منتدى استراحات زايد - قصة واقعية خٌبّٱل فُٱلمدُرسًۂ .. مصِٱيّبّ فُٱلجَٱمعۂ .. مشّٱكل فُٱلبّيّتُ .. وِٱلحًيّٱۂ تُمشّيّ ..~

( البارت الثاني )
البنات ف الجامعه
( اتفقو ع كل شي و الساعه 2 و نص وكانت جواهر اكثر وحده خايفه فيهم وكلهم راحو لغرفهم وسوو عمارهم راقدات راحت شوق بكل ثقه دقت الجرس ورجت للغرفه ع طول بدون ماحد يحس فيها )
شوق ( كانت تتكلم بخوف بس مستانسه ع الي سوته خخخ) : اوييييييييييييييه دقييييته هههههههههههه
مثايل : عاااااشششت شواااقي
( كل البنات الي فالسكن قامو من نومهم وصرييخ و كانو خايفات وشله مثايل اونهم ظهرو يبو يعرفو شالسالفه مسويات عمارهم بريئات > فزت المدام من نومها وهي تسمه صريخ البنات وراحت تشوف شالسالفه )
المدام : هاااا بنااااات شووو صاااير ؟؟؟؟؟
البنات : ماااندري
( وراحت المدام تشوف اذا صاير شي لفت ع كل السكن ماشافت شي )
المدام ( وهي معصبه ) : منووووووووو هذي الـ **** الي دققت الجرسسس ماااااااعندكم احتراااااام للي نايماااااات يعني ( وتم تتنازع حوول نص ساعه والبنات اكثرهم سوولها طاف وراحو يكملو نومهم )
جواهر ( بعصبيه ) : ارتحتن الحييييييييين ؟؟؟
مثايل وشوق : ههههههههههههههههههههههههههههه وناسه والله
مشاعل : اقييين اقين قم نعيدها يالله عيبتني الفكررره
مثايل : المشكله كل البنات واعيات الحين ولا ماعندي مانع ههههههههههههههه
جوااهر : لا والله بعد ما ارتحتن !!
شوق : شفييج جواهر هههههههههه ترا والله عادي خلناا نفسها >> يممممه ونااسسه
مثايل ( بضحكه عاليه ) : ههههههههههههههههههههههههههه ترقبو المصيبه الثانيه هههههههه
جواهر : خلكن تسون شي مره ثانيه لا انتن ربعي ولا اعرفكن
شوق : افااا تتبريين مناا
مثايل : هههههههههههههههه حرام عليج والله ههههههههههههه ي الخوافه
فجججججججججأه !!!
( أدش عليهم بنت )
البنت (وهي رافعه حواجبها ) : صوت الضحك وااصل لآخر الدنيا
مثايل : البنااات قااعدات بنكتن الخواات ههههههههههه
البنت : متأكده أنهم قاعدات بنكتن ؟ ولا ...ّ اقول خلني ساكته بس ترا اعرف كل شي
( جواهر كانت خايفه انها تروح تخبر المدام وخايفه واايد لدرجه انه يبين من ويهها )
شوق ( بسخريه ) : شقصدها الاخت ؟
مثايل : ههههههههههااي كيفنا بنسوي الي نبيه شحارنج
( جواهر طالعت مثايل بنضره يعني سكتي لا اييج كف > ومشاعل كانت قااعده تطالعهم وكانت خايفه )
( طلعت البنت من عندهم وسكرت الباب بقو )
جواهر : ي حيوااناااااااات كاانت بتكشفناا !!
شوق : الاموور طيبه
__________________________________________________
البيت ( ف عايله العنود )
( بعد ربع ساعه رشود وصل للبيت شاف اخوه عبود راقد والعنود قاعده خايفه صوبه )
رشود : مايت امي ؟
العنود لا شسسوي ؟؟
رشود : ماعليج بتيي انتي روحي رقدي
العنود : ماباا بترياها > بدق على ابوي بقوله
رشود : لا تخوفينه انتي بعد
فججججأه حد يدق الباب
( رشود كان واقف والعنود من خوفها وهي كانت مب حاسه بعمرها مسكت رشود من كندوره وهي كانت وراه رشود مستغرب من حركه العنود لنها ماتقرب صوبه ايد )
رشود : ويت اقعدي هني بروح افتح الباب
العنود : لالالالالالالا لااا تفتتحه
رشود : شفييج يمكن امي
العنوود : مابااا اتم بروووحي
رشوود : وييييت
( راح رشود فتح البنات وطلعتله امه ع الباب !!! )
رشود ( يطالعها بنظرات جنه يقولها كان تاخرتي اكثر ) وراح
الام مريم : شفيك اطالعني جييه
رشود : لا سلامتج !
الام مريم : وين العنود وعبود
رشود : لالا مايحتاج تسئلين تراج خليتيهم بروحهم فالبيت ورحتي عنهم وتاخرتي بعد
الام مريم : لا والله بعد ترد على امك !!!!
( دشت الام مريم الصاله وشافت ولدها عبود راقد وصوبه العنود كانت خايفه وترمس بالفون )
الام مريم : منو ترمسي فهالوقت !!
العنود ( وهي ترد ع الي ترمسه بالفون وترتجف ) : خلااص هذي يت
الام مريم : قلتلج ترمسيي منوووو ؟؟
العنود : ارمس ابوي
( الام مريم خافت فهاللحظه وحست بالي هي سوته لنها تردي انه ريلها مايخليها تتاخر لهالوقت حتى لو هو مب مهتم لهم )
العنود : امي ابوي يبي يرمسج
الام مريم (وهي خايفه وبصوت خفيف ) : الوو
الاب سالم ( وهو يصرخ عليها ) : ويييييييييين كنتي لهالوقت !
( الام مريم ماردت عليه من خوفها وتمت ساكته )
الاب سالم : ارمسسسح انا مارمس يدار
الام مريم (وهي متردده ) كنت .... كنت عند .. وحده من ربيعاتي .... وياي فالدوام
الاب سالم : لا والله فهالوقت بعد انا ماقاهرني الا انج مخليه العيال بروحهم ولا سئلتي عنهم حتى
( العنود فهاللحظه تمنت انه الارض تنشق وتبلعها لنها تدري انه هي السبب ف
انه ابوها بنازع انها والدموع فعينها وماقدرت تمسكهم وقعدت تصيح )
الام مريم ( وهي تتكلم مب من خاطر عسب تسكر الموضوع ): خلاص يابو راشد آسفه مابعيدها !!
( الاب سالم سكر ف ويهها الفون و الام مريم شافت بنتها تصيح وهي تدري انها لو راحت تسكت بنتها بتصيح وياها فماحب تزيد الطين بله )
الام مريم : العنود روحي نامي
( ودشت على طول غرفتها )
_________________________________________________
( سواف دق على منصور )
سواف : هلا منصور شحالك ؟
منصور : اهلين والله تمام اخبارك انت ؟
سواف : طييب والله > ها انا وحمود قلنا بنروح المول بتيا ويانا ؟
منصور : اوك بروح بس مانبا حركات تقردين بنات ومادري شو !
سواف : نحن مب رايحين ع الفاضي ! ههههههههه
منصور : عيل روح بروحك
سواف : لالا ههههه افا عليك خلاص مابنروح صوب البنات
منصور : انزين حمد و حمدان بيروحون ؟
سواف : حمدان هالحيوان ماعنده شغله طول الوقت يلعب سووني وحمد مادري عنه الحين بدقله اشوفه
منصور : انزين عمور ؟
سواف : ها مالت ع ويهه الحين عندي قاعدين فالبيت الميلس عاطني طااف ويسمع موسيقى مادري شعايبنه فهالموسيقى
منصور : ههههههههههههه يحليله انزين متى بتروحون ؟
سواف : ع الساعه ثمان
منصور : خلااص اوك جمع الشباب ويلا اخليك
سواف : مع السلامه
( راح سواف دق ع ربه وقالو بيروحو كلهم وبيجتمعو الا حمد مارضى يروح وياهم لنه كان مشغول بالرسم طبعا هذى هوايته وهو مدمن ع هالشي بس محد يدري انه يرسم حتى هله مايدرون > وصلت الساعه 8 والكل اجتمع فالمكان الي اتفقو عليه كانو يمشو فالمول ومندمجين بالسوالف وفججاه منصور حس انه في بنيه تلاحقه ( وهو احلى واحد فيهم ) ومنصور مايحب هالسوالف وكان متضايج يبيها تروح عنه و ربعه مب حاسين بالبنت بعدين كلمته )
النت ( وهي شاقه الابتسامه تنتظره يرقمها ): اونك ماترقم هههه
( الكل حس بالبنت والتفت صوبها الا منصور سوالها طاف )
رشود ( يهمس ل منصور ) : عطاها ويه تراها طر
منصور ( وهو معصب ) : حمود اسكت تراني مب متفيجلك انت الثاني اصلا انا شيايبني عندكم
رشود : خلاص انزين حشى مايسوا علي
البنت : بتعطوني ولا اروح
منصور ( وهو يطالعها بنظرات ) : فارجي بس
( البنت قهرتهاا ردت فعله عبالها بيرد الابتسامه لها و بيرقمها ورجعت عند ربيعاتها وهم يضحكون عليها و يقولولها ها استانستي لما قالج جيه ههههههههههههه )
_________________________________________
ف نهايه اول اسبوع يوم الخميس
صوب شله العنود
( الصبح قبل الطابور )
ساروه : يووووه اليوم الخميس اوووول خميس فهالفصل لازم نخلييه ربشششه
شهد : وااي اليووم بيكون فنتاااستك
العنود : اقلكم بنات قم رحنا الحمام قبل مايبدا الطابور ونبتلش بالمسات لما يطلونا من كلاساتنا
مهروه : لا مااقدر اروح بتقولهم أي شي صقع رقع
العنود : انتي صقعي ورقعي لهم انا بروح بناات منو بتروح وياي
ساروه : قومي انا ابا اروح بعدل شكلي
مهروه : مادري تعدليه حق منو !
ساروه : انتي جب كيفي < شهد غريبه اليوم ليش مب متكحله ؟
شهد : ماتفيجت اليوم
ساروه : يلا تعالي انا بكحلج صدقيني بيضبط عليج
شهد : أوك يلا
العنود : بديينا تقصي ع البناات
ساروه : حراام عليج ههههه
العنود : يلا ها بنروح مهروخ بتروحي
مهروه : هيه هيه بروح
شهد : تووج تبي تصقعيلهم هههههههههههههههههه
البنات (ماعدا مهروه كانت مبوزه ) : ههههههههههههههههههههههههه
( وهم فالطريج رايحات الحمام )
العنود ( تتكلم بشويش ) : بنات انا عندي البن مال فطوم ( طبعاً هالشلتين اعداء ويكرهو بعض وايد )
شهد : وييع اكرها هالبنية
مهروه : أٌقلج عطيني البن بتلسى فيها
العنود : شناويه تسوين ؟
مهروه : برمسها ع اساس اني ولد وبتسلى
شهد : بس انتي فالبي بي ع اساس انج بنت و نكج بنت
مهروه : لا قلبوتي بااخذذ البي بي مال اخوي الصغير
العنود : انزيين بطرشه لج الييوم
مهروه : اوكييه اترييا
( مر اليوم الدراسي كالعاده و ماكانو ولا ححصه فاضين بس الحصه السابعه مستهم كانت مريضه )
صوب شله تامي
اسوم : بناات شرايكم تروحون ادقون الباب ع هالكلاس وبتشرد هههههههههههههه
شمووه (وهي ماسكه ككاو وتاكل ) : يلااا يلااا هههههههههههههههه
اسوم : انتي مابتقدري تركضي خلج هني ههههههههههههههههههههه
شموه (وهي مبوزه ) : جب جب (وبفت ويهها )
امون : شموه دخييلج لا تبوزي مب متفيجين حقج
( وكل البنات ضحكو ههه )
فطوم ( بنظرات نذاله ) : بنات قومو نقعد صوب هذاك الكلاس ( طبعا مب نفس الكلاس الي اشرت عليه اسوم )
امون : شي وراها فطووم
اسوم : اوك يلااا نروح
( وراحو كلهم وقعدو صوب الكلاس )
فطوم : انا بروح الحمام ويت دقايق
شموه : اروح وياج
فطوم : لاعادي بروح بروحي
( فطوم النذله راحت ودقت الباب ع الكلاس الي صوبهم و شردت > وبنات شلتها لما انتبهو لها عطوووه 180 ريس كاامل هههههههههههههه ويرااكضن بسرعه طلعت المس من الكلاس ماشافت غير بنت تركض وهالبنت شموه بس هي ماتدري > المهم المس عطت البنات طاف وماسوتلهم سالفه لنها تعرف حركات بعض البنات البايخه هههه )
اسوم ( راحت صوب فطوم ) : ي حيوانه ي كلبه ي نذله انا ارااويييييج
فطوم : هههههههههههههههههههههههههههه
اسوم ( وهي تهمس لـ امون و شموه بصوت خفييف ) : بنروح .........
( اتفقو البنات ورجعو كل وحده وياها دبة ماي ويركضن وراا فطووم وسبحووههاا بالماي ههه و فوق ها الجو كان باارد )
اسوم : تستاااااهليييين اننننه اهم شي اني خذيييت حقي
شمووه : عاااااااااااااااااشت أسوووووم ....
______________________________________________
يا ترا شو راح يصير لما يرجع سالم ابو العنود من الدوام ؟
وشو راح يصير عند الشباب فالمول ؟
وشو بتسوي مهروه بالبن مال فطوم ؟
ترقببو البارت الثالث j

( البارت الثالث )
صوب مهروه وافكارها
( بعد ماعرفت مهروه البن مال فطوم راحت قصت ع اخوها الصغير (( اسمه زايد عمره 10 سنين صف خامس)) عسب تاخذ البي بي ماله عسب تبن لفطوم انها واحد راحت وضافت فطوم)
( فطوم قبلت الاضافه على طول )
المكالمه فالبي بي :
مهروه : احم هلا والله
فطوم : اهلين
مهروه : شحالج ؟
فطوم : من ويين يبت البن ؟؟
مهروه ( وهي مستغربه من ان فطوم ردت عليها لنها مب من عوايدها تكلم شباب ) : من عند ربيعي
فطوم : منو ربيعك أي واحد ؟ ( لنها تارسه اللسته شباب )
مهروه : اسمه خالد
فطوم : اعرف 66 واحد اسمه خالد أي واحد فيهم ؟
مهروه : مب لازم تعرفي وبلا اسئله زايده
فطوم : انزين كم عمرك ؟
مهروه : 19 وانتي ؟
فطوم ( تذكرت انها كانت تحب واحد اسمه خالد وعمره 19 سنه فحاولت تتقرب منه لنه عبالها انه ربيع خالد ) : العمر كله انا عمري 15 سنه
مهروه : الله يطول بعمرج
فطوم ( وهي مشتاقه لخالد ): من وييييين انت ؟؟
مهروه ( قاعده ترقع لفطوم ومب عارفه شتقول ) : انا من *****
فطوم ( تذكرت انه خالد قالها انه عنده ربيع من هالمنطقه ) : اها
مهروه : عرفيني ع اسمج انزين
فطوم : اسمي هاجر
مهروه ( وهي ماتدري شسالفه فطوم ولا تدري انها مصدقه ) : عاشت الاسامي
فطوم : وانت شسمك ؟
مهروه ( وهي تفكر ممم ) : عبدالله
فطوم ( الي تعرفه انه ربيع خالد اسمه حميد مب عبدالله بس بعدها واثقه انه هذا ربيع خالد بس جذب عليها ف اسمه ) : ناايس نيم
____________________________________________
فالجامعه
( كاانت فكهف كله ظلاام بس فيه نور خفيف وتشوف افاعي وعقاارب صوبها والافااعي تلتف عليها وهي خايفه وتصيييييييح وكانت تمشي عليها العقاارب وكانت فمكان خنقه وتحس انه الدنيا بدت تضييج عليها !!!! )
(فججججاهه قاااامت من نووومها تصاارخ وتصااارخ وصوتهاا واصل اخر المكااان >> سمعتها ربييعتها وفززززت من نوومها وياات لهااا بسرععهه وربعها الباجيات سمعو الصراخ بس من خوفهم ماقدرو يتحركو من مكانهم ! )
جواهر ( وهي تتنفس بسرععععه وتحس انها بتمووت من الخووف ) : اعووذ بالله اعووذ بالله
مشاعل : شفييييييييييييييييج جوااهر ؟؟!!!
جوااهر ( وهي خاااايفه ) :حححلـ .... حلـ .. حلمت ..
مشاعل ( وهي خايفه على ربيعتها ) : اووش اذاا حلم مب زيين لا تقولييينه
( زات صيااح جوااهر وهي تتنفس بصعووبه > ضمتها مشاعل عسب تهدي من روعها شوي )
مشاعل : خلاص حبيبتي خلاص جواهر تعوذي من ابليس ورجعي رقدي
( جواهر اطالع مشاعل بنظرات تدل على انها خايفه بالقووو وهي كانت تصيح >> بعد نص ساعه جواهر هدت من روعها شوي ورجعت تحاول ترقد > ومشاعل راحت صوب مثايل وشوق دشت غرفت شوق ..)
شوق (وهي خايفه) : مشااعل سمعت صرااخ مسااعه يمممه شوصاير
(مثايل سمعت الصوت لنه صوت شوق كان وايد عالي وراحت عندهم )
مثايل : شوووصاير
مشاعل : يووه صارت سالفه رقدوو بااجر بقولكم
مثايل : هيييه احسن لا تقولي ابا اكمل رقادي خخ
شوق : ماتبي تعرفي انقلعي برع انا ابا اعرف
مشاعل : اووش سكتوو تصبحون ع خير باجر من اول ما اصحصح بقولكم
شوق (وهي مبوزه ) : وانتي من هله
مثايل : نوم العوافي
___________________________________________
نرجع صوب شله رشود وسواف
( رشود قالهم انه بيروح الحمام و هو اصلا كان يبا شي ثاني راح عنهم ودش الحمام على طول لنهم كانو يطالعونه ومنصور ولما طلع شاف البنت واقفه له ومحد شباب شلته فقرر انه يروح صوبها بس مايرقمها الا اذا كلمته )
البنت : أححم
رشود : 050********
البنت ( وهي شاقه حلقها من الابتسامه ) : اووك
( رشود حس انه هالبنت غبيه من حركاتها الي شرات ويهها بس مع ذلك عطاها رقمه > وبعدين رجع صوب شلته )
حمدان ( وهو يغمز لرشود ) : ها بشر شو استوا
رشود : شتقصد
حمدان : لا سلامتك > تحسسني اني ماعرف سوالفك
منصور : الله يهديكم بس
( وراحو يتعشو مع بعض وكملو سوالفهم بعدين رجعو للبيت )
_____________________________________________
ف بيت عايله العنود
( رجع ابو العنود للبيت فوقت الظهر وكان ناسي سالفه ام العنود لما تاخرت و دخل الصاله بس كانو فيها عياله )
الاب سالم : هلا شحالكم حبايبي
عياله : تمااام ابوويه اشتقناالك
الاب سالم : واناا بعد اشتقتلكم حبايبي
( وقعد بوراشد يسولف مع عياله وشوي وترجع امهم من دوامها )
الام مريم ( وهي خايفه لنها تذكر السالفه الي صار ) : السلام عليكم
الاب سالم : وعليج السلام
الام مريم (وهي مستغربه وماتبي تطول فالكلام عسب ما يذكرر ) : تعالو نتغدى
الاب سالم : وشو غداكم ؟
الام مريم : مادري شمسويه الخدامه
الاب سالم : روحو تغدو انتو انا مالي خلق غدى
( راح الاب لغرفته يريح والباجيين راحو تغدو )
_____________________________________________
عند مثايل وربعها فليل
( مثايل كانت عازمه ربعها يوم الخميس ع العشى > طبعا اهلها ماكامو مهتمين ع عادتهم يعني وهي جهزت كل شي لربعها ! >> دقت ع البنات وقالو كلهم بيكونو موجودين .. والحين دقت ع جواهر )
مثايل : هلااا جووج شحالج ؟
جواهر : اهليين تمام و يوو ؟؟
مثايل : الحمدلله > انزين اقلج ها بتيين
جواهر : ماقدر محد بييبني l
مثايل : يوووه يالله عااد جووج
جواهر : اقلج محد بييبني > شسمه اذا حصلت حد بيي
مثايل : جوااااهر حااولي تيين نباا نتجمع كلناا تراا بزعل منج l
جواهر : يصير خير
مثايل : اووك يالله اخليج حااولي تيين ها !!
( بعد ما حنت مثايل ع جواهر عسب تيي سكرت عنها وراحت تشوف اذا الخدامه خلصته ولالا .. )
( ..بعد ساعه (( الساعه 7 )) .. دق الجرس > رشود سمع الجرس راح يفتح الباب ! فتح الباب وشاف بنت عرف انها وحده من ربع مثايل )
رشود ( وهووو حده منصدم : هلا حياج اقربي
البنت ( وهي تذكرت الي رقمها قبل فالمول بس ردت وهي مستحيه ) : قريب تسلم :$
رشود : نورتي
( رشود وصل البنت وهو منصدم حده > راح ونادا مثايل )
رشود : مثااايل تعاالي
مثايل : شتبي ؟؟
رشود : وحده من ربعج يات !
مثايل : وانت شدرااك انها من ربعي !!!
رشود : فكيني فكيني روحيلها
( راحت مثايل لربيعتها )
مثايل : هلااا شواقي نوورتي البييت
شوق ( بصوت خفيف ) : النور نورج
مثايل شفيييج شكلجج ممستحيه هههههههههههه
شوق : جب جب .... >> ( وهي شاكه ) منو الي فتح عني الباب شكله طررر
مثايل : هاا هاا اشوفه عيبج تبينه؟ ههههههههههههههههههههههه ها اخخوي رشود
شوق : ححلااااته
( وشوي يقطع كلامهم صوت الجرس >> طبعاا رشود عرف انه بتكون وحده من ربع مثايل فراح يبي يفتح الباب الا تنطله مثايل )
مثايل : رششود قرر مكااانك هاي ربيعتي عبوود روح افتح الباب
رشود : خربتي علي مالت ع ويهج >> تعاالي بقولج شي
مثايل : انقلع بس >> شتبي ؟
رشود : منو الي يات اول وحده
مثايل : وانت شتبي فيها !
رشود : بسرعه قووولي
مثايل : هذي شوق
رشود : اها
( راح عبود فتح الباب )
البنت : هلاا عببود شحالك
عبود : اهلين تمام > ربعج فالميلس
البنت : دووم > اوك
( راح عبود وصلها الميلس ورشود حضرته يطالع من دريشه الصاله )
مثايل و شوق : هلاااااا مشاعل نوتي
مشاعل : اهليين حبيبااتي ادري اني منووره هع
شوق : موولت بس
( قبل مايتعشو البنات راحو دقو ع جواهر لنها مايات وقالت انها ماحصلت حد يوصلها و مابتي وبعدين راحو يتعشى و قعدو مع بعض > وشوق طول الوقت مشغول تفكيرها باخو رشود اخو مثايل ووايد كانت تسرح )
_________________________________________
يا تراا شو راح يصير مع مهره وفطوم ؟؟
وشو بيصير مع شوق و راشد ؟؟
كل ها بتعرفونه فالبارت الرابع > ترقبوني j