|
روووووووووووووووووووووووووووووووووووووووووووووعه مشكووووره عالبارت ونزلي البارت الخامس باسرع وقت :) |
الصراحه روووووووووووووووووووووووووعه وتسلمييييييين مردود كحالي ع الجزء الخامس ونتريا منج االفصل الثاني وبسررررررررعه تحياتي لج ((عـــــــــــــــسلسل )) |
[align=center]مرحبا الغاليات منوراات في ذمتيه ان شاء الله قريب بنزله تسلملي هالطله ^^[/align] |
يسلموو ع القصه ونتريا البارت |
مرحبا بالجميع الجزء الخامس الفصل الثاني .. راشد يدق ع وديمه وديمه غالقه تليفونها .. وديمه فحجرتها وقافله الباب عليها .. ام وديمه : وديمه فتحي الباب يابنيتي انتي من البارحه ماكلتي شي . وديمه : ما ابغي شي .. ام وديمه : حرام عليج رحمي عمرج . وديمه : زين زين . وديمه فخاطرها :آآآه يارشد ,,, مش انا اللي يعذبوني انا اقوى واذا هو قالي بعدي خلاص كلن بدربه وانا ماعاد حد يهمني وخلني اعيش حيااتي .... بس هذا.... رااااشــــد دوا جرووحـــــــي .. راشد فخاطره : بلاها غالقه تليفونها ؟؟ ماتبغي ترمسيني اكــــيد .. احبك مستحيل انساك لا تجبرني انا انساك بالقوه عشقتك والعشق هلاك لاتذبحني تعال واكسر الخطوه انا ماقدر على فرقاك ولاظني بدونك دنيتي حلوه موزه ترمس شجون بالتيلفون : شجون : انتي شو بغيتي مني توني يايه من عندج ماوحالج تشتاقيلي ؟؟ موزه : مالت على هالويه انا اشتاقلج !!! داقه اقولج شي وبقلب ويهي. شجون :يالله خلصينا ورانا مشاغل عبالج فاضين لج . موزه :ماعليه خلني اشوفج اذا ماقرصتج يالعنز ماعليه سمعي باكر بنروح منتزه خليفه بتين والا؟؟ شجون : امم بفكر وبشوف جدول اعمالي اذا لقيت عندي بريك بييج . موزه : عدااااااال ياسيدة الاعمال . شجون : هيه شو عبالج انتي نحن ناس بزي دووم . موزه : عيل ما بنزعج ولا تيين احسن بسير مع ربيعاتي . شجون : طع هاي اونها زعلت خلاص ولا يهمج يابنت عمي بناخذ باكر اجازه عسب خاطرج . موزه :والله هاي مصدقه عمرهاا واييد يالله قلبي ويهج وفارقينا . شجون تضحك : فديت المعصب انا والله اوكيه باكر بنتلاقى يالله فمان الله . موزه : ببباي . موزه فخاطرها : اخ اليوم حسيته طويييل بسير ارقد ,,, حطت راسها وعيونها عتليفونها تتريا مسج يقولها تصبحين ع خير ... تتطالع تليفونها لين ما غمضت عيونها ورقدت . حمد يالس يطالع فلم ومندمج فيه دق تليفونه .. راشد : الــوه مرحبا . حمد : اهلين .. راشد : حمد غالقه تليفونها . حمد : مصيرها بترد تفتحه انته حاول ,, انزين طرشلها مسج يالذكي خلها تحس انك مهتم لامرهاا . راشد : تقـــول . حمد : هذا رايي . راشد : انزين عيل برايك . حمد : قطعت عليه الفلم يالله مع السلامه . راشد : احسن يالله اقلب ويهك وكمل فلمك يا بش مهندس حمد يضحك : صدق لايق عليه اقول مهندس ؟؟ راشد : والله انك مسكين انته ويه مهندس // كنت اذكرت بموزه وبس . حمد : ادري يالله اقلب ويهك باي. راشد يضحك :فمان الله .. حمد في خاطره : كيف نسيتها اكيد احينه رقدت اف كله من هالفلم يالله خليها احسن اللي سوته فيه مش شويه مـــــــلــــــح فشاي وين استوت مادري ؟؟!! اجراام من الخاطر. ............................ ام مهره : ويـــن رحتوا ؟؟ مهره: هذا اخوج عورلي رااسي يلس يفر السياره لين ما عورني راسي . ام مهره : ياحليله سيف . مهره : قالي باكر بيوديني بوظبي . ام مهره : بـــــوظبي ,, ليش عاد ؟؟ مهره : بنغير جو شوي ,وانا فخاطري اروحها ؟ ام مهره :وسيف طبعا مايرد طلب لمهره ,, بس ماااشي بوظبي . مهره :ليييييييييش؟؟؟؟؟ ام مهره : شو ضاعلج فبوظبي ؟؟ مهره : والله فخاطري اروحها . ام مهره :مشكلتج تربيتي ع الدلع بس هالمره بخليج . مهره : فديييييج رووحج يامايه ادري فيج هالمره وكل مره . ام مهره : بنشوووف يالله سيري حطي راسج . مهره : ان شاء الله تصبحين ع خير يااحلى ام بالدنيا . ام مهره :وانتي من هل الخير .. مهره راحت حجرتها بدلت ثيابها وحطت راسها : اقوله اني يايه بوظبي والا ما اقوله ؟؟ // مابقوله ذيك المره شو استوى من بيناا دامي مابقوله ليش اروح بوظبي .. بدقه وبشوف .. مهره : السلام عليكم . حمدان : وعليكم السلام والرحمه // هلا والله . مهره : اسمحلي مارديت عليك لاني كنت مع سيف . حمدان : اها عيل مسمووحه ,, صح انا ماقتلج اني اغار من سيف . مهره تضحك : تغار من خالي . حمدان : واغار من امج بعد . مهره : فديت رووحك انا والله ,, حمدان . حمدان : عيون حمدان .. امـــري فديتج . مهره : باكر بروح انا وسيف بوظبي . حمدان ساكت . مهره : حمدان . حمدان : شو تبغيني اقولج ما ابغي اعيد السالفه . مهره : والله اني ضاايقه . حمدان : بلاااج !!! مهره بدات تصيح وبغصه : ضآآآيقه . حمدان : بسم الله عليج مهآآآري شو فيج . مهره ساكته تمسح دموعها . حمدان : مهره حبيبتي شو فيج طلعي اللي فخاطرج انا اسمعج ؟؟ مهره : احلم ابويه زعلان مني لاني ... حمدان :لانج شووو؟؟ مهره : لاني اكلمك .. حمدان ساكت .. مهره : دومي افكر فهلي بامي لودرت شو بتسوي والله ما ابغي انزل راسهم القااع . حمدان ساكت .. مهره : حمدان لاتم ساكت قول شي ؟ حمدان : شو تبغيني اقولج ,, على كثر ماكبرتي بعيني لانج قلتي هاي الرمسه ع كثر ما عورني قلبي ما اقدر ابعد عنج وانتي ادرى . مهره : وانا اموت اهونلي على اني ابعد عنك ,,, بس اسمحلي ياغلى البشر ما اقدر استمر معااك اكثر . حمدان عصب : مــــــهره .. مهره ساكته .. حمدان: سمعي انا ماودي اسمعج شي يغثج بسكر وبهدى وبدقلج . مهره بحزن: لا هذا اخر اتصال // اذا عندك شي قوله لاني مابرد على اتصالاتك ويمكن اغير رقمي . حمدان مصدووم : عيل مع السلامه . مهره : حمدان . حمدان : شو بغيتي ؟؟ مهره : احـــــــــــــــبك ..و سكرت الخط . يلست تصييييح من الخاطر وغلقت تليفونها ... حمدان مصدووم من المكاله مصدووم من رمسه مهره: شو السالفه ؟؟ اول مره تقول احبك اول مره اسمعها من شفايفهاا,, ياويلي حسيتها من قلبها ,, بس هاي اخر مره تقولي فيها ,,,,,,,, لــــــــيش ؟؟؟؟؟؟؟؟؟؟!!!!!! // اخر مكالمه كيف يعني ؟؟ شو تقصد لا مستحيييل مهره تمزح معايه ,, يدقلها تليفونها مغلق .. بلاها شكلها بترقد ,, بطرشلها مسج ان هالمقلب مش حلو ومآآصخ .. حمدان من الصدمه ماصدق اللي سمعه من مهره ..وواثق انه مقلب من مقالبها .. .......... راشد: بحاول اخر مره ادقها وان كان مغلق خلاص بسير احاول ارقد ,, دق على وديمه وهالمره يدق تليفونهاا .. وديمه :توني فتحته ياربي راشد شو بغيت تقول اكثر من اللي قلته ,, ارد ؟؟؟ لا مابرد ما اقدر اسمع اكثر من اللي سمعته .. راشد : انا قلت مابترد عليه لكن بحرق تيلفونج لين ما تردين ,, رد يدق من اول دقه وديمه ردت عليه : راشد : الــــــــوه وديمه ساكته .. راشد :وديـــــمه . وديمه : شو تبغي تقول اكثر من اللي قلته ؟؟ راشد : ابغيج انتي ترمسين .. وتقولين كل اللي بخاطرج ,, ابغي اسمعج . وديمه بعصبية : ماشي بخاطري. راشد : فديت المعصب ,, والله ماشي بخاطرج. وديمه ساكته . راشد : شفتي ,, يقولون السكوت علامة الرضا يالله رمسي عااد . وديمه بعتب: انته قتلي بعدي وسمعتني ذيك الرمسه ,, ليييش ياراشد داق احينه ؟؟ راشد : لانج ماتهوني عليه وكنت معصب ذاك الوقت تصدقين اني مش عارف شو قتلج . وديمه : صح صدقت . راشد : صدق كنت معصب ومادري شو قتلج بالضبظ . وديمه ساكته .. راشد : وديـــــــــمه .. وديمه : امرنــــي .. راشد : هيه هاي وديمه اللي اعرفها وربـــي اشتقت لج ,, // حتى سكوتج حلو .. وديمه : راشد انا بسكر احينه . راشد : وين تو الناس ماقلتي شي ادري ليش بتسكرين خلااص مابقول شي ,, يالله انا بسكت وانتي قولي اللي عندج . وديمه : ماعندي شي اوقوله . راشد : اكـــــــــــيد ؟؟!!! وديمه بتردد : عندي والله عندي ابغي اقولك .. وسكتت . راشد : اسمعج انا كملي .. وديمه : لا ماشي ماشي .... راشد يضحك : فديت اللي يستحي انا والله ودوومــــــه .. وديمه : من زمان ماسمعت هالاسم . راشد : تراج انتي اللي حرمتي عمرج من سماعه وانا الين احين ماني باعرف السبب . وديمه تاخذ نفس عميق : بقولك شي ,, بس ما بتصدقني .. ويمكن تزعل مني . راشد : بصدقج وان شاء الله مابزعل . ويمه ساكته ,, راشد فخاطرها : ادري شو بتقولين آآه مابقول الا الله يرحم ذيك الايام ويرحمني من بعدج.. وديمه : انا بعد مش عارفه شو السبب .. راشد: شووووووو ؟؟ وديمه : قتلك مابتصدقني .. راشد : مادري بس هذا كله ,, يعني اللي سويتيه كله وانتي مش عارفه لييش ؟// عيل منوه يعرف ؟؟ وديمه : راشد انا قلت الصدق وانته قلت بتصدقني مافي داعي .. يقاطعها راشد : انا ادري ليش ,, بذمتج مكاني شراته والا تغير ؟؟ وديمه : كيف هاي بعد ؟؟ راشد : يعني يابنت عمي ما تحبيني صح ؟؟ وديمه منصدمه بالسوال : هـــذا سوال ؟؟ راشد : بس بغيت منج اجابة هالسوال وبعدين اللي بغيته بسويه . وديمه : راشد . راشد بدا يعصب : لا تقولين راشد قولي هيه والا لا . وديمه ساكته وتفكر .. وديمه : هيه والله وباااااااااي..// تسكر الخط . راشد منصدم :بعد تحلف ,,, الله يالدنياا ,, مـــــــاعاد فيج خير دام وديمه اعز الناس وديمه اللي بلاها الروح ماتعيش خلتني لا وبعد حلفت انها ماتحبني ,, الموت اهون ياوديمه,, انا ماسمعت منج احبك سمعت مااحبك ,, لا وبعد تاكدلي عيل كل هالسينين ماكانت تحبني تجاملني واحين مليتي // دمعة راشد نزلت من عيونه . تامل شوف جرحي بك يصيح ينادي فيك لاحضات الهيام يجيك وانته عن نبضه تشيح هداك الورد واهديته سهام وديمه فخاطرها : انا ليش قتله ياربي احينه شو بيقول عني ,, مابيقول شي اصلن هو اللي يبغي يعرف ,,, يـــــــآآآويل .. ........................ واليوم الثاني .. موزه نشت وشافت تليفونها : غريبه !!! نزلت تحت عند اهلها .. اما راشد مارقد فذيك الليله وده يصآآآرخ بس وين اللي يسمعه وده يكسر البيت باللي فيه بس محد يستاهل كل هذا .. و مهره اللي دموعها مافارقتها وكل دمه تنزل من عيونها تقول احبك ياحمدان ,, وهذا النصيب بس يالغالي الين هني وبس والحمدالله اني ماطرشتله صورتي ,, سااامحني دخيلك .. اوووه انا نسيت سيف اكيد بيدق ,, مالي بارض اروح والله اتعذب اكثر بعد السالفه فيها بوظبي ,, بفتح تليفوني بقوله ياجلها وقت ثاني // اول مافتحت تليفونها وصلها مسجات حمدان نقول : حبيبتي ادري انه مقلب بس ما حبيته .. وثاني يقول فيه : بسج دلع حشى حرقت تيلفونج ويعطيني مغلق .. مهره من قرت المسجات ردت تصيح .. حمدان وصله التقرير بسرعه دق عليها ومهره ردت بدون ماتحس وهي تبطل المسج الثاني . حمدان يسمعها تصيح وتقول : حراام عليك ياحمدان والله اني احبك لا تعذيني افهمني دخيلك افهمني .. حمدان : الوه مهره مهره تصيح عقب انتبهت للمكالمه خافت وسكتت ع بالها سيف اللي داق . مهره : ا .. لوه حمدان : مهره مهره من سمعت صوت حمدان فرحت : والله ماقدر دخيلك ارحمني ارحمني . حمدان : مهره لاتصيحين خلاص اذا تبغين ابعد عنج ببعد ولاتسوين بعمرج كل هذا والله ماتهونين عليه . مهره :دخيلك ساعدني . حمدان عوره قلبه : خلاص لج اللي بغيتيه يالله فمان الله يالغاليه . مهره ساكته .. حمدان : يالله انا بسكر بس بقول كلمتين وسمعيهن عدل ( احبج واموت فهواج وباقي عالعهد وافي ومتى مابغيتيني انا موجود وبترياج ومابغير رقمي ). مهره من سمعت رمسة حمدان بدت تصيح .. حمدان : دخيلج لاتصييحين كيف بسكر احينه . مهره ترمس وتشهق : خلااص .. ماابصيييح ... يالله سكر . حمدان : مهره ديري بالج عمرج وفمان الله يالغاليه . مهره : وانته بعد لا تنساني وسكرت الخط . حمدان فخاطره : لــــــيش ؟؟؟!!! يامهره بعد تقوليلي لاتنساني !!! والله كان خاطري تقوللي انها مقلب وتسمعيني مرة ثانيه احبك .. كيف دنيتي بلااج . بريحك مني خلاص واغيب عن عينك .. مدام هاذي رغبتك لازم احققها وبطلبك اخر طلب الله لا يهينك .. قولي احبك حبيبي خاطري اسمعها.. راشد يتصل بحمد : حمد راقد ..نش من صوت تليفونه . حمد : الـــوه راشد :الوه حمد : اهلين راشد بلااك داق هالوقت . راشد : كنت راقد ؟؟ حمد : هيه كنت . راشد : عيل كمل رقادك يالله . حمد مستغرب : اكمل رقادي,, خلاص نشيت ياولد الحلال بلاااك؟ راشد : حمد .. حمد : هلا راشد بلاك ؟ راشد : ياخوك مالي غيرك اشكيله والله احس صدري بنفجر . حمد : عوونك ,, قول شو فيك ؟؟ راشد :لا ماينفع فالتيلفون . حمد : عيل بييك احينه . راشد : لا خلك انا بيك . حمد: عيل اترياك // يالله شوي شوي فالدرب . راشد : اوكيه باي . ..................... سيف يدق لمهره : الوه صباح النووم مهره تحاول ماتبين لسيف انها كانت تصيح : اهلين صباح النور. سيف: هاي اللي تبغي تسير بوظبي وغالقه تليفونها قولي مسا الخير ياروح امج .. مهره تحاول تقلب السالفه: او تصدق من القهر غلقته . سيف : أي قهر؟؟؟ مهره : البارحه بعد مايت قلت لامي اني بسير اليوم بوظبي قالتلي لا حاولت معاها ماطاعت غلقت التليفون . سيف : ليش امج مش طايعه ؟؟ مهره : مادري بس خلاص مابروح مابكسر كلامها . سيف : شو رايج هالمره انا اللي بخاطري وامج انا بكلمها . مهره : لا لا تقولها خلاص سيف خليها مره ثانيه . سيف : اليوم يعني اليوم ضربت فراسي ويالله تلبسي بعد شوي بكون عندج . مهره : سيف .. يقاطعها سيف : سمعي خلصينا وقلبي ويهج . مهره :انزين ,, باي . مهره بخاطرها : والله مالي بارض ياسيف اف عيوني منتفخه شو بقوله ,, امري لله بقوم وبسبح وبتلبس وبحاول انســــــــى ... لحظة وداعك صعبه بالحيل صعبه وانا اللي ابي قربك وابي قلبك وابي بدنيتي تبقى معي تبقىنسيت اني اعشقك ولابنسى اني بفقدك نهاية الجزء الخامس تعليقاتكم |
جنااااااااااااااااااااان الباررررت نتريه التكمله حبوبه |
يسلمووووووووو الصراحه روووووووووووووعه ونتريا الجزء الســــــــــادس ولا أقولج الأخير أحسن هههههههه سلمت يمناج ختيه |
يسلمووو نتريا البارتـ السادس ^___^ |
ثانكس على البارت الحلو ونتريا التكمله من جداج |
[align=center]سلمووو جميع ع المرور منورين وان شاء الله عن قريب ^^[/align] |
رووووووووووووووووووووووووووعه ؛؛ بانتظار التكمله ؛؛:) |
الجزء السادس الفصل الاول لحظة وداعك صعبه بالحيل صعبه وانا اللي ابي قربك وابي قلبك وابي بدنيتي تبقى معي تبقىنسيت اني اعشقك ولابنسى اني بفقدك راشد ظهره من حجرته وتوه بيطلع من البيت شافته امه . ام راشد :راشد وين ياولدي تريق. راشد :ما ابغي شي يالله انا بظهر . ام راشد : شوي شوي فالدرب .. راشد وصل بيت حمد ودقله ينزل ورحوا رباعه .. حمد : مرحبا . راشد :اهلين . حمد: ماشاء الله عليك انت متريق ؟؟ راشد : مالي بارض ,, وحياتك مالي بارض فالحياه كلها . حمد : راشد بلاااك خوفتني عليك ؟؟ راشد :تقولي دقلها دقيتلها لو تدري شو قالتلي ياحمد لو تدري ما بتلومني .. حمد :دريت ان السالفه فيها وديمه .. شو قالتلك ؟؟ راشد :لا والقهر انها تحلف . حمد :انزين شوقالت ؟؟ راشد : تخيل انته بس تخيل مااحبك قالتها ياحمد وانا اللي كنت ابغي اسمع الكلمه اللي عكسها والبارحه اكلمها ولا كانها سوت فيه شي كنت رايق حتى طلع مني كلام حلو ,, لا عاتبتها ولاصارخت عليها كنت بس اقولها قولي كل اللي بخاطرج ,, وقالت وليتها ماقالت .. حمد مستغرب من رمسة راشد : معقوله راشد انته متاكد من اللي سمعته قالتها بالحرف ؟؟ راشد :متاكد الا واثق من اللي سمعته .. سالتها وقتلها انت ماتحبيني صح ؟ // ردت عليه وقالت هيه والله وسكرت الخط بعد . حمد :والله ماعرف شو اقوك عورت قلبي .. راشد : تخيل هالسنين كلها وهي ماتحبني والله قهر . حمد: شو دراك ؟؟ // حاسب يارشد سوق عدل . راشد : واضحه بعد كانت تجاملني واحين حضرة جنابها ملت . حمد :ماظني هي صح تصرفاتها في اخر فتره تغيرت ع قولتك بس ماظني تكون ماحبتك . راشد : خلااص برايها . حمد : وبهالسهوله يارشد دقلها . راشد :ادقلها لاو الله مابدقلها خلاص انتهى اللي بينا اذا كان في شي اصلن . حمد : ماعندي شي اقوله غير الله يصبرك . راشد :ويصبر الجميع // احين ارتحت طلعت اللي بخاطري من البارحه ماقدرت ارقد آآآه يالقهر . حمد : كنت بتدقلي البارحه . راشد :مابغيت اوعيك من رقادك فعز الليل . حمد : راشد أي وقت بغيتي انا موجود فعز الليل وفصبح مووجود . راشد : تسلم ياخوي روحي . ............... سيف دخل البيت ويلس فالصاله شافته ام مهره سلم عليها: اهلين بسيف سيف: هلا بج // وينها مهره ؟؟ ام مهره : فوق تتلبس . سيف : وهاي ساعه لين تتلبس ؟؟ ام مهره : تغدوا عقب ظهروا . سيف : لابنتغدى فالدرب. ام مهره : وليييش فالدرب ماشي تغدوا عقب ظهروا . سيف: حااضرين ,, تامرين امر . ام مهره : دامني أامر امر لا توديها بوظبي . سيف :ليش ؟؟ ام مهره : عندك العين ويامحلاها شو ضاع لكم فبوظبي؟؟ سيف : فخاطرها البنت وبعدين بنتج مع عمها لاتخافين عليها والا طايح من عينج . ام مهره : حشى من قال وبعدين لاتنسى اني اكبر عندك وشرات امك . سيف : ما بنسى يامي وانتي لاتنسانين اني مش ياهل . مهره تدخل عليهم : مرحبا . ام مهره : اهلين ..................... راشد : حمد وين اقرب بيتنا والا بيتكم ؟؟ حمد : طبعا بيتكم . راشد : عيل مافيه اسير لين بيتكم ابغي احط راسي وارقد من البارحه مش راقد . حمد : يعني ؟؟ راشد : يعني خذ لك تكسي ورد بيتكم لاني مسطل . حمد : والله انك صدق نذل قول تعال بيتنا وصلني وشل السياره تنبلع تكسي مره وحده!!! راشد يضحك : حمد مافيها شي شو بلاه التكسي ؟؟ ولا ماينزل مستواك . حمد : مش منك يالله وقف باخذلي تكسي . راشد ناقع ضحك : بذمتك انته بخليك تاخذ تكسي . حمد : مادري عنك يالمسطل . راشد : والله ضحكتني من زمان ماضحكت هاي الضحكه . حمد : عحسابي بس معذور دامك مسطل وعساها ضحكه مديمه يارب. راشد : انا صدق مسطل ومافيني اسير بيتكم يالله تعال سوق وووصلني الببت . حمد : هاي الرمسه . راشد : والله انك تحفه يابخت موزه فيك . حمد فخاطره : بعد اليوم نسيتها وراشد يذكرني فيها كله من الملح . راشد : مشكله بعض الناس كل ماطرينالهم موزه صخووا . حمد : بقولك شي بس يتم بيناا . راشد : مابغيت تقول ,, قول ياطويل العمر وسرك فبير . حمد : تذكر يوم يابتلي الشاي البارحه فبيتهم . راشد : انزين .. حمد: حطت نص الكوب ملح فيه وانا شربته كله عناد فيها . راشد بيمووت ضحك عليه : مـــــلح وانته شربته ,, وانا اشوف البنت بلاها تضحك وانته تقولها صبيلي من الدله بذوق هالشاي وهي تضحك ,,, ههههههههه. حمد : اضحك ياعمي من حقك . راشد : والله انكم فنانين يوم تعرسون شو بتسوين ؟؟ ويضحك . حمد : اضحك وانسى همك الدنيا حلوه . حمد وصل راشد ورد بيتهم بسيارة راشد . ...................... سيف ومهره فالسياره . مهره : انته قلت لامي شي ؟؟ سيف :لا لييش ؟ مهره :لا بس كنت اسال . سيف :بلااهن عيونج منتفخات ؟؟ مهره : هاا مابلاهن شي من قعدة الصبح البارحه مارقدت اقصد ماياني رقاد تقريبا رقدت الفجر ووعيت الصبح اكيد بتتورم العيون . سيف يضحك: عفكره اني ماتعرفين تكذبين وما وعيتي الصبح قولي بلااهن ؟؟ مهره : قلتلك من السهر . سيف : بذمتج ماصحتي ؟؟ مهره : اصيح ليش ان شاء الله ؟؟ سيف : مهآآري فديت روحج يوم تشتاقين لابوج ادعيله لا تيلسين تصيحين . مهره :هــاا وانته شو دراك ,, اكيد اختك قالتلك ؟ سيف : احترم شعورج بس غريبه انتي ماعشتي مع ابوج عسب تصيحين وتشتاقيله انا اللي اعرفه انه ابوج متوفي قبل لا تولدين شو سبب الصياح مادري. مهره فخاطرها :محد بكشفني غيرك .. سيف :ليش ساكته احينه والا بتصيحين لو بتصيحين بردج عند امج . مهره :لا مابصيح ولا شي صح كلامك ,, بس من عقب ماشفت الصور اشتقتله بس لا اكثر. سيف : ايواا .. .............................. موزه يالسه عند التيلفزيون ياها خالد . موزه : حيااااك // بلااكم عصب ؟؟ خالد : اهلج الحلوين كل مايلست عندهم طروا سالفة العرس . موزه : ياحليك وانتي مالك خاطر بالعرس والا؟؟ خالد : موزه انا رحت من عندهم ,, لا تخليني اقوم من عندج ؟؟ موزه : لا فديتك خلاص ولا عاد بنطري هالسالفه وبرمس امايه بعد ماتطريها . خالد :تسوين فيه خير والله . موزه : فديتك . خالد :انزين شو يديدكم اليوم ؟؟ موزه : ماشي والله بس من فتره ماظهرنا من كيف مابدا الدوامات تقدر تقول ,, واليوم رمست البنات عسب نظهر . خالد : وييين ؟؟؟؟ موزه : فخاطري اشوف منتزه خليفه . خالد : منتزه خليفه مختلط سيرن مكان ثاني ؟ موزه : امم كلنا بنات ويمكن عموه فاطمه تيء ويانا بعدين فخاطري اسيره والبنات خربني انه ماشي شباب واايد . خالد يتطالعها : بس هالمره لانه بخاطرج وعموه ويااكن . موزه :فديت روحك. خالد : كل يوم تعالي . موزه تضحك : ان شاء الله // وانته طبعا اللي بتودينا صح ؟ خالد : من قال؟؟!! موزه : خــــــــــالد بليييييييز . خالد : مينونه انتي تبغيني اخطف للكل واييبهن المنتزه ,, لا موزه :دخييلك . خالد : اف امرنا لله بس الرده خل حد غيري . موزه : ماعليك من الرده بس انت ودينا . خالد : دامي بخطف للجميع سيري انتي واختج وتلبسن وخلصوني . موزه : تامر امر . .................. العم فاطمه ( ام راشد ) وروضه وسلطان ياسات عند التلفزيون .. سلطان : وينه راشد اليوم ماشفته وسياراته مش موجوده ؟؟؟ ام راشد : طلع من الصبح عقب رد وراح يرقد ومادري عند سيارته . سلطان : ايواا اكيد كالعاده في مصفح . ام راشد : حشى وكل سياره لازم تسولها ختم فمصفح . سلطان يضحك :رمسي ولدج الموقر . روضه : بروح اتلبس .. سلطان : وين العزم ان شاء الله . روضه : بنروح منتزه خليفه وامايه بتروح معانا . سلطان : دام الوالده بتروح معاكن ,, ماشي خوف . ام راشد : شو نسويبهن بعد قالوا تعالي معنا وماحبيت اردهن . سلطان :ياحليلج بس يامايه لا تخليهن يلعبونج معهن . ام راشد : انته حق هالسوالف جاهز . ............... ام حمد : ماشي روحه . شجون : دخيلج يامايه كلهن بيسيرن غيري,, ليش يعني ؟؟ ام حمد : قلت ماشي يعني ماشي . شجون: وليييش ؟؟ ام حمد : شجون سمعي الرمسه .. شجون : دخيلج بس هالمره . بو حمد دخل عليهم : بلاج انتي ؟؟ ام حمد : تبغي تسير الحديقه . بوحمد : ومن بيسري معاج ؟ شجون: عموه فاطمه وموزه وريم وروضه . بوحمد يتطالع ام حمد : خليها تروح دام الكل بيروح . شجون : عآآآش ابويه // امايه اروح والا؟؟ ام حمد : ابوج قال كلمته خلاص روحي بس لا تتاخرون . شجون : فديتج ,, ان شاء الله مابنتاخر . .................. سيف : وهاي بوظبي وين بالضبظ تبغين تروحين ؟؟ مهره : اول شي الكاسر . سيف: صدق بنت العين .. اكيد بتقول البحر وعفكره انتي عكس الناس يخلون اخر شي البحر . مهره :فديتني عيناويه وانا عكس قانونه .. سيف : عقب بوديج مكان واايد حلو . مهره :المارينا ؟ سيف: مسكينه انتي ماتعرفين غير الكاسر والمارينا ,, لا مكان ثاني . مهره :شو نسوي بعد بنت العين . سيف : مهاري سمعي شو تقول ارياام .. ذبحني هواهم قلبي يباهم ماقد نساهم حبايب عيوني وماريد غيره مضنون غيره ولاحد غيره وغيره يهوني مهره هني تذكرت حمدان وفخاطرها : مــــــاريد غيرك ياحمدان ... .............. حمد يالس عند ربعه .. محمد : وين خويك؟؟ حمد : راقد . محمد : احين راااااقد فيه شي ؟؟!!!!! حمد : البارحه سهران ورقد اليوم الصبح . محمد : خييبه ليش عاد. حمد : مادريبه .. محمد : باكر عندكم دوام وهذا قلب رقاده . حمد : ماعليك راشد يسويها يمدها لين باكر. محمد : ما شاء الله عليه . ...................... خالد شل خواته وعمته والبنات ووصلهن المنتزه .. العمه فاطمه : هني بنيلس .. حطوا الحسير . موزه : ان شاء الله عموه .. العمه فاطمه : تاخرت ؟؟ شجون : منوه اللي تاخر عموه ؟؟ العمه فاطمه : جارتي ام عبدالله . شجون : ايوا . العمه فاطمه : اللي هناك هاي هي وصلت ورضه وريم سيرن شلن عن خالتكن الاغراض . روضه : ان شاء الله . العمه فاطمه : يامرحبا يامرحبا حيااج الغاليه قربي . ام عبدالله : الله يحيج ,, قرييب قرييب . العمه فاطمه : ياحلوات احينه روحن وتمشن .. انا وام عبدالله بنيلس هني . موزه : ان شاء الله عمووه . ام عبد الله : ماشاء الله ع بنات خوانج غدن حريم. فاطمه : هيه والله كبرن ,, ونحن عيزنا . ام عبدالله : وين الله يهديج بعدنا شباب .. ريم ورضه راحن عند الالعاب يلعبن . موزه وشجون رباعه .. موزه :احسن ماسوته هالعمه انها عزمت حد يونسها . شجون : هيه والله صدقتي ,, كنت يالسه افكر واقول بتيلس بروحها وبتمل . موزه : وااايد حلو المكان ... شجون : تعالي هالصوب وشوفيه ... .................... مهره يالسه تشوف البحر وتتذكر مكالمة حمدان وتذكر الكلام الحلو اللي يقولها تتذكر الايام الحلوه اللي عاشتها معاه : صح اني بس متواصله معاك بالتيلفون بس رووحي عندك اه ياحمدان هذا يومنا الاول وهذا اليوم الاخير اللي رمستك فيه ياويلي عليك بوظبي حلوه لانك عايش فيها واحب بوظبي لانك عايش فيها كيف بقدر انساك كييف روحي عندك والله احبك يـــاولي عليك يالغالي الله يصبرني .. واللي يبدا بالغلط يبقى غلط حبي لك لا شك اهو اكبر غلط.. سيف : مهآآآري بس يسدج من مقابل البحر يالله . مهره : خلني ايلس شوي بعد . سيف : يالله ,, يالله خلاص . مهره : اف انزين يالله قمنا . سيف ومهره ركبوا السياره . سيف : قلنا بنت العين بس عاد مش تلزقين فالبحر . مهره : يااحلات البحر // احينه وين ؟؟ سيف : احينه ياطويلة العمر امم في منتزه فتحووه واايد حلو يقولون شورايج نسيره ؟؟ مهره : يقولون ؟؟؟ !!! / هيييه تقصد منتزه خليفه . سيف: هيه هذا اللي اقصده ليش سمعتي عنه ؟؟ مهره : وحده من ربيعاتي راحته وتقول حلو . سيف : عيل بنروحه. مهره : بس البحر احلى ,, وبالطرف الثاني .. حمدان يالس بروحه كالعاده وبخاطره : آآه يامهاري اليوم انتي بوظبي تذكر يوم كانت تراضيه : ياويلي محلى كلامج " يحق لك تزعل وانا طول عمري براضيك " آآه الروح عندج يالغاليه ... وكلمة احبك عكثر مابغيت اسمعها منج كرهتا قلتيها ورحتي عني قلتيها وخلتيني معاها بس وربي حلوه من شفاتج شو هالدنيا كيف بعيش دون مااسمع صوتج؟؟؟؟؟ الله كريـــــــــم. هاذي ورده فالهوى هاذي جروحي عطني روحـــــــي سيــــــدي او خذها روحــــــــك .................. حمد يالس مع ربعه ياها اتصال من خالد . حمد : الــوه خالد : الوه السلام عليكم , حمد : وعليكم السلام مرحبا خالد حيااك . خالد : يامرحبا الساع // اخبارك ؟؟ حمد : بخير ربي يعافيك ومن صوبك بعد دبة الماي ويضحك. خالد : آآه لا تذكرني وينه عدنان عندك ؟؟ حمد: لا مش عندي فالبيت .. خالد : أيــوا ,, انزين اقولك مشغول اليوم ؟؟ حمد : لامش مشغول ,, بغيت شي؟؟ خالد : تسوي فيه معروف لو تردهن من المنتزه . حمد: منوه؟؟ خالد : عمتك فاطمه والبنات معاها . حمد : اوكيه خلاص تم . خالد : تسلم ياولد العم والله تنفع في المهمات الصعبه خاصة في التوصيل ,, عندي راي لك تستوي دريول وتستفيد من ورا هالشغله . حمد : هذا جزاي ياجازووره مالت على ويهك يالمعفن . خالد يضحك : امزح ويااك يالدب // يالله احين مابطول عليك فمان الله حمد :برايك عيل ومع السلامه . ........................ سيف ومهره وصلوا المنتزه ويلسوا يدورون فيه : مهره : حلو وحلو ,, عااادي لا حلو ولا شي سيف : صدقتي . شافوا ياهل من بعيد يصيح وشكله ضايع عن هله . مهره : حبيبي يصيح ياحليله بنرروح عنده شكله ضايع . سيف : اكيد بيضيع وتلاقين هله البداو اللي ييبيون عيالهم ومايدرون عنم الا يوم يردون البيت يمعون بزرانهم. قربوا من عند الياهل شافوا بنتين يوء عنده ووقفوا قريب منهن . موزه وشجون لقوا هالياهل .. موزه : ليييش يصيح الحلو ؟؟؟ الياهل بعده يصيح . موزه : خلاص بعطيك حلاوه اسكت ,, شو اسمك ؟؟ الياهل : حلااااوه موزه تضحك : سمع حلاوة ونسى اسمه شآآاطر مابيصيح صح احينه بنييبله حلاوه وبنوديه عند ماما . شجون :وين بتلاقن امه انتي بعد . موزه : سكتي عن يصيح الياهل مره ثانيه ,, يآآآويلي والله امووت ع اليهال .. يالله نروح ناخذله حلاوه. سيف ومهره سمعوا رمسة موزه . سيف : يالله تعالي وراهن . مهره : سيف مش وقت حركات احينه . سيف : مهره امشي بشوف شو بتسوي بالياهل . موزه وشجون شلوا الياهل واشتروله حلاوه .. سيف : محلاااها .. مهره : سيف خلي عنك يالله خلاص قطعت البنت بعيونك .. سيف: شوفي مهااري بنسوي اعمارانا ضيعنا ياهل واونه هو وانتي ابغيج تقوليلي خالي سيف وبنروح عندهن عقب بنقول لا مش هو . مهره :لا والله وليش ان شاء الله اقولك خالي سيف . سيف : انتي امشي وسوي اللي قتلج عليه . مهره : والله انك مغااازلجي بس شكلها مش من النوع اللي تعطي الشباب ويه . سيف : يالله امشي عقب قولي خطبتج على المنبر. سيف ومهره قربوا من موزه وشجون والياهل . سيف: هذا رشوود مهره : من الصبح ندورله. موزه وشجون وقفوا .. مهره : السلام عليكم . موزه : وعليكم السلام // ضايع عليكم . مهره تتطالع سيف اللي بعد شويه عنهم وترد تتطالع الياهل . سيف عصب على حركة مهره .. مهره :لا مش هو السموحه وهالياهل ضايع بعد ؟؟ موزه : هيه والله لقيناه يصيح انتوا ضايع لكم ياهل ؟؟ مهره : هيه ضايع رشود . سيف يناظر موزه .. شجون : كم عمره ؟؟ مهره : 4 سنوات . شجون : حراام كيف ضاع عندج ولدج ؟؟ مهره مستغربه وتضحك : أي ولد الله يخليج بعدني ماعرست عسب يكون عندي ياهل؟؟ موزه : شجون بلاج انتي ؟ شجون :انا شو دراني ع بالي انها امه واللي واقف هناك ابوه ويدورون عليه . مهره : هذا خالي سيف . موزه وشجون صدوا صوب سيف وشافوه . سيف شق الويه وابتسم ... مهره : المهم نحن مابنطول عليكم بنسير ندور رشود تشرفنا بمقابلتكن. موزه : الشرف لنا ونحن اذا لقينا ياهل ضايع بنشله وبنيلس هني يعني ان مالقيتوه عرفوه انه عندي . مهره تضحك : اوكيه عيل يالله برايكن مع السلامه . موزه وشجون : مع السلامه .. موزه :ياحليله هالياهل ياكل الحلاوه ولا يخصه باللي حوله ,, وانتي يالديه فضحتينا عند البنيه اونه ضيعتي ولدج . شجون تضحك : عادي مااستوى شي بس كنت ابغي اعرف العلاقه اللي بينهم عبالي ربيعها ,, بس حليو . موزه : من ناحية حليو وايد بس شكله مغروور . ................ مهره : ياربي عليك خليتني اكذب وفشلتني عندهن . سيف : عرفتي ليش قتلج قوليلي خالي عبارلهن اني ريلج ويضحك . مهره : هيه اضحك وي هالويه . سيف : بس حلوه والله ,, صح قالتلج ان مالقيتيه تعالي هني ؟؟ مهره :سيف مابكمل لعبتك خلااص امشي . سيف : مستحيل اطوفها هالبنت . مهره : قلتك هاي شكلها مش اللي تعطي الشاب ويه . سيف : ومن قالج اني ابغي اعطيها ويه لا ياماما تقدرين تقولين البنت دخلت بخاطري روحي تعرفي عليها . مهره : شووووو ,, مينون انت مابسير ,, دخلت بخاطرك كيف هاي بعد ؟؟ سيف : بناخذ لفتين وبنرد وسيري تعرفي عليهن من أي قبايل ؟؟ وشو اسمها؟؟ وين ساكنه؟ يعني كل شي . مهره : صـــــــدق والله لاتقول لحد ياخي . سيف : مهره انا صدق ارمس . مهره : ما بسير لا تحاول . سيف : مهره لاتذليني عاد . مهره : وان سالتني عن الياهل اللي ضيعته ؟ سيف : قوليلها راح مع امه . مهره : ياربي جاهز انته لك شي ,, والله استحي شو بقولهن ؟؟ سيف : دبري عمرج . مهره : سيف لاتحطني فموقف محرج مابروح . سيف : اقولج بتروحين غصبن عنج ,, يالله احين بنرد لهن لا تنسين كل شي عنها . مهره: اف انا شو يابني معااك ,, وصلها مسج قلب كيانهاا: كـــل المشاعر في غيابك حزينه وكـــل البشر في حضرتك مالهم دور من قال ان القـمــــــــــــر شبيهك عمر القمر مافاح من جسمه عطور انت القمر والفرق بينك وبينه نورك طبيعي والقمر مكتسب نور سيف : بلاج احينه ؟؟ مهره : مابلاني شي واللي بغيته بسويه . سيف: تعيبيني . .................................... حمد دق ع اخته شجون .. شجون : اهلين . حمد :ياهلا وينــــج؟؟ شجون : وين بعد فالمنتزه .. حمد : ايوا ,, انتي ومنوه ؟؟ شجون : عمووه فاطمه وبنتها وموزه وريم . حمد : اها ,, انزين يوم تخلصون سويلي . شجون : ليش؟؟!!!! حمد : بعد ليش يالذكيه لاني بردكن. شجون : اهاا خلاص اوكيه . حمد : يالله فارقينا. شجون : بااااي . حمد : بباي وسلمي على اللي عندج . شجون : يبلغ . موزه : بلااه ؟؟ شجون : ماشي يقول هو اللي بيردنا ويسلم . موزه : الله يسلمه .. حمد فخاطره :ثالت يوم ع التوالي بشوفها يااحــــي بوصلهن بسيارة رااشــد .. ............... سيف : مثل ما افهمتج زين . مهره :شووقتلي ؟؟!! سيف : بلااج انتي مستويه خبله . مهره : زين زين . سيف : انا بروح وانتي يوم تخلصين سويلي فون . مهره : شو بيقولن عني دخييييلك مابرووح. سيف : مهره وبعدين معاج ؟؟ مهره : اف منك خلاص يالله فارقني . سيف : اوكيه باي . مهره يت صوب موزه وشجون . مهره : مرحبا . شجون : اهلين . موزه : لقيتي رشوود ؟؟ مهره :هيه لقيته ووديته عند امه ,, والياهل اللي عندكن وينه؟ موزه : يت اخته وشافته وشلته . مهره : زين والله ,, عادي ايلس وياكن ؟؟ شجون :حياااج . مهره : الله يحيج . موزه : ماتعرفنا ع اسمج ؟؟ مهره : مهره وانتن؟ شجون : عاشت الاسامي ,, انا شجون وهاي موزه. مهره : عاشت ايامج ,, خوات؟؟ موزه : بنات عم بس مثل الاخوات واكثر . مهره : الله يخليكن لبعض. موزه : آآمين وانتي مع منوه يايه هنيه؟؟ مهره : انا وخالي سيف يايين من العين . شجون : من العين ,, حي الله هل دار الزين . موزه : عيل الياهل ولد من؟؟!!! مهره : صــح نسيته خالتي وولدها . موزه : اها ماعندج خوات ؟؟ مهره : لا انا وحيدة امي . شجون : يعني شراتي وحيدة امي بس عندي خوان ثنينه. مهره : الله يخلهم لكم . موزه : تدرسين ؟؟ مهره : هيه ادرس ثاني ثاتوي . شجون : شرااتي وموزاني اول سنه تقنيه . .............. وديمه يالسه مع امها وخواتها .. وديمه سرحانه وتفكر : غريبه توقعته يدق اليوم ؟؟ كيييفه اصلن حتى ان دق ماني براده عليه .. فاطمه : ودوووووم .. وديمه : كم مره اقولج قولي وديمه والا لاتناديني . فاطمه :مافرقت ان قلت وديمه والا ودوووم. وديمه :لا فرقت واااايد ,, شو بغيتي ؟ فاطمه : ما عرفت احل الواجب ساعديني فيه . وديمه : هالتيه اشوفه . فاخره : هاي كسلانه انا حليته بروحي . وديمه : فطووم تعلمي من اختج . .......................... راشد نش من رقاده ويلس يتذكر اللي استواله : كنت احلم ,,, ليته كان حلم بس كلمة ياليت ماتبني بيت ,,, آآآه يادنيا وش سويتي فينا ,, ليتني اقدر انسى لا بنسى وبدوس على قلبي من باعك برخيص بيعه بارخص ,, اموت واعرف لييييييش؟؟؟؟؟؟؟؟؟؟؟ ! ياخسرة وقت في حبك قضيته ضاعت احداثه هدر طول الليالي روح انا ماني متحسر بعادك بس عزي من بيرضابك بدالي .. نهاية الفصل الاول شو رايكم بالاحداث.. |
ناااااااااااااااااااااااايس حبوبببببببه انشالله تنزيل البارت السابع باقرب فرصه وتسلم يمناااااااج |
[align=center]ناااااااااايس مرووورج الغاليه وان شاء الله فالكم الطيب^^[/align] |
روعه نتريا التكمله .. |
نتريا التكمله |
هااااياااات الفصل الثاني الجزء السادس.. راشد نش من رقاده ويلس يتذكر اللي استواله : كنت احلم ,,, ليته كان حلم بس كلمة ياليت ماتبني بيت ,,, آآآه يادنيا وش سويتي فينا ,, ليتني اقدر انسى لا بنسى وبدوس على قلبي من باعك برخيص بيعه بارخص ,, اموت واعرف لييييييش؟؟؟؟؟؟؟؟؟؟؟ ! ياخسرة وقت في حبك قضيته ضاعت احداثه هدر طول الليالي روح انا ماني متحسر بعادك بس عزي من بيرضابك بدالي .. نزل راشد ولقى سطان يالس بروحه في الميلس . راشد : ويين العرب؟؟ سلطان : انت اللي وينك حشى مش رقااد عليك . راشد : انا راقد الصبح . سلطان : خيبه وشو يلسك لين الصبح ؟؟ راشد : ماياني رقاااد انزين وينهم؟؟ سلطان : راحوا الحديقه .. راشد : وابوي وينه ؟؟ سلطان : مادري ,, اظني انه رقد . راشد : ايوااا .. سلطان : الا سيارتك وينها؟؟ رااشد: ذكرتني ,, عند حمد . ....................... سيف يالس يدور فالمنتزه بروحه عقب يلس عكرسي ويلس يفكر : بلااني انا انخبلت بس البنت تستاهل عليها جمال عنبوه من الصبح اناظرها وهي ماعبرتني ولو بنظره ههه ضحكوني يوم صدوا اثنينتهن يشوفوني .. يالله بنشوف مهااري شو بتسوي اسميني وهقتها هههه يحليلها .. شاف اليهال يلعبون تذكر " امـــوت باليهال " .. ......................... ام عبدالله : والله ياوخيتي هاي الدنيا وبلاويها . العمة فاطمه (ام راشد ) : الله ياكفينا ان شاء الله ويبعدنا عن بلااويها . ام عبدالله : اللهم آمين . ام راشد : واخبار عبدالله ومرته ؟؟ ام عبد الله : الحمد الله كل نهاية اسبوع ييون عنا ويباتون . ام راشد : زين مايسوون . ام عبدالله : عيل ياخويتي انا بترخص احين . ام راشد : ونحن بعد بنروح بس وينهن البنيات ؟؟ ام عبدالله : دقي لوحده منهن . ام راشد : احين بدق لموزه . ........... شجون : شو تقول عمووه ؟؟ موزه :تقول يالله بنروح . شجون :عيل بدق لحمد . مهره : دامكن بتروحن انا بقلب ويهي . موزه : صبري وين مستعيله لين مايوصل حضر جنابه البش مهندس. شجون : مش على خويه . موزه :دقيله من زينج وزين اخوج احينه . شجون :احلى عنج يالدبه . موزه : انزين مهرة اللي هناك خالج صح يمكن يبغيج . مهره :وين ؟؟ صدت تتطالعه : بشوفه وبرد لكن . موزه : نتريااج . شجون: يقول عند الباب . موزه : اونه ؟؟ شجون : وينها مهره ؟؟ موزه : راحت عند خالها وبترد ,, حبووبه البنت صح ؟؟ شجون: هيه ما شاء الله عليها وترمس وكانج تعرفينها من زمان . موزه :هالنوع اللي على قلبه على لسانه . يت مهره . مهره : عيل انا بترخص فديتكن ورانا درب لين العين . موزه : ونحن بعد بروح لان المهندس عند الباب والله يعينكم ع درب العين . شجون : تشرفنا الغاليه بمعرفتج . مهره : وانا بعد فديتكن ,, وما بنقطع بعض لاني دوم بدقلكن لين ما تقولن مهره فكينا . موزه تضحك : لا فديتج ما بنقولج فكينا .. مهره : اوكيه عيل وداعة الله . موزه وشجون : بحفظ الله . سلمت عليهن وراحت عند سيف... موزه : عيل يالله بنروح عند عمووه قبل لا تدق مره ثانيه . شجون : نسيتي روضه وريم . موزه : هييه نسيتهن يالله نخطفلهن ونروح . ................. سيف ومهره فالسياره .. سيف: انا قتلج سيري تعرفي عليهن ما قتلج انسي ان حد يتريااج تراج نقعتيني .. مهره : احسن تستاهل . سيف: وي ويهج ,, يالله قوليلي ؟؟ مهره : شو اقولك ؟ سيف : لا تستهبلين حضرتج . مهره : اول شي وين بتعشيني ؟؟ سيف: لاتحرقين اعصابي وقولي . مهره : انزين , اسمها موزه محمد خالد الــ .... ,, وتدرس فالتقنيه اول سنه يعني عمرها 19 سنه ,, وعندها ثنين خوان واخت ,, واللي كانت معاها بنت عمها وعندها .. سيف: مايخصني باللي عندها ,, رمسيني عنها ؟؟ مهره : معقوله انت ؟؟ شو تسميه هذا انا واثقه انك مش نذل .. سيف: انتي بلاااج ؟؟ قالت نذل هيه انتي لاتخاافين مابسوي فيها شي . مهره: عيل ليش كل هذا ؟؟ سيف : دخلت بخاطري البنت ويمكن اخطبها .. مهره : شووووووو !!!!!!!!!!!!؟ سيف :اللي سمعتيه وكملي اللي تعرفين عنها . مهره : الصراحه صدمتني معقوله ؟؟؟ سيف: انتي كيف حسيتيها من أي نوع من البنات ؟؟ مهره : ماشاء الله عليها حبوبه و طبعها حلو وماشفت عيب فيها بس هاي اول مقابله يعني ماتعرف المخبي ؟ سيف: مادري انا ارتحت لها واايد . مهره : وانت كلمتها او يلست معاها عسب ترتاحلها هههه والله انك غريب. سيف: انتي خذتي رقمها ؟؟ مهره : خذته بس تحلم والله ما اعطيك اياه . سيف: من قالج اني بغيته ؟؟ عسب تتعرفين عليها اكثر وان شفتيها تناسبني بخطبها . مهره : سيف انت صاحي اكيد ؟؟؟!!!!! سيف: انتي بلااج لا تخافين انا بكامل قواي العقليه . مهره : الصراحه اشك ؟؟ وحلو هاي عيبتني " وان شفتيها تناسبني بخطبها " . سيف : تراج عورتيلي راسي انتي يالله وين تبغيني اعشيج وبعدين بنكمل هاي السالفه . مهره : ع كيفك أي مكان . سيف: بس بغيت اسالج ماسالت شي عني ؟؟ مهره تضحك : للاسف ما يابت طاريك لا تزعل . سيف: حلو هذا المطلوب ومازعلت بالعكس . مهره : قبل كنت اشك انك مش صاحي بس احين واااثقه .. سيف : وانتي شو دراج بشي .. مهره سكتت وتذكرت شي : صح شرات قبيلة حمدان معقوووله تشاابه اسماء شجون وحمد وعندها اخ ثاني بيكوووون ,,,,,,,, مستحييل شجون اخت حمدان معقوله !!!؟؟؟ لا مااصدق معقوله هالصدفه بس بعد شوو بعد مااا .... لا مستحيل ليش ما انتبهت من قبل صدق اني خبله اذا سيف يبغيني اتعرف عليهن اكثر ووده البنيه صدق انا بسعى اكثر وبكمل يـــآآويلي عليك ياحمدان شوف كيف الدنيا صغيره ,, ويمكن تشابه اسماء ؟؟ شو اسوي كيف بتاكد ؟؟ اسال حمدان ,,, شو اقوله ؟؟ مادري احين تفكيري مشوش ومصدومه يوم برد بفكر عرااحتي . سيف : وين وصلتي ؟؟؟؟؟؟؟ مهره : هااا مصدومه معقوله تشوف وحده بالصدفه وتقول بخطبها ؟؟ حب من اول نظره شوو ؟؟ انا مااصدق انه في حد يحب من اول نظره والا شو تقول؟؟؟؟؟ سيف : هو صدق كلامج واانا فكرت واايد مادري شو دفعني وخلاني اسوي اللي سويته بس يالله يمكن ربج كاتب اني اخذها وتكون من نصيبي؟؟ مهره : كل شي جاايز ليش لا ,,بس بيني وبينك البنت تستاهل واايد حلوه . سيف : غيرتي رايج اشوف؟؟ مهره : لزوم اغير رايي ,, ع الله ماتكون مخطوبه . سيف: مخطوبه!!! مهره : مادري بتاكد لك . ...................... وفي سيارة حمد ... حمد : ماشاء الله كلكن هنيه وكيف المنتزه عيبكن؟؟ العمه فاطمه : لاااباس . حمد : انزين اوصل من اول ؟؟ العمه فاطمه : مافرقت .. راشد يتصل بحمد .. حمد : اهلين بالراقد . راشد :شفتني طولت ليش ماوعيتني ؟؟ حمد : قلت خليه يرقد ويريح . راشد : انزين وينك ؟؟ حمد : والله ياي فالدرب اوصل القوم اللي عندي . راشد :أي قوم تقصد اللي راحوا الحديقه . حمد : هييه ليش بغيت شي ؟؟ راشد : وصل امي اخر شي عسب نسير رباعه . حمد : خلاص تم . راشد :عيل برايك . حمد : فمان الله . العمه فاطمه : هذا راشد ؟؟ حمد : هيه عموه بغيتيه ؟؟ العمه : لا مابغيته متى نش؟؟ حمد :يقول احينه . العمه : ايوااا.. حمد كل شوي يتطالع موزه من المنظره ..موزه ترمس مع شجون وعرفت ان حمد يشوفها من المنظره .. وتحاول انها تغيب عن مدى نظره . .................... موزه وريم وصلوا بيتهم ...موزه رايحه حجرتها.. ام خالد : موزه تعشي عقب سيري فوق ؟ موزه : تسلمين يامايه بس مالي بارض بروح ارقد . موزه راحت حجرتها وقفلت الباب عليها : بصلي العشا وبحط راسي باكر تقنيه اف الله يعين. صلت ولبست بجامتها وحطت راسها تفكر : حمد ورااشد قرااب واايد من بعض واكيد حمد بيقول لراشد انه ..... ,,, يعني راشد يعرف انه ,, لااااا مستحيل اصلن حمد متى بدا يحبني ؟؟؟ متى نزل عليه الوحي ؟؟؟ انا طول عمري قدام عيونه متى !!!!! يمكن يحبني من زمان بس انا حسيت فصلاله ... اف صح ان راشد مستحيل ياخذني ,, بس حمد لا شكرا ماااا ابغيه ,, لو كانت في ذره ان راشد ياخذني قبل احينه رااااحت الا اختفت لان حمد ,,,, انا شو الله بلاني بهالسوالف لا راشد ولاحمد ولا غيره ,, آآآآه يالقهر ليش حبيتك ياااراشد يالله ياكريم ارحمني ....البارحه ماطرش مسج واليوم وان شاء الله مايطرش ما ابغي الين واذا طرش بطر اني اوقفه عند حده ... بس شو ذنبه اذا كان يحبني ؟؟؟ ماودي اجرحك واجرح مشاعرك دخييلك ياحمد ابعد عني .. .......................... وديمه مابعدت عن حال مووزه . وديمه : غريبه ما دق ولا طرش مسج .. ولا سوا شي ؟؟؟!!!! انا ليييش قتله لو قتله ما برد على هالسوال احسن,,,بـس رديت عليه يالقهر .. الله يالدنيا الكل يعرف اني قوية مايهزني ريح بس والله لو دروا شو بداخلي .. وخاصتا انت ياراشد لو تدري شو بداخلي بتعذرني ادري عذبتك وااايد معايه ياولد عمي ياللي عمري ما سمعت منك كلمة تزعلني وهمك رضااي ساامحني يالغالي ,, ساامحني. ...................... مهره طول الدرب تفكر: واقوله ,, لا مابدقله شوو اسوي ؟؟ مادري والله محتااره وما اعرف شو اسوي هو قالي ببعد وطرشلي مسج ... والله اني ادمنت حبك ياحمدان اكييييد بتكون شجون اخته وانا بتواصل معاها اكثر وبتاكد وبطور علاقتي معها وااايد وعقب بقوله ع كل شي بس احينه ما بدقله ولا شي .. بس ان شاء الله اقدر . ...................... راشد وصل حمد لبيتهم عسب يرجع السياره . راشد :خلاص باكر نتلاقى . حمد : يالله عيل فمان الله وشوي شوي فالدرب. راشد : ان شاء الله وداعة الرحمن . راشد فالسياره يلس يفكر باللي سوته وديمه فيه : ماعليه ياوديمه بثبتلج اني مش مهتم فيج وبسوي شي بخليج تنكسرين . راشد رد بيتهم ولقى امه يالسه بروحها عند التلفزيون . راشد : الحلوين يالسين بروحهم . ام راشد : اهلين راشد تعشيت ؟؟ راشد يضحك : تسلمين الغاليه ماكل سندويشات . ام راشد : اكل البيت احسن من هالشندوبشات البايته . راشد : المهم انها تدخل البطن ,, عيل وين العرب؟؟ ام راشد : العرب رقوود وانت احرس البيت. راشد يضحك : لا فدتيج يامايه انا بعد برقد بس بغيتج فالسالفه . ام راشد : سولف اسمعك . راشديطالع امه ويقول بكل قوة : اماية ابغيج تخطبيلي . ام راشد : اخطبلك ؟؟؟!!! راشد : هيه تخطبيلي. ام راشد : انته بعدك ما اشتغلت كمل دراسك واشتغل وعقب بخطبلك اللي بغيتها. راشد : انا ما قلت بعرس سيده ,, احينه خطبه مبدئيه لين ما اخلص دراستي واشتغل عقب العرس. ام راشد : وين استوت هااي بعد بتنقع البنيه لين ما تشتغل وتستقر ,, لا فديتك اشتغل عقب. راشد : مافيها شي عادي . ام راشد : لا فيها اصلن محد بيرضى بك لين ما تشتغل ,, وبعدين شو ياب طاري العرس بعدك ياولدي ماكملت العشرين . راشد : خلاص دام السالفه يبالها شغل بخلي الدراسه وبشتغل والسن مش مهم . ام راشد :بلااك انته انخبلت شو بتخلي الدراسه ماشي كمل دراستك ولاااحق ع العرس وانت ماعندك سالفه خلني اروح ارقد احسنلي . راشد : يــــــــــمه بلااااااااااج اقولج خطبيلي تقولي ما عندك سالفه !!!! ام راشد : رووح حط راسك وارقد ورااك نشه من الصبح وخلني اروح ارقد . راشد : احينه بخليج بس باكر ورانا رمسه وبتخطبيلي . ام ارشد : لين باكر خير ويحلها الف حلاال. راشد: اخاف كلام الليل يمحيه النهار , ام راشد تضحك : تصبح ع خير . راشد : اونتي من هله يالغاليه . ..................... وباليوم الثاني ...بالعصر.. مهره ياسه فحجرتها بروحها: اليوم ما بدق لهن شو بيقولن عني بس بطرشلهن مسجات اثنينتهن ..انا ابغي اتقرب لشجون اكثر عسب حمدان بس موزه مابطوفها لسيف تناااسبه واااايد بس كيف !!!؟؟؟ ,,, بروح عند امي .. مهره : هلا امايه. ام مهره : اهلين بلاااج واحس ورااج شي ؟؟ مهره : والله ياطويلة العمر ضاايقه ما احب ايلس فالبيت عودني اخوج الموقر ما ييلسني فالبيت. ام مهره : كلاام يديد شو رايج اتصل به واقوله يظهرج ؟؟ مهره : والله تسوين فيه خير. ام مهره : والله// شو رايج هالمره اقوله يوديج دبي؟؟ مهره :حلووووو. ام مهره معصبه: حلو فعينج ماشي ظهره يالله سيري وقابلي كتبج . مهره تضحك: كنت امزح ابغي اشو ردة فعلج لا تعصبين . ام مهره : عاد مزاحج ثقيل وما حبيته قالت ما احب ايلس فالبيت . مهره : عاد الواحد مايقدر يمزح يعني؟؟ ام مهره : وحد قالج لا تمزحين هاذي انتي تمزحين. مهره : انزين يامايه شو رايج اليوم نسير عند حد من خولي؟؟ ام مهره: ماشي اليوم قعده فالبيت ,, والا تعودتي هاليومين تظهرين وانا ساكته ؟؟ مهره : خلاااااص وياكلمه ردي مكانج وبنثبر فالبيت اليوم ولاتزعلين يالغاليه. ام مهره : عفيه ع الشاطره ويالله قلبي ويهج وسيري درسي الامتحانات قربت صح؟؟ مهره : وين قربت ؟؟ بعدها . ام مهره : عن الخرط وسيري قابلي الكتب احسلج ومن اليوم ماشي ظهره لين عقب الامتحانات . مهره: لااااا ما اقدر ما احب قعدة البيت . ام مهره : لا تحاولين ماشي . مهره: احينه بقلب ويهي وامري لله وعقب ... ام مهره تقاطعها : لا عقب ولا احينه درسي . مهره : ان شاء الله ,, انا شو خلاني اظهر من الحجره ؟؟ .................. اليده : وينها موزه ماقمت اشوفها ؟؟ ريم : فوق فحجرتها بروح بناديها . اليده : لا خليها يمكن تدرس . ريم : انزين يدووه . ام خالد : وانتي ريم ليش ما تدرسين ؟؟ ريم : انا درست وحليت واجباتي . اليده : ريم شاطره بتيب الاول ع البنات كلهن ,, شرات موزه . ريم : لا انا عقب بدخل الجامعه ما بدخل الكليه . اليده : الله يوفقكن ان شاء الله . ....................... ام راشد : راشد البارحه انهينا السالفه . راشد :لا ما انهينا وقلنا اليوم بنكملها . ام راشد :لا تيلس تحن مثل البنات . راشد : انا ما بحن ولا شي ,, قلت اخطبولي ماطلبت شي ثاني . ام راشد : لا حــــــول ,, انت ماينفعلك غير ابوك بقوله وكيفكم . راشد : شو بتقوليله ؟؟ ام راشد : بقوله ولدك جن ووده مستشفى المينانين. راشد يضحك : تعرفين تنكتين // لا صدق شو بتقوليله ؟ ام راشد : بقوله ولدك يبغي يعرس وهو بعده ما كمل دراسته وما اشتغل ,, وبخليه هو يستلمك . راشد : يااااامايه انا قلت خطبه ما ابغي اعرس احينه . ام راشد : شو طرى ع بالك ما ادري دامك ما تبغي تعرس ليش مستعجل؟ راشد : ماشي بس بتخطبيلي؟؟ ام راشد : طبعا لا . راشد : عيل من باكر بوقف دراسه وبدور لي شغل . ام راشد : تهديد يعني ..؟؟؟؟!!!1 راشد : لا والله ما عاش من يهديدج يالغاليه بس انتي قلتي محد بيرضا بك وانت تدرس بشتغل عسب يرضون بيه . ام راشد : لا صدق جنيت انته وبعدين وين بتلاقي شغل ؟؟ احينه اللي عنده شهاده جامعيه يالله يلاقون شغل انت عندك شهادة ثانويه وين بتلاقي ياولدي؟؟ راشد :ماعليج بلاقي . ام راشد : عورتلي راسي بخلي ابوك يكلمك . .................... نهاية الجزء الساادس ترقبواااا |
يزاج الله خيررر ع البارت الحلووو ونتريه الجززء الي بعده حبوبه خاطري اعرف القصه كم بارت بليزز تقوليلييي ويسلمووووووووووو:02::02::02: |
روووعه .. مشكورهـ غلايهـ .. نتريا التكمله .. |
اللهــــ كشخــهــــ غاااااااويهــ القصـهــ تخبلــت عاد انا قريــت كل الاجزاااااء مرهـ وحدهـ ابدااااااااااااااااع منـــج الصراااااحهـ سلــم غالييييج ع القصهـ الغاااااويهــ نتريا التكملهــ احـــر مـــن اليمــر تقبلـــي مرور خويـــج شمـــوخي بكلمتـــــي |
ثانكس ع البارت الحلووووووووووووووو |
[align=center]يسلموو حبيباتي ع المرور والمتاابعه منورااات فرخ القصه ياطولة العمر 10 اجزاء ياعني ما بقى غير 3 اجزاء ^^[/align] |
افا لييييييييييش واللهــ كان ابخاطــري اتطول حرااااااااااااااام |
متى بتنزلين البارت ؟ |
البارررت وااااااايد حلوووو يسلمووو و بنتظاار التكمله .. |
[align=center]هلاا بالجميع منورين شمووخي ان شاء الله القصه اليايه بتكوون اطول ^^ هاي طلعت رووحي لين ما كتبهاا خخخ ان شاء الله باكر بنزل البارت اليديد [/align] |
عيــــ ــل ببات الليــل سهيــر اترياهاــ واسمحيلنــا جان كثرنا عليــج ابطلباتنا الل ماتخلــص بس ترا هب منا القصهــ مطلعه روووحنــا |
[align=center]ههههه ع بالي قبل بنيه لا عادي خويه مسمووح وانا بستعيل فيها .. ^^ منور بطلتك [/align] |
لا تستعيلين ولا شيات دخيلج مانبا قصه منقعه و مخربطه تيــــــــــــــــــــــــــــــــــت يلا عاد شدي حيلج وراوينـا ابدااااعااااتج والسموووحهـ |
مرحبا بالجميع الجزء السابع كاآآمل مهره ياسه فحجرتها بروحها: اليوم ما بدق لهن شو بيقولن عني بس بطرشلهن مسجات اثنينتهن ..انا ابغي اتقرب لشجون اكثر عسب حمدان بس موزه مابطوفها لسيف تناااسبه واااايد بس كيف !!!؟؟؟ ,,, بروح عند امي .. مهره : هلا امايه. ام مهره : اهلين بلاااج واحس ورااج شي ؟؟ مهره : والله ياطويلة العمر ضاايقه ما احب ايلس فالبيت عودني اخوج الموقر ما ييلسني فالبيت. ام مهره : كلاام يديد شو رايج اتصل به واقوله يظهرج ؟؟ مهره : والله تسوين فيه خير. ام مهره : والله// شو رايج هالمره اقوله يوديج دبي؟؟ مهره :حلووووو. ام مهره معصبه: حلو فعينج ماشي ظهره يالله سيري وقابلي كتبج . مهره تضحك: كنت امزح ابغي اشو ردة فعلج لا تعصبين . ام مهره : عاد مزاحج ثقيل وما حبيته قالت ما احب ايلس فالبيت . مهره : عاد الواحد مايقدر يمزح يعني؟؟ ام مهره : وحد قالج لا تمزحين هاذي انتي تمزحين. مهره : انزين يامايه شو رايج اليوم نسير عند حد من خولي؟؟ ام مهره: ماشي اليوم قعده فالبيت ,, والا تعودتي هاليومين تظهرين وانا ساكته ؟؟ مهره : خلاااااص وياكلمه ردي مكانج وبنثبر فالبيت اليوم ولاتزعلين يالغاليه. ام مهره : عفيه ع الشاطره ويالله قلبي ويهج وسيري درسي الامتحانات قربت صح؟؟ مهره : وين قربت ؟؟ بعدها . ام مهره : عن الخرط وسيري قابلي الكتب احسلج ومن اليوم ماشي ظهره لين عقب الامتحانات . مهره: لااااا ما اقدر ما احب قعدة البيت . ام مهره : لا تحاولين ماشي . مهره: احينه بقلب ويهي وامري لله وعقب ... ام مهره تقاطعها : لا عقب ولا احينه درسي . مهره : ان شاء الله ,, انا شو خلاني اظهر من الحجره ؟؟ .................. اليده : وينها موزه ماقمت اشوفها ؟؟ ريم : فوق فحجرتها بروح بناديها . اليده : لا خليها يمكن تدرس . ريم : انزين يدووه . ام خالد : وانتي ريم ليش ما تدرسين ؟؟ ريم : انا درست وحليت واجباتي . اليده : ريم شاطره بتيب الاول ع البنات كلهن ,, شرات موزه . ريم : لا انا عقب بدخل الجامعه ما بدخل الكليه . اليده : الله يوفقكن ان شاء الله . ....................... ام راشد : راشد البارحه انهينا السالفه . راشد :لا ما انهينا وقلنا اليوم بنكملها . ام راشد :لا تيلس تحن مثل البنات . راشد : انا ما بحن ولا شي ,, قلت اخطبولي ماطلبت شي ثاني . ام راشد : لا حــــــول ,, انت ماينفعلك غير ابوك بقوله وكيفكم . راشد : شو بتقوليله ؟؟ ام راشد : بقوله ولدك جن ووده مستشفى المينانين. راشد يضحك : تعرفين تنكتين // لا صدق شو بتقوليله ؟ ام راشد : بقوله ولدك يبغي يعرس وهو بعده ما كمل دراسته وما اشتغل ,, وبخليه هو يستلمك . راشد : يااااامايه انا قلت خطبه ما ابغي اعرس احينه . ام راشد : شو طرى ع بالك ما ادري دامك ما تبغي تعرس ليش مستعجل؟ راشد : ماشي بس بتخطبيلي؟؟ ام راشد : طبعا لا . راشد : عيل من باكر بوقف دراسه وبدور لي شغل . ام راشد : تهديد يعني ..؟؟؟؟!!!1 راشد : لا والله ما عاش من يهديدج يالغاليه بس انتي قلتي محد بيرضا بك وانت تدرس بشتغل عسب يرضون بيه . ام راشد : لا صدق جنيت انته وبعدين وين بتلاقي شغل ؟؟ احينه اللي عنده شهاده جامعيه يالله يلاقون شغل انت عندك شهادة ثانويه وين بتلاقي ياولدي؟؟ راشد :ماعليج بلاقي . ام راشد : عورتلي راسي بخلي ابوك يكلمك . .................... حمد يالس فالميلس بروحه دخل عليه حمدان ويلس معااه . حمد : حي الله بو علي .. حمدان : اهلييييين . حمد : اخباارك ؟؟ حمدان : عااايش والحمد الله . حمد : بل ليش كل هذا ؟؟؟!! حمدان : عيل شو تبغيني اقولك ؟؟ قتلك الصدق عاااايش . حمد : بخاطري يوم تسولفلي ,, ما كني خوك . حمدان : لا تقول ياخي اللي يشوفك بالمره ما اسولفك معااك؟؟ حمد: دخيلك أي سوالف هاذي // احسك مهمووم وتبغي تشكي لحد ؟ حمدان : لا مهموم ولاشي ؟ حمد : حشى وانت ما تبغي حد يسولف معااك ؟ حمدان : والله انا مرتاح وانت حد شكالك بشي؟؟ حمد : والله انك انسان غريب ؟؟ بس مصيري بعرف ؟؟ حمدان : شو هو اللي بتعرفه؟؟ حمد يطالعه يقوله بهمس : سالفة التيلفونات المصيريه . حمدان بصوت عالي: خلاااص انهيتها ريح عمرك . حمد مستغرب : لييش؟؟ حمدان : اسمحلي بس ما يخصك . حمد : لا قلت يعني يمكن اساعدك بشي ؟؟ حمدان : لا مشكور تسلم محد طلب خدماتك . حمد : لا عاآآآآدي . حمدان : شو هالفضول اللي بيذبحك مستوي شرات البنات !!! حمد يضحك : الا شرات العيوز وحياتك ..خلني اسير عند راشد احسنلي من مقابل ويهك عنبوه احاول معاه ماشي فايده. حمدان : وانا بعد اقول احسنلك تهوينااا . حمد راح يدق لراشد .. راشد : الـــوه حمد : الوه مرحبا راشد . راشد : مرحبا بك حمد . حمد : ها وينك؟؟ راشد : وين بعد فالبيت . حمد : ما بتظهر ؟؟ راشد : بظهر بس مش احينه عقب . حمد : عيل انا بكون عند الربع واتريااك . راشد : خلاص تم بنتقابل بس يمكن اتاخر . حمد : لييش؟ شو السالفه ؟ راشد : عقب بقولك . حمد : اوكيه عيل يالله برايك . راشد : فمان الله . حمد راح حجرته وانسدح ع شبريته: دام راشد بيتاخر ليش اروح من احينه ,,اخ طهري يعوني ,,, مسك تليفونه وبطل المسج اللي طرشته موزه ,, قراه وابتسم : كم مره قريت هالمسج ما ادري ومن كثر اللي فيه معقول هالدرجه احبهااا انا حتى خليت المغازله عسب خاطرها وهالفتره ما بطرشلها مسجاات بشوفها دامها بدت وطرشت ومسج اكيد بترد وبطرش غيره اذا غبت ,, امممم برد اكلم نوره شو فيهااا ؟؟ هي ما تعرف وبعدين اصلن ما ادري اذا تحبني والا لا ؟؟ حااس انها تحبني اووو مش حمد اللي يتريااا كل البنات بيموتن على اني ارمسهن بدق لنوره . نوره : الوه . حمد :الوه مرحبا . نوره : مرحبتين والله وين هالغيبه ؟؟ يالقاطع. حمد : فديتج انا تولهتي عليه ؟؟ نوره : عنبوه رد على اتصالتي,, والا شفتلك شوفه يديده؟؟ حمد : لا انتي فاهمه السالفه غلط .. احينه خلينا من العتب اخباارج . نوره : اخباري بخير اوقووول يالحلو . حمد : عيووونه امري. نوره : شويه مشغوله بخلييك احينه ويوم بفضى بسويلك . حمد : عيل فمان الله . نوره : وداعة الله . حمد بخاطره : بنت اللذينه انا تقولي مشغوله ماعليه وتقولي شايفلك شوفه ثانيه انتي اللي شايفتلج شوفه ثانيه وثالثه بعد من عقب ما كنتي ,, بس ما عليه يانووره انقلعي مصيرج بتدقين بنشوف من بيرد عليج,, واايدات البنات . ............................. بو راشد نش من رقاده ويلس فالميلس عن ام راشد. ام راشد : خبر ولدك الا خطبولي ؟ بو راشد: نخطبله ؟؟!! من منهم ؟ ام راشد : العــــود . بو راشد : خل يشتغل عقب العرس. ام راشد : تراني قتله يقول بوقف دراسه وبشتغل. بوراشد : لا الولد معزم // الولد يوم يقول اخطبولي وشكله معزم لازم نخطبله . ام راشد : وين نخطبله ابغيك تقوله يكمل دراسته ولاحق ع العرس انقلبت . بو راشد : وينه هو ؟؟ ام راشد : اليوم ما ظهر //فحجرته اكييد . بو راشد : خلاص خليه عليه . بو راشد راح لين حجرته راشد ودخل وقفل الباب من ورااه . راشد : بتقول يابوي وانا باييك لين عندك. بو راشد : مافيها شي ,, انزين اخبار الدراسه ؟؟ راشد : الحمدالله تمام. بو راشد : انزين اييلس ليش واقف؟ راشد فخاطره : اكيد امي قالتله . بوراشد : سمعنا ودك تعرس؟ راشد منحرج من ابوه : لا مش عرس مره وحده,, خطوبه وعقب العرس. بو راشد : ودراستك؟؟ راشد : بكملها . بوراشد : ومنوه بيقبل بواحد بعده يدرس ولين ما يلاقي وظيفه؟؟ راشد : يابويه انا ما بعرس خطوبه عقب العرس واذا لزم بخلي دراستي وبدور شغل. بو راشد :لا تدور شغل وكمل دراستك والبنيه اللي بغيتها قول لامك عليها وان شاء الله بنروح بخطبها لك . راشد قام وحب راسه بوه : ان شاء الله . ........................ موزه يالسه تدرس عليها امتحانات : اف مليت متى بخلص وبفتك ,, خلني اسير تحت عند يدووه ويدي اغير جو شوي ... اليده : يامرحباا ببنيتي مووزه. موزه يت ويلست عند يدتها : مرحبا بج زووود يدوووه. اليده: وينج محد يشووفج نزلي تحت شوي مش كله فالحجرة وقافله ع عمرج ؟؟ موزه : يدووه كنت ادرس عليه امتحانات . اليده : بالتوفيق ان شاء الله ومن الناجحات . موزه : اللهم آآآمين . ريم : انتي يالدبه يدووه سالت عنج قبل . موزه: انتي يالمتينه ادري احينه انا عند يدووه. ريم : انتي المتينه . موزه : انتي ياليااهل وينه احمد عنج يأدبج شويه . ريم : مااايقدر يويله من خالد . ................... راشد فرح من سمع كلام ابوه وعقب ما ظهر عنده ابو رااح يربع عند امه .. ام رااشد : بلااك؟؟ راشد : ابويه عطاني الضو الاخضر ماالج عذر. ام راشد : شو قالك ؟؟ راشد :قالي سير عند امك وقولها البنت اللي بغيتها وبنروح نخطبها لك. ام راشد : طبعا انته يافرحتك وييت تربع عندي بغيت ابوك عون استوالي فرعون. راشد : اكيد بفرح . ام راشد : وانت بغيت منوه // حد فخاطرك. راشد : ابـــــــد محــــــد . ام راشد مستغربه : احين اخطبولي واخطبولي قلت اكيد في حد بخاطرك . راشد : عاادي مش شرط يكون حد بخاطري عسب اقول اخطبولي ,, وهالاسبوع ابغيج تخطبيلي. ام راشد : بعــــــــــــد !!! ان شاء الله أي اوامر ثانيه ؟ راشد يضحك : لا فديتج يالغاليه بس لاتزعلين مني ما بخلي الدراسه . ام راشد : دامك مابتخلي الدراسه ما بزعل ,, والعرس عقب مش تقولي ابغي اعرس بسرعه . راشد يضحك : لا مابقولج ,, بس منوه اللي بتخطبيلي اياها ؟؟؟ ام راشد : بشاور ابوك بالاول ,, اكيد بيقولي وديمه بنت عمك انت شورايك ؟؟ راشد بصوت عالي : لااااااااااااااا ام راشد : بسم الله بلاااك . راشد : خطبولي أي بنت غير وديمه ؟ ام راشد : وليش ان شاء الله وديمه بنية رزينه وماعليها قاصر ؟؟ راشد : بس وديمه لا . ام راشد : اسكت عن يسمعك ابوك تعرف انه يعز وديمه واايد . راشد : ادري بس دخييج ياامايه ما ابغيها واذا ما لقيتوا غيرها خلاص ما ابغي اعرس . ام راااشد : حشى علييك شو شايف عليها !!!!!! راشد : مش شايف شي بس اعتبرها شرات اختي لا اكثر . ام راشد : خير ان شاء الله بنشووف . راشد : احين اقدر اظهر بسير عند حمد. ..................... مهره فحجرتها وقابضه الكتب تدرس : ياربي كله افكر فيه ما اقدر ادرس ,, ودي اسمع صوته والله اني اشتقتلك ياحمدان وما اقدر اصبر اكثر يومين وشوه استوالي ؟؟؟ يالله كون في عوني بدقه وبقوله عن شجون لا لا ما بدقله ,, لو سيف خذ موزه بيسهل عليه الامر بحاول بكل الطرق انه ياخذها ان شاء الله ,.,.,.,. اف وبعد بحاول اني ادرس واشيله من بالي .. حمـــــــــدان اشتقتلك .. مشتاق لك مووت مشتاق لعيونك حبيبي خايف امووت اخاف ما ماشوفك حبيبي خايف اموووت ................ راشد عند ربعه : حمد ما ياكم؟؟؟ سعيد : لا ماشفناه !! راشد : وينه هذا ؟؟؟؟!!! محمد : دقله ؟ راشد : حرقت تليفونه ما يرد . محمد : يمكن راقد والا شي ؟ راشد : بدق لخوه وبتاكد .. حمدان : الوه مرحبا . راشد : ياامرحبا اشحالك عسالك سالم ؟ حمدان : بخير يعلك الخير ومن صوبك ؟ راشد : بخير وسهاله // حمدان بتخبرك حمد وينه ؟؟ حمدان : هو مش عندك؟ راشد : لا ماشفته مايرد ع تليفونه قلت يمكن راقد شوفلي اياه ماعليك امر حمدان : رااقد ما ظني قبل ساعه تقريبا قالي انا بروح عند راشد وظهر . راشد : هااا يعني هو مش موجود فالبيت ؟؟ حمدان : اظني بس بتاكد لك وبدق . راشد :عيل اتريااك . حمدان : اكيه باي. راشد :باي. حمدان : وين بيكون هذا بجرب وبدقله ,,,,,,,, مايرد بلااه ؟؟!!!. ....................... خالد دخل البيت ويلس عند هله . خالد :اشوف الميلس منور اليوم الشيخه موزه تنازلت ويلست فيه . موزه تضحك : النور نوورك يالغالي . خالد : تعالي صح انتي عقب شو بتتخصصين ؟؟ موزه : مادري ! خالد : كيف بعد هاي مادري؟؟!!! موزه : مافي شي معين فراسي عادي أي شي . خالد : شو بعد هاي أي شي؟؟ بو خالد : شوفي عمرج اي مجال تحبينه وتخصصيه . موزه : ان شاء الله يابويه بس افكر ادب انجليزي . خالد: حلووو. موزه : يالله دربنا طويل الله يعين . خالد : ليش طويل بتعدي السنين وانتي مش حاسه . موزه : صدقت والله . بو خالد : الله يوفقج ان شاء الله خالد : شو عشاكم اليوم ؟؟ موزه : بروح المظبخ عند امايه بشوف ؟؟ بو خالد : خالد يوم الجمعه الياي بروح انا ويدك صوب العزبه بتي معانا؟؟ خالد : حاضر . اليده : ولاتنسون لبن البوش اخر مره نسيته . خالد : افا عليج يايدووه هالمره انا اللي بحلب الناقه . اليده: خلاص عيل انا بروح معاكم . بو خالد : خليج مرتاحه ونحن بنييبه لين عندج . اليده : صح ان الدرب طويل بس ماعليه بعدنا فينا شده نتحمل . خالد : الله يعطيج العافيه يدووه بس ما بغينا نعبج فالدرب . اليده : لا ان شاء الله ما بتعب ولا شي . بو خالد : خلاص تم يالغاليه . ريم : وانا بروح معااكم . خالد :انتي بترووحين العزبه ؟؟ ريم : هيه انا بروح شو فيها ؟؟ اليده :دامها بغت تروح خلها بتونسني فالدرب. .................... حمدان : سيارته موجوده ,, يعني اكيييييد راااقد ,, غربيه مايرد وهو مايحب الازعاج كل هذا وما حس ؟؟ بشوف حجرته ... .................. ام وديمه: فاخره سيري عند وديمه وقوليلها تنزل . فاخره : ان شاء الله . ام سعيد :خليها البنيه يمكن عندها امتحانات والا شي تدرين ثانويه عامه . ام وديمه : مافيها شي ياخويتي تنزل تسلم . وديمه : منوه؟؟؟ فاخره : انا بطلي الباب . وديمه : شو بغيتي ؟؟ فاخره : امي تقولج نزلي تحت . وديمه : لييييش؟؟؟ في شي ؟؟ فاخره : خالي وعياله عنا . وديمه : انزين احينه بنزل . .................... حمدان يدق باب حجرته خوه حمد : اووووه انا بلاني دقيناله تليفون مارد يعني بيرد احينه؟؟!!!! خلني ادخل ,,, دخل وشاف اخوه حمد طايح عدال شبريته وحالة حاااله ركض عنده . ..................... بو خالد يتعشى هو وعياليه وامه وابوه .. خالد : يالله منوه يزيد العدد ؟؟ موزه : أي عدد؟؟؟ بلااك انته !!!!!!!! خالد :يو م الجمعه بنروح العزبه . ريم : انا بروح موزه : منوه بيروح ؟؟ خالد : يدي ويدتي وابويه وهالدلوعه . موزه : حشر مع الناس عيد وياااكم ؟ خالد : استوينا خمس منوه يزيد ؟ بوخالد :يالسين فمزاد علني؟؟؟ احمد : اقول من عندي ست وياااكم . الكل يتطالع الام (ام خالد ) ام خالد : مابقى غيري صح ؟؟ موزه : بوجودج تكتمل الفرحه . ام خالد : بلاك اليوم انتوا !! اخوج عنده مزاد علني وانتي عرس. موزه وخالد يضحكوون . ام خالد : خلاص بروح معااكم . خالد : حلووو كل البيت وانا سويت هالمزاد عسب الكل يرووح . موزه :يالله من متى ما رحنا كلنا العزبه بنستانس . خالد : بخليج انتي تحلبين الناقه . موزه :ما تخيل شكلي وانا احلب لااا دخيييلك.. بو خالد : كملواا عشااكم وبلى ذهرباان زايد . ........................... حمدان مسك راس حمد يضرب خده : حمد حمد بلااااك حمد شو فيك ؟!!!! الحمد الله يتنفس بلااه مايرد عليه,, التفت يمين يسار يدور بعيونه ماي عسب يرشه فويه حمد مالقى ,, ورد حمدان يضربه عويهه. .................. وديمه نزلت وسلمت على خالها(بوسعيد) وحرمته وعيالها .. بو سعيد : اشحالج وشحاال الدراسه معااج ؟؟ وديمه : بخير ربي يسلمك خالي والدراسه بعد الحمدالله . بو سعيد : نبغي نشوف النسبه اللي تسر الخاطر . وديمه : ان شاء الله خالي مالك الا بياض الويه . بو سعيد : الله يبيض ويهج يابنيتي . ساره : ودووم اشتقتلج يالدبه صدق انج قاطعه. وديمه : ساره تعرفين اني ما احب حد يقولي ودووم . ساره : وانا قلتها لانج ماتحبينهاا محد قالج تقطعين . سعيد يطاالع وديمه : البنت ثانويه عامه بتقطع العالم كله يعني اعذريها . وديمه : سمعتي سعيد شو قال خلاص اعذريني . ساره : هالمره بس يا ودووووووووم. وديمه : ماعليه اذا ما قرصتج بتشوفين . ساره : ماتقدرين . سعيد (23) سنه يشغل طويل واسمراني ومعروف عند الكل انه انسان محترم واخلاقه عاليه مش حلو واايد بس مقبول عينه على بنت عمته وديمه يترياها تخلص دراسه عسب يخطبها . ساره (21) سنه خلصت دراسه ويالسه فالبيت تتريا المعرس رزينه وحليوه تقدمولها وايد بس ماحصل نصيب . ....................... حمد نش من كف قوي على خده الايمن يصارخ: شوووووووووووو حمدان : انته الي شو فيك ؟ حمد معصب ويصارخ : ليش تعطيني كف. حمدان ابتسم وفيه ضحكه : بذمه انت كنت راقد ؟؟؟!!! حمد بعده معصب: اقولك ليش تعطيني كف وانته تضحك ؟؟؟!!!!!!! حمدان : شفتك ع الارض خف عليك قلت يمكن مات الولد وخذتلك مني كف محترم ويضحك... حمد: قم من عندي والله انك نذل مردووده . حمدان: وانا شو دراني فيك انك رااقد راشد يدق لك ماترد وانا اشوفك ع الارض شو تبغيني اسوي ؟؟ حمد: تعطيني كف ؟؟!! حمدان : دوااك محد قالت ترقد ع الارض اللي يشوفك يقول استوابه شي . حمد :فااارقنا لو سمحت . حمدان يضحك : بفاارقك ودق ع راشد طمنه انك بخير . حمد : اح خدي يحرقني ما عليه ياحموود اذا ما رديتها لك وانت رااقد مايكون اسمي حمد ,, بشوف راشد ,, خيبه كم مكالمه . راشد :الوه حمدالله ع السلامه . حمد: الوه بلااك ؟؟؟ راشد : وينك انته ؟؟؟؟ حمد :كنت رااقد . راشد :انزين ليش معصب!! رااقد وانا قلبت الدنيا عليك خوفتني مش بالعاده ماترد حتى اذا كنت راقد حتى قلت لحمدان يشوفك . حمد :وحمدان ماقصر . راشد : ليش شو سوى ؟؟ حمد : كله من نوره هاي لكن انا برويها . راشد : ونوره شو يخصها بالسالفه ؟؟؟ شو اللي استوى؟؟ حمد : كنت منسدح ع الشبريه واكلمها عقب سكرت اونها مشغوله ومادري كيف رقدت وما حسيت بعمري الا طحت من الشبريه كملت رقادي وما احس الا بكف من حمدان . راشد يضحك : خييييييييبه طحت من الشبريه مش نوره اللي رمستها شبح هااي وحمدان ليش يعطيك كف؟؟؟؟ حمد : اضحك انت ما ياك شي /// اونه بعذر شافني ع الارض وعباله فيني شي لكن بردها له هالكف . راشد يضحك بصوت عالي: يحلييلك وانته ماتحس حرقت تليفونك ؟؟ حمد : تصدق ما حسيت شو هالرقاد واحين فينه النوم يالله انته اقلب ويهك بكمل رقاادي. راشد : بعد هالكف فيك النوم ؟؟ عيل تصبح ع خير . حمد : كل منك انته خربت رقادي // وانته من هل الخير. راشد : انا مايخصني ما قتله سيري اضرب اخوك قتله سيري شوفه يمكن رااقد. حمد : صــــــح صح صدقتك يالله انا برقد باي. راشد : ماغلط خالد يوم سماااك عبـــــــــسي باي ونوم العوافي . حمد : الله يعافيك,, بااااي . محمد : هاااوين كان؟؟؟؟ راشد : راااقد الحبيب . محمد : قتلك .. راشد : انا بترخص . محمد : تو الناس؟؟ ليش مستعجل؟؟ راشد : باكر دوامات الطيب. محمد : عيل فمان الله وهالله فالدرب. راشد : لاتوصي وداعة الله . .............................. موزه وخالد يالسين بروحهم . موزه : هاي اول مره بنروح فيها العزبه كلنا . خالد : وهذا كله من تخطيط اخوج . موزه : وليش عااد ؟؟ خالد : يوم قالي ابوي قلته زين عقب يدووه قالتلي برووح وريم بعد قلت ليش مانظهر كلنا وبديت المزاد . موزه :ايوااا وكله منك ابويه واقعنا فالعشى انته ومزادك . خالد : انتي انسانه فاضيه بيسر برقد . موزه : طع هذا محد ييلس ويااك . خالد : وقتج غلط احينه وقت رقاادي. موزه : اعذرنا خربنا رقاادك يالشيخ . خالد : هالمره بسامحج المره اليايه اعداام . موزه :حشى عليك اعدام مره وحده ( عفووك سيدي لااتهور) خالد يضحك : يالله قلبي ويهج وفارقينا . موزه : ان شاء الله ونوم العوافي . خالد : الله يعافيج //تصبحين ع خير. موزه : وانت ومن هله الخير . موزه راحت حجرتها يلست تتطالع حال حجرتها ,, اللاب بصوب والكتب والاوراق : اف كيف برقد بهالفوضى برتبها ,,, .......................... راشد وصل البيت لقى روضه وسلطان عند التلفزيون . روضه : اهلين . راشد : هلاااا عيل وين الشياب؟؟ سلطان ياشر لراشد بعيونه : ورااااك راشد يلتفت ورااه : الله ح ـيـــه. ام راشد : الله حيه هااا نحن الشياااب . راشد :حشى من قال انا قلت الشباب . ام راشد : صدقتك . بو راشد : انا شباب بس امك خلااص عيووز . ام راشد : لا انا بعدني شباب انت شوف شعرك مستوي ابيض. راشد يبتسم : دام السالفه فيها شايب وشباب ,, انا بترخص بروح احط رااسي. ام راشد : مابغيت تتعشى؟؟ راشد : لا مالي بارض بالعشا بروح ارقد تصبحون ع خير. الكل : وانته من هل الخير . روضه : وانا بعد بروح ارقد . بو راشد : وانت سلطان ما بترقد ؟؟ سلطان : توني بقول ماباقيى غيري سبقتني يابوي . ام راشد : ياني راشد يربع عقب ما قتله سيري عند امك . بو راشد : شو قالج ؟؟ ام راشد : قالي خطبيلي . بو راشد : بتخطبيله منوه ؟؟ ام راشد : مادري فيه بقوله زين زين وبنسيه السالفه . بوراشد : ليش تنسيه دام الولد معزم خلاص شوفيله وحده ونخطبها . ام راشد : ان شاء الله . بو راشد : هو محد فخاطره ؟؟ ام راشد فخاطرها : لو قتله محد بيقول وديمه خلني اقول .. : الا في وحده بخاطره . بو راشد : منوه ؟؟!!! ام راشد بخاطرها : منووه ياهي وهقى توهقتها : مـــــوزه. بوراشد : موزه بنيه ماعليها قاصر وتنااسب راشد . ام راشد : هيه ماشاء الله عليها . بوراشد : عيل بنتوكل ع الله . ام راشد : بس مش احينه عقب اخر السالفه . بو راشد : لييش؟؟ ام راشد : مافينا يلهي عن دراسته لا تطري له سالفة العرس وكل ماطراها هو غيرها . بوراشد : خلاص لج اللي بغيتيه بس اذا شفته معزم انا اللي بروح بخطبله . ..................... راشد ع شبريته ويفكر: آآآه اتخيل شكلج ياوديمه يوم يقولج راشد خطب ,,, صح هي قالت ما تحبني يعني مايهمها امري لو خطبت والا عرست !!! ,,, بس الا اثبتلها اني مش مهتم بها ,, ليييييييش ياوديمه انا شو سويت فيج يخليج تسوين فيه كل هذا!!!!!!!؟؟؟؟؟؟ ترخصني احيانا وتجرحني وانا الي اغليها ولا اجرحها احبها بجنون وبطيبي تزعلني وانا اللي اصالحها ........................ وباليوم الثاني ...فالصبح .. راشد : تقولي حمدان عطااك كـــــف ويضحك . حمد : اصبحنا واصبح الملك لله شو ذكرت بالبارحه ؟؟!!! راشد :ونعم بالله ,, ليكون تعورت يوم طحت من الشبريه .. حمد : لا ماتعورت استريح . راشد : حمدالله ع السلامه ياخي. حمد :رااشد انت بلااك من الصبح ؟؟!!! راشد : ماشي قلتي البارحه كلمت نووره ؟؟ حمد : هيه كلمتهااا الله يغربلها . راشد : ليش تدعي عليها انت اللي طحت من الشبريه هي مايخصها . حمد : لا بالله فيه شي الولد اليوم !!!! راشد يضحك : لا مافيني شي بس عيبني حمدان كف من الخاطره شكله . حمد : حق الشماته انت اول الناس وي ويهك . راشد : غريبه شو ياك ع نوره احيدك قطعت العادة وعقيتها لخوك !!!! حمد : صح ع طاري حمدان قالي خلاص انهيت السالفه يعني قطع مكالماته المصيريه!!! راشد : انت واخوك شفتات شوووه!!! /اخوك قطع وانت رديت ؟؟ حمد :شو الصدف ؟؟؟ راشد : انزين انت ليش رديت ؟؟ حمد: اضيع وقت معااهن . راشد : وموزه ؟؟؟!! حمد :بلاها موزه؟؟ راشد : مابلاها شي بس ماشي يديد بعد الملح ؟؟ حمد : انا شو خلاني اقولك عن الملح احينه كل شي بتيلس تعايرني بالملح . راشد : لين ماتعرس وبقول لعياالك بعد امكم حطت لبوكم ملح فالشاي . حمد : واااايد واثق اني باخذها ؟؟؟ راشد : ليش لا ان شاء الله بس انت حرك شوي . حمد : اخر مره يوم يوصلتها بيتهم ماعبرتني لو بنظره . راشد : ياخووك انته بس فاالح فالمغازله وتطيح البنات كلهن واللي تحبها ما قدرت عليها. حمد : شفت عااد مــوزه ما قدرت لها . راشد :انزين امش اخرتنا بيدا الكلاااس . حمد : يسوولف من الصبح ويضحك ويقوول اخرتنا . ......................... حمدان رد من المدرسه ودخل حجرته وقفل الباب عليه : بحط رااسي وبرقد ,, مادريت اني هالدرجها احبها وما اقدر على فرااقها ,,, شو الحل بحاول ارقد ابغي انســــــــــــــى . شجون تدق الباب : حمدان يالله غدى . حمدان : قلبي ويهج مابغيت شي برقد . حاول يرقد ماقدر يفكر بمهره ... كيف افرط فالهوى دانه غاية لنفس مثمونه في هواها الروح عطشاانه لا رواها مورد دوونه. حمدان : اف ما اقدر بدقلها واحين بعد ,,, يدق ماترد ,, مهره ردي يرحم والديج ,,بطرشلها مسج.. مهره يالسة تتغدى مع امها وتليفونها فالحجره .. مهره : الحمد الله . ام مهره : شو كلتي ؟؟ مهره : هذا كله وشو كلتي متنت . ام مهره : أي متن الله يهديج . مهره : بروح ارقد . مهره راحت حجرتها وحط راسها على المخده ,, سمعت صوت المسج مسكت تليفونها شافت مكالمات حمدان فتحت المسج : حبيبتي مهااااري رحمني دخييلج ردي عليله بقولج شي وعقب سكري بويهي لو بغيتي . مهره: ياربي شو اسوي بحالي ,,,بشوف شو يبغي آآه ياحمدان ردت لي الروح بهالمسج بعد اللي سويت فيه يقولي حبيبتي ... حمدان : احين بدق لها اكيد بترد ادري فيها .. مهره : ياويلي عليه ارد والا ؟؟؟؟؟ برد وامري لله . مهره : الــــــوه . حمدان : الــــوه مهره . مهره : هلا .. حمدان : اشتقتلج . مهره ساكته .. حمدان : ما اقدر ع فرااقج رحميني المووت اهون . مهره : بس الله عليك . حمدان :احنا ما نسوي شي غلط عسب تقطعيني ,, انتي ماتظهرين معاي ولا اشوفج بس اكلمج . مهره : حمدان احنا تكلمنا عن هالسالفه وانتهت .. حمدان :مهآآآآآآري. مهره : هلا . حمدان : لآآآآآتقطعيني ,, يوم تقطعيني تقطعين معااج الهوى اللي اتنفسه .. يعني باختصار اذا ودج امووت اقطعيني. مهره : حمدان شو هالرمسه ؟؟!!! حمدان : هذا الصدق الحين ردة لي الروح بعد ما سمعت صوتج . مهره : حمدان . حمدان :قلب حمدان انتي روحه انتي امـــري . مهره ارتبكت وسكتت . حمدان : هلا فديت روحج آآآمرني . مهره ساكته . حمدان : مهآآآآري حبيتي بلااج ساكته . مهره : شو تبغي اقولك بعد اللي قلته . حمدان : سمعي انا اللي بقولج اذا مارديتي عليه مره ثانيه ياويلج . مهره : شو يعني بتسوي ؟؟؟ حمدان : بييج لي بيتكم وبقول لامج ابغي حرمتي . مهره تضحك : صدق والله . حمدان : ع بالج ما اقدر اقد وي ويهج يالحلوه . مهره : شو دراك اني حلوه انته ما شفتني ؟ حمدان : يعني بشعه ؟؟ مهره : تقريبا ,, بس انت حليو حمدان : احم يحقلج انتي شفتيني , خلاص ولاتزعلين ان شاء الله عيالنا يطلعون عليه . مهره : لا والله ... حمدان يضحك : مهآآآآآري . مهره : هلاا,,, صبر ,, انا بقولك شي قبل . حمدان : انزين يالله اسمعج تفضلي . مهره : ممممم خلاص ماشي شو كنت بتقول ؟؟ حمدان :لا قولي انتي ؟؟ مهره : نسيت شو كنت بقول يالله انت قول. حمدان: نسيتي عليه ياحلوووو . مهره : رد وقال حلوو اقولك انا مش حلوه . حمدان : لا تغيرين السالفه وقولي ؟؟ مهره : حمدان ارحمني يرحم والديك .. حمدان : انهينا هالسالفه وماشي نقاش فيها مآآآآآشي يعني مآآآشي . مهره :بالقوة هو ؟؟!! حمدان : هيه بالقوة عندج مانع ؟؟ مهره : الله يعين حرمتك عليك عيل . حمدان : شو دخلج حرمتي باخذ وحده حلوه . مهره : وانا مش حلوه. حمدان : لا تحاولين بكلمج يعني بكلمج ,, ماتعرفين انج الدم اللي يمشي بشراييني؟/// بسالج اني مش مهتمه؟؟ يعني وجودي والعدم واحد عندج؟؟ مهره : وعكيفك تحكم انته؟؟؟ حمدان :عيل ؟؟ مهره : بخلي الاجابه لنفسي . حمدان :مش من حقج حبيبتي ؟؟ مهره : لا من حقي حبيبي . حمدان : والله انا حبيبيج ؟؟ مهره : هيه و ,, هاااا شو تقول انته؟؟؟ حمدان : احــــبــــــج . مهره ساكته . حمدان :راضي تقولينها وتسكرين فويهي . مهره ساكته . حمدان :مهآآآآري وين رحتي. مهره : معااك. حمدان : ما اصدق . مهره : والله . حمدان : عيل شو قلت انا ؟؟ مهره : قلت احــ ,, والله انك ماكر بسكر احين . حمدان : ليش حيااتي ؟؟ مهره : كيفي ؟؟ حمدان : انا ما بسكر لو تبغين سكري فويهي . مهره : اوكيه عيل باي. حمدان : انا قلت مابسكر عسب تقوليلي باي. مهره : اذا انا الدم اللي فشراينك انت النبض اللي اعيش عليه وباي حبيبي بسكر اسمحلي . قطعت الاتصال ... حمدان بعده قابض التيلفون ويسمع : طوط طوط// حبيبتي والله ,,, مسموووحه فديت قلبج. الحب خالد وحبي خالد وباقي للي احبه واحب دار سكن فيها شلته بعيني وشلتة الحب بعماقي والروح بشوق غنت له اغانيها مهره : اف ليش دقيت ياحمدان شوووو اسوي بس وربي احبه يقولي احنا ما نسوي شي غلط والغلط راكبنا من ساسنا لين راسنا ...ليييش؟؟؟!!!!!!!! .............. نهاية الجزء السابع شورايكـــم فيه؟؟ ترقبوا احداث الجزء الثامن |
يسلــموووووونيشــن فتنكــ واللهـ احلــى شـي سالفةـ حمدااان و مهــاااري وانتـريا التطورااات امبين راااشـد ++ وديــمهــ تقبلــي مرووووري .. |
كشخهـ .. مشكوره الغاليه .. نتريا التكمله .. |
يسلمووو جميع المرور مروركم والمتابعه هي الاحلى منورين |
بنتظاار البااارت |
وااااااايد حلوة القصة و أحداثها تشوق الواحد :141: اتريااااااااااا التكملة حبوووبة ^^ |
يالله الغاليه وين التكمله .. |
بنتظاار التكمله ,, |
[align=center]تفااحه رواااضي اماراتيه كشخه يسلموو فديتكن منوراااات وهذا الجزء احينه بنزله[/align] |
مرااحب الجزء الثامن والاخير الفصل الاول في البداية كانت 10 اجزاء عقب طولت الاجزاء واستوت 8 ^ــ^ مر الاسبوع بسرعه وهذا الجمعه وبعد الصلاة . خالد : يالله عسب مانتاخر. ام خالد :خلاص حط هالكيس فالسياره وخلصنا. خالد : انتوا تم شي ما شليتوه معاكم؟؟ بو خالد : يالله ركبوا نصكم سيارتي والنص الثاني فسيارة خالد. فالسيارة خالد موزه واحمد وريم . احمد : احسن شي انا خلينا الشياب هناك / خالد ارفع الصوت . خالد : انا انسان ما احب الازعاج . موزه : خالد خل عنك ارفعه شوي كلنا يينا سيارتك مش عسب تقولنا ما احب الازعاج . خالد : وانتي يالدلوعه ما بغيتني ارفع الصوت؟ ريم : انا دلوعه خلاص مرة ثانيه ما بركب سيارتك بروح مع ابوي بخليه يرفع الصوت . خالد يضحك: تقدرين انتي يادلوعة امج // يالله شو بغيتوا احط لكم . موزه : منوعات او مقاطع .. ع كيفك ؟ خالد : اوكيه هذا شريط توه يديد سمعووه. موزه: خالد . خالد : هلا . موزه : دامنا بنروح العين مرة وحده خلنا نروح مبزره. خالد : شوووو؟؟؟ موزه : دخيييلك متى عاد كلنا نطلع مع بعض . خالد : كسرتي خاطري . ريم : هيه نبغي نروح مبزره . خالد : كلموا ابوي اذا وافق بنروح . موزه: انته ان قتله بيواقف. خالد :عيل ما بقوله . موزه: خآآآآآلد بليييز . خالد : امرنا لله بنقوله لكن اظني بيرفض لا تنسين ان يدي ويدتي معانا ومافيهم شده مشاوير طويله . موزه : لا تقوول والله بخاطرنا . خالد : بنشوف . ................... مهره : امايه اليوم ابغي اظهر من البيت . ام مهره : انا شو قلتلج قبل ماشي يعني ماشي . مهره : دخييلج يا امايه ما احب يلست البيت اضيق . ام مهره : يمكن حد من خوالج ييء عنا اليوم لو محد يء بنظهرج. مهره : يالله بنصبر وبنشوف .. حمدان حرق تليفون مهره يدقلها وهي ما ترد يطرشلها مسجات ماترد عليه لين ما يأس وتعب ووقف... .................... حمد : انزين راشد وهاي علومك . راشد : خلاص اعتزلنا الحب وخليناه لك. حمد يضحك : اعتزلت الغراام و انا بعد ليتني ما احبيت . راشد : ليش استوى شي بينك وبينها !!!!!!! حمد : وهو في شي عسب يستوي ؟؟؟ راشد : انزين ليش تقول ليتني ماحبيت ؟ حمد : كله افكر فيها و كل ما اتذكر ايام اللي كنت فيها ما احب راااحت باال يااخي. راشد : صدقت نحن ليش نحب ونعذب اعمارنا وعقب ناخذ وحده ثانيه ,, مادري؟؟ حمد: مش بإدينا لو بإيدي احين بتزوجها . راشد : الولد استوى ما يستحي ومستوي رومنسي صدق تحبها من الخاطر؟ حمد : هااي الدنيا ياخوك تغيرنا احين منوه كان تخيل ان روميو وجوليت العايله يستوي بهم كذيه ؟؟ راشد : صدقت انا ما عمري ما تخيلت بس ربك ,, الله كريم . حمد : اللي يسمع رمستنا يقووول سكااارى . راشد : رح زين انا بكامل قواي العقليه وما سوى الحب فيه شي ,, انت اللي سكراان. حمد: ليتني والله سكراان فالحب. راشد : ذكرتني بساالفة بروح اكملها . حمد : أي ساالفه ؟؟ راشد : ما بحرقها عيك مفااجاة . حمد : عاد انته مفاجآآآتك تخوف . راشد : شبح شوو// يالله ترقب مفآآجئة الموسم . حمد : تسوي اعلاان شوو؟ راشد : حمد انا بروح برااايك . حمد : باي . .......................... خالد: يالله تعالوا شوفوا خالد بيحلب الناقه. موزه : لا عقب بترفسك . خالد: ع بالج اني اول مره احلبها ؟ احمد يضحك : يالله بنشوف . اليده : هني الدنيا .. اليد : دوم اقولج تعالي معنا انتي اللي تقولي لا . اليده : انا ما احب الدرب الطويل فالسياره . خالد: شو رايكم عقب نروح مبزره ؟؟ بو خالد : ويين الله يهديك يدك ويدتك مافيهم شده . خالد: يدي ويدتي بيحطون ريولهم فالماي الحار وبيريحونها . اليده : صدقه خالد بنروح وبحط ريولي فالماي الحار . بو خالد : احين بنروح لين جبل حفيت بتعبين ياامي. اليده : لا ان شاء الله ما بتعب . بو خالد: خلاص تمام. ريم : هيه عااااشوا بنروح مبزره . موزه : حلووو اف لو شجون كانت معانا بتحلا السالفه ,,, صح العين,, مهره بخليها تيء بدقلها .. مهره انصدمت من الرقم : الـــــوه مرحبا . موزه : الوه مرحبا الساع اشحاالج مهااري ؟؟ مهره : ياامرحبا والله بخير ربي يسلمج ومن صوبج الغاليه ؟؟ موزه : الحمد الله ,,, مشغوله شي ؟؟ مهره : لا والله ملاانه يالسه برروحي . موزه : انزين احنا اليوم بنروح مبزره وقلت خلني اتصل بمهره ونشوفها . مهره :قولي والله . موزه : والله . مهره : خلااص انا بشوف امي وبرد عليج . موزه : اوكيه بااي . مهره :بااي. موزه بخاطرها : حراام شجون بتزعل ليتها كانت معاي . مهره : ياربي شو اسوي ؟؟؟ هيه سيف سيف: الــــوه مهره :الوه مرحبا سيف : مرحبتين بلاااج انتي ؟؟ مهره : سيف تذكر موزه ؟؟ سيف : أي موزه ؟؟؟ مهره : اف عليك من كثر البنات ماتذكر ,,, اللي فبوظبي ؟؟ سيف : هيييييه اللي خليتج تتعرفين عليها ؟ مهره : هيه هي ذكرتها ؟ سيف : نسيت سالفتها ,, بلاااها ؟؟ مهره : اليوم بيروحون مبزره . سيف: وخير ياطير ؟؟؟!! مهره : اف منك وهذا اللي كان يقول ... سيف : انزين شو تبغيني اسوي اروح مثلن واغازلها هناك ؟؟ مهره : لاطبعا بس هي اتصلت فيني وقالتلي تعالي وانا قلت فرصه بخلي امي تروح معاي وتشوفها ع انها ربيعتي وعقب نقولها تخطبها لك شو رايك؟؟؟ سيف : وبهالسهوله ؟ مهره : هيه انته ليش معقدها هاي اول خطوة . سيف : انزين رووحوا . مهره :لا والله سيف اذا البنت ما كانت تهمك خلااص . سيف : صبري خلني اتذكرها ,, ممم تصدقين بعدها بخاطري. مهره : عيل يالله اتصل باختك وقولها اليوم بنروح مبزره . سيف : مبزره لا . مهره : سيف لا تعقدها . سيف : خلااااص بقولها يالله باي. مهره : باااي واتريا ردك . سيف : زين . ................ شجون : واحين تقوليلي والله انج خاينه . موزه : شجوون سمعي انا ما كنت بروح مبزرة يت الفكره فالسياره عقب قلت فرصه اشوفها . شجون :هيه صدقت . موزه : والين احينه ما ردة عليه اذا بتروح والا لا يمكن ما تقدر . شجون : ويمكن تقدر. موزه : شجـــــــون فديتج . شجون : خلاص ما استوى شي سلمي عليها اذا يت وشفتيها . موزه : فديتج انا والله يووصل . شجون :عيل ما بطول عليج بخليج مع البوووش . موزه : هههه احينه بنروح مبزره . شجون : يالله عيل ببباي. موزه : فمان الله . .............. ام مهره : مـــــــــــــهره . مهره : هلا اماية امري. ام مهره : يالله تلبسي بنظهر . مهره : ويـــــــــــــــن ؟؟؟!! ام مهره : اتصل سيف قال كلهم اليوم بيرووحون مبزره واحينه بيينا بيودينا . مهره : عآآآآآآآآآآش خالي سيف دقيق واكون جاهزه . ام مهره : يافرحتج .. مهره بخاطرها : ان شاء الله تكون شجون يايه وحمدان بعد واشوووفه ..بدق لموزه يوم نووصل . ...................... حمد يالس برووحه ويفكر : بلاه رااشد شو هالمفاجاه ,,, كييفه شو يعني بتكون ,, اخ والله ان حالك ياراشد يقطع قلبي الله يسامحها وديمه ع اللي سويته فيك ,,اخاف يستويبي شرات راشد احب عقب اخذ وحده غيرها مستحييل حد ياخذتج مني يامووزه ولين احينه ما اعرف اذا تحبني والا لا بس هاليومين بعرف . حمد : الــوه هلا شجون : اهليين . حمد : بلااج ؟؟؟ شجون : ضااايقه . حمد: ضايق من شووو؟؟ شجون : يرضيك يعني موزه فالعين وانا فالبيت . حمد : موزه فالعين ليييش؟؟ شجون : كلهم سااروا عزبتهم عقب راحوا مبزره . حمد : اهااا ,, والمطلووب؟؟؟ شجون :اقولك يرضيك تقولي والمطلوب ؟؟!!!!!! حمد يضحك : ليش ما رحتي معااهم ؟؟ شجون : موزه قالتلي وانا قلت لا. حمد : دامج قلتي لا عيل يلسي فالبيت ,, ترى البيت حلووو . شجون : تتمصخر حضرتك؟؟ حمد : انتي انسانه فاضيه يالله قلبي ويهج ؟ شجون: هذا وانا قلت حمد طلعت .. ,, باااي حمد : باااي. ................. ام مهره : وينهم ؟؟؟ سيف : مادري عنهم انا قتلهم تعالوا اليوم مبزره واللي يبغي اللمه بيء. ام مهره : يعني انته اللي قلت ومحد بييء صح؟؟ سيف يضحك : والله مادري عنهم. مهره : انا ربيعتي يايه من بوظبي هني بدقلها بشوف وينها ؟؟ ام مهره : من بووظبي وانتي شو عرفج عليها ؟؟ وانت يااسيف ويااها شكلكم لاعبينها عليه صح؟؟ سيف: أي لاعبينها ؟؟ لا وانا صدق دقيت ع الكل . مهره : الوووه مرحبا موزه : مرحبتين مهره : ها وين انتوا ؟؟؟ موزه : فالمبزره . مهره : ونحن بعد ,, انتوا أي صووب؟؟؟ موزه : صوب العاب اليهال . مهره : عيل بييج احينه .. موزه: اتريااج. ام مهره : وين؟؟؟//قالت بييج ماشي انثبري مكانج . مهره : احينه البنت يايه من بوظبي وقالتي اييها تقولي ماشي مايستوي يامايه والله البنيه حبوبه . ام مهره : وانا شو يخصني بالبنيه كله منك ياسيف يبتنا هني. سيف : انزين انتن روحن عندها وانا بسير . ام مهره : ماشــــــــي ادري انتوا الاثنين متفقين . مهره : دخييلج يامايه ,,سيف قول شي ؟؟ ................. ام راشد : ياراشد الله يهديك كم مره قتلك بعدك بعدك ع العرس. راشد : ياأمي ,, ياماما ,, يايمه ,, واخر شي بلهجتنا ياامايه ,, ابويه وافق انتي ليش معانده؟؟؟؟ ام راشد : لا حـــــول خلاص لك اللي بغيته . راشد : فاليومين لو سمحتي ؟؟؟ ام راشد :انته ليش مستعجل؟؟؟؟؟ راشد يتطالع امه : ريااال وبيغي يخطب مافيها شي . ام راشد : احس ورااك سالفه ؟ راشد: اعوذ بالله ماشي سالفه ولا يحزنون يالله انا بروح . ام راشد : تعااال حتى ما سالت من بنخطب لك ؟؟ راشد : عااادي أي وحده مافرقت ,,, وطلع من عندها.. ام راشد : أي وحده خلاص عيل لك اللي بغيته بخطبلك احلى البنات وما بلاقي احسن عن بنت اخوي . .............................. مهره : اف تعبنا اليوم وااايد . ام مهره : انا اللي تعبتوني انتي وسيف . مهره : ياامايه شو رايج فموزه ؟؟ ام مهره : بنيه رزينه واهلها طيبين . مهره : وانا بعد اقول شراتج . ام مهره : كيف تعرفتني عليها . مهره : تذكرين يوم رحت مع سيف بوظبي . ام مهره : انزين ؟؟؟!!!!!! مهره : رحنا منتزه ولقيتها هي وبنت عمها بس اليوم مايت بنت عمها . ام مهره : أيـــــوا .. مهره : تنفع لسيف صح ؟؟ ام مهره : شووووو وانتي شو يخصج فالسوالف ؟؟ مهره : لا يعني اقول بس؟ ام مهره :ماشي اقول والا ما اقول ما ابغيج ترمسين بهالسوالف . مهره : حاااضرين بس فكري فيها واذا حد بيخط لسيف محد غيرج لانج شرات امه اللي هي يدتي الله يرحمها . ام مهره : الله يرحم الجميع وقتلج سكري هاي السالفه . مهره : ان شاء الله. ........................ باليوم الثاني تحديدا عقب الغذى ... اليد وبوخالد وبوراشد يالسين في الميلس . بو خالد :الله حيه ببوراشد . بوراشد : الله يحيك . بو خالد : ليش مايبت العيال بيستانسوا . بوراشد :ايام الله ماخلصت وانا ياك اليوم بروحي وطالبنك طلب واتمنى انك ماتردني . بوخالد : تم افا عليك لا يردك الا لسانك . بوراشد : نبغي القرب منكم نبغي بنتنا موزه لولدكم راشد . بو خالد :ان شاء الله مايستوي الا الخير ياخوي اذا عني وعن ابوي موافقين بس لازم نشاور البنت وامها والا شو تقولون ياجماعه ؟؟ اليد : عين العقل والخيره فيما اختاره الله . بوراشد : خذوا راحتكم واحنا مش مستعجلين ونتريا الرد . بو خالد : ان شاء الله ما بطول عليكم . ...................... شجون : وبعد شو قالت ؟؟؟ موزه : هذا كل اللي قالته . شجون: يابختكم استانستوااا. موزه : يالله ان شاء الله المره اليايه بنروح رباااعه . شجون: قلتي هي ومنوه معاها ؟؟؟ موزه : امها لو شفتيها بعدها حلوه بتقولين خوات ماشاء الله عليها . شجون: تشااابه امه ؟؟ موزه : هيه فيها شبه ,, وخالها سيف يشبه ام مهره . شجون : ليش هو بعد كان موجود ؟؟؟ شفتيه؟؟ موزه : ماشفته الا يوم شلهم وبعد من بعيد بس اذكر يوم كان فبوظبي . شجون : اهاااااا,,, تدرين دقتلي اليوم الصبح مهره ويلسنا سوالف. موزه : زين والله ..// شجون احين بسكر امي تبغيني . شجون : اوكيه عيل باااي . موزه :بايات. ام خالد دخلت الغرفه وسكرت الباب من وراها . موزه مستغربه : هلا امايه . ام خالد : اكيد كنتي تكلمين شجون . موزه : وفي حد غيرهااا . ام خالد : المهم سمعي يابنيتي اليوم خطبوج من ابوج ويدج ,, وهم وافقوا مبدئيا لين يسمعون الموافقه منج وقالي ابوج اقولج . موزه مستغربه !!!!!!!! ام خالد : احين انتي ما عدتي ياهل خطبج بو راشد لولده . موزه انصدمت : هاااااااااااا ام خالد : احنا ما بنجربج بشي اني ما تبغينه فكري وردي علينا . موزه ساكته . ام خالد : انا بخليج احين وبظهر . ام خالد ظهرت من الحجره وموزه ربعت من وراها قفلت حجرتها بالمفتاح مرتين . موزه: راااشــــــــــــد !!!!!!! احينه صدق السالفه والا احلم رااشد خطبني ؟؟؟ عيل وين وديمه ؟؟؟ ويـــــــــــــن حمد ,,,, شو السالفه احين افرح احزن والله مادري .. ماتوقعت هالشي !!!!!!!!!!!!!!!!!!!! الا ياحبي السامي لقيتك باول ايامي تعال وجدد احلامي ترى قلب الهوى سهران ....................................... اليوم الثاني .. بعد ردة الدوامات انتشرت سالفة خطبت راااشد .. راشد تغدى ودخل حجرته يبغي يرقد وما يدري عن اللي حوله ياها اتصال. راشد : احين برقد من داق هالوقت ؟؟؟؟ حمد :الو راشد : هلا شو بغيت . حمد يصارخ : انا شفت نذاله لكن شراتك ماشفت . راشد مستغرب: بلاااااااك انته حمد : وتسوي عمرك ماتعرف ؟؟؟ راشد: حمد لا تصارخ انا مش اصغر عيالك . حمد : عيل هاااي مفاجاتك ياراشد وتقولي خوي عمري . راشد : حمد انته بلااك تونا كنا اوكيه شو السالفه . حمد يصاارخ: مابقول غير رووح الله يهنيك معااها سكر الخط ومن القهر رمى تليفونه وانكسر وظهر من البيت . راشد مستغرب : يهنيني معاااها ؟؟؟؟!!!!!!!! شو السالفه ليكوون جن هذا والا يمزح بدقله ,,,, مغلق ,,, قال مفااجاة ليكووون ,,,,,,, لااا راح يربع عند امه . نهاية الفصل الاول ترقبوااا احداث الفصل الاخير |
تسلميــن ع الباااارت ونتريا الفصل الثاني |
| الساعة الآن 04:33 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir