقد .. مع الســــــــــلامة |
السلام عليكم ورحمة الله وبركاتة ------- .:[ الحلقة الثامنة ]:. نبدأ طبعاً من وقت قعدتي من النوم . اليوم نشيت الساعة 10:30 صباحاً . طبعاً كالمعتااد . انش مطووف صلاة الفجر :( نشيت غسلت وتوضيت . وصليت . ورحت عقب ابي اتريق . شفت الريوق مش ولا بد . فـ كلت شي خفيف . وشربت لي كوب حليب . توني اتمشى في انحاء المنزل . إلا ماماتي تزقرني . المهم رحت عندها . قالت لي اباك تسير بسرعة الحين الملحمة . وتخليهم يذبحون ديايتين ضروري بنسوي هريس . قلت لها إن شاء الله . وسرت اشغل السيارة . ورديت اتلبس . ورحت اشتري ديايتين ويذبحونهن في نفس الوقت . ويقطعونة قطع خاصة للهريس ^.^ المهم خلصت . ورجعت البيت . وصلت الساعة 11:30 ومافي وقت كافي عن صلاة الجمعة . ورحت اتزهب لصلاة الجمعة . وخلصت . وصلييت . وعقب الصلاة . دشيت الغرفة . وفتحت الجهاز . ودشيت موقع المصحف ^^ . وقريت سورة الكهف . خلصت قراءة . ومن بعدها رحت اتغدىى . طبعاً الغدىىىىى رهيييييييب اليوم . دياي . يم يم يم . اسميييني كللللللللللت وايد وترست بطني . وما انسى الفلفل الحار طبعاً . هالمرة كلت 3 فلفلات ونصصصصصص وفي نفس الوقت الي كنت اتغدى فيه . كانت يالسة ماماتي وياي . وكنت ارمس فالفون ويا واحد من الاصدقاء . وكان يخبرني إنة كان بالامس رايح عرس واحد من ربعنا . وانا مستغرب كيف هالانسان يعرس وانا مادري :( المهم سكرت عنة . ويلست اتغدى وانا اسولف ويا ماماتي . خلصت غدى . وعقبها رديت اتلبس . وطلعت رحت الميلس عند ربيعي . ويلست وياهم وسولفت وياهم . وعقب لعبناااااا ورقة . طبعاً خسرت اليوم وايد :( فزت قيم واحد . وقيمين خسررررررران . صليت العصر اهناك . وكملنا يلسة ولعب لين الساعة 6:00 وبعدين رجعت البيت . وطبعاً اليوم الجمعة . وهاليوم هو يوم التجمع العائلي . يعني كل الاطفال موجودين . اول مادشيت البيت اشوف شيوووومة تتمشى وتتمخطر . جان اسير عندها ويلست ابوسها . << وايد يحب شيومة لاعبتها شوي وعقب دشيت الغرفة . فتحت الكمبيوتر ودشيت المنتدى شوي . وبعدها أذن المغرب . رحت اصلي . وعقب سرت شوي قعدت ويا الاهل اسولف وياهم . وقبل صلاة المغرب كان متصلبي الشخص الي كنت ارمسة على الغدى . وقالي عقب صلاة المغرب بمر عليك البيت . لانة يايب لي اغراض ^^ المهم بعد الصلاة يا عندي . ورحت ركبت وياه السيارة وتمشينا شوي وسولفنا . وخذت اغراضي ورديت البيت . المهم . شفت الصغارية يلعبون بلاي ستيشن . وجان اسير اخذ عنهم القير . ويلست العب . وانا يالس العب . طبعاً حولي يمكن 8 اطفال . وكلهم حشرة وازعااج . والكل يقول خالي سو جذية . والي يقول عمي سو جذية . طفروووووووووني. هزبتهم وقلت لهم خلوني العب بروحي ههههه وانا يالس العب . شيومة يت عندي وتسحبني من الفانيلة ههههه تشوفني مب مسوي لها سالفة . وتروح عند باب غرفتي اونها تبي تبطله . وترد تسحبني . طبعاً انا عارف شو الي تباه . كل جمعة ضارية تدش عندي الغرفة واعطيها حلاوة هههه المهم غمضتني . وهالبنوتة ماتهون علي نهائياً . زقرت واحد من الصغارية . وقلت له بطل الباب وسير بتحصل فالمكان الفلاني حلاوة وطلع حق شيومة وعطها . طبعاً من سار يبطل الباب شيومة ركض وراه وتدش الغرفة . يلست العب بلاي ستيشن لين تقريباً قبل اذان العشى بشوي . عقب رديت الغرفة . ورمست شوي فالفون . وأذن العشى رحت اصلي . ورجعت على الجهاز ويلست على المنتدى . واتصلبي صديقي الصدوق . قالي بنطلع شوي نحوط . قلت له اوكي . المهم كملت يلستي على المنتدى لين الساعة 10:15 واتصلبي قال الحين بمر عليك . قلت له اوكي . نشيت تلبست وتكشخت . وطلعت وياه . يلسنا نسولف . عقب قالي بندش احد المراكز عشان ابي اشتري عطر . المهم دشييييينا . وراح خذ العطر . ومشاني شوي فالمركز ههه . اخر شي قبل لا نطلع قال خلنا ناخذ فرابتشينو . المهم رحنا خذنا . وطلعنا من المركز . ورحنا نتمشى شوي . عقب قال خلنا نمر الفرووج . انا كنت شبعاان وايد مابي اكل شي . هو طلب سندويجات . وطلب صحن تبولة . المهم . وصلت الطبية . وطلعنا . تونا نمشي فالسيارة . وهو يبي ياكل مب عارف . والسيارة مرة يمين ومرة يسار . كنا بنندعم ههه. قالي تعال سوق عني . المهم انا سقت عنة . وكملنا الطريق . ونسولف . حسيت انه نفسيتي مفتوحة للتبولة . وجان ابطل التبولة واكل منها . ونساير ورادين فالدرب ونسولف . ليييين وصلنا البيت . ونزلت انا . وهو توكل على بيتهم . ومن رديت على طول فتحت الجهاز ودشيت المنتدى . وحالياً يالس اكتب لكم المدونة لهذا اليوم . والساعة حالياً 1:02 صباحاً . وشكلي بديت اسهر وايد هالفترة ههههه . وششششششششششششششششششكرًا . وانتظروني في الحلقة التاسعة .. مع الســـلامة |
السلام عليكم ورحمة الله وبركاتة ---- .:[ الحلقة التاسعة ]:. اولاً العذر . لاني ماكتبت المدونة في وقتها . كنت البارحة تعبان شوي وماقدرت اكتبها ^.^ امس الموافق 4/7/2009 . نشيت من رقادي تقريباً الساعة 12:20 مساءاً اول مانشيت رحت غسلت وتوضيت . وصليت الفجر الي كانت فايتتني . وصليت الظهر بعد وعقب رحت اييب لي كوب حلييب . ورجعت الغرفة . وكان متصلبي احد الاشخاص وانا راقد ومارديت عليه . رجعت اتصل به . ويلسنا نرمس تقريباً ساعة . يوم سكرت . رحت اتغدى . كان الغدىىى وايد حلوو . تغديييت وترسسسست بطني وايد . والفلفل لا مفر منة خلصت ورجعت الغرفة . فتحت الجهاز وقعدت على المنتدى . اتصفح المواضيع . لين العصر . ورحت اصلي العصر ورجعت على الجهاز . ومن بعد صلاة العصر . بديت اتعلم على الفوتوشوب لأول مرة . وكل شوي ادش موقع عشان اتعلم على التصميم . يالله يالله عقب زار حيلة ومووت قدرت اسوي هالتوقيع الي الحين محطنة هههه طبعاً وانا اتعلم على التصميم . اذن المغرب وصليت ورجعت . وتميت احاول . وأذن العشى وصليييييييت ورديت وعقب خلصتة هههههههههه المهم عقب صلاة العشى طلعت من البيت . رحت شوي اتحوط بروحي . وعقب اتصلبي اخوي . قالي انت وين قلت له اتمشى . قال تعال المكان الفلاني . المهم رحت اهناك وكان هو واحد الاصدقاء . وقفت وياهم . طبعاً كل واحد فالسيارة . مب قادرين ننزل . كانت درجة الحرارة فليل 49 المهم سولفنا سولفنا لييييين الساعة 12:30 تقريباً عقب ترخصت عنهم . ورجعت البيت . فتحت المنتدى . وحسيت بتعب وايد مب قادر اتم . جان اروح انسدح واحاول ارقد . وتقريباً رقدت الساعة 3:30 صباحاً ^.^ وهذي مدونتي لتاريخ 4/7/2009 وانتظروني في الحلقة العاشررررة . بايووووووووووووو |
السلام عليكم ورحمة الله وبركاتة ------ .:[ الحلقة العاشرة ]:. العذر لاني ماكتبت المدونة فالوقت المناسب . نبدأ بسسسسسم الواحد الاحد مدونتي ليوم الاحد تاريخ 5/7/2009 نشيت من رقادي مايقارب الساعة 11:30 رحت غسلت وتوضيت . ورحت اصلي الفجر لانهااااااا فااااااااااااتتني مثل كل يوم :( وعقب رحت ابي اتريق . بس نفسيتي ماكانت مفتوحة للأكل . شربت لي كوب حليب ورجعت الغرفة . شغلت الجهاز وودشيت المنتدى . واتصفح واتصفح لين صلاة الظهر . صليت. ورجعت قعدت على الجهاز وفالمنتدى . وعقب يلست اتعلم شوي على الفوتوشوب . والسويتش ماكس . وسويت توقيع . وعقب اذن العصر . صليت ورجعت . وسويت توقيع ثاني . ومنها بالمرة اتعلم اشياء يديدة فالفوتوشوب . عقب يت عندي ماماتي . وقالت لي اباك تسير تشتري اغراض للبيت . يعني خضرة و عيش و و إلخ . ماكان باقي شي عن اذان المغرب . قلت لها اوكي عقب صلاة المغرب بروح . المهم اذن المغرب وصليت . وبعدها رحت وتشريت الاشياء للبيت . ورجعت . ويووم رجعت سمعت خبر حلوووو . بس مابقولكم إياه ههههه المهم صليت العشى . وعقب طلعت اتحوووووط . بعديين رحت عند اخوي والربع كانوا يالسين . سرت يلست وياهم وسولفت وياهم . وكل شوي حد يروح . لين اخر شي تمينا انا واحد الاشخاص . فـ طلعنا بالسيارة نحوط ونسولف ونناقش امور وكل واحد يتفلسف على الثاني . لين الساعة 2:00 صباحاً . وعقب نزلني عند السيارة ورجعت البيت . ودشيت المنتدى شوي . لكن حسيت بتعب . بندت كل شي وانسدحت وطالعت التي في لين رقدت . وتوتة توتة خلصت الحتوتة . مع الســــــلامة |
| الساعة الآن 01:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir