|
اقتباس:
مرحبتين خيووو تماام ربي يعاافيك .. تسلم .. ان شاااء الله بنزله باااجر .. |
اقتباس:
امم .. تابعي وتعرفين شوو بيصير .. شاااكرة مرووورج ختيوو |
الجـــزء الســـابع ...].. الساعه 12 بالليل .. فبيت بو ذياب ,, حمد : يالله امي تعالي قعدي عندي ,, تولهت عيلستج والله ام ذياب : زين امي ,, اصبر شوي .. بييب لك صحن البقلاوه ,, حمد مبتسم : حتى البقلاوة مزهبتنهااا ام ذياب تضحك : وانا شلون بنسى اكله ولدي ,, قبل كل شئ شريت البقلاوه ,, حمد : فديتج امي ,, زين يالله بسرعه ,, ترى اروح غرفتي ام ذياب : لا لا اقعد ,, هاذوني انا ودله القهوة وياااي حمد يضحك : صبيلي فنجااان امي ,, ام ذياب : بالاول كل البقلاوة عقب اصب القهوة .. حمد : يمي يمي ,, لذيذه ,, تسلم هالايادي والله ام ذياب تضحك : ايادي الشاميين هب ايدي ,و حمد : كله واااحد ,, يكفي انتي ماخذتنهم لي ,, ام ذياب : بالعافيه عليك وليدي ,, حمد : الله يعافيج امي ,, يالله وقت القهوة امي ,, ام ذياب تصب القهوة : تفضل وليدي ,, حمد : تسلمين امي ,, ام ذياب : الله يسلمك وليدي ,, حمد : شحالهم ذياب وغزل ,, البيت هب شئ بدونهم ام ذياب : عالاحد ان شااء الله بيوون ,, حمد : ان شاااء الله حمد روح لغرفته .. عبدالله اتصل فيه ,, عبدالله : السلام عليكم حمد : وعليكم السلام ورحمه الله .. عبدالله : شحاااالك .. حمد : بخير ربي يعاااافيك .. عبدالله يطنز : اي صااااار لي فترة مب سامع صوتك .. حمد يسايرة : اي والله .. تقريبا شهرين مب مرمسك .. وينك انت مختفي .. عبدالله : ياخي قصو علي الحريم ويوزوني حمد يضحك : الله يقطع سوالفك .. شحالك .. علوومك عبدالله : والله بخير .. حمد : قاعدين نحش فيك من ساعه .. عبدالله : هااا شو قلتوو عني .. حمد : ماشئ .. امي ودها اتي وتقعد ويا امك .. عبدالله : حياكم البيت بيتكم .. تعال وياها .. نقعد ويا بعض ونسولف .. حمد : بعنا الحيه .. وصرنا نقعد ويا حريم .. عبدالله يضحك : نسيت .. حمد يضحك : لا والله شلون بنسى اناااا .. عبدالله : تربيت عايد امك انااا .. وانت تربيت عايد امي .. حمد يضحك : اي والله .. تحيد نراكض بالفريج بفانيله عبدالله : بسك بسك .. عن الغلط .. لا تخليني اظهر بلاويك حمد : انا حليلها طفولتي .. حدي العب ويا البنات .. عبدالله يضحك : اي صح تحيد موزة وسلامه وربيعتهم ريم حمد : الله يخسك البنات اكبرووو .. وباجر بيتزوجوون وانت لحينك تذكر شطانتهم عبدالله : وشلي ينسيني اناااا .. هي هي .. صدق اياااام حمد يضحك : تعاااال صح .. شلي ياب طاري هالسوالف عبدالله : شدراني .. حمد يقهرة : زين باجر غدانا عندكم .. عبدالله : طااااااااع هذا .. عازم روحه .. يالله مناااك .. ماشئ غداااا باجر نحن بنصوم حمد يضحك : عادي انت وامك صومو نحن بني نتغدى روحنااا .. عبدالله يرمس جد : حياكم حياكم .. بيتنا بيتكم الثاني .. حمد : جاملني .. عبدالله : عيل شو تباني اقول لك .. حمد : ماشئ ماشئ .. يالله بخليك عيل .. عبدالله : يالله نترياكم باجر .. حمد : ان شااء الله .. فداعه الله عبدالله : فحفظه ورعايته فتايلند .. عالمســــا .. الكل راااقد .. الا سلامه قاعده تقرى مسجات .. وتراسل ربيعاتها بالامارات .. ياها مسج .. [ تصبحين على خير ..] من رقم غريب .. ريم فخاطرها : منووو صاحب الرقم .. ريم تفكر : هالرقم مر علي .. بعد تفكير عميق .. فكرت تطرش مسج .. لصاحب الرقم .. واكتبت فيه .. [ !!!!!!!! منو ما عرفتج ] .. وصل المسج .. وكان الي مطرش المسج ذياب .. ذياب مبتسم ويفكر شو يكتب لهااا .. وبعد تفكير [ بخبرج باجر ] .. سلامه استغربت .. ودرت الفون ورقدت .. الظهر عوقت الغدا فتايلد .. رد ذياب وطرش مسج لسلامه [ بطلي الباب ] .. سلامه مستغربه .. روحت عند غزل تخبرها بالسالفه .. ريم انتبهت ها رقم اخوها .. ابتسمت واسكتت غزل : ما ادري والله .. نبطل الباب ونجوووف .. سلامه : اي اي انتي خبله .. يمكن واحد يبغي يخطفنا غزل تضحك : انتي من صدقج .. بلاج انتي خوااافه خلينا نبطل الباب .. ونجوف منو سلامه : روحت صوب الباب وتساندت عليه : لا ماشئ ما تبطلين الباب .. غزل تهز راسها : الحل .. سلامه : اتصلي لذياب وخبريه بالسالفه خل ايي .. بديت اخاااف .. غزل مبتسمه : زين روحت بعيد وسوت روحها ترمس ذياب .. غزل : خبرته .. يالله بطلي الباب .. سلامه خايفه : امــــــــــــي .. زين اصبري .. غزل : شوو فيج يالله بطلي .. سلامه : لو استوى فيني شئ .. اااا قربت من اذون غزل : خبري ذياب .. [ احبه موووووت ] .. غزل تضحك حيل : ان شااء الله .. سلامه روحت صوب الباب .. : منووووووو ذياب يرمس مصري : افتحي الباب وحأقول لك مين .. سلامه ياها رعب : تسمعين .. انا مب مبطله الباب .. غزل شلت يد سلامه من على الباب وبطلت بقوة : سلامه كانت وصيتها اوصل لك كلام سلامه مطت غزل : انا قلت لو مت مب الحين ,, هاذوني عايشه .. ذياب يضحك وبايده الغدا مد يده عسلامه : عايزاكي تتغدي كويس .. وراانا مشوار اليوم سلامه مدت يدها وشلت الاكل : تسلم .. غزل بصوت عالي : خلني اخبرك وصيتهااا .. ذياب : تدللي يا اختي سلامه حطت يدها عثم غزل : اسكتي انا قلت لما بمووووت ذياب روح وحط يده عرقبت سلامه : هاذوووج متي .. يالله غزل شو كانت وصيتهااا غزل تضحك : وصيتها كانت [ تحبــــك موووووووووت ] .. سلامه محمرة : خوز يدك عني .. ذياب : ان شااااء الله .. سلامه منحرجه من الموقف : ما بتغدى اليوم غزل تغايضها : توفرين فديتج .. ذياب يود غزل : سلامه تغدى قبلج .. وان ما تغدت خبريني .. انا بيي اكلهااا سلامه بصوت واطي : ما بتغدى .. غزل : سمعتهااا .. قالت ما بتغدى .. انا ما يخصني .. هاذوني خبرتك .. ذياب : زهبي الغداااا .. بيلس فوق راسكم اليوم .. سلامه صاده عنهم : ذياب اظهر برع .. بتغدى .. بس اظهر ذياب : خلاص بظهر .. بس تغديت سمعتي .. سلامه : زيـــــــــــن .. غزل : يالله .. كش كش برع .. ذياب يقهرها : باي حبيبتي .. غزل تضحك : انا برد عنها .. باي حبيبي فبيت بو ذياب .. حمد روح عند امه : امي يالله تزهبي . بنروح بيت ام عبدالله ام ذياب : من صدقك وليدي .. حمد : اي امي يالله قومي بنتاخر .. ام ذياب : فشله وليدي .. هالوقت نروح عندهم .. حمد : انا مرمس عبدالله .. يدري بنروح لهم هالوقت ام ذياب : زين وليدي الحين بقوم اتزهب حمد : يالله انا بروح اتلبس وبييج .. ام ذياب : ومن بتنزل بتحصلني زاهبه .. حمد : اوك امي .. فبيت بوسيف الله يرحمه .. ام سيف بعد ما فكرت بالسالفه .. << واوصلت لقرارهاااا .. روحت عند ريم .. خبرتها بان سالم يا وخطبها ريم : شوووو سالم خطبني .. ام سيف : هي بنيتي .. الولد يبغي لج الستر .. ريم : انا مرتاحه جي .. ام سيف بعصبيه : وانتي مفكرة احد بيتقدم لج بعد الي سويتيه ريم : غلطت .. وهااذوني تبت .. ام سيف اوقفت وبصراااخ : الولد ياي ويبغي يستر عليج ,, وانتي تقولين لاااا .. انتي مفكرة احد ايي ويخطبج غير سالم .. ريم ساكته .. وتصيح ام سيف : تردين علي خبر اليوووم .. ولا كل شئ بيصير غصب .. واظهرت ام سيف من الغرفه .. وروحت عند سيف .. وخبرته بكل الي صاااار .. سيف ثاااار .. وقف وبغا يروح عند ريم يجبرها توافق .. امه يودته .. سيف بعصبيه : امي خليني اادبها لج .. ام سيف : خلهاا تفكر .. بتحس بغلطها وبتوافق .. سيف : امي ودريني خليني اروح اكسر راسها ام سيف وهي تصيح : بس خلااااص .. ذبحتوووووني .. يكفي الي تسوونه فيني .. من كل صوووب معذبيني .. سيف هدى باسها عراسها : اسفه امي .. ما كنت قاصد ام سيف اظهرت من الغرفه .. وردت فغرفتهاااا .. بطلت الدرج وظهرت صورة بو سيف .. وتمت تشتكي لها عن الي يصير .. وهي غرقااانه دمووووع .. فبيت ام عبدالله [ ربيع حمد ] .. حمد وام ذياب عند الباب .. حمد سمع صوت الجرس .. روح بطل الباب .. عبدالله : هلا هلا .. حياكم .. حمد : اهلين عبوود .. احم احم الوالده وياي .. عبدالله : حياااهاا .. بروح انادي لها امي .. ادخل الميلس اعتقد تدله . حمد يضحك : اي اي ادله ,, عبدالله وام ذياب ادخلو الميلس .. ام عبدالله ادخلت الميلس : السلام عليكم .. حمد وام ذياب : وعليكم السلام ورحمه الله .. ام عبدالله مبتسمه: شحالك حمد .. شخبار الدراسه حمد : الحمد الله .. كل شئ تماااام .. ام عبدالله : شحالج ام ذياب .. حياج .. ارتاحي ,, ام ذياب : الله يحيج .. الحمد لله بخير .. ام عبدالله : اخبارها غزل .. وينها عنج ليش مب وياااج .. ام ذياب : غزل مسافرة ويا اخوها ذياب تايلند .. ام عبدالله : اي صيف والكل يبغي يغير جووو .. وخذتهم السوالف .. وحمد وعبدالله يالسين بصوب وماخذتنهم السوالف .. وبعد الغدااا .. وبعد السوالف الي اجمعتهم .. حمد : امي جنه تخرنهااا .. ام عبدالله : ويه تو الناااس توكم يايين ,, ام ذياب : الساعه 4 ونحن لحينا فبيتكم .. اسمحولنا ثقلنا عليكم عبدالله : افا عليج خالو .. البيت بيتكم .. صلو العصر وروحوو ام ذياب : لا وليدي تاخرنا عـ بوذياب .. روحه بالبيت ,, وودرناه بدون غدا ام عبدالله : هييل الرياييل ما ينخاف عليهم بيدبرون روحهم .. حمد : يالله عبدالله .. نتلاقا وقت ثاااني .. عبدالله : ان شاااء الله .. الا تعال شرايك نضهر بعد المغرب .. فخاطري اروح دبي حمد : خلاص دبي دبي .. بمر عليك .. عبدالله : خلاص حبيبي .. يالله فداعه الله .. حمد : فداعه الله .. امي ما بتخلص سوالف .. حمد : يالله امي .. فطسنا بهالحر .. ام ذياب : يايه وليدي .. يالله مع السلامه ام عبدالله ام عبدالله : مع السلامه .. ولا تقطعونا ,, حياكم باي وقت ,, ام ذياب : ان شااء الله .. مع السلامه ,, بعد يومين ,, يوم السبت غزل : يالله .. هالاغراض انا كلها وين احطها .. سلامه : اي والله ما خلينا شئ الا خذناه والحين الشنط ما تسد موزة : انتو الي ما خلوني شئ بالسوق .. انا فديتني حدي بدل وشنط .. غزل تغايظها : نحن بنات كشيخات هب انتي مالت عليج موزة تطنز : ما شاااء الله جمااالج مسكت .. خليني ساكته سلامه منزعجه: شرايكم تقومون تمططون شعر بعض .. غزل : قامت .. وتمت تعق المساند عموزة .. حمدان يطق الباب .. روحت غزل وبطلت الباب عبالها ذياب عقت روحها عحمدان : ذياب .. موزو تضربني .. غزل توها تستوعب بانه حمدان مب ذياب : هااا سوري .. حمدان مفتشل : السموحه شكلي ازعجتكم .. موزة قاعده عالارض وتضحك : والله انج عبيطه .. يعني لو كان غير حمدان .. غزل تتراجع : ااا سوري ما كان قصدي .. موزة قامت وروحت لحمدان : امر خويي تبغي شئ .. حمدان حده مفتشل : شلي هالاغراض وحطووها بشنطكم .. شنطنا سكرت خلاص .. سلامه : نحن ناقصين .. شنطنا مليانه .. حمدان روح خذ شنطه صغيرة .. [ تاشر على الاغراض ] .. جوف ها كله وين نحطيه حمدان : ان شااء الله .. الحين بروح وبييبها لكم .. سلامه : خلاص عيل نترياااك .. روح حمدان .. وغزل قاعده ترتب اغراضها .. موزة تعيد حركه غزل وتقلده حركتها وهي تضحك .. وسلامه مسايرتنها .. ويضحكون على غزل ,, غزل منحرجه مب عارفه شو تسوي : بسكم عااااااااااااد .. صار الي صااار .. موزة : شكلك كان يضحك .. تحضنين اخوي يداامي .. خربااانه سلامه تقلد غزل : بسكـــــــــــم عااااد .. غزل مسوتلهم طااف ولا معبرتنهم : عندكم شئ احطه بهالشنطه .. سلامه تضحك : هي عندنا .. غزل : عطيني يالله قبل لاسكهااا سلامه عطتها اغراض حمدان : شيلي هذووول وخليهم عندج .. غزل : مال منو هييل وشو فيهم .. سلامه : اغراض الي طحتي بحضنه .. غزل تعق الاكياي من يدهاا : دوري لها مكان ثاني مب محطتنهم عندي .. موزة : عطيني اكياس خويي حبيبي .. بحطهم بشنطتي .. غزل معصبه : عندكم شئ .. ولا اصكهااا سلامه : يودي جيسي .. شنطتي ما تدس .. غزل شلت الكيس وحطته بالشنطه : خلاص فل .. سلامه : باجر متى بنظهر .. موزة : حسب كلام حمدان 4 العصر .. غزل : يعني بنتغدى وبنظهر .. سلامه : يس يس .. عبدالله وحمد رادين من دبي .. عبدالله : ياااا الله يا دبي .. غير بالمرة عن بوظبي .. حمد : وشلي فيها غير عن بوظبي .. [ يطنز ] الاجانب .. عبدالله يضحك : خلنا من الاجانب .. بس الاماكن السياحيه فيها اكثر .. من مولات واسواق وحدائق .. حمد : فهذي معاااك حق .. بس داري احلى .. الا تعال لايكون عاشق لك وحده من دبي عبدالله بخقه : ماا عندي سالفه .. خليت هالسوالف حقك .. حمد : ايخسي .. ما انزل مستواي لبنات انااا .. عبدالله يضحك : اي انت مب مخلي حال فالاجانب .. حمد : هييل ربع الدراسه .. وخل عنك هالسوالف .. عبدالله : وربع الدراسه .. يضحكون وسهر وقعدات صح .. حمد : والله ونيتي صافيه .. تحراني خيس شراتك .. عبدالله : بدينا بالغلط .. حمد : زين زين .. يا راعي النيه الصافيه .. هاذو بيتكم .. انزل وفكني من شرك .. عبدالله : الله كريم ... حياك خلنا نكملها سهر .. حمد يضحك : لا بروح البيت .. امي تترياني .. عبدالله : اي يا ولد ماماتك انته .. روح روح .. حمد : بسك تطنز .. ما ابي تشغل بالها علي .. عبدالله : اي خلاص .. نتلاقا باجر ان شااء الله .. حمد : ان شاء الله ,, فبيت بوسيف .. سيف روح لريم فغرفتها .. سيف يطق الباب ريم : منووو .. سيف بطل الباب ودخل : شو تسوين ريم : ماشئ .. الي تجوفه .. سيف روح صوبها : وشو هالكتاب الي بيدج .. ريم : يود واعرف شو الكتاب الي بيدي .. سيف : لو انج كنتي شاغله روحج بهالسوالف مب احسن .. ريم اسكتت سيف قاعد يتصفح الكتاب : ريم .. ريم : نعم .. سيف : ما قلتي لنا رايج .. ريم : بشووو سيف بغيضه : لا تسوين روحج مب عارفه شئ .. ريم اسكتت سيف : اذا ما وافقتي بطيب راح توافقين بقوة ريم : بس انا مب صغيرة عسب تجبروني عشئ انا ما ابيه .. سيف : ولانج مب صغيرة كنتي ما بتحطين روحج من البدايه فهالموقف .. ريم : انااا مااا ابي سالم .. !!! .. سيف وقف ويود شعرها : بتاخذين سالم غصب عنج .. رايج ماعاد يهم .. يا مسوده الويه ريم : ماراح تقدر تجبرني .. سيف : بلا .. اروم .. وغصب عنج بتاخذين الي فضلتيه عن شباب العالم .. ريم تصيح : ودرني .. سيف ودرها بقوة .. ريم طاحت عالارض : باجر راح اتم الخطبه .. سالم بيينا .. بعد المغرب ابغي اجوفج زاهبه سمعتي ريم : لاااا .. انااا مااا ابي سيف : تبين غصب عنج .. [ وظهر ] .. ريم اقعدت تعيد شريط حياتهاا .. قاعده تفكر شلون بتعيش مع انسان يعرف ماضيها . شلون راح تعيش مع انسان كان سبب في وفاه ابوها .. قاعده تفكر .. راح تكون حياتها سعيده ولا .. !!! شلون رايح يعملها سالم .. !! منو غير سالم بياخني !!! هالاسئله كلها تدور فبالها .. !! وارقدت .. عبدالله دخل الصاله .. عبدالله : امي امي .. امي وينج .. ام عبدالله بغرفتها مب سامعتنه .. عبدالله دخل الميلس .. ما لقاااها .. روح المطبخ مالقاها .. ام عبدالله اظهرت من غرفتها : ويه عبدالله انت متى ييت عبدالله : قلبت البيت فوق وتحت وانا ادورش ام عبدالله : انا فغرفتي يعني بهالوقت وين بكون .. عبدالله : تاخرت امي .. !! ام عبدالله : لا قلبي مطمن دامك ويا حمد .. عبدالله يضحك : وليش بالذات حمد .. ام عبدالله : حمد خووش ريااي يعتمد عليه .. عبدالله : طالع عابوي .. ابوي جذه انسن ينحب وقلبي يرتاح له .. ام عبدالله : الله يخليه لامه وابوي ويوفقه دنيا واخرة .. عبدالله : ويخليني لامي [ يبوسها فوق راسها ] .. ام عبدالله : حدي يوعانه ما تعشيت كنت اترياك .. عبدالله : امي الساعه 12 وتقولين ما تعشيت .. الله يهداج امي .. ام عبدالله : كنت اتريا ولدي حبيبي .. يالله قم نروح نتعشى .. عبدالله تعشى ويا حمد برع .. وعسب لايزعل امه روح وياها : شو مسويه امي .. ام عبدالله : وانت ريحه شو تشم بالمطبخ .. عبدالله : اممممممم .. بيتزاا .. ام عبدالله : لا مب بيتزا .. بطل الفرن وجوف شو مسويتلك .. عبدالله روح وبطل الفرن : يااااااااااااااي .. بشميل .. ام عبدالله مبتسمه : يالله ساعد امك وظهره من الفرن .. وحط لي ولك بالصحن .. عبدالله : ان شااء الله امي .. ام عبدالله تحط السلطه بالصحن : هالسلطه اكثر من 3 شهور مب مسوتنه .. عبدالله : اي سلطه امي .. ام عبدالله : سلطه الخضرا مع الجبن .. عبدالله يضحك : فديت يدينج امي .. ام عبدالله بنبرة حزن : وليدي .. عبدالله : امري امي .. ام عبدالله : ابغي اجوفك معرس و اعيالك تارسين البيت .. عبدالله : تو الناس امي .. انا توني 20 .. ام عبدالله : شئ شباب اصغر عنك متزوجين وعندهم يهااال .. عبدالله : امي انا ادرس .. منو بترضى تودر بلادها وتروح تعيش برع .. ام عبدالله : هذي نحن نروم نحلهاا .. انت بس قول لي بتزوج وانا ادور لك بنت الحلال .. عبدالله : امي انتي حاطه وحده فبالج .. ام عبدالله : هي وليدي .. واخاف اطير منك .. عبدالله : الزواج قسمه ونصيب . ومحد بياخذ الا نصيبه .. ام عبدالله : زين ولدي كل .. عبدالله يفكر منو هاذي الي حاتنها امه فبالها .. عبدالله : امي .. ام عبدالله : امر وليدي .. عبدالله :منو حاطه فبالج .. ابغي اعرف .. ام عبدالله : من تقول لي مستعد للزواج بخبرك عبدالله : يعني ما بتخبريني الحين .. ام عبدالله : دامك مب حاط الزواج فبالك لاااا . اهتم بدارستك .. عقب بتشغل بالك .. عبدالله : قوليلي امي .. ام عبدالله : لا وليدي .. يالله كل عبدالله : الحمد لله شبعت .. ام عبدالله : ما كلت شئ امي .. عبدالله : كل ها ومب ماكل شئ .. ام عبدالله : براحتك وليدي .. عبدالله : امي بروح ارقد .. فخاطرج شئ ام عبدالله : سلامتك عبدالله : الله يسلمج امي,, تصبحين على خير .. ام عبدالله : وانت من اهله .. روح عبدالله يرقد .. وام عبدالله روحت غرفتها .. ترقد .. ترقبـــو الجزء الثـــامن ..] |
http://ma7room.org/up/images/dzo7sotblmtw3dohf75.gif انا اول وحده ارد عليج ^_^ تسلمين قصيد على البااااااااااااااارت الغااااااااااااااااااااااوي الي في مكان ريم اكيد رح يكون هذا تفكيرها بس ان شاء الله انه سالم يتغير للاحسن اممممم اتوقع حمدان بيخطب غزل وام عبدالله يمكن حاطه عينها على غزل يعطيج العافيه http://ma7room.org/up/images/f43fp8zlzilkhin5xgpa.gif |
اقتباس:
الله يعاافيج ختيووو .. تابعي وراح تعرفين شو راح يصير |
الجــــزء الثـــامن .. ..].. يوم الاحد الصبح .. ام ذياب ترتب البيت .. غزل وذياب بيردون اليوم من السفر .. حمد : صباح الخر امي .. ام ذياب : هلا وليدي .. صباح النور .. حمد : شو تسوين امي جالبه البيت فوق وتحت .. ام ذياب تضحك : نسيت .. ذياب وغزل بيردون من تايلند اليوم . حمد : اي صحت .. نسيت والله بو ذياب دخل عليهم : صباح الخير .. حمد وام ذياب : صباح النور .. بو ذياب : هالعفيسه كلها ليش .. حمد مبتسم : ذياب وغزل يايين اليوم .. ام ذياب : انا هالمرة بيي وياكم المطاار .. حمد : لا امي انتي خلج بالبيت .. نحن بنروح انيبهم .. ام ذياب : لا يا حمد انا بيي وياكم .. بو ذياب : خلاص حمد خلها .. نوديها .. ام ذياب : الريووق زاهب بالمطبخ .. روحو تريقووو .. بو ذياب ما تظهر بدون ريوق .. بو ذياب يرمس حمد : جوف امك كيف خايفه لي .. حمد : وانا امي مب مهم عندج اتريق .. ام ذياب تبتسم : بلا وليدي .. روحو تريقوو وانا بييكم .. حمد : لا نحن مب رايحيين .. يالله ويااانااا .. ام ذياب ودرت الي بيدهااا .. : اوكي .. يالله نتريق ويا بعض فتايلند .. غزل : يااااي بنرد بوظبي اليوم .. حدي مستانسه لاهلها .. سلامه بنبرة حزن : فديت امي انااا .. اشتقت لها حيل موزة : فديت ماماتي انااا .. ودي ارقد بحضنهااا .. سلامه بدلع : اناا برقد بحضنهاا .. انتي تروحين غرفتج وترقدين .. غزل تضحك عليهم : بنااات ماماتهم هييل .. كلنا نحب امهاتنا بس ما نسوي شراتكم .. سلامه : يقولون .. الجنه تحت اقدام الامهات .. غزل : زين زين .. بسكم كلام .. يالله قومو نروح نتغدى .. بعد الغدا بنروح المطاار .. سلامه : حمدان اتصل فيني وقال لي غداااانااا برع اليوووم .. موزة : الله .. ونااااسه .. يالله قومو نزهب .. يوعانه حدي .. سلامه : مالي خاطر اتغدى اليوم .. روحو روحكم .. غزل : لا ما يصير جي عاااد .. اليوم اخر طاوله راح تجمعنااا بتايلند يالله قومي .. سلامه : غصب هوووو .. قلت مااابا .. انا بتم اهني .. وانتو انزلووو ويا ذياب وحمدان غزل تنغزها: موزو رمسي اختج .. مب سامعه صوت الحبيب اليوم ومعتفسه ,, سلامه تضحك : خليتيني اضحك وانا ما ودي اضحك .. ملقوووفه .. موزة : يالله سلاااااااامو قووموو .. ولا اناديلج ذياب .. سلامه بدلع : ناااااديه .. شو بيسوي يعني .. حده بيصارخ علي .. غزل اونها ما ترضى على اخوها : اوريج سلامو .. غزل تتصل فاخوها ذياب بغيضه : الووووووو ذياب يقلدهاا : الوووووووووووووووو .. غزل : ذياب .. اسمعني والله ما بعيد كلامي .. اسمعني عدل .. ذياب فخاطره شوفيها هاي : اسمعج قولي .. غزل تناظر سلامه : نحن نبغي نتغدى برع اليوم .. وحضره الشيخه ما تبغي اتي وياااناا ذياب يضحك : منو هاي شيخه البنات الي مب راضيه تغدى .. غزل بعصبيه : سلااااااااااااااامو .. عايبتنها يلست الفندق .. ذياب : لا تحاتين .. بتجوفينها اول وحده ومن يدام بعد .. غزل : فديت اخوي انااا .. يالله اجوف اباك تكسر راسها ذياب : عطيني اياها .. غزل تعطي الفون لسلامه .. سلامه مب راضيه تشيله .. غزل : ذياب حبيبتك عنيده للاسف .. انت والله ما عرفت منو تحب .. ما لقيت غير سلامووو .. ذياب : حدج عاااااااااااااد .. تجاوزتي حدودج .. عطيني اياها وان ما رضت حطي سبيكر .. غزل تعطي الفون لسلامه : سلامو شيلي .. حضرة الشيخ ذياب يباااج .. سلامه : مااابي .. غزل : عيل بحط سبيكر .. بطلي اذونج عدل .. ذياب : سلامه حبيبتي .. ما ودج تغدين ويانا اليوم .. غزل وموزة يضحكون عليهم .. ميودين ضحكتهم غصب .. سلامه منزله راسها .. ترفع عيونها شوي وتنزلها مستحيه .. ذياب : سلامه قلبي ردي علي .. ما ودج تغدين وياا ذياب .. سلامه تناظر غزل .. سطوووووت ومحد يرد .. ذياب سوه روحه انجرح : اي انقصت ايدي .. اف .. ايدي تنزف .. سلامه بطلت عيونها من اسمعته .. : ذيــــاب .. شفيك .. ذياب يسوي روحه ما يسمعها : آآآهـ .. السكينه حاده .. سلامه حاسه بالذنب : تعورت حبي .. ذياب : منج .. انتي ما تردين علي .. ارمسج ومب منتبه لايدي .. سلامه : اسفه حبيبي .. ما قصدت .. ذياب : من يلف يدي الحين .. سلامه ابتلشت : حمدان عندك .. خل يلفها لك .. ذياب : حمدان نزل .. محد عندي .. اف .. كندورتي كلها دم سلامه : تعال عندنا نحن نلفها لك ذياب : عنبو الا هو اصبع ثلاثتكم بتلفونها لي .. سلامه مستحيه : غزل تلفها لك .. تعال .. ذياب يتغلى : خلاص مب ياي .. سلامه افهمت المقصوود : خلاص انا الفها لك .. ذياب : دقايق واكون عندج .. ذياب ظهر من غرفهم وروح للبنات .. دق الباب .. سلامه تطالع الباب وتطالع غزل : ما تسمعين الباب قومي بطلي .. موزة : انا ببطل .. سلامه : زين تسوين غزل يودت موزة : لا فديتج خل سلامو تبطل الباب .. سلامه : اوريكم .. نذاااااااله .. ذياب اخذها فرصه .. وشل الهديه الي مزهبها لسلامه وياه .. سلامه بطلت الباب وهي مبتسمه : مرحبااا .. ذياب : مرحبتين .. سلامه تطالع يده تقول فخاطرها [ ايده مافيها شئ ] .. ذياب رفع ايده : ايدي مافيها شئ .. [ وباسها ] .. سلامه مب فاهمه شئ : تيود كندورته .. مافيك اثر دم .. انت مو انجرحت .. ذياب حط ايده على كتف سلامه وتم يغني : كفـآيهـ يـ الغ ــلآ كفـآيهـ . كفـآيهـ منـك تعـذيبـي حبيبـي وانتهـ منـآيهـ .. عنـآتـي إنسي وطيبـي سلامه نزلت راسها بالارض : صوتك روعه .. ذياب : صوتج احلى فديت قلبك .. سلامه : تسلم .. ذياب : الله يسلمك .. ويسلم غالييج .. سلامه تبتسم : خلاص .. بتغدى وياكم .. ودرني الحين .. ذياب : لا مب متحرك من اهني .. سلامه تحط يدها عايد ذياب : ودرني .. ما اعيدها وبتغدى وياااكم ذياب مبتسم : بالاول .. طلبتج قولي تم .. سلامه متردده : ااا اذا اقدر البيه لك ذياب : ترومين .. يالله قولي تم .. سلامه : تم ذياب : نزل يده ومسك يد سلامه .. غنيلي .. سلامه باستغراب : اناااااا اغنيلك ذياب : وفي غيرج اهني .. سلامه : لا ما اعرف .. صوتي مب حلو .. ذياب يضغط عيدها : بتغنين ولا كيف .. سلامه : من تودر يدي بغني .. ذياب : لا مب مودر يدج .. انت قلتي تم .. يالله قلبي سلامه اسكتت .. نزلت راسها بالارض .. ذياب : آآ .. [ وقاطعته ] .. سلامه بصوت عذب وهادي .. : ودآدك سآكن حشآيهـ .. ونبضي باسمك يجيبي وقلبي وبآقي عضآيهـ .. بـ شوفك خلي الطيبي ذياب رفع يدهااا وباسها عراسها [ الله يحفظج حبيبتي ] .. ودرها وروح .. سلامه تتابع خطواته .. : ويحفظك لي .. ذياب صد عليها : قلتي شئ .. سلامه ترفع راسها : ها لا ماااشئ .. ذياب ابتسم وروح .. فبيت بو سيف .. بعد ما تغدو سيف وام سيف وريم ويا بعض .. ريم : امي حبيت اقول لج شئ سيف يناظرها بطرف عينه .. : نسمعج ريم : انا ارمس امي .. محد ياب طاري اسمك .. سيف سكت يناظرها باحتقار .. ام سيف : امري بنيتي .. ريم : سالم .. سيف ببرود : شفيه سالم .. بييه .. بنملج اليوم .. وخلصناا ريم : محد رمسك انت .. ام سيف : خلج منه قوليلي شفيه سالم .. ريم : خلاص اناااا .. [ واسكتت ] ام سيف : فاهمتنج حبيبتي .. خلاص .. راح نملج اليوم ريم تبتسم : ان شااء الله .. سيف يتطنز : لو انج كنتي مب راضيه .. راح تزوجينه غصب .. ريم قامت من عالسفرة وتناظره بطرف عينها : حبيت اكسر كلمتك .. وما بغيت اتزوج غصب .. وانت تجبرني عليه ..تزوجت برضاي .. ام سيف : بسكم .. انتو ما تعقلون سيف روح غرفه .. وريم روحت لغرفتها .. وتمت سيف تيمع الصحوون .. فتايلند .. فالمطعم .. الكل قاعد ويتغدى .. ذياب رفع فونه وطرش مسج لسلامه .. [ كلي عدل فديتج ] .. سلامه وبدون ما تحس تقرا المسج .. وتبتسم : ان شاء الله نظر عيني .. موزة وغزل مستغربين : سلامو في شئ .. سلامه توها تنتبه لروحها : هااا .. وخافت يشطون فيها .. جوفو المسج .. غزل تقرا المسج : اهاااا .. المسج من ذياب .. موزة : ها رقم ذياب .. سلامه شلت الفون عنهم وبعصبيه : وتبون تخطفون رقمه .. غزل بطرف عينها وترمس موزة : كلي كلي ما عليج منهااا .. خليها عاشقه هاااذي .. سلامه وهي تاكل بدلع : شلي حارنكم انتووو .. غيووورين .. غزل وموزة : شبعنا نحن .. الحمد لله .. [ واوقفو] غزل : حنا شبعنا بتين ويانا ولا بتكملين اكل .. موزة : وهاذي الي مب مشتهيه .. ويت غصب ويانا سلامه : لا اقعدووو .. ما يصير اكل روحي .. موزة مطت غزل : يالله نروح .. سلامه مب عارفه اذا تقوم ولا تكمل اكل .. ذياب بالطاوله الي مجابلتنهم .. وعينه على سلامه .. بغت تقوم ذياب هز راسه لها عسب تقعد .. سلامه فخاطرها : شلون اكل وانت جذا مجابلني .. طرشت له مسج : انا شبعت وبروح للفندق .. ذياب وهو يناظرهااا ويهز راسه يمين ويساار .. [ يعني لا ] .. سلامه فخاطرها : شو هالبلشه هاي .. اوريهم غزلوو وموزو .. حمدان منتبه على ذياب : انت اي منو سااارق عقلك .. وينك .. شفيك .. ذياب : هاااا .. لا ماشئ .. قم قم نروح .. حمدان صد وراه عسب يجوف البنات اذا خلصو ولا .. انتبه لاخته سلامه يالسه روحها .. حمدان : دقايق بس .. ذياب ملقوف : ايي وياااك.. حمدان : وين اتي .. بروح اجوف خويتي .. ذياب وده يروح وياه : خلاص خلاص ناطرك .. حمدان روح لسلامه : وينهم عنج .. سلامه بنبرة خوف : تغدو وروحو عني .. حمدان : وليش ما روحتي وياهم .. سلامه : كنت لحيني اتغدى .. واهم ما اصبرو لي .. حمدان : وعايبتنج اليلسه روحج .. سلامه بخوف : والله كنت ابي اروح بس اهو روحو وخلوني .. حمدان بغيضه : امشي وياي .. سلامه : زين انا ما يخصني .. اهم ودروني حمدان : ما تعيدينها .. سلامه : ما اعيدها .. ذياب خلهم روحهم وروحو عنهم الفندق.. روح لغزل فغرفتهم .. ذياب : يالله غزل .. عطيني الشنط .. غزل : هاذوهم تعال شلهم .. ثقال .. ذياب دخل وشلهم .. وحمدان يحمل شنطهم .. حمدان اتصل لاخوه جاسم ,, حمدان : السلام عليكم .. جاسم : وعليكم السلام .. حمدان: شحالك .. واخبار امي .. جاسم بتطنز : تمااام ربي يعافيك .. امي بخير .. تاكل وتشرب .. حمدان مستغرب : الله يخليها لناا .. من بعد وفا ابوي .. جاسم : خلصني شو تباااا حمدان مقهور : غلطان لما دقيت عليك والله ,, جاسم باستهزاء : دامك تعرف سكر عني وخلصني .. حمدان : يا خسارة الاخوه فيك .. اوني داق لاخوي الوحيد عسب اييني المطار ويشيل خواته ,, جاسم : ليش انتو بتون اليوم .. حمدان باستهزاء : لا اخوي ولد امي وابوي .. ناوين نعيش بتايلند وبنشل امي وياي .. جاسم : زين تسوي .. حمدان : واخلي املاك ابوي كله لك .. وبنشوف لوين بتوصل .. جاسم بعصبيه : عطيتك ويه وااايد .. جوف لك احد اييك المطار انا مب ياي .. حمدان يتطنز : خلاص .. ولا يهمك اركب خواتك ويا ربيعي ,, ابد مافيها شئ . جاسم : اذا ما عندك ضمير ولا احساس ومافيك غيرة ركبهم ويا ربيعك ,, وباجر يوصفهم يدام ربعه .. حمدان بضحكه سخريه : احلف انت بس .. اجوف شئ غيره فيك .. جاسم : اسمعني ..خواتي بيي وبشيلهم وانت جوف لك احد اييك .. حمدان باستهزاء : لا تحاتي خويي .. بيي مشي من المطار لين البيت , جاسم يضحك : متى اييكم .. حمدان : الساعه 7 نحن عندكم ان شاء الله جاسم : خلاص بيي اشيلهم .. حمدان : من صدقك ما بتشيلني وياكم جاسم : ابد ولا تحط روحك بموقف حرج .. رد ويا ذياابوو حمدان بعصبيه : يالله يالله باي جاسم: باي سيف راد من المسيد بعد صلاه العصر ووياه ربيعه نهيان ,, سيف : نهيان .. اليوم ملجه اختي .. بغيتك تحظر .. مالنا غيرك بعد ابوي نهيان : ومتى الملجه ,, سيف : بعد صلاه المغرب ان شاااء الله نهيااااان بقوة : افاااااااااااا .. جان خبرتني قبلها بيوم .. سيف : ليش وقتها بتكون بزي ,, نهيان بعد تفكير : افااا عليك سيف .. لو انا بآخر الدنيا اييك .. سيف : لا عيل ما ابيك تأجل شغلك عشاني ,, نهيان بضربه خفيفه عكتف سيف : يايك .. لا تحاتي .. بصلي بمسيدكم .. وبطب فبيتكم سيف يبتسم : تسلم والله ,, [ ينغزه ] .. عقبالك يا ياهل .. نهيان : يا الله ,, انت العوووووود الحين ,, سيف : اي اي رايح ثاني ثنوي انااا .. نهيان يضحك : يالله تكبر واخرتها تعرس.. وارقص لك بعد سيف يضحك : ياموتك عالرقص انت .. اصطلب وخل عنك هالسوالف احسن لك .. نهيان : شدراك انت بس .. وبعدين .. شفيك ما قمت اتينا وايد .. قاطعتنا .. سيف انحرج : لا ابد بس عارف محد يداري البيت بعد ابوي الله يرحمه نهيان : الله يرحمه .. سيف : يالله نهيان اسمحلي بخليك .. بروح البيت .. نهيان : وانا بروح اكشخ .. عبالك انت بس تكشخ .. سيف : ترى والله ماشئ حفله حريم نهيان يضحك : الله يخسك .. استر علي زين سيف : اعرف سوالفك عدل نهيانوو .. روح انت بس روح نهيان : يالله فداعه الله .. نتلاقا بعد صلاه المغرب سيف : ان شاء الله .. مع السلامه فبيت بو ذياب .. حمد : امي .. يالله ابوي عيز يتريانا برع .. ام ذياب : زين زين هاذوني يايه حمد : امي انا بروح ويا ابوي .. وانتي تعالي بسيارتج .. ام ذياب : ليش وليدي .. حمد : والله ذياب خبرني .. اعتقد اهل ذياب بييون ويانا .. ام ذياب بحسرة : اي .. جاسم مب نافعهم ابد .. حمد : خلينا منا امي .. تربينا ويا بعض والحين عيزانين نخدمه بالسنه خدمه .. ام ذياب مبتسمه : الله يخليك لي وليدي .. عليك مبادئ .. حمد بفخر : تربيه ام ذياب انااا .. [ بابتسامه ] من حقي اخق امي .. ام ذياب تضحك : يالله يقطع سوالفك يالله خلنا نروح .. حمد روح ويا ابوه .. وام ذياب بسيارتهاا .. اوصلووو المطاار .. حمد : امي .. جوفي هناك .. [ ياشر على ذياب وغزل ] .. ام ذياب بابتسامه : الف الحمد لله على سلامه وليدي .. قف نروح له .. بو ذياب : يالله قومي .. غزل من المحت ابوها راحت له ركض : ابوووووي حبيبتي تولهت عليك واايد .. بو ذياب : الحمد لله على سلامتكم بنتيتي .. غزل : الله يسلمك ابوي .. تولهت علي ابوي .. بو ذياب : اي فديتج .. الييت بدون حشرتج ويا ذياب مو شئ .. ام ذياب مجابله ذياب وميوده يده : الحمد لله على السلامه حبيبي .. ذياب حاس روحه ياهل : الله يسلمج امي .. ام ذياب تبوس يده .. وذياب يبوس فوق راسها .. ذياب وهو مستحي ويطالع يمين يسار : امي جني ياهل .. شفيج شكبري انااا ام ذياب تبتسم : لو توصل الستين وكل ضروساتك تطيح بتم ياهل بعيوني ذياب يضحك ويبوسها فوق راسها : الله يخليج لنا امي .. غزل اضربت ذياب على ضهره وبدلع : انت اي خوز بعيد عن امي .. ذياب يقلدها : انت اي خوز بعيد عن امي .. غزل اوقفت بين ذياب وام ذياب .. وجابلت ذياب وعطت ظهرها لامها : ذيابوو خل الفلم الهندي ويا امي .. روح عند ابوي .. ذياب يود كتفها وعطى ويها لامها وظهرها لذياب يهمس باذنها : لا تصيحين امي سمعتي .. غزل : ان شاااء الله اخي العزيز .. ام ذياب : خلصتووووو ولا بعدكم .. غزل : فديــــــــــت امي انااا .. الحمد لله على سلامتي .. ام ذياب تيود اذن غزل : يوزي .. لحينج شيطانه .. غزل سوت روحها ازعلت وروحت عند ابوها .. غزل : ابوي جوف امي .. تقول عني شيطانه .. بو ذياب : لا والله مب قادر ارفع صوتي ع ام ذياب .. غزل تسوي روحها مستغربه : يعني تحب امي اكثر عني .. بو ذياب مفتشل : غزلوو عيب .. ام ذياب تضم بنتها : فديتج حبيبتي .. شيطونه عسل .. غزل تيود يد امها وتوديها صوب سلامه وموزة : امي نسيتي سلملم وبنانا .. ام ذياب تطنز : منو هييل بعد .. انا الي احيده وياكم موزة وسلامه .. غزل : لا امي .. مال اول موزة وسلامه .. نحن الحين بالقرن ال21 .. هاي بنانا وهاس سلملم .. ام ذياب تضحك : خليني اسلم عليهم امي .. ما تخصلصين شطانه انتي غزل نزلت راسها : خذت راحتج امي .. ام ذياب : الحمد الله على سلامتكم موزة وسلامه .. غزل : ايهـــي .. قلت لج سلملم وبنانا .. ام ذياب تحاول تقلدها .. : امي ما اعرف .. ذياب مط غزل : تمي اهني .. طفرتي امي .. غزل يدها عخصرها : انت شفيك .. شتبي .. ذياب بعد نفس عميق : ابا حبيبتي .. غزل نطت من مكانها وروحت عند موزة وسلامه وام ذياب : اسسسسس .. اسكتو . خبر يديد سلامه : شو السالفه .. شو يديدج .. غزل تهز راسها : لا لا لا ما يصير .. موزة : شوفيه سلامو .. لا توقلين نسينا شئ .. غزل : اي .. انتي جديمه .. شو نسينا شئ السالفه اقوى من جي ... ام ذياب : شو صاير بنيتي .. شو في .. حزتها ذياب قرب منهم .. غزل ترفع راسها ومرة ثانيه تنزل راسها بالارض : امي خبر خطير .. وصعب اخبركم اياه .. ذياب مب فاهم شئ : امي شفيها تخرط عليكم هاي .. سلامه : اصبر ذياب غزلو تقول عندها شئ . ذياب على نياته : تبونها تنطق الحين .. ام ذياب : اي وليدي .. مب فاهمين منها شئ .. ذياب يود اذنها : بتقووولين شو عندج ولا غزل : اي اي تعورني انت .. يالدفش ودرني .. ذياب رفع يده الثانيه ويود اذونها الثانيه : بتقولين شو عندج ولا سلامه : ذياب بسك حرام عليك .. ذبحت البنيه .. ام ذياب حطت يدها على يد ذياب : ودر وليدي ودر .. ذياب مب يايبه الكلام : بتقولين ولا كيف .. سلامه قربت من غزل شفقانه على حالتها وبهدوء : ذياب ودر .. يكفيها .. حرام عليك ذياب بعناد : نوووو سلامه حطت يدها على يده .. وهي تناظرة : ودر .. ذياب ســـاكت .. يطالع يدها .. وشوي عيونها .. ذياب نزل يده .. غزل : ما حبك انت دفش . سلامه : فديتج والله تعالي عندي .. غزل بقهر : زين ذيابو الحين بفضحك .. ذياب : يا ملسونه ما سويت شئ .. قولي الي عندج [ ذياب نسى بانه طلب حبيبته ] . غزل اوقفت بين ذياب وسلامه وبصوووت ناعم ودلع .. لفت على سلامه .. وهي تاشر على ذياب : يقول يبا حبيبته .. سلامه تراجعت لوره .. وذياب يود غزل : امشي السيارة يا ام لسان .. ذياب اير غزل .. وغزل بصوت عالي : والله واهو قال يبغي حبيبته .. ذياب : سويتيلي فلم هندي بالمطااار .. انت على منو طالعه ملسونه .. غزل توسي روحها زعلانه .. ومنزله اسها بالارض .. تفكر شلون تشرد عن ذياب .. غزل بصوت عالي : جوووووووف هنااااك .. ذياب صد الصوب الثاني .. وغزل اشردت منه .. ذياب صد ويهه وما حصل غزل : روحت تكمل شطانه .. يا الله منهاا .. ترقبو الجـــزء الــــتاسع ..].. |
تسلمي اختى ع القصه |
مرحبا الساع شحالج شخبارج الصراااحه البارت طرر ونتريا البارت اليديد ومتى بتنزلينه |
تسلميين خيتوو يعطيج العافيه ننطر البارت اليااي |
http://ma7room.org/up/images/tkao2nuiu9r6ebj07uqz.gif http://ma7room.org/up/images/l135ie1306jdpxgkzzst.gif تسلمين الغلا على الباااااااااااااااارت الغاااااااااااااااوي يعطيج العافيه توقعت حمدان رح يفكر في غزل بس ماصار الي توقعته ومبروك ملجة ريم وسالم وان شاء الله حياتهم اليايه تكون احسن ويعدلون الى سووه حمد ليش محد سلم عليه ؟؟ ولا هو مسوي لهم مفاجئه علشان قدومه الي ماتوقعوه.... بنتظارج الغلا http://ma7room.org/up/images/l135ie1306jdpxgkzzst.gif http://ma7room.org/up/images/f2lwgf5kvopxm1bwdr7h.gif |
اقتباس:
شـــاااكرة مروووووورك .. |
اقتباس:
مرحبتين خويي .. حياااك الله .. الحين بنزل بارت يديد .. شاااكرة مرووووورك .. |
اقتباس:
الله يعااافيج ختيووو .. بنزله الحين . . حيااااج ختيووو |
اقتباس:
الله يعااافيج ختيووو .. الله يبارك فعمرج .. هع .. راح انزل بارت يديد الحين ,, |
الجــــزء الــــتاســع ...]... حمدان مفتشل .. جاسم ما وصل المطار .. حمد : حمدان .. يالله نحمل الشنط بسيارة امي .. حمدان : أأ اتريا جاسم .. خبرته وقال انه بيي .. حمد : خلنا منه .. البنات يروحن ويا امي .. ونحن بسيارة ابوي .. حمدان حده مفتشل : بس اهو ياي خبرني .. حمد: زين يالعنيد اتصل عليه .. حمدان اتصل لجاسم .. جاسم ما يرد .. حمدان : ما يرد .. حمد : عيل يالله نحمل .. حمدان وذياب وجاسم .. وبو ذياب يحملون الشنط بالسيارة .. والبنات سوالف ويا ام ذياب .. حمد مب متعود يرمس موزة وسلامه .. بس انجبر يروح صوبهم .. يرمس امه .. حمد بصوت هادئ : امي .. بغيتج .. ام ذياب : شفيك مستحي تعال جرب مافي احد غريب اهني .. حمد افتشل زياده وقرب : الحمد لله على سلامتكم .. سلامه وموزة : الله يسلمك .. غزل تظهر لسانها لحمد : الله يسلمك حمدووو حمد سكت عنها : امي البنات انتي بتشيلينهم .. وحمدان ويانا .. ام ذياب : زين خلاص .. بس راح انزلهم بيتهم .. ام حمدان اتصلت فيني واصرت علي انزلهم عندها .. حمد : خلاص برايها امي .. ام ذياب : وانا بنزل وبسلم عليها .. اونتو شل حمدان وياكم .. وروحو البيت .. حمد : خلاص امي .. يالله .. تحركوو .. ام ذياب : ان شاء الله وليدي .. حمد : يالله حمدان وذياب بنروح ويا ابوي .. حمدان : اسمحولي والله .. ثقلت عليكم .. ذياب : عن الحركات يالله امش .. حمدان : مشينا .. بعــد صلاه المغـــرب .. في بيت بو سيف .. ســـالم وابوه وام سالم فبيت بو سيف .. ســـالم : الملاج الحين بيوصل .. سيف : خلاص اروح اخبر الاهل .. سالم : خذ راحتك . سيف روح لريم : ريم زاهبه .. ريم : اي زاهبه .. سيف : الملاج الحين بيوصل .. انتي انزلي عند الحريم .. ريم : ان شاء الله .. ريم انزلت المطبخ لقت امها بالمطبخ .. ريم مستحيه ونحرجه من الي صار .. شلون تواجه ام سالم .. ام سيف : شو هالجمال كله .. ما شاء الله ..عليج ريم : تسلمين امي .. ام سيف : يالله .. ام سالم تبغي تجوفج . ريم راسها بالارض : بس انا مستحيه .. ام سيف : من شو تستحين .. خلاص ام سالم بتصير عمتج .. وسالم زوجج ريم مب عارفه شو ترد .. ريم : زين يالله امي عطيني الصينيه انا بشيلها .. ام سيف تعطيها الصينيه : يالله يدامي .. ريم تمشي يدام امها .. ادخلت ريم بميلس الحريم .. ريم حطت الصينيه من يدها وروحت تسلم على ام سالم : السلام عليكم ام سالم :وعليكم السلام ورحمه الله .. ريم تمت ساكته وما ترمس .. ام سالم مب راضيه على الي يصير .. وابد مب راضيه على ريم .. انسانه متسلطه .. ريـم : روحت واقعدت حذال امها .. سيف اتصل عام سيف : السلام عليكم ام سيف : وعليكم السلام سيف : امي الملاج بيدخل عندكم بياخذ توقيع من ريم وبيظهر ام سيف : زين وليدي .. حياه خل يدخل .. بس خلك وياه سيف : لا امي ما يحتاي .. ام سيف : براحتك دخل الملاج ميلس الحريم وسيف واقف حذال الباب .. ووياه سالم .. ظهر الملاج من الميلس .. يود سيف .. وسالم .. :مبروكيــن .. وعقبالك يا سيف .. سيف يطالع سالم : اخلص دراستي عقب افكر بالزواج سالم : سيف .. ابغي اجوف حرمتي .. سيف يضحك : اصبر زين .. نضيف الشباب وعقبها روح لها سالم : خلاص بس تضيفهم بسرعه .. سيف مبتسم : ما وصيك عريم .. دير بالك عليها .. سـالم : افا عليك احطها بعيوني .. سيف : يالله مشينا .. ســالم : اصبر ابغي اقول لك شئ . سيف : امر ..!! سالم : ماخذ بخاطرك علي سيف : الي فات مات .. وانت صلحت غلطك .. وكان الله غفور رحيما .. سالم : زين .. بس انت عارف ما ودي نسوي عرس .. بو سيف ما كمل له شهر .. سيف : زين عيا اصبر .. ليش مستعيل عالعرس .. سالم : لا انا ما ابغي نسوي عرس .. انا باخذ ريم وبنكمل دراسه بامريكا سيف : بس اهي ودرت الدراسه .. سالم : الكورس لحينه ما بدا وريم ما اكدت عليها .. يعني تروم تكمل .. سيف : والله برايكم .. جوف ريم شو راح تقول .. سالم : خلاص اكلمها من اجوفها .. يالله ضيف الشباب وخلصنا سيف : ان شاء الله .. سيف روح لنهيان .. نهيان : مبروووكين .. وعقبالك يا شيخ سيف : الله يبارك فحياتك .. الله لا يقول .. نهيان : بتيني يا سيفو وراح تحن علي تبا تعرس سيف يضحك : الله كريم لهذاك اليوم .. يالله قم ساعدني .. شفايدتك قاعد من الصبح اهني نهيان يضحك : من الصبح مرة وحده .. امش .. بو سالم : مبروك وليدي .. سالم : الله يبارك فيك ابوي .. بو سالم : اقعد ابيك بكلمتين .. سالم : ان شاء الله .. بو سالم : سيف وليدي .. كلنا نغلط .. منا يغلط غلطه كبيرة ومنا غلط ما ترحك شئ .. وانت وليدي تبت .. وريم تابت .. وعرفتو غلطكم .. انسوو الماضي .. وكملو دراستكم .. ولا تخلون شئ يهز حياتكم .. سالم : ان شاء الله ابوي .. بو سالم مد يده وبيده ظرف : سالم شلي إلي بيدي .. سالم : شو هذا ابوي .. بو سالم : انت ما تشتغل .. وراح ترد تدرس برع .. ووياك زوجتك .. اعتبر هالبلغ هديه مني لكم .. سالم متردد يشل الطرف ولا يرده : بس ابوي لي متى وانت بتصف علينا .. بو سالم : لي ما انا عايش سالم : الله يطول بعمرك يبا .. [ ويبوسه فوق راسه ] .. بو سالم : وينها حرمتك .. عندي شغل وابغي اروح .. ابغي اجوفها يا سالم .. سالم : ان شاء الله ابوي .. الحين اكلم سيف .. سالم روح عند سيف .. سالم : يالله سيف والله عيزت اتريا اناا .. سيف : زين زين .. يالله الحين بدق لهاا .. سالم : وابوي يبغي يظهر يبغي يجوف حرمتي .. سيف : اي .. ابوك مب جايف ريم .. خلاص اخبرها الحين سيف اتصل على ريم .. ريم : السلام عليكم .. سيف : وعليكم السلام ..مبرووووووك خويتي .. ريم : الله يبارك فيك .. سيف : سالم الحين بيي يجوفج ووياه ابوه .. ريم خايفه ومستحيه : بس .. سيف قاطعها : سالم وصار ريلج .. وابو سالم عمج .. يبغي يجوفج وبيظهر .. ريم بنبره خوف : زين سيف مستغرب : شفيج ريموووو .. ريم : لا مافيني شئ .. سيف : خلج بالصاله .. اوكي ريم : اوكي .. سيف : يالله سلوووم .. سالم استانس : وين سيف : خلاص غيرت رايي .. سالم : يالله لا تلعب باعصابي .. سيف يضحك : ريم تترياك بالصاله .. شل ابوك وياك .. سالم : ووووصالتكم وين .. سيف ياشر على باب الحوي : جووووف هناااك .. سالم : ياربي .. بلا حركات الحين .. مب وقته سيف : زين زين ,, الحقني سيف بطل باب الصاله ريم يالسه .. ومحد عندها راسها بالارض ومب قادره ترفعه .. سالم : احم احم .. بو سالم : السلام عليكم .. ريم ارفعت عيونها واوقفت وهي حدها خايفه : وعليكم السلام .. جرب بو سالم من ريم .: مبروك بنيتي .. ريم وعيونها بالارض : الله يبارك فيك .. [ ارفعت راسها وباستها عراسه ] .. بو سالم يود سالم وريم .. : ديرو بالكم عبعض .. سالم وريم : ان شاء الله .. بو سالم ظهر من الصاله .. سيف : مبروك ريم .. ريم : الله يبارك فيك .. سالم : احم .. سيف يضحك : خلاص بظهر .. بس لا تطول .. سمعت سلوم سالم : ياخي حرمتي شتبي انت .. سيف يدير ظهره لهم وظهر .. سالم يود يد ريم : مبروك ريم .. ريم مستحيه : الله يبارك فيك .. سالم تم يطالع ريم .. وريم مب راضيه ترفع راسها .. سالم : بنتم جذه واقفين ريم بابتسامه خفيفه وارفعت عيونها وحطت عيونها بعيون سالم : استريح .. سالم وريم اقعدوو .. وخذتهم السوالف .. سالم : ريمااني .. ابوج ما كمل شهر متوفي .. ما يصير نسوي عرس الحين .. ريم : هي ادري .. ســالم : ريم . باخذج وياي لامريكا .. راح نكمل دراسه .. ريم : بس انا ودرت الدراسه .. ســالم : هذا رايج انتي قبل .. بس الحين راح تكملين ويايه .. ريم تبتسم : ان شاء الله .. وبعد اسبوعين .. ريم وسالم سافرو بدون حفله لزواج .. وسلامه وغزل راح يكملون دراسه بجامعه خليفه .. وموزة راح تكمل دراستها بكليه التقنيه فبوظبي .. جاسم كالعاده .. معاملته لحمدان نفس ماهي .. حمد وعبدالله ردو لامريكا عسب يكملون دراسه .. فبيت بو ذياب .. غزل روحت تقد ذياب .. [ يو الاحد ] .. اول يوم دوام بالجامعه .. غزل : ذيااااب يالله بسك رقاد .. قم راح نتاخر ذياب : همممم .. خليني راااقد .. غزل ميوده كتفه : يالله قوووووووم .. من البارحه الساعه 11 راقد .. والحين مب راضي تنش ذياب فز وبصوت عالي : انتي شتبين .. غزل : وانت شفيك تصارخ .. خلاص مب رايحه .. وبكنسل دوامي بالجامعه .. [ واظهرت من الغرفه ] .. ذياب : اووووهووو نسيت اناااا .. قعد ذياب وتزهب .. روح لغرفه غزل .. لقاها ترمس سلامه .. ذياب : يالله قومي نروح .. غزل تطنز : شبعت رقاااااااااد .. ذياب : بتقومين اوصلج ولا تروحين تكسي .. غزل : يخسي اروح تكسي .. امي بتوديني .. ذياب : ترمسين منو انتي .. غزل : انت شو يخصك .. ذياب : عيل روحي تكسي .. غزل قامت وتركض وراه .. : لا لا خلاص . ارمس سلامه .. ذياب : وسلامه منو بيوديها .. غزل تبغي تقهرة : اكيد حمدان يعني منو بيوديها ذياب بنبره حزن : يعني ما بتي ويانا .. غزل تقهرة : لا مابتي ويانا .. راح نشل موااازي ويانا وراح انزلها بالكليه .. ذياب : وووسلامه .. وين راح تدرس مب وياج غزل : بلا وياي .. بس حبت تروح ويا حمدان .. ذياب : بس اهو المروض يشل موزة .. غزل تغمز له : تعال خلنا نروح السيارة وبخبر سم ثنك .. ذياب يتافف : انت من الصبح تكدرين الواحد ..[ وروحو للسيارة ] .. غزل اركبت السيارة : يالله روحو بيت بو حمدان .. ذياب متغصص : ادري .. ما نسيت .. غزل تضحك : احب اجوفك متعذب .. ذياب يقرصها : انتي ام لسان ما تسكتين .. ترى انزلج بالشارع . غزل : لا انت اخوي كبر ابوي مستحيل تسويها ذياب : وشو تقصدين كبر ابوي .. شو قالو لج شيبه .. غزل : والله شباب كبرك متزوجين وعندهم يهال .. وانت لحينك قاعد عراسي .. ما ادري متى بفتك منك .. ذياب يضربها : لا تنغزين .. غزل تسوي روحها ترمس جد : زين خبرني منو هاي تعيسه الحظ الي تباها راح نروح نخطبها لك .. ذياب يالس يغني : اسحرتني نظرة رمش الكحيل .. غزل : فديت اخوويه انااا مخبلين به .. ذياب : غزلووو ... انا ابيها .. غزل : وهي تبيك .. ذياب : هو حبها باين .. بس [ وسكت ].. غزل : انت ليش ما ترمس امي وابوي وتروح تخطبها .. ذياب : ما ادري .. بس اهي لحينها صغيرة .. غزل : تروم تكمل دراسه واهي عندك .. وشو صغيرة .. [ غزل تقهرة ] اها لانك شيبه تجوفها بيبي .. ذياب : ابيج مرة بحياتج ترمسين شرات الاوادم .. غزل : سوري ما قصدت .. ذياب وقف حذال بيت بو حمدان .. ذياب : يالله اتصلي لها خليها تنزل .. غزل : طرشت لها مسج .. ذياب يلف يمين ويسار :.. حمدان مب موجود .. غزل : قلت لك راح يشل سلامه وبيوصلها الكليه [ غزل فخاطرها ] .. بيستخف لما راح يجوف سلامه ظاهرة من البيت وبتي ويانا .. سلامه بطلت باب الحوي .. مغطيه ويهاا .. ذياب يطالعها من فوق لتحت .. [ يقول فخاطره .. هاي مشيه سلامه ] .. سلامه بطلت باب السيارة : السلام عليكم غزل وذياب : وعليكم السلام ورحمه الله . غزل : اخبارج سلامي .. سلامه وهي تكشف ويها : تمااام الله يسلمج .. ذياب بدون ما يحس .وباستغراب. : سلامه !! غزل تضحك بصوت بعالي ..: فديت اخوي انااا . عيبتك المفاجاه.. سلامه مب فاهمه : اي مفاجاه . ذياب يناظر سلامه من المنظرة الي فوق .. سلامه استحت ونزلت عيونها .. غزل وهي تضحك : ذياب .. حبيب قلب سلامه عيبتك المفاجأه ذياب : اكيد وهذي يبالها كلام.. بس لا تعيدينها .. مو المفروض اكشخ سلامه : ما شااء الله كل هذا وتكشخ بزوود .. حليو ماشاء الله ذياب ابيضاني وشعره ناعم وطويل .. عيونه عسليات .. [ كشيخ ] .. وملامحه جذابه .. ذياب يعدل العقال : صدق .. انا جذه عاجبج سلامه وهي تغمز له : هي .. تطيح من اول نظرة ما شاء الله ذياب : بسج عن اخق عقب .. الا تعالي .. احلى عن غزلوو صح سلامه تسايرة وتغصص غزل : انت وين وغزلو وين .. غزلو ولا شئ بالنسبه لك .. انت غير غزل : انا جمالي غير .. محد يروم اي صوبه .. وبعدين لا تصدقون روحكم وايد .. وبسكم تغزل انا قاعده سلامه تضحك .. ذياب بعين وحده : وقااااامت تغار غزل تحط يدها ععينها : خلاص كملو انا ما اسمع .. ذياب وده يقهر غزل : سلامه حبيبتي .. غزل :ابد ما سمعت شئ .. سلامه : امر عيوني .. غزل تسوي روحها ما تسمع : احد رمس .. !! ذياب بصوت هادئ : أأأ .. سلامه : أأأ كمل .. ذياب : اناااا .. سلامه تقلده : اناااا .. ذياب وده يكمل بس مستحي : اناااا سلامه : واناااا !! ذياب خذا نفس : احبـــج .. سلامه : واناا احبـــك .. غزل شلت يدها من على عيونها وتسوي روحها مستغربه : اووووووووي شلي سمعته ذياب يصد على سلامه : حنا رمسنا اصلا سلامه : ابد .. غزل : استغفر الله انتو لحينكم ماصرتو لبعض وتغزلوووون ذياب يسوي روحه مب فاهم : انتي شفيج حنا ما رمسنا اصلا سلامه : اي حنا ما رمسنا غزل تقلد ذياب وبنفس نبرة صوته : اناااا ذياب يضرب غزل عكتفها بخفيف : اناااا .. انا شووو غزل تقلد سلامه : انااا سلامه : انااا . انااا شووو غزل : انااا احبج .. [ وتمت تضحك ] .. سلامه تناظر ذياب : وانااا احبـــك .. غزل : انتو متى تملجون .. ابي ارقص .. ابي استانس .. شيبت يا ذياب .. سلامه : ذياب لحينه صغير .. ذياب : لا والله حلفي .. لحيني ارقد فالمنس ما دريتو سلامه : لا مب قصدي .. بس انت مب شيبه ذياب يضحك : انتو الي لحينكم يهال .. غزل تعدل قعدتها وتغير صوته : انااا كبيرة عن الغلط سلامه تضحك .. : مب جنه وصلنا الجامعه وانتو لحينكم سوالف غزل وذياب : نحن ابد ما رمسنا .. سلامه : حليلكم .. انا الي من ركبت السيارة ارمس ومحد يرد علي غزل تشل شنطتها وتطالع ذياب : ترة مو كل يوم عيد .. ذياب : ادري .. عندنا عيدين .. عيد الفطر وعيد الاضحى [ يتطنز ] غزل : ههه سخيف .. سلامه : غزلووو يالله راح نتاخر ذياب : افا مليتو مني سلامه : لا مب جي .. بس راح نتاخر .. ووو بنرد وياك [ وهي تبتسم ] غزل : انتي مو عكيفج .. حمدان ايي يشيلنا .. ذياب ما يشتغل عندج .. سلامه ازعلت .شلت شنطتها وانزلت ذياب : سلامه سلامه غزل خافت من ذياب : سوري ما قصدت .. ذياب بعصبيه : انزلي وسكري الباب وراج .. سلامه ادخلت الجامعه وغزل انزلت وراها .. وذياب حرك السيارة بسرعه وروح لدوامه فبيت بو حمدان .. جاسم قاعد ويا امه .. وام حمدان ترمس موزة بالفون .. ام حمدان : عساج مرتاحه بالكليه .. موزة : هي امي .. ووناسه ربيعاتهم كلهم وياي .. ام حمدان : الحمد لله .. يالله تابعي دروسج اول باول .. و الساعه كم بتخلصين دوامج .. مزوة : الساعه 4 العصر بخلص ام حمدان : ويه بتطولين موزة : هي امي تعب والله .. ام حمدان : عيل هالوقت حمدان مشغول .. بخبر جسوم اييج ويشيلج موزة : اوكي امي .. انا بتصل به .. ام حمدان : خلاص بنيتي .. بروح لمطبخي ازهب الغدا .. موزة تضحك : امي محد بيتغدى وياج اليوم .. ام حمدان تحط يدها عطتف جاسم : جسوم بيتغدى وياي اليوم .. موزة : ليش امي جسوم عندج ام حمدان : هي امي .. مب مداوم اليوم موزة : اي خلاص .يالله بروح عندي كلاس ام حمدان : الله يحفظج بنيتي موزة : ويحفظج امي جاسم : امي ودي اغير سيارتي ام حمدان : ليش شفيها سيارتك .. ما كملت سنه عندك جاسم : مليت وابغي اغير .. ام حمدان : عندك غير .. انا ما عندي شئ .. جاسم : وحمدان ما عنده شئ !! ام حمدان : ما ادري .. جوفه .. [ وقامت وروحت المطبخ ] .. فامريكا .. بعد سنه ونص .. ريم : سالم .!! سالم : امري .. ريم : حاسه بتعب .. مب قادره اداوم اليوم . سالم مستغرب وحاس بالتعب فيها من فترة : شفيج ريم ريم : حاسه بدوار ولايعه جبدي .. منسده نفسي وما اقدر اكل شئ .. سالم : قومي خلينا نروح المستشفى .. ريم : ان شاء الله .. قامت ريم تلبست وروحو المستشفى وبعد الفحوصات .. ريم ظاهرة من عند الدكتور مبتسمه .. سالم يبتسم : بشري .. ريم : نروح السيارة واخبرك .. سالم ايودها من يدها : لا اهني خبريني شو في ريم : انااا .. سالم : انتي شووو ريم : انا بصير ام وبييني ياهل .. سالم : يعني انتي حامل ريم تهز راسها : اي . سالم : مبروك فديتج ريم : الله يبارك فيك فامريكا .. حمد وعبدالله يتمشون .. حمد : باجلي لنا سنه ونخلص .. عبدالله : وبنفتك وبنرد عند اهالينا .. حمد : اي والله .. كرفنا .. يكفي .. عبدالله : اي تعبنااا .. يالله سنه ونتخرج .. حمد : ان شاء الله .. فبيت ام عبدالله .. ام عبدالله اتصلت عـ ام ذياب .. ام عبدالله : السلام عليكم ام ذياب : وعليكم السلام ورحمه الله ام عبدالله : شحالج .. اخبار اليهال ام ذياب : الحمد لله .. وانتي اخبارج واخبار عبد الله ام عبدالله : والله تمااام .. البارحه متصل فيني .. ام ذياب : تولهنا عليهم .. هذي السنه الثالثه وهم بعاد عنا ام عبدالله : تعودنا .. يالله ان شاء الله يتخرجون واينا يفرحون قلوبنا ام ذياب : ان شاء الله .. الله يسمع منج ام عبدالله : واخبارها غزل ووليدج ذياب عساكم مرتاحين ام ذياب : الحمد لله امشين الحال .. ام عبدالله : ووينج قاطعتنا .. ما تمرينا الا ويا حمد .. ام ذياب : اسمحيلي والله .. والله ماشئ وقت نظهر فيه ام عبدالله : حياج بيتنا .. ولو ما تدلين امر عليج ويا الدريول وبشيلج .. ام ذياب : لا ما يحتاي .. لا تتعبين روحج .. يكفي سمعت صوتج .. ام عبدالله : براحتج عيل .. ولا تقطعينا بالمرة ام ذياب : ان شاء الله .. ام عبدالله : مع السلامه ام ذياب : مع السلامه فبيت بو سيف .. سيف قاعد ويا امه فالميلس .. سيف : امي هذي اخر سنه وعقبها بدور لي شغل لا تقولين كمل دراسه ام سيف : ليش وليدي هاذي ريم ويا ريلها سالم يدرسوم برع .. انت مب غير عنهم سيف : بس انا مب ويه دراسه امي .. مستواي ماراح يسمح ام سيف : زين ادري بجامعات الحطوميه ببوظبي .. سيف : يصير خير لذاك اليوم .. سيف ياه فون من نهيان .. نهيان : الوووووو هلااا سيفو سيف : اهلين .. وينك يالقاطع .. نهيان : والله مشغولين بدواماتنا .. مكروفين كراف .. سيف : يالله الله يعينكم .. وان ليش ما تودر الشرطه .. نهيان : دخيل والدينك ووين راح اشتغل بشهاده الثانويه سيف يضحك : اي صح .. اذا بعد كم سنه ما يفرونك زبال .. نهيان : لا عاد مصختها انت .. قول فراش بالشرطه سيف : فرقت يعني . نهيان : زين خبرني وين بتروح اليوم سيف : والله ماشئ عند الشباب . نهيان : زين شرايك نروح العين .. سيف : العين !!! نهيان : هي بنروح صوب المبزرة .. من زمان ما رقمنا .. سيف : الله يقطع سواليفك .. لحينك ما عقلت .. نهيان : ايهي .. صرت لي سلطانو انت .. بتي ولا اجوف غيرك سيف: لا لا خلاص بيي .. نهيان : حلوو عيل بعد صلاه العصر بنظهر .. سيف : اوكيك .. ووماراح تخبر الشباب .. نهيان : بلا بجوفهم .. وراح نبات ان شاء الله سيف : خلاص حلووو .. اتفقنا .. نهيان : يالله عيل بسكر وبرمس الشباب .. سيف : اوكيك .. مع السلامه نهيان : مع السلامه .. فجامعه خليفه .. فاليوم الثاني سلامه : غزلو لا جسوم ولا حمدان موجودين بالبيت .. جوفي ذياب .. غزل هزكانه وتعبانه من الدراسه .. : اوكي .. ثواني بدق غزل اتصل لذياب : الوووو ذياب : هلا غزل .. غزل ترمس وهي هزكانه : ذياب بتينا .. ذياب استغرب من الصوت : شفيج .. اييكم الحين .. غزل : لا مب الحين .. عالساعه 12 راح نخلص .. ذياب : خلاص بييكم .. بس شفيه صوتج غزل : ماشئ .. ذياب : متاكده غزل بعصبيه : ذياب قلت لك ماشئ ذياب سكت عنها : خلاص .. غزل : باي ذياب : باي ترقــــبو الجـــزء العـــــاااشر ..].. |
http://ma7room.org/up/images/31h73tnr96och2ewoc0x.gif http://ma7room.org/up/images/ltxoyxye17cqttgghopr.gif الباااااااااااااااااااارت رووووووووووووووووووعه الله يهني سالم وريم ذياب للحين ليش مارمس هله علشان يخطبون سلامه نهيان هذي سوالفه وهو في الشرطه ههههههههه تسلمين الغلا يعطيج العافيه http://ma7room.org/up/images/ltxoyxye17cqttgghopr.gif http://ma7room.org/up/images/x9cc32quaykz9uy4x0m6.gif |
اقتباس:
الله يعااافيج ختيووو ... تابعي فالاحدااااث في تجدد .. .. بس طلب فديت قلبج ... بما اني مب موصله لل 50 مشاااركه .. يليت تطرشين للمتابعن فالروايه وتنبهينهم بالاجزاء اليديده .. واكون لج شااكرة فديتج .. |
الجـــزء العـــاشر .. عالساعه 12 .. ذياب : غزل .. انا موجود عن الجامعه يالله اظهرو غزل : اوكيك .. غزل وسلامه اركبو السيارة .. غزل وسلامه : السلام عليكم ذياب : وعليكم السلامه غزل انسدحت ورجعت راسها لورة وغمضت عيونها .وبنبره تعب وارهاق : تعبانه .. هلكنا والله سلامه : غزلو لا تسوين بروحج جذه .. تونا سنه ونص .. وباجي لنا سنتين .. غزل ما ترد .. ذياب : سلامه ترمس شفيج ساكته .. سلامه : خلاص خلها بحالها .. مقدره حالها ذياب : لهذي الدرجه صعبه الدراسه .. سلامه : يعني .. مب لين هناك .. بس غزل مكبرة السالفه .. ذياب : غزوووووله .. شرايج نروح المارينا ونتغدى .. غزل : ما اعرف .. ذياب : بتصل بحمدان بخبره اينا هناك .. شرايكم .. واييب موزة وياكم سلامه : شرايج غزلوو من زمان ما غيرنا جوو غزل بصوت خفيف : الا قولي من زمان ما ضهرت ويا ذياب .. سلامه اسكتت .. ذياب : ما عليج منهاا .. [ واتصل عحمدان وتواعدو يتلاقون بمارينا ] .. فالمارينا .. وبالتحديد فالباركنات .. حمدان : اووه جنها سيارة ذياب .. موزة : هي سارته .. حمدان : يالله انزلي .. موزة انزلت وروحت صوب سلام وغزل .. وحمدان روح لذياب .. حمدان يرمس البنات : يالله يدامنا .. البنات يمشون يدام وحمدان وذياب وراهم . وهم داشين مارينا .. ذياب : هالفيس مب غريب علي .. حمدان : منو .. وين !! ذياب : ذاااك .. [ وياشر على اثنين يمشون ويا بعض ] .. حمدان : والله ما اعرف .. البنات مرة من صوب هالاثنين [ مايد وخليفه ] .. مايد .. : يا حلات الغزلان الثلاث والله .. خليفه : لا الي بالوسط غير .. يا الله شو حلوة [ يقصد سلامه ] .. مايد : قم نروح صوبهم .. خليفه : تعال اهني انت ما تشوف هالاثنين وراهم .. مايد : هييل شراتنا .. لاحقينهم .. خليفه : وانت شدراك .. اعقل .. كبرنا على هالسوالف .. مايد : خلك اهني انا بروح .. خليفه انتبه على ذياب وتم مركز بفيسه .. ذياب قرب صوبه .. خليفه : ميوود تعال .. هذا جني اعرفه مايد : منووو .. خليفه : اصبر شوي .. ذياب وقف حذال خليفه : السلام عليكم .. خليفه : وعليكم السلام ورحمه الله ذياب : جني اعرفك .. خليفه : وانا احساسي يقول جي بس مب متذكرك عدل ذياب : ااا يمكن كنت تدرس وياي خليفه : اممم ما اظن .. ذياب : وين تشتغل ؟؟ خليفه : حاليا فشركه الصحه .. ذياب : وسابقا !!! خليفه : فشركه كان مالكها محمد الفلاسي .. ذياب يبتسم : بو ذياب .. خليفه : اي بو ذياب .. ذياب : يا مرحبا بك والله .. كنت تشتغل وياي وانا جذه ناسنك خليفه : ليش انت من تكون ذياب : انا ولد محمد الفلاسي .. انا ذياب .. خليفه : يا محلا الصدف والله .. ذياب : اي والله من 5 سنوات وانت مودر الشركه تقريبا خليفه : تقريبا .. ذياب : وانا ودرت الشركه .. ومداوم بوزارة التربيه والتعليم .. خليفه : اسمحلي ذياب اخرتك عن شغلك .. ذياب : لا افا عليك .. خليفه : خلاص عيل انا اترخص .. هذا رقمي نتواصل ان شاء الله .. ذياب : ان شاء الله .. خليفه : فداعه الله .. ذياب : فحفظه ورعايته حمدان : وطلعتو تعرفون بعض .. ذياب : اي والله .. شفت من 5 سنوات وتلاقيت به مره ثانيه حمدان : والله دنيا .. ذياب : تعال خلنا نتغدى ميتين يوع حمدان : يالله .. ذياب وحمدان يتغدون .. وقاعدين على الطاوله القابله لطاوله البنات [ سلامه وموزة وغزل ] .. سلامه مقابله ذياب .. مب قادرة تاكل .. سلامه : غزلو تعالي مكاني وبقعد مكانج . غزل : اسمحيلي .. سلامه : حرام عليج .. يالله غزلووو موزة : ما تبين مكاني .. سلامه بقوة : لا انتي لا .. موزة تضحك: كل ها لاني بكون مقابله ذياب .. سلامه : يالله عااااد .. غزل : زين يالله قومي .. سلامه تبغي تقوم وتغير مكانها .. ذياب انتبه لها .. وياشر لها تقعد .. سلامه : اوهووووو .. غزل : شفيج سلامه ودرت الاكل : خلاص ماشئ . غزل تصد صوب ذياب .. تحاول تفهم .. مب قادرة .. موزة : شبعت الحمد لله سلامه : يالله غزل قومي انتي ما شبعتي غزل : آخر لقمه اصبري .. سلامه تحط يدها تحت خدها : اف منج غزل : بسج لا تأففين انتي .. موزة : سلامو شرايج نروح نتشرى بدل .. غزل : واناا بعد .بيي وياكم موزة : خلاص خلصي وبنروح .. سلامه : يالله روحنا .. غزل : بس حمدان وذياب لحينهم قاعدين .. سلامه تفكر : يعني نترياهم .. غزل : بطرش مسج لذياب عسب اخبره ودنا نروح نتمشى ونتشرى .. موزة : حلووو .. يالله طرشي .. ذياب : الحمد لله شبعت .. حمدان : وانا شبعت .. يالله نقوم .. ذياب : يالله وراهم .. شكلنا ما بنخلص اليوم حمدان : ليش شو السالفه .. ذياب : يبون يتشرن .. عارف لما الحريم يبون يتشرون شو يسوون .. حمدان : تعلمني فيهم .. يدخلن السوق ويظهرن جيس ولا جيسين بيدهم .. ذياب يضحك : اي والله .. الله يعينا مستقبلا .. حمدان يبتسم .. فاحدى المحلات .. غزل : واااااو حلو هالبدي .. موزة : اي والله احب البرتقالي .. سلامه : والحين وين بتلقين تنورة على هالبدي .. غزل : تعالو تعالو اهني .. هاذوني لقيت سلامه تشل التنورة والبدي من يدها : وااااو حلوة .. اممم .. بتاخذينها .. غزل : ليش عيبتج .. سلامه : اي .. غزل : خلاص تفداج البدله .. وبدور لي غيرها .. موزة : من متى وانتي طيبه يا غزل .. سلامه : فديت غزولتي والله .. من زمان عزولتي طيبه .. غزل بدلع : طالعه على اخوي ذياب .. سلامه : لا ذياب مافي مثله .. غزل تغار : بلا .. ملامحي شرات ملامحه .. وطيبتي شرات طيبته .. سلامه وهي تقايس البدله : حلوة .. غزل : لو كانت علي .. بتكون مليون مرة احلى عنج .. سلامه : شفيج انتي .. صايرة غيورة وايد .. غزل تبغي تغير الموضوع : خلصينا يالله .. انا خذيت الاحمر .. وموزة الازرق وانتي البرتقالي .. موزة : يالله شيليهم سلامو .. سلامه : اشتغل عندكم اناا .. بشيل بدلتي بس غزل : افااا .. نسيتي اخت ذياب .. سلامه : اخت ذياب فقلبي وعيوني .. غزل : بل بل .. وذياب وين .. !! سلامه : مكانه وسط القلب .. ما يهتز .. موزة : عاشت العاشقه الولهانه .. ادفعوو واظهرو من المحل .. فبيت بو سيف .. ام سيف : السلام عليكم ريماااني .. ريم : هلا امي .. شحالج .. ام سيف : بخير بنيتي .. انتي شحالج .. ريم : الحمد لله تمام .. اخباره سيف ؟؟ ام سيف : الحمد لله تمااام .. ريم : امي باجي لنا كورس وبنرد الامارات .. راح نتخرج .. ام سيف : هذي هي الاخبار الزينه .. ان شااء الله .. وتردين لي .. ريم : امي .. ام سيف : امري بنيتي .. ريم : باركيلي .. ام سيف : مبرووووك بنيتي .. عشو فديتج .. ريم : امي بتصيرين يدووو .. ام سيف : ريماني صدق الي اسمعه ريم مبتسمه : هي امي .. ام سيف : مبروك حبيبتي .. تستاهلين .. ريم : الله يبارك فعمرج امي .. ام سيف : ديري بالج عروحج .. وكلي عدل .. ريم : ان شااء الله امي .. ام سيف : وسالم اخباره . عساه بخير ريم : الحمد لله .. بخير ونعمه .. ام سيف : الله يسعدكم ويهينكم .. ويطول بعمري واجوف اعيالكم .. ريم : امين .. الله يعطيج طوله العمر امي .. ام سيف : حبيبتي لا تقطعين .. حاولي تتصلين بين فترة وفترة ,, طمنيني عليج .. ريم : ان شاء الله امي .. ام سيف : يالله بنيتي .. ديري بالج عوليدج .. وريلج .. ريم تضحك : ان شاء الله امي .. يالله امي مع السلامه ام سيف : مع السلامه . فالباركنات .. فمارينا .. بعد صلاه العصر حمدان : يالله ذياب .. بينا اتصال .. ذياب : ان شاء الله .. ركب حمدان سيارته .. وياه سلامه وموزة .. فسيارة ذياب .. غزل : والله خوووووووش طلعه .. ذياب مبتسم : خلاص ولا يهمج باجر ناخذكم ونروح دبي .. شرايج .. غزل تعدل قعدتها : صدق .!! ذياب : اي باجر اجازة .. وبنروح شو رانا نحن .. غزل : عيل بنروح امارات مول وابغي اخذ لي اكسسوارات .. ذياب : عنبووو كل الي خذتيه هني ما يكفي .. غزل : تبغي تجوف شو خذيت .. سلامو خمت الي بالمحلات كله هب انااا ذياب يغايضها : كشيخه هب شراتج .. غزل ازعلت : انت تفضلها علي ولحينها هب حرمتك .. باجر لو تزوجت .. بتفرني بالشارع .. ذياب : ما عاش من يفر غزوله بالشوارع .. بلاج زعلتي .. غزل ما ترمس .. ذياب : يالله ابي اجوف شو خذيتي .. غزل : روح لسلامو وجوف شو خذت .. انت شو تبا فيني .. ذياب يمد يده عالاكياس بالسيد الي وره غزل .. : مااا اطووول .. غزل : خلاص خلهم تجوفهم بالبيت .. ذياب يبي يرضيها باي طريقه : لا بييبهم الحين .. ابي اجوفهم .. ذياب يمد يده مرة ثانيه عالسيد الي وره .. غزل بصرااااااااااااااااااخ : ذيااااااااااااااااااااااااااااااب انتبه .. غزل : ذياااااااااااااااب.. انحرفت السيارة .. حاول ذياب يرد لسيده .. دعم الحواجز .. تقلبت السيارة .. وصرخات غزل تعم المكان .. تيمعو الناس .. وحمدان كان وراهم .. وقف .. نزل حمدان .. لقى ذياب متكسر .. ماسلم فيه ضلع واحد .. وغزل تعاني بكسر بيدها .. وشويه جروح على ويها .. حمدان شل غترة .. ويحاول يستر غزل .. ودرها وروح لذياب .. حمدان مغمى عليه .. موزة وسلامه فالسيارة .. مصدومين من الي صار .. وفجأه .. سلامه بصياح : ذيــــــــــــــــــــااااب .. موزة ميوده سلامه : غـــــزل .. ذياااااب .. سلامه تحاول تبطل البـــاب .. موزة تمنعها .. موزة : سلامه وين بتروحين .. سلامه : ذياااااااب يموت وانا قادعه اطالع .. موزة تهديها : ذياب بيعيش .. غزل بتعيش .. سلامه تودر موزة وتبطل باب السيارة وتنزل .. موزة تنزل وراها .. موزة : سلامه وين رايحه .. سلامه تصيح .. حمدان : سلامه انتي وين رايحه ردي للسيارة .. سلامه : ذيااااااب .. ذياااب بيمووووووووووت .. حمدان يود سلامه بقوة ..: ردي السيارة سلامه تصارخ تحاول تطلع من تحت يد حمدان : ودرني .. خلني اروح .. ابي امووووووت .. ابي اموت ويا ذياب حمدان مب قادر يمسك دمعته اكثر : ذياب بيعيش .. [ وقعد عالارض ] .. سلامه تيدمت .. اوقفت حذال غزل .. اقعدت عالارض وحطت يدها عراس غزل : غزل انتي بخير غزل تحاول ترمس .. لكن مب قادره .. سلامه وهي تصيح: غزل خلج قويه انتي بخير .. غزل : ذ .... سلامه : وذياب بيعيش .. ذياب بيعيش .. [ وتمت تكرر وبصوت عالي ] ذياب بيعيش سلامه خطوة خطوة وهي تقرب صوب ذياب .. اوقفت حذال راسه .. اقتربو رجال الاسعاف .. حاولو يردونها لوره .. سلامه : خلووووووني اطمن عليه .. خلوني اموووووت ويااااه .. شيلووووني وياااه المسعف : لو سمحتي .. الريال بيكون بخير .. لو سمحتي ابعدي شوي سلامه مب راضيه .. تحاول توصل له .. : ودرني .. دخيلك خلي اروح صوبه .. المسعف : لو سمحتو ابعدوها من اهني .. خلوني اجوف شغلي سلامه تفك يدها بقوة من يد المسعف وتقرب من ذياب .. امسكت ريوله .. وتمت تصيح .. سلامه : ذياااااب لا تمووووووت .. ما اقدر اعيش بدونك .. ذياب لا تمووووووت مدت يدها على غترة ذياب .. شلتها وهي مليانه دم .. ارفعت الغترة وقربتها من ويها .. المسعف : يالله شباب .. الريال حالته خطيرة .. سلامه دارت بها الدنيا .. وطاحت عالارض .. موزة : حمدااااااااااااااان .. سلامه .. حمدان صد لورة انتبهت لسلامه طايه عالارض .. حمدان : سلاااااامه .. قرب المسعف .. وحاول يقعدها .. اقعدت سلامه .. موزة : سلامه .. سلامه : ذيااااب .. وينه ذياب .. حمدان رفع اخته من عالارض .. وروحو للسيارة .. حمدان نزل سلامه وموزة البيت .. ورد روح للمستشفى .. فالمستشفى .. ذياب فغرفه الانعاش .. الدكتور : محتاج لنقل دم .. الدكتورة : حاليا .. الدكتور : عنده نزيف داخلي .. الدكتورة : حالته كتير صعبه .. يعاني من كسور كثيرة فجسمه .. الدكتور : نحاول نوقف النزيف .. الدكتورة : وقف .. وقف نبضات قلبه .. الدكتور يضغط عصدره .. ماشئ فايده .. الدكتور بعد محاولات .. فقد الامل .. : الرجال ماات .. الدكتورة تطالع الدكتور .. الدكتورة شلت الي بيد الدكتور وتحاول فيه .. الدكتورة : دكتووووور .. الرجال حي .. الدكتور قرب .. وكمل علاجه لذياب .. حمدان واقف برع .. رايح ياي مب قادر يقعد .. وبعد 5 ساعات .. ظهر الدكتور .. حمدان : طمني .. الدكتور : الحمد لله .. وقفنا النزيف .. وكان محتاج لدم ونلنا له .. وو .. حمدان : كمل .. شفيه ذياب .. الدكتور : يعاني من كسور فجسمه .. وعنده العضلات متعورة .. حمدان : ويعني ..!!! الدكتور : اسمحلي ذياب .. حمدان فغيبوبه .. نحن الي علينا سويناه .. والباقي عالله .. الدكتور ودر حمدان .. حمدان قعد .. فبيت بو حمدان .. ام حمدان : بس سلامه يكفي الي تسوينه فروحج .. سلامه تصيح : امي ذياب بيموووت .. امي ذياب بيموووووت ام حمدان : هدي بنيتي .. وخلي ايمانج بالله قوي .. وادعي له .. صياحه ما بيفيد شئ .. سلامه : ذياااب .. امي شيليني للمستشفى ابغي اجوفه ام حمدان : ما يصير بنيتي .. انا بتصل عحمدان وبنطمن على ذياب وغزل .. سلامه اتصلت لحمدان : الووو حمدان .. طمني [ تصيح ] .. حمدان : سلامه عطيني امي .. سلامه : ما تبغي تخبرني اكيد صاير شئ .. حمدان : ذياب مافيه الا العافيه .. ام حمدان شلت الفون من يد سلامه : هلا حمدان طمني .. حمدان غصب يرمس : ذياب فغيبوبه .. ام حمدان طاح الفون من يدها .. سلامه تطالع امها .. ولحظه صمت .. موزة شلت الفون : حمدان شفيها غزل .. شفيه ذياب .. سلامه يرت الفون من يد موزة .. حمدان : ذياب فغيبوبه .. سلامه اسكتت .. انزلت دموعها بدون صراخ .. انصدمت .. بصوت هادئ : ذياب فغيبوبه .. [ تمت تكررها ] .. موزة تهز سلامه .. : شفيه ذياب .. سلامه اوقفت دمعاتها .. ابتسامه غريبه على فيس سلامه .. موزة : سلامه ارمسج .. شفيج .. ام حمدان : بنتي .. بنتي صار فيها شئ سلامه بمبتسمه روحت لغرفتها .. ظهرت الهديه إلي عاطاها ذياب فتايلند .. [ الهديه لحينها مب مبطلتنها ] .. المحت سلسله [ متكوب عليها ] .. << [ احبــــك لاخر نهايه .. عساك تكون في نصيبي ] .. ودر كل شئ يدامها .. وامسكت السلسله .. اوقفت مجابله المنظرة والبست القلاده .. وردت وانسدحت على فراشها .. موزة ادخلت غرفه سلامه ..موزة مستغربه من وضعها .. لا دموووووع ولا صراااخ .. وابتسامه غريبه على فيسها .. موزة : سلامه اشربي يبت لج ماي سلامه مب معبرتنها .. موزة بنبره خوف وحزن : سلامه .. اشربي كووووب الماي .. [ بصوت اعلى ] .. سلامه شلت الكوب من يدها .. وارفعت .. وجبت الماي عالارض .. موزة خايفه .. : امي امي .. ام حمدان ادخلت الغرفه .. : موزة شفيج تصارخين .. موزة : امي سلامه .. استخفت .. ام حمدان : انتي ش وتقولين .. موزة :امي ما ترد علي .. امي سلامه صار فيها لاشئ .. ام حمدان شلت فونها واتصلت على حمدان .. ام حمدان تصيح: وليدي حمدان .. الحق على سلامه .. ماندري شفيها حمدان مستغرب : سلامه .. شلي فيها .. ام حمدان مب قادرة ترمس .. حمدان : خلاص الحين ياينكم .. فبيت ام ذياب .. ام ذياب تتصل عحمدان تلفونه مسكر .. وتتصل على غزل تلفونها مسكر .. ام ذياب : بو ذياب .. الساعه 10 باللي ذياب وغزل ما ادري عنهم شئ .. بو ذياب : زين اتصلي عليهم .. ام ذياب : تلفوناتهم مسكرة .. بو ذياب مستغرب : شلون تلفوناتهم مسكرة .. ام ذياب : ما اعرف .. بو ذياب روح دور عليهم بو ذياب : انتي من صدقج ادور عليهم فبوظبي كلها .. ما عند رقم ام حمدان .. ام ذياب : اي عندي رقمها .. بو ذياب : وشو تتريين اتصلي لها يالله وطمنيني .. ام ذياب سكر الفون عن بو ذياب واتصلت على ام حمدان .. ام ذياب : السلام عليكم .. ام حمدان : وعليكم السلام ورحمه الله ام ذياب حست صوتها متغير : ام حمدان شو في .. شو صاير .. ام حمدان مب قادره ترمس .. ام ذياب : حمدان وذياب وينهم .. ام حمدان : ذياب بالمستشفى .. ام ذياب مب مصدقه : اي مستشفى .. وليش بالمستشفى ام حمدان : ذياب سوه حادث .. واهو الحين بمستشفى خليفه .. ام ذياب سكرت الفون .. واتصلت على بو ذياب .. الجزء الحـــادي عشـــر . |
اقتباس:
خخخ ثانكس اقين بيزي كله كوبي بيست شاكرة مروووورج خخ |
حموووووود بلاك .. يعني شو تباني اقول .. حياك بيتنا واشربك قهوة هههه .. ياخي تاابع وراح تعرف الاحدااث . |
http://ma7room.org/up/images/3piyb5obgmguj72cpoy.gif http://ma7room.org/up/images/rnx9ueopb1dhy2vlypg7.gif الباااااااااااااااارت روووووووووووووووعه الغلا البارت حزني حرام ذياب سوى حادث وغزل شو صار فيها يعطيج العافيه الغلا http://ma7room.org/up/images/rnx9ueopb1dhy2vlypg7.gif http://ma7room.org/up/images/43f6nph1v8x6mqhv9dm9.gif |
اقتباس:
راح انزل بارت يديد .. شاكرة متاابعتج .. |
البــارت الحـــادي عشــــر ..].. بو ذياب : ها وين ذياب .. ام ذياب تصيح : ذياب بالمستشفى .. بو ذياب : مسشفى .. هدي شوي وخبريني شو صاير .. ام ذياب : ذياب سوى حادث والحين اهو بالمستشفى .. بو ذياب : خلاص بروح له انا .. ام ذياب : بمر علي يا بو ذياب .. ابي اطمن على ولدي .. بو ذياب : ولدج مافيه الا العافيه .. خلج بالبيت ام ذياب : لاااا .. بيي وياك مر علي .. بو ذياب : خلاص ان شاء الله .. ام ذياب : مع السلامه بو ذياب : مع السلامه .. فبيت بو حمدان .. حمدان وصل البيت . دخل غرفه سلامه .. جافها قاعده على شبريتها ولامه ريولها عصدرها .. ويدها على القلاده . حمدان يرفع راسها .. سلامه مب راضيه .. حمدان : سلامه .. تسمعيني .. سلامه تبتسم وبصوت هادئ : ذياب حي بداخلي ما بيموت .. حمدان مستغرب من كل الي صار .. وبصوت خفيف : صار ذياب اهم من غزل سلامه : ذياب حي بداخلي ما بيموت حمدان فهم بان سلامه تحب ذياب .. حمدان يدور فراسه اكثر من سؤال .. فخاطره [ هذا مب وقته ] .. حمدان رفع راس سلامه : ذياب حي .. ذياب بخير .. سلامه تحط يدها على كتفه .. بابتسامه ,, وهي تضغط على كتفه : ذياب حي بداخلي ما بيموت .. حمدان يناظر يدها على كتفه .. يحط عيونه بعيونها .. : تبين تجوفين ذياب .. سلامه : حمدان ذياب حي .. ذياب بيعيش .. ذياب يحبني .. ذياب [ واسكتت ] .. حمدان بعد نفس عميق : ذياب يحبج .. ولازم تصيرين قويه يدامه .. انتي اقرب له .. صح سلامه .. سلامه تبتسم : اي صح .. يالله نروح له .. حمدان يعامل سلامه معامله اطفال .. بعد الحاله الي اهي فيها .. فالمستشفى .. ادخلو حمدان سلامه على الدكتور .. وبعد كم سؤال واستفسار دار بين الدكتور وسلامه .. الدكتور : سلامه محتاجه تجوف لها دكتور نفساني .. حمدان مب مستوعب : دكتوووور نفساني !! الدكتور : انت جايف حالتها .. سلامه مصدومه .. والاصعب تجوف اقرب انسان لها يموت يدامها .. حمدان مب عارف شو يرد .. وووو لي متى راح تعالج عند دكتور نفساني .. الدكتور : حاله ذياب راح تساعد حاله سلامه .. لو فتح عينه ذياب .. سلامه بجوفته راح تحسن .. حمدان : الله يشفيهم اهم الاثنين .. حمدان وام حمدان وام ذياب وبو ذياب واقفين حذال غرفه ذياب ... ام حمدان : الله يشفيه .. خلج صبوره يا ام ذياب .. ام ذياب : لو ادري بيصير فيه جذه .. ما خليته يظهر من البيت .. ام حمدان : اذكري الله .. [ قل لن يصيبنا الا ما كتب الله لنا ] .. ام ذياب : لا اله الا الله .. والنعمه بالله .. حمدان : بو ذياب .. استريح .. الوقفه هذي مب يايبه نتيجه .. بو ذياب : ولدي وبنتي فلمستشفى .. لون تباني ارتاح .. حمدان : ان شاء الله بيقعدون بالسلامه .. خل ايمانك قوي .. بو ذياب : والنعمه بالله .. والحمد لله على كل حال .. غزل اظهر من المستشفى باسبوع بعد الحادث .. غزل : امي ودوني لذياب ام ذياب : امي انتي خليج مرتاحه فالبيت .. انا بروح اطمن عليه .. وبييب لج اخباره غزل : لا امي .. انا مافيني شئ .. بيي وياكم ام ذياب : خلي عنج العناد .. واقدعي بالبيت بنيتي .. غزل : امي . دخيلج .. ام ذياب : خلاص اوديج .. بس تجوفينه ويردج ابوج .. غزل : زين امي .. فالمستشفى الصبح .. غزل ادخلت فغرفه اخوها .. اوقفت حذال راسه .. وتمت ترمسه .. غزل : ذياب انا متاكده تسمعني .. جوف لبست البدله الي كان ودك تجوفها .. جوف الاكسسوار ذياب . [ اسكتت ] .. ذياب وعدتني نروح دبي .. وانت لحينك راقد .. ذياب بسك قوووووم .. ام ذياب ادخلت يودت غزل بقوة وظهرتها من الغرفه .. غزل : امي دخيلج .. خليني ارمس ذياب .. ام ذياب : ذياب ما يسمعج بنيتي .. غزل : بلا امي ذياب يسمعني .. خليني اروح اوعيه امي .. ام ذياب تنادي على بو ذياب : بو ذياب شلها البيت .. بو ذياب يودت غصب وبصراخ ضهرها من المستشفى .. شلها البيت .. تغدو ويا بعض .. وشلها لغرفتها .. غزل : ابوووووي .. تجوف البدله الي علي .. بو ذياب مبتسم : حلوة عليج بنيتي غزل : ذياب كان وده يجوفها .. بس انت قبله جفتها .. بو ذياب مب فاهم شئ .. : شو تقصدين بنيتي .. غزل ارقدت باحضان ابوها .. وتمت تقول له شلون صار الحادث .. بو ذياب مب قادر يمسك روحه اكثر .. : غزل انا مشغول بروح وبييج عقب غزل : بس انا ما خلصت .. بو ذياب يحاول يتهرب : بنيتي لازم اروح انا مشغول .. غزل دموعها عخدها : خلك عندي ابوي .. بو ذياب قعد .. يحاول يغير السالفه .. : غزل تحيدين لما طحتي وانتي تلعبين ويا سلامه . كنتي شيطونه حيل .. كل يوم ترجين الييت ومجروحه .. غزل : وذياب كان يلعب وياي .. بو ذياب : وحمدان وحمد .. وسيف وريم .. كنتو تتضاربون واليوم الثاني شحلوكم وزينكم تلعبون ويا بعض.. غزل : هاذو ذياب يتغلى وتدلع علينا .. راقد وما يبي يصحى .. بو ذياب مبتسم : وباجر بيقعد ووبييج غرفتج وبيسولف وياج .. غزل ارقدت .. بو ذياب ظهر من غرفته وروح للمستشفى .. فامريكا .. حمد : صار لي اسبوع وانا مب متصل للاهل .. عبدالله : وانا شراتك .. حمد : عيل .. عطني فوني بتصل .. عبدالله : اشتغل عندك انااا .. حمد : ياتيس الفون بيدك وتسرق نغمات .. والحين تقول اشتغل عندك .. [ ويشل الفون من يده ] .. عبدالله : هي يا ولد امك انت بتموت لو ما سمعت صوتها اسبوع .. حمد : هييل اهلي والمفروض اسال عنهم .. يا تيس .. عبدالله : زين تطمن .. ولا تنسى سلم على امك .. حمد : ان شاء الله .. يالله اسكت .. حمد اتصل الفون مشغول .. حمد : مشغول .. عبدالله : يعني اصير لك ساحر واخلي امك ترد عليك ولو اهو مشغول .. اتصل مرة ثانيه .. حمد : شفيك انت .. في كلمه ما علقت عليها .. عبدالله : حمدوووو والله فيوزاتي ناقعه .. حمد يضحك : ليش .. احم احم ما عطوك ويه .. عبدالله يضرب حمد : اتصل انت بس .. حمد : هلااا هلاا امي .. ام ذياب : هلا وليدي .. حمد : شحالج امي .. اخباركم .. اخباره ابوي .. ام ذياب : الحمد لله كلنا بخير .. حمد مستغرب من صوتها : امي شفيج .. صوتج بالمرة متغير ام ذياب : لا وليدي مافيني شئ .. حمد : شلون مافيج شئ .. امي صاير شئ .. ذياب وينه .. غزل وين .. ابوي وين ام ذياب بنبرة حزن : كلنا بخير .. الحمد الله على كل حال .. حمد : امي .. لا تخشين علي . ام ذياب بعد لحظه صمت : اخوووك ..! حمد : ذيااااب .. ذياب شفيه .. ام ذياب : ذياب سوه حادث .. وو [ انزلت دمعتها ] .. حمد خايف : امي كملي شو صار فيه ام ذياب : ذياب فغيبوبه من اسبوع .. وغزل الحمد لله اقعدت والحين هي بخير حمد : ذياب فغيبوبه عبدالله : حمد انت شو تقول .. شو صاير .. حمد عق الفون عى الارض .. وروح يحجز فاقرب طيارة للامارات .. لقى حجز بعد يومين .. عبدالله يرمس روحه .. : انا ليش قاعد خل اروح وياه .. روح وحجز بنفس الطيارة .. بعد يومين .. حمد وعبدالله اوصلو المطار .. حمد اتصل بابوه ..: هلا ابوي .. بو ذياب : هلا وليدي .. حمد : ابوي انتو باي مستشفى .. بو ذياب : وليدي انت وين حمد : انا بالامارات .. ابوي انتو باي مستشفى بو ذياب : لا اله الا الله .. انت شيايبك .. حمد : ابوي خلاص يعني الحين لو رمست راح ارد الحين .. ياي اطمن وبرد .. بو ذياب : فمستشفى خليفه .. حمد : خلاص مع السلامه .. بو ذياب : مع السلامه موزة وغزل كملو دراسه .. سلامه وقفت .. وتعالج عن دكتور نفساني .. ريم وسالم حياتهم مافي مثلها .. احترام من الطرفين .. حمد تطمن على ذياب ورد امريكا .. بعد 4 شهور .. فبيت بو ذياب .. غزل : امي هالاسبوع كله امتحانات .. ام ذياب : شدي حيلج بنيتي .. وانتبهي لدراستج .. واذا احتجتي شئ خبريني .. غزل : تسلمين امي .. يالله انا بروح ادرس .. ام ذياب : الله يوفقج بنيتي .. فبيت ام حمدان .. موزة : جسووووم فهمني اهني .. مب فاهمه شئ ابد .. جاسم : قالولج عندي ماجستير ولا دكتوراه .. حدي ثانويه عامه .. موزة : خلاص بروح لحمدان بيفهمني .. موزة ودرت جاسم وروحت لحمدان .. موزة : حمدان .. حمدان : امري .. تبين شئ موزة اقعدت عند حمدان وبطلت لها الكتاب : ممكن تفهمني .. حمدان مبتسم : افا عليج .. بس مو قبل لتيبين لي كوب عصير .. موزة تبتسم : افا عليك .. ثواني .. موزة روحت المطبخ وسوت له عصير وردت فغرفته .. موزة : بالعافيه .. حمدان : الله يعافيج .. موزة : يالله فهمني .. حمدان حط الطوب على الطاوله : خليني اكمل العصير بالاول .. موزة مدت يدها عالعصير واشربته : العصير خلص .. يالله حمدان : حرام عليج والله خاطري فيه .. تعرفين احب البرتقال .. موزة : محد قال لك تاخرني عن دروسي .. حمدان : زين يالله خليني افهمج .. بس .. !! موزة تتافف : بس شوووووو .. حمدان : اتيبين لي عصير عقب .. موزة تضحك : زين .. سلامه عند الدكتور .. الدكتور : سلامه حابه تجوفين ذياب .. سلامه تحسنت بعد الثلاث شهور .: اي يالله نروح له .. الدكتور : يالله .. عيزاكي تكوني قويه .. مش عايز دموع ... اوكي سلامه تقلده : اوكي .. سلامه والدكتور حذال غرفه ذياب .. سلامه تناظرة من بعيد .. مب قاره تدخل .. الدكتور : انا عدخل معاكي .. نطمن عليه ونخرج .. سلامه : لااا .. انا بدخل روحي انت خلك اهني .. ما بطول .. الدكتور : خلاص .. براحتك سلامه بطلت الباب .. قربت من ذياب.. اقعدت حذاله .. سلامه ميوده القلاده بيدها وحطت يدها بيد ذياب .. : ذياب ودي اجوفك مثل قبل .. ودي اجوف الابتسامه عشفاتك .. ودي اسمع منك [ حبيبتي ] .. ودي تمط اذوني .. ابغي اسمعك تغني .. ذياب خلك قوي .. ورد شرات قبل .. ذياااااب .. [ انزلت دمعتها ] .. سلامه حطت راسها عصدر ذياب : ذياب رد لي .. جاوبني .. انت لحينك تحبني .. !! ذياب بطل عيونه .. وضغط على يد سلامه .. سلامه ارفعت راسها : ذيااااااب .. [ انزلت دمعتها ] .. ذياب يحاول يرمس .. سلامه حطت يدها على شفايفه : اسسس .. يكفي فتحت عيونك .. الحمد لله .. ذياب شل القلاده من يدها ورفع يده ويحاول يقرا الي مكتوب عليه لكن مب قادر يرمس .. سلامه : ذياب لا تتعب روحك .. [ تيود يده الثانيه وتبوسه عيده ] .. ذياب مسح الدمع من عخدها .. [ وعيونه على القلاده ] .. وبدا ينطق حرف حرف .. ذياب : أ حبــ ك .. لآخـ ر .. نهــ ــايه .. عســ ــاك تكــ ــون فـ ـي نصيــ ــبي .. سلامه ما اقدرت تمسك روحها .. تمت تصيح .. ذياب يحاول يرفع روحه .. سلامه تساعده .. ذياب يود سلامه من كتفها .. وضمها عصدره .. وتم يصيح .. الدكتور فخاطره : سلامه تاخرت كتير .. طل عليها .. استغرب من الي يجوفه .. ذياب فتح عيونه .. الدكتور روح واتصل على بو ذياب وام ذياب .. وبالمرة اتصل لحمدان .. ام ذياب وغزل وبو ذياب .. ادخلو الغرفه .. لقو سلامه عند ذياب .. ام ذياب مب قادره تستوعب : ذياب وليدي .. بو ذياب :الحمد لله على السلامه .. غزل : ذياااااب .. خويي .. سلامه ودرت ذياب .. وارجعت لوره .. ذياب : الله يسلمك ابوي .. هلاا امي .. ام ذياب : الحمد لله على سلامتك وليدي ... غزل وهي تضحك : شبعت رقاااااد .. الحين المفروض 3 شهور ما ترقد .. ام ذياب : غزل .. مو وقته .. ذياب : خليها امي .. [ غزل روحت واقعدت حذاله ] .. سلامه : انااا بظهر .. برد البيت .. ذياب : سلامه اخبار الدراسه .. سلامه مب عارفه شو ترد : انا ودرت الدراسه .. ذياب استغرب : شلون ودرتي الدراسه .. ام ذياب تحاول تغير السالفه : روحي ارتاحي بنيتي .. وطمني حمدان .. سلامه : ان شاااء الله خالوتي .. ذياب تامرني عشئ ..؟؟ ذياب ما وده تظهر : سلامتج .. سلامه : الله يسلمك .. مع السلامه .. الكل : مع السلامه .. فبيت بو حمدان . موزة : جاسم .. ابغي اروح للكليه .. جاسم : ومنو بييبج انا عندي شغل .. موزة : بجوف حمدان . جاسم : خلاص تزهبي .. موزة روحت تزهب .. وروحت لغرفه امهاا .. موزة : امي اليوم اخر امتحان عندي .. خااايفه امي ام حمدان : لا تخوفين روحج بنيتي .. ان شاء الله امتحانكم بتكون سهله .. موزة : ان شااء الله .. وراح اتخرج ان شااء الله .. ام حمدان : ان شاااء الله .. موزة : يالله ام انا بروح جسوم يترياني بالسيارة ام حمدان : ديري بالج عروحج حبيبتي .. موزة : ان شاء الله امي .. يالله مع السلامه ام حمدان : مع السلامه مايد وخليفه يتمشون فدبي .. خليفه : والله فخاطري اعرف اخبار ذياب .. مايد : شو تبا به يا ريال .. خليفه : والله احيد على اول ايام شغلي بشركه ابوه .. مايده : ياخي الي فات مات .. خليفه : تعلمت عيده .. وايد سوالف كنت مو شئ فيها .. يزاه الله خير .. مايد : جنك عورت راسي بذياب انت .. ياخي ارفع فونك واتصل به خليفه : اي والله صدقت .. انا الي ما عندي سالفه قاعده ارمس وياك خليفه رفعت فونه واتصل على ذياب .. تلفونه مسكر .. مايد : هااا شو مايرد .. خليفه : لا فونه مسكر .. مايد : قص عليك الريال .. تلقاه غير رقمه .. خليفه : انت ما بتسكت .. مايد : مستغرب شلي تباه من ذياب .. خليفه يتطنز : ماشئ ودي اخطبه من ابوه .. شو اباه فريال يعني .. ابي اطمن عليه وبس مايد : خليفه .. يالله نرد عند الشباب .. ملل مافي شئ يديد .. خليفه يتطنز : يعني كنت متصور يكون البحر حلووو .. وتجوف المباني من خشب . شلي بيتغير يعني مايد : راسك مفتر اليوم .. خليفه : الله يجازي السبب .. مايد مافهم : انت شو تقول .. خليفه : ماشئ .. قول لي وين تباني اخذك .. مايد : نروح للشباب .. خليفه : ان شااء الله .. امر ثاني حضرة الملازم مايد : الله يسمع منك .. حدي وكيل انااا .. خليفه : ان شاء الله يرقونك ليش لا .. مايد : ان شااء الله بعد صلاه العشا .. فبيت بو حمدان .. موزة وام حمدان يتريون حمدان وسلامه عسب يتعشون ام حمدان :موزة اليوم شو سويتي ف الامتحان موزة : الحمدلله كان سهل .. ام حمدان : الحمد لله .. ومتى النتائج !! موزة : اممم اعتقد بتاريخ 15 -6 ام حمدان : يالله ان شاااء الله خير .. موزة : ان شاء الله ام حمدان : حمدان تأخر .. !! موزة : بيصلي وبيي امي .. ام حمدان : وسلامه لا تغدى ولا تعشى .. ما ادري لي متى بتم جي .. موزة : ذياب وقعد بالسلامه .. ما ادري ليش معاقبه روحها ام حمدان : بس علاجها لحين ما خلص .. باجي لها شهر .. موزة : اي امي .. هو تحسنت شوي .. بس لازم تكمل علاج عسب تحسن اكثر وترد شرات قبل حمدان دخل : السلام عليكم .. ادري تاخرت عليكم .. موزة : هلا حمدان .. يالله اقرب نبغي نتعشى زز متنا يوع ام حمدان : وعليكم السلام وليدي .. تعال اقعد .. حمدان يلف يمين ويسار : سلامه وين ام حمدان : سامه بغرفتها .. حمدان : وخبرتوها راح نتعشى موزة : هي .. وقالت لي ما تبغي .. حمدان : لا ماشئ ما تبغي .. انا بروح بييبها .. ام حمدان : زين تسوي وليدي .. عيل بنترياكم .. ترقبو الجـــزء الثـــاني عـــشر ...].. |
تسلمين ع القصة الحلوة لا عدمناج |
http://ma7room.org/up/images/4pz7paqsdofox5pb2w5.gif http://ma7room.org/up/images/vt8o53c96icjskpvfya.gif البااااااااااااااارت رووووووووووووووووعه الغلا الحمدلله سلامه بدت ترد مثل قبل واحسن وانا من البدايه توقعت انه علاج ذياب بيدها بس هي تااثرت من الحادث والحمدلله على سلامتهم تسلمين الشيخه ونتريا الباااااااااارت http://ma7room.org/up/images/vt8o53c96icjskpvfya.gif http://ma7room.org/up/images/dgna070abshp324woxp3.gif |
ووووووووووووووووينج قصيد ؟؟؟ نتريااااااااااااا البااااااااااااااااااارت |
اقتباس:
شاااكرة مروووورج .. |
اقتباس:
ختيووو غلااا .. شااكرة تواااجدج دووم هووني .. الله يسلمج .. ترقبي البارت اليديد .. |
الجــزء الثـــــاني عشــــر ....]""" حمدان روح لغرفه سلامه .. حمدان بطل الباب ودخل .. لقاها تقرا كتاب .. : سلاااامه سلامه ودرت الكتاب : امر .. حمدان لمح قلاده بيدها مد يده عسب ياخذها : شلي في ايدج سلامه تحاول تخشها : ماشئ .. ما بيدي شئ حمدان ميود اعصابه .. ويحاول ما يحرج عليها .. تقديرا لحالتها .. : سلامه ابغي اجوف الي بيدج .. سلامه تحاول ترد لوره وتلحف روحها : ماعندي شئ .. بس هالكتاب .. حمدان مسك يدها .. وشل القلاده . وباستغراب : احبك لآخر نهايه .. عساك تكون في نصيبي .. سلامه خايفه . تحاول تشل عنه القلاده .. : حمدان عطني قلادتي حمدان تذكر لما جاف القلاده بيد ذياب فالمستشفى : هالقلاده لج .. سلامه : هي حمدان : شلون كانت بيد ذياب .. سلامه مب عارفه شو ترد : يمكن القلاده تشابها .. ما اعرف .. يمكن صدفه حمدان: وكل شئ صار من حادث ذياب كان صدفه سلامه اسكتت .. حمدان : ذياب حي بداخلي ما بيموت << هاذي بعد صدفه .. سلامه نزلت راسها .. حمدان : طيحتج .. وعلاجج بعد صدفه .. سلامه انزلت دمعتها .. : دامك فاهم ليش تسال .. حمدان : هالعلاقه من متى من بينكم .. سلامه : اقول .. وووو حمدان : ما بسوي فيج شئ .. بس ما توقعتها من ذياب .. سلامه : علاقتي بذياب صارت لها اكثر من 3 سنوات حمدان مستغرب : 3 سنوات .. سلامه : هي 3 سنوات .. حمدان : في احد يدري بهالعلاقه .. سلامه : الكل .. حمدان مستغرب : الكل .. منو يعني الكل .. سلامه : غزل .. وموزة .. وام ذياب .. حمدان : سلامه .. نحن صح تربينا ويا بعض .. وفوق هذا علاقه ابوي وابو ذياب قبل ليتوفى كانت قويه .. بس هذا مب يعني تاخذين راحتج .. صح سلامه ساكته .. حمدان : قومي نتعشى . سلامه : انا مب مشتهيه .. حمدان : ماشئ مب مشتهيه .. يالله انزلي ويانا .. سلامه : بس انا ما ابي .. حمدان مبتسم : عشان خاطر ذياب .. سلامه اسكتت .. حمدان : يالله قومي .. سلامه : ان شاء الله .. حمدان وهو يمشي : طلعت تحب يا ذياب .. والله مب باين عليك .. سلامه من اسمعته .. اركضت عالدري .. حمدان : شوي شوي عن تتخرطفين .. سلامه : حليلك شيبه ما تروم تركض .. حمدان : انا ما اروم اركض .. يالله اتحداج .. منو بيوصل للمطبخ قبل .. سلامه : اكيد اناا .. حمدان : يالله .. 1 سلامه : 2 حمدان : 3 حمدان وسلامه يتراكضن للمطبخ .. سلامه تضحك : شكلك ياااهل .. حمدان : عاد انتي العوده .. سلامه : وصلت قبلك .. حمدان : لا انا قبلك .. سلامه : اف منك غشاش .. حمدان : يالله ناكل .. موزة : شفيكم انتووو .. جنكم نازلين من جبل .. حمدان : سلامو تبغي تحداني وتسابقنا ام حمدان : يهال حليلكم .. موزة : ولمنو نقول مبروك .. حمدان : اكيد اناااا سلامه : لا انااا .. حمدان غشاش .. موزة تقهر حمدان : مبروك سلامه .. عقبال شيبتنا حمدان .. ام حمدان : وليدي مب شيبه .. توه شباب .. حمدان يخق : احم احم .. فديت امي انااا ام حمدان : بس قاهرني .. ما يباني افرح به حمدان : ايهي .. امي لا اتيبين طاري الزواج .. موزة : اي والله . عندنا اخو واحد وما يبانا نجوف عياله .. حمدان : انتي وسلامه يهال.. لشو تبون يهال .. كلو كلو .. وخلو عنكم هالسوالف ام حمدان : الله يهديك وليدي موزة بصوت عالي : ااااااااااااميــــــــــــــن .. سلامه تضحك : موزوو كلي احسن لج .. حمدا حالف ما يتزوج .. حمدان : بسم الله .. يالله اسكتووو وهم يتعشون .. ام حمدان : وليدي .. اخباره ذياب .. حمدان : الحمد الله حالته وايد احسن عن قبل .. بس ما يروم يظهر الحين من المستشفى .. ام حمدان : يعني بيطول .. حمدان : شهر لين ما تستقر حالته .. ام حمدان : الله يشفيه ان شاء الله .. حمدان : امي وينه جويسم . ام حمدان : ضايع هالولد محد يدري وين يروح ووين ياكل ووين يشرب .. حمدان : الله يهديه .. اليوم الثاني .. الصبح .. ام ذياب وبو ذياب وغزل يتريقون .. غزل : امي اليوم بنروح لذياب .. ام ذياب : ان شااء الله .. غزل ياها مسج .. غزل تقرا المسج .. وبصوت عالي : باااركولي .. بو ذياب : مبروك بنيتي .. ام ذياب : مبروك بنيتي .. عشو فديتج غزل اوقفت .. وتمت تناطط : نجحت .. نجحت .. ام ذياب : مبروك حبيبتي .. تستاهلين .. غزل : الله يبار فيكم .. يالله امي بنروح المستشفى .. ابغي ابشر ذياب .. بو ذياب : عيل .. يالله قومي بوصلكم عدربي .. غزل اوقفت يدام ابوها وبلع : ابغي هديه .. بو ذياب : امري .. شلي خاطرج فيه اييب لج .. غزل تفكر : امممم ما اعرف .. كل شئ منك حلو باباتي .. بو ذياب : خلاص عيل .. خليها علي .. غزل تبوس راس ابوها : فديت ابويه انااا .. ام ذياب : يالله نروح .. فالمستشفى .. غزل ادخلت الغرفه .. وبصراخ : ذياب ذياب ام ذياب : السلام عليك وليدي ذياب : وعليكم السلام امي .. غزل : ذيااااااااااااااابووو صوتي راح .. وما ترد علي ذياب : امري .. تدللي .. غزل تدلع : احم احم .. بالاول قول لي .. شو هديتي .. ذياب يفكر : حسب الخبر الي بتيبينه لي .. غزل بطرف عينها : يعني لو خبر عن سلامه بتستانس .. ولو اقول لك ابي اروح القمر بتوديني ذياب يضحك : لا عاد .. حدنا الارض نحن .. غزل تضحك : عيل اسمع الخبر .. ذياب : قولي .. اسمعج غزل : نجحت .. انااا نجحت ذياب : والله صدق .. غزل تخق : الناس يقولون مبروووك .. ذياب يسوي روحه مب مصدق : لا لا خليني استوعب الي قلتيه .. يعني خلاص .. افتكيتي من الدراسه غزل : فديت الي فاهمني .. واخيرا افتكيت من الدراسه .. ذياب : مبروووووووووك غزووووله .. [ وبصوت خفيف ] عقبال سلامه .. غزل : الله يبارك فيك .. ان شااء الله ذياب : وينها سلامه .. ابغي اجوفهااا ام ذياب : سلامه .. !! اسكتتغزل تحاول تهدي ذياب : سلامه هالفترة كانت تدرس موزة .. عسب كان عندها امتحانات .. ذياب : بس هذا ما يمنعها من انها اتيني المستشفى .. غزل تبغي تغير الموضوع : ذياب ما قلت لي شو هديتي .. ذياب : الي تامرين عليه .. غزل تفكر : امممممم .. ابغي .. !! ذياب : شلي خاطرج فيج .. غزل : ابغي اروح اعمر .. ذياب مبتسم : افا عليج غزل .. بس اظهر من المستشفى .. نروح نعمر .. بعد تدلل شئ ثاني . غزل : نونونونو .. بسي خقه ذياب : من حقج .. دلوعه امج وابوج .. والي منقص عليه ذياب .. غزل تخق : منو قدي .. فديت ماماتي وباباتي والله ذياب : واناااا .. سويتيلي دليت من القائمه .. غزل : لا انت غير .. ذياب : وشلي غير فيه .. غزل : انا اوريك شلي غير فيه . غزل وهي تمد الكلام : فديــــــــــت .. خويـــــــي ذيـــــــاب انـــــااا .. ذياب يعدل قعدته : من حقي اخق صح غزلووو .. غزل : لا الخقه لي انا وبس .. انت ليش غيور .. ذياب : امي انا غيووور .. غزل : ابد .. غزوله حبيبتي .. تعالي قعدي حذالي .. ذياب يضحك : عورتي راس امي من شطانتج غزل اقعدت : زين زين .. بيلس .. جوفو شلون ملل بيصير ام ذياب : حمدان وليدي .. ما قالولك متى بتظر من المستشفى غزل : تبيني اسال امي ام ذياب : خلج بمكانج غزل .. ذياب : مب عارف امي .. ام ذياب : اي صح تذكرت .. حمد يسلم عليك .. ذياب : اي صح .. ما جفته انا ولا سمعت اخباره اكثر عن 3 شهور .. ام ذياب : لما كنت مب داري بلي حواليك .. ياك .. اهو وربيعه عبدالله .. ذياب : ووو رد بنفس الاسبوع ام ذياب : هي وليدي .. انت عارف وراه دراسه .. وما يقدر يفوت شئ.. وان شاء الله هالسنه بيخلص .. وبيرد لنا الامارات ذياب : ان شااء الله .. فبيت بوحمدان .. موزة : جااسم قم بروح الكليه .. ابغي اييب نتيجتي .. جاسم : ليش ما طروشلج ايها عالايميل .. ولا فون .. موزة بنبرة حزن : لااا .. جاسم : عيل قومي بوديج .. موزة بفرح : صدق .. جاسم مبتسم : هي صدق .. موزة وهي طالعه من غرفه جاسم : بروح بلبس وبييك جاسم : اوكي موزة روحت غرفتها .. وجاسم روح لغرفه امه .. جاسم : امي شو قاعده تسوين .. ام حمدان : مثل ما تجوف وليدي .. اقرى قرآن .. جاسم : عيل بخليج .. وانا بشل وياي موزة وبوصلها الكليه .. ام حمدان : دير بالك عليها .. وووشيلي وياكم سلامه .. خل تغير جو . جاسم : اوكي بروح اخبرها .. جاسم روح لسلامه .. جاسم يطق الباب : سلاااامي .. سلامه : ادخل .. جاسم : شو تسوين سلامي .. سلامه : ماشئ اقرى كتاب .. جاسم : وشوو الكتاب الي تقرينه .. سلامه : كتاب خذتلي اياه غزل .. وقاعده اقرااه .. جاسم : زين ودري الكتاب .. وقومي بنظهر .. سلامه : عوين !! جاسم : انتي قومي .. وعقب بتعرفين .. سلامه : بس انا ما ابي .. ابي اقعد واكمل الكتاب .. جاسم : الكتاب لاحقه عليه .. سلامه تفكر : زين قول لي وين بنروح . جاسم : يااا الله .. قومي وعقب بخبرج .. سلامه : اوكيك .. سلامه تزهبت .. ورحت لموزة ... سلامه : موزاني .نحن وين بنروح .. موزة باستغراب : اممم .. وانتي ليش متزهبه بتين وياي .. سلامه : اممم انتي بتروحين ويا جاسم.. موزة : هي بروح ويا جسوم .. سلامه باستغراب : وانا بروح ويا جسوم .. موزة وسلامه يضحكون : يعني بنروح ويا بعض .. سلامه : ووين راح نروح .. موزة : بروح الكليه بجوف اذا انزلت نتيجتي ولا لا .. سلامه بابتسامه : اوكيك .. وانا ويااااج .. فامريكاااا .. حمد : اخر امتحااان وراح اخلص واخذ النتيجه .. وارد دار الظبي .. عبد الله : وانا شراتك .. لا تنسى .. حمد : انت دومك عله عجبدتي .. ما قلت شئ يديد .. عبد الله يضرب حمد : مشكووور حبيبي .. حمد يضحك : لا شكر على واااجب .. قم بس قم .. عبدالله : عوين !! حمد : ابغي اشم هواااا .. ابغي اتنفس .. عبدالله يتطنز : ليش الحين انت شو تسوي .. حمد : يقولون استنشق هواااا .. عبدالله : والله زين انك تعرف .. يعني لو ظهرت برع .. راح يصير .. تشم هوااا حمد انقهر : ايهي .. يااا حمااار انا بظهر .. بتي حياااك عبدالله : ودروسك .. ناوي تقعد بامريكا .. حمد ما يرد عليه .. ماشئ يبغي يظهر من الشقه .. عبدالله : حمدوووو اصبر اصبر .. لازم اكمل وصيته خالتي عليك .. لازم تكون تحت الرقابه ,, حمد وقف وصد عليه : انا الي لازم يوصوني عليك .. كل يوم مطيح ويا البنات .. عبد الله افتشل : شفيك ياخي .. ليش الزعل .. حمد يضحك : دام انك عاؤف بلاويك زين .. ليش تفلسف علي .. عبد الله يتمصخر: احب العوز فيك .. بس هذا كل الي اسويه حمد : زين تحرك .. وطالعين نغير جو .. لا تعكر مزاجي .. عبد الله يتطنز : اهاااا .. انت شكلك عاشق .. قولي منو هاي تعيسه الحظ .. حمد وقف وصد عليه : تسكت ولا اروح عنك الحين ,, عبد الله : لااا .. انت رايح فيهااا .. حمد : يالحماااار .. ابغي اتصل عالوالده .. ممكن تنجب شوي .. عبدالله : بسكت .. بس توصل سلامي لهااا .. حمد : زيــــــن .. امر ثاني يا عبدالله .. عبدالله : سلامتك حبيب قلبي .. حمد يتمصخر : الله يسلمك ويسلم طوايفك . فالمستشفى .. غزل عند ذياب فالمستشفى .. وام ذياب ويا بو ذياب يتشرو اغراض البيت .. غزل حاطه راسها على سرير ذياب ومغمضه عيونها .. [ شبه راقده ] .. حمد اتصل عفون غزل .. غزل اقعدت عصوت الفون : الوووو حمد : هلا والله غزل .. غزل : الله ياخذ بليسك .. خرعتني حمد مستغرب : خرعتج غزل : هي كنت راقده .. وجان تدق .. حمد : اسمحيلي غزلوووو .. اخباارج .. واخبار امي .. وذياب شلون .. غزل : اصبر اصبر .. بالاول بعطيك اخباري .. حمد : ايهي بديناااا .. غزل : اسسس .. وخلني اخبرك .. حمد يتخصر [ حط يده عخصرة ] : قولي .. غزل تخق : بالاول باركلي .. حمد : مبروووووووك .. تزوجتي وانا ما ادري.. غزل تطنز: لا ويبت عيال بعد .. لا تطنز .. حمد : زين قوليلي عشووو .. غزل : نجحت .. وبامتياز بعد .. حمد : لا والله .. صدق .. غزل تخق : هي عبااالك .. كسوله شراتك .. حمد : لا منو قال انا كسووول .. اشطر عنج ااناا .. وبتخرج جريب .. غزل : لا والله .. صدق .. حمد مستانس : يس يس .. وبرد دار الظبي .. فديتهاا وربي غزل باستغراب : استغفر الله .. تفدى يدامي .. منو هاي الي تفداها حمدووو .. حمد : شفيج انتي .. اتفدى دار الظبي .. غزل : تحريت بعد .. حمد : زين .. خلصنا منج .. عطيني اخبار ذياب .. غزل تناظر ذياب : ذياب شفيه .. هاذوووه يتراكض شرات الخيل .. حمد : الله واكبر عليج .. بطيحينه غزلوووو .. ذياب يضحك : غزلووو .. حرام عليج .. ذبحتي الولد .. حمد : عطيني ذياب .. عورتي راسي غزل بنبرة حزن : انا عورت راسك حمدووو .. زين يود اخوووك .. غزل تعق الفون على ذياب وبعصبيه : انتو ما تنعطون ويه ذياب : شفيج غزلوووو .. يسولف وياااج .. غزل : لا اهووو قاصد .. ذياب : هلا حمد .. حمد : اهلين ذياب .. الحمد لله على السلامه ذياب : الله يسلمك .. حمد : شخبااارك .. وشلونك الحين .. ذياب : الحمد لله .. احسن عن قبل بوايد .. حمد : ومتى بيظهرونك من المستشفى .. ذياب : والله مب عارف .. حمد : يالله ان شاء الله قريب .. وطمنوني عليكم .. ذياب : ان شااااء الله .. وانت شو مسوي بدراستك .. حمد : والله كل شئ تمااام .. عندي اخر امتحان وبخلص .. ذياب : يالله بالتوفيق ان شاااء الله .. حمد : ان شاااء الله .. امي وين .. ؟ ذياب : امي ويا ابوي .. حمد يضحك : زين زين .. سلم عليهم .. ذياب : يبلغ .. حمد : يالله مع السلامه .. ذياب : مع السلامه .. وبعد شهرين .. حمد وعبدالله ردووو الامارات .. تخرجووو وبتقدير امتياز .. سلامه تحسنت من الحاله الي كانت فيهااا .. ذياب ظهر من المستشفى وحالته ممتازة .. سالم وريم ردو الامارات .. ريم في شهرها الاخير .. خليفه بدالوام .. وغارق بتفكيرة .. فباله سلامه .. وو خليفه اتصل على ذياب .. خليفه : السلام عليكم .. ذياب : وعليكم السلام ورحمه الله خليفه : شحااالك .. ذياب : تمااام ربي يعااافيك .. انت اخبارك خليفه : والله تمااام .. وان شاااء الله احسن عن قبل .. ذياب : الحمد لله .. شلو الجبس من على ريولي .. وصرت امشي شراتك .. [ مبتسم ] .. خليفه يضحك : الحمد لله .. وو شخبار الدوامات .. ذياب : والله مثل دوم ماشئ يديد .. خليفه : ذياب ودي اجوفك .. ذياب مستغرب : تجوووفني .. خليفه : هي والله .. ودي ايلس وياااك .. ذياب : خلاااص .. بعد ما اظهر من الدوام بمر عليك .. وراح نتغدى بمارينا خليفه : خلاص عيل بتريااااك .. ذياب : ااا خليفه .. شحالك ربيعك مايد .. وينه ما ينجاف خليفه : مايد روح دورة لبريطانيا .. شهرين وبيرد ذياب : ايوااا .. عيل انا بخليك .. خليفه : خلاص اخليك تجوف شغلك .. ذياب : مع السلامه خليفه : مع السلامه .. فبيت بو ذياب .. غزل تتزهب .. موزة وسلامه بيمرونها اليوم .. ام ذياب : غزل .. وين بتروحين .. غزل : ما بروح مكان .. سلامه وغزل بيووني .. ام ذياب : وام حمدان وياهم .. غزل : لا امي .. ام ذياب : خلاص عيل انا بخليج وبروح عند ام عبدالله .. غزل : منو ام عبدالله امي .. ام ذياب : ام ربيع اخوووج حمد .. غزل تحاول تذكر : اهاااا .. الحين تذكرت ,, ام ذياب : وشلي تذكرتيه غزل : لا ماشئ .. بس احيد مرة جفتهااا ,, بس ما احيد وين ,, ام ذياب : زين عيل بروح عنج .. ولا تنسين تزهبين العشااا لاخوانج .. غزل : امي موزة وسلامه بيووني .. شلون اودرهم واروح المطبخ .. ام ذياب : وموزة وسلامه مب غراب بنيتي .. دخليهم وياج المطبخ ... غزل مستغربه : امي .. ما صير .. مب حلوة .. ام ذياب مبتسمه : شلون ما يصير بنيتي .. مب سلامه بتصير مرت اخوج .. غزل اضحكت : بس لين الحين ما صار شئ .. ام ذياب : برمس ذياب ان شااء الله ,, غزل مستانسه : يعني ذياب بيصير معرس .. ام ذياب : ان شاااء الله .. واظهرت ام ذياب وروحت لام عبدالله .. ترقــــبو الجــــزء الرابــ‘ع عشــر .. |
http://ma7room.org/up/images/yqg9tqbkwaft2pjm2g3.gif http://ma7room.org/up/images/xosx9refmpyvjsatk2.gif البااااااااااااارت روووووووعه والحمدلله على سلامة ذياب وحمد وعبدالله وسالم وريم وغزل يستاهلون الامتياز وعقبال سلامه امممم خليفه يفكر في سلامه ذياب ردته بتكون قويه رح يرفض هالشي لانها حب عمره ليته بس خطبها نتريا الباااااااااارا اليااااااااااااي يعطيج العافيه http://ma7room.org/up/images/xosx9refmpyvjsatk2.gif http://ma7room.org/up/images/f3t40tw56dlt40q4xyb.gif |
مرحبا الساع شحالج شخبارج الصراااحه البارت طررر ونتريا البارت اليديد ومتى بتنزلينه |
البــــارت الـــرابــ‘ع عشـــر فالمارينااا .. خليفه وذياب يتمشون ,, ما خذتنهم السوالف .. وذكريات .. جديمه من بينهم .. خليفه : هي والله ايام المراهقه .. صدق كنا خبايل .. ذياب : اي والله .. يالله كبرنا وعقلنااا خليفه : الا شيبنااا ولحينا بدون حريم .. ذياب ابتسم : يالله .. جريب ان شاء الله .. خليفه : اووووووه ناوي تزوج ..والله زين وحطيت الفكره فبالك ذياب : اهي الفكرة موجوده من زمااان .. بس ,, [ وسكت ] .. خليفه ابتسم : وانت حاط وحده فبالك .. هااا ذياااب .. ووراك سوالف بعد .. ذياب يضحك : وصرت انا محور الحديث . انت قولي .. لي متى بتم عزابي جذه خليفه شرد تفكيره .. ذياب : يااااااااريال .. وين سرحت .. خليفه : هاااا .. شقلت .. ذياب يضحك : ياااعيني .. الريااال عااااشق .. خليفه : آآآآخـ .. موتي تضيع مني ..[يبغي يلمح له ] ذياب : قولي وانا اروح اخطب لك .. خليفه : الله كريم . ذياب : شفيك خليفه .. ارمس .. واذا كانت ظروفك ما تسمح .. رقبتي سداده .. خليفه : لا مب جذه السالفه .. الخير موجود .. ذياب : منو هذي معذبه فيك جذه .. خليفه مب قادر يرمس .. ومتردد : ذياب ,, تاخرت وااايد ,, لازم ارد البيت ,, ذياب : وين تو الناس .. خليفه : مواعد ربيعي ,, وما يصير اتاخر عليه .. ذياب : خلاص .. عيل بينا فووون .. خليفه : فداعه الله .. ذياب : فحفظه ورعايته .. فبيت بو ذياب .. بعد صلاه العشااا .. حمد اتصل عل غزل .. حمد : مرحبااا غزل : هلااا حمد .. حمد : غزووووووله .. غزل : اهاااا .. تبغي شئ .. حمد يضحك : يعني لو دلعتج صرت ابي شئ .. غزل : لانها مب من عوايدك .. حمد : زين غزلووو انا حدي يوعااااان .. غزل : ويعني .. حمد : دشي المطبخ وسويلي شئ .. غزل : وانت فشوو خاطرك .. حمد يفكر : اممممم .. ودي بفطاااير .. ولزانيا .. ووووووتبوله .. غزل : اه .. كل ها بسويه روحي .. حمد : يعني تبيني ادش المطبخ وياااج .. غزل : شو بيصير يعني .. حمد : خلينا المطابخ للحريم .. غزلووو والله يووعان غزل : زين زين ,, بسويلك .. حمد : ايوااا .. جذه ينفع اناديج غزووووله .. غزل تضحك : يالله تراك ماذيني .. ربيعاتي عندي .. حمد : وانتي منو اييج غير خاوت حمدان .. غزل : بدينا بالغلط .. حمد : يالله يالله .. بخليج اناااا .. غزل : جااان ابتلش بالعشااا .. سلامه تبي تقهرها : وانتي شفايدتج فالبيت .. جان ما خدمتي خوانج تخدمين منوو غزل تنغزها : قوليها باختصار .. جان ما خدمتي ذياب تخدمين منووو سلامه : الحين الي اتصل فيج حمد .. شو ياب طاري ذياب .. غزل تقلدها : الحين الي اتصل فيج حمد .. شو ياب طاري ذياب .. سلامه : غزلوووو .. قومي ندش المطبخ موزة : روحو روحكم انا ما بيي .. غزل : ياااااااااااا الله .. الرقه كلها صوب موازي .. برايج قعدي روحج اهني .. موزة : عادي .. بيلس روحي .. غزل : عيل سلامي يالله ننزل نسوي العشا .. سلامه مبتسمه : يالله .. غزل : التبوله علي .. واللزانيا عليج .. سلامه : وين العدل ما يصير .. التبوله ما يبالها شئ .. تسوين وياي للزانيا .. غزل يودت يدها وتراكض عالدري : يصير خير سلامه : اي اي بتطيحيني غزل تضحك : زين وبعدين ,, تكسرين وترقدين بالمستشفى .. سلامه : عنبووووووو .. وانتي بتستانسين لما بتكسر .. غزل تقهرها : اكيــــد .. وما راح امرج بالمستشفى .. سلامه مصدومه : انتي ترمسين جد .. غزل مبتسمه : امزح ويااااج .. شفيج صايرة تتحسسين بسرعه .. سلامه : ادري . [ وتظهر لها لسانها ] .. غزل تغسل الخضروات للتبوله .. وسلامه تزهب مقادير اللزانيا .. وبعد ساعه ونص ,, غزل : التبوله جاهزة .. بس يبالها خواشيق وناكل .. سلامه : واللزانيا زاهبه ... والفطاير .. شوي وتخلص .. حمد وصل البيت .. دخل المطبخ .. حمد تفاجأ : آآآآ .. غزل تضحك : آآآ .. شفيك علقت .. حمد : سوري ما كنت اعرف انكم موجودات بالمطبخ .. غزل : زين .. مب مشكله .. احط لك العشاا .. حمد : يليت .. غزل : خلاص بييبه غرفتك .. حمد : اوك .. [ وظهر من المطبخ ] .. سلامه : ويـــــــــه خجوووووول .. غزل : هي واااايد .. هب شرات ذياابووو .. كل شئ فري عنده .. سلامه بدلع : حلاته زين .. غزل : هي عسب تاذين راحتج عالاخير .. سلامه تضحك : وشلي قاهرج بالموضوووع غزل : ماااشئ .. يالله زهبي وياااي .. سلامه : زهبي روووحج غزل : طاااع هاااي .. يالله زهبي .. سلامه : لو انه لذياااب جان زهبت .. حمدوو انتي زهبي له غزل : اي انتي .. اصغر عيالج عسب تقولين حمدووو سلامه تضحك : تزوجت عسب يصير عندي يهااال .. بلا كلام فاضي يالله زهبيله.. غزل : زين روحي نادي موووزووو بنتعشى بالمطبخ .. سلامه : اووكيك .. سلامه وهي ظاهرة .. من المطبخ دخل ذياب .. ذياااب : يا هلا ومرحبااابج والله .. سلامه : مرحبتين .. ذياب : شحااالج ..؟ سلامه : تماااام .. وانت اخبارك ذياب : حدي مستانس .. سلامه مبتسمه : وليش كل هالوناسه .. ذياب : حبيبتي فبيتناا .. شلون ما تبيني استانس .. سلامه تغمز : انا بروح فووووق .. ذياب : وين فووووق .. خلج اهني .. سلامه : بروح انادي موزة وبيي .. ذياب : اهااا . .تعشيتي .. سلامه : الحين بنتعشى .. اااا .. يوعااان .. ذياب : واحد طالع من الصبح وراااد بالليل .. توقعين بيكون شبعااان .. سلامه تضحك : قلت يمكن تعشيت ويا ربعك .. ذياب : لا مب متعشي ويا ربعي .. ابغي اتعشى ويا حبيبتي اليوم .. سلامه بدلع: نووو نوو ... انا بتعشى ويا غزل ذياب : وغزل احسن عني يعني .. خلاص ولا تزعلين .. تعشي ويا غزل .[ وروح ] .. سلامه : ذيااااب .. زعلت .. ذياب : لا ابد . .بروح ابدل .. وبتعشى ويا غزل .. سلامه مبتسمه : بس ! ذياب : ما بتاخر .. ثواني وراااد .. سلامه : زين اصبر بيي وياااك .. ذياب يودها من يدهاا : يالله .. سلامه عيونها على يدها ويد ذياب : آآآ ودرني .. ذياب يرهاا : يالله امشي .. بلا دلع .. سلامه : يالله ودرني .. ذياب يقهرها : ما بودر .. سلامه تحاول تفك يدها من يد ذياب : اوووهوووو . انت قوي .. ذياب : لا ما اظن .. شيبت .. فيني قوه اناا .. سلامه : لحينك شباب ... [ وتضغط عايد ذياب ] .. ذياب يضحك : عورتيني .. سلامه اسكتت .. ذياب : يالله اجوووف قوتج اضغطي . سلامه : وتودرها عقب ذياب : بودرج .. يالله اضغطي . سلامه نزلت راسها وعضت اصابع ذياب .. ذياب ودر يدها .. ذياب : شريرة .. سلامه تقهره : شكرااا .. يالله روح غرفتك الحين .. ذياب : دواااج عقب .. سلامه روحت لموزة .. سلامه : يالله سلامي .. بنتعشى .. موزة : اوكي الحين يايه .. سلامه اقعدت بالغرفه .. تريح شوي .. وتبرد .. موزة انزلت .. سلامه وهي نازله من الدري .. ياها ذياب من وره وصرخ باذنهاا .. سلامه بخوف : بســـم الله .. صميتنـــي .. ذياب : احيــد ابوي سمـــاني ذياب .. مب صميتني .. سلامه تسوي روحها تضحك وتركض تبغي تروح عنه .. ذياب يناديها : سلامه سلامه .. اصبـــري .. قلادتج .. سلامه طاح قلبها : شوووووووووووووو .. قلادتي .. ذياب : هي قلادتج .. وانتي تراكضين طاحت .. [ يقصد القلاده الي عطاها هديه ] .. سلامه بنبرة حزن : مستحيــــــل .. شلـــون تطيـــح .. انـــا هالقلاده مستحيـل اشلها ذياب ينغزها : وليش مستحيل تشيلينهاا .. لي متى بتم فرقبتج .. سلامه : اسسس انت شدخلك .. ذياب انقهر : عيل احلمي فيهااا سلامه بنبره حزن : دخيلك عطني اياها .. [ تمد يدها له ] .. ذياب يوخي ويعض صبها : ما قلت لج .. داوج بعدين .. سلامه : يالدب .. عورني .. ذياب يدلعها : سوري حبيبتي .. سلامه تخق : زين عطني القلاده .. ذياب يسوي روحه ما يعرف : اي قلاده .. سلامه : قلادتي .. مو توك تقول طاحت .. وووو .. ذياب : كنت اسولف قلبي .. اجوفهااا .. وينهاا .. سلامه حطت يدها على رقبتها تبا تيود القلاده : آآآآ ذياب : شفيج سلامه ودها تصيح : القـــلاده .. ذياب : افااااا .. وهذي مكاانتي عندج .. تسلمين . [ وروح عنها ] .. سلامه تدور .. بطلت شنطتها تدور عليها .. القلاده مب موجوده : ذيااااااااااااب .. ذياب ما رد عليها وكمل روح المطبخ .. سلامه روحت وراه للمطبخ : ذياب والله وكنت لابستها .. بس ما اعرف .. يمكن طاحت وانا مب منتبهه ذياب مب معبرنها : غزل زهبيلي العشا ويا حمد .. بتعشى وياااه .. غزل : ليش مب توك تقول بتتعشى وياااناا .. ذياب بصوت عالي : هونت .. [ وروح غرفت حمد .. ] غزل مستغربه : شفيه !! سلامه : القلاده !!! غزل : اي قلاده !! سلامه : الي خذا لي اياها من تايلند .. غزل : بلاهااا ..!! سلامه : ضاعت .. غزل مستغربه : من صدقج انتي .. سلامه : كنت لابستنهااا .. بس ما ادري .. يمكن طاحت وانا مب منتبهه .. غزل : دوريها بالبيت يمكن شلتيها وانتي ناسيه الحين ,, سلامه : يمكن . !! بس ذياب .. زعل .. غزل : انتي تعرفين ذياب .. يزعل وثواني تلقينه مثل العسل .. سلامه ابتسمت .. غزل: يالله خلونا نتعشى .. يعنااا .. موزة : الا متنا يوع .. سلامه : بس انا مابي .. مب مشتهيه ,, غزل : يااااا الله .. انت دومج لازم فلم هندي .. سلامه : مب قادره اكل .. والقلاده ما اعرف وينها غزل اوقفت : عيل بروح اخبر ذياب ..حزتها بتاكلين غصب .. سلامه اقعدت : لا لا خلاص .. باااااكل باااكل .. موزة تضحك : صدق انج خوافه .. وخذتهم السوالف .. الكل : الحمد لله .. سلامه وموزة مر عليهم حمدان وروحو البيت .. ذياب اتصل عليه خليفه .. خليفه : السلام عليكم ذياب : وعليكم السلام ورحمه الله .. خليفه : شحااالك .. ذيوووب .. ذياب : بخير ربي يعاافيك .. خليفه : اسمحلي داق لك هالوقت .. بس نسيت اوراقك بسيارتي .. ذياب : هي صح .. وانا اقول وين مودرهم .. خليفه : انا حذال الباب .. تعال شلهم عني .. ذياب : اوكييك .. ثواني واييك .. ذياب وهو ظاهر من الميلس .. انتبه على قلاده عالارض .. نزل لها وشلهاا .. تم مبتسم .. وظهر لخليفه وشل الاوراق وروح ... بعـــد يوميـــن .. سلامه عيـــزت وهي تدور عالقلاده .. وذياب دوم حاط القلاده تحت مسندته ,, ولما يظهر يشلها وياه ويحطها بسدت السيارة .. فبيت بو سيف .. سالم اتصل على ام سيف .. : السلام عليكم ام سيف : وعليكم السلام .. سالم : شحالج عمتي .. ام سيف : بخير ربي يعااافيك .. انت اخبارك . واخبارها ريم .. سالم : حنا بخير عمتي .. عمتي مبرووووك .. صرتي يدووو .. ام سيف مستانسه : صدقك سالم .. ريم اولدت .. سالم : هي عمتي .. ام سيف : يتربى بعزكم ان شاء الله .. ما قلت لي .. بنت ولا ولد .. سالم : يتنــــا بنـــوته .. ام سيف : مبرووووك سالم .. وبنيتي اخبارها .. سالم : الحمد لله .. هي بخير .. ام سيف : خلاص انا بتصل على سيف وبخليه اييبني المستشفى .. سالم : عيل نترياااج عمتي .. مع السلامه ام سيف : مع السلامه .. ام سيف اتصلـــت على سيف ..: هلا وليدي .. سيف : هلا امي .. ام سيف : سيف .. تعال شلني المستشفى .. سيف : خير امي .. فيج شئ .. ام سيف : اختك ياها بنت ... سيف : والله صدق امي .. ام سيف : هي وليدي .. يالله .. لا تطول تعال خلنا نروح لهم .. سيف : خلاص ربع ساعه واان عندج .. ام سيف : اتريااااك .. سيف : مع السلامه ام سيف : مع السلامه ترقبـــو البــــارت الاخيـــر .. |
اقتباس:
الله يعاافيج .. |
اقتباس:
تمااام .. نزلته حياااك |
رووووووووووووووووووووووووووووووووووووووعه البااااااااااااااااااااااااااااااااااااااااارت امممممممممممم احس خليفه بيوقف بطريق ذياب وسلامه ومبرووووووووووووووك البنوته حمستيني للبارت الاخير تسلمين الغلا |
اقتباس:
شااكرة متابعتج . |
وااااااااااايد حلوووه الروايه نتريا البارت الاخير |
مرحبا الساع شحالج شخبارج الصراحه البارت طر ونتريا البارت الاخير |
الباااااااااااااااااارت واااااااااااااايد حلوووووو |
اقتباس:
شااكرة مرووورج |
| الساعة الآن 09:06 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir