منتدى استراحات زايد - وَ أنآآ بـھا ... خَآلدٍ

وَ أنآآ بـھا ... خَآلدٍ

البارت " 2 "

.

" الصلاه الصلاه الصلاه .. اللهم بلغت اللهم فـ اشهد .. "
.

.
.
.
اليوم : الثلاثاء ..
المكان : بيت بو راشد ..
الساعه :12 و نص ظهرا ..
.
( عزه ) ..
سرنا انا و شيخه غرفتيه .. اما نوره فسارت غرفه مهره بما انهم مع بعض دووم ..
دخلت الحمام وتوضيت .. عقب طلعت و دخلت شيخه عقبي عشان تتوضى هي بعد ..
ترييتها لين ما تخلص عشان اصلي وياها ..
بعد ما طلعت من الحمام .. صلينا انا وياها .. وعقب ما خلصنا
يلست هي عند السرير .. اما انا يلست ع التواليت عشان احط مكياج لويههي ..
شيخه : يالله لو تشوفين كيف ناصر عصب يوم درى انه انا و نوره بنسير ..
حلت على ويههي تقطيبه .. و مستغربه من ها الناصر ..
عزه : اخــوج هذا دلــــوع !!! ..
شفت من المرايه .. انه شيخه فتحت عيونها و مبتسمه ..
شيخه : لا والله !! .. عيــل شفتي اخوج خلووودووه .. بطرااان كل شهر مسافرله مكان ..
اطلقت ضحككه بصوت عالي .. ع تدليعها لاخويه خالد .. رغم انها تحبه .. الا انها وايد تعلق عليه ..
فعلا خالد وااايد يسافر .. اظن دوامه خصمووله من معاشه .. من كثر ما ياخذ اجازات ..
هذا بس لو يحصل يوميين اجازه .. بيسافر فيهن عااادي .. لا تستغربوون ..
عزه : هههههههههه .. ع الاقل لو تزوجتيه بيسفررج ما بيبخل عليــج .. دام انج حرمته فهو يباج اكيــد ..
تنهدت شيخه .. وحسيت انها متضايجه حـــــــــدّهــــــا ..
خليت قلم الجحال اللي ماسكتنه ع التواليت .. و لفيت كامل جسمي صوبها .. و انا مستغربه و في نفس الوقت خايفه عليها ..
عزه : شويــــّخ !!! ..
شيخه : هــــــمممم ..
لا لا فيييها شــــــــي .. شيخه ما تضايج على شي سخيف .. ربيعتي وانا اعرفها ..
قمت من مكاني .. ومشيت ببطئ صوبها .. يلست عدالها و حاوطت ايدي ع جتفها ..
عزه : شيخه حبيبي !! ..
شيخه : هــممم ..
مسكت ذقنها و لفيت راسها صوبي بحيث انها اطالعها عين بعين ..
عزه : شوفــيج ..
رد شيخه و نزلت راسها ..
شيخه : ماشي ..
عزه : تيودين عنــي !! ..
شيخه : صدقيني ماشي ..
عزه : عليـــــــــّه !!! ..
تنهدت شيخه .. وسكتت مره ثانيه ..
خوزت ايدي عن جتفها و دزيتها بالخفيف .. وقلت بدلع ..
عزه : ايـــــّه ! ..
طالعتني شيخه و ابتسمت .. وعرفت انها ابتسمت لاني تدلعت ..
دوم تقولي انا احــب دلعج .. يعني بعض المرات تدلعين .. وحلو نطقج جيه يعني ..
عزه : فديـــت الابتسامه .. يلا يلا خبريني شو فيج ..
شيخه : خالد !! ..
طالعتها باهتمام .. وانا اترياها تكمل ..
طالعتني بنظره بريئه ..
عزه : شوفيه خالد !! ..
شيخه : احس بظييج يوم اشوفه !! ..
عزه : ليــش !! يعني انتي ما تحبييينه !! ..
قالت بسرعه وهي تبا تصلح الكلام الللي قلتله ..
شيخه : لا لا .. انا احبه ..
عزه : عيـل ..
بلحظه حسـيت شيخه تبا تطلع كل اللي بقلبها .. بس خايفه تقولي بما اني اخت خالد ..
بس مب معناته انها ما تثق فيني .. لكن لكل انسان اسرار وما يبا يخبر حتى لأقرب ناس له ..
صح ولا !!!!! .. اتمنى صــح ..
شيخه : عزه انا لين متى بتم اتريا خـالد !! .. انتي اكثر وحده عارفه اني اعشقه .. اخــوج ما يعطيني مجال اني ابينله شو اللي بداخل قلبي ..
عزه : تبــيني اخبره عنـج !! ..
شيخه : لااااء .. ماباااج تخبرييينهه .. لا تخليني اخسر ثقتي فييج ..
عزه : شيـخه يعني انا شو بأيدي اسويه .. وما سويته !! .. انتي ما بينتيله انج تحبينه ابد .. مثل امس نفسج بخشمج حتى الشاي ما قربتيله .. ولو اني ما دزيتج جان ما سرتي و صبيتيله ..
شيخه : امــس غيـر .. ولد عمتج عيسى منرفزني و مطلعني من طوري .. مزحــــــــه ثجييييييييل ..
عزه : وخالد شذنبه اذا انتي معصبه من عيسى !! ..
نزلت راسها .. وحسيتها متلومه ..
رفعت راسها .. وقلت لها بهدوء ..
عزه : شيـخه انا حاسه فيج والله .. بس انتي ما تعطيني مجال اخبر خالد عنـج ..
شيخه : عزه انا ماريد خالد يحبني لاني انا احبه .. يعني بس شفقه .. انا اريده يحبني من كل قلبه بدون ما اصر عليه .. او انه يعرف عن مشاعري اتجاهه ..
عزه :..
ما عرفت شو اقول .. شيخه عزيزه نفس وعنييده .. ما ينعرفلها والله ..
اصدمتني بسؤالها المفاجئ لـــي ..
شيخه : خــالد في وحده فـ حياته !! ..
عزه : مـ مـ ـادري والله ..
شيخه : اكــيد في وحده ..
عزه : لا تقولين جيه .. اخويه اكيد ما يشوف غيرج ..
ضحكت بطنازه .. وحسيتها منقهره شوي .. شوي بسس الاا وااااايد ..
شيـخه : ومن ويله يعــــرف عننني !! .. انا متأكده انه يحـــــب بنيه ثانيه ..
وقفت بعصبيه .. شو اللي يخليها تتأكد ها الدرجه !! .. وتظلم خالد ..
عزه : شيييخه انتي ظلمتي اخويه وايد .. طلعتي كلااام مادري من ويين .. يوم بتتأكدين من المعلومه تعالي خبريني ..
ويلست ع التواليت بقهر .. و رجعت كملت و حطيت مكياج ..
وقفت شيخه و تقربت مني و حطت ايدها ع جتفي ..
شيخه : عــزه ..
عزه : ..
شيخه : عزووووه والله ما اقصد ..
عزه : ..
شيخه : زعلتّـــــــــي !! ..
ما رديت عليها ابد .. كان تركيزي كله ع المكياج ..
صدمتني يوم باستني ع خدي .. و عقب ابتعدت عني و هي مبتسمه ..
شيخه : راضيّــــه !! ..
حست بوزي .. عقب طالعتها ..
عزه : توعديني ما تقولين اي كلام فاضي ومب موثوق عن خالد !!! ..
شيخه : اوعععدج يابوويه بس اهـم شي ما تزعلييين ..
ابتسمت لها بحـــب .. لا انا اقوى ع زعل شويخ ولا هي تقوى على زعليه ..
حبيت اغير الموضوع .. و ننسى ها السالفه ..
عزه : الحين ما استوت هااي .. شو اللي مأخرنا و ما طلعنا ليـن الحيـن ..
شيخه : اللي سمعته من ناصر .. انه يتريون عيسى و عمر عيال عموه حصه .. ايــون ..
عزه : ويـــــــه هذيلا بيــون !! ..
شيخه : هيــه شفتي .. واظن اظن انه شموه معاهم بتــي ..
عزه : شمووه فديييتها من زمان ما شفتها .. عنبوو لا تمر ولا تسلم عرست يعني خلاص بقاطعكم
شيخه : ههههههه هيه فديتها .. امايه قالت انها حامل ..
عزه : والله ؟؟ بالبركه بالبركه .. ويا حلات كرشج يا شموه ..
شيخه : هههههههههههه
قعدنا نسولف انا وشيخه بمواضيع وايده ..

.
.
.
.
اليوم : الثلاثاء ..
المكان : دبي ..
الساعه : 2 ظهرا ..
.
( عيسى ) ..
حرمه خالي ( ام راشد ) .. الله يهديها ما خلتنا نطلع .. بالغصب وبالزووور قعدنا نقنعها انه بنتغدا في دبي مب هنيه ف بوظبي ..
بس حريييم شو نسوي ..
بعد ساعه و شوي .. وصلنا دبي .. كان عمر اخويه راكب ويايه .. وناصر راكب ويا سيف وشال خواته .. وخالد شال خواته وحمد وياهم ..
رن تلفوني وقاطع كلااام عمر .. اللي يقولي وحده من سوالفه في المدرسه قبل ..
شليت التلفون وكان المتصل امايه .. رديت عليها ..
عيسى : هلا هلا بالحب ..
ام عبدالله : اهلين فديتك .. شحالك ؟؟ ..
عيسى : الحمدالله انتي شحالج شو الهبات ؟؟ ..
ام عبدالله : يسررك .. هاااه وصلتو دبي ؟؟ ..
عيسى : هيه امايه وصلنا .. بس الحين اكيد يتتشاوروون وين بنسير ..
ام عبدالله : هيه زين زين حبيبي .. يا امااايه صبري شوي .. ( شكلها كانت تكلم يدوه ام امايه ) ..
عيسى : هههه هاي يدوه ؟؟ ..
ام عبدالله : هييييه يدتك .. هاه فديتك تبغيييك ..
عيسى : هاتيها هاتيها ..
بعد كم ثانيه .. ياني صوت عيووزي ..
ام محمد : عيـــــسى ..
عيسى : هلاا يدووه معاج معاج ..
ام محمد : مسوود الوييه ..
عيسى : شعنه ؟؟ ..
ام محمد : توها حرمه خالك اتصلتلي ..
حست بوزي .. وعرفت انه اكيد خبروها السالفه .. لاحووول الله ..
عيسى : هيييه ..
ام محمد : انته شو مسوي ؟؟ ..
عيسى : شو مسوي بعد مب انا البادي والله العظيـــ........
ام محمد : الحرمه مسويه الغدا وانتو ما جذبتو خبر ع طووول ظهرتووو من البيت ..
ارتحت جزئياَ .. لانها ما خبرتها السالفه ..
ادري بيدوه .. بتسويها مناحه .. وبتجلب الدنيا ..
عيسى : يعني نحن ليش طالعين دبي ؟؟ .. عشان نتغدا مب نتغدا عند قوم خالي ..
ام محمد: امممف عليييك انته و عيال خوالك ..
عيسى : يلا يدوه .. انا الحين قاعد اسوق .. عقب بنتناقش بها الموضوع ..
ام محمد : تسوق فديتك ؟؟ ..
عيسى : هيه الغاليه اسووق ..
ام محمد : يلا عيل بسكر انا .. ودير بالك على اخوك عمر ..
عيسى : ولا يهمج .. يلا مع السلامه ..
ام محمد : فداعت الله ..
سكرت عن يدوه .. ما كملت دقايق الا بناصر يتصلي ..
عيسى: الوو ..
ناصر : هلا عيسى ..
عيسى : اهلين..
ناصر : اقولك نحن تشاورنا بنسير الامارات مول ..
عيسى : الامارات ؟؟ .. لا يابوويه مافيه شي .. بنسير المردف ..
ناصر : في مطعم حلوووو تقول عزوه ..
عيسى : شو اسمه ..
ناصر : بي اف ..
عيسى : هيييه فيه انزين في المردف ..
ناصر : والله عاد خلاص تشاورنا .. المره اليايه ان شالله ..
عيسى : خلاص يلا انزين ..
سكرت من ناصر .. و سرنا للمول ..
وفي الباركنات .. فتحت المرايه اللي فوق .. وانا اجيس غززي اللي ورم .. وصار لونه وردي ع بنفسجي .. بسبه خاالد الله يهديه .. في نص سوالفنا دشينا بسالفه ..
و تحداني اني اكسر تلفونه .. وانا ماحب حد يتحداني جان امسك تلفونه و اعقه ع الارض بقوه و انكسر ..
الا تنتف تنتييييف .. الشااشه انفرمت ..
قام من غير سابق انذار و ضربني ببكس .. خلاني انطر بعييد ..
عشان جيه خايف انه حرمه خالي ( ام راشد ) تخبر يدوه ها السالفه .. ماريدها تحاتي وايد ..
ولا يخبرون خالي ( ابو راشد ) .. وينازع خالد و يقوله عشان تلفون تضربه ..
بصراحه مهما يصير خالد ربيعي .. و اخويه اللي ما يابته امايه .. ما يهون عليه يتنازع عشان ها السالفه التافهه ..
فأصريت انه لا حمد و لا ناصر و لا سيف ولا حتى عمر اخويه يخبر حد ..
ويعتبونها سالفه تافهه .. و شبابيه .. و الاهم انها مـــزحه ..
التفت عمر لي بكامل جسمه وهو قاعد ع السيت اللي عدالي ..
عمر : عنبووو هب اييد عنده خالد ..
عيسى : ماشالله تبارك الرحمن .. ياريال زين ما كسر فجي ..
عمر : هههه .. ما يبين وايد ماعليك ..
عيسى : اووف .. بس بقعد في المول امسكه ..
عمر : مر الحين ع صيدليه .. و اشترلك كريم ع الاقل يخفف منه ..
عيسى : عقب عقب .. يلا ننزل ..
نزلنا .. ودخلنا المول .. اتصلنا ع ناصر .. وقالو انهم وصلوو للمطعم ..
سرنالهم بس طبعا بعد جهد جهيد لين ما لقينا المطعم ..
كان المطعم فاضي بما انه نص الاسبوع وها احلى شي .. بس بعد مب انه مافي ناس .. اكيد فيه نحن في اجازه و دبي ما تفضى ..
يلسونا في طاوله دائريه عووده .. وكانت ع طرف ..
بعد ما طلبنا و خلصنا .. كل واحد انشغل بتلفوناته وبعض من التعليقات من هنيه و هناك ..
لين ما يابو الاكل .. ووزعووه ع كل واحد و طلبه ..
شفت صحن خالد اللي يالس عدالي كان يشهــي .. كان طالب نودلز ..
حست بوزي وانا اشل شوكتيه عشان ابدا بالاكل اللي جدامي ..
وعقب بنتقل لصحن خالد .. و صحون الاعضاء الموجودين ..
عيسى : خالد خللي شوي مب تشفطه كله ..
تكلم خالد والاكل في حلجه ..
خالد : مب مخللك ياخي لذيذ .. شكلي بخلصه ..
عيسى : يا جللب .. والله انه عيوني على صحنك قبل لا اييبونه ..
خالد : دوااك .. محد قالك تكسر تلفوني ..
عيسى : انته تحديتني ..
خالد : وانته ما صدقت على الله ؟؟ .. ع طوول كسرته ..
عيسى : ياخي بينا عشرره عمر .. بتنساها في دقيقه وحده بسبه تلفون..
خالد : ها التلفون يسواااااك انزين .. هديه من ربيعي يا السبال ..
عيسى : خلاص انزين بشتريلك تلفون و بهديك اياها .. وهاي هديه من اخوك بعد مب ربيعك ..
خالد : اوكيه بنشوف .. اشترلي وعقب بفكر ..
كملت اكلي .. بس عيوني ابد ما كانت ع الاكل .. كانت ع محبوبتي ..
ياللله كيف تاكل بنعومه .. تضضحك بخففه ..
اسميني اتمنى اني اكون بدال ها التلفون اللي ماسكتنه .. اكون بين احضان كفوفها اللي متأكد انهن دافيه ..
احسد عززه ..
لانها دووم وياها .. تعرف كل اسرارها .. ربيعتها الروح بالروح .. وموول ما يتفارقن .. كل مكان ويا بعض ..
يا حظظج يا عززه ..
انزين انا شو ناقصني ؟؟ .. ليش ما اقول لمايه تتجدم و تخطبها قبل لا تروح من ايدي ..
وامايه اكيد ما بترفض .. بنت اخوها اكيد بتوافق ع طول ..
لا صدق صدق انا شو ناقصني ؟؟ ..
جماال ؟؟ املللك جمااال .. وتقريبا الكل يقول اني الشاب الاحلى في العايله ..
ما بتخقق عليكم .. صدق انا اتكلم ..
الكل يقول اني حليييو .. يمكن جمالي ما يفوووق الكل .. بس الحمدالله جميل ..
و ع حسب علمي .. البنات من نقاطهن الاوليه .. هو الجمال اللي يملكه الشاب .. او بالاصح عريس المستقبل ..
الدين ؟؟ .. الحمدالله اعرف وين المسيد .. و صلواتي ما افوتها ..
قاطع تفكيري .. وانا اشوف الكل يضحك فجاءه ..
شفت عيونهم لوين مركزه .. كانو مركزيين ع شيخه بنت خالي ..
اللي كانت معصصصبه .. و تطالع سيف اخوها اليالس عدالها ..
شيخه : غبـــــــــــي ؟؟ عمــــــــــــي ؟؟ عيونك محوله ؟؟ ..
طالعها سيف بعيون زايغه .. ههههه و شكله كان يضحك ..
سيف : والله العظيم بالغلط شووفيج ؟؟ ..
شيخه : وانا كيييف اححل ها المشكله الحيــــن ؟؟ تعرف نحن ويين ؟؟ .. دبي دبي ..
تنهد ناصر بضيييج .. وطالع شيخه ..
ناصر : يوم اقولج طلعج مالها فايده مب مصدقتني ..
طالعته شيخه بنظرااات شرانيه .. و الدخان طالع من فوق .. وقالت بصوت عالي شوي ..
شيخه : قسسم باللله متفيييج تطري ها السالفه .. خلااص سرت و خلص الموضوع ..
ناصر : انزين انزين لا تعلين صووتج .. سيري الحمام مشي ها اللي في عباتج ..
حسيت من نبره شيخه شوي و بتصيح .. قالت بقهههر ..
شيخه : اوووووووووووف انا شو مطلععععني لو يالسه في البيت احسن ..
قامت و شلت شنطتها .. قال ناصر لعزه انه تتلاحق ع شيخه عن تضيع .. وفعلا عزه قامت و سيف قام وياهن .. ما يبا يخليهم بروحهن ..
اما نحن خذتنا السوااالف ..
.
.