البارت الثالث..
مثل كل مرة مهرة و فاطمة يرمسون حمده و روضة بالفون..
مهرة:يسسسسسس فززت فززززت
حمده:صمختيني خلااص عرفنا انج فزتي..
مهرة:الي في المركز الاخير مايفتح حلجه..
فاطمة:جب..
روضة:اووي فاطمة المركز الاخير..
مهرة:هيه..انززين سممعوا مايد وين؟
روضة:ماايد في غرفة حمد..
مهرة:الحيوااااااااان ماشفتي شو كاتب لي على البيبي..
روضة:حشرنا ابا بن مهرة و ابا بن مهرة ..
فاطمة:هيه حتى انا مطرش لي Voice Note طرشي لي بن مهرة..
حمده:من اول ماعرف ان فونج عدلوه..
مهرة:اي عدلوه اي بطيخ ودوه و رجعوا نفسه و ما عدلوا فيه شي
روضة:انززين يلا ابدوا..
مهرة:مليت من فن رن ابا اخللص كتاب المذكرات..
روضة:اي كتاب تقرين؟
مهرة:مذكرات هيس اخطر اسرار القرن العشرين..
الباب اندق عند حمده و روضة..

حمده:منووو؟
مايد:أنااا فتحي الباب..
حمده:شو تباا؟
مايد:فوني نسيته عندكم..
حمده نشت عسب تفتح الباب ..
كان مايد واقف و وراه حماده و حمد..
دخلوا كلهم دفعة وحده ماخلوا حمده ترمس..
روضة:قبيلة حشة ياي تشل تلفونك يايب هذيل !!
حماده:شو تسوون؟
حمده:نرمس فاطمة و مهرة..
حمادة ابتسم:اهاا..
معصومة<امهم:حمددده تعاالي..
حمده راحت لها ..
حمد:روضة بتلعين فن رن ويااي؟
روضة:مو متفيجة ياسة ارممس فاطمة و مهرة..
حمد يقعد على الكرسي..
حمد:مابطلع لين ما تلعبين وياي..
روضة:مهرة اتريي بلعب وياه مرة بعدين برجع العب وياج..
مهرة:يااه في وقته انا الحين بقرأ..
روضة:فاطمة وين ؟
مهرة:راحت عند وليد..
روضة:اهااا ..يلا حمد برع لعبت ويااك..
حمدة تصاارخ:رووووووضة تعااااالي تححححت بسررررعةةة...
روضة هدت السماعة و طلعت .. تم حمد بروحه .. و مهرة بروحها..
قرب من السماعة و شلاها حطاها على اذنه..
و مهرة كانت تقرأ الكتاب فماكانت ترمس..
لين ما فجأة قالت:روضة وينج اختفيتي..
حمد قلبه وقف من سمع الصوت..
حمد:مهرة!!
مهرة خاافت:منووه؟؟
حمد:انتي مهرة صح ..
مهرة:انت منوه؟
حمد:يعني انتي مهرة!
مهرة سكتت..
حمد:شحالج..
مهرة ساكتـــه..
حمد:ليش ساكتة؟
مهرة:و اذا رديت شو بيصير؟
حمد:بيصير اني سمعت صوتج..
مهرة استحت في نفس الوقت انصدمت جان تقول..
مهرة:وين روضة؟
حمد:ماتبين ترمسيني..
مهرة:لااء..
حمد:ههههه اعرف انج تبين تسمعيني صوتي..
مهرة:ليش منو انت؟
حمد:حبيبج..
مهرة:انا ماعندي حبيب..
حمد:مهرة..
مهرة:نعم؟
حمد:شلي عني البلوك في الواتساب..
مهرة:ليش؟
حمد:ابي اعرف اخبارج و ارمسج..
مهرة:تعرف ان فرق بيني و بينك 4 سنين!
حمد:و يعني ؟
مهرة:انت واايد اكبر عنني!
حمد:يعني لو كان عمري قريب من عمرج كنتي بترمسيني؟
مهرة:اكيد لاء..
حمد:عيل شو الفايدة؟
مهرة:حمد خلاص..
حمد:يعني ما بتشلين البلوك؟
مهرة:بفكر..
حمد:ليش ماتضيفيني على البيبي..
مهرة:على البيبي لاء انا احط صوري..<<ززلة لساان..
حمد معصب:شووه قلتتي ؟؟
مهرة:ماقلت شي..
حمد:تحطين صورج؟
مهرة سكتت..
حمد:عسب جي ماتبين تضيفيني..
مهرة:خلاص ما بحط..
حمد:يعني بتضيفيني؟
مهرة:لاء..
حمد:بتشلين عني البلوك؟
مهرة:لاء..
حمد:تتمصخرين؟
مهرة ماسكة ضحكتها:لااء..
حمد:عندج ايفون و بيبي صح؟
مهرة:هيه..
حمد:كل فون فاتحة فيه واتساب صح؟
مهرة:هيه..
حمد:اهـاا..
حمد حس ان حد يمشي.. جان يفر السماعة و يرجع يقعد على الكرسي و يمسك فونه و يلعب فن رن ..
روضة دخلت و شافته بعدين راحت عن الفون شلت السماعة و ركبتها في اذنها..
روضة:سوري امي تباني...
مهرة مفهية:هاا هي هي .. وين كنتي؟
روضة:بلاج مفهية اقول لج امي تباني..وين عقلج؟
حمد ابتسم هني<<حيوان..
مهرة:اهاا عقلي في راسي بعد وين..
روضة:متى بتخلصين الكتاب؟
مهرة:وصلت الفصل العاشر..
روضة:كم فصل هو؟
مهرة:13 فصل..
روضة:يعني بقى لج 3 ؟
مهرة:هيه.. اقول وين حمدة؟
روضة:حمده تحت..فاطمة بعدها مايت؟
مهرة:قلتج عند وليد ..
روضة:اهاا..حمد اطلع برررع..
حمد:روضة بنام الليلة عندج!
مهرة:هههههههههه
روضة:شو ترقد عندي الليلة يلا برع..حمدة بترقد في غرفتها ..
مهرة:هيه حتى فاطمة..
روضة:يعني برمسج طول اليوم بروحج..
مهرة:هيه فيها شي ؟و لا ماتبين..
روضة:لا لا لا لا ابااج و اخيرا بنفتك من صدعتهم يوم يغنون..
مهرة:ههههه هيه والله..
روضة: اقول لج من الححين بترمسيين وياي لا تقرين اي كتاب..
مهرة:عيل شو اسوي ؟
روضة:بسكر في ويهج..
مهرة:خلاص انززين مابقرأ..
روضة:يلا حمد اطلع..
حمد:يعني حمدة مابتي..
روضة:لا مابتي يلا اطلع برع ابا ارمس البنت..
حمد:سأليها اذا ممكن اخذ رقمها؟
روضة فاتحة عينها:نعممممم!!O.O
مهرة ساااكته و فيها ضحكة..
حمد:شوه فيج؟
روضة:تتمصخر ؟
حمد:ويهي ويه واحد يتمصخر؟
روضة:اطلع برع حمد..
حمد:سأليها انتي اول..
روضة:ما بسألها اطلع برع..
حمد:ما بطلع ..
روضة:حمممممد!!!!!
حمد:لاتصارخين بتفضحينا..
روضة:اصلا انا ابا حد ايي عسب يطلعك..
حمد:رووضة حبيبتي انتي ..
روضة:هذا الكلام مب عليه..كنت تسألني عنها و اخبرك الحين تبا رقمهها يلا بررع..
حمد:تتحرين مايبت رقمها يبته بس الحين ابا رقمها الثاني..
مهرة تسمع بس ساااكته..
روضة:كيف خذت الرقم؟
حمد:خذت و خلاص الحين يلا عطيني الرقم الثاني..
روضة:مهرة رمسج حمد؟
مهرة:هو رمسني على الواتساب بس انا سويت له بلوك..
روضة:و ما خبرتيني..
مهرة:قلت بنهي الموضوع بروحي..
روضة:انزين حمد اطلع برع ..
حمد:قلت لج شرطي يا تعطيني يا انام الليلة عندج..
روضة:حمد والله ما اتمصخر ابا ارمس البنت..
حمد:انا بعد ابا ارمسها..
مهرة شهقت!
روضة:البنت خخاافت يلاا اطلع شو ترمسها بعد..
حمد:مابطلع..
روضة:مهرة قولي له يطلع..
مهرة:انزين قولي له مهرة تقول لك اطلع..
روضة:اتقول لك اطلع..
حمد:ابا اسمع صوتها تقول لي ..
روضة:يبا يسمعج انتي تقولين له اطلع..
مهرة:اخوج مكاار قولي له مب موافقة..
روضة :الله يخليج مهرة اباه يطلع..
مهرة:افففف انزززين..
روضة:تعال حط السماعة في اذنك بسرعة بتقول لك و بتطلع..
حمد نقز على السرير و سحب السماعة من ايدها و حطاها في اذنه..
روضة:يلا قولي مهرة يسمعج..
مهرة:حمد ممكن تطلع..
كانت تبا تسحب السماعة بس ماقدرت لان هو حاط ايده على السماعة..
حمد:تبيني اطلع؟
روضة:قالت لك البنت خلاص ييب السماعات و اطلع..
حمد:اففففف منج تخربين الجوو..
مهرة<<كانت تتحرا ان هو مايسمع:اي جو الله يخليك ..روضة اخو علا فاتح فن رن ..
حمد انصدم..
روضة:سوا لج طلب؟
مهرة:هيه بس ماقبلت..تدرين كم مرة حذفته و رد ضافني..
حمد شوي هدا..
روضة كانت بس تحرك شفايفها:يلا اطلع...
حمد<بنفس الطريقة:كملي..!!!
روضة:مهرة انا الحين بسكر و برد بتصل فيج بروح الحمام..
مهرة:اوكك.. انا بلعب فن رن..
روضة:اوك باي..
و سكرت..
روضة:انا بروح الحمام ..
روضة راحت الحمام و الهبلة نست ادق على الي يقفل الفون..
و هو على طول شاف الرقمين و سيفهم عنده و طلع برع الغرفة..
طلعت روضة من الحممام و ردت اتصلت فيني... و تمينا نسولف..

من طرف ثاني..
حمده ترمس سلوم..
حمده:هلا حبيبي
سالم:اهلين حبيبي
حمده:شحالك حبيبي
سالم:الحمدلله و انتي شحالج
حمده:تمام الحمدلله
سالم:شو تسوين باباتي
حمده:ارمسك و ميودة البيبي و انت
سالم:في الغرفة
حمده:اهاا..متى بترد من السفر؟
سالم:يوم بيخلص المعسكر برد
حمده:اي يوم؟
سالم:قبل العيد بيوم عشان اعيد مع الاهل و برجع للمعسكر
حمده:حبيبي اشتقت لك
سالم:انا اكثر حبيبي
حمده:حبيبي انا بسكر الحين امي تناديني
سالم:اوكي حياتي
قبل ما تبند الفون قالت:احبك..
و سكرت..
طبعا حمده راحت عند امها..
حمده:ها اماه؟
ام محمد:ييبي لي كلاس ماي
حمده:اماه البراد صوبج ماترومين تمشين شوي و تاخذين لج كلاس ماي..
ام محمد:استحي على ويهج انا امج..
راحت اتيب الماي و عطتها و هي تتحرطم بعدين رجعت فوق..
و دخلت غرفتها و قفلت الباب و رجعت اترمس سلووم..

اليوم الثاني..
حمده اتصلت في فاطمة و مهرة على الساعة 12 الظهر..

حمده:فاااطمة نشي يلا بسج رقاااد..
فاطمة:شوو تبين !!!! انا راقدة الساعة 8 اليوم..
حمده:بنروح نسوي شوبينق من زمان مارحنا..
فاطمة:متفجية واايد انتي انا فيني رقااد..
حمده:فاطمة انا الحين بجهز و بمر عليكم نشلكم مع الدريول...
فجأة مهرة دخلت غرفة فاطمة..
مهرة:ترمسين منو الظهر ويا هل الويه!!
فاطمة:حمدة حمدة..
حمده:زين مهرة ناشة يلا اتجهزوا..
فاطمة:انزين انزين ..مهرة سيري اتجهزي حمده بتمر علينا..
مهرة:يسسس بنطلع اليوم..
على طول دخلت غرفتها تجهز..
فاطمة نشت بعد ماسكرت من حمده و راحت تجهز..

على الساعة1 الكل جاهز..
حمده و روضة كانوا عند الباب يتريون فاطمة و مهرة ينزلون..
ركبوا السيارة..
مهرة:السلام عليكمم..
حمده و روضة:و عليكم السلام..
مهرة:اففف من زماان ماطلعت ويااكم..
فاطمة:حررر فتحوا المكيف..
الدريول:ماما مفتوح مكيف مفتوح..
مهرة: وين بنسير؟؟
حمده:DM
مهرة:اووك Let’s Go
و في الدرب كانوا يغنون وحاشرين السايق مره وحده عصب السايق .
راجو : مدام شوي اسكت ايريد يركز
حمده: سوق وانت ساكت
روضه:حمده سكتي اخاف يخطفنا
مهره و فاطمه : يضحكون على تفكير روضه
حمده: ان شاء الله روضه بسكت
طبعا كل وحده سكتت وتمت تفكر ف الحب < عاشقات الحلوات

طبعا وصلنا دبي مول , فاطمه:يلا انسير نتسوق
حمده: اكيد بنتسوق يالمخخ
مهره : انا بسير *اقنر* اول شى
روضه : اوكي بي وياج
حمده: فاطمه بتيين وياي صح
فاطمه:صح
حمده: يلا
فاطمه: انا خاطري البس تنوره وقميص
حمده:انا بعد
فاطمه: اوكي اول بنسير *برشكا*
حمده: اوكي
طبعا سرنا حصلنا تنوره لونها *تيفني*
قالت لها حمدة : بناخذ قميص ابيض
فاطمه:اوكي
خذنا التنوره ودفعنا ووطلعنا سرنا *zara*
وحصلنا الشى الي نبيه
حمده تتصل ف مهره
مهره:الو
حمده: ها وينكم
مهره : يايين انتوا وين
حمده: صوب zara
مهره: اوكي
تلاقينا فاطمه اقترحت نفطرر ف المول
مهره: اوكي حمده شو رايج
حمده:اوكي
روضه: عيل انا بختار الممكان الي ناكل فيه
حمده: دخيلج لا
روضه: انتي جب
حمده: اوكي ماما
فاطمه : اين جبهتكِ ياحمده
حمده: انتي جب
حمده : قوموا ناخذ لنا شنط حق العيد
مهره: سرينا
طبعا كل وحده تبا من الماركه الي تحبها
حمده: انا بسير فندي
فاطمه: انا بسير ديور
روضه:اوكي انا وياج
مهره: انا برادا بس انا مابي اروح بروحي..
حمده:بنروح فندي بعدين بنروح برادا ..
مهرة:خلاص تمام خلنا نسير..
حمده ومهره خذوا بس روضه وفاطمه اونه مايعرفون شو ياخذون ((هل ثنتين بس فالحين ياكلون))

صارت الساعة 7 و طبعا هل الكثر مشترين ,, و الاكياس في اياديهم و الي مايقدر يشل و الي يدلع المهم وصلوا برهة المطاعم..
حمدة:بنروح شيليز
مهرة:هي هي
روضة:خلاص يلا نروح
راحوا شيليز طلبوا الاكل و هم قاعدين يتريون.. طبعا
مهرة:اييييه في حد يرمسني على الواتساب!!
روضة:عطيني الرقم
مهرة:*********
روضة:اوووي هذا رقم حممد!
مهرة:تستهبلين!! كيف حصل رقمي الثاني !
روضة:انا براويه الززفت..
حمده:مهررة خلاص بس عذبتي اخوي!!
فاطمة:هههههههههه الله راواج من كثر ما تعلقين عليه انا و حماده..
مهرة:هي صحح انتي لين الحين ترمسينه في البيبي!
فاطمة:لااء و تضحك..
مهرة:صدقت صدقت...
حمده:سكتوا سلوم يتصل..
مهرة:اففففف ياكرهي له
حمده:هلا حبيبي.. هي في دبي مول انا..خلاص اوك ..باي
مهرة:شو قال ؟
حمده:توج تكرهينه..
فاطمة:قولي بسرعة..
حمده:سألني وينج و جي و بس ..
مهرة:مااالت عليه..
روضة:حمد شو قال لج؟
مهرة:قال لي شحالج مهرة مارديت عليه
... في هذا الوقت شباب مروا صوب طاولتهم
1:هلا بالحلوين..
كلنا عطيناهم بنظرة!!
مهرة:نعم ؟؟ مضيع ؟!
1:لا لا عيبتيني 050
مهرة قاطعته و قالت :سير سير كمل طريجك
2:اعصابج الحووب..
مهرة عطته بنظرة و سكتت ماردت عليهم..
1:سجلي سجلي 050****** <قال الرقم
و الككل معطنه طااف محد رد عليه و كل وحده ياسة تسولف مع الثانية و لا كأنه موجود..
المسكين تقفط فراح بكرامته..
مهرة:افففف شو هل الاشكال..
بععد ما فطرنا و خلصنا رحنا خذنا من باسكن بعدين طلعنا و رحنا بيت حمده و روضة على طول..



شو صار في بيتهم ؟ بتعرفون في البارت الياي...