|
* ملآحظه حلم سراب في رحلة عناء >" روايتي الثالثه * ( الصفحه السادسه) لآ شيء يبقى على حاله .. . , تخلوا عنك عندما كنت تحتاج لهم .. تلقاهم فقط عندما يريدون منك أمرا أو حاجة .. تصدمك أفعالهم تظن أن هنالك حتما .. يوجد عذر ولكن الحقيقة أنك تحاول أن تتقبل الأمر .. من أصعب الأمور أنك تحاج من يقف معك لكن تدرك أن لا أحد معك ! . , وقف الدريول السياره وساعدني أنزل : بابا إنت لي متى تروح مستشفي .. قلت له : محمد إنت تشوف أني أقدر أسوي شي ثاني حتى الشغل صرت ما أداوم .. رد علي : خلاص مافي مشكله .. " وصلني للباب عقب سار " دخلت البيت شفتها يالسه وما فكرت حتى تلتفت صوبي أو تقول شي .. قلت : السلام عليكم .. !! ردت علي بدون نفس : وعليكم السلآم ها أشوفك رجعت بسرعه اليوم .. قلت بغرور : البيت بيتي أرجع وقت مايعيبني .. ! وقفت : منو قال البيت بيتك ! ولا نسيت أن أبوي الله يرحمه قال البيت بإسم أميه .. قلت : و شو الدليل ؟ مافي دليل يثبت هالشي تعرفين أنا من سنين عايشين هنيه وأميه ماندري وين سارت نشوفها وإتم كم يوم وعقب تغيب فجأه .. ! وبعدين ليش مآ اتم معانا ؟ ردت علي : سيف لآ تقعد تفتح تحقيق ألحينه وتسأل .. وبعدين أنا رمس أميه اليوم .. ما إستغرب لأنها دوم ترمس نوره وماتفكر ترمسني مع أني ولدها العود ، رديت : وشو قالت لج ؟؟ إبتسمت : بترجع باجر البيت ، ألحين هي موجوده عند يدوه .. قلت : وشو اليديد ترجع كم يوم وتخلينا عقب .. بإختصار يا نوره مآيبوناا معااهم تقبلي الموضوع وخلآص .. نوره : مب أنا إلي مايبوني .. وسكتت .. فهمت تقصد أني أنا الي مضايقهم وجودي معاهم : انزين .. أنآ بروح حجرتي ألحين عقب ساعه عني شغل مهم .. نوره : أوك .. " ويلست تشوف مسلسل " دخلت حجرتي وسكرت الباب حركت الكرسي شفت فوني رساله من بو جاسم .. يباني أرجع أداوم معاهم .. محتار شو أسوي أكمل شغلي ولا خلاص مافي أمل أني أكمل حالي حال الناس .. تذكرت كلام سعود من فتره .. . \ / \ / \ سعود : سييف بلاك قلت لك إذا ماتبي تداوم مب مشكله وبعدين المدير مآلنا تقدر تقوله له تبي إجازه .. رديت : هههه إجآزه أقولك إنت ماتدري أن يحاول يكسبني ويخلني أطول هنيه أكثر بس أنا ما أبي هالشي .. سعود ومستغرب : ليش إنت مب خسران شي ؟؟ قلت : لآ خسراان إنت ماتدري شو السالفه هو يباني شرات الضحية هنيه .. ويستغل وجودي وبس ! سعود ومحتار : يمكن يباك لأن صار لك فتره تشتغل ماتدري يمكن هالشي لصالحك وبعدين وين بتشتغل عقب ؟؟ رديت : مب لازم أنا خلاص سواء إشتغلت ولا لا ماتفرق ! سعود : مدري إنت ليش تفكر جيه يمكن تظلم بسبت تفكيرك هذا ؟؟ ضحكت : هه أظلم ، ليش ألحينه أنا ما أعتبر مظلوم ؟! سعود ويضحك : هههه زين خلاص ياخي كيفك سو إلي يريحك بس لاتندم عقب .. رديت : ماعندي شي أندم علشانه ، وماعندي شي أخسره .. سعود : هههه أوك وصلت المعلومه ، بس أباك تعرف أن إلي إنت فيه ألحين مب عذر والدليل في ناس حالهم أصعب عن حالك .. قلت : أنا فاهم إلي تقوله بس الكلام في مثل هالوضع سهل بس الواقع مب سهل .. سعود ومحتار : يمكن ، أوك أنا ألحينه بكمل شغلي .. \ / \ يمكن سعود في ذاك اليوم كان يحاول يقنعني بس للأسف ماقدر .. رفعت عمري وإنسدحت على الشبريه أحس بتعب .. بس لازم أتعود .. . . , أحيانا يصعب علينآ الإختيار عندما يكون هنالك عائق يقف في طريقنا .. وقد يجبرنا على الوقوف في منتصف الطريق بحيره .. . , ((في المستشفى)): عند سعود وميثه.. كآنوا يتكلمون وأنا أطالع سعود ومنصدمه معقوله هذا هو ولد عمي الله يرحمه ..!! سعود : بلآج ميثه ..!! رديت بإستغراب : لآ ماشي يالله نرد البيت .. منصور : هيه وأنآ بمر عقب .. سعود : خلآص مب مشكله يالله في حفظ الرحمن .." كنت أتريا نرجع السياره عسب أتفاهم مع سعود " عقب رجعنا السياره شغل سعود السياره وسرنا .. قلت : سعود من متى تعرف أن هذا ولد عمنآ الله يرحمه كيف جيه مب فاهمه شي !! .. سعود : والله شفته في تايلند وخبرني السالفه وخبرني أن ياي يشوف أبوي ألحينه .. بس مآقدر لأنه ممنوع الزياره .. وأبوي طلب منه يمر يرمسه .. قلت بإستغراب : يعني ألحين أبوي شو بيسوي بيخبر مرت عمي الله يرحمه .. سعود : هيه أكيد ، وشكله أبوي يباه يعيش ويآنا أو مع مرت عمي .. قلت منصدمه : لآ لآ مآ أتوقع ترضى مستحييل أصلا توافق .. سعود : والله مدري بروحي ما أعرف أبوي بشو يفكر ولآ كيف بيحل هالمشكله إلي أعرفه أن ولد عمي يشتغل ويالس في شقه مع إربيعه من فتره .. كنت أفكر معقوله مآ إنصدم يوم عرف أن أبوه توفى .. ولآ كان يدري من زمان .. بس شكله عادي مب مضايق .. قلت : سعود هو يدري أن أبوه توفى وماعنده حد ألحين غيرنا .. سعود : هيه يدري .. رديت : وشو كان ردت فعله .. سعود وكأن يتذكر عقب قال : ولا شي عادي حسيته متقبل هالشي مع أنه واضح أن متضايق ومهموم .. إستغربت !! عقب كمل سعود : مثل مآتعرفين عمي من البدايه ما كآن يسأل عنه ويهتم فيه عسب جيه .. سمعت فوني يرن كآنت ساره .. رديت : هلآ ساره ..!! " ساره : وييييييييييينننننج تأخرتوا .. رديت : شو تأخرنا ألحين في الطريج نحن .. "ساره : سعود رمس أمج وخبرها أن مآرضوا تدخلون عند عمي .. قلت : هيه .. وألحين نحن بنرد البيت .. " ساره وتهمس : زين أقولج ترا أنا من الصبح في بيتكم وأنتظرج .. قلت : خيبه لييش شو صااير ؟؟ " ساره : أمج .. ولا أقول عقب عقب بخبرج .. إستغربت : شوو قوولي ألحيين !!!!!!!!!! " ساره وتعاند : مب ألحيين عقب يالله بسكرر ألحينه .. قلت بعصبيه : ساارووه قوولي أحسن لج .."سعود إلتفت صوبي" " ساره وتهمس : مقدر أمج وأميه هنيه عندي مآ أريد يسمعون شو بخبرج .. غريبه شو هالشي إلي تبي تقوله : أوك مب مشكله عقب يالله في أمآن الله .. " ساره : مع السلآمه "وسكرت" سعود ويضحك : ههه كأني عرفت شو إلي تبي تقوله لج .. سويت له طااف ويلست أفكر شو صار ! .. . . . . عقب يووم وصلناا دخلت البييت وسلمت عليهمم ومسكت إيد ساره : يالله تعاالي .. أميه : ويين يلسوا معانا .. قلت : برووح أفصخ العباايه وأريد أرمس ساره في شي .. ساره : هييه .. أميه ومستغربه : زين .. عقب سرت حجرتي وسكرت الباب فصخت العبايه وقلت : يالله قولي ترا الفضوول ذبحني طول الطريج أفكر شو هالشي !!!! ساره وتيلس : تخيلييي .. قلت : شو أتخييل !!! ساره وتضحك : هههه أمج رمست أميه وقالت لهاا بنخطب بنتج لولدنآآ وأنا موجوده .. إنصدمت : أوووونه وإنتيييييييي شوو قلتي !!!!!!!!!!!!!! ساره : ماقلت شي تميت ساكه .. طالعتها بقهر : لييش ماقلتي مآتبيين أو على الأقل قلتي أي شي حسسيهم أنج مآتفكرين ف الموضوع .. ساره ومحتاره : زين تدرين أني مآ أقدر وبعدين أميه ما عطتني فرصه أرمس .. تذكرت كلآم سعود يعني هو يدري !!!!!!!!!!! في الموضوع أكيد أميه رمسته .. ساره : مييثه ويين سرحتي .. رديت : مااشي .. خلآص إنسي الموضوع ومآعليج من كلآم أميه وأمج .. ساره بإستغراب تمت تطالعني حسيت في عيونها فضول تبي تعرف ليش !! قلت : بلآج جيه تطالعيني إنسي الموضوع .. ساره : أوك بنسى .. المهم خبريني عمي متى بيظهر من المستشفى .. رديت بحزن : مدري والله حالته تسوء أكثر وأكثر بس الدكاتره قالوا بيسوون له عملية .. و ساره وتنتظر : هيه و شو ؟ قلت : مدري أحس في شي مآ أعرفه .. وتدرين شفت منو ؟ ساره وبإستغراب : منو ؟؟ رديت : ولد عمناا الله يرحمه كآن في المستشفى يبي يكلم أبوي .. ساره ومنصدمه : كيييييييييف !!!!!! ضحكت عليها : ههه نفس الحال وأنا منصدمه ومآ أعرف شو الموضوع ولا كيف بيحلون السالفه أصلا خلاص يعني أحس الموضوع طول سنين ومحد يدري .. وبعدين عموه مابترضى يدخل بيتها .. وشكله أبوي يبي ينفذ وصية عمي ويخليه يعيش معانا .. ساره وبإستغراب : ما أتوقع عمي يفكر جيه صدقيني .. إستغربت شوي : وشو الدليل ؟؟ إذا هو مايفكر جيه .. ساره : لو كآن يبي يسوي هالشي جآن من زمان يابه هنيه عندكم وعاش معاكم .. فكرت شوي : بس عمي ما صار له فتره طويلة من يوم توفى ؟؟ ساره ومحتاره : يمكن بس نحن بننتظر ألحين وبنشوف شو بيصير ..! , . . . , قد نجبر لتنفيد القرار بسرعه .. وقد يكون الأمر أصعب عندما لا يكون هنالك خيارات من الأساس .. نفترق ونرجع .. ثم نحاول أن نتمسك بمن هم حولنا لكي لانفقدهم .. في جانب آخر هنالك من يحاول التخلص منهم .. ! بعد يومين .. الكل في بيت ( أم ساره ) .. [ البيت هدووءءء .. لأن محد الحريم ظهروا مع بعض .. وبو ساره راقد بعد مآعصب على البنات علشان صوتهم العالي .. وسوالفهم إلي ماتخصل .. و في الصاله كآنت ساره وشوق وميثه ومها وعنود يالسات .. مها : بناات قصييت شعري " وفصخت الشيله تراويهن " الكل منصدم !!!!!!!!!!!! ساره : حرررررررررااااااااااام صج غبيه .. مها وتضحك : هههههه شو حرآم خلآص حسدوه الناس وبالمره قلت أقصه .. رديت : هيه معاج حق زين سويتي .. عنود : أميه عصبت فالأول وإحتشرت ليش وليش .. بس عقب إقتنعت هههه .. مها وتضحك : ههه هيه والله سوت لي سالفه وعقب خبرت أبوي يقرا عليه .. شفت شوق مندمجه في فونها قلت : شووق !!.. شوق وإطالعني : هلا ميثه ؟؟ قلت : عيل وينها فطوم !!! شوق : بعدها تصلي .. إستغربت : ليش إهي دوم جيه تطول في الصلآة .. !! الناس خلصوا صلاه من زمان وهيه بعدها .. شوق : هيه أتوقع في حجرة ساره .. وقفت : زين بروح أشووفها حد يبي أييب له شي من الثلآجه .. ساره : هيه أنا أبا بيبسي .. " وطالعت مها وعنود " تبون شي ؟ مها وعنود : لآ مشكوره فديتج .. تحركت سرت مطبخهم سمعت صوت في المطبخ عدلت شيلتي يمكن حد من خوان ساره .. دخلت : السلام عليكم .. طالعني ورد السلام : وعليكم السلآم والرحمه شحالج ميثه ؟ قلت : بخير الحمدلله .. رد علي : مديم عيل أبوج بعده في المستشفى كيف صحته .. رديت : بخير الحمدلله .. " عقب سرت فتحت الثلاجه وخذيت بيبسي " قال : أكييد حق ساروه .. ههه يعرف إخته : هيه .. " عقب ظهرت وسرت حجرة ساره " فتحت الباب شوي شوي شفت فطوم يالسه على السياده وتقرآ قران .. سكرت الباب ويلست على الشبريه أطالعها .. حتى مآ حست فيني وأنا أدخل .. تميت أراقبها لين ماخلصت .. وقامت شلت السياده إلتفت علي وإنصدمت : بببسمم الله .. ضحكت : ههههه شو شايفه يني جدامج .. فطوم وتنهدت : متى دخلتي .. "وحطت السياده والقرآن " .. قلت : من زمان وإنتي مب حاسه .. فطوم : أها .. " ويلست على الشبريه " طالعتها : يالله تعالي طافتج السوالف لا تحاتين محد غيرنا نحن البنات وعمي رقد .. فطوم : ماعلي روحي إنتي أنا بنام شوي .. طالعتها بإستغراب : تنامييييييييييين !!!!!!! فطوم : مب يعني بنام بس جيه بنسدح شوي وعقب بيلس معاكم .. ما حبيت أجبرها : خلاص براحتج يالله ننتظرج في الصاله " وظهرت " رجعت الصاله : سااره هذا البيبسي " وفريته وهيه مسكته " ساره : هههه تبين تفلعيين راسي .. يسلموو .. رديت : هههه الله يسلمج .. مها وعنود يطالعن تلفزيون ومسويات طاف .. قلت : مهوووه ..!! مها : هلآ ؟ .. رديت : ماشي عقب بخبرج .."طالعت ساره " ساره شفت ناصر أخوج غريبه يالس في البيت .. ساره وتضحك : ههههههه حسيتي مدري والله أتوقع سيارته فيها شي .. قلت : أها .. "شويه وفوني يرن كان ( الغبي ) سعود رديت عليه .. سعود : مييييييييييييثووووووووووووه .. قلت وأنا خافيه : هلا شووو فيك ؟؟ سعود : سوييت حااادث وألحيينه ف المستشفى بموت .. بدون ما أحس وقفت من الخوف : أي مسسسستشفى ..!!!!!!! سعود : ..... قلت : سعوود وييينك .. ماشي رد .. بدييت أترجف : ألووووو ... ساره طالعتني : شوو فيه ؟؟ شو صاااير بلآج .. وشوق : بلآج ميثه .. !!!!!!!!!!!!!!!!!!!!!!!!!!! قلت : ألوووو ويييييينك ررد ألوووو فجأه سمعت صوت : ههههههههههههه والله أنج خبله .. حسيت أنه يستهبل علي كالعاده رديت : سعوووود من صجك ألحينه ولآ تستهبللل !!!!! سعود ويضحك : ههههههههههه فديت إلي يخافون علي أمزح ويااج .. هنيه حسيت عمري بنفججرررر : الله يسااامحك .. مره ثانيه لاتتصل فينييييييي .. سعود : خيبه زين بلاج معصبه جيه لايصير فيج شي .. قلت : مب معصبه .. "ساره تطالعني بإستغراب والبنات نفس الشي " !!! سعود : خلاص زين كنت بقولج أني بمر أخذكم عالساعه 7 .. ألحينه أنا في الدوام .. رديت : أوك مب مشكله يالله مع السلآمه .. سعود ويتطنز : هههه والله جد ميثوه خفتي ؟؟! رديت بقهر : لآ ماخفت طرررتتتتتت من الوناااااااااااسه يالله في أمان الله " وسكرت " .. . . . , بعد مرور الأيام تغيرت الأوضاع كل شي إختلف .. محد توقع أن بو سعود يصير له تشلل بعد العمليه وتغيرت الفرحه لحزن .. كآن الكل مستانس بعد نجاح العملية بس الصدمه لما صرح الدكتور أن من بعد العملية بتصير مضاعفات .. وصار وتشلل بو سعود صار مايروم يرمس طايح مكان في البيت .. بس قبل لا يصير له التشلل طلب من منصور يعيش معاهم في نفس البيت وسوا له حجرة وحمام في حوش البيت .. وأم سعود دوم تعابله وتشوف إذا يبي شي ولا لا .. . . في الصاله : يلست أطالع أبوي آه يابوي ماتستاهل إلي صار لك .. كل يوم أيلس معاه وأسولف ونتذكر مواقف صارت معانا .. هيه صح سعود خطب بنت وحده من ربيعات أميه بعد مآرفضته ساره والكل يلس يرمس ويتكلم في الموضوع .. حتى أميه صارت تكره ساره وكل ماتدخل البيت ماترمس معاها وترد عليها بدون نفس .. وسعود نفس الشي لا طلبت منه يوصلني عسب أشوف ساره يقول دوري حد ثاني .. حسيت أن حتى ساره متضايقه وايد من السالفه بس ماتبين هالشي .. سمعت صوت أميه تزقر علي : هلآ هنييه فالصاله عند أبوي .. أميه وبعصبيه : أناا كم مره قلت لج هالبنت لا تدخل بيتنا مره ثانيه !!!!! رديت : ويينهاااااا !! عقب شوي وأشوف ساره تدخل : السلام عليكم " وسلمت على أبوه وباسته فوق راسه " عقب سلمت عليها : هلا وغلآ شحاالج ؟؟ ساره وتبتسم : الحمدلله بخيير شحاالكم إنتوا .. "وطالعت أميه بس أميه تحرك وسارت المطبخ " حسيتها تضايقت : هاا بشري كيف الإمتحان .. ؟؟ ساره : الحمدلله سهل .. بس شوي أحس خربطت في كم سؤال رديت : يالله مب مشكله بتعوضين في غيره ، شدي حيلج باقي آخر سنتين وتخلصين .. ساره وإطالع أبوي : إن شاء الله ، شحاله عمي .. قلت بحزن : الحمدلله بخير .. ياكل وأحسه بعده قوي " سمعت صوته " إلتفت ها أبوي تبي شي .. ؟؟ أشر على الماي .. شربته ماي : بالعافيه يالله أبوي بروح مع ساره حجرتي .. ساره كانت تطالعه وتبتسم عقب قالت : عمي مابيك تضايق لأني رفضت ولدك بس أنا ما أبي هالشي .. قلت بعصبيه : سااره .. بلآج الموضوع صار وخلاص .. "شفت أبوي" أنا أدري أبوي مب مضايق .. عقب مسكت إيدها وسحبها لحجرتي مآ أبي تتكلم عن هالموضوع أكثر .. . . , دخلت البيت شفت أبوي سلمت عليه وبست فوق راسه : هاا أبووي عسااك بخيير .. حسيت أنه فرحان مدري ليش بس إحساسي يقول أبوي بخير ومرتاح .. قلت : أبوي ، لآتحااتي نحن كلناا هنيه معااك .. وأبشرك أنا خلآص قريب بتزوج وبتشوف أحفاادك عقب .. سمعت يهمهم .. وكأن مستانس .. شفت أميه ومستغربه : سعوود ليش رجعت من الدوام ؟؟ قلت : ماشي بس طلبت إذن نسيت أوراق مهمه .. "وقفت" عيل وينها مييثه مآ أشوفه فالعاده يالسه مع أبوي هالحزه ؟؟ أميه : ويينهاا بعد مع إلييي ماتستحي على ويها ترفض ولد عمهاا .. رديت : أميه شو هالررمسه ؟؟! أميه ومضايقه : هذي الحقيقه .. عيل ترفض ولد عمها .. حسيت من كلام أميه أنها مضايقه أكثر عني من هالموضوع : خلاص أميه ألحين أنا خطبت وأباج ترمسين أم البنت أن العرس قريب .. أميه ومحتاره : والله براحتك .. والبنت ماعندها مانع .. زين أنا بسير أدور الأوراق شوفي أبوي يمكن يوعان ولا شي .. عقب تحركت سرت حجرتي يلست أدور وأدوووووور لين ماحصلت الأواق وشليت اللاب معاي .. يوم ظهرت مريت صوب المطبخ سمعت صوت ميثه وساره .. ساره : خخخخخ دخييلج غيري السالفه .. ميثه : ههههه زين إنزين ألحين أريد أعرف إنتي متى بتاخذين الليسن .. ساره وتفكر : مممممم مدري والله عقب خليني أخلص وأتخرج بالأول .. ميثه : هيه تخيلي سعوود أخوي خططب .. ساره ومنصدمه : خ خ خخططططب !!!!!! ميثه : هيه بلاج منصدمه ، تبين الصح برايه بس البنت مب داخله مخي أبببدددددد .. كنت أسمعهم وماتكلمت .. ساره : زين فكر يخطب والله ماسلمت من حط الكل يرمس عني وأنا ماحبيت أقول أنج إنتي طلبتي مني هالشي .. ميثه : خفييي صووتج يمكن أميه تمر وتسمع ما أبييج تقولين لحد أني أنا قلت لج ترفضين سعود أخوي .. إنصدددددددمت من كلآم مييثه يعني ساره مآ كانت بترفضني بس ميثه هيه إلي طلبت هالشي !! دخلت وقلت : السلام عليييكم .. ميثه وخايفه : و و عليكم السلام إنت فالبيت !! رديت : هيه فالبيت "طالعت ساره" شحالج ساره ؟؟ ساره : الحمدلله .. ميثه ومتوتره : من متى وإنت عند باب المطبخ ..!! إبتسمت : من متى يعني ؟ توني قلت بمر المطبخ عطشان بشرب ماي وبروح الدوام .. " سرت صوب الثلاثه وشليت لي دبة ماي صغيره " عقب قلت : يالله في أمان الله "وظهرت من البيت" دخلت سيارتي وأنا مستغرب ليش يعني ميثه سوت هالشي !!!!!!!!!!!!!!!!!!!!! |
( الصفحة الســآبعة ) . , . . . . , عندما نحآول جعل الأحلام واقعاً .. فيصدمنا الكلام .. ويضمنا الظلام .. عندما عجزت عن فعل ما أريد .. لأني لآ أستطيع ..! عندما أدركت .. لربما ما فات مآت .. وربما لاينسى ، قد أظل في حيرة تغلبني ، والحزن يبقى .. ولكن أدركت أن بعض الأمور مجرد لحظآت وسآعات وأيآم لآتدوم ، وعندما تمر الأيام ، ستبقى هذه الآلآم مجرد ذكريات مضت دون عوده .. (( في المستشفى )) كآنت الهدوء مسيطر على الغرفه ، مجرد غرفة مثل بآقي الغرف في المستشفى .. لكن إختلف الأمر بوجود شخص مختلف .. يحاول يتقبل الواقع مع مرور السنين ., . . يلست أطالع الساعه .. وتذكرت أمور وايد ماتروح من بالي .. أمور أشبه من صدمات ما رحمتني .. ! كآن مثل الكابووس يتكرر كل يوم .. هالشي في داخلي سيطر على كل شيء حولي .. تفكيري إنعكس على كلامي وتصرفاتي .. هذا ثاني يوم من بعد العملية وما أدري شو النتيجة .. مجرد آلام في ريولي وصلت لكل جزء فنيني .. إلي أعرفه مابقدر أتحرك لين فتره طويلة .. ويمكن مايتغير شي وأتم مثل مآ أنا .. سيف إلي مايروم يخدم نفسه شرات باقي الناس والسبب غلط .. ! سمعت صوت حد يدق الباب ., وشوي أسمع صوت : سييييييففوووه نحنن هنيييه سلآمااات .. دخلوا وسلموا علي واحد ورا الثاني رفعت حايبي وقلت : الله يسلمكم !! سعود شو عازم ربعك على المستشفى ، أول مره أعرف أن في ناس تعزم ربعها إيووون المستشفى ؟.. ضحك وقال : هههههههههههه شو بلآك عادي كلناا ربععع ولآ شرايكم شباب .. ردوا : هييه .. علآوي ويضحك : تتتتتتتخخخخيللل سيييف قبل لآنمرر علييك سعوود وهو دااخل دعمم فالطووفه وبعدها قال شرات الغبي بلآكم ماتشوفون !! .. الكل ضحك : ههههههههه .. وعقب كمل بإستغراب .. ليش ماتضحكك !! إبتسمت : لأن مافي شي يضحك .. سعود طالعني وضحك : هههههههه خاااطريي أعرررف إنت شو يضحك ياخي أبدد حتى الإبتساامه مب من خاطررك .. عبدلله : هيه ، إضضضحكك شو بيستوي يعني إذا ضحكت !! منصور كآن ساكت ومايتكلم .. مآ إهتميت لسؤال عبدلله وأهو كآن يطالعني يتريا جواب قلت : ممممم مايستوي شي .. سعود ويأشر على الكرسي : شراايكك نططلععع .. عبدلله وبحمااس : هييه قووم بنظظهرر من هالمستشفى ماا تمل ..!! قلت بهدوء : متعود ، وبعدين مآ أروم أظهر ألحين .. سعود بقهرر : أوووووف شوو هالحاال والله لو بداالك كنت بظهرر من هنيه .. حسيت هو مب عارف أنا كيف وضعي وأن ألحين يالس وأحس بألم لأن مابينت هالشي : المره اليايه ولايهمك .. شفت منصور وسألته : منصور شو الأخبار ؟؟ منصور ويبتسم ومب عايبتني إبتسامته لأني أحسه مضايج : ماشي الحمدلله تمام .. سعود : لآتحاااتي أميييييه مدددلللعته شرات اليااهل .. و أناا محد معبرني ولا كأن ولدهم العوود .. ضحكوا .. منصور رد : ماتقصر الله يخليها لك .. الكل : آمين .. عبدلله : سييييييف مآ باارككتتت لي سعوود خططب وقرييب بيتزوج .. طالعت سعود إلي حسيته بيذبح عبدلله : مبرووك الله يوفقك .. سعود : يااااخيييييي إنت كل مااتشووف حددد لآزم تفتح هالموضوع " عقب طالعني " الله يبارك فيك تسلم .. عبدلله ويضحك : هههههههه ياخي أنآ مب مصدق السالفه إنت بتتزوج قبلي مايصييير .. علآوي : منو تعييييييسة الحظظ إلي بتااخذذذك هاا ؟؟ عبدلله ويتطنزز : والله شوفيني مب عايبنك يتمنوني .. وبعدين لآتحاتي قريب بخطب .. علآوي : هههههههههههههاآي .. فييكم عرررج خياانه إنتوا ربع مالت عليكم يعني أنا بتم بروحي الله يسامحكم ..! منصور : لآ تحااتي أنا ويااك أفا عليك .. يلسوا يسولفوون وأنا أسمعهم عقبهآ قآلوا بيرجعون البيت تأخر الوقت .. . . . . كان لي حلم .. كآن لي طموح .. كنت أحاول أن أجد حلمي واقع .. وكنت أريد أن أفعل المستحيل من أجله .. أردت مساعدة .. مضى من العمر الكثير ولا أدري كم بقي منه .. سأحاول نسيان ماذهب وأتقبل القادم .. ! . . . سكرت باب السياره ودخلنا أنآ ومنصور البيت .. شفت أميه يالسه تحط العشا لنآ ، سلمت وبستها فوق راسها ومنصور نفس الشي .. ردت أميه : سعود وين كنتتم ؟؟ منصور رد عليها قبلي : في المستشفى " طالعته مب جنه السؤال حقي !! " أميه بخوف : بسم الله عليكم مستشفى حق شو ؟؟؟ .. رديت : لآ تحاتي ، بس قلت بمر عند ربيعي فالمستشفى .. أميه إرتاحت من بعد رمستي : تسوي الخير .. وربيه يشفيه يالله يلسوآ تعشوا .. يلسنآ أنا ومنصور .. قلت : ميثه ويينهآآ ؟؟ أميه : في حجرتهآ تقول مب يوعانه .. تسولف فالفون مدري مع منو .. حسيت بفضول تسولف مع منو يعني ؟؟ .. وقفت : أنا بروح أرمسهآ .. أميه بيأس : لآتعب عمرك مآتسمع الرمسه .. قلت : بتسمع غصبن عنهآ .. "عقب رحت حجتها " . . . سمعت صوت الباب قلت : منووووووو؟؟؟ " كأن سعود " قمت وفتح الباب : هلآ سعود .. " كان يطالعني بإستغراب ولما ركزت على ويهه حسيت أن بعده مضايق مني " سعود : ليش ماتنزلين وتتعشين معآنا مب عايبينج ولآ مب عايبنج الأكل ولآ كيف ؟؟ .. رديت : ألحين شو بعد غصب آكل مآبي مب مشتهيه .. سعود ويطالعني بنص عين : وشو يالسه تسوين ؟؟ رديت : شو أسوي ماشي " وأشرت على الشبريه " يالسه على الشبريه .. ! سعود : بدون إستهبال ؟؟ قلت : مآ أستهبل كنت يالسه أرمس ربيعتي ويالسه فوق الشبريه في شي لآسمح الله ..؟ سعود وإستفزه كلآمي : حلو حلو .. صرتي ترفعين صوتج وتراددين علي ؟ حسيته عادي يضربني بس أنا تميت واقفه ببدور : إنزين شو ألحين ؟؟ سعود : أنا بروح أتعشى وإذا ماتبين تتعشين فالهشي رآجع لج بس ياي أخبرج مره ثآنيه يوم أميه تقولج شي تسمعين الرمسه .. ففاهمه ولآ أفهمج أكثر ..؟؟ ضحكت : ههههه .. سعود ويطالعني بنظره خلآني أشك فعمري : بلاك جيه إطالعني ؟؟! رد علي : ماشي بس مآتحسين عمرج زوتيها أكلمج عدل وإنتي تضاحكين ؟ رديت : لآ !! سعود تم ساكت ويطالعني .. ماحرك عيونه !!!!! عقب قال لي : خاطري أعرف شو موضوعج ، بالأول خربتي علي خطبتي من ساره بنت عمي.. وألحينه ماتحبين تاكلين وياي وبعد ترفعين صوتج علي .. شو السالفه ؟؟ لهدرجه تغارين !! قلت : وليش أغار .. ؟؟ رد علي : مدري عنج إسإلي عمرج هالسؤال .. "عقب ظهر" . . , نزلت ورحت الميلس مدري شو سالفتها هذي .. !! يلست عدال منصور : تسلم إيدج أميه .. أميه : الله يسلمكم ، يالله أنا بروح حجرتي بعد مآتخلصون إزقروني .. رديت : إن شاء الله .. يلسنآ ناكل وشوي تنزل ميثه ويلست تاكل بدون ماتقول شي .. طالعتني بنظره وقلت : ماعرفنا لج كل شوي لج راي .. مزاجيية إختيه .. بعد ما خلصناا .. سرت أنا ومنصور يلست أسولف معاه مدري شو بلآه هاليومين مع أن المفروض تعود على جو بيتنا .. منصور يرمس أبوي : عمي تبي ترقد .. أبوي همهم وأشر بمعنى لا .. قلت : أبوي يالله قوم بآخذ لحجرتك مب زين لك السهر وتعب عمرك .. عقب مسكته أنا ومنصور و وصلنآه لحجرته .. وعقب بندت الليت وظهرنا .. إستغلينا أن محد في الميلس .. شغلنا التلفزيون وحطينا فلم رعب .. قلت لمنصور : أقولك ببند الليتات كلها شرايك نسوي جو .. منصور : أوك مب مشكله الكل راقد ألحين .. عقب ما بندنا الليتات يلسنا على الغنفه نطالع الفلم .. كل ما إتيه لقطه تخوف نضحك .. قلت لمنصور :ههههه ألحين هذا يخوف والله أحسه سخيف .. منصور : هيه .. شويه وإتيه لقطه الأبطال يصارخون .. منصور طالعني : هههه شوف كيف أشكالهم ههههه ضحكت : هههههههههههه أونه يعني خايفيين .. وشوي نسمع صرخه من ورااناا وأنا ومنصووور وقفناا من الخووف : بسسم الله .. عقب سمعنا ضحكه : ههههههههه أووووونه مااتخاافووون أشووفكم شوي وبتظهروون من الميلس .. كانت ميثوه قلت : عاد انتي عن عشرررر ينانوه كيف مانخااف .. ميثه وتيلس : هاهااهاا لآتغير السالفه .. منصور يلس : الله يسامج .. رديت : خخخخخخخ وايد عليك منصور أنا مافيني أكفخهاا ألحين عقب .. ميثه : ما كنت أدري أن قلبكم صغير وتخافون جيه .. رديت عليها : ولا كنا ندري أنج تحبين تخوفين الناس .. عقب يلسنا نكمل الفلم .. وميثوه كل شوي تروح وترد تروح وترد .. طالعتها : وبعدين شو إدورين .. ميثه : ماشي أطمن على ابوي .. وعقب ماخلص الفلم كل واحد فينا راح يرقد .. . . . سأترك تلك اللحظات ذكرى .. قبل الرحيل .. لا أريد تقبل رحيلك .. لكن هنالك أمر لابد من يحدث ..! كنت أنظر بجانب آخر ، وأحيانا أتجاهل النتائج .. كنت أقول ليس هنالك جانب رمادي اللون .. الحياة تختصر على اللونين الأبيض والأسود .. نسيت باقي الألوان وتجاهلت أمور كثيره .. | / \ / \ / \ [ وقبل عرس سعود بيومين ] .. بيت أم عبدلله .. (في حجرة ساره) .. كانوا البنات متيمعين ويجهزون أعمارهن قبل العرس إذا في وحده ناقصنها شي ، ويحددن موعد عسب يتحنون .. ساره : بنات أنا شكلي بدور فستان ثاني مآ أريد هذا مب عايبني .. مها وبإستغراب : لييييش بالعكس والله حلو .. بعدين خلآص تعبنآ لين مآحصلنا شي يناسبج .. ساره ومحتاره : مدري والله محتاره أريد أغير كل مره ألبس من هاللون .. فطوم وأخيرا تكلمت لأن من أول مايلست ما نطقت بحرف : المهم فستان وخلاص .. شوق : خخخخخخ ألحين إنتي منو طلب رايج خليها تلبس الي يريحها .. قلت أنا : مممممم مدري ساره شوفي إلي تحسين أنه أوكيه وعيبج إلبسيه .. عنود : أنا ومهاا شرينآ شرات الفستآن بس اللون غير .. أميه إختآرت الفستان .. قلت : هيه خالوه ذوقهآ حلو شفته عيبني مع أني مآ أحب اللون الذهبي .. عقب سمعنا حد يدق الباب .. قلنآ : إددددددخلل .. دخلت عموه أم مايد : هاا شو صاار وياكن ؟؟ ساره : قلت بغير هالمره مابلبس شرات هاللون .. أم مايد وإطالعني : وإنتي ميثه ؟؟ رديت : طبعا بلبس الفستان إلي قلتي أن حلو علي .. أم مايد : زين عيل يالله تعالن تحت .. عسب تتغدن "طالعت فطوم" فاطمه امج تباج .. فطوم : أوك " عقب نزلنا تحت نتغدا ، عقب تذكرت أني نسيت فوني رجعت لغرفة ساره " شليت الفون وأنا كنت بنزل من الدري سمعت صوت من الحجرة إلي عدال حجرة ساره .. . . ............. : أحمممممد أحممممد بلآك قووم لآتخوفني .. شو بلآك .. تحس بخخنققه ؟؟ .. خلآص لاتتحرك تنفس بقوو .. إستغربت وخفت شو بلآهم !!!!!! تجدمت صوب الحجره كان الباب مفتوح شوي .. ........... : خلآص لآتتحرك .. بااخذك المستشفى ألحيينه بس إصبرر شوي ما أريد أميه تشووفك وإنت على هالحال .. حاولت أسمع بااقي الكلآم بس ما سمعت .. شو بلآه أحمد !! شويه وإنفتح الباب كان ناصر إنصدم يوم شافني : ميثه شو إتسوين هنيه ؟؟ تحرك بسرعه ونزلت دخلت الميلس وساره كانت إطالعني وأشرت بمعنى تعالي يلسي عني .. رحت يلست عندها همست لي : ليشش تأخرتي ؟؟ رديت : ساره شو بلآه أخوج أحمد ؟؟؟ ساره وبإسغراب : أ أحمدد مااشي ليش شوو فيه ؟؟ قلت وأنا متوتره : وأنا نازله سمعت ناصر أخوج يقول حقه باخذك المستشفى إصبر شكله تعباان ولآ شي .. صاره إنصدمت .. وعلى طول تحرك راحت صوب حجرته .. شوق وإطالعني : شو فيه ؟؟ قلت : ماشي .. طالعني بنظره شك : كيف ماشي إنتي شو قلتي لهآ ؟؟ رديت : شووق ما قلت شي لآتسإلين وايد .. "ويلست آكل كانت شوق تطالعني كل شوي أدري أن مايطوفها شي" عقب رجعت ساره وكلمنا .. وبعد الغداا . . , نتجاهل قصص كثيرة من حولنا .. لإنشغالنا بقصتنا .. ! هنالك الكثير ، قد تختلف وقد تتشابه .. لندرك خلف كل إنسان قصة تتنظر من يحكيها ، ويسمعها .. لحظات تكشفها بعض المواقف .. وأحيانا لاندركها إلا بصدفه .. أو حتى بعد إنتهائها .. . . . . أم مايد : ويين سااار ماايد ؟؟؟ قلت لها : أتووقع مع حموود أخوي .. أم عبدلله : هيه مع فاطمه وعنوود .. ساره : أميه صح ماقلت لج أحمد وناصر راحوا بيت عمي بو حمد .. أم عبدلله ومستغربه : وشو عندهم بيت عمهم ؟؟ ساره : مدري يمكن حمد يباهم أو شي .. وصح عبدلله أخوي يقول بآجر بيمر علينآ .. أم عبدلله : هيه كلمني .. حليله حرمته حامل ويالس يعابلها .. أميه : يالله ربي يسهل عليها في شهر هيه .. أم عبدلله : أظني دخلت الثامن .. قاطع على كلامنا صوت عمي : أم عبدلله أم عبدلله .. عموه وقفت : يالله بروح أشوف بو عبدلله شو يبي .. "وراحت" شوق وتهمس لي : ميثه .. مييثه.. رديت : هلا شوق .. !! شوق وتحاول تسحب الكلام : مممممم شو سالفة ساره ؟؟ رديت : مافيها شي ساره .. شوق : ممممم عيل وين سارت هيه عند أخوها ولا أبوها يوم قامت من الغداا .. قلت : مدري .. شوق : كيف ماتدرين إنتي شو قلتي لهاا يالله قوولي ولآ مابخلييج بحالج ههههه .. ساره : شو بلآكن ؟؟ شوق وإطالع ساره : شو صار مع أخوج .. ؟ ساره طالعتني عبالها أني قلت شي حق شوق : ماشي راحوا المستشفى بس ما أريد أميه تدري .. شوق : أهاا .. رن فوني كان سعود .. رديت : هلآ سعود .. "سعود : أهليين أقولج خبري أميه ألحين بمر وباخذهاا لأن أبوي يدورها ويباهاا ألحين بوصل .. قلت : أوك ، ألحين بخبرها .. " سعود : أوك يالله في أمان الله " وسكر " قلت : أميييه سعود ألحين بيووصل .. أميه وتلبس عبايتها : يالله عيل إسمحولي .. أم مايد : مسموحه فديتج .. " عقب راحت تسلم على عموه " أنا قلت بتم مع البنات شوي .. . . , [ عند فطوم وعنود ] دخلت أم سعود وسلمت على البنات : يالله عيل نشوفكم في وقت ثاني .. حمود يالله ماما بنرجع البيت .. عنود : الله وياج .. تمت عنود وفطوم ساكتات لين مارمست عنود : فطوم شخبار الشغل .. فطوم : الحمدلله باجر برجع أكمل شغلي .. عنود : شغل الدكاتره صعب .. فطوم وبهدوء : لا مب صعب .. عنود وبفضول : مدري بس خاطري أعرف كيف دوامج وشغلج ؟؟ فطوم : خخخ شو تبين اقولج عادي شرات أي حد يداوم في المستشفى من الصبح لين المغرب عقب تيلس مكاني وحده ثانيه .. عنود : مافكرتي إتصيرين دكتوره ؟ فطوم : لو فكرت يعني هو على كيفي شغلني شرات أي نيرس في المستشفى ، وعقب إن شاء الله إذا قدرت .. عنود : زين يالله ربي يوفقج .. خليناا نروح عند البنات .. عقب ظهرن من الحجره . . , في الليل [ بيت بو سعود ] .. كنت مختاره وايد وتراجع أكثر من مره قبل لآ أقولها لكن لحظتها قدرت أقولها و قلت لسعود : سعوود لاتزووج ..! طالعني مستغرب : شو قلتي !! رديت : ها مااشي .. منصور : قالت لك لآتتزوج .. سعود ومستغرب : شو هالكلآم ، !! كيف يعني لآ أتزوج الزوآج مب لعبة وخلآص مابقى شي عالعرس ..!! قاطعت عليه : بتيبهاا تعيش معاناا هنيه !! سعود : هيه .. أكيد لين مآ أحصل بيت لنآ بتكون معآنا هنيه وبعدين أحيدج كنتي تمدحين فيها شو إلي تغير ؟؟ قلت : ماتغير شي بس مدري مب داخله مخي بس قلت هالكلآم عسب تقتنع .. سعود ومستغرب : أقتنع !! والله مافهمت لج يعني الكل مدح فيها وأنا أشوفها زينه والنعم فيها وبأهلها .. حتى أبوها وأمها طيبين ، .. منصور ويكمل : هيه أنآ أعرف أخوها إنسان محترم وماشاء الله عليه .. رديت : خلآص براحتك بس مآ أبي في يوم تكون ندمان لأنك إستعيلت .. سعود ويضحك : ههه أنآ مآ أحس أني إستعيلت ولآ شي وبعدين مب أول واحد يتزوج ولآ آخر واحد .. تميت ساكه كلآمه صح وما اقدر أدخل في حياته أكثر ..! منصور : وأنا إن شاء الله برجع عند ربيعي .. قاطع علينا صوت أميه : يالله كل واحد يروح حجرته ويرقد .. ردينآ : إن شاء الله .. "عقب كل واحد فينا راح حجرته " . \ / \ / \ في المستشفى في اليوم الثاني [ العصر ] قلت : تفضل .. دخلت وقال : كيف صحتك ألحين إن شاء الله أحسن ..؟ رديت : تبين أخرط عليج ولآ أقول الصج ؟؟ تحركت ركبت حقي مغذي وقالت : مب مهم .. قلت : أكيد مب مهم يعني إذا مت ولا عشت متعذب مافرقت .. ردت : في النهايه قول الحمدلله شفت غيرك حالتهم أصعب من جيه ، قلت : الحمدلله .. "سكت شوي عقب قلت "خاطري أقوم أصلي إشتقت أركع وأسجد وأوقف .. عقبها شفتها ظهرت من الغرفه .. . . كنت أمشي راح صوب الغرفه إلي فيها سيف شفت فاطمه بنت عمي .. سلمت : السلآم عليكم شحالج فاطمه ؟؟ ردت علي : وعليكم السلآم ، الحمدلله ومن صوبك ؟ وأخبار عمي إن شاء الله أحسن .. قلت : مديم .. الحمدلله كلنا بخير .. ردت : الحمدلله سلم عليهم .. رديت : الله يسلمج .. "تحركت بس وقفت يوم قلت " .. فااطمه لحظه .. إلتفت : هلآ سعود ؟؟ رحت صوبها وقلت : سيف كيف صحته .. ؟؟ ردت بإستغراب : كيف يعني .. قلت : يعني يقدر يظهر من المستشفى ولآ للحين ..؟ قالت : حاليا لا .. للحين لآزم يستقر وضعه وبعدها إن شاء الله يقدر يرجع يمشي .. إستغربت من كلامها إلي أعرفه أن سيف دوم يقول أن مستحيل يرجع يمشي : بس هو خبرني أن مآ بيقدر يمشي ؟؟ إستغربت : لآ يقدر بس مب بسهوله لآزم يلتزم في العلآج ومايتعب نفسه .. قلت : أها .. زين في حد من أهله سأل عنه ؟؟ ردت : والله مآ أدري .. يالله إسمحلي عندي شغل .. قلت : أوك مب مشكله مسموحه " عقب سارت " غريبه إلي أعرفه أن سيف عايش مع أهله يمكن مآيدرون !! تحركت ودقيت على الباب سمعت صوته يقول " إدخل" دخلت وسلمت عليه : هاا شحالك اليوم عساك بخير .. سيف : مثل ماتشوف .. قلت : يالله ربي يعافيك هانت أيام وبترجع تمشي .. ضحك : هه خير إن شاء الله .. رديت : هههههه وأخيرا ضحكت .. طالعني ورافع حايبه بإستغراب : أتوقع باجر عرسك وإنت شو يايبنك هنيه .. قلت : الله كريم حق باااجر .. المهم حبيت أطمن وأسلم عليك ، رد علي : من طيب أصلك تسلم .. سمعت فوني يرن كآنت ميثه مدري شو تبي مآرديت حطيته صامت .. سيف وبإستغراب : ليش مآرديت ..؟؟ قلت : مب مهم نااس فاضيه وتحب تقهر فيني . . . . . تنرفزت : مااايرررررررررد .. ساره : هههههههههههههه لييش شو مسويه ؟؟ رديت : شو يعني ماسويت شي بروحه دوم جيه مزاجي .. ساره : ممم أتصل بنااصر ياخذناا ؟؟ قلت : زيين إتصلي ، شكله سعود من ألحين تخلى عني وعقب بعد مابيفكر يسأل عني .. ساره ومستغربه من رمستي : شو هالكلام .. يمكن مشغول ، !! ضحكت : ههههه مآخذ إجآزه يعني بشو مشغول مثلا ؟؟ ساره ومحتاره : ماتدرين .. بعد يمكن عنده شغل ولا شي .. رديت : زين إتصلي بأخوج ، شوق حليلها تتنظرناا .. أنآ بلبس عبايتي .. سآره : أوك .. عقب إتصلت فيه وظهرنآ يوصنآ .. خبرت أميه وقالت لآ أتأخر لأن باجر العرس ولازم نروح نتعدل وورانا مشوار فلآزم مآ أسهر .. قلت برجع بعد صلآة العشا ، وقبلها ناصر سلم على أبوي وأميه وحس بأن أميه بعدها مضايقه من ساره .. [ في السياره ] .. ناصر : ميثه أمج شكلها مضايقه للحين من ؟؟ ساره قالت مآتبي سعود عسب تبي تكمل دراستها ، ليش للحين أمج ماخذه بخآطرها .. إنصدمت من سؤاله وتوتر .. ماتكلمت ساره ردت عليه .. قالت : ناصر شو هالسؤال وبعدين خلاص أحس عموه رجعت تعاملني شرات قبل ونست السالفه .. ناصر : والله أنا إلي شفته عكس كلآمج .. ساره : نصوور بس خلاص .. ناصر : أوك .. كنت أفكر لآزم أرمس أميه ومانبي مشاكل وعداوه .. لما وصلنا نزلت أنا وساره .. وسار ناصر ، دخلناا شفت عمي وحرمة سلمت عليهم .. عقب رحنا أنا ساره وسرناا صوب حجرة شوق بس إنصدمناا يوم شفناا ، .......................... |
( الصفحة الثآمنة ) " الحياة تحتآج للأمل والصبرَ " بعض الأمور لآ تتغير بسهوله .. الأخطاء قد تقع ، وقد لآنستطيع تصحيحها .. عندما ندرك أن لا بد من حل آخر ربما يغير الأمور .. ولكن لا يوجد ، !! مهما بحثنا لآ يوجد حل قد يساعدنا .. ! أو يغير من الواقع شيء .. الغلطة الواحد ربما تستمر طول الحياة .. وربما لا يمكن للآخرين تقبلها .. حتى وإن مر العمر بنا ..! لكن في النهاية نحن بشر .. وكلنا نخطىء ونتعلم من أخطائنا .. قد يرحل من نحب بسببها .. وقد يتخلى عنك الكثير .. لكن ، حتى الندم لن يفيد .. لكل منا حياته ولكن منا قصته ، وتستمر الحكاية ، . . . . . . , (( بيت بو حمد )) دخلناا شفت عمي وحرمة سلمت عليهم .. عقب رحنا أنا ساره وسرناا صوب حجرة شوق بس إنصدمناا يوم شفناا ، يالسه على الأرض !! على الأرض شي دم من ريولهآ بعدد أناا وساره قلناا : شووووووووق !!!!!! دخلناا بسرعه وقلت : شووووق شووو صااار ؟؟ .. شوق وتتألم : غررشه العطر إنكسرت ودس عليهاا بدون ماا انتبه .. شفت الجرح وسحبت كسررت الزجاج إلي داخله وشوق كآنت تتألم وااايد .. ركضضت ساره عسب تشوف حد .. شويه وأشوف فطووم دخلت (شكلها توها ردت من الدوام ) ويلست تعاابل فيهاا : سااره سيري هااتي ماي باارد .. ساره : أوك "عقب ظهرت بسرعه " .. شوق : اخخخ فطوووم شوي شوووي .. قطوم ماردت عليها كآنت تمسح الدم وتشوف الجرح .. وأنا نظفت البقع إلي على الأرض ، عقب شوي رجعت ساره ، وفطوم طلعت عبلة الإسعاف هيه تعرف ل هالأمور .. عقب يلست شوق بدون ماترمس كآنت تتألم وايد .. قلت : ماتشوفيين شرر فديتج .. فطوم سلمت علي وقال لشوق: يالله خلج يالسه شوي ولاتتحركين .. يلسنا كلناا فوق الشبريه وفطوم ظهرت ، وقفلنا الباب ، شووق : أخخخ شوو هاا مايسوى على أمسس شريت العطرر .. ساره وتتطنز : ألحيين شو الأهم رييولج ؟؟ شوق وتضحك : هههههه الإثنيين .. قلت : يالله ماعلي ماصار الا كل خير ومره ثانيه تحملي مب جيه تمشين وماتشوفين تحتج .. سمعت حد يدق الباب : حووووووووو شووووووق بطلي البااب بقووولج شي .. شوق : لآ حول هذا شو يبي الثاني .. شوو تبييي ماابفتح لك البباااب ؟؟؟ .. ... : يالحيوااااااانههه بطططلي بقووولجج شييي .. ضحكناا : ههههه شوق : وإذااا ماابطططلت الباااب .. رد : لآ حوووول بككككككسرره فووق رااسج بطلييي أبااج ضروووري .. شوق وإطالعناا وماسكه ضحكتها : قوووول إختييي أحبببببج .. رد : لآاااا والله .. شوق وبعنااد : هيه والله .. رد : زيييييين إختي أحبببججج يالعنززززز .. شوق وإطالعني : قووميي بطلي البااب عسب يتفششل .. رديت : لآ شووو .. شوق : شوو شوو سارووه قوومي إنتي عييل .. ساره وقفت : هههه زين .. شكله يباج في شي ضروري عقب قامت ( كآن يدق الباب بقوو ) .. بس إنصدمت يوم شاف ساره وأنآ موجودات .. قال : شت إنتن إهنيييه !! .. شوق : هيه هنيه شو بلآك محتشرر .. ؟؟؟؟ رد وأهو منحرج : لآ ولا شي سلآمتكن ، السموحه على الإزعاج " وظهر " أنا وساره : ههههههههههه شوق : يستاااهل قلييل الأدب عيل يقول لي عنزز .. ساره ومستغربه : غريييبه مآكنت أدري أنه جيه !! شوق : هههه جدامكم يسوي عمره محترم ويكاابر وعندي كله يتهااوش بس إحم حبوب لآيغركن .. عقب شافتني وقالت .. ميثوه بشو سرحاانه ..؟؟ رديت : هاا .. شوق وبإستغراب : بشو تفكرين ؟؟ قلت : بفطوم دوم جيه ماتحب تيلس وياناا ولآ لأنها راجعه من الدوام وتعبانه !! .. شوق : هههه فطووم عيووز دوم مع نفسهااا .. وقفت : بروح أرمسهاا .. شوق ومحتاره : لاتروحين ولا أقول .. أوك .. عقب ظهرت وسرت صوب حجرتهاا لمحت حمد ظهر من حجرته يوم شافني نزل راسه ونزل من الدري ، هههه شكله متقفط من الموقف لا شو أصلا هو دوم جيه .. دقيت الباب على فطوم .. سمعت صوتها ( منو ) ! قلت : أنا ميثه .. فتحت الباب وأشرت لي أدخل ، عقب سكرت الباب ويلست عدالي ، تمت ساكته ومدري شو تسوي فآتحه اللآب .. قلت : ممممم شو الأخبار ؟؟ ما إلتفت لي : الحمدلله .. قلت : فطوم خاطري أكمل دراسه شو رايج ؟؟! إلتفتت طاحت عيونها بعيوني حسيت في عيونها حزن مدري تعب .. قالت : حلو .. إستغربت من ردها !! يعني مب معقوله أقولها شرايج تقول حلو وتسكت ..!! . . عندما يشعر أحد بالتعب قد يختصر الكثير من العبارات .. لا يريد إطالت الحديث ، يشعر بالضيقة بسرعه من كل مآهو من حوله .. يفضل الصمت كثيرا .. ولآ يحب مشاركة الكلام ، فيضل يتجاهل من حوله ليصارع مافي داخله .. ! \ / \ / \ / بعد صلاة العشآ (( بيت بو سعود )) : سمعت صوت سعود يزقر علي ظهرت من حجرتي وسرت الصاله .. قلت : هلا سعود ؟؟ سعود ويطالعني بعصبيه : شوو قايله حقق أميه ؟؟؟؟؟؟؟؟؟؟ قلت بإستغراب : مآقلت شي !! سعود قرب صوبي وكآن يتنفس بقو وماسك عمره : شووفي ميثه أنآ مب ياهل مره ثآنيه لآتقولين كلام ،أنا ماقلته ..!! إنصدمت : كلام شوو أنآآ ماقلت شي !! سعود ويكمل كلآمه : ماقلتي شي !! رديت : والله مآقلت شي شو فيك مآتصدقني .. أحلف لك أني مآتكلمت عنك .. سعود وبعده معصب : لاتخرطييييين علي .. شويه ونسمع صوت حد يدخل الصاله .. سعود همس لي : ماعلي حسابج عقب " عقب إبتعد وسار عند منصور إلي دش الصاله " منصور ويطالعنا بإستغراب : شو بلآكم .. !! أنا تميت وافقه مكآني ومنصدمه سعود أي شي يسمعه يصدقه بدون مآ يتأكد !! سعود تأفف ويلس .. منصور ويطالعني بإستغراب !! قلت : سعوووووود لآتستهبل أقوولك ما قلت شي .. !!!! طالعني بنظره تخوف فسكت .. منصور ويضحك : هههه .. إستغرب هذا ليش يضحك مافي شي يضحك .. !! مدري ليش حسيت أن هو السبب ؟؟ قلت له : ليش تضحك ؟؟ منصور ويلس عدال سعود : ماشي .. عقب سعود قال : رووحي حجرتج .. "أنا تحركت لأن صج إنقهرت" .. دخلت حجرتي وسكرت الباب بقو ، شفت عموه أم مايد متصله علي .. رجع أتصل عليها ، . . ردت علي : هلا مييثه .. قلت : أهليييييييييين عموه شحاالج ؟؟؟ سمعت صوت ميود كآن يصيح ، عموه : بخير فديتج لحظه شوي .. قلت : أوك " عقب يلست أنتظرها " سمعتها تقول : مييثه .. قلت : هلآ .. عموه : أبآآج ترمسين أمج عسب أنا باجر باخذكم تتحنون حق العرس أوك .. رديت : أوك مب مشكله بخبرهاا ، زين أخباار ميوود .. ؟؟؟ عموه : الحمدلله بس تعبان شوي .. قلت : سلآاماات ميشوف شر .. عموه : ربي يسلم والشر ماييج زيين أناا مطططره أخلييج ألحينه السسموحه .. رديت : لآ عادي مسموحه ربي يحفظج " وسكرت " وبعدهاا كل شي تغير ، البعض يرحل والبعض يبقى .. أمور وايد تختلف لما يدخل شخص يديد في حياتنآآ .. شخص يمكن يخرب كل شي ،ويمكن العكس شخص يغير حياتنا للأحسن .. أحيانا نحس مآنبي نفقد إلي نحبهم .. لكن الدنيا يمكن تاخذهم منا .. ويمكن ننجبر على أشياء مانبيها .. ! ويمن في أمور نحاول تكون لصالحنا لكن يصير العكس .. حتى الناس يمكن ما تهمهم مصلحنا !! يمكن يتمنون لنا الشر .. قبل الخير ، وإنت تشوفهم عكس حقيقتهم .. البعض رحيلهم خير .. والبعض يهمك وجودهم !! \ / \ / \ / \ / \ بعد 4 أسآبيع من بعد العرسّ .. (( في بيت بو سعود )) ، كنت يآلسه أنتظر ليش للحيين مآوصل !!!!!!! .. سرت حجرة أميه وقلت لهآ : أمييه سعووود شووو قااالج ؟؟؟ أميه وتحط الفون : لآ حول ولآ قوة إلآ بالله شو بلآج كل شوي تسإلين نفس السؤآل ، لآتحاتين شوي وبيوصلون البيت .. قلت وأنا متحمسه : صصججج !! أميه : هيه ..، ركضت مستانسه ووقفت جدام البااب أتريااا متى يدخلون .. مستانسه وايد إشتتقت لسعود من يوم ساافر هو وشيماء وأنآ أرمسه على طول تدرون ليش .. لأني أول مره أحس أن سعود كآن له مكانه كبيره في هالبيت ومن بعد غيبته كآن البيت مظلم من الخاااطططططرر حتى أبوي حليله مشتاق له .. وحمود حليله كل شوي يقوول سعوود متى بيرجع .. يلست أمشي شرات المينونه ، عقب تحركت سرت الميلس بس سمعت صوت الباب ركضضضت لين الباب شفت سعود دآخل وشال أكياس في إيده وشيماء رححححححت ركض وحضنت سعود وقلت وأنا مستانسه مب مصدقه : سععععععععععوووووووووووددد وأخيييييييرا .. سعود ويبتسم : هلآ بالخبببللله شو أخيرا بعدد قولي الحمدلله على سلآمتككك ، قلت وأنا بعدني حاضنته : إششششششتقتلك ياخي مالت علييك ، "وشفت شيماء إلي كانت تطالعني وتبتسم " سعود وبغرور : إحم أكييد ولآ بس جيه .. ضربته على الخفيف وقلت : يعنيييي أستهبل مثلا " عقب سلمت على شيماء " شحآلج فديتج ، الحمدلله على سلامتكم ؟؟ شيماء ومستحيه : الحمدلله بخير ربي يسلمج .. سعود ويزقر أميه : أمااااااااااااااييييييييه أم سعووود وييينججج ؟؟؟؟ ظهرت أميه من الحجره وسلمت على سعود ، حسيتها مستانسه : هلآلآ بولدي الغاااااااالي الحمدلله على سلآمتكم حياكم .. سعود ولآصق في أميه شرات الياهل : فديييت هالرييحه ربي يسلمجج "وباسها فوق راسها".. تجدمت شيماء وسلمت على أميه : هلا عموه شحالج ؟؟ أميه ومستانسه حسيت تبون الصج مآ أحبها أكررررررررهاا هيه أكرهاا هالشيماء .. تحركت من مكاني سمعت سعود : ويييين ؟؟ قلت وأنا أبتسم : بحط لكم شي تشربونه أكيد تعبانين من السفر .. دخلت المطبخ ويلست أصب لهم عصير وتذكرت يوم العرس .. \ / \ / \ / (( في قاعة العرس )) ميييييثوووووووووووه يالله بسرررعهه .. إلتفت : لحظه ساره أعدل الكحلل إخترررب أوف .. ساره : شو أسوييلج دآم إنتي وأمجج تبجوون مدري شو بلآكم بدآل ماتستانسون وتضحكوون ..!! قلت : شوو تبيني والله أبوي عوور قلبي وأميييه بعددد .. ساره وتعدل شعرهآ : هيه مآعلي أمج تفكرر خلآص سعود بيصير بعيد عنهآآ تعرفيين الأمهآآت .. عدلت شكلي .. وعقب رحناا أنا وساره ، كآن العرس ززززززحمممهه مدري وين البناات من زود الزحمه .. شفت فطوم رحت صوبهآ : فطوم وينهاا شووق ؟؟ فآطمه : أتوقع عند أمييه .. كنت أمشي مع ساره عقب سآره سارت تشووف ربيعآآتهاا .. سمعت صوت : مييثه ميييثه !! إلتفت كآنت ربيعتي آمنه من زمااااااااااااان ماشفتهاا إنصصصصدمت مدري منو عزمهآ للعرس .. سلمت عليها وحضنتهاا بقوو : آموووووووون وييينجججج إشتقتلج ؟؟؟؟؟ آمنه وتضحك : هنييه إنتي إلي قطعتي علآقتج فيني من بعد الجآمعه .. قلت : السموحه والله .. زين خبريني كم رقمج "عقب سجلت رقمهآ " ماشاء الله عليهم طالعه قمررر إستغربت شوي لأن صابغه شعرها ومتغيره شوي : هههه والله لولآ هالتقويم إلي بحلجج مآعرفتج .. ضحكت : هههههههه ليش هيه صح إنتي مآشفتيني يوم قصيت شعري وصبغته .. رديت : هيه وضعفانه عن قبل رجييم شوو ؟؟ ضحكت : ممممممم تقريباا .. زيين وينهاا خآلوه أريد أسلم عليهآ وببآرك لهآا .. أشرت : هناك صوب الحريم .. ردت علي : أوكك .. يالله عيل نتواااصل فالفووون |"عقب سارت" مر الووووقت ويت اللحظه إلآ تدخل فيها طفوا الليتات .. و لمآ دخلت شيماء ، كآن شكلهاا وايد حلو حتى الكل مدح فيها وفي جمآلهآ كآنت تمشي وخواتها عدالها .. أنا ماهمني لأني مآبي هالإنسانه تكون بينآآ ، سمعت شوق ورآي : ماشاء الله علييييهااا تف عن الحسددد .. إلتفت وإبتسمت : إنتي هنيه وأنا أدوورج أباا الكآآم بسرررررعه .. قرب صووبهم وشيماء إنتبهت علي وإبتسمت ، رديت لها الإبتسامه .. عقب يلسنآآ نتصور وسرنآآ صوب شيماء كآنت الكووشه زحمه وسااره شوي وتطييح ، ساره وتضحك : هههه بسم الله أشوه ماطحتت .. قلت : عيين ماصلت عالنبي .. شوق كآنت لآبسه فستان رصاصي والكووشه كآنت تقريبا أبيض ورصاصي وذهبي ، ف عاشت الدوور : هههه بنآآت صوروني مع الكووشه أنا مطقمه معاهاا .. " ويلست تسوي حركآت إستهبال ، ومن الجهه الثانيه الكل كان عند شيماء " ضحكت : هههههه خببببلهه "يلست أصورهآآ وهيه وساره والبنات يستهبلن وأنا كل شوي أعصب بسس فشلتوونآآ " إنتبهت بأم شيماء وخواتهاا واقفات عند شيماء ، حسيتها متوتره من حقها بصراحه تتوتر ، .. في وحده يت صوبي مدري مب عايبتني نظراتها غريبه شوي وحسيتها معصبه من إستهبال شوق والبنات مع أن أحس عادي يعني ، قربت صوبي وقالت : مييثه ؟؟؟؟ قلت لهآ : هلآ ؟؟ مسكت إيدي عقب نزلنآ من الكوشه كانت شوق تتطالعني بإستغراب !! قلت : خير شو في شي ؟؟ همست لي وأناا ماسمعت ولآ شي لأن كآن إزعااج .. عقب تحركت قلت لهآآ : لللللحظظظظه شوو ماااسمعتت .. شافتني وعطتني فونهآ على أساس أكتب لهآ رقمي عقب سارت .. شوق على طول يت صوبي من بعد مآسارت : مييثوووووه هااي منوو بنت عم شيمااء ولا ؟؟؟ رديت : هيه ، نوره .. وبعدهاا لمآ قالوا أن سعود بيدخل والرياييل.. رحنآآ لبسنا عيبيينآ .. شليت عبايتي والشيله ولبستهآا .. ونفس الشي البناات ، لمآ دخل سعود حسيت بشعور غريب كبررر في عيييييييني واايد واااااايد مآكنت أتخيل هاللحظه في يوم بتصير ، كنت دوم أقول سعوود الغبي الطفوولي المزااجي إلي دووم يستهبل علي .. بس لحظتهاا كل عالعبارات إختفت .. !! كآن أبوي حيليله معآهم حآولت أحبس دموعي لأن منظره كآن يعور القلب بس الإبتسآمه مافارقت ويهه ولو للحظه .. شفت حمد ، نااصر ، أحمدد عبدلله حمود أخوي ميوود وعيال عموه وخوآلي كآنوا وايدين ماشاء الله .. وخوان شيماء .. مهآا : مييثووه شوف أخوج حموود لآيروح صووب الكيكه ويااكلهآ .. ضحكت : هههه لآتحاتين الكيكه بصوب وهم بصوب .. مهاا : ساروووه أخوجج نااصرر كم عمره نسييت ..؟؟ ساره : هههه 23 سنه .. مهآ ومنصدمه : أووونههه عيل منو إلي عمره 22 .. ساره : أحممدد بلآج شو نسيتييي !! مها وتضحك : هههه لآ بس خربط بينهمم .. قلت : هههه وشوو تبيين بأعماارهم هااا ؟؟ مها : ههههههه شو يعني بسسس جيه سؤال فضوول .. شووق : شوووفوووا أول مآيظهروون ميثه رووحي صوري معاهم زيين .. رديت وأنا عيني على أبوي : هاا .. شوق : روووحييييي صوري يووم بيظهروون .. حركت راسي بمعنى زين ، وعيني بعدها على أبوي .. عقب شفت نصور واقف معاه وبعدها ظهروا وتم سعود .. يلسوا يتصورون وأنا مدري سررحححت !! ماحسسيت إلا يوم أميه زقرت علي : مييثه روحي باركي لأخووج بلآج واقفههه ..؟؟ رديت : هاا هيه ويين ظهروا ؟؟ أميه : بسم الله بلآج وين سرحانه .. رديت : ولآ شي " شفت الكل قام يسلم على شيماء وسعود ويبارك لهآ " .. تحركت وعقيت العبايه والشيله ركبت فوق الكوشه شفت سعود إبتسم يوم شافني .. سلمت عليهم وباركت لهم ، وأنا كله تفكيري في أبوي .. حتى نسيت أني بتصور معاهم نزلت من الكوشه ورحت عن عموه أم مايد .. عموه ومستغربه : شو بلآج ليش ماتميتي معاهم تتصورين .. قلت : عموه أبوي ويينه طلع شفتييه كان مستانس ؟؟؟ عموه ومستغربه من كلامي : هيه ليش ؟؟ رديت : ماشيي .. عقبهاا خلص العررس وماحسيت فيه .. كأن كل شي مر بسرعه ضحك ، وسوالف وأغاني ووو و .. لين مارجعت البيت .. وشفت أبوي وبعدها إرتاح قلبي ، \ / \ / \ / سمعت صوت أميه : مييييثه مييثه ويين العصييييير .. رديت : لحظظظه .. عقب شليت الصينيه وحطيتها على الطاوله ، سعود : تسسلمين .. يلست عدال أميه : الله يسلمك .. سعود : وين أبوووي ؟؟ .. أميه : تعباان شوي وخليته يناام بعد مآكله دوآه .. " عقب شافت شيماء" لآتستحين فديتج نحن مب غريبين .. شيماء : لآ عادي عموه مب مستحيه .. سعوود : ههههه هيه حرمتي أكييد ماتستحي .. شيماء ويهاا صار احمرر .. رديت : خلآص سعود خلها تروح حجرتكم وتترتاح ، وإنت بعد روح إتاح شوي .. سعود ويحط قلآس العصير : هيه والله يالله قومي شيماء .. إسمحولنآآ .. " وعقب رآحوا حجرتهم " رديت حجرتي وسكرت الباب وأنا أطالع الفون ليش مآ إتصلت لهآآ ؟؟؟ دقيت على الرقم .. سمعت صوتهاا : ألووو ؟؟ رديت : هلآ ، شحآلج نوره ؟؟ نوره : أهليييييييييييييييييين هلآ والله إتصدقيين نسيت أني عطييتجج رقمي .. إستغربت شوي : ههه مب مشكله المهم شحآلج ؟؟ نوره : الحمدلله بخير وسلآمه ، شحآلج إنتي ؟ وأمج وأبوج كيف صحتكم ..!! رديت : الحمدلله بخير ... تبين الصصج ؟؟ نوره وبإستغراب : كيف يعني ؟؟ قلت : إتصللت لأني أريد أعرف شو قلتي لي يوم العرس .. نوره وتضحك : ههههههههههه غريبه إنتي مآفكرتي تتصليين من قبل يعني ؟؟ رديت : مممممم لآ جيه مزاج خطر على بالي ألحين أرمسج في الموضوع .. نوره وتتغير نغمة صوتهآ : مزاج هه زين كنت أبآج في موضوع .. "عقب سمعت أصوات عندها " قلت : ألو كيف يعني .. بس هيه إعتذرت وقالت : السموحه أخلييج ألحين عقب نرمس "وسكرت " . . . . , طالعتها بإستغراب : ترمسيين منو ؟؟ ضحكت : هههه هلا وصلت ، يعني منو ربيعتي .. طالعتها بنظرة إستغراب : ممممم رمستي أمآيه ؟؟ ولآ لا .. وقفت : هيه ....... صح بقولك الاربعاء ملجة بنت خالناا بو علي .. رديت : هه ماشاء الله كثرت الأعراس هاليومين ..زين يصير خير ، ردت علي بطريقه ونرفزتني : ليش تحسسد الناس في شي إنت ماتروم تسويه ؟؟ ضحكت أقهرها : ههه أحسسسدهم أنااا .. أناا سييف أحسدهم ليش ؟؟ .. درت علي : ممممم لأنك مآتروم تتزوج ب هالحآل ؟؟ .. ولآ تبي سبب أقوى ؟؟ كلآمها ما أثر فيني رديت : لآ قوولي إذا بخااطررج شي إتضيفينه قولي ، ماشاء الله أول مره أشوف إخت تستقبل أخوها إلي طالع من المستشفى ب هالطريقه .. !! قالت لي : الحمدلله على سلامتك " وسلمت علي " رديت : ربي يسلمجج .. "كنت بتحرك بس هيه وقفتني " نوره : ويين لحظهه ماقلت لك ماما ألحين بتوصل البيت .. قلت : زين يصير خيير .. تحرك رحت حجرتي وسكرت الباب ، بعد ساعه .. سمعت حد يدق الباب كنت يالس فوق الشبريه ، قلت : منوو ؟؟ ماسمعت صوت إستغرب شو فيها نوره .. قلت : نوره شو بلاج إدخلي الباب مب مقفول .. لما إنفتح الباب إنصدمت شوي يوم شفتها : أنا مب نوره .. قلت بصدمه : أميييي !! " كان خاطري أقووم وأروح أسلم عليها بس مقدر أتحرك من مكاني" قربت صوبي يلست وحضنتني وحضنت راسي : سيييييف امييه كيف حيياللك كيف صحتتتك ..؟؟؟ حسيت عمري رديت عشر سنوات لورا .. ماقدرت أرمس خانتني العبره ماقدرت أقول شيي .. كنت أحس بحضنهآ الدافي ، أميه وتمسح على راسي : مااتشووف شرر يالغالي .. ربي يسههلل علييك ويبدع عنكك كل شي قول آميين .. قلت : آمين " وأنا بعدني في حضنها هذي أميه إلي كآن قلبها يعورها يوم تشوفني مآ أقدر أوقف شرات باقي الناس" مسكت إيدهآ حليلها حسيت من إيدها أنها تعبانه من بعد هالعمر إلي عاشته .. رفعت راسي وقلت : كيف صحتج ؟؟ إبتسم لي : الحمدلله مابقى من العمر شي .. رديت عليها : لآتقولين جيه ربي يطول من عمرج ويخليج لنآ .. أميه وبحزن : آمين يارب ، قصصرتت في حقك وحق إختك وايد .. مارديت لأنها قالت الصج بس شو مايصير هيه أميه راحت بعيد عناا ولا معاناا بتم أميه ، مسكت إيدي : متى أشووفكك تمشي .. نزلت راسي : الله كريم .. أميه وبحزن : غلطه غيرت حياتناا .. فرقتناا الدنياا بس ألحين أنا معاكم ومآبخلي عيالي بروحهم مره ثانيه .. كنت أدري أنها تقول جيه بس عسب أطمن ، : إن شاء الله . . . إختيار العبارات من أصعب الأمور .. لأن أحيانا في ناس ما تفهمنا .. وفي ناس تترجم الكلآم حسب شخصيتهآ .. يمكن نقول كلمة تجرح غيرنا ونحن ماندري .. ويمكن الغير مايهمه الكلام إلي نقوله لهم .. أحيانا ننصدم لما تصير أمور ما نتوقعها .. ونربط الغلط فينا لأن مآفكرنا .. ونتحسف على اللحظات إلي كنا نتجاهلها .. واللحظات إلي كان المفروض ننتبه لها .. لكن للأسف نكتشف بعض الأمور متأخر .. . . . , (( في اليوم الثاني )) .. الصبح \ بيت بو حمد .. في الصاله يالسين ييترقون وكل واحد بيروح شغله ، أم حمد : يالله خلصوووا ريووقكم وعقب لآحقين للسوالف إنتوا مب يهاال .. بو حمد : خليهم على رااحتهم .. حمد : فديييييت أبوووووووووي ، أم حمد : هيه لآزم يدللعك كيف مابتقوول فديت أبوي وأنآ أمك ماتتفدااني .. شوق وتضحك : ههههههه أميه بعد تغاريين أشوووف .. أم حمد : وليش أغاار .. هذاا أبوكم وأنا أمكم وبعديين قالوا أمك ثم أمك ثم أمك .. الكل ضحك : ههههههههههههههههه ، حمد قام وباسهاا فوق راسها : هااا زيين جيه فديييت هالرااس العنييد .. أم حمد : هيه زين جيه .. شوق : هههه والله حاله "عقب كملت أكل " بو حمد : يالله عيل أنا بظهر ألحينه عندي كم شغله لآزم أخلصها ، الكل : الله وياك .. بو حمد : أم حمد تعالي عندي كم كلمه بقولها لج .. "عقب ساروا" شوق : زيييييييييين مااعلي أبوووي كلآم من ورااانااا .. الكل ضحك .. حمد : خلي العيااايزز بحااالهم ههههه زين فطووم أقولج تبيني أوصلج الدواام ؟؟ فطوم : هيه عيوني تعبانه شوي مقدر أسوق .. حمد ويوقف : زيين بروح ألبس غترتي وبوصلج .. شوق وتتأفف : أوووف وأناا شو كالعاده بتم بروحي هنيه ..!! حمد : روحي عن ميثه ، إنتوا الثنتين بطاليه ما وراكن شي تزوجن وفكووونااااااا .. شوق وبعصبيه : لآااااا والله .. حمد ويضحك : هيه والله ما منكن فايده كل بنات العيله يشتغلن وإلي تدرس إلآ إنتن .. شوق : مااعلي بوصلهاا الكلام .. حمد سوى حركه بمعنى مايهمني وراح حجرته .. فطوم : يالله بعد أنا بروح ألبس عبايتي .. . . . . . , مر الوقت : (( في المستشفى )) قلت لأميه : بطولييين !! أميه : لآ إتريي هنيه ولآ روحي عند بنت عمجج .. رديت : زيين .. "عقب دخلت أميه عند الدكتوره " يلست أمشي ليش أميه ماتقول شو تبي عند الدكتوره !! .. غريبه يعني ، سرت أدور فطوم أحس مب حلوه مني أزورهاا وإهيه تشتغل وبعدين أنا مب وايد مع فطوم .. لمحت الدكتور إلي كان يعالج أبوي سلمت عليه : السلام عليكم دكتور .. الدكتور : وعليكم السلام .. "تم يطالعني بإستغراب عقب قال كأن تذكرني" صحيح إنتي بنت بو سعود .. رديت : هيه دكتور مشكور لأنك إهتميت في أبوي .. رد علي : العفو واجبنا ، خير إن شاء الله ليه إنتي فالمستشفى .. قلت : ماشي بس الوالده عندها فحوصات ومدري شو .. صصصح دكتور تعرف الممرضه فاطمه عبدالرحمن ال.. رد علي : نعم إنتي بنت عمها .. !! رديت : هيه .. قال : ربي يخليكم لبعض .. قلت : آمين أوك آسفه على الإزعاج .. رد علي : لا عادي " عقب راح " حليله هالدكتور بس ماشاء الله لو أن كبير فالعمر بس يشتغل مب أنا مالت علي حتى دراسه ماكملت .. سمعت صوت : ميثه إنتي هنيه !! إلتفت كانت فطوم سلمت عليها : هيه شحالج ؟؟ ردت علي : الحمدلله .. رمسني الدكتور من شوي .. قلت : هيه كنت أسأله يعرفج ولا لآ .. مشغوله ؟؟ فطوم وإتشوف الساعه : ألحينه لآ مب مشغوله تعالي معاي .. عقب سرنآ نشرب شي ، يلست أنا وهيه وكآن الممرضات لما يشوفوناا يسإلون فطوم منو أنا .. وهيه تقول لهم هذي بنت عمي .. عقب قلت : فطوم أميه مره قالت لج شي ؟؟ يعني شي يخص وجودها في المستشفى ؟؟ فطوم وتحاول تتذكر شي : لآ ماخبرتني شي .. ! رديت : اهاا زين ، وشو أخبارج بعد .. فطوم وتبتسم : الحمدلله هذي أخباري وهذا شغلي فافي يديد إنتي خبريني قلتي لي بكمل دراستي .. إستغربت بعدها تتذكر : هيه .. مدري أفكر ، بس عايبني الوضع لا شغله ولا شي .. فطوم : بالعكس لما تشتغلين تحسين لج دور وعندج شي لآزم تسوينه أما يوم تقعدين فاضيه تحسين وجودج وعدمه واحد .. ضحكت : ههههه يمكن ,. يلسنا نسولف عني وإذا بكمل دراستي شو بتخصص وووو الخ مع أني قلت يمكن يعني مب أكيد .. عقب قلنا بنرجع نشوف أميه إذا خلصت ولا لا .. لما كنت أمشي مع فطوم شفت واحد يشبه سعود أخوي وايد إستغربت .. فطوم : ميثه !! رديت : هذا مب سعود أخوي !! "عقب رحت صوبه ، " يوم تأكد أن سعود قلت : سعووود !!!!! سعود ومنصدم : ميثه !! شو يايبنج هنيه ؟؟ قلت : ماشي وصلت أميه ، !! سعود : شحالج فاطمه .. فاطمه : الحمدلله بخير .. سعود : مديم حالج .. أنا قلت بمر عند إربيعي ، قلت : أهاا .. سعود ويطالع فطوم : تعرفين وين سار ..؟؟ فطوم وباستغراب : منو ..! سعود : ربيعي سيف ال.. ، موجود ولا لأني أتصل فيه مايرد علي .. فطوم : أها .. هيه أتوقع ظهر من المستشفى من أمس .. يلست أفكر هيه إلي مايروم يمشي .. ! سعود ومستعيل : أوك يالله أنا بروح ألحينه ميثه لآتخلين أميه بروحها يالله مع السلآمه .. قلنا : الله وياك .. عقب طالعت فطوم : سيف إلي مايروم يمشي ولا .. ؟ فطوم طالعتني منصدمه !!!! قلت : ليش مستغربه هيه ولا لا ..؟؟ |
( الصفحة التآسعه ) . . . . عندما نقف في لحظآت تفكير طويلة .. نتذكر أمور كثيرة .. أمور مفرحه ومحزنه .. البعض يكمل تلك الفرحة والبعض يكمل تلك الأمور المحزنه .. لكن قصتي لم تبدأ الآن فهذه مجرد بداية .. ! , الأنانية ليس حلاً .. فكما كنت اليوم مع من تحب قاسياً .. فغدا تنقلب المعادلة بك .. فحال أن تعامل الناس دائما مثلما تحب أن يعاملونك .. يوم الأربعآء [ بيت بو سعود ] .. . . . ( قوم بو حمد + بو عبدلله + وبنآت خآلتهم ) ، الكل متيمع في الصاله والحريم في ميلس الحريم ، علاقة شيماء مع ميثه وأم سعود حلوه لكن بعض الأمور متوتره وصار الكل يلاحظ هالشيء .. . . شوق كآنت تطالعني بنظرآت ليش يآلسه أرمس شيماء جيه !! بس أنآ سويت حركه بمعنى شوو !! .. مهآ : إحمم إحمم نحنآ هنآ ؟؟!! شوق وتهمس لمها : مهووه متشووفينهآآ كييف ترمسس مع شيماا !! مهآ وإتسوي حركه بمعنى خفي صوووتج .. دخلت ساره وناولت كل وحده فينا كوفي .. قلت : تسلمييين حياتي .. سآره : ربي يسلمج " وعقب حطت الصينية ويلست عدآلي " .. شيماء وتتأفف : ليش جيه ملل .. !! ضحكت : هههه لأنج موجوده أكيييد !! شيماء وبغرور : هيه حسيت أن مكآني مب بينكن " وتحركت تبي تروح صوب الحريم " .. شوق ورافعه حوايبهآ : نعم نعم !!! .. ساره : خلوهآآ برآحتهآآ .. " إلتفتت شيماء وضحكت عقب رآحت صوب الحريم " قلت : تقهررررررررر .. مهآ وتوقف : زييييين بنوتاات يالله قووومن .. الكل مستغرب !!! : وييين !! مهآ وتوقف : إحمممم بحآوطكن في سيآرتي .. شوق : ههههه خفي علينآ متى صارت سيآرتج يالحرآميه تقصدين سيارة عنووود .. مهآ وتطلع سويت السيآره : المهم ألحييينه هيه سيآرتي .. بتوون ولآ لا .. قلت : هييه أكييد يالله بسير ألبس عبايتي .. سآره ومهآ : أوك .. (بعد مآسرنآ ولبسنآ عيبيناا .. ظهرنآ للسيآره ،أنا و ساره وشوق ورآ وشميااء ومها جدام) .. تمينآ نحاوط فالشعبيه لأن أم مهآ في البداية ما رضت أن مهآ تسوق قال لآتروحون بعيد وآيد .. وآنسه شيماء تقول تبي حد يوصلهآ بيت عمهآ .. وإحنآ ماصدقنا خآلوه وآفقت أن مها تسوق .. [ في السياره ، ] .. سآآره وتضرب مها : ياااااااربي إنتي ويه سواقه شوي شوي .. مهآ : شوو إنتوا سكتوا وأنآ بسوق عدل .. ضحكنآ عليهآ .. قلت : قلت لج عطيني بسووق مآلت عليج ليسن عالفاضي والله خالوه بتعصب لو عرفت هذي سواقتج .. مهآ : صبري إنزين مآ صار لي سنه من حصلت الليسن .. شوق وتهمس لي : ألحيينه شو البنت تتريآآ نوصلها وساكته !! قلت : خبري مهووه هيه إلي تسوق مب أناا .. وساره مندمجه فالفون مدري منو ترمس .. قلت : شيماء سعود أخوي يدري بأنج بتروحين بيت عمجج ؟! قالت : وإنتي شو يخصصج !! إلتفت طآلعت شوق بمعنى سمعتيهآ شو قااالت !! .. وشوق تسوي حركه بمعنى دخيلج مانبي مشآكل .. قلت : أهاا .. هيه صح أنآ شو يخصني .. مهآ وتغير السالفه : أقوووول شيماء وين هنيه !! شيماء : هيه لفي يساار عقب 3 بيت .. مهآ : أوك .. . , . لما وصلنآ .. كآنت شيماء ترمس فالفون مع حد !! .. وإلي سمعته قبل لآتنزل .. ( هيه وصلت .. أوك ) عقب نزلت وسكرت الباب .. مهآ وتلتفت ورا صوبناا : إنتووا تراااكمممم فشييله يالساات تتهامسن وصوتكن ينسمعع . ..!! عقب شيماء دقت الجامه صوبهآ .. مها وتنزل الجآمه : هلآ ، شو فديتج نسيتي شي .. يوم قالت فديتج ضحكت وشوق قرصتني .. شيماء : ليش مآ تدخلون وياي ترا عادي مافي حد .. حيااكن ، شوق وتهمس : ميثوه كيف يعني مافي حد !! هههه .. مهآ وعيبتهآ السالفه : أوكك يالله بناات .. شيماء : أوك " وراحت تدق الجرس " شوق بعصبيه : انتيييييي منو قالج بننزل !! على كييفج .. مهآ : شو عاادي خلينآآ نتعرف على عمتها يمكن أحسن عنهاا .. سآره وأخيرا تكلمت : شو ألحين !! أنآ ماعندي مانع مب حلوه نردهآ بعدين بترمس عنا جدامهم .. مهآ : أقول شوفوا واقفه تتريااناا !! قلت : زين برايكن يالله .. "عقب نزلنآا " لمآ رحنا صوبها تمينآ نتريا عقب فتحت الباب وحده مدري منو !! دخلنآ كلنا جنه يهال مسوين طابور هههههه كآن البيت مظلم .. وسلمنآ على عمتهاا إلي كانت يالسه فالميلس .. شيماء : هذي عموه وهذي نوره .. يوم قالت نوره تذكرتها .. عمتهاا : حيااكن بنات منورين البيت .. يلسنآ وعقب قالت شيماء : شحاالج عموه ؟؟ إن شاء الله كل شي بخير .. ردت عليها : الحمدلله بخير فديتج وإنتي شحالج عسى مرتاحه .. رديت : هيه الحمدلله .. همست : بعد تحسبت أنها مب مرتاحه .. شوق : أووص ميثوه .. نوره وتصب لنآ جاي : ماكنت أدري بيون معاج البنات كنت بسوي لكم شي من طباخ إيدي .. مها : لآ فديتج مشكورره وماتقصرين .. حسيتها كانت تطالعني وايد ، !! همس لشوق : شوو الكحل مالي نزل ولافي شي غلط في ويهي !! شوق وبإستغراب : لآ .. عقب عمتها وقت : شيماء تعالي شوي .. "عقب ساروا مدري وين يمكن بتراويها شي " .. نوره : وأخباركن بعد !! ردينآ : الحمدلله بخير .. قلت : السموحه يينا في وقت مب مناسب بس شيماء قالت تعالو معاي وجيه .. نوره وتضحك : هههه لآ عاادي شوو حياكن في أي وقت .. ساره :تسلمين .. نوره : ربي يسلمج يالله خبروني شو أساميكن وشو تشتغلن .. ؟؟؟ سآره : أنآ ساره شو نسييتي !!!! المهم أدرس فالجآمعه للحين .. نوره : أها هههه لآ مانسيتج بس مآ أذكر الاسم .. وماشاء الله بالتوفيق ياربي .. الكل : آمين .. مهآ : وأنا مهاا قولي مهووش مهووي مهوه إلي يريحج "ضحكنا " متخرجه من الجامعه وألحين أدور شغل .. نوره وبإستغراب : ماشاء الله والله مب مبين عليج .. مهآ وبخجل : هيه أدري فديتني صغيره .. ضحكنا عليهاا .. شوق : هههه زين وأنا شوق لآشغله ولآ مشغله يالسه فالبيت .. نوره : أفا .. يالله ربي يوفقج .. "عقب طالعتني" .. مآتكلمت .. مها إنتبهت : هيه وطبعا ميثوه مثل نوره لآشغله ولآ مشغله .. نوره : زين ربي يوفقكن .. تمينآ ساكتاات ونوره أول ماظهرت من الميلس سارت المطبخ أتوقع .. شوق :أوووووووووووووووووف أوووووووف أوووف .. مهاا : شووق !!!!! شوق : مليييت لي ممتىى جييه !! ساره وإطالعها بعصبيه : عيب إنزيين .. شويه ورجعت نوره ويايبه سويتات .. : بناات تفضضلن ، .. عقب يلسناا تحت على الأرض و نوره شغلت التلفزيون .. ساره : تسلمين فديتج .. نوره وتبتسم : ربي يسلمج .. قلت : نوره وين الحمام ( وانتوا بكرامه ) .. نوره : هناك كملي ليين أول باب على إيدج اليمين .. وقفت : أوك .. عقب تحرك شفت شي بااب على إيد اليمين مثل مآ قالت .. شكله الحمام .. عزكم الله دخلت شفت شكلي مافي شي عدلت الكحل بعدهآ دخلت قلم الكحل في عيني بالغلط حسيت بألم بدون مآ أحس فركت عيني بإيدي وإخترب الكحل والعدسه طلعت .. تأفف .. مب وقته أبددددد نزلت تحت المغسله أدور العدسه وينهاا !!! يلست أدور ماحصلتهآ !! ياااربي .. عقب انتبهت فالمغسله الحمدلله مافتحت الماي شليتهآ ودخلتها في عيوني بصعوبه لأنها كآنت تعورني وصارت حمره .. (قفلت الباب علي ) ، وغسلت ويهي يولي مب لآزززمممم بعدها نشفت ويهي بالكلينكس .. حسيت أني تأخرت وايد وإلعوزت ماي .. شفت شكلي ضحكت ههههه لأن عين وحده مستويه حمره .. ظهرت من الحمآم ، سمعت صوت عمة شيماء فالمطبخ .. ويلست أسمع شو تقول بس صوتها ماينسمع .. رجعت الميلس وكنت منزله راسي يلست عدال مها ,, مها وتهمس : ليش تأخرتي ..!! يوم إلتفت شافتني وإنصدمت .. : ميثووووه !! ليش غسلتي ويهج وشوفيها عيونج .. قلت : زييين سكتي لآزم ترمسين بصوت عالي .. نوره : شو فيكن ؟؟ قلت : لآ ولا شي سلآمتج .. مر الوقت .. بصراحه ما استاانست لكن حسييت أن نوره وعمة شمياء طيووباات .. سلمنا علييهن وظهرنآآ لما وصلت صوب السياره .. مهاا : مييثوووه نسييتي شنطتج !! .. قلت : لآ عند ساره " طآلعت ساره " ساره : مااخذييتهاا !! أتحرآآهآآ معاج !! شويه وأسمع صوت نوره : ميييثه لحظظظه .. إلتفت : هلآ .. "عقب عطتني الشنطه " نوره إبتسمت : يالله الله وياكن " ودخلت " .. مدري ليش حسيتها مضايجه .. بعدها سمعت فوني كآن يرن .. مهآ : يالله مييييثووووه .. رديت : لحظه .. هلآ أمييه .. أميه : أهليين يالله ويينكن ؟؟؟؟؟؟؟؟ قلت : ألحيينه بنرجع البييت .. أميه : يالله لآتتأخرن في أمآن الله .. "وسكرت" شكلهآ عموه وخالتي بيرجعون البيت عسب جيه .. ركبت السياره .. ومهوه شغلت السياره .. مهاا : يالله اسسسسسستعداااااد .. كلنآآ : مهووووووه شوي شوي .. رجعت بالسياره وكآنت بتظهر من حوش بييتهم وهيه بعد ماظهرت زاددت السرعه ودعمناا في سياره توها يايه ومها عطت بريييك بقوو .. كلنآآ صرخناااااا من الصدمه طاح فوني !!!!!!! شووق وحااضنتني : م م يثووووه هذيي تبي تذبحناا .. مهاا وتجدم السياره : أوييييييييه شوو بسويي .. عقب فتحت الباب : وحده فييكن تنزززلت معااي أتفااهم مع الرياال .. ساره : أسسسستتتتتغفرلله إنتي حد يعطييج إتسوقين .. ألحين تحملي إلي بييج شيمااء ويالسه تطالع السياره بإستغراب : هذي سيآرة بيت عمي أتوقع .. شوق وتطلع فونهاا : ألحيييييين برمس عنوود .. مهاا وتترجاهاا : لآ لالالاااا شووق دخيييييلجج أترجااااااااااااااااااااج لآتتصليين بتذبحني .. شيماء وتضحك : هههه أنآ مالي خص .. كلنآ طالعناها : نعم !!! شيماء : هيييييه نعم .. مها وتعدل شيلتهاا : وحده تنزل معااي يالله .. قلت : أنآ بنزل وياج " عقب نزلنا رحنا صوب السياره ماصار فيها شي بس دعمه خفيفه " مهاا راحت عند الجامه مال الريال : السموحه .. شوي ويظهر هندي : إننننتيي شووو يسووي ماافي معلووووووم ..؟؟؟؟؟ مهاا تمت منصدمه وماسكه ضحكتهاا .. ضربتهاا على كتفهاا وهمست : طلع هندي إمشي نسوي شررده .. مها : لآ والله عقب تصير مشاكل "عقب شافت الهندي " هذا سياره مال انته !! الهندي : مااماا أنا لآزم يكلم شرطه .. مها شويه وبتصيح ههه : لآ لآاا شوو شرطه مايريد شرطه .. "فجأه إنفتح الباب الثاني وسمعنا : عسى محد تعور !! الهندي : باباا هذا نفرر يريد مووت أناا .. مها : شووو موت أناا !!!!!! .. بعد إنت ماتعرف تسوق مب أناااا !! همس : ألحينه انتي الغلطانه وبعد تنكريين .. لما ظهر الريال كآآآآن ..!!!!!!!!!! \ / \ / \ / \ / وصلنا البيت وخالتي عصبت وايد على مها .. خالتي هزبة مها من الخاطررر : ماااافي سوااقه مرره ثاانيه فااهمه .. مها ومنزله راسها : إن شاء الله .. خالتي : إتصصصلي على أخوووج يوصلناا .. شوق وتهمس : تستااهل .. شيماء : خاالوه هيه مالها خص حليلهاا .. خآلتي وإطالع شيماء بس مآ قالت شي بس إبتسمت " عقب يلست " تحركت أناا وشوق وساره لحجرتي .. شوق وتضحك : ههههههههههههه ههههههههههههههههه ضربتهاا على الخفيف : بسسج ضحك .. ساره " دخلت الحمام عززكم الله " فصخت عبايتي : لآتنسيين أنا نحن بعد غلطآآنات لأن كناا متحمسين معاها هههههه .. شوق : هههههه لآ والله .. المهم شوو قاال لكم راعي السيااره .. يلست على الشبريه : شو يعني بيقول خلاص الريال يقول بيصلح السياره بروحه .. شوق وبحيره : غرييبه يعني .. !!!!!!!!!!!!!!! قلت : لآ مب غريبه لأن وللدد عم شيمااء .. شوق : أهاااااااااااا وأنا أقوول ليش نزلت وراحت صوبكم ويلست ترمس .. قلت وأنا أفكر : شي غرييب .. شوق ومستغربه : غريب ! رديت : هآ مااشي .. المهم يالله أتووقع أذن العشاا بنصلي عقب بنكمل سوالف ., . . . . , (( بعد مرور 3 سآعات )) دخلت شوق وأمها البيت .. شوق : فطوووووووووووم فطوووم ويينج .. فطوم وتظهر من المطبخ : هنيه .. يالسه آكل ، شوق : أها بالعافيه .. "عقب دخلت أم حمد تشوف بو حمد ) فطوم : ربي يعافيج .. شوق وتفر العبايه : طاااافجججج .. فطوم وبإستغراب : شو إلي طافني " ويلست عند شوق " شوق : مهووه الخبللة دعمت سياره وللد عمم شيمااء .. فطامه ومنصدمه : لييييشششش تسوق من الأساس تدرون أنها متهوره إن شاء الله محد تعور .. شوق : لآ .. وبعدين هيه ما طاعت حاولنا بس هيه عنييده وقالت بسوق مآكنا ندري جيه بيصير .. رديت عليها فطوم : وشو قال راعي السياره .. شوق : قال خلآص ما صار إلآ كل خير وأن بيصل سيارته بروحه .. فطوم ومستغربه : مآ إتصلتوا بالشرطه ؟؟؟! شوق : لآ هههه المهم أن مآ كبرت السالفه .. بس في شي حيرني !! فطوم : إنتي من يومجج لآزم تدخلين في أقل التفاصيل .. شوق وتفكر : لآ بس أنآ لآحظت شي .. فطوم وبإستغراب : شي مثل شو يعني في أهل شيماء ولا شيماء ولا منو ؟؟ شوق : ممممممم تقريبا في شيماء وميثه .. فطوم مب مستوعبه : كيف يعني .. شوق : علآقتهم مب حلوه ليش مآ أدري .. !! فطوم وتوقف : شكلج تتوهمين يالله أنا بسير أرقد تصبحين على خير .. شوق وبعناد : لآ متأكده ، وإنتي من هله .. . . . في بعض الأمور قد تكون غريبه في البداية .. ولكن في نهاية الأمر يدرك كل واحد فينا حقيقة الأمر .. قد نخطىء ولكن ندرك ذلك .. لكن رغم كل شيء الأخطاء ستقع .. وهنالك من يتعلم من خطأه وهنالك من مازال يخطأ .. ! . , (( بعد إسبوع )) في بيت أم عبدلله مسوين حفلة بمناسبه إنضمام طفل يديد في العايله .. وكآن الكل مستانس ويبارك لهم عالبيبي .. وخاصه أن أول حفيد فالعايله .. في الميلس صوب الريااييل .. شفت عبود مستانس : عبدلله خلآااص منوو قدددك بو زيووود .. عبدلله ويضحك : هههههه أقوول من ألحينه بخليه يضرببكمم .. ضحكناا : هههههه ، خييبه صبر شوي خل يكببر بل حااقد علييناا .. عبدلله : إنتوو تم حددد مآ حقد علييكم .. حمد : يالله هذاا لييش جييه !! غصب يبن أن نحن أشرار " وقالها بطريقه تضحك " عبدلله ويضحك : هههههه أقووول بررررع منو يعزمكم إنتوا ؟؟ يالله بررع .. حمد : لآ والله .. شفت أحمد يسولف فالفوون : أحمدووه هااا منوو ترمسس .. أحمد ويسوي حركه بمعنى إسككت .. عبدلله : مع منوو يعني أكيد خدامة ييراناا .. الكل ضحك : هههههههههههههههههه أفااا .. أحمد ويسكر الفون : مالت علييكم يالس أرمس أميه تقوول حد إييه ياخذ الغداا .. قلت : خلآص أنا بساعدك "عقب ظهرنا وسرنا صوب المطبخ " أحمد : هوود هود .. أم عبدلله : هداا .. أميه أحممد إدخلل .. دخلت أنآ وأحمد المطبخ : كيييف الطبااخ .. ليكوون يكون مااالح شرات آخر مره .. أم عبدلله : لآ والله قصوورك تقول شي إبلع وإنت ساااكت " وعطتني صحن العيش " ضحكت : ههههه " عقب شميت ريحة البرياني "فديت ريحة البريااني .. ميثه : حد يتفدى ريحة الأكل .. أحمد : ماعلي أخوج إذا شي يخص بطنه عادي يقول لجدرر العيش أحبك .. ضحكنا كلناا على تعليقه الغبييييي عقب قلت : زييين شل الصينية .. عقب مآ حطينا الأكل يلسنآ نآكل ونسولف وكل وآحد فينا يستهبل على بو زيود .. . . . لحظات الفرحة جميلة بين من نحب .. مهما قلنا لآ نستطيع إنكار تلك اللحظات الجميلة .. ربما قد ننسى مآيحزننا لكن تلك الأيآم الجميلة لانستطيع نسيانها .. لكن هل ستغيرنا الأيام ..! أم نحن من سنتغير .. . , [ صوب البناات ] يلست آكل والبنات كل شوي وحده فيهن تقولي أصب لهآ بيبسي .. قلت : أنآ لييش يلست هنيه هههه .. شوق : تسسسسسلم إيييييكم .. الحريم : ربي يسلمج .. أم عبدلله : بالعافيه فديتكن .. ساره وماسكه بطنها : بسس شبعت مافيني أكمل الحمدلله .. أميه : شو بسج إكليي ترآ مب كل يوم أم عبدلله بتطبخ لج جيه .. ساره وتضحك : هيه والله أميه من يومها إذا حق عبوود وأحمدوه أنآ ونصور ماتسوي لناا سالفه .. أم عبدلله : عن العيااره كلكم مثل الشي .. قلت : أميه عموه وينهاا ماتبين هالأياام ؟؟ أميه : أم مايد أتوقع فالعين مشغوله .. رديت : أهاا غريبه مآ قالت لي شي .. أميه : يمكن مشغوله .. أم زيوود إكلي لاتستحين .. أم زايد : تسلمين عموه يالسه آكل .. قلت : بالعاافيه بسيييييييييييير أشوووف زييووود .. أميه : قعدييي مكآنج وخلي الياهل بحاله توه راقددد .. شوق : والله ولدججج كيووت ماشاء الله علييه طالع عليج .. أم زايد وتبتسم : تسلمين .. بعد مآ خلصنا رحت غسلت إيدي ورحت أساعد الحريم وآخذ الصحون والأكواب المطبخ .. سمعت صوت هواش من صوب الباب .. دخل سعود وناصر .. سعود : هههههههههههههههههههه جب إنزيين .. ناصر إنتبه أني موجوده : إحم .. قلت : هلا سعود شو يالس تدور فالمطبخ ؟؟ سعود ويدور : وين دلة القهووه ؟؟!!! قلت : هييييه صح نسيت .. "شليت الدله وعطيته " سعود همس لي : أقولج قولي لشيماء سعود يقولج السموحه مآرد عليج .. رديت : أوك .. " عقب ظهروا من المطبخ " فتحت الثلآجه طلعت دبة ماي وخذيت كوب ماي .. رحت صوب حجرة أبوي .. دخلت وبسته فوق راسه .. وهو إبتسم لي ، قلت : هااا أبوووي تبي شي .. "وحطيت له الماي على الطاوله " أبوي همهم .. إبتسمت له عقب يلست أسولف له كل يوم أيلس معاه وأطلع كل إلي في قلبي .. . . . . . . , أنا قاسي مع من حولي علمتني الحياة أن أكون قاسي .. هنالك أمر في داخلي يصعب تغييره كما كنت وسأكون .. قد أختار العبارات القاسيه لكن هكذا هم من حولي يختارون لي تلك العبارات القاسيه .. وأنا سأختار لهم عباراتي القاسيه .. سمعت صوت حد يق الباب .. قلت : منوو ؟؟ دخلت وهيه شاله صحن فيه كيكه .. وحطته عندي ! قلت : نوره مسويه كيك ماتحسين غريبه ؟؟ نوره وتضحك : هههههههه .. لآ ما أحس أن الموضوع غريب إنت أخوي الغالي .. قلت وأنا أضحك : هه زين قولي شو تبين ؟؟ أدري هالحب إلي نزل فجأه وراه شي ؟ نوره : مممممممم رجعت للشغل ؟؟ قلت ببرود : ليش يهمج تعرفين ؟ نوره : هيه يهمني ؟ رجعت الشغل ولآ ؟؟ " قالتها بطريقة قهرتني " قلت : ممممممممممممممم مب مهم .. نوره وتتأف : أوووف بتقوول ولآ شووو ؟؟ رديت : هيه رجعت أدآوم ؟؟ في شي .. نوره ومستانسه : لآ ماافيييييي زيين سيف في إجآزهه هالسنننه بنساافرررر شرايك ؟؟ قلت : بساافر بروحي .. نوره وبقهررر : لا بسيير معاااككككك .. رديت بعصبيه : قلت لا .. شفتها زعلت وقالت : زييييييين أصلا كنت متوقعه منك هالرررد إنت إنساان اناااااااااني .. قلت أبي أقهرها أكثر : هيه دامج تعرفين ليش تعاندين ؟؟ .. ردت علي حسيتها ترمس من الخاطر : تدددددددري با لييت مت إنت فالحاااادث مب أبووي .. قلت : مابيفيد تمنيااتج ألحين !! ردت علي : تدري إلي إنتتت فيه هذااا عقااب من ربببك " وظهرت من الحجره بعصبيه " ردد الكلمآت براسي !! وقلت : وأنآ راضي بالمكتوب .. . . . . . , سمعت فوني يرد .. !! شفت الشاشه [ نوره ] قلت بإستغراب شو تبي مني ؟؟ ساره : ميثووووووووه فووونججج رديي !َ قلت : زييين .. " عقب قمت من مكآني عسب حشرتهم ورحت حجرتي رديت عليها " ألوو ؟؟ ماسمعت رد ؟؟ قلت مره ثانيه : ألو ؟؟ .. نوره إنصدمت يوم سمعتها ترمسني وتصيح : م م م مييثثثه مضاايجه أريد أرممسس حد مآعرفت أرمس منو .. قلت وأنآ منصدمه من كلآمهاا ليش يعني تتصل لي وهيه مضايجه !!!!!!!!!!!! قلت : نووره بلآج هدي .. ليش تصيحين ؟؟ نوره وشويه حسيتها هدت : م ماشي مضضايجه وشفت رقمج مدري ليش حسيت أني أريد أرمسج .. قلت : عسى ماشر شو فيج ؟؟ نوره : والله شو أقوولج مدري ...... وسكتت إنتظررت أسمع أي شي بس هيه تمت ساكته .. قلت : خلآص ولايهمج ماصار إلآ كل خير لو أني مآ أدري شو فيج بس لآتكدرين بخاطرج .. سمعتها : أنا ماعندي خوات .. ياليت عندي إخت أسولف معاها وأقول الي بقلبي لها .. مدري ليش بس حسيت فيها !! يمكن لأني نفس الشي مآعندي إخت تكون معاي .. بس عندي ساره !! مع هذا غير لما تكون إختج من أمج وأبوج .. قلت : يالله ماعلي ألحين لآتضايقين بعمرج .. ردت علي : إن شاء الله تسلمين فديتج .. مشكوره والله رديت : العفو ماسويت شي .. كنت أفكر أعزمج اليوم بس شيماء مآرضت .. قالت شي خلتني أنصصصصصصصدم !!!!!!!!!!!!!!! . . . , رجعت صوب البنات .. ساره : وييييييييينج ساعه تسولفيين .. قلت : ماشي كنت أشوف شي المهم وييينهاا شيماء ؟؟ شوق : ممممم أتوقع في المطبخ مع الحريم .. قلت في بالي معقوله كلام نوره صح |
( الصفحة العآشرة ) " صدمتني الدنيا .. وها أنا أنتظر القآدم " . . هكذا نحن .. سنحب من نكره ونكره من نحب ..! أحيانا تحدث أمور لم نتوقع حدوثها .. وننصدم من أنفسنا كيف لنا أن نتغير بسرعه .. أم أن الحياة تدخلنا في تجارب طويلة ، وفي كل تجربة نتعلم شيء جديد .. وأحيانا قد نخدع بالمظآهر حتى يسقط القناع في اللحظه الغير متوقعه ! . . . , .. يلست أنتظرر ليش محد فتح البااب وينهاا نوره !! شويه وإنفتح الباب إبتسمت وسلمت عليهآ : شحآآلج نوره ؟؟؟ نوره ووآضح عليها أنا مستانسه : الحمدلله حيياج مييثه محد موجود فالبيت غيري .. إبتسمت وعقب دخلت : غريبه وين أمج عيل ؟؟ نوره ويلست وأنا يلست عدالها : والله شو تبين أقولج أميه مثل مآهي مآتحب تيلس وايد هنيه .. قلت بإستغراب : ليش شو صار ؟؟ نوره وحسييت من عيونها أنها مضايجه يمكن من سؤالي !! ردت علي : ماشي مشآكل عائلية ألحين هيه عند يدوه ... رديت : أها .. ماحبيت أسألها أكثر .. نوره ومستغرب : عيل وين البناات ؟؟ محد ييه وياج ليش !! قلت : مدري عنهم بس خبروني أنهم بيون عندج بس يمكن مآحصلوا حد يوصلهم .. نوره : لآ لتقووليين كنت أبااكم كلكم معآي وسويت لكم ورق عنب وسويت منو بياكله عقب .. ضحكت : هههه خلآص لحظه بتصل وبشوف ساره .. إتصلت قبل لآ أييج بس ماردت إتصلت على ساره شوي وترد علي : ألوو سآره ؟؟ " ساره : هلااا ميثثثه .. سوووري والله مارديت عليج قبل نااصررر السخييف كآن يباني أكوي له كندورته وكل شوي يتشرط.. رديت : لآ عاادي مب مشكله ويين مابتيين حرام نوره طابخه لنا ويالسه تنتظركم تعالي مب حلوه ( نوره إبتسمت ) " ساره : زين بشووف ناااصر يوصلني .. قلت : أوك عيل مروا عند شوق ومهاا وشوفوا فطوم ولآ أقول مستحيل إتييه.. " ساره : أوك بحااول أقنعه نصور بالأول خخخخ تعرفين أخوي .. قلت : ههه أوك يالله نحن نتظركم .. في أمآن الله .. " ساره : أووووووككك بااااي .. نوره وإطآلعني أنا ابتسمت قالت لي : زيين وبعد خبريني شو أخباارج .. ؟؟ قلت : ماشي والله مثل ما أنآ بس مليت شوي من يلسة البيت وأفكر أكمل دراسه .. نوره بإستغراب : بتكمليين دراسه !! ضحكت من شكلهاا : هههههه ليش مستغربه هيه بكمل دراستي لأني بصرحه ملآنه وماشي شغله .. نوره : يالله ربي يوفقج إن شاء الله .. رديت : آمين .. إتصدقيين حظظظج بروحج فالبييت محد يطفرج ولا حد يضايقج وماخذه راحتج .. نوره وتضحك : ههههه حرام شو حظي والله أني أحس بضييقة يوم أكون بروحي (عقب غيرت السالفه ) بروح أييب لج شي تشربينه .. رديت : أوك تسلميين .. "عقب شفتها سارت المطبخ " شكلها مضايقه بس شو سالفتهم يعني معقوله في مشاكل لدرجه أن أمها تخليها بروحها محد عندها فالبيت .. فضووووووووول أريد أعرف ههه تذكرت ساره إذا قلت لها بيجتلها الفضول هههه .. . . . , دخلت الحجرة شفت شيماء يالسه وتسولف فالفون .. قلت : شيمااء بسسج سواالف 24 سااعه .. شيماء وتسكر الفون : شفييك سعود أرمس أميه .. قلت وأنا أتأفف : إنزيييين إرمسيها بس مب جيه .. المهم ليش ماتروحين تيلسيين مع أميه ؟؟ شيماء وتعدل يلستهاا كأنها ترمس بجديه : تبي الصج مآ أحب يلستهم .. قهرتني رمستهاا رديت : لآ والله وليش إن شاء الله شو فيها أميه مب عايبتنج .. شيماء ومتوتره : لآ لآ مب جييه بس مدري عموه تيلس مع عمي ومآ أحب أيسل بينهم .. رفعت حايبي : هذاا عذررج يعني ؟؟ شيماء : سعووود زييين خلاص هااا بروووح أيلس معااهم إرتحت ألحيين " وظهرت " لحق وراهاا شوفيهاا اليوم ! ... دخلت الصاله وهيه سلمت على أميه وأبوي وباستهم فوق راسهم وتمت واقفه !!.. قلت : أماايه أنا بظهر ألحيين شيماء بتييلس معاكم حليلها يالسه بروحهاا فوق .. أميه : لييش تيلس بروحها ونحن موجوديين تعالي فدييتج يلسي معانا .. شيماء يلست عند أميه بس أحسها مب عايبنهاا أنها يالسه مع أميه .. كنت أطالعها بنظره بمعنى شو فيج بس هيه صدت ويهاا .!!! قلت : زين محتايين شي ؟؟ أميه : لآ سلآمتك تحمل بروحك .. رديت : إن شاء الله شيماااء .. شيماء وردت علي بطريقه تستفزز : شو تبي ؟؟ " طالعتها بإستغراب " !! مآحبيت أقول شي مآبي أميه تحس بشي : خلاص سلامج يالله في أمآن الله .. " وظهرت من البيت ركبت السياره وشوي يوصلني مسج من شيماء " .. " سعوود سوري بس ما أحب ايلس معااهم برد غرفتي " لحظتهاا عصبت بس ماعلي يمكن للحين مب متعوده تيلس معاهم .. كنت بتصل عليها بس مآ أريد أعصب عليهآ تذكرت كلام ميثه أمس .. \ / \ / \ ، .. سعوود بقولك الصج بس ما أقدر أحلف لك بشي .. قلت بإستغراب : ميييثه بلآج تكلمي ؟؟ ميثه : ترا شيماء مآكانت موافقه على الزواج بس لأن أمها أصرت على أنها توافق وافقت .. إنصدمت : كيييف كيف !!!! ميثه : مثل مآ قلت لك حتى أنا دوم ألآحظ تصرفتهاا معاناا كأنها مضايقه ومب عايبنها وتحاول تسوي مشآكل .. يمكن إنت ما لآحظت هالشي بس والله يا سعود أنا مب مطمنه أبدد أحس أنها حاقده على أميه من شو مآ أدري وأحيانا ماتحترم أبوي وترمس عنه بطريقه مب حلوه .. إنصدمت من كلآمها وحاولت أصدقها بس كلآمها مايدش مخي : مييثه إنتي شو يالسه تقولين من قالج أنها كآنت مب موافقه .. ميثه : كييفك إذا مابتصدقني بس في حد قالي مقدر أقولك منو .. إستغربت : منوووووو قووووولي !!!!!!!!!! ميثه : مقدر أقووولك .. عصبت : مييييييييثه قووولي منوو قااالج هالكلآم ؟؟؟!! ميثه ومتوتره : المهم قلت لك وأدري انك يمكن مابتصدقني .. حسيت بأن ميثه يمكن مآتحب شيماء عسب جيه يالسه تقول هالكلآم : مييثووه مب معناته إذا متحبينهاا تقول عنها جيه ودري عنج هالحركات والكلام الفااضي ، ومره ثانيه لآتقولين هالرمسه خآصه جدام أميه وأبوي.. ميثه بعصبيه : خلآااااااص كييفك لآتصدق أنا الغلطاانه الي قلت لك أصلا " وظهرت من المطبخ " \ / \ / \ يمكن يكون كلآم ميثه صح بس لييش شيماء مآ قالت لي هالكلآم ؟؟ .. كملت طريجي لين مآ وصلت مكتبي .. دخلت شفت سيف .. رحت صوبه وسلمت : السلآم عليكم .. سيف : وعليكم السلآم والرحمه .. يلست مكاني وقلت : شو تترياني ؟؟ سيف : تسألني ولآ مستغرب .. ضحكت : هههه الإثنين .. سيف : هيه أتريااك كنت بخبرك بو جاسم وينه مآ أشوفه هالأيآم وأتصل له مايرد .. تذكرت : هيه مآتدري ولده جاسم توفي بحادث الله يرحمه .. سيف : محد خبرني .. الله يرحمه عسب جيه مايرد علي كل مآدقيت له الله يصبره .. رديت بحزن : آمين يارب .. سيف ويتحرك كأن يبي يشرد من الموضوع : زين أنآ برجع أكمل شغلي .. "وقبل لآيظهر " قلت : سيف .. إلتفت علي : هلا ؟؟ .. قلت : سمعت أنك بتكمل علآج برع .. وبتسافر !! ضحك : ههه ويعني مآبيتغير شي تعالجت هنيه ولا برع نفس النتيجه .. قلت : يمكن تتحسن على الأقل .. زين وين هالمره وين وصووك تروح ؟؟ رد علي : تبي الصج أنا خاطري أغير جو مب مهم علآجي ولا لا بسافر لإيطاليا .. إستغربت : يعني مب حق العلآج ؟؟؟ رد علي : لا مب للعلآج .. قلت : براحتك اهم شي تكون مرتاح .. سيف : تسلم يالله أترخص منك .. " وظهر " قلت في بالي غريب هالإنسان إلي يشوفه يقول مايهمه شي بس في الواقع هو يهم بوايد أمور لكن مايحب يبين لغييره ضعفه أو حاجته لحد .. ضحكت ههه الله يهدي أهلك ياسيف مآعرفوا قيمتك .. بس أحيانا يصير غريب .. يمكن في شي ما أعرفه عنه ، مصار لي وايد من عرفته عس بجيه ، سمعت فوني يرن كان علآوي الخبل رديت عليه .. : هلآ علآوي .. " علآوي : أهيييييييييييييييييييين هلآ والله .. قلت : شو متحمس ؟؟ " علآوي : هييييه متححححممسسس للشغل بس أقولك أريد منك خدمه قول تم .. قلت : أفآ عليك تم .. . . . بعض الأشخاص يخفون الكثير من الأمور التي قد لآ يحبون مشاركتها مع من حولهم .. فيفضلون الإبتعآد فالحظة المناسبه .. بعداً عن الأسئلة وبعداً عن الشكوك .. هؤلآء يحبون الإحتفاظ بمآ لديهم .. حتى يأتي الشخص المناسب ويبوحون بما في قلوبهم .. وأحيانا تكون عندهم قصة طويلة يصعب عليهم قولها !! . . . . . ضربتهاا بقوو : يالددددددددبه زييين ماااعليي .. شوق وتضحك ولآ كأني ضربتي حتى مآتألمت يالسه تضحك : ههههههههه ههههه زيين والله آسفه .. مهاا : مااالت علييكن والله .. قلت : ليش إن شاء الله آنسه مهاا .. مها وتتدلع : مهوووي لو سمحتي مب مهاااااااا .. ضحكنا : ههههههههه زيين " قلدتها " مهوووي ليش مآلت .. ساره : بس إستحوا شوي .. مها : زيين مب جنه نوره تأخرررت !!!! وينها ساعه لي مآتييب الكل .. شوق : طعع هذي شو حضرتج يايه تآكلين ولآ كيف .. مها : دآم السالفه فيها ورق عنب إسمحيلي البرستيج يخترررب ههه دخلت نوره وهيه تضحك : هههه مهووش مآ كنت أدري لهدرجه إتحبين ورق العنب .. مها وتضحك : هههه شو أسوي أيآم الجامعه كله يعزموني على ورق عنب لي مآ صرت مدمنه عليه .. حطت الصينية وقالت : هههه عواافي .. كلنآ : تسلم إيدج .. عقب يلسنآ ناكل ونسولف .. نوره : تدرون والله مآ أجذب بس أحسكن شرات خوااتي .. شوق : فديتج والله حتى نحن من يوم عرفنآج دخلتي قلبنآآ .. مها : هيه والله .. تبين الصج بدون زعل إنتي أحسن عن شيمااااء بمليوون مره مدري على منو طالعه متكبره ومدري كيف .. ساره : لآا شوو حرام عليج شيماء مب متكبره حليلهاا .. أنا هنيه ضحكت : هههههههههه ساره بلييز لآتعيدين هالرمسه.. ساره وحسيت كأنها عصبت من رمستي مع أنه مافي شي يعصب ردت علي: لييش .. !! والله أحسها طيوبه والحق ينقال وبعدين إنتي ماتحبينها عسب جيه .. إنصدمت شو السالفه قبل سعود وألحين ساره : شوفييج ساره لآعبه بمخج يمكن ؟؟؟ شوق : خلآاااص بس توولي لآترمسون عن حدد .. أنا سكت بس تمين أطالع ساره منصدمه .. معقوله شيماء رمست معاها وقالت شي .. !! إنتبهت علي شوق وطالعتني بنظره ( شو ) ؟؟ هزيت راسي بمعنى ماشي .. عقب مآخلصناا يلسنا نشوف فلم ومهاا مندمجه فالبلاك بيري وتسولف ما أحب هالحركه وساره نفس الشي خاطري أشله من عندها وأكسرررره كله مجابلتنه .. شوق وتصب لها جاي : ألحيييييييين إذا مهوووه وسارووه يلسن يسولفن خلآص ولآ كأن حد يالس هنيه .. نوره وتضحك : هههه هيه أشوف .. شوق : نوووووووره إعترررفي شو حااطه فالاكللل بطني يعورنيييييييييي ..!! نوره ومنصدمه : شوو والله مآ حطيت شي .. شوق وتضحك : ههههههههه أسووولف .. نوره وتضحك : ههههه الله يسامج شكييت بعمري .. قلت : ههه أحذررج من شوق ترا إسلوبهاا يخووف خاصه يوم تحس أن فيج شي .. شوق : هههههههه لآ مااعليج منهاااا تخرررررط .. نوره وتضحك : ههههه لآ صج ميثه .. قلت : هيه تعرففف تآخذذ السالفه من عندج بالغصب .. شوق وتضربني : جبببب زييين أنآ مب جيه .. عقب ضحكناا .. إلتفت لساره وقلت : سااااارووه ترمسييين منو ؟؟ ساره : هاا .. أرمس شيماء .. أنا هنيه إنقهرررت بس مسكت عمري خاصه أني أحسهاا تعااااند .. شوق لآحظت : ساارررره ترا ميييثه بتاكللللج عقب ههههههه .. ضحكنا أنا نوره : ههههههههه ساره قالت بجديه : ليش إن شاء الله ؟؟ حاولت أغير السالفه : مممممم زييين أنآ بروح أيييب ماي .. محد علق علي .. وشوق ضحكت .. تحركت رحت مطبخهم وشربت ماي يلست أفكر شيماء شو سالفتهاا .. ليش أحس أنها بتخرب حياتناا .. ظهرت من المطبخ ولفت إنتباهي غرفه كآن الليت مبندد بس سمعت صوت شي يرررن يمكن منبه ولا شي .. مدري دخلت بس ماشغلت الليت يلست أدور مصدر الصوت كانت الغرفه كبيييره.. شفت الصوت كان من فون فوق الطاوله بندت المنبه .. كان شي أورااق وااااايد فوق الطاوله مدري هذي غرفة منو .. !! استغربت شو هالاوراق .. وصوبها كان شي شرات البوم صور صغير .. فكرت أفتحه ولآ لا !!!!! .. لآ شو أفتحه .. حسيت الغرفه باارررررده كنت بظهر بس فضولي كآن أكبر فتحت الالبوم بس ظلام ماشوف شي شويه وأسمع صوت الباب يتسكر وصوته وهو ينقفل خففففففففت منوو قفل البااااب رحت بسرعه بس مااسويت شي وقفت شوو بسوي .. أخااف أدق البباب ويسإلووني أنا شو اسويييي هنيه ياااااااااربييييييييييي منو قفل البااب يلست خاايفه الغرفه ظلام ماشووف عدلل أدقق البااب ولا لااا .. شلييت الفوون إلي شفته وقررت أتصل على شوووق .. كنت يالسه أدق الرقم وأنا خايفه ياليتني ماادخللللت ردت شوق : منووووووووووو ؟؟ قلت بسرعه وتوتر : ششوووق سمعي لآتتكلميين لآتقوولين شي بس إسمعي .. أناا ميثثثه لآتقولين إسمي .. شوق ومستغربه : مرييوووم وين إنتي وهذاا رقم منوو ؟؟ ضحكت لأنها قالت مريوم : شوفي تحركي سوي عمرررج بتروحين الحمام وبتحصليين حجره أناا داخلهاا مدري منووو قفل الباااب علي .. شوق فهمت علي : أهاا أوكك ولآيهمج .. المهم فديتج عقب نتكلم .. ضحكت : هههه زيييين بسرعه دوري المفتااح ترا برررررد من الخااطر وظلآم مدري غرفه منوو ولآ أدري منو قفل الباب علي دخلللت وشوي أسمع صووت الباب إنقففلل.. شوق : أهاا زيين مب لآزم تقولين كل هذا فهمت.. ضحكت عس بجيه قلت بتصل لها لو ساروه كانت فضحتني .. : زيين يالله تعالي .. شوق : أوك من عيوووني بس بشررط .. إنصدمت : ههههههههههه شووقق لآتستهبليين بروحي خاايفه أخاف تدري نوره.. شوق وترمس بصوت خفيف : هيه أتوقع إلي سكرت الباب لأنها قامت من شوي .. قلت : زييييييييييين هيه ويين ألحين ؟؟ شوق : راحت فووق يمكن فحجرتهاا .. قلت : زييييييين يالله بسسسسسرعه شوووق .. شوق : أوككك يالله باااايييييي "وسكرت" يلست متوتره إذا شافتني شو بتقوول عني أدخل بدون مآ أستأذذن .. على كيفي .. رجعت كل شي مكانه وحطيت الألبوم مكانه .. تحركت ودعمت في شي آآخخ شوو هاااااااا .. يلست على أرررض عورتني الضربه أووف .. من الضربه حسيت ريلي تكهربت مب وققته وقفت ويينهااا شوووووق تحرك صووب البااب ومسكت المقبضض بس يوم حركته إنفتتتح إستتتغرب فتحت الباااب على أسااس أظهر بس كآنت غرفه ثاانيه يمكن مكتب أو حمام لأن مب واضح ظلام سكرت البااب ويلست ادور الباب الثاني .. أحولييييت هههه سمعت صووووت البباب ينفتح وشويه انفتح ظهرت من الحجره وقمت أشوف كاانت شوووق .. عقب هيه رجعت قفلت الحجره عالسريييع .. شووق : إنتي شووو يااابج دااخل هااا .. تحركت : هههه إنتي امشي ألحين قبل مايشوفوناا .. رجعناا الصاله كآنوا مندمجين فالفلم .. نوره : ويينج ميثه ..؟؟ رديت : هاا ماشي كنت فالحمام وانتوا بكرامه وظهرت كنت أرمس أميه .. شوق وتكمل الخرررط : هييه يالسه تسوووولف الإخت .. عقب يلست وشوق يالسه تتطالعني .. كآنت ريلي تعورني مدري شو رفست .. . . . هنالك من يحاول أن يبعد عنا من نحب .. ! قد يخدع الجميع .. بمجرد رغبته في إفساد حياة من هم حوله .. ربما ليس لديه هدف ، ولكن نفسه السوداء تعشق القيام بذلك حتى يتفرق من هم في حياة أفضل منه .. . . , (( في اليوم الثاني )) بيت بو حمد .. كالعاده الكل يالس يتريق ، وإلي ظهر لدوآم .. شوق : حمممد مآقلللت متى بتساافر ؟؟ حمد ويكمل أكله : عقب مب ألحينه .. شوق وبإستغراب : ليش شو صار ؟؟ حمد : مااشي غيرت رايي عندي شغل هالأيآم وما أقدر أساافر وأخلي شغلي .. شوق : مممم زين براحتك المهم حمد يمكن أروح عند ميثه اليوم .. حمد : شو السالفه كل يووم طايحه عند ميثه .. ماعندج سالفه والله .. شوق وبعصبيه : ليششش يعنييي !!!!!! حمد : شو ليش يعني أقولج الصج روحي بيت عمي بو عبدلله أحس لج أما عند ميثه لاتروحين .. شوق ومستغربه : لييش شو بلآها ميييثه .. حمد : هالبنت ما وراها إلا المشاكل وبعدين أنا أخوج العود وأنصحج يعني أبي مصلحتج .. شوق وبعصبيه : منو قااااالك أن ميثه مب أوكي وما وراها الا المشاااكل لآتتكلم عنهاا جيه تراها بنت عمك لآتنسى .. حمد ويضحك : ههه زين بنت عمي بس أقولج الصج .. وتعالي إنتي ليش معصبه ألحين ؟؟ شوق : لأن مييثه مب راعيه مشاكل ومثل مااتقوول .. حمد : والله برايج أنا الغلطان إلي قااعدد ينصحج .. شوق ومتنرفزه : حمددد ميثه أحسن وحده من بنات عمي وعمري ماشفتهاا تسوي شي غلط منو قال لك هالكلام ؟؟ حمد ويضحك : هههه وليش حد يقولي الكلام الكل يدري .. حتى أميه رمستني وقالت لا تخلي شوق تروح عند ميثه .. شوق ومنصدمه : لااااا تخررط أميه مستحييل تقول جيه .. حمد ويوقف : زيين براايج .. المهم خلصييني بروح الدوام .. شوق وتوقف : زين بروح ألبس إصببررر شوي .. عقب ماخلصت رجعت تتنظر حمد وهيه مستغربه من كلامه .. وليش يقول جيه عن ميثه !! ظهر حمد وقال : يالله إمشي .. (( في السياره )) شوق وبعدها تفكر : حمممد !! حمد ويلتفت لها : هلآ ؟؟ شوق : قول الصصج منو قال لك جيه .. حمد وبإستغراب : قاال شو ؟؟ شوق : قالك أن ميثه تسوي مشااكل ؟؟ .. حمد ويضحك : ههههه زين خلاص إنسي محد قال شي .. شوق ومب مصدقه : لآ أكيد في حد قايل شي عنهاا ؟؟ أنا ما أرضى حد يقول عنها كلام مب حلو وخاصه إذا من وراها وهيه ماتدري .. حمد : زييين خلآص إنسي أنا الغلطآآن زين جيييه .. . . . قد يخطؤون إختيار الكلمات .. يخدعهم الكلام بسرعه ، ويقولون مايسمعون حتى تاتي اللحظه التي يخطأ الكل في حق إنسان لم يدرك بعد مآيقوله الآخرون عنه .. فيقع ضحية الكلآم .. ويكون القيل والقال أقوى من الحقيقة .. ! . . , دخلت البيت وينهآآآ !! يلست أدورهاا : شيماااء .. شيمااااء !! شفتهآ ظهرت من المطبخ : هلآ سعود في شي ؟؟؟ قلت بإستغراب : شو فيج من ساعه يآلس أزقرج ؟؟ شفت ميثه نآزله من الدري وتقول : سعووووود إنت هنيه ليش مب في الدوآم ..!! رديت عليهآ : لآ توني رآد من الدوآم .. ميثه ومستاانسه : زييييين شراااااايككك نطآلع فلم شكله حلو نزلته على اللآب بوصله فالتلفزيون .. ؟؟ ضحكت عليها : ههههه ليكون فلم رعب .. ميثه وتغمز حقي : أكيييد .. قلت : زين زين .. شيمااء : لآ أنآ وسعود بنظهر نغيير جو مع بعض اليووم أريد أروح السنمآ في فلم خآطري أشوفه .. ميثه : والله كييفج أنآ قلت قبلجج .. شيماء وإطآلعني : سعوود والله خآطري نروح السنمآ .. ضحكت شفيهم ألحين بيتضاربن .. ميثه : قللللللتتتتت لآا .. شيماء وتعاند : سعود ريلي ومن حقي أطلب منه نروح مع بعض .. ميثه وتضحك : ههههههههه لآ والله قبل لآيكون ريلج تراه أخوووي .. شيماء وتمسك إيدي : سعوود لآتردني .. ميثه : سعوود أنآ قلت بالأول .. حسييت راسي صدعع كل وحده ترمس والثانيه ترد عليها مرت ثوااني وأنا وآقف شرات الصنم وهن يضآربن .. لين مآ قلت بعصبيه : بسسسسسسس خلآص أنا بظظظظظظهررررر من هنيه شوفوا الفلم بروحكم .. ظهرت من البيت بعد مآسمعت صوت ميثه تقول " سعوووووود أووووووف إنزيين أنا قلت قبلهآآ " .. وأنا رايح صوب سيارتي شفت سيارة حمد .. نزل من السياره وييه صوبي تخآشمنا وقلت : هلآ والله وأنا أقول بلاه البيت مظلم اليوم .. حمد : هههههه أفآا مقبوله منك ولد العم .. ها على وين ؟؟ قلت : ياخي والله أنآ شو جابرني أيلس في البيت كرهت عمري .. حمد ويضحك : ههههههه لآتقول جيه .. رديت : زيين لآتزوجت بذكرك .. أقول عندك دوآم ؟؟ حمد : هيه بس ييت هنيه أوصل إختيه .. قلت : اهآ يالله مب مشكله أنآ بروح أغير جو شوي مع الربع .. حمد : أوك الله وياك .. عقب تحركت أمر صوب علآوي وعبدلله .. . . . . . سمعععععت أميييه تقوول مييثه شووق هنيييه .. سكرت اللآب وعدلت شعري عقب نزلللللت تحت شفتهآ يالسه مع أميه .. سلمت عليهاا وهي تطآلعني مستغربه قلت لهآ : شحآآآآآآآلللج ... شوق وتبتسم : الحمدلله وإنتي شحآلج .. أميه : يالله بسيير أييب لج شي تشربينه .. شوق : تسلميين عموه .. "عقب مآظهرت أميه من الصاله" قلت لشوق : هااا بشرررري شو صاار .. شوق ومحتاره : مدري والله بس أتوقع أني مآ بسافر معاه .. قلت بحززن : لييييييييييييييييش !! حراام شووق حآولي تقنعينهم أنآ شوي وأقنع أميه وأبوي أحسه عآدي يوم رمسته إبتسم حليله والله يا شووق مدري أحس أبوي الوحيد إلي حاس فيني ومهتم في ونآستي .. أما سعود يقول مآفي سفرآت .. شوق : شرات أخوي يقولي مآفي وبعد تدرين شو قال لي .. "عقب سكتت كأنها توترت " إستغربت : كملي شو قاال ؟؟ شوق ومتوتره : لآ ماشي .. قلت : شووووق شو مااشي قولي ؟ شوق : هييه ساره مآتبي تروح وياناا .. قلت بإستغراب : ليييش ؟ أنا رمستهاا تقول أوك برمس أميه وللحين مآردت خبر ؟؟ شوق : نسسيييتي أمور الجآمعه والدرآسه .. تأففت : زيييين يعني الظآآهر أن محد فيكم بيروح وياي .. خلآص خليناا يالسييين فالبييت وآيد أحسن دآم جيه السآلفه .. شوق : خخخخخ تدرين يوم تقولين نكمل دراسه أحس هذا أحسن شي نسويه .. وأخواني أربع وعشريين ساعه يعآيروني على يلست البيت وأن لآ شغله ولآ مشغله .. قلت : تبين الصج كآن حلمي أني أكمل دراستي وأشتغل بس في ذآك اليوم الصدمه خلتني أغير كل شي في حياتي .. سمعت صوت حمود يالس يصرخ .. شوق : حموووووود تعاالي سلم علي يالدووب .. حمود وييه صوبناا : السلآم عليكم .. شوق وتمسك : فدييييييييت الصغيرووون .. ضحكت عليهاا : هههه حمود تعال بقوولك شي .. حمود ييه صوبي همست له : تعرف وين حجرة شيماء ؟ هز راسه بمعني هيه .. كملت كلآمي : روح شوفها شو تسوي بس لآتقول أنا قلت لك زييين .. حمود : زيييييين "عقب راح" شوق وإطآلعني بنظره .. قلت لهآ : شو أريد أعرف شو تسوي .. شوق : ههههههههه شوو تبيين فيهاآ .. قلت : مااشييي مابي منها شي أبي فتكك منهاا ، توني من شوي يالسه أقنع سعود يشوف وياي الفلم خربت علي تغااااااار . . "شوق ضحكت" هههه زيين عيل شرايييج أنآ وياج نشوف الفلم .. ردت : أووك مآعندي ماانع .. . . . . . , (( في بيت بو سيف )) الحقيقة يؤلمني سماع تلك الكلمات القاتلة .. مادامت هي حقيقتي .. ولكن أحتاج لقوة أخرى تجعلني أقاوم الألم في جسدي والألم الذي أسمعه .. فأطر لإظهار اللآمبلآه في سبيل إقناع من حولي وإقناع نفسي ! . . دخلت البيت وشفتهآآ يالسه تشوف فلم : السلآم عليكم .. كنت مشغول أمس ومآرمت أرجع البيت .. مآردت علي على أساس مضايجه ضحكت : ههه يعني أونه مآتبين ترمسين وياي ؟؟ إلتفت تطآلعني بنظره وقالت : وليش أرد عليك منو إنت ؟؟ إبتسمت على طرف : سيف يعني منو ؟؟ ردت علي تبي تعصبني : سيف إلي مايرووم يمشي .. جيه أوك ولآ ؟ رديت : هيه بالضببطط هذاا هوو .. سيف إلي مايروم يمشي والسبب منو ؟؟ ردت علي : مب مهم شوو إلي صاار بس حبيت أوضح لك أني أقوى منك ب هالحآله ولو أبي بخليك تظهر من هالبيت شرآت مآ أميه تظهر منه ولآ ترد .. رديت : أها يعني هذا إلي تبينه ترآ عادي والله لو أبي أظهر من البيت بظهر ولآ برد بس مآ أرضى أخلييج بروحج هنيه ! قالت ببرود : وليش إن شاء الله ترى وجودك وعدمه وآحد هنيه .. سكت مآرديت .. كملت كلآمها : وأصلا لمعلومآتك ترآني مب أنآ المحتاجه حد يوقف معآي ويساعدني وأقدر أخدم عمري بروحي .. ضحتك : ههه أوككك خلآص ولآيهمج قريب وبسآفر لآتحاتين وايد .. حسيتها تضايقت بس مآتبي تبين هالشي صدت ويها تكمل الفلم .. قلت : نووره إذا أميه سألتج عن السفره لآ تقولين شي فآهمه ؟؟ ولآ أعييد ! ردت علي : لآ مب فاهمه .. كملت طريجي ودخلت حجرتي لأن مآ أحب أعيد كلآمي ، سكرت الباب وشغلت الليت .. إستغربت يوم شفت الطآوله متحركه من مكآنها .. وشي أورآق على الأرض !!!!! غريبه منو دخل حجرتي ؟؟ معقوله نوره !! ظهرت سرت عندها وقلت : نوووره !! منو سمح لج تدخلين حجرتي !!؟؟ نوره ومستغربه : أنااا !! مآدخلت حجرتك ولآشي أمس قفلت الباب وبس .. قلت لهآ : كييف يعني منو دآخل ومطيح الأوراق على الأرض ؟؟ نوره : وأنآ شعرفني مآ دخلت .. رجعت حجرتي يعني منو مثلا حرآمي دخل حجرتي .. شفت فوني الثاني بعد مب مكآنه أحيد كنت حآطه هنآك كيف جيه ، والألبوم بعد تحرك من مكآنه ..!! إستغربت يعني منو دآخل حجرتي .. أكيد نوره بس مآتبي تعترف ب هالشي بس شو كآنت تدور ؟؟ شليت فوني ويلست أتعبث شفت رقم غريب أنآ مآ أحيد إتصلت على هالرقم !! شكلهآ هيه نوره دخلت وخذت الفون ترمس بس رقم منوه هذآ .. معقووله أميه !! بجرب وبشوف منو كآنت ترمس؟ إتصلتتت .. . . . , شوق وإطآلعني منصدمه : مييييييييثووووه .. قلت : شوو فييج بسم الله .. هههههههههههههه ليكون تخآآفييين هههههههه شوق وتضربني : يالغبييييييه مالت عليج وعلى هالفلم مب من الفلللم الفوون رقم غريب مدري منوو .. قلت لهآ : سوي طاااف وحطي عالسآيلنت صدعع راسي .. شوق : تخيلي حد يبآني بشي أرررد ولآ ؟؟ قلت بدون إهتمام : كيييفج المهم سكتي أبي أشووف الفلم لآتخربيين علي .. شوق : زييين برررد وبشووف منو وقفي الفلللم .. تأففت : أووووف شووق ردي وشوفي .. شوق وتعاند : معرررف وقفي الفلللم .. قلت : أوووف هااا يالله خلصينآآ .. قآلت : بحطط سبيكررر .. وردت : ألووو .. ....... : ألسلآم عليكم .. شوق تطآلعني بإستغراب وهمست هذا صوت غريب .. بس أنآ حسيت أني أعرف هالصوت كآنت بتسكر بس مآخليهآآ .. ....... : ألوو منو رآعي هالرقم ؟؟ شوق ومتوتره : إنت تبي منوو ؟؟ " همس لشوق معقوله أخوي سعود ؟؟ " ....... : السموحه إختي على الإزعآج "وسكر" شوق تطآلعني : شووو فيج ؟؟ رديت : شووق هذا سعود اخووي !!!!!!!!!!!!!!!!!!!! شوق ومنصدمه : ك ك كييييف .. قلت بإستغراب : مدري الصوت مب غريب علي يمكن سعود أخوي .. بس هذا مب رقمه !! شوق : لآ مستحيل مآ أتوقع شوفي الرقم .. !! شفت الرقم : مدري والله .. خلآص خليييناا نكككملل الفلم ومره ثآنيه لآترديين على رقم مآتعرفينه .. شوق وتطآلع الرقم كآنها تذكر شي : لحظه ميثووه أنآ شفت هالرقم من قبل .. "يلست تدور في فونها" قلت : شووق لآتستويين المحقق كونان ألحيينه خلينا نكمل الفللم .. شوق : هييه هذذذذذذذااا ميثوووه نفسس الرقم .. "وأشرت على فونهاا" قلت بدون إهتمام : زيين مبرووك يالله نكمل الفلم .. شوق وتمسكني من جتفي : ميثوووه الرققم إلي إنتي إتصلتي منه يوم كناا عند نوره .. إنصدمت : شووووووووووووه !!!!!! شوق : تحيدين يوم كنآ عند نوره شووفي نفس الرقم .. قلت : لآ لتقوووليين أنآ نسييت أحذف رقمج .. شوق بعصبيه : لأنججج غبيييييييييه ألحيين بتورطييني وياااج تخيلي نووره تسألني .. دخلت شيماء عليناا : شوو إلي بتورطج فييه ؟؟؟ وتسألج نوره عنه ؟ هنيه أنا شوق يلسنآ نطالع بعض وتوترنآآ هذي من متى دخلت علييناا .. شيماء وتيلس : شوو فييكن .. ! شو إلي بتورطج فييه قوولي ليش ساكته ؟؟ رديت : ماااايخصصصج !! ضحكت بطريقة تستفزز : يعني مآيخصني !! خلآص نرمس سعود ونشوف رايه .. لأن خاطري أعرف منو رمستن من شوي !! والرقم الغريب هذاا .. وشدخل نوره بنت عمي .. ! تدرون فضول لآ أكثر ولآ أقل .. هنيه عصبت منهاا على أي أسااس يالسه تتسمع الكلآم إلي يدور بيني وبين شووق ، طآلعت شوق بقهرر بس شوق غمزت لي .. وقفت شوق وراحت صوبه صوبهاا : بتخبريين منوو عيدي ؟؟ شيماء : بخبر رييلي سعوود .. شوق : شوو بتقووليين مثلآ ؟؟ شيماء وتضحك : ههه بقووله سمعته .. شوق : عادي قولي إلي بتقوولينه مآيمهني صح ميثه .. إستغربت بس قلت : هيييه .. شيماء وبنظرة تحدي : أفوول إلي أقووله يعني عآدي أزيد شوي .. بس شوي "وغمزت" انا هنيه عصبت بس تميييت سااكته لأني أدري أنها تدور أي شي بس عسب تسوي مشآكللل .. وتستغلت هالفرصه عسب ترمس سعوود .. شوق إلتفت لي وقآلت : مييثه تذكرييين ذااك اليوووم .. يوم سرنآآ مع شيماء عند نوره .. ومها دعمت سيارة ولد عممم شيماء .. فهمت عليها وقلت : هيه أكييد أذكر يوم شيماء يلست ترمس ولد عمهاا وعقب على طول قآل خلآص ماصار الا كل خير وكآن من حسن حظ مها أن شيماء معانا عسب تقنع ولد عمها .. قلت : هيه وبعدد كآن شي كلآم مآإنتبهت بس كأنهم كآنوا يسولفون مع بعضض !! .. شيماء عصبت وقالت : ما داار بينااا شي تبييييين تألفيين كلآم من عننندججج .. ضحكنا أنا وشوق : ههههههههه شوق : لآ بس بزيد شوي "وغمزت على أساس تقلدها " شوي صح ميثه .. شيمااء عصبت وتحركت راحت حجرتهاا .. شوق ضحكت : ههههههههههههههههههه حرآم ماتدري أنها تتعامل مع وحده ذكي .. ضحكت بس بعد كنت خايفه لأن شيماء صار لهاا كم يوم تدور أي شي عسب تسوي مشاكل .. شوق : ههه أخخ بطني .. قلت : والله أنج ذكيه بس شوق أحس بتصير مشآكل والله خايفه .. شوق : مآتقدر .. . . . . (( بعد 3 أيآم ، عقب صلآة العشاا )) دخلت حجرة أبوي ورحت يلست عنده كآن يالس وفاتح القرآن جدامه يقراا .. تميت يالسه عنده مدري ليش هالأيآم خايفه أحس فيني أمور بتصير وبتخرب حياتناا .. تذكرت إلي صار قبل يومين .. \ / \ / \ سعوود ويطآلعني بعصبيه : قوووولي شوو معنى هالكلآم !! تمنيت لو شوق هنيه كآنت بتعرف كييف تطلعني من هالموقف .. رديت : سعود شو فييك مآقلناا شي .. سعود وبعصبيه : لآ قلتيييي لآ تقوولين مآآقلتت شيماء قالت لي شوو صااار .. قلت بتوتر : تخررط علييك .. سعود وبعصبيه : شوووفي مييثه هالمره بعدييهآآ لج مره ثاانيه إحترمي نفسسج ولآ تطلعيين كلآم من عننندددج فاااهمه .. !! تضاايقت من كلآمه وإنصدمت : أحترم نفسي !! سعود وبعصبيه : هيييييه مآ أسمح لج تقووولين أي شي عن شيمااء .. وإذاا في بآلج أني بصددقجج ترآ هالشي مستحييييل يصيير ، وشووق حسآبي مع أخووها حمد .. \ / \ شوو بسوي ألحيين حتى شوق صآرت مآتتصل وآيد آخر مره قآلت لي أن حمد أخوها كآن معصصب وآيد ومب طآآيع يخليهآآ ترمسني ، .. وقفت أريد أظهر من حجرة أبوي بس هو مسكني من إيدي ويلسني .. قلت : أبوي سعود تغير .. أبوي همهم مآ أعرف شوي قوول ولآ أعرف كيف بخبره حسيت عمري عآجزه أكثر عنه .. كنت أريد أسأله شو أسوي أريد أخبره أن شيماء تبي تخرب حياتنا وتفرق سعود عناا .. سمعت صوت من برع شيماء !!! ظهرت بسرعه سرت المطبخ شفتهاا يالسه تصرخ على أميه !!!!!!!!!!!!!!!! سرت صووب أميه ومستغربه : أمييه شوو صااايررر .. أميه ومستغربه : مدري شو بلآها يالسه تصرررخ علي .. شمياء : لآاااااا والله ألحيينه أنآ يالسه أقوولج مآآبي أسااعدج في الطبااخ غصبب أسااعدج ماابي مب خداامه عنددددج ولآ عند ريلج .. إنصدمت !!!!! : نعممم عيييدييي !! أميه : لآ حول ولآ قوة إلآ بالله .. اميه أنآ مابي منج شي قلت لج إذا مآعليج أمر تساعديني شوي خلآص حقج علي .. شمياء وبعصبيه : هاا االنااقص أصير خدامه عندج .. شفت سعود ياي ومستغرب ! عصبببت من رمست شيماء خآآطري أكفخهااا لأن إسلووبها يقهرر .. : لووو أبيييييييج إتصييريين خداامه عندناا فغصصصصبن عنج دآآم أمييه طلبت منججججج هالشي فااااهمه !!!!!! مآ حسيت إلآ بطرآآق : جببببب .. إنصدمت تيبسست مكآآني !! سعود ؟ أميه وبعصبيه : سعوووووود يعل إييدك الكسررر تضررب إختك وأناا موجووده .. شيماء يلست تصييح .. سعود : أمييييه مااتسمعيينهاا شووو تقققووول حق حرمتي أنآآ يبتهاا هنيه عندكمم ليين مآيصير عندي بييت بآخذها وبرووح عقب بس مب معنآآتها تصيير عندكم خداامه .. أميه حضنتني : حسبي الله ونعم الوكييل .. نحن مآقلناا هالكلآم إنت وحرمتك كيفكم .. حسيت سعود كآن يطالعني بروحه منصدم أنه ضربني وأنآ تمييت وآقفه مكاني منصدمه وقبل لآتنزل دموعي تحركت سرت حجرتي .. وسوف تستمر الحكايه =) |
| الساعة الآن 08:38 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir