|
البارت الخامس ((بداية اول حب من اول نظره وبداية اول عشق من اول طلعه الساعه 12:00 مساءا عند ابو منى وابو هند)) ابو منى: انا بسافر ماوصيكم على اختكم.. هند: يبى ودنا ويااك الله يخليك .. ابو منى: لا ماروم اوديكم وياي بروح اتعالج مب رايح اتمشى .. هند: يبى شل شهود وياك والله تطلع لنا قرون وام لسان ابو منى: لاتخافون ان سوت شيء خبروني اربيعي بيمر عليكم كل يوم وبيشوف شو ناقصنكم.. هند ومنى وشهد: تروح وترد بالسلامه يبى .. ((حضنو ابوهم وصعدو فوق وشهد قعدت حذال ابوها)) ____________________ ((الساعه 12:30 مساءا في بيت ابو خالد)) الهنوف: خلوود ابي اروح الشيشه .. خلود: ليش شو تبين من الشيشه ؟؟ الهنوف: ودني بشتري اغراض بطاقة تلفون وجبس وحلويات ابي اشوف فلم بلييز خوخو خلود: خوخو في عينج اوكي اوكي البسي عبايتج بروح اشغل السياره الهنوف: يعلني افداك محد يسوااااك خلود: هع وقت المصالح تجيك الكلاب مشتاقه ((تحطيم)) الهنوف: شكرااا ((لبست عبايتها وركبت السياره تمت ساكته)) خلود: كنت امزح حياتي الهنوف: لاتكلمني ((ثواني وصلو لانه قريب من بيتهم نزلت وهي تتحرطم)) الهنوف: شو قال اونه تجيك الكلاب مشتاقه محد جلب غير حرمتك براويك ياخلود منو الجلب |-3 ......: محشومه والله يالغاليه ((الهنوف تجمدت تمت تشتري وهو ماحط عينه بعينها بس دخلت قلبه صوب الباب يو بيطلعون طلعو نفس الوقت بعدين وقفت الهنوف وهو وقف )) .......: اتفضلي يالغاليه الهنوف: شكرا ((مشت وركبت السياره)) خلود: شو يابت لي القلب ؟؟ الهنوف: خل الجلاب يشترون لك خلود: ههههاي فديتج انا ^^ ((راحو البيت لاشعوريا كان يلحقهم لانه حباها بالكلمه)) ____________________________ ((في بيت ابو غانم في غرفة ودوم)) ودوم: الله يسامحج يا الحماره ماييتي وياي ضربت حد ع راسه ونزل دم امييييه اتخيلي مات بدش السجن !! جمول: ههههههههه ((ضربتها ودوم ع راسها)) ودوم: ياحماره اقولج اتخيلي تضحكين علي جمول: والله انج غبيه وهبله بعد ضربتيه بالملاس مب شاطور علشان يموت __________________________ ((اليوم التالي عند ابو هند)) ابوهند: يالله انتبهو على روحكم احببكم عيالي ^^ هند: يبى لاتروح خذني معااك الله يخليك لاتروح روووحك ابوهند: لاتخافون راح ارجع واذا الله خذى عمري ادعولي تراني رحت عند امكم ((تمو يصيحون)) هند و شهد و منى : يعل يومنا قبل يومك يبى لاتقول جي مالنا غيرك ((ورااح وخله عياله ورااه خلى اللي محتاجينه خلهم في عز صغرهم وتوهم في سن المراهقه اللي 8 و 15 و 18 وين يروحون خله امهم هند اللي هي اكبرهم ترعاهم)) ___________________________ ((في بيت ابو غانم فالحوش عند سيايير ابو حميد وسهيل )) ودوم: مرت الاجازه بسررعه بتولهه عليكم ^^ سهيل: اكيد علي انا بعد صححح؟؟ ((ودوم تمت تشوفه قالت في قلبها اكيد اكيد)) ودوم قالت بصوت عالي: لا طبعا يت جمول: هههههه اخوي شوفيها يبهتك ؟؟ سهيل: وحده احبها ضربتني ^^ ((ودوم غارت ودشت داخل وهو ضحك قال في خاطره غبيه ماتدري انها هي ضاربتني ههههاي وسلمو على بعض وركبو وردو دبي)) ____________________ ((وصل مسج على فون شما من حميد)) حميد: لو تبى عيوني عطيتك لو تبى قلبي هديتك شو تبى اكثر فديتك؟؟ المرسل ملك قلبج شما استحت ودخلت عليها ودوم وقالت: ها الحب باسج ولا؟ شما: لا ودوم: عيل ليش سرحانه شما: مالج خص جب لسانج يباله قص انجلعي برررررع ودوم: الحمدالله والشكر ((طلعت عنها )) شموه: احبه احبببه اوف يوم اشوفه قلبي يدق _______________________ ((بيت ابو الغلا)) ام الغلا: غلوي الغلا تعالي بسرررعه .. |
البارت السادس عند وديمه: اوف معقولة سهيل يكلم غيري :( ((رن تلفونها شافت جمول ردت عليها وصوتها باين انها متضايقه)) جمول: السلام عليكم ودوم: وعليكم السلام هلا جمول: افا شو فيج مزعلنج؟؟ ودوم: سهيل جمول: شو سوى اخوي فديته؟؟ ودوم: يوم قال حبيبتي ضربتني ((جمول ضحكت على غباء ودوم)) جمول: خير ياطير تراج انتي حبيبته مب انتي اللي ضربتيه بالملاس؟؟ ودوم: اوييه صح صدق انج ذكية وانا الغبيه جمول: توج تدرين انتي من زمان غبيه ((وضحكو وارتاحت ودوم وفرحت انه هي بعدها في قلبه رغم انها تكابر وتعاند وماتبين حبها)) ___________________________ ((عند الهنوف الساعه 1:15 الظهر الهنوف: اويييه مب هذا اللي كان في الشيشه ..........: مب جنها شافتني عادي والله احبها الهنوف: ها مينون الحمدالله والشكر ((دق عليها خلود الباب ودخل)) خلود: شو تسوي الحلوه؟؟ الهنوف: ولا شي قاعدة خلود: ماتبين نتغدى برع امايه راحت بيت اربيعتها الهنوف: اوك بسبح وبلبس وبنزل خلود: اوك الله يخليج مب الغدى اتخلينه عشا بسرررعه الهنوف: بررع قبل لا اهفك بكف خلود: اوك بس ابسرررعه الله يخليج الهنوف: اوك اوك ________________ ((في غرفة هند ومنى وشهد)) منى و شهد: هنوده انخاف ابونا مايرجع هند: لاتقولون جي بيرجع ان شاء الله منى: لوصار في ابوي شي نحن مالنا قعده هني مالنا سند كلنا بنات اهئ اهئ ((وتمو يصيحون لين مانامو)) ______________________ ((عند فطوم)) فطوم: نجود نجود نجود: هلا تامي امري فطوم: امممم اربيعتي بتي اليوم نجود: طيب انا شو اسوي ؟؟ فطوم: ولا شي يعني قعدي ويانا نسولف وياها وبنخلي حمود اييب لنا العشا والفواله.. حمد: نعم سمعت اسمي لو حلوه بييب لو خسفه سوري ماعندي وقت نجود: ههههه مدامها اربيعت فطووم ابشر بتلاقيها معقده بعد ههههه خلكم مكانكم:- فطوم: تم التعريف حمد: 20 سنه - الجامعه الامريكيه – حليوو ومملوح نجود: 18 سنه – مدرسة لطيفه – عيونها رصاصيه على الغامج ومرره حلوه وعليها طول وشعرها لين الكتف _________________ ((عند شما في الغرفه مسكت فونها وطرشت له )) شما: خذ ماتبى بس لاتعذب قلبي ((شوي واتصل لها)) شما: اوييه ارد ولا لا اممممم ((يه بيسكر ردت)) حميد: احبج شما: ها @@ حميد: احبج شو ها احبج تعرفين شو يعني احبج ؟؟ شما: لا ماعرف نوب نو بكل اللغات ماعرف ^^ حميد: الاسبوع الياي يايين نخطبج ابييج لي اخاف حد ياخذج مني شما: حميد بخليك مع السلامه حميد: اموت ع اللي يستحون احبج باي شما استحت: مع السلااامه _________________ ((بيت ابو عزوز)) حصه: عزوز وين حمدان من البارحه ماشفته؟؟ عزوز: تصدقين حتى انا مادري وين مختفي!! حصه: زين تعال امي تقولك روح بيت ابو هند ود لهم الغدى عزوز: ان شاء الله ^^ خلكم مكانكم:- عزوز: 20 سنه – في الشرطه – معضل وسماري حليو حصه: 19 سنه – تؤام هي وحمدان ونسخه من بعض بس هي بنت حمدان: 19 سنه – حليو سماري على بياض – شعره لين الكتف ______________________ ((عند الهنوف في الغرفه لبست جنز وقميص جي راص ع جسمها وكعب اسود ونزلت)) خلود: رايحه عرس جي متاخره ؟؟ الهنوف: لا ملجة امش عن تاكلني خلود: يلا امشي قبل لا اقص لسانج يا هاللسان الطويل الهنوف: ججججب ((ركبو وراحو المطعم نزل حمدان قبلهم وقعد مجابلنهم المكان: ماكدونالز )) خلود: شو تبين ؟؟ الهنوف: ماك تشيكن سبايسي خلود: اوكي قعدي هنااك الهنوف: اوكي ومشت ((اشترى حمدان قبلهم ولحقها حست بحد وراها وهي كانت بعيد عن خلود لفت جابلت حمدان يت انفاسه وعلقت فيها تمت منبهره بعيونه عذااب تلمع من سوادها وشعره اللي ياي على ويهه شكله خباااااااال يت بتمشي)) حمدان: لحظظظه اممم انا حمدان في العسكريه اليوم بروح بتولهه على عيونج ((عطته نظره بس من داخلها بتموت عليه من حلاته ومن جماله مشت قعدت على الطاوله يه اخوها)) خلود: كلي عمري بروح اغسل ايدي الهنوف: اوكك ((رفعت راسها)) حمدان لا اراديا قال: احبج وربي حسي فيني ((الهنوف انصدمت@@)) |
البارت السابع ((مر الوقت ويت الساعه 5:00 العصر في بيت ابو الغلا)) الغلا: يالله انا رايحه تبين شي؟؟ ياسمين: سلامتج وانتي راده خبريني يمكن ابي شي الغلا: اوكيك مع السلامه ياسمين: باي ____________________ ((عند عائلة ابو بدر الساعه 5:02 العصر عند بدر ومروان في الصاله)) بدر: اممممم انا عندي دورة في دبي بروحها علشان اترقى لمدة 3 شهور مروان: خذني وياك البيت من دونك مب حلو بدر: ادري من دون رايك هههه انه البيت من دوني مب حلو انته اصلا طول الوقت فالدوره والمعسكر وبعد شوي وبتروح فبروح الدوره احسن مروان: خلاص بييك كل ويكند بدر: اوكي حياك حبيبي بروح اخبر الوالد والوالده خلكم مكانكم:- بدر: 24 سنه – شرطة ابوظبي – وسيم وحلوو وطويل وشعره جي روعه وطبيعي يستوي سبايكي مروان: 19 سنه – دورة الشرطه – حلو شعره لين كتفه له عيون عسليه _____________________ ((عند الهنوف في الغرفه)) الهنوف: اوف ليش بيروح تعودت عليه تعودت اشوفه صوب البلكونه ياربي ليش كل ماتعلق في انسان يروح عني ((قامت وراحت صوب البلكونه شافت ملامحه دققت في ويهه شافته هو من حبه لها وجراته طرش لها بوسه على الطاير وحط لها هديه صوب الباب واشر لها تنزل اتشل الهديه وراح وقالت اوف ماروم انزل دق عليها خلود وردت)) خلود: هلا انزلي بسرعه انا صوب اللفه دق قلب نوف : اوك اوك ((ركضن تحت وهي تركض طاحت ع الدري )) الهنوف: ااااي ريلي الهديه بيشوفها خلود .. ((قامت وهي تعري شلتها وحطتها فالمخزن وريلها ورمت يه خلود وشافها طايحه ع الارض)) خلود: هنوفي شو فيج ؟؟ الهنوف: خلود اااي الحق اهئ طحت من ع الدري اااي ريلي ((وتمت اتصيح خلود من خفتها شلاها ووداها السياره وبسرعه على المستشفى نزل وشلاها وربع عند الدكتور)) خلود: دكتوور دكتووور الحق اختي طاااحت الهنوف: خلود ريلي اااخ ريلي خلود: سلامتج حياتو يعله في عدوينج ولا فيج الهنوف: اميييييييييييييين ((دخلوها الغرفه ولفو ريلها وهي طالعه دعمت واحد)) _________________________ ((عند ابو فهد في البيت )) ابو فهد: وفووي وينج؟؟ وفاء: يبا هني يالسه ويه فهود ابو فهد: انا طالع اوك وبرد بعدين تبون شيء؟؟ وفاء: لا يبى سلامتك ((وراحت عند فهوود)) وفاء: فهوود قوم نطلع والله لاعت جبدي فهد: سوري باجر مدرسه واليوم انا مواعد وفاء: اخخخ عليك يالوصخخخ ((فهد قام وعطاها كففف وطاحت ع الارض وتمت اتصيح)) وفاء: والله بخبر عليك ابوي وبتشوف فهد سحب شعرها ودقها ع اليدار وقال: لو فتحتي حلجج والله بضربج لين ماينزل الدم ((شوي ونزل الدم منها قرب وهو منصدم وبعد دقايق فقدت الوعي)) __________________________ ((في بيت فطوم الساعه 5:30 العصر)) فاطمة: حيا الله الغلا توه مانور البيت ^^ الغلا: الله يحييج منور بوجود اهله^^ ((كانت الغلا فاتحه شعرها ولونه شوكولاته ومردج وعيونها وساع وراسمتنها بالجحال)) حمد: اووف يخرب بيت الجمال نجود: حلوه ماشاء الله عليها حمد: مب بييب لها عشا بسوي لها بوفيه بعد ^^ نجود: اوف بسك يالمغازلجي حمد: والله من بعد هالعيون اودرهم كلهم ^^ نجود: شششف خرررط واشططططح ^^ حمد: هههه والله بضربج ((وركضت فوق اتسلم على الغلا)) _______________________ ((في المستشفى عند الهنوف كانت بتطيح من دعمت الولد ومسكت اخوها خلوود لانه مارامت تتوازن رفعت راسها)) الهنوف: مره ثانيه لاتدعم خلق الله افتح عيونك خالد: اسفين اخوي بس البنت توه ريلها منكسره فمتضايقه سالم قبل لا يتكلم الهنوف سحبت خالد وعطت سالم نظره وركبت السياره وقالت اكرررررررررررررهك _______________________ ((عند ابو غانم فالميلس رن تلفونه ترن ترن ترن ترن)) ابو غانم: هلا والله هلا المتصل: اهلين كيف الحال؟؟ ابوغانم: بخير ومن صوبكم؟؟ المتصل: الحمدالله دامك بخير ممكن طلب وماتردني؟؟ ابو غانم: افا عليك اتفضل روحي لك !! المتصل: .................................................. ...الخ ابو غانم: ماردك خلاص موافق ((ودوم كانت ماره سمعت الكلام وركضت عند شمووه)) وديمه: شما شمووه شمووه الحقي شما: ويعه شو فيج؟؟ وديمه: سمعت ابويه يكلم واحد ويقوله امر وقال اخر شي والله ماردك وموافق يمكن يايين يخطبونج تمت ساكته شموه جنه حد عطاها كف وقالت: وليش مب انتي؟؟ ودوم: ياعنز انا صغيره وانتي كبيره وابويه قالج لو ايي أي واحد ويتقدم لج بيوافق بس اهم شي الاخلاق نزلت دموعها من القهر وحضنت ودوم وقالت: مابي غير حميد ودوم ساعديني اهئ اهئ رن تلفون ودوم وطلع حميد قالت ودوم: ردي بس لاتخبرينه شما: الووو حميد: وافديت هالصوت انا ^^ شما: هع كيف الحال؟؟ حميد: بخير اقولج شموه يمكن يوم الخميس ما روم ايي بس اهلي بيون لانه عندي شوي شغل شما: ليش؟؟ حميد: سوري بس ماروم حتى اهلي يمكن مايون شما: براحتك حميد: سوري لاتزعلين وعد بعوض الاسبوع الياي ^^ شما: مب مشكله انا بسكر لاني قاعده ويهه ودوم حميد: سلمي عليها ولفيها بكف ((معناة لفيها يعني عطيها)) شما ضحكت: حرام كله ولا اختي ودوم: وعله ياحميد لاتتكلم من وراي ((ضحكو كلهم وسكر حميد عنها)) شما وهي تقول حق وديمه: مايدري باللي صدمني وديمه: هع لاتحاتين ان شاء الله خير .. عسى ان تكرهو شيئا وهو خيرا لكم .. شما: ااه يا ودوم ماحبيت ابين له حبي بس جبرني الحب عذاب ياودوم عذاااب وديمه: الله يصبركم ((ثواني دقايق ساعات)) ابو غانم: شمووووووووووووه كــــــــــــــــــــــــــت:- |
البارت الثامن ((في بيت فطوم في الغرفه ودقت نجود البا ودخلت)) نجود: هلا والله بمرة اخوي هع الغلا: ههههههه اهلين حبيبتي فطوم: ماعليج من هاي الهبله تخر الكلام الغلا: ههه لاعادي تاخذ راحتها قاعده في بيتكم ماروم اتكلم فطوم: لاوالله عادي البيت بيتج ((وتمو يسولفون ويه بعض)) ________________________ ((وصلت الهنوف البيت دخل خلود وهي راحت المخزن وشلت الهديه وصعدت فوق وقفلت الباب وقعدت على السرير ومدت ريلها)) الهنوف: ااه ياسالم طعنيتني جرحيتني خنتني مستحيل اسامحك مستحيل ماراح اسامحك ولا احن عليك لو تموت جدامي ما انقذك ولا اسامحك خاين اناني حقير ((ودخلت في نوبة بكى على وقها اللي ضاع وهي تحكيله وتكلمه وتسولف معاه لين ما نامت ومافتحت الهديه.. _______________________ ((عند ودوم وجمول الساعه 6:15 المغرب)) وديمه: جمول ماسمعتي اخر خبر !! جمول: لا شووو؟؟ وديمه: في واحد خطب شموووه ((نرجع شوي لوراء)) ابو غانم: شموه شما شموه: يبا يايه ((عدلت شكلها ومسحت دموعها ونزلت)) ابو غانم: حيا الله ببنتي الحلوه وديمه: يعني انا مب حلوه ولا تفرق ابو غانم: انتو كلكم عيالي بس اختج شمووه كبرت وديمه: ليش كبرت ؟؟ ابو غانم: اول خليهم كلهم ايوون ((ثواني دقايق يو اخوانها)) ((غانم – سيف – شما – ابو غانم – ودوم – خليفه – وامهم ميته)) ابو غانم: اليوم يايبنكم كلكم ابي اقولكم شيء العيال: هلا ابوي امر !! ابو غانم: في واحد اليوم اتصلي وطلب ايدين اختكم شما مني وماحبيت ارده فوافقت ((نزلت دموع شما لا اراديا وغانم حس فيها)) غانم: يبا يمكن شما ماتبى مايصير تعطي الريال كلمه مهما يكون الامر راجع لها ابو غانم: سوري من بينه وبيني صفقه وولده حبوب وطيوب ومستحيل ابيع بنتي على واحد ماعرفه شما: اللي تباه يبى بيصير ((وقامت راحت الحجره وقفلتها وتمت اتصيح من الخاااااطر)) وديمه: هاي هي السالفه ياجموول جمول: فديت قلب شمووه يوم كان يقول لها بخطبج اتكابر لين ماطارت من ايدينه الله يصبرهم والله ودوم: هيه والله _______________________ ((عند عائلة ابو فهد في المستشفى)) فهد: ياربي الله يغربل بليسي يارب احمي اختي يارب سامحني الدكتور: انته اخوها؟؟ فهد: هيه الدكتور: سامحنا حالتها حرجه لازم تنام عندنا كم يوم لانه راسها انضرب بقوه فهد: طمني عليها قول اختي بخير ؟؟ الدكتور: ان شاء الله اهم شي دعواتكم لها فهد: ان شاء الله عادي انام عندها الدكتور: لا والله يوم تصحى راح نتصل فيك فهد: حاضر ((وراح البيت وشاف ابووه)) ابو فهد: وين وفووي؟؟ فهد تم ساكت وقال: في المستشفى ابو فهد: شوووو خيررر ليييش؟؟ فهد: ضربت راسها بالغلط ع اليدار ابو فهد: يااربي ع بنتي بروح اشوفها فهد: لا يبا مابيدخلونك هي في غرفة خاصه يوم بتنش بيخبرونا ابوفهد: الله يقومها بالسلالااااامه الله يشفيها فهد: اميين ((وحزن على حال اخته الوحيده اللي ماحافظ عليها وعلشان شي يضر صحته ضربها )) فهد: وعد يا وفاء راح اصير ريال وترفعينن راسج فيني اوعدج بس نشي ابييج نشي الله يخلييج.. ___________________ ((في بيت بو حميد ربعت جمول عند حميد ودقت الباب كان طايح على السرير ويفكر)) جمول: حميد صدق اللي سمعته؟؟ حميد: هيه ياجمول راحت عني اقول لها بي بخطبج تقول لا مابي ليش يا شما ليش مب حرام عليج؟؟ جمول: حميد حبيبي ياخوي كلن ياخذ نصيبه في هاي الدنيا حميد: احبها كثر الدنيا ابيها لي . ((وتم يصيح جمول قلبها عورها على اخوها وسكتت ما باليد حيله ياحميد اااه ياقلبكم على بعض)) ((شما وحميد هل بيجمعهم القدر ولا بيفرقهم الزواج؟؟)) __________________________ ((في انحاء بيت ابو هند على الساعه 8:00 مساءا اندق جرس الباب راحت هند فتحت الباب وفتحت عيونها)) هند: انته؟؟ @@ عزوز رفع راسه: هالاكل حقكم سوري على الازعاج.. هند: سوري تعبناكم ويانا انتو مب مسؤولين عنا عزوز: لاتقولين جي عن اذنج انتبهي ع نفسج وعلى خواتج هند: ان شاء الله ((وراح عنها وقالت في بالها يالله شخصيته حلوه اوف حلو حلو هههه ابوها في حاله وهي في حاله هع )) ____________________ ((عند بدر فالغرفه)) بدر: يالله بفقدك يابيتنا 3 شهور احبكم وايد يالوالد والوالده وبتوله عليك ياتوام روحي ياخوي مروان.. ((حط ملابسه وشل شنطته ومشى صوب غرفة امه وابوه دق الباب ودخل)) الوالد و الوالده: بتروح يالغالي بتروح فديتك يا ضناي ؟ بدر دمعت عينه: هي يالغالين بتوله عليكم 3 شهور وايد علي زوروني ويه مروان يوم بي عندي ^^ ابوبدر: ان شاء الله البيت فضى مابقى لنا حد مالنا غيركم ((حضن امه وابوه اخوه ركب موتره الجي 55 وانطلق حتى درب دبي حبيته بودعج يا ابوظبي وبترك لج غاليين امانه بين ايدينج يا ابوظبي)) _________________ ((مر الوقت ويت الساعه 10:00 نشت الهنوف وراسها مصدع شافت الهديه تذكرت اللي صار وياها البارحه اللي هو يعني جي على العصر تذكرت حمدان وينك ياحمدان وينك محد يحس فيني غيرك فتحت العلبه كان مغلفنها بطريقة حلوه ورووعة جابلتها سلسلة ومربوط عليها ورقه صغيره ومكتوب فيها..)) حمدان: نص لج ونص لي لو صار فيج شي لا سمح الله احس فيج واذا صار فيني شي بتحسين فيني بس علقيها ع رقبتج علشان يولع الليت ويكون ردة فعل .. الهنوف: بعيد الشر عليك ((ولبستها وكملت الهدية ولقت صورة حمدان وكانت مرره حلوه لابس كندوره ومتعصم وشعره جي طرر)) فتحت حلجها وقالت: واااو طررررر يهببل ((وكتب ورا ع الصوره ادري بتتولهين علي خليها عندج وكملت شافت خاتم وكاتب فيه )) حمدان: عقبال مايربطنا هالخاتم ((ابتسمت وشافت تحت دفتر واقلام وكان ذوقه حلوو حطت الدفتر والاقلام في البوكس وسكرته وحطته على الطاوله وصورتها حطتها في بوكها و السلسله تمت لابستنها والخاتم حتى ^^ .. فتحت دفتر خواطرها وكتبت)) الهنوف: توعدني ياعشقي ماتخليني توعدني ماتجرح خافقي تعبت اتخيل وداعك تعبت من كسر الخواطر عفت الدنيا من اول حب احبك يا h I love u h ___________________ ((اندق الباب ابو هند .. ربعت هند تحت وفتحت الباب ..)) الريال: السلام عليكم ؟؟ هند: هلا ياخوي امر الريال: هاي الرساله لج هند: حقي ... شكرا ^^ |
البارت التاسع ابوهند: الى ابنتي العزيزة اقدم اعتذاري لك لانك اجمل من روحي في حين ان تفتحي الرساله سوف اكون قد فارقة الحياه ومثل ماقلت لك انني سوف اذهب عند زوجتي الفاضله .. ابنتي الكبرى اعتني باخوتك وانتي في سن الزهور اسف اسف اسف المرسل: والدك هند: يباااااااااااااااااا لاتروح يبى اهئ اهئ ابي اموت ابي اروح عندك لاتروح يباااااااااااااااا ((راحت تركض برع وراحت عند ابو عزوز دقت الباب بقوه ورا بعض اخترعو كانو كلهم قاعدين فتح عزوز الباب اتحرى اخوهم حمدان لقى بنت تصرخ انصدم قال اعرفها كان شعرها على ويهها وكانت تصيييح واتصرخ مسكها وضمها في حضنه ودخلها داخل عن حد يشوفها)) ام عزوز: يالله ياقلبي شوفيج حد سوى فيج شي؟؟ هند: عمووه عموووه ابويه ابويه ياعمووه ام عزوز+ابو عزوز: خير ضربج ؟؟ شو صار اتكلمي !! هند: ابوووي اهئ ماااات ابوي عطاكم عمره ابوي راح عند امي منو لنا انا واخواتي منو لنا ابوي راح محد بقى لنا ليش انعيش ليش؟؟ ((نزلت دموعهم كلهم .. حصه قامت وحضنتها وحطت مكانها بمكان هند ماراح تتحمل وهدوها وراحو البيت وياها يسوون ويادون العزا في العزا: ابو عزوز – عزوز – وربع ابو هند – ربع ابو عزوز – لانه ابو هند ماله لا اخوان ولا اخوات وام هند عندها اخو بس متوفي في الصاله: هند – منى – شهد – ام عزوز – حصه )) _______________ ((عند حميد في الغرفه طرش مسج حق شما)) حميد: راح حبيب قلبي راح وخلاني شفت وسط عيني ((شما تمت تصيييح اندق باب حجرتها شافت اخوها غانم)) غانم: اروم اكلمج ولا ؟؟ شما: حياااك ((مسحت دموعها وحضنها ومسح ع شعرها)) غانم: ماتبينه والله ماتاخذينه في حد في حياتج قولي ؟؟ شما: لا ابييه غانم: عيل ليش الدموع ليش تخبين علي ؟؟ شما: ماخبي عليك زعلانه لاني بفارقكم غانم: مب علي ادري انج اتحبين حميد صح؟؟ شما: لااا غانم: عيني بعينج حميد مايه يخطبج فرحتي من ايده شما: كان بي انا اللي قلت لا كان بس انا رديته قلت بعدني بكمل جامعتي غانم: ادري لانه هو خبرني بس قلت له لاتقول لها ((شما تمت تشوف اخوها الحنون ودمعت عيونها)) شما: راح مني غانم: ماراح وعد لو على جثتي ماتتزوجين غير حميد وبتكونون لبعض وباختيار المعرس بعد وبتشوفينن ____________________ ((في المعسكر راح حمدان عند المسؤوول)) حمدان: ممكن طلب سيدي !! المسؤول: اتفضل ؟؟ حمدان: ابي اتطمن ع الاهل احس شيء مستوي المسؤول: اسف اليوم مداومين حمدان: ها اللي خايف منه انه بقالي مشوار لين ما ايي الخميس المسؤول حن قلبه: تفضل بس لاتطول حمدان: حااضر سيدي ((واتصل حق اخوه عزوز وقاله كل شي صار ودمعت عيون حمدان)) حمدان: الله يصبرهم لاسند وهم كلهم بنات. ____________________ ((عند بدر في اول يوم في دبي راح المستشفى وخذى كمن غرض ورد طلع وتوجه للشقه)) بدر: اوف باجر لازم اروح الجامعه الامريكيه وادرس انجليزي لمدة 3 شهور تعب .. ((دعم واحد وهو يمشي)) بدر: ماشفتك سوري اخوي حميد: لاعادي انا اللي اسف بدر: امممم ممكن تدلني أي واحد مبنى الضباط نسيته هع؟؟ حميد: تعال وياي ((تمو يسولفون وطول الوقت ودلاه ودخل غرفته وراح حميد)) __________________ ((مر اليوم على خير وكلن راح مكانه الخاص اللي راح المدرسه واللي راح الدوام واللي توجهه الى الجامعه)) ((مدرسة الخنساء في صف منى عند ابلة هدى)) ابله هدى: وين منى ماشفتها اليوم متعوده اتي وتقول لي صباح االخير اميره: ابله منى ابوها مات البارحه وحالتها وايد داون ونفسيتها تعبانه ابله هدى: الله يرحمه شو رايكم انروح نزورها؟؟ البنات: منى تستاهل (( وراحت ابله هدى جهزت الباص واتجهو لبيت منى ونزلو منى من شافت ابله هدى حضنتها وصااحت ونست شوي يوم شافت البنات بس من يقول شهد يتلها حاله ما تتكلم موول وهند بتطلع من المدرسه وبتشتغل علشان تصرف على اخواتها حالتهم تعور القلب من ججججد)) ________________________ ((في الجامعه وهو يمشي دعم وطاحت ملفات البنت وكتبها)) فطوم: وجع ماتشوف؟؟ ((انبلمت من جمااااله)) بدر: اسف بس كنت متوتر ممكن خدمة؟؟ فطوم: لاعادي ((تمت تلم اغراضها وهو نزل يساعدها)) فطوم: تفضل !! بدر: وين مكتب التسجيل؟؟ ((رفعت راسها تبى تدليه تلاقت ويوهم في بعض)) كـــــــــــــــــــــــــــــــــــــــــــــت:- |
| الساعة الآن 08:24 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir