|
اقتباس:
ههههه اي بكمل .. بس مدري اش ياه المنتدى علق !! اي عندي البآرتآت وبنزلها الحين ان شآء الله .... بنعرف الحين ^^ نورتي غاليتي .. |
اقتباس:
منور بوجودج يالغلآ .. آمين يآرب .. مرورج الأروع وربي .. من ذوقج .. وأنا أكثر والله .. نورتي غآليتي .. |
اقتباس:
بخير الله يسلمج يالغلأ .. انشالله ... بنزله بعد ثوآني انشالله نورتي غاليتي .. |
الحلقه السادسه عشر .. هدني ظلم الليالي خاننــي ماضــي وحاضــــر شابـت أطـراف الجدايـل والعمر ولـى بريقــه رجعتي كانت حزينه في خطاها الجـرح ثايـــر والأماني حلـم عابر فـي بحـر عينـي غريقــه انحبس حرفي واحس كن بي صمـــت المقــابـر وش جديـدي دام همـي ينتظـر تفـريـج ضـيقــه.... ما سمعو أي شي .. بس اللي سمعوه من الممرضه وهي تتكلم مع الطبيب وتقول المريضه اللي راقده دقااات قلبها وقفت والنبض بعد .. والطبيب راااح وياااها يركض .. شيما فهمت عليها وصااااااااااااااااااارخت بأعلى صوتها : شهووووووووووووووووووووود مااتت .. علااامات الحزن بااانت ع ويوووه الكل .. بو شهااب انصدم وحط راااسه ع اليدااار ونزلت دمعه حاااااااااره على خده .. شهاااب ضم ايدينه وما استوعب اللي قاااعد يصير .. خليفه حط رااسه بين ايدينه .. أم شهااب تجدمت لأقرب كرسي عسب تقعد عليه قبل لا تطيح خالد وقف بسرعه وتجدم من غرفة العنااايه .. يتريا الطبيب يطلع ... مرت دقااايق والطبيب طاالع وعلاامات الحزن على ويهه خالد طالع الطبيب وهو متوتر يبي رد منه .. الطبيب قاال : اهل شما اهني ...؟؟ خالد طالعه مستغرب .. وقال : لأأأ .. الطبيب هز رااسه وقاال : ان لله وان اليه رااجعون .. في مريضه داااخل وماااتت بسبة حرق .. خالد طالعه وقال : ان لله وان اليه رااجعون .. الدواام لله .. بسسس شهد مو هي ................؟؟ ( وسكت ) الطبيب ابتسم وقاال : لا شهد بعدها بس انشالله تعدي مرحلة الخطر .. الكل لف ع الطبيب وتغيرت ملامح ويوههم من حزن الى فرح .. شيما وقفت وتجدمت عن الطبيب وقالت : أختي متى بتنش .. الدكتور قاال : ادعي لها بنتي .. وانشالله تقوم بالسلامه .. الطبيب ابتعد شوي وقااال : خااالد تعال اباااك شوي .. خالد لحق الدكتور .. .. الدكتور قال : ابوووك لااازم ترقدونه لا سمح الله شهد تتم وهو يرووح .. خالد : قصدك عمي بو شهااب الدكتور : هي.. لازم نرقده .. خالد : على خير انشالله .. برمسه وبقنعه لا تحاتي .. الدكتور : و ابشرك بعد اذا شهد حالتها ما تدهورت الين ست المسااا خلاااص انشالله تكون عدت مرحلة الخطر بس يبالها اربع وعشرين سااعه تكون تحت المراقبه .. خالد : مشكوور دكتور يزاااك الله الف خير .. الدكتور : يلا الحين برمسهم يجهزون حجره لأابو شهااب .. خالد : عيل أنا بروووح برمسه .. الدكتور : زين تسوو .. × × بعد مرووور يومين ع الأحداااث السااابقه ... أدري كثيييييييير اللي افتقدوني .. أدري انه كثييير اللي يحبوني .. أدرررررري وأدرررررري بس مدري ليييش سويت جذي .. مدري ليييش رخصت بروحي .. مدري اذا هل أنا حبيته من قلب ولا خدعته مثل ما خدعني .. بس أدررري انه خدعني ورخص بي .. رفعت راااسي وأنا أقووول : ماما خلصتي .. أم شهاااب وهي تسوي الجدااايل .. ( تعقصه ) : لحظه بنتي تريي .. قلت لها : الدكتور متى بيرخصني .. أم شهااب : مدري بنتي بنشوووف .. بخبر أبوووج يرمسه .. قلت لها : هي لأني مليييت .. اندق بااب الحجره ثلاااث مرااات وانفتح ,, دخل الدكتووور ... وقال : صباااح الخير .. الدكتور ابتسم : اش حااالج شهد ..؟؟ لفيت ويهي وما رديت عليه .. اكتفيت بالسكوت وقاال : شهد في حد مضااايقج .. ما رديت عليه .. هو اللي عيشني هو .. أنا ما كنت أبااا أعييييييييش لييييييييييش أنقذوني .. لييييييييييش .. استغفر الله شو هالتفكير .. ربي عطاااني عمر مو هم .. الدكتور قال : وفاااء ازقري النيرس جودي .. وفاااء : انشالله دكتور ... الدكتور تقرب من السرير وقاال : شهووود فيييج شي أحد مضااايقج .. تراني ما بخبر أحد .. بيني وبينج بيكون .. قلت : لأأ يعني لأأأ .. انتو من ظهرتوني من هالعنااايه وانتو تسألوني .. تبوني أحلف اني بنتحر اذا سألتوني أكثررر .. الدكتور : خلاااص خلاااص هدي صااار خير .. ما بنسألج .. قلت بجموود : متى بتظهروني ..؟؟ الدكتور : بس حالتج تتحسن بنظهرج ,, قلت : بس أنا صرت زينه .. الدكتور : بس لااازم يعطونج ابر ومضادات لما السم يطلع من جسمج كله ,, قلت : ليته ما طلع وذبحني .. الدكتور : شهد انتي كبيررره وتعرفين اللي ينتحر شو نهايته .. قلت : عااادي .. انا جي ولا جيب تعذب على ذنوووبي اللي مالها آخر .. الدكتور قاال : ديري بااالج ع روحج وبعد شوي الممرضه بتي بتركب لج مغذي يديد وبيعطونج ابر أوكي .. ما رديت وطااالعت صوووب الدريشه اكتفيت بالسكوت .. بس اللي سمعته : لاحول ولا قوة الا بالله .. الله يهديج .. حطيت راااسي ع المخده .. غمضت عيوني بقوووه نزلت دمعه حاااره ... ما يستاااهل حبي له .. ما يستاااهله أبد .. أكرررررهه من كل قلبي .. خانني .. خانني الخاااين ورخص بحبنا .. بس عشاان يلعب .. أنا اللي قاااهرني اني خنت ربيعتي .. خنت أغلى ناااسي . خنت أمووون وكلمت ريلها وحبيته وهو يجذب عليه .. أمووون اللي أعزها موووت وهي حاامل .. لو درت الله يستر شو بيستوي بها .. وعااني من خيااالي صوت الباااب وهو ينفتح طالعت الممرضه يايه ووياها الابر وكل شي .. قلت وأنا أطااالع صوب الدريشه : أوووووف × × خليفه : رمسيها انتي انزين .. شيما تطالع صوب الباااب : ما اقدر حالتها ما تسمح لما تنش روحك رمسها .. خليفه : انززززين عطيني تلفونها وأنا رووحي بتصرف .. شيما : ما أقدر وبعدين شهد ما ترضى حد يفتش تلفونها .. خليفه : هذا تلفونها اللي فايدج .. شيما ارتبكت : لا تلفوني .. خليفه : بس انتي قلتي البلاااك بيري مال شهد .. شيما : أنا بعد عندي .. خليفه : ماشالله عندج اثنين .. شيما تطالع صوب البااب وتقول : خلييييييفه اظهر الحين ابوي ولا أخوي بييون شو بيقولون ونحن واقفين يمب بعض .. خليفه سححححححححب البلاااك بيري من ايد شيما .. : أقوووووووووول لج هااااااااتي ., شيما تبي ترده : هااااااااته .. خليفه ظهر وقاال : برده لا تخااافين .. شيما تلحقه : خليييييييفه رده لا تفتشه هذا ماال شهوود .. خليفه سوا لها طاااف وركب سيااارته .. شيما ردت المطبخ وقعدت ع الكرسي حطت رااسها ع الطااوله .. آآآهـــ هذا الحين بيودينا بداااهيه .. الله يستر خليفه شو بيسوي .. الله يستر .. × × دخلو المستشفى ومعاااهم ورد ومجلااات لشهود .. شيما طاالعت شذى وابتسمت وقااالت : أكييد خلود يت .. شذى : هي لأنها قاالت بنزورها اربع والحين اربع ونص .. شيما : تعتقدين عياال عمي اهني .. شذى مستغربه : لييش ..؟؟ شيما : بس جذي سؤااال .. ولا خلود مع منو تيي .. شذى : هي أكيييد اهني ... شيما : كم رقم غرقتها .. شذى : ما ادري المهم أخر غرفه ع اليمين .. شيما : هي هذا شهااب واقف يدااام بااب الحجره يرمس فالتلفون .. شذى : هي هو .. يلا نروووح عند شهووود بسرعه .. تجدمو شذى وشيما عن حجرة شهووود شيما قاالت : اش حااالك شهااب ..؟؟ شهاااب لف طالعها .. شيما انصدمت .. : آسفه تحريتك شهااب .. خليفه : لاا عادي .. دشو محد غريب .. شذى : انت لييش برع ..؟؟ خليفه اشر لها تسكت لأنه قاااعد يرمس فالتلفون .. شيما طالعته مستغررربه ومتخرعه بنفس الوقت ودشت .. دخلت شيما وقااالت وهي مبتسمه : مساااااااء الخير .. شهد ابتسمت ابتسااامه باهته : مساااء النوور .. شيما وشذى تجدمو وباسو شهد .. شذى : الحمدلله ع السلامه .. شهد : الله يسلمج حبيبتي .. شيما : اووويه شهووود شوفي شكلج شقااا غاديه صفره .. شهد ابتسمت وقااالت بتعب : لا تخاافين بحمر مره ثااانيه .. خلود يت صوبهم : وينكم يالخااايناات ييتو رواحكم هااا .. شيما : الحبيبه شذاوي سنه لما تتلبس هههه أحلااام تجدمت عن البناات وقالت : شهد حبيبتي تبين شي .. تاكلين شي .. قلت لها : لا مالي خاااطر احلاام : مب زين ع الأقل اشربي حليب .. قلت لها : مابا .. ما اشتهي .. أم شهااب : شهوود أنا بسير المسيد وبرد .. برووح بصلي .. أحلاام : وأنا بعد برووح بصلي وبرد .. قلت بتعب : تقبل الله .. شيما قعدت يمبي وحضنتني : كنتي بتموتيني تصدقين .. قلت وأنا ابتسم : بعيد الشررر عنج حبيبتي .. شذى : خوفتينا عليييج وااايد .. قلت : خلااص حبايبي صرت بخير أنا .. خلود : شهوود لييش سويتي جذي انزين ..؟؟ لفيت ويهي وقلت : ماشي بس مدري اش ياااني .. خلود مستغربه وقالت : ترا كلنا نحبج شهد لا تتحرين في أحد ما يحبج .. ابتسمت على تفكييير خلود الطفولي .. بعدها ما تعرف انه الحب صاار لعبه .. قلت : فديتج .. خلود : وفكررررري شهود .. في وااايد ناااس محتاجينج .. طالعت خلود باستغراااب معني ما فهمت عليها وقلت : أدري ... خلود : دااامج تدرين ليييش سويتي جذي .. شيما : خوخه حبيبتي شهووود ما تروووم ترمس وااايد الحين ... نأجل أسئلتنا لبعدين ... خلود : وراااج ورااااااااااج يا شهووود هههه ابتسمت لها وقلت : أوكي لحقيني الين باااجر وبعده واللي تبين سمعنا صوت أحد يدش .. دخل خالد ومعااه وليد ابتسم وقاال : السلام عليكم .. ردينا السلام : وعليكم السلااام .. خالد تجدم وقاال : ولييد ذابحني ابا شهوود وأبا شهوود .. ابتسمت له وقلت : علني افداااه عطني اياااه .. ( ومديتا يدي ) خالد : لا لا انتي ما فيج شده تشيلين روحج .. تشيلين وليد ..!! قلت : عادي .. خالد ما كلمني بس قاال : شخبااارج الحين .. قلت : بعدني عااايشه ... خالد : شهد ... !! يقولون الحمدلله أو بخير .. شو بعدني عاايشه .. قلت : سوري الكلوووور أثر بعقلي .. خالد استغرب وقااال لخلود : وين عمو ..؟؟ خلود : ساارت تصلي .. خالد حطا وليد وقاال : خلوه عندكم أنا بسير عند عمي ثواني وبرد أوكي .. خلود : أوكي .. شيما : أنا بظهر شوي ثواااني وبرد أوكي .. شذى : أوكي .. خلود : شو ياااهم هذيل .. ثواني وبرد ثواني وبرد .. عاد أنا بعد يظهر ثواني وبرد .. شذى ضحكت .. : حلوه هاااي .. خلاااص وأنا بعد هههههه ابتسمت و قلت : وليد حبيبتي تعاال .. وليد تجدم عني وقاال : حبيبتي ثهووود .. فرحت بس بعده الحزن ذااابحني وقلت : فديتك انت بعد حبيبي .. وليد : ثهووود نوموج هني عشاان انتي ما كليتي هم صح .. قلت : هي حبيبي انت كل عشاان ما يعطونك ابره أوكي .. وليد هز راسه : أوكي .. × × دورته فالممر الين ما حصلته وقالت : انت اهني واناآ ادور عليك .. خليفه لف طالعها وقاال : خير في شي .. شيما : التلفون وينه ..؟؟ خليفه : فالسياااره مب وياااي .. شيما : أباااه رده .. خليفه : ما اقدر الحين .. شيما : لعلمك ترا التلفون اللي خذيته مااالي ومال شهوود عندي ترا ما بتستفيد شي .. تراااني خبرتك .. خليفه مستغربه : انزين وياااج مال شهوود .. شيما : الشااطر يتعلم من خطاااه .. لأأ مب وياااي .. خليفه : شيما عطيني تلفووون شهد أحسن لج .. شيما : ما بعطيك يعني ما بعطيك .. خليفه : بس التلفون اللي ويااي فتشته والظاااهر انه مااال شهد .. اللي فيه كله لشهد .. شيما تورطت وقاالت : لأأ مااالي .. خليفه : شو غيروا سمج وسمووج شهد .. شيمووه لعبيها على غيري .. شيما رااحت بصوب فالممر وقالت : تعاال .. خليفه تجدم وقاال : خييييييييير .. شيما تصيح : خلييييييييفه دخيلك لا تفضح اختي .. خليفه : شيما أنا ولد عمها وحرريص ع سمعتها مثل أخوها وأكثر لا تخاافين .. شيما : نحن ما كااان عندنا أحد يطالعنا عسب جذي ما كنا نعرف الصح من الغلط .. خليفه : شيما سكري ع الموضوع وردي عند أختج .. أنا بتصرف .. شيما قالت : اوعدني ما تخبر أحد .. خليفه : وعـــــــــــد .. خلاااص .. شيما ابتعدت وردت صوووب الحجره وهي تدعي خليفه ما يسوي شي جااايد ... × × ........... : والــــــــحل .. بو شهاااب : ما ادري والله .. خالد : الدكتور يقووول انه مب قاااعده تستجيب لأي شي .. حتى الدوا بزور وقوه تاخذه .. بو شهااب : الله يهديها .. بس لااازم نييب لها دكتور .. خالد : ما بينفع .. لأنها ما ترد وبعدين الدكتور قاال ترييو لما حالتها تستقر شوي و بيحطون لها طبيب .. بو شهاااب : شو درااني يمكن ردت سووت بروحها شي .. خالد : لا انشالله ما تسوي بروحها شي .. بو شهااب : شو تعتقد سبب الانتحاار .. خالد : ما ادري .. بس قلت محد يبلغ الشرطه ومحد يدري بعد .. بو شهااب : زين سويت ما نبا فضااايح .. خالد : انت رمسها عمي يمكن حد جرحها أو حد مقصر بحقها .. بو شهاب : هي برمسها يوم نرد البيت انشالله .. خالد : الدكتور قاال اذا خلاااص رجعت طبيعيه ما يبالها طبيب نفسااني .. بو شهااب : انشالله الله يسمع منك .. خالد : يلا عااد عمي أنا بروووح بشووف وليد وبرده البيت .. بوشهااب : تو النااس .. خالد : صاار لنا يومين مودرين الشركه واحوال المعرض تدهورت .. بوشهااب : باارك الله فيك ولدي وقفت ويانا وااايد .. خالد : ما سوينا شي واجبنا عمي .. × × بعد مرور ثلاااث أيااام ع الأحداااث السااابقه .. ............ : تو ما نور البيت والله .. طالعتها وما رديت اكتفيت بابتسامه بااهته تحمل كل معااني الحزن .. رجعتي لللبيت حزيييييييييييينه .. ليتني رحت للمقبره من المستشفى ليتني ما رجعت .. شكلي بعيييش ساااكته وغااامضه ... كن بي صمت المقااابر .. دخلت حجرتي .. وتجدمت عن السرير .. حطيت رااسي ع السرير .... بديت اتذكر كل شي صااار ذيج الليله كل شي استوا .. كل اللي جرحني .. كل شي بحياااتي .. سمعت صوت أمااايه وهي تقوول : بنتي أنا برووح تبين شي ..؟؟ قلت : سلامتج أماايه بس اطفي الليت .. خفيت على ضوووء الابجوووره .. ظلااااااااام يعم الحجره والجووو باااااااارد .. أنا ليييييييش سويت جذي بروحي محد يستاااهل أذبح رووحي محد يستااهل اسوي له شي بهالكون كله .. غمضت عيني وأنا أتأألم وأتحسر على أيااام عمري اللي قضيتها ضياااع بضياااع .. على أيااام عمري اللي وفيت فيها لأغلى شخص فالكون .. على أيااام عمري اللي حبيت بها شخص ومت فيه وفهواااه .. سمعت صووت بااب الحجره وهو يتبطل مسحت دموعي بسرررعه وطالعت صوب البااب ... .............. : السلاااام علييييييييكم .. رديت السلام وأنا ودي أمووت من الصياااح .. قلت : وعليكم السلاام .. تجدمت أمااني وباستني وقاالت : الحمدلله ع السلاامه حبيبتي .. قلت : الله يسلمج غنااتي .. أماني : أفااا افااا زعلتيني شهوود جيه تسوين بروحج جذي .. قلت وأنا اطالعها ودي .. ارمي روحي بحضنها وأصيييييح وأتأأأسف منها وأقول لها سامحيني أنا خنتج .. ما أستااهل صداقتج لي أنا خااينه .. أماني مسحت دموعي .. : شهووود شو فيييج .. حضنتها وقلت : أمووون أنا أحبج لا تودريني .. أماني : شهود منو قاال بودرج .. ما بودرج حبيبتي .. يلست أمااني تهديني وأنا أدعي على روحي وع السااعه اللي الشيطااان لعب بعقلي وخلاااني أخوون أعز ربيعاتي ... × × بعد مرور أسبوووع ... ع الأحدااث السااابقه .. أبوي مسوي عزيمه عودهـ لأني رجعت لهم بالسلامه .. صحيح اني رجعت لهم بس رجعت جسد بلا روووح .. رجعت شهد بس وحده ثاانيه ... الكل قاااعد فالصااله السااعه اربع ونص المسااا .. عقب الغدا والفواله تمو يسولفون .. شيما قاعده يمبي وتقول : شهووود اضحكي بلاااج هاديه .. ابتسمت وقلت : لا ويااج حبيبتي ... شيما استغربت وقالت : الله يهديج .. أقووول شي وتقولين شي .. ما علقت وبديت أهز ريولي بتوتر ... أم شهااب : ماماتي شهووود سيري ريحي شكلج تعبتي من القعده .. وقفت وقلت : هي بروووح بريح تعبانه شوي .. شيما : بي وياااج بوصلج ... قلت : لا ما يحتاااي .. ارتاحي .. شيما سوت لي طااف وقالت : بيي وياااج .. بو خالد يطالع بو شهااب : ها انشالله حالتها تحسنت .. بو شهاب : الحمدلله أحسن عن قبل .. بو خالد : الحمدلله .. لا تضغطون عليها عسب ما تسوووء حالتها .. بو شهاب : هي .. أم شهااب مب مقصر وياها .. طول الوقت وياها .. بو خالد : حتى انت لااازم تسألها وترمسها .. بو شهااب : هي يوميا أقعد وياها وأسولف وياها .. أحسها صاارت أحسن عن قبل .. بو خالد : الحمدلله .. تعااال شهد ردت عليك يوم سألتها عن السالفه هذيــــج ..؟؟ بو شهااب جنه تذكر شي وقااال : تصدق اني نسيت السالفه من يوم ما طاحت .. بو خالد : هيه حليلها تعبت وااايد .. بو شهاب : السمووحهـ ياخوي تأخرنا فالرد وبعدين البنيه طاااحت .. بو خالد : ما تنلاام ياخوي بالظرووف اللي مريت بها بهام حد يلومك .. بو شهااب : خل تصير أوكي وبرد عليك .. بو خالد : قول لها عااادي وانك ما بتضغط عليها وهالشي ما بيسبب مشاكل بينا .. بو شهااب : هي أنا قلت لها .. بو خالد : يلا انشالله تفرح بها وتشوفها عرووس وتشوف عيالها .. بو شهااب : أمييين .. خالد وقف وقااال : بظهر أنا عيل .. بو خالد : تو الناااس ولدي ما قعدت ويانا .. خالد : منصور يترياني برع أبويه .. بو خالد : عاااد الله وياااك .. وسلم على منصووور .. خالد : السلام يوصل .. يلا فمان الله .. × × شهد : شييوم وين تلفوني .. شيما متوتره : هااا .. هي موجود فالكبت مغلق .. شهد : ييبي لي اياااه .. شيما : شهووود تلفوووونج ............... طالعتها وقلت : شيما لا تقولللللللللللللللللليييييييييييييييييييييين .. شيما هزت راسها وقالت : عند خليفه .. طالعتها مرعوووبه وقلت : شييوم لييش عطيتيه ..؟؟ شيما : روحه خذاااه والله ما عطيته .. قلت : يا ربـــــــــــــي كل المسجااات فيه .. الحين شو بيسوي فيني .. شيما : لا لا أنا مسحت المسجااات بس نسيت أمسح الرقــــــــــم .. قلت : شيما صدق .. شيما : هي مسحت المسجااات .. قلت : عااد عادي أنا غيرت الاسم .. مب بلسم جروحي . سميته أماني .. شيما هزت راسها وقالت : عاد خير انشالله .. انشالله يرده .. قلت : انشالله .. اطلبيه منه اليوم عساس اني أنا ما أدري انه عنده أوكي .. شيما : أوكي .. شهووود زايد السبب صـــح ....!! طالعتها هلت دموعي .. وقلت : شيما غيري السالفه .. شيما مسحت دموعي وقااالت : شهوود خلج قويه .. وربج بياخذ حقج منه .. قلت : شييوم خانني تعرفين شو يعني كااان يلعب فيني .. شيما : ما يستاهل تصيحين عشاانه وبعدين صياااح وصحتي وحاولتي تموتين روحج عشااانه بس خلااااص .. قلت : لأأأأ مب خلاااص .. شيما : شهد انتي حاولتي تنتحرين تعرفين شو يعني تنتحرين .. يعني بتدشين الناار .. توبي أحسن لج ,, وخلااص ودري سوالفج وما يباله يعني ترمسين زااايد .. قلت : اصلأأأأ منو قااال اني برمسه من اليوم وراايح لا أعرفه ولا يعرفني بعد .. شيما : انزين شو صااار ..؟؟ قلت وأنا أصيح : طلع متزوج .. شيما فتحت عيونها : متزووووج ...؟؟ قلت : هي متزوج .. ويصير ريل أماني ربيعتي .. شيما يود ت روحها وقالت : صدق شهووود .. قلت : هي شييوم زايد يصير زوج أماني .. وبالفعل هو من العين وساااكن فدبي .. مثل ريل أماني .. أول شي ابعدت الشكوك .. عقب يوم شفته بعيني تأأأكدت يا شيما .. تأأأكدت .. شيما : النذل كان يجذب عليج ويلعب عليج .. قلت : هي .. بس بعد شو عرفت يا حسررررررره .. شيما : الله ينتقم منه .. قلت : غايه حذرتني منه بس أنا الغبيه اللي كنت أركض وراااه شرااات البقره .. شيما : لا تحاااتين وانتي خليه .. انشالله ربج ياخذ حقج منه .. قلت وأنا أمسح دموعي : انشالله .. شيما : والله ما تستاهلين اللي يصير لج .. بس انتي افتحي صفحه يديده من حياااتج .. قلت : شيما وين أقدر أنسا اللي صاار بسهوله ويييييييييين ..؟؟ شيما : حاولي وانشالله تقدرين .. قلت : انشالله .. شييوم ييبي تلفوني اباااه .. شيما : أوكي بسير عند خليفه بييبه .. ابتسمت وقلت : شخبااره وياااج ..؟؟ شيما : سبيته سب ذاااك اليوم يوم كنتي فالعنايه .. ابتسمت وقلت : كل هذا بسببي .. شيما ابتسمت : هي شفتي كييف غاليه .. وهو حليله ما يرد علي .. مستغرب مني وحشه هههه قلت : فديتج علني ما خلا منج .. سيري ييبي تلفوني .. شيما : أوكي الحين بسير .. × × منصور : وينك يا ريااااااااااااال خست فالسياره روحي .. خالد يركب وهو يبتسم : هههه اشوووفك تتأفف .. منصور : انت صااار لك ساااعه داااخل ماشالله عليك .. خالد : الأهل متيمعين عااد ما يصير نكسر بخاطرهم .. منصور : ونعم بخلود اللي يراضي اليميع .. بسسسسسسس يكسر بخاطر ربيعه هههه خالد : ربيعي حلااال علي .. بس أهلي لاأأ هههه منصور : خواتي جنهن بيزورن بنت عمك اليوم .. خالد : هي جني سمعت البنااات يسولفن .. منصور بنص عين : هااا وينك .. أكيييييييييييد أذونك صوبهم .. خالد : وين ياريااال قول أصواتهن صوووبي هب أنا اللي اروح صوبهم .. منصور : علينا هالرمسه بووليد .. خالد : ان ما سكتت يا بو أسوااار ترا وليد مب مااخذ أسوااار .. منصور : عاد الا نسيبي وابو نسيبي .. خلاااص خلاااص السموحه يالنسيب .. خالد يطالعه مستغرب ويقول : أبو نسيبك شو نسيبك هااي .. منصور : هـــــــــــــــي يارياااااال .. اشد راني أنا برمسة الشواب .. خالد : الحينه في حد فالدنيا ما يعرف معنى نسيبي .. منصور : نسيبي أعرفها بصراحه بس سليفه حميه عديل هالسوالف اللي اخربط فيها هههه خالد : دخيلك سوق سوق قبل لا تخرب لنا نسبنا .. منصور : وينه وليد راعي الحليب بالفراوله .. خالد : حطيته عند مرت عمي .. منصور : فديته .. يلا انشالله تعرس وحرمتك تكون زينه وتربيه .. خالد : انشالله .. الله يسمع منك .. منصور : شهد ما ردت ..؟؟ خالد : لا وين حالتها تسمح .. منصور : صح شخبارها .. خالد : الحمدلله تحسنت واايد بس أحس نفسيتها تعبااانه شوي .. منصور : هي .. يلا الله يقومها بالسلامه ... انزين شو سبب الانتحاار ..؟؟ خالد يرفع جتوفه : والله ما أدري .. منصور : اهلها ضاغطين عليها بشي .. جبروها ع شي .. خالد : لا عمي ومرت عمي أوكي وياها .. ما أعرف شو السبب .. منصور : انزين .. انت ما تذكر ذاااك اليوم قلت انك تقدمت لها .. خالد : هي أحييد .. منصور : يمكن من جي حاولت تنتحر .. خالد : كيف يعني ما فهمت عليك ..؟؟ منصور : يعني يمكن عمك ضغط عليها عسب توافق .. خالد : لا لا ما أظن .. عمي مو من هالنوووع .. منصور : انزين ودوها عند طبيب نفسي .. مب زين جذي .. البنيه ما تدرون شو فيها .. لااازم تعرفون .. لا سمح الله شي جااايد .. خالد : صدقك من هالنااحيه .. بس خل حالتها تتحسن شوي .. منصور : عمك رمسها .. خالد : لأأأ .. بس ربيعتها يقولون رمستها وقالت لربيعتها اشتااقت لأمها .. منصور : عاااد الشوووق ما يسوي جذي .. خالد : عاد هي تقول فقدت حنااان الأم والأبو .. عسب جذي حاولت تنتحر .. منصور : والله محد يعرف عن الثااني شي بهالزمن .. خالد : صدقك .. ها وين بننزل ..؟؟ × × ظهرت شيما من حجرة شهد ونزلت الصاله .. شااافت الكل قاااعد .. راحت المطبخ .. وسووت مسكول لتلفون شهووود ... ثلاااث دقااايق الا وواحد يدش المطبخ .............. : خير في شي .. شيما لفت برعب : لا لا ..... خليفه يبا يضحك عليها بس يود روحه وقال : خير في شي .. شيما بخوف : هي ابا تلفون شهد لأنها تباااه .. خليفه : هي اللي طلبته ..؟؟ شيما : هي .. خليفه : انزين تعرف انه عندي .. شيما : لا لا ما خبرتها .. خليفه يطلع التلفون من جيبه ويقول : ترا سوالف الخرط هذي مااال البنااات ما تمشي علي .. شيما تقول : يعني مب مصدقني .. خليفه وهو ما يداني حشرة البنااات قال : هي مصدقنج .. اندوووج .. شيما تاخذه وتقول : اوكي أنا سااايره .. خليفه : لحظه .. شيما لفت : خير خليفه : ترا أختج ما ترمس أحد انتي جييه مسويه عرس ذاااك اليوم ... شيما ارتاحت وقالت له : لا بس أنا قلت لك ما أعرف شي عن اختي يعني انت لو عرفت لا تخبر احد .. خليفه هز راسه وابتسم وقال : خلاااص روحي فديتج .. شيما تلومت وقالت : تفدااااك حشرااااااات بيتكم قووول أمين .. خليفه يضحك : بل بل بل الحين هذا دعااااااااااء تدعينه .. ظهر خليفه من المطبخ وراااح صوب سيارته .. ودق سلف .. وهو مستااانس .. واتجه صوووب ربيعه عمر .. خليفه اتصل به ......... : مرحبااا ... عمر : مرحبتين .. بالغاالي .. خليفه : جم جيمتي .. ...؟؟؟ عمر يضحك : مصاااص بو ريااال .. خليفه : عاد يلا باااي .. عمر : لا لا خلك ع الخط ههه خلاااص مصاصات بو ريااال .. خليفه : أحسن من لا شي .. المهم وينك ..؟؟ عمر : أنا فاالجاهلي .. وانت ...؟؟ خليفه : توني ظهرت من البيت .. بييك الحين .. عمر : خل نتلاقى فالعين مول أحسن .. يارياااااال الحديقه اهني كلها هنووود هههههه خليفه يضحك ويقول : وجييييه رااايح الحديقه انت .. ليكووووووون تسترجع أيااام الطفوله .. عمر يضحك : لا بس ييت أوصل شغله عند ربيعي اهني .. جان أبركن يدااام الحديقه هههه خليفه : انزين .. انزين .. يلا بترياااك فالعين مول .. عمر : خبرني جيييه المزاااج متعدل اليوووم .. خليفه : ماشي جذا .. عمر : من متى خلوووف مزاااجه أوكي .. ارمس لااااه ..؟؟ خليفه : عمووور صخ أحسن لك .. عمر : شفتها هاااه ..؟؟ هههههه خليفه : تعال العين موول عسب أسطرك ههه عمر : خلاااص ما بيي .. خليفه : يلا عموروووه تحرك مب ناقصنك انت الثاااني .. عمر يضحك : أوكي خلاااص مسافة الطريج .. خليفه : يلا عيل أتريااااك فالباركنااات .. × × من بعد ما ظهر خليفه .. شيما بغت تموت من الضحك طلعت بسرعه متجهه لحجرة شهد شوي وتطيح وتنسدح ع الأرض من الضحك ... ............ : خير ضحكينا وياااج .. لفت برعب .. وشااافت شهاب : ها لا ماشي بس قالو لي نكته .. شهاااب يهز راااسه ويقول : اللهم سكنهم مساكنهم .. نزل شهااب شيما ما قدرت فطست من الضحكككك وراااحت صوب حجرة شهد وبطلت الباااب ودشت ... لفت طاالعت شهد وقالت وهي تبي تموت ضحك : شهد ........................... سكتت يوم طالعت ابوها وقالت : هلا ابويه .. بو شهاب ابتسم : هلا شيما .. شيما : شهد تلفونج .. شهد مسكته وقالت : شكرا .. شيما : عااد أنا بسير وبرد لج عقب .. شهد : أوكي .. بو شهااب : شييوم تمي عادي .. شيما : لا ابويه برد لها عقب .. بو شهااب : ع راحتج .. ظهرت شيما وبو شهااب قال وهو يبتسم : خبله أختج هههه شهد ابتسمت وقالت : هي شييوم وااايد .. بو شهاب : شو تحسين روحج الحين انشالله أحسن .. شهد : هي الحمدلله واايد أحسن عن أول .. بو شهاب : يلا الحمدلله .. بو شهاااب : بنتي شاللي خلاااج تسوين بروحج جذي ...؟؟ شهد بغت دموعها تنزل بس يودتها وقالت : مدري .. يمكن الحياااه .. بو شهااب : بنتي فييج شي .. خبريني .. أنا ابووج .. شهد هزت راسها وقالت : لا ماشي .. بو شهاب : شهد انتي لااازم فيج شي حبيبتي خبريني .. شهد بدت تصيح .. وقالت : أبويه بس تذكرت أماايه .. بوشهاب : شهد أمج بخيير .. وبعدين ما أظن ان هذا السبب الكاافي اللي يخليج تنتحرين .. شهد : ابويه صدق أمي السبب .. بو شهاب : بنتي أنا مقصر بحقج عشاان تسوين بروحج جذي .. شهد : لا أأأبووويه بس أنا تعذبت بحياااتي وايد .. عشت بدون أم وأبو .. ما أقدر خلااص تعبت بو شهااب : من شو ..؟؟ شهد : كل النااس يعايروني بنت الفلبينيه وبنت الفلبينيه .. مللليييييييت .. بو شهاب بانت ملامح الحزن ع ويهه وقال : شهد كلنا من ترااب تذكري هالشي ومافي فرق بينا كلنا سواسيه عند رب العالمين .. شهد : ونعم بالله .. بس أنا تعبت أبويه تعبت ( رميت روحي بحضنه ) ابويه مسح شعري .. بايده وقاال : محد يقدر يذلج يا بنتي دام راسي يشم الهوا .. قلت : الله يحفظك لنا أبووويه .. بو شهاب : بنتي انتي متضااايقه من اليوم اللي خطبج فييه خاالد ..؟؟ جني تذكرت شي وقلت وأنا مستغربه : هييييييييه صدق .. أنا نسيت السااالفه .. ابويه : يعني مب ولد عمج السبب .. قلت : لا أبويه خالد ما يخصه بالسالفه .. أبويه : شهد انتي شو ما يكون رااايج أنا ما بسوي بج شي وما بيأثر بعلاقتنا بس اعرفي ان ولد عمج شارنج وأحسن من الغريب بمليون مرررررررره .. قلت : هي أعرف أبويه ابويه : انتي فكري بالموضوع عدل ولو ما تقدرين تردين عليه الحين لأنه حالتج ما تسمج فــ هالشي عاادي عندج مهله كثرر ما تبين قلت : هي ابويه هالفتره خلوني افكر وعقب برد عليكم .. ابويه : يلا عااد بنتي أنا بروووح عند عمامج قاعدين تحت .. قلت : أوكي ابويه .. أبويه رااح صوب البااب .. أقول له ولا ما أقووول لو أقووول له أخااف أفضح روحي وارووح فيها يلا اللي يصير يصير المهم بنتقم من زااايد .. بدفنه من حياااتي و بمحيييييييه نهائيا .. خلاااص زايد ماضي والحين برااويك قدرك ياا زايد .. قلت : ابويه .. ابويه صد وقال : هلأأ بنتي .. قلت بخوووف ... : ابويه انـــــا .. .................................................. ................... |
الحلقه السابعه عشر .. يوم انك تبغى تجافيني وتنساني والله لجافيك يوم انكـ مجافيني مع السلامهـ وماني متصل ثاني الله يهنيك وأنا الله يهنينــــــــي قلت بخوووف ... : ابويه انـــــا موافقه على خالد .. ابويه رد طالعني مستغرب .. وقال : موافقه ...؟؟ قلت بارتباااك وأنا ما ادري اذا قراااري صح ولا غلط اللي اتخذته .. من ثواااني .. : هي موافقه ابويه ... ابويه : فكرتي عدل يا بنتي .. ترا هذا زواااج مب لعبه .. قلت : هي فكرت عدل ومقتنعه بخاالد .. ابويه ابتسم ياااه وباااس راااسي وحضنني وقال : هذا الكلااام الزين يا بنتي .. حضنته وغمضت عيوني وانا اتألم وقلت : يعل ربي يديم هالسعااده بحياتك .. ابويه : أمييين يااارب .. خلاااص يعني ابشر عمج .. وولد عمج .. هزيت راااسي وقلت : هي أبويه أنا راااضيه بخاالد ومقتنعه فيييه .. ابويه : انشالله اشوووف عيااالج مالين بيتي .. تلومت وقلت : انشالله .. ابويه رااح صوب البااب وقاال : برووح ببشرهم .. يعل ربي يحفظج .. ظهر ابويه .. رميت روحي ع السرير .. بديت أصيييح .... ليكوووون خالد يعلب فيني مثل ما زااايد لعب فيني .. مابي .. مابي .. بسسسس خالد تقدم لي يعني صج يباني .. أما اللي يكلمني يعني أكيييييد يلعب بي ويلعب بمشاااعري .. عمرررره الولد ما ياااخذ وحده تكلمه .. وحتى لو خذاها .. بدايتهم بتكوون شك من الطرفين .. يعني حياتهم بتكون كلها شكوووك .. يلا يعل خااالد يعوضني عن كل شي راااح بحياتي وفااات ... بسسس أنا يا ترى هل باختياري لخالد سويت الصواب أم العكس ..؟؟ × × ..................... : خير شو السالفه ..؟؟؟ خالد مبتسم : قووول مبروووك .... منصور مستغرب : مبروووك بس ع شو ...؟؟ خالد : وافقت بنت عمي .. منصور مستانس : صـــــــــــــــدق .. يلا عاااد مببرووووك مبروووووووووك .. خالد : الله يبارك فحياتك .. عقبالك .. منصور ابتسم .. : عاد خل حرمك المصون تدور لي ع عروووس .. خالد : مره وحده من اليوم صااارت حرمي المصوون .. منصور : هي هذي حرم خالد منو قدها .. خالد : عازمنك اليوم ع العشااا .. منصور : الحق ع روحك ودق سلف قبل لا تيي أم العيااال وتسحبك تردك البيت .. وتشتاااق للعزوبيه عاد هههه خالد يضحك : لا بعدني عزووبي يبالي لما اصير متزوج ههههه منصور : وليد شو بيسوي .. خالد : وااايد وياها .. أكيييد بيحبها .. منصور : انشالله .. بس انت عطه اهتمام عسب لا يغاار وجذي .. خالد : هي أكيييد ولدي قبل كل شي .. منصور : هذي الدنيا .. آآهـــ ... خلود بيتزوج وبيودرني روووحي ... أأأهـــــــــ .. خالد يضحك : ههههه تزوج انت بعد زين .. عسب لا تحس بالوحده .. منصور : ههههههه حلوه هاااي .. اش رايك نتزوج بنفس اليوم .. خالد : لا لا عسب يقولون حرمتك أحلى هااا .. منصور : هي لااازم حرمتي أحلى ,, خالد : تباني اشوتك الحينه هههه منصور يضحك ويقول : ما تحس ردينا عشر سنين ورا .. أيااام الثانويه .. خالد : هي صدقك .. كيف كانت حلوه ذيج الأيااام هههه .. خالد يطاالع تلفونه ويقوول : الوااالد قاااعد يتصل الله يستر .. منصور يضحك : عسا ما تكون الحرمه بس ههههههههه .. خالد يطالعه ويقول : بدينا بالمعاااير .. ترا انت بعد بتلحقني ,, × × خليفه يطااالع عمر مستااانس .. ويقول : يـــــــــــــس ... وأخيرااااااا .. عمر مستغرب : خيررر ...؟؟ خليفه : أخويه خطب ... عمر : مبروووك مبروووك عقبااالك .. خليفه : لا تتحراني مستانس عسب أخويه هههه لا باباتي .. مستامس لأني بلحقه هههه عمر : يالعيااار .. ههه بس يلا مبروووك وعقبالك .. خليفه : آمييييييييييين .. اليوم أول ما أدر البيت برمس أبويه يرمس عمي هههه عمر : هي الحق قبل لا تطير منك .. هههه لأنه أختها العوده انخطبت خلاااص .. خليفه : وانت اش دراااك ...؟؟ عمر : مب جني من أهلك .. اللي يشووف يقول اني ولد أجنبي .. خليفه يضحك : هي صدق هههه نسيت تصدق .. عمر : مب منك .. من الحبيبه اللي ماكله راااسك ... خليفه : ومن الحب ما قتل .. عمر : أقووول اشرب الكوووفي قبل لا يبرد .. ترااا خلاااص الفيوزات ضربت عندك هههه × × دخلت الحجره مستغربه وتطالعني بنظرااات غييير غير جاان أقوول : خيييير ... شيما مستغربه وتقول : الحين انتي خطيبة خااالد ..؟؟ قلت : هي هههه جيييه يعني مب عايبنج .. شيما : لا بالعكس وين تحصلين أحسن عن خاالد .. بس شهووود مب مصدقه أنا .. قلت : تبيني أقرصج عسب تصدقين .. شيما : هههه لا لا .. يلا مبرووووووووووك .. قلت : الله يبارك فحياتج حبيبتي .. شيما : سؤااال شهووود ..؟؟ قلت : أمري تدللي .. اسألي اللي تبين .. شيما : وااااي منو قدي هع .. بس انتي صج الحين خطيبه خالد .. قلت : هي ع بااالج خيااال .. شيما : شهود انتي مقتنعه ..؟؟ نزلت راااسي ودموعي تحجرت بعيني وقلت : هي مقتنعه .. شيما : ترا بهالحركه ما راااح تغايظينه .. قلت : شيما أنا لا بغايضه ولا شي .. أنا خلاااص اباااه ينساااني مثل ما نسيته .. شيما : نسيتيه ولا تناسيتيه .. قلت : لأأ بجااافيه مثل ماهو مجافيني . وما بتصل به خلاااص .. أبا أعييش حياتي بعيده عنه .. شيما تهز رااسها وتقول : فكرري عدل يااا شهد .. قلت لها : مفكره عدل و ما بتراااجع عن قراااري لو شو يصير .. شيما : شي راااجع لج وانتي حره بحياتج .. قلت لها : اكيييد حره بحياااتي ومحد له دخل بحياااتي .. شيما : يلا الله يسعدج بحيااتج .. قلت : آمييييييين .. ويساعدني أنساااه .. شيما : خلاااص شهد من اليوم ورااايح ما يصير تفكرين به .. انتي ملك شخص ثاااني .. طالعتها وقلت : صدقج .. يلا ربج يييسر .. من ورا البااب : ممكن أدخــــــــــــــل ..؟؟ قلدت صوتها بطريقتها : هي ممكن تدخلين .. دخلت وهي مبتسمه .. يت صوبي وخضنتني وقاالت : مبرووووووووووووك مبروووك ومليون مبروووك بعد .. طالعتها ابتسمت وقلت : الله يبارك فحياااتج مسرع ما انتشر الخبر ماشالله .. خلود ابتسمت وقاالت : طبعا ههههه شيما : بل .. مره وحده مليووون مبروووك .. مبروووكات العالم خلصن هههههههههههههههههه خلود ضحكت وقاالت : طبعا هذي حرم أخوي خااالد ههه تلومت وقلت : ان ما سكتتن بفلعكن بهااي الفروحه .. شيما : انزين انزين خلااااااص ههههههه .. خلود طالعتني وقاالت : شهوووود أنا مستااااااااااااااانسه وااااااااااااااااايد .. قلت لها : ربي يديم السعاااده بحياااتج .. خلود : أحبج شهووووووود .. قلت : وأنا بعد .. نزلت دمعه من عيون خلود : بس لا تسوووين بروحج جذي .. طالعتها كسرت خاااطري .. مسحت على شعرها وقلت : انزين حبيبتي .. خلود : اوعديني .. قلت لها : وعد خلاااص هههه .. شيما تكش علينا : بدن الحميه والجنه .. بظهر أحسن لي .. أنا وشذاااوي لنا الله .. دخلت وهي تيبب .. : كللللللللللللللللللووووووووووووووووووووووش .. شيما تصااارخ : صرعتينا لااااااااه .. شذى : مبااارك عرس الاثنين .................... شيما تيود حلجها : صرعتينا ... نشااااااز أعوذ بالله ههههههه شذى يت وباستني وقااالت : فدييييييييييتج تستاهلين مبروووك مبرووووووووووووووك قلت : الله يباارك فحياااتج .. عقبااالج .. شذى : ياااااااااااي متى ييي اليوم اللي أنخطب فيييييه واااااااااااااي بستانس اش كثر .. شيما : أعووووذ بالله أعووووذ بالله فسق .. شو هالرمسه .. شذى تضحك : صدق انزين ما أتمصخر .. شيما : أحسن ... الحين لو شهود وشذاوي عرسن بتم أنا روحي حبيبة بابا .. هههه شذى : لا تخااافين ترااا شهاااب بياخذ خلود وبيسكنها اهني ع جبدج .. خلود تلومت وتفشلت .. قالت : شذى شو هالرمسه ..........؟؟ ................. : يعني مب عايبتنج الرمسه ... تراها تخرط عليييج ولا منو قااال شهاااب بيااخذ خلووود ... خلود تلومت أكثر ونزلت رااسها وقالت : أنا بروووح بيتنا ... طالعتها وقلت : تو الناااس خوخه .. خلود طلعت وهي متضااايقه .. شهاب طالع صوب الباااب وقال : بلاها هاااي .. قلت : انت وأختك غسلتو شراعها وتقولون بلااها .. شهاب يضحك : أتمصخر انزين .. قلت : بس زعلت خوخه .. حرام جييه .. شهاب : برايها بااجر بترضى الياااهل .. الحين خلود ذااابحه روحها عشااانك وبدا الخجل يبين من عيونها .. لأنها بدت تفهم كل شي .. بعدك تتحراها يااهل وهي بهالسن تبدا تعشقك بكل مااا فيها .. حرااام عليك .. يلا أكييد يوم من الأيااام بتعرف بقدر حبها .. شهاااب : هلللللللللووووووووو .. طالعته وقلت : هلأأأأ .. شهاب .. : وينج ولا تفكرين بحبيب القلب .. ( وغمز لي .. ) تلومت وقلت : ها لا بس تذكرت شي .. شهاب : انزين .. تراااني ياااي أقول لج مبروووووووك أختي العزيزه .. قلت وانا ابتسم : الله يبااارك فيك أخي العزيز .. شهاب : كبرتي شهووود ههههههه قلت : شو عبالك ياااهل بعدني .. شهاب يضحك : لا بس الفتره اللي مشيتي فيها مع خلود تحسبتج رديتي ياااهل .. حرام عليك شهاابوه البنيه ميته عشانك وانت ولا داااري عن هوا دراها .. قلت : شهاااب صخ .. شهاب ضحك وقبل ما يطلع قااال : يلا عقبااالي .. قلت : آمييييييين .. الله يبلشك بمره تموووت ع التراااب اللي تمشي عليه .. قول آميييين .. شهاب : آمييييييين هههههههههههه ضحكت وطالعت شذى وشيما .. قلت : راضو خلود تراااكم زعلتوها .. شيما : أنا مالي خص شذاوي رمست .. شذى : عاادي خلود متعوده بس ما ادري ليييش هالمره زعلت .. قلت : باختصااار لأنه شهااب روووحه رمسها .. شذى : هي صح .. بروح بزقرها .. قلت : سحبيها وييبيها غصب .. × × شيخه : فديتها شهووود ما تستااهل والله .. جابر : لييش سووت بروحها جذي انزين .. شيخه : والله ما ادري .. سعووود حبيبي تعااال .. جابر : وينه هالمتشرد .. ربيع مريوووم .. شيخه : يلعب مع السمج هههه .. يدام الحوض ... صح نسيت أخبرك خالد خطب شهد .. جابر يطالعها : مبروووك مبرووك .. يلا زين .. شيخه : زين وأخيرااا خالد رضا يتزوج .. وبعدين وين بيحصل أحسن عن شهوود لوليد .. جابر : صدقج .. شيخه : جبووور تحس حموود يشبه منووو ..؟؟ جابر : هههه أحسه يشبه شهااب .. شيخه : هي أنا بعد أحس جذي .. سعود يشبه منصور .. و حامد يشبه شهااب هههه جابر : مراااضيين عمهم وخالهم .. بس أبوهم لأأ .. شيخه : ههه خلاااص البنوته بتشبهك انت .. جابر : لاأأ أنا ابااها تشبه أمها .. شيخه : هي ترااني أحلى عنك هههه جابر : اجلبي ويهج يلا هههههه × × نزلت طاالعتها تحت واااقفه مع ولد أخوها وتقول له : يلا حبيبي نرد البيت .. وليد يصيح : لأأأ أبا أتم اهننني مابا ارد البيت .. خلود تتأفف وتقول : وليدوووه ان ماييت بودرك اروحك وبرد البيت .. شذى تتجدم عن خلود وتقول : خلود انتي اهني ..؟؟ خلود ما تطالع صوبها : نعم ..؟؟ شذى : تعاالي فوق اش له تردين البيت الحين .. خلود : مابا .. يلا وليد تعااال .. شذى : خوخاني ليكووووووون زعلتي .. خلود : لأأأ ما زعلت .. .......... : عاااد لييش الحلوه مبووووووزه .. خلود ما طالعت صوبه وشلت وليد وقالت : يلا ان ماييت بقول للينيه تاكلك .. شهاب يضحك : بل .. عن البووز يطيح .. كل هذا زعل .. شذى : خلووود هكو اعتذرنا ارضي يلا .. شهاب : يلا عاااد خطيبتي الصغيرونه ارضي .. يا حبي الصغييير .. خلود لفت بطلت عيونها وقااالت : شو انت ما تستحي تقووول هالرمسه .. شهاب يضحك : ارضي انزين .. كيف تبيني اراضيج .. خلود : مابا شكراا .. شهاب : والله العظيم ان ما رضيتي باااجر الصبح بيي وبقول لأابوج أباا أتزوج خلود .. وطبعا ما بيرفض .. بنت عمي وأنا أولى بها من الغريب .. صح ولا غلط حبوبه .. خلود بطلت عيونها : تتمسخر حضرتك .. شهاب يضحك : عدوووج ناااس دبي هااا ...؟؟ خلود فيها الضحكه بس ما رمست وقاالت : خلاااص رضيت بس اسكت دخيلك .. فضحتنا .. شهاب يتجدم صوب الباب ويقول : باااي خطيبتي الصغيرونه,, خلود بطلت عيونها .. مستغربه منه .. تبا ترد عليه بس فجأه سمعت صوت : منو خطيبتك الصغيرووونه ...؟؟ شهاب يلف مستانس ويقول : خوخه .. أم شهااب تقول : ما تستحي على ويهك يا ولد .. شو هالرمسه .. خلود متلومه : هي عموووه شوفيه .. أم شهااب : زين جذي البنيه تلومت ..منك .. شهاب : عاادي أمااايه .. ما فيها شي .. أم شهااب : حسبي الله عليك من ولد .. حتى بنت عمك ما سلمت منك .. شهاب يطلع وهو يضحك ويقول : بس بنت عمي غيرر ماماتي .. أم شهاااب : الله يكمله بعقله .. السموحه بنتي مدري شو يااه الولد تخبل .. خلود : عاادي عمووه صاار خير ... ( بدت تفكر فأأخر جمله قااالها شهااب .. بس بنت عمي غير .... غيررررر شو يعني غير .. وغير بشو يا ترا .. والله ما يندرا له ) × × بعد مرور يومين .. .. الحمدلله تغيرت حالتي وااايد وااايد .. صرت أحسن عن قبل .. صح ذكرى زااايد بعدها بقلبي .. بس هو حتى ما فكر يبرر موقفه تجاااهي .. ما فكر يسوي أي شي عشاان يثبت حبه لي .. يعني أكيييد جذااب ويلعب بمشااعري .. آه الغلط مني يوم اني وفيت لك .. سمعت صوت تلفون الصااله وهو يرن .. حطيت الكوفي اللي قاااعده أشربه ع الطاوله وطويت صفحااات الماده اللي قاعده أذااكرها .. وتجدمت ركض من تلفون البيت .. تعثرت هع .. بس زين ما طحت .. رقم بيت عمي ... أكيييد خوخاني .. رديت وأنا أدندن .. : أنا ضااايق وبالي ضااايق وجوي ضااايق ضيق كااايد ... ( وسكتت وأنا ابتسم ) ............. : روحي اقري قرآآن اذا جوج ضااايق .. تفشلـــــــــــــــــــــــــــــــــــــــت صدق وعن خااااااااااااااطر .. قلت : ألوو .. هاااه ... مب خلوووووووود .. ................ ضحك : لأأ مب خلود .. قلت وأنا خاايفه : آسفه مع السلامه .. .............. : لحظه لحظه شو مع السلامه .. قلت بخوف : هااا .. ............... : شهود تحريتيني خلود هااا .. تراني خليفه هب خااالد .. خذيت نفس عمييييييييييييق وقلت : هه .. الحمدلله .. تحريت بعد .. خليفه يضحك : انزين يالضااايقه .. روحي قولي لأاخوج الهرم خل ينش من الرقاااد اباااه يرمسني .. قلت : اتصل به انزين .. خليفه : تراني قاااعد أقولج تلفونه مغلق .. قلت : هيييه .. أوكي برووح بوعييه .. خليفه : أوكي يلا بسرعه .. صكرت التلفون .. هع الحمدلله مب خاالد واااااااااي فضيييييييحه كنت بروح فيها هههه .. يلا الله ستر هالمره .. × × يوم الجمعه .. الساعه ثلاث الظهر .. بتوقيت مدينة العين .. الكل قاااعدعقب الغداا .. ونحن البنااات قااعدات فصووب بس طبعا هذا الشي ما رااح يخليني أخذ رااحتي لأنه عيااال عمي موجودين .. اكتفيت بالسكوووت طول الوقت .. أو اجاباتي تقتصر بنعم ولا ... شيما توقف : أنا سااايره أرقد ... قلت بصوت وااطي : خلاااص بيأذن العصر جريب .. شيما تهمس : ما علي .. يلا أنا سااايره .. خلود .. : أنا بروووح بييب شي أكله يعت .. شذى : خيييبه توج متغديه ويعتي .. خلود : صلي ع النبي .. عن تصكيني بعين هههه شذى : ماشالله ماشالله هههه خلود : تبون شي من المطبخ .. قلت وأنا أوقف .. بصوت واطي : بيي وياج .. خلود : لأأ قولي بييب لج .. قلت لها : قلت لج بيي .. خلود : برااايج .. سمعت صوت ابويه وهو يقول : على وين بنااات ....؟؟ شذى : بابا .. بنسير المطبخ .. ابويه : هي .. انزين شذى سيري ازقري أخوووج شهااب أباااه فسالفه .. شذى : انشالله .. قلت : يلا خلود ترااني سااايره .. خلود لحقتني وهي تضحك قاالت : تستحين ....؟؟ قلت لها : شو تعتقدين يعني .. خلود ابتسمت : أكيييد تستحين .. قلت : هي أكيييد وبعدين قمت أستحي من ظلي هالأياام .. خلود : هي وااايد تغيرتي هههه مب انتي شهود الأولانيه أم لسااان .. قلت : خوخه صخي أحسن لج .. خلود حضنتني .. وقالت : واااااااي اش كثر مستانسه أنا .. قلت : زين يلا .. تراااج خنقتيني ههههه خلود : أعوووذ بالله حرمة أخوي .. بلااج هالأياام مستويه دفشه أحيدج رومنسيه .. قلت وأنا أضحك : خليت الرومانسيه حقج هههههه خلود ضحكت وياااي وقالت : والله قمت أستحي منه .. قلت : ودري هالحركااات يا بنيه .. عيب هالكلاام عندنا .. خلود تضحك وتقول : تعاالي انتي لو خالد كلمج .. بتكلمينه .. قلت : حسب ..؟؟ خلود : كيف يعني ..؟؟ قلت : ما ادري بشوووف هههه خلود : واااااااي .. يعت .. يلا يلا نااكل .. طالعت تلفوني يرن رقم أماااني .. قلت : خلود عن اذنج .. ثواني .. خلود : اذنج ويااج .. ظهرت من المطبخ .. وقفت يداام البااب اللي ورا المطبخ .. قلت : السلاااام عليكم .. .............. : وعليكم السلااام .. قلت وأنا متخرعه : منووو ..؟؟ ................. : لييكووون ما عرفتيني .. قلت : انت يالنذل .. شاللي خلاااك تدق لي .. زايد باسلوب يخلي الواحد يشفق عليه : شهووود انتي فهمتي السااالفه غلط .. قلت : لا لا .. والدليل متصل بي من تللفون حرمتك هااا .. أقووول خلك معاها ترا واايد أحسن لك وان ما ودرتني ترااني بخبرها .. زايد : شهد بس ................................... قاطعته وقلت وأنا معصبه : زااايد أتمنى ما تتصل مره ثاانيه لأني انخطبت تعرف شو يعني انخطبت .. يعني بعرس جريب انشالله .. وكل واااحد يروووح بحاااال سبيله .. أتمنى تنساااني .. باااي .. زايد : شهد .... تريي .. ما هاان علي ان أصكر بويهه على كثر اللي سوااه لي .. بس بعد مقدر أجافيه .. قلت : نعم .. زايد : شهد أنا أحبج .. قلت : زااايد لو سمحت عن الخرط الزاايد والكلام هذا اللي ما منه فااايده .. تراني حاولت أنتحر بسبتك .. تعرف اني كنت بين الحياااه والموت .. كله منك .. والحين انسااني خلاااص .. وتراني بغير رقمي .. ماشي فاايده لو شو ما تحاااول تسوي لأني بااخذ ولد عمي .. ( بديت أصيح بس حاولت ما أضعف .. وقلت ) الله يراااويك فأغلى ناااسك يا زااايد .. الله يراااويك .. ضغطت ع الزر الأحمر .. وأنا ودي أموووت صياااااااااح .. أنا اش سويت .. ليييش رديت أصلاا ... خلاااص ما بكلم أماني بعد .. بقطع علااقتي فيها خلاااص .. خنتها بما فيه الكفااايه شو بااقي بس أخذ زوجها منها .. حراام علي أهدم بيت ربيعتي حرااام .. سمعت صوت يااهل يصااارخ .. مسحت دموعي بسرعه وتوني بدش .. ما حسيتا لا بيااهل يحضنني وهو يضحك .. تماسكت عسب لا أطيح .. صديت ورااي ... شفت وليد .. ابتسمت له وقلت : حبيبي .. شو تسو اهني ..؟؟ وليد يضحك وهو حاضنني ويقول : بابا بياكلني ثهووود ... ابتسمت له وقلت : محد بياكلك تعاال ويااي داخل يلا .. لفيت عسب أدش .. ما حسيت الا بواحد يطالعني وهو يقوول : اش حاالج ..؟؟ تلومت وقلت : تمام ومن صووبك ..؟؟ خالد : بخير .. هااا شردت عني يالشيطوون .. وليد يحضنني أكثر ويضحك : مابا مابا انت بتاكلني .. خالد يضحك وبقول : ودر ماما تراااك لعوزتها وانت مااسك بمخورتها .. رفعت رااسي طالعته استغربت يوم قااال ماما .. ما علقت .. خالد : شهود يوديه عطيني اياااه .. وليد يشااهق من التعب هع .. ويقول : مابا مابا .. نزلت لمستوى وليد ومسكت ويهه وقلت : حبيبي برع حر دش دااخل طاالع خدودك كييف حمره .. وليد يطالعني ويقول : ثهووود يوم بابا يمسكني ضربيه زين .. بغيت أَضحك بس قلت : عيب محد يضرب باباته حبيبي .. خالد يطالع وليد بنص عين ويقول : سمعت .. وليد يهز راسه ويقول : هي ثمعت .. بث انت خوذ عثاان أنا ارووح داخل .. خالد : شهوود وديه وياااج داخل .. بظهر .. قلت : أوكي .. خالد : تامرين بحاايه ..؟؟ حسيت روحي قريبه منه واايد .. قلت : لا سلاامتك .. خالد يطالعني أنا ووليد ويقول : باااي .. قلت حق وليد : سو باااي حق بابا .. وليد يبتسم ابتساامه بريئه : باااي بابا .. حضنت وليد وقلت : يلا حبيبي نسير دااخل .. وليد يطالعني مستغرب ويقول : ثهوود ثهووود ..؟؟ ابتسمت وقلت : عيون ثهوود انت .. وليد : خلود تقول ثهد بتثير ماماتك هي .. يعني انتي ماماتي .. ما عرفت شو ارد عليه بس قلت : هي حبيبي .. أنا بصير ماماتك .. وليد يحضنني ويقول : أنا كل يوم أسمع طيور الجنه لما يقولون الأرنب ما سمع كلام أمه بس أنا بثمع كلااامج .. قلت وأنا ابوووسه : فديتك أنا .. دخلنا أنا ووليد المطبخ .. طالعت خلود قاااعده تهف الخضر والياابس .. قلت : بل .. كلي شوي شوي عن تغصين .. خلود : تبين الصرااحه ما تغديت .. قلت لها : لييش انشالله .. خلود : قبل الغدا شهااب قال لي يالدبه .. قلت : كل هذا عشاان شهااب .. وبعدين حراام عليج انتي هب دبه .. روحج حطبه .. ما تاكلين بتموتين .. خلود ضحكت : عادي عاادي .. تعالي من وين يبتي هذا .. ( تأشر على وليد ) قلت : ابوووه يابه .. خلود تغمز : بدينا بالحركااات من الحين .. قلت : اجلبي ويهج هاللي نااقص ههههه × × دخل السياااره وهو مستاانس ... وقااال : السلام عليكم .. منصور مبتسم له : وعليكم السلااام .. شالسالفه شاااق الحلج .. خالد يضحك : عنلاااته وليدوووه فضحنا ... منصور : ليش شو سوه .. وبعدين حرااام عليك توه ياااهل .. خالد : لاااصق فالحرمه من الحين .. منصور : زين زين عسب تحبه أكثر عنك .. خالد : هي غاسل ويهه وليدوووه ههههه منصور : بديت تغااار من ولدك أشوووف هههه خالد : لا بس ضحكني والله مستوي مجرم هالأيااام .. منصور : أكيييد سعود عداااه .. خالد : أحيد سعود هااادي .. منصور : ويـــن خلاااص مريوووم عدته الله يخليك .. خالد يضحك ويقول : خل يعيشون حياااتهم يا ريااال .. منصور : تخيل خلود باااجر وليد ايي من برا ويقول بتزوج فلاانه شو بتسوي ..؟؟ خالد : اذا من الأهل ما بمانع بس اذا من برع بحش ريوووله خخخ منصور : ما يندرا عيااال الجيل اليااي شو بيسوون .. خالد : صدقك هههه أخاااف يتزوجون عن طريق اللابتوباات .. منصور : مو بعيده دااام الحين جذي الله يخليك .. خالد : هاااك اليوم رمست حمود يقوول بيتزوج .. وباركت له وجذي ... ويوم سألته بنت منو .. قال متعرف عليها .. منصور : هي رمسني .. بس تصدق أحس بدايتهم شك فشك .. يعني حياتهم بتنبني ع الشك .. خالد : صدقك .. والله الوااحد يااخذ وحده من أهله ومعارفه واايد أحسن .. منصور : بس بعد زواااج الأقااارب مب أوكي .. خالد : بس الحين في فحص وكل شي .. منصور : هي صدقك .. خالد : تعاال انت مب نااوي تعرس .. تراك بتشيب و ولا وحده بتاخذك .. منصور : توني شباااب ياخي شو بشيب بعد .. خالد : منصور تعرف عايلة عبدالله الـــ ...................... منصور : لأأ ما أعرفهم .. خالد : عبدالله .. بو حمدان .. اللي يشتغل فالجيش .. منصور : هي هي عرفته بلاااه .. منصور : هااك اليوم يوم رحت يداام بيتهم .. شفت بنيه ما عرفتها بس أظني بنته ... منصور مستغرب : بلاهااا .. خالد : أظني اسمها أماني معاني شي جذي تصير ربيعة بنت عمي .. وبنت عمي يوم ظهرت من بيتهم كانت أوكي و هاليوم حاولت تنتحر منصور : هي عرفتهااا .. هذي حرمة أخوهم مب بنتهم .. بس هاايل ناس معروفين وما أظن بسبب بنتهم ولا شي .. خالد : ما أدري .. بس البنيه يت بيت عمي وبنت عمي معاها أوكي .. منصور : عين خير يا ريااال .. وما أظن بنتهم لها يد فالسالفه .. خالد : ها راايك ..؟؟ منصور : هي أكييد لأنهم ماشالله نااس ونعم فيهم .. وما جد يوم شفنا شي غلط بدر منهم .. × × رااايحه راااده .. وتحط ايدها ع راااسها وتقول : والحـــــــــــــــــــل الحين .. قلت : ايلسي بلاااج تراااج عورتي راااسي .. شيما : الحينه أنا عورت راااسج ولا انتي ... قلت : اسكتي شيموووه وصخي .. ترااا ما بيصير شي .. شيما : لأأأأ بيصير يعني بيصير .. قلت : شو بيصير يعني حضرتج هاا ... خبريني .. شيما : والله قااال لي رووووووووحه .. قلت : انزين هو بس قاال بخطبج ولا شو قااال .. شيما : قاال لي شيما أنا بتقدم لج .. بتوافقين ولا لأأأ .. قلت : انزين وانتي شو قلتي له .. شيما : قلت له ما أدري .. قلت : صج غبيه ,, جان تسكتين .. السكوووت علامة الرضاا .. شيما : يعني عبالج أنا راااضيه لأأأأ ماماتيه مب رااضيه .. قلت : أوووف اللهم طولج ياا روووح .. عاد شوو .. شيما : أنا أبا أكمل دراااستي مابا خلوووف الحين .. قلت : انزين انتي واافقي وخلي من شرووطج انج ما تتزوجين الا عقب ما تخلصين .. شيما : واذا رفض ..؟؟ قلت : كلن يرووح بحاال سبيله .. شيما : لا والله وأنا بعنس هاا .. غمزت لها وقلت وأنا ابتسم : هاا اعترفي يلا تحبينه .. شيما تطلع لسانها : لأأ بس أحاافظ على مستقبلي قلت : انزين لو انتي ذكيه تقولين من شروووطج ما تعرسين الا عقب ما تخلصين .. شيما : بسس أنا واايد صغيره .. قلت : الله يرحم حريم أول .. يوم توصل 12 سنه يوزوها .. والحين 18 وكل وحده تدور بالبلاك بيري تقولين ولدها .. شيما : طالعي روووحج انتي أول .. قلت وأنا أضحك : جب لاااه .. وافقي ,, واذا هو يحبج صدق بيتريا .. شيما : تقولين جذي .. قلت لها : هي هذا رااايي وما بتندمين .. شيما .. : خلااص عيل بس شقااايل الحين بقول له موافقه .. قلت : اصلا اذا هو الحين ما رمس أبوووه عن السالفه .. شيما بطلت عيونها وقاالت : يعني عاادي الحينه ابويه وابووه قاااعدين يرمسوون بالسالفه .. قلت : هي عااادي .. شيما : واااااااااي فشله شهووود .. قلت : شوو اللي فشله .. شيما : لو بابا الحينه رمسني .. بيقووول لي موافقه ولا لأأ .. عااد أنا أستحي .. قلت : صدق ما عندج سااالفه .. اجلبي ويهج .. شيما تضحك : ع أي صفحه .. قلت : أقووول شييوم ظهري برع أحسسسسسسسسسسن لج .. شيما تظهر : انزين انزين عن تنقعين بس .. طلعت وضحكت ع خبااالها .. الحين هاااي ويه عرس .. هاي اللي اشكالها ما ينفعون مشرفااات فمنتدياات واهني بيعرسونهن هههه والله ضحكتني .. صدق ما عندها سااالفه شييوم .. × × بعد مرووور ساعاات ياااه الليل .. نزلت من الحجره لأني ميته يوووع وأنا أمشي فالممر .. سمعت صوت أحد يصيح .. رحت صوبها بسرعه .. وقلت : شذاوي حبيبي شو فيج ..؟؟ شذى تصيح : شهووود أنا محد يحبني .. طالعتها مستغربه وقلت .. : كييف شذاااوي .. كلنا نحبج ما يصير هالكلام .. شذى : لأأأ محد يحبني .. قلت لها : شذاوي شو فييج .. وبعدين منو قااال لج هالكلااام ..؟؟ شذى : خلووود تضاااربت ويايه ... طالعتها مستغربه وقلت : ليييش انتو تراااضيتو شاللي جلب ..؟؟ شذى : خلووود .. قلت : شذى بلاااح ارمسي شذى .. شذى تصيح : خلود تقووول اني ما أعرف أتصرف ولا أعرف ارمس عدل .. قلت لها : لييش انتي شو قلتي لها ...؟؟ شذى : ما قلت لها شي .. هي من ذيييج الساااعه زعلااانه .. ورمست عني وعن شهااب وأنا ما أرضى عليه الصراحه .. قلت : كلنا ما نرضى بس خلوود شرااات أختنا وأكييد ما قالت هالرمسه عن قصد .. شذى : لا قصدت .. قلت : يمكن لأنكم استفزيتوها .. شذى : ما ادري بس أنا ما يخصني .. وهي مب قاااعده ترضى .. قلت : ما عليييج أنا روحي برمسها .. شذى : هي رمسيها .. قلت : الحين الحين ... شذى : هي الحين .. قلت : بس حبيبتي الوقت متأخر .. شذى : حرااام اتصلي بها دخيييلج شهووود .. قلت : أوكي انتي اتصلي واذا هي ردت عطيني ارمسها .. شذى : أوكي .. ابتسمت لشذى ورحنا الصاااله .. شذى دقت الرقم .. عسب نرمس خلوود .. تريينا لما أحد يرد .. شذى بفرح : خلود ... طالعتها وطالعتني اختفت الابتسااامه وقااالت : سدته بويهي ... طاالعت صوب شييوم وقلت .. : تعاالي ايه دقي يمكن ما تسده بويهج .. شيما تطالع ام بي سي ماكس : سيري لاااه مب متفيجه .. قلت : بس قولي لها خلود أنا شيما ولو ما سدته عطيني .. شيما : أوكي يلا دقي .. دقيت الرقم وعطيت السمااعه لشيما .. شيما ترييت لما أحد يرد .. وقالت : آلو .. خلود أنا شيما ... شيما عصبت وقالت وهي تسد التلفون .. وتقوم : اتصلو رواحكم .. ما بتصل .. قلت : بلااج شبيتي ضو أعوذ بالله .. شيما ترفع ايدها وتصعد وتقول : سيرو لاااه مب متفيجه لكم .. طالعت شيما استغربت وقلت : هااي بلاها .. الحمدلله والشكر ع نعمة العقل ... خلاااص أنا بتصل ... |
الحلقه الثامنه عشر .. يا قلب لا تهتم عاللي جرى لــــــــك ياقلب لاتبكي على فراق معشـــوق ياقلب اصبر ياعسى الخير صالــــــك ادري علامك ذابحك كثرة الشـــــوق اتصلت ,. وترييت لما أحد يرد .. سمعت صوت من الطرف الثااني : عيب نصكر التلفون بويوه الناااس .. ضحكت وقلت : طلعت انت فالسالفه هااا .. خليفه يضحك ويقول .. : شهد .. هلا .. قلت : بلاها أختي معصبه .. خليفه : اش درااني هااي أختج وااايد عصبيه .. قلت : هي اخرط علي اخرط .. عطني خلود .. خليفه أونه متخرع : ما تستحين على ويهج .. قلت : لييش استحي عطني خلود .. خليفه : اويه عيب يا بنت العم .. شو تبين بـ خلّود .. قلت : ترااني قلت خلود هب خلّود .. ما شددت اللام أظني .. يا بن عمي .. خليفه يضحك : انزين .. هذي خلود .. .. خلود : هلأأأ شهود .. قلت : هلأأ خلود .. اش حالج ..؟؟ خلود : بخير الحمدلله .. قلت : وينج .. غريبه ما رديتي لنا المغرب .. خلود : لا بس حسيت روحي تعباانه ورديت البيت .. قلت : اهااا .. بعدج زعلااانه .. خلود : لأأ عادي .. قلت : بس شذاوي ذاابحه روحها صيااااح .. خلود : ليييش قاعده تصيح ..؟؟ قلت : لأنج ما رضيتي .. خلود : هي اللي بدت وخل تتحمل نتيجة أفعالها .. قلت : بس انتو كبرتو ع الزعل وهالسوالف .. خلود : شهووود شذى اللي بدت .. قلت : بسسس .. سمعت حس أحد ثاااني : ماشاالله مستويه حلاله مشاااكل .. قلت وأنا أَضحك : عطني خلود .. خليفه : شو سالفتها هاااي الياااهل اللي يمبج تصيح .. قلت : خلوووف صخ وعطني خلود .. خليفه يضحك ويقول : قولي لشذى بشتري لها مصاااص زين بابا .. بس لا تزعل .. قلت : خلووووووووووووف .. خليفه يضحك : زين زين .. حتى انتي شرااات أختج .. شو هالعصبيه شكلها وراااثه .. هااج خلود .. ضحكت على تعليق خلوف وسمعت خلود تقول : هلا .. قلت : ها شو قلتي .. خلاااص يلا تراضو .. خلود : بشرط .. قلت : أمري .. خلود : ما ياامر عليج عدو .. قلت : ولا عليج .. خلود : تييون ع العشا بيتنا .. قلت : هااا .. سمحي لي ماما .. بيتكم ما أطبه .. خلود : حرااام شهووود .. قلت : لا اسمحي لي .. خلود : ترى والله ما برضى .. قلت : انزين ما أقدر .. وبعدين عيب أحسه .. خلود : بيت عمج وعيب .. غريبه .. يلا شهووووووود حراااااام .. قلت : أوكي .. بشوووف برمس أمايه وبخبرج .. بس ارضي انتي .. خلود : سوي اللي اباااه وبرضى .. قلت : أنشالله .. يلا ترمسينها الحين .. خلود : لا لا الجو مغيم عندي هههه قلت : اها .. أوكي عاد بااجر ارمسو ويا بعض .. خلود : اوكي .. قلت : يلا عاااد أنا برووح برقد فيني رقااد .. خلود : يلا عااا وأنا بعد .. قلت : تصبحين ع خير .. خلود : وانتي من أهله .. صكرت السماعه وطالعت شذى ... قالت لي : ها بشري رضت ..؟؟ قلت : هي رضت .. خلاص ارتحتي .. شذى ابتسمت : هي وأخيرااا .. قلت : والله ما ادري عنكم .. كبرتو وتتضاربون شراات اليهاال .. شذى : شو درااني خلود مستويه زعوله .. قلت : صااار خير .. والحين ممكن اروووح ارقد .. شذى تبتسم : هي خلاااص هههه ضحكت وقلت : اسميج عياااره .. يلا تصبحين ع خير ... شذى : وانتي من أهله .. صعدت حجرتي .. تجدمت عن الدريشه .. طالعت برع .. نزلت دمعه حاااره على خدي .. الحين اللي قااعده أسويه صح ولا غلط .. وخااالد يا ترى ظلمته ويايه ولا لأأأ .. حرااام أظلمه وياااي وأعيشه همومي .. بس أنا شفت مصلحتي ومصلحته بنفس الوقت .. ويمكن أناالشريكه المناااسبه لحياااته .. بس زااايد .. زااايد كيف أمحيه من حياااتي كييف زااايد الانسااان اللي وفيت له وحبيته من قلبي خانني .. حطمني .. لووو خااالد بيخونني بنتهي أنا خلاااص بنتهي ... خلااااص يا قلبي انسى انسى معشووووقك مثل ماهو ناسيك .. × × شيخه : هي باااجر برووح بتيين .. نوف تشيل حامد : هي .. بس اتصلي بشهووود شوفيها اذا فاااضيه ولا لأأأأ .. شيخه : ما علييج الحين من عقب ما انخطبت أكييد فاااضيه .. نوف تضحك : هيييه منو قدها .. يلا الله يسعدها .. شيخه : آميين عقباالج يلا نباا نشوفج عرووس .. نوف تلومت : لا وين تو الناااس .. شيخه : وين مريوووم صح .. نوف : من المغرب وهي فالميلس .. شيخه : شو تسوو .. نوف : قاعده يداام التلفزيون تلعب بليستيشن .. شيخه : هالبنيه مادري متى تعقل هههه نوف : سعود مندمج وياها ههه شيخه : الله يستر .. نوف تضحك وتلاااعب حامد : حامد .. حمووود بيبي ,, شيخه : فديته أنا ... تعاالي نوافي منصور مب نااوي يعرس .. نوف : والله ما ادري عنه .. شيخه : اقنعوووه انتي ومريوووم .. نوف : هههه ما خلينا بنيه الا ورمسناااه عن كل شي بحياتها .. وما يبا .. شيخه : ما يندرا لهم الشباااب الحين .. ذوقهم غير هههه نوف : صدقج .. ترا مب بعيده يطلع متزوج من برع ههههه شيخه تضحك : لا عاااد مب لهالدرجه ... نوف : هههه أتمصخر انزين .. ................. : شو تسووون ..........؟؟ شيخه لفت متخرعه : بسم الله الرحمن الرحيم .. جاابر يضحك : تخرعتي يالخوافه شو وحش يدامج شيخه تضحك : لا بس خرعتني حرااام عليك .. جابر يطاالع نوف ويقول : اش حاالج ..؟؟ نوف : بخيررر الحمدلله ومن صووبك ..؟؟ جابر : الحمدلله بخيررر .. وينها مريوووم غريبه .. مب وياااكم .. نوف : فالميلس مع سعووود .. جابر يحط ايده ع راسه : بتصير الحرب العالميه الثااالثه الحين .. شيخه : خير .. شو صاااير .. جابر : عمووور وياااي .. شيخه : الحق قبل ما تذبح الولد .. جابر يظهر من الحجره .. عسب يشوووف مريوووم ... × × نفس الوقت فالميلس ... قاااعده تلعب بليستيشن .. وهو واااقف يدااام البااب مستغرب منها .. مندمجه شوي وتدخل داااخل .. فجأأأه قالت بأعلى صوتها : شت .. عنلاااته خسرني .. وتلف عسب تطالع سعود .. طالعته واااقف وقالت : خير نعم في شي ضااايع ااهني .. عمر يبا يضحك وقاال : الناااس تقول شخبااارك عموري .. شخبااارك بن عمي .. هب نعم خير .. مريوم تطالع البليستيشن : متفيج والله .. تعاال العب العب وبغلبك تراااني .. عمر .. : هب ياااهل .. مريوم : صدق مااال أول .. ترا مب بس اليهال يلعبون بليستيشن .. عمر : الحمدلله والشكر ع نعمة العقل .. فهالدقيقه وصل جاابر وقال : تفضل عمر تفصل .. عمر يدش ويقول : زاااد فضلك .. جااابر : مريوووم شلي سعود وسيرو دااخل .. مريوم توقف وتشل اللاب اللي ع الكنفه وتقول : انشالله .. ظهرت مريوووم جابر : ها عسا ما طفرت بك هههه عمر : لا لا هااديه اليوم وااايد .. جابر : معجزه هههه × × ............... : قومي شهووود قوووووووومي .. شهد :: ............................... شيما : أووووووووف شهدووووه قومي لاااه قومي .. تأففت : قومي عن لأذبحج .. شيما تشل اللحااف عني : شهووود يلا بنتأخر عقب .. قلت : جبي لاااه .. قووومي عني قووووووووومي .. شيما : اوووف شهووود ان ما قمتي بخبر عليييج باباتي وييي يسحبج من شعرج .. قلت وأنا أقوووم : طلعي يلاااااااااا .. شييوم : بابا قااال أمس اللي بيتأخر ما بنوديه ويانا .. قلت : انزين انزين سيرو بس تركوني بحااالي .. شيما : برااايج .. ما تبين تيين لا تيين .. × × ................ : وينهم الجماااعه وااايد تأخرو .. شهااب : شو دراااني .. أكيييد رقووود .. خليفه يطاالع ساعته ويقول : بل بتصير اثنعش وهاييل بعدهم رقووود .. شهاب : أمس طول الليل سهرانات .. اونهن فالمطبخ .. خليفه : أشوووف الحبيبه خلود عندكم .. شهاب : بيسممونا شكلهم .. خليفه : هههه .. بتصل بخااالد بشوووف وينه .. شهااب : خالد جنه ظهر من الساعه عشر .. خليفه : هي راااح يشوووف الشاااليه .. شهااب : تعااال الفتره الآخيره العايله وااايد قااامت تظهر ويا بعض .. خليفه : صل ع النبي عن تصكهم بعين .. شهاب : صدق هالشتا رحنا المزرعه والبر وهالمره الشاااليه .. الشتا اللي طااف رحنا البر مره وحده وبس .. خليفه : عااااد ربك هداهم .. شو نسو بعد ههه شهااب : يلا دوووم نجتمع جذي انشالله .. خليفه : انشالله .. شهاب : خلوووف تأخرو .. خليفه : شكلي أنا بشل عمو وياااي وبرووح وانت خلك لما خواتك يجهزن .. شهااب : هي تبلشني بهن انت .. خليفه : جنه بيروحون ويا عمي سيف .. شهاب : خلود قالت لك .. خليفه : هي قااالت أنا وبنات عمي بنرووح مع بعض شهااب : داام بيروحن مع عمي .. جيييه نحن قاعدين خليفه : شو الراااي ..؟؟ يعني بنظهر ؟؟ شهاااب : هي يلا لو تترياهن الين بااجر ما بيخلصن هالسحاالي × × قمت بكشتي وأنا معصبه : أوووووووووف ما تخلون الواااحد يرقد بعد شو من عااايله .. أعوووذ بالله .. شيما : بلا هذر شهووود عمي سيف قااعد يتريانا برع .. قلت وأنا أًصااارخ قبل لا أدش الحمااام وانتو بكرامه : قلت لكم اني مابا أيي غصب يعني تودوني .. شيما : بلا عليج تتمين ويا منو اهني هاااه ..؟؟ قلت : اسكتي الله يخليج واظهري قبل لافلعج .. شيما قبل ما تطلع قااالت : تراااج وعيتي ناااس البنااايه بصرااخج .. طالعتها مستغربه .. آخر شي فهمت عليها ونقعت ضحك : هههههههههههههههههههههههه أم شهااب يت وقالت : يلا بسرعه بنااات أخرتونا .. شيما : هذي شهووود سنه لما تنش .. أم شهااب : بلاها هاااي .. بغيت أموت من الضحك وقلت : لا بس شييوم ذكرتني بأيااام زمااان ههههه شيما ابتسمت : انزين يلا بسرررعه يتريونا تراااهم .. قلت : أوكي أوكي .. ثواني أتجهز .. شيما : عموووه تبين رايي نسير ونودرها اهني مب أحسن .. صااارخت من الحمام وانتو بكراامه : لأأأأأأأأأ شو تودروني روحي وانتو تستانسون هناااك .. شيما : مب جنه توها قااالت مابا ايي وياكم .. أم شهااب ظهرت وهي تضحك : الله يهديكم .. × × فالشااليه الساعه هنتين ونص وقفه جدااام المنظره وترتب بشكلها : ياااربيه هالقذله عيت تترتب .. قلت وأنا أوقف : يلا نروووح نتغدا .. شيما : لحظه لحظه بس أعدل قذلتي هاااي الغبيه .. قلت وأنا أتاأفف .. : تراااني ميته يوووع بودرج وبروووح .. والله اني مب متريقه بيغمى علي شيما : اوووف شهووود صبري .. قلت وأنا أطااالع السااعه : عندج الين هنتين ونص وخمسه ان ما خلصتي بروووح ترااني .. شيما تلف وتطالعني : واااااااااااه .. وأخيراااا خلصت .. قلت : يقولون هه .. شو واااااااااااااه بعد .. شيما : لا لا هذي اخترااعي يوم أمل وااااااااااااااااااايد عاد واااااه لو شوي هه .. هع قلت : طوفي يلا لأني بمووت من اليوع .. شيما : يلا يلا خطيبج يترياااج .. عطيت شييوم هاااك البوكس اللي بيكسر مقبضها هع .. وقلت : جب لاااه .. ظهرنا من حجرتنا ورحت أوااايج حجرة خلود وشذى .. محد .. أكيييد راااحو عسب يتغدون .. ومحد فالصاااله .. ظهرنا من شاااليهنا ورحنا الشااليه اللي ينبنا .. دقينا البااب .. عاد شييوم خقاقه نظااره وحاله .. أما أنا فقيره على قد حااالي هع .. انفتح الباااب .. رفعت راااسي عسب أطااالع منو .. واااااااااااء قفطه .. يلا الشرده .. بلعت ريجي وقلت : آسفه ع باالي مالنا ... طالعني الولد وقاال باستغرااب : مالنا .. قلت وأنا ابتعد : تحسبته شاااليه أمي وأبوي .. الولد بعده مستغرب وما استوعب كلاامي .. لفيت عسب الشرده ولا ما أشوووف شيييوم الخاااينه شردت .. مشيت بسرعه .. وأنا أِشوووف شكلي بالتنوره الاسترج القميص بس الحمدلله لابسه أوقاايه عوده .. طالعت الرقم .. أوووه شكلي عكست بدااال 12 رحت 21 بسرررعه دخلت ورااا شييوم وأنا مرتبكه .. حسيت الكل يطااالعني .. قلت : السلام عليكم .. الكل رد السلام : وعليكم السلام .. قلت بارتباااك : السموحه ع التأخير .. ابويه : مسمووحه بنتي وينج تأخرتي .. قلت وأنا اتنفس بصعوبه : هااه لا ماشي ابوي ضيعت موبايلي .. طالعت شيما وقااالت عسب تساعدني : هيييه موبايلج وياااي .. قلت وأنا ابتسم : هي زين .. من ساااعه وأنا أدوووره .. فجأأأه ولا الموباااايل يررررن واااااااااااع ويهي احترق شسوي .. جان اطلع الفون من جيبي وعطيته شييوم وقلت : يالذكيه تراااج ماخذه فوني و ها فونج .. شيما تبتسم : شفتي ذكاائي .. لفيت عسب أطالع الكل .. طالعتهم مستغربين يطالعوني .. نزلت راااسي وتجدمت عن شييوم وقعدت وأنا بعدني مب مستوعبه اللي صااار قلت : فضحتينا عنلاااتج .. شيما : شوفي كييف يطالعونج .. قلت : كله منج يالخبله .. شيما : انزين انزين خلاااص .. قلت : هي سكتي عن يشكون فينا .. طالعت أمايه وابتسمت قالت لي : شهد مسخنه انتي اليووم ولاشي .. تفشلت وتحسست يبهتي وقلت : ها لااا أمااايه بس يمكن لأني رااقده متاأخر .. أم شهااب : هي يمكن .. شذى يت قعدت يمبي وخلود وياها .. خلود : شهوود شو فيج ..؟؟ قلت وأنا ارص ع أسناني .. : خلااص حشا مب جني متوتره .. ذليتوني من الأسئله .. خلود تتأفف : انزين انزين حشا مب جنه سؤال سألتج اياااه ... قلت : تغديتو .. خلود : لأأأ قاعدين نتريااا حضرتج .. قلت : هي زين اتحريت بعد .. رفعت راااسي عسب أقووول لأامايه نروووح ننجب الغدا خلاااص .. ولا طاااحت عيني بعين خااالد نزلت راااسي بسرعه من الفشله .. قلت بهمس : شو هاليوم النحس .. شيما تقرب روحها مني وتقول : شو قلتي ..؟؟ قلت : لا ماشي .. يلا نسير ننجب الغدا .. شيما : يلاا .. × بعد الغدااا قررنا نظهر ونروووح صووب الماااي والألعاااب .. الشاااليهات اهني وااايد حلوه .. أول مررره أيي عين فااايضه .. أي ثينك هذا اسم المكااان هع ..بتأكد وبخبركم خلاااف .. بصراااحه رووووعه المكااان والحين قااعدين نتمشى وبنروووح صوووب المسااابح والألعااب عسب نشم هوا ونغير جو .. لفيت ورااا عسب أقووول للبنات نتمشى يمب بعض عسب نسولف .. طاحت عيني مره ثااانيه بعين خااالد .. أنا قلت انه اليوم منتحس محد صدقني .. واااااااااااااااه ع قولة شييوم .. نزلت رااسي ورديت العب بالفون ... وأنا أتمشى سمعت صوت أحد جريب عني : انتي ما عندج شغله غير هالتلفون .. رفعت راااسي مستغربه أول مره يكلمني بحريه جذي قلت وأنا مب مستوعبه : هي ما عندي شغله ثااانيه .. ابتسم .. وشكله يبا يموت من الضحك بس سايرني وقاال : أول مره تيين اهني .. بعدني مب مستوعبه ولاشي .. ما أعرف شو أقول قلت : هي .. لا .. أقصد هي أول مره ايي وياااكم .. خالد بعده يبا يموووت ضحك وقاال : هي مبين أول مره .. قلت : هي أول مررره بس عجيب المكااان .. خالد : يلا انشالله دوووم تيين اهني .. قلت بأسلوبي العاادي : لااا لااا جال الفجيره وااايد أحلى عن اهني ومريديان بعد .. خالد مستغرب لأنه شكلي تخبلت ولااا صاار فيني شي .. قال : هي .. طالعت البنااات بمعنى تعااالو عندي .. محد يااا ومشو روحهم .. تميت مع خااالد .. قلت : أنا بسير عند البنااات .. وليد يصااارخ : لأأأااااااااااااااع .. رديت مكاني .. شو هالبلوه ابتلشنا صدق .. قلت : حبيبي بسير وبرد أوكي .. وليد : لا لا ماباااااااااا .. قلت : انزين انزين خلااص .. خالد شوي ويموت ضحك .. قال : شهد فيييج شي .. قلت وأنا العب بربطة الفون وأطالع المسبح اللي يدامي : لأأأ مافيني شي .. خالد : امبلى فييج شي .. ولا صااابج شي .. قلت وأنا مرتبكه : قلت لك لأأأ .. خالد طالع وليد وقاال : تتسبح ..؟؟ وليد : برد بابا .. خالد : شاااطر ههههه .. شو تبا تسووو انزين .. وليد : ابا ثهووود تلاعبني .. طالعت صووب وليد وأنا أحاول ان عيني ما تطيح بعين خالد ابتسمت وقلت : عطني اياااه بروووح بلعبه عند البنااات .. خالد ابتسم وقااال بهمس : انتي الا تبين الفكه .. قلت لا اراديا : هي ..................... خالد طالع المسبح قااال : انتي شاااربه شي اليوم ..هههههه بغيت الأرض تنشق وتبلعني من الفشله .. صدق أنا شكلي اليوم شااربه شي .. ولا صااابني شي .. نزلت رااسي وأنا مستحيه موووت قلت : آسفه قلتها بدووون قصد .. خالد : لا لا عااادي .. قلت وأنا أطاالع صوب البنااات يلعبون بالكوره بيدهم .. بغيت أروووح العب غرت الصراااحه يعني .. قلت : ممكن اسير عند البنااات خالد ابتسم وقاال : خلاااص سيري هههه ابتسمت وابتعدت .. رحت عن البناات أول ما تقرب منهم .. الكره يت صوبي .. شليتها وفريتها بيدي ببراعه مسكتها شييوم .. وردت رمتها صوبي وأنا ارميها صوبها وكلما تروووح بعيد نركض عسب نيودها .. استااانست .. واااي كيف أحب يوم نلعب جذي .. ................... : لعيبه بنت عمي .. طالعته وابتسمت وقلت : ثااااانكس .. خليفه : منو يلعب وياااي تنس .. قلت : أناا .. خليفه : لعيبه ولاااا كييف ..؟؟ قلت : أعجبك فالتنس .. اسبوعيا كنت أروووح العب .. خليفه : يلا عاااد .. شهاب عطني المضرب .. قلت : يلااا .. منو يشجعني .. ما حسيتا الا ويااهل يحضنني .. لفيت طالعت وليد ابتسمت وشليته وقلت : فديتك أنا .. رفعت راااسي عسب أطالع خليفه .. طالعت خاالد يدامي وقااال وهو يشل وليد : تراااني أغااار العبي بسررعه ودشي داااخل وغيري هاللي لابستنه .. طالعته مستغربه وقلت : نتفاااهم عقب .. خالد طالعني مستغرب وابتعد مع وليد .. أنا رووحي ما أعرف شو قاااعده أقووول اليوم .. أكيييد أنا شااربه شي اليوم أكيييييد شو هذي نتفاهم عقب خخخخ صدق اني عبيطه .. خليفه : حوووووووه شهدوووه يلا .. قلت : انزين انزين بلااااك .. بديت العب وأنا مستاانسه .. أحس الفرحه مو واااسعتني .. خاصتا ان نفسيتي وااايد تغيييرت عن قبل .. ما بقووول اني نسيت زاايد بس قاااعده أتناساااه مع الوضع الجديد اللي بديت أتكيف معااه .. عقب ما خلصنا لعب .. أذن المغرب .. دخلت عسب أتسبح لأنه لعبنا وخسنا عدل بس الصراااحه استانست عن خاااااااطر اليوم .. تسبحت ويوم خلصت لبست شي ساااتر وايد هع تنفيذااا لطلبااات خطيبي المصووون .. والله انك يااا خالد بالفعل تحبيني لأنك تغااار علي من أبوي وأخوي بعد .. مب النذل اللي كنت أطلع ويااه بعد وما كاان يقول لي شي .. بس بنشوووف منو بيحرق الثاااني يا زااايد .. صليت أول ما خلصت صلااه لفيت طااالعت شييوم .. قلت : ها يالخااايسه .. ودرتيني روحي وأنا مفتشله .. يداام الريااال .. شيما تضحك : شو دراااني زغت وشردت عاااد .. قلت : مالت علييج يالخوافه .. شيما : لا بس تبين الصدق شكلج كااان طاالع طررررررر والله ضحكتيني .. قلت : هي هي اضحكي انتي .. مب انتي اللي تفشلتي .. شيما : هههههههه كلهم تمو يطالعونج مستغربين ههههه قالو أكييد صاب عقلها شي ... قلت : أوووف مالت عليج وع سواالفج يلا نظهر .. نقعد مع الأهل .. شيما تغمز لي : مع الأهل ولا الحبيب ..؟؟ قلت : لا حبيبتي مع النسيب هههههه شيما افتشلت وقاالت : مليييييييييقه .. قلت : مب أكثر عنج .. شيما : يلا يلا عن النسيب يزعل هههه قلت : هالمره لا تغلطين بليييز .. شيما : انشالله .. تدرين الشاليهات أحلى عن الفناادق .. قلت لها : هو حسب الطلعه وبعدين كل شي مع العاايله حلو ههههه شيما : وخاصتا اذا لي حبيب فهالعااايله هههه قلت : أكيييد .. ههههه ظهرنا أنا وشييوم الجو حلو .. لااا بااارد ولا حاار بس في هوا منعش رووووعهـ ههه ودي لو أنا وزااايد نكون بهالمكان ... لا لا اهوه ما بغااني هو اللي رخص بي لييش أفكر فيييه يكفي اني حبيته وأخلصت له من كل قلــــــبـــــــي .. بس طعنني .. بنشووووف الحين وين يلقى وحده تخلص لي مثلي ... لالا نو وي يحصل .. عنده أماااني المسكينه اللي مجذب عليها .. الله يعينها على ريل جذي .. لو أنا منها كنت بموووت لو أدري عني ريلي وهو حركاااته جذي .. بس حليلها ما تدري .. هه أنا الغبيه كنت بخسر حياااتي بسبته .. كنت بموووت فكرت بالانتحااار عشااان واحد ما يستااهل ولا داااري عن هوا دااااري .. ................. : شهووووووووود .. لفيت متخرعه : هاااااااه شووو ..؟؟؟ أعوذ بالله خرعتيني .. شيما : حوووه انتي أنا ازقرج من ساااعه وانتي ولا داااريه .. قلت : يعني حرااام الواحد يسرح أوووف .. شيما : ترا كلهم برع .. طالعي ... محد داااخل تعالي نروووح صوبهم .. قلت : أوكي يلا .. تجدمنا أنا وشييوم عن الأهل .. وقلنا مع بعض : السلام عليكم .. الكل رد : وعليكم السلام .. شييوم همست : لو محد اهني كنت ضربتج .. قلت : اتهبين .. شييوم : هييه عسب ريلي يطلع أحلى ... قلت : سكتي ماما .. عن يسمعونج .. ابتسمت لأابوي وقعدت يمبه .. قال لي : ها شهووود عايبنج المكاان .. قلت وأنا ابتسم : هيييه .. ابوي : يلا زين .. بس عسااا مستانسه .. قلت : وااايد أبويه .. ابويه ابتسم .. شييوم قالت بغيره : هي هذي وشذى بناااتك .. أما أنا لا بنت الييران هااا ... بو شهااب ضحك وقااال : منو قااال .. انتي بعد دلوعتي .. شيما : ما يخصني .. زعلاانه من يينا وانت تدلعهن .. وناسيني جني هب بنتك بو خالد : افا افا .. وعمج وين راااح أنا بدلعج .. شو تبين بأبوج هههه .. خلود : لا والله بتااخذ أبويه عني شييوم .. شيوم : تراااني بقطع روووحي من الصياااح الحين .. كلهم عندهم حد يدلعهم بس أنا لأأأ .. بو شهااب بمزح : شو تبين بدلعنا نحن الشواااب .. بااجر ريلج بيدلعج وبيوديج وين ما تبين .. شييوم شوي وتغووووص تحت الكرسي من الفشله .. رفعت راااسها .. التقت عيونها بعيون خليفه وهو مبتسم .. وقاااعد يرمس فالتلفون ... نزلت راااسها بسرررعه .. قلت وانا فيني ضحكه ع حاال شييوم : خلود .. وين وليد ..؟؟ خلود : راااقد .. قلت لها : حرااام عليج جااان تخلينه واااعي يلعب ويانا .. خلود : شو دراااني صاااح جااان اسوي له حليب فالمرضعه ورقد عاااد .. قلت وأنا أوقف : عاااد أنا بسير داااخل .. بنات تييون .. خلود وقفت وقاالت : هي بيي .. وياااج .. شيما وشذى : ونحن بعد .. قلت : يلا عاااد ... أم شهاااب : وين بناات ....؟؟ والعشااا .. قلت : أمااايه بنتعشى داااخل .. أم شهااب : برااايكن .. عاااد عقب شوي بتصل بج وتعالن عسب تاخذن عشاااكن .. قلت : انشالله أمااايه .. × × .............. : أوووووووووف شو هالملل .. نوف : مريوووم بلا رمسه زااايده .. بلاااج من الصبح تتأففين .. مريوووم : احينه خلود وشذوووه يدورن وأنا يااالسه فالبيت .. نوف : وشاللي حارنج بلا عليج .. مريووووم : هن يدورن وأنا يااالسه .. نوف : الأسبوع الياااي منصور بيطلعنا .. مريووووم : مابا أطلع ويااا هذاااا .. نوف : وليييش انشالله .. مريوووم : كله يقول لا تسوين جذي ولا تروحين اهني ومادري شووو .... مذله صدق .. نوف : احمدي ربج انه يطلعج سمعتي .. مريوووم تتأفف وتوقف وتقول : الحمدلله .. ماااااااااااااالت عليج .. نوف تدزها وتقول : ظهري برع حجرتي لافلعج الحين .. مريوووم تضحك وتقول : يلا ونشوووف منو بيفوووز .. نوف : لاااااااااااااااااااااااااااااااع .. مريوووم .. مريوووم تطلع لسااانها قبل ما تطلع وتقول : تستاهلين .. نوف : عنلاااتج يالهرمه ذبحتيني .. آآآآآآآآآآآآآآآي .. × × أم شهااب تضحك وتقول : حسبي الله ع بليسك من ولد .. خليفه يطالع أم شهااب ويقول : شو تتحريني عموووه .. شرااات ولدج هالهرم شهاابوه .. شهاب : عن الغلط لو سمحت .. أمااايه شوفيييه يغلط عليه .. أم شهااب : يغربل بليسكم .. كبرتو وبعدكم تتضاربون شو هذا .. ................... : من اللي يتضااارب .. أم شهااب تخرعت : ويييييييييه عليه .. مب انتي توج رحتي داااخل .. قلت : هيييه ماماتي بس ملل داااخل وجاان نظهر هههه خلود يايه تركض وهي تتسابق مع شذى ووصلت تشاااهق : هه .. غلبتج ههههههههه شيما يااايه وهي تمشي على بيض : صدق مخبلااات .. تخيلي انتي وياها لو طحتن شو بيستوي .. خليفه : بيخربووون طلعتنا هههه شيما استحت وقااالت : خلود وشذاوي .. صدقي ترا ما اتمسخر .. شهاب يضحك وهو ميت من الضحك : ههههههههههههههه اتمسخر ... اتمسخرررررررر هااااااااااه شيما استحت : اش لك انته أنا ارمس جذي .. شهاب يضحك ويقول : صج بنغاليه .. اتمسخر أونها .. شيما تقعد يمب ام شهااب : ملييييييييييييييق .. شهاب يقول لشهد : شهووود أنا أشك الصراااحه ان هاااي مب أختنا .. لاقطينها .. فيها عرج .. شيما : لا والله .. قلت وأنا اضحك : المشكله كنت بقول فيها عرج فلبيني بس الفلبينين ما يرمسون عربي ههههه .. شكله يدها السااابع عشر مصري ولا زلمه .. خليفه : عن الغلط ع بنت عمي هااااه .. طالعته بنض عين وقلت : خلووووف .. خليفه : اونج تزيغيني .. قلت : أزيغ بلد بعد .. خليفه : ماخذه بروحج مقلب .. قلت : هه ما تضحك .. ( وضحكت ..) خليفه : صج ............. خليني ساااكت أحسن .. قلت لأم شهااب : وين باباتيه وعمي ...؟؟ أم شهاااب : راااحو يدورون اهني شوي . قلت : آهااا .. شهااب : غريبه ما سألت وين خااالد هههه استحيت وتذكرت بالفعل خالد وينه .... أم شهااب قالت : راااح يدوور بعد بس رووحه .. قلت : آهااا .. انزين أمااايه شو بنتعشى ..؟؟ شهااب : الدبه همها بطنها .. قلت : والله اني هب دبه بس مليااانه يعني علي جسم .. وبعدين الضعف وااايد هب شي .. بكووون حطبه .. أم شهااب : ما علييج منه ماماتي كلي .. بنشتري من برع ... شييوم .. : الااااي يعني فيييه بيتزاااا ..؟؟ شهاااب : انا اقول انه فيها عرج محد مصدقني ضحكت وقلت : من كثر ما تقول ان فيها عرج .. بيطلع فيها عرج مصري صدقني هههههه شيما : ماماااااااااه طالعييييييييييييييييه .. شهاب : بدت الدلوعه .. شيما : ماما طلعي فضااايحه يوم كااان ياااهل .. قلت : فكررره حلوه .. يلا ماما رمسينا يوم كنا يهال شو نسووو أم شهاااب تضحك وتقول : بعدكم يهاال عمركم ما بتكبرووون .. خلود تطاالع شهااب بحقد وتقول : هي عموووه شو كااانو يسوون يوم يهاال .. أم شهااب : اللي اتذكره شهووود كانت دوم تيي بالمناااكير صووب ابوها وتصيح الا يلون ضفوره شراتها هههههه شهاب يضحك : ههههههه صدق كااانت هبله .. قلت : نشوووف انت شو كنت تسووو .. مااالت .. وبعد ماما .. أم شهااب : أما شيما .. كاانت هااديه حليلها ما تسوو شي .. وطول الوقت وراااج ... خليفه : ههههه تراها مصريه .. هههه شيما انقهرت واستحت .. قالت : عموووه افضحيهم هم بعد جيييه نحن بس .. أم شهااب : انزيييين .. شهابوووه دوووم كان يسألني .. عن العطر اذا تااريخه مخلص ولا بعده ههههههه نقعت من الضحك : هههههههههههههههههه شهااابوه والله انك كنت يااهل صدق .. شهااب : اماايه يعني لااازم تفضحينا .. شيما تضحك وتقول : ههههه والله انك ظلعت سوداني .. ع الأقل أنا مصريه هههههههه شهااب يشل علبة الكلينكس اللي يدامه ويفرها على شيما : مااااااااااااالت .. شيما تتويع وتقول : آآآآآآآآآآخ عورتني .. مالت .. أم شهااب : بسكم .. اذا تضااربتو ترااني ما بقول .. خليفه : اسكتو لاااه .. يلا عمووه كملي ما عليج منهم هههه أم شهااب : ياااه دورك الحينه .. خليفه : لا لا .. عاد لا تكملين هههه أم شهاب : أقوووول ولا ما اقووول .. شيما تعاند : قولي أماايه قولي .. يعني ناااس وناااس .. لا كلنا سواسيه .. أم شهاااب : انزييين .. خلوف يوم كاان صغير دوم كاان يروووح بيت يااارنا بو حميد .. ويقول انه بيعرس من بنته .. ههههه ضحكت وقلت : لهالدرجه ههههههههه خليفه : أماايه عاد مب تفضحينا .. هذاااك أول خلاااص ... شيما حست بالغيره وقاالت : جيه كم عمرها بنتهم .. هذي بعد .. أم شهااب : فعمرج تقريبا .. شيما حست بالغيره عدل .. خليفه قااال : لا تخاافين تراها عرست السنه اللي طاافت .. شيما ويهها احترق وقاالت : وأنا شو يخصني انزين .. شفت الجو بيشعلل .. قلت : أمااايه قولي عن خلود وشذى .. قبل ما أم شهااب ترمس .. الخدااامه طلعت القسم اللي راقد فيه وليد وقاالت : مدااام وليد قاااعد يصيح .. أم شهااب تبي تقوم .. قلت لها : خلج عموووه أنا بسير بشووفه .. أم شهااب : سيري وان ما سكت ازقريني .. قلت : أوكي .. مشيت بسرعه وأنا الحق الخدامه .. عسب أشوووف وليد شو فيه يصيح ولييش يصيح .. توه راااقد .. شاللي وعاااه من الرقاااد بــ هالسرعه .. |
الحلقه التاسعه عشر .. ماترتضي نفسي مذله وحقران اردها عن من سعالي بذلي.. نفسي عزيزه ساميه فوق يافلان وابعد من نجوم الثريا محلي.. الله خلقني وهامتي فوق الامتان واخذ من الدنيا تجارب واخلي.. واصبر على مر الليالي والاحزان وارضى بماقدر من الله وحصلي دخلت الحجره وأنا أشوووف وليد يصييح تجدمت صوبه وحطيت راااسه فحظني وقلت : بسم الله عليك حبيبي شو فيييك ...؟؟ وليد ما رد علي وقااام يصيح أكثر وأكثر .. حضنته وبديت أقرااا عليه .. قلت : حبيبي بس ... وليد ما سكت .. قلت للخدامه : ميرررررررري ميرري سوي له حليب بسررررررعه .. ميري : أوكي مدااام .. بديت أهزه وأهزه .. ما رضى يسكت .. الين شفت الباااب يتبطل .. صديت وقلت : ماما .. تعــــــــــــــــــــالـــــــــــــ ............... سكتت يوم شفت خالد وقلت : قاااعد يصيييح وااايد .. خالد تجدم وقال : صااار له شي .. قلت : لأأأأ ... نش من الرقاااد مفزوووع .. خالد شاله عني وحضنه .. وبدا يسكته .. وقال : قلتي للخدامه تسو له حليب .. قلت : هي .. يت ميري عطتني المرضعه .. عطيتها لخالد .. خالد رقد وليد ع السرير وعطاااه المرضعه .. وليد بدا يصييح أكثر .. حطيت رااس وليد ع حضني وبديت أهزه وعطيته المرضعه .. بدا يسكت .. شوي شوي .. الين ما بدا يغمض عيونه .. خالد بهمس : لا تتحركين الين ما يرقد .. عسب لا يفزع مره ثاانيه .. قلت : أوكي .. بديت أمسح ع رااس وليد .. واتأمل ملااامحه .. أول مره بحياااتي ارقد يااهل .. يمكن أول مره أشل يااهل وهو يصيح .. تأملت ملاامح وليد وأنا قاااعده أمسح ع شعره الين ما رقد .. نزلت راااسه شوي شوي ... رفعت راااسي .. عسب أقووول ............. بس طاحت عيني بعين خالد وهو يتأملني .. استحيت منه ونزلت رااسي بسرررعه .. قلت : زين رقد .. غريبه واايد صاااح .. خالد : لأأأأ دوووم يفزع .. لو أنا مب عنده .. قلت : هيييه .. خالد طالعني وقاال : داام محد اهني .. شهد بسألج سؤال وردي علي بصراااحه .. استغربت وارتبكت بنفس الوقت و قلت : اسأل ..؟؟ خالد : شهد انتي راااضيه انج تتزوجيني وتعرفين اني كنت متزوج وعندي ولد .. ما عرفت شو ارد .. الحين أنا اتزوجك لمصلحتي أتزوجك عسب أنسا زاايد يا خالد .. مدري هذي خياانه ولاا شو يسمونها .. بغيت أصييح وأنا اتذكر زااايد بس تداركت روحي .. هزيت راسي وقلت : أعتقد اني بنت عمك وأعرف كل شي بحياااتك .. وأعرف ضروفك بعد .. خالد ارتسمت شبه ابتساامه ع شفااته وقال : انشالله بسعدج .. استحيت منه وقلت : شو قااعدين يتعشووون ..؟؟ خالد : ما ادري .. قلت : أوكي عااد أنا بسير برع .. خالد : أوكي .. ظهرت من الحجره وأنا قلبي يدق بسرررررعه وخااايفه ومرتبكه .. شاللي خلااني ارتبك لما طاحت عيني بعين خااالد .. حب ولا خوووف منه انه يكتشف الحقيقه .. توترت .. آآآه خلاااااااص يلا ارد طبيعيه أحسن لي .. تجدمت عنهم .. وقعدت يمب أماايه .. قالت لي : ها رقد ..؟؟ قلت : هي رقد .. ما طاااع الا يوم ابوووه ياااه .. بو خالد : الله يساامحه واايد متعلق فيييه .. قلت له لا تعلقه فييك ما طاااع .. بو شهاب : يااا خوي ولده الوحيد شقاايل ما يتعلق فييه .. من له غيره يدلعه .. بو خالد : فــ هاي صدقت يا خوي .. خالد تقرب عنا وقاال : هه .. وليدوووه الله يسااامحه ما يخلي الواحد يتنفس بعد .. بو خالد : انت اللي علقته فيك يا ولدي .. خالد ابتسم وقاال : باااجر بيكبر يا بووي وبينساااني .. ههههه أم شهااب : شو يا عيااال شكلكم هب ناويين تتعشون .. شيما : أنا ميته يووووع البيتزا ويييين .. شهاب يضحك وهو يعاابل فالبلاك بيري .. : بتوصل الحين .. تريي يالدبه .. شيما تطالعه بنظره وتنزل راااسها وتقول : تراااني بموووت يوع .. أم شهااب : خلاااص الحين بقول حق ميري تطلع العشااا .. قلت : أنا ما بتعشى .. أم شهااب : جيييه بنتي .. قلت : هب مشتهيه أمااايه .. باااكل عقب بروووح بريح شوي .. أم شهاب : ع هواااج بنتي .. بس لو تاكلين ويانا أحسن .. أبويه : شهووود تعشي وعقب سيري رقدي براايج .. قلت وأنا مستسلمه : أووووكي .. × بليييل الساااعه اثنعش وخمس دقااايق .. شيما منسدحه وحاااطه راااسها ع السرير ... .. : شهووود .. قلت وأنا رااقده وأطاالع السقف : هلأأأ .. شيما : أحس خالد وااايد قااام يهتم فيج .. قلت وأنا مستغربه : كيييف ...؟؟ من أي نااحيه ..؟؟ شيما : ما ادري أحس من كل شي .. قاام يدقق ع كل تصرفاااتج .. ويراقبج جذي يعني .. قلت : أكيييد دامني شريكة حياته .. يبا يعرف عني كل شي .. شيما : بس أحسه قااام يحبج بعد وااايد .. قلت : وأنا أحس اني قمت أخااف منه وااايد .. شيما : بالعكس باااين عليه طيب وااايد .. قلت : ما أدري والله .. شيما : شهووود بصراااحه بصراااحه شو تحسين شعورج تجاااه زايد حاااليا بعد ما انخطبتي لخالد .. قلت : هممم ولا شي .. بس بالندم بعض الأوقات .. شيما : لاأأ مو قصدي جذي .. قلت : عاد شو قصدج .. شيما : قصدي يعني .. يوم زايد بيقووول انه بيرجع وياااج شرااات أول وجذي .. هل بتودرين خاالد وترجعين لزااايد .. قلت : مدري والله .. أمر يحير .. بختاار اللي أحبه ولا اللي يحبني .. شيما : دووم يقولون اختااار اللي يحبك .. وااايد أحسن .. قلت : هي .. صح .. شيما : يلا خبريني لو زاايد بيرد لج شو بيكوون شعورج .. هل بتردين له ..؟؟ قلت : نو ويــــــــــه .. ما ارضى على روحي مذله .. وبعدين برد له المذله وبعرفه قدره برفضي له .. لأن نفسي عزيزه وكرااامتي فوووق كل شي .. وبعدين أنا راااضيه بخااالد .. خلاااص شيما : أهااا .. يعني هذا ردج .. قلت : هي ... ليييش عبالج اني برد لزااايد .. لا والله حامض على بوزه .. وبعدين هو رماااني لييش ارد له .. شيما : أحس أول مررره تفكرين صح شهوود .. قلت : تدرين ما بجادلج لأني أنا بعد أحس جذي .. شيما : تدرين أحسج انتي قدوتي وكنت أقلدج بكل شي .. قلت : تدرين شييوم أنا متحسفه ع عمري اللي قضيته بالمعاااصي .. شيما : هه معاصي وبس .. قولي معاااصي الدنيا كلها كنا نسويها .. قلت : هي وأكبرها طلعااتي مع زااايد .. آآآهــ شييوم .. صح اني ما غلطت وياااه بس حتى كلاامي وياااه حرااام .. شيما : لييش انتي ما تعرفين انه حراام .. قلت : كنت أعرف بس منو اللي نصحني وقاال ابتعدي .. منو اللي لو درا بيذبحني ويغاار علي .. شيما : والله أمرج غريب .. بس ما ننلام لأنه محد ربانا .. قلت وأنا ابتسم : وانتي الصاااجه .. شيما : شهووود تدرين خلوووف وااايد يحرجني .. قلت لها : حظج شييوم أوقااات أحسدج انج ما خليتي قلبج يتعلق بأحد .. شييوم دمعت : شهد لا تذكريني .. قلت لها : بس انتو علاااقتكم ما كاانت قويه ذااك الزود .. وبعدين حبج ما كمل كم شهر وسلطااان الله يرحمه توفى .. شيما نزلت دموعها : الله يرحمه .. قلت : حبيبتي لا تحااتين .. وبعدين ادعي له .. شيما تمسح دموعها : هي أهم شي ادعي له الحين .. قلت : ترا كلنا بنمووووت شييوم .. محد فينا بيتم غير الله سبحانه وتعالى .. شيما : ونعم بالله .. يلا انشالله نرد نتيمع فالفردوس الأعلى .. قلت : شييوم انتي جد يوم فكرتي يوصل حالنا لجذا .. شيما : بصراااحه فحياااتي ما توقعت حياتنا تتغير لجذي .. توقعت للأسوء بس للأحسن لأأأ .. قلت : صدقج دوام الحاال من المحاال .. شيما : واااه فييييييييييني رقاااااااد .. قلت : همممممممم .. وأنا بعد .. ههههه متى أخر مره رقدنا مع بعض .. شيما : ما أحيييد هههه .. قلت : ارقدي ولا تبيني أقول لج قصه ههههه شيما : ياااريت .. قلت وأنا اتلحف : اجلبي ويهج لااااه .. شيما : تصبحين ع خير .. لفيت ويهي ع الصوب الثاااني عساس اني اكون عكس شييوم وقلت : وانتي من أهله .. شيما : بعترف لج اعترااف .. قلت وأنا اطاالع صوب الطاوله لأني عكس شييوم : اعترفي ... شيما : أنا أحب خليفه .. قلت : حلو .. وأنا بعد بعترف لج اني حاااليا بديت أتقرب لخالد وانشالله أحبه وانسا زاايد .. شيما : انشالله .. أحس في شي جااايد بين خلود وشهاب .. قلت : جااايز .. ( معني أعرف ) أعترف لج حااليا قاااعده أفكر بأمي وشو قاااعده تسوي .. شيما : شي طيب .. أعترف لج اني خااااطري اتزوج من خليفه ههههه قلت : امحق كلاام هههه .. اعترف لج اني فالبدااايه ما كنت استلطف خاالد .. بس مع الوقت تعودت عليه .. شيما : أعترف لج اني اعرف شو سااالفتكم انتي وزااايد اول ما تلاقيتو .. استغربت وقلت : كيييف ..؟؟ شيما : نحن بس نعترف وما نبرر بس عسب تتأكدين .. لقائكم كااان فمعرض السيارات .. قلت : شي طيب .. اعترف لج اني اشتقت لهل دبي موووووووووووووت شيما : وطنيه ههههه .. اعترف لج اني أمس بليل تكلمت مع خليفه .. قلت : باااجر لااازم تخبريني شو صااار .. اعترف لج انه فخاااطري لو تزوجت ويبت ولد بسميه فارس .. شيما : حلو وااايد .. اعترف لج اني مابا أكمل درااسه .. قلت : مااالت وهناااك مابا اعرس عسب دراستي وطلعتي مشفوووحه ع العرس هااا .. شيما : شفتي كييف هههه قلت : اعترف لج اني اباااا ارقد هممممممممممممممم ويلا تصبحين على خير .. شيما : وانتي من أهله ههههه طااالعت الطااوله ... حلو اليوووم وااايد كان مليء بالمغامرااات والحياااه والحب .. غير التجمع الاسري محلي الطلعه أكثر وأكثر .. اعترااافااات شييوم بالنسبه لي عااديه لأني أعرف كل شي عنها واعترافاتي هم عاادي .. حلو انه يكونون اختين ويرقدون بحجره وحده وحياتهم وحده وأهم شي يكون فيييه تفاهم بينهم ,, وحلو انه الأخت تعترف لأختها باشيااا كثيييره .. لأنه عمرها أختي ما راااح تفضحني لو شو مااا صاار وعمرها ما بتقدم مصلحتها ع مصلحتي .. شعووور رااائع يوم الواااحد يكون عنده أخت والأروع اذا هي من أطباااعي أنا .. استااانست مع شييوم اليوم وااايد .. غمضت عيوني .. على أمل اني أقوم باااجر ويكون باااجر أحلى من اليوم وأمس .. صح قبل ما أغط في سااابع نومه بهدي شييومه اهدااااء بس مابيها تعرف اني أهديته لها .. أو من صااحب الاهداااء .. وبخليه من القلب للقلب بدون ما تشوفه العين وبدون ما تسمعه الأذان ... تصبح على خير ياللي منك ما ملي ,, ياللي وصوفك تعذب قلب هاوننك .. لاموت غطه بحنين الذوق والتلي ,, هذي عيوني تراها اليوم غطنّك .. بفرش لك الكون من نرجس ومن فلي .. بعطيك فرحي وهمك أخذه عنك يلا حبيبي حياتي يا بعد كلي .. غمض عيونك عساني ما خلا منك يمكن ما يكون ارضا ذوووق شييوم بس المهم انه من أختها العوده واللي تحبها وعسا ايااامج كلها سعاده بسعاده شيومه الصغيره .. × × .............. : قـــــــــووومي .. شهد : لااا رد .. شييوم : شهووووووود وصمخ قومي بسج رقاااد شهد : همممممممممم .. شييوم وأرف اطلعي برع .. شييوم : بل كل هاا رقاااد .. بيأذن الظهر وانتي باختنه .. أقووول ماما قومي بسج رقاااد شهد : اطلعييييييييييييييييييييييييي برررررررررررررررررررع يلا .. شييوم : شهووود قومي بسج رقاااد يلا .. شهد : أووووووف لا حووووووووول .. اقووول طلعي شييوم أحسن لج .. شيما وهي طالعه : بطلع بس برد عقب ثواني سمعتيني .. ............. : شو تخبلتي ترمسين روووحج .. شيما : لاا شووو ارمس روحي .. هذي شهووود عيزت وأنا اوعيها .. خلود : جبي عليها ماااي ههههه شيما : هيه عسب تذبحني هههه شذى يايه : بناات يلا نسير قسم قوووم ماما .. شيما : هي ملل عندنا مرررررررررررره .. خلود : وشهووود يا حلوات .. شيما تحط ايدها ع راااسها : هذي عااد حاله مستعصيه تدرووون .. خلود تضحك : نهددها بخالد عل وعسى تقوم ههههه شيما : فكرررره ... خلود : يلا عليها شييوم ... شيما راااحت ركض للحجر وقالت : شهووود لحقي خالد يقول يبااا يملج .. شهد : هممم لاااا حوووووول انتي شو ما تفهمين خليني راااقده .. شيما : ما تسمعين خالد يبا يملج .. شهد : زين زين بنرقص فعرسه .. شيما نطت ع السرير : يالخبله أقوووووووول لج بيملج عليج ما تفهمين .. قمت مفزوووووووووعه وقلت : هاااااااااااه منو قااال جذي ...؟؟ شيما تسايريني : اهوووه .. الحين قااال .. قلت : حلفي شييوم .. شيما : ههههه صدقت البنيه ... اقووول قومي احسن لج تراااج ذليتينا .. طالعتها بحقد وقلت : قسم بالله ان ما ظهرتي بالتلفون ع راااسج .. شيما : بظهر بس نشي سمعتي .. قلت : قلللللللللللت لللللللللللللللللللللللللللللللج ظهري برع يلااااااااااااااااا .. شيما : زين زين ماماتي بس لا تعصبين ... أوووووووف كرهتني بحياااتي في أحد يوعي جذي شو هذا صدق ماشي مذهب .. وجع انشالله شييوم الدبه .. × × ................... : ههههه زين الخرطه نفعت أقول لج .. شذى : هههه حليلها شهووود حرااام عليكم جااان تخلونها راااقده عاااد .. شيما : بياأذن الظهر وست الحسن والدلااال بعدها راااقده .. شذى : هي انزين حرااام .. عقب بتعرس وتبتلش بالريل واليهااال .. وبتنش الفير خلود : هههههههه اتخيل شهوووود وهي عندها يهااال شيما : بصراااحه هب لااايق مووول .. شذى : هي صدقج هههههه شيما : هع .. تسمعون صووت الدش .. شكلها نشت .. خلود : الله يستر ... شكلج بتروحين فيها شييوم .. شيما : عااادي اصلا أنا متعوده انها تسبني يوم أوعيها هههه شذى : ترااااج ما تعرفين توعين هههه شيما : بالعكس أحس روووحي كووول يوم أوعي أحد من الرقاااد .. خلود : أي كووول الله يخليج ,, أنا عن نفسي اعطيج بركاااان هههههه شيما : حراااام عليج عاااد .. مو لهالدرجه .. شذى : الله يعين اللي بتاخذينه .. خلود غمزت لشيما وقاالت : أحس ان كل شي من شيما على قلبه عسل .. شيما بطلت عيونها .. خلود اش دراااها بخليفه ... ليكووون أمس بليل سمعت كل شي داار بين شهد وشيما .. لأأأأ أختي شهووود بتروووح فيها ... شيما ابتسمت ابتسااامه عاديه وقاالت : شو دراااج يمكن بيكون عصبي .. خلود : بس أنا أشوووف العكس .. لدرجه اني شفت فالسياره معلق حرف الاس .. ارتاااح بااالي وقلت : اهااا وااايد نااس بحرف الاس اعتقد .. شذى قطعت حديثنا وهي تقول : بنااات صوت صوت .. شيما : الله يستر .. هذي شهووود .. لو ما تذبحني زين .. خلود : هههه لهالدرجه خاايفه شييوم .. شيما : لاااه وين الله يخليج بس أحب أمثل ههههه متعوده على هواااش شهووود .. وخاصتا الصبح .. شذى : شكلج مااكله تبن هع ... كله من شهووود شيما : هي شكلي هههه .......................: أيـــه انتي حضرتج في حد يوعي بهالطريقه .. شيما : صوتي بح وأنا اوعيج جااان استخدم هالأسلوب .. قلت وأنا رااايحه صوب الباااب : انزين ودري هالحركااات مره ثااانيه سمعتي .. شيما : انشالله ماما .. ضحكت وقلت : ههههه بالبنغاليه خرعتيني تصدقين .. شيما : هع تستاهلين ههههه خلود تصااااارخ : شهووووووووود لا تفتحين الباااب ... نقزت من مكاااني وقلت : بسم الله .. لييييييش ...؟؟ خلود : شهوود شو تخبلتي ... طالعت البااب وقلت : هيييييه .. نسيت انه نحن فالشااليه ع بااالي فالبيت .. شيما : هي هي اخرطي علينا قولي انج تبين تطلعين جيييه يدااام خاااالد قولي .. قلت : أقووووول شيووووووم كلي تبن واسكتي سمعتي .. شيما : ههههههه صااايره حااره شهوووود .. أعوووذ بالله .. قلت : لا فلفله هع .. ما يضحك .. انزين يلا ابااا اتريق يييبو لي ريوووق .. شذى : تريي الحين الغدا بيجهز ... وبينجبونه .. قلت : عاااد أنا بسير ببدل .. خلود : هي .. شو حسبااالج بتطلعين جذا بالبجااامه هههه قلت : شو دراااني بعد .. استغفر الله بس انخبطو وبراويكم شغلكم .. شذى : هههه شيييوم شكلها بعدج على طول .. شيما تطالع شذى .. حتى شذاوي عرفت ... منو خبرهم .. أكيييد خليفه يكون رااامس هذا ساااس البلا يحب يحرج اللي يدااامه صدق ما عنده شغل امـــــــــف >< × × ................. : أووووف اووووووووووف صج عيلة معقده .. نوف تقلدها : أووووف اوووف صج عيله معقده ... اقووول لا يكثر بس شلّي قشااارج وطلعي .. مريووووووم : يعني الحين لو رحنا ما فيها شي .. نوف : تقربين الهم .. بنت عمهم .. بنت يدهم مدري شو ... هاااه .. مريووووم : بس ما فيها شي لو رحنا بالمره نستااانس والله ... بدااال اليلسه فالبيت والملل اللي يجتل .. نوف : صدق ما عندج شغل .. وبعدين بنضاايقهم .. بنكون غراااب .. مريوووم : بس والله ما فيها شي .. نوف بعصبيه : أقوووووووول شيلي هالليز والبيبسي مالج وظهري برع .. يلااا قبل لاذبحج مريووووووووم .. مريوووم طفرانه : انزين انزين أووووووووووف .. شو هذا .. بعد ما طلعت مريوووم نوف رفعت ايدها : يااااااااااااارب اهدي هالبنيه .. أعوذ بالله .. × × في الشاااليه عقب الغدا .. وتحديدا في حجرة الأختين رااايت .. هع أمحق لقب ................. : ويعني .... شييوم : أقوووول لج روحها قااالت لي .. أنا قاااعده أعاابل فالفون : وبعدين .. شييوم وقفت وصااارخت : أووووووووووف انتي محد يقول لج شي .. سمعيني انزين .. طالعتها وقلت وأنا احرك يدي : هدي أعصااابج ماما .. يلسي .. بلاااج شو صاابج ..؟؟ شييوم : هذي انتي .. قاعده تعابلين فالفون .. وما تسمعيني ... ما أحب جذي .. طالعتها وقلت : انزين انزين .. خلاااص قولي .. عيدي اللي قلتيه وبسمعج هالمره .. شييوم طفرت شوي وتصيح : يعني ما سمعتيني وأنا من ساااعه ارمسج .. قلت لها وأنا اعااابل فالفون : للأسف لأأأأ .. بس قولي الحين وبسمعج .. شييوم راحت صوب الباااب ركض وقالت : خلي فونج ينفعج زيييييين .. ضحكت وقمت من ع السرير بسرررررعه ولحقتها يودت ايدها .. وقلت : بلاااااااج يلا رمسي ... شييوم : مابا .. ودريني .. قلت : ترا والله بسمعج .. شييوم : قلت لج مابا يعني مابا خلاااااااااص .. طالعتها وقلت : وأنا ما أحب أترجا يعني برااايج ... شييوم قبل ما تطلع لفت وقالت : هه .. خلي فونج ينفعج .. مثل ما ضيعج قبل بيضيعج الحين .. طالعتها باستحقااار .. سحبتها من ايدها وقربتها مني وقلت بعصبيه : عيدي ما سمعت .. شييوم خااافت وطالعت صوب الباااب وقالت : ما أقصد والله .. ودرت ايدها وقلت بجديه : هي اتحرا بعد .. ولا بتشوفين شسوي فيج .. شييوم طلعت من الحجره ... بسرعه ... طالعت صوب الباااب سديته بقوه عسب شييوم تتأكد اني تضايقت من كلااامها .. طالعت صوب السرير .. تجدمت بسررررررعه ورميت روحي .. نزلت دموعي ... حتى انتي يا شييوم حتى انتي قمتي تعايريني .. وأنا اقووول هذي اختي اللي مستحيل يوم من الأيااام تعايرني .. بس هه حتى اختي طلعت مثلهم .. عاد خالد لو درى شو بيقووول شو بيسوي .. الله يستر .. طالعت التلفون .. رميته ع اليدااار بقوه .. من علو صوته حطيت ايدي ع أذوني ... رفعت راااسي بخوف وأنا أقول فخاااطري التلفون صااار فتاااات .. قطعه تناثرت .. رفعت راااسي تفاااجئت بصوووت الباااب يفتح بقوووهـ .. ما مداني اني أشوووف الفون .. الا وألف ويهي اشوووف منو دش .. شفت شيما متفاااجأه تطالعني .. لفيت ويهي عسب اطالع الفون .. بالفعل تكسر ... لفيت طالعت شيما وقلت بدون نفس : خيييييير .. شيما تجدمت عني وقالت : شهد انتي بخير .. لفيت ويهي وتميت اطااالع فتااات التلفون وقعدت أهز ريولي بقوووه ... لدرجه حسيت انه السرير يهتز مع ريولي ... شيما قعدت يمبي وحطت ايدها ع جتفي .. قلت بسرعه : شيلي ايدج .. شيما تخرعت وقااالت : شهووود أنا آسفه والله ما كنت أقصد أذكرج بزااايد والله آسفه ... قاطعتها وقلت : بس خلاااااااااااااص شو تبين تموتيني .. كلما أنساااه تردين تذكريني به .. شو من حياااه هااي بس خلااااااااااااااص تعبت والله تعبت .... ( بدت دموعي تهل ) والله تعبت ذبحتوني ... شيما بدت تصيح وحضنتني : شهووود والله ما كنت أقصد آسفه خلاااص قلت وأنا أصيح وحاطه أيدي ع أذوني : اطلعي برع مابا أسمع أي شي .. شيما تجدمت عن الباااب وقااالت : أنا آسفه .. بعد ما طلعت شيما وصكرت الباااب .. آآآآآآآآآآهـ صج والله أنا تعبت .. ما أروووم أسمع اي شي أكثرر .. حياتي كلها مجلوبه مافي شي بحياااتي صح .. حتى أنا وجودي بهالحياااه غلط في غلط ... متى بيتصحح كل شي متى .. ما ضنتي بيتصحح دام أنا اللي غلط ... بس ليييييييييش لييييييييييش أنا روحي مظلومه وكل اللي حولي يسرحون ويمرحون .. ليش معنهم هم اللي غلطانين وأنا الصح .. لييش .. يمكن أنا اللي غلط .. بس أكيييد الحين اللي غلطو بحقي مستانسين وأنا الغبيه معقده روحي .. لييش ..؟؟ ما أعيش حيااتي مثل ما هم عايشينها .. × × ............... : ما أدري .... بو شهاااب : شذى ماماتي سيري شوفي أختج ... وينها من تغدينا راااحت صوب حيرتها وما ظهرت .. شيما : بابا .. شكلها نودانه خلها ع راحتها يمكن راااسها يعورها .. بو شهااب : أوكي .. خلود بعد ضااايعه وينها ..؟؟ شذى : خلود راااحت صووب حيرة خالد .. تلاعب وليد بو شهااب : عاد أنا بعد بروووح بريح .. أم شهااب وعيني العصر .. أم شهااب : انشالله .. بعد ما قااام بو شهاااب .. أم شهااب : شييوم شهود كانت راااقده الين اثنعش .. جيييه ردت ترقد .. شيما : مدري يمكن تعبااانه أم شهااب : بروووح بشوفها عيل .. شيما مسكتها : لا ما يحتااااي أماايه .. أنا بروووح بشوووفها .. أم شهاااب ردت قعدت وقااالت : عااد خلاااص ع أذااان العصر روحي شوفيها .. شيما : انشالله أمااايه .. أم شهااب : ترا النوم الزااايد مو زين للصحه .. ........... : هود هود ... شذى : هدا هدا .. شهاب مبتسم .. ويبوس راااس أمه : مسااااء الورد لأحلى ورده .. أم شهاااب تضحك وتقول : مساااء النور ... ايلس ايلس فضحتنا شو هالرمسه .. خليفه يضحك : عاد خااالو .. خلج كووول .. أم شهاااب : انت وياااه ان ما صخيتو لأخبر بو شهاااب . شهااب يضحك ويقول لخليفه : أنا بختااار لي حرمه مثقفه عسب لا تنازعني يوم أقول لها هالرمسه .. خليفه يضحك : هههه عنلاااتك .. زين زين .. شهاااب : أمااايه وينهن ريا وسكينه ... أم شهااب بطلت عيونها : من هذيل بعد ... شهاااب يضحك : خلود وشهد .. أم شهااب : حرااام عليك عاااد .. خليفه : صدقه خااالو .. تراهن دوووم يقعدن ويا بعض ما يندرا لشو يخططن .. ................ : تراااني سمعتكم .. شهاااب لف : ها قد اتت عبقرية القوووم .. ضحكت وقلت : مااالت .. شو هذا بعد .. قول أميرة القوووم يمكن .. شهاااب : يعني تعترفين انج فاااشله .. قلت : وبدرجة الامتياااز ايضا أخي الكريم .. خليفه يضحك : لاا لا لااا خووووش بنية ماشالله .. شذى : مستوي لي عراااقي .. شو هاااي خوووش بعد .. خليفه : ولا تزعلين يالاماراتيه .. كفؤ .. شو رااايج .. شذى : هي هذي أهون .. هب خوووش .. شهاااب يطالع شيما ويقول باستعبااط : تراااني ما اتمسخر .. شيما وقفت وقالت : لا تتمسخر .. هههه طالعتها وقلت : ما يخصج فشهاااب سمعتي .. برااايه ينكت ع اللي يبا .. شيما قالت : لا والله .. رمس عني ودافعتي عنه .. قلت : أقووول شيما اسكتي لأنه راااسي يعورني وانتي أدرى ليييش .. أم شهاااب : صلو ع النبي يا بنااات شو هالرمسه .. شيما صااحت وقالت : ماشالله عليج شهد .. أخت والنعم بج .. طالعتها وهي تطلع ابتسمت وطاالعت أم شهااب وقلت : خليها أمااايه هاااي مستويه دلوووعه وااايد .. خليفه طالعني مستغرب : دوووم انتو جيييه ..؟؟ قلت : لأأأ استوت سااالفه بيني وبينها اليوم وانتهت .. شهاب : شو صااار ...؟؟ قلت : شي خاااص وااايد .. وبعدين خلاااص حليناااه .. شهاااب : كيف حليتوووه وانتو توكم تضاربتو .. قلت : عاادي .. مافيها شي .. خليفه مستغرب قاال : انا بظهر شوي .. شهاااب : أنا بعد .. طالعتهم وقلت : الله وياااكم .. شهاب طالعني مستغرب ورد طااالع خليفه .. أنا روووحي استغربت .. بعد ما طلعو قلت : بروووح الحجره شوي ... تبين شي أماايه أم شهااب : لا سلااامتج بنتي .. بس راااضي أختج ترا مو زين .. انتن خوااات قلت : انشالله أماايه طلعت ورحت صوب قسمنا .. لييش شهاب وخليفه طالعوني جذي .. وبعدين عااادي شييوم لييش صاااحت دووم أنا وهي نتضااارب .. بس شكلها متذكره اللي صااار من ساااعه .. بس تستاهل عسب لا تفتح الموضوع مره ثااانيه وياااي ... لأني ما أحب أحد يناقشني بهالموضوع لأنه حساااس وااايد ... دخلت الحجره .. طالعت صوب السرير .. شييوم مب اهني .. لفيت نظري فالحجره ماشفتها .. اممم وينها ... رحت صوووب الحماااام شفتها قاااعده تصيح ... تجدمت وقلت : شو انتي غبيه تصيحين بهالمكااان .. ما تعرفين انه مو زين ... شيما تصيح : بس انتي بغيتي تموتين بهالمكااان حتى ما فكرتي اذا زين ولا لأأأ .. بس فكرتي تخلين اللي حولج يحاتون .. طالعتها وقلت : شييوم بلاااج ..؟؟ اطلعي يلاا ... ع سااالفة ما تسوى زعلتي .. شيما : وانتي من ساااعه ع سااالفه يمكن اعتذرت لج مليون مره حتى ما رمستيني .. وجرحتيني .. قلت : شيما اطلعي ونتفااهم شيما طلعت وطالعتني .. قالت : شهووود انتي صرتي قاااسيه هالأيااام واايد .. طالعتها .. ضميتها وقلت : حبيبتي انتي أدرى بالضروف اللي قاعده أمر بها هالفتره .. شيما : أدري بس انتي واااايد حساااسه وصااار لج فتره كله تفشليني .. بستها ع راااسها وقعدتها ع السرير .. قلت : حبيبي شييوم أنا مو أول مره جذي .. بس هالفتره زااااد الضغط علي وما أقدر أستحمل والله .. انتي أدرى ليييش .. تعبت نفسياا خلااااص .. والله أني بديت اخااف اني امووت بسبب جلطه لا سمح الله .. شيما نزلت دموعها : لا تقولين جذي شهووود والله انتي غاااليه حيل ما اروم أعيش بدونج .. قلت لها وأنا امسح دموعها : انزين بس لا تفتحين السااالفه وياااي مره ثااانيه أوكي شيما باستني وقااالت : أوكي .. وانتي لا تحرجيني يدااام الكل .. قلت : انشالله حياااتي .. بس عاااد لا تزعلين .. أنا روحي تعبااانه وما ألقى أحد غيرج اطلع حرتي فيه .. شيما : هي تراااني الحيطه المايله ,, ضحكت وقلت : هههه فديتج .. يلا نشي غسلي ويهج .. شيما : انشالله .. تعااالي .. تراااج كسرتي فونج ولعنتي بو أسلافه .. قلت : عأااادي .. ع الأقل انكسر اللي خلاااني أحب زااايد .. شيما : الله يكملج بعقلج أختي هههه قلت وأنا ابتسم بحزن : أمييييييييين .. شيما : بروووح بغسل ويهي .. وعقب بنصلي أنا وانتي ويا بعض جماااعه .. قلت : هي يلا سيري توضي ... شفت شييوم رااايحه صووب الحمام وانتو بكرااامه .. عسب تتيدد .. نزلت دمعه حاااره على خدي .. ندم حسره ع الأيااام اللي مضت بحياااتي وأنا كنت فاااسقه .. نعم فاااسقه .. أطلع مع غير محارمي .. أكلمهم وكأنهم محارمي .. شعري نصه وأوقااات كله برع .. ريحة عطري تعبي المكااان اللي أقعد فيه .. مشهوووره بشكلي وجمااالي الخارجي .. بس الايمااان اللي ينبع من داااخلي كااان ضااايع ... بالفعل أنا بعد كنت ضااايعه .. كثييير بناااات كانو يتمنون لو لحظه يعيشون حياااتي .. كثير ما ينعدن اللي حلمن لو لحظه يعيشون الحياااه اللي كنت عايشتها .. حياه كلها طلعات وشباب وضحك وسوالف .. لكنني أنا جربتها وما أبيها هي اللي ضيعتني هي اللي نستني ديني .. وكانت احدى أسباااب بعدي عن ديني .. أو بالأحرى السبب الرئيسي .. لأني جربتها كرهتها .. وما أبي أي بنت تعيشها أو تذووق لو طعمها وبس .. بس الحمدلله اني عرفت غلطي وصححته ... كنت أقووول وحده هلها موفرين الها جهاااز ولابتوب وموبااايل لااااازم تضيع ... أول لابد من الضياااع .. بس اليووووم اكتشفت لأأأ .. مو كل اللي عندهم هالأشيااا ضااايعااات .. في كثير ملتزمات الحمدلله .. واليوم صرت منهن .. معني بعدني في بداية مشواري .. وانشالله أتوب وأترك كل شي كنت أسووويه .. وخاصتا حديثي مع الشبااب.. هذي المعصيه بعينها .. ,,,,,,,,,,,,,,,,, : تصيحين ...؟؟ مسحت دموعي بسرعه وقلت : ها .. لا بس تذكرت ماما شوي .. شيما دمعت وقااالت : شهوود احمدي ربج انه عندنا أبو محد يعوض مكانه .. قلت : الحمدلله .. يلا أنا بسير بتيدد ونصلي .. شييوم : أوكي يلا بسرعه عسب نروووح صوووب قوووم أمااايه .. قلت : أوكي .. × × .............. : قلت لك عطني .. يعني عطني .. ما تفهم شووووووووووه .. وليد يصيح : مابا مابا انتي كيكه ( وسخه ).. خلود الضغط واااصل عندها مليووون : وليدووووووووه عطني القلوز أحسن لك .. وليد : هذا لا قلووووث .. هاذا حاواوه .. خلود فيها الضحكه ونفس الوقت أعصااابها ضاااربه التوووب : وليد حبيبي عطني اياااه بعطيك درهم .. وليد : مابي مابي .. خلود : وليييييييييييد بخبررررررررر عليك باابااا الحين .. يلا عطني .. وليد يخبيه ورا ظهره : مابا .. خلود تجدمت صوووبه وقااالت : وليييييييييد عطني ايااااه .. وليد : مابا .. خلود تتقرب منه وتقول : وين وديته .. وليد : القطو كلااااه ... ............... : منو اللي القطو كلاااه .. خلود تضحك وتقول : الأهبل ماااخذ عنيه القلوز وهب طااايع يعطيني ايااه .. قلت : وليد عطها يلااا .. وليد يعاند : مابا ..مابا قلت : وانتي جيييه عطيتيه ..؟؟ خلود : ما عطيته روووحه خذاااه قلت : يلا حبيبي عطها اياااه .. خلود : أونه يبااا يااكله بعد .. وليد : هذا حواوه .. بابا اثترا .. قلت : انزين عطني أبااا أشوووفه .. ما بعطيه حق خلود .. وليد : خلااااص القطو خذااااااااه .. قلت : ليش تجذب وليد ..؟؟ وليد : ما أكذب .. قلت : امبلا تجذب هاااذو ورااااك .. يلا عطني .. وليد يصااارخ : ماااااااابا ماااااااااااالي .. قلت : حبيبي الجذب حراااام .. وليد يطااالع خلود ويقول : خلود كذاااابه ., هذا مااالي قلت : وليييد حرااام الجذب يلا عطني اياااه وبلعب وياااك وليد : شو تلعبين ..؟؟ قلت : بنغني .. يلا عطا حق خلود .. وليد راااح صوووب خلود وعطاها اياااه وقاال : كيكه انتي .. خلود : محد غيرك هاااته .. ( وسحبته ) اشفقت ع وليد .. حضنته وقلت : سيري حطيه وتعاالي .. خلود : أوووكي .. أنا سااايره قسمنا .. قلت : جيييه خااالد موجود ... خلود : لأأأ ظهر .. قلت : عاااد أنا بتم اهني مع وليد .. خلود : أوكي .. ( طلعت لسانها لوليد وقاالت ) انته كيكه .. وليد بعد ما طلعت خلود قااال : هذا مااالي .. قلت : استغفر الله .. اسميك خريط وليدوووه .. وليد : لأأ مالي .. قلت وأنا أوقف وأغني : ليييش بتكزب ياااا وليد .. ما بتعرف انو حرااام واللي بيكزب ياااوليد .. الله ما بيحبو .. وليد استانس وقااال : هي مااال خلود مو مااالي .. قلت بطريقة يهااال : مين الصااادئ وليييييييد .. مين الشاااطر ولييييييييييد .. ( معني أدري خربطت الأنشوده بس شنسوي هب حاافظين ههههه) وليد استانس وقااال : انتي تطالعين طيووور الجنه ...؟؟ قلت وأنا أهز راااسي معني أحس بألم بدااخلي لأنه ذكرني بانسااان : هي حبيبي .. وليد : أنا بعد .. أنا أحب وليد عشااان هو نفثي .. قلت : وأنا أحب رغد .. عشااان هي نفس شهد .. وليد ابتسم وقااال : غني لي بعد .. قلت : اممم شو أغني لك .. وليد : غني لي عشااان ما أكل حواوه .. فهمت عللليه وابتسمت .. قلت : أوكي .. يلا نبدا .. وليد : هي أنا بثفق لج .. قلت : يا بابا اسناني واوا وديني عند الطبيب ,.. ماعاد بدي شوكلاته بس بدي اشرب الحليب .. وليد : بث هاذا .. قلت : هي مب حاااافظه غيره هههههه وليد : أنا حااافظ .. قلت : اممم أوكي يلا غن لي .. وليد : مين بتحبو أكثر .. ماما ولا باابا .. قلت : مامااا وباااباااااااا .. وليد : ثتوره .. ضحكت على تعليقه وقلت : يعل ربي يحفظك .. بعد حااافظ شي .. وليد : هي .. بغثل وشي من بكير .. بفرشي اسناني وأنا صغير حتى احفظها لما أكبر .. قلت : ماشالله عليييييييك .. علني أفداااك .. المس فالحضاانه علمتك .. ( صحيح سنه صغير بس فيه حضانه الصبح .. الناااس يودون عيالهم لها .. اهيه هب للتدريس .. بس انه اللي يشتغلون يحطون عيااالهم فالحضااانه ) وليد : لأأأ بابا اثترا لي ثي دي ماال طيووور الجنه .. حضنته وقلت : يعل ربي يحفظك .. يلا حبيبي .. نروووح عند يدوووه .. وليد : لأأأ نقعد هني نغني .. قلت : بس حبيبي كلهم برع يلا نسير عندهم .. وليد : بس أنا اااباااث انتي وحدث قلت : حبيبي ما يصير جذي .. لااازم نحب يدوووه .. وليد : انزين بس بليل غني لي .. قلت له : من عيوووني حبيبي .. يغني لك .. والحين يلا نسير .. وليد : يلااا .. نروووه .. ضحكت عليه ورفعت راااسي أطاالع الساعه قلت : وليدوووه نسيتني شييوم .. قااالت بنلعب تينس .. وليد : بلعب وياااكم .. قلت : ههه أوكي يالقزووم .. وليد : يلا نروووح نلعب تنث .. قلت : تعرف تعلبه .. وليد : هي .. قلت : تونا شو قلنا .. ليش بتكزب ياااوليد .. وليد ابتسم وقاال : خلاااث ما بكذب .. قلت : هي أابااااك جذي شااطر .. مسكت ايده ولفينا عسب تطلع ... تفااااجئت يوم شفته ساااند ع الباااب ويطالعنا مبتسم مستغرب محتااار مستانس ... مدري شو أفسر شعوووره .. نزلت راااسي على طوول استحيت .. هذا من متى موجود .. وجييييه ما رمس .. انحرجت الصراااحه وااااايد ..... بغيت أسوي اي شي عسب لا انفضح أكثر من عيوووني .. وليد رص ع ايدي وقااال : ثهووود يلا نتم بابا ياااه عندنا .. خلااااااث |
الحلقه العشرون .. قلبي يحبك يااا غالي .. يشتاااق لك كل ليله .. فراااقك أثر بحااالي .. يا ويل قلبي يااا ويـله .. تلااااقت عيني بعينه ... حسيت للحظه اني ضعيفه جداامه ما أقدر أسوي أي شي .. وليد وعاااني من خيااالي وهو يسحب ايدي وليد : ثهووود يلا نروووح عند باباتي .. طالعت خااالد وطالعني .. ارتبكت .. قلت : السموحه ما كنت أدري انك بالشاليه ع بااالي طلعت .. قال هو يلعب بسويج سياارته .. : عااادي .. مافيها شي .. وبعدين حتى ولو أنا اهني بامكاانج اتيين أي وقت .. نزلت راااسي بغيت أمر عسب أطلع .. خالد وقفني يوم قاال : أحبج شهد .................... حسيت للحظه كل الدم اللي بعروقي وقف وما قااام يتنقل .. بغيب أطلع بس في شي وقفني .. دموعي هلت وقلت : خالد لا تلعب علي دخيلك .. دخيييييييييلك .. خالد استغرب طالعني وقااال : أنا العب عليييج .. ليييش وشو مصلحتي ... نزلت رااسي وتداركت روحي .. شكلي بفضح روحي .. قلت : شكلي تعباانه شوي .. بروح برييح .. خالد استغرب وقاال : ع راااحتج .. طلعت بسرررعه وأنا دموعي تهل .. حاولت محد يطاالعني .. طلعت من قسم خاالد ورحت صووب قسمنا دخلته ما شفت البنااات حمدت ربي .. ورحت صوووب الحجره رميت روحي ع السرير .. فرحت حزنت بكيت ضحكت .. مدري شسوي .. مو أول مره أسمع أحبج .. ياما سمعتها من نااس ونااااااااس ... بس أحسها هذي المره غير بالفعل غييييييير .. حسيت خاالد صاادق .. أكيييد صااادق لأنه شاريني .. ويحبني .. بس أنا مدري .. أحس روحي ما قمت أثق بأي أحد بهالدنيا ... بس بالفعل .................. قلبي يحبك يااااااااا خاااااااااالد قلبي يحبك ... بديت أحبه وأميل له .. بس أنا أخونه .. ولو اني ما أكلم أحد بس كلمت غيره وعرفت غيره .. خالد ع باااله ما أعرف شي بالحب وهو بيعلمني .. شكله غلطااان .. شكلي أنا اللي بعلمه .. بس أنا المفروووض ايود روحي وما أفضح عمري .. أخاااف زااايد يفضحني .. عادي يسويها دامه لعب ع بنيه ما كان لها سند .. ما حسيت بروووحي الا وأنا أصحا ع صوووت خلود وهي تهزني .. : شهوووووووود .. شهووووووود .. لفيت وطالعتها مستغربه قلت : هااا .. خلود : قومي صلي المغرب .. صااارت سبع وانتي رااقده .. قمت وقلت : ماشالله علي مسرع ما رقدت .... خلود : نشي .. ومستحيل اليوم بليل بترقدين .. طول اليوم راااقده خلااص الرقاااد طااااااار طالعتها ابتسمت وقلت : لا لا تخافين هههه برقد أول وحده اليوم .. خلود : يلا قومي صلي .. بيسوون باربيكيو .. قلت : بس نحن مب ع البحر هههه خلود : شو دراااني بعد ... هههه بس يلا أحسن من لااا شي .. قلت : زين يلااا بس بتيدد وبصلي .. بيي خلود : أوكي يلاا نترياااج .. قلت : لحظه .. خلووود ... شييوم وين ..؟؟ خلود : قااعده ويااانا .. قلت : أهااا عاد خلاااص .. خلود : جيييه تبينها .. ولا تبين أقووول لها تيي .. قلت : لا لا خلاااص .. بصلي وبيي لكم روحي .. خلود : زين .. يلا نترياااج .. × × .................. : ها نشت ...؟؟ خلود : هي يااايه الحين .. أم شهااب مستغربه : مدري شو ياينها البنيه من الصبح كله ترقد اليوم .. بوشهاب : يمكن راااسها يعورها .. ترا المكان متغير .. أم شهااب : لاأأ ما أظن يمكن شي يعورها ولا فيها شي .. شيما : لا لا أمااايه شهووود بين فتره وفتره جذا عادي لا تحاتين .. شذى : وينه وليد ...؟؟ غريبه ما بااان اليوم .. خلود : هكووو قاااعد مع الشباااب ما تشوفينه .. مسوي بلااوي اليوم لا قلوز مخلي ولا عطر شذى : هههه حرااام خليه الريااال يبااا يستكشف .. خليه ع رااحته .. خلود : تعااالي عقب انتي ادفعي البيزات انزين ... شهااب ياااي : أعوووذ بالله بنت عمي طااالعه شحيه ع منوووه مادري .. خلود : هه .. بس ما أحب أحد يعااابل بأغراااضي .. شهاب : عااد شحيه .. ( بخيله ) خلود : لأأأ هب شحيه .. شهاب : امبلى شحيه .. خلود : لأأأ شيما : بــــــــــــس عن أبوكم مب يهاال انتو .. وليد هب جذاا .. شهاب : بدت شريفة مكه .. بدت .. شيما : شهاابوووه ترااا اليوووم أعصااابي عدل يبالها جرااجه .. منك ومن شهووود .. ................... : منو طراااااااااااني ..........؟؟ شيما تضحك : ذكرنا القط يالنا ينط .. قلت : قط فعينج ماماتي .. ههههه تجدمت صوب أبويه وعمي .. بست رااسهم .. ورحت صووب أمايه بست رااسها وقلت : مسااااااااااااااء الورد .. عمي بو خالد : مساااء االجوري .. قلت : أوووه أوووه ما نقدر عاااد .. ابويه ابتسم وقاال : اش حاالج بنتي ..؟؟ قلت وأنا أقعد : بخير ربي يعاافيك ابويه ... أم شهاب : بنتي عسى ماشر فيييج شي .. مستوي بج شي .. قلت مستغربه : أنا .... ؟؟؟ منو قاال !! أم شهااب : من الصبح رااقده .. ابتسمت وقلت : هيييييييه فديتج أنا ... لأأأ ماشي بس عاادي تعودي علي .. أوقااات سستمي ينجلب هههه أم شهااب : بس مب زين لصحتج بنتي .. شهااب : أماايه ماشي .. الحين البنااات كله باخينه رقااااااد .. ولا وحده فهالزمن عااقله .. ههههههه شيما : هي انتو اللي عاقلين يعني .. شهاب : بس أحسن عن البنااات .. شيما : مب بواااايد .. نحن أحسن .. قلت : ياااربييييييييييه أبويه أخبرك انت عندك بنت وولد اسمهم شيما وشهااب .. ابويه يضحك ويقول : ما أحيييد ... قلت وأنا أضحك : هههه تستاهلون .. دواكم عسب لا تتضاربون ... عمي بو خالد : نحن من يينا الشاااليه سيف وحرمته بس ع السفره نشوفهم .. قلت : هيييه مرررره ما يقعدون ويانا ههههه .. أم شهاااب : برااايهم .. وبعدين توهم يداااد .. قلت : هييييه هييييييه جيه نحن نحشر رواحنا وياهم .. شيما : أول مره يطلع من شهووود شي زين .. قلت : الله عاااااد انتي اللي يطلع منج كل الزين يعني .. شيما : طبعا ماماتي .. شهاب : توها ترمس علينا ما تشوووف روحها ... ضحكت وقلت : بس أنا غير عاااد هههههه عمي بو خالد : بلااااه هذا ...؟؟ شفت صوووب ما يأشر عمي .. طالعت خليفه وقلت : عمي وياااه البلاك بيري وين بيطااالع صوبنا .. الحين هههه باباتي : أبا أعرف يعني شو تستفيدون من مجااابل هذا .. شيما تهمس لي : ماشي .. بس فالمغااازل يفيد هههههه طالعتها وهمست : اسكتي لاااه .. بتفضحينا .. شهاب طالعنا وقال بهمس : سمعتج .. شيما : ما قلت شي غلط .. ههه ولا تباااني أخبر بابا .. شهااب : عادي خبريه .. .............. : السلام عليكم ... لفينا كلنا صوب مصدر الصوت .. ردينا : وعليكم السلام ... باباتيه : وأخيراااا بينتو ... جنه البيااات الشتوي فقسمكم .. عمي سيف : ههههه زين بيينا خلاااص .. أم شهااب : أحلااام حبيبتي تعالي ايلسي مع البنااات .. لزيت وفسحت لها مكان وقلت : تعااالي يمبي .. يت أحلاام مستحيه .. طبعا لأنها بعمري تقريبا .. وقعدت .. قلت : شخبااارج ...؟؟ أحلام : بخير ومن صووبج ..؟؟ قلت : تماااام .... عمي سيف ابتسم لنا ورد طاالع ماماتيه وقاال : وينه خااالد وولده .. أم شهااب : راااح يلااعبه صوب الألعااب .. عمي سيف : انتي ويااها شو تسووون ..؟؟ خلود ضحكت وقاالت : نقرا نكت ... شذى : عمي تعاال اقرا ويانا بتضحك .. عمي سيف قال : ها ها ها ها .. لا شكرا ما فيني ع الضحك ههههه قلت : عمي شو هااي هاهاها .. عمي سيف : اشو درااني أنا بعد سوالفكم مال المسن .. ضحكت وطالعت شييوم وقلت : شييوم سيري ييبي وليد ... شيما طالعت خلود وقالت : سيري ييبيه .. عند أخوووج .. شذى : خلااااص أميييه أنا بسير لا انتي ولا هي .. قلت : عفيه على أختي الشطوره باباتيه : أحلااام بنتي شخباارج ...؟؟ أحلام مستحيه : بخير الحمدلله .. عمي سيف : بو شهاااب الله يهديك شو بنتي بعد هههه هذي حرمة أخوووك .. حسيت انه أحلااام انحرجت ,, هذا عمي يحب يحرج .. قلت : انزين هي فعمرنا يااريااال .. باباتيه : صدقها .. وبعدين أنا أكبر عيااالي أكبر عن حرمتك .. عمي سيف : عاااد خلاااص أنا بعد بزقرك باباتيه هههه شو رااايك .. عمي بو خااالد ضحك وقاال : لا عاااد انت ما يصير القوووم كله يعرف انك أخونا .. قلت : عمي خلاااص بنزقرك سواف اش رااايك هههههه عمي سيف : هي عسب ابوووج يذبحج .. ضحكت ... شييوم قالت : عن اذنكم .. قلت : هي ترااا اذنج وياااج هههه شييوم : مليييييييييقه .. شهااب : بدت بنت الكويت .. شييوم سوت النا طاف .. قلت : صدق هذي كله ترمس جذي .. أحلام همست لي : تقرا روايات .. قلت : هي وااااااااايد بشكل فضييييييييع .. أحلام : عاااد عسب جذي متأثره برمستهم .. قلت : هههه صدقج .. مرت عمي متطوره .. أحلام بنفس الطريقه وبصوت واطي : أكيييد شو قالو لج .. قلت : كنت أتحرا ما عندج عند جدتي ... أحلام : ههه تراج انتي بعد متأثره بعد بالروايات قلت : تراانا خوااات ههههه أحلااام : رمست نوف اليوم .. قلت لها : شخبااارها ... ؟؟؟ أحلاام : بخير ... تشكي من مريوووم .. قلت : حليلها مريووم الكل طااايح عليها .. أحلام : صدقها والله عيشي ويا مريوووم يوم واااحد بتموتين صدقيني .. قلت : هههه يبالي أجرب .. أحلام : أونها تبا تيي .. قلت : ييبوها انزين حرااام .. أحلام : نوف هب راااضيه .. قلت : صح بغيت أتصل بنوف بس ما اتصلت ... أحلاام : جيييه ..؟؟ قلت : فوني انكسر .. أحلام مستغربه : انكسر ... كييييييف ...؟؟ قلت : ماشي كنت رااايحه صوب الحمام وانتي بكرااامه جاان يطيح من ايدي وينكسر تدرين عااد .. أحلام : وجييه تودينه الحمام انشالله .. اهني علقت شو هالخرطه .. : لا بس يوم يينا كنت حاطتنه فالجنطه دخلت عسب أعدل ميكبي .. طلعت الميكب من الجنطه والتلفون كان يمب الميكب وطااح من فوووق وانكسر .. أحلاام : ردئ ( ردي ) تلفونج بسرعه ينكسر .. طالعتها ما قلت شي مافيني أحبك السالفه زياده .. فقلت : هو مب انه انكسر .. تشمخ .. بس دخل فيه ماااي فهمت علي .. أحلااام : هييييييييييييييييييه قولي جذي عاااد مب من سااعه انكسر وانكسر .. قولي من أول فيه مااي .. قلت : شو درااني انتي اللي ما فهمتي علي .. أحلام : هي هي أنا اللي ما فهمت .. هااا .......؟؟ قلت : ههههه أدري اني غيرت السالفه وجلبتها عليج .. ههه أحلام : ما علينا .. تعاالي شو ما بتداومين الأسبوع اليااي .. قلت : امبلى بداااوم من قاال ما بدااوم .. أحلام : أتحرى بعد .. بس قلت أنا بعد بدااوم .. بنروح الجامعه ربااعه قلت : هي أحسن هههه ذكرتيني بأياام الجامعه الأمريكيه .. أحلاام : مره وحده رحتي بفكرج صوووب الأمريكيه .. قلت : هي تذكرتها ههه والله كانت أيااام ولا أحلى .. أحلااام : كم درستي فيها ..؟؟ قلت : مثل ما قلت لج .. هذي السنه الثاانيه بس ما كملت ترااني نقلت عندكم .. أحلاام : هو المهم تدرسين .. مب المهم وين قلت : صدقج .. بس بعد لو اني خريجة الأمريكيه كل الدوائر تباني أكثر ... أحلااام : هيه صح ... تعاالي وينه حبيب القلب .. قلت : اسكتي لا يسمعونج ... أحلاام : بعااد نحن عاادي .. قلت : برع يلااعب ولده .. أحلام : زين زين الأب المثاالي .. قلت : لا تنكتين ترااني براااويج .. أحلاام : هههه ندري ما ترضين .. .............. : انتو اش عندكم تتهامسون من ساااعه .. ضحكت وقلت : ماشي سوووالف الجامعه .. عمي سيف : هي ترا الأسبوع اليااي حرمتي بتداوم ويااج .. قلت : بس قسمها غير عن قسمي .. عمي سيف : ديري بااالج عليها عدل انزين .. قلت : المفروض هي اللي تدير بااالها عليه ههه لأني أنا اللي يديده .. × × ............. : يلا نروووووووووح نتمشى .. شيما : ماباا .. بسير برقد أنا .. خلود :برااايج انتي الخسرااانه ... شذى قعدت ع الحشيش .. وقالت : أنا بقعد اهني ... خلود قعدت : وأنا بعد .. يلا شييوم نقعد نسولف .. شيما تحج عيونها : مافيني والله ما أقدر .. بطيح عليكم الحين .. خلود : برااايج عااد .. ارقدي وبعدين بتفوتج الليله لأنه أخر يوم بنقعد اهني .. شيما : بروووح برقد والله مافيني .. شذى : أوكيك .. يلا سويت دريمز .. شيما تبتسم : لو بحلم بج عااد باااااد دريمز .. شذى : أونج عاااد هههههه شيما : يلا تصبحن ع خير .. خلود وشذى : وانتي من أهله .. شيما ابتعدت شوي شوي ... شذى : لا تنسين احلمي بي أوكي .. شيما لفت وضحكت .. ورااحت صوووب الممر اللي كله حشيش عسب تروووح الشاااليه ... وقفها صوت : شـــــــيــــــما ... شيما لفت متخرعه : بسم الله الرحمن الرحيم .... ضحك وقال : شو خفتي ...؟؟ شيما : انت دوم جذي تطلع فجأه ,, تخوف أعوذ بالله خليفه ضحك وقال : لا تمشين روووحج المكان مفتوح ونحن مب رواحنا .. في غرب اهني شيما : هي ييت أرقد تراااني ,, خليفه طالع سااعته وقال مستغرب : ترقدين ..؟؟ شيما : هي جيييه ...؟؟ خليفه : توها عشر .. شيما : لأأأ بس راااسي يعورني .. خليفه : اها .. بس بقول لج شي وسيري رقدي .. شيما : خير ...؟؟ خليفه : حبيت أخذ رااايج قبل لا يصير هالشي .. شيما مستغربه : خير شو بيصير ...؟؟ خليفه : شيما أنا بتقدم لج ... بتوافقين ..................؟؟ شيما علقت بمكانها .. هذا دوووم يحرج .. ما عرفت شو ترد .. نزلت راااسها مستحيه .. ما قاالت ولا شي ,,, خليفه : ها شو رااايج ..؟؟ سألتج أنا ... شيما ما عرفت شو تقول بس قاالت : تصدق انت دوم تحرج أوووف .. خليفه ضحك وقاال : حتى ولو مب موافقه باخذج غصبااا عنج .. شيما استحت هذا شو صااابه .. قالت : أنا بسير برقد وعندك أبووي قول له اللي تبي تقوله .. خليفه ضحك ع خبااال هالبنيه ... وقاال فخااطره .. الحمدلله انهم يرمسون عيااال عمهم .. ولا ما كان عرف بنت عمه بعد .. ميبي هم يكلمون بناات عمهم لأنه عددهم قليل ومب العوايل اللي عددها كثير .. اللي يقولون عيب البنيه تظهر يداام عياال عمها .. × × .............. : انتي اش رااايج ..؟؟ أحلااام تمشي مع شهد : بصراااحه يسكت بس عيبه عنده ولد وبعدين ولده صغير عااادي وبتكسبين أجر .. قلت : هي صدقج .. تدرين أوقااات أحس روحي صغيره ع خاالد وااايد .. أحلاام : بالعكس .. هكووو أنا وعمج الفرق بينا يمكن أكثر بس وااايد أحبه ويحبني .. قلت : هي صدقج المحبه مب ع العمر .. أحلام : بس انتي المفروض عقب ما تتمننين عليه وأنا خذيتك وانت عندك يااهل وكبير لأأأ بالعكس جذا بيبتعد عنج .. قلت : هي وبعدين خالد ماشالله كامل والكامل الله .. أحلااام : شهووود أحسج صغيرررررره ع الزواج هههه ضحكت وقلت : جييييه انتي كم عمرج ماشالله هههه أحلام : لااأأ بس أنا شكلي يوحي اني وحده متزوجه وجذي أما انتي لأأأ أعطيج أصغر هههه قلت : ولا يهمج من باااجر بكبر روحي .. أحلاام : لا شو تبين به الكبر خلج مراااهقه أحسن لج .. ضحكت وقلت : أي مرااهقه الله يخليج دخلت الواحد والعشرين ومرااهقه .. أحلام : هي شو فيها هههه قلت : أحلاااموووه ...........؟؟ أحلام : أولااا قولي عمتي أحلااام شو هاااي أحلاااموه .. وثانيا خيررر قلت : هي هي يوم نقول عمتي تقولين عيزتوني والحين تقولين صغرتيني ما عرفنا لج لا انتي ولا ريلج ... أحلااام : بعيد بعيد ريلي محد يرمس عنه هههه قلت : ما علينا المهم .. شو مافي شي فالدرب .. أحلام انحرجت .. : شو ها كل ما شفت أحد حامل ولاا لأأأ ... كرهوني بعيشتي هههه قلت : لا صدق يلا قولي .. أحلام : يمكن .. ثلاثين بالميه .. قلت : أها .. عيل انشالله تحملين هههه أحلام : حرااام عليج توني صغيره والله .. شو تبيني أحمل بعد .. قلت : وين صغيره ويا راااسج هااا .؟؟ .. عمرج واحد و عشرين مدري اثنين ... وين صغيررره .. أحلااام : لأأأ بس وراااي دراااسه وجامعه .. يعني تعب علي .. قلت : بخبر عمي عليييج عسب يزعل مره ثاانيه هههه أحلام : حرااام علييييج شو تخبرينه تبين تذبحيني .. ضحكت وقلت : صدق بنااات آخر زمن .. أحلام : يعني انتي بنت أي زمن .. قلت : يدتي هههههههه أحلام : شهووود والله عمج زعووول واايد ... قلت : عاادي وااايد رياييل جذي .. لا تتحرينه شسمه ما يحبج .. بس يغاار عليج .. أحلام : ماشالله عليج يبالي أخذ كورس فالحيااه الزوجيه عندج .. قلت : حياااج حيااااج بس ادفعي وبعطيج كورسااات ع كيف كيفج .. أحلاام : هههه معنج أصغر عني .. قلت : حسب الخبره فالحياااه هووو .. أحلام : بس انتي هب معرسه .. قلت : هي بس أعرف يعني مب لدرجة اني ما أعرف ولا شي .. أحلام : كييييف هاااااا .. ( بنص عين ) خبريني يلا .. قلت بدلع وغنج : من يوم حبيبي خلود خطبني هههههه أحلام : صدق بنااات آخر زمن ولا يحشمن بعد .. ضحكت وقلت : هههه أتمسخر ويا شكلج .. أحلام : ترااااج واايد تسبين بخبر عمج عليج.. قلت : عادي .. هههه بسبه هو بعد .. .................... : منو بيسبني هاااااااا ..........؟؟ لفينا متخرعااات وقلت وأنا أضحك : ههههه جكني .. أحلاام : وين بتروحين منه تستاهلين .. قلت : عمي عمي مرتك كاانت ترمس عليك .. أحلام : حشا والله تقتل القتيل وتمشي بجنازته .. قلت : مثااال رااائع يا زوجة عمي .. عمي سيف يضحك : جكيتج ترااني ... لا تغيرين الساالفه .. أحلام : هي ريلي يداافع عني .. الحمدلله تعودت وصااارت ما تستحي ههه قلت : احلااامو طاحت الميانه أشوووف .. عمي سيف يطالعني ويقول : شهووود لسااانج يباله قص .. ههههه ضحكت وقلت : لهالدرجه ههههه عمي سيف : أحلااام أنا ساااير أرقد .. أحلام : هي أنا بعد ميته رقاااد .. قلت : وأنا يعني تودروني روووحي .. عمي سيف ضحك وقاال : سيري يلسي ويا خاالد روحه حليله ,, قفطت طالعت أحلاام وقلت : طالعي ريلج ... شو يقووول .. أحلام : هههه شهووود صدق متفيجه تتضارب بأخر الليل .. قلت : ومن الملل ما قتل .. أحلام : وااايد قمتي تهذرين سيري ارقدي .. قلت : أنا راااقده طووول اليوم وين ييني رقاااد الله يخليج .. أحلااام : عاد خلي غيرج يرقد .. قلت : انزين انزين سيرو ارقدو هههه .. عمي حرمتك رمست عليييك .. عمي سيف : شهوود مالي باارض سوالفج الحين بسير برقد .. قلت بملل : انززين تصبحون ع خير .. عمي ومرته : وانتي من أهله .. طالعتهم رااايحين صوب قسمهم وأحلاام تسولف مع عمي مستاانسه .. يعني يوم من الأيااام أنا وخالد بنكون جذي أكيييد .. ياربي .. اش كثر أحبك خلووووووووووود .. بدا حبي يزداااد له خاصتا من بعد كلمة أحبج اللي قالها اليوم .. ياربي حرك كياااني .. بس ليييش قااالها معني بعدني مب حرمته .. مجرد خطيبته .. غريب هــالخالد والله .. خالد انسااان ينحب بسرعه اللي ما يعرفه يقول عنه غير جذي .. الحين أنا من قبل ما أكون خطيبته كان يعاملني معامله ما بقول سيئه بس انه مو هاااك الزوود .. أما الحين وااايد تغير .. تذكرت كلااام مرت عمي ... يوم تقول عمي زعووول .. يعني خالد يكووون زعول يا ترى .. لا لا ما أظن .. بـــس لو درى عن زااايد شو بيسوي فيني أكيييد بيذبحني .. بس منو بيخبره .. محد يدري غير شييوم وشييوم مستحيل تضرني .. وبعدين زايد عرف اني كشفته وما له ويه يرمسني أو يرمس خاالد بعد .. يااارب خالد ما يدري لأني بالفعل ودرت سوالفي خلاااص وبديت أحب خالد .. وجود خااالد صااار شي أساسي بحيااتي .. أحس من غيره ما أسوى شي .. مدري لييش .. بس يمكن لأنه خلاااص عرفت ان مصيري مرتبط بمصيره واني له ولا يمكن أكووون لغيره الحين .. أوقااات أحتااار أقووول شو السبب اللي خلااني أوافق ع خالد وأوقااات أقوول الحمدلله خالد خطبني .. لأنه سمعتي فدبي مو ذاااك الزود كاانت يعني مستحيل أحد يخطبني .. دام اني كلمتهم .. واليوم تأكدت زاايد على كثر ثقتي فيه الا اني كنت عميه .. حبه كاان عاميني لأنه مستحيل واااحد يوفي لوحده يكلمها وعقب يتزوجها ,, كثييييييييير البنااات اللي كانو ينصحوني بس أنا كنت أقووول لأأأ زااايد غير .. زايد يحبني .. بس شو اللي غير وأي حب وأي خرااابيط .. لبيتني خذيت بنصيحة اللي حولي .. ليتني .. بس الحمدلله الحين ربي عوضني بـ خالد اللي بالفعل يحبني .. بس أنا الغبيه مدري ليييش قلت له لا تلعب علي يوم قاال أحبج .. يمكن صدمه من الكلمه أو يمكن أبرد حرتي فيييه لما زااايد خانني وحسيت بالخذلان بس خاالد غير لا يمكن يلعب علي السبب الأول هو صدق شاريني والسبب الثاااني .. هو ولد عمي قبل لا يكون خطيبي .. .................... : شهد ... لفيت متخرعه وقلت : هـــلأأأ .. خالد : خفتي ..؟؟ قلت : لأأ بس خرعتني .. قلت منو هذا .. خالد مستغرب : جييييه قااعده روووحج برع .. قلت : ماشي كنت قااعده مع أحلااام وتوها روحت ترقد .. خالد : أوكي دشي داااخل .. لا تقعدين برع رووحج .. فديت اللي يخااف علي وقلت : انشالله .. تجدمت عسب أدش وقفني صوته وهو يقول : لحظه شوي .. لفيت وقلت : هلاأأ .. خالد : شهد أبااا ارمسج اذا ممكن .. ما عرفت شو أقوول حركت ايديني وقلت بارتبااك : ما ادري ... خالد مستغرب : شاللي ما تدرين .. بلعت ريجي أنا اش صاابني .. قلت : ماشي .. خير قول شو عندك .. خالد : تعالي نتمشى .. قلت : هاااا ... خالد : نتمشى .... قلت : أبوووي ما يخليني ... خالد هز راااسه وبغا يضحك قاال : ابوووج انزين وابوووج راااقد الحين .. طالعته وقلت : ما أسوي شي من ورا أبوووي .. خالد ضحك وقاال : تعااالي ما بنروووح بعيد ... وبعدين أنا ولد عمج تجدمت صووبه وقلت : خير .. خالد طالعني وقاال : ماشالله عليييج ههه زين طلعتي تسمعين رمسة أبوووج .. نزلت راااسي عرفت انه قااال لي ابوووج راااقد يبي يتأكد اذا أنا أسوي شي من وراه ولا لاأأأ .. بس أنا بعد ذكيه يااخالد مب لهالدرجه غبيه .. قلت : وين وليد ..؟؟ خالد : راااقد ... تعااالي ماشالله عليج الظهر اليوم غنيتي عدل .. نزلت راااسي وقلت مستحيه: جيييه سمعتنا .. خالد : عاااد كيف عرفت .. انج غنيتي .. هزيت راااسي وقلت : وليد طلب .. خالد : شهد صدق الحين انتي مب متضااايجه من وليد ولا شي .. قلت : لأأأ وبعدين يوم أنا واافقت و أنا أدري انه عندك ولد .. خالد : انتي اللي يسمع كلااامج يقول وحده عمرها ثلاثين .. حسيت خاالد شرااات أخوي وقلت : شو قالو لك عيوووز .. وبعدين جييييه ع بالك صغيررره .. خالد : لا بس تبين الصراااحه قبل يوم أبوي يقووول خذها .. أقوول عنج يااهل .. استحيت .. وقلت : خالد انت تغيرت ... خالد حرك رااسه وقاال : من نااحية .. قلت : ما ادري .. بس قبل الخطوبه كنت عصبي وااايد .. خالد نزل راااسه وبدا يطاالع الحشيش وقاال : مب مع الكل ... قلت : يعني بس كنت معااي أنا جذا.. خالد : لأأ مع البنااات عامتا .. استغربت وحسيت بالغيره لأني أحبه .. قلت : اهااا .. خالد ضحك وقاال : غرتي .. قلت : ما أدري .. خالد : ابا أعرف شو اللي تدرين عنه انتي .. ابتسمت .. وطالعت تحت .. خالد : شهد شو كنتي تقصدين اليوم الظهر بكلااامج .. يتني الصااعقه .. رفعت رااسي وقلت : ولاشي .. خالد : كيف ولاشي .. قلت : ماشي بس راااسي كان يعورني ويمكن من الاحراااج .. خالد طالعني وقاال : أهااا .. حلو البنت يكون فيها حيااا ما عرفت شو ارد نزلت رااسي وقلت : الحين انتو من قبل عاادي ترمسوون مع شيخه بعد .. خالد : هي ما فيها شي .. استغربت وقلت : اهااا .. خالد : لييش تسألين ...؟؟ قلت : بس قلت يمكن انت تقول بنت عمي مب مصدقه تبا ترمس ويااي .. خالد : لا تخاافين ما أفكر جذي .. ما عرفت شو أرد وقلت : بسير برقد .. خالد : لحظه .. رفعت راسي وقلت : نعم .. خالد : شكلج مستغربه من شي ... صح ..؟؟ ما رديت عليه .. رد قال لي .. : انتي تبين تقولين شي .. قلت : لأأ ما فيني شي بس بسير برقد .. خالد : أوكي برااايج .. قلت : تصبح ع خير .. خالد ابتسم لي : وانتي من أهله .. دخلت الشاااليه سندت ع البااب وغمضت عيوني .. مستااانسه لأني كلمت خاالد ياااربييييييييه أسلوبه رااقي لا معقد ولا فري .. نص ونص أحلى ... ................ : شهووود مب رااقده .. رفعت رااسي بسرعه طالعتها ابتسمت وقلت : لأأ ألحين برووح برقد .. شيما : هي يلا ارقدي بااجر الصبح بنرد دااارنا .. قلت : قصدج بيتنا هههه شيما : علييج نوور .. قلت : شيمووه تعالي انتي ما قلتي انج بترقدين .. شيما : لأأأ قااعده أفكر .. قلت : فـ شو تفكرين ..؟؟ شيما طالعت صوب الحجره وقالت : تعااالي بخبرج .. دخلنا الحجره .. وبندت البااب .. قعدت ع السرير وقلت باستغرااب : خيييير شو صاااير .. شيما : الحقي شهووود .. قلت : خير شو صاااير خرعتيني رمسي بسرعه .. شيما : الحقي علي خليفه صدق جنه يبا يخطبني .. قلت : وشو فيها يعني ...؟؟ شيما : لاأأ بس بييخطبني .. يعني السالفه بتستوي رســـــــمي .. قلت : مبروووك انزين .. أحسن .. شيما : أستحي شهووود .. قلت : شييوم بلا خباال وترا عااادي هكوو أنا مع خاالد .. شيما : الله يستر خليفه واايد يحرج .. قلت : من هالنااحيه الله يعينج .. تعاالي كيف دريتي انه بيخطبج صدق .. شيما : اليوم رمسني .. قلت مستغربه : رمسج ..؟؟ شيما : هي اليوم .. قلت : صدق غريبه هالعاايله .. شيما : ليييش شو صاااير ..؟؟ قلت : ماشي بس جذي .. انتي قولي لي خليفه شو قال لج .. شيما : قال بتوافقين ولاا لأأأ .. قلت : أوكي .. وانتي شو قلتي له .. شيما : قلت له سير عند أبووي .. قلت : عفيه عليج يالشطوووره ههههه شيما : والله أحرجني وااايد .. قلت : أصلاا عايلتنا جذي هههه شيما : جيييه خالد يحرج .. قلت : واااااااااايد .. شيما : لييش رمستيه .. قلت : هي وااايد .. دوم يرمسني .. شيما : زين زين .. أحسكم لايقين ع بعض هههه قلت : هي وااايد تصدقين أنا بعد أحس جذي .. شيما : شهود ما أصدق انج بتعرسين .. قلت : ليييش منو قااال اني بعرس .. شيما : محد .. بس توقعي بأي لحظه خالد بيقول أبا أتزوج .. قلت : هي صج كيييف راااحت عن باالي شيما : هههههه عاد برقص في عرسج عدل .. قلت : أنا بعد برقص ههه شيما : أوووويه صدق ما تستحين شو ترقصين بعد انتي الثااانيه عيب ما عندنا بنااات يرقصن .. فأعراااسهن .. قلت : أنا بكسر العاادات والتقااليد وبرقص ههه شيما : عاااد تعالي اليوم الثاااني بنت فلااان رقصت فعرسها وبنت فلااان رقصت فعرسها .. قلت : هي ههههه هالحريم أبد ما يتوبن من سوالفهن .. بيغسلن شراااعي .. شيما : صدق شهووود شو بيكووون شعووورج .. يعني لااابسه فستاان أبيض وتنزفين والناااس كلها حولج تطالعج .. تخيلي .. قلت وأنا أتخيل : شي يخوف الصراااحه ... شيما : لا صدق تخيلي .. بدون خووف .. قلت : أكييد بكون أميره بهاليوم وغير جذي يمكن أسعد انسانه لأني باااخذ خالد اللي مليون وحده تمنته .. شيما تتأملني وقالت : تبين الصراحهـ أحس خالد بيعيش سعيد ويااااج ... قلت : ههههه لا اتحريت سعود تصدقين .. شيما : لا بس تبين الصدق .. أكيييد بتعيشون بسعاده انشالله .. قلت بحزن : هذا اذا ما عرف عن زااايد .. شيما : يعني انتي ما فكرتي تفاتحينه بالموضوع قبل الزواااج .. طالعتها مستغربه وقلت : لأأ .. أصلااا مستحيل أفاتحه بالموضوع أول شي بطيح من عينه وثااني شي أكيييد هالشي بيسبب لي مشاااكل شيما : هي صدقج دوووم يقولون الا هالشي لا تقولينه للريال لأنج بتطيحين من عينه .. قلت : هي أكيييد تخيلي روووحج يوم عرسج تقولين له كنت أحب غيرك يعني شو بيكون موقفه تجاهج .. شيما : أكيييد بيستحقرج ... وبعدين هو من الأساااس المفروووض تبدين وياااه من أول ويديد جنج ما تعرفين بهالسوالف شي وجذي .. قلت وأنا أطااالع صوب الباااب : شييوم تصدقين يبتي لي فكره ....... خطييييييره مررررررررررررره .. |
الحلقه الواحده و العشرون .. ما انشلغت بغير جرحي وزحمة همـوم الدفاتـر وحس ضايع بين صمتي ينتظر تفريج ضيقه ما انشغلـت بغيـر دمـع محتبـس بيـن المحاجــر والقصيده شخـص فينـي تايـه ضيع طريقه قـصـتـي رحـلـه طويلـه ما تـلمـلمهـا المشـاعــر شيما متخرعه : أويــــــــــــه ليكون بتروحين تخبرين خالد عن السالفه .. قلت : هي تصدقين ... شيما متخرعه : لا شهوووووووود .. ايااااني واياااج تسوينها قلت لها ببرود : ولييييييش ما أسويها انشالله .. شيما : شو انتي تخبلتي توج تقولين انج بتطيحين من عينه .. قلت : بالعكس .. بكبر بعينه مليووون مررره .. شيما : شهووود خذيها نصيحه من أختج الصغيره ولا تسوينها دخيييييلج .. قلت : بس تبين الصراحه ودي أقول له .. شيما : أنصحج ترااااج بتدخلين روووحج بداومه مستحيل تطلعين منها .. رفعت جتوفي و قلت : عااادي .. شيما : انتي قد الكلام اللي بتقولينه .. قلت : هي أكيييد ولا شو قالو لج .. شيما : أحس انه عقلج صاااابه شي تصدقين .. ضحكت وقلت : مثل شو يعني ..؟؟ شيما : جنون البقر يمكن ............................... ضحكت من خاااااااااااااااااااطر وقلت : هههههههه حراااااااااااااام عليييييييييج مو لهالدرجه عاااد .. جنون البقر .. شيما : لا صدقي .. الحين بالعقل في وحده بتسوي اللي تسوينه .. قلت : هي ........ شيما : منو انشالله .. خبريني منو هالغبيه بلا عليج .. قلت : أنا طبعا .. شيما : شهووود أتمنى انج تتراجعين عن هالقرار .. ياريــــــــــت .. قلت وأنا أضحك : لهالدرجه مخوفنج قراااري .. شيما : وااااااااايـــــــــــــــــد قلت : الحين أنا اللي صاااحبة الموضوع ما خفت كثر ما انتي خااايفه شيما : لااازم أخااف لأنج أختي وتهمني مصلحتج .. قلت : شيوووم ترااني أتمسخر ويااااااااج .. شيوم جنه ردت لها الروووح : وااااااااااااه الحمدلله .. ع باالي بعد .. قلت : شو قالو لج عنيه غبيه لهالدرجه أروح أفضح روووحي شيما : تحريت يعني ... قلت : لأأأ بس حبيت ألعب بأعصااابج هههه وأشوووف شو يستوي بج .. شيما : شو شويستوي بي بعد ...... جتلتيني ..ههههه قلت : زين زين .. تعاالي ماما جيييه خفتي .. شيما : بتطلقين ولا بتعنسين من ورا تفكيرج هااا .. ضحكت وقلت : فاال الله ولا فااالج .. شيما : انزين شو هي الفكررره اللي يت ع باالج .. قلت : ماشي بس حبيت ألعب عليج .. شيما : وياااج دفتر القصيد مالج .. قلت : نووووووو .. فالبيت .. شيما : أها قلت أقرا منه .. قلت : كنت بييبه بس ماشي فااايده وبعدين لو أبا أكتب بكتب في حيالله ورقه وبنقله عقب اهناكي .. شيما : بصراااحه أحييج ع هالموهبه .. قلت : شكرااا .. يلا عقبااال ما أستوي كااتبه .. شيما : كاتبة شو بالضبط ..؟؟ قلت : تبين الصراااحه شييوم .. ودي أألف كتاب .. يهز الكون مو بس باسمه الا بمحتواااه بعد .. شيما : انتي اكتبي روووايهـ وااايد عليج ضحكت وقلت : صدقج .. تعاالي ماما جيييه أكتب روايهـ وأنا حياتي كلها ع بعضها روايهـ .. شيما : هههه صدقتي .. تدرين أنا بعد أحس جذي .. قلت : عن الخريـــط أنا انسانه .. هب حروووف كيبووورد .. شيما : تشبيه رااائع .. حروووف كيبورد هههه قلت : تدرين شييوم أحب خاالد وااايد .. شيما : شو دخله بسالفتنا .. بس المهم زين .. بديتي رووحج .. قلت : صدق والله أحس روحي بديت أحبه وما أقدر أعيش من دووونه .. شيما : وأنا بعد أحس روووحي أحب خلوووف ههه قلت : قلاااده تراااج .. شيما طلعت لسااانها : بس خلوف حبني قبل لا خالد يحبج .. قلت : وخالد خطبني قبل لا خلوف يخطبج هههه شيما : بس خالد طيب تدرين .. وماله شغل بالناااس .. قلت : بس له شغل بحياااتي أنا هههه شيما : هي انتي أكيييد له شغل بحياااتج .. قلت وأنا أتثااوب : تدريــــــــن فيني رقاااد بمووت خلاااص .. شيما : طول الصبح رااقده .. والحين ياايه تقولين فيني رقااد بعد .. بل .. قلت : تف تف عن الحسد .. قولي ماشالله .. شييوم تضحك وتطالعني : أقوووول رقدي أحسن لج .. لأني صدق بتفل عليييييج قلت : اتخسين وأنا شهد بنت أحمد الـ ................... شيما : لا .. أروووم وأنا شيموووه حرم الشيخ خليفه بن حميد ...الـــ .................. قلت : يعني رحتي مع حزب قوووم عمي هااا .........؟؟ شيما : هي هههههه قلت : سيري لااااه برقد أحسن لي من سوااالفج اللي ما منها فااايده يالعصعوصه .. شيما : أووووووف من أخت .. صج بليه .. قلت : أقووول سكتي لافلعج .. شيما : زين زين .. ( حطت البطانيه علي .. ) رقدي خلاااص ولا تبيني أقول لج قصه بعد .. قلت : تصبحين على خير .. شيما : وانتي من أهله .. × × بعد مرووور أسبوع .... أكيييد كثييير اللي يقولون اش هي التغيرااات اللي صارت بحياااتي .. يمكن تغيرااات تشيب شعر الراااس ويمكن الــعكس .... راااح أصنف توقعااات الناااس الحين .. صنف حاط بباله ... أكيييييييد خالد درى عن سالفتها وبيذبحها .. والبعض قاال ... أكييييد بتملج أو بتتزوج .. والبعض قااال ... روحها كلمت خاالد عن الموضووووع .. أفكااار كثيره تدور ببالنا .. صار واستوى .. وبيصير .. بس ما ندري شاللي صااار بالضبط .. ولوين .. وصلنا ... أحس روحي بعدني ببداية المشواااار يدامي متاااعب كثير وصخور .. راااح تتعب سفينتي فالعبور .. وهم تتعبني أنا .. حطيت القلم ع الطاااوله للحظه .. اكتفيت بالكلمااات اللي كتبتها الحين .. حسيتها بداية جدااا رااائعه .. عندي أسلوب نوعا ما ... بس للأسف ما استغليت موهبتي هذي .. رفعت راااسي أطااالع السقف ابتسمت .. هذا الحاااجر بيني وبين السما .. بس مستحيل يكون حاجر بيني وبين ربي .. أوووه صح ما قريت قرآآن اليوم انشغلت بكتابة هالكلمات .. يلا بس أشخط ع الدفتر شوي .. وبروووح بقرا ... رديت مسكت القلم على أمل اني أخط على دفتري كلمااات تتم طووول عمرها بهالدفتر ... الفتره الأخيررره بديت أنشغل بزحمة هموم الدفاااتر .. بس بصراااحهـ أحسه أسلوووب جدااا جميل ويمكن ينسيني .. لكن هذا كله مجرد كلااام بقلم رصاااص وينمحي .. وحتى لو انه حبر يحترق ... بس يتم بقلبي طووول عمره .. لكن وين صوتي وين حسي ... لييييييش ما أشكي .. هه بس أشكي لمنو ومنو بيسمعني .. أصلا لو ما ذبحوني زين ... خلني ع حااالتي وااايد أحسن .. خليني .. حااابسه الدمع وااايد أبرك لي .. آآآآهـــ لا قصيد تم بي ولا شي ... حتى قصيدي .. احسه يبكي وصاار لشخص شبه مجهول .. حياااتي .. أشبه بروااايهـ .. أشبه بقصه .. لكن قصتي هذي بالذااات مستحيل تلملمها المشــــــاعر .. مستحييييييييييل .. بعد ما خطيت كم كلمه على دفتري .. مقدر أقووول انها تشااابه مستوى اديب كبير .. بس اني اكتفيت بأني أعبر عن شعوووري بكلمااات بسيطه .. ولو انها من كم سطر .. بس المهم فرجت ضيقي .. آآآهــــــ .. مدري متى برتاااح .. كل يوم يقتحم حياااتي شي .. حطيت الدفتر داااخل الكبت .. رحت صوووب السرير قعدت وضميت ريولي ... بديت أفكر ليييش ما أعترف لخالد .. وبعدين يعرف الحين أحسن من عقب .. وخالد بيكون شريك حياااتي المفروووض يعرف كل شي عني .. المفروووض أنا اللي أقول له عن كل شي .. .................... : شهوووووووود .. فزعت وقلت : بسم الله الرحمن الرحيم .. شيما : وينج ........؟؟ من ساااعه أدق البااب ما تفجين .. قلت : ما سمعت وبعدين هب مقفول دشي عاادي .. شيما : هي عسب تذبحيني هااا ... قلت وأنا أضحك : لا خلااااص الحين انتي كبيره ومخطوبه ما يصير أذبحج .. خليفه بيذبحني .. شيما ضحكت وتجدمت صوب السرير وقعدت .. : هي كبيييره اخرطي علي هههه قلت : ها شو الدراااسه ..؟؟ شيما : أوووكي .. بس مو شي .. قلت : ليييييش .. ...؟؟ شيما : دوووم أفكر بخليفه هههه صااار حياااتي .. وبديت أهمل دراستي أحس .. قلت : لاأأأأأأأأ .. الا دراااستج وبعدين انتو ما ترمسون بعض اش له تفكرين به بعد .. شيما : ههههه أنا أدري .. بس والله مقدر أعييش من دونه .. قلت وأنا أطاالع السقف وأحد ايد ع ايد : ما أدري منو اللي كانت تقووول مابي أنخطب .. دراااستي أهم بواااااااايد .. شيما ضحكت وضربتني ع جتفي بالخفيف : حراااااااام علييييييج دبوووووووه .. قلت : عااد منو اللي يقول جذي ياماما .. شيما : بس عاااد خلاااص انخطبت الحين .. ضحكت وقلت : شوو كاان شعووورج صدق .. شيما : كنت مستحيه يوم بابا سألني .. بس مدري كيف طلعت مني كلمة الراااي رااايك .. قلت بنص عين : هي علي هاااااااااا .........؟؟ شيما : والله .. خلوف ما رمسني من يوووم الشاااليه .. قلت : اخرطي انتي اخرطي .. وبعدين صرنا ندلعه بعد هااااااااا .. ما اقول غير الله يرحم حريم أول .. شيما : جييييييه انتي شووو .. قلت وأنا أضحك : ما عليج مني .. تعااالي .. اليوم متى رديتو .. شيما : اليوم ردينا مبجر الساااعه وحده .. قلت : أهااا .. أنا اليوم ما دااومت .. شيما : جيييييه ...؟؟ قلت : خميس .. ولا شووو ناااسيه .. اني اليوم ما أدااوم .. شيما : هيييييييه .. شو الجاامعه ....؟؟ وياااج قلت : أوكي .. وبعدين مرت عمي وياااي فالجاامعه .. شيما : هي .. تعاالي أحلاام جنها حامل .. طالعتها وقلت : شو دراااج ..؟؟ شيما : مدري والله بس قااامت وااايد تحب الليمون .. قلت : اهااا .. يمكن من قبل جذي .. شيما : لااا ويـــــــــن ذااك اليوم كلت جم ليمونه .. ضحكت وقلت : صلي ع النبي .. عن تحسدين المره هههههه شيما ضحكت وقاالت : قلت لها جنج حااامل .. قالت لي فااال الله ولا فاالج هههه ضحكت وقلت : ادعي لها .. ما عليج منها تتمسخر هههه شيما : يبالنا نزرع ليمون فالبيت ..هههه قلت : أكيييد شي .. ههه ما يباله .. تعااالي وين البنااات ...؟؟ شيما : شذى جنها رقدت ... قلت : جييه السااعه جم ..؟؟ شيما طالعت الموبااايل : احدعشر .. الحين .. قلت : اهااا .. بس غريبه راااقده مبجر شذاوي .. شيما : مداارس عااد نشه الصبح .. وحاااله .. قلت : هي صدقج .. خلود شخباارها ..؟؟ شيما : بخيرر .. اليوم ما يت عندنا .. من نزلنا من البااص وهي فبيتهم .. قلت : عسا ما شر ..؟؟ شيما : لا ماشي .. بس جنه عندهم تقااارير وااايد .. فتجهزهم .. للأسبوع الياااي .. قلت : هييييييه .. شواخ يت اليوم .. شيما : أسأألج سؤال الحين ... قلت : اسألي ... شيما : انتي مب عااايشه بهالبيت .. ضحكت وقلت : امبلى .. شيما : عاد جيييه تسألين هااا .. قلت : بس أنا ما أطلع من حجرتي شو درااني .. شيما : ههههه هي تقولين البيااات الشتوي .. قلت : ما علينا .. المهم باااجر اليمعه .. شيما : هي ترااا بابا قااال باااجر الغدا بنروووح بيت قوووم عمي .. طالعتها وقلت : لااازم يعني ... شيما : شو درااني بابا قاال .. قلت : هي انتي ميته تروحين تشوفين خليفه .. شيما : انا ولا انتي ماماتي .. خليفه يوميا أشوفه الصبح أنا .. قلت : حتى ولو جرعة الشوووق زياده هههه .. تعاالي الصبح تشوفينه كيييييييف ..؟؟ شيما : يوميا قبل لا ايي الباااص هالحزه هو يطلع .. فــ ايي يسلم علينا ويروح .. قلت : تطور ماشالله .. يهاالو أخر زمن .. شيما : محد غيرج وبعدين خلوف ثلااث وعشرين بيدش اربع وعشرين .. قلت بسخريه : هي وااايد كبير ماشالله .. شيما : تتمسخرين حضرتج ... قلت : الله يالحبيبه .. صرتي محاميه أشوووف .. شيما : سكتي عاااد .. قلت : تراااني أروووم أفرج انتي ويا هالخليفه مااالج .. فااااهمه هههه شيما : أوووف شهوود لا تستوين مليقه .. قلت : انزين انزين .. باجر كلهم بيكونون موجودين .. شيما : حسب علمي هي .. قلت : اها شي طيب .. شيما : ياربييييييه أنا مستاااااااااانسه اش كثر .. قلت : خلج رزينه .. وما عليييج من سوااالف اليهال .. شيما : جيييييه قالو لج عنيه يااهل .. قلت : لا حاااشاااج .. تعاالي شو بتلبسين بااجر .. شيما : أكيييد مخوره لأنه بنظهر يدامهم .. ما يستوي بنطلون .. قلت : الله يرحم أياام زمااان .. شيما : حمدي ربج انه الله هداااج .. قلت : يلا الحمدلله ع كل حااال .. تعاالي شسمه خلود ما قاامت ترمسني ..وااايد شيما : تستحي شكلها تدرين .. قلت : هي وااايد تغيرت شكلها بدت تعقل هههه شيما : هي .. أما شذاوووي نو ويــه ههههه قلت : ع قولتج .. بس بيي يوم حتى مريوووم بتعقل .. شيما : هي ع طااري مريوووم هذي تستوي خطيبة عمر ربيع خليفه .. قلت : الله يعينه حليله .. شيما ضحكت : أحس انه يتشكى لخليفه عنها تصدقين .. قلت بنص عين : اش درااااج هاااااا ..؟؟ ليكووون ترمسين خليفه .. شيما : لا لا منو قاال .. قلت : عاد منو خبرج عنه .. شيما ضحكت وقاالت : اممم تبين الصدق عااد .. هي ارمسه أوقااااات ههه قلت : صدق فاااسقه هههه شيما : بس مب واايد .. أوقاات هو روحه يرمسني .. قلت : بس ديري باالج ع رووحج .. ولا ترمسينه وااايد .. شيما : هي أكيييد .. وبعدين جنه بابا يدري انه خلوف يرمسني .. قلت : غريبه .. ما يقوول شي .. شيما : يمكن خليفه رمسه .. قلت : يمكن .. ما أدري والله .. شيما : تعاالي الأسبوع اليااي عندنا رحله .. قلت : مبروووك .. وين بيودونكم .. شيما : أول شي قلنا عين مول ولا بوادي مول .. بس المس قاالت حديقة الحيوانات .. ضحكت وقلت : هااا مستوااكم ههههه شيما : حرااام عليج ويا هالراااس .. قلت : لا بس أحسن .. لأنه مع المداارس واايد تصير مشاااكل فالمولات .. شيما : طبعا لأنج كنتي رااعية هالمشااكل .. ضحكت وقلت : أذكر أيااام الثاانويه يوم نتطمش ع الشبااب أنا وربيعااتي .. شيما : هي ما كنتي تعرفين زاايد وقتها صح .. طالعتها بنظره .. وما رمست .. شيما : اوووه آسفه والله ابتسمت وقلت : ما صاار شي .. والحين يلا برقد .. شيما : حراام خلينا نسووولف ونااسه من زمان ما سولفنا ويا بعض .. قلت : صدق انج متفيجه .. ما فيني ماما .. شيما : حرااام شهووود .. شوي بس .. قلت : عن شو تبين تسولفين ..؟ شيما : اي شي .. أي شي .. قلت : اطلعي برع عيل .. برقد .. فيني رقاااااد .. واصله واصله حدي خلااص .. شيما : اوهووووووووو علينا .. زين زين خلااااص رقدي .. قلت : تصبحين ع خير .. شيما : وانتي من أهله .. شيما رااحت صوووب البااب قبل لا تظهر قلت : تريي .. شيما لفت : خير ..؟؟ قلت : ايااني واياااج ترمسين خليفه اليوم .. شيما ابتسمت وقاالت : انشالله ههه يلا أنا بعد بسير برقد .. قلت : نوم العوافـــــــي .. × × يوم الجمعه .. عقب الغداا .. نحن البنااات متيمعااات فــ صاالة الحريم .. خلود تقلد مس الانجلش : والله أقول لج .. تمشي جذي .. ضحكت وقلت : حراام عليج .. ههههههههههههههههه شيما نااقعه ضحك وتقول : صدق والله شفتها ذاااك اليوم .. شذى ماااسكه القلم .. وتقول : لا وغير ترمس جذي .. ( تقلدها ) .. يا بت انتي يا بت .. تعملي ايـــه .. اومي اوئفي يلا اواااااااام .. ضحكت وقلت : حراااااام عليكن .. تكسبونا ذنوووب .. واليوم جمعه .. خلود قعدت : ههههه والله تعبت ههههه قلـت : تستاهلين ولا منو يقول لج قلدي المس ههه خلود : شو درااني هههه جذا موهبه .. شذى : شهووود غريبه اليوم متمكيجه .. شيما تطالعني وتقول : هي وبعد اوفر .. شكلها تبا تعرس بسرعه هههه فريت عليها الفروحه وقلت : لا يكثر بس يالحبيبه .. خلود : الحين لحظه ما أصدق انكن انتن الثنتين .. حريم خواني هههه شذى : صلي ع النبي ههه قلت : بعدنا مجرد خطيبات .. وليش حريم هههه خلود ضحكت : مستقبلا انشالله .. شيما : انشالله هههه خلود : ما تستحين .. شيما رفعت جتوفها : لأأأ لييش .. خلود : غريبه هههه .. شهود أحسن عنج تصدقين .. قلت : أكييييييد ولا شووو تبين تقارنيني بشييوم هااا .. شيما : لا والله وأنا شو بلااني .. ضحكت وقلت : ماشي بس هبله شوي .. شذى : بس بس لا تشن الحرب العالميه العااشره الحين .. ضحكت وقلت : العاااشره مره وحده هههه شذى : هي تراا هذي أقوووى وحده هههه خلود يت قعدت يمبي وقاالت : شيموووه أما أحب شهوود أكثر عنج .. شيما : برااايج .. المهم أخوووج يحبني ههه ضحكت وقلت : ياللي ما تستحين .. خلود : عادي عادي بخبر أخويه هههه شيما : بذبحج ترااني .. خلود : عااادي هههه المهم ابرد حرتي وأخبره .. قلت : تعاالو وين شيخه ..؟؟ خلود : قااعده فالصااله العوده ويا قوووم بابا .. قلت : هيييييه .. شذى تضحك : شواااخ صاارت عيوووز أحس .. قلت وأنا أَضحك : هي من بعد ما ياابت حاامد قاامت كله تقعد ويا الشوااب هههه شيما : ما أسمح لكن ترمسن عن أختيه العوده .. ضحكت وقلت : عقبااال ما نشوووف شييوم جذا هههه شذى : شهوود نسيتي شخص مهم .. استغربت وقلت : أنا ...؟؟ شذى : هي .. راح فكري بعيد وقلت : قصدج خاالد ..؟؟ شذى : لا لا .. واحد ثااني .. استغربت وقلت : منو ...؟؟ شذى : تذكري .. بعد .. قلت : منوو عاد .. شذى : تذكري تذكري بعد .. وفكري عدل .. قلت وأنا مستغربه : مدري منوووه .. شذى : اممم بيبيج ... قلت وأنا أضحك : هي قصدج وليييييييد فديته .. شذى : هي غريبه ما سألتي عنه .. طالعت خلود وقلت : لأأأ سألت عنه أول شي .. شيوم ضحكت وقالت : هي هذي مستحيل تنسى وليدوووه .. قلت : وينه من عقب الغدا لا حس ولا خبر .. خلود : رقد جنه .. قلت : هي فديته جنه مسخن .. خلود : لا هو رووحه جذي مستوي كسووول يرقد الظهر هالأيااام قلت : حراام ملان .. يعني شو يسوي .. خلود : هي من هالنااحيه صح .. ............. : ماشالله متيمعااات هاااا ..؟؟ صدينا صوب مصدر الصوت .. ضحكت وقلت : هي ... هههه ابتسمت شواخ وقالت : بس ع خير انشالله هب ع شر .. قلت : هي ع خير ههه ندور عروووس لـ سعود ولدج .. شيخه ضحكت وقاالت : زين زين .. قلت : حيااج قعدي جييه واقفه .. شيخه يت قعدت .. قلت : عطيني ايااه فديته .. شيخه مدت لي حامد : هاااج .. قلت : فديته ماشالله عليه كبرااان تصدقين .. شيخه : زين .. أحيه ضعيف واايد .. قلت : لا وين توه صغير .. شو تبينه يمتن بعد .. شيخه : صدقج .. تعالي وينها أحلااام اليوم ما باانت .. قلت : تعباانه رااقده .. قالت ما أقدر ايي .. شيخه : خير .. شو بها ... قلت : أعتقد حاامل .. بس مب أكييد .. شيخه : خل تسير تفحص .. قلت : هي جنه اليوم العصر عمي بيوديها .. شيخه : الله يعينها ع الحمل .. قلت : لييش يتعب ..؟؟ شيخه تنافخ : وااايد .. الحمدلله ربيت ... قلت : ههه زين خبرتينا عسب لا نحمل ههه شيخه : لا بس بعد ما تيبين اليااهل التعب كله يروووح يوم تسمعين صياااحه .. قلت : زين ناااخذ خبره هههه شيخه : وانتي شييوم مبروووك ع الخطوبه .. شيما استحت ونزلت رااسها : الله يبااارك فحيااتج .. شيخه : كبرتي والله .. أحيدج يوم يااهل تلعبين ويا خلوف ههه .. قلت : أحرجتي البنيه عاد هههه شيخه : عادي خلاااص .. والله عقب ما تتزوج البناات ما تقوم تستحي واايد .. قلت : زين عسب نصير اجتماعين شوي هههه شيخه : أنا أول .. يوم كنت بنيه مره لاااصقه فماما .. كله اهي اهي .. وااايد كنت استحي هههه ضحكت وقلت : هههه ضحكتيني والله .. شيخه : انتي واايد أوكي والله .. أنا مووول ما كنت أرمس .. قلت : زين زوجوج عاااد هههه شيخه : عقبااالج يلا ههههه قلت : تو النااس بدري عليه .. هههه شيخه : وين بدري الله يخليج .. عمرج واحد وعشرين خلاااص .. قلت : هههه البنيه دوووم جذي .. كله بدري وبدري عليه .. شيخه : صدقج .. أقووول خلود حبيبتي ازقري أسيل .. خلود : انشالله .. قلت : صح شخبااار نوف ومريوووم .. شيخه : بخير الحمدلله ... سلمو عليج .. قلت : الله يسلمهن من كل شر .. جيه ما يبتيهن وياااج .. شيخه : اليوم يوم اليمعه ومنصووور عاد فالبيت .. قلت : هيييه .. تعاالي أنا توني أدري انه جاابر عنده أخو اسمه منصوور .. شيخه : هي .. نادر ما يعرفونه اهني لأنه كاان كله يساافر .. وعاش فتره برع .. قلت : هيييييه .. زين زين مثقف .. شيخه : من نااحية مثقف مثقف الصراحه ههه قلت : هههه بس أكبر عن جابر صح .. شيخه : مب وااايد .. سنه بس .. قلت : اها زين .. شيخه : الكل يتحرا انه جابر أكبر .. حتى خواته يقولون جابر الكبير هههه قلت : هي لأنه متزوج هههه عسب جذا .. شيخه : هي يمكن .. شذى : أنا سااايره عند قووووم ماما .. شيخه : يلا قمنا كلنا نسير .. قلت : لا لا مابي .. شيخه : ههه تستحين .. قلت : مب لهالدرحه عاد بس شوي أكيييد .. شيما : هههه أنا بعد مابي .. شيخه : يلا ... عااد بلاااه منكر البنااات هذا .. ضحكت وقلت : لا صدق أستحي .. خالد قاااعد .. شيخه : فقييير يااالس يرمس عن الشغل .. شيما : عاد خليفه لا تقولين يرمس عن الشغل ولا الدراااسه هذا ينسى ابو الدراااسه يوم يشوفني .. شيخه تضحك : يالواثقه عااااااد هههه ضحكت وقلت : حتى خالد مب بس انتي .. شيما : لأأأ خالد جاااد .. قلت : بس يحبني .. هههه شيخه : استحن ع ويوهكن .. صدق بناات آخر زمن هههه قلت : هههه لا بس ضحكتني شيوم .. شيخه : ههه يلا نسير ترا والله ما يستوي شي .. شييوم طالعتني وقاالت : نسير .. طالعت شيخه .. شيخه قالت : يلا محد غريب .. قلت : أوكي يلا نسير .. شييوم : الله يستر .. قلت لها : تحققت أمنيتج هههه شيما : هي بس أستحي عااد مب لهالدرجه .. ضحكت وقلت : يلا طوفي قبل لا شيخه تسبقنا ونبتلش .. شيما : يلا .. ابتسمت لشييوم .. وطلعنا من الصااله الصغيره عسب نرووح الصاله العودهـ اللي الكل ياالس فيها .. قلنا أنا وشييوم مع بعض .. : السلام عليكم .. الكل رد : وعليكم السلام ... طالعت شيخه ابتسمت لها وقعدت يمبها وشييوم يمبي .. شييوم همست لي : طاالعيه كيف يطاالع ... قلت : سكتي فضحتينا .. شييوم ابتسمت لي وقالت : تدرين نسيت موبايلي فالصاله الثاانيه ,, قلت : لا تسيرين تييبينه الحين .. عقب شوي أنا وانتي بنسير .. شيما : هي أحسن .. عمي بو خالد .. : شهد شيما .. اش حالكن بنااتي ,, ابتسمت وقلت : بخير عمي ربي يعافيك .. عمي بو خالد ابتسم وقاال لشيما : اش حااالج شييوم ..؟؟ شيما ابتسمت : بخير عمي .. شهاب يطاالع شذى وقال : وين توأمج هاااي .. شذى طالعتني وقاالت : رااحت تزقر اسيل من سااعه وما يت .. خليفه : اكييد روحت عند وليد .. شهاب : اقوول بعد الثنااائي موول ما يفترق ههههه شذى : صل ع النبي .. باجر أنا وخلود بنتضاارب ههه شهاب : عاد عيني هب حااره هههه عمي ابتسم وقاال : بدووو توم وجيري .. ابتسمت وطلعت مني كلمة : تستاهلون هههه شهاب طالعني محتر وقاال : ادوااج عندي .. عمي بو خالد : ما عليج منه بنيتيه ... هههه أنا براااويه اذا جرب صوبج .. شهاب : خلوووف طااالع قاامو يدافعون عن البناات ونحن ناسينا .. خليفه : هههه صدقك .. البنات صارن الكل بالكل .. شيخه : طبعا .. خليفه : والله عايلتنا البنااات أكثر عن الشباااب .. شذى : أحسن عسب لا يتحكمون بنا هههه شيخه : وينهت خلود من ساااعه قلت لها سيري ازقري الخدامه وما يت .. قلت : ما عليج الحين بترد .. شيخه : وااايد تأخرتي .. قلت : بسير بشوووفها ... شذى : عادي أنا بسير .. أنا ولأني مستحيه من وجود خالد اللي من قعدت ما تكلم .. هالانساان الغاامض .. قلت : لا أنا بسير .. بالمره بشرب مااي شذى : أوكي .. وقفت .. شيمت قالت لي : ييبي موبايلي وياااج .. قلت : اوكي .. رحت صووب الصاله أول .. وشليت موبااايلها ,.. عقب سرت أشووف خلود ما حصلتها .. استغرب .. وسرت فووق عقب لأنه خلااص تعودنا نيي بيت عمي .. سرت حجرة خلود .. كانت مظلمه وااايد .. وباارده .. طالعت صوووب السرير ..خلود قااعده .. تجدمت منها وقلت : خوخه حبيبتي .. خلود ما رفعت رااسها .. تخرعت .. وتجدمت منها .. وقلت : خوخه فديتج .. ( ورفعت رااسها .. انصدمت يوم شفتها تصيح ) ضميتها وقعدت يمبها .. قلت : فديتج شو فيج ..؟؟ خلود مسحت دموعها : ما فيني شي .. قلت : امبلى فيييج .. انتي من فتره متغيره خلووود .. خلود : شهد قلت لج ما فيني شي .. قلت : كيف ما فيج شي وتصيحين .. وبعدين لو شهااب مضايجنج شراات المره اللي طافت بأدبه خلود تصيح : لأأأ مب شهااب .. شهاب ما يخصه .. قلت : عاد منو حبيبتي .. خبريني وبدووس فبطنه .. خلود : بس تذكرت ماما .. قلت : ادعي لها حبيبتي .. خلود حضنتني وقاالت : هي ادعي لها .. ضميتها وقلت : فديتج لااا تصيحين .. خلود : شهووود أنا أحبج .. وااايد .. زين انج بتتزوجين من خالد .. لا تودريني .. ضميتها وقلت : ومنو قاال اني بودرج حبيبتي .. بالعكس بتم وياااج .. خلود ابتسمت وقاالت : أدري .. حتى خاالد واايد يحبج .. استحيت وقلت : انتي لا تحاتين حبيبتي .. انشالله ما يستوي الا كل خير .. خلود : انشالله .. تدرين أنا مستانسه انج انتي وشييوم بتاخذون خواني .. ابتسمت وقلت : يلا انشالله ربي يسعد الجميع ويسعدج انتي بعد ... وتنجحين بدراستج .. خلود ابتسمت : أمييين .. مرت أخوي .. هههه ابتسمت حسيت بقربي لخلود و قلت : يلا نشي ننزل الحين .. كلهم يسألون عنج يحاتونج .. خلود : مابا .. قلت : ترا كلهم يحاتونج .. خلود : انزين بس أغسل ويهي .. ضحكت وقلت : يلا بسرررعه .. وبعدين شيخه بتلعن بو اسلافج جيييه ما زقرتي اسيل .. خلود ابتسمت : شو درااني .. هههه بديت أصيح ونسيت .. قلت : انزين يلا حبيبتي غسلي ويهج عسب ننزل .. خلود : أوكي .. بعد ما غسلت خلود ويهها .. نزلنا عسب نروووح صوب الأهل ونقعد ويااهم كنا قااعدين نمشي .. جربنا صوب الصاااله سمعت صوووت أختي .. شيخه .. شيخه : بس مو جنكم استعيلتو وااايد فسالفة الملجه .. البنيه بعدها مب جاااهزه .. وما يمداها تتجهز فأسبوع واحد .. انصدمت .. ملجــــــــــــه .. وملجه شوووه ومنووووووه ... أكيييييد ملجتي .. جييه ما خبروني من قبل .. ياربـي شسوي الحين أنا .. شسوي .. تقول أسبوع واااحد .. ياربي يااا الوقت اللي بكون فيه مع خااالد .. |
الحلقه الثانيه و العشرون .. أتذكركـ دآيم وأقـــولـ ؛ يـــآرب تسعد خآفقهـ ويـــن ....؟؟ مــــا كــــان ..}~ انصدمت وعلقت مكااني وما قمت أتحرك .. طالعت خلود .. وهم هي طالعتني مستغربه ... رديت على ورا لصقت فاليدااار ... حطيت ايدي على راااسي .. دلاله ع انه بدا يعورني .. خلود تقربت مني وقاالت : شهووود عسى ما شر .. نزلت ايدي وطالعتها وقلت : لا لا ماشي .. خلود طالعتني مستغربه .. وقالت : صدق .. طالعتها وقلت : سمعتي اللي سمعته .... خلود هزت رااسها وقالت : هي جيييه ما تدرين .. طالعتها وقلت : لييش شو مستوي بعد ..؟؟ خلود طالعتني وقاالت : غريبه .. ما خبرووج .. بس أنا سمعت خالد أمس .. كان قااعد يرمس أبويه وقاال انه يبا يملج .. طالعته منصدمه .. يعني السالفه صدق .. وقلت : اهااا .. على خير انشالله ... خلود : يلا ندش .. قلت لها : لأأ خلود أنا تعبااانه شوي تعالي نروح الصاله الثاانيه اريح ... خلود : انزين تعاالي حجرتي رقدي .. قلت : لا لا ما يحتاااي .. خلود : انتي مو طبيعيه اليوم .. ما قلت شي .. بس قلت : تعالي وياااي .. خلود : شهود فيج شي ..؟؟ قلت : الظااهر جذي .. خلود : تبين بندووول ..؟؟ قلت : لا حبيبتي مشكوووره .. تعالي يلسي وياااي وهالصداع بيودرني .. خلود : أوكي .. دخلنا الصاااله .. حسيت بالبرد فهالصاله .. رحت صوب الريموت .. عليت ع المكيف أكثر وأكثر .. خلود : مب برد عليج .. قلت : لاأأ عادي .. خلود : الصداااع بيزيد .. قلت : لا بالعكس .. يقل عندي جذي .. خلود مستغربه تطالعني .. ابتسمت وقلت : لا تحاتين حبيبتي ... قعدت ع الكنفه وسندت راااسي ع طرفها .. وقلت : خوخه بندي الستااير عدل عسب لا يدش الضوووء .. خلود .. : انشالله .. ابتسمت طالعتها وقلت : خااايفه .. علي ..؟؟ خلود قعدت يمبي وقالت : خل يودونج المستشفى .. هزيت رااسي وقلت : لا حبيبتي لا تخاااافين .. بعدين الا هي دقااايق ... وبصير أوكي .. خلود : يلا انشالله تكون دقااايق .. حسيت بالبرد يزيد ويزيد .. والدنيا بدت تظلم يدامي ... يودت راااسي بقوووه .. بغيت أصرخ من العوااار ما قدرت ... حسيت روحي القط انفااسي الأخيره .. مب قاااادره أستحمل .. × × ............... : لا حبيبي لا تاااخذه .. وليد يصيح : بابا أبا حلااااااااااااااااوه .. خالد : حبيبي ضروسك بيستووون واوا .. وليد : اباااه ابااااااااا... خالد : انزين انزين بااخذ لك بس لا تحشر الدنيا ... خالد : محمد عطني من هذااا ... وليد : لأأأ ابا هذاااك مابا هذا صغيرر .. خالد ضحك وقاال للبياع : عطني مثل ما يقووول هههه .......... : انتو اهني ...؟؟ خالد لف طالعها وقال : لا هناااك هههه خلود : هااا بو الشباااب يبا حلااوه ..؟؟ خالد : شنسوي له بعد .. يصيح .. شذى : اش حالك بو وليد ..؟؟ خالد ابتسم وطالعها : اوووه شذووه اهني .. أنا بخير .. دام شفتج .. شذى ابتسمت وقااالت : حالن مديم انشالله .. يت وحده تتأفف وقالت : أوووف انتو ييتو اهني وأنا أدوركم .. خلود ابتسمت وقالت : جييه تنافخين انزين .. شيما : جلبت المستشفى وأنا أدور عليكم .. ما علينا ... أوووه بو وليد اهني .. اش حاالك ...؟؟ خالد يبتسم ويقول : بخير ربي يعافيج ومن صوبج ..؟؟ شيما : تمام .. ها وليدوووووه .. سرت عند شهووود .. وليد تلوم وحط صبعه فحلجه .. خالد طالعه وقال : أنا عشرين ألف مره قلت لك لا تحط يدك فحلجك .. وليد ابتسم لشيما وقال : وين ثهوووود ...؟؟ اهبها أنا .. خلود : الله ع الحبيب .. خالد : بعده ما شافها أو ما يينا .. شاف الكافتيريا .. ودني الدكان وودني الدكان .. شيما تقلد وليد : انذين ييبوووه الدكااان .. خالد : خربيه انتي الثااانيه .. يلا اشترو وبنروووح ربااعه .. خلود : لا لا انتو سيرو نحن بنتم اهني نااكل عقب بنيي .. خالد ابتسم لأخته وقال : أدري بج مجاااعه .. خلود ضحكت وقالت : حط وليد عندنا .. خالد : لا لا يبا يشوووف شهووود وليدوووه .. صح وليد .. وليد : هي .. شيما : أوكي عيل بنلحقكم عقب شوي .. شيما تطالع خالد شااايل وليد وساااير صوب المصعد .. قالت : ياربــــــــــي ارزقني بولد يشبه وليد .. خلود : سكتي لا يسمعج الحبيب وبيملج هو الثاااني .. شيما ضحكت : لا لا عاد الا هو .. اذا سمعني بمووووت .. شذى : أووووف علينا .. يلا انتي وياها خلي الحبيب مااالج .. يلا نشتري ترااااااااااني ميته يوووووووع .. شيما : محد قااال لج تعالي وانتي هب متريقه .. شذى : اشو دراااني بعد .. أختي طاحت أمس العصر ومرقده .. وما شفناها أمس .. يعني أكييد ما بييني بااارض أكل بعد شيما : يلا بسرررعه نشتري ونروووح ... شذى : أوكي يلا ... تجدمت شيما وطلبت لها وللبنات وقعدن بزاااويه فـ الاستراحه .... شيما : تصدقون أنا بعد ميته يوووع .. شذى : تراااني قاااعده أقووول من ساااعه نشتري ونشتري ( تاشر على شيما و خلود ) ماشالله عليكن شغالات قر قر قر قر .. شيما تضحك وتقول : حلوه هااي قرقرقر .. خلود : هههههههه .. كح كح .. شيما تضربها ع ضهرها : بسم الله شو فيييج .......؟؟ خلود تضحك وتكح : هههههههه .. كح كح .. شيما : صحه صحه .. هاااج ماي .. خلود : على قلبج .. طالعوو يدامكن .. شيما رفعت رااسها .. على طووووول نزلته وقالت : بسم الله ,. هذا شو يابه .. خلود : ايه ما اسمح لج ترمسين على أخويه .. يااي يشوووف أختج ترااه .. شذى : خــــــــليـــــــــفه .. شيما : بس .. فضحتينا .. شذى : عاااااادي لااااااه شو فضحتج بعد .. خلود : صدقها .. شو تعلين صوتج الامااارات كلها سمعت صوووتج .. شذى : وااااااااي بتخبل زين سمعو صوتي هههههه .. الشباااب الحين بييون طيرااااان يخطبوني .. شيما : سكتي لا تفضحين روووحج .. خليفه ياااي صوبنا .. خليفه تجدم وابتسم قال : السلام عليكم .. الكل رد : وعليكم السلام .. خليفه : اش حالكن بنااات ..؟؟ شيما : بخير ربي يعافيك .. خليفه : حالن مديم انشالله .. وانتي شذو اش حاالج ..؟؟ شذى : مب بخير .. خليفه : أحسن .. هههه شيما ابتسمت : ههه قفطوج .. شذى طالعته بقهر وقالت : يعل تااخذها اليوم قبل بااجر .. شيما نزلت رااسها استحت .. خليفه ابتسم وقال : آميييييين .. خلود : نحن هنا يا جماااعه .. خليفه : لا هناااك .. شذى : ما تضحك .. خليفه : محد طلب راايج .. يلا قمنا نسير صوووب شهوود .. شيما : أوكي .. يلا بناات لأنه الوقت قاااعد يمر وأنا بعدني مب محضره شي لبااجر .. وعلي امتحان .. خليفه ابتسم : عفيه ع الطالبه الشاطره .. × × ............. : والحين شخبااارج ..؟؟ هزيت رااسي وقلت : الحمدلله وااايد أحسن .. خالد : انتي سويتي شي يتعبج أمس .. اشتغلتي .. قلت : لا ويــن .. كله كنت قااعده .. خالد : يمكن ارهاااق من الدرااسه ولا شي .. قلت : يمكن بس ما أعتقد .. خالد : بااخذ لج اجاازه خلاااص .. ارتاحي أسبوع .. قلت : لأأ ما يحتااي .. أحسن لي اروح .. عسب أغير جو مع البنااات .. خالد : بس انتي رووحج تعباانه ما يصير .. قلت : ما أدري والله .. اسأل ماما .. خالد طالع أم شهاااب وقال : أماايه سمعتي بنتج شو تقوول ... أم شهاب ابتسمت وقالت : شو تقول الدلوعه ..؟؟ خالد : أونها تبا تداوم وهناااك مريضه .. أم شهاب : لا حشا والله ماشي جامعه ولا خراابيط الا يوم تصيرين زينه .. ابتسمت وطاالعت وليد .. قلت : تعاال حبيبي بوس شهووود .. وليد تلوم وقاال : انتي متى تيين بيتكم .. قلت له : ادعي لي وانشالله اليوم برد .. وليد ابتسم لي وقال : انثاالله .. أنا وخالد وأم شهااب ضحكنا .. قلت : الله يحفظك ... صح وين البنااات ما يو .. أم شهااب : مدري والله يبتهن ويايه .. ونزلن الكافتيريا .. قلت : اهااا .. خالد : يلا عيل أنا بستأذن .. أم شهااب : وين وليدي تو الناااس .. خالد : بروح برد وليد البيت .. وبروح المعرض .. أم شهاب : هيه .. عيل الله يوفقك ولدي .. خالد : اميين أمايه .. عندكم أحد يردكم البيت .. أم شهااب : أنا بتم مع شهد .. والبنات شهااب ولا ابوهن بيردهن .. خالد : عيل ييبو خلود وياكم .. أم شهاب : انشالله .. قلت : ماماتيه هب لاازم تتمين أنا عوده خلااص .. أم شهاب : لا ماشي .. فنظريه بعدج صغيره .. ابتسمت وقلت : اوهووو علينا .. مدري متى بنكبر .. أم شهاب : بتتمين صغيره .. خالد ابتسم وقال : يلا بروووح أنا .. وديري باالج ع روحج .. ابتسمت وقلت : انشالله .. أم شهااب : فحفظ الرحمن ولديه .. طلع خالد .. طالعت أم شهااب وقلت : ماماتيه اتصلي بهن خل ييون مليت .. أم شهااب : انزين بنتي .. قبل لا تتصل .. سمعنا صوت البااب ينفتح .. لفيت ويهي ... شفت الشله .. ابتسمت لهن .. وقلت : حيااكن .. ............. : حياهن هن بس .. وأنا شووو ...؟؟ قلت : هههه لا حشا .. حيااااك انت بعد .. ولد العم .. خليفه : الله يحييج .. البنااات سلمن عليه .. حسيت بقربهن عنيه .. وبستهن ... حسيت بشوووق صوووبهن .. وأكثر وحده خلود يمكن لأنها كانت وياي قبل لا أطيح أمس .. خليفه : تستاهلين السلامه بنت عمي .. قلت : الله يسلمك بن عمي .. خليفه بااس رااس أمايه وقال : اش حااالها عروسنا .. أم شهااب تضحك : اي عروووس يااا ولدي .. خليفه : أم العروووس خلاااص .. أم شهااب ابتسمت : هي جذا زين .. خليفه : وينه معرسنا .. أم شهااب : توه طلع .. خليفه : غريبه ما شفناااه ... أم شهاب : اشو درااني أنا بعد .. هالمستشفى اطلع يمين نفس المكاان ويسااار نفس المكااان .. ابتسمت وقلت : ماماتيه عاااد اللوح تكفي وتوفي ... أم شهااب : وين أشوف أنا ويا هالعيونااات مالتي .. يالله يالله نقرا جم صفحه من القرآن .. ابتسمت وقلت : الله يخليج لنا يااارب .. طالعت خلود وقلت : خوخه .. خلود لفت وطالعتني : هلأأأ .. قلت : أمس شوو تميت أهذر قبل لا أطيييح ههههه خلود : ولاشي .. خليفه : طلعي فضااايحها طلعي .. ابتسمت وقلت : عناااد لا تطلعين .. خلود : هههه لا الصدق ما قلتي .. خليفه مستغرب : تعاالي كيف طحتي .. قلت : أنا رووحي ما أذكر .. خلود ابتسمت وقالت : كاانت مصدعه يوم يلسنا غطت فسااابع نومه وأغمي عليها .. ابتسمت وقلت : اللي أذكره اني حطيت ايدي ع رااسي وبس ههه وانج كنتي خااايفه .. خلود : عسب تعرفين غلاااتج عندي ههه ابتسمت وقلت : فديتج .. شذى : لو تشوفين عاد .. بعض االناااس سوو منااااحهـ فالبيت .. ابتسمت وقلت : ادري .. شذى : شاللي درااج ..؟؟ قلت : متعودين نحن ههههه شيما طالعتني بنظره وقاالت : ما تضحكون .. خليفه يمزح : لا تنكتون ع خطيبتيه ولا بذبحكن هههه شييوم تلومت .. قلت : أوووه أووووه ما نقدر .. خليفه : هكوها شرااات القرووود تشقح جيييه ما يطلعونها .. طالعته بنظره وقلت : منوووووو القروووووووووود هاااااااااااااااااااااااا ...........؟؟ خليفه ضحك وقاال : يدتي هههه أم شهاب : ههه الله يهديك يا ولدي هب زينه هالرمسه .. خليفه : عادي خاالو هههه قلت : اسمع كلااام الكبااار سمعتني .. خليفه : انشاالله حرمة أخويه .. ابتسمت مستحيه وقلت : متى بيطلعوني ..؟؟ أم شهااب : كلي عدل وبيطلعونج .. قلت : والخيبه ...!! بستوي بوتميه جذا أمااايه .. أم شهااب ضحكت وقاالت : وين وانتي روووحج عصعوصه .. قلت : تشبيه رااائع ماماتيه هههه × × الساااعه سبع الصبح يوم الأحد ... طالعت الساااعه .. أوووه اليوم ناااشه مبجر .. بس أكيييد لأني رااقده وااايد وطول الوقت فالفراااش فالنوم طاار عنيه .. بنزل تحت وأقعد مع الأهل وااايد أحسن .. ع الأقل أغير جووو شوي ... نزلت شوي شوي وأنا فيني تعب بس الحمدلله خف وااايد عن ذاااك اليوم .. قلت : صباااح الخير ..}~ الكل رد عليه : صباااح النور .. أبويه : ها ناااشه مبجر شهووود .. طالعته ابتسمت وقلت : هي ابويه ما ورانا شغله شنسوي بعد .. ابويه ابتسم وقاال : ها شخبااارج اليوم .. انشالله أحسن .. سحبت الكرسي وقعدت : هي الحمدلله أحسن .. أمااايه : ماما شهوود تبين سندويشة شووو ...؟؟ قلت : مابا أمااايه .. مالي خااطر .. أمايه : ما يصير جذي لااازم تاكلين .. قلت : مابا .. ما أشتهي .. أمايه : انزين بس عصير برتقاال .. قلت : أوكي .. أمايه صبت لي اياااه فالقلاااص وعطتني .. وقالت : يلا خلصيه أوكي .. هزيت رااسي ابتسمت وقلت : انشالله .. شيما : الحمدلله شبعت .. أمايه : وين .. بعدج ما كليتي .. شيما : ماما ورااي امتحااان فيزيا وأنا بعدني مب مخلصه الوحده .. أمايه : بس تغذي أحسن لج .. شيما : ماما ما أقدر .. شذاوي أنا قاااعده فالحوي .. تخلصين لحقيني أوكي .. شذى : أوكي .. خبريني اذا الباااص ياااه مبجر .. شيما : هي أكيييد .. شيما شلت جنطتها وياااها وطلعت .. والهوااا باارد والشمس توها بتطلع .. يااربي جو جوناااااااااااان للمذاكره وخاصتا عند العباااقره .. ههه شرااات شييوم والعكس صحيح .. شيما طاااالعت السما وقالت هي تتأفف : أووووووف متى أخلص يااربــــــــي .. راااحت فصوووب من الحديقه وقعدت .. فتحت كتاااب الفيزيا المقرف وبدت تراااجع ... معادلات مسااائل كل شــــــــــــي يلوع الجبد فــ هذا الكتااااب .. تحديدا هالمااده .. ................. : صباااح الخير ... لفت رااسها مبتسمه .. : صباااح النور ... خليفه : كيف الحـــال ..؟؟ شيما : مثل ما تشوووف .. امتحااانات هههه خليفه : يلا اللي يسهل عليج .. المهم تذااكرين عدل .. شيما : هي انت من يوووم قلت لي وأنا ابلع الكتاااب مب بس أكله .. خليفه ابتسم وقال : هي أباااج شااطره .. شيما : هههه عسب ما يقولون بنت عمك كسوووله .. خليفه : قصدج حرمتي ... شيما استحت وقاالت : شو ما بتداوم اليوم .. خليفه : تبين الفكه هااا ...؟؟ شيما : لا شو هههه بس أسأأل جذي .. خليفه : امبلا الحين بطلع .. شيما : اهااا .. خليفه : تبيني أوصلج المدرسه ...؟؟ شيما : لا شو تبي يغسلون شرااعي هل العين .. طالعه ويا ولد عمها .. خليفه ابتسم وقال : هذيج قلتيها بن عمها .. هب غريب .. شيما : حتى ولو .. خليفه .. : ع طااري هالساالفه .. اش حالها بنت عمي .. شيما : شهووود .. خليفه : في غيرها تعباان يعني .. شيما : لا .. انشالله محد يتعب .. بخير .. توها ناااشه من الرقاااد .. خليفه : مستويه نشيطه ماشالله .. شيما : شفت كيف هههه × داخل الفله .... شذى : أوووه صااارت سبع وربع .. عقب شوي الباااص بيي .. أم شهااب : روحي عيل قبل لا الباااص ايي .. شذى : هي .. الحين بروووح .. قلت : بيي ويااج بوصلج للباااب ههه شذى : تعااالي ع الأقل أنا وشييوم نشووف أحد يعبرنا الصبح .. ابتسمت وقلت .. : بس البس أوقايتي .. شذى : بسرعه .. لبستها وقلت : مشينا يلا .. شذى : يلا .. قلت وأنا افتح البااب مال الصااله : شو مستانسه ...؟؟ شذى : أكيييد بشوووف ربيعاااتي الحينه ههه قلت : هي نحن بس حق الربيعااات نروووح المدرسه هااا ...؟؟ شذى : لا عاااد بس الربيعااات يحلون المدرسه أكثر تدرين عاد .. قلت : هي صدقج أتذكر أيااامي هههه شذى : تحنين للمدرسه ..؟؟ قلت : واااااااااااااااااايد .. شذى : واش معنى ...؟؟ قلت : أصلا أحلى شي حياااة المدرسه والطفوله .. ع الأقل خاليه من المشاكل .. هب الحين .. شذى : صدقج .. قلت : ترا بعدج توج صغيره هههه شذى : ادري ههه .. بس تأثرث برمستج أوني .. قلت : طاالعي هااي .. قااالت اروووح أذااكر ..اونها .. شذى : يوميا جذي .. قلت : احلفي .. شذى : والله .. قلت : حسابي معاها بعدين .. شذى : هي راويها تستاهل ههههه قلت : أونها .. بروووح بذاااكر واهني طق حنك .. تجدمت عنهم وقلت : صبااح الخير .. خليفه : صباااح النور .. قلت : شو الأخبااار قيس وليلى ... شييوم استحت ونزلت رااسها .. خليفه قال : زين جذي أحرجتيها .. قلت : تستاهل .. اونها بذاااكر واهني طق حنك .. خليفه : خليها تعيش حياتها .. قلت : عقب ما تعرس برايها هب الحين .. شيما : بس شهووود .. حشا غسلتي شرااااعي .. قلت : تستاهلين ادواااج .. وهذا شوي بعد .. خليفه : ليييش في أكثر عن جذي بعد .. قلت : بعدكم ما شفتو شي ... خليفه : بـــل ... بدت الحماااه الظالمه .. ضحكت وقلت : تشبيه رااائع ... خليفه طالع سااعته : أووووه صااارت سبع ونص تأخرت .. قلت : لااازم تراااك شغاال قرررر من الصبح .. خليفه : لا صدق تأخرت .. قلت : هي تهرب .. خااايف هااا ... خايف عني .. قول جذي .. خليفه : ماشي فااايده .. عقل بدوووو عليييييييييج .. قلت وأنا أضحك : لا وحياااااااااااااتك ههههههه .. حضريه ومن دبي بعد .. اشووو بدو بعد قالو لك عاايشه فالصحرا .. خليفه : أنا بروووح قبل لا أكل رمسه من ابويه.. هههه قلت : روووح الله معك قيس .. خليفه ابتسم وقاال من بعيد : أحبـــــــــــــها ..... ( وشرد ) طالعت شييوم محمره .. قلت بصوت عاالي : هي اشرد تعرف اني كنت بفرك بنعااالي .. طالعت شذى وشيما وقلت : حووووووووه باصكن وااقف برع .. يلا ولا مب ناوين تروحون .. اليوم .. شيما وشذى ابتسمن : مع السلامه .. ابتسمت وقلت : مع السلامه .. × × بعد مرووور يومين ... .............. : والله ما أدري ... ابويه : الراااي رااايج يا بنتي .. طالعته وقلت وأنا قاااعده ألعب بأصابعي .. : والله ما أدري .. ابويه : مره ثاانيه أقول لج .. ولد عمج ريااال ونعم فييييييه .. شارنج .. بس بعد الراااي راايج .. قلت : اللي تشوفه ابويه .. ابويه : يعني موافقه ...؟؟ هزيت رااسي وقلت : هي أبويه موافقه .. ابويه ابتسم وقاال : على خير انشالله ... قلت : ابويه .. ابويه : هــلأأأ .. قلت له : الحين صدق صدق .. خالد يعصب بسرعه ولااا .. ابويه ابتسم وقال : فرو عقلج اليهاال .. قلت : لأأ مب لهالدرجه بس اسأل .. ابويه ابتسم وقاال : بس الحرمه لها دووور كبير .. ولااازم تتحمل ريلها .. ولا شوو رااايج هزيت رااسي وقلت : هي أكيييد .. ابويه : عيل أنا برووح ببشر عمج قلت : بابا متى الملجه .. ابويه : بس نسوي الفحوصاات وعقب أسبوع انشالله الملجه .. طالعته وقلت : انشالله .. ابويه : هالله هالله بروحج بنتي اباااج تبيضين الويه .. قلت : انشالله ابويه .. ابويه حط ايده ع جتفي : أحس انج دااشه امتحااان ههه مب جنج بتملجين .. جيه كل هالخووف .. قلت : ماشي .. بس يمكن خوف من الحياااه اليديده .. ابويه : توكلي ع ربج وبيصير كل خير انشالله .. قلت : انشالله .. ابويه : لا تخافين بنتي خلج قويه .. وبعدين الا هي أياام وتملجون .. وعقب بنقرر للعرس قلت : هي أحسن لأني مب جااهزه .. ابويه : اجهزي عاااد الريااال عقب اي وقت بيقووول بيعرس .. ابتسمت وقلت : لا تستعيلون عاااد .. ابويه ابتسم وقاال : فديتج يعل ربي يحفظج .. يلا عيل أنا بروووح لأنه عمج يترياني .. قلت : الرب لك حااافظ .. طلع باباتيه .. طالعته يصكر الباااب .. خلااااص أنا بملج .. وبعيش حياتي مع خالد .. بكمل حياااتي مع خالد .. خالد بيكون حيااتي كلها .. كيف بعيش ويااه ..؟؟ ياترى هل بتأقلم وياااه ولا كيف .. وهو هل بيحبني مثل الحين ... فجأأأه تذكرت لو اليوم أبوووي ياااي يقووول لي زااايد بيملج علي .. يمكن كنت بكووون أسعد انسانه بالكون .. بـــس بعد شنسوي هذا مكتوب ومقدر لي ... والله اني أتذكرك كل لحظه وثاانيه ياا زايد .. وعلى كثر صدك وغلطاتك معي .. أقول ربي يسعد خافقك وين ما تكووون وفأي مكااان .. لا تعتقد بيوووم اني بكرهك .. لأأأ أنا على كثر ما الومك وأحقد عليك .. الا اني بيوم ما بكرهك لأني حبيتك من قلب وخااااااااااطر .. وانت حبي الأول .. بس مستحيل يا زااايد تكون حبي الأخير .. لأنه خالد الحين هو ملك حياتي وحاكمها .. × × ................... : الحين صدقـــــــــــــج ... قلت : لاأأ أجذب .. عيل شو ع بااالج .. شيما : أووووهو علينا .... الحين لا أنا جاااهزه ولا اي أحد .. قلت : انتي تحاتين روووحج .. وأنا اللي ما أعرف راااسي من ريووولي .. شيما : هممممم صدقج .. حتى انتي مب جاااهزه مووول .. قلت : ما عليييج ربج يحلها .. شيما : بس بعد انتي مب جااهزه المفروووض تجهزين .. قلت : ولا أحاااتي أنا .. ما عليج انشالله نجهز .. شيما : انشالله .. قلت : شيموووه مستانسه .. شيما هزت راسها وقااالت : أكيييد أختي العوده والوحيده بتتزوج .. ابتسمت وقلت : عقبااالج حيااتي .. شيمووووه رفعت راااسها : أميييييييين .. هممممممممم الله يسمع منج هههه ضحكت وياها .. : هههه عنلاااتج اشووو هالرمسه ... ؟؟ شيما : حرام الواااحد يتمنى ولا يحلم ههههه ضحكت وقلت : بس باحترااام .. شييوم : عادي انزين انتي أختي ههههه قلت : حتى ولو .. خلج رزينه وااايد أحسن لج وأفيد لج .. شيما : ما صااارت كلمه قلتها .. ههه قلت : بس بعد أنا أختج وأنصحج .. شيما : هي فديتج ... قلت : شيمووه ....؟؟ شيما : هلاأأأ عيووون شيمووووه انتي ... قلت : تسلم لي عيووونج ... بس سؤاال .. بتشتاقين لي يوم بتزوج ..؟؟ شيما : هي أكيييد .. قلت : علني أفداااج .. حياتي انتي ... شيما دمعت : شهووود بشتاااق لج .. حضنتها وقلت : وأنا أكثر حياااتي .. شيما بدت تصيح و رصت ع ايدي : شهووود لا تتركيني .. قلت : لأأ حياتي بتم وياااج أكييد .. شيوم ابتسمت لي وقالت : الله يسعدج .. قلت وأنا أمسح دموعها : أمييين .. ويسعدج انتي بعد .. شيما ابتسمت : أمييين .. تدرين ما أصدق انج بتعرسين .. ضحكت وقلت : ليييش انشالله .. شيما : مدري أحس مو لااايق .. أحسج بعدج صغيره .. ابتسمت وقلت : ههه فديتج .. أنا كبرت وأنتي بعد بتكبرين .. وكلنا حياااتنا بتتغير .. شيما : هي أكيد .. قلت : دوااام الحال من المحال .. وبعدين الحياااه حلوه .. خذيها ببساطه مب لااازم تعقدين كل شي فالحياااه .. شيما : هي صح .. قلت : شوفيني الحين .. اهتم لشي .. لاأأ .. وبعدين شوفي أنا شو صااار لي ... قولي شاللي ما صااار لي .. بس عادي عندي .. شيما : ماشالله علييج .. صلي ع النبي عن تحسدين رووحج .. هههه ابتسمت وقلت : ماشالله هههه .. بس يعني افهمج لا تحاتين عشاااني أنا بخير وعااافيه وانشالله بعيش سعيده بحياااتي .. شيما : انشاالله .. سمعت صوت الباااب يندق قلت : تفضل ... دخلت مبتسمه وقالت : هلا والله بعروسنا ... قلت : هلا بج زووود شذاوووي .. شذى تجدمت وقالت : من قدي أخت العروووس هههه قلت : سويتوني عروووس مره وحده .. بعدني حراام عليكم .. شذى ابتسمت وقالت : عادي خلينا نفرح هههه قلت : فديتج أنا .. شذى : بابا يبااااج تحت وكلهم تحت .. قلت : ماما تحت ..؟؟ شذى : هي تبا تباارك لج عاااد .. قلت : حشا .. مره يباركون للخطوبه ومره قبل الملجه ومره فالملجه وفالعرس .. حشاا هههه شذى ضحكت وقالت : هههه صدقج .. قلت : عاااد أنا أستحي من ماما وبابا ههههه شذى : سيري يبونج انزين .. وترا خااالد بعد تحت .. انصدمت وقلت : هااااه .. شذى : هههه لو ماما وبابا بس وااايد أهون أما خاالد ياهي قويه .. طالعتها مستغربه وقلت : انتي صدقج الحين خااالد تحت ....؟؟ |
الحلقه الثالثه و العشرون .. مين يعوضني مكانكـ لو أخذكـ البعد عني ..؟؟ آمة آدم في غيابكـ ما تساوي شي عندي ..!! شذى : هي صدق والله .. شو ع بااالج أخرط ... قلت : عاد خلاااص عقب شوي بنزل لما يروووح .. شذى : ترا عمي بعد تحت مب بس خااالد .. قلت : اووووف هذا شاللي يابه .. شذى : ونحن اش درااانا .. شييوم بنص عين .. : أكيييد يبا يشوووف الحبااايب .. قلت : سكتي لافلعج بهالفروووحه .. ............... من ورا الباااب : من اللي ملعوز حرمة أخويه ومطفر بها .. شيما : كملت .... قلت : حياااج حياتي خوخه .. تعالي طالعيهن يرمسن عنيه .. خلود : بقص لسااان اللي يرمس عن حرمة الغاالي .. ابتسمت وقلت : فديتج أنا .. خلود : يفداااج كلي وربي .. قلت : زين ييتي ولا كانو بيجنون عليه هههه خلود : هذا اذا خليت أحد يجيسج .. ابتسمت وقلت : اش حاالج حياااتي ..؟؟ خلود ابتسمت وقالت : بخير حرمة أخويه .. قلت : دوووم انشالله .. خلود : يدوم عزج ونبض قلبج .. انتي اش حااالج .. شخبااارج ..؟؟ قلت : بخير الله يسلمج حبيبتي .. خلود : يلا بسرررعه نزلي .. حبيب القلب موجود .. طالعت الكل مستغربه وقلت : ماني بنااازله .. فضيحه .. شذى : بس بابا يباااج ... قلت : خل ايي روحه .. رمسه ما برمس ويا خااالد .. خلود : لهالدرجه خاايفه من أخوي تراااه ما يااكل لحوم بشريه .. ضحكت وقلت : ادري .. بس بعد أستحي عاااد خلود : فديت اللي يستحون ههههه .. بس تعاالي برااايج لو ما تبين تنزلين .. قلت : هي ما بنزل شو قالو لكم ما عندي حيااا .. شيما : الله عااد يا أم الحيااا انتي .. قلت : اذا تبين تنزلين نزلي أنا ماني بنازله .. شيما : أحسن ههههه خلود : تعااالي أي يوم بتروحون عسب الفحص .. ومتى بتروحون عسب تملجون .. قلت : شو درااني ههه سألي أخوج .. خلود : قالو نهاية هالأسبوع .. قلت : بس ما يمداااني لا أفصل ولا أتجهز .. خلود : عادي خذي جاااهز .. قلت : جي رااايج ..؟؟ خلود : هي .. طالعت شييوم وشذى وقلت : وانتن اش رااايكن ..؟؟ شيما : الحمدلله تذكرت ان عندها خواات .. شذى : صدقج .. كل شي خلود وخلود .. ماشي شيما وشذى .. ضحكت وقلت : فديتكن عاااد ما بنساكن أنا مستحييل أنسااكن .. خلود : الحينه مستكثرين علي هالدقيقتين اللي ارمسها .. شذى : لا أمي خذو الوقت اللي تبون بس بعدونا عن مشاكلكن .. قلت : اصلا انتي وأختج ساااس البلا والمشاااكل .. شيما : ويه .. ما أقول غير لنا الله .. الحين نحن ساااس البلاا والمشاااكل .. قلت : جيييه فيه غيركن .. خلود : اوهو علينا الحين فكرو شو بنلبس ... طالعتها ابتسمت وقلت : صدق ولا جني عروووس هههه شذى : هي مب جاااهزين لااازم نفكر شو نلبس .. طالعتهن وقلت : أنا أعرف محلااات فــ دبي أعطيج فيهن مليون بالاميه موديلااات طررر تفصيل ولا أروووع ويجهز بسرعه .. خلود : بس منو بيودينا دبي .. قلت : محلوله .. أحلاام مرت عمي عندها الليسن .. نلح ع عمي عسب تودينا .. خلود : بس عمي ما يخليها تسوق بخط .. لو انه بس فالعين هي .. قلت : اممم عاااد مدري منو ما عندنا غير أحلااام .. شذى : وبعد أحلااام يمكن حاامل مو زين لها تسوق وااايد لأنه دبي بعيده .. قلت : صدقج عاااد نشوووف خليفه ولا شهااب .. خلود : وليييش مب خالد .. قلت : شكلج تبيني أذبحج هااا ... خلود ضحكت : هههه لا لا أتمسخر خلاااص .. قلت : اوهووو علينا الحين شنسوي .. شيما : نروووح محلاات الفساااتين اللي فالعين أول ... قلت : أوكي نشوووف ... خلود : في محل أخوات جاابر ياخذن فساتينهن عنه اهني فالعين يمدحونه وااايد قلت : أوكي عيل برمس نوف وتدليني ايااه .. خلود : هي أحسن بدااال ما نضرب خط لدبي .. شيما : هي ... وقت العرس نروووح لدبي .. بس الحين خلونا ع العين واايد علينا .. قلت : هي بس العرس أنا لااازم اروووح عند دااار سارا للأزياااء .. وبصمم عند المصمم الاماراتي هذا .. أحمد الريايسه .. شيما : أعوووذ بالله فاااسقه تبين ريااال يقايسج .. خلود : هذا اذا خاالد خلاها .. قلت : شو لهالدرجه انتي وياها بدوووو أعوذ بالله .. شيما : جيييه شو قالو لج فاسقاات شراتج .. قلت : يالغبيااات .. فيييه حرمه تقااايس ., المصمم ما يخصه ولا بيطااالعني بعد .. بس بيسوي لي الفستاان .. شيما : اهاا .. وكم بتدفعين له انشالله .. شذى : مهرها كله هههههه قلت : لا والله .. وبعدين أعتقد عرسي يعني ع كيفي أسوي اللي ابي .. فاهمااات خلود : سكتو لا تفلعنا هههه قلت : سيري طاالعي أخوووج روح عسب ننزل .. خلود : أوكي .. بعد ما طلعت خلود قلت : أووووف شو يايبنه عندنا خالد بعد .. شيما : مثل ما قلت لج أختي العزيزه .. ياااي عشااان حبيبة قلبه .. قلت : سكتي لافلعج بهذي الفروووحه شيموووه الدبه .. شيما : هههه مب خالد اللي مسوي بج جذا .. قلت : هي ماما نحن محترمين مب شراااتج انتي وهذا خلوووف .. شيما : ما أسمح لج ترمسين عن خلوووف عاااد .. قلت : سكتي الله يخليج .. أونج مسوية لي ليلى وهو قيس .. شيما : أحسن عنج يااا عبله .. مدري عنتر حتى ما تطيقينه .. قلت : مو لهالدرجه عااد بس أستحي الصراااحه منه هههه شيما : هذي خلووود يت .. خلود دخلت بسررعه : وأخيررررررررررا طلعو برع هو وعمي بو شهااب .. شذى : أكيييد يخططون للملجه .. قلت : سكتو صدعتوني ترااكم .. ملجه وملجه .. هههه شيما : هي أكييد يخططون للملجه .. قلت : شو يااربي من خواات عندي .. بلوه صدق .. خلود : يلا ننزل .. قلت : أوكي يلا بنات ننزل .. شذى : أنا يدااام أنا .. ضحكت وقلت : يلااا .. هههه تجدمي عسب تكونين الحيطه المايله .. نزلنا .. طالعت أم شهااب تجدمت عنها وبست رااسها وقلت : اش حاالج أماايه .. أم شهااب : بخير ربي يعاافيج بنتي .. قلت : دوم انشالله .. أم شهااب : وينج بنتي .. ابوووج من ساااعه يباااج .. قلت : ها أمااايه .. لا بس كنت أتسبح .. شيما طالعتني وبهمس : ترقيعه صااائبه .. قلت : سكتي لا تفضحينا .. أم شهااب : توه طلع مع ولد عمج وعمج .. قلت : هيييه .. خير شو كان يبااا .. أم شهااب : كاان يبا يااخذ رااايج باالمهر .. قلت : برااايه أمااايه .. اي شي هو يباااه .. أم شهااب : ماشالله عليج بنتي الله يحفظج .. قلت : أماايه صح أحلاام وعمي سيف ما يو .. أم شهااب : اتصلت بأحلاام .. تقول تعباانه وااايد .. قلت : سوت الفحص ...؟؟ أم شهااب : هي وطلعت حاامل الحمدلله .. قلت : الحمدلله .. يلا زين .. أم شهااب : زين البيت بنترس كتاكيت .. قلت : هيه ههه .. حلاااته .. أم شهااب : يلا عقبااال ما نشوووف عياالج انتي وخاالد .. تلومت ونزلت راااسي .. ثواني الا واسمع : السلااام .. عليكم ... رفعنا رااسنا .. طالعنا صوبه : وعليكم السلااام .. ابتسم وقاال : اش حاالج حرمة أخويه ..؟؟ أم شهاااب : بخير ربي يعافيك ... انت اش حالك ..؟؟ عمي سيف : بخير .. وانتن بناااات اش حالكن ...؟؟ ردينا .. : بخير .. أحلام تسلم على أم شهااب وتقول : اش حااالج خالو ...؟؟ أم شهااب : بخير بنتي .. عمي سيف : عيزت مرت أخويه .. شو خالو بعد .. أحلاام ضحكت بتعب ويت قعدت يمبي .. أم شهااب : برايها ولدي وبعدين أنا كبر أمها .. عمي سيف ابتسم وقاال : عيل أنا بظهر شوي وبرد .. ديرو بالكم ع مرتي وولدي .. أم شهااب ابتسمت : انشالله .. عمي سيف : يلا تبون شي .. أحلاام : سيف اشتر لي ليمون أخضر صغير .. هاللي فالامااارات ينزرع ,, أم شهااب : بنتي الحمضياات وايد هب أوكي لج .. عمي سيف : فهميها .. تعبت وأنا أفهمها بس عيت تفهم علي .. أم شهااب : لا انت روووح وأنا بفهمها هههه أحلام ابتسمت وقالت : ههههه خلااص مابا مب لومي اللي طلبته حشااا .. عمي سيف : توفرين هههه .. يلا فمان الله .. ردينا : فمان الكريم .. طلع عمي سيف .. أم شهااب : بنتي الحاامض مب زين لج ..يأثر عليج .. لو كليتيه واايد .. أحلاام : شسوي خاالو أشتهيه وااايد .. قلت : انزين ذوووقيه وبس .. لا تكثرين منه مو زين .. أحلاام : بحاااول .. معني أعرف اني ما أقدر .. ابتسمت وقلت : بتقدرين انشالله .. أحلام : انشالله .. شيما : يلا وأخيرررا تحققت أمنية عمي وحملتي .. أحلااام ابتسمت : بس تعب وااايد الحمل تصدقين هههه شيما : هذي ناااويه تخوفنا ولا شو هههه أم شهااب ابتسمت : دامه تعب حبيبتي ريحي .. سيري رقدي شوي ولا انسدحي .. أحلام : مابا .. ابا أتم اهني مع البنااات .. أم شهااب : البنااات بيون وياااج الحجره .. أحلاام : لا عااادي بنسدح اهني .. واذا حد دش لااازم قبل لا يدش يهود .. عادي خالو .. أم شهااب : برااايج عاد بنتي .. بس ديري باالج ع روحج واايد .. وخاصتا لأنه أول حمل .. أحلاام : انشالله خالو .. أم شهااب : عيل أنا بروووح بزهب أغراااض العشاا .. قلت : تبين مساااعده ماما .. أم شهااب : لا ما يحتااي وبعدين انتي عروووس لا تدشين المطبخ .. ابتسمت وقلت : مب لهالدرجه عاااد ماما .. أم شهااب نشت وروحت .. أحلام : صح مبروووك يا عروووس .. ابتسمت وقلت : الله يباارك فحياااتج .. بسرعه الأخبااار تنتشر هههه أحلام : يلا ربي يوفقج .. انشالله . قلت : أمييين .. أحلام : ها شو شعووورج ..؟؟ ابتسمت وقلت : شرااات شعورج قبل الملجه .. أحلاام ابتسمت وقالت : هههه أكيد مستانسه .. ابتسمت بحزن بس ما بينت وقلت : هههه ولا شو رااايج .. أحلااام : وينهم قوووم عمي ...؟؟ شذى : هههه لو عمي سيف اهني جااان هزبج .. أحلاام : برااايه .. الحينه أبوووج بعمر ابوي هههه .. قلت : وبعدين هو من الاحترااام هههه أحلام : عمج هو اللي صغير هههه شذى : بخبره ... أحلام : لا دخيلج ما فينا ع زعل عمج .. دلوووع هههه ضحكت وقلت : خلاااص أنا اللي بخبره أحلام : مب كلمه قلتها عاااد .. قلت : نمزح انزين ههه .. شيما : أحلااام شو بتلبسين ..؟؟ أحلام : والله ما أعرف .. أحس الكرش بدا يكبر هههه قلت : حرااام عليج عااد مب من الشهر الأول .. يبااله .. أحلام : لا بس أتخيل أنا هههه قلت : وبتصيرين أم يا أحلااام .. أحلام ابتسمت وقالت : ويـــه الياااهل يباله تربيه عاااد .. قلت : صدقج الحين الواااحد قااام يحاتي عسب التربيه .. أحلااام : صعب وااايد .. أحسه شي يتعب .. قلت : هي صدقج .. صااار الواحد يخااف .. وخاصتا فالمدارس .. أحلام : هيييه ... يباله مراقبه من الأهل ... شيما : دام بدو المطاوعه أنا بسير عند ماما أحسن لي .. أحلام : الحين انتي شو يفهمج فالتربيه .. مدري شقااايل خلوف بغااج ههههه شيما : لا والله .. وبعدين أنا بتفق ويا خلوف ما نييب عيال الا بعد مده .. قلت : أونج عاااد .. أحلام : خليها خليها .. أصلا اللي يقولون جيييه الله يرزقهم عشر خخخخخ ضحكت وقلت : صدقج هههه شيما بوزت : بخبر خلووووف انكم تنكتون علي .. أحلام : منكر منكر والعياااذ بالله ... شيما تتأفف : برووووح أحسن لي .. طالعت أحلاام وقلت : واااايد خذيتي علينا هههه أحلام : هي وبعدين الوحده يوم تتزوج أهلها يكونون هم أهل ريلها .. قلت : قصدج أهل ريلها هم أهلها ههههه أحلام : هيييه هههه .. ما أقووول انسي أمج وخواتج لا بالعكس خلج وياهم .. بس بعد أهل ريلج لهم حق .. يعني يوم يستوي مناسبه ولا شي روووحي مع أهل ريلج لأنه عزه لج ولهم .. وخلج وياهم وحببي روحج .. مب هم اللي ييون يطلبون منج هالشي .. لأنج انتي الدخيله هب هم .. قلت : هي صح .. وطلعتي يا مرت عمي مثقفه ها هههههه أحلام تضحك : ههه لا بس نصيحه مني .. قلت : وبعدين الحمدلله ماخذه من الأهل هههه يعني الحمدلله العلاااقات من قبل اوكي .. أحلام : حضج هههه قلت : جيييه يعني نحن مب عايبينج ..؟؟ أحلام تضحك : لا مب قصدي جذي بس يعني أقول احسن لج هههه ضحكت وقلت : هي اتحرا بعد .. أحلام : انتي وياها جيييه يالسااات ويانا ... خلود بوزت : اسمع نصااايحج .. قلت : بعدج صغيره ع النصااايح .. نشي يلا ... شذى : لا خلونا نسمع يمكن هالشي يفيدنا .. أحلام : عنلاااتكن .. ويااا هالراااس .. صدق آخر زمن .. هههههههههه قلت : دااام هالجيل جذي .. عاد الله يستر كيف نربي عيالنا .. أحلام : هههه صدقج تعب والله .. × × بعد مرور يومين .. ................. : يلا شهووود تأخرتي .. قلت : انزين انزين بس بلبس عيااتي .. شيخه دخلت : كل هذا تتجهزين .. يلا نترياااج تحت .. قلت : حرااام علييج والله بس تسبحت لا ميكب ولا شي .. شيخه : هههه زين يلا لبسي عباااتج عسب نسير .. قلت : ماما جييه ما تي .. شيخه : جيييه تبين القوم كله ايي .. قلت : لا هي تيي زين ... شيخه : أنا أكفي ههه ولا مب تاارسه عينج .. قلت : امبلى تاارسه عيني هههه .. شيخه : أوكي أترياااج تحت .. قلت : أوكي ثواني وأنزل .. شيخه طلعت توها بتصكر البااب .. قلت : أم سعود ... شيخه ردت : هلاأأأ .. قلت : سين سؤال ..؟؟ شيخه : اسأألي ههه .. قلت : منو ومنو بيي ويانا ...؟؟ شيخه : بس أنا وانتي ... وخالد .. طالعتها مبطله عيوني .. : وبابا ... شيخه : طلعت له شغله ضروريه .. طالعتها بخيبة أمل : يعني بنركب مع خالد رواحنا .. شيخه : أنا وياااج لا تخافين هههه قلت : ههه أدري .. بس لو انه بابا ياااي جان زين .. تعاالي شهاب ولا ريلج ما يقدرون يودونا .. شيخه : اليوم يوم الأحد يعني دوامات .. قلت : هييييييييه ... عسب جذا .. تصدقين ناااسيه حتى الجامعه نسيتها هههه شيخه : لاازم .. مستعيله ع العرس تراااج .. ضحكت وقلت : مب لهالدرجه .. شيخه : أقووول خلصيني يلا .. أنا مودره عيااالي وبي وياج .. ضحكت وقلت : خلاااص ثواني هههه طالعت الفون رن .. تجدمت صوبه .. تم استلام رساااله نصيه جديده ... فتحت الرساله .. من رقم غريب .. استغربت .. فتحت الرساله مين يعوضني مكانكـ لو أخذكـ البعد عني ..؟؟ آمة آدم في غيابكـ ما تساوي شي عندي ..!! استغربت .. قريت المسج مره مرتين ثلااث .. منو يطرش لي هالمسج .. أنا بعيده عن منو .. هذا مب رقم أماني .. لأني غيرت رقمي بس أماني أعرف رقمها .. وودي أقطع علاااقتي بها لأني كل ما أشوفها أتحسر .. اممم أنا بعيده عن حسن .. بس ما أظنه حسن لأنه حسن فالسعوديه .. وتزوج أكيييد ما بيرمسني .. وبعدين لو طرش مسج لااازم يكون خط السعوديه .. اممم غوايه .. غااايـــه الله يسامحها هم نستني ولا يمكن أرد لها خلاااص .. ولا بيوم راااح أفكر انه ترجع صداقتنا لأنها بسهولهـ تركتني .. وأكيد مب غاايهـ مايد ما بيخليها .. عاد منو ...؟؟؟ ليكوووت زاااايـــد هذا اش عرفه رقمي اليديد .. اممم هو ولد والولد يقدر ييب اي بنيه لعنده مو بس رقمها .. يعني يمكن زااايد .. بس ما أظن بعد ما كشفته يرد يتصل بي ويرجع العلااقه من يديد .. يمكن طرش لي المسج تحذير .. اويــــــه .. يمكن تحذير لأنه اليوم يوم الفحص ودرا اني بملج .. هذا ليكون يسويها ويخبر خاالد .. لأأأ دخييييييييلك زااايد لا تسويها .. بروح فيها أنا ما أقدر .. كم مره بتطعنوني ..كم ..؟؟ خلاااص بموووت .. انطعنت من الكل .. الكـــل ما بقا حد بهالدنيا ما جرحني .. .................. : يلااا شهـــــــــود .. تذكرت أوووه شواااخ قاعده تترياني .. يلا بسرعه بروووح قبل لا تاكلني .. غربلااات هالمسج نساااني أهم حدث بحياااتي بعد .. واااي بيسحبووون مني دم اليوم وأنا أموووت رعب من الدم وااااااع .. الله يستر جااان ما فضحت روووحي يدااام خالد زين ... نزلت بسررررعه وأنا مسرعه صدمت بشي .. على طول صبعي عورني .. نزلت بسررررررررعه عسب امسك صبعي اللي ذبحني من العوااار ... قلت : آآآآآآآآآآآآع .. شو دعمت بعد .. رفعت راااسي ابتسمت .. وبديت أضحك : هههههههههههههههههههه .................. : بسم الله بلاااج تخلبتي ...؟ قلت وأنا أضحك : لأأأ بس نسيت ان غيرو أماااكن الكنفااات فالصاااله وجااان اسرع وأدعم الكنفه ههههه شيخه تهز رااسها : اللهم سكنهم مساكنهم .. أتحرى بعد دعمتي لأنج مشفوووحه ع الملجه .. ضحكت بصوووت عالي : هههه مب لهالدرجه .. شيخه : سكتي فضحينا .. خالد فالميلس .. وبعدين انتي روووحج متأخره علينا .. طالعتها وقلت : من حقي عروووس ههههههه شيخه ضحكت وقالت وهي تقلدني : من حقي عروووس أونج ... يلا امشي بسرررعه الريااال من متى يترياااني .. قلت : ههه يلا ... شيخه : بسرررعه قبل لا يقول غاصبينها عسب تاخذني .. قلت : لا عاد تفكيره مب جذي .. شيخه : دافعي عنه دافعي انتي .. ضحكت وقلت : من حقي والله .. شيخه : أقووول امشي لاااه .. ابتسمت وتميت أمشي وراااها وشوي شوي ... دخلنا الميلس .. قلت : السلام عليكم .. خالد وأمااايه ردو السلام : وعليكم السلام .. خالد وقف وقاااال : ها خلصتو .. حسيت اني بالفعل وااايد تأخرت هههه شيخه قاالت : هي خلصنا .. خالد : يلا عيل خااالو .. بنروح .. تامرين بحاايه .. أماايه : سلامتك .. الله وياااكم ولدي .. خالد : يلا عيل فمااان الله .. أماايه ابتسمت وقاالت : بس ديرو بااالكم ع شهووود .. ابتسمت وشيخه بعد ابتسمت .. خالد قاال : شهد بعيوننا خالو .. أماايه ابتسمت وأنا استحيت وااايد ومشيت ورااا شيخه الين ما وصلنا السياااره .. ركبت ورا .. وشيخه بعد ركبت وراا .. قعدت وأنا أدعي فخااطري خالد لا يحرجني .. خالد حرك السياره وقال هو يطالع ساعته ,. : وااايد تأخرنا .. قلت فخاااطري أكيييد قاصدني .. شيخه قاالت : هذي شهوود سااعه لما تتجهز .. خالد ابتسم وطالعني من المراايه وقال : لا عااادي .. صااار خير .. نزلت رااسي مستحيه ... × × شذى قاااعده ترمس خلود : هي اليوم بيروووحون .. خلود : غريبه ما خبروني .. شذى : امس بليل الساعه عشر اتصل خالد ببابا .. خلود : هي عيل كنت رااقده .. شذى : هي شكله جذي .. خلود : شذوووه تصدقين أنا مستاانسه وااايد .. شذى : عسى دوووم يااارب .. وأنا بعد .. خلود : أحس خالد بيعيش بسعااده مع شهد .. شذى : وأنا بعد .. يلا يعل ربي يديم السعاده بحياتهم .. خلود : أمييين .. شذى : تعالي شو سويتي حق الفستان .. خلود : بقووول حق خالد يوديني .. شذى : هي لأنه خلوف ما منه فااايده هههه خلود : هههه لو شيما تسمعج .. شذى : بيكون يوم موتي هههه خلود : تدرين فخااطري البس أحمر يوم الملجه .. شذى : أعتقد شهووود تحب الحمر .. خلود : عاد لو تلبس حمر ما بلبس حمر ههههه شذى : ويدي مااال أول انتي .. ههه هالعادات ودروها خلاااص .. خلود : بس يوم العرس أكييد بتلبس أبيض .. عاد أنا بلبس احمر .. شذى : أنا بلبس اسود هههه خلود : حرااام عليج عاااد محد يلبس هاللون .. شذى : احبه شسوي يعني ههه خلود : تعاالي نطقم أنا وانتي وشييوم .. شذى : يباله تصدقين .. خلود : بس أحس شييوم بترفض .. شذى : وانا بعد أعتقد بترفض .. لأنها من النووع اللي يحب محد يشابهها .. خلود : هههه بس صدقها عسب تطلعين استاار .. مس علويه : خلوووووووود وشزززززززززززا .. اسكوووتووو ... شذى بهمس : عنلاااته .. شزااا أونها .. خلود ابتسمت وبااانت ابتسامتها ... مس علويه : في اييييه يا هااانم .. دحكينا وياكي .. خلود : ماشي مس .. مس علويه : هيه الدحكه بتيجي كدا من غير سبب .. خلود وفيها الضحكه : لا مس بس أخوي بيتزوج .. مس علويه : طيب مبروووك بس أجلي كلامك للبيت مش هنا سمعتيني .. خلود : انشالله مس .. خلود بهمس : مااالت عليييج من مس .. × × دخلنا البيت ... حسيت روووحي بموووت من التعب منهد حيلي .. خلاااص شوي وأموووت ... دخلنا سلمنا .. : السلام عليكم .. الكل رد السلام : وعليكم السلام .. تجدمت صوب عمي وابويه .. وبست رااسهم .. قلت : اش حاالكم ..؟؟ عمي بو خالد : بخير بنتي .. وانتي اش حاالج ..؟؟ طالعته وقلت : لا تساأأل عمي .. ابويه ضحك وقاال : هههه يوم اتصلت قالو عنج أغمي علييج .. طالعته ابتسمت وقلت : وصل لك الخبر .. شيخه قعدت وقااالت : شو سوت بي حشا .. واايد ضعيفه شهووود .. خالد يلس يمب أبويه وقال : لا بس هي وااايد تدوووخ عمي : هههه أنا أقووول عنها عصعوصه .. ابتسمت وقلت : عن اذنكم عاد بروووح بريــّح .. أم شهااب : بنتي تغدي ويانا عقب روحي .. قلت : مابا ماما .. منهد حيلي بروح بريح .. أم شهاب : خلاااص عيل روحي ارقدي .. بوعيج العصر .. ابتسمت و ابتعدت عنهم ... مشيت اليـــن وصلت جريب الحجره .. طالعت وراااي ما شفت أحد ابتسمت ودشيت الحجره ... بس في صوت وقفني : شهــــــــــــود .. لفيت وقلت : هلا والله .. شهاابوه .. شهاب ابتسم وقاال : هلا .. اش حااالج ..؟؟ قلت : بخييير ماشي الحااال .. شهاب : سحبو عنج دم وااايد ولا ... ههههههههههه قلت : تطنز ..تطنز اش عليك ... بغو يموتوني .. ههههه شهاب : يلا ارتاااحي وعقب كلي عن تطيحين مره ثااانيه .. اهني ماشي خالد يوعيج .. استحيت وقلت : مليييييييييييق .. دشيت الحجره وأنا أسمع صوت شهاااب يضحك علي .. بس ابتسمت .. هههه لما سحبو عني دم .. طلعت وحسيت بدوووخه .. لصقت فاليدااار .. جان خالد يودني .. يعني مب يشلني عاااد عيب .. بس مسكني عن أطيييح .. وغير شواخ المفهيه تمت تطالع ولا يت مسكتني عسب لا أطيييح بس بصراااحه اليوم كان قمه فالرووووعهـ .. غيرت ملااابسي وتيددت عسب أصلي الظهر ... خذيت وقت لما صليته ... تجدمت عن السرير حطيت راااسي .. أحس روووحي اليوم مستانسه وخاالد انسااان مافي أحسن منه .. انشالله أعيش سعيده معاااه ... أحس ربي عوضني بخاااالد ... ..................... : هلللللللللللللللللللللوووووووووووو .. رفعت اللحاف عني وطااالعت صوب البااب .. ابتسمت طالعتها بدريس المدرسه وقلت : هلللللللللللواااات .. هههه دشت شييوم وقااالت : ها .. شو الأخباااار يا حلوه .. طالعتها ابتسمت وقلت : بخير .. شييوم يت قعدت يمبي وقاالت : شو المعنوياااات عروسنا .. طالعتها وقلت : ههههه لا تسألين الله يخليج .. شيما : وصل لي الخبر ههههه .. قلت : مسرع ما انتشر الخبر .. شيما : الحين من كبر عايلتنا يعني هههه .. انزين تعاالي تغدي ويانا ... خلود عندنا ع الغدا .. قلت : صدق والله .. والله ابا ايي بس مدوخه .. خلاااص بطيييح اهني .. شيما : اها عيل ارتاااحي أحسن ... يلا عيل أنا بسير بتغدا .. قلت : أوكي .. سلمي لي ع خلود .. شيما : أوكـــي .. الله يعيني خلوووف تحت هههه ابتسمت وقلت : شذاوي تعرف دواااه .. شيما : من يينا شغالين الاثنين يتضاربون .. ضحكت وقلت : هههه زين خالد عااقل .. شيما : لا والله شو قصدج يعني خلوووف يااهل .. قلت : لا أمي .. مب قصدي جيييه .. ههههه شيما : اتحرا بعد .. يلا عيل بروح بتغدا ميته يوووع .. قلت : بالعااافيه .. بندي الباااب وراااج .. شيما : أوكي .. × × فالصاااله تحت .... خالد : عيل أنا بستأذن ... بو شهااب : ولدي على ويــن .. تم تو الناااس .. خالد : والله ودي يااا عمي بس وراااي شغل .. واليوم ما داومت .. بو شهااب : خل الشغل يا ولدي .. رييح اليوم ما يباااله .. اعتبرها اجااازه من عندي هههه وبعدين المعرض أموووره أوكي .. خالد : بيتراااكم علي جذي هههه لو اتريا الين باااجر .. بو شهااب : ما عليك بخلي شهااب يسوه عنك .. شهااب طالع شهااب بنظره .. معناها دخيل اللي يحبونك روووح داوووم .... خالد ابتسم وهو يطاالع شهاب .. : دااام جذي موااافق .. بو شهااب : يلا عيل شهاااب نهاية الأسبوع تروووح المكتب وتخلص الشغل ... شهاااب طالع خليفه .. وقال : وخلوووف ... خليفه : لاااأأ أنا بعيد عنكم عندي امتحانات .. شهاب : ودي أعرف انت كله امتحااانات .. ما أعرف متى ما يكون عندك امتحانات .. خليفه ابتسم وقااال : عاااد لا تحبكها يا ريااال .. أم شهاااب .. : ويدي وين البنااات .. كل هااا يغيرن .. حشا ما صااار بيأذن العصر .. شهاااب ابتسم : تبين أروح اشدهن من شعورهن واييبهن لج عسب يساعدنج يوم تنجبين .. أم شهااب : مب جذي عاااد هههه .. خالد ابتسم وقاال بتهديد : خليتك أنا تلمس وحده منهن .. شهاب : دااام المعرس رمس ما نروووم ههههه .. شذى يت وقاالت .. : ماما شييوم مره ثااانيه سألت شهود وتقول ما تبا تتغدا .. شهاب : لوعتو جبد البنيه .. خلوها برااايها .. ما تبا .. شذى طالعتها بنظره وقاالت : ماما قااالت لي .. هه أم شهااب : شذى ازقري أختج وبنت عمج عسب نتغدا .. شذى : انشالله ماما .. × × بعد مرور ثلاااث أياااام ... قاعده فالحجره ومعاااي دفتر التحضير .. قاعده أذاااكر .. بس مالي بااارض في نفس الوقت .. مليت من الدرااسه بس لااازم ندرس . شسوي بعد .. مسكت قلم الرصاااص .. بديت ارسم فستااان .. مب رسااامه بس قااعده ارسم عبط فيني .. ابتسمت .. تذكرت يوم كنت فـ حادي عشر .. وتميت ارسم فستااان فدفتري المدرسي .. كان علينا يومها رياضيااات أكره ماده عندي .. وأنا قاااعده ارسم المس انتبهت لي وزاااعجت .. عاد زفتني عدل .. تقول اللي فحادي عشر المفرووووض ينتبهن لدروسهن وأنا قاااعده ارسم .. بس والله كااانت أيااام حلوه عشتها .. وخاصتا في دبي .. ................ : ممكن أدخل .. سمعت صوت الباااب يندق .. وقلت : تفضل ... دخل بابا وقال : زاد فضلج بنتي .. ابتسمت وقلت : حيااااك أبوووي تو ما نورت الحجره .. أبوي تجدمت ويلس ع السرير .. بست رااسه وقلت : اش حااالك الغاالي .. ابوي ابتسم وقاال : بخير بنتي ... انتي شو مسويه ,,وشو الدراااسه ..؟؟ ابتسمت وقلت : هه مقزره روحي .. ابويه : يلا ربي يوفقج .. قلت : آمييين .. ابويه : مستغربه من ييتي .. صح ..؟؟ قلت : نوعا ما ... ابويه : أدري ما ايي حجرتج الا يوم يكون في موضوع خااص .. ههه ابتسمت وقلت : عسب جذي مستغربه ههه ابويه : شهد أنا أدري ايمااانج بالله قوي .. بقول لج شي بس ياريت لو تيودين أعصاابج وما تزعلين .. طالعته مستغربه .. عسا ما يكووون شي كاااايد .. ياربي شسوي أنا .. ليكووون أمي استوا بها شي .. ولا شييوم .. لالا يمكن خااالد .. يارب خالد ما يستوي به شي .. خالد صااار حياااتي ... قلت : بخووووف : شو صااار بابا .. ماما استوى بها شي .. شييوم .. خااالد استوا بهم شي ..؟؟ ابويه : .................................................. .................................................. .................... |
الحلقه الرابعه و العشرون .. ليت الزمن اللي حكمني بــ البعاد يعيد حكمه لـــي بجمع الحبايب ابويه : هدي يا شهد هدي ما صااار الا كل خير .. طالعته وقلت : اي خييير يا بوي أي خييير وانت شكلك جذي ... ابويه : شهد أنا ما بلاااني شي .. الحمدلله بخير .. ومحد صاار له شي ,,, طالعته وقلت : عاد شاللي صاار ابويه .. ابويه حط ايده ع جتفي وقاال : شــــــــــهــــــــــد نتيجة الفحــــــــــص طلعت سلــــــــبــــيه .......... دموعي بدووون سااابق انذااار هلّت .. طالعت ابويه ورميت روحي فحضنه .. وقلت : بــــــــابــــــــــــا ........ ابويه مسح على شعري وقال : لا تحااتين بنتي ...صااار خير .. بديت أصيييح وقلت : كيف بااابااا .. كيف صااار جذي .. ابويه رفع رااسي وقااال وهو يطاالعني .. : ربج كتب يا بنتي .. ويمكن هذا خير لج ولــ خالد .. يمكن اذا تزوجتو بيصير أشيااا أكبر وأكبر .. ومشاااكل .. مسحت دموعي وقلت : صح .. أكييد ربي كاااتب هالشي .. ابويه ابتسم وقاال : يلا انشالله ربي يعوضج .. ويعوض خالد .. طالعته وقلت : ابوي .. شيما وخليفه .. ابويه : بنستعيل فالفحص مااالهم وما بنخلي البنيه تتعلق أكثررر .. قلت : هي أحسن .. ابويه : يلا عيل .. سيري اغسلي ويهج .. وخلج قويه .. ولا تحااتين .. اعتبري خالد شرااات أخوووج لا تستحين ولا شي .. طالعت ابوي .. وين ما أستحي يا بوي وين .. وأنا كنت بااديه أحبه .. قلت : انشالله ابويه .. ابويه : لا تحاااتين .. عمج لا مااخذ بخاطره ولا شي .. لأنه دمكم مب متطابق يعني محد يخصه فالسالفه .. وانتي متعلمه ماشالله وتعرفين هالشي هزيت رااسي وقلت : أدري ابوي .. ابوي ابتسم وقاال : يلا عيل أما بروووح بتغدا .. قلت : بالعافيه ابوي .. ابوي : تعاالي كلي ويااي .. قلت : مالي خااطر ابويه .. ابوي .. تجدم وقاال : بنتي ع سالفه ما تسوى كدرتي خااطرج .. وبعدين ربي يعوضج ويعوضه .. ادعي لروووحج .. طالعت ابوي وقلت : انشالله .. ابوي : يلا عيل تعاالي وياااي .. ابتسمت له وأنا حزينه بدااخلي وقلت : بغير وبلحقك ابويه .. ابويه : اترياااج عيل .. ابتسمت وطاالعت ابوووي يطلع ... تجدمت عن السرير رميت رووحي .. بديت أصيييح ... لييييييييش لييييييييييييش كلما أحب أحد يستوي بي جيييه ليييييييش .. والله اني كل مررره أنجرح وجرحي عيا يبرا خلااااص ... ليييش الزمن فرق بيني وبين زااايد لييييييييش والحين لييييييش فرق بيني وبين خااالد لييييييييش .. ليت الزمن اللي فرقنا يااا خالد يرد يجمعنا ليييييييييييت .. والله اني لو كنت بعيش وياااك كنت بنسااا كل شي .. كل شي ... وهم زااايد غلط بحقي ورمااني .. وأنا اللي كنت معطتنه كل شي .. حتى روووحي .. بس أأأهـ من الزمن غدااار .. نعيب زماننا والعيب فينا ,, وما لزماننا عيبٌ سوانا .. × × نزلت دموووعها وقالت : يلا باااي برمسج عقب ... سدت التلفون وركضت عسب تروووح حجرتها بس في صوت وقفها : السلام عليكم ,.. ردت السلام : وعليكم السلام .. وراااحت ركض صوب حجرتها .. وقفلت البااب .. رمت روحها ع السرير ,, وبدت تصيح .. ثواااني الا وتسمع أحد يدق بااب الحجره .. ما ردت .. الا ويزداااد الصوت .. قاالت : خلوني بروووحي مابا ما بفتح .. خالد : خلووود فجي البااب .. خلود تصيح : مابا .. خالد : والله ان ما فجيتيه بكسره ... خلود تصيح وتجدمت صووب البااب وفتحته .. وردت صووب السرير وبدت تصيح .. خالد مستغرب : ممكن أعرف اش بلاااج .. حد مضايقنج فالمدرسه .. خلود بدون نفس : يا ريت لو فالمدرسه .. خالد : عيل شو بلاااج ...؟؟ خلود صاااحت وقالت : خااالد لييش انت سويت جذي .. خالد مستغرب : انا ....؟؟؟ خلود : هي انته .. ليييش ما خذيت شهد .. خالد طالع صووب البااب وقال : خلود أعتقد انتي كبيره .. وتعرفين اذا نتيجة الفحص سلبيه .. ما يخلونا نملج .. <<< ( للعلم ترا فالامارات قبل الزواج اجباااري يسوون فحص قبل الزواج .. واذا الدم مو متطابق .. يعني اذا حامل ثلاسيما ,, والثاني هم حاامل ثلاسيميا .. وييبون عيال مصابين ثلاسيميا ,, فـ ما يخلونهم يتزوجون .. أو اي مرض آخر فالدم وخاصتا اذا يكونون عيااال عم ..) خلود مسحت دموعها وقاالت : أنا آسفه .. خالد : ماصاار الا كل لخير .. يلا تعاالي تغدي .. خلود تجدمت عنه وحضنته وقالت : زعلااان .. خالد ابتسم وقاال : لأأأ .. خلود : أنا آسفه وانشالله الله يعوضك بزوجه زينه وهم يعوض شهووود .. خالد ابتسم وقال لخلود : عاااد انتي حاولي تطلعين شهوود من الحاله اللي هي فيها أكييد تعبت وااايد .. انزين .. خلود ابتسمت وقاالت : انزين .. خالد : يلا عيل تعالي وياااي .. خلود : خاالد شهوود تدري ..؟؟ خالد : هي عمي خبرها ,, أكيييد تعبت وااايد .. خلود : هي حليلها .. الله يكون بعونها .. خالد بداخله متألم .. بس ابتسم وقاال : يلا عيل دوري لي ع عرووس ثاانيه ههه خلود : تدري خاالد ما تمنيت أحد غير شهووود لك .. حبيتها واايد .. خالد : خلود غيري الموضوووع وتعاالي نتغدا .. × × بعد يومين بليل ... دخلت حجرة أختها وقااالت : هلا شهووود بغيتي شي .. ابتسمت وقلت : تعالي دااخل .. شيما تجدمت ويلست يمب شهد .. شهد قاالت : دريتي باللي صاار أكييد .. شيما هزت رااسها بحزن وقاالت : هي .. شهد : لا تحااتين حبيبتي الحييين أنا اللي كنت خطيبته ما قمت أحااتي انتي تحااتين .. شيما : صااار خير .. قلت : شييوم .. أنا برمس باابااا عسب يودونكم انتي وخلوووف تسوون الفحص .. مو حلوه تتمين مخطوبه وآخر شي يطلع الفحص سلبي .. شيما : بس يمكن خليفه ما يبااني .. قلت : لا عاااد مو جذي .. وبعدين انتو ما يخصكم .. هذا فحص .. أنا وخالد مالنا شغل .. شيما هزت رااسها وقالت : هي رمسي بااباا .. عسب لا أتعلق به زياده وأخر شي يستوي بي شراات ما صاار لج .. قلت : خلااص انشالله برمسه الأسبوع الياااي عسب تروحون .. شيما : شهووود سؤاال .. طالعتها وقلت : اسأألي .,, شيما : شهووود انتي ما حزنتي .. طالعتها وقلت : شيما مو كل الناااس اللي بقلبهم ع لساانهم ,, وبعدين هذا مكتووب .. مب لااازم أذبح روحي وانشالله الله يعوضه باللي أحسن مني .. شيما : ويعوضج انتي بعد .. قلت : انشالله .. شيما : يلا الله يسهل أموورج .. قلت : آمييين .. يلا عيل أنا برقد .. لأنه باااجر ورااي جامعه وأنا يومين مب مداومه .. شيما : تصبحين ع خير .. قلت : وانتي من أهله .. × × يفتر بسيااارته ومعاااه ربيعه ... خالد : والله مدري شسوي يا منصووور .. منصور : يا ريااال خل ايماانك بربك قوي .. وبعدين خلاااص ربي يعوضك بأحسن منها ويعوضها هي بعد .. خالد يطاالع الشااارع : بس أنا ما رضيت أخذ غيرها من بعد المرحومه هي الوحيده اللي حبيتها .. منصور : يا خاالد هذا مكتوب ومقدر ما نروووم نعترض ع أمر رب العاالمين .. خالد : ونعم بالله .. منصور : يا ريااال أحيدك قوي شاللي صاابك .. خالد ابتسم وقاال : بس هي كاانت أكثر وحده بتخااف ع وليد .. منصور : شو دراااك يمكن بتصير مشااكل بينك وبينها .. خالد : يمكن .... منصور : مستوي رومنسي بزياااده ها بو الشباااب .. خالد ابتسم وقاال : ياااريااال وين ... الله يخليك .. منصور : تدري الوالده قااعده تدور لي ع حرمه .. أخاااف ابتلش .. خالد : والله ما أعرض عليك بنت عمي .. بس الصراااحه كامله والكاامل الله .. لكن لو تاخذها تريا شوي .. خل تمر فتره ع هالسالفه .. منصور : سبحااان الله والله الدنيا عجيبه .. خالد : صدقك .. وبعدين الزواااج نصيب ... منصور : خلنا من طاااري الزواااج .. تعاال نروووح نلعب بليااارد .. خالد : صدق متفيج .. منصور : ونشرب كوفي بالمره .. خالد وقاال : بعدك انت مااال أمريكا .. ما تيوووز عن سوالفك .. منصور : تدري اشتقت للربع .. قوم حمود مال الكويت و الشله .. خالد : صدقك .. كشخه كنا كوكتيل ههههه منصور : يوم سرت الكويت قبل ست شهووور شفتهم .. خالد : أنا رمستهم ع المسن وبس .. منصور : ياا ريااال وين نتفيج نحدر نحن يالله يالله للشغل .. خالد : صدقك .. ههه هالسوالف خلها لخلوف وشهاب وعموور .. منصور ضحك وقاال : بركن ع اليمين أقرب شي .. خالد : حاضرين راااعي البليااارد .. × × اليوم الثاااني قاااعده تتريا أخوها يي ياخذها من يدااام الجاامعه .. نوف يت : شو قاااعده تترين أخوووج .. قلت لها وأنا أطااالع الدفتر اللي أشووف اوراقه : هي تأأخر وااايد .. نوف : تعاالي ع الظله بتحترقين ع الشمس .. طالعتها وضحكت .. قلت : هههه أوكي عيل يلااا .. نوف : وين أحلااام ..؟؟ قلت : عندها موعد اليوم .. تدرين عاااد .. الحمل ومشااكله هههه نوف : ههه يلا الله يسهل عليها ولادتها .. قلت : أميين .. بتصل به بشوووف وينه .. نوف : ما يحتاااي .. أنا اليوم برد مع جاابر وجاابر نسيبج تعااالي وياي .. قلت : لا ما بكلف عليكم .. شو هذا .. نوف : يلا عااادي وبعدين هو نسيبج .. قلت : لحظه عيل بتصل بأبوي بسأله .. .. نوف : أوكي .. يودت التلفون .. واتصلت بأبوي .. قلت : هلا بابا ................. وينه شهااب ...؟؟ .................... اها .. .............. انت بتيي .............. أوكي بس نوف تقول جابر ريل شيخه بيردها ............... خلااااص عيل برد وياهم ................ أوكي عيل ............ يلا مع السلامه ... نوف طالعتني وقاالت : ها بشري .. ابتسمت وقلت : يقوول شهااب مطرشينه دبي .. وهو بيي ورااي وبيوديني بيت شيخه لأنه الأهل كلهم عندها .. فـ قلت له جاابر اللي بيردنا .. نوف : هي لأنه حتى قوووم أمااايه عند شيخه اليوم .. قلت : خلاااص عيل برد وياااج .. نوف : زين عيل هههه قلت : اتصلي بـ جاابر احترقنا ... نوف : هههه خلاااص بتصل به الحين .. قلت : خلاااص عيل أنا بروووح بشتري لنا ماااي وبرد .. نوف : اوكي .. وقفت ودخلت دااخل سرت صوووب الكافتيريا طلبت ماااي .. وأنا رااجعه .. طالعت صوووب الجامعه .. تذكرت أمااني معنها مب فالجامعه بس مدري ليييش أتذكرها وااايد يوم أشوووف الجاامعه ... وصلت عند نوف وقلت : هاااج .. نوف : مشكوووره ههه يعل ربي يسقيج مااي الجنه .. قلت : أميين هههه .. ها اتصلتي به .. نوف : هي اتصلت به .. يقوول منصوور يااي وراااي .. بطلت عيوني وطالعتها : أخوووج الثااني هذا .. نوف : هي .. قلت : جيييه ما رمستي من قبل كنت برمس بابا .. عسب ايي وراااي .. نوف : عاد لا تكبرين الموضوع ما فيها شي .. قلت : لا شو ما فيها شي .. أنا قلت لأابوي جاابر بيردنا .. نوف : انزين .. بس جاابر طلع عنده شغل وطرش منصور .. قلت : لا سمحي لي أنا بتصل بأبوي .. نوف : هااا .. هذا منصووور .. وصل .. سيارته .. قلت : سيري الله وياااج بتصل بأبوي .. نوف سحبتني : بتحترقين بهالجو .. قلت : انزين عيل ركبي ويااي ورا .. نوف : منصووور وااايد جدي .. بيقوول شو أنا دريول عندكم .. قلت : دفش وااايد ههه يلا عيل .. نوف : غريبه تغشيتي .. قلت : سيري نوووفوووه أنا روحي معصبه منج تبيني اذبحج .. ركبنا السياااره .. وقعدت وراا نوف .. واكتفيت بالسكوووت .. نوف : هلا منصوور اش حاالك ..؟؟ منصور يحرك السياره : بخير ... نوف : بتودينا بيت بيت شيخه أوكي .. منصور يطاالع الدرب : أوكي .. نوف قاالت : شهووود بتسيرين بيت شيخه لاااه ...؟؟ شو هذي الا تفضحني .. قلت بهمس : هي .. فجأه رن تلفون منصووور .. منصور رد .. وقال : السلام عليكم ............. هلا والله بو وليد .. حسيت ان قلبي طاااح .. هذا خااالد .. يا ربي لييش كل ما أسمع طاااريه قلبي يعورني ... مدري ليييش القدر فرق بينا ... آآآهــ .. تميت سااكته طول الدرب الين ما وصلنا بيت شيخه .. نزلنا أنا ونوف ,, ودخلنا داااااخل .. ونحن نمشي .. قلت : فضحتيني .. نوف ابتسمت وقاالت : ما فيها شي عااادي .. قلت : هي عشااانج .. نوف : تعاالي تعاالي نرووح نسلم عليهم .. دخلنا وسلمنا ع الكل .. رحت قعدت يمب أم شهااب وقلت : هلا أمااايه .. البنااات وين ..؟؟ أم شهااب : كلهن فووق .. قاعدااات مع عياال شيخه .. قلت .. : اها .. عيل أنا ابا اطلع عباااتي .. نوف : أنا ساايره أطلع عباااتي .. قلت لها : أوكي أنا بيي وياااج .. شيخه : شهووود لحظه .. تعاالي ويااي بغيتج بموضوع .. قلت : انشالله .. قلت : نوافي روحي أنا بي عقب .. نوف : أوكي .. شيخه : شهووود تعاالي وياااي المطبخ .. لحقتها الين ما وصلنا المطبخ .. شيخه بندت البااب وقاالت : شخبااارج ..؟؟ قلت : بخير .. انتي اش حاالج ...؟؟ شيخه : بخيررر .. طالعتها مستغربه وقلت : بلاااج ..؟؟ شيخه : ماشي .. قلت : عيل جيييه طلبتيني .. شيخه : شهووود بغيت ارمسج بسااالفتج انتي و .............. قاطعتها وقلت : خالد ...؟؟ شيخه هزت رااسها وقاالت : هي .. قلت : شيخه لا تحاتين .. تراني خلاااص احسه شرااات أخوي وما في قلبي اي شي .. شيخه طالعتني : اكيييد .. قلت لها : هي أكيييد .. وذا فتحتو الموضوع مره ثااانيه بزعل .. قولي للكل .. شيخه قالت : لا خلاااص أهم شي راااحتج .. قلت : وأنا راااضيه ومقتنعه بحياااتي خلااص .. شيخه : عيل السموووحه .. ما رمستج بوقت منااسب لأنه عندي نااس .. وبعدين العيااال ما يخلوني ايي عندكم وااايد .. قلت : لا ما عليج .. شيخه : أوكي عيل يلا سيري طلعي عباااتج قبل لا تاخذين ريحة الطباااخ .. قلت : هههه عادي .. ترااني ميته يوووع .. شيخه : مب باااجي شي جاااهز بس ننجبه .. قلت : تبين مساااعده .. شيخه : سيري طلعي عباااتج وتعالي ... قلت : أوكي .. شيخه : سوي بسرعه سيري طلعيها فالحجره اللي تحت .. قبل لا جابر ايي ويهزبني ويقول الغدا مب جااهز .. قلت : هههه لا ما عليج ساايره الحين .. شيخه : يلا عيل .. رحت صوب الحجره اللي تحت يمب المطبخ .. طلعت عباااتي ولبست الاوقااايه .. وطلعت سرت صوب المطبخ .. قلت : شواااخ ...؟؟ طالعت الحرمه محد وين رااحت .. تجدمت صوب برااادة الماااي وجبيت لي مااي .. ووقفت اترياااها ... فجأه سمعت صوت واااحد .. : هلا حرمة أخــــــــــوي ... جني عرفت الصوت ... ما لفيت أساسا كنت معطيه ظهري للباب .. حسيت روحي ارتجف .. مدري خوف ولا شو .. ................ : السموحه منج .. تحريتج أم سعود .. ثواني الا وما أحس بأي أحد موجود .. لفيت .. ما شفت اي أحد تنفست بصعوبه .. آآآآآآآآهـ الحمدلله رووح .. الظااهر هذا منصور ويوم أنا معطيه ظهري للباب ما ميز بيني وبين شيخه .. بس الحمدلله كنت لافه .. ويـــه خوفني والله .. بس زين اعتذر طلع راااعي مذهب مب خربطيشن .. .............. : شهووود يلا ساعديني نجهز الصحون .. ابتسمت وقلت : أوكي .. × × .................... : لأأأ .. عمر : انزين سوو الفحص .. وبعدين تفاءل يا ريااال ,,, خليفه : قلت لأابوي .. انشالله الاسبوع الياااي بنروووح للفحص .. عمر : هي أحسن لك .. وبعدين مب حلوه البنيه تكون معلقه وآخر شي يطلع الفحص سلبي . خليفه : تدري عمووور .. وااايد خااايف .. عمر : ليييش الخوف يا خليفه .. انشالله الفحص بيطلع أوكي .. خليفه : ما أدري أخااف يستوي بنا شرااات ما استوى بخاالد .. عمر : خل ايمانك بربك قوي .. يا ريااال لا تحاااتي .. خليفه : يلا عسى خير .. عمر : تدري يا ريااال شككتني .. يبالي أسوي الفحص من الحين .. خليفه : هي أحسن لك عسب لا تتم البنيه حليلها معلقه .. عمر : هي وتستوي مصيبه .. خليفه : لو محد خذا البنت بيفروون اللوم عليك .. عمر : مب لهالدرجه عااد البنيه من الأهل مستحيل يسوونها .. خليفه : هي صدقك بس بعد الفحص مهم .. عمر : بس هذي تدعي اني ما أخذها أخاااف من دعواتها يطلع الفحص سلبي ههه خليفه : عمر انت ربيعي وبسألك سؤااال جاوبني بصرااحه .. عمر : اسأل .. وبعدين انت من الأهل لا تنسى هالشي .. خليفه : ادري .. لو اني مب من الأهل جاان ما رمست وياااك .. عمر : قول اش عندك ..؟؟ خليفه : الحين البنيه لو ما تباااك جيييه تاخذها ...؟؟ عمر طالع خليفه وقاال : يمكن انت أول واااحد تسألني هالسؤااال .. خليفه : هي لاااحظت حتى أخوانها عادي عندهم مع البنيه ما تباااك .. عمر : تعرف انه عمرها خمس تعش سنه ... خليفه : هي أعتقد اللي بعمرها أول يتزوجون .. عمر : ماااخذه الحياااه لعبه .. أبد ما تتحمل المسؤوليه .. وبعدها صغيره مب قد الكلام اللي تقوله .. عشان جذي اطوووف رمستها .. والكلااام اللي تقطه .. وبعدين أكيييد يوم من الأيااام بتعرف الصح من الغلط .. خليفه : انشالله .. عمور ليكون زعلت آسف لأني تدخلت .. عمر : لا بالعكس عاادي .. انت ربيعي .. خليفه : ونعم بك والله .. عمر : اقووول خلوووف خلنا من سوالف الحريم وتعاال نروح نفتر .. خليفه ضحك : ابد ما تدور سوالفك .. عمر : ياريااال نقزر حياتنا .. ترا عقب الحرمه بتتصل تعال وتعاال .. خلنا نعيش الحين .. خليفه : هههه صدقك .. ترا الحرمه بتغاار منك بعد .. عمر : هي اكيييد عيل شو ع باالك .. × × يوم الخميس العصر ... الساااعه اربع ونص .. قمت من الرقاااد .. ماشي جاامعه اليوم .. الحياااه ممله لكنها مستمره .. ومثل ما هي ما شي اي تطورات من اي صوووب واي نااحيه .. من ذاااك اليوم ردينا بيت من بيت شيخه وأنا ملااانه ماشي غير درااسه وأكل ورقاااد .. حتى النت ما قمت أحدر . حبااايب قلبي أعضاااء نور الامارات ما قمت أرمسهم مررره خلاااص قطعت .. أحس روحي مهمومه مالي خلق لأي شي بهالحياااه .. وايجت من البلكون .. شفت واااحد لااابس بنطلون جينز وتيشرت ومعاااه جنطه اسبورت .. حطاااها فالدبه وهو ياالس يرمس فالفون ..مبتسم .. ركب سيارته وحركها .. أكيييد رااايح الجيم .. ابتسمت خاالد انسااان وسيم .. كنت بتزوجه بس للأسف الفحص طلع سلبي لكن الوسااامه مب كل شي .. بس بعد خاالد أعتقد انه متوفره فيه صفااات كثيره وااايد .. اي بنيه بهالكون تتمناه .. مال وجمال وكل شي .. حتى شخصيهـ .. ودين .. خالد وااايد أحسن مني .. لأنه كاان صاادق ويااي .. بس أنا ما كنت صاادقه وياااه لأني ما خبرته عن زاايد .. بس أحسن لأنه خلااص ما شي نصيب .. وبعدين ربي يرزقه بوحده أحسن مني .. ................ : ممكن أدخل .. ابتسمت وقلت : حياااج حيااتي ... دخلت ومعاها البيبي الصغير .. وقالت : هلااا والله شهووووووووود .. ابتسمت وقلت : هلااا بج زووود .. حياااج .. شيخه تبوسني : اش حاالج حيااتي ...؟ قلت : بخير ربي يعاافيج حبيبتي .. ومن صووبج ..؟؟ شيخه : بخير .. قلت وأنا العب بويه حامد : واش حاله الحلو ... شيخه : بخير .. زعلاان من خاالته .. قلت : له له له .. وليييش .. بناازع خالوته أنا .. شيخه : ما تمت عندنا ع العشااا .. بستها وقلت : السموووحه حبيبتي بس عاااد انتي تدرين كنت تعباانه وراااده من الجامعه مب مريحه ووراي تحضير وسوالف .. شيخه ابتسمت : هالمره سامحناااج المره اليااايه ماشي .. قلت : عطيني اياااه .. شيخه عطتني حاامد وقالت : هاااج .. فكه شوي هههه قلت : حرااام عليج يااهل ماله ذنب .. شيخه : أمزج انزين .. وانتي بعد ربي يرزقج بولد صاالح .. قلت : امييين يااارب .. شيخه طالعتني مستغربه وقاالت : شووو .. قلت وأنا أضحك : شو شوووه ... شيخه : لا بس نحن على ايامنا وحده تقول لنا جذي نصير طماااط ونستحي .. قلت : ها أول الحين عاادي وازيدج من الشعر بيت بسمي ولدي فااارس ههههه شيخه ابتسمت وقالت : صدق انج حركااات شهووود .. قلت : هي شو ع بااالج بعد وحده ما تعرف ولاشي .. شيخه ابتسمت وقاالت : الله يرحم بناات أول هههه قلت : مستويه لي مصلحه اجتماعيه شيخوووه هههه شيخه ابتسمت وقاالت : تعاالي ذاااك اليوم منصوور ردكم .. قلت : هي .. شو دراااج .. شيخه : جابر خبرني .. انزين تعاالي كيف رضيتي تركبين ويااه .. أنا أحيدج من ريلي تستحين عااد من أخووه شو تسوين .. ضحكت وقلت : صدقج .. بس هذي العنزه نوفوووه خلتني اركب هههه شيخه : زين سوت .. ههههههه قلت : لييش بلا .. شيخه : يمكن منصور يااخذج شهووود .. طالعتها مصدومه .. أنا كلما أطلع من مصيبه يدخلوني بمصيبه ,, ما با أتزوج يا ناااس مابا .. صدقوني أبا أتك جذي أحسن .. شيخه : بلاااج سكتتي ... طالعتها وقلت : ها لااا .. ماشي .. شيخه : أنا آسفه اذا ما عيبج كلاامي .. بس تبين الصدق شكله صدق منصور ناااوي على جذا .. طالعتها مستغربه وقلت : لا ما زعلت .. شيخه : أوكي عيل تعااالي ننزل نقعد مع ماما .. يالسه روحها .. البناات رقوود .. قلت : هي اليوم ترا مداارس من ردو رقدو .. شيخه : شو مسويه فالجامعه ..؟؟ قلت : ماشي .. كالعاده .. واليوم خميس طلع ما علينا ولا شي جاان أغيب .. شيخه : شهووود تصدقين .. تذكريني برووحي ايااام أول ههه ضحكت وقلت : زين زين .. يعني سعود وحامد بيشوووفون أمهم الصغيره هههه شيخه : هي أحس يوم كنت فالجامعه جذا شرااتج .. قلت : لييش ما تشتغلين ..؟؟ شيخه : جابر ما يخليني .. وبعدين هذي شهادتي فالكبت مثل مااهي .. قلت : بس زين عندج شهااده .. شيخه : من هالنااحيه هي ... قلت : وبعدين يمكن جاابر يوم من الأياام بيخليج تشتغلين شو دراااج ..؟؟ شيخه : يمكن جااايز هالشي .. قلت : هههه كل شي بهالزمن جااايز .. شيخه : بس تدرين أحسن مكااان للحرمه بيتها هههه قلت : صدقج .. يالسه مرتااحه من الهموم وكل شي .. شيخه : هي والله ,, قلت : ترا الشهااده تفيد وااايد .. حتى ولو عندج بيزااات الدنيا ومب محتاايه تدرسين .. بس ادرسي .. شيخه : هي أكييد .. تخيلي لا سمح الله .. اذا بيوم صاارت ضروووف وانجبرتي تشتغلين .. قلت : هي .. شفتي كيف الشهاااده تفيد .. شيخه : تدرين أنا وانتي مدري اش صاابنا اليوم هههه قلت : صدقج .. دراااسه ودرااسه هههه × × يوم الجمعه ... عقب الغدا الكل متيمع .. طالعت خلود وقلت : شخباار الدرااسه خوخه ..؟؟ خلود نزلت راااسها مستحيه : أوكي .. عرفت ليييش خلود مستحيه .. أحسها مستحيه ع الكلااام اللي كاانت تقوله لي عني وعن خاالد وآخر شي ما خذينا بعض .. بس أحسه شي عاادي غير محرج لأنه بالفعل وقتها يمكن كنت بااخذ خاالد حتى أنا ما حطيت ببالي ان أنا وخالد ما بناخذ بعض .. شذى : بناات تبونا نطلع اليوم .. شيما : ياريـــت ع الأقل نغير جو .. قلت : أنا مالي باارض بتم فالبيت وبرقد .. هـ الأسبوع كان بمعنى الكلمه تعب .. كله تحضير .. خلود : الله يعينج .. قلت : هي والله ادعو لي عسب أنجح هههه أخااف لا اييب كيكات .. خلود : ماال اول هههههه قلت : وينه وليد .. اليوم مب مبين ..؟؟ خلود : فالميلس مع ابوووه .. حزنت شوي .. بس رديت طبيعيه .. : اها .. سيرو ييبوه فخااطري اشوفه تصدقون ههه .. خلود : أوكي عيل بسير بييبه .. خلود روحت .. قلت : شيمووه بلاااج .. شيما : ماشي بس متزجمه .. قلت : اها .. سلااامات سلااامااات .. شيما : الله يسلمج .. قلت : عاد لا تعدينا .. هههه شيما : لا تتقربون عنيه ههه ولا بعديكن صدق .. قلت : لا أمي بتم بعيده عنج لا الزجااام ما بييني رقااد بليل .. روحي تعبااانه هالأسبوع .. شيما ضحكت وقاالت : خوافه .. قلت : هي الواااحد من المرض يخااف لاازم هههه شيما : انزين ما بعديج لا تخاافين هههه قلت : خلوووف اهني .. شيما : هي ما جفته .. اليوم .. قلت : أحسن عسب لا يتخرع من صووتج ههه شيما : بالعكس صوتي اليوم حلو ههه قلت : خاارطه ع روووحج وين حلو .. ترمسين من بطنج هع شيما : تشبيه فاااشل ههه قلت : وينها هذي خلود تأخرت .. شيما : الحين بتيي تشوفينها يالسه ترمس وياهم ههه قلت : عادة هالعايله جذي .. يـتأخرون بكل شي .. يت بسرررررررعه وهي تقووول : شو بلاااها العاايله هااااا مب عايبتنج يعني ههههههه قلت : لا حشاا والله .. شو يعني تبوني اذم عيلتي لا نو ويـــه .. خلود : ههه اتحرا بعد .. يلا سير عند خالو .. ابتسمت له وقلت : تعاال حبيبي .. وليد لصق بخلود أكثر .. خلود قاالت : بلااك ..؟؟ قلت : خليه الرياال يستحي .. خلود : ههه يستحي .. جيه ما يعرفج ... أونه قلت : لأأأ بس جم من يوم ما شاافني نساااني ههه .. صح وليد .. وليد تجدم شوي شوي وقاال : ثهووود .. بسته وحطيته فحظني وقلت : عيون ثهووود انته .. وليد : عندج حواواه .. ابتسمت وقلت : غاالي والطلب رخييص .. عندي حلويااات مب حلاوه وحده .. وليد : انذين اباا .. بث لا تخبرين بابا .. استغربت وطالعته قلت : لييش حبيبي ..؟؟ وليد : بابا ما خلاااني اثتري حواواه .. قلت : بس عيب حبيبي محد يسوي شي من ورا باباته .. وليد هز رااسه : بث أنا ابي حواواه . قلت : حبيبي اللي يسوي شي من ورا بابا ويجذب الله يوديه الناار .. وليد : انذين خبري بابا عثاان يعتيني .. بسته وقلت : انشالله حبيبي بس انت لا تجذب زين .. وليد : زين .. بث ليييييييييييث .. قلت : لانه جذي الشيطاان يحبك والله يوديك الناار .. وليد : خلااث ما بكذب .. بسته وقلت : الله يحفظك حبيبي .. وليد نزل من علي وقاال : بروووح بابا أنا .. قلت له : رووح حبيبي .. بباي هههه وليد سوا لي باباي .. خلود : شيطووون هالولد ههه قلت : حراام عليج بعده يااهل .. شيما : سعود ولد شيخه أخس عنه .. معنه أصغر عن وليد .. شذى : لااازم هذا .. عمته اندر تيجر .. خلود ضحكت وقاالت : حرااااام علييج .. ههههههههه شيما : لا ترمسون عن مريوووم هذي حرمة ربيع خطيبي ههههه قلت : كملت المخبل تجمعو .. ههه شيما : لا صدق عااد مريوووموووه طيوبهـ .. قلت : بعدها صغيره .. يوم تكبر بتستوي شيخه الحريم هههه شذى : يعني حتى أنا يوم أكبر بستوي شيخه الحريم ههههههه قلت : لا انتي بتستوين ست الستااات هههه شذى : ههه حلوه هاااي .. ابتسمت وقلت : يلا بناات أنا بروووح برقد شوي .. شيما : تمسين ع خير ههه قلت : وانتي من أهله ههههه صعدت حجرتي .. رميت روحي ع السرير وخفيت ع ضوووء الابجوره .. بس أخر شي طفيته لأنه بالفعل ضاايقني .. بديت أرقد .. الا واسمع بصوووت التلفون بنبهني باستلااام رسااله جديده .. طالعت الرقم استغربت .. نفسه اللي طرش لي مسج يوم رحت للفحص ... فتحت الرساااله بسرعه .. لقيت مكتوب فيها .. شهد أنا زااايد يا ريت لو تردين علي يوم أتصل .. حسيت نبض قلبي وقف .. خفت هذا اش يبي بعد مني .. بس حراام عليه .. شو يبا يهدمني ويحطمني أكثر من جذي .. يمووت خلااص ما قمت أستحمل غدر وطعوون أكثر عن جذي .. ترددت اني أرد عليه .. خفت لا السالفه تكبر أكثر وأكثر .. ما اروووم استحمل اي شي من تجاهك ياا زاايد .. تعبت .. وخاصتا منك .. توكلت ع ربي وقلت برد عليه .. رديت عليه بمسج .. خير اش تبي .. اكفينا شرك لو سمحت .. ما رقدت .. ترييت الين ما يرد .. أصلا ما بييني رقاااد .. فجأأه سمعت صوت التلفون يرن .. فزعت .. وطالعته نفس الرقم .. رديت بسرررعه .. وقلت بدون نفس : الو ... قااال بنبره شوق ووله : هلا والله .. قلت : خيييييييير .. زايد : شهد اش حاالج ..؟؟ قلت : مب بخير .. قول اش عندك ..؟؟ زاايد : شهد .. ممكن تكلميني عدل .. قلت له : والله لا تقرب لي ولا اقرب لك كيييف تباااني ارمسك يعني ... .. قول اش عندك .. زاايد : شهد أنا زااايد تعرفين من زااايد .. زاايد اللي كنتي تموتين وتحيين به .. يا شهد .. سكتت للحظه هلت دموعي اللي ما قدرت أمسكها .. وقلت : زااايد ما أستحمل منك اي شي أكثر .. انت لو سويت اي شي يمكن بموووت زايد بنبره حزن : شهد أنا أدري باللي سويتيه بروووحج .. أدري انج حاولتي تنتحرين .. قلت وأنا أصيح : زااايد بس بــــــــــــــــس خلااااص .. ما قمت أتحمل اي شي منك أكثر ... ما أقدر والله ما اقدر .. زايد : شهد سامحيني .. قلت : اسااامحك بشو يا زاايد ولا على شو .. خبرني .. على خيانتك ولا لأنك رخصت بي .. خبرني .. زايد : شهد انتي غلطاانه أنا ما رخصت بج .. قلت له : عيل شوو يا زااايد شووو ... زااايد : شهد افهمي اللي شفتيها مب حرمتي مب حرمتي .. مب حرمتي .. فهمتي ولا لأأأأ ... يا شهد ... |
الحلقه الخامسه و العشرون .. أنا مابيك تعطيني كثر ما أعطيك يالقاسي .. و كل اللي بغيته بس تقدر موقفي مره ,, أنا دايم على ذكرك أعيش بحرقة أنفاسي يمر يومي مثل أمسي وأقول يمكن يحس بكره مب حرمتي ............ مب حرمتي ............... مــــــــــــــــب حرمتي .. كلمه ترددت في بااالي وزاااد صدى صوتها ... تميت ساااكته ما علقت وأناا خااايفه ,, زايد شو يقصد ... لالا زااايد مره ثاانيه يجذب علي ... زايد : شهد صدقيني .. أمـــــــــاني مب حرمتي .. دموعي نزلت وقلت : زااايــــد بسك .. بس حرااام عليــــك لي متى بتعيشني بوهم لي متى ... حرااام عليك حس فيني شوي ... زايد : شهد صدقيني .... قلت : زاااايد لا تجذب دخيلك .. ذيج المره شربت كلووور هـ المره شو تباااني اسوي .. اشرخ ايدي بالشفره .. عاااد بهالطريقه مستحيل أعيييش .. زايد : شهد صدقيني والله ما أجذب عليج .. أماني تستوي حرمة حمدان أخوي .. انصدمت وقلت : بس انت ما عندك أخو زاااايد ... زايد : بلا عندي بس أنا ما خبرتج ... قلت : يعني كنت تجذب علي ...؟؟ زايد : شهد انسي اللي طاااف .. وخلينا نفتح صفحه يديده .. قلت : زااايد اسمح لي الحين أنا بنت محافظه ولا يمكن أتكلم وياااك .. زايد : بس يا شهد انــــــــــا ............................ قاطعته وقلت : انت ولاشي بحياااتي انتهيت يا زااايد انتهيت ... زايد : شهد سألي أماني بعد والله انها مرت أخوي .. قلت : صدقتك بس دخيلك ابعد عن دربي .. زايد : شهد أنا كنت ابا اتقدم لج صدق صدق عقب ما حاولتي تنتحرين .. قلت : عقب شو ... عقب ما أذنبت بحق نفسي ياااي تصلح غلطتك .. زايد : بس يااا شهد ولد عمج تقدم لج وانتي وافقتي عليه .. ولو اني مب زين جااان رمسته عنج .. قلت : لا تخاااف ما بيصدقونك .. زااايد : بس لا تنسين يااا شهد عندي دلاااائل أنا مو بس دليل واااحد .. خفت بس ما بينت وقلت : ترا ناوين نااس ثانيين من أهلي يتقدمون لي .. يعني انساني يا زااايد .. زايد بمكر : وشوووو رااايج يا شهد أراااويـــه كل شي .. واقول له كل شي عنج ... قلت : بس خــــــــــــــلااااص انت شو ... ما تحس ما عندك خوات ... زايد : خواتي الحمدلله ما يرمسن الفريج كله .. وبعدين لو راااويته يتطيحين من عينه وعين أهلج كلهم .. بديت أصيح وقلت : الله يراااويك يااا زااااااااااايد الله يااخذ حقي منك ... زايد : هههه مستوية لي شريفة مكه .. قلت : زااايد ابعد عني أحسن لك ولا تراااك بتشوووف شي ما شفته أبد .. سمعتني ... وصكرت التلفون بويهه .. بديت أصيييح .. هذا كاابوس ظهر لي من يديد .. ناوي يحطم لي حياااتي ناااوي يذبحني .. حرااام عليك ياا زايد ودي أعرف اش هي مصلحتك يوم تسو فيني جذي .. يوم اني بديت أنساااك أو بالأحرى اتناساااك رجعت .. ياااريت ان قلب حس بي وعورك ع اللي تسويه بي .. بس انت خنت الثقه خلاااص ولا يمكن نرجع لبعض يااا زااايد لا يمكن .. رووووح وانساااني خلااااص .. لأني بديت اتنااسااك وأمحيك من حياااتي اللي بديت اتـأقلم وياها من جديد .. .................... : شهوووود تصيحين ... مسحت دموعي بسرررعه وقلت : هااا لاا حبيبتي ماشي .. بس حسيت روحي تعباانه .. شيما : شهد صدق انتي تعبااانه .. مريضه ولا فيييج شي .. قلت : يوووووووه .. شيما قلت لج مافيني شي .. بلاااج ... شيما : انزين انزين خلاااص كليتيني بقشوووري .. بس ييت أقول لج نحن بنسير بوادي مول تيين ويانا .. قلت : لأأأ سيرو رواحكم .. مابا .. شيما : شهد أنا أختج لو في شي مضااايقج خبريني .. قلت : لا شيما ما بلاااني شي .. سيرو الله وياكم .. شيما : شهد .. عشااان خاالد ... دموعي نزلت وقلت : ياريـــت لو خالد ياشيما ياااريت جااان هااانت .. شيما : عيل شو ياا شهد ...؟؟ من اللي مضااايقج ومكدر خااطرج ... نزلت دموعي وحضنت ريلي وقلت : زااايـــد يا شيما زااايد .. شيما مستغربه : زاااايد ... شو بلاااه زااايد .. قلت : شيما زااايد رد يتصل بي وعرف كل شي عن حياااتي .. الحين .. يهددني .. شيما : وصلت فيه المواصيل انه يهددج .. قلت : هيييه يا شيما هيييه ... شيما : انزين هدديه بأنج تخبرين حرمته عليه .. قلت : يا ريـــــــــت لو السالفه جذي .. يا ريت .. شيما : عيل شاللي صاار يااشهد ..؟؟ قلت : أماااني طلعت حرمة أخوووه هب حرمته .. شيما : شو درااج يمكن يجذب .. قلت : لأأأ أعتقد صدق ما يجذب ... شيما : والحـــل يااا شهد .. قلت وأنا أصيح : أخااف يطلب مني شي كااايد ... وأنا مقدر اسويه .. شيما : لا مستحيل يسويها عنده خوااات .. قلت : أمثااله ياا شيما ما يحسووون .. شيما : لا يااا شهد ايااني واياااج تسوينها ولا تروحين له ... قلت : هي أكييد شو أنا غبيه اروح له .. شيما : ما عليييج انشالله السالفه بتنحل .. يوم يتصل خليني أنا أكلمه .. قلت : لا ما فيني يمسك عليييج شي .. انتي رووحج مخطوبه .. شيما : يصير خير انشالله بس لو اتصل لا تردين .. عطيني أنا برمسه .. قلت : خلج بعيد يا شيما .. شيما : انزين ما بكلمه بس بسمع كلااامه .. قلت : تدرين مو بعيده هو اللي لااعب بالفحص .. شيما : لااا مستحيييييل ما يصير هذي مسؤوليه وبعدين الدوله أمااان .. قلت : هي صدقج .. بتأخرين الجماعه شييوم .. شيما : هي صدقج نسيتهم .. يلا عيل ديري باالج ع روحج وما أوصيج .. قلت : انشالله .. شيما : يلا على خير .. نحن بنروووح تامرين بحااايه .. قلت : سلامتج حبيبتي .. الله وياااكم .. راااقبت شييوم وهي تطلع ... تمنيت للحظه ان حياااتي تكون مثل حياااتها ... كنت بعيش بسعااده أكيييد كنت بنسى همومي وكل شي .. بس في حاالتي أنا مستحيييل أنساااها مستحيل ... داام زااايد ظهر لي من يديد بحياااتي .. آآآهــ يا زااايد .. وربي مابيك تعطيني كثر ما عطيتك .. ولا ابيك تسوي لي اي شي .. بس أبيك تقدر موقفي وتحس فيني بس هذا اللي بغيته منك لا أكثر .. دوم أقووول يمكن تحس فيني بس مستحيل هالشي لأني طاايحه من عينك ,, توني عرفت هالشي توني بس بعد شو يااا شهد عرفتيه يا شهد .. بعد ماا ضاااع عمرج .. مدري بشووو تفيد الحسره الحين مدري ... ما أنكر انه ذكراااك وسط قلبي يااا زاايد عياااا الزمااان يمحيها .. يلا عسى باااجر تحس فيني .. بس ما أعتقد لأنه يمر يومي مثل أمسي وما في اي تطور بحياااتي .. × × .............. : تقول ما تبا تيي بترقد .. خلود : ليكووون بعدها تفكر فالسالفه هذيـــج .. شيما : لا لا .. شهود ما تفكر جذي أبد .. وبعدين هي مقتنعه ها نصيبها .. وهي وخالد مو مكتوب لهم يااخون بعض .. خلود : عيل شو بلااها ...؟؟ شيما : ما بلااها شي بس هـ الأسبوع كاان عليهم وااايد ضغط فالجامعه وتحضير الدروس اللي طافتها عسب جذا .. خلود تهز رااسها شرا الهنود وتقول من بعد استوعاب : اتشــــــــــــــا ... يعني درااسه .. شذى ضحكت : ههههههه شو هذي اتشـــا بعد مستويه هنديه انتي الثاانيه .. شيما ضحكت : تغيير اللهجه ههههه شذى : بس والله عجبتيني يبتيها صح هههههههه خلود : هههه زين يلا عسب نروووح تأخرنا بنااات .. شذى : هي مب بااجي شي ع أذاان العصر .. شيما : يلا عاااد سرينا .. شذى : اقووول شليتو ويااكم بيزااات .. خلود : اوووه نسيت .. شيما : وأنا بعد .. شذى : وانا بعد هههه لو ماني راامسه جااان رحنا بدوون فااايده .. شيما : عااادي لاااه شهاابوه بيدفع عنا .. خلود : بفلسه صدقوني ههههه شذى : زين تسوين هههه وأنا بعد .. شيما : يلا بسرعه تأخرنا أكييد شهااب يتريانا .. خلود : سؤااال ...؟؟ شيما : هلأأ .. خلود : الحين شهااب كيف واافق يودينا .. شيما : اقووول لكم بس ما ترمسووون .. شذى وخلود : هي قووولي .. شيما : ترا أنا قااايله شهوود نفسيتها تعباانه .. عاده هو قاال بيطلعنا .. وهناااك شهووود ما تبا تطلع .. بنقول له شهووود كنسلت على أخر لحظه هههه خلود : اسميج عجيبه .. شذى :انتي سوبر سيستر الصراحه .. شيما : يلا سرينا .. لفت شيما ولا تطاالع شهااب واقف ورااها ويطالعها .. شيما تخرعت : بسم الله الرحمن الرحيم .. شهاب ابتسم : الحين أنا اللي خارطين علي .. وغير جذي بتشترون على حسااابي .. شيما طالعت البنااات بمعنى سمعنا .. رحنا وطي يا جماااعه .. خلود ابتسمت وقاالت : مب قصدنا جذي بن عمي .. افهم السالفه انت أول .. شهاب : اسكتي انتي .. وياها .. ماشي رووحه خلااص .. شيما : لا دخييييلك أخوووي حرااام والله ما بنعيدها بس طلعنا دخيلك .. شذى : هي حرااام .. شهااب : ماااشي يعني مااااشي .. خلود تجدمت عن شهااب وزخت ايده وقاالت : حرااام شهاابوووه ودنا .. شهاب سحب ايده مستغرب من حركة خلود .. هذي صااار لها فتره مطوعه وتلبس شيله وعبااه شاللي خلاها تسوي هـ الحركه .. خلود ردت ع ورا وقفطت صاارت طماااط بمعنى الكلمه .. شهاب : أوكي عيل يلا .. ركبن السياره .. مشو البنااات وشهااب يطاالع خلود اللي بالفعل تغيرت صاارت خجوله وااايد بمعنى الكلمه .. معنه أكبر عنه بوااايد بمعنى الكلمه .. بس ليييش تستحي منه ما يدري .. خلود منزله رااسها وقاالت بصوت وااطي لشذى : بلاااه أخوووج .. شذى : شو درااني عنه .. برااايه .. المهم يطلعنا .. شيما : أنا بركب جدااام .. شهاب ابتسم وهو يركب وقاال : كلمه زيااه بركبج وراا وياهن ههه شيما ابتسمت : لا خلاااص بسكت ههه .. شهاب ابتسم وهو يطاالع خلود من الجاامه اللي يدامه وقااال : على وين بنااات ,,,..؟؟ شيما : بوادي مول .. خلود رفعت رااسها عسب تقول شي .. طالعت شهااب يطالعها .. نزلت رااسها بسرعه .. واستحت .. شهاب ابتسم وقاال لشذى وخلود : الشيله والعباااه اممممممررررررره هب لااايقه عليكن هههه شذى : شنسوي مجبورين .. خلود طالعت شذى وقالت : بس الشعره بجمره .. شهااب : أوووه خلود شو هالتغير المفاجئ .. خلود نزلت رااسها فهمت ان قصده هي صاايره تستحي وااايد .. بس قاالت : أنا أدري ....!!!! شهاب : ورجعت ديمه لعادتها القديمه .. شيما : مب جنك حرفت المثل .. شهاب : لا اللي أنا اقوله هو الصح ههههه شيما ضحكت وقاالت : شهااابوووه سمعنا شي .. شهاب : اخااف نسوي حاادث وخلود تموت وعقب تروووح النااار هههه خلود : مليييق شهاابوووه .. شهاب : هااي الثاانيه بعد استوت لي كويتيه .. اش سالفتكن انتن .. شيما : بابا .. فينا عرج .. طالع دربك عن نسوي صدق حااادث .. شهاب : خلود بشغل أغنيه اهدااا لج أوكي .. خلود طالعت صوب الدريشه وسوت طاااف وقاالت : مابا شكرا .. شهااب : سمعيها انزين بس .. شيما : أنا بسمعها عنها شغل شغل .. شهاب ابتسم وطلع سيدي وركبه وشغله ... وبدت الاغنيه .. : شكرا شكرا يا دكتور الواوا رااحت من اسناني .. (مدري اذا خربطت ولا لأأ هههه ) خلود بوزت وقاالت : خل الاهدااا هذا لك .. شهااب ضحك : ههههههه زين طلع عندي هالسيدي هههه شيما : هههه تعااال اتخبرك الحين انت تسمع هالاناشيد ههههه شهااب : لا ويـــن ها سيدي وليد ولد خالد ذاااك اليوم يا ويانا ههههه شيما بنص عين : ويـــن ياااه هااا ...؟؟ شهاب : رحنا دبي وشليناااه ويانا .. شيما : اهاا .. اتشااا ع قولة خلود هههه شهاب : طلعت خلود هنديه هههه خلود : تعاال اتخبرك جيييه تخربون اليااهل وتودونه ويااكم هااا ..؟؟ شهااب : اش درااني سألي خليفه أخوووج هههه شيما : هي صدق جييه وديتووه حليله .. مسكين .. شهاب : أقووول سكتي انتي وياااها ولا بردكن البيت .. شيما : ما ترووم وصلنا خلاااص .. شهاب لف الدوااار وقاال : وصلنا هاا .. نشووف من اللي بينزل شيما : اووو اووو سووووري والله ههه أخوي الغاالي ,, شهاب : أكبر مصلحجيه فالدنيا .. شيما : طاالعه عليك تراااني .. شهاب : ما تنلامين عاد .. × × المغرب السااعه سبع وعشر بتوقيت مدينة العين .. قمت من النوووم .. نزلت تحت شفت البيت فاااضي .. مافيه أحد وينهم .. رحت صووب المطبخ .. شفت أسيل ,, قلت : اسيل وين ماما وبابا .. أسيل : في روهي شااارجه بيت أهل مال ماما .. قلت : هيييه .. عيل البناات بعدهن ما ردن .. أسيل : لا هوه فيييه يتصل ويقول في عسا برأ ما في يجي .. قلت : اتشاااا .. عيل خلااص .. أسيل : مدام انتي لما في كلااام هندي في يستوي اشوريا راااي ههه طالعتها وقلت : صخي لافلعج هههه .. سويلي سندويشه جبن .. وسويلي لي عصير يبي لي ايااه فووق .. أسيل : أوكي .. طلعت من المطبخ .. صعدت ع الدري وأنا اتوجه لحجرتي .. حسيت روووحي بختنق من شي ما أعرف شو هو ... قعدت ع الدري بشكل غير طبيعي ومسكت راااسي اللي بداا يعورني .. بغيت أصرخ ما قدرت .. حسيت صوتي راااح .. بديت أكح الين حسيت الاحمرااار غطاني كلي ع بعضي مو بس ويهي .. ثواني الا وأشوف أسيل تهديني وعطتني ماااي ... مسكت ايدها بقوهـ ولويت عليها .. مدري شاللي خلااني اسوي جذي .. اسيل رجعتني لورا وعطتني المااي .. قالت وهي خاايفه : شهد شربي ووتر .. شربت شوي .. الكحه خفت .. طالعتها وقلت : خلاااص .. اسيل تمسح ع شعري : خلااص استويتي أوكي ..؟؟ هزيت رااسي وقلت : بس وصليني حجرتي .. اسيل مسكت ايدي وودتني صووب الحجره ورقدت ع السرير .. حطيت رااسي ع المخده وقلت : اسيل اطفي الليت .. وشغلي المكيف .. اسيل : أوكي .. قلت : خلااص روحي سوي لي الأكل .. اسيل : ما يبغى شي تااني .. قلت : لأأأ بسررعه ييبي الأكل والعصير لا تسوينه باارد .. اسيل : أوكي .. مسكت رااسي اللي بدا يألمني .. هذا الربو أكيييد رد لي .. حتى ذاااك اليوم يوم رقدوني الدكتور قاال عندي حساسيه فالصدر .. بس هي مب حسااسيه أنا أعرف اني يوم أفكر واايد أو أتعب نفسيا الربو يزداااد عندي .. طالعت صوب الأدويه .. كلها أدوية حساسيه ما بتنفعني شسوي الحين عااد .. لااازم البخااخ .. بس أنا من زمااان مودرتنه .. لكن الحين مجبووورهـ ارجع استعمل البخااخ .. بتصل بشييوم خل تشتري لي من الصيدليه .. ................ : ( صوت البااب وهو يندق ) قلت : ادخلي اسيل .. انفتح الباااب .. ودخل وليد .. تجدم عني بسرعه ويااه نط فوووق السرير .. وقال : ثهووود حبيبي .. حضنته وقلت : علني افداااكـ .. فديتك وينك عني .. وليد ابتسم لي وقاال : أنا هني .. ضحكت وقلت : أدري حبيبي هههه .. يلا خبرني .. وين رحت اليوم .. وليد : ولا مكااان .. شييوم ما ودتني وياها الالعااب .. طالعته يتني الغبنه .. بغيت أموووت من الصياااح .. كنت بستوي لك أم يا وليد .. يمكن كنت بحبك أكثر من عياالي بس شسوي ... ما باليد حيلهـ .. قلت : خلااص حبيبي أنا بوديك الألعااب انزين ههههه دخلت أسيل خاايفه وقاالت : شهووود شفتي وليد .. طالعتها وقلت : هكوو يمبي ما تشوفينه .. أسيل تنفست بسررعه وقالت : آآهــ .. كاان ضاايع وأبوووه يدور عليه .. قلت : اها .. خلااص عيل خليه عندي .. أسيل : بابا مال هوه يباااه قلت : وليد جيييه انت شااارد .. وليد هز راسه بالنفي وقاال : لأأ .. قلت : شو قلنا وليد اللي يجذب الله يوديه الناار صح .. وليد : آثف .. خلاااث .. دخل خاااااااااطري .. بسته بأقوى ما عندي .. وقلت : علني أفدااااك ماشالله عليك .. الله يحفظك .. أسيل : بابا مال هوه يباااه تحت .. قلت : سير وليد خل أسيل توصلك عند بابا .. وليد : مابا .. قلت : يلا سير .. حبيبي بيي عندك بااجر .. وليد : مابا .. انتي تعاالي وياااي ما أهب اثيــــل .. بسته وقلت : علني أفداااك هههه وليد مسكني من ايدي : انتي وثليني .. شو هالوهقه يا ربي .. خالد تحت .. كيف بقابله .. أنا من يوم عرفت عن الفحص ما رمسته .. ياربي شسوي .. قلت : حبيبي خل أسيل توصلك .. وليد يراافس : لا لا ابا ثهووود .. قلت : اسيل خلاااص روحي قولي لبابا خالد يروح ووليد يتم عندي .. اسيل : أوكي مدام .. وليد يصيح : لأأأأأأأأأأأأأأأأأأع ابا بابا ماااااااااالي .. قلت : عيل شو تبا خل أسيل توصلك ,, وليد يصيح : اباااااااااااااج انتي .. وقفت وأنا البس شيلة الصلاااه : أوكي يلا بوصلك .. ويا راااسك يالهرم هههه وليد استانس : شيليني .. اسيل : لا هبيبي أنا في سيلك شهووود في تأبااانه .. وليد : لا عيل بمثي روووحي احثن .. بسته وقلت : يلا تجدم رووحي .. وليد مسك ايدي وبدينا نمشي .. وهقه الحين كيف بقااابل خالد شو بقول له أصلاا .. والله حاله ما أرووووم .. كيف اقاابله اصلا أحس روحي بمووت حيا .. نزلنا تحت .. رفعت رااسي طالعت خاالد .. تجدمت مع وليد ورفعت راااسي بحيا قلت : هلا ولد العم .. خالد : هلا بج زود بنت عمي .. اش حاااالج ..؟؟ قلت : بخير وسهالهـ ومن صووبكـ ...؟؟ خالد : بخير ربي يعاافيج ويسلمج .. قلت : وليد هكووو بابا يلا سير .. وليد : تعاالي ويانا .. حسيت الألم رد لي وقلت : حبيبي ما اقدر وراااي واجبااات .. بعدين المس بتضربني .. وليد : أوكي تعالي غير يوم عندي .. قلت له وأنا ابتسم : انشالله حبيبي .. خالد : تامرين بحاايه بنت عمي ...؟؟ قلت : سلامتك .. خالد : يلا عيل نحن بنروووح .. قلت : الله وياكم .. وليد : بباي ثهووود .. سويت له بايباي .. وقلت : باااي حبيبي .. رحت صوووب الدري ورجعت الحجره وأنا متألمه بدااخلي ليييش القدر فرق بينا ليييش .. زااايد ولعب بي .. خالد وفرقنا القدر .. من بقى لي من ..؟؟ والله اني انطعن دوووم .. دخلت الحجره رميت روحي ع السرير .. ابتسمت وأنا أطااالع صوب اللاب .. خل أحدر نور الامارات اليوم من زمااان ما حدرت .. بدش البوكس وبرمس يتوم فديتها .. هذا اذا حاادره .. أوووه صح وبتصل بـ شييوم عسب تييت لي البخااخ مال الربو .. × × في بوادي مول .. شيما : أكرمكم الله .. شهااب : قصدج أكرمك الله .. شيما : هي ترااك انت اللي داافع .. بس عنااد أكرمج الله خوخاني .. خلود تضحك : حمدي ربج انه طلعنا اليوم و عشااانا وغير جذي تحمل صدعتنا .. شيما : هههه الحمدلله الحمدلله زين جذي .. خلود : هي زيـــن هههه .. شهاب : هذي الذوووق هب خواتي المجلع .. خلود استحت وتوترت .. شيما : هههه خلاااص .. شكرا أخي الكريم ع هذي الطلعه اللي تخبل شراااتك .. شهااب : العفو خيتو .. تعاالي انتي جيييه سااكته ( أشر ع شذى ) شذى : ماشي بس فيني رقاااد .. شيما : هي صح .. شهود اتصلت بي وقاالت انها تبا بخااخ .. شهاب : بخاااخ لـ شو ...؟؟ شيما : بخاااخ الربو .. شهاب يطالعها مستغرب : جييه رد لها الربو .. أحيده فيها يوم هي صغيره بس .. شيما : لا ما ودرها بعده فيها .. شهاب : اهااا .. عيل خلااص ذكروني عسب أخذ لها قبل لا نطلع .. شيما : أووووكي .. ................ : ماشالله العيله الكريمه كلها اهني .. شهاب ابتسم : حياااك حياااك .. خليفه ابتسم وقاال : غريبه متيمعين وأنا أخر من يعلم .. شهااب : جيييه فجأه صنفن وطلعناهن .. عاد انت ادرى بالبناات لحوحااات ههه خليفه يضحك ويقول : تعلمني فيهن هههه .. شهاب : تعاال تعشا ويانا .. خليفه : لا والله متعشي .. تسلم .. شهااب : زين توفر هههه خليفه : ههه ويا رااسك ,, ( طااالع شيما وقال ) اش حاالج ..؟؟ شيما : بخير .. ومن صوبك ..؟؟ خليفه : بخييير .. تعاالي وين الغشوه .... شيما نزلت رااسها مستحيه ... شهاااب : يا ريااال برااايها توها صغيره هاااي .. خليفه : بعده مب بيدي .. بس بنشوووف عقب ههه .. عيل يلا أنا بروووح ربيعي يتريااااني .. شهاب : خلااص أنا بعد ما بردهن البيت بتصل بك .. خليفه : أوكي عيل نترياااك نحن .. شهاب : أوكي .. × × بعد مرور يومين ع الأحداااث السابقه .. شيما : مابا مابا .. قلت : مب شارحه لج يعني مب شااارحه .. شذى : وأنــــــــا ...؟؟ قلت : حتى انتي ... فهمتو ولا لأأ .. شيما : حرااام سيس حراام .. شذى : هي حتى أنا .. يعني ترضين أختج ترسب .. قلت : سيرو لاااه .. الله جيييه عطاكم عقووول .. عسب تقعدون ع النت ليل ونهار وايام امتحااانات التقويم .. شهود وشهود .. شيما : حرااام سيس .. شذى : حرااام شهووود .. لا تكسرين بخااطرنا .. قلت وأنا أوقف : والله مب شاارحه لأحد .. ابا اعرف انتو فالحصص وين باالكم .. شيما : عند خليفه .. قلت : لا بقوااات عين تقولينها .. عنااد ما بشرح لج .. وانتي ..؟؟ شذى : هممم أنا باالي عند عرس أختي حبيبتي شو بلبس ..؟؟ قلت : هي قردينيني انتي الثاانيه .. يا حبج للقردنه .. شيما : والحـــل .. قلت : سيري عند خليفه يدرسج هههه شذى : ههههه شيما : لا تفرحين وااايد وانتي منو بيدرسج ...؟؟ شذى : هي صدق .. قلت : سيري شوفي تعلم لأجل الامارات ههههه فجأأأه بااااب الصااله تبطل .. شفنا ابويه داااخل .. طالعته وابتسمت .. شييوم وشذاوي هم ابتسمو ... قلت : هلا بابا .. ابويه قااال بدون اهتمام : هلأأأ .. وين أمكم .. قلت : فـ المطبخ .. ابويه مشى بعصبيه .. خفت وقلت : شو بلاااه بابا ..؟؟ شيما رفعت جتفها : ما أدري .. شذى : أويه بنااات نحن مسوين شي غلط .. هالحزه انصدمت .. انـــــــــــا .. هي أنـــــــــا ليكون زااايد كلمه لا لا ما أعتقد .. لأأ بس زااايد هددني يعني بيسويها اللهم اجعل خير .. ياااني فضول وبنفس الوقت خوف .. رحت بسرعه صووب المطبخ أشوووف شو السالفه .. سمعت ابويه يقووول .. ................ : ما أدري شوالحل ...؟؟ خفت أكثر دخلت طالعت ابوووي .. وقلت : بابا خير صاااير شي .. ابويه طالع أماايه : بنتي هدي مب صااير الا الخير ... قلت : بابا شو صاااير قووول .. أمااايه نزلت دموعها ... طالعتهم وقلت : خير شو صااااير ارمسووو ... ابويه بطولة باال : بنتي هدي مب صااير شي .. بس ولد أختج طاااح ومتعور شوي .. قلت : سعوووود .. شو صااار بسعووود بابا ارمس .. ابويه : يوم يسبحونه تزحلق وتعور شوي .. قلت بخوف : والحين شخباااره .. ابويه : بخير ما فيييه الا كل خير .. بس أغمى عليه والحين مرقد .. قلت : بابا ودنا عنده .. ابويه : بنتي الحين العشاا .. باااجر بوديكم .. بس انتي اتصلي بشيخه رمسيها وهديها .. قلت : انشالله حليلها .. مدري شخبااارها .. أماايه تصيح وتقول : ولدي ماا فيييه شي يا بو شهااب .. ابويه : يا حرمه صلي ع النبي ما فيه الا كل خير صدقيني .. أماايه : اتصلو بشيخه ابا اتطمن ع سعود .. قلت : أماايه أنا بتصل بها .. تعاالي نرمسها .. وبعدين لاتخاافين عااادي تصير وااايد .. ويقول لج بابا سعود أوكي .. أمااايه : اتصلي بها أماايه .. قلت : ابويه فحصوووه كامل وعدل .. ابويه : هي الحمدلله ما به شي .. قلت : الحمدلله .. يلا عيل أمااايه تعاالي نرمسها .. ابويه .. : أنا بسير برقد من الظهر فالمستشفى .. منهد حيلي .. أم شهااب : من الظهر متعور ومحد مخبرني .. ابويه : قلنا لج ما به شي يا أم شهاااب .. أم شهااب : الحمدلله الحمدلله .. ابويه : وعييني الفير باااجر .. عندي شغل .. أماايه : انشالله .. اهاااا طلعت السااالفه جذي .. حليله سعودي ما يستااهل فديته .. بس عادي هذي تصير وااايد اليهاال يتزحلقون ويتعورون .. بس الحمدلله طلع ساالم ما به شي ولا صاابه شي .. قلت : يلا ماما نتصل بشواااخ نتطمن ع سعود .. امايه : وحامد عند منو حاطتنه .. قلت : لا تحااتين نوف ما بتقصر .. أمايه : فيها الخير .. قلت : باااجر الصبح انشالله بنروووح نشوووف سعود .. لفيت طالعت شيما وشذى وقلت : الصبح سمعتو .. يعني تجهزون ما تعطلونا .. شيما عبست بويهي .. : بس باااجر عندنا مدرسه .. قلت : اها ههههه عيل طافت عليكم الروحه .. أحسن عسب اروح مع ماما روحي .. شيما : امف .. مااالت .. طالعت شذى وقلت : وانتي الثااانيه بلاااج .. شذى تصيح : سعود ما صاابه شي .. ضحكت وقلت : انتي جيييه قلبج رهيف جذا .. قالو لج ما به شي .. حمدي ربج.. في ناااس يستوي بهم أكثر عن جذي ... شذى : بس أنا أحب سعووود .. قلت : أنا بعد أحبه .. بس ما صاار فيه شي الحمدلله .. أماايه : بنتي خليهن واتصلي بشيخه .. ابتسمت وقلت : هههه انشالله ماما .. حتى انتي قلبج رهيف .. ههههه × × اليوم الثاااني .... بالأحرى .. اليوم اللي عقبه .. الساااعهـ تسع ونص الصبح ... توني طلعت من الحمام وانتو بكراامه .. بديت أجفف شعري اللي مبتل ومايه ينزل ع السيراميك .. ابتسمت عن اتزحلق بعد وعقب بنستوي علتين .. أنا وسعودي ههههه .. غيرت ملااابسي واكتفيت بأني ما أحط ولا شي ع ويهي غير كريم الاطفااال ههههه .. لأنه بنسير المستشفى وحتى لو تغشيت مب حلوه اني أحط ميكب وأنا راايحه أزور مريض .. نزلت وشفت ماما يالسه وتترياني .. قلت : صباااح الخير يالوجه الصبوووح .. أماايه ابتسمت : هلا فديتج صباااح النور .. طالعت صوب وليد وقلت : اهلين حبيبي .. وليد ابتسم قلت له : جييه مب رااايح الحضانه اليوم .. وليد : ما ودوني حداااانه .. أمااايه : خفت عليه قلت بوديه وياااي اليوم وبالمره نشوووف سعود .. وليد : هي أنا بيي وياكم .. أحب شهوود ما أحب مث الحدااانه .. ابتسمت ع رمسته و قلت : ها تريقتو ..؟؟ أماايه : الحمدلله .. قلت : يلا سرينا .. أماايه : وين تو الناااس تريقي .. قلت : لا مابا .. عبال ما نركب ونروح المستشفى تصير عشر .. أمااايه : لأأأ الا تتريقين .. قلت : هههه أوكي أمري لله .. × × بمدرسه من مدااارس البنااات فالعين .. ........... : تشوفينهم راااحو الحين ومتهنين .. خلود تضحك : ههههه حرااام .. خليهم .. شذى : انزين جيييه ما ترييو للعصر اروح وياهم .. خلود : يمكن بيرخصون سعود للعصر .. وبعدين امج حليلها أكيد امسااات ما ياها رقاد من المحاتاه .. شذى : هي يلا الله كريم .. مدري متى نخلص من المدرسه ونفتك .. خلود : صدقج عسب نطلع وياهم هههه شذى : والله ما بخلي مكااان الا وأسير له .. الصبح .. عسب ابرد حرتي .. خلود : ههههه مره وحده يوميا تطلعين الصبح .. شذى : هي ههههه خلود : صح اليوم عاااد اذا رخصو سعود بتروحين بيتهم .. شذى : هي أكيييد أمسااات أنا مقطعه روحي من الصياااح ههه خلود : صدق متفيجه قالو لج مابه الا كل خير .. شذى : شهووود تقول لي أوني عاااد قلبي رهيف .. خلود : ههههه شذى : وأخيررررررررررررا ما بغو .. خلود : هههه يلا نطلع .. شذى : والله قامو يأخرون البريك للساعه عشر ونص .. خلود : أصلا هو لااازم احدعشر ماما .. شذى : اش درااني عادهـ ههههه خلود : يلا تبين شي من المقصف .. شذى : هي انتي اشتري لي .. طولانه هههه خلود : هع .. ابا أوصل طوول شهووود ترااني .. شذى : وااايد طويله أحسها ههههه خلود : بس شييوم شوي قصيره .. شذى : مب وااايد بس أقصر عن شهووود .. بس شهووود طويله وااايد .. خلود : ههههه مدري طالعه ع منو .. بس مستحيل طالعه ع أمها لأنه الفلبينيات قصاار .. شذى : تعاالي انتي ما تشوفين أخوااانج كل واااحد أطول عن الثااني .. يعني أكييد طالعه ع أهل بابا هههه خلود : ياااي .. ابا أصير شراااتها .. لأنها من فوووق الين تحت شرااات العارضات ههههه × × يدااام مستشفى توااام .. نزلنا من السياااره ومسكت يد وليد وقلت : شو ما بتنزل .. شهاب : لأأأ .. بيي الساعه اثنعش ورااكن وبنزل .. قلت : أوكي .. أم شهااب : هالله هالله فالدرب يا وليدي .. شهاب ابتسم : انشالله أماايه .. قلت : يلا أمااايه ندش .. مشينا عسب ندش .. أنا متغشيه .. فـ مسكت يد وليد عن أطيح ههه ونعم اللي مسوتنه بودي جااارد .. أول ما دخلنا .. أماايه : تعرفين كم رقم الحجره .. قلت : هي أمااايه رمست شواخ الصبح .. أمااايه : يلا عيل اسرعي ودي اشوووفه .. ما بتطمن الا يوم أشوووفه .. ابتسمت وقلت : أماايه بس ما شرينا له هديه .. خل نروووح ناخذ له شي من اهني .. أماايه : لا بنتي .. بنااخذ له يوم نروووح بيتهم .. يلا ترااني مستعيله ما فيني صبر .. ابتسمت وقلت : أوكي يلا .. هههه وليد ماسك ايدي : بنلوووح نثوووف ثعود .. طالعته وقلت : هي بنلوووح نثوووف ثعود هههه .. |
الحلقه السادسه و العشرون .. كل جرح فات لي منكـ هديهـ .. وش بلاكـ ..؟؟ تخاف من رد الهدايا .. مشينا أنا وأمااايه ووليد الين وصلنا حجرة سعود ودخلنا .. ابتسمت ونزلت الغشوه وقلت : السلااام عليكم .. شيخه ابتسمت وشكلها مبين عليه التعب وقاالت : وعليكم السلام .. أماايه دخلت سلمت ع شيخه وعاااد رااحت صوووب سعود وبدت تقرا عليه .. ضحكت وقلت : ههه زين ماما اقري عليه عسب يطلع ولد صاالح .. وليد ياااه ومسك ايدي .. وابتسم .. طالعته وقلت له : شو حبيبي تبا شي .. وليد هز راااسه بمعنى لا .. قلت له : عيل شو تبا حبيبي ..؟؟ وليد : وديني فوووق عند ثعوود .. شلته وبسته وقلت : فديتك أنا .. ( يسلته ع سرير سعود ..) يلا ارمسو ويا بعض هههه سعود طالع وليد وابتسم وليد قال له بأسلوب طفولي يخبل : انته تحت .. ( طحت ) سعود تلوم .. وحط صبعه فحلجه فديته جااان أقول : هي هو ما سمع كلااام أبوووه وطاااح .. وليد ابتسم وقاال : أنا اثمع كلااام بابا .. بست سعود وقلت : فديتك ما تستاهل .. وليد : بوثيني انا بعد .. ابتسمت له وبسته وقلت : غيووور هههه .. ( طالعت شيخه وقلت ) هاا شووواخ شو قااال لج الطبيب .. شيخه : بخير الحمدلله قلت : فحصوووه عدل .. ماياااه شي لا سمح الله .. شيخه : هي الحمدلله ... طلع أوكي .. ما بلاااه شي .. بس رقدووه عسب يتأكدون .. ابتسمت وقلت : هاا عاااد متى بيرخصوون البطل .. شيخه : العصر أو المغرب انشالله .. قلت : انشالله لا تحاتين فديتج .. ما صاار الا الخير .. شيخه : الحمدلله ع كل حااال .. أمااايه بعد ما خلصت قرايه قالت : ربي يشفيه .. شيخه : آمييين أمااايه .. أماايه : عند منو حاطه حامد .. شيخه : نوف حليلها أمسااات يت البيت عندي ومسكت لي حامد .. أماايه : فيها الخير هالبنيه .. شيخه : هي والله حليلها متعنيه ويايه .. أمااايه : شيخه وينه جابر ..؟؟ شيخه : توه ظهر راااح ييب أهله .. أماايه : ربي ييسر أموره .. تريقتي بنتي .. شيخه : لأا وين ييني باارض أكل وسعود تعباان .. قلت : بس لو انتي تعبتي عياالج بيتعبون ويااج .. اكلي ع الأقل .. أمايه . صدقها أختج .. مو زين جذي .. شيخه : هاييل أكلهم مب شي استغفر الله أماايه : تبين تاكلين شي .. شيخه : لا أماايه الحين ياابر بيي وبييب وبقول له يشتري لي .. أماايه : حليله متعني .. وبعد تزيدون عليه .. هذي شهووود .. خل تروح لج .. قلت : هي تبين شي بروح بااخد لج .. شيخه : مابا اتعبج .. أمايه : شو تتعبينها أختج هذي يا بنتي قلت : صدقها ماما .. يلا قولي شو تبين .. شيخه : اي شي .. خذيلي سندويشه وعصير بسني .. أماايه : بنتي خذي لها شي يفيدها هب هذا الكوفي اللي تشربونه ع الريج .. ابتسمت وقلت : انشالله أمااايه هههه أماايه : خذي ويااج وليد .. وقفت ومسكت يد وليد وقلت : أوكي أماايه .. تبين شي .. أماايه : لا توني متريقه .. مابا حبيبتي .. قلت : يلا عيل أنا بروح بشتري .. طلعنا أنا ووليد من الحجره وتغشيت .. قلت : حبيبي عطني ايدك .. وليد مسك ايدي وقاال : نلووووح دكااان ...؟؟ قلت له : هي بس ماشي تشتر لك حلاو ما حلااو .. ضروسك بيتفلعن .. وليد : ذين .. بث اثتري لي ماي .. قلت له : أوكي فديتك .. ابتسمت .. مدري طاالع ع منوووه عياار ,, ماشالله عليه عنده اسلوب من هو يااهل هههه .. عيل يوم بيكبر البنااات بيركضن ورااه مشينا الين ما طلعنا من قسم الأطفاال ... تميت ارمس وليد الين وصلنا صوب المقصف اللي بالمستشفى ,, حسيت بأحد يطاالعني مستغرب .. ما لفيت ويهي فالبدااايه .. وأنا اتريا لما اللي يداامي يخلصون .. حسيته بعده يطااالع صوب .. لفيت ويهي بحيث انه ما يلاااحظ اني بشووفه .. أو اني أطاالع وراااي .. انصدمت .. هذا .. هـــ ........ ــــــــذا .. زاااايد .. زااايـــــــــــــد شو يااابه اهني .. بغيت ارجع فوووق .. بس شيخه بتسألني وين الأكل ..؟؟ يا ربيييه شسوي الحين مصيبه .. عن ييي عندي ويرمسني .. ويي واحد من الأهل وأبتلش وياااه أنا عااد .. حسيت انه تم يطاالع وليد .. ويعرف وليد .. بس هذا اش دراااه بوليد .. لا لا نو وي يعرف وليد .. بس يمكن يعرفه شو دراااني أنا .. هذا يعرف خالد أكيييد يعرف انه وليد خالد ... ثواني وأنا قاااعدهـ أفكر .. سمعت وااحد يقول : لو سمحتي يالأخت ...؟؟ لفيت وأنا متخرعه وأقول يااارب مب هو .. ما رديت على الرياال .. قال : لو سمحتي .. ممكن تتجدمين .. انتبهت انه المكااان خفو الناااس فيه .. ابتعدت .. وما رمست .. عسب يشتري الرياال وأشتري عقبه .. وليد : ثهوووود ليييييييييث ما اثتريتي ...؟؟ اهني حسيت روووحي صدق انفضحت .. طالعت وليد .. وما رديت عليه .. ثواني الا والريااال يخلص .. تجدمت .. وطلبت الأغراااض اللي نبيها ... وخذيتهم عن الرياال بعد ما حاسبته .. لفيت عسب نرد أنا ووليد .. وقفني صوت زاايد وما بيني وبينه الا شوية مسااافه : هـــلا شهد .. ما رديت عليه قال : طلعتي شهد هااا .. كنت شاااك الصراحه .. بس ما عرفت انج تغشيتي .. مبروووك .. مشيت عسب ابتعد عنه .. بس مسك يدي ووقفني وقاال : لييش تمي شوي برمسج .. قلت بصوووت وااطي وأنا اتكلم بحده : وخر عني أحسن لك ولا بتشوووف شي ما شفته بحيااتك .. زايد : أهلج مثلااا يعني .. اممم شو بيسووون يا ترى ..؟؟ قلت : زايد انسااني انساااني خلااااص .. ما أباااك ما تفهم ما أباااك .. زايد بحنااان : شهد شو هالرمسه أنا حبيتج .. طالعت وليد اللي يطاالع النااس اللي رااايح واللي راد وقلت : الياااهل بيسمعنا .. ودرني أحسن لك .. هذا مب مكااان للنقاااش .. زايد : ع العموم .. زين اني شفتج .. لأنج وحشتيني .. والشي الثاااني ... أماني مرت أخوي ( شدد على مرت أخوي ) ربت البااارحه وياابت بنيه سمتها شهد ... لفيت ويهي مستغربه وقلت : أمااني ربت ...؟؟ زايد : هي .. مثل ما قلت لج .. قلت : عيل أنا بروووح .. زايد : شهد ارجوووج ردي علي يوم اتصل بج .. بتصل بج المسا .. ما رديت عليه ومسكت يد وليد وابتعدنا .. وأنا مدري شو يااني .. زااايد أكيييد يجذب علي .. ما يحبني يبي يقص علي مره ثاانيه .. وليد : ثهوووود .. منو هذا اللي كلمج .. طالعته وقلت له : حبيبي هذا مااال الحساااب يسألني بكم اللعبه اللي شريتها لك .. وليد : حلوه لعبتي صح .. ابتسمت وقلت : هي وااايد حلوه .. دخلنا الحجره فريت غشوتي .. وقلت : السلام عليكم .. الكل رد السلام .. : وعليكم السلام .. انتبهت لواااحد منزل رااسه .. بسررررعه رديت تغشيت مره ثااانيه .. وااااء فشله .. وراااحت وطي البنيه .. أم جاابر : دشي بنتي دشي ماحد غريب .. دشيت وسلمت ع أم جاابر وبستها ع رااسها : اش حاالج خاالو ..؟؟ أما جابر : بخير بنيتيه ومن صوووبج ..؟؟ قلت : بخير ربي يعاافيج .. ورحت صوب نوف ويلست يمبها وقلت بهمس : دبوووه متى ييتو .. نوف وفيها الضحكه : قبل خمس دقااايق .. قلت : اها .. منصور وقف وقاال : يلا عيل أنا بستأذن .. أماايه : وين تو النااس وليدي .. منصور : وراااي شغل خالو .. أماايه : الله يوفقك .. وليد ياالس علي وقاال : عمي تااالع لعبتي حلوه صح .. منصور ابتسم : هي حلوه هههه وينه بابا .. وليد طالعني معني متغشيه .. بس قاال : ثهوود وين بااباااتي .. قفطت الصراحه .. ما رديت .. نوف قاالت : في الدوووام باباتك .. وليد : أختك تقووول في الدواام .. منصور ابتسم وقاال : يلا عيل فمان الله .. الكل رد ما عدا أنا : فمان الكريم .. أول ما طلع نزلت الغشوه .. وحطيت أكل شيخه ع الطااوله .. أماايه : وااايد تأخرتي بنيتيه .. قلت : هي أماايه زحمه .. نوف طالعتني وقاالت : عنلاااتج محلوه .. قلت : وين الله يخليج .. بس حاطه كريم أطفاال هههه نوف ابتسمت وقاالت : ها كليتيها اليوم شهوود ههه قلت : هي .. عنلاااتج جيييه ما خبرتيني ان أخوووج اللي بييبكم .. أنا ع بااالي جابر .. نوف : كالعاااده غير رااايه .. قلت : يلا صاار خير .. نوف : شو يديدج ..؟؟ قلت : ماشي .. غير اني اليوم ما بداوم هههه نوف : اجاازه من جيبج هااا .. طالعتها وقلت : ترااني طالعه عليج هههه × × الساعه خمس العصر .. قمت من النوم .. حسيت روحي بختنق .. دورت ع البخاااخ .. والحمدلله حصلته .. بخيته وبعد ما بلعت ريجي وخذيت نفس طويل حسيت روحي صرت أحسن .. جني توني مولوده .. لهالدرجه الربو زاااايد عندي هالفتره .. الله يستر .. رحت تيددت وصليت العصر .. بعد ما خلصت شفت التلفون قااعد يضوي .. استغريت .. عقب تذكرت اني حاطتنه ع الصامت .. تجدمت عن السرير ورفعت التلفون عسب اشوف من .................. انصدمت .......!! يوم شفت رقم زايد .. ما برد لو شو صااار ما برد .. زايد يبي يذبحني ولا شو ... ثواني الا وييني مسج من رقمه ... ( شهد ردي اباااج بموضوع ضروري ) .. اتصل مره ثاانيه .. مدري شاللي خلاااني ارد .. رديت عليه ... سمعت صوت زايد وهو يقول : مرحبااا الساااع .. ما قلت شي بس تأففت وقلت : خير اش تبى ..؟؟ زايد : لا يااا حلوه ما ينفع تزعلين ... قلت : تقول اش تبا ولا بسكره بويهك ترااني ... زايد : بقول يا حلوه بس اباااج تسمعيني عدل .. قلت : ارمس بسرعه أحسن لك .. زايد : أوكي .. بما انه يا حلوه منصور صدق صدق هالفتره نااوي يتقدم لج ......... قاطعته وقلت : اش درااك انته ..؟؟ ولا تييب كلام من جيبك .. زايد : يا حلوه أعتقد انه عايلتي وااحد واااحد يعرفون عيلتج .. وبعدين نحن من سكاان العين يعني لاازم يكون بينهم سلااام .. قلت : قول اش عندك انزين بلا جباايل بلا بطيخ .. زايد : لاازم تقولين هالرمسه بنت الفلبينيه تراااج .. صاارخت وقلت : والله ان ما قلت اش تبي بصكره وماني براااده .. زايد بشموخ : صكريه وشوفي شو بيستوي بج .. قلت : زاايد ودرني بحاالي دخيلك .. والله مب نااقصه .. بتييننن خلاااص .. زايد : انزين يا حلوه لا تتيننين .. بقول لج الحين .. يعني قبل لا ايي منصور ويخطبج .. وما أعتقد عندج سبب ترفضينه .. فـ قلت بتقدم لج أنا قبل .. فرحت عن خاااطر .. زاايد .. زااااااااايــــــــد بيتزوجني .. على كثر اللي سواه فيني اللي اني بسااامح ع كل غلطاته لو تزوجني .. لأنه الانساان اللي حبيته من خاااااااااطر .. بس كرااامتي فووق كل شي .. قلت : هه ومن قاال اني بوافق .. زايد بتكبر : أنا ... قلت : يالواثق انته .. زايد : هي .. لأنه بس بسيدي .. يتشتهر .. شهد أحمد الــ .................... لا وأزيدج من الشعر بيت .. بملاابس نانسي عجرم يعني مال قوووم حركااات ... نزلت دموعي .. شو هالمصيبه .. قلت : ما تروووم .. زايد : قد أعذر من أنذر يا حلوه .. قلت : زااايد انت اش تبي اش تبي فيني خبرني .. أنا كرهت حيااتي بسبتك وربي كرهت روووحي ... ( وبديت أصيح ) زايد : نتش نتش نتش .. ليتني يمبج عسب أمسح دموعج حبيبتي .. قلت : قول اش عندك .. وزواج ماني متزوجتك .. زايد : عيل خلي منصور بتزوجج وعقب يوم من زواجكم بيتحسف ع الساعه اللي فكر بها فيج .. مب اللي تزوج بها بعد .. قلت : حرااام عليك انت شو من قلب عليك .. زايد : تزوجيني وبيكون علي قلب رهيف شراتج .. قلت : زااايد بسوي لك اللي تبا بس ابعد عن دربي .. زايد : تزوجيني وبنسااا كل قلتي لي عنه وسويتيه .. وكل شي .. قلت : زايد انت ما بتتزوجني أنا أدري .. زايد : ما تصدقين .. عيل اليوم العشا الساعه تسع انزلي صاالتكم وشوفي أمي ومعاها عماتي أوكي يا حلوه .. قلت له بسخريه : لأا وييب أبوك بعد وعمامك مب أحسن .. زايد صرخ بالتلفون والصرخه هذي روعتني : يالغبيـــــــــــــه .. ابوي متوفي .. صخيت ما عرفت شو اقوول بلحظة طيش نسيت كل شي .. حتى نسيت أنا منو ... قلت بترردد : أنا آسفه .. زايد : ما علينا الحين المهم .. وافقي ولا بتشوفين شي ما شفتيه بحياااتج .. قلت : زاايد اسمح لي .. انت ما باخذك لو تنطبق السما ع الأرض زايد : عيل بنشوووف بتاخذين من .. ولعلمج اللي بتاخذينه غيري .. من ثااني يوم بيردج بيت أبوووج .. نزلت دموعي و صكرت التلفون رميت الموبااايل ع الأرض وقلت وأنا أصيح : الله يلعنك .. × × بعد مرور يومين ... شيما حاضنتني وتقول : شهووود حياتي لا تسوين بروحج جذي .. قلت وأنا أصيح : شاللي خلاااه يتقدم لي تعتقدين .. شيما : يمكن صدق يبا ياخذج .. قلت وأنا أصيح : ما أظن .. كلمني والحين بياخذني ما في انسااان عاقل بالدنيا يسويها .. شيما : شهد يمكن حس بج وعرف انج ما كنتي ترمسين غيره .. قلت : لأأ مستحيل هو بس يبي يتزوجني عسب ينتقم .. شيما مستغربه : ينتقم من شو ...؟؟ قلت : ما أدري ما أدري من شو .. شيما : انزين انتي وافقي خلااص ,, ويمكن نيته صااافيه خلاااص .. قلت : لأأأ مستحيل .. أنا أعرف زاايد أكيد يبي شي عسب جذي تقدم لي .. شيما : شهد فكري ... قلت : أنا فكرت عدل .. وزواج مب متزوجه ... انشالله لو بحياتي بعد .. شيما : شهد استغفري ربج .. رميت روحي بحضن شيما وبديت اصيح وقلت : شيما أبي أموووت خلاااص .. تعبت من كل شي .. كل شي .. حتى من حياااتي .. ما في يوم تهنيت فيه .. تعبت والله .. شيما : شهد استغفري ربج .. شو هالكلام ... وبعدين لو ما تبينه لا تاخذينه .. مسحت دموعي وقلت : هي ما بااخذه .. شو أنا غبيه ارمي روحي عليه مره ثاانيه .. شيما : انزين انتي سيري غسلي ويهج واهدي .. قلت : شيما كيف بقول لبابا أني ماباااه .. وهو ما فيه شي شين .. شيما : بابا قاال ع راااحتج .. وانتي قولي انج مب مرتااحه للسالفه .. قلت : يصير خير اليوم بليل بفكر وبشوووف .. شيما : يلا حيااتي محد بالكون يستااهل تبكينه فديتج .. يلا غسلي ويهج .. قلت : شييوم بسألج سؤال ..؟؟ شيما : هلأأأأ .. اسألي .. اللي تبين .. قلت وأنا أمسح دموعي : شيما أنا بعدني أحبه .. الواااحد مستحيل يقدر يكره اللي يحبه بيوم وليله .. بس ليييش ابي ارفضه .. شيما : والله ما أدري بس يمكن خجل .. لأنج كنتي تكلمينه قبل والحين عرفتي ان اللي سويتيه غلط .. قلت : هي جاايز .. يلا يصير خير .. × × شيخه : عطيني الكوب حبيبتي نوف .. نوف تمده لـ شيخه وتقول : هاااج .... شيخه : سمحي لي نوافي وااايد تعبتج وياااي .. نوف : لا بالعكس .. وبعدين شو هالرمسه .. حامد وسعود عيااال أخوي .. شيخه : فيج الخير فديتج .. نوف : شواااخ .. بقول لج شي بس لا تخبرين شهووود .. شيخه : هههه قولي فديتج .. بس جني أعرف اللي بتقولينه .. نوف : هههه أدري .. انزين منصووور صدق رمس ماما وقال انه يبا شهود .. شيخه ابتسمت : زين زين يعني اختي بتصير سليفتي .. نوف : انتو عايلتكم ساحرين أخواني هههه شيخه جنها تذكرت شي وقالت : نوف .. تدرين توني تذكرت في واحد متقدم لأختي من يومين .. نوف استغربت وقالت : محد خبرني .. شيخه : هي ترا بعدها شهود ما ردت عليهم .. مريوم وهي تطالع تلفزيون : انشالله ترفضه وتاااخذ منصور .. نوف : مريوووم شو هالرمسه ويا رااسج .. وبعدين ما بتاخذ غير نصيبها .. شيخه : يلا اللي بيكون زين لها تاخذه انشالله ... نوف : انشالله .. مريوووم : يارب متى تعرسين ونفتك .. نوف : لا تخافين حبيبتي بتم يالسه ع جبدج الين ما تعرسين وعقب بعرس .. مريوم تعبس بويهها : امـــــــــف .. من قال لج تذكريني بعمور الياااهل ... شيخه تضحك وتقول : عاده انتي الكبيره ماشالله عليج .. × × فليل الساعه تسع ونص ... بااب الحجره اندق ... قلت : تفضل .. دخل أبوي وهو مبتسم وقال : هلا شهووود .. انصدمت وقلت بخاااطري يااارب ما يسألني .. رديت له الابتسامه وقلت : هلا ابويه .. ابويه : عسا مب رااقده بس وخربت عليج رقاادج .. قلت : لأأ ابويه وااعيه .. ابويه ابتسم وقال : ها فكرتي بالموضوع اللي رمستج فيه .. تأتأت ما عرفت شـ أقول .. بس قلت : لا ابويه بعدني .. ابويه ابتسم وقال : بنتي اذا ما تبينه عاادي قولي وأنا برمس الرياال .. ما أدري كيف طلعت مني كلمة : لأأ ابويه تريا شوي بفكر .. ابويه ابتسم وقاال : خذي راحتج بنتي واعرفي اني ما بجبرج ع شي انتي ما تبينه .. قلت : مشكووور ابويه .. ابوي : يلا عيل بنتي أنا بروح برقد تبين شي .. قلت : لأأأ سلامتك الغاالي .. ابويه ابتسم وقال : تصبحين ع خير .. قلت : وانت من أهله .. × × كالعااده يمعة شبااااب يدااام احدى المحلااات الشبااابيه في مدينة العين .. خليفه يطاالع عمر ويقوول : قدها .. عمر بتأكيد : قدها وقدود .. شهاب : أنا برع اللعبه مابا .. خليفه يضحك : ههههه ما هقيتها منك يا ولد طلعت ردي هااا .. عمر : ههههه خله خله بعده يااهل .. شهاب : هي عااده انتو الكباار .. سيارتي يديده .. وهب نااقص يستوي بها شي .. خليفه : يااريااال ما بيستوي بها شي صدقني .. شهاب : تريو بعد ما تكمل شهر بنترااايس هههه عمر : خلااص عيل ... خلوف أنا وانت .. خليفه : يلا عيل .. شهاب : ابوووي الدنيا ليل مب نااقصين مشااكل نحن .. خليفه : الشاارع فااضي ما فيه أحد .. شهاب : بس الدوريااات عيونهم كل مكاان ماشالله .. ما يخلون قطوه تمشي هههه عمر : تدري صدقه شهااب .. وبعدين هذا مكان عاام لو ففريج ولا شي قلنا هي .. شهاب : صاحي انت فالفرجاان يهال .. يدورون .. عمر : خلوف شو ياينه ولد عمك مستوي لي شريف مكه اليوم .. خليفه يضحك وبقول : دلووع باابا ما تعرفه ههههه ................: منو دلوع بابا .. يا دلوع خليفه يلف ويضحك ويقول : هلااااااا بو وليد .. خالد يتخااشم ... : اش حاالكم .. الكل : بخير .. خليفه : غريبه يالأخو .. يااااي صوبنا اليوم .. خالد : اش درااني عاده منصور يبااا يلعب بلياارد .. خليفه يضحك ويقول : هذا ربيعك فيه عرج صدقني .. شهاب : طالعو مو جنه الاف جي هاااي مالت زاايد .. خالد .: اول مره ييي ع الموعد هههه شهاب : من زماان عنه .. عمر : ما تعرفه عااد هذا كله فـ دبي .. ما يطب العين الا كل شهر .. خالد : يقولون حمداان أخوه صاار ابو .. زاايد من بعيد يرفع ايده ويي صوبهم ..... عمر : هي منصور خبرني .. قبل يومين شافه فالمستشفى يوم سعود مرقد .. يااه زايد وبعد ما سلم .. قال : وينه منصور .. خالد : يااي فالدرب .. خليفه : عيل أنا وربعي بنشرد هههه خالد : زين تسووون .. هذا مب مكاان يهال .. شهااب : هاهاها ... خلوف عرفت من الحين صدق يهاال .. خليفه : اقول شهاابوه اسكت عنيه لادوسك بالسياره .. زايد : انتو بعدكم يهاال ما بتودرون العبط ماالكم .. عمر : هههه للأسف ... نحن كلما نكبر يزداد العبط عندنا .. زايد : يقولون يوم الواحد يكبر يعقل .. بس انتو العكس هههه خالد : اوووهو علينا وينه هذا منصووور عمر : عنلاااته واايد تأخر .. خالد : اقوول انتو الثلاااث فارجو ولا روحو مكاان ثاني أحسن لكم .. عمر : سؤاال انزين .. زااايد حسن ما بيرد من السعوديه ..؟؟ زايد : والله شكله لأأ .. بس أكيد بيرجع يوم من الأيااام .. خالد : هي من بعد ما توفى سلطاان الله يرحمه ... الشبااب قالو انه حسن ساافر .. شهاب : يقولون كانو وااايد ويا بعض .. زايد : هي وااايد ... خالد : هكووو قطونا وصل .. منصور : قطوكم هاا .. عيل خلااص برد البيت أحسن لي .. خالد : تعاال تعااال يا رياال نتمصخر ههههههه × × الساعه هنتين ونص بليل .. بعد ما صكرت اللاب حطيت راااسي عسب ارقد ... سمعت التلفون وهو يرن ... طالعت رقم زاايد .. ياربي متى نااوي يتركني بحاالي هالانسااان .. ما رديت فالبدااايه .. رن ورن .. حقرته .. ييت برقد .. مره ثاالثه يمكن رن .. سلمت أمري .. وقلت برد يلا .. قلت : السلام عليكم .. زايد : وعليكم السلام هلا وغلا .. قلت : خير اش تبا .. زايد : بس حبيت أتطمن على خطيبتي .. قلت : خطيبتك في الأحلاام فااهم .. زايد : له له له ... زعلتيني حيااتي .. قلت : زااايد قول اش تبي ..؟؟ زايد : حبيت أقوول لج واايد طولتي مب رااايم أستحمل بعااادج .. قلت : زاايد ما بواافق .. وباجر بيوصلك ردي سمعتني .. زايد : اااام شي راااجع لج .. لأنها حيااتج .. قلت : عيل خلااص انسااني واتركني بحاالي .. زايد : بهالسهوووله تبيني أنساااج .. قلت : هي انساااني خلاااص نحن ما ننفع لبعض .. زايد : بس أنا أقووول انه ننفع لبعض .. قلت : زااايد لو سمحت ابعد عني أحسن لك .. زاايد : هذا أخر قراااار لج .. يعني بترفضييني .. قلت : هي.. وباجر بيوصلك الرد من أبوووي .. زايد : أوكي بيبي أز يو لااايك ... بس حطي فبااالج اني بنساااج بس لااا يمكن أطلع من حياااتج ,.. قلت : شو انت ما تفهم .. قلت لك ابعد عن دربي .. وللمره المليون ابعد خلاااص مابيك .. زايد : يعني تبين منصوور هااا ...؟؟ قلت : لا انت ولا منصووور ولا غيره .. زايد بجديه قاال : مزحت وياااج واايد .. بس بقول لج اذا رفضتي انتي بتتحملين نتيجة أفعاالج ولا تلوميني اذا صاار شي فالمستقبل يالمحترمه ... بااااااااااي .. قلت : يعني تهددني ...؟؟؟ ترييت رده ماشي رد .. صكررررره .. أوووووووووف مالت عليه من انسااان .. أبد ما يحس ما عنده مشااعر .. انت مو زاايد اللي اعرفه .. زايد انسان ثااني زايد انسان حنون .. وفي قلبه رحمه هذا مب زاايد ... الله يسااامحك ياازايد ... لييش تغيرت فجأأه .. لو انك مب متغير جااان وافقت .. بس وااايد تغيرت .. جلبت لي حيااتي ... حراام عليك .. رد مثل أول وأنا بعد برد مثل أول وأكثر بعد .. أنا كل جرح فااات لي منك ياا زاايد هديه ع قلبي وربي هديه ع قلبي .. لأني حبيتك بكل ما فيني .. ليييش الحين يوم ابي ارد لك اياااه .. خايف لييش يعني تهديني جرووح عادي وأنا يوم ابي أهديك تحرمني وتهددني .. × × الساعه سبع الصبح .. .............. : بتتداومين اليوم ... قلت : هي .. لييش ..؟؟ شيوم : بس أقووول صااار لج يومين مب مداااومه .. مب زين الغياااب .. قلت : طاااعو من ينصح .. شيما : ههه يعني مب عايبتنج هااا ... قلت : لا بلا عايبتني هههه وتااارسه عيني بعد ... شذى : شهووود اليوم ما بتروحين مكاان ..؟؟ قلت : لأأأ جيه حبيبتي ,, شذى : بس أقووول يعني اذا طلعتي تطلعينا ويااج هههه قلت : حرااام عليكم انتو توكم طالعين يوم الجمعه العصر وأنا كنت محبوووسه فالبيت بين أربع طوف .. شيما : محد قااال لج تمي فالبيت وبعدين تعاالي ماما انتي توج قبل يومين طاالعه .. قلت : وين يالظالمه .. وبعد تتبلين علي هاا .. شذى : ما أدري عيل من اللي راااح المستشفى قبل يومين .. قلت : الحين رووحه مستشفى تحسدوني عليها .. شيما : تعتبر طلعه بس .. قلت : حسد حسد أعوووذ بالله .. شيما ضحكت وقاالت : تعاالو وين بابا وشهااب ... قلت : رقووود .. شيما : جيييه ما وراااهم شغل اليوم .. قلت : اظن لأأ .. شذى : مستانسه ماما .. اليوم ما ورااها توعي وتنااافخ .. قلت : هي ههههه شهاابوه يباله سااعه لما ينش من الرقاااد .. شيما : الله يعين حرمته .. قلت : جييه أمس بليل السااعه جم ياااه .. شيما : ثلاااث الفير .. قلت : والخيبه ... وبعدين تعاالي انتي اش دراااج .. شيما : نشيت لأني يعت يا أختي .. قلت : علي هالرمسه هاااه ... يعني سهرااانه أمس .. شيما : جييه السهر حرااام .. قلت : بس ورااج درااسه يا ماما .. شيما : عادي لاااه مافيها شي .. قلت : انتي بتتحملين نتيجة افعااالج .. شذى : شهوود السااعه كم بتسيرين الجامعه .. قلت : الضحى يمكن جيييه ..؟؟ شذى : قلت اذا تروحين الحين بنروووح ويااج بالسيااره .. قلت : تبوني اروح من الحين عسب انظف الجاامعه هههه شذى تضحك : ههه صدقج .. شيمووه يلا بتصير سبع ونص والبااص بيي مب نااقصين ينااازع .. شيما تشل الجنطه : هي يلا .. لبست أوقاااية الصلاه : أنا بوقف وياكن بس فالحوي هاا .. شيما : أوكي .. عيل نحن بعد بنوقف فالحوي خخخخ قلت ونحن طالعين : جييه يهزبكن رااعي الباااص .. شذى : يقووول لا تتاخرون ولا بروح عنكن وبودركن .. قلت : وعليه لساان بعد ماشالله .. أنا أحيد على أياامي رااعي البااص يخااف عنيه ههه شذى : ههههه جيه .. قلت : يوميا أهزبه الله يخليج .. شيما : في يوم تأخرنا وقاال من بااجر اذا تأخرتو بودركن وبروح .. جان الأخت تحرج .. وتقول انت هاااي شغلتك تترياني يعني تترياني ومدري شووو ... وأنا سااكنه فبناايه والمصعد أترياااه لما يفتح وينزل .. كلته أقول لج .. شذى : قويه هههه .. ما قاال شي .. شيما : وين يقوول وأختي المصووون كانت زعيمة العصاابااات فالمدرسه هههه قلت : أوني عااد .. الله يرحم اياام المدرسه بس زين افتكينا هههه شذى : أوووويـــه البااص يااه .. يلا شييوم الحق ما تلحق .. ضحكت وقلت : يلا بسرررعه عن يهزبكن بس ... لفيت عسب أرووح صوب البيت وأدش .. شفت خليفه توه قااعد يحرك سيااارته ابتسمت وياا راااسه زين اليوم تأخر ولا كنت بااكله مع شييوم .. مسوين لي عصاافير الحب هالثنين .. خليفه يااي بسياارته نزل الجامه ابتسم وقاال : صبااح الخير .. قلت له : صبااح النور .. خليفه : كيف الحاال ..؟؟ قلت : بخير ... ومن صوبك ..؟؟ خليفه : ماشي الحاال .. قلت : اشوووفك نشيط اليوم .. ها شو السالفه ..؟؟ خليفه وهو فيه رقااااد : وين نشيط الله يخليج .. فيني رقااد وابو الرقاااد بس الشاايب الله يهديه ملزم أدااوم اليوم .. قلت : ههه تستاهل .. جيييه الساعه جم رااقد .. خليفه : ثلاااث الفير .. قلت : والخيبه ... أمس كل العااايله رااقده ثلاااث شو السالفه خليفه يضحك : هههه متفقين ترانا أقول لج .. قلت : هههه عنلااتك .. خليفه : دشي دااخل ويا هالراااس .. باااب الحوي مبطل وطالعه لي بأوقاايه .. قلت : عادي شو فيها .. خليفه : دشي لادوسج بالسياااره .. قلت : هههه ويا رااسك انزين بدش .. بس نو ويــه تدوسني بالسيااره .. خليفه : جييه انشالله ...؟؟ أسويها وأنا خليفه .. قلت : احلم عاده ابوي يعطيك شيما ههههه خليفه : ههه ويا هالراااس .... دشي يلاا .. أنا بروح .. قلت : هالله هالله فالدرب شكلك رااقد هههه خليف وهو يرفع الجامه : يلا مع السلامه .. سويت له باي ابتسمت وتجدمت من الصاله وأنا يااالسه أَضحك ع سوالفه .. واااي انسااان مرح يا حظ شييوم فيه الصراحه .. × × ............. : يلا أخوي ... حبيبي انت اليوم اباااك توصلني .. منصور يشرب من العصير ويطاالع الأوراااق اللي يدامه ويقول : منااك يلا منااك .. ماشي .. نوف : دخيلك اليوم بس انت وصلني ... حرااام ... منصور : انزين جاابر بيوديج وبعدين جامعتج بطريجه جيييه تبين تتعبيني يعني .. نوف : الحين يوم اني ابا ارتز ويااا أخوي أأتعبك .. منصور : جييه يعني جابر هب أخوج .. نوف : بس جاابر متزوووج .. عاااد .. منصور : شو الفرق انزين .. نوف : يعني البنااات ما بيرمسن عنه .. أما انت لأأأ .. بيتفدونك بعد .. منصور : ماشالله وجيييه تبينهن يعرفن انه عندج أخو اسمه منصور .. نوف : عسب جييه أكوون شخصيه .. منصور : اللهم سكنهم مسااكنهم ... أنا قلت مريوووم جذا طلعتي انتي بعد ... نوف : مب لهالدرجه عاااد .. يلا دخيلك .. منصور : نوفوووه حلي عن سمااي .. خليني اركز بشغلي .. نوف : أووف انزين شكرااا على لا شي .. منصور يضحك : عفوا أختي الخبله ... نوف تبتسم : حسن الفااظك .. منصور : سيري سوي لي نسكاافيه .. ملينا من هالعصير .. نوف : من عيوني بس توصلني .. منصور يضحك : لاأأ .. نوف : عيل ماشي نسكاافيه .. منصور : غصباا عنج تسوين سمعتي .. نوف : انت تدري اني ما أرد لك طلب عسب جذي بسوي .. منصور : عفيه ع الأخت اللي تسمع كلاام أخوها ... نوف : هي قص عليه انته قص .. نوف راايحه صوب المطبخ .. منصور ابتسم و قاال : ترااني بوصلج اليوم بس .. ههههه نوف ابتسمت وقاالت : فديت أخوي الشااطر أنا هههه × × دخلت الجااامعه وأنا متوتره .. وخاايفه .. مدري اللي سويته اليوم الصبح صح ولا غلط ... مدري رااايي صح ولا غلط ..... ياربيييه لييش تسرعت واليوم رديت على ابوي ... أبوووي أكييد بيعطيه خبر .. أحس روحي تسرعت وبظيع حيااتي جذي .. هذي فرصه يت يداامي وظيعتها بس أنا دووم جذي .. متسرررررعه ومتهوره .. |
الحلقه السابعه و العشرون .. ما بقالي قلب يشفع لك خطيه .... ذوبته جروح صدّك والخطايا صاحبي بالله لا تعتب عليه .... العتب ما عاد تاسعه الحنايا دخلت الكلاااس ... بدون ما أسلم وطول الوقت ياالسه أفكر لييييييش لييييييييش سويت جذي لييش وافقت على زااايد .. زااايد طول عمره بيذلني لييش اني كلمته .. لو اني مااخذه منصور ولا خااالد أحسن .. لأأأ بس منصور وخااالد لو درو بيذلوني ع الساااعه اللي عرفوني فيها .. بس زااايد بعد بيذلني طول عمري لأني كلمته ... أنا لييش واافقت عليه .. جذي بثبت له اني ضعيفه .. ومب قد الكلااام ... يعني عشااان تهديده واافقت .. بس هو صدق يمكن كاان بيخبر اللي بتزوجه عن كل شي وكاان بيعطيه دلااايل بعد .. والله اني بين ناارين .. مدري حيااتي صاارت كلها جحيم .. أأأهـ ياربي سااعدني والله ما اقدر ... تعبت .. زااايد والله اني ما اروووم أشفع لك اي شي سويته لي .. قمت أتذكر كل شي .. كل جرح فااات لي منك ... دخيلك لا تعتب علي تعبت منك ومن صدك اللي كنت أشوووفه بس الحب كاان عاميني .. × × ................ : بس أنا ما أقدر .. جابر : يا شيخه هذا شغلي وغصب عني ... شيخه : بس أنا مابي أودر العين .. جابر : وبعدين ما بنروووح أخر الدينا الا هي بوظبي .. شيخه : جااابر نحن ما عندنا أحد هناااك ... وبعدين هلنا كلهم أهني .. جابر : بس هذا شغلي يا شيخه وبعدين انشالله ربج يسهل علينا .. شيخه : والله ما أدري شقول لك .. جابر : توكلي ع ربج .. وأنا برمس الأهل ومستحيل يرفضون لأنه هذي حياتنا وأعتقد انه أنا المسؤول عنج وعن عيالي .. شيخه : من هالنااحيه أكيييد .. بس بعد فرااقهم صعب .. جابر : شيخه فكري .. مردهم كلهم بيفترقون وبيلتهون بحياااتهم ... شيخه : هي صح ... جابر : يلا عيل .. نتوكل على الله .. شيخه : متى بنرووح ..؟؟ جابر : جهزي روووحج انشالله الأسبوع اليااي شيخه : على خير انشالله .. جابر يمسك يد شيخه ويقول : زعلااانه حياتي .. شيخه ترفع رااسها وتطالعه وتقول : لأأأ .. وبعدين المكان اللي انت فيه يريحني .. المهم انت ويااي .. جابر يبتسم ويقول : فديت حرمتيه الشااطره أنا ههههه شيخه تضحك وتقول : جااااااابر .. جابر : صح شو بغيت أقول لج .. زين ذكرتيني .. شيخه مستغربه : شوووه ..؟؟ جابر : خلااص يعني شهد هب من نصيب منصور .. زاايد بياخذها .. شيخه هزت راسها : هي وبعدين الزواااج نصيب محد يخصه .. جابر : يلا ربي يسعدها .. بس أحسها بعدها صغيره ... شيخه : وين حراام عليك .. مدري عمرها واحد وعشرين وبعدها صغيره .. جابر : ههه هي أوقاات أحسها يااهل .. شيخه : انت سولف ويااها وشوووف .. والله تقول أكبر عني أنا بعد .. جابر : يلا الله يوفقها ويسعدها .. شيخه : آميييين .. × × الساعه خمس العصر .. قمت من النوم وأنا كلي ع بعضي كسل .. ودي أرقد أكثر وأكثر .. تجلبت ع الفراااش وأنا كسلااانه .. الين ما شفت السااعه صاارت خمس وخمس دقاايق .. تخرعت ومشيت .. عسب أصلي .. لأنه راااح وقت وااايد .. تيددت وصليت عسب لا تطوفني صلاااة العصر .. بعد ما خلصت .. مالي باارض أحضر لأي شي .. وبعدين بااجر ما بداااوم لأنه الخميس .. بنزل تحت بااكل لي لقمه لأني من الصبح وأنا ع النسكاافيه اللي شربته .. نزلت وشفت شييوم قاعده تذااكر ويالسه ع الأرض وحالتها حاله .. قلت : مساااء الخير .. شييوم وهي تطالع أورااقها : مسااا الخير .. قلت : وين الأهل ..؟؟؟ شيما : ما أدري ... قلت : انزين وين شذااوي .. شيما : بحجرتها .. والحين لو انج خلصتي اسئله فارجي ولا تسألني لأنه عليه امتحاان .. قلت : عندج حجرتج سيري ذاكري فيها .. لأنه أنا بطالع تلفزيون .. شيوم وقفت وهي تتأفف : أنزين أووف ما يخلون الواحد يركز بعد .. بعد ما صعدت شييوم ضحكت : ههههه صدق والله خبله .. سمعت صوت وااحد : عسااها دوم هالضحكه .. طالعت وراااي وأنا متخرعه .. قلت : حشا خرعتني .. شهاب يضحك ويقول : مبروووك مبروووك ع الخطوبه .. تلومت وقلت : الله يبااارك في حيااتك .. شهاب تجدم وقاال : شهووود تستحي .. ابتسمت وقلت : شو ع باالك ما فيني حيا يعني .. شهاب : لا بس أقووول بعد .. ابتسمت له وقاال .. : تعااالي اقعدي ويااي برمس وياااج .. خفت في البداايه قلت ليكون يدري عن ساالفتنا ؟؟ لأأأأ بس ما أظن .. لأنه مبين عليه راايق .. قلت : انشالله .. شهااب يلس ويلست يمب الكنفه اللي هو ياالس عليها .. قال : ايلسي شرااات العالم والنااس .. ابتسمت وقعدت .. قلت : انشالله ههههه شهاب : هي جيييه زين .. ابتسمت وقلت : ارمس .. قول شو تبا ..؟؟ شهاب ابتسم وقاال : اصبري انزين .. ابتسمت وقلت : أوووكي ههه بس ترا صبري بينفذ اذا ما قلت لي .. شهاب ابتسم وقاال : أنزين خلاااص بقول لج ههههه قلت : هي أباااك جذا ههه شهاب : شهووود الحين أنا أخوووج وما عندج أخ غيري .. يعني أكيييد يوم تبين شي تيين عندي .. قلت : هي صح .. شهاب : انزين عشاان جذي ابا أقول لج انتي مقتنعه صدق بزااايد ولا استحيتي من الوالد وما رديتيه .. قلت باستغراب : ممكن أعرف شو سبب سؤالك ..؟؟ هل شفت ع الولد شي .. لا سمح الله .. شهاب : لأأأ .. بس انتي صدق الحين مقتنعه فيه .. هزيت راااسي وقلت : هي .. بس اذا انت مو مرتاااح له عادي اقول اني ماباااه .. شهاب : لا بالعكس زااايد رياااال .. وما ينرد .. بس أنا سألتج .. قلت يمكن انتي انجبرتي ولا شي .. يعني أنا اللي مو زينه وانت الزين يااازااايد .. شكلهم ما عرفو انك لعبت على بنتهم .. ابتسمت وقلت : أنا راااضيه بقراري ياخوي .. شهاب ابتسم ومط خدودي وقاال : يلا عسا ربي يوفقج .. قلت : آمييين .. شهاب ابتسم : بييول وبرزف وبرتبش فعرسج صدقيني .. استحيت وقلت له : يلا عقبااالك .. شهاب : شهود .. تدرين انه أنا خااطري بوحده .. هههه قلت : قوول من وأنا بخطب لك اياها ... هههه شهاب : المشكله صغيررررررره وااايد .. قلت : حتى ولو المهم انك تااخذها هههه شهاب : أول خليني أكمل درااستي وأشتغل وأكون نفسي عقب بتزوج .. قلت : ما يباله بابا موفر لنا كل شي .. شهاب : بس بعد لاازم أشتغل وأخلص درااسه بعد .. ووو حاااله الله يخليج .. ابتسمت وقلت : زين من هي سعيدة الحظ .. شهاب ابتسم وقاال : سر .. قلت : أماانه أنا أختك يلا خبرني .. شهاب : ماشي .. يلا مناااك .. طالعته وقلت : حرااام يلا أخووووي شهاب ابتسم وقاال : انزين بخبرج ياللحوحه .. ابتسمت وقلت : عفيه ع أخوي الشااطر .. يلا خبرني .. شهاب بهمس : خلود الخبله بنت عمج .. فتحت ثمي تفاااجئت .. قااال خلوووود خلووود .. يعني يحب خلود .. لا لا بس نحن ما عندنا حب .. يعني يبا خلود شريكه لحياته .. ياربي يا شهااب لو تدري ان خلود تموووت فيك .. ابتسمت وقلت : بتكون محظوظه لو خذت أخوي هههه شهاب قال : بس هذي هبله .. كلما تكبر تشفر .. أخاااف ترفض قلت : يووووه .. تفكر فالمستقبل انت .. ما عليك انشالله يوم تكبر خلود بتوافق .. وبعدين أنا أظمن لك انها بتوافق .. شهاب مستغرب : ليييش ...؟؟ قلت : لأانك ولد عمها وبعدين أولى من الغريب .. شهاب هز رااسه وقال : يلا يصير خير فالسنوات اليايه .. قلت : مب بااجي شي .. كلها كم سنه وبتكبر .. شهاب : ههههه أقووول غيري السالفه لأني ما أحب هالطاااري .. ابتسمت وقلت : انزين انزين .. هههه × × الساعه ثمان حزة العشااا .. شيما : يلا ع العموم مبروووك .. لا تشيلين هم ولاشي وتوكلي ع ربج .. هزيت رااسي وقلت : صدقج .. الله كريم .. شييوم : وبعدين شهوود افرحي يمكن زااايد نيته من البداايه زينه بس شكوكج خلتج تسوين جذي وتفكرين بهالطريقه .. قلت : ما أعتقد .. شيما : شهود مو زين تظنين به السوووء .. قلت : صدقج .. شيما : شو قاال ابوي عنه .. قلت : ماشي .. بس قلت له اني موافقه ومن ذيج الحزه ما شفت ابوووي .. شيما : والعرس شو قالو عنه .. قلت : تو النااس شييوم شو عرسه بعد .. شيما : ما أدري لييش أحس زااايد مستعيل .. نزلت دمعه وقلت : شييوم أنا غصب عني واافقت .. شيما : ياربي شهد .. شو هذا .. وبعدين لييش غصب .. قلت : تراا زاايد يهددني .. شيما : يهددج بس ما بيسوي شي صدقيني ولو ما تبينه رفضيه قولي لبابا غيرتي راايج .. قلت : من بعد ما عطيناهم كلمه .. شيما : هي عاادي تصير وااايد .. قلت : مأ أروووم يا شيما ما أروووم .. شيما : تبيني أكلمه روحي .. قلت : لأأأ خلاااص أنا رضيت الحين .. شيما : عيل لييش الهليله هاااي كلما .. وبعدين قلت لج زاايد يمكن نيته صاافيه .. قلت : والله ما أدري كيف بعيش حياااتي مع زااايد .. شيما : انشالله بسعاده شهود .. قلت : انشالله .. شيما : تدرين .. أتخيلج عرووس .. ابتسمت بحزن وقلت : أنا بعد كنت أتخيل .. بس الحين حتى الخيااال انحرمت منه .. شميا : شهووود انتي ليييش جذي تعقدين الأمور .. قلت : ما أعقدها بس لو ان زاايد متقدم لي في ظروف أحسن يمكن الحين تحصليني ادور فستااان العرس .. شيما : وانشالله يكون أحسن منما كااان قبل .. قلت : أميين الله يسمع منج .. شيما : يلا تعاالي نتعشا .. قلت : مابي تعشو روحكم .. شيما : الا تيين شهود وبعدين بابا اليوم اهني يلا عشاان خاطري .. ابتسمت وقلت : بصلي وبيي .. شيما : يلا عيل في انتظاارج .. قلت : لا تتريوني تعشو وأنا بيي .. لأني بطول .. شيما مستغربه : جيييه شو بتسوين ..؟؟ قلت : ترااني بصلي .. شيما ابتسمت وقاالت : يلا ربي يثبتج أكثر .. قلت : أمييين .. × × ................ : هي وافقت .. منصور : مبروووك عيل .. خالد طالع منصور وابتسم وقاال : شكله مالنا نصيب .. منصور : كل واااحد يااخذ نصيبه ياخوي .. خالد : يلا ربي يوفق زااايد .. منصور : أميين .. خالد : اشوووفه الريااال مستانس أمسااات .. منصور : شكله عسب جذي تم فالعين المره هااي اسبوع .. خالد : هي السالفه جذي .. منصور : من درا واافقت البنيه طااار دبي هههه خالد : يا ريااال هذا لو يطلع من دبي يمووت .. تقول جنه يسجنونه .. منصور ابتسم وقاال : خله يارياااال يتسكع أحسن له قبل لا يعرس .. خالد ابتسم وقاال : وليد اليوم يسألني بابا وينه عمي كبييير .. منصور ابتسم وقاال : حلوه هااي عمي كبيييير هههههههه خالد : هههه قصده ضخم .. منصور يطاالع روحه ويقول : والله ان عندي ليااااقه هههه خالد : هي هي ماشالله ههه قاص ع روحك انت .. منصور : شسوي يااارياال .. الله خلقني طووويل هههه .. خالد : حرمتك انت بتطلع قزمه يمبك لو شو ما تسوي .. حتى لو أطول وحده فالعالم .. منصور ابتسم وقاال : حظها عااد بتااخذ شيخ الشباااب .. خالد : قاااص ع روحك هههه منصور ابتسم وقاال : خلود عن المصخره لاطلعك من سياارتي الحين ههههههههه.. × × .............. : الحمدلله شبعت .. بو شهااب : ماشي تقومين يلا كلي .. ابتسمت وقلت : باباتيه شبعت .. بو شهااب : لو قمتي بزعل منج ترااا .. ابتسمت وقلت : انشالله ههه خلاااص بااكل .. بو شهااب : هي كلي عدل وراااج فستااان ما فستاان .. كليت اللقمه بس حسيتها ثجيله ع قلبي .. واقفه عاالقه فالمريء .. يعني بالفعل عرسي الكل قااام يقول عرسي وعرسي .. ماشي طااري غيره .. شكلهم يبون يزيدووون مواجعي .. شيما ابتسمت وقاالت : بابا هاا عاااد متى قلتو العرس .. ابويه طالعني وقاال : غريبه أختج ما سألت .. نزلت رااسي من الحيا وطالعت الأكل .. وما رديت .. شيوم قاالت : بابا أنا مديرة أعمالها هههه أم شهااب : يا بو شهااب .. البنيه تستحي طاالع شقاايل تلومت حليلها .. وانت وأختها مب مقصرين فيها ههههه ابويه ابتسم وقاال : والله ما ندري متى العرس .. بعده ما حدد .. أمه بتي عندنا وخواته .. أم شهااب : انشالله .. بس متى ...؟؟ ابويه : بيرمسني قبل .. بس قاال خل تمر أيااام .. لأنه مرت أخوووه توها مربيه .. أم شهااب : هي أمااني ربيعة شهد حليلها .. ابويه : بس انتو خلكم جااهزين ,,, ما نبا نعطل الجمااعه .. أم شهااب : انشالله .. شيما : بابا انزين هذا اللي اسمه زااايد بيعيش شهووود وين ..؟؟ ما أدري لييش عجبني سؤال شييوم .. .. ابويه قااال : المكاان اللي يباااه هو ريلها وبرااايه .. ولا شوو راايج يا شهد ..؟؟ رفعت رااسي ما عرفت شقول بس قلت : صح أبويه .. وقفت وقلت : اكرمكم الله .. أم شهااب : هني وعاافيه ينتي .. ابتسمت وقلت : ماما باااجر وعيني الساعه عشر اذا ما نشيت أوكي .. أم شهااب : انشالله بنتي .. × × بعد ما خلصت تحضير حطيت راااسي ع الوساده .. بديت أفكر .. هل كل اللي قاااعده أمر فيه صدق ولا حلم .. بس كل شي قاااعد يصير جدام عيني يعني صدق .. آآآهـ الواحد يتمنى يصير له شي بس أوقااات يوم يتحقق هالشي يحس روحه مهموم .. سمعت تلفوني يرن .. غمضت عيني بألم .. أكيييد هذ زااايد وبيتشمت فيني .. طالعت التلفون بدون نفس .. ماشي اسم ,, رديت بدون نفس : آلـــو ..... .............. : السلام عليكم يالقااااطعه .. استغربت .. وقلت : وعليكم السلام .. ............... : ها العرووس اش حالج ..؟؟ قلت وأنا مستغربه : بخير .. منو وياااي ..؟؟ ............... : افا افا .. الأيااام نستج ربيعتج يالخاااينه .. ابتسمت وقلت : حياااااااااتي آمووووووووون .. أماني ضحكت وقالت بسخريه : هي حيااااتج أمووون ( نازعتني ) حياااتج ومناااك ناستني انتي هااا .. لا تمسجين ولا تتصلين .. ابتسمت وقلت : سمحي لي عاد .. تدرين مريت بظروف صعبه .. أماني : مسموووووحه .. مبروووك ع الخطوبه .. ابتسمت وقلت : الله يبارك في حياااتج .. أماني : تراااني يبت بنوته وسميتها شهد .. ابتسمت وقلت : مبرووووك .. بس تعاالي مب جنج ربيتي مبجر .. أماني : لااا لاا أول ما دشيت التاااسع ربيت .. ابتسمت وقلت : يلاا مبروووك .. عاده شهووود الصغيره يت .. أماني : أنا وحمدااان نتضاارب ع الاسم هههه آخر شي سميناها ع الاسم اللي اختاره عمها أحم أحم ههههه استغربت زااايد اختاار الاسم .. انزين شو يخصه .. قلت : زين .. بس بغاار منها خذت اسمي .. أماني ضحكت وقالت : هههه فديتج أنا .. لا لا انتي أختي وهي بنتي ... قلت : ها .. تشبه منو ...؟؟ أماني : أكييد تشبهني أنا .. ضحكت وقلت : عاااد حلوه أكيييد .. أماني : تعاالي ذااااك اليوم انتي سحرتي أخو ريلي .. استغربت وقلت : متى ..؟؟ أماني : مدري عنج .. اسألي روحج .. استغربت وقلت : جد متى ..؟؟ أماني : يقول شاااافج ويباااج .. هزيت رااسي وقلت : أهااا .... ههه والله ان مالي خص بالسالفه .. أماني : هههه ما علينا انزين .. وبعد شخباارج ..؟؟ قلت : ماشي يديد .. غير الدراااسه مستويه تعب أحس .. أماني : الله يعينج ويوفقج .. قلت : آمييين .. أماني : يلا عيل حبيبتي بس حبيت أتطمن عليج وابارك لج .. قلت : فيج الخير والله تسلمين .. أماني : ربي يسلمج .. يلا عيل تامريني بحاايه .. قلت : سلامتج .. سلمي .. أماني ضحكت : ههه السلام يوصل بس أسلم ع منو هههه..؟؟ ضحكت وقلت : خلاااص لا تسلمين ههههه أماني : اليوم حمدان كااان في بيتكم مدري فالمعرض .. هو اللي مرمس أبوووج .. ابتسمت وقلت : تراااه أخووه العود .. أماني : أمه وخواته بييون لكم خلااال هالاسبوع انشالله .. قلت : انشالله .. وانتي بعد لازم تيين .. أماني : انشالله ... يلا عيل مع السلامه قبل لا تنش شهووود .. ابتسمت وقلت : مع السلامه .. × × اليوم الثااني الصبح الساعه عشر ونص .. تجهزت وخلصت عسب أنزل .. أتريق وعقب بروووح الجامعه .. سمعت الفون يرن .. شفت رقم زااايد .. ياااربي اش يبا هذا متصل .. موافقه ووافقت عليه اش يبي بعد .. ماني براااده .. بس كسر خااطري مدري ليييش بعدني أحبه .. رديت وقلت : السلام عليكم .. زايد : وعليكم السلام .. صباااح الخير .. رديت عليه وقلت : صبااح النور .. خير اش تبي ..؟؟ زايد : فـ حياتي ما شفت وحده ترمس خطيبها جذي .. قلت : زااايد موافقه ووافقت عليك .. شو تبا بعد .. اتركني بحاالي دخيلك .. زايد : انزين بس بسووولف .. قلت : عشاان أطيح من عينك أكثر وأكثر .. صح .. زايد : شهد بلاااج ...؟؟ قلت : ماشي .. يلا مع السلامه .. بروح الجامعه .. زايد : انزين تريي .. ترا هلي بييون لكم هالأسبوع والملجه يمكن بعد اسبوع أو اسبوعين .. انصدمت ما رديت عليه بس قلت : بتأخر ع الجامعه .. زايد : أوكي .. الرب لج حاافظ .. قلت : مع السلامه .. زااايد يقول الملجه جريبه ؟؟ يعني عااادي يرمسني عقب .. بس هو هـ الأيااام يرمسني باستحقاار جني وحده طاايحه من عينه .. بس من حقه أنا اللي غلطت ورمسته من البدااايه .. أوقااات أحس روحي غلطت يوم رمسته .. بس أكبر غلطه أحس روحي سويتها اني واافقت عليه يوم تقدم لي .. ليييييييش ياربي سويت جذي .. ح كنت خاايفه منه .. بس هالشي ما يجبرني اني أواافق عليه .. × × في احدى مدااارس البنااات في العين .. شيما : مـــــــــس اهيه استفزتني .. مس منى بعصبيه : بس هالشي ما يخليج تمدين ايدج ع البنيه .. شيما : هي استفزتني وبعدين أنا ما أحب حد يرمس عليه .. مس منى : تعاااالي رمسني انزين هب لااازم تتكفخون .. عقب وحده يصير بها شي أهلكم ييون يقطون كل شي ع رااسنا .. شيما صدت الصور الثاااني وقالت : مااصاار بها شي .. بس عطيتها اسطااار يأدبها .. عسب لا ترمس ع النااس .. مس منى بعصبيه : وتعترفين بعد .. شيما : لأني ما سويت شي غلط .. مس منى صبرها نفذ طالعت البنيه وقالت : وانتي شووو قااايله عنها .. البنيه : ولاشي .. مس منى : عيل ليييش كل هالمظااهرات اللي مسوينها وميمعين المدرسه .. البنيه : هي مدت ايدها علي وأنا بااخذ حقي .. مس منى : لااا كملت وانتي بعد تبين تكفخينها .. شيما رفعت راسها وقالت : هه ... اتخسين ... البنيه : مس طالعي هذي اللي اسلوبها جذي .. شيما : مس أقووووول لج سبت أهلي .. والله العظيم .. مس منى : اطلعي انتي وياااها برع وعقب ربع سااعه دخلن .. شيما تتأفف : انزين انزين .. ( وطلعت ) مس منى بصوت عااالي : دشي انتي وياااها خلاااص .. دخلت شيما وهي تتأفف بتفس الحاله وقالت : خير .. مس منى : تعاالي انتي وياااها وقعي تعهد .. ما نبا السالفه توصل لحد .. شيما : الله واااحد مب موقعه .. مس منى : شيما احترمي اللي أكبر عنج وتعاالي وقعي تعهد ما تعيدينها .. شيما تأشر ع البنيه : أول خلي هاااي توقع .. انها ما تسب النااس .. مس منى : استغفر الله العلي العظيم .. بعد ما وقعت البنيه .. مس منى : يلا روحي لصفج وما هالسوالف تنعاااد سمعتي ... البنيه : انشالله ... مس منى طالعت شيما وااقفه وقالت : تعاالي وقعي .. شيما : مابا .. جيييه غصب ..؟؟ مس منى : شيما تعاالي وقعي أحسن لج .. شيما : قلت لج لأأأأ .. ما بوقع .. مس منى : يعني جذي ...؟؟ شيما : هي .. شو بتسووون ..؟؟ .. أنا ما غلطت .. خذيت حقي .. مس منى : اسأألج انتي ما ربوووج .. ولا ما عندج احترااام .. شيما : هي ما ربوووني تصدقين .. وتعرفين هالبنيه شو قاالت .. قاالت ان أمي فلبينيه كاافره ما ربتنا .. مس منى بطلت عيونها .. وقالت : جيييه انتي أمج فلبينيه ..؟؟ شيما ضحكت بسخريه وقاالت : عن تخبرين حد بس .. مس منى طاالعت شيما باستغراااب وقالت : شو قاالت لج البنيه .. شيما : رمست على أهلي .. مس منى : انزين .. وانتي جييه ما ييتي رمستي بدااال ما تكفخينها .. شيما : شو درااني .. الحين انتي يوم حد ييي يرمس ع أهلج ترضين .. مس منى : خلاااص أنا بصك ع السالفه بس لا تعيدينها واذا اي أحد رمس تعاالي خبريني مب تكفخينه .. شيما ابتسمت وقالت بمزح : لاالمره الياايه بدفنه يدااام المدرسه ههه مس منى ابتسمت وقاالت : أقوول فاارجي أحسن لج .. لأنج من ييتي المدرسه وراافعه ضغطي .. شيما ابتسمت وطلعت شااافت البنيه وااقفه مع ربيعاتها ابتسمت بانتصاار وراااحت صوووب كلاسها .. × × قاااعده أحضر لباااجر .. تعبت كلماله ضغط الدراسه يزيد عليه .. اوووف ياربي تعبت متى أخلص وأفتك .. توني الا ثاني سنه .. بعدني يديده هممم متى أخلص وأفتك لأني بالفعل ملييييييييت .. طالعت شييوم وقلت : شو عليج امتحااان باااجر ...؟؟ شيما : لأأأ جيييييه .. قلت : بلااج ماده البوز عاااد .. شيما : اليوم تضاااربت مع وحده .. بطلت عيوني وقلت وأنا متخرعه : هاااااااااا ..........؟؟ شيما : هي صدق .. شسوي لها استفزتني وعصبت عاد .. قلت : انزين شو قاالت لج عسب تعصبين .. شيما : رمست علي اني بنت فلبينيه ومدري شو .. وابونا اصلا ما يبانا .. عاد أنا سكتت فالبداايهـ .. بس يوم زودتها وبدت تعلي صوتها تعاندني .. تجدمت عنها وعطيتها ذاااك الكف اللي يأدب .. بطلت عيوني وقلت : عطيتيها كف ......!! شيما بدون اهتمام : هي عطيتها كف .. قلت : أنا اللي الكل كان يزيغ عني يوم أمشي فالمدرسه ما عطيت أحد كف .. شيما : بس انتي محد كان يرمس عليج صح ولا غلط .. وأنا هذي رمست على أهلي مب علي أنا .. قلت : جان ترمسيني أنا كنت بتصرف .. شيما : صار وخلاااص .. قلت : والمدرسه شو سوو وياااج .. شيما : الوكيله زختني هع .. قلت : وشو سوت .. كتبتج تعهد ولا فصل كم يوم .. شيما : ياريت لو فصل كنت برتاااح كم يوم .. قلت : عنلاااتج هههه رمسي شو سوت .. شيما : خلتني أوقع تعهد بس أنا ما وقعت تضااربت وياها .. قلت : عنلاااتج من وين هالقلب عليج .. شيما : ههه صلي ع النبي .. قلت : اللهم صلي وسلم على سيدنا محمد .. قولي اش صاار .. شيما : اسمها مس منى .. يزقرونها جذا .. فالبداايه عصبت علي بس يوم قلت لها السالفه ابتسمت وقاالت اني من دخلت هالمدرسه وأنا مغايضتها هههه .. قلت : بشو يعني ..؟؟ شيما : من يوم أنا داااشه والبنااات كلما يقولن شي للأبلوات وأنا أداافع عن الأبلواات هه مستويه شاااطره أختج .. قلت : أوووه أوووه شو هالتغير شييوم .. شيما رفعت رااسها للسما : حبيب القلب عطاني نصااايح .. قلت : مالت عليييج وعليه .. شيما طالعتني بنظره : تبيني افلعج الحينه هاا .. قلت : أمي مب نااقصه أنا .. اليوم تضاربتي مع الوكيله .. عاد أنا شو بتسوين ويايه .. شيما : هههه زين عرفتي روووحج .. قلت : دبوووه وحده .. شيما : حوووووووه لا ترمسين عني .. ترااني بفلعج .. قلت : حاولي وبنشوووف .. شيوم : لأأ مب نااقصه وراااج عرس بعد .. ههه مب نااقصه يقولون فالعرس أختها ضاربتنها .. شو ها كلهم يقولون عرس وعرس .. قلت : زين عرفتي روووحج .. شييوم : هاااه يت الدبه .. طالعت صوب ما تطالع شييوم شفت خلود وقلت : حيااااج .. خلود ابتسمت ويايّه معاها كتااب : الله يحييج ... وانتي دبوووه فعينج .. ابتسمت وقلت : اسكتي عنها مسويه مشكله فالمدرسه عن تفلعنا .. خلود : هي وصلت لي الأخباار ههههه شيما : شفتو أنا سوبر سيستر .. هههه خلود بنص عين : حبيب القلب سلم عليج .. شيما : الله يسلمه هههه قلت : حشا شو ماشي مستحى .. خلود ابتسمت وبانت غمازاتها ماال اليهاال وقالت بنص عين : وترااا قاال قولي لشيما السالفه وصلتني وتراااني أعرف دواااج .. شيما بطلت عيونها .. : ومنو خبره بلا ... ضحكت وقلت : هههه تستاهلين .. هع .. شيما : سكتي انتي .. هذا شو دراااه .. خلود : وأنا شو دراااني ... قلت وأنا اتراااقص : ناوي لك على نيه بس انته اصبر شويه ... ناوي لك على نيه بس انته اصبر شويه .. خلود : اهااا .. اهااا .. عاااشو عااااااااااشــــــــــــــو .. شيما طالعتنا بطرف عينها وقالت : والله ان ما سكتتن بعطيكن كف .. قلت : تعاالي عطيني بشوووف كيف .. شيما : امــــــــــــف > < منكن .. بسير حجرتيه أحسن لي .. خلود : هههه تريي خلوف يهزبج أوكي .. شيما : على شو انشالله .. خلود : ع طولة اللسان هههه شيما : هه .. ما أقووول الا مالت عليكن .. بعد ما صعدت شييوم ضحكت وقلت : منو خبر خلوووف ...؟؟ خلود : أنا بس لا تخبرينها هههه قلت : جيييه خبرتيه انزين .. خلود : تستاهل .. وبعدين انتي ما تعرفين بنااات مدرستنا .. والله لو يبون يسوون شي يسوونه .. خل تشتكي بس تبتعد عن الضرابه قلت : هممم والله ما أدري .. خلود ابتسمت وقاالت : مبروووك ع الخطوبه .. ابتسمت وقلت : الله يبارك في حياااتج .. عقبااالج .. خلود تلومت وقاالت : وين تو الناااس .. قلت : المعرس جااهز ترا بس العروس خل تجهز هههه خلود : عن المصااخه شهووود .. تعاالي انتي متى بييون هل ريلج .. قلت : مره وحده هل ريلي .. أول خلي الخطوبه تكون رسميه .. خلود ابتسمت وقاالت : ترااني برقص فعرسج هههه قلت : وأنا بعد برقص ههههه خلود : عييييييييييب .. قلت : هههه لا هب عيب وبعد برقص ع لحن هندي هااااااادي .. هب اجنبي هههه .. خلود : صدق خرفت البنيه .. ضحكت وقلت : وأبا الكوشه والقااعه استاايل أجنبي هههه خلود : القااعه والكوشه برااايج بس انج ترقصين .. هذا اذا ريلج ما قص رقبتج هههه ضحكت وقلت : مب ع كيفه .. خلود : عاااد زين خالد ما خذاااج هههه حسيت السالفه صاارت عاديه لأنه بالفعل لااازم أنا وخالد نرضى بالأمر الواقع .. فقلت : ههههه شفتي كيف .. خلود : تدرين شهود تمنيتج لأخوي بس هذا نصيب .. قلت : هي صدق .. وبعدين هالأشيااا ما نزعل عليها لااازم نرضى بالأمر الواقع .. خلود : هههه تعاالي أنا وانتي ندور عروووس لخالد .. قلت : بيوافق انه يتزوج .. خلود : اممم حسب البنيه بس ساعديني .. قلت : من عنوني يا أحلى بنت عم فالدنيا .. خلود طالعتني بنص عين : ليييش عندج بنت عم غيري .. طالعتها ضحكت وقلت : للأسف لأأ بس عما قريب بيكون عندي .. خلود مستغربه : منو بعد ...؟؟ قلت لها وأنا أَضحك : شكلج ناااسيه انه عندنا عم اسمه سيف .. خلود ضحكت وقالت : هيييييييه ههههههه والله نسيت تصدقين .. قلت : أفاا في أحد ينسى سيفاااني .. ............. : سيفاااني بعينج .. لفيت طالعته وضحكت وقلت : هلا والله هلا تو ما نور البيت .. عمي : منو سيفااني ..؟؟؟ قلت وأنا أطاالع السقف وبدلع : واااحد مزيون معذب قلوب العذارى عمي تجدم ضحك وقاال : ها اش حااالج دبوووه ..؟؟ قلت وأنا أضحك : بخير وعااافيه .. انت اش حاالك واش حاال حرمتك ..؟؟ وينكم ضاايعين ما تنشااافون .. عمي سيف : بخير دورينا بتحصلينا ههه .. خوخه .. بطيخه اش حاالج ..؟؟ خلود : ههه بخير عمي سيف وخنجر ههههه ضحكت وقلت : ها ها ها ي ....... حلوه هااااي ... خوخه بطيخه وسيف وخنجر هع .. عمي سيف : ضحكه بليا ضروووس .. قولي آمين قلت وأنا أضحك : أنا شهود العسل هههه عمي سيف ضحك وقااال : مصدقه روحها عروووس تتخقق علينا .. تذكرت اني عروووس .. هذيل شو ما يخلوني أنسا كل شوي يذكروني .. حشا مب خطوبه .. قلت : هي مصدقه شـ بلاني يعني .. عمي ابتسم وقاال : شهووود العصعوصه بتتزوج والله ما أصدق .. تلومت وما طالعته اكتفيت بأني أقوول : كل هالمتن وتقول عصعوصه .. ما حسيت الا وعمي يمسكني من حنكي ويقول : وين متينه وهالعظاام مبينه .. ابتسمت وقلت : عمي ودرني عورتني تراااك .. عمي تركني وقاال : امتني ترااا هالفستاان اللي بتلبسينه بتطيحين ويااه من ثجله .. ابتسمت وقلت : هههه عشان عيونك بمتن .. عمي ابتسم وقاال : كل ها حقي أنا يعني ههههه قلت : هي شو ع بااالك وبعدين كم سواف نحن عندنا .. عمي ضحك : صخي أحسن لج .. ههههه ولا بييج بوكس يأدبج .. ضحكت وقلت : حراام عليك عرووس وبتكسرني .. عمي : شو فيها هااي ..؟؟ طالعت خلود ميته من الضحك وقلت : ما عليك منها خبله هااي .. عمي وين حرمتك .. جييييه ما يبتها وياااك .. عمي : هذي كله رااقده مدري شو ياها من احملت ترقد .. ابتسمت وقلت : هي يقولون في واايد حوامل جذا .. عمي : هي الدكتوره قالت لي .. وينهم الجماااعه ..؟؟ ابتسمت وقلت : خير .. في شي .. عمي : لأأ بس أبي أخبر أبووج انه حمدااان أخو زااايد قاال انه أهله بييون لكم بااجر .. حسيت قلبي طاااااااااح فبطني .. وقلت وأنا متفاجأه : هااااااااه ..؟؟ ما توقعت أبد ان أهل زاايد بييون .. ولا تخيلت .. كنت ادري انهم بييون بس ما فكرت كيف بتكون يلستنا ولا كيف بسولف وياهم .. أحس روحي .. بعدني مب مستوعبه سالفة جيتهم لنا .. |
الحلقه الثامنه و العشرون .. يقول الغير مأساتي ................... سببها في شراييني أنا شكيت في ذاتي .................... لا .. يمكن فتكويني وصل بي شكي العاتي ............... إلى خل مخلينـــــي تركني أجمع أشتاتي .................. من الهموم وما فيني طالعت عمي باستغرااب وقلت : هااااااااه ... عمي ضحك وقاال : بلاااج ..؟؟ نزلت رااسي واستوعبت وقلت : مااشي .. عمي ضحك وقاال : انزين خبري أم شهااب وابوووج انهم بييون أوكي .. قلت وأنا مستغربه : صدق الحين .. عمي : لا جذب .. هي صدق بعد شو عباالج اتمصخر .. قلت : لأأ .. بس متى ..؟؟ عمي مستغرب من شكلي ووده يضحك بس قاال : بااجر بعد المغرب .. قلت : أهاا أوكي عيل بخبرهم .. عمي : يلا عيل أنا بروووح فمان الله .. قلت : الله ويااك ......... فمان الكريم .. عمي قبل ما يطلع لف وقاال باستغراب : بلااج انتي فيج شي ..؟؟ هزيت رااسي وقلت : لأأ ماشي .. عمي ابتسم وقاال : لا تخافين ترا ماشي نظره شرعيه .. الولد ما بغا .. ابتسمت وقلت : أحسن .. عمي ابتسم وقاال : مع السلامه .. تنهدت وأنا أقوول فخاطري لاازم ما يبا نظره شرعيه .. شبع من شكلي وهو يشوفني في دبي .. مل من كثر ما نرمس مع بعض .. لاازم .. هه والله الحيااهـ عجيبه .. ............ : شهود .. لفيت وأنا مستغربه : خير .. خلود : وينج ما تسمعيني من سااعه ازقرج .. طالعتها وقلت : لا أسمعج قولي .. خلود : هااه وين راااح فكرج .. أكييد عند حبيب القلب .. ابتسمت وقلت : اي حبيب قلب الله يخليج .. قولي اش عندج .. خلود : يعني بااجر بييون أهل هذا اللي اسمه زااايد وبيتعرفون عليج .. هزيت رااسي وقلت : هي .. خلود : أكيييد بتستحين منهم صح ... ابتسمت وقلت : ولا شو راايج .. خلود ضحكت وقاالت : أتخيل شكلج ههههه .. بااجر بتكشخين .. قلت : بكشخ بس مب اني أحط ميكب الدنيا .. لأأ بحط شي هاادي وبلبس شي تختاره ماما .. خلود : أهاا زين زين .. أتوقع بااجر شو بيصير ههه ابتسمت وقلت : جنج انتي العروس .. خلود ضحكت وقاالت : ههههههههه أتخيل .. قلت : ههه عروووس صغيره .. خلود تطالع كتابها وتقول : أويــه أنا يايه أذااكر عند شهووود .. واهني يايه اسولف وياج .. ابتسمت وقلت : يلا عيل فاارجي وسيري ذااكري .. خلود هزت رااسها وقالت : انشالله مام .. ههه ابتسمت .. بعد ما خلود رااحت .. صعدت ع الدري .. عسب ارووح حجرتي .. حسيت روحي مستانسه ومب مستانسه .. مدري ليييش .. كل شي صاار صعب فهمه بحيااتي كل شي ... تعبت والله تعبت .. × × اليوم الثااني الساعه اربع ونص العصر بتوقيت مدينه العين .. قمت من النوم .. وأنا أطاالع الساعه .. بعده فيني رقااد .. معني رقدت عدل .. من عقب الغدا للحين وأنا راااقد .. وقفت بكسل .. لميت شعري بطريقه مهمله .. ولمست بشرتي وأنا أطاالع شكلي .. تنهدت ودشيت اتسبح .. بعد ما خلصت و صليت غيرت ملاابسي ولبست تنوره وقميص .. رفعت شعري بقباااضه وبديت أتمكيج بحيث اني أحط اساااس و قلوز وجحال وبلاشر لا أكثر .. بعد ما خلصت تعطرت .. طالعت شكلي .. طالعه حلوه ماشي الحاال .. وبعدين الا هم ياايين يشوفوني ما بيقعدون واايد .. بس شو درااني يمكن يتمون ع العشاا .. اذا ماما أصرت انهم يقعدون .. حطيت شيله سوده ع راااسي .. بحيث انها ما تغطي شعري .. وتعطرت وشليت الفون .. ونزلت ... دخلت الصاله طاالعت ماما يالسه تدخن الصاله تجدمت عنها .. بستها ع راسها وقلت : مسااء الخير .. أماايه : مساااء النور .. ها نشيتي .. ابتسمت وقلت : هي .. أماايه : كنت بوعيج خمس ونص ... بس زين روحج نشيتي عسب تجهزين بسرعه .. ابتسمت وقلت : ها شو الأخباار ..؟؟ أمايه : كل شي تماام .. خبرتي خواتج .. قلت : هي .. شييوم يمكن تنزل تسلم بس شذاوي ما بتنزل عليها امتحاان بااجر .. أماايه : مو زين جذي بنتي خل يقعدن ويا النااس بعد .. ابتسمت وقلت : عادي أماايه صغاار .. وبعدين شواخ وانتي وأحلاام تكفون ماشالله .. أماايه : ما يندرا لكن بناات هالزمن .. ابتسمت وقلت : هههه .. انزين ماما أنا بسير حجرتيه عاده انتي تعاالي زقريني .. أمايه : بطرش شيخه وبالمره ترمسج .. قلت : أوكي براايج .. عيل أنا بروووح بقعد ع النت .. أماايه : ما بتحضرين للجامعه .. قلت : لا ترا بااجر الخميس وما بدااوم .. أمايه : هي صح انتي اجاازه بااجر .. ع العموم أنا بقول لأختج بتيي لج .. قلت : أوكي .. صعدت ورحت صووب حجرتيه .. حسيت روحي .. تاايهه أو اني أنا اللي مضيعه شي .. ما أدري لييش هالاحساااس يايني اليوم .. × × أحلام : والله اني غصب بروووح أخااف لـ شهود تزعل .. سيف يطالعها وهي تتمكيج ويقول : انتي متى كرشتج بتبين هههه أحلام تطالعه من المنظره وتعقد حياتها وتقول : حراااام عليك شو تباني أمتن بسرعه .. سيف يضحك ويقول : بتستوين حلوه ههههه أحلام : حرااام عليك سواف مب لهالدرجه عاد .. سيف يطالع الساعه : خلصي بسرعه .. يلا بتصير سبع وانتي بعدج ما رحتي .. أحلام تبوز : همممم .. والله مالي باارض أروووح .. سيف : انزين ما غصبتج .. تروحين ما تروحين برااايج .. أحلام : هي هي انت تبا شهود تزعل مني .. سيف يضحك ويقول : اش درااني .. انتي من حملتي مستويه سوداانيه .. سنه لما تقومين سنه لما تمشين .. أحلام : انت اللي تبا يااهل تحمل .. سيف : أحلاااموه بسرررعه قبل لا الناااس اييون .. × × ................. : ادخل .. دخلت شيخه وهي مبتسمه وقاالت : هلا والله .. قلت : هلأأ .. حياااج .. شيخه دشت وسلمت عليه وقالت : اش حاالج ..؟؟ قلت : تمام ومن صوووبج ..؟؟ شيخه : بخير .. ها شو المعنويااات .. قلت : داوووووووووووون .. ههههه شيخه : حرااام عليج .. قلت : شو حرااام علي وأنا ما أعرف النااس .. خايفه والله .. شيخه : ههههه عقب ما تعرسين بتتذكرين كل شي وبتضحكين ع روحج .. قلت : ياريت هههه .. ها يو الجماعه ..؟؟ شيخه : توني وأنا أصعد سمعت صوت الجرس .. قلت وأنا أوني خااايفه : أويـــــــــــه ههههه شيخه ضحكت : عنلاااتج وتمثلين بعد .. قلت : شسوي ههههه فيوزاتي ضربت .. شيخه : انزين ما علينا اسمعي أنا يوم بنزل وبسلم عليهم تعاالي وياااي بس خلج ورااي وبوسي رااس أمه سمعتي .. ضحكت وقلت : انشالله . شو ع باالج لهالدرجه ما فيني مذهب .. شيخه : لا هههه بس أقوول عن تشفر البنيه وتفضحنا .. قلت : هههه وين عياالج .. شيخه : تحت مع الوالده .. قلت : عن يفضحني سعود .. شيخه : ههه لا تخافين ولدي محترم .. ابتسمت وقلت : زين زين .. شيخه : لحظه شوي بس برد ع التلفون .. طالعت شيخه وهي ترد وتقول : أوكي ............ الحين بننزل .. ............... ليش من متى يو .............. أوكي .. بعد ما سدته ابتسمت وقلت : يو ... شيخه : هي بلاااج خايفه هههه قلت : لا ماشي .. شيخه : الوالده تقول انزلو سألو عنج .. قلت : ياربي ما بنزل .. شيخه : شهووود هذيل اهله وانتي خايفه لو هو عاد اش بتسوين .. ياريت لو هو جاان ما بخااف .. الحين أنا شاللي خلاني ابلش روحي ابتسمت وقلت : يلا خلاااص .. شيخه : يلا .. مشيت ورا شيخه وأنا أحس روحي خاايفه ما أدري لييييش .. يمكن لأنه القعده بتكون رسميه اليوم وأنا مب مااال قوم رسميااات .. آآآه تعبت من زوود التفكير .. يلا ريلااااااااكس لأني الحين بدش الصاله ... دخلت ورا شيخه وأنا منزله رااسي ومستحيه .. شيخه سلمت وأنا وراها .. سلمت على وحده كبيره بالسن أظن أم زاايد وبنتين مبين عليهن فالعشرين ومعااهن أماني .. ابتسمن لي رديت الهن الابتساامه بحياا .. شواخي يلست وانا يلست يمبها .. رفعت رااسي طالعت اخوااات زايد يطالعون صوبي .. ابتسمت ورديت أطاالع صوب ماماتيه .. أم زااايد : هذي بنتكم ماشالله .. أماايه : هي هذي شهد .. أم زاايد ابتسمت وقاالت : اش حااالج بنتي ..؟؟ قلت : بخير أماايه ومن صوبج .. أم زاايد : بخير ربي يعافيج .. أمايه : منورينا والله .. وحده من أخواته ابتسمت وقاالت : النور نوركم أم شهااب .. شيخه ابتسمت وقاالت : فطيم ما يبتي عياالج ..؟؟ فاطمه : لا وين الله يخليج بيحشروني .. شيخه ابتسمت وقالت : أكبر وااحد كم عمره .. فاطمه : ست سنوات .. شيخه : الله يحفظه لج .. فاطمه : أمييين .. ( طالعتني وقاالت ) ها عروسنا اش حاالج ..؟؟ ابتسمت وأنا ميته حيا وقلت : بخير ربي يعافيج .. الأخت الثانيه طالعتني وقاالت : تراااني مشبهه عليج .. ابتسمت .. شيخه قاالت : هههه شهود ما تشبه حد اممممررره .. منو عيل ..؟؟ ابتسمت اخته وقاالت : يمكن انتي من طالبااتي وأنا ما أدري .. بس اللي تخرجن .. طالعت شيخه .. وشيخه طالعتني .. شيخه قاالت : هي منى .. يمكن قصدج شيما .. ترا شيما فيها من شهد .. منى طالعت شيخه : شيما منوو ..؟؟ شيخه : أخت شهووود .. فثااني ثاانوي .. منى وجنها تذكرت : هي عرفتها ... صدق شيما أختج ..؟؟ قلت : هي أختي .. منى ابتسمت وقاالت : وأنا أقووول تشبهين من .... وينها شييوم عيل ..؟؟ شيخه : الحين بزقرها .. منى ابتسمت وقاالت : شهد ترا أختج يوميا متضااربه مع أحد .. شيخه ردت عني وقاالت : مب رااايحه بعيد طالعه ع أختها هههه فاااطمه ابتسمت وقاالت بمزح : عيل حرمة أخوي شراانيه ها هههه أمااني ضحكت وقاالت : هي ربيعتي سألوني عنها .. ما كانت مخليه حد فالمدرسه مب مزيغتنه ههههه أم زااايد : بسكم بنااات خليتو البنيه تتلوم .. ابتسمت فديت عموتي رقيقه هههه .. شواخ قاالت : عموووه روحها جنتج جذا .. شو تبينا نقول عنها هههه أمااني : شهووود .. تعاالي خذي شهووود .. ابتسمت ووقفت .. تجدمت عن أمااني عسب أشل شهووود الصغيره .. قلت : ماشالله عليها قمر .. منى بمزح : هي تشبه أخويه زااايد هههههه تلومت وخذيت شهوود ويلست ألاعبها معنها صغيرررره وااايد .. أمااني ابتسمت وقاالت : هاا حلوه .. ابتسمت وقلت بهمس : عمتها تقول تشبه عمها أكييد حلوه هههه أماني بهمس : حركااات بعد هااا .. مر الوقت بسررررعه حسيت روحي تأقلمت مع خوات زااايد بسرعه .. وهن حبوبااات وأمه بعد حبوبه .. بس أهم شي زاايد يكون زين معاااي عقب الزواااج .. × × الساعه تسع ونص بليل .. فس سيااارة زااايد .. بعد ما سااعد أمه تركب راااح صوب الساايق وركب .. طاالع أخته من الجاامه وقاال : ها كلكم موجودين .. فاطمه : هي .. زايد ضحك وقاال : حرمة أخوووي .. انتي مدري شاللي حادنج ع عبااة الراااس .. بتطيحين بها مع هالكتكوته .. أماني ابتسمت وقاالت : هههه متعوده شسوي .. وبعدين هالكتكوته ع قولتك ليل ونهاار مبطله حلجها ههه زايد ابتسم وقاال : محد يرمس عليها .. منى : هي تراااها ع اسم الغااليه هههه زايد ابتسم وطاالع أمه اللي يالسه جدااام يمبه وقاال : ها أمااايه عجبتج البنيه .. أم زااايد : هي أمي ماشالله عليها أخلاااق وأدب بس هااديه وااايد .. فاطمه : أماايه شو تبينها ترمس من أول يوم جنها مب مصدقه ههههه زاايد : فطيم .. لو أماايه تقول لها ارمسي ترمس غصب عنها هذي أواامر الغااليه هههه منى : طلعت أختها من طالبااتي فالمدرسه .. زايد : زين عيل المعرفه بتزيد هههه فاطمه : أماايه وهذا آخر عيااالج بتيوزينه وتفتكين ههههه أمااني : ترااها بتعيش وياانا .. من الحين بقول لكم .. زايد : لا بتعيش ويااي أنا .. أمااني : هذا اذا رضت تطلع من العين هههه زايد : بوديها دبي وياااي .. صح أمي .. أم زاايد : الله يكملكم بعقلكم .. فاطمه : زيود حبيبي وصلني بيتي .. أم زاايد : بنتي تعاالي صوبنا .. فاطمه : ما أروم أمي .. وبااجر العيال اللي مدرسه واللي روضه .. منى : زااايد وصلني أنا بعد بيتي .. زاايد : انتي اش وراااج .. عيااالج أكبر وااحد بعده ع المرضعه .. منى : بس أنا اللي ورااي مدرسه ههههه زايد ابتسم وقاال : هي صح انتي روووحج وراااج مدرسه .. زااايد : بناات اسألكن بصراااحه .. العروووس حلوه ..؟؟ <<< الله أكبر ع الخرط هع فااطمه : ماشاالله عليها قمر .. منى : تبا الصراااحه كل شي فيها حلو .. بس مشكلتها طويله .. زااايد ضحك : يعني أطول عني .. منى : لأأأ بس أطول عنا نحن .. زايد : اذا عنكم انتو عاادي ههههه أم زااايد : صلو ع النبي عن تصكون البنيه بعين .. فاطمه تضحك : اللهم صلي وسلم على سيدنا محمد .. زااايد : هي عن تصكون حرمتيه بعين .. فاطمه : هههه .. ها زااايد متى قررت تكون الملجه .. زااايد : ما أدري .. بس أنا مستعيل .. فاطمه : انزين انت اش رااايك متى تبااها .. زايد : والله أنا ودي نستعيل .. فـ أقوول بعد اسبوع زين .. منى : بس البنيه ما يمداها تتجهز .. زايد : ما بسوي حفلة ملجه بعد الملجه خل تتجهز وبنسوي العرس .. أم زاايد : هي زين جذا .. اش له الخسااير بعد .. زايد : عيل خلاااص الأسبوع الياااي انشاالله الملجه .. برمس ابوها اليوم .. منى : بس مب جنكم استعيلتو ..؟؟ زايد : لأأأ .. وبعدين أنا ما أقدر أحصل على اجااازه بعد فتره .. لااازم فتره طويله أتم في دبي .. منى : اهاا عيل خلاااص .. × × دموعي نزلت .. طالعتني مستغربه وقاالت : بلاااج ..؟؟ ابتسمت وقلت : ماشي .. مدري دموع فرح ولا حزن .. شييوم : خبله انتي في وحده تصيح يوم خطوبتها .. الكل يفرح .. قلت : بس أنا غير ياا شيمااا ... أنا غير .. شيما : شاللي غير خبريني في مليون بنيه شرااتج .. قلت : شيما أنا فرحتي مو مكتلمه .. شيما : اوووهو علينا انتي الثاانيه لا تفاولين ع روووحج .. قلت : شيما .. أنا ارمس جد .. شو دراااج زاايد يمكن ما يبيني .. شيما طالعتني وقاالت : شهد من قاال .. زاايد يبيج صدقيني .. وبعدين من الغبي اللي يخلي أهله بتعرفون على وحده وبيتزوجها .. وهو ما يبيها .. قلت : والله ما أدري تفكير هالانساان أبد ما ينعرف له .. شيما ابتسمت وقاالت : عيني خير شهووود .. قلت : يلا انشالله ما يصير الا كل خير .. شيما : اونها مس منى تقول اني اشبهج هههه ابتسمت وقلت : شو تبين أكثر عاد ... شيما : قاصه ع روحج أونج حلوه .. قلت : هي صدق .. أنا حلوه والحمدلله .. هالشي يكفيني .. شيما : امــــــــــف >< ع الغرررررررروووووووووور ., قلت : لييش النااس يعتقدون بعض الأوقااات الثقه بالنفس غرووور .. شيما : الحين وحده تتفاخر تقولين مب غروور .. قلت : بس أنا اقووول هالكلاام جدااام أختي وهي تعرف معدني .. شيما : والله ما أدري أحسه غروور .. قلت : ياربي ليييييييش كل النااس مستوي تفكيرها رجعي .. قااالو عن كل شي غرور حتى الثقه قامو يقولون عنها غروور .. شيما : بدت أم العريف .. أنا ساايره أرقد أحسن لي .. قلت : أحسن تفكيني من صدعتج .. هههه شيما : تصبحين ع خير يا عروووووووس .. ابتسمت وقلت : وانتي من أهله هههه حطيت راااسي ع المخده وأنا أتذكر زااايد وأفكر فيه .. يا ترى شو يسوي يفكر فيني ولا لأأأ .. يحبني مثل أول ولا لأأأ بعده يجذب علي ويكمل لعبته .. نزلت دمعه حااره على خدي .. حسيت روحي للحظه بموووت بس رجع لي النفس مره ثااانيه .. تنهدت .. بديت أفكر اذا بتزوج من زااايد كيييف بعيييش معاااه .. بديت أتخيل روحي عروووس بالفستاان الأبيض .. وأنا أوقف ع الكوووشه .. بديت أتخيل زااايد اللي بيكووون وااقف يمبي .. بس فجأأأه تذكرت زااايد ما يبي ياااخذني .. زااايد يجذب علي بس يبي يتزوجني ويذلني وعقب يرجعني لبيت أهلي .. زااايد هذا مناااه .. × × منصور : لييش حدد الملجه .. خالد : هي اليوم سمعت الوااالد وعمي يرمسووون .. منصور : ماشالله عليه معرسنا مستعيل .. خالد : هههه شفت كيف .. منصور : يمكن تخبل زيود يوم طالعها هههه خالد : بس ما كااان فيه تظره شرعيه .. منصور مستغرب : وليييييش ..؟؟ خالد : شو درااني عنه زيود قاايل مابا أشوفها .. منصور : عيل تطالع شااايفنها هههه ولا زيووود من متى يااخذ وحده مب شااايفنها .. خالد : جااايز .. ما تعرف له زيووود .. وبعدين هي سااارت بيت ربيعتها اللي هي حرمة أخوووه .. منصور : عيل تطالعه شاايفنها هنااك .. خالد : هي أكيييد .. منصور : متى العرس .. ليكوون بعد بيستعيل .. خالد : لا لا .. ما أظن .. لأنه البنيه يبااالها وقت لما تتجهز .. منصور : أختي رمستني .. تقوول نباا نروووح نااخذ لنا فسااتين ومدري شو للعرس .. خالد : عاد انت تعرف البناات ما يرتاااحن الا يوم يخلصن شرا كل شي .. منصور : هههه هي صدقك .. خالد : مب نااوي على سفره ..؟؟ منصور: لاأأ وانته ...؟؟ خالد : وين أودر ولدي بروحه .. ما اقدر .. منصور : صح .. وينه وليد الهرم .. خالد يضحك : لا تسب شيخ الشباااب .. منصور يضحك ويقول : أنا عمه حلااال علي اسبه هههه .. خالد : كاان يبا ييي وياااي فديته .. منصور : عيل جيييه ما يبته ..؟؟ خالد : وين ياا ريااال طالعين لشغل واييبه .. بيذلني .. منصور : أنا كنت بخيل عليه ههههه خالد يضحك : هي وااايد بتخيل عليه ماشالله عليك .. × × ................. : مابا دراااااااعهـ .. شيخه : اوهو علينا شهوووووود .. مب حفله عسب تااخذين لج فستاان .. قلت : لأأ .. مابي ابا فستااان .. شيخه : مب حفله اش له تبين فستااان .. قلت : عيل تنوره وقميص .. شيخه : شو تنوره وقميص .. ياهل انتي ... قلت : عيل دراااعه ماني لااابسه .. ما أحب الدرااعاات .. شيخه : اوهو علينا شهووود .. خذي لج درااعه والله أحلى .. قلت : بس أنا ما أحب .. شيخه : انتي شكلج تبيني افلعج ولا أذبحج ولا شسوي بج ..؟؟ قلت : قلت لج ما أحب الدراااعاااات .. شيخه : لييييش انزين .. قلت : جييه قالو لج عيوووز البس درااعه .. شيخه : بس البناات بعد يلبسن درااعات .. قلت : اوهو علينا بس أنا ما أحب .. أنا مب مثل هالبنااات .. شيخه : اللهم طولج ياا روووح .. مب مااخذه برااايج أنا بااخذه وغصب عنج تلبسينه .. قلت وأنا أتأأفف : صج عاايله معقده .. شيخه : ترااج منها .. مو بس أنا اللي منها .. ابتسمت وقلت : أدري .. يلا حاسبي عسب نروووح ناكل شي يعت .. شيخه : لاازم تيوعين .. من الصبح لق لق لق .. ما سكتي ., قلت : اش درااني عنج انتي اللي ترمسين واايد هههه شيخه : هي أنا مبين .. قلت : عيل يدتي يعني .. شيخه : أنا الغلطااانه مودره عياالي وياايه ادور ويااج .. قلت : محد قااال لج ودريهم خخخخ شيخه : عيل اختااري بروووحج .. قلت : ترااج اختارتي لي ههه شسوي أنا .. شيخه : اف .. اروووح احااسب وااايد أحسن لي ... قلت : ترييتي بيي ويااج .. شيخه : تعاالي يالصدعه .. ابتسمت وقلت : يايه ترااني بلاااج معصبه ههههه شيخه سوت لي طااف وراااحت تحاااسب .. لحقتها وقلت : هاا وين البناات ..؟؟ شيخه : مدري عنهم قاالو بنروووح ندور ونرجع .. قلت : اصلااا شاللي خلانا نييبهم .. شيخه ضحكت : خواتج حشوورات .. تعرفينهن عااد انتي .. ابتسمت وقلت : حاسبي بسرعه قمت اسمع صوووت بطني ... شيخه : هههه لهالدرجه يوعاانه .. قلت : فوق ما تتصورين .. وبعدين موعيني من الرقاااد ما ترييتو لما اتجهز .. يبتوني اهني .. شيخه ابتسمت وقاالت : ترااا المجله بعد اسبوووع مب باااقي شي .. طالعت العاامل وقلت : احسبي بسرررعه الله يخليج ذليتونا بهالملجه .. شيخه ضحكت : لييش عاد ..؟؟ قلت : ما صاار ملجه كلما سويت شي قلتي لي ملجه وملجه ما عندكم غير هالطااري .. شيخه : ترااه حدث الموسم ههههه قلت وأنا اشيل الأجياااس .. : يلا نرووح ناااكل قبل لا يغمى علي .. شيخه : يلا مب نااقصين زااايد يذبحنا .. ويقوول ذبحتو حرمتيه هههه طالعتها وقلت : اللهم طوولج يا رووووح .. اقوول يلا نرووح بدون ما نرمس أحسن لنا .. شيخه ابتسمت وقاالت : بطلب من ماكدونالدز .. قلت : هي أنا بعد أحبه .. شيخه بعد ما طلبت لنا الوجبه : وين رااحن هذيل ..؟؟ قلت : براايهن .. وبعدين خل يشترون ع حساابهم مب متفيجه أنا أدفع ههه شيخه : هي من قاال لهم يتأخرووون .. قلت وأنا أخذ الطلبيه .. : تعاالي نيلس ونسووولف .. شيخه : يلا .. تعاالي صح انتي قاايستي الدرااعه .. قلت : عاادي بفرها فالخيااط وخل يظبطها .. شيخه : بس فاليشمك روووحهم يعدلون لج القيااس .. قلت : مب متفيجه بااجر خل شهااب يفره عند رااعي الخياااط .. شيخه : برااايج .. قلت : انزين متى ناويين .. تروووحون بوظبي .. شيخه : بعد ملجتج انشالله .. طالعتها وقلت : خلااص يعني ما بترجعون العين .. شيخه : حسب شغل جاابر .. قلت : بس زين تستقرين تعرفين هالشي .. شيخه : واهني بعد أنا مستقره ما أشووف ناقصني شي .. قلت : لأأأ .. شوفي الحين ريلج دوامه اهنااك وانتو اهني .. وين يرتااح لج باال .. شيخه : من هالنااحيه صدقج .. وبعدين انتي بعد سمعتهم يقولون ريلج بيسكنج دبي .. تلومت وقلت : اش درااني عنه أنا بعد .. شيخه ضحكت وقاالت : ههه لهالدرجه .. والله اني ما قمت أصدق انج شهووود .. قلت : جيييه شو قالو لج بدلوني ..؟؟ شيخه : هههه لا بس مستويه واايد تستحين وياا هالرااس .. قلت : ما علينا .. فديت اللي ساكن دار الحي ههههه شيخه : هي جذا رديتي شهووود اللي نعرفها ههه × × بعد مرووور أسبوع ع الأحدااث السااابقه بعد ما الشيخ عقد القرااان ... وقفت جدااام المراايه وأنا أطاالع روحي .. قلت : يعني لااازم أكشخ ..؟؟ شيخه تطالعني وتقول : سؤااال .. أنا بحياااتي ما سمعت في وحده فالكون .. تقول مابي أكشخ بيوم ملجتي .. ابتسمت وقلت : خلاااص عيل قولي اش رااايج ..؟؟ شيخه : قمر وربااااااااااه قمرررررررر يا أحلى شهوود .. دخلت شيما وهي تلعب بشعرها : مباارك عرس الاثنين ...................... شيخه : بس بس صرعتينا .. شيما تطالعني وتقول : وقعتي ع الورقه .. قلت : جيييه انتي وين عاايشه .. شيما : لا والله بس كنت قاااعده ع النت .. شيخه : هي هالنت نسااج ملجة أختج .. شيما ابتسمت وقااالت : انزين أم المعرس وأخواته تحت وماما تقووول خل شهود تنزل تقعد ويااهم شوي لأنه عقب بتقعد مع ريلها .. حشيت رووووووحي بموووت من قااالت شيما ....... ريلهااااااااااا ... شيخه : انشالله .. يلا شهووود .. لعبت بيدي وقلت : لاااازم .. شيخه سحبتني وقاالت : يلا بلا منكر البناات .. ابتسمت وقلت : ههه انزين ودريني .. شيخه : طاالعه حلوه مع الدرااعه ويا رااسج .. قلت : هذي يمكن أول مره بحيااااتي البس درااعه .. شيخه : زين عااد شرينا لج ولا كنتي ما بتعرفين شي اسمه درااعه ههههه ابتسمت وقلت : مب لهالدرجه عاااد .. شيخه : هي ما أدري من اللي حشرتني مابي ومابي .. قلت : شي صاار خلااص هههه شيخه : بس تدرين انتي طويله لااايقه عليج واايد .. قلت : صلي ع النبي عن ينكسر الكعب هههه شيخه : طاالعه حلوه وانتي فااتحه شعرج .. قلت : قصير صح .. شيخه : لأأأ طولااان عن أول مره ييتي العين .. قلت : زين .. شيخه : يلا اسكتي .. عن الجمااعه يسمعونا ويقولون بنتهم مب جاايفه خير ههههه قلت : هههه انشالله ماماتي .. دخلنا الصاله أنا وشواااخ وأنا مستحيه لأني كااشخه وفاااتحه شعري .. ولااابسه درااعه اللي يطااالعني يقوول ممثله كويتيه هههه .. سلمت ع الكل وباركو لي .. ويلست يمب ماماتي هـ المره .. أم زاايد ابتسمت وقاالت : الله يسعدج بنتي .. استحيت ما رديت .. جان ترد أماايه : آمييين .. فاطمه : مبروووك شهد .. قلت : الله يباارك في حياااتج .. شيما مبتسمه وقاالت : يلا عقبااال بنتج هههه فااطمه : وين توها صغيره هههه منى : شييوم مب لسااان عليج حتى اللي فالبيت ماكلتنهم .. شييوم ابتسمت .. أماني طالعتني وقاالت : يوم بيقعدووونج عند ريلج شلي بنتي ويااج ... ابتسمت وما رديت .. ياربي .. بقعد مع زاايد .. على كثر قعداااتي معااه الا ان هالقعده بتكووون غير مررررررره غير عن البااجي مدري لأني صرت حرمته .. أو لأنه هالقعده رسميه .. أو لأنه القعداات الماضيه كاانت حراام وهالقعده حلاال و بكون قاااعده مع زوجي مب مع أي أحد .. شيما ابتسمت وقاالت : مس منى .. منى طالعتها وقاالت : لي متى بتزقريني مس منى .. قلت لج مس فالمدرسه وبس .. شيما ابتسمت وقاالت : ههه انزين عن تعصبين بس .. مس منى : وبعطيج فصل بعد هههه شيما : لا الحين عندي وااسطه .. واللي هو نسيبي هههه فااطمه .. : شهد دراااعتج حلوه .. ابتسمت وقلت : عيونج الأحلى .. شيخه : أنا اللي مختارتنها ههههه شيما : وبدن النساااء في الحش هههه فااطمه : هههه كنت بسأل من وين ماخذتنها بس شييوم بتحشرنا هههه منى : ما عليج منها أنا بأدبها ههههه شيخه تطالع شيما وتقول : وين شذى وخلود .. شيما : فالحجره .. شيخه : شو يسووون ..؟؟ شيما : قاعداات ع النت .. شيخه : ويا ذااا النت اللي حاشرنا .. فاطمه : الله يخليج الحين ماشي لا بنت ولا ولد ما يقعد ع النت .. شيخه : صدقج كل شي صااير بالنت .. حتى الدرااسه .. فااطمه : الله يخليج حتى الأهل قاامو بس يتواصلون عبر النت .. شيخه : هي صدقج .. منى : لا الله يخليج .. طالع لج البلاااك بيري الحين .. فاطمه : الكل منزل رااسه بالأرض وأنا اقوول الكل تدين وصاار محترم بس طلعو يرمسووون مع احبابهم بالبلااك بيري ههههه شيخه : والله حااله عادي بااجر تطالعين ياااهل عمره خمس سنوات يدور مع البلاك بيري .. منى : هههه الله يهدي الجميع .. فاطمه : شيخه زاايد طرش مسج .. شكله الحبيب يباا ييلس مع حرمته .. تلووومت تمنيت الأرض تنشق وتبلعني للحظه .. بس تداركت روحي وتميت هااديه .. شيخه : ها عروسنا جااهزه .. تلومت ما عرفت شو ارد اكتفيت بالسكووت .. فااطمه : خلااص عيل أنا بدخلها عنده الميلس ولا انتي منااوي .. منى : الوالده خل ترووح وياها .. فااطمه : وين الوالده فيها شده .. عيل خلااص شهد تعااالي معااي أنا بوديج له .. ما عرفت شسوي .. شيخه وقفت ومسكت ايدي وقاالت : يلا .. بلااج تستحين .. نزلت رااسي ما عرفت شو ارد .. فاطمه مسكت ايدي وقاالت : شهوود لا تستحين ... زيووود حبوب والله .. ما قلت شي .. حسيت روحي استحي أكثر وكأني أول مره بشوووف زاايد أو أول مره أسمع عنه .. فاطمه مسكت ايدي وبدينا نتوجه للميلس .. اتصلت فااطمه على زاايد وكلمته .. ثواااني الا وفااطمه تفتح البااب وأدش وياااها .. طول الوقت كنت منزله رااسي .. دشينا .. زايد مد ايده وقاال : السلام عليكم .. مديت ايدي وتصافحت يدي مع يده .. حسيت بدفا .. وخووف بنفس الوقت .. سحبت يدي وقلت : وعليكم السلام .. زايد اشر لي اقعد .. وأنا جني نااسيه بيتنا .. تجدمت عسب ايلس .. يلست وأما أحس رووحي بمووت من الحيا .. فاطمه : عيل أنا برووح بقعد مع الجمااعه .. زايد : أوكي .. فاطمه تجدمت صوب البااب .. قلت بهمس : فااطمه ... ما سمعتني وطلعت .. ياربي شسوي .. زايد يااه ويلس يمبي .. حسيت بتوتر .. قال : شو تبين بفااطمه ..؟؟ قلت بحيا : ماشي .. زايد : شخباارج ..؟؟ حسيته باارد وااايد .. قلت : بخير .. زايد مسك ايدي وقاال : مبروووك شهووود .. مدري شاللي خلااني ارفع رااسي .. وطااحت عيني بعينه .. ارتبكت .. حسيت روحي بمووت خوف رعب .. بنفس الوقت .. أحط عيني بعينه وأتأمله .. |
الحلقه التاسعه و العشرون .. وينها عيونك اشتقت لك .. يا حكايات الليالي في غلاااي .. كل شي اشتاق لك واشتقت له .. وينك اشتقت لعيونك يا هواااي .. من طاااحت عيني بعينه حسيت بشعووور غريــــــب ... نزلت عيني .. كااان ودي أقووول اشتقت لك ولعيووونك يا زااااااايد .. يا حكااااااااياااات الليالي في غلاااي بالفعل انت حكااياتي و كل شي بحيااتي .. بس في شي مسكني وما خلااني أقووول أي شي .. بعد ما نزلت عيني قلت بصوت وااطي : الله يباارك في حياااتك .. زايد ابتسم وقاال : شهووود واايد تغيرتي ... ما رديت عليه لأني بالفعل أدري اني تغيرت مليووون درجه .. تغيرت وااايد وااايد .. أحس روحي مب شهد ألأوليه .. أنا وحده ثاانيه .. زايد مسك ايدي وهالشي اربكني أكثر وأكثر .. بغيت أسحب ايدي بس ما قدرت لأنه لبسني خاااتم .. ورفع ايدي لويهه وباسها .. قاال وهو يطاالع ويهي وأنا منزله رااسي .. : انشالله بسعدج وبعوضج عن كل الأياام الماضيه .. ما رديت عليه حسيت اني بذرف دموعي بأي لحظه .. حسيت بخوف وفرح بنفس الوقت .. سحبت ايدي من ايده بهدوووء .. زايد طالعني مستغرب سألني : شهد شو فيج ..؟؟ ما رديت عليه بس اكتفيت باأني أقوول : ماشي .. زايد استغرب من ردة فعلي وقاال : شهد انتي متضااايجه من شي ..؟؟ كان ودي أقوول هي منك من وجودك بحياااتي .. بس تذكرت للحظه .. ان زاايد خلااص زوجي ولاازم أحترمه ويكون له هيبه .. وأعاامله بأحسن معامله لأنه خلااص زوجي .. قلت : لأأأ ما فيني شي .. × × واااقف يطاالعني ويقوول : يعني هذا رااايج ...؟؟ قلت وأنا أطاالع البااب : هي واذا ما تبا براااايك ... شهااب : ياربي .. شهد انتي مستويه حااره أعوذ بالله .. قلت وأنا أضحك : حطني فالثلاااجه ... شهاب : ومليقه بعد مو بس حااره . طالعت شيما وقلت : اذا زاااد كلمه وحده مب طاالعه وياااكم .. شهاب : عادي توفرين مكااان فالسياااره .. قلت : لا لا عاااد من متني أخذ مكااان أنا .. شهاب ضحك وقاال : هي وااايد متينه انتي الله يعين زااايد بتبنجرين تواير سيااارته .. قلت : شهاابوووه والله انك مليق ... واذا ما بتودوني العين مول مب يااايه وياكم .. شهاب : انزين ابوووي خلاااص بوديج .. حشا صدق انج مذله .. ابتسمت وقلت : تحيا شهووود وتموت شييوم هههههه شييوم : امف ماالت .. خلاااص مابي .. شهاب : الحين ودي اعرف شو الفرق بين هالمكان وهالمكان .. كلهم يبيعون اشياا ويضربووون علينا فاايدتهم .. شيما : بس أنا ابا اسير أخذ الفستااان اللي شفته ذاااك اليوم في داار الأزياااء .. قلت : وأنا أبا اسير باريس غاليري أخذ الميكب والجنط والعطور لأنه مب بااجي شي ع العرس .. شهاب : استغفر الله العلي العظيم .. أنا ساااير سيارتي واللي مايبا يي برااايه .. قلت : يلا تعاالي خذي لج ميكب اليوم ع حسااابي .. شيما ابتسمت : أوكي داام ع حساابج مابا اروح داار الأزياااء هههه قلت : يالعياااره ... شهاب يشغل سيارته : شذى ما بتي ..؟ قلت : لأأأ بااجر عليها امتحااان رياضيااات رااحت تدرس عند خلود .. شهاب : آهاااا ... ابتسمت له وقلت : يلا بسرررعه وبعدين شغل التكييف بموت من الحر أنا .. شهاب : انشالله يالدبه .. قلت : دبه في عينك .. حرمتك دبه .. شهاب : لا ويـــــــــن أنا حرمتي عصعوصه .. شيما : اوهو علينا اليوم انتو وااايد قمتو تهذرون شو هااا .... شهاب يضحك : عداااها ابو العريف قااامت تعطي نصااايح شرااته .. ضحكت وقلت : وينه ضااايع من مده .. شهاب : قاااعد يشتغل ويدرس .. قلت : تطورااات ماشالله .. شيما : صلو ع النبي عن تصكونه بعين .. ضحكت وقلت : بدت أم العريف ههههه × × ...............: يعني ما بننزل هالأسبوع .. جابر : لأأأ عندي دوااام .. شيخه : ياربــــــــــــي ليييش انزين ... والله حرااام .. جابر : شواااخ أنا رمستج من البداايه وقلت لج ما بننزل كل أسبوع .. شيخه طالعته وقالت : آسفه .. جابر : صاار خير .. وين سعود ..؟؟ شيخه ابتسمت وقاالت : من يينا بوظبي نسا الفوضى .. يالس يطاالع اسبيس تون .. جابر ضحك وقاال : لاازم ابتعد عن مريوووم بينسى الفوضى وأبو الفوضى .. شيخه ابتسمت وقاالت : تدري بعد أسبوعين عرس أختي .. جابر طالع شيخه وابتسم وقاال : ماشالله .. مبروووكين .. بس مب جنه استعيلو .. شيخه : لا بالعكس .. وبعدين مر وقت طويل ع الملجه .. جابر : هي مر وقت .. شيخه : بعد أسبوعين لاازم ننزل انزين .. جابر : من عيوني ههههه .. انشالله .. شيخه : وبعدين شهووود حليلها ما عندها أخت متزوجه غيري المفروووض أساعدها يوم تروح تااخذ زهبتها .. جابر : بناات هالأياام يعرفون أكثر عن المعرسااات .. شيخه : من هالناحيه صدقك هههههه جابر : تعاالي وين بيسوون العرس .. شيخه : في قااعه من قاااعات العين .. جابر : هي أحسن ..لأني سمعت المعرس يقول يبا يسويه في دبي .. شيخه : هي هو قاال جذي بس قوم بابا قالو فالعين أحسن لأنه كل معارفهم فالعين .. جابر : ما بتااخذين لج شي .. شيخه ابتسمت وقاالت : توني كنت بقول لك هههه جابر : وأنا أقووول شواااخ شو يااها غريبه أول مره ما تطلب ههههه شيخه : ترييا الطلبااات فالدرب ههههه جابر : زين ما ياااني بنيه عيل هههه .. ولا كنت بصرف عدل .. × × بعد ما رجعنا من السوق وشريت لي كمية أشياااء للعرس .. دشيت تسبحت وطلعت .. شعري مبلل .. جففته عن أمرض بس عرسي بعد أسبوعين .. مب نااقصه .. حطيت راااسي ع السرير .. الأيااام قاااعده تمر بسررررعه وما أحس فيها مدري ليييش .. أكيييد زااايد قااعد يفكر فيني .. نحن من ملجنا ما ياااه عندنا غير مرتين .. ما سولفت وياااه .. كنت ع الساايلنت بس أسمع وما أتكلم .. لو أتكلم بس اني ارد رد بسيط .. أحس روحي أقراا بعيونه حب بس أكذب رووحي .. لأني أخااف اتوهم به مره ثاانيه وأنصدم مرتين .. خلاااص تعبت .. أحس روحي أوقااات غير عن بااجي البنااات سعادتي مو مكتمله فرحتي ناقصه يبي لها أحد يكملها .. مدري شو بالضبط .. حتى اتصالات زااايد قليله مو مثل أول .. أول يتصل بي باليوم مرتين ثلااث اربع أو أكثر بعد .. أما الحين فيتصل فيني بالأسبوع يالله يالله مرتين .. أحس روحي كئيبه اوقااات .. لأني محتاااجه عطفك وحنانك اللي كنت أشوفه فيك انت روووحك بس الحين لأأأ خلاااص أحس حتى انت علي قسيت يا أغلى نااسي .. غمضت عيوني ابي ارقد .. سمعت فوني يرن .. رفعت رااسي عرفت انه هو اليوم يوم الاثنين .. أكيد بيتصل فيني .. رديت وقلت بهدوووء : السلام عليكم .. زايد : وعليكم السلام .. قلت : هلا زايد .. زايد : اش حااالج ..؟؟ قلت : بخير الحمدلله ومن صوبك ..؟؟ زايد : الحمدلله .. وينج ضاايعه .. قلت فخااطري أنا اللي ضاايعه ولا انت ما تسأل : قلت موجوده بس مشغوله شوي هالأيااام .. زايد : بالزهبه ..؟؟ قلت : هي .. زايد : ناقصج شي تبين شي .. ولا خلصتي .. قلت : خلصت أغلب الأشيااا مب بااجي لي شي .. نهاية الأسبوع بكون مخلصه .. زايد : على خير انشالله .. قلت : زاايد العرس الأسبوع اليااي أكيييد ..؟؟ حسيت سؤاالي غبي .. بس صدق بعدني مب متأكده .. زايد : هي ونهاية الأسبوع بطاااقات العرس بتجهز .. قلت : أهاا .. زايد : انزين شهد بس حبيت أتطمن عليج .. قلت : شكرا .. زااايد : وبااجر انشالله بيي عندكم .. لأني عقب ما أروم ايي .. قلت : حيااك الله .. زايد : الله يحييج .. ديري باالج ع روحج .. قلت : انشالله .. زايد : يلا عيل مع السلامه .. قلت : مع السلامه .. بعد ما صكرت طاالعت التلفون ... سبحاان الله كيف كنا وكيف صرنا .. أول زااايد بس يتصل أمووت فرح والحين بس اشوف اسمه ع الشاشه أموووت رعب .. حتى مكالماتنا كاانت تبدا بحبيبي وحيااتي .. وتنتهي بهالكلاام .. أما الحين صرنا رسميين وااايد .. لأأأأبـــــــــعـــــــــد الحدووود .. حتى شهووود ما قااام يقول لي بس يناديني باسمي .. أحسه واايد تغير ولا أنا اللي تغيرت وما قمت أفهم عليه .. ما أدري .. كل شي تحول .. × × الساعه هنتين ونص الظهر ..... منصور : جيك ع هاااي الورقه .. خالد يطالع الورقه ويقووول : بلاااها جييه ؟؟ منصور : أحس في خربطه فالحسااب شوي .. خالد : بشلها البيت وياااي وبجيك لأنه راااسي قاام يعورني .. منصور : أوكي .. خالد وقف : يلا مع السلامه .. منصور يطاالع خالد : مع السلامه .. فجأأه خالد يود البااب وقاال : منصور عندك حبوب اي شي أحس راااسي بينفجر .. منصور وقف ورااح يمب خاالد : وااايد يعورك .. خالد : هي واايد .. منصور : انت الساعه كم نشيت ..؟؟ خالد : موااصل من أمس .. منصور فتح عيونه : مواااااااصل .. خالد : هي رااسي وااايد يعورني .. منصور : لااازم دامك مب رااقد ... يلا بردك البيت وبيي بكمل الشغل أنا .. خالد : لا ما يحتااي برد روحي .. منصور : صااحي انته عسب تسوو حادث .. خالد : يا منصووور شوية عواار وبيروح عني .. منصور وقف ومسكه وقاال : يلا جداامي .. خالد : منصوور قلت لك ما بلاااني شي .. منصور : أقووول خلود اسكت وتجدم .. خالد ابتسم بتعب وارهااق : ما تيوز عن سوالفك انته .. قبل ما يطلعون من المعرض منصور قال : حمود دير باالك ع الشغل بروووح وبرج عقب نص سااعه .. محمد : انشالله منصور .. منصور فتح السيااره وفتح البااب لخالد وقال : اركب يلا .. خالد : يارياال شو ياينك ويا هالراااس .. منصور : اركب اقول اركب .. خالد ركب .. منصور ركب وشغل السياره وقال : بيتكم ولا بتسير المستشفى .. خالد : اقول لك مب رااقده بتوديني المستشفى وبعدين شو بيسوون يعني بيسحبون دم وبيعطوني بندول ومخفف الم .. منصور : انزين بوصلك بيتكم ارتااح واذا حسيت روحك بعدك تعباان اتصل بي .. خالد : انشالله بابا .. منصور طالع الساعه وقال فجأأأأأأه : شـــــــــــيـــــــــــت .. خالد طالع وقال : بلااك ..؟؟ منصور : نسيت أختي فالجامعه .. خالد طالعه وقال : خووش ماشالله عشاان ربيعك نسيت أختك .. منصور طالع تلفونه وقال : خيبه كم مكالمه لم يرد عليها .. خالد : ما تسمع انت ولا شو يااك ..؟؟ منصور : ع السايلنت .. بمر عليها الحين .. خالد : لا أبوي نزلني عيل يداام المعرض ومحمد يوصلني وانت ييب اختك .. منصور : لا عاادي بييبها .. خالد : يا رياال البنيه يمكن ما يعيبها ولا تبا شي .. منصور : بتاكلها انت وبعدين متغشيه من فووق لين تحت اسوود لييش تستحي .. خالد طالعه وقاال : انزين بسررعه لأني برقد فالسيااره ألحين .. منصور غير طريجه لطريج الجامعه وقال : زاايد بيتزوج .. تدري .. خالد : هي أمس خلوف وعمر راااحو عسب البطاايق .. منصور : زيوود ويا رااسه مرتااح ما يسوي شي .. كله نحن نسويه .. خالد : بس منو اللي يدفع هههه منصور : من هالنااحيه هي ههههه هو اللي مبتلش .. خالد : البنااات عندنا يومياا فالسوق هههه منصور : الرياال جيبه بيصفر من ورا هالبنااات هههه خالد : اتصل بأختك وقول لها انه ويااك واااحد .. منصور : انشالله أستااذ خالد .. جنها أختك هب أختي أنا .. خالد : أتخبرك الأجاانب أثرو بعقلك شي ..؟؟ منصور ضحك وقال : ههههه اسكت اسكت بتصل بها .. × × طالعت الساع صاارت سبع ونص وزااايد بعده ما يااه .. أوووف مليت أبي ارووح أحضر حق بااجر .. هههه والله لو يسمعني أقوول جذا بيذبحني .. بس شسوي يعني أنا .. ورااي درااسه وهذا يااي تاالي الليل عندي .. ثواني الا واسمع الخدامه : مدااام في ريااال يااه .. قلت : دخلتيه الميلس ..؟؟ الخدامه : هي .. قلت : انزين عقب خمس دقاايق ييبي عصير .. الخدامه : أوكي مداام .. تجدمت عن الميلس وأنا خاايفه ما أدري أحس بشعووور ثااني غير .. دقيت البااب ودشيت .. قلت : السلام عليكم .. زايد وقف : وعليكم السلام .. هلا .. مديت ايدي و قلت : هلا زاايد .. استريح .. زايد قعد وقاال : اش حاالج ..؟؟ يلست في صوب وقلت : بخير الحمدلله ومن صوبك .. زايد : بخير .. تميت سااكته ودي اقوول دوم بس في شي زخني .. ما أعرف شو اقول ,, ما ودي اتكلم بس ابي اتم سااكته طوول الوقت .. زايد كسر الصمت وقاال : شو الدرااسه ويااج ..؟؟ قلت : أووكي ماشي حالها .. زايد : أحلى عن دبي ولا ...؟؟ ما عرفت شو ارد بس حطيت عيني بعينه عشاان أذكره بشي وقلت : انت شو رااايك ..؟؟ زايد : انتي اللي تدرسين هب أنا .. ما قلت شي تميت سااكته .. هذا لااازم يقفطني يعني .. المح له بشي ويقول لي شي .. زايد طالعني وقاال : شهد انتي مب نااويه توقفين هالترم .. ما عرفت شو ارد .. قلت له : ما أدري بعدني ما فكرت .. زايد : ترا بننتقل دبي .. طالعته وقلت : يعني لاازم أنقل مره ثاانيه .. زايد : هي بس مب الجامعه الأمريكيه .. قلت وأنا أطالعه : سو اللي تبا برااايك .. زايد ابتسم بسخريه وقاال : بديتي تسمعين الكلاام .. ابتسمت نفس ابتسامته وقلت : أدبوني يوم ييت العين .. زايد ضحك وقاال : شهد انتي واايد تغيرتي .. طالعت صوب الباااب وقلت : أدري .. زايد : شاللي غيرج ..؟؟ قلت : انت ادرى زاايد .. زايد : شاللي أنا أدرى هذي حيااتج انتي وانتي ادرى بها .. قلت : أنا روحي ما أدري .. زايد ابتسم وقاال : ترا أنا ريلج خلااص ما ينفع الحين لا تزعلين ولا تردين .. كل شي تغير .. اكتفيت بالسكوت وأنا أطاالعه وودي أصيح .. أنا واايد تغيرت شخصيتي صاارت واايد ضعيفه الكل قااام يدوسني مثل الورده اللي مالها جيمه .. × × شيما : يلا بسرررررعه سويلي اياااه بسرررررررعه أقوول لج .. راعية الصالون وهي تحني : زين زين انتي لاا تتحركي هادا يستوي زين .. شيما : اوهو علينا انتي وااايد بطيئه .. راعية الصالون : شغل مال أنا ما في يعجب انته في وااجد ساالون رووه غير .. شيما كشت عليها : احمدي ربج يايه أتحنى عندج .. طالعت شييوم وقلت : صخي .. شيما : ما تشوفينها بطيئه .. قلت : ترااج شغاله لق لق لق .. وين تبينها تركز بشغلها .. شذى : بس صدقها شييوم واايد بطيئه .. قلت : بس المهم تسوي لكم حلو .. خلود طالعتني مبتسمه وقاالت : اللي قااعده تحنيج مالها حلو وسريعه .. قلت : يوم تخلص مني خل تسوي لج .. خلود : هذي ليش بااجر ما بتخلص انتي عرووس وحنااج يباله وقت .. ابتسمت وقلت : انتو ما ييتو ويااي الأياام اللي طاافت يوميا ايي لهم هههه خلود : بس واايد تطولين فالصالون .. قلت : عرووس هههه .. يوم بتصيرين عرووس بتتذكرين كلاامي .. خلود : لا داام يوم كاامل بتم فالصالون مابي .. ملل وااايد .. شيما : هي صدق نحن ماا صاار لنا الا دقاايق يايين ملينا .. غير ريحة الصالون تلوع الجبد .. شذى : هي صدق ريحة استشواار وحنه .. خلود : شيمووه لا ترمسين ولا ماالج ما بيطلع حلو .. شيما : اسكتي يالفتاانه .. ضحكت وقلت : جيه شو سوت ..؟؟ شيما : هي اللي خبرت خليفه عن المشكله .. خلود ضحكت : ما يخصني هو اللي سألني شو صاار اليوم وقلت له عااد .. شيما : بس ما قاال لج شيما شو سوت من بلااوي اليوم .. خلود : عاد أنا ما أقدر ايود شي .. لاازم كل شي اقوله .. شيما : هذي لا تقولون لها شي .. كل شي ترووح تخبر خوانها ,, قلت : بس عنج انتي ههه عنا نحن لأأ .. شيما : لييش يعني ..؟؟ قلت : لأنه عندها خلوف يوميا يسأل حبيبتي شو سوت اليوم .. شيما : سكتي ويا هالرااس ههههه × × نوف : يلا منصور بسرررعه .. منصور : يعني لاازم تتحنون فصاالون .. نوف : هي .. وبعدين حنااهم حلو .. منصور : ييبي لج وحده تحنيج .. نوف : ويدي ماال أول .. وبعدين حنه البيت هب حلو .. منصور : ترا هناااك تدفعون دبل عن اللي تدفعونه اهني عسب جذا يعيبكن .. نوف ضحكت وقالت : عليك نور والحين يلا ودنا .. منصور : لحظه بتصل بربيعي .. نوف بطلت عيونها : ليكوون بيي ويااك بعد .. لأا أأأبووي ذاااك اليوم أنا ما قدرت اتنفس فالسيااره تبااني اليوم أموت .. منصور : بس بقول له يرووح يااخذ الأورااق .. نوف : أتحرااا بعد .. منصور : هل دااار الظبي ما بييون ..؟؟ نوف : لأأأ .. منصور : متى عيل بييون .. نوف : يوم الجمعه الصبح .. منصور : جيه الزفه اي يوم .. نوف : الجمعه .. منصور : لييش يعني مب يوم الخميس .. نوف : لو تبا ... عرسك سوه يوم الخميس وبعدين الجمعه أحلى .. لأنه الخميس كلهم دوامات ويردون هلكانين .. منصور : هي صدقج .. نوف : يلا منصوور بسرررعه .. مريووم يايه : أنا تجهزت .. يلا .. منصور : يلا .. مريووم : لحظه .. اقوول نوف نسيتي الحنه .. منصور طالع نوف ونوف طالعت منصور .. علامة تعجب .. نوف ابتسمت وقاالت : هي زين ذكرتيني .. نوف : بروح بييب الحنه وبيي اوكي .. منصور : أوكي بسرعه .. ( طالع مريوووم وقاال ) لييش تاخذون حنه من البيت ,, مريووم : هالحنه شريناها قبل أمس من صاالون ثااني وتعطي لون .. والصالون اللي بنروح له نقشهم حلو بس لون الحنه يطير .. منصور طاالع مريوووم هذي يطلع منها كلاام جذي وقاال : اها .. يلا اتريااااكم فالسيااره .. مريوووم : أوكي .. نوف يت وقاالت : مريوووم هاااج امسكي الحنه .. مريووم : هاتي .. نوف : مريوووم .. مريووم لفت : هلأأأ .. نوف : غريبه لاابسه شيله سوده هب لاابسه اسكاارف .. مريوووم : الاسكاارف يبين شعري .. نوف : أوكي يلاا بسررعه قبل لا يصير الصالون زحمه .. × × شليت الحنه عن ايدي ومسحت عليه شي رااعية الصالون عطتني اياااه .. وترييت شوي .. سمعت صوت البااب .. قلت : ادخل ... ادخل شهااب وقاال : هلا والله بالعرووس .. قلت : هلأأ حياااك .. شهاب دش وقاال : أوووف ريحته مررررررررررره مب شي .. ابتسمت وقلت : ههههه انزين خلااص بس اغسله بفلتر الجو هههه شهااب : شو هالزين وياا رااسج .. طالعت روحي وقلت : أنا ..؟؟ شهاب : لا يدتي .. ابتسمت وقلت : ويا راااسك هههه شهاب : لا صدق نقش حناااج أحلى عن نقش حناا شييوم وهاييل .. ابتسمت وقلت : لااازم تراااني عرووس .. شهاب : بااجر وراااج مشااوير ثاانيه ولا كيف ..؟؟ قلت : السموحه عااد متعبتنك ويااي ههه شهاب : من ناحية متعبتني متعبتني صدق .. ابتسمت وقلت : عادي بسااعد عروسك تراني هههه شهاب : هي لاازم تردين الجميل .. ابتسمت وقلت : آفااا عليك انته أمر بس .. شهاب : بااجر وراااج مشااوير ولا كيف .. قلت : الصالون خلاااص خلصت منه .. شهاب : هي بسج خيبه هالأسبوع يوميا تروحين الصالون ملينا عاد .. قلت : هههه بس بااجر روح داار الأزيااء وييب الفستاان ويااي الفاتوره .. شهاب : أوكي .. وبعد .. قلت : بس .. خلصت .. شهاب : الحمدلله وأخيرا بفتك .. قلت : بيرد لك العنا يوم عرس شييوم ههه شهاب : لا هذي خل خليفه يوديها .. ولد عمها .. قلت : ههههه ماشي بس انت اللي بتوديها .. شهاب : يصير خير وقتها .. ابتسمت وقلت : عقباالك هههه شهاب : من بعد ما شفت انج فلستي زااايد خلاااص .. كنسلت ساالفة العرس ههه قلت : هي شفت كيف .. كنت بفلسه أكثر بس ما قدرت هههه شييوم دخلت وقاالت : اجتمعو حثااااااااااالة القوم .. ما حست شييوم الا بذااك البوكس اللي يكسر قباضتها .. شييوم : آآآآآآآآآآآي .. شهاب : من حثاالة القوم ..؟؟ شييوم : أنا خلااص أنا ههههه ابتسمت وقلت : مأدبنها شهاب هههه شهاب : هي شو ع باالج .. شيما : ترييو ان ما خبرت بابا عليكم .. شهاب : أنا بسير برقد .. جني أنا المعرس من كثر ما أفتر هههه قلت : هي ارقد شكلك هلكااان .. شهاااب : تصبحون ع خير .. أنا وشييوم : وانت من أهله .. بعد ما طلع شهاب .. شييوم يت قعدت يمبي وقاالت : ها شو المعنويااات .. قلت : ريلااكس ع الآآآآآآآآآآآآآآآآآآخر .. بس تعاالي عقب بااجر سأليني وشوفي هههه شيما : هههه ليش يعني ..؟؟ قلت : بكووون العكس تماااااااااااامااااااا شيما : تعاالي صج اللي سمعته اليوم .. قلت : شو ...؟؟ شيما : انج طلبتي متأخر خمس امية الف .. قلت : كنت أبا مليون بعد .. بس استحيت ع ويهي .. شيما : زين ولا كنتي بتفشلينا .. قلت : بس ابويه قاال واايد خمس امية الف .. حان اصر وخليته ميتين الف .. شيما : بعد وااايد ميتين الف .. قلت : شيما بعدج صغيره ما تعرفين شي بالدنيا .. شيما : والله ما أدري أنا اللي ما أعرف ولا انتي اللي فيوزاتج ضربت .. قلت : لا أنا اللي فيوزاتي ضربت .. شيما : تعترفين ههههههه ..؟؟ قلت : الاعتراااف بالحق فضيله .. شيما : هههه صرتي تقولين أمثاال بعد ها ...؟؟ قلت : هي ولا شوو رااايج ههههه شيما : انزين عيل أنا برووح برقد .. قلت : شييوم .. شيما لفت وطالعتني : هلأأأ .. قلت : محد يدري بسالفة المتأخر سمعتي .. غيري أنا وبابا .. شيما : أوكي .. قلت : يلا تصبحين ع خير .. شيما : وانتي من أهله يا عرووس ههه .. ابتسمت .. مب بااجي شي وبنكون أنا وزاايد مع بعض .. تمنيت نكون مع بعض بس في وقت أحسن من هذا وأحلى ,, ما تمنيت نجتمع بهالضروف بس هذا المكتوب لنا .. ابتسمت .. غمضت عيني .. انشالله بقوم ويومي يكون أحلى من أمسي .. × بعد مرور يوم ... تحديدا .. يوم الجمعه .. الساعه ثمااان بليل .. طالعت روحي فالمراايه .. ابتسمت .. طاالعه حلوه أحس روحي .. الفستااان الأبيض وااايد لاايق علي .. والميكب النعوم هم لااايق .. بس التسريحه مب عايبتني لأني طول عمري أفتح شعري هذي أول مره أسوي تسريحه .. حاولت أمشي ما قدرت جان أقول وأنا أشيل الفستان من يداام : آآآآآآآآع .. منى لفت طالعتني وقالت : بلاااج ..؟؟ ابتسمت وقلت : ما اروم أمشي .. واايد ثجيل .. منى ابتسمت وقاالت : انزين يوم تنزفين الفلبينيه بتساعدج ونحن بعد بنساعدج ,, قلت : هي ساعدوني عن أطيح جداام النااس .. منى طالعت الساعه وقالت : عيل أنا بنزل الحين لأني برووح بسلم ع ربيعااتي .. وبيي لج قبل الزفه بدقاايق .. أو فطيم بتييج .. قلت : أوكي .. .......... .. دخلت شواخ : الف الصلاة والسلام عليك يا حبيب الله محمد ... كللللللللللللللللللللللللللللوش ,, ابتسمت .. لها شواخ تجدمت وباستني : مبروووك حبيبتي مبروووووك .. قلت وأنا ابوسها : الله يبارك في حيااتج ... شواخ سلمت ع منى : شو الأخباار مناوي ..؟؟ منى : بخير الحمدلله .. ومن صوبج ..؟؟ شيخه : تمام الحمدلله .. منى : بشري شو الوضع تحت .. شيخه : زحمه الله يخليج .. طالعتهن وقلت : حراام عليكن لا تخوفوني أكثر منما أنا خااايفه ومتوتره .. شيخه : ههههه أوكي خلاااص ما بنخوفج هههه منى : عيل أنا بروح بسلم ع ربيعاتي .. شيخه : أوكي .. منى صح أمج قاالت ازقري منى .. منى : أوكي عيل برووح بشوفها .. طالعت شيخه وقلت : وين عيااالج ..؟؟ شيخه ابتسمت : سعود عند ابوووه وحامد فحجرة اليهاال مع الخدامه .. قلت : ييبي سعود بتصور ويااه .. شيخه : تريي وقت الزفه بقول لشهاااب يييبه .. ابتسمت وقلت : شواااخ : حلوه أنا .. شيخه : والله طاالعه قمر .. وأخيرااا غيرتي استايلج الدفش ماال أول .. ابتسمت وقلت : هههه زين طلعت حلوه عيل .. شيخه : بلاااج ..؟؟ طالعتها وقلت : شواخ أنا خاايفه .... شيخه : حبيبتي لا تخااافين وبعدين الا هو يوم وااحد .. قلت : بس شي نااس واايد تحت .. اخاف أطيح ولا يغمى علي من الخوف .. شيخه ضحكت : مب لهالدرجه عااد شهود .. قلت : صج والله شواااخ أنا وااايد خاايفه .. شيخه : ترا فطيم وأنا بنسااعدج وبنوقف يمبج لا تحاتين حبيبتي .. ابتسمت وقلت : يلا انشالله ما يستوي شي .. شيخه : انشالله .. يلا عيل أنا بروووح تحت .. حتى ربيعاتي بييون .. قلت : أمووون يت .. شيخه : حليلها بنتها قااعده تصيح .. قلت : ليكووون قاعده في حجرة اليهاال بعد .. شيخه : لأأأ .. الخدامه سكتت البنيه .. قلت : زين شي خدامات ولا الأمهاات بيتبهدلن في العرس هههه شيخه : صدقج ههه .. دورج يااي ماماتي .. قلت : أنا روحي خاايفه وهذي تخوفني أكثر ... شيخه طالعتني وضحكت : هههه انزين خلااص .. يلا عيل أنا بنزل .. قلت : بتخلوني بروحي .. شيخه : بتييج المصوره الحين بتلعن بو خاامسج من كثر ما تخليج تسوين حركااات .. ابتسمت وقلت : ع الأقل أتونس هههه شيخه : انزين يا عرووس بنزل تحت الحين أنا .. قلت : أوكي .. شيخه قبل ما تطلع قلت : شيخه .. شيخه لفت وطالعتني : نعم .. قلت : لا خلااص ماشي .. شيخه : شهوود تبين شي ...؟؟ قلت : لا خلااص روحي شيخه : ارمسي لو تبين شي أختج أنا .. قلت : لا لا خلااص .. مابا شي .. شيخه : عيل أنا بنزل يوم تبين شي خلي أحد يزقرني .. قلت : أوكي .. همسهـ .. : أكيييد الأجوااء تحت مفعمه بالحيويهـ والنشاط هههه .. غير فسق البنااات اللي فاللبس والرقص وما شاااابهـ .. المصوره تمت تصورني وتخليني اسوي حركات جني تاايههـ ومدري شو .. وأحضن اليداار بعد ما خلت شي الا وجبرتني اسويه .. مر الوقت بسرررعهـ ... معني أحسه مر ببطيء .. بس يوم ارفع رااسي اشووف الوقت يرووح بسرعه يمكن لأني قااعده ادعي بدااخلي ما يمر بسرررعه .. دخلت فااطمه أخت المعرس العودهـ وقاالت : شهد حبيبتي يلا عسب يزفونج .. دخلت عقبها منى وقاالت : بس المسكه فطيم .. فاطمه : الحين شيخه بتييبها .. حسيت روحي متوتره ... قلت : الحين بيزفوني .. فاطمه : هي حبيبتي .. تجدمت عني منى وساعدتني أوقف ورتبت فستااني وابتسمت وقاال : قمر ماشالله .. ابتسمت وقلت : شكرا .. منى : انزين الحين كيف الزفه .. قلت : أنا بغيت أخوي يزفني .. بس ما يصير لأنه لااازم امشي ع الايقااع .. فاطمه : هي الزفه غير .. وما يصير أخوج يدخل ويااج لأنه أغنية الزفه غير .. شيخه دخلت وقاالت : هااي المسكه .. منى عطتني المسكه وعدلتها فيدي .. وقالت : يلا نحن بنطلع الحين وانتي انزلي .. قلت : بروحي .. فاطمه ضحكت : شهووود شو ياايينج ترا النااس ما بياكلونج .. ابتسمت وقلت وأنا ارتجف : انزين ... فاطمه : يلا منى وشيخه نحن بنطلع .. شيخه : شهد فديتج لا تخافين .. ابتسمت وقلت : انشالله .. طلعن البنااات .. واشرت لي فاطمه بأني أطلع .. مسكت الفستان شوي بس المسكه ما ساعدتني اني أمسكه .. خطيت أول خطوه بصعوبه .. بس الثانيه كاانت أسهل تجدمت صوب البااب والبناات ساعدوني لما أطلع من الممر .. ثواني الا وأطلع من الباااب اللي بيدخلني في القااعه ... وقفت .. بداا البخااار بتطااير من يميني ويسااري .. حسيت روحي ما أطاالع شي ... وقفت شوي .. بدا البخاار يتلااشى وينزل ع الأرض .. وبدا شكلي يبين للناس .. ونفس اللحظه بدت أغنية الزفه .. حسيت قلبي بيطلع من مكانه من الخوف .. و من النااس اللي جدامي .. واني عقب ثواني بكون مع زاايد خلاااص .. حسيت روحي خاايفه ما أدري لييش .. |
الحلقه الثلاثون .. ودي أغير كلمة أهواكـ .. بـ كلمهـ توصف كم أنا أغليكـ .. كلمهـ تفسر اني وياكـ .. عايش وقــلـــبي ميت فيكـ .. رفعت رااسي وابتسمت للنااس اللي حولي واللي جدامي وبديت أنزل من ع الدري بصعوبه بس الفلبينيه ساعدتني .. شوي شوي .. الين وصلت تحت .. حسيته هم وانزاااح .. وبدت الموسيقى تتغير الى زفه بس انه أحد يغنيها .. مشيت وأنا أطاالع النااس وأوقف في بعض الأمااكن وصعدت ع الكوشه وبديت اتجدم من الكرسي .. اللي أحسه واايد بعيد .. الين ما وصلت .. لفيت طاالعت النااس مره ثاانيه .. وبدا البخاار يتطابر .. ومره ثاانيه تلاشى .. ابتسمت .. ويت فاطمه ومعاها شيخه ومنى .. ساعدوني أقعد .. يوم قعدت حسيته هم وانزااااح من علي .. حسيت براااحه بس بعدها أنظاار الناااس صوبي .. وهالشي واايد وترني .. ما أدري لييش وأنا قااعده تذكرت للحظه شييوم أختي وين ..؟؟ هذي حبيبتي ومالي فالدنيا أحد حبيته كثرها .. شيخه سألتني : شهود تبين شي ..؟؟ قلت : لأأ .. يت منى وقاالت : متضااايجه من القعده جذي ولا كيف ..؟؟ قلت : لا الفستاان أوكي .. شيخه : عيل نحن بننزل الحين لأنه أم زاايد وأمايه بييون صوبج .. قلت : شيخه ..؟؟ شيخه طالعتني : هلأأ .. قلت لها : ازقري أختي شييوم .. شيخه : انشالله .. الحين بزقرها .. طالعت النااس يطالعوني تلومت بس انجبرت ابتسم لأنه نصااايج خوات المعرس ماشالله ما تخلص أبد .. رفعت رااسي أطاالع يدامي طاالعت شييوم تتجدم صوبي .. حسيتها حزينه بس مبتسمه .. يت عندي .. وابتسمت .. قالت وهي تبتسم لي : مبروووك حبيبتي .. بستها وقلت : الله يبارك في حيااتج عقباالج .. شيوم ابتسمت وقاالت : قمر ماشالله .. قلت لها : لييش ما ييتي لي فوق .. شييوم : ربيعاتي اهني وقعدت وياهن .. ابتسمت لها وقلت : سلمي لي عليهن .. شييوم : صدق عروووس متفيجه هههه ابتسمت وقلت : شهوده أنا هههه شييوم : يلا عيل أنا بنزل بروح عند البناات تبين شي ..؟؟ قلت : سلامتج .. بس خلي قوم شذو وخلود ييون صوبي .. هم ازقري خوات جابر مريوم ونوف .. شييوم : انشالله .. قلت لها : وين أحلاام ..؟؟ شييوم : حليلها قااعده في صوب وجبدها لاايعه ههه ابتسمت وقلت : خل تيي بعد .. شيوم : عروس عجيبه الصراحه هههه ابتسمت وقلت : يلا سيري عند ربيعااتج .. شييوم لفت وقالت : الله يعينج الحين كل الحريم بييون يسلمون عليج .. قلت : مب قاهرني غير هالبرقع .. اللي بييون يبوسوني ويااه وبيعلم ع ويهي ههه شييوم : منى أخت زاايد يايبه وياها عدة الميكب ههه بترتب لج ايااه عقب .. قلت وأنا ابتسم : في وحده يايه تسلم علي وانتي ساده الدرب .. شيوم ابتسمت وقالت : يلا عيل أنا بروح .. مر الوقت الحريم ييون يسلمون علي والبنات اللي ترقص واللي تسولف واللي مدري شو .. في لحظه بغيت انه يكون عرس وحده غيري لأنه يااه في خااطري ارقص .. بس نو ويــه ارقص لأنه عرسي ... وبعد دقاايق أو نص سااعه تقريبا .. الدي جي قاالو انه المعرس بيدش .. البناات اللي لبست عباتها واللي تغشت .. أما أنا تميت مثل ما أنا .. بس وقفت لأنه زااايد بيدش .. يوم طفو الأضواااء وسلطو الضو ع الباااب .. حسيت قلبي بيطيح في بطني للحظه .. خفت واايد .. زايد بيدش .. بديت ارتجف وحسيت القاعه واايد باارده مدري لييش .. ثواني الا وبدو يزفون المعرس .. رفعت رااسي وأنا أطاالع صوبهم .. وواقفه لأنه المعرس قااعد يدش .. حسيت زاايد مستحي ولا مستاانس .. ما عرفت أفسر .. بس طاالع حلو بالبشت .. من بعيد .. ابوي وعمي بو خالد وعمي سيف و شهااب معااه .. لأنهم محارمي .. تجدمو صوبي .. وأنا أحس روحي بديت أرتبك أكثر وأكثر .. زايد ياااه وقف يداامي .. ورفع الطرحه عن ويهي وبااسني على رااسي .. قال بهمس : مبرووك .. رديت عليه بهمس وخووف : الله يبارك في حيااتك .. ووقف يمبي .. ابوي تجدم عني هو وعمامي وأخوي شهااب وسلمو علي .. حسيت روحي مستانسه .. بس مدري لييش وناستي مو مكتمله .. وسلمو على زاايد بعد .. ابوي قاال لزاايد : دير باالك عليها .. زاايد : شهد بعيوني عمي .. ابويه ابتسم لي وقاال : ربي يحفظج بنتي .. ابتسمت له وأنا مرتبكه .. شهاب قاال لي أنا وزااايد : يوم أطلع عااد دورو لي وحده غرشوبه أخذها .. ضحكت بصوت وااطي وقلت : تبا خلود تذبحك هاا ..؟؟ شهاب : يلا بطلع أحسن لي .. زاايد طالعني يوم قلت خلود .. أنا استحيت وتميت أطاالع شهاب .. دقاايق الا وطلعو شهااب و عمامي وابويه .. حسيت روحي اليوم احبهم أكثر وأكثر وأكثر .. مدري لييش يمكن لأني اليوم بترك هالعاايله وبدخل في عاايله ثاانيه وبصير فرد جديد فيها .. يت منى صوبنا وبااست زاايد وقالت : مبروووك أخوي حبيبي .. زايد حسيته دلوعهم .. واايد مدلعينه هالعاايله .. قال : الله يبارك في حيااتج .. منى يت صوبي وباستني وقاالت : مبروووك حرمة أخوي .. ابتسمت وقلت : الله يباارك في حيااتج .. نفس الشي فااطمه وأم زاايد .. حسيت روحي بالفعل فرد من عايلتهم الحين .. ويو بعض البناات والحريم سلمو علي وعلى زاايد أعتقد انهن من أهل زاايد بنات عمه أو خاله ما أعرف .. بس أكيد بعرف اليوم ولا بااجر .. وبعد الرسمياات اللي حسيتها ممله نوعا ما .. مثل الكيك والعصير .. يت فااطمه صوبنا فاطمه : يلا عسب نزفكم للحجره وعقب تطلعون تروحون الفندق .. زايد قال : هي يلا لأني مليت وأنا قااعد بين الحريم .. فاطمه ضحكت وقاالت : شهود تريي بزقر منى وشيخه عسب نسااعدج تمشين .. زايد طالعني مستغرب : لييش ريلج بلااها شي ..؟؟ بغيت أمووت من الضحك على سؤال زاايد بس تمالكت روحي وقلت : لأأ بس الفستاان ثجيل .. زايد : وليييش لابسه واااحد ثجيل .. قلت : لأنه ماشي خفيف كلهم ثجااال .. زايد استغرب طالعني وابتسم .. حسيت روحي بمووت من الحيا وأنا أطالعه يطالعني .. ثواني الا والبناات ييون ويسااعدوني .. ومشيت شوي شوي حسيت زاايد مل وهو يمشي يمبي الين وصلنا الحجره .. دخلنا .. فاطمه : خمس دقاايق بس المصوره تصوركم وبيي بساعدج تطلعين الفستاان .. قلت : أوكي .. روحت فااطمه والمصوره تمت تصور .. بس الله لا يراويكم صج جليلة حيا هع .. حسيت روحي شوي وتطلع بسببها .. ويوم خلصت .. دخلت منى وقاالت : ها خلصتو .. زايد رد وقاال : هي .. منى ابتسمت وقاالت : شهد سيري شوفي حالة أختج .. استغربت وقلت : بلااها ..؟؟ منى : الحين فطيم يااالسه ترمسها وتقنعها انج بتتمين وياها بس هي مب رااضيه مقطعه روحها صيااح .. قلت : شييوم فديتها .. ييبوها عندي .. منى : الحين فاطمه بتييبها .. ثواني الا وفااطمه دااخله مع شييوم اللي لابسه عبااه وقااعده تصيح .. بالفعل مقطعه روحها صيااح أحسها قاامت تشااااهق من الصيااح ابتسمت وقلت : حبيبتي شو فيج ..؟؟ شييوم يت صوبي وحضنتني وتمت تصيح .. مسحت ع رااسها وقلت : حبيبتي لا تصيحين ترااني بصيح ويااج شييوم .. شيما طالعتني وقاالت : شهود لا تروووحين .. ابتسمت وقلت : شييوم حبيبتي لا تصيحين .. شيما وهي حاضنتني : ما أحب أتم بمكااان بدونج .. زايد ابتسم وقاال : شيما لا تصيحين بييبها عندج يوميا .. شيما حضنتني وتمت تصيح .. قلت : شييوم الفستاان روحه ثجيل وانتي حاضنتني بطيح ترااني والله .. شييوم ابتعدت ومسحت دموعها وابتسمت وقالت : والله بشتااق لج واايد .. قلت : أنا أكثر حبيبتي بس انتي لا تصيحين .. شييوم : انشالله .. فاطمه : شييوم سيري خيلي على ولدي .. ههههه شييوم : لأأ بتم ويا أختي .. قلت : حبيبتي شييوم سيري عند ولد فاااطمه الصغير .. لأنها بتسااعدني أغير .. شييوم طالعتني وقالت : أوكي .. بعد ما طلعت شييوم .. فاطمه قاالت : وااايد متعلقه فيج .. ابتسمت وقلت : هي واايد .. فاطمه : الله يخليكم لبعض .. قلت : آمييين .. فاطمه : زايد اطلع الحرمه بتطلع فستاانها .. زايد : لييش حلو الفستاان .. حسيت روحي انحرجت بس ودي أضحك لأنه الرياييل ابد ما عندهم خلفيه بسوالف الحريم ... فاطمه : حبيبي زيود كيف الحرمه تروح الفندق مع الفستاان وهناااك كله رياييل .. وانتو بتضربون خط لدبي بتختنق ترااها .. انصدمت وقلت : بنرووح دبي ..؟؟ زايد ما رد علي وقاال : عيل أنا أترياااكم برع ,, فاطمه : أوكي .. فاطمه ساعدتني يوم أغير الفستاان والبس مخوره عسب ما أتضااايج في الدرب .. قلت : فطاام الميكب اخترب ولا كيف ..؟؟ فاطمه : لأأأ أوكي كانو معلين ع المكيفاات واايد .. قلت : اشووف ليييش أنا متثلجه هههه فاطمه : عن تمرضين بس .. يلا تبين شي قبل ما اييي زاايد .. قلت : سلامتج حبيبتي .. فاطمه : هالله هالله بروحج .. قلت : انشالله .. فاطمه : يلا عيل الحين بيدش زاايد .. ملاابسج جااهزه .. قلت : هي هذيل اللي عطتج اياهم شيخه .. فاطمه : هي ودوهم فالسياااره .. طالعت فااطمه وهي تفتح الباب .. قالت : يلا تعالي ريلج يتريااج .. لحقتها وقلت : وين أماايه بسلم عليها .. فاطمه : جيه ما سلمتي عليها تحت .. قلت : امبلا بس ودي اسلم عليها بعد .. فاطمه : ترا ورااكم خط لدبي .. وبعدين أمج يااالسه ويا أمي اش تبين بهم العيااايز .. ابتسمت وقلت : حراام عليج .. تخرعت يوم سمعت صوت زاايد وهو يقول : ها خلصتو ..؟؟ فاطمه : هي خلصنا .. زايد : يلا شهد .. طالعت فااطمه بخوف .. فاطمه قالت لي : يلا حبيبتي ,. تغشيت وتجدمت عن زاايد اللي مسك ايدي .. ومشيت معااه الين طلعنا من القااعه وفتح لي البااب وركبت .. وبنده .. هو رااح صوب بااب السايق وركب .. قال : خلااص ما تبين شي ...؟؟ قلت بهمس : مابا .. زايد حرك السيااره وتم سااكت وأنا ساااكته وخاايفه اليوم بتبـين نية زاايد عدل .. اليوم بيبين معدنه .. أحس هالشي ,, ثواني الا ويد زاايد تمسك ايدي .. حسيت روحي تجمدت من الخوف .. بغيت اسحب ايدي ... من الخوف .. بس زاايد قاال : خلج .. لا تسحبينها .. طالعته ونزلت رااسي وما قلت شي ... اكتفيت بالسكوت .. بس شكيت انه زاايد بيسمع دقاات قلبي .. زايد : مبروووك حياتي ... أول ما سمعت كلمة حياتي شوي وأصيح .. الحين قاال حياتي هل لأني عرووس وما يبي يكسر بخاطري ولا صدق طاالعه من قلبه .. بغيت أطالعه عسب اشووف تعاااليم ويهه بس ما قدرت .,, قلت وأنا منزله رااسي : الله يباارك في حيااتك .. زايد : تاكلين شي ...؟؟ قلت له : لأأأ .. زايد : ترا بنطول الين ما نوصل دبي .. طالعته وقلت : لييش نروح دبي .. دبي بعيده وااايد .. زايد : بس أنا ارتااح في دبي وبس .. وبعدين انتي أدرى بهالشي أعتقد .. ما أدري لييش حسيته يتطنز علي يوم قاال أنا أدرى .. شو قصده .. يعني أعرف كل شي عنه ... زايد : بطلب لنا من الحين لأنه يوم نوصل هنااك يتكونين هلكتي من الدرب .. هزيت راااسي وقلت : برااايك سو اللي تبااه .. زايد طالعني استغرب وقاال : فيج شي ...؟؟ قلت وأنا اطاالع برع : لأأأ .. زايد طالع الدرب حسيته استغرب من كلااامي معااه .. بس صدق أنا تغيرت واايد وهو بعد تغير ولا جنه بيوووم كنا نعرف بعض .. أحسه انساان أول مره أشوووفه بحيااتي .. ما أدري لييش .. هل لأني بعدني مب مستوعبه اني زوجته خلاااص ولا انه الثقه انعدمت .. × × في بيت بو شهااب .... حجرة شيما ... يالسه روحها ملاانه تصيح .. ومشتااقه لأختها .. سمعت صوت الباااب وهو يندق ... قالت : من .............؟؟ .............. : أسيل .. شيما : دشي أسيل .. أسيل دخلت وابتسمت وقاالت : شيما لا تسيهين شهووود تيجي بااجر .. شيما ابتسمت وقاالت : هههه انزين ويا لغتج ... أسيل : تألي برع .. يبيج واااهد .. شيما : منو ...؟؟ اسيل : ما أدري تأألي شوفي .. شيما شكت فالسالفه وقاالت : كيف ما تدرين منو وتيين تخبريني .. أسيل : هادا بابا خليفه يقول ناادي شييوم بس لا تخبريها من .. ابتسمت شييوم وقاالت : في حد تحت ..؟؟ أسيل : لا كله يجي من عرس نااام .. شيما : اها عيل خلااص بس بلبس وبنزل .. قولي خل يتريا .. أٍسيل : أوكي .. بعد ما طلعت أسيل .. شيما لبست شي محترم ولفت الأوقاايه ع شعرها .. وطلعت ... شاافت الممر فاااضي .. تجدمت صووب الدري ونزلت .. ما شاافت أحد فالصاله .. استغربت .. روووحت صووب المطبخ .. وايجت .. ما فيه أحد ... لفت عسب تروح عند أسيل وتسألها .. شاافت أحد في ويهها .. تخرعت وصاارخت : آآآآآآآآآآآآآآآآآآع .. قال لها : سكتي فضحتينا عنلاااتج .. شييوم ابتسمت وقاالت : ويا راااسك خرعتني .. خليفه طالعها بنص عين : عيدي .. شييوم : اقصد يالحلو خرعتني ههههه خليفه يطالعها مستغرب : بلااها عيونج جذا ..؟؟ شيما نزلت دموعها : ابي شهووود .. خليفه يقلدها وهو يضحك : ابي شهووود .... شيما : تطنز حضرتك ..؟؟ خليفه ابتسم وقاال : يعني مب سااد عينج أنا .. شيما ابتسمت وقاالت : لأأأ .. خليفه : عيل بروووح .. شيما : أحسن .. خليفه : خلااص عناااد بتم .. شيما ابتسمت : هههه أمزح وياااك .. خليفه ابتسم وقاال : ليييييش غيرتي الفستاان .. شييوم : لييش بعد .. لأني برقد .. خليفه : كنت ابا اشووف .. شييوم بطلت عيونها : عيب عيب .. خليفه : انزين براايج .. تعاالي نيلس بسولف ويااج شوي .. شيما : لا شو .. تبا يشوفونا .. خليفه : شوي انزين ما يصير شي .. شيما : لأأ مابي .. خليفه ضربها بالخفيف ع راااسها : براايج دبوووه .. شيما : محد غيرك ... خليفه : شهوود طلعت حلوه اليوم .. شييوم : قمر بس هب أحلى عني .. خليفه : مااخذه بروووحج مقلب .. شيما تبا تمشي من الممر عسب تصعد قاالت : عيل روووح .. أنا الغلطانه تعنيت ونزلت لك .. خليفه يمد ايده عسب يسد الدرب وقاال : ماشي .. تتمين غصب عنج .. شييوم ابتسمت ودزت ايده بقوووه .. وقالت : مابي .. خليفه مسك ايد شييوم وعصرها وقال : تتمين غصب .. شيوم تتألم وتبتسم نفس الوقت : هههه انزين ودر ايدي ذبحتني .. خليفه يبتسم ويقوول : ويا رااسج امسحي هالميكب عدل .. شيما تلمس ويهها : جيه بلاااه .. خليفه : الجحاال ناازل تقولين مصااص دمااء هههه شيما تعقد حياتها وتقول : انت شفتني على طبيعتي يعني ما يخصك يوم أحط ميكب .. خليفه : يخصني ونص .. يوم العرس بذبحج لو تحطين هالميكب ماال الوحوش.. شييوم : ما تقدر هع .. لأني بكووون مع رااعية الصالون روحي .. خليفه : بتفق وياها هاهاي .. شييوم : عيل خلاااص ما بتزوجك .. خليفه يطالعها مستغرب : شو ...؟؟ شييوم : قلت شي غلط أنا .. خليفه يبتسم ويقول : تتزوجيني .. هههههههههههه شيما تلومت وقاالت : ويا رااسك .. خليفه ضحك وقاال : اشووف تعودتي علي ما قمتي تستحين .. شيما : ليييش انت خليت أحد بحااله يوميا طاايح تفشلني .. خليفه ابتسم وقاال : بس انتي ترااا ... ههه شيما : ترا مو حلوه وقفتنا اهني تخيل ابووي ايي بيذبحني .. خليفه : بيذبحني ويااج عاادي .. شيما : انت تبا تموت براايك .. أنا لأأ بعيش حيااتي .. خليفه يمط خدودها ويقوول : بأدبج ترااني .. شيما : خلوووف يلا الفير قرب الحين بيقومون وبيطالعونا جذي وبتطلع رمسسسسسسسسسسساااات علينا .. خليفه ابتسم وقاال : ادري تبين الفكه .. شيما ابتسمت وقاالت : انزين رووح .. خليفه : ما برووح ابي ابوووج يشوفني وياااج عسب يزوجونا بسرعه .. شيما تلومت وقاالت : عقلك صاابه شي .. خليفه : حبج .. ههههه شيما : خلوووف والله انت اليوم مستوي سخيف .. خليفه : تعلمت منج السخافه شيما : خلوووف والله أحس انه احد بيقوم الحين .. خليفه : اووووفووو انزين .. عيل بروووح بس يوم اتصل بج تردين .. شيما : انزين برد بس رووح .. خليفه : تصبحين على خير حبي .. شييوم تلومت : وانت من أهله .. خليفه رااااح نهااية الممر وقاال وهو يطير فلاااي كيس : هذي ترا لخطيبتي مو لج .. شيما عقدت حياتها : رووووح يلا الحين بيقومون ... خليفه ضحك ورووح .. شييوم ابتسمت على خبالها وخباال ولد عمها .. وقاالت فخااطرها .. ياريت شهووود اهني أخبرها عن اللي قااعد يصير .. بس آآآهـ .. × × فتحت عيوني على ضوء االشمس اللي دااخل من الدريشه .. طالعت يمبي .. ما شفت زااايد .. ترييت ع السرير شوي .. الين حسيت روحي صحصحت .. قعدت .. طالعت الساعه 11 الضحى .. ويـــه وااايد رقدت .. قمت رحت صوب جنطتي .. وطلعت لي ملاابس وخذيت أغرااضي ودشيت الحمام اتسبح ( الله يعزكم ).. .. .. تأخرت واايد فـ السبوووح .. بس هااي عادتي .. وبعد شعري بدا يطول .. بديت أتأخر أكثر عن أول .. لما خلصت .. طلعت .. بعد ما بندت باااب الحمام وانتو بكراامه .. رفعت رااسي طالعت زاايد قاعد ع السرير .. ما قلت ولا شي ... نزلت رااسي ومشيت رحت صوب التسريحه .. سمعت زاايد يقول : صباح الخير .. قلت له بهدوووء : صبااح النور .. زايد : واايد تأخرتي ..؟؟ قلت : هي عادتي .. زايد ابتسم وقاال : خلصي بسرعه .. عسب نتريق ..؟؟ قلت بدون احساس : لييش ما تريقت ...؟؟ زايد : لأأأأ ترييتج ... سووي بسرعه لأني ميت يوع .. قلت وأنا أدري اني ما أستااهل انه يترياني .. : ما كاان لاازم تترياني .. زايد عقد حياته وقاال بجمود : قلت لج خلصي بسرعه .. طلع زاايد .. حسيت روحي جرحته بالجمله اللي قلتها .. وشكله تضاايج مني .. أكييد تضاايج .. غير اني أمس أول ما يينا ما رمست ويااه ولا كلمه .. بس كنت أقول هي ولا .. واايد علي اني كنت أقولهم أمس .. جففت شعري ع السريع وغيرت .. رفعت شعري بقبااضه ... ما حطيت ميكب .. طالعت ويهي .. شااحب .. أمس ما رقدت .. تعطرت بعطر ريحته بااردهـ .. ولبست الروب وطلعت للصاله .. طالعت زايد يالس يرياني .. تجدمت شوي شوي .. الين ما سمعته يقول : تعالي ايلسي بلاااج .. طالعته ما قلت شي نزلت رااسي وبلعت ريجي بصعوبه .. ويلست .. ما أدري ودي أصيح أرمي روحي بحضن زااايد اسوي أي شي .. بس المهم أحس اني مو بحلم .. زايد وهو يتريق شوي شوي .. ومنزل رااسه .. تميت أطاالعه وأنا سااهيه .. زايد رفع رااسه .. طالعني مستغرب .. عقد حياته .. نزلت راااسي بسرعه لأني استحيت .. زايد مستغرب : بلااج ما تاكلين .. مب عايبنج الأكل .... أطلب لج غيره .. نزلت رااسي وقلت : لا عاجبني .. زايد : انزين تريقي عسب نطلع .. طالعته وقلت : بنرد العين .. زايد : لأأأ اليوم ما بنرد .. قلت بسرعه وبحزن : لييييش .............؟؟ زايد طالعني محتااار .. نزلت رااسي استحيت وبديت أتريق .. أحس روحي غريبه معااااك يااا زاايد .. أنا اللي كنت أحلم طوول عمري أعيييش وياااك .. هه هذيني اليوم أحس روحي غريبه .. صدق دوااام الحال من المحاال ,, زايد سألني : ليييش تبين تردين العين ..؟؟ قلت : ماشي خلاااص سو اللي يريحك .. زايد قام وقال : غريبه انتي الصراحه .. طالعته وهو يرووح صوب الحمام وانتو بكراامه عشاان يغسل ايده .. ما قلت شي .. حتى أنا قمت ومسحت يدي بالكلينكس .. لأني ما كليت اساسا .. تجدمت عن الحجره ورحت صووب المستواليت .. عسب ارتب شعري وعقب بتمكيج .. زايد طالعني وقاال : لييش ما تريقتي ..؟؟ قلت : مابي .. شبعااانه .. زايد : ترااج بتيوعين .. بندور .. ما قلت شي .. بس قلت : مابي شبعاانه .. زايد : برااايج .. بديت احط الميكب ع السريع .. وبسويه خفيف لأنه بنطلع .. طالعت من المراايه ورااي .. شفت زاايد قاااعد يطاالع فـ تلفونه .. رديت طاالعت روحي وبديت أكمل ميكب .. الين ما خلصت .. بسرعه .. رتبت شعري .. وعقب رحت صوب بااب الحجره وبندته عسب أبدل .. غيرت بسرعه ولبست عبااتي ... وحطيت الشيله ع جتفي .. فتحت الباااب .. زايد رفع رااسه طالعني وقاال : خلصتي ....؟؟ هزيت رااسي وقلت : هي .. زايد : خلااص أنا بغير ونطلع .. ما قلت شي بس طلعت من الحجره وقعدت ع الكنفه اللي بالصاله .. مدري لييش تذكرت شييوم .. قلت بتصل فيها مشتاقه لها ... دقيت رقمها .. بس للأسف ما ترد .. أكيييد رااقده .. يا حظهم كلهم رقوود بس أنا اللي واعيه .. ما بين تفكيري اللي يوديني وييبني .. سمعت صوت زااايد يقول : يلا نرووح .. قلت : لحظه بس بشل غشوتي .. زايد يطالعني من المرااايه وقاال وهو يصكر دقم كندورته.. : بسرعه .. قلت فخااطري هذا بعده ما لبش الغتره والعقاال ويقوول جذا .. خلص انت أول وعقب تعاال رمسني .. امـــــف > < دخلت وطلعت غشوتي من الجنطه .. بس الحمدلله مطبقه ما تجرفست .. لبست شيلتي ولبست الغشوه وعقب رفتها ع الشيله عسب قبل لا نطلع انزلها ع ويهي .. تجدمت عن المستواليت عسب أخد نعاالي لأنه يمبه .. بس زاايد وااقف يدامه .. شسوي الحين .. ما أحب أطلب منه شي .. توكلت ع ربي وتجدمت .. قلت : ممكن شوي ...؟؟ زايد طالعني وهو قاااعد يرتب الغتره والعقااال : شو ...؟؟ قلت : بااخذ نعاالي .. زايد زااح شوي .. نزلت مديت ايدي عسب أخذ النعاال .. سحبته .. يوم ييت أدخل ريلي فالنعاال وانتو بكراامه .. حسيت روحي شوي وبطيح .. ملت .. بس مسكت كندورة زااايد .. بسرررررررررررررررررررعه .. رديت لوضعي الأولي الحمدلله ما طحت .. وقفت وعدلت وقفتي .. حسيت زاايد يطالعني .. طالعته مفتشله ونزلت رااسي .. قلت : آسفه .. زايد ما قاال شي .. بس قاال : يلا نطلع .. ترييته لما يتجدم ولحقته .. ياربي يعني لااازم أطيح اليوم وعند زاايد وما أشووف أحد اسند فيه غير زاايد لو انه الكبت بعد أحسن .. لحقته .. حسيته يمشي بسررعه .. شوي وأطيح لو اني أمشي بسرعته .. يوم وقف .. وقفت .. طالعني ارتبكت .. زايد : تعاالي .. استغربت هذا عن يذبحني .. تجدمت منه .. وقلت : نعم .. زايد فتح البااب .. وقال وهو يأشر بيده : يلا .. اطلعي .. طلعت من الجنااح .. وأنا شوي وأموووت قهر من حركاات زاايد واسلوبه الباارد .. غير اني مفتشله منه .. ما طلعته .. بس حسيت بيد تمسك ايدي .. طالعت يدي شفته ماسكها ... مشينا مع بعض .. آآآهـ .. أول يوم أمسك ايد زاايد ودي أقوول للنااس كلها لا تفهمون غلط تراانا بنتزوج .. واليوم تزوجنا وماسكين يد بعض والكل يعرف اني زوجته .. بس ما في أي مشااعر ود بينا .. × × شيما تفر الكتااب ع الأرض .. ............. : الله يلعنج من مااده .. أووووووووووووف ...............: بل بل بل .. كل هااا وتفرين حرتج ع المااده حليلها فقيره .. شيما : فقيره بعينها .. اشوو .. مره مليااانه .. انعميت بسبتها .. شهاب يبتسم ويقول : ذااكري ذااكري يا ماما الدرااسه زينه .. شيما : انت أول انصح روحك لاااه .. شهاب يضحك ويقول : اسم الله عليه .. شطوور من يوووومي .. شيما تطالعه بنظرة غيض وتقول : تفهم فالفيزيا .. شهاب : وأبوها بعد .. شيما تشيل الكتااب وتقول : اشرح لي هالمساأله .. شهاب يطالع شيما : بس أنا عندي بزنس .. شيما : عيل اخرطي .. شهاب : محد غيرج .. شيما : انزين اشرح لي .. شهاب : هههه صدقتي الحين .. أماايه أنا من يوووومي رسووب فالفيزيا .. شيما تتأفف : وهالأبله الحيوانه أنا قاايله لها انه عرس أختي وأجلي لي الامتحاان لين الأسبوع اللي بعده بس لا حيااة لمن تناادي .. شهاب يبتسم : عندج أخت النسيب .. وااسطهـ .. شيما : يعني بيقولون عني طلابه .. شهاب : لمصلحتج .. مب لشي ثااني .. شيما : مب مذااكره .. نفاااد .. بييب اللي بيييبه .. شهاب وهو راايح صوب الدري : أختي الرسوبه ههههههه شيما تطالع الكتااب بقهر : من عقب هالمااده بكون صج صج رسوووبه .. شذة تطالع شيما وتقول : سكتي شيموووه خليني اركز .. شيما : وانتي شوو قااعده تذاااكرين .. شذى : تااريخ .. شيما : الحين ودي أعرف نحن اش لنا بالتواااريخ والسوالف اللي صاارت زماان واايد علينا نعرف شو صاار بالأمس .. يبونا نعرف اللي صاار قبل قرووون .. شذى : هذي انتي اللي ما تبين تعرفين ماما أنا أبي أعرف .. شيما تعقد حياتها : أناا ابا أعرف انتي مب أختنا ... ولا شو من حب للدراااسه هااا ... شذى : صلي ع النبي هههه شيما : هه بحسدج أحسن هههههه شذى : ذاااكري ترا واايد أحسن عن الهذره .. شيما تطالع الكتااب وتتأفف : امـــــــف ,,, زين بذااكر على الله اييب نتيجه .. شذى تطالع شييوم وتقول : تدرين البيت بدون شهووود هب شي مووووووووول .. شيما تطالع شذى وتقول : أنا ما صدقت على الله نسيت تيين تذكريني .. شذى : لا بس ها الصدق .. شيما : هي صدقج فديتها ربي يسعدها .. شذى : آمييين .. الله يسمع منج .. شيما : متى أعرس أنا وأفتك هع .. شذى : ههه ويا هالرااس ... انزين تعاالي .. متى بترد من دبي .. شيما : والله ما أدري .. بس لو بيدها ما ظنتي بترد ههههه شذى : هي هذي اللي هااايمه في دبي ههههه شيما : يا حظها والله ... شذى : حشا مب حب تحملونه بقلوبكم لدبي .. شيما : ماماتي عن الغلط هذي مربااانا ... شذى : ههههه قلبي خذاااه لي سااكن العين .. شيما : هي قلبي خذااه لي ساااكن العين بس أنا أحب دبي هههه شذى : اقووول ورااي امتحااان بااجر خليني أذااكر .. شيما : هه محد قال لج ارمسي ويايه ههههه × × ....................: مابا .. انته لو تبا دق روووحك .. خليفه : حرااام أختيه حبيبتي .. يلا .. خلود : مابي .. قلت لك مابي وبعدين ورااي امتحااان .. خليفه : بس اتصلي بها .. خلود : ولييييش انشالله انت ما تتصل بها اروووحك .. خليفه : ما يالسه ترد عليه .. خلود : عيل مشغوووله .. خليفه : لا هب مشغووووله بس ما ترد عليه .. خلود : خلوووف حل عن سمااي أحسن لك .. خليفه : أونج ويا هالويه يااهل وترادد .. خلود : عيل لا تطلب مني شي .. خليفه : ويا هالويه ان ما سكتتي رااسج ها بكسره .. خلود : بخبر عليك بابا .. خليفه : دلوعه وعدهـ .. خلود : بروووح حجرتي أحسن لي .. خليفه : رووحي فكه يااا وجــه النحس .. خلود : محد غيرك .. خليفه يطالعها بنظره .. خلووود تفل وتصعد الدري عسب ترووح حجرتها .. بس تنصدم بخاالد .. خالد يرفع رااسه : شو ما تشوفين يداامج .. خلود تتنفس : لأأأ بس كنت مسرعه .. خالد : لا تسرعين عن تطيحين بس .. خلود : فديتك انت اللي تعرف ترمس مب هذااك .. خالد مستغرب : شووو ..........؟؟ خلود تبتسم له وتقول : لأأ ماشي .. خالد يطالعها وهي تمشي .. وهو مستغرب : والله حاله .. نزل من ع الدري .. شاف خليفه .. قال له : مسااء الخير .. خليفه : مسااء النور .. خالد : وينه الواالد ..؟؟؟ خليفه : ظهر رووح المعرض .. خالد : هيييه انزين اليوم مر ع مكتب ضااحي وشل عنه أورااق السيااراات اليديده .. خليفه : أوكي .. خالد : تغديتو ..؟؟ خليفه : لأأأ نتريااك .. خاالد : عيل رمسهم خل ينجبون الغدا لأني بظهر .. خليفه : بتروووح المعرض ..؟؟ خالد : لا خييير .. خليفه : ابويه قاال شل أورااق وعطها لـ محمد .. خالد : العصر وصلهم يوم تمر ع متكب ضااحي .. وصل أورااق محمد .. خليفه : انشالله .. أنا سااير اقوول لهم يطلعون الغدا .. خالد : قول حق هااي ميري بعد خل تييب وليد .. خليفه : انشالله .. خالد يطاالع خليفه ويقوول : تعااال لحظه ..؟؟ خليفه : هلاأأأ .. خالد : أمس يوم ردينا من العرس وين كنت ..؟؟ خليفه : سرت بيت عمي .. خالد يطالعه : ردينا ع الطير ياللي .. خليفه : يا رياال بنت عمي ما فيها شي .. لو اني غريب أوكي .. بس هذي بنت عمي .. خالد : اركد شوي .. خفف روحاتك ... خليفه : انشاااااااااااالله .. خالد : تعاال نتيجه فحصكم يبتوها ... خليفه : هي عمي ياابها ويقووول سليمه .. خالد : يلا الحمدلله .. خليفه : الحمدلله .. ياااي وهو يركض : باباااااااااااااا خاالد يضحك ويفتح يدينه : رووووووووووح بابا انته .. وليد يبتسم ويقول : وينك بابا .. خالد : كنت رااقد حبيبي .. وليد : ما تلوووح ثغل .. خالد يبتسم له ويقول له : أمس بليل كنا فالعرس .. صح .. وليد : هي أنا ثويت يوووله .. خالد يبتسم له ويبوسه : الله يحفظك .. خليفه : عز الله ولدك بيخرب اللغه ههههه أونه ( أنا ثويت يوله ) بابا وليد يقولون أنا يلت .. وليد يضحك ويطالع ابووه ويقول : ثووف عمي بابا .. خالد يضحك ويقول أونه معصب : عمي شو سويت لوليد .. خليفه يطاالع وليد ويقوول : يالهرم جداام أبوووك تستقوى وهنااك كله عمي ودني وعمي اشتر لي .. × × ............ : عيد اش قلت ..........؟؟ منصور يطالعها ويقول : حشااا .. حنج مب شااايفه خير .. نوف تطالعه وتقول : لا بس عيد مب مستوعبه أنا .. منصور : قلت لج أباااها .. أباا أتزوج ... مليت من العزوبيه .. نوف تبتسم له وتقول : ابشر .. على هالخشم .. من باااجر بروووح بحجر لك ايااها .. منصور يبتسم ويقول : حوووه بعدني ما رمست الوالده .. نوف : أنا برمسها لك .. منصور : لا أمي أنا رووحي برمسها .. نوف : حشااا .. انت شووو .. تريا يا ريااال بلاااك مستعيل .. منصور يبتسم : وربيعي بعد يبا يتزوج أونه .. |
الحلقه الواحده و الثلاثون .. أبا اذرف دمعاتي ................. وأظنها ما تكفيني أنا إللي ضاعت أوقاتي ............. أنا اللي الشوق يكويني ترى زادت عذاباتي .................. ولا ادري الذي فيني نوف مستغربه : لا تقوووول خاالد .. منصور : هي جيييه .. نوف : أحيده مب رااضي الا بشهد وشهد عرست .. منصور : لا الحين نااوي يااخذ وحده ثاانيه .. نوف : زين .. بس أهم شي تكون زينه ... عسب ولده هالفقير ما يتعذب .. منصور : لا مضمونه ماشالله اللي بياخذها .. نوف مستغربه : جيييه انتو تعرفونها ماشالله .. منصور يطاالعها ويقول : هي .. نوف : أويــــــــه لا تقول من ربيعاتكم ماال السفرااات .. ترا امررررررره هاايل هب أوكي .. منصور يوقف ويقول : أختي الغبيه ماااالت عليج .. نوف : هذا يزااي أنصحك .. منصور : مريوووم صاارت أحسن عنج .. مب انتي .. هه ما اقووول الا ماالت .. نوف بوزت وقاالت : خلاااص ما بنخطب لك .. منصور : أمي بتخطب لي .. نوف : هه .. مالي دخل أنا .. بروووح حجرتي أحسن لي .. منصور : هي فكينا من رقعة ويهج شوي .. نوف تسو له طااف .. وتطالعه بغروور وتتجدم عن الدري .. طالعت مريوووم ناازله قالت : سيري ايلسي ويا أخوووج لأني ما قمت أستحمله .. مريوووم : ما أسمح لج ترمسين عنه فااهمه .. نوف : من زينه عاااده .. وسعي بس خل اصعد .. مريوووم تطالعها : ارض الله وااسعه لااازم تخطفين حذااالي .. نوف بغروور : هي لااازم .. منصور : ميااامي ودريها وتعااالي يلسي وياااي اليوم .. مريووم تبتسم وتقول : سويت اسمي اسم فرقه ههههه منصور يبتسم : هي اليق عليج .. مريوم تبتسم وتقول : بلااها نوف محرجه .. منصور : يعني ما تعرفينها .. غبيه هذي .. مريوووم تطالعه وتقول : حرااام عليك منصوور .. منصور يبتسم : ههههه انزين خلاااص ذكيه ولا تزعلين .. × × المغرب الساعه سبع ونص ... طلعت من الحمااام وانتو بكرامه وأنا أجفف شعري .. تجدمت عن التسريحه .. سحيت شعري بسرعه ورفعته بالمقبض .. رتبت البجاامه اللي لابستنها .. حطيت كريم ومرطب .. طالعت فالصاله ما شفت زااايد .. تجدمت عن السرير رميت روحي وطالعت التلفون مرمي ع السرير .. مسكته .. يت على باالي شييوم يلا أتصل فيها اشتقت لها .. دقيت رقمها وترييت لما ترد .. .............. : هــــــــــــلاأأأ .. هلاا والله بالعروس ... ابتسمت وقلت : هلأأأ شييوم .. شييوم : اش حااالج غـــــــلايه .. ابتسمت وقلت : بخير حبيبتي ومن جداااج ...؟؟ شييوم بخير وعافيه الحمدلله .. بس وينهم هل دبي ما يسألون عنا .. ابتسمت وقلت : والله اني مشتاااقه لج دبوووه .. شييوم : أنا أكثر حبيبتي .. بدت دموعي تهل بصمت .. شييوم قالت لي : بلاااج سكتتي ...؟؟ قلت : ماشي .. شييوم : شهد فيج شي زااايد سوا لج شي .. قلت : لاأأ لأأأ .. شييوم : عيل ...؟؟؟ قلت : ماشي بس جذي ملاانه .. شييوم : عرووس وملانه غريبه .. قلت : هي أنا ههههه شييوم : تخيلي أمس عقب العرس شو صاار ..؟؟ قلت باستفسااار : شو صاااااااار .........؟؟ شييوم : خلوف يااه عندنا ورمسني هههه قلت : عنلاااتج يالهرمه .. ما تستحين على ويهج .. شييوم : عاادي حبيبتي وبعدين هو خطيبي وحبيبي ونصيبي .. شو أبا أكثر هههه قلت : ويا هالرااس .. شييوم : أنا قلت لج شو صاار ويااي أمس .. يلا انتي قولي لي شو صاار ..؟؟ بطلت عيوني وقلت : هااااااااااااااااااااا ........؟؟ شييوم : قولي يلا ... قلت : شكلج تبين كف ياللي ما تستحين على ويهج ... شييوم تضحك : عصبت .. عصبت .. قلت وأنا أضحك : ويااا رااسج ههههه سؤال ها الحين تسألينه .. شيما : الفضوووول يذبح .. شسوي يعني .. ابتسمت وقلت : وياا رااسج .. شييوم : انزين وين طلعتو اليوم أعتقد هالسؤااال عاادي ولا .. ناظرت صوب الباااب طاالعت زاايد سااند ع البااب ويتأملني .. قمت من سدحتي وعدلت قعدتي .. بسررررررررررررررررررعه .. شييوم : وين رحتي ...؟؟ ارتبكت وقلت : بتصل بج عقب .. شييوم : بلااج .. ابتسمت عسب لا تخااف : دبوووه بتصل بج عقب رصيدي بيخلص .. شييوم : انزين اتصلي وبعدين سلمي على نسيبي .. قلت : يوصل يلا بااي .. شييوم : بااي يالعرووس .. صكرت التلفون .. وبديت العب في ازراره وأنا ياالسه .. ومرتبكه مدري ليييش .. وخاايفه من زاايد .. ما أحس بأمان وياااه .. زايد تجدم عن السرير وقاال : ترمسين منو ...؟؟ قلت : أختي شيما .. قال : آهاا .. شخباارها ليكون بعدها تصيح .. قلت : لأأأ .. سلمت عليك .. زايد : الله يسلمها .. انزين يلا البسي عسب نطلع نتعشى برع .. قلت : مابا .. طالعني وهو مستغرب .. يلس يمبي هالشي زااادني ارباااك .. بغيت اوسع له بس المكااان روحه وسيع وين ارووح يعني .. زايد طالعني وقاال : لييش ما تبين ...؟؟ قلت وأنا منزله رااسي ومستحيه من قربه : الظهر طلعنا بسنا .. زايد : شهووود تقوول هالرمسه .. أحيدج أول تموتين ع الطلعااات .. قلت بجمود : بس الحين لاأأ .. خلااااص .. وقفت ورحت صووب التسريحه شغلت الاستشواار .. وبديت ارتب في قصتي وأنا ارتجف .. زايد وقف ويااه عندي وقف ورااي .. حسيت بقرب أنفاااسه مني .. ارتبكت حسيت بضيق ؟؟ طفيت السشواار عسب ابتعد عنه .. بس هو تكلم وهو يطاالعني من المراايه : ولييش ما تطلعين ابا أعرف .. أنا زوجج ومن حقي أعرف .. لفيت عسب أبتعد عنه .. أول ما لفيت حسيت اني اقتربت منه زيااده .. عيوني صاارت بعيونه .. ودي أصيح وأرمي رووحي بحضنه وأقووول له .. والله ياازاايد اني أموووت ع الترااب اللي تمشي عليه بس أكااابر .. ارتبكت وتجدمت عن الكنفه قعدت وقلت له : تعبت من المشي اليوم ريلي تعورني .. زايد طالعني وقاال : أوكي عيل ريحي .. ارقدي لما ييبون العشا .. قلت : هي أحسن خللل ييبونه .. لأني هلكت اليوم .. زايد طالعني وهو بعد مستغرب : صدق انتي ما فييج شي .. قلت : ياربــي .. زاايد بلاااك .. والله ما فيني شي .. زايد : انتي كنتي تكلمين شيما ......؟؟ انصدمت طاالعته وقلت : زااايـــــــــــــد ...!! زايد طالعني وقاال : عطيني تلفووونج .. انصدمت منه قلت : يعني تشك فيني .... زايـــد بدون احساس : قلت عطيني تلفونج .. قلت بصدمهـ و أنا فيني الغبنهـ : زااايـــد حرااام عليك انت أكثر واااحد تعرف أنا شو كنت ... زايـد : والله حرمتي وأنا حر أشك ما أشك .. اسوي اللي اباااه قلت : ع باالك أكلم غيرك .. زايد بسخريه : مو بعيده وحده ترمسني .. ترمس عشره غيري .. نزلت دموووعي وقلت : عيل ليييش تزوجتني .. دااام تدري ارمس عشره غيرك ع قولتك .. زايد تجدم عن البااب وقاال باستهزاء : شفقه .. عن تعنسين يعني .. طلع زاايد وسد البااب بقووووه .. رفعت ريولي ع الكنفه وضميت رااسي وبديت أصييييح من خاااااااطر .. زاايد ما يحبني زاايد تزوجني عشاان ينتقم أكييد .. بس ليييش ينتقم أنا ما سويت له شي يضره .. بس اني حقرته يسو فيني جذي .. والله حرام عليك يا زااايد عيشتني بوهم .. خدعتني .. والحين قلت يمكن انك تبي تصحح غلطتك بس ييت تزيد الطين بلا .. آآآه يا زااايد والله أصعب شي اني أكتشف ان اللي أحبه يشك فيني .. بعد ما هدمت حياااتي ييت تقول لي أنا أشك فيج .. رفعت رااسي ومسحت عبراااتي اللي هلت بدون ساابق انذااار .. تجدمت عن الدريشه .. طالعت تحت .. كنت أتمنى ييي اليوم اللي بكون فيه معاااك يا زااايد بس للأسف .. ياااه هاليوم .. لكن سعاادتي مو مكتمله .. أبد سعادتي ما تكتمل لااازم شي نااقصها .. حطيت راااسي ع الزجاااج .. تنهدت من خاااطر .. شكله اليوم ما بيعدي على خير لااازم يصير شي بيني وبين زاايد .. أرقد غصب أحسن لي عشااان لا أشوفه ولا يشوفني ... بــــــــــــــس لي متى برقد .. لي متى بدخل لمكااان وهو يطلع لي متى ...؟؟ خلاااص أنا زوجته ومجبوووره أعيش ويااه لو أبا ولو ما أبا .. اش بيقولون عني .. عرووس من ثااني يوم ردت بيت أهلها .. × قمت الصبح على صوت منبه تلفون زاايد وهو قاااعد يرن .. حسيت بصدااع فضيع .. يودت راااسي اللي بينفجر من العوااار .. سمعت المنبه بعده يرن ما سكت .. طالعت زااايد اللي رااقد ... ترددت أقومه .. أقومه ولا لأأأ .. حسيت زااايد بدا يتحرك ... لفيت ويهي بسرعه .. زايد طاالع صوبي ويلس .. قااال : من متى المنبه يرن .. قلت : توه .. زايد وقف وراااح خذا الفوطه وقاال : عقب سااعه بنظهر .. تجهزي بنرد العين .. قلت وأنا منزله رااسي : أوكي .. زااايد تحرك ورااح عسب يتسبح .. بعد ما اختفى من يدامي رميت روووحي ع السرير .. وطااالعت السقف .. تأأأففت .. عقب استغفرت ربي .. أصبحنا وأصبح الملك لله .. شو هاا من صباااح الله خير اتأأأفف .. طالعت السااعه .. عشر .. ياربي .. يعني أنا من ثماان ونص .. رااقده الين عشر .. مب رقاااد عليه .. قمت أرقد وااايد .. وقفت ورحت طلعت لي ملااابس للروحه ورتبت جنطتي ع السريع .. هم رتبت جنطة زاايد لأني مجبوره .. طلعت من الحجره .. شفت الصاله مثل ما هي .. الظااهر تعشا برع ولا كيف ..؟؟ ما أدري .. غريب هالانسانه الصراحه .. يمكن يااه وشافني رااقده جاان يطلع .. رجعت الحجره .. خذيت ملاابسي وفريتهم ع السرير بطريقه مهمله .. يلست ومسكت رااسي بيدي .. آآآآهــ يا زايـــد ناااوي تعذبني وياااك انت .. قهر والله قهر أضيع عمري وأنا أدور غلاااك وانت بس اللي تفكر فيه انك تقهرني وتعذبني وياااك .. رحت بفكري بين هذا وهذا .. حسيت تفكيري تشتت ما عاااد فيني عقل خلاااص .. أطلع من مشكلهـ أدخل بغيرها ,,, ما عدت أستحمل خلاااص ,, آآآه والله أنا اللي كنت راايقهـ طول عمري الحين صرت العكس .. كنت وين وصرت وين ..........؟؟ رفعت راااسي طالعت زاايد وااقف .. وقفت وخذيت ملاابسي .. وخطفت يمب زاايد بدون ما أطالعهـ .. ما قلت شي ... نزلت رااسي ومشيت .. خلااص يااا زااايد ارتبط مصيري بمصيرك .. آآآه منك .. على كثر الجفا وعلى كثر اللي بيصير واللي استوى خلاااص أنا ملكك ... ما عدت مثل أول ملك شهد ............. × × ............... : حلفي بس ....... شذى : والله العظيم .. شييوم تنطنط : هي هي .. بتيي سيس وأخيرررررررررررا ... شذى : عدااال عن تطيحين وتتكسرين بس .. شييوم تنط وتقول : براااايهـ اللي يصير يصير .. المهم بشوووف شهووود .. شذى مبتسمه : حشا مب حب .. شييوم : صلي ع النبي ماما هههه شذى : صلى الله عليه وسلم .. انزين تعاالي شو بنسوي يوم شهوود تيي .. شييوم : بعد شو .. أكيييد بنرتمي فالأحضااان ههههههه شذى : هع هع .. شيوم : يالضفدع هههههه شذى : سكتي الله يخليج .. تعاالي نسوي لها سبرااايز .. شييوم : صدقج ... بس مثل ........؟؟ شذى : أي شي .. شيما : هممم والله موووووودري .. شذى : انتي تطلعين يداام زاايد ....؟؟ شيما : أكيييد .. شذى : عيل يبالنا نسوي لهم شغله .. شي جي حلو .. شييوم : بتصل بالمحمصه خل يسوون كيكه .. شذى : يباله بس شو نحط عليها .. شييوم : ما جربت .. اهدي عرسااان قبل هههه شذى : حروفهم .. شييوم : ويدي مااال أول .. لأأ ماما .. شذى : صورهم ما يصير شهوود لااابسه فستاان ماشالله يكشف أكثر عن انه يستر .. شييوم : هههههه صدقج عيل شو .....؟؟ شذى : اممممم كيكه ونكتب لهم زوااج سعيد .. شييوم : اي شي .. المهم كيكه ... شذى : هي .. الا هي مفاجأه ونفرح شهووود .. شييوم : يب يب .. فدييييييييييييييييييت روووووووحها أختي .. شذى : أختي أنا بعد ماماااااا .. شييوم : هههه أوكي أوكي .. يلا نرووح نتصل عسب الطلبيه .. شذى : خل شهااابوووه ييب لنا الكيكه .. شييوم : يب يب .. بس انشالله ما يفضحنا ويخبر كلهم .. شذى : هذا أكيييد يسويها .. شييوم : بنقول له ونقنعه .. شذى : بس اذا سويتي شي بيخبر شهووود عن الكيكه صدقيني .. شييوم : عيل .......؟؟ والحل .. شذى : ماشي غير خطيبج هع هع .. شييوم : وضفدع ... مااااااالت عليج .. شو هااا بعد .. شو بيقول عنيه طلاابه .. شذى : ولد عمنا وخطيبج ما فيها شي .. شييوم : خلااص بتصل به عسب ييي .. شذى : نعم نعم ...........؟؟ شييوم : أقصد أتصل بخلود عسب تخبره .. شذى : هي أتحرا بعد .. شييوم طلع خبرج عتيج يا شذوووه هههه : أوكي يلاااا بسرررعهـ ... شذى : يلا جـــــــــــــلـــــــــدي .. شييوم : في عينج يالبنغاااليه .. ههههههههه شذى : طوفي لاااه العرسااان بيوصلون العين وانتي بعدج تسبين .. شييوم : بسكت خلاااص ههههه × × ..................... : ههههه ورمستها خلاااص ....؟؟ منصور يطاالع برع ويقوول : هي يا ريااال ملينا من العزوووربيه .. خالد : صدقك .. منصور : بااجر بنشيب ولا وحده بترضا بنا هههه خالد : هذا انت أنا بعدني شباااب هههه منصور : ع الأقل أنا ما عندي ولد هههه هذا انت اللي وراااك واااحد .. خالد : هي واللي باخذها غصب عنها ترضا بولدي .. منصور : يا ريااال أخاااف اللي بتاخذها وتخليك غصب تودر ولدك هههه خالد : عيل ماباها من أول .. منصور : هههه لا انشاالله تحصل ع وحده ماشي أحسن منها .. خالد : أعتقد اللي كاانت أنسب وحده لي ماصااار نصيب وما خذيتها .. منصور : اش دراااك يمكن كنت ما بتعيش سعيد وياها .. خالد : صدقك الوااحد ما يعرف شو مكتوووب له .. منصور : تعاال الحين انت صدقك ناااوي تعرس ...؟؟ خالد : هي يااارياال ع بااالك أمزح وياااك .. منصور مستغرب : من دخل الفكره ببالك ..؟؟ خالد : محد بس يا رياال ملينا عاده من العزوبيه الواااحد وده يأمن مستقبل عياااله وما يعرف لي متى يعيش ... منصور : هي صدقك .. وبعدين وليد بيكبر ويباله أحد يسأله وين راايح ومن وين رااد .. خالد : هي وااايد شباااب قاااع يضيعون والسبه اهمااال الأهل .. منصور : عيل نقووول مبروووك خلود بيتزوج ...؟؟ خالد : هي بس بعدني ما حصلت البنيه هههه منصور يطالعه ويبحلق فيه ... بنظرااات غريبه ............ خالد يأشر بيده : حووووه ... بلاااك .......؟؟؟ منصور يبتسم ويقول : خاالد انت أخو عزيز وغااالي ...... خالد : من الأخر اش تبا .........؟؟ منصور يضحك : ويا راااسك .. خلني أكمل انزين .. خالد : يا رياال من يوم يومي ما أحب المقدمااات هاااي .. ملينا عاده .. منصور يبتسم : ههههه انزين .. خالد انت ربيعي وأنا أعرفك عدل .. يمكن أعزك أكثر عن روحي واعتبرك جابر .. خالد : أصيل منصووور .. منصور يبتسم له ويقول : أنا ما بعرض عليك أختي لأنها غااليه علي ... بس هي بنيه والنعم فيها وانت أخو وربيع عمر بنفس الوقت ... خالد يطالعها بتمعن ..وفهم قصد منصور .. سكت وما رد عليه .. منصور : أعتقد فهمت قصدي .. خالد يطالعها ويقول : منصوور والله ما بحصل أحسن من أختك أكييد غير انك أخوووها هذا شرف لي .. بـــــــــس .......... منصور يقاطعه : لو مو بخااطرك تأكد ما بيستوي شي امبينا ... خالد يبتسم ويقول : لا بالعكس ..... بس البنيه يمكن ما تبا .. وبتوافق لأني ربيعك .... منصور : من هالنااحيه لا تحاتي نوف أختي وأعرفها زين .. خالد : وانت تعرف اني كنت متزوج وعندي ولد توه صغير ويباله أحد يداريه .. وتعرف ظروف شغلي .. منصور : يا خاالد البنيه ما بتعيش طول عمرها ببيت اهلها أكييد يوم من الأيام تروووح بيت ريلها وتتغير حياتها .. وما بتتم عااايشه مثل قبل لااازم تتحمل المسؤوليه .. خالد يهز رااسه : اكيييد الزواااج مو اسم وبس .. منصور : خالد أنا سألتك وأتمنى انك تفكر عدل .. ورد عليه لأني برمسها .. خالد يبتسم ويقول : أخ عزيز وغاالي منصووور ... منصور يبتسم له ويقول : عيل عرسنا بيوم وااحد خلااص .. خالد : اتهبي هههه عسب أنا أصرف وانت بس تيلس مع عروسك ... هههه منصور يضحك : أول خل نعرف من هي عروووسي عقب بنرمس هههه يااالسه تقطع في أورااق الدفتر اللي ملت من كثر ما ترااجع المسأله بس مب رااضيه تدش ببالها .. تأففت شوي وتدق رااسها باليدار .. فجأه سمعت الفون يرن .. قاامت بسررعه ورااحت صوب الكوميدينو .. شاافت رقم خلوووف .. بلعت ريجها وابتسمت ... ردت وهي مبتسمه وقاالت : هلا والله .. خليفه : هلا والله .. هلا بالقااطعه .. شييوم تضحك : مو لهالدرجه عاااده .. خليفه : عيل شووو ....؟؟ شييوم : توني من يومين شايفتنك .. خليفه : ما يكفي ... شييوم : طماااع واحد ههههه خليفه : حرمتي وكيفي .. شييوم تلومت وما ردت عليـــه .. <<< هذا دومه جذي .. معقد بس مع اللي يحبهم فري .. خليفه ابتسم وقاال : فديت اللي يستحووون .. شييوم سكتت وما ردت هذا شكله يبيني أطيييح غشياانه .. همممم أثتحي يااا ناااااااااث .. هع خليفه قاال : ترا اذا ما رمستي بسوي حااادث صدقيني .. شييوم بسررررعه : بسم الله عليك حبيبي .. خليفه علق : لا أنـــــا صدق بسوي حاادث شكلي .. شييوم : خلوووووووف لا تقووول جذي .. خليفه : عيون خلوووف .. انتي شييوم : خلوووف ترااني بسكر عنك الحينه .. خليفه : لاا لأأأأأأأأأأأأأ لااا .. تريي انتي شو قلتي قبل شوي .. شييوم : شو قلت بعد .. قلت بسكر .. خليفه : لاأأ اللي قبله .. شييوم : أقووول خلوووف رد بيتكم وارقد عدل .. خليفه : انتي اللي شكلج مب صااحيه اليوم ههههههههه شييوم : خلووف ترااني بسكر واايد عطيتك ويه .. خليفه يبتسم ويقول : تعاالي دبوووه جيييه كلمتي خلود وما كلمتيني .. شييوم : ..............عن .....................؟؟ خليفه : عن الكيكه .. شييوم : هـــــــــــــي .. لأنه شذاااوي كاانت يمبي فـ لو اتصل بك برووح فيها وبنفضح .. خليفه : هالعلتين شذو وخلودووو صااكين عليه صكه أعووذ بالله .. شييوم : حراام عليك حبوباات .. خليفه : برااايهم .. انزين تعاالي اليوم أبا أشوووفج .. شييوم : مب كل يوم عيد بابا .. خليفه : حراام شييوم ...؟؟ شييوم : ماشي .. خليفه : اليوم وبااجر ماااشي .. بس تريي والله ان ما زخيتج عدل ... بينا الأياام ماماتي .. شييوم : بس الحين ما تقدر تسوي شي .. خليفه : بنشوووف ... يلا سيري جابلي دروسج يوم بييب الكيكه بتصل فيج ... شييوم : خقاااق .. خليفه : انتي اللي بديتي يا حرمي المصووون .. يلا ياليااهل سيري جاابلي دروسج .. شييوم : ما برد عليك مره ثاانيه .. خليفه : هههه يلا بااي ويا هالراااس شييوم : تو النااس ... خليفه يضحك : مب جنها قبل شوي بصكر وبصكر .. شييوم : عاد اللي فالقلب شي واللي ع اللسان شي .. انت أدرى خليفه : يلا وصلت عند ربعي هههههه بتصل بج عقب .. شييوم : أوكي .. يلا مع السلامه .. خليفه : مع السلامه حبي .. شييوم : باايخ ......... خليفه يضحك : أدري مو من قلبج ههههههههه شييوم : خــــــــــــــ .............. وتفاجئت انه سده وما ترياها تكمل .... أوووووووووف هذا دومه جذي يحب يحرق بدمي ويرفع لي ضغطي هالانسااان .. همممم أذاااكر أحسن لي والله .. × × سألني وهو يسوووق : تااكلين شي ,,,؟؟ قلت : لأأ ,,, زايد : نحن من ظهرنا وانتي مب مااكله شي .. حتى مب متريقه .. قلت : ما أعتقد يهمك .. زايد بغرور : ما يهمني .. بس أخااف تطيحين وبااجر أبووج يرمس علينا .. سكتت ما عرفت شـ أقول .. بغيت أرد بس ما قدرت .. طاالعت برع .. بغت تهل دمووعي بس مسكت رووحي وكااابرت ... زاايد : ترى بننزل بيت أبوووج قبل .. قلت وأنا أطاالع برع : سو اللي تبااه .. أعتقد ماالي رااي ... زايد : لأنه يوم بنرد بيتنا ما بنظهر اليوم .. بريح ... قلت : براايك .. زايد : شهد ممكن سؤاال ...؟؟ قلت وأنا أعرف انه يبي يسأل عسب يتطنز عليه ,, قلت : اسأل ..؟؟ زايد ابتسم بسخريه وقال : الحين انتي صدق حبيتيني ...؟؟ طالعته وحطيت عيني بعينه وقلت : الجوااب عندك يا ( قلت بسخريه ) حبيبي .. زايد : آهـــا .. عيل كم رقمي من اللي حبيتيهم .. الأول ولا الثااني ... نزلت رااسي حسيت دموعي قااعده تحرق خدي من كثر القهر اللي بدااخلي .. بغيت أمووووت يستوي فيني أي شي بس زاايد ما يعايرني ولا يقهرني .. خلااص أنا زوجته ليييش يكلمني بهالطريقه .. ليييييييش يذلني لييش ..؟؟ رفعت رااسي ومسحت دموعي وقلت : ياااه دوري اني اسألك الحين ...؟؟ زايد ابتسم ودموعي ولا أثرت فيه .. قال : سألي ..؟؟ قلت : الحين في وااحد يشك بحرمته ..........؟؟؟ زايد طاالع الشاارع وقاال : هذا اذا يعرف انها رااعية سوالف عاادي يشك فيها وتطيح من عينه .. قلت : ما كاان له دااعي يتزوجها عيل .. زايد : كيفه الريااال حر .. ما ينعااب .. طالعته وقلت : غريب انت الصرااحهـ .. زايد ابتسم بسخريه وطاالع الشاارع وهو يسوووق وبدا يتصل في ربعه ويكلمهم .. وأنا ياالسه مقهووره منه ومن حركاااته .. والأكبر اني ولا كأني زوجته يعاملني وجني وحده يايه من الشاارع ومتعرفه عليه .. بس هذي حقاارة الدنيا والله .. أأأه يااا زااايد ارحمني دخيلك .. × × ................. : يلا خلوووف بباي خليفه : شيووم ظهري بشوووفج .. شيما خايفه : أنا يالسه أكلمك وانا أتناافض خووف .. شقاايل تباني اطلع الحين .. خليفه : بس نظره انزين .. شييوم : الواالد اهني ولو شاافني بيغصبنا نملج .. خليفه : حكم أحلى من العسل ع قلبي .. شييوم تضحك : يلا باااي .. قوووم شهووود بيوصلون الحين .. توها اتصلت بماما .. خليفه : سلمي عليها واايد .. شييوم : هذا اذا قعدنا روحنا .. خليفه يضحك : ولييش يعني ..؟؟ شييوم : تباهم يذبحوني ها ...؟؟ خليفه يضحك : أوكي عيل .. يلا حياااتي مع السلامه .. شييوم : مع السلامه .. × × دخلت الصاله .. شفت ماما وااقفه ابتسمت لها وتجدمت عنها وودي ارمي روحي بحضنها وأشكي لها عن عذاابي .. فتحت لي يدها وضمتني .. رفعت رااسي وانا مبتسمه : اشتقت لج وااايد .. ابتسمت لي ومسكت ويهي وقاالت : وأنا بعد .. طمنيني عنج وعن أخباارج شو مسويه ..؟؟ قلت : بخير الحمدلله بس مشتااقه لكم ,, أماايه ابتسمت وقااالت : كلهم اهني بعد مفتقدينج .. شخباار ريلج ..؟؟ قلت وأنا ابتسم : بخير الحمدلله .. أماايه : وينهـ ..؟ جيه ما نزل ...؟؟ ابتسمت وقلت : قاااعد فالسياااره .. أماايه تخرعت وقاالت : تبي تفضحنا هالبنيه .. اتصلي به خل يدش الميلس .. ابتسمت وقلت : لهالدرجه نسيبكم غاالي هههه أماايه : بس عيب نخليه اروووحه .. وبعدين هذا نسيبنا .. ابتسمت وقلت : خلاااص الحين اتصلي به .. قلت : أوكي ... ضغطت على الأسماء وطلعت رقم .. زايــد ( زايد ) غيرت اسمه لـ زااايد خلاااص ما عااد بلسم جروحي .. كاان بلسم جروحي بس الحين هو اللي ينزفها .. ضغطت على زر اتصاال ... رد عليه .. وقاال : هلا شهد ... قلت : هلا زايد .. ادخل الميلس ... زايد : خلاااص دخلت مع أبوووج .. قلت : آهااا .. أوكي عيل خلاااص .. زايد : فمان الله .. قلت : فمان الكريم .. صكرت عنه وقلت : خلااص دخل .. أماايه : زين عيل شكلهم الرياااييل يو .. قلت باستغراب : رياييل ..........؟؟ رياااييل منو بعد ... أماايه : من بعد أبووج وعمج وأخوج وعيااال عمج ... قلت : آهااا .. أتحرا بعد .. أماايه ابتسمت وقاالت : استريحي بنتي .. ع بااال ما أروووح أزقر خواااتج .. قلت : لا أماايه بروح الهن روحي .. أماايه : يلسي بنتي ارتااحي انتي توج يايه من دبي .. قلت : أماايه الله يهديج بروووح بروحي وبعدين خط دبي متعوده عليه وبتعود عليه هههه أماايه ابتسمت : ع راااحتج عيل أنا بروووح بحط حق الرياااييل الفواله .. قلت : أوكي أماايه .. ابتسمت لأماايه ورقيت .. طالعت الممرااات كلها فااضيه .. اكيييد رقووود .. لا بس اليوم مدرسه يمكن رقووود .. طالعت السااعه توها ثلاااث .. يمكن يدرسن .. تجدمت عن حجرة شييوم وشذى .. ما سمعت حسهن .. دقيت البااب محد رد عليه .. دشيت شوي شوي .. طالعت الليت امبند .. تجدمت عن السرير قلت بهدوووو : شييوم شذاااوي .. ما ردن عليه .. قلت بصوت أعلى شوي .. : شييوم شذاااوي .. أنا شهوووود ييت .. حسيت شييوم تتحرك .. وغطت رااسها بلحافها .. شذى حركت رااسها بس ردت طاالعت صوبي فتحت عيونها شوي شوي .. طالعتني باستغراااب قعدت تمت تطاالع .. قلت : شذوووه قومي أنا شهووود ييت .. شذى قااالت بصوت عااااااالي : أو ماااااااااااااااااااي قااااااااااااااااااد .. شيييييييييييييييوم شهووووووووود يت .. شيما فزعت من رقااادها وقاالت : وينها ... طالعت شييوم وشذى .. يلست ع السرير وأنا مبتسمه وقلت : أنا اهني .... شييوم وشذى نطو علي وحضنوني .. بديت أضحك : هههههه ذبحتوني .. شذى ابتعدت وقاالت : متى ييتي .. قلت : توني ألحين وااصله .. شييوم : جيييه ما خبرتيني انج الحين بتوصلين .. قلت : حبيت اسويها سبرااايز .. شييوم ابتسمت : والله اشتقنا لج واايد .. شذى : هي والله شهووود البيت هب شي بدونج .. قلت : والله أنا اشتقت لكم كلكم أكثر وأكثر وأكثر بعد .. شذى : حجرتج صاارت ممله مو شراات أول حتى سوالفنا مو شي بدونج .. قلت : أنا حيااتي كلها ع بعضها مو شي بدونكم والله .. شذى طالعت شيما وقاالت : اتصلتي .. شيما : هي .. قلت : ع منو ...؟؟ شيما : على ربيعتي اسألها عن الامتحاان .. قلت : آهاا موفقه انشالله .. شذى : يلا عيل أنا بروح بتغسل وعقب بيي .. قلت : اتصلي بخلود خل تيي .. شذى : أوكي .. شييوم : وأنا بعد بروووح بتغسل .. قلت : أوكي .. عيل أنا بروووح بااخذ بعض الأغراااض من اللي حاطتنها بحجرتي ,, شييوم : بنيي لج تحت .. قلت : أوكي اتريااكن .. طلعت من الحجره مشيت في الممر .. وأنا يالسه أمشي .. طالعت أماايه يااايه صوبي ... طالعتها .. ابتسمت لها .. قلت : فديتج والله يعل ربي يحفظج ويخليج لنا .. أماايه ابتسمت وقاالت : ويحفظج حبيبتي .. أماايه ابوووج يباااج .. قلت : وينه فديته بسلم عليه وع عماامي بعد .. أماايه : في الميلس .. ابتسمت وقلت : عيل برووح الهم .. بس عيااال عمي موجودين .. أماايه : عادي هم شراا أخوووانج .. قلت : خلااص عيل برووح بسلم وعقب بقعد مع البنات ومعااج لأني مفتقدتنكم .. أماايه ابتسمت : انشالله .. يلا سيري عند أبووج قبل لا يأذن العصر ويروحون المسيد .. ابتسمت وتجدمت عن الدري .. نزلت ومشيت الين وصلت صوب باااب الميلس .. دقيت البااب ودخلت ... ابتسمت للي قاعدين ... ابويه وقف وابتسم لي وقاال : هلا والله ببنتي .. ابتسمت له وتجدمت صوبه ورميت روحي بحضنه وقلت : اشتقت لك وااايد .. ابويه : وأنا بعد .. اش حاالج بنتي ...؟؟ قلت : بخير ابويه انت اش حااالك ..؟؟ ابويه : بخير .. طالعت عمامي .. بو خالد وسيف تجدمت عنهم وبستهم ع رااسهم .. وشهااب ياااه روحه صوبي وسلم عليه ... وطالعت خالد وخليفه .. قلت : اش حاالكم عيااال عمي ...؟؟ خالد : بخير الحمدلله بنت عمي ومن صووبج ..؟؟ قلت : بخير الحمدلله .. ابويه ابتسم لي وقاال : تعاالي بنتي يلسي يمبي اشتقنا لج .. ابتسمت له وتجدمت عنه ويلست يمبه .. ابويه قال : شخباارج بعد ..؟؟ قلت : بخير ... ابويه ابتسم وقاال : زاايد شخباااره ويااج .. ( طالع زايد وقال ) لو قاايل لج شي خبريني هههههه ابتسمت لأبوي وقلت : لأأأ مب قاايل لي شي .. زايد ابتسم لأبوي وقال : آفااا عمي شهد بعيوني .. أبوي ابتسم وقاال : والنعم بك يا ولدي ... عمي سيف : شهد مب جنج ضعفاانه .. طالعته وقلت باستغرااب : أنا .......!! شهااب يطالع عمي سيف ويقول : هي صدقه واايد ضعفاانه .. قلت : حراام عليكم زدت كيلوين وتقولون ضعفاانه .. خليفه يبتسم ويقول : ما عليج منهم بنت عمي .. غيرااانين .. ابتسمت وقلت : من شووو يعني ههههههههه زاايد ابتسم لشهاب وعمي سيف وقاال : تبون عمي يحرج عليه هااا ..ههه ...؟؟ شهاب : لا لا أنا ما اقول الا اللي اشوفه هههههه ابتسمت وقلت : بو وليد وينه وليد افتقدته وااايد .. خالد ابتسم وقاال : فالبيت مع خلود الحينه بتييبه .. قلت : هي عيل بترياااه .. وااايد اشتقت لسوالفه .. خالد ابتسم وقاال : يتذكرج وااايد ويسأل عنج .. قلت : سألت عنه العاافيه .. ( طالعت عمي سيف وقلت ) وحرمتك ..؟؟ عمي سيف ابتسم وقاال : عند أهلها .. قلت : هي حليلها ما تروووم تقوووم سمعت من بعد العرس واايد تعبت .. عمي سيف : محد قاال لها لبسي هالكعب اللي أطول عنها .. قلت : عمي تعرف عاااده بنا نحن البناات ههههه عمي بو خاالد ابتسم وقاال : هاا عيل زاايد وين بتسكن بنتنا .. زايد ابتسم وقاال : هالأسبوع بنتم فالعين والأسبوع اليااي انشالله بننقل دبي .. عمي بو خالد : انشالله .. ابويه : بس هاا عاده نحن نبا نشووف بنتنا مب مره تقطعون .. زاايد : لا أفاا عليك عمي نحن حااضرين وتحت أمرك اي وقت تبانا نيي بنيي .. |
الحلقه الثانيه و الثلاثون .. انا اترجاك انا منك وفيك ... ولا لي حد فالدنيا سواك دخيلك روف بي ربي يهديك ... تذكر كيف يذبحني غلاااك ابويه ابتسم وقاال : هذا بو سعود قاايل لنا جذا والحين ما نشوفه الا كل اسبوعين ولا ثلاااث مره .. عمي بو خالد ابتسم وقال : كبرو العياال كلهم .. ابويه ابتسم وقاال وهو يطاالع زاايد : حمداان وينه من من يومين ما ينشااف .. زايد ابتسم وقاال : روحي مدري عنه والله .. صااار لي يومين مب مرمسنه .. ابويه ابتسم وقاال : معذوور .. خليفه ابتسم وقاال : يعني يوم بكون معرس .. ما بعرف عن أخباارك خلود هههه شهاب ابتسم وقاال : شفت خاالد أخوك صدق خااين .. قلت : هالثنين ابد ما يوزون عن سوالفهم هههه ابويه : الكل يتغير الا شهاب وخليفه ههههه وقفت وقلت : عيل أنا بروووح عند البنااات وبقعد وياهن شوي قبل لا نروووح .. عمي : هي خلود ذالتنا شهووود وشهوود ههههه ابتسمت وقلت : علني افدااها .. يلا عيل بشووفكم ع خير .. طالعت زاايد .. زاايد طاالع تلفونه ورد طالعني .. فهمت ان قصده برمسج فالتلفون متى بنظهر .. اشرت له بعيوني أوكي .. وطلعت من الميلس .. تجدمت صوب الصاله .. سمعت صوت شيما وهي تقول : وقفي شهوود .. وقفت بمكاني وقلت : خير اش صااير .. شييوم : ردي الميلس .. ابتسمت وقلت : شالسالفه .. شييوم : هممم روحي وبعدين بخبرج .. ابتسمت وقلت : ليكووون شي من خراابيطج .. شييوم ك هالمره بيعيبج يلا سيري .. ابتسمت وقلت : أوووكي ويا رااسج .. × × ............... : هي ليييييييييش ...؟؟ منصور يبتسم ويقول : بس شفت سياارته فالعين قلت أكيييد رجع .. خالد : هي اليوم الظهر يو .. منصور : زين .. رمسني أمس وقاال بيتم أسبوع فالعين وعقب بيرجع دبي .. خالد : هي بيستقر هنااك خلااص .. منصور : بس يااارياال اهني هله ونااسه جييه يروح هنااك ,, خالد : انت ادرى عااد زيود من يوم يومه كله في دبي .. وبعدين هو مستقبله هنااك .. منصور : هي صح .. الله يعين بنت عمك لما تتأقلم مع الوضع هناااك .. خالد : لا لا تحاتي هذي متربيه هنااك ما يبالها تتأقلم .. منصور يبتسم : عيل زين .. خالد : هي ترا الحبيبه من دبي هاا ..؟؟؟ ههههه منصور يبتسم ويقول : الوالده بتروووح هالأسبوع انشالله .. خالد : من وين تعرفها .. منصور : ما أعرفها .. بس هي أخت ماايد الـ ............... عرفته .. خالد : هي عرفته يوم رحنا منحه لبلاد برع .. منصور : هي هو .... خالد : اها .. والله نااس ونعم فيهم .. منصور ابتسم وقاال : هو عنده أختين عاده ما أدري أي وحده بتعيب الوالده .. خالد : بيصير خير يا رياال لا تحااتي .. منصور : فاتحتك ابوووك بالموضوع .. خالد مستغرب : اي موضوع .. منصور : سالفة نوف أختي .. خالد يطالعه ويقول : جيه أختك واافقت .. منصور : رمستها الباارحه يوم كنا بروحنا .. ما ردت عليه بس شكلها بتوافق لأنها قاالت اللي تشوفه .. خالد ابتسم وقااال : والنعم بها والله .. منصور يعقد حياته ويقول : محااارمنا ......... خالد يضحك ويقول : خلااص خلااص .. انزين انت قلت لها انه أنا اللي متقدم لها .. منصور : ما يخصك ... انت فاااتح ابوووك بالموضوع ويصير خير .. خالد : انزين ابا راايها قبل .. منصور : جيييه قالو لك أجاانب .. خالد يضحك ويقول : ياابوك ما قلنا شي بس ما نبا هالحسااسيااات تستوي بينا العاايله .. منصور يبتسم ويقول : ما عليك انت رمس ابوووك .. خالد : على خير انشالله .. منصور : اليوم ترمسه سمعتني .. خالد يضحك ويقول : انشالله ابويه .. شي ثااني بعد .. منصور يبتسم : ماشي .. خلاااص .. خالد : يلا نرووح المكتب .. منصور : يالظااالم بسك شوه انت اذا قالو لك ارقد فالدواام بترقد بعد .. خالد : ههههه صل ع النبي يا ريااال .. منصور يبتسم ويقول : صلى الله عليه وسلم هههه .. بس ماشي رووحه للمكتب .. خالد : عيل شو بنسوي .. يا رياال كرهت حيااتي .. منصور : بتتزوج وبتحب حيااتك مره ثاانيه .. خالد ابتسم وقاال : ويا رااسك هههه مدري انت من ساحرنك ومدخل سالفة الزوااج برااسك .. منصور : من غيره بعد زيووود قاام يمدح الزواااج واايد .. ويقول تزوجو .. خالد : شكله الريااال مبلتش ويبي يبلشنا نحن بعد .. منصور يضحك ويقول : ترااه مااخذ بنت عمك لا تنسى انك قااعد ترمس ع رووحك ههههه خالد : مب قصدي جذا .. هههه قصدي انه ما يروم يطلع شراات أول .. منصور يبتسم : هي الواااحد يوم عزوووبي يسوي اي شي ع كيف كيفه يا رياال .. خالد : اقول لك لا تتزوج هههههههه منصور : هي عسب اشيب و ولا وحده ترضا بي وورثي انت تااخذه هههههه خالد : طلعت ذكي ههههه أونك عاااد .. منصور : لا محد بياخذه غير أسوااار ... خالد : اقول بو أسواار يلا نرووح القهوى لأني مليت من الهيااته .. ههههه منصور : ع حسااب من .............؟؟ خالد : ع حسااابي ههه .. انت متى وكلتني ولا شربتني شي ع حسااابك .. منصور : يا خاااين العشره نسيت اني دووم كنت أطلعك ع حسااابي .. خالد ابتسم وقاال : هي نااسي .. ( بسخريه ومزااح ) ماشالله عليك حاتم الطائي دووم انت اللي تدفع .. منصور : قوول ماشالله عن تحسد كرمي .. ههههه × × .................. : وأنا أكثر والله .. خلود تيلس وتقول : متغييييييييييييييررررررررره وااايد ... قلت وأنا اقعد وابتسم : صدق لهالدرجه .. خلود : هي والله .. ابتسمت وقلت : يمكن من المكيب وبعدين عرست خلااص هههه استايلي كله ع بعضه تغير .. خلود ابتسمت وقاالت : وينها شذااوي .. شييوم : راااحت المطبخ تييب من الكيك .. خلود : يالخااايناات يعني قطعتن الكيك من دوووني .. شييوم ابتسمت وقاالت : اسمحي لنا عااد النسيب مستعيل ويبي يرووح جاان نقطعه .. خلود : ما عليه ..... شييوم : والله .. وبعدين هو ظهر الساعه اربع وربع .. والحين الساعه سبع المغرب وانتي توج يايه يعني كنا بنخيس لو نترياااج .. هههه خلود : هههه ويا رااسج .. شسوي بعد رااحت عليه نومه .. قلت : كنتي رااقده ...؟؟ خلود : هي كاان علينا امتحاان اليوم .. قلت : ها شو سويتي في الامتحااان ..؟؟ خلود : أوكي ماشي الحاال .. قلت : آفاا .. بس ماشي الحاال .. خلود : شسوي الأسبوع اللي طااف عرسج وما وحاني اذااكر غير السبت وخبصت في الامتحاان .. قلت : جيه ما اجلته لج ,. خلود : لأأأ أنا وشذووو رمسناها ما طااعت .. قلت : يلا انشالله تعوضين .. ( طالعت شيما وقلت ) وانتي شييوم ..؟؟ شيما ابتسمت وقاالت : عااد أنا ما تتوقعون شو سويت .. قلت : أكييد كتبتي ما اعرف الحل هههههه شيما ضحكت وقاالت : مو لهالدرجه عاااد هههههه .. قلت : عيل اش سويتي .. ............ : لحظه لحظه لا تسولفون ترااني ييت .. ابتسمت وقلت : تعاالي بعده ما طاافج شي .. شذى يت وقعدت : ههه زين أخااف يطوفني شي بعد ههههه شيما ابتسمت : ها ارمس خلااص ولا اشلون ..؟؟ قلت : ارمسي هههه شيما : انزين الله يطول بعمااركم .. اليوم المس عطتني الورقه .. رديت عطيتها اياها .. تخيلو شو سوت .. طالعتها متفاجئه وقلت : اش سوت ...؟؟ شيما : طالعتني معصبه وقاالت لييش رجعتيها حضرتج ..؟؟ قلت : اويه عصبت عليج وبعدين ..؟؟؟ شييوم تضحك وتقول : قلت لها مس تراا أختي كاان عرسها يوم الجعه وما وحااني أذااكر يعني اذا حليت لج الامتحاان مو بعيده ارسب .. ههههه قلت : صج نااقصه عقل هالبنيه وبعدين اش سوت .. شيما : قاالت خلاااص داام انه عرس أختج بأجله لج للأسبوع اليااي بس لا تعيدينها .. قلت : زين سوت .. ولا كنتي بتروحين فيها طلعت المس طيبه ههههه شييوم : ههه حليلها .. انزين جاان ارد عليها واقوول .. لا تخاافين مس ما عندي خواات أكبر عني المره الياايه بيكوون عرسي وبرجع للمدرسه بعد ههههههههه نقعت ضحك وقلت : عنلااااااااااااااتج ع هالرمسه .. خلود وشذى ضحكو معااي .. خلود ضحكت وقاالت : بخبر خلووف هههههه شييوم وقفت وقاالت : تعرفيني زين خلووودوووووه تبيني أذبحج يعني .. خلود : لا لا هههههههه التوبه ما بخبره مب نااقصه عمر أنا ههههههه شييوم : زين تعرفيني ولا كنتي بتروحين فيها .. قلت : شييوم مالت عليج شو هالرمسه .. شييوم : روحي ما ادري ههههههه .. صرت أم لسااان هع .. قلت : والله أحيد ع أياامي كنت مشكلجيه بس من تحت لتحت هههه شييوم : حتى أنا بس يوم الحين روحي لاازم أخذ حقي بروحي هههه قلت : الله يعين ابلواتج والله .. شييوم : محد يقول لهن حطن دوبكن بدوب شييوم .. خلود : الله يستر لو كل البناات صاارن شرااتج .. شييوم ابتسمت وقاالت : لا مااشي شرااتي مررره هههههه شذى : من تواضع لله رفعه .. شييوم ابتسمت وقاالت : انتي أخر وحده تنصحين عن الغروور .. هههههه قلت : سكتو شوي بناات هذا زاايد قااعد يتصل فيني .. شييوم : هدوووووووء قااااااااااايز ... قلت وأنا اوقف : عن اذنكن ... شييوم : تعاالي وين راايحه ..؟؟ قلت : ريلي قااعد يتصل بي برمسه وبرد .. شييوم : تعاالي اهني انزين ما بنسمعج ههههه قلت : سيري ولي .. أحسن لي أرووح قبل لا يصكره .. شييوم : صج مستويه نااقصة عقل شهووود .. خلود : حووه ما اسمح لج ترمسين ع بنت عمي .. شييوم : أختي قبل لا تكوت بنت عمج .. شذى تيود رااسها بيدها وتقول : اللهم سكنهم مسااكنهم .. أحس روحي يالسه ويا ريا وسكينه .. شييوم : عداال عاد انتي المؤدبه المحترمه .. شذى : بس أهون عنج ماماتيه ههههه خلود : لا انتي ولا هي .. أنا اللي أوكي هههههههه شيما تطالع خلود وشذى : لا لا كملت بعد .. × × رديت بسرعه قبل لا يصكر وقلت : السلام عليكم .. زايد : وعليكم السلام .. قلت : هلا زاايد .. زايد : هلا .. شو سااعه لما تردين .. قلت : السموحه بس كنت قااعده مع البناات .. زايد : صاار خير انزين صلي المغرب وبيي بمرج عسب نرد البيت .. قلت متفاجأه : هاااه ..؟؟ زايد : ع باالج بتباتين اليوم بيت أهلج .. اجهزي بسرعه عقب الصلاه .. قلت : لأأ بس اليوم ما بنتم ع العشاا بيت اهلي .. زايد : لأأأ اتصلت بالوالده وقلت لها انه بنروووح صوبهم ع العشا .. قلت : أوكي عيل بصلي وبتجهز .. زايد : بتصل بج واظهري .. قلت : أوكي عيل بترياااك .. زايد : مع السلامه .. قلت بحزن وأنا اسده : مع السلامه .. بندته .. سندت رااسي ع اليداار .. زااايد لييش يعاملني جذي ليييش ما يعاملني باحتراام لييش ما قاام يسأل عني مثل أول .. ليييش ما يحترمني مثل أول .. تعبت والله تعبت .. ليش وليش وليييش ملييييييييييت .. مشيت في الممر شوي شوي ... رفعت رااسي طااالعت شهااب واقف يبتسم لي ... ابتسمت له وقلت : هلا شهااب .. شهاب طالعني وقاال : اش فيها عروسنا زعلااانه .. ابتسمت له وقلت : من قااال ...؟؟ شهاب : من شكلج مبين .. قلت : لا حبيبي ما فيني شي بس أحس روحي تعباانه من الدرب .. شهاب : أهاا .. عيل ريحي .. قلت : لأأ الحين زاايد بيي ورااي .. شهاب : ما تميتي عندنا .. واايد .. قلت : أم زاايد تتريانا .. شهاب : هيه .. لو جذا عااد سيرو لها .. مسكينه بروحها .. قلت : هي ما عندها غير حرمة ولدها .. شهاب ابتسم وقاال : صارن حرمتين الحين هههه يعني ويع رااسها بيزيد .. ابتسمت وقلت : لأأأ حراام عليك أمااني ربيعتي .. شهاب ابتسم وقاال : ويا رااسج أمزح ههههه قلت وأنا أضحك : أتحراا بعد ههههه شهاب : يلا عيل أنا بظهر تامريني بحاايه .. قلت : سلاامتك .. شهاب تجدم عن الدري عسب ينزل .. قلت له : ترا البناات تحت .. شهاب : شسوي يعني .. قلت : بسوي لك درب .. خلود تحت .. شهاب بسخريه : لا والله .. الحين هذي اليااهل ما قاامت تظهر جداامي .. قلت : مب على جييه .. اش درااك البناات يمكن هب لااابساات شيلهن .. شهاب : حلاال عليه حرمتيه هههه ابتسمت وقلت : ويا راااسك .. يلا بسير بقول لهن انك بتنزل .. شهاب : لأأ ابا اشوفها .. قلت : بتشوفها انزين بس تريا .. شهاب : فخاطريهـ أطفر بها اليوم .. قلت : حرااام عليك روحها تعباانه تيي تزيد عليها .. شهاب : تعباانه ...!! بلاااها ........؟؟ قلت : ماشي .. ضغط الدرااسه وبعدين ياويلك لو تقول لها شي سمعتني .. شهاب : سمعا وطاعه أختي العرووس .. ابتسمت وقلت : الحقني .. شهاب : يلا .. سوي لنا درب عسب نشوف الملكه سنو وايت ... نزلت وطالعت البنااات قاعدااات ويسولفن .. قلت : بناات شهااب بينزل الحين .. خلود عدلت شيلتها بسرعه .. شييوم قاالت : يعني الملك اونه عسب يخبرنا قبل .. شهاب طاالع شيما وقاال : سكتي أحسن لج سمعتيني .. شيما: زين زين بسكت ... خلود ابتسمت وقاالت : اش حااالك شهااب ... شهاب يطالع خلود ويقول : بخير بطيخه .. انتي اش حاالج ...؟؟ خلود تطالعه بنص عين : من شفتك مب بخير .. شهاب : أحسن .. خلاااص يوميا شوفيني عسب تكونين مب بخير ونفتك منج .. خلود بطلت عيونها : يتبلى عليه .. شهاب : أنا اش لي انتي اللي يالسه تقولين مب بخير من شفتك .. خلود : خلاااص سحبنااها الكلمه ... قلت : شهاابوه بلاااك ع البنيه .. شهاب ابتسم لخلود وقاال : أحب أطفر بها هاليااهل .. خلود : هه .. يبا يرفع لي ضغطي بس .. شهااب : أقول لج أحسن عسب نفتك منج .. خلود : شهووود شوووفيه شو يقوول ..؟؟ طالعته وقلت : شهاابو بس عااد ... شهااب ابتسم وهو يتجدم صوب البااب وقاال : يالياااهل .. هههههههه طلع شهاب .. خلود عقدت حياتها : هالانساان مليييييييييق بس يحب يطفر باللي يدامه .. ابتسمت وقلت : ههههه بس حبوب .. خلود : هي داافعي عنه ترااه أخوج .. قلت : هههههه .. انزين بناات أنا بصلي وبرووح بيتي .. شييوم وقفت : لااااااااااااا ... خلود : شهووود حراام عليج ما مدااانا نيلس ويا بعض .. ابتسمت وقلت : مره ثااانيه انشالله بيي .. خلود : حرااام شهووود لا تروووحين .. قلت : عموتي حليلها تتريانا .. وبعدين مره ثاانيه بيي لكم .. خلود : انشالله .. شيما : كله من هالزااايد أكيييد يقول لج يلا نرد .. قلت : حراام عليج شييوم .. خلود : ما أسمح لج ترمسين عن نسيبي سمعتي .. شيما : من زين نسيبج عااده .. قلت : صدقها خلود ههههه ما أسمح لج .. شييوم : بس نحن نبااج والله .. قلت : حتى أنا أبااكم والله بس الحين خلااص أنا في نااس ثانيين بعد يبوني .. شييوم : انزين خلااص سيري بس تردين لنا مره ثاانيه سمعتي .. قلت : انشالله .. حتى انتو تعاالو عندي .. خلود : هالأسبوع هي .. لأنج فالعين بس الأيااام الياايه ما أعتقد ترااج بتروحين دبي .. قلت : هي صح .. بس يلا انشالله ايي لكم اسبوعيا .. خلود : تصدقين بيتكم هب شي بدونج .. شييوم تتخصر : يعني أنا هب تاارسه عينج هااا .......؟؟ خلود تبتسم : لا بس والله بدون شهوود مب شي .. لأنه يكون أحد نااقصنا .. قلت : معلي بتتعودون ع فراقي ههههه شيما : يلا عيل صلي قبل لا ايي نسيبنا الكريم ويوديج .. قلت : هي عن اتأخر بس .. × × برع الفلهـ .. يدااام الباااب العود .. قااعد في سياارته ويسولف مع ربيعه فالتلفون ... .. خليفه : هي .... لالا بنتلاااقى عندك انشالله .... هي عمووور بيي وياايه ............ أقول بو جاسم حبيبي بتصل بك خلاااف ........ لا لا هب مشغول بس النسيب ياااي صوبنا ... أوكي عيل .......... يلا فمان الله .. بعد ما خلص خليفه مكالمته ,,, نزل من السيااره وهو مبتسم ووقف تجدم عن سيارة زاايد اللي نزل بعد .. تخاشمو .... خليفه : اش حاالك النسيب ...؟؟ زايد ابتسم : بخير الله يسلمك .. ومن صوبك ..؟؟ خليفه : بخير الحمدلله ... ( ابتسم وقال ) ها ياااي تااخذ الحرمه .. زايد : هي .. الوالده تتريانا فالبيت .. خليفه : هي حليلها ما شاافتكم من عرستو .. زايد : هي حليلها ... متولهه علينا هههه خليفه ابتسم وقاال : تباني اسوي لك درب .. زايد : ما يحتااي حبوب ... الحين بنت عمك بتظهر روحها متصل بها .. خليفه : هي عيل .. يلا حبيبي تاامر بحاايه .. زايد : سلاامتك حبيبي ... خليفه : عيل أنا بروووح عند الربع ... زايد : الله وياااك .. خليفه ابتسم له وتجدم صوب سيارته وركب زايد رااح صوب سيارته وركب .. جدمها عن الفله .. ووقفها يدااام باااب الصااله العود .. تريا الين ما تظهر شهد .. × × بستها وقلت : الله يخليج لنا فديتج .. ماماتيه : ديري باالج ع روووحج حبيبتي .. قلت : انشالله أماايه وانتي بعد .. أماايه : انشالله حبيبتي .. يلا سيري شكله ريلج يترياااج .. شييوم : تريي بقطع لج من الكيك .. قلت : لا شييوم حبيبتي خليه حقكم .. ما فيني أمتن هههه أماايه : ودي لعمتج حبيبتي .. قلت : أوكي حطي بس لا تكثرين .. شييوم : وبعدين نحن ببيتنا انتي أدرى ما ناااكل ههههه قلت : هي اسم الله عليه أنا اللي كنت دحيحه اهني ههههه ولا انتن كلكن عصعوصااات .. شذى : وينه عمي سيف يسمع هالكلمه هههه قلت : هههه وأكثر وحده خلود .. خلود : حرااام عليج هههه قلت : هههه أماايه قولي للخدامه توديه للسياره عن أتاأخر بس .. أماايه : انشالله .. قلت : عيل سلمو ع مرت عمي أحلااام ما شفتها .. أماايه : ادعي لها الله يسهل عليها .. لأنه حملها بعده مب ثاابت .. قلت : يلا ربي يسهل عليها .. وتربي بالسلامه .. أماايه : آمييين .. قلت : يلا عيل أنا بروووح ريلي يتريااني .. أمايه تمشي ويااي .. قلت : لا أماايه سيري دااخل مابي برووح روحي .. أماايه : الين بااب الصاله انزين بس .. ابتسمت وقلت : فديتج علني ما خلا منج .. أمااايه : يلا فديتج عن تأخرين ريلج .. قلت وأنا أفتح البااب : هي مب نااقصه أتمشكل ويااه هههههه أماايه ابتسمت وقاالت : اش هالرمسه بنتي .. ابتسمت وقلت : أمزح ... هههه أماايه : مو زين بعد .. قلت : أماايه صكري السالفه تقربنا منه عن يسمعني بس هههه أمايه ابتسمت وقاالت : من يووومج مشكلجيه هههه ابتسمت وقلت وأنا ابوسها : يلا عيل أنا بركب الحينه .. أمايه : فديتج ديري باالج ع رووووحج .. قلت : انشالله للمره المليون ماما ههههه امايه : شسوي بعد احااتيكم وحده فــ بوظبي والثانيه جريب بتروح دبي .. قلت وأنا أفتح بااب السياره : الثالثه بتعيش يمب بيتكم هههه أماايه ابتسمت وقاالت : انشالله ... اش حاالك ولدي زاايد .. زايد نزل من السيااره وتجدم عن أماايه وبااسها ع رااسها وقاال : بخير ربي يعاافيج أماايه .. ومن صووبج ..؟ أمااايه : حالٍ مديم ولدي .. أنا بخير ربي يعاافيك .. زايد : يلا عيل أماايه نحن بنروووح تاامرين بشي .. أماايه : سلامتك ولدي بس دير باالك ع شهد .. زايد ابتسم وقاال : شهد فـ عيوني أماايه لا توصين .. أماايه : فيك الخير ولدي .. يلا عيل .. أنا بدش دااخل .. وهالله هالله فالدرب .. زايد : انشالله أماايه .. يلا فمان الله .. أماايه ابتسمت لي وقاالت : فمان الكريم ولدي .. أماايه تجدمت عن الصاله ودشت دااخل .. أما زاايد تجدم صوب السياره ودخل .. بعد ما بند البااب .. طالعني وقاال : تبين شي ولا خلااص ..؟؟ قلت : لاأأ مابي .. زايد حرك السيااره وقاال : شخباارج ...؟؟ قلت : بخير ربي يعافيك .. زايد : تأخرتي واايد .. قلت بطريقه عاديه كأني متأقلمه مع زاايد : حراام عليك وأنا أباا أتم أكثر عن جذي .. زايد طالعني باستحقاار ورد طاالع الشاارع وقاال : هي عسب يحلا لج الجو بدوني .. استغربت ... طالعته وقلت : بلااك زاايد .. زايد مد يده للمسجل وقال : ماشي .. خلااااص .. قلت : برااايك .. زايد علا ع صوت المسجل وأنا مستانسه لأني اليوم كنت مع أهلي أحبااابي اللي مالي بهالدنيا أحد سواهم .. وما شفت أحد غيرهم .. هم اللي استحملوني .. وحبوني غير أماايه عدتني بنتها ويمكن أكثر بعد .. طول الدرب ونحن سااكتين ما خذينا واايد يمكن قريب العشر دقاايق وزاايد دخل السيااره في فله .. سبق وييت لها لما زرت أمااني ربيعتي وبعدها خذيت موقف غلط من زاايد اللي اعتقدت انه زوج أماااني .. طلع عنده اخو اكبر عنه بس أخوووه عاايش فالعين وهو في دبي .. غير جذي أماني بذااك اليوم ما كاانت تعرف انه زاايد موجود وقاالت محد فالبيت غير ريلي وأنا فهمت السالفه غلط .. غير اللي شفتها مع زاايد في صحارى صدق أخته ما جذب عليه .. كاانت منى ويااه .. وأنا راايحه ورااده بفكري بين هذا وهذا ... زايد فاجئني يوم قاال : شو شكلج مب نااويه تنزلين .. طالعته وقلت : لا لا بنزل بس سرحت شوي .. زايد ابتسم بسخريه وقاال : أكيييد .. دااام شفتي ناااس اليوم قلت وأنا ابتسم عسب اغايضه : هي ترااني اليوم شفت حبيبة ألبي شييوم .. زايد : انزلي انزين الوالده تتريانا .. نزلت ونزل زاايد بعد ما ضغط ع الريموت عسب تنقفل السياره .. مشا .. رحت صوبه ومشيت ورااه .. قلت : في أحد ولا ...؟؟ زايد وقف شوي ووقفت يمبه قال لي : لأأأ محد .. مشا ومشيت يمبه .. يود يدي ... استانست من حركته ومسكت يده .. بس انكسرت فرحتي يوم تذكرت انه هذا شكلنا وبس .. زايد بس يرااوي النااس انه يبااني و هو ما يبااني .. آآآه منك يا زاايد ... ناااوي تعذبني ويااك ... نااوي تقهرني ... تذبحني بصدك وأنا اللي ضيعت عمري وأنا أدووور رضاااك .. بس مره حااول تفهمني .. اني على كثر اللي قلته وشلته بقلبي الا اني يوم من الأياام ما قدرت أكرهك .. لأني أحب بسرررعه بس أكره بصعوبهـ .. عكس النااس أنا ... دخلنا الفله ... وقفت ع اليمب زاايد صكر البااب وقاال بصوت عاالي : صدى ... صــــــــدى ... يت وحده شكلها خدامه وقاالت : نعم ...؟؟ زايد : سيري ازقري الوالده .... صدى : انشالله .. طالعته وقلت : يمكن رااقده .. زايد طالع ساعته وقاال : لأأأ بعده سبع ونص .. باااجي ع أذاان العشاا عقب بترقد .. قلت : آهاا .. عيل نرووح لها مسكينه يمكن تتعب يوم تيي .. زايد : هي أحسن ... زايد مشا ومشيت ورااه جني أصغر عيااله بس لاازم أستحمل أنا اللي وافقت عليه ولاازم أستحمل صده وبعاااده عني ... زايد وصل لحجره .. تحت ودق البااب ثلاااث .. سمعنا صوت : ادخل .. دخل زاايد وهو مبتسم ورااح صوب امه وبااسها ع رااسها .. وقاال : اش حاالج يالجنه ... أم زاايد ابتسمت وقاالت وهي تضم رااسه لها : بخير ولدي ... زاايد : وينج نسأل عنج غريبه مب ياالسه فالصاله .. أم زاايد : سألت عنك العاافيه ولدي بس كنت ياالسه أقرا قرآن .. زايد : تقبل الله يالغلا .. أم زاايد طالعتني وقاالت : بنتي تعاالي فديتج .. تجدمت عنها وسلمت عليها وبستها ع رااسها وابتسمت لها ... أم زاايد تقول : وخر عني خل هالحلوه تيلس يمبي .. زايد يضحك : افاا افاا الحين نسيتيني .. أم زاايد : ترااك ولد اش تبا بالدلع .. خله للبنات هههه زاايد : يعني الدلع خلااص بيرووح عنيه ههه أم زاايد : هي خلااص ... هههه ... اش حاالج بنتي ..؟؟ قلت : بخير أماايه ومن صوبج ..؟؟ أم زاايد : بخير بنتي .. تو ما نور البيت والله .. قلت : النور نورج أماايه .. أم زاايد : متعشين يا عيال ولا ...؟؟ زايد : لأأ أماايه .. ميت يوووع مشتهي طبااخج فديتج .. أم زاايد ابتسمت وقاالت : فديتك أنا ... يلا عيل دل حرمتك الحجره وعقب انزلو عسب نتعشا .. زايد : لأا اماايه ودي أسولف ويااج اليوم .. عقب صلااة العشاا بنتعشاا .. أمايه : انشالله .. يلا عيل بنتي سيري حجرتج ويا ريلج .. وريحي لو تبين .. الين العشا .. قلت : انشالله أماايه .. زايد وقف يمب البااب وقاال : لأأ بنيي نيلس عندج .. أماايه : انزين انت تعاال بس البنيه يمكن تبا تريح ههههه ابتسمت وقلت : لأأأ أمااايه بيي بيلس وياااج .. أماايه : فيج الخير بنتي ... زايد : يلا شهد ... قلت : يلا عيل أماايه عن اذنج .. أماايه : سيري فديتج البيت بيتج .. لحقت زايد اللي بدا يمشي وصعد ع الدري وأنا وراااه ... زايد : ليييش ما قلتي انج بتتمين ويا الوالده .. قلت : هي ترااني بروح لها بس خل أغير .. زايد وهو يمشي ع الدري : رمسيها عدل سمعتي .. ما قدرت أراادد لأنه نحن مو بحجره روحنا أخااف أحد يسمعنا .. قلت بهدوووء وأنا أمشي ورااه : انشالله .. زايد وهو يمشي : غيري وانزلي ع طوول .. قلت : انشالله .. زاايد وهو يمشي فجأأأأأأأأأأأأأأأأأأأأأأأأأأأأه وقف وقاال : شـــــــــــــــــــــت .... وأنا وااقفه ورااه وكنت لااهيه بعاالم ثااني انصدمت ورجعت ع رواااااااا من الخوف والربكه لأني تخرعت صدق ... حسيت روحي شوي وأطيح من ع الدري .. ما حسيت الا بزاايد يمكسني ... وجعني لوقفتي الأوليه .. رفعت رااسي وأنا أتنفس .. بصعوبه حسيت روحي نجيت كنت بتكسر عدل .. زايد وهو مااسكني قاال : انتي بخير ..؟؟ قلت وأنا حاااطه يدي يداام ويهي وأتنفس بصعوبه : هي بخييير ... زايد وقف عدل ومسك يدي وقاال : صاار لج شي .. قلت وأنا أسحب اشيل يده اللي ماسكتني .. : لا ما صاار .. زايد ابتسم وقاال : بلااج لهالدرجه تخرعتي .. قلت : هي واايد خرعتني .. زين رااسي ما تكسر ولا طحت .. زاايد ابتسم وقاال : واايد تخرعتي شكلج .. قلت : خير انت لييش وقفت فجأأه ..؟؟ زاايد : الجنط في السيااره .. بس انتي ماشالله تخرعتي عدل الله يهديج .. قلت : لأأأ بس تفاجئت .. لأني كنت سااهيه .. زاايد : أكييد باالج بعيييد ... ما رديت عليه وقلت : خل ينزلون الجنط .. زايد مشى وقاال : الحين بقول لهم انتي تعاال الحجره .. لحقته وأنا بعده قلبي يدق .. أحس رووحي بمووووت من كثر دقااته صج خرعني عدل .. أنا ما أدري لييش علقت .. شو يااني قمت أخاااف بسرعه ما احيد روحي كنت جذا .. بس في شي فرحني قربه مني .. حتى يوم انه مسكني كاان مبتسم .. بس يمكن مبتسم لأن فيه الضحكه من شكلي اللي كاان وقتها أكيييد غلط .. زاايد فتح بااب الحجره وقاال : دشي ... دخلت ووقفت بصوب .. زايد دخل وقاال وهو راايح صوب الكبت : بندي الباااب .. بندت البااب وتميت وااقفه بمكاني .. زايد لف طالعني وقاال : سوي اللي تبين حجرتي هااي .. طالعته وأنا مستغربه .. يا كثر أناانيتك يا زاايد .. قال حجرتي .. حتى الحجره ما جمعها .. أعوووذ بالله غروور فيه .. ما أعتقد هذا زاايد اللي كنت أعرفه .. هذا انساان ثااني أكييد مو زاايد اللي حبيته ووفيت له من قلبي .. تجدمت عن السرير وقعدت عليه .. طلعت العبااه وفريتها بصوب .. طالعته وقلت : ابا الملااابس .. زايد طالعني وقاال وهو يااخذ الفوطه : ملاابسج يابوها ذاااك اليوم كلها فالكبت واللي تبينه من الجنطه الحين بتيي الخدامه وقولي لها عن الجنطه .. قلت : أوكي .. طاالعت زاايد وهو راايح صوب الحمام وانتو بكرامه عسب يتسبح .. تجدمت عن الكبت .. بعد ما فتحته طاالعت ملااابسي .. طلعت لي لبسه زينه عسب البسها الحين .. حطيتها بترتيب ع السرير وجهزت أغرااضي عسب أتسبح .. براايها الجنطه خل رووحه زاايد يرمس الخدم مب متفيجه أنا وبعدين أغرااضي ياابوووهن من أسبووع اهني .. بس الشغلاات البسيطه بالجنطه .. طاالعت التلفون يضوي .. تجدمت عنه .. شفت رقم شييوم .. رديت وقلت : هلااأأأ والله .. شييوم : هلا وغلاا .. قلت : مسرع ما اشتقتو لي هههه شييوم : من زينج عااده هههه قلت : يلا عيل بااي ما تستاهلين ارمس ويااج .. شييوم : ويت ويت وين ...؟؟ لا تصكرينيه .. قلت : خير اش تبين .. شييوم : عطيني رقم مس منى .. قلت : ما أعرفه .. شييوم : خذيه عن ريلج .. بليييييز اباااه .. قلت وأنا أطاالع ويهي فالمراايه : قااعد يتسبح .. شييوم : أوكي أول ما يظهر خذيه عنه .. قلت : انشالله ... جيه تبينه .. شييوم : عسب ترمس مس الجولوجيا .. وتأجل الامتحاان .. قلت : لا والله .. داام جذا ما بعطيج .. شييوم : حراام سيس .. قلت : اجلبي ويهج .. ما بعطيج ايااه .. يلا بااي .. شييوم : أمــــــــــف .. صدق ما منج فاايده .. قلت : بلا هذره زاايده يلا بااي .. شييوم : بااااااي .. هه بعد ما صكرت عن شييوم بديت أمسح الميكب اللي ع ويهي وأتريااا زاايد لما يطلع وأروح أتسبح .. عسب أنزل وأقعد ويا أم زااايد ... |
الله يعطيج العافيه الحلوو ان اسمي موجود في القصه ههههههههههه بس حرام زايد جيه يسوي في شهود هي صدق واايد تغيرت المهم كملي انا ع خط ويااج |
السلااام عليييكم والرحمهـ .. اوووووو مااااااي قااااد ,, بلاااهـ زااايد ؟! لييييش جلب فجأهـ ؟؟ سااعات اقوول ايغاار ,, وساعات اقوول لا >< الله يعلم .. فـ انتظااار الباارت .. لاا تتأخريييين علينا .. السموحهـ .. |
اقتباس:
هههههه :wrd: الله يهدي زآيد ^^ نورتي غاليتي .. |
اقتباس:
أووو ماي قاد <<< تعجبني الجمله :Afk_r: الله يهديه زآيد .. جايز الاثنين ..! مسموحه بالحل .. نورتي غاليتي .. |
الحلقه الثالثه و الثلاثون .. لاخلت عيني من عيونك..ياحبيب القلب يالغالي زانت الدنيا من فنونك ..ياعزيزي طيب الفالي مايطيب الوقت من دونك ..يابها الاوقات وظلالي وأنا يالسه أمسح الميكب اللي ع ويهي .. تلفتت يميني وشفت زايد طلع ... ابتسمت وقلت : نعيما .. زايد : الله ينعم عليج .. تجدمت صوب السرير عسب أخذ ملاابسي .. ما حسيت الا بيد تمسكني .... لفيت وأنا متخرعه .. طالعت زايد يطالعني .... نزلت رااسي بسرعه .. زايد : شهوووود تعورتي اليوم ... قلت وانا منزله رااسي من الخوف ما فهمت شو قصده .. قلت : متى ...؟؟ زايد : ع الدري .. قلت وأنا أحااول ابتعد عنه : لأأأ ما تعورت .. زايد ابتسم وقاال : أوكي عيل يلا تسبحي عسب نقعد مع الوالده .. طالعته وأنا حدي مستغربه .. هالانساان ما أدري متى يعصب ومتى يكون رااايق صج والله ما ينعرف له .. ابتسمت بخووف وبديت ارجع على ورا وأنا مو منتبهه ... وأطاالع زايد وأنا مستغربه .. زايد قااال بسرعه : حااااااااااااااااااسبي .... عن تطيحين .. وقفت مكاني وأنا متخرعه رفعت رااسي وحطيت يدي ع قلبي وقلت : بسم الله الرحمن الرحيم ... زايد ضحك وقاال : شو فيج اليوم شكلج ما تطالعين .. ابتسمت ونزلت رااسي : قلت هي شكلي جذا .. زايد : طالعي دربج لا تطالعيني أنا ... جنج أول مره تطالعيني بحياااتج ... ابتسمت واستحيت نفس الوقت .. صدق أنا ياالسه أطاالعه جني أول مره بحيااااتي أطاالعه ... لفيت وخذيت اللي اباااه ورحت صوب الحمام وانتو بكراامه عسب اتسبح ... طالعت ورااي شفت زاايد مبتسم ويطاالعني ابتسمت له ودخلت عسب أتسبح .. × × عمر : لا والله ... خليفه : ياريااال صدقي .. عمر : أونك عاااد .. خليفه : براااايك مب مصدق لا تصدق .. عمر : مصدق بس مب مستوعب ههههه خليفه : ما أظن عمي بيوافق .. عمر : وليييش انشالله .. خليفه : لأنه البنيه السنه الياايه ثاالث ثااانوي وتوها صغيره ع الملجه .. عمر : مب صغيره دااام انها فالثاانويه .. خليفه : أدري بس اذا ملجت يمكن تهمل درااستها .. عمر : من هالنااحيه هي عمك يمكن ما بيوافق .. خليفه : تدري اجااازة الصيف أنا مااالج يعني مااالج ... مالي غير هالراااي .. عمر : ههههه كنت بلحقك بس مشكلتها خطيبتي صغيره .. خليفه : هي انتو عايلتكم كله يحيرون البنات وهن صغااار .. عمر : مب الكل ... نص ونص هههه خليفه : المهم انت منهم ههههه عمر : يا ريااال شنسوي بعد التطور ما ياااه صوبنا هههه خليفه : الوااحد يغير سستمه شوي مب كله من الصغر هذا لهاااي وهااي لهااا .. عمر : صاارت أغنيه هههههه خليفه : عنلااتك تنكت هااا ....؟؟ بس أحسن لأنه النت والموبايلات ماشالله مب مقصره .. عمر : صدقك ... خلاااص عيل عياالك اخطب لهم من هم صغااار .. خليفه : هي صااحي انت ... ههههه عمر : سنة الحياااه شنسوي بعد .. خليفه : اقوول غير السالفه صاار لنا فتره كله نرمس عن الزواج هههه عمر : سنة الحياااه يااريااال ... خليفه : بس صدقني الصيف بملج يعني بملج .. عمر : بلحقك الصيف اليااي مب ها هههههه خليفه : تعاال سمعت حسووون بيرد الامارات .. عمر : منو حسووون ..........؟؟ خليفه : حسن ربيع زاايد اللي كان في دبي .. عمر : ما أدري والله .. بس تزوج ياا ريااال فالسعوديه .. خليفه : هي سمعت جذي .. عمر : اهل سلطان الله يرحمه شخبارهم ...؟؟ خليفه : بخير الحمدلله .. سمعت خالد يرمس أخوووه ذاااك اليوم .. عمر : يقولون أخو سلطان يااه ولد وسموه سلطان ...؟؟ خليفه : هي الله يحفظه .. عمر : مب نااوي تروووح هالاسبوع صوب أهل دبي .. خليفه : لا شو ... هب متفيج خل رواحهم ييون .. عمر : حراام عليك .. ههه فصول وربعه تبااهم يودرون العز وييون صوبنا ... خليفه : هي بلااها العين .... عمر : بس دبي غير ابويه تنفع أكثر حق الطلعاات الشبابيه .. خليفه : صدقك ... بس طول الاسبوع نحن دوامات .. وأخر الاسبوع الا هم يومين الوااحد يرتااح فيهم وييلس مع أهله .. عمر : عيل بنشوووف الشهر اليااي يباالنا طلعه .. يا رياال كله قااعدين فالعين تقول حريم ههههه خليفه : هذا انته هههه أنا الاسبوع اللي طااف كنت فالشارجه .. عمر : اتصل بشهااب خل ايي صوبنا .. خليفه : دلوع ابوووه هذا .. ما يرد علينا .. عمر : بخبره يوم ايي تريا .. خليفه : أعطيه كااش فالويه هههه مب مقصر ترااني .. عمر : رحت الكليه اليوم ...؟؟؟ خليفه : هي .. حضرتك مب ياااي .. عمر : يا ريااال مب متفيج اليوم روحي مصدع .. خليفه : حق الكليه مصدع بس حق الطلعه لأأ .. عمر : منو بهالدنيا يصدع للطلعه هههه × × ............... : اكرمكم الله .. أم زاايد : وين بنتي بعدج ما كليتي شي .. ابتسمت وقلت : بسني أماايه .. والله كليت عدل .. أم زاايد : هني وعافيه بنتي .. رحت صوب المغااسل عسب أغسل يدي .. خذيت كلينكس ونشقت ايديني .. لفيت عسب ارد الصاله ... رفعت رااسي .. طالعت أمووون .. ابتسمت من خاااطر .. وقلت : آمووووووووون .. أماني تجدمت عني وهي شاايله شهد وباستني : هلا والله بالعرووس هلا .. قلت : هلا بج زووود حبيبتي ... أمااني : اش حاالج ..؟؟ قلت وأنا أمشي مع أمااني عسب نرد الصاله : بخير حبيبتي انتي اش حاالج واش حاال شهوود ..؟؟ أماني : بخير الله يسلمج .. دخلنا الصاله .. أماني تجدمت صوب أم زاايد وباستها ع رااسها : مساا الخير أماايه .. أم زاايد : مسا النور بنتي .. اقربي .. أمااني : مشكووره أماايه توني متعشيه مع حمدان .. أم زاايد : بالعااافيه بنتي .. أماني : الله يعافيج .. ابتسمت وقلت : عطيني ايااه ... أمااني : هااج هههه .... اش حاالك يالمعرس .. عسااك بخير ...؟؟ زايد ابتسم : بخير وسهالهـ حرمة أخوي .. انتي اش حالج ..؟؟ أماني : بخير الله يسلمك .. زايد قاام : أكرمكم الله .. أم زاايد : ولدي بعدك ما كليت شي .. زايد : أماايه بسني بصير بو تمبه ههههه أم زاايد : حراام عليك .. اروووحك ضعيفووون .. زايد : حراام عليج أمي هههه أماني ابتسمت : زاايد حتى وانت معرس بعدك صغير بعين أماايه هههه زايد : شسوي عااد أخر العنقووود هههه ع قولتهم .. أماني ضحكت وقاالت : أماايه خلج قااعده أنا بزقر الخدامه تيي تشل العشا .. أم زاايد : فيج الخير بنتي ... يلست ومعااي شهود الاعبها ... طالعت زاايد رووح صوب المغاسل .. شفت أم زاايد تطالعني مبتسمه .. قالت لي : تشبه منو الصغيرونه ..؟؟ قلت : والله ما أعرف اشبه .. بس يمكن أموون .. وماخذه شوي من فطيم .. أم زاايد : عااده ريلج هو اللي سماها ع اسمج ههه ابتسمت واستحيت وأنا ياالسه أطاالع زاايد مبتسم وهو يتجدم صوبنا .. أم زاايد : عيل أنا برووح بغسل ايديه وبرقد .. زايد : أماايه ايلسي وياانا شوي .. أم زاايد : والله ما فيني بس عشاانكم بيلس ربع سااعه ورااي نشه لصلااة الفير بعد .. ابتسمت لأم زاايد وهي راايحه صوب المغاسل .. قلت : حراام عليك الوالده فيها رقااد وانت الحين اجبرتها تيلس .. زايد ابتسم وقاال : ربع سااعه ما فيها شي .. طالعت شهد وهي رااقده بحضني تبتسم بستها .. وقلت : فديتها حلوه .. زايد : عطيني ايااها ... رفعتها وقلت : هاااك .. زايد شالها وبدا يلاعبها ويقول : فديتج انتي قلب عمج ... ابتسمت وأنا أطاالع زاايد يلااعب شهد .. أكييد يوم بيينا عيال بيلااعب عيالنا جذي .. بس زاايد ما يندرا له .. هذا اذا تمينا مع بعض .. نحن من أولها مب فااهمين بعض .. عيل حياتنا كيف بتكون .. :طالعت أم زاايد ياايه صوبنا مبتسمه .. يلست وقاالت : حراام عليك يودها عدل عن تعورها .. زايد : وانا اش درااني كيف يشيلون اليهاال هههه أم زاايد : بييك يااهل الحين انشالله .. وبتتعلم .. زايد طالعني .. نزلت رااسي مستحيه حسيت انه خدودي حمرت ع الأخر ... طالعت زاايد وقلت : عطني اياها .. زايد : خذيها خيستنا بروانها .. قلت : حراام عليك روانها عسل .. زايد : هي قااصين ع رواحكم .. هههه أمااني يايه : منو ..... سمعت أحد يرمس ع بنتي ...؟؟؟ زايد ضحك وقاال : قااصين ع روااحكم ترااا بنتكم أخسف وحده فالدنيا .. أماني : لا والله .. بنشوووف بنيتك كيف بتطلع هههه قلت : حراام عليك زيود حلوه شهودي .. ( لاعبت شهود وقلت ) صح شهوود .. حسيت الكل طالعني .. استحيت وابتسمت لأمايه وقلت : أماايه شوفيهم يرمسون ع حفيدتج ... أم زاايد ابتسمت وقاالت : بكسر رااسهم ... هههه زايد : أفا الغاليه تكسرين رااسي أنا هههه أم زاايد : الا حفيدتي عااده .. هذي غااليه .. زايد : شكلها نست ان عندها ولد اسمه زاايد هههه أم زاايد : لا انت تتم ولدي الصغير هههه أماني ضحكت وقاالت : سمعت الصغير .. زايد : عداال عاده انتي العوده يعني ههههه حسيت انه أمااني شرااات أخت زاايد وأكثر بعد ... ما أدري ليييش .. شكلهم اهني كلهم يحبونها .. أكيد لأنها طيبه ويااهم وزينه .. قلت وأنا أطاالع أماني : أموون كم عمرها بنتج ..؟؟ أماني : توها شهر .. قلت : واايد صغيره .. أماني : هي .. بعدها كتكوته هههه قلت : متى بتسوون لها مكاان للحلق .. أماني : يوم يصير عمرها شهرين ثلااث .. عقب يصير خير ههه زايد : مو بعيده أمها تلبسها هالشغااب .. ضحكت وقلت : هـ العود واايد ماال الأعرااس هههه أماني : لا عاد ما البسها ها هههه .. واايد عليها الطبي .. قلت : جي ولا جي شهوود حلوه .. صح شهووود .. زايد : طااعو حرمتي كيف ترمسها .. جنه بنتج تفهم عليها هههههه حسيت زاايد يمثل جداام أهله انه يموت فيني .. قلت مو بس هو باارع بالتمثيل أنا بعد أعرف أمثل .. : عدااال عااد يعني تبااني العب ويااها كيف .. توها صغيره .. أم زاايد : طلعت حرمتك تعرف لليهال أحسن عنك هب انت حتى ما تعرف تشيلهم هههه زايد ضحك وقاال : شكله كرتي طااح مع هالشهدتين .. ابتسمت وقلت : أمااايه عطووج الكيك ..؟؟ أم زاايد : هي بنتي الخدامه نزلته بس وين فيني أكله .. قلت : طعميه انزين .. هذي شييوم تقول الا تودينه لعمتج .. أم زاايد : فديتها .. شخباارها ..؟؟ قلت : توها متصله فيني تسألني عن رقم منى .. أم زاايد : حليلها ربي يسهل عليها الدراااسه .. قلت : آمييين .. أماني : شهوود حبيبتي عطيني شهوود شكلها متضاايجه من اللفه .. قلت : هي جنه القماط فتح ... أماني : هاتيها .. عطيت شهد لأماني .. طالعت زايد وقلت : شييوم تقول خذي رقم منى أبااه .. زايد مستغرب : جيييه ..؟؟ قلت : تقول برمسها عسب ترمس مس الجولوجيا وتأجل الامتحاان .. زايد : مريضه .. فيها شي ..؟؟ قلت : لاأأ .. قلت لها ما بعطيج .. زايد : قولي لها زاايد يقول لج لأأأ .. امتحني مع البناات .. قلت : أوووكي .. أمااني : ها متى عرس شييوم ..؟ قلت : حرااام عليج .. توها صغيره .. أماني : ههههه يلا بااجر بتعرس وتبتلش بالعياال شراتنا .. ابتسمت وقلت : لااحقه ع الشقا .. زايد وقف : يلا عيل أنا برووح برقد .. من يينا ما ريحت ... وقفت معاااه عساااس اني بمشي ويااه .. أماني : يلسي وياااي شهووود .. أم زاايد : خلي البنيه يمكن تبا تروح ترقد .. طالعت زايد وما رديت .. زايد طالعني وقاال : تبين تتمين تمي عاادي .. ما عرفت شو ارد .. جان أم زاايد تقول : أكيييد تعباانه نااشه من الصبح .. سيري ارقدي أمي .. أمااني : يعني أنا وبنتي بنتم رواحنا هههههه أم زااايد : سيري عند ريلج ... أماني : ولا عبرنا اليوم تعشا ورقد .. أم زايد : بنتي .. ريلج حليله دوامه الفير بااجر .. أماني : هي حليله .. الله يكون بعونه .. غير هذي الكتكوته طول الليل مخربه رقااده .. أخر شي اشلها وارقد وياها فصالة قسمنا .. زايد ضحك وقال : أحسن عسب ما تصيحين عقب وتقولين ما استوا لي عياال .. أماني طالعتني وقاالت : لا تفضحنا جداام حرمتك .. زايد : ما أدري منو اللي كااان يقول صاار لي سنتين متزوج وابا عياال ... هه يااااج الحين واستحملي .. أماني ابتسمت وقاالت : ولدكم انشالله يطلع أخس عن بنتي وصيااااح .. عمو قولي آمييين .. أم زاايد وقفت وهي تضحك : الله يهديكم .. يلا بسير برقد ... تصبحون ع خير .. قلنا : وانتي من أهله .. زايد : أنا بعد بسير برقد .. يلا تصبحون ع خير مرت أخي وبنت أخي .. أماني تقلده : وانته من أهله اخ زوجي الكريم .. ابتسمت لها ما حسيت الا بيد تحوط يدي فـ تحركت من مكااني ومشيت مع زااايد بدون ما أقول اي كلمه .. غريب هالانسان .. قبل شوي يقول لو تبين تتمين تمي .. والحين سحبني .. اش سالفته هذا والله ما ينعرف له .. يدينا نصعد الدري مسكني وقال وهو يبتسم : عن تطيحين مره ثاانيه هههه ابتسمت وقلت : لا هالمره مركزه انشالله ما أطيح .. زايد وهو يمشي وأنا أمشي يمبه .. مسك يدي وبدا يلعب فيها .. بديت ارجف .. خوف من زاايد .. شكله مب نااوي على خير أبد .. سحبت ايدي .. رد مسكها وابتسم لي .. نزلت رااسي وبلعت ريجي .. قلت : زاايد انت فيك شي اليوم .. زايد فتح بااب القسم وقاال : لا أبد .. دشي .. دشيت وأنا أطالعه .. مسك ويهي ولفه لي وقاال : طالعي جدامج عن تطيحين .. طالعت جدامي وتجدمت عن الحجره ورحت صوب السرير .. قعدت .. حسيت روحي تعبت من السوالف اليوم .. زايد تجدم عني وقعد يمبي .. وقال : لييش تطالعيني ..؟؟ قلت باستغراب : أنا ...؟؟ زايد : ههه عيل في حد غيرج اهني .... نزلت رااسي وقلت : ما أدري .. زايد : شو راايج بأمي ..؟؟ قلت : حليلها طيبه وعلى نياتها .. زايد : تحترمينها سمعتي .. قلت : أكييد من قبل ما تقول لي .. زايد : اتحرا بعد .. بديت العب بيدي .. وأنا ودي أصيح زاايد ليييش يعاملني جذي .. ليييش ما يعاملني عدل ولو عاملني عدل .. لمدة خمس ثواااني وبس .. حرام عليه والله حراام .. ما حسيت الا بيد زاايد تمسك ويهي .. رفع لي رااسي وقاال : بلاااج ...؟؟ قلت : ما فيني شي ... زايد طالعني وهو مستغرب .. وقف ورااح صووب الكبت وهو يطلع له ملاابس : شكلج مب نااويه ترقدين .. قلت : من قاال ....؟؟ لأأأ برقد لأني ميته تعب ... زايد ما عبرني وخذا ملاابسه ورااح يغير .. رميت رااسي ع السرير وأنا أتنهد الحمدلله ابتعد شوي .. هه خلااني اتنفس .. ولا كنت بمووت رعب منه .. غريب هالانسان .. << والله اللي يسمعني أقوول جذي .. يقول هذي ما كاانت تعرف زاايد ..أنا روحي أقوول جذي .. زاايد انت وااايد تغيرت علي ولا جني أعرفك .. مو انت زاايد اللي كنت أعرفه .. كنت انسااان ثاااني .. وصرت شي ثاااني ... ما اقووول الا آآآهـ .. من غلطتي .. أكبر غلطة غلطتها بحياااتي اني وفيت لك وحبيتك من كل قلبي يا زااايد ... × × واقفااات يداام بااب الحوي العود يترين البااص ... شذى : اشووفج مااسكه كتاب الجولوجيا .. شيما : هي ترا عليه امتحااان اليوم .. شذى مستغربه : جييه ما رمستي مس منى عسب ترمس مس نهله وتأجل الامتحااان .. شيما : ما عطوني رقمها .. أمــــــف منهم ما منهم فاايده هالأخوه .. شذى تضحك : تستاهلين .. شيما تتخصر : لا والله .. جييييييييييه انشالله ... شذى تضحك : من يقول لج لا تذاكرين عدل .. شيما : بـــــــــــــــــلا ....... وانتي شوووو عااد .. شذووه أخر وحده بالعالم تدرس .. شذى : بس أهون عنج هههه شيما تطالع شذى وتقول : بلاااج .. جيييه تطالعين ورااي .. شذى تضحك وتأشر وراا شيما : دوري .. شيما : مليقه وحدهـ .. ( لفت وجاااااااااان تتفشل ,, نزلت رااسها وقاالت ) هلأأ .. خليفه مبتسم : هلا والله .. صبااح الخير .. شيما وشذى : صباااح النور .. خليفه : اش حااالكن ,,..؟؟ شيما : بخير وسهالهـ ومن صوبكـ ..؟؟ خليفه : أنا بخير .. شيما تطالع شذى وترد تطالع خليفه : انت من متى وااقف اهني ..؟؟ خليفه يطالع شذى ويقول وهو يبا يضحك : انتي شو راايج ...؟؟ شيما تقول وهي ترفع جتوفها : مدري عنك والله .. خليفه : انزين ذااكري عدل ولا تأجلين امتحاناتج .. شيما مستغربه .. يعني سمعها وقالت : انشالله .. خليفه : يلا عيل أنا بروح المعرض .. تامروني بحاايهـ ...؟؟ شيما وشذى : سلامتك .. خليفه : انزين ذااكرن عدل .. وخاصتا انتي يا خطيبتي الكسوله .. شيما قفطت وقالت : يعني انت اللي كنت تذااكر عدل .. خليفه : لا يكثر بس ... يلا أنا سااير شيما عقدت حياتها وقالت : الله ويااك .. خليفه : اونج زعلتي .. شذى وااقفه ومتخصره : نحن هنا يا قوووم ... خليفه ضحك : ههههه انزين يلا مع السلامه .. شيما وشذى : مع السلامه .. بعد ما روح خليفه شيما : زين جي فضحتينا ... شذى تبتسم : مالي دخل .. وبعدين انتي رووحج كنتي ترمسيني .. شيما : لا يكثر بس .. يلا يلا عن البااص يروح عنه شكله ياااه .. × × دخل االمعرض وهو ميت رقااااااااد ... راااح صوب المكتب .. وقبل ما يدخل .. وقف طاالع العاامل .. قال : كريم ييب لي جاااي .. كريم :انشالله .. ............... : منو هذا اللي يشرب من صباااح الله خير جاااي .. خليفه يلف مبتسم ويقول : شو تبااني اشرب حليب ههههه منصور وهو ياااي دااخل : أحسن لك ههههه خليفه يزاعج : كريم اثنين جااي انزين ........ منصور وصل عند خليفه وقاال : صباااح الخير .. خليفه : صبااح النور .. منصور : اشووفك قمت تيي مبجر هالأياام .. خليفه : اش درااني الوالد محرج عليه من فتره ... منصور وهو يدخل المكتب مع خليفه ويقعدون : خير ...؟؟ خليفه : خير ... بس يقول ان سهرااتي قاامت تزيد عن أول .. منصور : صدقه الوالد .. وبعدين هو يخاااف عليك .. خليفه : شسوي يعني ايلس شراات الحريم فالبيت .. منصور : لأأأ بس دير باالك ع رووحك .. خليفه : والله ما يندرا لهم الشواب .. منصور يضحك : باااجر بتعرس وبتفتك .. خليفه : هي عسب تزيد العلل .. وتسألني وين راايح ومن وين يااي .. منصور : ما علينا .. وينه خالد ...؟؟ خليفه : رااقد فالعسل وأنا مطرشيني المعرض .. امـــــف .. منصور يضحك : فتره وبترد شرااات أول انشالله هههه خليفه : الله يسمع منك الواحد حتى ما يعرف يناام ولا يدرس بعد .. منصور : قاال يدرس .. ينام مصدقنك أما يدرس لأأ ههههه خليفه يضحك : عموور عنلااته مستاانس .. رااقد ما ورااه شي غير هالكليه .. منصور يضحك : عن تصكه بعين وباااجر أمه تقول له داوم غصب عنك هههه خليفه : الله يسهل عليه أموره .. منصور : آمييين .. × × بو شهاب قااعد محتااار .. يهز ريوله من التوتر ... أم شهااب يت ومعااها الجااي أم شهااب : اصب لك جااي ..؟؟ بو شهاب : هي شوي .. أم شهاب تعطيه الجااي وتيلس : خير عسى ما شر بو شهااب .. من الباارحه وانت مو على بعضك ...؟؟ بو شهااب : خير خير لا تحاتين .. أم شهااب : بس انت من الباارحه حتى ما رقدت زين .. شهااب نااازل : صباااح الخير .. أم شهااب وبو شهااب : صبااح النور ... شهااب يتجدم عن امه وابوه ويبوسهم ع رااسهم : اش حاالكم ...؟؟ بو شهااب : بخير ولدي انت اش حاالك ..؟؟ شهاب ييلس : بخير الحمدلله .. بو شهاب : شو مسوي فالدراسهـ ..؟؟ شهاب : تمام .. بو شهاب : امتحانات ولا كيف ..؟؟ شهاب : لا بااجي واايد ع هالترم .. بو شهاااب : عيل خلاااص جهز روحك من بااجر ابدا مره ثاانيه داااوم .. شهاب يبطل عيونه : ليكون المعرض ..؟؟ بو شهاااب : هي المعرض ... أم شهاب : بس عنده درااسه الولد .. بو شهاب : ما عليه عادي ... جيه بلااه المعرض .. هذا خليفه ولد عمك يداوم ... شهاب : ما بلاااه شي .. بو شهااب : عيل خلااص من بااجر الصبح ابدا .. شهااب منوقال لي اقول انه ما علينا امتحاانات : انشالله ابويه .. بو شهاب : ربي يحفظك شهاب : الله يخليك لنا أبويهـ .. يلا عيل أنا بظهر تامروني بحاايهـ ..؟؟ أم شهااب : سلامتك ولدي .. شهاب : يلا عيل فمان الله .. بو شهاب : فمان الكريم .. الله ويااك .. أم شهااب تطالع بو شهاب : جيييه خليته يدااوم .. بو شهااب : ما وراااه امتحانات .. أم شهاب : بعده الولد مو كبير واايد عسب يدااوم .. بو شهاب : بيدش 22 وبعده صغير ... عيل اللي أصغر عنه داومو وهو بعده ع هالجامعه .. أم شهاب : بس الجامعه أفيد له .. ع الأقل يحصل شهاده .. بو شهاب : خل ياااخد الشهاده بس بعد يشتغل .. يعتمد ع روحه شوي .. أم شهااب : سو اللي تشوفه .. صح .. بو شهاب : ترا ها الصح .. خل يعتمد ع روحه .. أنا ما بتم له طول عمري ... أم شهااب: ويه .. بعيد الشر عنك يابو شهااب .. بو شهاب : يا أم شهااب محد يعرف لي متى بيعيش .. وبعدين خل يعتمد ع روحه اللي كبره عندهم عياال .. أم شهااب : ربك كريم يا بو شهااب .. بو شهاب : ونعم بالله .. يلا عيل أنا بظهر تامريني بحاايه .. أم شهاب : سلامتك الغاالي .. بو شهاب : يلا عيل فمان الله .. أم شهاب : بو شهااب لو في شي مكدر خاطرك .. خبرني ولا حد من العياال مسوي شي مضايجك .. بو شهاب : أم شهااب قلت لج ما بلااني شي .. لا تفكرين .. أم شهاب : شقايل ما احاتي وانت جذا .. بو شهاب : لا تحاتين الا هو خربطه فالشغل مب شي ثااني .. أم شهااب : يلا الله يسهل عليكم .. بو شهاب : آمين .. يلا عيل مع السلامه .. أم شهاب : الله وياك الغاالي .. من بعد ما ظهر بو شهاب .. أم شهاب تجدمت صوب التلفون .. واتصلت بـ شيخهـ .. ردت شيخه : هلا والله .. أم شهاب : السلام عليكم بنتي .. شيخه : وعليكم السلام أماايه .. هلا .. أم شهاب : اش حالج بنتي .. عسااج بخير .. شيخه : بخير وسهالهـ أميه .. انتي اش حاالج واش حاال ابويهـ وخواتي وشهاب ..؟؟ أم شهاب : بخير ربي يعاافيج .. كلهم بخير .. شيخه : حال مديم انشالله .. أم شهااب : ويااج بنتي .. اش حاال ريلج وعيالج ..؟؟؟ شيخه : ريلي بخير الحمدلله .. بس عيالي .. سعود امممررره متضايج ما عنده أحد اهني .. أما حامد معذبني ليل ونهار يصيح .. أم شهاب : بيكبرون انشالله لا تشيل همهم .. مثل ما انتو كبرتو هم بعد بيكبرون .. شيخه : انشالله ... وبعد اش حاال عروسنا ..؟؟ أم شهاب : بخير الحمدلله .. شيخه : فـ خاطريه ايي العين بس شنسوي دوااام جابر .. أم شهاب : خلج مع ريلج أحسن لج وبعدين مستقبل عيالكم هنااك .. المكاان اللي يشتغل فيه ريلج .. شيخه : هي صح .. يلا ربي ييسر أموره .. أم شهاب : آمييين .. شيخه : مب ناوين تزورونا ..؟؟ أم شهاب : فخاطريه والله بس ما نقدر .. ابوج والمعرض شاغلنه .. وأخوج درااسته .. شيخه : الا هم يومين ما بيصير شي .. أم شهااب : يصير بنتي .. شيخه : وبعدين ع الأقل سعود وحامد يستانسون بداال هالوحده .. أم شهاب : انزين انتي تعرفي هنااك ع نااس لا تتمين يالسه بين اربع طوف .. شيخه : أماايه تدرين بي عاده أنا خواافه .. أم شهاب ضحكت : بعدها الدنيا أماان بنتي .. وبعدين انتي لا تتعرفين ع أي أحد .. شيخه : بشوف حريم ربع يابر .. أم شهاب : سلي روحج ودي العيال الحديقه ولا هالمول ع قولتكم .. يستانسون .. شيخه : بس حموود واايد صغير معذبني .. أم شهاب : وين معذبج الله يهديج .. توه صغير يسكت بالمصاصه .. شيخه : ما يرقد .. أم شهااب : انتي شربيه حليب عدل وبيرقد .. شيخه تضحك : أماايه أحيد يوم تقولين لي أشرب حليب يوم أنا فالثانويه هههه أم شهاب : جيه حسباالكم بس اليهال يشربونه هههه شيخه : لا بس هب لاايق علينا ههههه أحس روحي ياااهل .. أم شهاب تضحك : بااجر عياالج بعد بيكبرون .. شيخه : انشالله .. ع الأقل الهم يروح .. والواحد يروم يرقد .. أم شهاب : وين الله يهديج .. بالعكس الهم يزيد .. شيخه : لا أماايه وين .. الله يخليج يوم هم صغاار يصيحون .. أم شهااب : يوم يكبرون بيطلعون وبتحاتين رااح ويا منو .. ياالس مع منو .. بس يوم صغاار جداام عيونج يسو اللي يباااه .. شيخه : هي صدقج .. وبعد الحين غير .. أم شهااب : الحين الواحد يوم عياله في بيته يخااف .. من الكمبيوترات والتلفونات الله يستر ؟؟ شيخه : هي ع قولتج الله يستر ع العيال .. أم شهاب : شهد حليلها أمس يايه عندنا .. شيخه : والله ..........!! أم شهاب : هي ردت من دبي .. بيتمون هالأسبوع وعقب خلااص بيستقرون في دبي .. شيخه : وحده فبوظبي والثانيه في دبي هههه الله يعينج أماايه .. أم شهاب : زين الثالثه بيتها بيكون مجابل بيتي .. شيخه : اش درااج يمكن ريلها وداها الأفغاان ولا تركيا ههههههههههه أم شهااب : فاال الله ولا فاالج .. مره وحده الأفغان ولا تركيا .. الخليج قلنا هي ههههه شيخه تضحك : لا لا انشالله تسكن يمبج .. أم شهاب : آمييين ... يلا عيل حبيبتي .. أنا بودرج .. شيخه : تو النااس ماما خلج ع الخط .. أم شهاب : برووح بزهب أغرااض الغدا .. لييون خواتج من المدرسه والغدا مب زااهب .. شيخه : برايهن ياكلن صمون وجبن ههههه أم شهاب : وأبوووج وأخوووج ..؟؟ شيخه : لا عيل هذيل شي ثااني .. هههه سيري عيل زهبي أغرااض الغدا لا يوصلون والغدا مب جاااهز ويبدا الازعاااج .. أم شهاب : هههه يلا عيل ديري باالج ع روحج وعيالج عدل .. شيخه : انشالله وانتي بعد .. سلمي لي ع ابوي وشهابوه وخواتي ... أم شهاب : يوصل ... سلمي ع النسيب وقولي له هالأسبوع انزلو متولهين عليكم .. شيخه : انشالله .. يلا عيل تامريني بحاايه يالغاليه .. أم شهاب : سلامتج بنتي .. شيخه : ربي يسلمج .. يلا مع السلامه .. أم شهاب : مع السلامه .. × × بديت أجفف شعري بس عقب بندت المجفف .. أخااف أزعجه وهو رااقد .. ياربي شسوي الحين .. ايد ما احب شعري يكون مبلل .. نشفته بالفوظه .. كثر ما أقدر .. طالعت صوب السرير بعده زاايد راااقد ... هممم ملل شسوي .. غير اني يوعانه .. أطلع من الحجره ولا لأأأ .. أخااف أطلع ويهزبني ما يندرا له .. صح الباارحه ما كان في أطيب منه بس بعد هفااات ما يندرا له زيود ساعه طيب وساعه العكس .. بقومه ....؟؟ لا لا أخااف ينازعني .. وقفت وتجدمت عن السرير يلست عسب أنسدح .. دخلت فالفراااش بهدوووء عن ينش زااايد .. ما حسيت الا وزاايد يتحرك .. قلت فرصه عسب اوعيه اللي فيها فيها .. مالي دخل ميته يوع ... حطيت يدي ع جتفه وبديت أقومه شوي شوي .. : زيود ... زااايد .. زايد حط البطانيه ع رااسه .. قلت وأنا اقومه : زيووود حبيبي قوووم .. زايد شاال اللحاف عنه ,, : هممممم شو تبين ..؟؟ قلت : قوم بسك رقاااد .. زايد رد غطا روحه وقاال : خليني رااقد .. قلت : شو اخليك رااقد صاارت الساعه 11 ونص وانت بعدك رااقد .. قم يلا .. زايد يطاالع الساعه : وعيني الساعه اثنعش ... قلت وانا فيني صيااح : حراام عليك قوم مليت من اليلسه روحي .. ترييت رده .. بس عرفت انه رقد واذا قلت كلمه زيااده بيكفخني .. شسوي الحين .. وين اروووح .. ابا أكل ... ما في مطبخ تحضيري اهني بعد .. طالعت فالحجره ماشي ثلااجه ,, طلعت رحت صالة القسم .. لفيت بنظري .. شفت ثلااجه صغيره .. تجدمت عل وعسا أحصل شي ,, لأني ميته يووووع خلاااص بنتهي من اليوع .. خذيت لي من الجوكليت اللي فالثلاجه وشغلت التلفزيون .. ويلست ع الكنفه وبديت أكل الجوكليت وأنا ميته يوع .. طالعت صوب الحجره بعده الليت مصكر .. أكيد رااقد .. متى ينش .. أحيده فدبي يقوم قبلي واهني كله رااقد .. يمكن لأنه بيتهم .. << شو ها ,. صدق تفكيري مستوي تفكير يهاال هههه .. بس شسوي ميته يوع .. بعد ما خلصت الجوكليت مليت لين متى بتريا .. طالعت تلفوني محطوط ع الطاوله .. تجدمت صوبه .. شقت 2 مكالمات لم يرد عليها .. شفت الرقم .. رقم أبويه غريبه شو يبا ...؟؟ عسا خير بس .. بتصل به .. اتصلت وترييت لما ابويه يرد .. : السلام عليكم .. رديت : وعليكم السلام .. ابويه : هلا بنتي اش حالج ..؟؟ قلت : بخير الحمدلله انت اش حالك ابويه .. ابويه : بخير الحمدلله .. اش حاال ريلج ....؟؟ قلت : تمام الحمدلله .. ابويه : وينج من سااعه أتصل بج ما تردين .. قلت : السموحه ابويه التلفون كاان فالصاله وأنا كنت رااقده .. ابويه : هي .. زين عيل سمحي لي يمكن خربت رقادج .. قلت : لا لا عاادي ابويه اصلا أنا ناشه بس توني اشوووف المكالمه .. ابويه : زين ... بغيت ارمسج بموضوع ... قلت : خير ابويه مستوي شي ..؟؟ |
الحلقه الرابعه و الثلاثون .. ماعرفت اشلون يمشي هالدهر_ _ _و لا صفالي حال ما بين لثنين ان حسبته بزين ياني بالغدر_ _ _وان حسبته غادر(ن) ياني بزين حار فكري و لا بقالي من عذر _ _ _وإن عذرته ضاع عذري و اليقين صابر(ن) (ع)صبر و لا مل الصبر___صابر(ن) و اقول الله لي يعين ومن اتكل (ع)الرب ابدا ماخسر___ كل شي صعب في وجهه يلين ابويه : كل خير بنتي لا تحاتين .. قلت : خير انشالله بس شو مستوي .. ابويه : بنتي قلت لج خير اش حقه تحاتين .. قلت : ابويه اي خير وانت روحك مبين عليك متضايج ... ابويه سكت شوي وعقب قاال : شهد أمج تبا ترد الامارات ....... انصدمت تميت سااااااكته ما عرفت شو أقوول ... بس قلت : شو ....................؟؟ ابويه : قلت لج شهد أمج تبا ترد الامارات .. قلت : زيااره ولا ليييش ...؟؟ ابويه : تبا ترد تستقر اهني .. قلت وانا منصدمه : بس خلااص أنا تزوجت وشييوم بتتزوج بتقعد مع منو ..؟؟ ابويه : أنا روحي ما أدري .. قلت : جيييه اهيه ما تزوجت ..؟؟؟ ابويه : أنا روحي ما ادري بها .. قلت : والله ما ادري ابويه .. صحيح هي أمي واشتااق لها بس أنا اكلمها بالتلفون اسبوعيا .. ابويه : هي تبا تشوفكن .. قلت : بس اهيه بتي ومعاها أحد أكيييد ... ابويه : ما ادري ما رمستني جيييه ... قلت : ابويه خلني اشووف وأفكر .. ابويه : ما بغيت اسألج ..بس انتي بنتها العوده ولج رااي أكيييد .. قلت : افا يابوي وانت شو ...؟؟ انت الرااي راايك والشور شورك .. واعرف نحن ابد ما بنطلع من شوورك .. ابويه : الله يحفظج بنتي .. قلت : ويخليك لنا يارب .. ابويه : انتي فكري زين .. وأنا بعد .. ونشووف شو بيصير .. قلت : انشالله .. ابويه : تبين شي ثااني بنتي .. قلت : سلامتك بس انت لا تحاتي ابويه .. ابويه : وين أحااتي بنتي .. بس انتي لا تشيلين هم أنا بتصرف .. يلا الحين بصكر عنج ورااي شغل .. تامريني بحاايه .. قلت : سلامتك ابويه .. ابويه : يلا عيل فمان الله .. قلت : فمان الكريم الغاالي .. بعد ما صكرت عن ابويه .. طالعت التلفون .. غريبه شو سالفتها ماما تبا ترد .. ذااك الاسبوع كلمتها ما فتحت الموضوع وياايه .. بالعكس استانست يوم درت اني بااخذ زاايد .. الله يستر بس من اللي ياااي .. سمعت صوت .. طالعت صوب الحجره .. ما شفت شي .. وقفت وتجدمت طالعت زاايد مب ع السرير أكييد رااح يتسبح .. رحت بسرعه صوب المجفف عسب أجفف شعري وأحط ميكب خفيف .. لأنه بننزل عقب شوي .. بديت أبدع بويهي كـ العاده بس خفيف مجرد بودره وجحال وقلوس .. عدلت شعري .. تجدمت صوب الكبت طلعت لي درااعهـ غااويهـ ولبستها .. رحت صوب السرير .. ويلست .. تذكرت اني كنت يوعاانه .. متى بيطلع زاايد لأني ميته يوووع .. ابي أكل .. شوي وأمووت والله .. سمعت صوت البااب .. عدلت يلستي بسررعهـ .. طالعت زاايد طلع وبدا يجفف شعره بالفوطه .. ابتسمت له .. قلت : صبااح الخير ... زايد : صبااح النور .. قلت وأنا العب بيدي : ما بغيت تنش ... زايد رااح صوب الكبت وقاال : اثنعش الا ربع .. بالعاده أنش ثلااث اربع .. قلت : آهااا .. زايد : من حشرتج نشيت .. قلت مستغربه : حشرتى آنا ........!! زايد : هي يالسه تبربرين من الصبح ومدري متصله بمن من صبااح الله خير .. قلت : ترا الدنيا ضحى ,, وبيأذن الظهر عقب ساعه .. زايد ابتسم وقاال : زين لا تعصبين خلااص .. قلت : هي ع طااري اني متصله .. ترا ابويه هو اللي دااق .. زايد لف مستغرب : خير ...؟؟ قلت : كل خير .... بس الوالده تبا ترد .. زايد مستغرب ومب مستوعب : تبا ترد .. أمج اللي هي ايفا ,.. قلت : هي ايفا ... زايد : ولييش تبا ترد ...؟؟ قلت : عشانا ... زايد : ابوووج بيردها ولا ....... قلت : لا لا .. ابوي ما بيرجعها .. اهيه خلااص من زمااان من نحن يهال مو ع ذمته .. زايد : عيل ليييش ترجع ... حسيت كلامه حز بخاطري وقلت : أعتقد اهيه أمنا وبرايها ترجع ولا لأأأ .. زايد بسخريه : ما قلنا شي انزين ... وبعدين انتي معرسه وأختج بتعرس ... وين بتقعد ومع من ..؟؟ قلت : بتقعد ويايه .. لو مب عايبنك .. زايد طالعني وقاال : لا والله .. جيه البيت بيتج .. قلت : في دبي ......... زايد : هه في الأحلاام أماايه .. ما بسكّن أحد معانا .. قلت : ولييش انشالله هذي أمي .. زايد بسخريه : اخااف يييني عياال وتربيهم وتطلع تربيتهم شراات تربية أمهم ... فهمت انه يقصدني .. اصلا أنا هي أمهم .. ويرمس ع تربيتي .. قلت له بسخريه : صح ما كنت أعرف الصح من الغلط بس ما كنت ألعب ع النااس .. زايد ابتسم وقال : كل انسان وعقليته .. والولد شو ما يسوي ما ينعااب .. لفيت ويهي وتميت أطاالع صوب الدريشه .. قلت : زاايد ممكن تبتعد عن الألغاااز .. واي شي تبا تقوله قوله جذا بدون مقدمات وكاني ماني زايد ابتسم وقاال : ما عندي شي أقوله .. واللي قلته أعتقد فهمتيه .. حسيت روحي بختنق مع زاايد أكثرررررر بموووت لو قعدت ثاانيه وحده زياااده .. نااوي يذبحني بكلاامه يعذبني .. والله ما يندرا لك يا زاايد سااعه زين وسااعه شين ... اقول انك شين تصير زين .. والله ما أعرف شسوي .. وش هي أخرتها ما أدري ......؟؟ زايد طالعني وقاال : يلا ننزل عسب نتريق .. قلت : مالي خااطر .. زايد بجديه : يلا ننزل .. الوالد بتسأل عنج .. طالعته وقلت بدون نفس : انزين .. زايد ولا عبرني طلع صوب الصاله .. رحت صوب الكبت شليت ويااي شيله وحطيتها ع شعري ورحت صوب الصاله .. طالعت زاايد وهو لااهي بتلفونه .. ترييت لما يحس بوجودي بس شكله مندمج .. قلت : شكلك مب نااوي تنزل .. زايد رفع رااسه ورد نزل رااسه ورووح صوب البااب وفج البااب وظهر .. ما عبرني ... جاان الحقه وأمشي يمبه .. بس هو معطني أكبر طاااف .. أبد ما يحسسني اني زوجته جني انسانه غصب عنه موجوده بحيااته .. مب رااضي بوجودي معااه ... كأني حلم عاابر وبينتهي .. قلت بهمس : تريا شوي شوي .. وقف فجأه ووقفت معااه .. قال لي : سيري ييبي موبايلي الثااني من الحجره .. طالعته باستغراب وقلت : شوووه ...........؟؟ زايد : أعتقد انج سمعتي وما بعيد رمستيه ... طالعته وقلت : بس يمكن يوم أطلع يكون في أحد برع .. زايد : مثل منو بعني ...؟؟ قلت : اش درااني يمكن أخووك ولا انتو يمكن عندكم عماال فالبيت .. زايد ابتسم بسخريه وقاال : يوم أقول لج شي تسوينه بدون يمكن ولكن ... طالعته وقلت بعنااد : تعاال ويااي وبعطيك ايااه .. زايد : جذا عيل ما أباااه ... قلت : براايك خلااص .. زايد طالعني بجديه وقاال : قلت لج ييبيه سمعتي .. طالعته .. حسيت روحي خاايفه .. ما بينت خوفي .. قلت : بييبه زين ... بس لا تعصب عليه مب نااقصه .. ما رد عليه تلفتت وبديت أمشي عسب اروح الحجره .. دخلت القسم .. ورحت صوب الحجره .. شفت التلفون ع الكوميدينه .. تجدمت عنه وخذيته .. شفته مغلق .. برااايهـ ما عليه منه .. شليت وظهرت من القسم .. بديت أمشي عسب ارووح عند زايد طالعت زاايد وااقف ويمبه وااحد وقفت بمكاني .. شكيت انه حمدان أخو زاايد بس مش متأكده .. ليكون يطلع وااحد ثااني وعقب زاايد يعصب عليه ويقول جيييه ييتي ومدري شوه .. مب نااقصه ويع رااس .. تميت أسمع كلامهم ... بس من وصلت وأنا واقفه ... قاال اللي واقف مع زاايد : يلا عيل بظهر .. زايد : الله ويااك .. ............ : مع السلامه .. زايد ابتسم له وقال : مع السلامه .. بعد ما رووح تجدمت عن زاايد اللي طالعني وقاال : يبتيه ...؟؟ قلت : هي هكو ويايه .. زايد خذاه عني وقاال : يلا ننزل .. قلت : من هذا ...؟؟ زايد طالعني باستحقار وقاال : عيبج شكله .......؟؟ حسيته يستفزني .. تأكدت انه يستفزني .. قلت : لأأأ مب أحلى عنك تصدق .. زايد بسخريه : اقووول يلا ننزل مب نااقص من صبااح الله خير ويع رااس .. لحقته وهو ينزل .. ودي أصيح .. زاايد أنا محد سكن قلبي غيرك ما هويت أحد بهالكون غيرك .. انت حيااتي انت الحب الوحيد .. ما حبيت غيرك .. أصلاا انت اللي علمتني شي اسمه حب .. ياليتي ما عرفت شي اسمه حب بعد .. وما عرفتك بعد .. آآآهــ يمكن وقتها حياتي الحين معااكـ بتكون غير ...... يمكن .. بس ما تفيد كلمة ياليت الحين .. شتفيد الحسره .. وشـ يفيد الندم الحين .. خلااص كل شي صاار واستوى مقدر ارجع شي مثل ما كاان .. يوم أحسك يااي وتذبحني .. تجيني مستانس وتحطتي بعيونك .. بس يوم أبااادلك الشعور نفسه تذلني تحقرني جني انسانه وجودها مفروووض بحياااتك بس انت ما تباها .. آآآآهـــ أصعب شي يوم أذل روحي عشاان شخص وأخر شي ولا يهتم لوجودي مو بس كلاامي .. وصلنا تحت وأنا فكر يوديني وفكر ييبني .. يلسنا ع الطاوله .. محد كاان ياالس .. أكيييد كلهم تريقو لأنه حزة الغدا ..من يتريق الحين .. وأنا يااالسه .. ما حسيت بشي حولي .. بس وعاني من خيااالي .. صوت زاايد .. زااايد : شهد .........؟؟ رفعت رااسي وطالعته قلت : هلأأ ... زايد : بلاااج من سااعه أزقرج ما تاكلين .. طالعته وقلت : ها ...؟؟ لا سمعتك .. زايد ابتسم بسخريه وقال : انزين اكلي .. عسب نظهر .. نزلت رااسي وقمت .. قلت : شكرا مابا ........ ما حسيت الا بيده وهو يسحبني .. يلست ع الكرسي .. حسيت من يلستي المفاجئه .. الكرسي عاادي يتكسر ... نفسي توقف وبديت اتنفس بسرعه ... رفعت رااسي طالعته وما قلت شي .. زايد قال وهو يشرب العصير وما يطالع صوبي : يوم أقول لج تاكلين يعني تاكلين .. قلت له : جيييه قالو لك الأكل غصب يعني .. زايد طالعني بنظره وقاال : خلج سااكته أحسن لج واايد .. ما طالعته ونشيت من مكاني .. قلت : مب مااكله .. مشيت عسب أصعد .. زايد ياااه صوبي ومسكني من ايدي .. وقال : يعني ترادديني .. طالعت عيونه بغيت أتضاارب ويااه .. بس نزلت عيوني .. تذكرت هذا الانسااان اللي كنت ببيع روحي عشاانه .. هذا الانسااان اللي أحط له حساااب من بين كل البشر ... بس سكوتي بيخليه يتمادى أكثر وأكثر .. سحبت يدي من يده وقلت : افمهه باللي تفهمه .. ما يخصني فيك .. مشيت بسرعه وتجدمت عن الدري .. وبديت أمشي بسرعه الين وقلت فوق .. طالعت ورااي زاايد وااقف مكانه ولا يطاالع صوبي .. شكله مب مهتم .. يعني حتى يوم تضاربت ويااك ما اهتميت لي .. ابي أعرف شسوي عسب تحس فيني .. شسوي .. يعني أرجع انتحر مره ثاانيه .. بس ما أظن هالمره بتم حيه ..... تجدمت عن القسم ودخلت الحجره .. طلعت الأوقاايه بسرررعه ورميتها ع السرير .. خذيت نفس ... عسب أقااوم عبراااتي اللي بغت تهل .. ما عرفت شسوي .. ودي ارمي روحي ع السرير وأصيح واصيح واصيح .. وأطلع كل اللي بدااخلي .. لكن صيااحي وش يفيد .. داامه ما حس فيني يوم اني بغيت أنتحر .. ييي يحس فيني يوم أني بصيح .. × × دار الظبي .. .............. : حرااام عليك ع الأقل اليوم طلعنا .. جابر : شيخه والله ما أروم .. شيخه تقاطعه : زين زين .. تعودنا ع هالموااال .. خلااص خلنا بين هالأربع طوف وانت سير سو اللي تباااه وهب لاازم تودنا صوب الأهل .. جابر يطاالع شيخه بنظره ويقول : شيخه ................... شيخه نزلت رااسها وقاالت : آسفه والله مب قصدي .. بس انــــــــــــت .............. جابر يقاطعها : أدري اني مقصر .. شيخه : لأأأ مب قصدي جذي .. جابر : أدري اني مقصر مب لاازم نجاامل بعض .. بس انتي زوجتي ولاازم تقدرين ظرووفي .. شيخه : أدري بس والله تعبت ... جابر : شيخه ما أذكر انج جذي .... شيخه : آسفه والله بس لا الأهل نشوفهم واهني ما نعرف أحد .. غير جذي ما نطلع من البيت بعد .. جابر : شيخه انتي أدري أنا وين ووين كنت أوديج .. بس الحين قدري ظروفي عندي شغل والله .. لولا هالشغل حتى ما كنا بنيي نسكن اهني .. شيخه : أدري .. جابر : دااامج تدرين جيييه عواار الرااس ... شيخه : آسفه ... بس انت تدري الشيطان يلعب بالعقل .. جابر ابتسم وقاال : تعوذي .. وبعدين وين العياال اليوم روحي رااد وتعباان وانتي زدتي عليه .. شيخه ابتسمت : والله آسفه حبيبي .. وبعدين غلطه .. جابر ابتسم وقاال : سامحتج خلااص .. وين العياال ..؟؟ شيخه ابتسمت وقاالت : حمود رااقد و سعودي يلعب مع الشغاله ويطاالع تلفزيون .. جابر ابتسم وقاال : لا تعتمدين ع الشغاله بكل شي .. شيخه : انشالله .. جابر : عيل أنا بسير برقد .. لأني ميت تعب .. شيخه : نوم العوافي حبيبي .. بس ما تبااني أحط لك شي خفيف تاكله .. جابر : لا حياااتي ما فيني راسي يعورني .. شيخه : ع رااحتك حبيبي .. جابر ابتسم وقاال : وعيني الساعه اربع ونص .. عسب أطلعكم .. شيخه ابتسمت وقاالت : ما يحتااي خلااص .. جابر مستغرب : جييه ما يحتاي ..؟؟ شيخه : روووحك تعبااان ونحن بنزيد عليك .. جابر : قبل شوي حاشرتني والحين ما تبين ....؟؟؟ شيخه ابتسمت وقاالت : مو انت تقول انك تعباان .. جابر : ههههه انزين وعيني العصر عسب نطلع .. لأني أنا بعد مليت هههه شيخه ابتسمت : ههه أوكي حيااتي .. جابر وقف وداار يطاالع شيخه وهو مستغرب .. من شي ... : شيخه ...........؟؟ شيخه طالعته مستغربه تجدمت عنه وقاالت : نعم ....؟؟ جابر : شواااخ اليوم رمست نوف وتبا ترمسج .. عاد أنا روحي ما ادري شو تبا بج ... شيخه مستغربه : نوف تبااني .. جابر : هي اتصلي بها وشوفي شو تبا بج .. شيخه : بتصل بها الظهر .. جابر : هي لأنها قاالت أبي شيخه ضروري .. شيخه : اللهم اجعله خير .. بتصل بها وبشوووف .. جابر : اوكي .. خبريني عقب شو تبا .. شيخه : انشالله حبيبي .. بس انت سير ارتااح .. جابر : أوكي حياااتي .. × × ............. : حرااام عليج والله ما فيني ... شيما : دخييييييييلج شهووود اترجيه حرااام .. قلت : شييوم وربي ما أقدر أيي شيما : ليييييييش انزين ..؟؟ قلت : شييوم أنا توني متزوجه وبعدين من أول يوم اسير بيت أهلي تبيني .. شييوم : هه روحج قلتيها بيت أهلــــــــج .. يعني ما فيها شي .. قلت : هي صح .. بس مو حلوه من أول شي أيي كل يوم .. شييوم : أوووف والله ما أدري براايج .. قلت : شييوم فديتج لا تزعلين .. شيما : شهوووود شو ما أزعل .. لاازم أزعل وانتي ما تبين تيين صوبنا .. قلت : والله ابا ايي بس شو بيقولون عني أهل زاايد .. شيما : ما بيقولون شي .. بس انتي اللي شكلج نسيتينا .. قلت : ياربي مع هالبنيه .. شو نسيتكم بعد .. شيما : هي ترااج ما تبين تيين .. قلت : من يفهم هالبنيه .. ياماما سيري سألي ماما اذا عاادي ولا لأأأأ .. وشوفي شو بتقول .. شيما : أكيييد بتقول هي حيااها البيت بيتها .. قلت : ياربي أدري أدري ... بس مو من أول يوم .. شيما : قولي من الأسااس انج ما تبين تيين .. قلت وأنا أتأأفف : مادري منو بيفهمج .. شيما : ما يحتاااي .. خلااص دريت انج نسيتينا .. قلت وأنا ماااسكه أعصاابي : شيييوم شو هالرمسه ...؟؟ شيما : أقوول الصدق أنا وبعدين داامج ما تبينا براايج .. يلا بااي ... قلت : شيما ................؟؟ أووووووف منها صكرته بويهي الحيوانه .. أنا أراااويج شيمووه الحين أنا أنسااكم .. كيف أنسااكم وانتو رووحي ويايه هذي شييوم الياااهل تقول عني نسيتهم .. أوووف منها رااسها يااابس صدق ياااهل .. وبعدين كيييف تبااني أروووح لهم اليوم وأنا أمس كنت عندهم ... لا وبعد ماشالله علي علاااقتي واايد أوكي مع زاايد هه عسب يوديني لهم .. توني من ساعتين متضاااربه ويااه وبعدني ما شفته الله يستر شو بيسوي فيني .. جاان ما بيذبحني زين .. سمعت صوت البااب .. رفعت رااسي شفت المقبض يتحرك .. هذا زااايد ...... الله يستر ... أكيييد بيذبحني ... شسوي الحين بتأسف له .. بيذلني أكييييد .. بيلعن بو أسلافي ع الحركه اللي سويتها له من ساعتين .. طالعت صوب البااب نزلت راااسي .. وقفت وأنا خااايفه وأرتجف .. حاولت أخفي ملااامح الخوف من على ويهي ,,, بديت العب بالتلفون وأنا منزله راااسي وأطاالع صوبه وهو يتجدم ناحيتي ... × × ............ : وأخيراااا ما بغيتي تردين ... نوف : ههههه كاني رديت ... شيخه تضحك : زين ... عاااش من سمع صوتج .. نوف : عاشت أيااامج حبيبتي ,,, شيخه : شخباارج شو علومج ..؟؟ نوف : بخير يسرج حالي .. انتي شخباارج وشخبااار العيال .. شيخه : تمام الحمدلله .. وينج يالقاطعه ...؟؟ نوف : هههه أنا القاطعه الحين .. شيخه تضحك : لا انا .. اونج عااد .. كل مره أنا اللي أتصل .. نوف تضحك : اسمحي لي حبيبتي بس والله ضغط الدرااسه عاااد انتي أدرى .. شيخه : ههه يلا الله يسهل عليج .. نوف : آمييين .. وبعد شخبااركم .. شيخه : مثل ما تعرفين .. اربع وعشرين سااعه يااابر بالدوااام .. نوف : هي حليله اليوم رمسته مبين عليه هلكان .. شيخه : هي .. اممممرررره ماشي وقت يريح بعد .. نوف : ليكون دوم بيتم جذا .. شيخه : لا لا بعد أسبوع خلاااص بيرجع دوامه مثل أول .. نوف : آهااا .. يعني مب ناوين تردون العين .. شيخه : يقول بنستقر اهني .. نوف : يلا الله يوفقكم ... شيخه : آميييين ... تعاالي هو اللي اشتكا لج ولا كيف ههههههه نوف : لا لا أنا متصله فيه .. بس حليله يقول انه مقصر في حقكم .. شيخه : هههه والله لو درا انج تخبريني ما بيخبرج عن أي شي مره ثانيه .. نوف : لااا لااا دخيلج عيل لا تخبرينه اني خبرتج ههههه شيخه : هههه يالعيااره .. نوف : والله ودي اييي عندكم يومين ... شيخه : تعاالي ... حياااج .. نوف : ودي بس مب محصلين اجاازه هههه شيخه : يلا عيل يوم تأجزون تعاالي صوبنا هههه نوف : آفاا عليج بتم عندج الين ما تقولين بس هههه شيخه : هههه زين .. نوف : شخباار شهووود ...؟؟؟ شيخه : بخير الحمدلله ... أمس يت صوبكم .. نوف : هي قالو لي يت العين .. شيخه : سيرو صوبها عيل ... لأنها الأسبوع اليااي بترد دبي .. نوف : هي يبااالنا نروح صوبها .. شيخه : سلمي لي عليها ... نوف : يوصل هذا اذا رحت صوبها هههه شيخه : صدقج الواحد مررره ما يحصل وقت .. نوف : هههه ... شواااخ أنا ابا منج شي ... شيخه : أمري .. نوف : ياابر خبرج اني متصله ابا اسألج عن شغله ... شيخه : هي خبرني .. وعسب جذا اتصلت بج .. نوف : انزين انتي تعرفين ان شهود أختج عندها ربيعااات وجذا ... صح ..؟؟ شيخه : هي ماشالله شهود عندها واايد معااارف ... بس خير ..؟؟ نوف : كل خير .. بس بغيتج تسألينها عن بنيه أخوي يباااها ... شيخه : انشالله بسألها .. بس حق منصور ...؟؟ نوف : هي عندي غيره ههههه ولا ع باالج بنزوج ياابر ههه شيخه تضحك : لا مو قصدي جذي بس بغيت أتـأكد هههه نوف : لا عاادي أمزح ويااج ههه شيخه : واخيرا العزاابي بيعرس .. ما بغا .. نوف : صدقج هههه شيخه : يلا عيل مبرووكين .. نوف : الله يباارك في حيااتج حبيبتي .. شيخه : عاده خبروني مب لأني بعيده تنسوني .. نوف : لا أفا عليج هههه .. شيخه : فديتج أنا هههه نوف : هههه انزين ... فـ حبيت اسأل عن البنيه لأني ما أعرفها .. شيخه : بسأل شهد عنها بس ما قلتي لي منو ....؟؟ نوف : شهد تعرفها عدل .. يقولون ربيعتها وتعرفها .. شيخه : منصور هو اللي مختارنها روحه .. نوف : هي .. يااي ذااك اليوم يقول لأمايه أبا بنت فلاان ومدري شو .. شيخه : ليكون هو روحه بعد متعرف عليها .. نوف : لا لا يقول أخت ربيعه .. شيخه : هي أتحرا بعد الدنيا مالها أماان .. نوف : صدقج الدنيا مالها أمااان موول .. شيخه : يلا بالبركه انشالله .. نوف : منصوور بعد بيتزوج هههههه شيخه : بيودع العزوبيه خلاااص ... نوف : هي .. شوااخ ليكون بس انتي هب فاضيه وانا كلفت عليج ...؟؟ شيخه : لا بالعكس فاااضيه حبيبتي .. بس ما قلتي لي من البنيه عسب اسأل شهووود ....؟؟ نوف : .................................... × × رفعت رااسي طالعته يتجدم صوبي .. بلعت ريجي وأنا خايفه ... أكيييييييييد بيذبحني .. أنا الغبيه من قال لي أطول لساني وما أسمع كلامه .. أوووف كله مني .. ومن لسااني اللي بيوديني في دااهيه .. الله يستر شكله معصب .... |
الحلقه الخامسه و الثلاثون .. شاللي جرى مني ...؟؟ تهجرني وتنساني .. يا أغ ـــلى خلااني .. يا فرحي وأ ح ـــزاني .. حسيت بخووووف فضيع ... هه أول يوم كنت أطاالعك يا زاايد كنت أحس بالأمــــــــــــــــان كنت انت الأمان والحنان وكل شي .. بس الحين حتى انت صرت مثلهم كلهم .. صرت قااسي لا تحس ولا تشعر فيني ... ابي أعرف انا اش سويت ...؟؟ أنا بشو خطيت عشااان تبادلني بهالأسلوب .. ياريت لو اني غلطت ... بس أنا ما غلطت يا زاايد عشااان تعاملني جذي .. حرااام عليك حس فيني لو شوي .....!! حسيت ان زاايد تجدم عني وااايد ...... رفعت رااسي شوي شوي .. تلااقت عيوني بعيونه .. نزلت رااسي بسرعه وارتبكت .. زايد : بعدج ياالسه .... ما عرفت شـ أقول .. هزيت رااسي وقلت : هي .. زايد اشر بيده وقاال : انزين يلا نزلي نتغدا ... قلت : مابا .. زايد بدون اهتمام : ولييييش انشالله ...؟؟ قلت : مب يوعانه .. زايد : مب متريقه .. ومب يوعانه .. ما يصير جذي .. قلت : غصب يعني .. حتى الأكل غصب يعني ....؟؟ زايد : برااايج .. انتي اللي بتموتين هب أنا ... حسيت كلاامه أثر فيني .. يعني موتي شي سهل عندك يا زاايد لهالدرجه أنا انسانه رخيصه ومالها أي معنى بحياتك ....؟؟ فيني الغبنه ودي أصيح وأكسر كل شي ... بس عشاان تحس فيني يا زاايد .. زايد ابتسم وقاال بسخريه : اقووول ما كنت بزقرج بس مب حلوه الوالده تتريانا تحت .. بقول لها حرمتي تقول مب مشتهيه ولا أقوول انها متضااربه وياايه ... طالعته وقلت بجمود : أغير وبنزل .. زايد : أوكي أترياااج تحت ( بسخريه ) حرمي المصون .. طلع زاايد حسيت روحي بلحقه وبمسك يده ودي أسأله انت لييييش تعاملني جذي ليييش .. يعني لهالدرجه أنا انسانه رخيصه ومالي معنى .. لهالدرجه كارهني .. ومالي وجود بحياتك .. لهالدرجه أهووووووووون .. آآآهـ يا زاايد حس فيني ولو شوي .... × × شيخه : نوافي ما قلتي لي منو البنيه عسب أخبر شهود ...؟؟؟ نوف : اممم يقول تصير أخت مايد زوج غايه .. واسمها مهره ..... شيخه : آها بس عيدي لو سمحتي هههه بعده الاسم ما دش ببالي .. نوف : هههه انزين .. غايه تصير زوجة مايد .. ومهره أخت مايد .. وشهد ربيعة غايه .. فمهتي ...؟؟ شيخه : ههههه هي الحين فهمت .. نوف : ما أوصيج تساألينها عدل .. شيخه : آفا عليج .. بساألها وبشوف شو تقول ... نوف : خبريني ع طول .. ريالنا مستعيل ههههه شيخه : انشالله ... بس كيف عرف هذي مهره ..؟؟ نوف : أخت ربيعه مايد.. شيخه : آهااا .. عيل بساأل شهود ... نوف : أوكي .. والسموحه ع المغثه .. شيخه : لا بالعكس انتي أختي ومنصور بعد أخوي .. نوف : والله ان أمي يوم اختارتج لجبور ما غلطت هههه شيخه : لا والله يعني تعتقدين غير جيه .. ههههه نوف : لا لا هههههه .. عيل أنا شكلي طولت .. شيخه : لا عاادي .. نوف : مبين عاادي وهنااك فيج رقااد .. شيخه ضحكت : هههه صدقج اليوم قمت الساعه خمس الفير وبعدني مب رااقده .. نوف : هي ترااج متعوده ترقدين الظهر ... شيخه : هي هههه وبعد اليوم ورانا طلعه .. نوف : يا حظكم شلوني وياااكم .. شيخه : آفا عليج تعااالي يلسي عندنا أسبوع وبندورج هههه نوف : انشالله هههه بشوف يوم أحصل اجازه بيي انشالله .. شيخه : انشالله .. يلا عيل حبيبتي .. سلمي ع الكل .. نوف : انتي بعد سلمي ع جابر وبوسي اليهال .. شيخه : انشالله .. ديري باالج ع روحج ودراستج .. نوف : من عنوني ههههه درااستي أكييييييييييد .. شيخه : لا والله تديرين باالج ع الدراسه .. وروووحج ..؟؟ نوف : شـ سوي يعني ما ييني خااطر أكل ولا لي باارض اسوي رياضه هههه شيخه تضحك : ويا راااسج ديري باالج .. لا اييج وااحد وعقب يقول ماباها هالعصعوصه .. نوف : لا لا أصلا أنا اللي مابااه .. شيخه : نشوووف يوم اييي شـ تسوين .. نوف : هههه شواخ انتي فيج رقااد بالقو .. شيخه : هي شكله جذي هههه مدري شو قمت أهذر .. نوف : يلا عيل سيري رقدي ههههه شيخه : أوكي هههه وانتي سيري اكلي .. نوف : انشالله ههه ... يلا مع السلامه .. شيخه : مع السلامه حبيبتي .. × × شيما يالسه شراات اليهال ع السرير .. وتعلب بشعرها وترمس فالفون ..مع خلوف .. شيما : أونــــــــــك عادهـ .. خليفه يضحك : أدري انج يالسه جذي .. شيما : لأأأ من قااال ...؟؟ خليفه : أنا أقوول ... وابصم لج بعد .. شيما : امف .. ماالت ... هي يالسه العب بشعري صدقت .. خليفه : مب قااعد اقول لج .. شيما : بلا من قال لك الحين ...؟؟ خليفه : قاعد اشوفج ترااني .. شيما : لا والله ما اصدقك .. خليفه : عيل كيف عرفت شو تسوين .. شيما : حجرتي محاصره بجنود .. ما تقدر تشوفني هههه خليفه : أونج عادهـ ... جنود قاالت انتي لو شي صرصور يدور يمب حجرتج جاان زين ... شيما : وااااااااااااااااااااااااااااااااع الله يقرفك شو يااب هالطااري .. خليفه : دلوعووووووووووه .. شيما : لا ويع ... بس صدق شو يااب هالطاري .. خليفه يضحك : ههههههه عرفت نقطة ضعفج ههههه شيما : ترااك مستوي اليوم رسمي بزيااده .. خليفه يضحك : انتي ماشالله ابوووج مسوي لج حرس اميري يمب حجرتج .. أعوووذ بالله حتى أنا ما يخلوني ايي صوبج .. شيما : صدقه انزين .. شو ها ..؟؟ من متى عندنا البنيه تظهر جداام خطيبها ... خليفه : من يوم خطبتج هههه شيما : ترااني واايد معطتنك فيس وأرمسك .. وابوي ما يدري .. خليفه يضحك : بس شهاب يدري .. شيما : أويـــــــــــــــــه ....... ومنو خبراااه بيذبحني .. موتي موتي .... خليفه يضحك : من أول يوم يدري .. الله يخليج ترا أوقاات هو ييلس يمبي يوم ارمسج هههه شيما مستغربه : وعاادي عنده .. خليفه : هي شو فيها ولد عمج أنا ماما ... شيما : حتى ولو .......... بس ما أدري والله .. خليفه : تخيلي أبوووج يدري .. شيما : أكيييد بيذبحني .. خليفه : أنا أتمنى انه يدري هههه شيما : لا والله وجيه عسب يذبحني يعني .. تبا موتي انت يعني .......؟؟ خليفه : لا بالعكس بيخلونا نملج يالخبله ... شيما : خبله في عينك .... وبعدين أنا مابا .. خليفه : رااي ابوج فوق راايج ... واشووف لسانج طول هالأياام .. شيما : دامني عاشرتك لااازم ههههه ماااخذه عنك مب راايح بعيد .. خليفه : دااام ماخذه عني زين عيل .. شيما : ملل بيتنا .... خليفه : حيااج تعالي بيتنا .. شيما : بيتكم انتو ممل أكثر عن بيتنا .. خليفه : لا والله .. لو أنا موجود امررررررررره هب ملل .. شيما : لأأأ ملل .. وبعدين شو تبااني أقعد مع منو يوم اي بيتكم .. خلود وشذى راحو مركز التحفيظ .. خليفه يضحك : ويااي بعد ويا منو .. .؟؟؟ شيما : لا والله .. خليفه : لو تبين تيلسين مع أبوي ما أماانع .. يعني نصااايح من اليوم لين بااجر ههه شيما : لا ترمس عن عمي ما أسمح لك .. خليفه : لا والله .. وهو ابوي ماماتي .. شيما تضحك : ههههه خليفه : بلااج تخبلتي ..؟؟ شيما : لا بسم الله عليه ... بس أتخيل شكلي وأنا أتناااقش مع الشواب ههههههههه خليفه يضحك : ترااج عيوز .. شيما : بصكر ترااني .. خليفه : بيي بييرج من كشتج واييبج بيتنا .. شيما : ما تروووم .. خليفه : اروووم .. بسويها ترااني هههه شيما : ههههه انزين تعاال والله ملل شسوي ...؟؟ خليفه : تعاالي بيتنا بعد شـ تسوين ..؟؟ شيما : لا والله ... خلووف ارمسج عن جد .... خليفه : عن جد ولا ابو ... يالسوريه ...... شيما : انتو اهني فالعين كله تعلقون ع الرمسه وااااااايد والله .. خليفه : شـ نسوي بعد .. ربج خلقنا جذا .. لااازم نرمس بدوي ههههه شيما : والله سير دبي امممممرررررررره مكس اللهجه نص اماراتي ع كويتي ع مدري شو ... كله خلط .. خليفه : أميييه نحن اهني أصيلين ... شيما : عيل نحن شو قالو لك هنووووود .. خليفه يضحك : وانا اش درااني .. هههههه شيما : أوفــــــــــــــو خلوووف خلصت السوالف يعني عسب نرمس عن الأصول .. خليفه يضحك : اش دراااني هاااي انتي اللي تقولين وبعدين أنا ميد ان عين وحياااتج ...... شيما : وأنا ميد ان دبي تتحداني ... خليفه : صدقج يعني خلصت السوالف تيين ترمسين عن الأصول .. شيما : أقول لك أنا من سااعه انت مب رااضي تقتنع ... خليفه يضحك : اقتنعت .. يلا قولي شو عندج .. شو يديدج ...؟؟ شيما : مــــــــــــــلل قمهـ في الملل ... خليفه : شييوم انتي تحدرين النت وجذا ..........؟؟ شيما : امممم هييييه ... جيييييييه ...؟؟ خليفه : ترمسين أحد غريب ... شيما : بس بنااات والله .. خليفه : تعرفينهن صدق ولا تعرفتي عليهن ...؟؟ شيما : تعرفت ع بعضهم وبعضهم صدق ربيعاتي ... خليفه : شييوم سوي لج ايميل يديد واللي ما تعرفينهن لا ترمسيهن .. شيما : خلوووف بــــــــــس .............. خليفه قاطعها بجمود : قلت لج شي تسوينه ...سمعتيني .. شيما بسم الله شو يااه هذا .. صدق متشدد : انشالله انشالله .. خليفه ريلااااااااااااكس : شييوم حيااتي الدنيا مالها أمااان .. شيما : أدري ... خليفه : لا تزعلين بس أغاار عليج .. شيما : أوكي .. والله ما زعلت .. بالعكس استانست في أحد مهتم فيني .. خليفه : لو ما أهتم فيج أهتم في منو يالغبيه ...؟؟؟ شيما : ههههه غبيه في عينك ... خليفه : شيييوم صخي ... شيما : خلوووف اوفــــــــــو صج والله حددددهـ ممل اليوم ... خليفه : أنا اقول انج هب اماراتيه ... شيما : هههه خلاااص انزين .... أحم أحم ... خلوووف يا رياااااال اليوم اممممممرررره ملل .. خليفه : ما يليق عليج ههههه ... ولييش ملل انشالله ...؟؟ شيما : شهووود مو هووووووووون .... خليفه : لا والله .. موهووون هاااه ......؟؟ شيما : هههه صدق والله شهود هب اهني .. البيت مو شي بدووونها ... خليفه : روحي عندها انزين ... شيما : ما با اليوم ورااي امتحاان وابويه نو ويـــه يخليني اروووح .. اقول لك بغيت اروح مركز التحفيط أوني أحفظ قرآن .. وهنااك شرده من البيت .. بعد هب رااضي ... خليفه : تستاهلين ادرسي ويا هالرااس .. مب تيبين لنا دويراات فالشهاده .. شيما : جيييه شو قالو لك عنيه .. كسوووله لهالدرجه ...؟؟ خليفه : اتحراا ههههه شيما : لا بس اليوم اتصلت بشهود وتقول ما ترووم تيي .. وحان أتفاتن وياها .. خليفه : طاااعي شكلج انتي .. من أول يوم راايحه بيت أهلها تبينها تزوركم ...؟؟ شيما : هي والله شو فيها ...؟؟ خليفه : تخبلتي انتي .. عقلج صابه شي ..؟؟ شيما : جيييه قالو لك مينونه ..؟؟ خليفه : ما يصير تيي عقب النااس شو بيقولون عن أختج ..؟؟ شيما : ما فيها شي والله .. ورمسة النااس أنا ما أهتم لها .. خليفه : بس أهل ريلها شو بيقولون ..؟؟ شيما : لا لا عمتها كبيره فالسن وزينه .. خليفه : حتى ولو مو حلوه في حق أختج .. شيما : حتى انت معقد .. خليفه : انتي اللي شكلج استخفيتي ... هههه شيما : لا والله .. يوم ابا اشووف أختي استخفيت .. خليفه : أختج توها عرست ماما .. انسيها خلااص .. شيما : يعني ما بتي صوبنا .... خليفه : لا بتيي بس ناادر .. بيتها صاار بيت ثااني هب بيتكم .. شيما : بس هي أختي .. خليفه : عاشر من تعاشر لا بد من الفراااق .. يعني اليوم وباااجر مع بعض وعقب خلااص تروح عنج .. شيما : همممم .. والله ودي أشوفها ... خليفه : بوديج لها .. بس هب اليوم .. ورااج امتحاان .. شيما : الاسبوع اليااي شهوود بتروح دبي خلااص .. خليفه : هالاسبود بوديكم كلكم .. شيما : صـــدق .. خليفه : يعني مب مصدقتني ..؟؟ شيما : لا بس من الفرحه هههه خليفه : بس تيلسين ورااي سمعتي هههه شيما : أفا عليك وبلبس هذيج الغشوه اللي حتى ما تبين ملامحي .. خليفه : حبكت ع هاليوم تتغشين هههه عيل ماشي روحه .. شيما : خلااص خلااص بيلس يمبك لو تبا بس ودني .. خليفه : أوكي برتب مع أمج وبنشووف .. شيما : هي رمس أماايه ترااها تبا تسير عند أم زاايد .... خليفه : بشووف .. يصير خير عيل .. شيما باحباااط : بتصكررررررر ........!! خليفه : هي فيني رقااد من رديت من المعرض وأنا ارمسج ... شيما : ما صاار لنا واايد .. خليفه : لا والله ... فيني رقاااد شييوم .. وانتي سيري ذاكري .. شيما : همممممم انزين .. خليفه يضحك : لا تزعلين ... يلا سيري ذااكري وبوديج عندج شهووود .. شيما : أوكي .. نوم العوافي .. خليفه : الله يعافيج .. يلا مع السلامه ... شيما : مع السلامه .. × × ع شاطي الرااحه ......... ................. : مستانسين ....؟؟؟ شيخه مبتسمه : هي العياال شكلهم كيفو .... جابر يضحك : الا هو سعود حمود حليله يااهل .. شيخه تضحك : هههه .. سعود حليله جنه أول مره يشوووف بحر .. جابر يضحك : من ثلااث أساابيع وهو مب طاالع فديته .. شيخه : اليوم بيعوض عن كل اللي طااف وبيطلع حرته في الرمل .. جابر : مب زين واايد .. قولي للخدامه ما تخليه يلعب بالرمل .. شيخه : شوي ما فيها شي .. جابر : عنيــــــــــدهـ .. شيخه تضحك : عليك .. هههه جابر : اليوم االظهر بصرااحهـ خليتيني أطلع من طوري .. شيخه : شسوي .. وبعدين انت أدرى هالأيام انت هب موجود فالبيت وكل شي علي .. تعب الصراحه .. جابر : الا هم يومين وبيرد دوامي شراات أول .. شيخه : زين ع الأقل العياال يشوفونك .. مب الحين ترد وهم رااقدين ترووح وهم رااقدين .. جابر : الله يخليج أنا روحي هلكت .. شيخه : هي دواام ليل وغير جذي مواصل للفير ... تعب الصراحه .. جابر : هاانت مب بااجي غير كم من يوم .. شيخه : طاالع سعود الشيطاان شـ يسوي ..؟؟ جابر يضحك : ههههه ويا رااسه قااعد يجب رمل ع الخدامه ... شيخه : ههههه ولد ما يستحي ع ويهه .. جابر : عن الغلط .. هذا شيخ الرياييل هههه شيخه : اونه متعلق بالخدامه هـالأيااام .. جابر : لا تحطينه عندها واايد .. شيخه : هي بس يتم وياها يوم اطبخ ولا أكون مشغوووله واايد ولا جذي طول الوقت يكون ويااي .. جابر : مالهن أماان هالأجنبيااات .. شيخه : صدقك .. جابر يطاالع شيخه : رمستي نوف ...؟؟ شيخه : هي اليوم الظهر اتصلت بها .. جابر : خير ...؟؟ شكلها كانت تبااج في شي ضروري .. شيخه : هي تسألني عن بنيه .. جابر : بنيه ...؟؟ منو هذي بعد ..؟؟ شيخه : اللي الوالده رمستك عنهم ذااك اليوم .. عسب منصور .. جابر : هييييييييه .. عرفتهم .. شيخه : نوف تقول البنيه تصير ربيعة أختي شهووود وتبااني أسئلها عن البنيه .. جابر : زين .... بس لييش تسألين أختج ما يحتااي .. توها عروس وانتو تشغلونها ويااكم .. شيخه : لا عاادي والبنيه ربيعتها ما فيها شي .. جابر : انتو الحريم سوو اللي تبونه ما يخصني ههههه شيخه : هي هي .. خلك جذا أحسن هههه جابر : سألتي أختج ..؟؟ شيخه : لأأأ .. جابر : جيييه ..؟؟ شيخه : اتصلت وموبايلها مغلق ... جابر : أكييد غاثينها انتو بهالاتصالات ... شيخه : حراام عليك من عرست ما رمستها بعدني .. جابر : عيل منو اللي مرمسنها من كم يوم .. شيخه : بس هااك اليوم باركت لها وبس .. جابر : انتن بالحريم صدق خسااره .. شيخه : هههههه حراام عليك .. جابر طالع شيخه : غيري السالفه تراا مبين عليج بتتضاربين .. شيخه : فديتني دينجرس وومان .. هههههه .... جبووور هالأسبوع بنروووح العين ..؟؟ جابر : لا لا بريح هالأسبوع .. صار لي فتره دوااام مواصل .. شيخه : عيل شهوود بترووح دبي بدون ما اشوفها .. جابر : الحين منصور بيخطب انشالله وبنروح دبي بخليج تمرين عليها هنااك .. شيخه : داام جذي خلااص ههههه رضيت .. جابر : صدق انج عيااره ههههه شيخه : تعاال نرووح عند سعود .. جابر : يلا ونتمشى بعد ... لأني مليت من اليلسه ... × × ............... : حراام عليييييييك .. ههههههه تريا شوي انزين يا رياال .. منصور : وين فيني صبر بلا عليج خبريني هاااه .. نوف : ههههههه ... البنيه معرسه ويمكن ما بترد الحين ع أختها .. يالسه مع أهل ريلها ولا شي .. منصور يطالع ساعته : من الظهر انتي مرمسه أم سعود والحين المغرب .. نوف : شواااخ تقول تلفونها مغلق ... منصور : ياربي ... عيل يوم ترمسج خبريني ارمس الوالده .. نوف : أوكي .. بتروحون دبي ..؟؟ منصور : هب اليوم .. يمكن بااجر .. نوف : عيل شلوني ويااكم .. منصور : ماشي مكان لليهال ههههه نوف : خلااص عيل ما بخبرك شواخ شو بتقول لي .. منصور : غصبا عنج بترمسين هههه .. نوف : همممم منصور حبيبي طلعنا .. يلا هذي البشاااره هههه منصور : بطلعكم بس تريو عليه .. نوف : هالأسبوع دخيلك .. منصور : أوكي .. بس قولي لأام سعود تتصل بأختها بسرعه .. نوف : انشالله هههه يالمعرس .. منصور : وين مريوووم ..؟؟ نوف : رااحت ترد ع تلفون البيت .. منصور : بطلعج انتي ومريوووم .. بس أول خل النااس يردون علينا .. نوف : انت أول تقدم للبنيه ويصير خير هههه منصور : صدقج ههههه .. مدري ع شو مستعيل ... دخلت مريوووم وملامحها متغيره .. : منصــــــور ....؟؟؟ منصور طالعها وابتسم : هلأأأ ... مريوووم : تلفوون لك ... منصور استغرب : لي أنا .............؟؟ مريووم : هي ... منصور : من يتصل ع تلفون البيت غريبه .. |
الحلقه السادسه و الثلاثون .. احبك يانظر عيني غناتي..............واحب الارض اللي تمشي عليها واحبك حتى اكثر من حياتي.........واسوم الروح لجلك واشتريها مريوم رفعت جتوفها : وأنا اش درااني ... منصور قاام ورااح صووب الصاله .. عسب يرد ع التلفون ويشووف من اللي يبااه ... ولييش مب متصل ع الموبايل ... نوف تطالع مريووم : منو مريوووم ...؟؟ مريوووم خطفت وقاالت : واااحد اممممرررررررره ما أدااانيه ... نوف ضحكت وقاالت : عمووووووووووور ...............؟؟؟ مريوووم : هي في حد غيره ... نوف : عيل لييش متصل ع تلفون البيت ...؟؟ مريووم : ما تعرفين ولد عمج يعني .. بس يتصل يبي يغلس عليه .. نوف : حراام مريوووم والله انه يتصل عشاانج هالأياام .. مريووم : بس أنا مابا ارمسه .. نوف : بس انتي كبرتي أونج عادهـ .. وهو يحب يلعوزج ههههه مريووم : ماالت .. نوف : مريووومه حراام عليج وبعدين عموور يحبج .. مريوووم خدودها حمرت وقامت : نوفوووه بلاااج انتي اليوم ..؟؟ نوف ضحكت : واستحت البنيه ... مريوووم فرت الوساده ع نووف وقاالت : يعل يخطبج واااحد أخس عن عموور .. نوف ضحكت وقاالت : آميييييييييييين .. دخل منصور وهو مبتسم وقاال : ع شو آمييييييييين ........؟؟ نوف استحت : أحم أحم .. عسب تنجح مريووم بتقدير ممتاز انشالله ههههه منصور ابتسم وقاال : كالعاده توم متصل يبي يلعوز جيري .. نوف : هذيل يهاال آخر زمن والله .. منصور : اسكتي ويا خشتج هااي .. يلا اتصلي بشوواااخ .. نوف : انزين انزين يالمعرس .. ههههه × × ما حسيت الا وبصوووت الموباايل يرن .. فتحت عيوني بصعوبه ومديت ايدي للكوميدينه عسب اسحب الموبايل ولا تصكر .. يلست اطاالع السااعه .. شفت الساعه سبع ... تخرعت كل هذا وأنا رااقده من تغدينا صعدت فوق ورقدت ... طالعت يمبي زاايد مب موجود .. من تغدينا هو ما صعد .. عيل وين رووح ...!! واكيييد مااا يااه الحجره لأني ما حسيت ... ولا هو كاان بيقومني أكيييد ... نشيت عسب أرووح اتيدد واصلي المغرب .. عقب بشوووف من متصل بي .. × × شيخه : هلا والله .. نوف : هلأأأ شواااخ ... شيخه : أدري جيييه متصله ههههه نوف : هههه ها بشري .. شيخه : بعدها ما ترد .. نوف : اوفو .. عيل شهوود بلااها اليوم .. شيخه : يمكن مشغوله مع أهل ريلها ولا شي جذا .. بتصل بها مره ثاانيه وبتصل بج عقب .. نوف : هههه أوكي اتريااج بس استعيلي .. شيخه تضحك : هذا المعرس أكيييد مستعيل .. نوف : هي ذالني أعوووذ بالله .. كله اتصلي واتصلي .. شيخه : هههه قولي له ولا يهمك اليوم بيوصلك الخبر .. نوف : هههه أوكي .. يلا عيل .. بودرج الحين .. شيخه : فمان الله حبيبتي .. نوف : فمان الكريم .. × × شذى : لأأأأ .. مااباا .. خلود : حرااام شذو يلا دخليج .. شذى : خوخه بعدني ما حليت واجب الرياضيات .. خلود : عادي حليه يوم تردين وبعدين هو سهل ما يباله شي .. شذى : انزين تريي بس بستأذن من أمي .. خلود : عاادي عاادي مب راايحه بيت أحد غريب بيت عمج ها ... شذى : لا بستأذن .. خلود تسحب شذى من يدها ويمشون مب بااب الحوي .. لصوب بيت قوم بو خالد .. شذى : خوخــــــه ماما بتعصب عليه .. شذى : ما عليج روحي برمسها .. شذى : همممم انزين بس لو صاار شي انتي اللي تتحملين كل شي .. خوخه : من عنوني بس غصب عنج تيين يلا .. ( وتسحب شذى ) شذى تغمض عيونها وتحط ايدينها ع عيونها : أوفــــــــو ... منو ها اللي يبا يعمينا .. خلود تطالع يدام وتغمض عيونها : هذا خلوووف .. شذى : أخوووج هذا نااوي يعمينا اليوم .. خلود وشذى يتجدمن عن الفله .. وخليفه ينزل الجامه ويضحك : ههههههههه شذى : شو ها تبا تعمينا شكلك .. خلود : عيوني قااامت تعورني .. خليفه يضحك : تستاهلن .. من وين يايات انشالله ..؟؟ خلود : من مركز التحفيظ .. شذى : عاد ما تروم تقول شي رايحين نحفظ قرآن .. خليفه : الحمدلله صرتو مسلمات يعني .. خلود : لا والله .... شذى : جيه شو كنا قبل كفار .. خليفه : لا بس كنت أتحرا .. هههههه شذى : أخوووج ها يحب يرفع ضغطي .. خليفه : اسكتي انتي ايـــه .... وخبروني من وداااكم المركز ..؟؟ خلود : مشي . . خليفه : مشي .............. !! شذى : هي لييش شو فيها ..؟؟ خليفه : مشي و رواحكن ... ...؟؟ خلود : الا هو فرة حصا ما فيها شي والخدامه وقفت لنا .. خليفه : مره ثانيه خبروني بوصلكم روحي .. شذى : بس مشي أحلى .. خليفه : قلت شي ... محد يراددني سمعتن .. خلود : انشالله .. خليفه : يلا باااي .. بظهر .. خلود : مع السلامه ... شذى : أوووف ليييش يعني ما يخلينا نروووح مشي .. خلود : وأنا اش درااني .. شذى : هي عرفــــــــــــــــــــت ........... خلود مستغربه : جيييه .. شذى : ترا شي شاارع وهالشاارع واايد سياير تمر فيه .. وكله شباب .. فهمتي .. خلود : ونحن شو يخصنا ... شذى : شو شو يخصنا ... مب شي ماما والدنيا مالها أمااان .. خلود : تعاالي تعااالي ندخل عن يداهمنا الوقت وعقب تردين بيتكم بدون ما نسوي المشروع .. شذى : أول شي سؤال .. خلود : اسألي .. شذى : وليدوووه عندكم ...؟؟ خلود : هي عيل وين بيكون .. شذى : بنسوي المجسم في حجرتج وبنقفل البااب عن يكسر الفلين شراات المره اللي طاافت .. خلود تضحك : ههههه هي أنا روحي قلت جذي .. شذى تفتح البااب وترووح الصاله .. خلود : تعاالي نطلع عبينا .. شذى : هي لأني أحس روحي بختنق .. خلود : يلا عسب نخلص المجسم .. ............. : هلا والله .. شذى تلف : هلا بك زوود .. خالد : اش حااالج ..؟؟ شذى : بخير ومن صوبك بو وليد ..؟؟ خالد : تمام الحمدلله .. وينج ضاايعه ما تنشاافين امممررره .. شذى : موجوده بس مداارس هههه خالد : هههه شدي حيلج .. شذى : انشالله .. خالد : نبا دراجات عااليه هالسنه انتي وياها أوكي ... خلود وشذى : اوكي هههههه خالد : يلا عيل أنا بظهر تبون شي من برع ...؟؟ خلود : سلامتك ... خالد : وانتي شذاوي ..؟؟ شذى : سلامتك .. خالد : ديرو بالكم ع وليد .. أوكي .. خلود وشذى : انشالله .. خالد : يلا مع السلامه .. خلود وشذى : مع السلامه .. خالد رووح صوب البااب .. خلود وشذى صعدن فوق .. خلود : تعرفين مرمس أبوويه .. شذى : عن شو ...؟؟؟ خلود : يقول يبا يتزوج ... شذى : اها .. مبروووك .. خلود : ما أدري منو اللي يباها ... شذى : انشالله وحده زينه ... تعرفين خالد ماشالله عليه أحبه واايد .. خلود : أنا بعد .. حنون عكس البااجي .. شذى : هم البااجي أوكي .. بس هو يتعامل مع الكل بدبلوماسيه .. خلود : متأثر من الشغل هههه شذى : شكله جذي هههه .. خلود : بسرعه قبل لا يشوفنا الرياال ههه شذى : عز الله الأوهو والفلين رااح فيها هههههه وليد باسلوب طفولي يهبل : كـــــــــــــــــــــــلــــــــــود ... خلود غمضت عيونها وعضت شفايفها .. وبهمس : قولي له أنا هب خلووود .. شذى : حراام عليج .. شذى روحت صوب وليد وباسته : حيااااتي انته ... وليد يبتسم : .. وين لحتو اليوم ..؟؟ شذى تطالع العبااه وفهمت .. شافت خلود وقالت : رحنا المدرسه حبيبي .. وليد : ليييث لاابثه شيله ... شذى فهمت ان قصده شيله للعباه وقاالت : رحنا مدرسة القرآن حبيبي .. وليد : اديني وياااكم .. شذى : حبيبي هذا مكان حريم ما يصير نوديك ويانا .. وليد : انذين عتيني حواوه .. شذى تضحك : شهووود يوم بتييي تييب لك حواوه .. وليد يضحك : وينها ثهوود ..؟؟ خلود تروح صوبه وترفعه وتبوسه : تزوجت حبيبي .. وليد : راااحت بعيد ..؟؟ خلود : هي وبتييب بيبي يشبهك ويلعب ويااك .. وليد يبتسم ويقول : لعبوني ويااكم .. شذى بهمس : شااف الفلين .. رحنا فيها يا ماما .. خلود تضحك : ههههه عندي واحد اسبير خل يلعب فيه الين ما يقول بس .. × × خلصت صلاه .. طلعت شيلة الصلاه وطبقت السياده .. تجدمت صوب السرير .. حسيت روحي يعت .. رحت صوب الثلاجه اللي فالصاله وشليت لي عصير .. ويتت اشوف من متصل بي .. مسكت التلفون وشفت 4 مكالمات لم يرد عليها وكله رقم شواخ .. عسى خير انشالله .. بشووف بشو تبااني هالكثر دااقه .. غير رقاادي أنا من الأأسااس ثجيل ما أحس يوم التلفون يرن .. دقيت رقم شوااخ وترييت الين ما ترد .. ردت : السلام عليكم .. قلت : وعليكم السلام والرحمه .. هلا والله .. شيخه : هلا بالعرووس .. اش حاالج شخباارج ..؟؟ قلت : بخير ربي يعافيج انتي شخبارج ..؟؟ شيخه : تمام الحمدلله .. انتي شو مسويه وشخباار ريلج وأهله ..؟؟ قلت : بخير الحمدلله .. اش حاال العياال وشو الجو عندكم ..؟؟ شيخه : بخير الحمدلله .. تونا اليوم ظاهرين هههه قلت : يلا زين تغيرون جو .. شيخه : وينج اتصلت بج كذا مره ما تردين .. قلت : تصدقين كنت راقده عاد ما سمعت صوت التلفون .. شيخه : هي انتي ماشالله رقادج ثجيل هههه قلت : شفتي كيف عاد هههه شيخه : وبعد شو الأخبار ..؟؟ قلت : تمام الحمدلله .. شو مب ناوين تنزلون هالأسبوع ..؟؟ شيخه : ما أظن .. قلت باحبااط : لا تقوليييييين .. يعني ما بشوفكم .. شيخه : انشالله بزورج في دبي ههه قلت : ههه انشالله .. شيخه : شهود أنا متصله ابا منج شي .. قلت : أمري .. شيخه : ما يامر عليج عدو .. قلت : ولا عليج حياتي .. شيخه : شهووود نوف متصله فيني اليوم وتقول اسألج عن بنيه ..؟؟ قلت : بنيه ...؟؟ خير ومنو هااي ..؟؟ شيخه : وحده يبون يخطبونها لمنصور .. قلت بفرح : منصور ...؟؟ يلا مبروووكين مقدما ههه شيخه : الله يبارك في حيااتج .. قلت : ومنو هاااي ..؟؟ شيخه : وحده اسمها مهره أخت مايد ومايد ريل غايه ...؟؟ عااد انتي روحج فسري هههه ابتسمت وقلت : يعني هو يبا مهره ..؟؟ شيخه : هي أكثر ظني وانتي ربيعة غايه صح ..؟؟ قلت : كنت ربيعتها ... شيخه : انزين هذي مهره أوكي سمعتي عنها شي ولا حد راامس عليها ..؟؟ قلت : والله اللي أعرفه عن مهره واايد أوكي وأخوهم هم أوكي .. بس أنا مب عايشه وياهم عاده ما أعرفهم عدل .. شيخه : يعني البنيه أوكي .. قلت : هي أوكي بس بعد أنا ما أعرف هي كيف عايشه .. ولا كيف حياتها الحين .. لأني ودرتهم خلااص .. شيخه : اها .. عيل برمس نوف .. قلت : رمسيها وبعدين هم خل يزورونهم وبيعرفون انشالله .. شيخه : انشالله .. قلت : يلا اللي يوفقهم انشالله .. شيخه : آمييين .. يلا السموحه عااد .. قلت : لا بالعكس زين سمعت صوتج .. شيخه : فديتج والله .. عااد أنا طولت ,. قلت : عااد اتصلي مره ثاانيه مب تقطعين .. شيخه : انشالله .. وانتي بعد .. قلت : هي انشالله .. يلا عيل بوسي اليهااال وسلمي ع النسيب .. شيخه : يبلغ .. وانتي بعد .. قلت : انشالله .. يلا عيل حبيبتي فمان الله .. شيخه : فمان الكريم .. بعد ما صكرت استغربت .. منصور ....... منصور يبا يااخذ مهره .. بس شو درااه عن مهره ... يمكن يعرفها لا لا ما أظن ماايد متشدد ما أعتقد خواته يتعرفن على أحد .. يمكن مايد يصير ربيع منصور .. كل شي جاايز ... والله محد يعرف لأحد الحين .. يلا الله يستر ... طالعت ساعتي .. اوهو علينا وينه زايد .. من تغدينا ما ياااه فووق .. غير جذي بعده ما رمسني الله يستر شو بيقول اليوم بليل .. ما أطولك يا ليل .. الله يعيني ع الرمسه السم .. اسير أكل شي من الثلاجه أحسن لي .. ههههه لاحظت ع روحي يوم نفسيتي زفت أكل واايد .. سبحااان الله .. × × مريوم : حلفي بس ..........؟؟ نوف من عند البااب : بسج ماما الفاااتوره ... شوي شوي .. مريوم تضحك : ما فيها شي .. اخوج اللي بيدفع هههه نوف تضحك : سلمي لي عليها .. مريوووم : نوف تسلم عليج .. خلود : الله يسلمها ويعافيها .. سلمي عليها .. مريووم : نوف خلود تسلم عليج ... نوف : الله يسلمها .. مريووم : الحين عاد ما بقول ولا حرف زيااده هههه رقبتي عورتني وأنا أشوف هالصوب وذااك الصوب .. خلود : هههه رياضه ههه تقوية عضلاتج .. مريووم : حلوه هاي هههه حسستيني اني دبه واايد .. خلود : لا لا خلج جذي أحلى .. مريووم : هي شو قالو لج تبيني استوي بو تمبه هاللي نااقص ههه خلود : بااجر بتداومين ..؟؟ مريوووم : أكيييد وبعدين بااجر الثلاااث وسط الاسبوع محد يغيب .. خلود : هي صدقج غير جذي عليه تسليم مشااريع .. مريوووم : ويييــــــــــه لا تذكريني .. خلود : هههه عله هالمشاريع .. مريوووم : هي واايد .. وبعدين الله يخليج نحن ابلواتنا يدققن بالحرف بعد .. خلود : هههه الله يعينج .. مريوووم : حظهم اللي فالجامعه .. خلود : هي حظهم .. والله خاطري اخلص وادش الجامعه .. مريوووم : لاحقه ماماتي لاااحقه هههه خلود : اليوم شذاوي كاانت عندي .. مريوووم : صج والله ... خلود : هي ههههه جيه .. مريوم : حظكم هب أنا اللي مجابله نوف اربع وعشرين ساعه .. خلود : هههه حرام عليج اختج طيبه .. مريوم : ويا النااس هههه مب وياي أنا .. خلود : بااجر بتعرس وتتذكرينها .. مريوم : ههههه لا لا بفتك .. خلود : الحين تقولين جذي .. باجر بنشوف من اللي بتقطع روحها من الصياااح .. مريوووم : هههه صدقج بصيح والله بس عقب بستانس هههه خلود : ههههه .. شو سويتي اليوم .. مريوم : ماشي قريت روايه .. خلود : صج والله .. حظج أنا ما حصلت فجه اليوم .. مريوم : لا أنا اليوم كنت فااضيه وقريت بس توني فالبدايه .. خلود : اي روايه ..؟؟ مريوم : بسمه من شفاتك تموتني وتحييني .. خلود : وااااااااااي رواية يتوم .. فديتها والله .. مريوم : كشخه اقريها .. خلود : قريت منها باارت وااحد بس البااجي بكمله فالاجازه .. مريووم : براايج بس أنا ما اروم استحمل الا ابا اعرف النهايه ههههه خلود : تخيلي انج تعرفين يتوم .. هههه مريوم : هههه احدر نور الامارات بس ما ارمسها .. خلود : غبيه انتي .. النااس يتعرفون ع الكاتبات .. مريوم : ههههه عسب تنزل لي البارت قبل هههه خلود : هي مصلحه ههههه مريوم : اشوفج ولا انتي مب ويه تعاارف هههه خلود : هممم ياريتني اعرفها .. مريوم : سيري لاااه .. ماماتي تراج يااهل يدامها هههه صغنطوطه ماال قوم ثلتعش سنه .. هي مدري قبل كم سنه كاان عمرها جيييه ههههههه خلود : عاادي بكبر روحي .. خخخخ وبعدين ماماتي العمر مو بالسن ياما نااس كباار بس عقولهم العكس .. مريوم : صدقج .. يعني انتي صغيره وعقلج كبير هههههههه خلود : وانتي صغيره وقلبج كبير ههههه مريوم : صارت أغنيه ههههه .... خلصت السوالف قمنا نرمس عن اشيا تافهه هههه خلود : صدقج .. سيري كملي روايتج ماما ههههه مريوم : انشالله أحسن لي من سوالف خوخه هههه خلود : حراام عليج .. مريوم : اتمصخر ويااج .. خلود : أدري ... هههه مريوم : عيل جييه حاشرتني .. خلود : ماشي بس يوم احب أحد أحب اطفر به .. مريوم : يب يب مي تو ههههه خلود : هممممم والحين يلا بودرج .. مريوم : تو النااس .. خلود : وقت العشا .. وبااجر مدارس يبالي أرقد بدري هههه مريوم : عيل بالعافيه للأكل .. ونوم العوافي للرقاد هههه خلود : ههه الله يعافيج .. وانتي بعد .. مريوم : لا أنا بسهر ع الروايه .. خلود : ترا يتوم بتعتزل لو طلااب المدارس بيسهرون ع الروايه هههه مريوم : وهي اش دراااها ههههه خلود : شكلي طولت واايد لاااييي خلوف ويهزبني .. مريوم : يلا عيل صكري لايي منصور وييرني من كشتي هههه خلود : هههه يلا عيل حبيبتي مع السلامه .. مريوم : مع السلامه .. باجر بشوفج فالاسكول .. خلود : هههه أوكي باااي .. × × وينه ...؟؟ بعده مايااااه .. شو سالفته زاايد ...؟؟ اتصل به .... لا لا أخااف يعصب .. عيل شسوي ...؟؟ الحين أنا شاللي يصبرني ....؟؟ |
الحلقه السابعه و الثلاثون .. صحيح إن البشر تخطـــــي و لكن الخطى غلطـــــــــــة و مثلك ياخذ و يعطـــــــــي و يرسم فالهوى خطـــــــــة يا ربي والحل معاااك يا زاايد نااااوي تذبحني تعذبني انت .... لحظه أنا جيييييه يالسه اترياااه اهوه لو ياااه أكييييييد بنتضارب .. أحسن لي اسوي شي ثااني .. تجدمت عن المنظره .. طالعت ويهي .. شاااحب ولا جني عرووس من يومين ... هممم بس كله مني أنا مستويه مهمله ... أنا اللي كنت لو أغسل يدي ايي أحط أغلى كريم عن تتضرر يدي من الصابون .. والحين خلاااص ما قمت أهتم .. احط ميكب واتعدل أحسن لي ... بس حق منو اتعدل .. زايد ولا يطاالع شكلي بعد .. زين منه أمس رمسني عدل ولا كنت صدق بفقد الأمل واقول صج أنا مو حلوه .. لهالدرجه يا زاايد بسبتك قمت اشك بروحي وانا اللي ما كااان يهزني كلاام اي أحد .. آآآآهــ أعترف اني خطيت .. بس الكل يخطي .. داام ربنا يساامح تيي انت ما تسامح .. ولييش انزين .. مدري أنا اش سويت لك عشاان تعذبني وما تعاملني عدل .. خلني أنسى ولو ثوواني بعد .. احط ميكب يمكن نفسيتي تتغير ولو شوي .. بديت اتعدل .. واترتب .. وحطيت ميكب خفيف وكيووت ينفع لليل .. خذيت وقت .. وبعد ما خلصت .. رتبت شعري .. شفت بدلتي هب شي .. خل اغيرها .. تجدمت عن الكبت .. طلعت لي شي خفيف لأن الساعه عشر بليل ووقت رقااد ما يصير البس لي شي فيه فولق وخرز .. بعد ما خلصت تجدمت صوب المنظره .. طالعت ويهي ابتسمت باسلوب طفولي .. ودي اتجدم صوب المنظره كالعاده وابوس المنظره .. حركتي يوم البس اللون الأحمر .. مدري لييش طبع فيني لا لبست أحمر الا أحط قلوووس احمر فااقع وابوس المنظره ههههه أحسه عبط فيني .. بس تعجبني حركتي .. بديت أتجدم عن المرااايه عقب تذكرت ان في أحد يشاركني الحجره .. ما يصير .. زايد شو بيقووول عنيه .. أكيد بيقول حرمتي تخبلت .. أصلا أنا جذي طاايحه من عينه عيل يوم بسوي جذي شو بيقول عنيه ...؟؟ ما حسيت الا بيد تحوطني .. تخرعت ... فزعت .. وقلت : بسم الله الرحمن الرحيم ..... ............ : تخرعتي يا حلوه ...........؟؟ طالعت من المنظره .. زاايد ورااي ومبتسم .. نزلت راسي بسرعه وقلت : خرعتني .. زايد ابتسم وقال : آسف حيااتي انتي ... سحبت يده وقلت : متى يييت ...؟؟ زايد مسك يدي وبدا يمشي : من يوم قطوتي تطالع روحها فالمرااايه .. شو قطوته بعد هاللي ناااقص .. قلت : وين بتوديني ..؟؟ زايد مسكني من جتوفي وقعدني ع الكنفه .. وقال : يلسي .. قلت : شو تبا ...؟؟ زايد شغل التلفزيون وقااال : شو تشوفين ..؟؟ قلت : ما أحب التلفزيون .. زايد عقد حياته وقال : غريبه ...!! عيل بحط فلم أجنبي .. قلت : براايك .. زايد ابتعد عن التلفزيون ويااه صوبي .. قعد يمبي .. وطالعني بنظرااات خلتني أحترق بمكاني .. قلت لا اراديا .. : حط أخبار .. زايد ابتسم وقاال : أي أخبار والحين الساعه عشر ونص ... طالعت الساعه ,, صج الوقت متأخر .. قلت : هي انت وينك من العصر مب اهني ...؟؟ زايد ما رد عليه وبدا يغير القنااه .. أوهو علينا من قاال لي ارمس .. شكله اليوم رااضي عني .. اقصد بهاللحظه .. لي متى يا زاايد تعذبني لحظه ترضى ولحظه ترمسني وكأني شي ما يسوى يدامك .. والله حيرتني معااك .. قلت لا اردايا : آسفه ما يخصني ... زايد ابتسم بسخريه وقاال : زين عرفتي انه شي ما يخصج .. نزلت رااسي يتني الغبنه ودي أصيح .. شو ذبني تعذبني يا زاايد ... شو ذنبي .. ذنبي اني وفيت لك وعطيتك كل الحب .. وما في يوم غلطت بحقك .. زايد حطا يده وراا ظهري وقاال : كااشخه بالاحمر ... لاااااا حوووووول .. الحين انت معصب مني ولا رااضي .. والله ما يندرا لك يا زاايد ... نزلت رااسي وما رديت عن يعصب عليه بعد .. مب نااقصه ينازعني بعد ولا صدق صدق بصيح هالمره .. زايد : رقدتي العصر ....؟؟ هزيت رااسي وقلت : هي .. كنت ملانه .. ( عل وعسى يحس فيني ..) زايد : عندج أماني والوالده . . نزلي سولفي وياهن .. قلت : انشالله .. زايد .. غير يلسته .. وتمدد ع الكنفه .. وحطا رااسه ع ريولي .. هالشي اربكني .. ودي اقول له قوم عني .. بس ما أرووم عن يفرني من الدريشه ... زايد ابتسم وهو يلعب بشعري وقاال : شعرج طول .. قلت بارتبااك : هي ما قصيته من يينا العين .. زايد : أحيد يوم في دبي .. شعرج واايد قصير .. أنا الغبيه اللي ما كنت أعرف الحراام من الحلاال .. لا كنت أعرفه بس كنت عميه ما اعرف شي ما أطبق ... الذنب ذنبي أنا .. زايد بدا يلعب بشعري .. حسيته سحب شعره .. قلت لا اردايا .. من الويع : آي .................... زايد ابتسم وقاال : عورتج .. هزيت رااسي وقلت : سحبت شعري .. زايد : كنت العب به .. روحه انسحب هههههه ما قلت شي .. حسيت زاايد يااالس يطالعني .. ودي أقول له قوم بس كيف بقول له .. بديت أطاالع صوب التلفزيون عسب تقل الربكه .. وأنسى اني معااه .. ما حسيت الا والشااااااشه تسووووووود ... لفيت ويهي .. طالعت زاايد ..مستغربه .. زايد : عايبنج الفلم .. هزيت رااسي وقلت بارتبااك : هي شغله .. زايد : لا .. يلا نسير نرقد .. قلت : لا أنا بشوووف هالفلم .. زايد ابتسم وقاال : انزين شو كاان يصير أخر شي .. قبل لا اصكره .. ارتبكت .. وما قلت شي .. يعني يعرف اني مرتبكه ومب منتبهه .. شو يخلصني منه الحين .. زايد ابتسم وقاال : أدري بالج بمكان ثااني ... صح ...؟؟ ما رديت عليه ونزلت رااسي .. زايد ابتسم وقاال : يلا سيري مسحي هالميكب .. عسب نرقد .. وقفت وقلت : انشالله .. مشيت وانا ارووح صوب المرايه .. أحس روحي خادمه عندك يا زاايد ولا جني حرمتك .. جيييه تعاملني جذي .. حتى شوري بالشي اللي احبه واللي ما أحبه بعد ما يااخذه .. و أخرتها معااك .. حتى فرقاادي تتحكم .. ما خليت شي ما تحكمت فيه .. أنا اللي الكل كاان يسوي لي ألف حسااب .. بس الحين معااك يا زاايد ولا جني أسوى شي .. × × بعد مرور يومين .... .............. : هلا والله .. شييوم تبتسم : هلا بج زود .. قلت : حياااكم .. أم شهاب ابتسمت وقاالت : الله يحييج بنتي .. قلت : زين ييتو ... أم شهاب ابتسمت وقاالت : هذي شييوم تقول الا نروح ابا اشوف أختي .. قلت : فديتج هههه .. شخباركم .. شو علومكم ..؟؟ أم شهاب : بخير الحمدلله .. انتي اش حالج ..؟؟ قلت : بخير .. اش حال ابوي وشهاب وعمامي .. عساهم بخير .. أم شهاب : بخير الحمدلله .. يسلمون عليج .. قلت : الله يسلمهم ويعافيهم من كل شر يارب .. مشتاقه لهم واايد .. أم شهاب : هم بعد يبون يشوفونج .. قلت : انشالله ع نهاية الاسبوع بشووف يمكن بيي .. أم شهاب : حيااج .. هنااك بيتج واهني بعد بيتج .. ابتسمت وقلت : صدقج أماايه .. أم شهاب : وينها عمتج ..؟؟ قلت : موجوده الحين بزقرها .. أم شهاب : عيل زقريها عسب بنيلس شوي وعقب بنروح .. قلت : لا تقولين ... الا تتمون ع العشا عندنا .. أم شهاب : يوم ثااني بنتي .. ما يصير اليوم بااجر مدارس .. قلت : ماشي الا تتمون .. أم شهاب : لا حول ولا قوة الا بالله .. ضحكت وقلت : انزين انزين ههههه .. اش حالكن دبووووااات خخخخخ خلود وشذى ضحكن .. شذى : بخير الحمدلله .. قلت : كبرتن ماشالله ههه خلود : اونج عااد لا تجاملين .. قلت : مب قااهرني غير هذي اللي اربع وعشرين ساعه عيونها فالبلاك بيري .. شيما رفعت رااسها : هههه وليش انشالله ,, قلت : ما أدري منو اللي ذاابحه روحها وتقول ابا شهووود وابا شهود وأخر شي حتى ما تطالعيني هههه شيما : خلااص خلااص بطالعج هههه قلت : أماايه قولي لبابا يسحبه عنها خلااص .. مو أوكي للبنات .. شيما بطلت عيونها : جيييه انشالله .. قلت : جذي .. وبعدين شهااب شكله متضاايج من سالفة البلاك بيري ويبا يسحبه عنج .. شيما : اوهو علينا .. قلت : عن تصيحين هههه مب بلاك بيري مسوي بج جذا .. صج بناات أخر زمن .. شيما : انتي شو عااد ...؟؟ قلت : ماما أنا حريم ههههههههه أم شهاب : استغفر الله هههه انتن بعااد وجذا .. زين تزوجت شهد ولا صدق بتستوي مشااكل هههه ضحكت وقلت : ثواني برووح بزقر عمو وبرد .. أم شهاب : هي بنتي .. قبل لا يأذن العشا .. قلت : ثواني بس .. شييوم طالعت أم شهاب : ماما نتم ع العشا حراام .. أم شهاب : عيب بنتي وبعدين نحن مب مخبرين النااس من قبل .. شييوم : ما فيها شي انزين .. أم شهاب : مره ثاانيه انشالله .. وشهد روحها بتيينا .. شييوم : أوهو علينا .. أم شهاب : وراكم مدرسه بااجر ولاازم ترقدون .. شييوم تهمس لشذى وخلود : هههه ما تدري انه نرقد ثلااث الفير .. خلود : انتي وهي بس .. أنا ديايه الحمدلله هههه شييوم : هي أدري بج ديايه هههه خلود : سكتي بتيي الحرمه ونحن يالسات نتحرقص .. شييوم : ما هذا المصطلح الجميل يا بنت العم ... خلود : من قااموس خطيبج يا حرمة أخويه هههه شييوم : مالت .. أم شهاب : شيما اتصلي بأخوج وقولي له يوم بتصل به يمرنا .. شيما : ماما خليفه قاال بيردنا .. أم شهاب : لو جي .. زين عيل .. دخلت أماني ومعاها شهد الصغيرونه.. : السلام عليكم .. الكل : وعليكم السلام .. أماني رااحت صوب أم شهاب وباست رااسها : اش حاالج خالو ..؟؟ أم شهااب : بخير ربي يعافيج بنتي انتي اش حاالج ..؟؟ أماني : تمام الحمدلله ... اش حاالكن بناات ... البنات : بخير الحمدلله .. شيما : عطيني الصغيرونه ... أماني : هههه بتلعوزج .. شيما : عادي مب مشكله هههه .. اماني : هااج خذيها هههه شيما : يا فديت روحها والله الصغيرونه .. أماني : تشبه منو ...؟؟ شيما تتمعن : ما أعرف والله .. أم شهاب : مااخذه صوب عمتها منى .. أماني : هي أحس جذا .. هههه أم شهاب : وين رااحت شهد ..؟؟ أماني : تزقر عمو .. أم شهاب : طولت نحن يايين نشوفكم بس عن تسووون شي .. أماني : ما فيها شي عمو .. أم شهاب : بس بعد نبا نسولف ويااكم شوي من زماان عنكم العرس اشغلنا .. أماني : هيييه والله العرس تعب هههه أم شهاب : اش حاالها الصغيرونه .. انشالله صحتها زينه ..؟؟ أماني : زينه الحمدلله بس بعد الدكتور يقول ضعيفه .. أم شهاب : ما عليج من هالدكاتره كل يوم لهم رمسه .. شيما : لا ماما رمسة الدكاتره صح .. أم شهاب : انتو عياال اليوم كل شي تصدقونه أول وين اليهال امرررره ما يمرضون ولو مرضو ما يطول المرض .. بس عيال اليوم كل يوم زجام وكحه واللي ربو .. أماني تضحك : هههه صدقج خالو .. تدخل أم زايد : السلام عليكم .. أم شهاب والبنات يوقفن عسب يسلمن عليها : وعليكم السلام .. أم زايد : اش حاالج أم شهاااب .. عسااج الا بخير .. أم شهاب : بخير ربي يعافيج الغاليه ومن صوبج ..؟؟ أم زايد : بخير الحمدلله .. اش حالكن بنااتي ...؟؟؟ البنات : بخير .. أم زايد : استريحو البيت بيتكم .. دخلت والخدامه ورااي وهي تييب الفواله .. يلست وقلت : عموو ترا أماايه ياايه تشوفج ... أم زايد : فيها الخير والله .. أنا بعد بغيت أييكم بس ما احصل فرصه .. أم شهاب : تعاالي .. حيااج باي وقت .. أم زايد : الله يحييج .. بس وين الواحد الحين كله مشغول .. أم شهاب : هي من بعد العرس واايد انشغلنا .. شيما تيي صوبي : اش حاالج ..؟؟ قلت : تمام انتي اش حاالج ..؟؟ شيما : حالي مثل ما هو هههه .. قلت : منو يابكم ..؟؟ شيما : خلوف .. قلت : يا حيييج والله .. شيما ابتسمت وقاالت : فديته خياااال هالانساان .. قلت : المعقد هههه شيما : حراام عليج .. اش حاله زاايد .. ما حبيت ان شيما تتدخل بحياتي لأنها بعدها بنيه ومب شي انها تعرف عن الخلااافاات اللي تصير بيني وبين زاايد .. قلت : تمام الحمدلله .. شيما : هالله هالله بنسيبي .. ابتسمت بألم وقلت : انشالله ههه .. وأنا ولا جني أختج .. شيما : لا بالعكس أختي على عيني ورااسي هههه ابتسمت وقلت : فديتج والله .. شو ما عليكم امتحانات ولاشي جذا بااجر .. شيما : لا وين الله يخليج .. قلت : زين مفتكين .. هاليومين .. شيما : هههه زين بااجر الخميس .. قلت : يا حبج لهاليوم .. هههه شيما : وانتي بعد كنتي تحبينه هههه قلت وأنا أتذكر حيااتي مع زاايد قبل .. ابتسمت بألم وقلت : هي أتذكر هههه .. شيما : تعاالي متى بتيين صوبنا ..؟؟ قلت : زاايد يقول اليمعه بنرد دبي .. شيما متخرعه : اليمعه ...؟؟ قلت : هي جيييه ..؟؟ شيما : لا حرااام تعاالي صوبنا اليمعه والسبت ردي .. قلت : ما يصير السبت لاازم نكون في دبي ترا الطياره يوم الاحد الصبح .. شيما : هي صح .. قلت : وبعدين يوم اليمعه انشاالله قبل لا نروح بمركم .. عسب اسلم عليكم وع الوالد وعمامي .. شيما : هي زين مرينا .. قلت : بشتاق لكم صدقيني .. شيما : أنا أكثر فديتج .. صح خلااص قررتو تروحون ايطاليا .. قلت : هي زاايد يقول جذي .. شيما : اش كثر بتقعدون ..؟؟ قلت : والله ما أعرف بس أكثر ظني ما بنطول لأنه زاايد اجازته مو طويله .. شيما : اها .. ما أوصيج الا تيبين لي اشيا هههه قلت : افا عليج من عنوني ههههه شيما : يا حظج بتسافرين هههه قلت : لا تستعيلين دورج يااي .. شيما : ههههه لا تفاولين عليه .. قلت : روحج يالسه تقولين حظج ترا دورج يااي ههههه .. شيما : الله يستر بس هههه قلت : شييوم فديتج سيري مكانج .. عيب كلهم يرمسون مع بعض بس أنا وانتي بوادي هههه شيما : هههه صدقج .. أوكي .. ابتسمت وقلت : أموون عطيني شهوود .. أماني ابتسمت : خذوها عني بفتك دقايق ههههه قلت : حراام عليج هالصغيرونه عسل والله .. أماني ضحكت : فديتج والله .. أم شهااب : بااجر شهد بييها روحها عيال وبتطفر تقول تعالو خذوهم عني هههه تلومت حسيت خدودي حمرت ......... أم زايد : ههههه هي وريلها مستعيلين شكلهم .. الاثنين يحبون اليهال .. أم شهاب : بس شهود بسرعه تطفر منهم هههه أم زاايد : يوم بييها عيال غصب عنها تتحملهم هههه أم شهاب : هي لاازم الواحد يتحمل عيااله .. ابتسمت وقلت : لا لا بعطي وااحد لماما والثاني لج عمو هههههه أم زايد : ههههه وين فينا شده نحن .. يالله يالله نشل رواحن ههه قلت : لا لا الخدامه وياهم بس انت اشرفو ع التربيه هههه أم شهاب : محد بيخرب العياال غير هالخداامات .. أم زايد : هي صاار الياهل مع الخدامه أكثرمن ما ييلس مع أمه ... أم شهاب : الله يهدي البناات .. أماني : بدن العيااايز بالحش مالهن ههههههه أم زايد : مب حش بنتي .. هـا الصدق الحين اليهال مع الخدم .. شيما : انا عن نفسي عيالي بقطهم ع الخدامه هههههه أماني : الحين تقولين جذي .. باجر نشوووف من اللي بيركض ورا عياله .. شيما : ههههه وقتها يصير خير .. قلت وأنا ابتسم : عموووه منى وفطيم ما بييون ..؟؟ أم زايد : يوم اليمعه الظهر بييونا انشالله .. قلت : بشوفهم قبل لا نساافر .. أم شهاب : ديري باالج ع روحج بنتي يوم تروحين هناكي .. أم زايد : هي عن يصيبج برد ولا شي .. ابتسمت وقلت : لهالدرجه مهتمين فيني ههههه أم زايد : لو ما نهتم بج نهتم بمنو ههههه أماني : ترااني أغاار .. أم زايد : ههه توها عروس يديده ندلعها يوم يومين .. قلت : لا لا ما ارضى يعني بتنسوني .. أم زاايد تضحك : نمزح انزين هههه ابتسمت وقلت : ههه أدري عمو لو انه صدق جاان تشوفين فيوزاات أمون ضاااربه من الغيره هههه أماني : عمو عمو طالعيها هههه أم شهااب : الله يهديكن ... هههه شيما : الحمدلله ما عندي سليفه ههههه خلود : تريي بتييج جريب ههه قلت وأنا ابتسم : صدق .. خلود قرر يعرس .. خلود : جريب انشالله .. ابتسمت وقلت : مبرووك ... من سعيدة الحظ ..؟؟ خلود : روحي ما اعرف والله هههه قلت : يلا ع البركه انشالله .. شيما تعقد حياتها : محد خبرني عسب اروح اخذ لي فستان .. خلود : بلااج هههه بعده ما خطب .. قلت : ليكون يتزوج وأنا مسافره .. خلود : لا لا ما اعتقد يسويها هههه قلت : هي ترااني بزعل .. أم شهاب : يلا عيل نحن بنروح الحين .. أم زايد : وين تو النااس يا حرمه ..؟؟ .. أم شهاب : البناات وراهن مدرسه بااجر .. أم زاايد : توها ثماان .. ايلسو عقب العشا روحو .. أم شهاب : مسويه عشانا فالبيت حراام ينجب .. أم زاايد : عاادي تعشو عندنا اليوم ما يصير شي .. أم شهاب : مره ثاانيه الغاليه دواامات عااد انتي أدرى .. أم زايد : هي صدقج بااجر الخميس ودوامات .. أم شهاب : مره ثاانيه انشالله بيي وبتعشا عندج .. أم زايد : المره اليايه الا تتمين عندنا .. أم شهاب : انشالله .. أم زايد : تبين شي ترا نحن خوات ما بينا شي .. أم شهاب : سلامتج الغاليه .. أم زايد : ربي يسلمج من كل شر .. أم شهاب : يلا عيل بناات نروووح .. شيما : أماايه بعد خمس ثوااني .. أم شهاب : بااجر ورااكن مدرسه .. أماني : عمو مافيها شي خمس دقايق .. أم شهاب : خليفه بيمرنا وهو روحه ورااه دوام وكليه .. أماني : هي الله يعينه .. أم شهاب : عيل نحن نستأذن .. يلا مع السلامه .. أم زايد : مع السلامه الغاليه .. تعالو صوبنا مره ثانيه .. أم شهاب : انشالله .. وانتو بعد تعالو صوبنا .. أم زايد : انشالله .. أم شهاب : عيل بحااول بييج انشالله بس انتي ادرى بالشغل عااد ما يخلص غير مسؤولية البيت .. أم زايد : هي الله يخليج من تنشين ما ترتاحين من هالمسؤوليه .. قلت : أماايه اتصلي بخلوف خل يدخل سيارته فالحوي .. بسلم عليه .. |
الحلقه الثامنه و الثلاثون .. لك الحق تلومني .. وأنا مثلك أعاني .. مستحيل يحل ثاااني ... مكانك يا غالي .. أم شهاب : يمكن أماني بتطلع ولا شي .. أماني : لا خالو ما بطلع ,, قلت : الحوي عود وبااابه اربع وعشرين ساعه مبطل خل يدخل سيارته صوب الفله .. أم شهاب : بتصل به عيل .. شيما ابتسمت لي فهمت عليها .. قلت : بسج لا توزعين ابتسامات هههه شيما : قاال الا أقعد ورااه ... قلت : هي اسمعي رمسته هههه شيما : استحي والله .. قلت : ترمسينه وتستحين غريبه انتي هههه شيما : شو قالو لج الحيا معدوم مره ههه قلت : لا بس اتحرا .. هههه شيما : مليقه هههه قلت : سكتي هكو خلوف وصل .. شييوم ابتسمت : فديته .. قلت : قصري حسج عن يسمعونج يالخبله ههه شييوم : عادي خطيبي هههه ......... : ماشالله .. خلااص الخبر ثواني وبيوصل له ههههه شييوم : جب خلودوه .. خلود ضحكت : ليييش انشالله هههه شييوم : لا تفضحيني هههه خلود : ماماتي ترا الكل سمع هب أنا روحي هههه قلت : روحها الخبله فضحت روحها والحين تقول عننا نحن فضحناها هههه شييوم : يلا بنروح .. طالعت صوب خليفه وقف السياره ونزل .. يااه صوب أم زايد .. وباسها ع راسها : اش حالج أماايه ..؟؟ أم زايد : بخير وعافيه ولدي .. انت اش حالك ..؟؟ خليفه : بخير .. ربي يسلمج ويخليج الغاليه .. ابتسمت طالعته وقلت : اش حاالك ولد عمي ..؟؟ خليفه : بخير وسهاله .. اش حاالج يالعرووس هههه ..؟؟ ابتسمت وقلت : تمام داام شفناك يالقاطع .. خليفه ابتسم وقاال : مشااغل الدنيا عاد ههه .. قلت : مسموح هالمره وبس ههه المره اليايه اذا قطعت ماشي مسامحه .. خليفه ابتسم : انشالله ما بنقطع هههه ... ها عمو .. خلااص بتروحون ..؟؟ أم شهاب : هي ولدي .. خليفه : يلا عيل ركبو السياره .. أم شهاب : يلا بنات .. خليفه : مع السلامه عيل نشوفكم مره ثاانيه .. أم زايد : الرب لكم حافظ .. قلت : مع السلامه .. بعد ما سلمو علينا .. وخليفه حرك سيارته عسب يروحون .. طالعت صوب باب الحوي ... سيارة زايد ... أم زايد : هذا زايد .. قلت : هي أماايه .. أم زايد : زين ياااه من الصبح وهو محد ولا جنه معرس .. قلت : هههه أمايه عادي كان عنده شغل يسويه قبل لا نسافر .. أم زايد ابتسمت : هي عيل جذي زين .. قلت : أمااايه يلا ندش داخل .. أم زايد : يلا .. ولا انتي تبين تتريين زايد لما يدش .. قلت : لأأ زايد لما يبركن سيارته نكون نحن دشينا .. أم زايد ابتسمت ونحن قاعدين ندش : أختج شيما فوضويه ماشالله عليها ههه ابتسمت وقلت : أنا بعد كنت جذا هههه أم زايد : الله يحفظها .. قلت : آمين .. ............. : زين شكلكم ما بغيتو تدشون ههههه ابتسمت وقلت : عااد التوديع روحه يباله سااعه هههه أماني : شو بتصلون وعقب نتعشى ولا كيف .. أم زايد : بنتعشى كلنا رباعه بعد الصلاه .. أماني طالعتني وقاالت : أماايه يمكن شهد مب متعوده .. أم زايد : لا لا شهد خلااص منا وفينا هب غريبه ... أماني ابتسمت وقالت : ع راااحتج .. أم زايد : عيل أنا بروح بصلي وبرد .. أماني : تقبل الله .. مقدما هههه أم زايد : منا ومنج .. رووحت أم زايد .. طالعت أماني وقلت : شو اللي مب متعوده عليه .. أماني : قصدي انج تتعشين ويانا .. قلت : هي ليييش شو فيها ..؟؟ يعني يوميا نتعشا رواحنا أنا وزايد .. أماني : مو قصدي جذي .. ترا ريلي بيكون موجود .. قلت وأنا توني استوعب : اهـــــــــــــااا .. أماني : عادي تظهرين جدامه ولا كيف ..؟؟ قلت : حسب كلاام زايد والله ما أعرف .. أماني ..: عيل يوم اييي ريلج تصرفي هههه قلت : ههه بنشوف شو بيقول .. أماني : تصدقين جنه ريلي ياااه .. عيل أنا بروح فوق .. قلت : لا استريحي ها ريلي هههه أنا اللي بروح فوق .. أماني : زين عيل هههه ابتسمت ومشيت .. وأنا يالسه أمشي .. طالعت زاايد ابتسمت له .. وقلت : هلا .. زايد : السلام عليكم .. رديت السلام : وعليكم السلام والرحمه .. زايد : شو الاخباار ..؟؟ قلت : تمام .. زايد : وين الوالده ..؟؟ قلت : رااحت تصلي .. زايد : انزين أنا بروح برقد .. قلت : ما بتتعشى ..؟؟ زايد : لا مالي خااطر لو يعت بنش بيي باكل .. قلت : بس انت من الصبح محد .. زايد : كليت برع .. مشيت مع زايد ونحن نمشي .. قلت : سلمو عليك .. زايد : قووم أمج وخواتج .. قلت : هي اليوم يو عندنا .. زايد : الله يسلمهم .. استانستي ..؟؟ ابتسمت وقلت : هي شييوم فديتها غيرت جوي .. زايد : زين .. قلت ونحن ندخل القسم .. : شو راايك ..؟؟ زايد رفع حياته : بشو شو رايي ..؟؟ قلت : بالدراعه ..؟؟ زايد : حلوه .. عقدت حياتي وقلت : يعني كل مره أكشخ تقول حلوه بس هالمره يوم سألتك عقب قلت لي .. زايد ابتسم : تعباان أبا ارقد .. ابتسمت وقلت : سامحتك هههه زايد : شهاب اللي كان موصلنهم ...؟؟ قلت : لا لا هذا خلوف ولد عمي .. زايد وهو يفسخ الغتره : ولد عمج ..؟؟ قلت : هي .. ليييش ..؟؟ زايد : وانتي ماشالله كنتي واقفه وياهم برع .. قلت : لييش شو فيها زايد ..؟؟ زايد : ماشالله كاشخه وكل شي وراايحه تسلمين عليه ... ردينا ع الطير ياللي .. : زاايد ما فيها شي وبعدين كنت مستوره وغير جذي انت تعرف نحن نظهر يداام عيال عمنا .. زايد طالعني بنظره وقاال : خالد ما تظهرين جدامه .. حسيت روحي بموت .. لهالدرجه تشك فيني يااا زاايد حتى من عياال عمي تحرمني .. قلت : ولييش انشالله ..؟؟ زايد قاال بجمود : قلت لج شي غصب عنج تسوينه سمعتي .. قلت : شو الفرق الحين بين خالد وخليفه ..؟؟ زايد : لا تجادليني .. ابتسمت بسخريه وقلت : زاايد ممكن أعرف انت لييش كل يوم شكل .. زايد طالع روحه وقاال : ما اشووف روحي كل يوم بشكل الحمدلله هههه قلت : مره رااضي ومره زعلان والله ما قمت أعرف لك .. زايد طالعني بنظره شيطانيه : سألي روحج هالسؤال ..؟؟ طالعته وقلت : سألت روحي ما لقيت له جوااب .. زايد : وأنا شو يخصني .. روووحج بتعرفينه .. طالعته وقلت : زاايد حراام عليك انت لييش جذي .. من اول يوم لنا ونحن مع بعض انت جذي .. زايد طالعني وقاال وهو طفران : شهد أنا أعصاابي روحها اليوم مب أوكي .. اسكتي وخليني ارقد أحسن لج .. طالعته وهو يااخذ ملابس له من الكبت .. سكتت ما قلت شي وطلعت من الحجره .. رحت الصاله .. والله مليت .. مليت من صدك يا زاايد كلما ابي نفتح صفحه جديده انت ترجع لورا .. ابد ما فكرت فيني .. ابد ما تفكر انك قااعد تجرحني وتقلل من قيمتي .. كل همك انك تحسسني بالذنب .. والله اني حسيت .. وعرفت اني غلطت .. بـــــس ليييش بعدك مب رااضي تفهمني ليييش ...؟؟ كلما أحااول أكسبك واتقرب منك .. تبعدني عن دربك .. مدري شو اللي قااعد تفكر فيه .. انتقام وانتقمت مني خلااص .. لأني وافقت اتزوجك وأنا ما كنت راضيه بس انت اللي اجبرتني .. حطمتني نفسيا .. مدري اش ناوي عليه أكثر من اللي سويته ... خذيت نفس طويــــــــــل ما بين عبرااتي اللي قااعده تهل بصمت وتحمل كل معااني الألم .. حسيت بضيق تنفس .. لااازم احس بضيق تنفس وكل شي بعد .. كله من اسلوبك معاااي يا زاايد .. أحس الدنيا بعد تضيق عليه .. سمعت صوت .. بكلامه خلاني اتألم : تعاالي ارقدي ترا دموع التماسيح ما تفيد .. غمضت عيوني بألم وقلت : مابا .. زايد : براايج .. بس اقول لج ماشي فاايده من الصيااح ترا .. قلت : أدري ... واصيح على كيفي اعتقد .. دموعي أنا مب دموعك .. زايد ابتسم بسخريه وطالعني بنظره شيطانيه .. حسسني فيها اني أقل منه بكل شي .. بامكانه يوديني وييبني على هواااه ... تألمت من دااخلي دعيت بلحظتها لو أموووت او يستوي لي أي شي ولا أعيش بذل مع زاايد .. × × يوم الجمعه .. الساعه وحده بعد صلاة الجمعه ... الشبااب راجعين من المسيد .. دخلو الصاله وأول شي توجهو صوب أمهم وباسو راسها .. أم زايد : تقبل الله منكم .. حمدان ياخذ شهد من عند أماني وييلس يمب أمه : منا ومنج أماايه .. زايد هو الثاااني بعد ييلس يمب أمه : أماايه طالعي حمدان معذب بنته هههه أم زاايد : ذبحتوها هالكتكوته توها ما كملت الشهرين وانتو تلبسونها هالشباصات .. حمدان يضحك : ما يخصني هااي حرمتي هههه أماني : عمو جذي أحلى ولا لييش بنيه هههه أم زايد : حليلها الصغيرونه .. منى تبتسم : بنتي أحلى عن بنتكم هههه .. حمدان : سمعتيها أماايه .. أم زاايد : أحبهم كلهم والله .. زاايد : لا لا عيااالي أنا بتحبينهم زيااده صح هههه أم زايد : الله يهديكم هههه حسيت روحي تلومت يوم زايد قاال جذا .. فاطمه طالعتني وقاالت : شهوود متغيره ههه طالعتها ابتسمت وقلت : هههه للأحسن ولا ..؟؟ فاطمه : لا لا للأحسن ماشالله هههه قلت : زين فرحتيني ... فاطمه : أمييييه خلااص نقول لهم ينجبون الغدا .. أم زايد : هي خل ينجبونه .. منى : توها الساعه وحده ترييو شوي .. حمدان : ماما ترا نظاام بيتنا غير ههه ريوق الساعه سبع .. الغدا الساعه وحده والعشا ثمان .. فاطمه : زين نظامكم حق البقر اللي عندي هههه أم زايد : استغفري ربج هذيل عياالج .. فاطمه ابتسمت : مب أحفااد اعوذ بالله كله تدافع عنهم .. زايد وهو يطالع تلفونه ضحك : عطيها أمايه عطيها .. تستاهل .. استغفر الله حريم الحين وين وحريم أول وين .. منى : يااحااافظ بنشوووف حرمتك كيف بتطلع هههه تلومت .. هذا وقته ييبوني طاريي .. زايد قال : لا لا حرمتي غير هههه زين يمدحني يداام أهله .. ولا هنااك وجودي وعدمي وااحد .. ما تفرق ويااه اذا فخاطري في شي ولا في شي مكدرني .. × × شييوم رايحه وراده : تغدينا وخلصنا والهااانم يعدها ما يت .. أم شهاب : هدي بنتي .. الحين بتيي انشالله .. شييوم : وين الحين بتيي .. الساعه جربت تصير ثلااث وحضرتها ما شرفت .. أم شهااب : لما تجهز روحها ولما تسلم ع أهل ريلها .. تريي انتي .. شييوم : يا خوفي تروح بدون ما تسلم علينا .. أم شهاب : تعوذي من ابليس وبتيي انشالله .. شييوم : أعوذ بالله من الشيطان الرجيم .. شذى يايه : بعدها ما يت .................؟؟ شييوم : شكلها ما بتيي .. شذى : مو بعيده تسويها .. أم شهاب : لا ما بتسويها انشالله وانتن قرن مكانكن .. شهاب يصكر اللاب توب بقوه : انتي وياها ايلسن لأنه رااسي افتر من اسألتكن .. شيما : بسم الله الرحمن الرحيم .. بلاااك يااا رياال ..؟؟ شهاب : لق لق لق لق لق .. حياة الحريم هااي .. اعووووذ بالله صدق ترفعون الضغط .. شذى : ترااك بتااخذ حرمه بعد .. وبنتك بعد بتكون حرمه .. يعني لا ترمس ع الحريم أحسن لك .. شهاب : حرمتي لو شرااتكن ما بعرس بعد .. شيما تضحك : نشوووف ههههه شهاب : هه الجرس رن ... كونداليزا راايس وصلت .. شيما : امحق .. يشبه مكله جمااال العالم بهذي اللي مدري تشبه منو .. شهاب : ههه خلااص ولا يهمج .. شهد بنت أحمد الـ ............. وصلت .. رضيتي .. شيما : هيييه جييي زين .. أختي روحها شخصيه ما يبالنا نشبهها بشخصياات هههه دخلت وأنا مبتسمه : اسمع نااس يمدحوني هههه شيما : تونا يالسين نطريج والله ههههه قلت : بالخير ولا بالشر .. ؟؟ هههه شيما : لا لا أكيد بالخير .. تجدمت عن أماايه وبست رااسها : اش حالها الغاليه ..؟؟ امايه : بخير ربي يعافيج بنتي .. قلت : اش حالكم يالربع ..؟؟ هههه كلهم : بخير .. قلت : وين باباتيه ..؟؟ أم شهاب : الحين بيي هو وعمج .. قلت : هي خل يسرعون لأنه ورانا خط .. أم شهاب : استريحي شوي .. قلت : ما فيني ريلي يترياني .. أم شهاب : خل ينزل يسلم انزين .. قلت : فالميلس هو .. أم شهاب : شهاب أبويه سير صوبه .. شهاب : انشالله أماايه .. قلت : أماايه اتصلي بابويه وعمامي لأنه بنظهر قبل الصلااه عن نتأخر .. أماايه : انشالله بنتي بس انتي استريحي .. رحت صوب الكنفه ويلست .. شييوم وشذى يو صوبي .. طالعتهن وقلت : اعرف اش تبون ..؟؟ شيما ضحكت : اللبيب بالاشاره يفهم .. قلت وأنا اضحك : أدري .. نعاال جنطه ميكب ملااابس .. كل شي كل شي حلو .. صح ..؟؟ هههه شذى : هي هي ما نوصيج عااد بالاشيا الحلوه .. ابتسمت وقلت : افاا عليكن ههه بس عااد ما بفلس ريلي .. شيما : المهم اشيااا حلوه .. قلت : انشالله انشالله بس انتو خلو عنكم الطمع ههه شيما : محد غيرج .. يالطماعه ههههه قلت : ما احيد اني يوم أحد يسااافر ايلس ع رااسه ييب وييب هههه شيما : عن السخاافه شهدوووه نحن مب طالبين من أحد غريب .. قلت : اتمصخر انزين هههه .. ولا يهمكن بشتري لكن اللي تبون .. شذى : هي أختنا الحلوه هههه قلت : يالمصااالح .. تخلي الواحد يبوس رااس الثاني ههه شيما : ترا الدنيا مصاالح ههه قلت : عندج انتي دبوووه هههه ... شذى : ياربي شهوود حظج بتسافرين .. قلت : بيي دورج انتي بعد هههه .. شكله بابا ياااه يلا عيل بروح بسلم أنا عسب نروح .. شييوم وقفت وبااستني ودموعها هلت : شهووود بشتااق لج .. قلت لها وأنا اضربها بالخفيف : وأنا بعد دبووه .. لا تصيحين .. شيما مسحت دموعها : ديري باالج ع رووحج .. مسحت دموعها وقلت : انشالله .. وانتي بعد ما اوصيج بالدرااسه .. شيما هزت راسها : أوكي .. شذى باستني : بشتااق لج واايد .. قلت : وانا بعد فديتج .. ما اوصيج بدروسج .. شذى : لا انشاالله بذااكر .. قلت : يلا عاد حباايبي برووح بسلم ع الوالد عسب نظهر .. شييوم وشذى سوو لي بااي ابتسمت وابتعد عنهن وقلت : بشتااق لكم هههه ... تجدمت عن الميلس دقيت البااي ودشيت .. شفت ابوي وعمامي ... تجدمت عنهم وبستهم ع رااسهم وابتسمت .. عمي بو خالد : اش حاالج بنتي ..؟؟؟ قلت : بخير ربي يعافيك عمي انت اش حاالك ..؟؟ عمي بو خالد : بخير بنتي .. عمي سيف : وأخيرااا شفنا عروسنا ههه ابتسمت وقلت : اش حالك ..؟؟ عمي سيف : بخير الحمدلله .. ابتسمت له وتجدمت عن ابويه وبسته ع رااسه وقلت : اشتقت لك يالغاالي اش حاالك ..؟؟ ابويه : بخير بنتي انتي اش حاالج .. ..؟؟ قلت : بخير الله يسلمك .. شهاب طالع الساعه : صاارت ثلاااث ونص وانتو بعدكم تسلمون ع بعض .. ابويه : خلنا عاد نشوووف شهد شوي هههه قلت وأنا اطاالع شهاب : ما عليك منه بابا .. اصلا شهاابوه غيراان ههههه .. شهااب طالعني : من حلااتج الحين أغاار هههه قلت أوني زعلاانه : بابا شوفه شو يقول ههه ابويه ابتسم : ما عليج منه يغاار .. شهاب : ولا جني ولدهم الوحيد هههه عمي بو خالد يضحك : شو تبا به الدلع انت .. ترااك ولد .. قلت : هي صدقه عمي مو حلوين الدلوعين ترا هههه شهاب طالعني وقاال : ترااج دلوعه يعني مو حلوه هههه عمي سيف : هي صدقه شهااب .. ابويه : تيمعو هالثنين ع بنتي .. بو خالد ابتسم : ترا ريلها بعده سااكت لو زودتوها شوي يا ويلكم منه هههه زاايد ابتسم .. طالعته ونزلت رااسي بسرعه .. يعني لاازم عمي يفشلني .. ابد ما يرتاحون اللي حولي الا لما يحرجوني .. عمي سيف : شكله الرياال ما يرضى ع حرمته ههه .. زايد ابتسم وقاال : هي بعدني سااكت بس عقب ثواني خلااص ههههه شهاب : ههه وين الوالده عسب تيي تسلم عليكم .. قلت : طرده محترمه استااذ شهااب .. شهاب : والله هب طرده بس حاس بريلج حليله ورااه درب واهني يأخرونكم .. زايد : لا عاادي ما فيها شي .. خذو رااحتكم .. عقب مدري متى بتشوفونا .. ابويه : كم بتتمون انشالله .. زايد : أنا قاايل ثلاااث اسابيع .. بس بعد بشووف لأنه اجازتي هب طويله .. ابويه : هي .. عيل الله يحفظكم .. ما نروم نقول شي .. بنتنا صااارت حرمتك .. شو ها .. ؟؟ والله ويهي لوووح شكلهم يفرون اليوم مصطلحات غير جيده .. بالأحرى محرجه ... الحين شـ يخلصني ...؟؟ شهاب : ما اوصيج أختي الا تييبين لي شي ههههههه زايد ابتسم وقاال : اختك شحيه اطلب عني أنا هههه شهاب : هي صدقك الحريم امممررره بخل عندهن .. زاايد ابتسم وطاالعني وقاال : أخووج اللي رمس هههه عمي بو خالد : اول سيف وشهاب .. الحين زاايد بعد هههه ابتسمت وقلت : شفت كيف عمي ظالميني هههه ابويه : وينها أمج تأخرت .. قلت : هي خل تيي نسلم عليها وبنظهر .. تأخرنا .. زايد طاالع الساعه : جريب أذاان العصر .. ابويه : شهاب ولدي سير ازقر أمك عن يتأخرون الجماعه .. شهاب : انشالله ابويه .. أبويه : ما أوصيك ع شهد يا زاايد .. زايد ابتسم : لا توصي حريص عمي .. أبويه : والنعم فيك والله .. ابتسمت ووقفت قلت : فديتج بشتااق لج .. أماايه يت وباستني : وأنا بعد فديتج .. ديري باالج ع روحج .. قلت : انشاالله وانتي بعد .. أماايه : الرب لكم حاافظ .. زاايد سلم على ابوي وعمامي والوالده وأنا بعد سلمت عليهم .. ورحنا صوب السيااره .. حسيت بألم .. اليوم صج صج بفااارق أهلي .. والله صعب توديع الحبااايب .. بشتاااق لهم واايد .. ابويه ابتسم وقاال : هالله هالله فالدرب .. وما أوصيك ع بنتي .. وديرو باالكم ع رواحكم .. زايد ابتسم : انشالله .. شهد فعيوني عمي هههه ابويه ابتسم .. ابتسمت له بألم ودي انزل واسلم عليه وأحضنه الين أمل منه .. ما أظن اني أمل منه .. بشتااق لهم كلهم والله .. فديتهم اليوم أحس بحبي لعايلتي .. كلماله حبي لهم يكبر ويكبر عسا الله لا يحرمني منهم .. |
الحلقه التاسعه و الثلاثون .. اسافر عنك وسافر معايه ترافقني بحلي وترحالي اغيب واترك العالم ورايه ولا احمل غير طيفك في خيالي زايد رفع يده يسلم وقاال : يلا فماان الله .. نزلت رااسي من بعد ما زايد رفع الجامه .. زايد طالعني وقاال : ترا ماشي خدامه فالبيت .. طالعته نزلت رااسي وما رديت .. حسيت بألم .. ولوعه .. ودي أصيح الين ما يبقى بعيني دموع .. زايد قاال بسخريه وهو يطالع الدرب : شو ما تعرفين ترمسين ..؟؟ ما رديت عليه وطالعت برع .. قال لي : برااايج .. بس يعني قلت لج كـ معلومه .. نزلت رااسي وقلت بهمس : الله يسامحك .. زايد : من بؤك لباب السما ياارب .. اللي يسامحني ويسااامح الجميع .. سندت راااسي وتنهدت بحيث ان زايد ما يسمعني .. لي متى بعااني يا زاايد لي متى بتحمل كلاامك واسلوبك السم .. متى بتحس فيني ولو شوي ع الأقل .. مر الوقت في السياااره والهدوووء عااام المكااان ... ما رمست بدوري .. وهم زايد ما تكلم ... باله مشغول بشي بس مدري شو هو ..؟؟ أما أنا ياحسره لو فتحت فمي وقلت كلمه وحده أعتقد الليله ما بتعدي على خير .. الهم والخوووف صاار محاصرني من كل الجهاات قمت أكره روحي بعد من صد زاايد لي .. × × شييوم تقوم : أكرمكم الله .. بو شهاب : بنتي ما كليتي شي .. شييوم : ما أشتهي بابا .. بو شهاب : كلي شوي بس .. شييوم : ما اروم بطلع كل اللي كليته .. بو شهاب : دام جذي براايج .. أم شهاب : اشو برااايها هذي مب ماكله شي من الصبح .. بو شهاب : تبين يسوون لج شي خفيف .. شييوم : والله مابا ما أشتهي .. بو شهاب : بتطيحين عقب ... شييوم : مو لهالدرجه عاد .. بابا ترا والله أكل .. بو شهاب : انزين ديري باالج ع روحج .. شييوم : انشالله .. عيل أنا بروح برقد .. أم شهاب : نوم العوافي بنتي .. شييوم : ماما وعيني بدري ورااي امتحاان أوكي .. أم شهاب : انشالله .. ما عليج انتي روحي ارقدي .. شييوم ابتسمت : أوكي .. شذى : ملل بدون شهدووووه .. بو شهاب ابتسم : أول كله طايحين عليها انتي وشييوم .. شهد وشهد والحين تفتقدونها .. شذى ضحكت : شو نسوي عاد ما عرفنا قدرها الا يوم روحت .. بو شهاب ابتسم : عسب تقدرون النااس مره ثاانيه .. شذى ابتسمت : ههههه انشالله يكون درس لنا .. أم شهاب : شذى يلا نشي عسب ترقدين .. شذى : بااكل مااما .. أم شهاب : اشوفج ما تاكلين .. شذى : لا باكل باكل .. أم شهاب : أعووذ بالله .. ميتين ع السهر .. وباجر يوم اوعيكم محد ينش .. شذى ضحكت : لا لا .. انشالله بنش .. أم شهاب : نشوف بااجر لو مانشيتي بترقدين من الساعه ثماان العشا .. شذى ضحكت : ولا يهمج ثمان ثمان .. تم يالغاليه .. بو شهاب ابتسم : اسمعو كلام امكم .. شذى : ومتى نحن ما سمعناااه .. والله كله أمرا وطاعه .. بو شهاب ضحك : هي ابااكم جذا .. شذى : الحمدلله شبعت .. بسير برقد .. أم شهاب : ترااني عقب خمس دقاايق بيي بجيك اذا راقده ولا لأأ .. شذى ضحكت : انشالله .. ههه بعد ما روحت شذى بو شهاب قال : جيييه شو مسويه .. أم شهاب : هالبنيه واايد قاامت تسهر .. بو شهاب : لا تخلين أحد يسهر .. أم شهاب : انشالله .. ( طالعت الساعه ) شهد اتصلت بك .. هي ولا زايد .. بو شهاب : هي زايد اتصل بي المغرب .. قال انهم وصلو .. أم شهاب : يلا الحمدلله .. الله يوفقهم .. بو شهاب : الله يوفق الجميع .. يلا عيل أنا بعد برووح برقد .. أم شهاب : نوم العوافي .. الساعه كم أوعيك ..؟؟ بو شهاب : الحزه اللي تقومين فيها العيال .. أم شهاب : انشالله .. يلا عيل أنا بس بحط الأكل وبيي برقد .. × × في دبي .. الساعه عشر بليل ... دخل زايد ومعااه أكياااس فيها الأكل .. حطا الأكيااس ع الطاوله .. وراااح صوب الحجره .. تميت قااعده مكاااني وأراااقبه .. طلع كندورته ولبس الجلابيه .. ياه قعد يداامي .. نزلت رااسي وتميت اطاالع الطاوله .. بدون ما أتكلم .. زايد : سيري يبي صحون عسب نتعشى .. قمت من مكاني ورحت صوب المطبخ اللي ما يبعد عن الصاله ولا شي .. لأنه نحن في شقه .. جهزت الصحون والاكواب .. حطيتهم في صينيه ورحت الصاله حطيتهم ع الطاوله .. ويلست بمكاني .. زايد فتح الجيس وحطا الأكل .. وطلع له سندويتشه وقال : كلي .. قلت له : مب مشتهيه .. زايد : ترا بتموتين من اليوع .. قلت : أحسن .. زايد ما علق وتم يطاااالع التلفزيون .. بديت العب بميدالية التلفون .. قلت : مافي شي فالبيت .. زايد وهو يطالع التلفزيون : مثل ..؟؟ قلت : ولا شي ولاشي .. عشاان الأكل .. حتى الثلاجه فااضيه .. زايد : الأجيااس اللي عند البااب فيها أشياا تكفينا يومين لأنه عقب بااجر الصبح بنساافر .. قلت وأنا أقووم : بسير برتب الاشيا .. تجدمت عن بااب الشقه وشليت الاجيااس .. ورحت صوب المطبخ وحطيت بعض الاشيا فالثلاجه .. والبعض فالكبت .. بعد ما خلصت يمعت الاجيااس الفاضيه وحطيتهم فالدرج .. وطلعت من المطبخ شفت زاايد يطالع الأخباار .. ويااكل .. دخلت الحجره .. رحت صوب الكبت طلعت لي بجامه عشاان البسها .. غسلت ويهي وغيرت ورحت صوب السرير عشااان ارقد .. لحفت روحي و يلست .. لا اراديا دموعي بدت تهل .. تذكرت شيما أبوي أخوي أماايه عمامي وكلهم .. حتى وليد .. هلت دموعي بصمت .. دخلت فالبطانيه وبديت أصيح بهدوووووء ...................... ما مر غير ثواني .. حسيت بأحد يهزني بخفيف .. قلت من تحت البطانيه : نعم ...؟؟ زايد يلس ع السرير ورفع البطانيه عني وتم يطالعني : شهد شو فيج ...؟؟ قلت وأنا ضامه يدي لويهي : ما فيني شي .. زايد : ما فيج شي وتصيحين بلااج .. قلت بجمود : قلت لك ما فيني شي يعني ما فيني خلاااص .. زايد بسخريه : تصيحين خاايفه من الأشغااال ...؟؟؟ قلت وانا ارجع البطانيه عليه : قلت لك مالك شغل فيني .. زايد : لا تخااافين ماماتي بييب لج شغاله بعد ما نرجع من ايطاليا .. يلست بسرعه وقلت : زاايد حراام عليك حراام شو انت ما تفهم .. زايد وقف وقال : ارقدي انزين لا تحشريني خلااص .. قلت : حراام عليك حس فيني مب كل شي تفسره على كيفك .. زايد : شهد ارقدي تراا واايد أحسن لج .. دموعي تحجرت بعيوني بعد ما طلع زاايد .. رجعت رااسي على ورا .. تنهدت بألم .. متى بفتك متى بعيش حيااتي . .. لين متى زايد بيتم يعايرني ويذبحني .. متى ومتى ومتى ومتى ............ مليت .... آآآآه منك يا زاايد .. ..... مرت الأيااام وحالي مع زاايد مثل ما هو .. رحنا ايطاليا .. قلت يمكن الوضع بيتحسن هنااك بعد ما نغير جو ونبتعد عن بيئتنا .. بس للأسف كلماله أمرنا يتعقد .. ما أنكر اني أحس معااه بالأماان بس بعد بنفس الوقت أنا محتاجه للحنان .. زايد قاام يشك فيني .. يحسسني اني انساانه طاايشه واحتمال أغلط وأسوي اي شي يوديني في دااهيه .. ............ بعد مرور أسبوعين ع الأحداااث السابقه ... يوم الاأربعاااء الساعه تسع بليل بتوقيت مدينه دبي ... وتحديدا جداام مطاار دبي الدولي ... بعد ما خلصنا اجراءات السفر وزايد رتب كل شي .. وخذينا الشنط طلعنا ورحنا صوب السياره .. اللي كان يايبنها ربيع زايد وهو رجع مع واحد ثااني .. ركبنا السيااره .. بعد ما ركب زاايد وشغل السياره وبعد ما العامل رتب الشنط .. زايد قال : الحمدلله ع السلامه .. ابتسمت بقصد شريف وقلت : الله يسلمك .. زايد ابتسم بسخريه وقال : بتشوفين حبايبج هاا .. خلااص .. نزلت رااسي وما رديت عليه .. شو قصده بهالجمله .. الا يبي يجرحني .. يذبحني .. يموتني قهر .. ما أعرف وش أخرتها معااك ياا زاايد .. والله اني أموت باليوم أكثر من مره والسبب كلامك الجاارح واسلوبك القااسي .. ابتسمت وقلت حره فيه : هي فديتهم اشتقت لهم كلهم .. زايد حرك السياره : شهد أنا روحي تعباان لا ترفعين لي ضغطي .. قلت : زايد كيف ارفع لك ضغطك ويمكن هذي أول كلمه أقولها .. زايد : تمي ساكته واايد أحسن لج .. لأنج ما تعرفين ترمسين .. حسيته قفطني .. أكيييد قفطني مو بس أحس انه قفطني .. نزلت رااسي .. ابتسمت بألم وقلت : مهما نحااول نفهم بعض .. بس ما اظن بيوم نفهم بعض .. زايد : أحسن .. انهي الموضوع خلااص .. ابتسمت بسخريه وقلت : هاللي الله قدرك عليه .. زايد : شهد اقول لج للمره المليون خلاااااااااااص .. ما تفهمين شو يعني خلاااااااااااص .. روحي مصدع ما فيني ع الحنه بعد .. × × ................ : شهوووووووود يت شهوووود يت .. شييوم نازله بسرعه : حلفي بس ... شذى : والله العظيم . شييوم : منو خبرج ..؟؟ شذى : توه ريلها متصل ببابا وبابا اتصل ع ماما .. شييوم : يلا الحمدلله.. شذى : يااااااااي وأخيرا شهوود يت .. شييوم : بس مو جنهم رجعو قبل ..؟؟ شذى : هي المفروض يرجعون الاأسبوع اليااي .. شييوم باستغراب : جيييه شو السالفه ..؟؟ شذى : أعتقد ريلها اجازته مو طويله .. شييوم : اها يعني جذا السالفه .. شذى : هي شكلها السالفه جذا .. شييوم : يلا عيل بتصل بها بااجر .. شذى : وليييش مو اليوم .. شييوم : الساعه تسع ونص .. وتوهم من نص ساعه راجعين .. لو اتصلت شهوود يمكن رااقده .. شذى : هي صدقج روحهم رادين من السفر تعبانين .. شييوم : هالأسبوع بييون العين ..؟؟ شذى : ما ادري .. أعتقد هي .. شييوم : هي من اسبوعين مب شايفتنها بموووت هههه شذى : بتيي لا تموتين هههه شييوم : يلا عيل أنا بسير برقد .. شذى : يالدياايه ... شييوم : وين الله يخليج بس الدراسه تذبح .. شذى : صدقج .. شييوم : يلا تصبحين على خير .. شذى : وانتي من أهله .. سي يا .. هههه شييوم : نحن في الواقع ماما هب ع المسن هههه .. اشوفج ع خير .. شذى ابتسمت : مطووعهـ .. شييوم ما ردت وصعدت .. شذى قالت : ماالت بااجر برااويج .. × × أحلاام ماسكه ظهرها .. مشت الين وصلت للسرير يلست بصعوبه وقاالت : وصلو خلااص .. سيف : هي وصلو .. أحلاام : الحمدلله .. سيف : هالمره يوم تيي شوفيها أوكي .. أحلام : هي انشالله .. سيف : لأنها بتزعل من اتزوجت ويت انتي لا رحتي لها ولا كنتي فالبيت .. أحلام : لا هالمره بشوفها انشالله .. سيف : انشالله .. أحلام : الحمل مهلكني .. سيف : والله احسه مهلكني ويااج بعد ههههههههه أحلام ضحكت : اونك عااد .. سيف : ارمس صدق ترااني .. من ييت أشوفج تتألمين وراقده .. عديتيني .. أحلاام ضحكت : هههه زين عسب تتأدب شوي .. سيف : شو قاالو لج عنيه ههههه ......... أحلاام : لا بس أسولف هههه .. شو تبا ولد ولا بنت ..؟؟ سيف : اللي يي من الله حيااه الله .. أحلام : فخاطري ولد .. سيف : تبين الصدق أنا بعد ههههه أحلام : البنت بعد حلوه بس الولد أحلى .. سيف : اكيد البكر يوم يكون ولد أحلى .. بس بعد محد يعترض أمر رب العالمين .. أحلام : ونعم بالله .. سيف : اذا ولد عبدالله .. واذا بنيه عهود .. أحلام : براايك البنيه سمها اللي تبا .. بس الولد عبدالله هههه سيف : ترااني شو قااعد اقوول .. هههه أحلام : ياارب يطلع عليك بكل شي .. سيف : كل شي .. ما عدا العصبيه هههه أحلاام : هي فهاااي صدقت ياريااال هههه سيف : مب بس أبووه عصبي حتى أمه ههه أحلام : لا عااد .. أنا مو لهالدرجه عصبيه .. سيف : ما أدري منو اللي عصبت هاااك اليوم .. احلااام : شبيهتي هههه سيف : ويا رااسج .. أحلاام : لو تقول انه يطلع دلوع ع امه .. مغرور أوكي بصدقك .. بس عصبي لأأأ .. سيف : ولييش انشالله .. أحلام : لأنه لو عصبي .. بيطلع عليك انته هههه سيف : لا خل يطلع عصبي ودلوع .. يمكس أحلى هههه أحلام : لا لا .. يااخذ من شخص وااحد وبس .. سيف : أنا أولى عااد هههه أحلام : لأأأأ أنا هههه سيف : انتي شكلج ناويه تسهريني اليوم .. أحلام : لا وين .. فيني رقااد روحي .. سيف : يلا عيل ارقدي لا تسهريني .. ههههه أحلام : هههه انشاالله .. وانت بعد ارقد .. سيف : أوكي .. وعيني بااجر الساعه ثماان .. أحلام : انشالله .. × × .............. : حلفي بس ...؟؟ نوف : والله .. قبل يومين رااحو .. مريوووم : يعني خطبو له خلااص .. نوف : هي خطبو له .. مريوووم : متى بنرووح نشووف البنيه .. نوف : ما أدري .. بس اليوم هل البنيه ردو انهم موافقين .. مريوووم : اهاا .. نوف : أماايه تقول عنها غاويه .. مريوووم : تشوفين أخوووج شايفنها بمكااان .. نوف : لا صدق هي أخت ربيعه .. مريوووم : لا لا شايفنها صدقيني .. نوف : كل شي جاايز .. ............ : منو اللي شايفنها .......؟؟؟ مريوم فزعت : محد .. نوف هي الثانيه : سوالف بنات سوالف بناات .. منصور ابتسم : محد باارك لي .. مريوووم قاامت من مكانها .. وراحت صوب منصور : مبرووووك مبروووك .. منصور ابتسم : الله يبارك في حيااتج .. مريوووم : منك المال ومنها العيااال .. منصور : هههههه انزين شو يخصه ..؟؟ مريوووم : شو درااني الا هو مثل ههههه منصور : وانتي نوفوه مب ناويه تباركين لي .. مريوووم : هي ماما .. يلا نشي باركي لأأخوج .. منصور ضحك : يلا يلا باركي لي .. نوف وقفت .. وقالت : مبروووك .. وانشالله اياامك كلها بتكون افرااح .. منصور : هههه الله يبارك فيج .. انشالله .. مريووم : قالو لج عيد ميلااده ههه منصور : اثر مريوووم هب راايحه بعيد .. طالعه عليج هههه .. نوف : شو نسوي عاده .. عايله فااشله في الامثال هههه منصور : هالأسبوع بوديكم تشوفون البنيه أوكي .. مريووم : هي هي أنا بييي .. منصور : لأأ ما بنوديج .. مريووم : منصوووووووور .. منصور يضحك : انزين انزين أمي بنوديج هههه نوف : بس هالأسبوع شهد بتيي من دبي .. منصور : براايكم .. أنا والوالده بنرووح هالاسبوع .. نوف : بشوووف برتب أموري .. وبعدين لاازم ايي أختك العوده هههه منصور : ويا رااسج .. قاالت عوده هههه نوف : هي عوده .. يعني مب تارسه عينك .. منصور : بلا تاارسه عيني هههه نوف : منصوور والله ما اتخيل شكلك معرس .. منصور : لا تخيلي .. ترااني بصير معرس .. عن تتطيحين بس يوم تشوفيني معرس هههه نوف : لا لا انشالله ما بطيح .. ههه منصور : يلا عيل يالثرثارات سيرن رقدن .. نوف : ما فيني رقااد .. مريوووم : ولا أنا .. منصور : سيرن ارقدن .. .. نوف : ما فينا رقااد يا ريااال .. منصور : من الفرح يعني .. مريوووم : ههه هي من الفرحه يعني يوم انك خطبت ما يانا رقااد .. منصور : خووش ماشالله .. منبه زين .. أحسن عن النسكافيه .. مريوووم : ههههه خوووش تشبيه .. نوف تتثاوب : بسير برقد .. منصور : ما ادري من اللي توه يقول مافيني رقااد وما فيني رقااد .. نوف : شو نسوووي .. النوم كاافر هههه منصور : سيري ارقدي عن تطيحين علينا بس هههه نوف : حراام عليك .. وبعدين خفيفه أنا هههه لو طحت .. مريووم : أنا بسير برقد ورااي امتحاان بااجر .. منصور : نوم العوافي .. مريوووم ابتسمت : الله يعافيك .. منصور : جهزي روحج بأي يوم عاادي أوديكم .. مريووم : جاهزه من قبل ما تخبرني ههههه منصور : أدري بج .. ميته الا تبيني اعرس ههه مريوووم : هي ابا ارقص هههه منصور طالعها بنظره .. جان تصخ مريووم وقاالت : برووح برقد .. نوف طالعت منصور وقالت : وأنا بعد .. منصور ابتسم : أوكي .. بس جهزو رواحكم أوكي ... نوف : اوكي .. منصور ابتسم : سيري ارقدي هههه نوف : هههه لهالدرجه عله عليك يعني .. منصور : لا بس شكلها فيوزاتج ضربت .. نوف : الظااهر جذي هههه منصور : من الرقااد هههه نوف : هي ههه .. يلا عاد تصبح على خير .. منصور : وانتي من أهله .. × × فتح بااب الشقه ودخل .. دخلت معااه .. حطا الجنط في صوب .. وبند بااب الشقه .. تجدمت عن الحجره .. طلعت عبااتي .. وطلعت لي ملاابس من الكبت .. لفيت شفت زاايد وااقف .. قلت له : اتصلت بالوالد ..؟؟ زايد : هي .. قلت : قلت له يخبر الاهل انه نحن وصلنا .. زايد : هي ... اسبحي بسرعه لأني بسبح بعد .. قلت بدون ما أطالعه : أوكي .. خذيت ملاابسي ودخلت أتسبح .. بعد ما طلعت .. حسيت بانتعااش .. أحس روووحي من زمان مب متسبحه .. صدق والله الواحد يوم يكون في دااره غير .. طالعت زايد خذا ملاابسه وتجدم عن الحمام وانتو بكرامه عسب يتسبح .. ما قلت شي .. رحت يداام المنظره عسب أجفف شعري ..سحيته وبعد ما جففته .. حطيت لوشن .. خلصت .. رحت صوب البطانيه .. حسيت ببرد فضيع .. انخشيت تحت البطاانيه ... بعد ما حسيت بالدفا .. تذكرت ايطاليا .. سفرتنا كاانت حلوه بس كاان ناقصها بعض المرح .. ما كنا ذااك الزود أنا وزايد مع بعض .. كنا نسولف مع بعض عاادي بس بينا حدووود .. ما خليت شي ما شريته .. صح انه ببيزات زايد بس هو روحه كاان يختاار مب اني أجبرته على شي وقلت له الا تااخذه لفلان ولفلاان .. اهوه اللي كاان يقول الا تاخذين ومدري شو .. صح بعض الاياام كانت ممله بس .. بعد بنفس الوقت حلوه لأنه كله نطلع وأبد ما نقعد فالفندق .. كاانو اسبوعين بس كأنهم سنتين من كثر التعب .. واايد حسيت بالتعب .. اربع وعشرين ساعه نازلين وصاعدين .. نرووح للمحلاات والاسواق والمولات .. والمطااعم .. هذا غير الدواره والاستكشااف .. بس بعد كانو من أحلى الاسابيع بحيااتي لكن ناقصهم السعااده .. اللي من انولدت وهي نااقصه .. سمعت صوت زاايد وهو يقول : بااجر الصبح رتبي الشنط اليوم لا ترتبينهم .. قلت : أوكي .. زايد رااح صوب المنظره يمسح شعره .. قلت : متى بنروح العين .؟؟ زايد : بااجر الظهر .. قلت : لو نرتاااح ونروح عقب أحسن .. زايد : عندي شغل السبت .. ولاازم يوم الجمعه نرجع دبي .. باجر الخميس .. بنروح العين نسلم ع الاهل والجمعه نرجع .. |
الحلقه الأربعون .. لا تسألني وش كثر حبي يكون حبي ترى ماهو من اوصاف الغرام حبي لو تدري ياعمري جنون ما ينوصف ما ينكتب مثل الكلام حب بناه الحب والقلب والعيون همسة غرام وخفقة القلب أنغام قلت : ع رااحتك .. زايد يااه قعد ع السرير وقاال : تصبحين على خير .. قلت : وانت من أهله .. زايد غطا روحه بالبطانيه .. حسيت بالبرد .. في شي وااقف في فالبلعووم عندي .. حسيت بضيق تنفس .. طالعت زاايد .. هزيته ع الخفيف .. قلت : زااااااايد .. زايد شاال البطانيه عنه وقال : ها .......؟؟ قلت وأنا أحس روحي بختنق : البخاااخ وينه .........؟؟ زايد مستغرب : اي بخاااخ ...؟؟ قلت له وأنا مب رايمه اتنفس : بخاااخ الربو .. زاايد بلاااك .. ؟؟ زايد : وين حاطتنه ..؟؟ قلت له وأنا أحس لوني هم تغير : فالجنطه .. زااي ييبه بسرررعه .. زايد قاام بسرعه ويااب البخااخ .. بعد ما خذيته .. بعد ماشي فاايده حسيت روحي بختنق .. بموووت مب راايمه اتنفس .. زايد : صرتي أوكي ..؟؟ قلت له وأنا فيني دوخه : لأأأأ ... زايد : نشي أوديج المستشفى .. قلت له : ما يحتاااي .. زايد : لونج تغير .. وتقولين ما تبين .. يلا قومي .. قلت وأنا أحط راسي ع الوساده بتعب : زايد خلااص صرت بخير .. زايد طالعني بنظره .. وقال : شهد يلا اسمعي الرمسه وقومي .. قلت له : ما يحتااي والله .. ( فجأه بديت أكح بشده حسيت بلاعيمي انظرت من الكحه .. ) زايد مد لي الكلينكس وقاال : يلا قومي البسي عبااتج .. ما جادلته لأني بالفعل حسيت روحي بموووت من ضيق التنفس .. غير الكحه .. وقفت قلت وأنا اشيل الكلنكس من على حلجي .. : بلبس عبااتي .. زايد طالعني وقال : يلا بسرعه .. قلت وأنا راايحه صوب الزباله وانتو بكرامه عسب افر الكلينكس .. بس كنت يالسه أطالع زايد عسب اقول له شي .. بس تفاجئت يوم زايد يطالعني بنظره .. خفت منها الصراحه .. هزيت راسي وقلت : شو في ..؟؟ زايد قاام من مكانه تجدم صوبي .. خفت وابتعدت عنه .. زايد : تعاالي شوي .. قلت بخوف : شو تبا ...؟؟ والله ما سويت شي .. زايد : مب على جذا .. بس انتي تعاالي .. قلت ودموعي تهل : زايد والله اني طول الوقت في ايطاليا كنت ويااك لا رحت يمين ولا يسااار .. والله العظيم .. ارحمني روحي تعباانه .. زايد : شهد حبيبي تعاالي شوي .. تجدمت عنه بخوف وأنا منزله راسي .. زايد مد يده على طول ابتعدت .. قلت : زاايد دخيلك أنا تعباانه والله ما فيني على اي شي .. تبا تنازع تضرب بااجر سو اللي تبااه اليوم دخيلك .. والله اني تعباانه .. زايد تجدم عني مد يده ليدي وقاال : شهد حياتي ما بسوي بج شي .. ما علقت .. نزلت رااسي .. زايد سحب الكلينكس عني .. رفعت رااسي عسب أتكلم .. بس انصدمت لما طالعت الكلينكس .... زايد قاال : هذا .. دم .............. دموعي نزلت قلت بخوووف : زااايد شو ها ...................؟؟ زايد : شهد هذا دم .. انتي واايد كحيتي .. يلا لبسي عبااتج بسرعه نروح المستشفى .. قلت وأنا أصيح : زااايد بمووووووووووت .. زايد : شهد حيااتي البسي عبااتج يلا نروح المستشفى .. بديت أصيح وقلت : زاايد أنا بموووت خلاااص .. زايد : لا تقولين جذي حبيبتي انشالله شي عاادي .. حسيت بضيق التنفس قااعد يزيد عليه .. غير اني يالسه أصيح وارتجف بنفس الوقت من الخوف .. تجدمت عن زاايد ورميت روحي بحضنه .. قلت وأنا أصيح : زااايد مابا أموووت .,. أنا أحبك زاايد .. زايد : وأنا بعد حبيبتي .. يلا البسي عباااتج عسب نروح المستشفى .. رفعت رااسي طالعته وقلت : أنا تعباااانه زااايد ....... زايد مسح على راسي ومسك يدي وتجدمنا عن الكبت طلع العبااه من الكبت وفر المعلااق ع الأرض .. وقاال يلا البسي .. لما أنا البس كندورتي .. هزيت راسي وقلت : انزين .. بعد ما لبست عباتي وزايد لبس كندورته .. زايد خذا سويش السياره ومسك يدي .. ومشينا .. بديت أكح وأنا ماسكه الكلينكس .. والدم ملا يدي .. بديت امسح فيه .. وأنا مب مستوعبه اللي قااعد يصير .. زايد مسكني عدل وقاال : تمي ماسكتني لما نركب السياره .. ما رمت اقول لا هي .. ولا لاأأ .. مب قاادره أتكلم من الخوف والتعب .. أحس الدنيا قااعده تصير اثنين بعيوني .. ما استحمل أمشي بعد .. تمسكت بزاايد قلت وأنا اصيح : لا تودرني .. بموووت .. × × اليوم الثااني الصبح الساعه ست ونص بتوقيت مدينه العين .. شذى قاامت : الحمدلله .. شييوم تقلد أم شهاب : هني وعافيه بنيتيه .. هع .. شذى ضحكت : خلااص ابصم لج تنفعين ربة منزل هههه شيما تقرا وتااكل بنفس الوقت : زين زين .. فرحتيني .. أم شهاب يايه من صوب المطبخ : بناات تشربون حليب .. شذى شردت وقاالت وهي تضحك : الشـــــــــــــــــــــردهـ .. ههه أم شهاب : تريي انتي ان ما خبرتج أبووج يالهرمه .. شيما : هي هالهرمه بخبر بابا عليييج .. أم شهاب : وانتي ما تبين تشربين ..؟؟ شيما : هلمو هلمو .. الشردهـ هههه أم شهاب : تمي تمي تريقي .. شيما ضحكت : والله ما اشتهيه شسوي يعني .. أم شهاب : انتي بعد بخبر ابوووج عليج .. شيما : يا رب .. يا الله ... والله يا يما اني ما اشتهيه .. أم شهاب : بس زين للصحه .. شيما : قالو لج يهال نحن نشربه .. ههه أم شهاب : مب بس اليهال يشربونه .. شيما : مابا لا تحاولين هههه بو شهاب نازل : صبااح الخير .. أم شهاب & شيما : صبااح النور .. شيما : حي الصبااح اللي يساوي ملاايين ................. بو شهاب : هههه بس بس .. اصبحنا واصبح الملك لله .. شيما : خلنا نقول قصيده انزين .. ههه بو شهاب : مشكووره ... قصاايدج ما عليهن رمسه الصراحه .. شيما بغرور : شهاده أعتز بها .. ههه بو شهاب : صدقت البنيه .. هههه شيما : لا تخرب فرحتي الحين بابا هههه بو شهاب : اش حاالكم اليوم ..؟؟ شو الصحه ..؟؟ أم شهاب :بخير .. ولدك نش ولا بعده .. بو شهاب : وأنا ماار سمعت صوت فحجرته أكيييد نااش .. أم شهاب : تعبني كله يرقد متاخر وينش متأخر .. مب زين لا له ولا لدراسته بعد .. بو شهاب : برمس ويااه اليوم وبشووف شو سالفته .. شييوم : هي رمسه بابا ما نباه يرسب ويفشلنا .. بو شهاب : انتي ذااكري درووسج واايد عليج ههه شذى يايه : هههههههههه بو شهاب : وانتي وياها .. لا تستانسين واايد .. شذى : يعني لاازم تفشلوني هههههه بو شهاب : صح أنا يوم ناازل يمعت أمكم تقول شاللي ما تبونه مدري شو ..؟؟ شو السالفه ..؟؟ شيما تبتسم وتشق الحلج : ماشي بس ماما تقول بسوي لكم اليوم غوزي قلنا لها ما يحتااي .. ديااي واايد علينا .. بو شهاب مستغرب وقاال : عيدي ... شذى تهمس : ترقيعه شراات ويهج .. شيما تبتسم : اقصد يعني ما نبا شي دسم .. نبا فطاير جبن وهالسوالف عسب التفكير والدراسه يعني .. بو شهاب طالعها وقاال : هي ماشالله .. أم شهااب شاللي ما يبونه هالثنتين .. أم شهاب ابتسمت : ماشي .. شيما : يعني مب مصدقنا بابا .... بو شهاب : لو انج روحج وهاللي يمبج روحها بصدق .. بس انتن الثنتين مع بعض .. ما أصدق .. شيما ابتسمت : لالا صدقنا بابا .. هالصدق .. بو شهاب : شو اللي ما يبونه أم شهااب ..؟؟ أم شهاب : أقول لهن اشربن حليب زين للصحه يقولن ما نبا .. بو شهاب : ازقري الخدامه خل تييب لهن .. شيما بطلت عيونها : ما نبا ,, بوشهاب : امكم قاالت رمسه محد يردها .. شذى وقفت ابتسمت وقاالت : شييوم وقت البااص ... يلا بنتأخر .. بو شهاب : ماشي .. الا تشربنه .. شيما عقدت حياتها : بنتأخر بابا .. بو شهاب : لا ما بتتاخرون .. شيما : صدقني بنتأخر .. بو شهاب : أنا بوصلكن لو البااص روح .. شذى قعدت وسوت روحها حوله وقاالت لشييوم : اليوم يوم اعدامي .. شيما : وأنا بعد .. وع .. ما أحبــــــــــــــــه .. الخدامه يابت الحليبوحطته ع الطاوله وقالت : خلااص مدام .. أم شهاب : هي خلاااص .. شيما طالعت الحليب بطرف عينها لفت ويهها ومدت بوزها .. بو شهاب : يلا كل وحده تشرب مالها .. شذى : بابا بس ............... بو شهاب قاطعها : قلت وحده تشرب مالها .. شذى غمضت عيونها وشربت غصب .. الين شفطته مره وحده عسب لا تحس بطعمه .. بو شهاب ضحك وقاال : شفتي كيف حلو طعمه .. شذى بسرعه : مااي ماااااااااااااي أم شهاب عطتها مااي : هااج خذي ههههه شذى شربت المااي وقاالت : نجيت كنت بمووت .. بو شهاب : هكو ما استوا بج شي .. شذى : بس مو حلو طعمه .. وبعدين نحن مب يهاال .. بو شهاب : عسب تتعلمن مره ثاانيه ما تراددن أمكن .. شذى : هه التوبه هههه بوشهاب طالع شيما : وانتي يلا اشربي ماالج .. شيما تطالع شذى وهي متقززه سأالتها : حلو ..............؟؟ شذى : ما انصحج الصراحه هههه بو شهاب : تشربينه غصب عنج .. شيما : نحن مب يهاال بابا .. بو شهاب : في عيني يهاال .. يلا اشربيه بسرررعه .. شيما : هممم انزين .. بو شهاب ابتسم .. وقال : أعرف دواكم .. شيما أول ما شربت طشونه .. قامت من ع الكرسي وركيييييييييييض صوب الحمامات .. شهاب وهو ناازل .. : صبااح الخير .. الكل : صبااح النور .. شهااب : اش حااالكم ..؟؟ بو شهاب : بخير .. ومن صوبك ..؟؟؟ شهاب : بخير .. شذى تضحك : حليلها .. مسكينه .. بوشهاب : تستاهل .. شهاب وهو فيه رقااد : بلاها هااي تربع .. بو شهاب : شربت حليب .. شهاب : ولييش تخلونها تشرب انزين .. بو شهاب : دواها .. أم شهاب : حراام الحين البنيه جبدها لاايعه .. شيما ردت وهي تبتسم : شفتو شو سوا الحليب فيني .. بو شهاب ضحك : ع بااالج خرطج يمشي عليه هههه شذى : لا لا المسكينه طلعت كل اللي كلته والسبه هالحليب .. بو شهاب : ما يمشي علي خريطج .. شيمووه دوااج عندي .. شيما : بابا ما اشتهيه لا تغصبوني .. هههه بو شهاب : انزين خلااص .. بس المره اليايه خلج مؤدبه .. شيما : انشالله .. ههه جيه شو سويت ..؟؟ بو شهاب ابتسم .. شهاب قاال : الساعه سبع .. وانتن بعدكن تسولفن .. شيما : ترا بابا بيودينا اليوم .. بو شهاب : لا ما بوديكن ما وراكن شي يأخركن .. شهاب : أنا ما بودي أحد قلت من الحين .. شيما وشذى : أووووفووو .. شيما : خلااص بنرووح مع خيري سواق البااص أحسن لنا ع الأقل ما يذل .. بو شهاب ابتسم : يلا .. وما أبا هالحركاات اللي يالسه تصير من كم يوم .. شيما : لا لا بناتك مؤدباات .. هب رااعياات سوالف لا تخااف هههه بوشهاب : انزين يلا عن يروح البااص عنكن .. شيما : يلا شذو .. شذى : يلا ... شيما وشذى : مع السلامه .. الكل : مع السلامه .. شيما وشذى يمشوون ويروحون صوب بااب الحوي .. شوي شوي .. شيما : وع لوعو بجبدي .. شذى : هههه أنا الغبيه شربته .. شيما : لا أنا روحي سويت جذا هههه شذى : زين سويتي .. شيما : اقوول شذوووه الدوووبه خلوووف ماله حس اليوم .. شذى : تشوفينه باخينه .. شيما : لا لا قاال بيداوم .. شذى مستغربه : متى قااال ..؟؟ شيما تبلع ريجها : ذااك اليوم يوم نحن راكبين ويااه تم يرمس ربيعه ويقوول انه طول الاسبوع يدااوم .. شذى : يمكن والله ما أدري ... شيما : يمكن غير السستم ... شذى : ما أدري والله .. شيما تتلفت يمين ويساار .. : اوفووو متى بيظهر .. شذى : منو ..؟؟ شيما : منو غيره بعد .. خلووف .. شذى ابتسمت : آهاا .. ويا رااسج انتي بتودينا في دااهيه يوميا الصبح ترمسينه وبابا ما يدري .. شيما : عاادي ما فيها شي .. وبعدين انتي ويانا .. شذى : زين اني ويااكم هع .. أتعلم يعني من الحين .. شيما عقدت حياتها : لا والله ... شذى تضحك : صج ما أتمصخر ههه شيما : بناات أخر زمن .. شذى : وهاللي تسوينه انتي يعني .. مب ماال بناات أخر زمن .. شيما : الا ارمسه ما فيها شي ..هههه شذى : يالصايعه .. شيما : محد غيرج دبوووه .. شذى : هكو حبيب القلب .. شيما لفت : شذووووو .. جبي عليه مااي .. ماااي .. شذى تضحك : كااشخ بالغتره والعقاال .. شيما : واخيرااا .. ما بغى كله يتعصم .. شذى : لا بس لاايق عليه .. شيما تطالع شذى وتعقد حياتها : ايه .. لا تغازلين ريلي سمعتي .. شذى مبتسمه : ويا رااسج من حلااته الحين .. شيما : هي أحلى عن ريلج .. شذى : عيب ماما عيب .. تبين تخربين عقلي هههه خليفه .. تجدم يالسياره .. وقاال وهو يبستم : صبااح الخير .. شييوم وشذى : صبااح النور .. خليفه : شخباارج ..؟؟ شيما : بخير ومن صوبك ..؟؟ خليفه : تمام .. وانتي دبووه اش حاالج ..؟؟ شذى تعقد حياتها : مب بخير من جفتك .. خليفه : محد يقول لج تشوفيني هههه .. وبعدين صلي ع النبي عن تحسديني .. شذى : ماالت .. خليفه : اجلبي ويهج يلا .. شيما ضحكت وقاالت : كااشخ .. خليفه : احم احم .. لاايق عليه .. شيما : أكييد هههه .. وبعدين مب أول مره يعني .. فالاعرااس دوم جذا ههه خليفه : زين .. شو السستم ماال اليوم ..؟؟ شييوم : ماشي .. بس قالو شهوود بتيي .. خليفه : زين بنشوووفها .. شيما : اشتقت لها واايد .. خليفه : وأنا ...؟؟ ههههه شيما : التحرياات اهني .. استح .. خليفه : غبيه اختج هااي ههه ما تفهم شيما : حراام عليك .. خليفه ضحك : يلا عيل أنا بتأخر .. لاازم اروح الدوام .. شيما : الله ويااك .. خليفه : مع السلامه .. شيما : مع السلامه .. خليفه يطالع شذى : مع السلامه سيده ملعقه .. شذى تعقد حياتها : مع السلامه يالبدووووووي ... خليفه ضحك وحرك سيارته ... شذى : أوووف مليييييييييق .. شيما : محد غيرج .. شذى : دافعي عنه انتي داافعي .. شيما : ريلي وجييييه ما أداافع عنه انشالله .. شذى : اقوول البااص يااه .. عن يروح وعقب محد يودينا .. شيما ضحكت : عصبت البنيه هههه × × في بوظبي .. شيخه : تشرب عصير حبيبي ..؟؟ جابر : صبي لي شوي .. شيخه : متى بتنزل من الدوام اليوم ..؟؟ جابر : ثلااث ونص انشالله .. شيخه : عيل نحن بنتجهز عسب نروح .. جابر : هي عن نتأخر .. شيخه : أوكي .. بجهز الأغرااض وكل شي .. جابر : بس أوصل نتغدا ونطلع .. شيخه : اشتقت لهم واايد .. جابر : هههه مستويه حنانه شوااخ .. شيخه : صاار لي اسابيع ما شفتهم .. جابر : اليوم بتشوفينهم انشالله .. شيخه : رمست الوالده أمس وسلمت عليك .. جابر : الله يسلمها ويعافيها .. شيخه : تقول ان قوووم زاايد وشهد رجعو أمس الساعه تسع .. جابر : هي منصور رمسني .. شيخه : اليوم بيروحون العين .. جابر : بنشوفهم عيل .. شيخه : حليلها شهوود شرااتي ... جابر ضحك : أحسن عسب بااجر ما تقولين لي ريل أختي وريل أختي .. واختي عند أهلي وأنا بعيده ..هههه شيخه : مسوي حسااب لكل شي ماشالله عليك .. جابر : ذكي ريلج هههه شيخه : صح رمست نوافي الباارحه .. جابر : شو قاالت ...؟؟ شيخه : تقول ان الناااس وافقو .. جابر : هي قالو لي .. شيخه : وأنا آخر من يعلم ماشالله .. جابر : أنا أنسى أخبرج يا حرمه هههه شيخه : زعلاانه منك .. جابر : ازعلي أحسن .. شيخه : لا تكلمني .. جابر : ههه يااهل .. وانتي بعد لا تكلميني .. شيخه : أوكي .. خلااص ما برمسك .. جابر : ولو ما ترمسيني ماشي روحه للعين .. شيخه طالعته بنظره : تعرف نقطة ضعفي .. جابر : رمستيني رووحج ههههه شيخه : يعني أنا ارووم أقاطعك ههه جابر : يالمصلحجيه .. هنااك تبا تروح العين وتقول ما أرووم أقاطعك .. شيخه : ههههه المهم نروووح العين ههه جابر : ماشي روحه خلااص .. شيخه : جبـــــــــــــور .. جابر ضحك : خلااص خلااص بوديج ... عورتي لي رااسي حشا هههه × × دبي الساعه .. عشر الصبح .. فتحت عيوني .. حسيت بدوخه .. طالعت حواليني .. شفت زايد رااقد ... قعدت حسيت بألم فضيع في رااسي .. مسكت رااسي من شدة الألم .. |
الحلقه الواحده و الأربعون .. عشان اكسب هدب عينك تجرعت العذاب اشكـال...وليتـك تـرأف بحالـي علشـان ارأف بحـالـك..تمسيني علـى الهـم وتصبحنـي علـى الغربـال..علامك كل ما جيـك متواضـع جيتنـي تختـال؟..معاك اليا متى بصبر وصبـري معـك يحلالـك؟ بديت أضغط ع رااسي وأنا ماسكتنه .. مب قاادره أسوي أي شي .. حسيت روحي شوي وبموت من الألم .. بديت أتاألم .. طالعت زاايد .. هزيته ع الخفيف وقلت : زاايد الحق عليه .. زايد ما سمعني ولف .. قلت وأنا أصيح : زااايد راااسي بينفجر من العواار .. زايد لف وطالعني .. يلس .. شافني وقاال : شهد ........؟؟ قلت : زاايد رااسي يعورني .. زايد : نشي تريقي وخذي الدوا وبيروح الألم انشالله ... قلت : ماروووم استحمل ..بموووت .. زايد مسك يدي وقاال : شهد حبيبي تحملي .. نشي وتغسلي .. عقب نتريق وخذي الدوا بيرووح الألم انشالله .. قلت وأنا اصيح : ما بطيح لو امشي .. زايد : لا انشالله .. وقفت بصعوبه .. وأنا داايخه .. خذيت لي ملاابس .. ودخلت عسب اتسبح .. احس روحي كسوووله .. يمكن لو تسبحت أخف شوي .. خذيت وقت .. ويوم طلعت .. ما شفت زايد .. طلعت وسحيت شعري ع السريع .. لأنه روحه رااسي يعورني لو استشورت شعري أكيد بيزيد العوار .. بعد ما خلصت طلعت من الحجره .. شفت زايد ياالس فالصاله .. ويداامه كرواسون وعصااير .. وأكل خفيف .. زايد : تعاالي تريقي .. تجدمت وقعدت .. حسيت روحي بمووت من الصدااع .. قلت : شو قااال الدكتور ..؟؟ زايد : انتي تريقي وعقب برمسج .. قلت : ماروووم الا تقوول ..؟؟ زايد : شهوود تريقي وبرمسج .. قلت : زاايد ارمس أنا فيني شي ..؟؟ زايد : شهد حبيبتي ما فيج شي .. وخير انشالله .. انتي تريقي عسب تاخذين الدوا .. هزيت رااسي وقلت : أوكي .. بس لو فيني شي اليوم ولاا باااجر أكيد بعرف .. زايد : ما فيج شي بلاااج ما تصدقيني .. بديت أكل وقلت : بنروووح العين اليوم ..؟؟ زايد : فيج شده نضرب خط ولا ...؟؟ قلت : هي عاادي عندي .. زايد : مب عشااني.. لا تخافييين .. اصلا أنا ما اروح العين الا عشاان انتي تشوفين أهلج .. قلت : هي بروووح عااادي .. وبعدين انت ما تروح تشوف أمك ...؟؟ زايد : بروح .. بس مب لاازم .. أنا بأي وقت عادي اروح وارجع بنفس اليوم .. قلت : بس اليوم نسير مشتااقه حق شييوم والأهل واايد .. زايد : أوكي .. شفت زاايد قاام ورااح صوب المكتبه شاال جيسه ويااه قلت : الدوا ...........؟؟ زايد : هي دوااج هذا .. قلت : ما قلت لي شو قاال الدكتور ...؟؟ زايد : يقوول ان الربو عندج واايد زااد لأنج غيرتي جو والجو ما لائمج .. قلت : بس من جي .......؟؟ زايد : هي بس .. قلت : أكيييد زاايد .. أنا ما فيني شي ..؟؟ زايد : هي شهد ما فيج شي .. قلت : بس أنا يوم يزيد الربو كثر ما يستوي بي ما يطلع من حلجي دم .. زايد : ترا الكحه عندج واايد جاافه من جي ... قلت : زاايد أنا عاادي عندي .. اذا فيني شي قول لي .. لا تخبي .. زايد : شهد قلت لج ما بلااج شي .. قلت : ترا اذا أعرف الحين أحسن لي من أعرف عقب .. زايد : اقووول شهد خذي دوااج الرمسه ويااج ما منها فاايده .. عنيده ... أوووف .. ابتسمت وقلت : هههه توك تدري .. زايد فجأه تحول .. لانساان جااد وقاال : تجهزي .. الساعه اثنعش بنظهر .. قلت وأنا مستغربه شو سبب تحوله المفااجئ : انشالله .. زايد قاام ورااح الحجره .. يعني يوم ابي أمزح معااك الا تتحول لانساان جااد ويوم انك انت تمزح معااي عادي عندك .. والله حاله ما قمنا نعرف زعلك من رضااك يا زاايد .. حيرتني .. حتى يوم اني بين الحيا والموت ما تتحمل مزاحي .. ابي أعرف شو السبب وليييش ..؟؟ حراام عليك اتعبتني بصدك .. ارأف بحااالي يا زااايد دخييييييييييلك .. ارأف بحااالي .. والله اني تعبت وما قمت أستحمل صدك أكثر .. لما اكون مب زينه ويااك تحبني موووت وتقدرني .. بس يوم اني أجيك متواضعه عشاان نبدا صفحه يديده تجيني انساان ثااني ما أعرفك .. تنتقدني .. تجرحني بكلامك القااسي .. × × الساعه ثلاااث بتوقيت مدينة العين ... ............... : مرحبااااااااااااااا ... قلت وأنا ابتسم وابوسها : مرحبتين .. شييوم : تو ما نورت الامارااات بكبررررررررها .. ابتسمت وقلت : منوره بأهلها هههه شييوم : فديتج والله .. اشتقــــــت لج مووووووت حياتي انتي .. قلت : وأنا أكثر حيااتي .. شييوم : ها شو الأخبااار ..؟؟ قلت : بخير ومن صووبج ..؟؟ شييوم : بخير داامج بخير .. ابتسمت وقلت : وين قووم ماما وبابا .. شييوم : بابا جنه روح الميلس عند ريلج .. عقدت حيااتي وقلت : الحينه أنا بنيته ولا زايد ولده هههه شييوم : اثنينكم عن تنقعين بس ههه قلت : انزين يلا سيري ازقري قووم ماما .. شييوم : أونج عااد .. اشتغل عندج ههه قلت : يلا شييوم .. بسرررعه والله متولهه عليهم .. شييوم : استريحي .. قلت : اجلبي ويهج لااه .. شييوم : لا والله .. وبعدين ما بزقرهم خلااص .. قلت : قاالت استريحي قاالت .. اقوول ماما ترااه بيتي بعد .. شييوم : عرستي .. بيتج خلااص هو بيت ريلج .. ضحكت : لا يكثر بس سيري ازقري ماما .. شييوم : أوجيج .. قلت : عن الرمسه المايعه هااذي وازقري ماما يلا .. شييوم : ويت بيبي .. قلت : شيمووووووووووووووووه يالحيوانه ازقري ماما .. أم شهاب نازله : ويه .. شـــــــــــــــــــصاااااااااااير ..؟؟ شييوم واقفه وتهز ريولها .. ومكتفه يدينها : هذي بنتج .. لسانها طول .. قلت : ما عليج منها ماما .. أم شهاب يت وباستني وقاالت : هلا والله هلا .. تو ما نور البيت .. قلت : منور بج يالغاليه .. أم شهاب : اش حالج غناااتي واش حال ريلج ..؟؟ وشو السفره ..؟؟ شييوم : وحده وحده .. شوي شوي عليها .. ابتسمت وقلت : ما يخصج شيموووه .... تمام الحمدلله .. ريلي بعد بخير .. والسفره ولا أروووع .. أم شهااب : دوووم يارب .. قلت : أمين .. وانتي اش حاالج وشو الصحه ..؟؟ أم شهااب : بخير ربي يعاافيج ينتي .. ابتسمت وقلت : اشتقت لكم وااايد .. أم شهاب : ونحن بعد بنتي .. قلت : وينها شذوووه .. أم شهاب : شييمووه سيري وعي أختج .. قلت : لا داامها رااقده خلوها رااقده حليلها .. أم شهااب : بتحشرنا عقب .. شهد جيييييه رووحت وشهد جييييييه روحت ..؟؟ قلت : حراام عيل وعوها ههه شييوم : ما بوعيها الا يوم تعطيني الهدايا .. قلت : ما يبت لج .. شييوم : عيل ليييش ييتي بيتنا ...؟؟ أم شهاب : شييوم اش هالرمسه أميييييه .. شييوم تضحك : صدق شهدووووووه طلعي الأشيااا يلاا.. قلت : فالسياره تريي زيود يطلعهم .. شييوم عقدت حياتها : قاالت زيود قاالت .. منقووود عندنا تدلعين ريلج ماماتي .. قلت : عندج انتي ويا هالويه .. أم شهاب : ما عليج منها أمي .. شكلها خويتج تخبلت .. شييوم تضحك : ماما بلااااج عليه .. أم شهاب : ما بلااني شي .. سيري وعي أختج يلا ... شييوم : انشالله .. بعد ما روحت شييوم قلت : خبله هالبنت .. أم شهاب : هاليومين أنا شاكه فيها .. تخرعت .. ليكون شييوم وراها بلاوي من بعد ما عرست .. قلت : شو ماما ...؟؟ أم شهاب : مررررره ما تذاكر .. قاعده لج يدام هاللاب ع قولتكم .. قلت : هذا وأنا بعدني .. بااجر بكمل ثلااث أسااابيع ع العرس واختربت البنيه .. أم شهااب : بقوول حق ابووج يشله عنها .. وعقب الدرااسه يرده .. قلت : زين تسوين .. أم شهاب : عاده برمس أبوووج بااجر .. قلت : هي .. حتى شذوووه لا تخلونها .. أم شهاب : هي ما فينا يهاال قووم عشر سنوات قاامو يقعدون .. قلت : عياالي أنا .. تحت العشرين ما بعطيهم لابااات وهالسوالف ههههه أم شهااب : زين تسوين .. بس تاخذين عنهم شي .. في مليون شي بداله .. قلت : صدقج والله .. أم شهاب : عيل أنا بسير بزقر ابووج .. ولا انتي تروحين له .. قلت : في أحد فالميلس ..؟؟ أم شهاب : لا محد .. قلت : عيل نروح له .. أم شهاب : يلا عيل .. قلت وأنا امشي وياها : رحتو صووب قوووم عموتي .. أم شهاب : لا والله ما سرت لأني ما حصلت فجه .. قلت : اليوم بسير لهم .. أم شهاب : سلمي عليها وااايد .. قولي لها أم شهاب تنشد عنج .. تقول وينها أم زايد ما تيي صوبنا .. قلت : هههه انشالله بقول لها .. أم شهاب دقت البااب ودشت : السلام عليكم .. زايد وبو شهاب : وعليكم السلام والرحمه .. أم شهاب تجدمت صوب زايد .. زايد وقف وباسها ع راسها وقاال : اش حاالج خاالو ...؟؟ أم شهاب : بخير ربي يعافيك ولدي ومن صوبك ..؟؟ زايد : بخير الحمدلله .. طالعت بابا وابتسمت له .. جان امشي شوي شوي .. واتجدم صوبه .. اول ما وصلت له .. حضنته بقوووه .. وبديت اصيح .. قلت بصوت مبحوح : اشتقت لك ... ابويه مسح على رااسي وقاال : أنا بعد .. بديت أصيح وأنا ماسكه أبويه .. ابويه قااال : بنتي لا تسوين بروحج جذي .. قلت : بابا أحبك .. ابويه رفع ويهي ومسح دموعي .. سألني : فيج شي بنتي .. هزيت رااسي وقلت : لأأأ بس اشتقت لك واايد .. ابويه : وانا بعد حبيبتي .. استريحي .. يلست يمبه .. أبويه مسح ع شعري وقاال : شخبااارج شو مسويه ..؟؟ ابتسمت له ومسحت دموعي وقلت : بخير الحمدلله .. ابويه ابتسم وقاال : بلااج اول ما شفتيني صحتي .. أم شهاب تضحك : اشتااقت لك البنيه .. ابويه : احيدج قويه .. ولا شو السالفه .. ( بمزح ) ولا زاايد مسوي بها شي .. زايد ابتسم وقاال : لا حشا .. شهد بعيوني عمي هههه ابويه : هي جاان بيوم خبرتني عنك شي .... بنشوووف شو بيخلصك مني .. ههه أم شهاب : عاده ما ارضى ع نسيبي ... دخل شهاابوه مستاانس .. شاق الحلج .. وقاال : كلن بحاالي وأنا بحااااااالي .... شو السااالفه ههههه قلت : شهاابوووه شكلك مره اخرطي فالأمثاال هههه شهاب ضحك : أوووب اوووب شهدوووه وزاايد عندنا .. زايد ابتسم وقف وشهاب تجدم عنه وسلم عليه .. وبعد ما تخاشمو .. شهاب : اش حاله النسيب ...؟؟ زايد : بخير ومن صوبك ..؟؟ شهااب : تمام الحمدلله .. زايد : دوووم انشالله .. شهاب : ويااك يالغاالي .. لويت على بابا وقلت بدلع : شكله نااسي انه عنده أخت .. شهاب ضحك : هههههههههههه قلت : بسم الله .. بلاااااك ..؟؟ شهاب : شو بلاه ويهج ورماان .. ابويه : بنتي صااحت مشتااقه لي لا تعايرها .. شهاب ضحك : هههه انشالله .. ما بعايرها خلااص ..داام هذي أوامر الحكومه .. وقفت وأنا اسلم عليه .. شهاب : اش حاالج ..؟؟ قلت : بخير ومن صوبك ..؟؟ شهاب : تمااام الحمدلله .. قلت : دوم انشالله .. شهااب يلس وقاال : ويااج ... ها شو السفره ........؟؟ ابتسمت وقلت : حلوه .. شهاب : زين .. ( طالع زايد ) : ها النسيب عسا ما فلستك بس ..؟؟ زايد ضحك وقاال : من هالنااحيه .. الجيب صفر الله يخليك .. ابتسمت لبابا وقلت : بابا طالعهم يرمسون عليه هههه زايد : عمتي شوفي بنتج تشكينا لعمي هههه قلت : بابا أقوى هههه أم شهاب : خلااص زعلت منج هههه وقفت ورحت بستها ع رااسها وقلت : الا زعلج يالغاليه .. شهاب : قردنيهم انتي اش عليج يالدبلوماسيه .. قلت : هههه شهاابوه بلااك عليه .. شهاب : الا اطلع حرتي فيج .. زايد ضحك وقاال : عندك شيما وشذى .. حرمتي خلااص ظهرت من بيتكم ابتعد عنها هههه شهاب : مشكله يعني ورااج رااس عوود .. قلت : ههههه منو قدي ....... ابويه ضحك وقاال : شهاابوه ودر اختك بحالها .. توهم راجعين من السفر وانت زيااده تتعبهم .. قلت : هي صح يقوول بابا .. لا تتعبني روحي مرهقه .. شهاب : اونج عاد .. اللي يسمع يقول انج انتي اللي كنتي تسوقين الطياااره ههههههه ضحكت وقلت : جيييه شو ناقصني هههه زايد : ترا شهد تعبت أمس بليل .. طالعته بمعنى لا تقول .. بس ولا عبرني .. وطالع صوب ابويه .... وكمل كلامه .. قاال : وبدا يطلع من حلجها دم ... ابويه مستغرب : خير عسا ما شر .. زايد : كل خير عمي .. بس وديتها المستشفى والدكتور يقول غيرت جو وما ناسبها الجو .. ابويه : ديري باالج ع رووحج بنتي .. قلت : انشالله .. ابويه : وبعد شو قاال ..؟؟ زايد : يقول انها اهملت صحتها الفتره الأخيره .. ابويه طالعني وقاال : بزعل منج اذا عدتيها مره ثاانيه .. طالعت ابويه وقلت : روحه الدكتور يقوول جذي .. بس أنا دوووم يزيد علي الربو .. ابويه : ما أذكر جد مره طلع من حلجج دم .. قلت : عادي من الكحه .. ابويه : ديري باالج ع روحج واذا تكرر هالشي بزعل منج .. قلت : لا انشالله ما يتكرر .. ابويه : زاايد دير باالك عليها واذا انعاد هالشي كلمني .. زايد : لا انشالله ما ينعااد .. بتصرف وياها روحي .. قلت : منو قال لك تقول لهم ...؟؟ هههه شهاب ضحك : تستاهلين ... زايد : فـ مصلحتج هالشي .. هزيت رااسي وقلت : تفضحني في مصلحتي يعني ههههه زايد ضحك : عمي رمسها وفهمها ان في اشياا ما تتخبا .. ابويه : هي مب كل شي تكتمينه .. قلت : من قاال اني أكتم .. أنا كل شي أقوله هههه ابويه : هي لا تكتمين ولا تكدرين خاطرج عشاان اشياا ما تسوى ... قلت : انشالله .. زايد : وينهن شييوم وشذاوي .. يايبين لهن هدايا .. بو شهاب : سعود سير ازقر خواتك عسب يسلمن ع نسيبهم .. شهاب : عيب ما عندنا بناات يظهرن جداام نسايبهم هههه ابويه ضحك وقاال : سير عن تعطل الجماعه بنصاايحك اللي ما تطبقها .. شهاب ضحك : الحين بزقرهن .. بتطالعون كل وحده داخله قبل الثانيه .. عسب الهداايا .. قلت : حراام لا ترمس عن خوااتي شهاابوه .. شهاب : صدق ترااهن مجااعه هب شاايفاات خير هالخوات .. قلت : بخبرهن عنك ...... شهاب : أنا ما أدري لييش الله بلاني بهالخواات هههه ضحكت وقلت : ازقرهن .. عن يأذن العصر .. بعد ما ظهر شهااب يزقرهن .. يلست اسمع سوالف ماما وبابا مع زاايد .. استانست على علااقة زاايد مع ابويه .. شكله يعرفه عدل عدل .. احس انه راابط الشغل بينهم كاان واايد قوي .. وعلاقتهم جذا قويه .. الله لا يفرقهم عن بعض .. ولا يفرقني عنهم .. دخلت شييوم مبتسمه بحياا .. هي وشذى .. وقفن ع ينب .. شييوم : اش حاالك نسيبي ...؟؟ زايد ابتسم : بخير .. انتن اش حالكن ..؟؟ شييوم وشذى : بخير .. ابتسمت وقلت : دبوووه تعاالي سلمي .. شذى تجدمت عني وحضنتني وقاالت : فديتج اشتقت لج .. ابتسمت وقلت : وأنا أكثر حبيبتي .. شذى : اش حاالج يالغلا ..؟؟ قلت : بخير حيااتي ومن صوبج .. شذى : بخير .. شهاب : استغفر الله استغفر الله .... ابتسمت وقلت : لييش انشالله .. منكر جدامك ...؟؟ شهاب : مصلحه .. صدق الدنيا مصاالح .. تبوسج وتحبج والسالفه فيها هداايا .. شذى : لا والله مشتااقه لها .. زايد : ما عليج غيراان منج ههه شذى ضحكت وقاالت : هي .. ضحكت وقلت : شهابووووه ترا كلن يرا النااس بطبعه .. شهاب عقد حياته وقاال : يعني أنا اللي مصلحجي .. قلت : اللي ع راسه بطحا يتحسس بها .. شهاب ضحك وقاال : مستويه حكيمه أشووف كله أمثاال .. قلت : الحيااه علمتني يا أخي ههههه شييوم ضحكت : من يومج فااشله في الأدب العربي ههههه قلت : صدقج ما اعرف كيف نجحوني ههههه ابويه ابتسم وقاال : شو سويتو للجامعه ...؟؟ رفعت جتوفي وقلت : مدري اسأل زاايد .. زايد قاال : بشوووف هالأسبوع انشالله بسوي الأوراق .. ابويه ابتسم : اذا صاار اي شي خبرني وأنا برمسهم ع سالفة النقل .. زايد : انشالله عمي .. شييوم : وين الهدااايا ...........؟؟ هههه ضحكت وقلت : من يووومج مستعيله بكل شي .. شييوم : شسوي .. في أحد يايبين له هداايا ويستحمل انه يتريا .. ضحكت وقلت : هذي انتي شييوم هههه .. شييوم : لا صدق ابا الهداايا هههههههه زايد : الحين بنزلهم .. شهاب : ودرهم بقوول للخدامه تسير .. قلت : وين أحلاام مرت عمي .. والبااجي .. أم شهاب : اتصلو بي بييون يشوفونج عقب صلااة العصر .. زايد طالع الساعه وقاال : هي عسب العصر بنرووح صووب الوالده .. أم شهاب : هي بعدكم ما سرتو لها حليلها .. زايد : بس اييون يشوفون شهد .. بنروح عقب انشالله .. أم شهاب : هي روحو لها مسكينه ما عندها أحد .. زايد : حمداان نااوي ينتقل ... بو شهاب : هي رمسني ذااك اليوم .. قاال بيسكن روحه .. زايد : بس اظن انه بيكنسل السالفه ... لأنه دوم يقول بسكن روحي .. وعقب يغير رايه ويقول بتم مع الوالده .. أم شهااب : يكسب أجر .. حليلها أمك روحها .. ع الأقل مع أمااني وبنتها تتسلى .. زايد : هي من هالناحيه صح .. مر الوقت ونحن نسولف عن السفر .. وبعض السوالف الثاانيه .. غير تعليقااات شهاابوه اللي تفشل .. وتطفيره لـ شييوم وشذى .. اليسله كااانت واايد حلوه .. الين ما أذن العصر .. راحو الريااييل يتوضون .. طالعت زاايد .. قلت له : زاايد ابااك شوي .. زايد وقف ورحت صووب الممر .. زاايد كاان معااي .. قلت له : زايد ابا اتم .. زايد : تمي .. ترا حرمة عمج وربيعاااتج بيسلمن عليج .. عقب المغرب بمرج .. ونروح بيتنا .. قلت له : ابا اتم ع العشاا اهني .. زايد قال بجمود : لأأأ .. |
الحلقه الثانيه و الأربعون .. فديت اللي تذكرني .. فديت اللي ذكر خله .. فديت اللي سكن فيني .. احبه وما أمل منه .. طالعته وقلت : ليييييييش انزين ...؟؟ زايد : قلت لج لأأ يعني لأأ وبعدين أمي وخواتي شو بيقولون .. مودر حرمته عند أهلها ويااي روحه .. قلت : انزين براايك .. بعد المغرب مرني .. زايد : عقب الصلااه برووح بسلم ع ربعي .. وبمرج المغرب .. قلت له : أوكي أترياااك .. مشاا زاايد .. وروحو الرياااييل عسب يصلون .. ونحن الحريم بعد صلينا .. وعقب قعدت فالصاله مع أماايه وشييوم وشذى .. قلت : ها اانشالله عجبتكم الهدايا .. شذى : بتعأئد يختي هههههه قلت : زين زين عجبتكم .. شذى : لا الصراااحه ذووقج طرر قلت : هب ذوقي روحي .. ذوق ريلي بعد ههه شذى : اها .. سوو نااايس .. قلت : وانتي شييوم ..؟؟ شييوم : الحلاوه اللي يايبتنها تكفي ههههه قلت وأنا اضحك : بتمتنين عنلاااتج مع هالجوكليت اللي تدحينه .. شييوم : عادي لااه .. طعمه لذيذ .. قلت : أماايه مو جنه أحلاام وشواخ تأخرو .. أم شهاب : أحلاام بتيي الحينه .. أما شوااخ بتيي مع خوات ريلها نوف ومريوم .. قلت : آها .. أم شهااب : بتصل بهن وبشووف .. قلت : هي اتصلي .. لأنه ودي ايلس ويااهم .. شييوم : ورااج وقت طويل تقعدين ويااهم جيه مستعيله .. قلت : المغرب برووح بيت عمتي .. شييوم بطلت عيونها : هاا ..؟؟ قلت : برجع .. شييوم : عيل شو الفايده ييتي دام بترجعين .. قلت : والله مجبوره وبعدين مو حلوه بحقي .. أم شهاب : هي لاازم تسيرين تقعدين معاهم .. قلت : هي بسير انشالله .. شذى : والله ملل بدونج .. قلت : حتى أنا أمل بس شنسوي .. سنة الحيااه .. ثوااني الا وباااب الصاله يتبطل .. ابتسمت وأنا أشوووف أحلام بكرشتها الصغيره .. يعني مو مبينه هههه .. دخلت .. قالت : السلام عليكم .. ردينا السلام : وعليكم السلام .. أحلام تجدمت ويت تسلم علينا .. قالت : اش حاالج ..؟؟ قلت : بخير الحمدلله .. ومن صوبج ..؟؟ أحلام : بخير حبيبتي .. شو الأخباار بعد ..؟؟ قلت : تمام الغاليه .. أحلام سلمت ع الكل ويلسنا .. أحلام ابتسمت وقاال : السموحه عااد شهوود .. قلت : بالحل ........ بس ع شو ..؟؟ أحلام : من عرستي لا رمستج ولا شفتج .. قلت : مسموحه .. وبعدين أدري الوحاام متعبنج واايد .. أحلاام : واايد وبس .. الا واايداات بعد ههههه قلت : الله يعينج الصراحه .. أم شهاب : تعلمي منها ههه .. قلت : من الحين .. تو النااس .. توني ثلااث اسابيع هههه أم شهاب : عاادي في منهن يحملن من أول شي .. قلت : لا ابا اتهنا بحيااتي أنا ههههه أحلام : خذي كورسات من الحين هههه قلت : ههه أوكي .. أحلااام : شو كاانت السفره ... قلت : فنتك الصراحه .. أحلام : زين زين هههه .. قلت : فااتج الصراحه .. انتي وعمي سيرو ما بتملون .. أحلام : يبالي عاد ههه .. جرجتيني .. قلت : هي الصراحه مكااان ولا أروع .. أحلاام : ههه بس اربي نروح أنا وسيف والبيبي .. قلت : حليله بيمرض ههه .. احلاام : وبعد شو الأخباار ..؟؟ كيف دبي ..؟؟ قلت : رااي بدبي الكل يعرفه هههه .. أحلام : ههه أدري أدري .. قلت : وينه أنكل ...؟؟ بسلم عليه .. أحلاام : قاال بيروح الصلااا .. وبيرد .. قلت : هي بسلم عليه اشتقت له .. أحلام : اشتاقت لج العافيه فديتج .. قلت : شيخووه ونوفووه تاأخرو ..؟؟؟ أم شهااب : بيوصلون تريي انتي .. قلت : بترياا شو ورااي ههههه شييوم : بتصل بها ........؟؟ قلت : ياريت .. تعرفيني عااد ما أحب أتريا مررررره .. شييوم : هي أدري بج ههههه قلت : اتصلي يلا وقولي لها تيي بسرعه .. شييوم : انشالله .. × × بعد صلاااة المغرب .. روحن البناات كلهن.. ما تم غيري أنا وشييوم وشذى .. حتى شييوم وشذى وخوخه قالو بيروحون العين مول .. من جذا قلت بتصل بزاايد خل ايي بسرعه لأني أبا اروووح بيت عموتي .. ع الأقل هنااك منى وفطيم وأماني .. مب اهني صاار ملل .. وبعد جذا زاايد مرني ورحنا بيت عمتي .. يلست مع فطيم وأماني ومنى وعموتي .. حتى عياال فطيم ومنى تعرفو علي وصاارو أوكي معااي .. ما قاامو يستحون ولا أنا .. حسيت روحي تعودت عليهم ,, وعطيتهم الهداايا .. زاايد طول الوقت كان يراقبني وهالشي واايد اربكني .. حسيت بالخوف .. بس بعد أخفيت ارتباااكي وخوفي .. وتعشينا .. يلسنا نسولف مع بعض ... فطيم : أقوول شهووود ضعفاانه ... قلت : الربووو زااد عندي .. فطيم : لا تقولين يا حرمه ... من شوو ...؟؟ قلت : غيرت جو ولا ناسبني .. جان يزيد .. منى : انزين ديري باالج ع روحج .. قلت : هي أحااول ما اتدخن هالاياام .. ولا اروح صوب الدخان وهالسوالف .. فطيم : هي أحسن لج .. أماني : اعووووووذ بالله من الشيطان الرجيم .. ضحكت وقلت : بلااج ع البنيه .. أماني : عله ما تسكت كله تصيح .. تقولين ونان .. ضحكت وقلت : حراام عليج .. فديتها صغيرونه .. فطيم : بااجر شهووود بتييب عياال بعد وتبتلش .. شراتنا ههههه تلفوني .. يااه مسج ... من بلسم جروحي .. ( تعاالي فوق ابااج .. ) طالعت البناات وقلت : يلا عااد أنا بسير برقد .. فطيم ضحكت : اوامر السلطاات هااه .. ضحكت وقلت : شنسوي عااده مجبورين نسمع الرمسه هههه منى : الله يعينج .. أتذكر روحي يوم عرووس يديده ما اروووم اقول لريلي لاأأ بعد ههههه فطيم : الحين وين .. ماشي تفااهم كله بصرااخ نتفاهم هههه منى : السبه هالعلل .. العياال وين يخلونج تركزين .. وانتي يالسه ترمسين ينطنطون عليج هههه أماني : بعدها بنتي صغيره الحمدلله ههههه قلت : دورج يااي .. اماني : حتى انتي حبيبتي .. قلت : لا توني عرووس يديده ههههه فطيم ضحكت : يالعروووس سيري قبل لا المعرس ايي ويذبحنا .. قلت : هههه أوكي بسير الحين .. ابتعدت عن البناات .. صعدت الدري .. تجدمت صووب القسم .. دخلت الصاله .. شفت الليت امصكر .. بس ضوء الابحوره من الحجره معطي اضاءه خافته .. تجدمت عن الحجره .. شفت زاايد يالس ع السرير .. تجدمت عن السرير .. يلست وقلت : هلا زاايد .. زايد : اهلين .. قلت : خير بغيت شي .. زايد : هي بسج خلااص .. تمي اهني .. قلت : بس سوالف خواتك شي الصراحه .. زايد : بتشوفينهم مره ثاانيه .. تمي عندي الحين .. قلت وانا أمد بوزي زعلانه : انزين .. زايد : شو صحتج الحين ..؟؟ قلت : مع الدوا أحس روحي واايد تحسنت .. زايد : زين .. الحمدلله .. قلت : بس انت مزعلني ...؟؟ زايد : لييش شو سويت لج ...؟؟ قلت له : اول شي ما خليتني أقعد مع خواتك .. وثااني شي ما خليتني أقعد مع خواتي .. يعني شو بتستفيد ..؟؟ زاايد : أنا ريلج وكيفي .. أخليج تقعدين ما تقعدين شي راجع لي .. قلت : بس بعد أنا أحب أيلس معاهم .. زايد ابتسم بسخريه : خواتي وعجبووج .. بس خواتج .. انتي من الأسااس ويااهم لييش تبين تقعدين عندهم اليوم .. ولا اشتقتي لعياال عمج .. ما فهمت عليه .. قلت : ما فهمت عليك .. زايد ابتسم بسخريه : كلاامي وااضح .. رديت أعيد كلاامه في باالي .. ........... الين وضح لي كل شي .. لهالدرجه انت شااك فيني يا زاايد لهالدرجه حتى من خواتي حرمتني والسبه شكك .. وعياال عمي شو يخصهم ...؟؟ أنا ما قمت اسمع عنهم بعد وانت تقوول اني لي علااقه فيهم .. والله اني ما أدري عنهم اي شي .. حتى خاالد أخر مره شفته يوم زاايد معااي .. ما شفته عقب .. ولا كلمته حتى .. قلت ودموعي متحجره بعيوني .. : مشكوور ما قصرت ع ثقتك العميااء فيني يا زوجي العزيز .. زايد ابتسم بسخريه وقاال : ما علينا المهم اليوم خلصنا الزياارااات العايليه لأنه بااجر بنرد دبي .. قلت : أحسن .. بس أخااف هنااك بعد بتشك فيني .. زايد ولا عبرني وقاال : تصبحين على خير .. قلت بدون نفس : وانت من أهله .. طالعت صووب زاايد .. بغيت اصيح وامسكه واسأله أنا اش سويت لك يا زاايد اش سويت عشاان تعاملني بهالأسلوب .. حتى من أهلي قمت تحرمني والسبه شكك الزاايد .. الله يساامحك الله يساامحك .. بس المهم فديت أهلي اللي كل يوم والثااني اكتشف اني أحبهم أكثر وأكثر .. والله أدري بغيااابي واايد افتقدوني واتذكروني .. أحبهم والله وما أمل منهم ......... علني أفدااااااااااااهم .. × × مرت الأيااام ورجعنا دبي .. الحيااه ممله .. دبي مو هي دبي الأوليه بالنسبه لي .. يمكن لأنه حياتي تغيرت .. كنت أشووف دبي أول بشكل ثااني .. لما كنت أحب زاايد وهو كاان يحبني ... بس الحين صح اني أحبه بس يوم عشت معااه .. كل شي تغير .. حتى زايد اللي هو زايد تغير ..... صد زاايد كل يوم يزيد عن اليوم اللي قبله .. والسبب ما أعرفه للأسف .. يغاار علي أوكي .. بس انه مايرمي علي كل شي .. أو ينتقدني بكل شي .. أحس روحي كرهت رووووحي والسبب انت يا زاايد اللي كرهتني بحياااتي وعيشتي بشكوكك .. × × بعد مرور شهرين .. ع الأحداااث السابقه .... تجدمت عن التلفون .. ورديت : هلا والله .. شييوم : هلووووووووو سييييييييس .. قلت : وعليكم السلام .. شييوم تضحك : هلاا .. هههه اش حاالج ..؟؟ قلت : بخير الحمدلله ومن صوبج .. شييوم : تمام الحمدلله .. شو الأخباار بعد .. قلت : بخيريسرج الحاال .. انتو اش حاالكم واش حاال الوالد والوالده ..؟؟ شييوم : تمام الحمدلله كلهم ينشدون عنج .. قلت : علني أفدااهم والله .. شييوم : شو مب ناوين تنزلون هالأسبوع ..؟؟ قلت : والله ما أدري حسب دوام زاايد .. شييوم : انزلو دخيلكم .. قلت : جيييه ..؟؟ شييوم : اول شي .. خطوبة خاالد .. ع نوف .. قلت بفرح : صـــــــــــــج .. شييوم : هي والله هههه قلت : مبروووك عيل .. باركي له واااااااااااااااااااايد .. شييوم : انشالله .. وشي ثااني نحن البناات نبا نسو يمعه .. لأنه النتااايج ظهرت الأسبوع اللي طااف والحمدلله كل درجاتنا أوكي .. فـ من جذا نبا نسوي حفله صغيرونه .. قلت : اها عيل بقنع زاايد انه ننزل هالأسبوع .. شييوم : هي انزلو .. وبعدين اليوم الاثنين بااجي ع يوم الخميس ثلااث اياام بيكفيج تتجهزين .. قلت : هي يكفيني .. شييوم : بليييييييز ما اوصيج اقنعيه .. قلت : انشاااالله .. شييوم : يلا عيل بودرج .. بسير برمس بااجي البناات .. قلت : أوكي حيااتي .. شييوم : يلا بااي .. قلت : باايااات .. بعد ما صكرت .. لفيت ويهي شفت زاايد توه يقفل بااب الشقه ... وتجدم عن الكنفه ويلس ... طالعته ابتسمت .. قال لي : السلام عليكم .. قلت : وعليكم السلام .. قلت : انجب لك الغدا حبيبي ..؟؟ زايد بجمود : كنتي ترمسين منو ............؟؟ فهمت قصده .. مدري وش أخرتها معااك ياا زاايد قلت : كنت ارمس شيما ... زايد قاال : انزين انجبي الغدا بسرعه .. قلت : أوكي .. ترا خالد ولد عمي خطب نوف أخت منصور .. زايد : مبروووك .. قلت : الله يبارك في حياااتك .. زايد : جهزي روحج بوديج الموعد .. قلت : هي هذا أخر موعد صح ..؟؟ زايد : هي .. ع الأقل نفتك .. حز بخااطري كلاامه .. يعني أنا عاال عليك يا زاايد .. بس أنا زوجتك ولاازم تتحملني .. غير اني هالشهرين واايد تعبت .. الربووو كلماله يتعبني أكثر وأكثر .. غير صدك هذا روحه كووووم ... آآآه تعبت والله تعبت .. قلت لا ارديا : يعل تفتك مني أنا بعد .. قووول آمييين .. زايد بسخريه : بيت أبووج ولا بيت منو ....؟؟ فهمت انه يعايرني .. قلت : للقبر قول آمين .. زايد ما علق .. بان عليه انه ما عجبه كلاامي .. ورااح للحجره يبدل .. بس ما ندمت ع الكلمه اللي قلتها ع الأقل خل يحس فيني .. خل يعرف اني ما بعيش طول عمري معااه .. لااازم وأكيييد يوم من الأياام نفترق .. لاازم بيوووم من الأياام بنمحي من حيااته ومن هالدنيا كلها ... لااازم يوم من الأأياام برجع لأصلي اللي هو الترااب .. خل يعرف قدري وأنا حيه احسن من انه يتحسر بعد موتي ... نزلت دموعي .. رحت المطبخ .. قلت : بشرى .. طلعي الأكل بسرررعه وحطيه فالصاله .. أنا راايحه أرقد .. بشرى : أوكي مداام .. قلت : شيما تتصل قولي لها مدام تقوول بتصل بج عقب .. بشرى : أوكي .. مشيت .. طالعت بدربي .. زايد وااقف يداام المغسله .. ويغسل يده وويهه .. رش على ويهه مااي بطريقه ثاانيه وتم يطاالع ويهه فالمرااايه بحسررره .. ما فهمت حركته .. شفته يرجع شعره لوره ويبلله .. استغربت من حركته .. نزلت رااسي وكملت طريجي للحجره وأنا مستغربه وأفكر .. زاايد ليييش سوا جذا .. فيه شي .. أحد مضاايجه .. يمكن أنا ضايجته .. بس أنا ما قلت شي ... من شوو متضاايق .. داامه ما يهتم لضيقي ليييش أهتم له أنا .. دامه يفر العتب عليه .. لييش اشفق عليه .. ما أنكر اني أحبه بس هم اللي نحبه المفروووض حبنا له ما يعمينا لاازم اعرف سلبياات وايجابيات اللي أحبه وأحااول اني أخليه يصحح سلبياته .. × × ............. : رمستها .. خليفه : هي رمستها .. عمووور مستغرب : وهي عادي ترمسك ..؟؟ خليفه : عميرررررررررررر بلااك مستغرب .. عمر : لأأ بس مب مستوعب هههه خليفه : يوميا ارمسها أنا .. عمر : حظك .. هب أنا اللي حظي عااثر .. حتى سلاام ما تسلم عليه ههه خليفه : بااجر بتتزوج وبتمل هههه عمر : هههه صدقك .. المهم شووو كنت قااعد تقوول ..؟؟ خليفه : قلت لها أنا نااوي أملج وجذا وجذا .. عمر : أوكي وبعدين ..؟؟ خليفه : تمت سااكته ..؟؟ شو يعني ... عمر : اعتقد السكوت علامة الرضا .. اعتقد يعني .. خليفه : الله يسمع منك .. عمر : وشو بتسوي ..؟؟ خليفه : بملج أكيييد .. عمر : والبنيه ..؟؟ خليفه : مب توك تقول السكوت علامة الرضاا .. عمر : مب كلهم .. في بنااات تفكيرهم غير .. يوم يسكتون يعني هالشي مب عاجبهم .. خليفه : طلعت خبير بالبناات هههههه عمر : لا بس أعتقد يعني .. من التلفزيون والنت .. ما عندي خواات الله يخليك هههههه خليفه : هههه ويا هالرااس .. بس تدري .. شكلي برمس الوالد .. عمر : انت تريا شوي لا تستعيل .. خليفه : بشووف انشالله خير .. عمر : بس تبا شوري اسأل أخوك خل يقول لك .. خليفه : ها راايك ...؟؟ عمر : هي وبعدين خالد فااهم .. خليفه : طلعت لي فكره ........ عمر : شو هي ..؟؟ خليفه : يوم خالد بيملج أنا بعد بالمره بملج .. عمر : هي صدق يا رياال كيف رااحت عن باالي .... خليفه : شاللي رااح من بااالك ..؟؟ عمر : خل أخوك يملج ويعرس عقب انت رمس ابوووك وما أظن انه بيرفض .. خليفه : والله احترت ما صاارت ملجه .. عمر : ههههه .. وبعدين انت لييش مستعيل ... خليفه : بلا عليك يعني انت هب مستعيل .. عمر : لا بس بعد تريا البنيه تخلص الثانويه وعقب يصير خير .. خليفه : لااازم هالثانويه يعني .. عمر : ولا تبا النااس يقولون عن حرمتك هب متعلمه .. خليفه : لا أكيد ما ارضى ههههه بس بعد نتزوج وبخليها تدرس .. عمر : بس البنيه بتهمل دراستها .. خليفه : تدري شو .......؟؟ عمر : شو ........؟؟ خليفه : اصكر ع السالفه أحسن لي ... عمر : جييييه ههههه خليفه : ماشي ملجه يعني ماشي ملجه الا يوم البنيه تخلص الثاانويه .. هذا كلاام عمي .. وأعرفه .. عمر : عيل جيييه مصدع روحك وتخطط وما أدري شو .. خليفه : أحلم يا رياال هههه عمر : هههه احلم واايد عليك تراا .. خليفه : يوم بملج ما بتريا على طول بسوي العرس .. وبنشوووف عقب .. منو بيمنعني .. عمر : هههه عن يقول عمك ماشي عرس الا يوم البنيه تخلص الجامعه .. خليفه : ههههه مو بعيده يسويها الشاايب .. عمر : والله الشياااب حااله .. اياميهم يعرسون من هم ستعش سنه والحين علينا يوم نقول نااخذ البنيه يوم هي ستعش يقولون تدرس ومدري شو هههه .. ولا ايامهم الولد كاان يعرس بهالعمر .. خليفه : صدقك والله هههه عمر : ما علينا .... كل شي تغير حتى الزمن تغير .. خليفه : نعيب زماننا والعيب فينا وما لزماننا عيب سوانا ... عمر : مستوي لي ابو العريف .. هههه خليفه : شفت عااد .. الدنيا علمتني هههه اللي يسمع يقول شاايب عمره ستين سنه ... عمر : ههههه .. المهم ... هالأسبوع بروووح دبي ..؟؟ بتيي ..؟؟ خليفه : هي بيي ..؟؟ عمر : وشهابووه بيي ولا كيف ..؟؟ خليفه : برمسه وبشوووف .. عمر : بس ياارياااال خطوبة خالد هالأسبوع .. خليفه : منو قاال ..؟؟ ما شي خطوبه بس بيلبسون العروس الدبله بدون حفله وهالسوالف .. خالد ما يبا يدش وجذا .. عمر : اها .. عيل شو سالفة السوق مع بناات عمي .. خليفه : أختي تقول بيسوون حفلة عشان هم نجحو ههههههههه عمر : ههههههههه والله البناات ما عندهن شغله .. خليفه : متفيجات هب نحن ادرس واشتغل وادفع وكد .. مقاابل لا شي .... عمر : صدقك هههه خليفه : بس تبا شوري .. نروح يوم اليمعه أحسن .. عمر : هيه الخميس ماشي فاايده .. خليفه : وبعدين أنا ابوي مدبلني الا أداااوم العصريه يوم الخميس .. عمر : الله يعينك على ما ابتلاااك هههه خليفه : آمييين هههه × × في دبي .. الساعه الربعه العصر .. بعد ما خلصت صلااه .. طاالعت زاايد بعده رااقد ... رحت صوب السرير .. هزيت زايد ع الخفيف قلت : زاايد قووم ... زايد لف وما رد عليه ... هزيته مره ثاانيه وقلت : زاايد قوووم عسب نروووح الموعد .. زايد طالعني .. ورد غمض عيونه .. قلت : زااايد .. زايد وهو مغمض عيونه : بقوم الحين .. قلت : قوم عن نتأخر .. عسب نروووح الموعد .. زايد طالع الساعه : هي الموعد ... عن نتأخر .. قلت : عيل نش تجهز .. زايد يلس وقال: أوكي انتي سيري تجهزي والحين أنا بقوم .. قلت : أوكي بسرعه أترياااك .. طلعت من الحجره .. طالعت الساعه .. الله يستر الدكتور شو بيقووول .. انشاالله كل خير .. يارب ان الحساسيه خفت لأني بالفعل تعبت الفتره الأخيره من الربو .. حتى الرقاااد ما اتهنى فيه والسبب هالربو اللي مب طااايع يودرني .. |
الحلقه الثالثه و الأربعون .. عسى الله لايجيب عتاب ولا بعد وهجر وغياب عسانا مانتفارق يوم عسى دايم نكون أحباب والله اني خااايفه .. ما أدري لييش سالفة الربو مب دااشه مزاجي .. السالفه الا فيها انه .. مستحيل الربو يسوي فيني جذا .. لأنه ياما طول عندي بس مب لدرجة اني ادروووخ وأكح واايد .. يلا الله يستر .. يالله عسا ما يستوي بي شي مابي افترق عن اللي احبهم .. تجهزت وخلصت .. طالعت زاايد بعد ما خلص صلاا وقلت : تقبل الله .. زايد : منا ومنج .. ها خلصتي .. قلت : هي .. زايد : بس بلبس كندروتي وبنظهر .. هزيت رااسي وقلت : أوكي أترياااك .. × × .............. : متى نشيتي من الرقاااد ..؟؟ غمضت عيونها وردت فتحتهن : الساعه ثلاااث الظهر .. منصور طالعها وقاال : هذي آخر مره سمعتي .. مريوووم : حراام منصور .. والله الرقااد حلو .. منصور : تنشين الساعه عشر الصبح سمعتيني .. مريوووم : اوووف .. يعني الوااحد حتى فالصيفيه ما يتهنى بنومته .. منصور : تتهنين بالرقااد تهني .. بس صلي .. انا لا اشوفج تصلين الفير ولا الظهر .. كله رااقده .. مريووم : منو قاال والله اصلي الفير قبل ما ارقد .. منصور : والظهر ..؟؟ مريوووم : آآآآآآ مع العصر .. منصور : شفتي كيف ... لو تميتي جذا والله يا مريووم شوفي شو بسوي بج .. مريوووم هزت راسها : انشالله .. بصلي الظهر وبرد برقد .. منصور طالع نوف وقاال : اذا ما صلت الظهر خبريني .. نوف : انشالله معرسنا .. مريوووم بهمس :متى يتزوج ونفتك .. منصور لف : نعم ...........؟؟ مريوم ضحكت : ماشي .. منصور ابتسم : ترااني سمعتج بس بعديها هالمره .. مريووم ابتسمت : شكرا أخوووي الغاالي .. بعد ما روح منصور .. مريوووم : مستوي متحكم واايد .. نوف ضحكت : يااخذ كورس عليج قبل الزواج ههههه مريووم : مليقه ... خل يااخذ عليج انتي ترااج انتي اللي بتعرسين .. نوف : لا ابوي أنا خلوني بحاالي روحي ما أعرف طبع اللي بااخذه .. مريووم : اخته خلود تقول جاااد وعصبي و ............... نوف : بس بس دخيلج .. اللي فيني مكفيني .. مريووم ضحكت : عموور مليون مره احسن عنه .. نوف رفعت حياتها تغاايض بمريوووم : قاامت الرمسه السنعه تنطنط علينا شالسالفه ها .......؟؟ هههه مريوم بنص عين : ما يخصج .. ريلي وبكيفي .. نوف : سكتي سكتي .. لافرج يهالفروحه .. ما عندنا بناات يرمسن عن الزواج سمعتيني .. مريووم تضحك : اسير ايلس ع منتدى نور الامارات واايد أحسن لي .. نوف : سلمي ع البناات وقولي ليتوم نووف انخطبت هههههه مريووم : هههه ويا هالرااس اسميج متفيجه .. نوف : مريوووم بتسيرين بيت قووم شوااخ ..؟؟ مريووم : اللي فبوظبي ..؟؟ نوف : لأأأ بيت أبوها ..؟؟ مريووم : هي أكييد البناات مسوين باارتي ع قولتج ههه نوف : ابا اسير بس استحي .. مريووم : جيييه انشالله .. نوف : اخااف اشوف خاالد ههه مريوووم : الحينه شاللي يدخل خالد بين الحريم خبريني .. نوف : هي صدقج .. بيي ليييش بحرم روحي .. مريووم : اكشخي .. نوف : أكييد .. بس انتي اش لج ..؟؟ مريووم : يعني يمكن ريلج المصون يبا يشوفج .. نوف : سيري لاااه .. مريوووموه ترااني صدق بفر عليج زجاج هالمره .. هب اي شي هههه × × ابتسمت لزاايد وقلت .. : ها بشر ..؟؟ زايد حرك السياره وقاال : يوم الخميس انشالله بتطلع النتيجه .. قلت : متى الصبح ولا المسا .. زايد : الصبح .. قلت : آهاا ... شو قاال الدكتور .. انشالله الحساسيه بتروح عني .. زايد : هي انشالله بتودرج بس يوم الخميس بيتأكد .. قلت : من شو ..؟؟؟ زايد : شو سبب هالحساسيه .. قلت : يعني يمكن يطلع فيني شي ..؟؟ زايد : ما أدري .. بس انشالله لأأأ .. هزيت رااسي وقلت : أنا شااكه ان فيني شي .. الا متأكده .. زايد : شهد شو هالرمسه .. وبعدين انتي مؤمنه .. مو زين تقولين جذي .. قلت : انشالله يخيب ظني .. زايد : انتي ادعي لروحج .. قلت : انشالله كل خير .. زايد : يوم الخميس بعد ما تطلع النتيجه بنرجع العين .. قلت : كم يوم بنقعد ..؟؟ زايد : يومين كالعاده .. بس هالمره بنرجع السبت .. قلت : هي زين .. لأني يوم الخميس يتم عند أهلي .. البناات مسوين حفله .. زايد : ماشي ترقدين بيتهم .. الحفله تخلص بشلج .. كلامه حز بخااطري .. قلت : أدري .. زايد وهو يطاالع الدرب : حفلة شو ...؟؟ قلت : البناات لأنهن استلمن النتايج وقالن بنتيمع .. زايد : اها .. وخالد ما متى بيعرس .. قلت : ما أدري والله .. زايد : منصور عرسه شهر ثمانيه .. قلت : تتذكر غايه ............؟؟ زايد هز رااسه وقال بجمود : هي بلااها ..؟؟ قلت : حرمة منصور تصير بنت عمها .. زايد : أدري .. ما اشوفج ترمسين غاايه .. قلت : انا اللي يتركني مره ما ارجع له .. ولو بكا دم .. زايد مستغرب : جيه شو سوت لج .. قلت : تركتني بأصعب ضرووفي .. ومستحيل ارد ارابعها .. زايد : براايج .. طالعته وقلت : تدري انك انت كنت السبب .. زايد وهو يطالع الدرب .. قال بجموود ..: شهد رجاءا السوالف الجديمه لا تطرينها لأني اتنرفز منها ... ما رديت عليه .. أدري اني كل كلمه أقولها .. زاايد يقول اني غلطاانه وحتى لو كلاامي صح .. وهو الغلط .. يقول اني غلطاانه .. بس ابي اتكلم ويااه يعصب وما يخلي مجاال للكلام بينا .. تعبت من صدك يا زاايد تعبت .. × × .......... : تجهزي دبوووه .. مريوووم : أكيييد انشالله .. خلود : شو بتلبسين ..؟؟ مريوووم : بنطلون اسكيني وتيشرت احمر .. خلود : مي تو بس القميص اصفر هههه مريوووم : نووفوووه الهبله تبا تلبس درااعه أقول لها يمعة بناات .. خلود : هي .. هههه ماشي حريم ويانا نسو اللي نبا .. يعني ما شي أحد بااجر بيحش فينا ههههه مريوووم : شييوم وشذو شو بيلبسون ..؟؟ خلود : اظني شيمووه بتلبس قصير .. مريووم : عنلاااتها هههه .. خلود : كنت بلبس بس المشكله خالد ما يخليني .. مريووم : أنا بعد منصوور ما يخليني هههه خلود : بس أعتقد خلوف لو درا بيذبح شييوم هههه مريوووم : الا هي يمعة بناات ما فيها شي وبعدين نو وي أحد يصور وجذا لأنه ربيعاتنا وجذا .. خلود : هي صح مريوووم : شهوود بنت عمج بتيي ..؟؟ خلود : هي بتيي .. اليوم المغرب شييوم رمستها وقاالت ريلها قاال بييبها .. مريووم : هي .. خل كلهم ييون .. وناسه يوم نكون واايد .. خلود : حتى شوااخ قاالت بتيي .. مريووم : هي اليوم نوفووه رمستها .. خلود : والله الكل قاام يروح لمكاان .. أحس العايله بدت تفترق .. مريوووم : هو لاازم هالشي .. وبعدين بااجر حتى انتي بتروحين عنهم .. خلود : جب جب استحي هههه مريووم : طااعي شكلج .. ههه خلود : شذووو الدبه يوم رايحين المركز هااك اليوم في وااحد رااعي الفتك البرتقاالي هذا تعرفينه .. مال شعبيتنا .. مريوووم : هي أعرفه .. كل شي فيه حلو .. ما عدا ............... خلود كملت عنها : سيااارته ههههههه مريوووم : صح ... ههه بس لييش لونها جيييه .. خلود : مدري عنه يبا يجذبنا بلون سيارته أونه هههه مريوووم : يحلم .. انزين شو صاار .. خلود : يوم رايحين المركز .. شذو الخبله يوم شاافت الشاارع فااضي تمت تركض هههه مريوووم : صدق غبيه .. بالعباااه وتركض .. هههه خلود : شفتي الذكااء فيها ههههه مريوووم : انزين .. شو صاار هههه خلود : ولا فجأه يطلع لج رااعي الفتك هذا .. وشذى صخت .. بس أقووول لج قفطت عن خااااااطر ههههه مريوم : حراام حليلها ههه خلود : تستاهل .. قلت لا لا تركضين .. وهي تمت تتراكض .. مريوم : ههههه كلتها يعني .. خلود : انزين وجاان ينزل الجامه .. ويقول .. ياحلوه انتي .. عيب نركض فالشوارع .. هههههههههههه مريوم : هههههههه قفطت عن خاااطر أكيييد .. خلود : هيييييه هههههه من يومها مؤدبه البنيه .. مريووم : درس لها هههه خلود : أخوها لو يدري بيذبحها هههه مريوووم : استري عليها وبعدين عاادي خباال بناات هههه خلود : ههه وناسه .. مريوووم : يالله عيل بودرج أنا .. خلود : تو النااس .. مريووم : طولت واايد .. ومنصور بيذبحني مستوي عصبي هههه خلود : الله يعينج هههه مريوووم : هههه أميين .. خلود : ويعيني ..هههه مريووم :هههه تامرين بحاايه ..؟؟ خلود : لا سلامتج .. وانتي ..؟؟ مريووم : سلاامتج .. خلود : سلمي ع حرمة أخويه هههه مريوم : انشالله .. وانتي بعد سلمي ع النسيب .. ههه عسب منصور صدق صدق يذبحني اليوم .. خلود : ههههه لا عيل ما بسلم عليه خلااص هههه مريوم : زين تسوين .. يلا عيل مع السلامه .. خلود : مع السلامه .. × × .............. : يعني لاااااااااازم .. شييوم : هي دخييييييييلك أخويه حراام .. شهاب : مب متفيج اليوم .. شييوم : عاد متى ..؟؟ وبعدين الحفله يوم الخميس .. شهاب : اوهو علينا .. شذى : دخيلك اخووي شلنا ويااك بس فرنا السوق ورد .. شهاب : بوديكم بس بشرط .. شييوم : تاامر وتنهي على كيفك انت آمر وبس .. شهاب : تشلون خلود ويااكم .. شييوم تخصرت : لا لا .. اش معنى ....؟؟ شهاب : عيل خلاااص ما في روحه .. شييوم : لا لا بنشلها ويانا بس انت ودنا .. شهاب ابتسم : هي ابااكم جذي .. شييوم : خلااص عيل نتجهز ...؟؟ شهاب : هي بوديكم بعد صلااة العشاا .. شييوم : يلا شذوو نسير نكتب شو نبا .. شهاب : اتصلي بخلود قولي لها تتجهز .. شييوم : انشالله أخوي .. ربي لا يحرمني منك .. هههه شهاب : مصلحجيه .. شييوم : عليك .. شهاب : ماشي ......................... شييوم قاطعته : التوبه ههههه شهاب : هي ابااج جذا .. تسمعين الكلاام .. شييوم : اعجبك أنا .. شذى : خلصو انتو الاثنين .. يلا بيأذن سيرو تجهزو .. شهاب : هي يلا تجهزن عقب الصلااه بوديكن .. شيما : أوكي .. شذى : أنا بتصل بخلود .. شيما : زين تسوين .. شذى : ترااني ادري بج سنه لما تتجهزين .. شيما : هههه شسوي يعني .. شذى : الله يعين خلوف .. شيما : سكتي ما يخصج هههه شذى : اقوول تجهزي ترا الوقت قااعد يمر .. شيما : اتصلي بسرعه عن يكنسل بس .. × × الأربعااء الساعه تسع بليل .. ............. : هي باااجر بننزل وانتو ....؟؟ ميثا : لأأ ما أظن .. ابتسمت وقلت : مب شي الويك اند صح هههه ميثا : بصراحه يوم رواحنا مب شي بس يوم الأهل موجودين وجذا ماشي أحلى منه .. قلت : زين تعرفت عليج ولا كنت صدق بموووت من الملل ههه ميثا : هي ريلج كله فالدوام .. قلت : وانتي .. ريلج ...؟؟ ميثا : لا ريلي اربعة اياام دوام واربعه اجازه .. قلت : أحسن لج .. ميثا : شهد جيييه انتي ما تعرفين حد في دبي .. قلت : امبلى أعرف .. وااايد .... لأني ربيت اهني .. ميثا : جيييه ما تروحين لهم وما ييون لج ..؟؟ قلت : أنا قطعت كلهم يوم رحت العين .. وتبين الصدق مالي خااطر ارد ارابعهم .. ميثا : بس ملل .. قلت : عاادي تعرفت عليج وبااجر بنتعرف ع غيرج بعد هههه ميثا : هي اهني فالبناايه أكثر شي مواطنين .. قلت : بنايتنا اللي فـ شارع الشيخ زايد أكثر شي زلمات وعراقيين .. ميثا : بس بعد البيت أحلى صح .. قلت : هههه تخيلي اني أحب الشقق أكثر .. ميثا : غريبه انتي الصراحه .. قلت : صدق .. الحين فالبيت عندنا ما كنت أسولف مع اهلي واايد بس يوم كنا في شقه كل شي أنا وشييوم قبل لا يستوي بعد .. كنا نخبر بعض هههه ميثا : شوقتيني ودي اشووف شييوم هههه قلت : من زود ما ارمس عنها صح هههه ...؟؟ ميثا : هي كل سوالفج عنها هههه .. مخطوبه أختج ..؟؟ قلت : هي بتاااخذ ولد عمي .. انشالله .. ميثا : مبروكين عيل هههه قلت : بس ولا جنها مخطوبه .. عقلها عقل وحده عمرها ستعش سنه ههههه ميثا : عندي أخت عمرها ستعش سنه ماشالله عقلها يوزن بلد .. قلت : ياريت لو أختي جذا ههههه ميثا : هو حسب اذا عندج خوات أكبر عنج ومحد بعمرج .. شي اساسي انج تااخذين طبع الكبااار قلت : من هالناحيه صح .. هو حسب البيئه اللي حولينا .. وبعدين حسب الربيعاات بعد .. ميثا : لا أختي انعازليه ما تسولف واايد مع البناات .. قلت : أنا كنت جذا .. بس فالمدرسه اجتماعيه واايد .. ميثا : حتى مع بناات العايله ما تتيمع ... قلت : لييش فيها شي .. ميثا : لأأأ بس طبع فيها ... وبعدين مب انه ما عندها ربيعاات عندها واايد ... بس ما تحب تسولف الا مع وحده .. قلت : غامضه شكلها أختج .. ميثا : لأأأأبـــعد درجه .. قلت : شوقتيني بشووفها هههه ميثا : هههه يوم تيي عندي بخليها تزورج .. قلت : أوكي .. صح عرس ولد عمي جريب .. ميثا : صدق .. عيل مبروووك ... قلت : الله يبارك في حيااتج .. عاد ها الا تيين صوبنا .. ميثا : انشالله بحضره .. هههه قلت : وتعرفي ع الملقوفه شييوم هههه ميثا : حراام أحسها طيبه .. قلت : هي واايد .. ميثا : ههههه شكله بينكم قبل لا تعرسين كاان في تااتش .. قلت : مو ذاااك الزود عااد .. لأنه كنا نحب بعض .. بس انه كاان في تاتش .. ميثا : لاازم بين كل الخواات شي تاتش هههه قلت : خاصتا اذا السن متقاارب .. ميثا : حلااته يوم السن يكون متبااعد هههه قلت : لا حراام .. مب شي جذا .. ميثا : لا بالعكس ههه قلت : عقب الأخت تشكي لمنو .. لو أختها عوده وجذا .. ميثا : عاادي تشكي لأختها العوده وبعدين دام أختها عوده أكيد النصاايح تكون أوكي .. قلت : هي ههههه .. بس شييوم يوم عرسي صااحت ..قولي مااتت صيااح .. ميثا : فديتها أكيد مفتقدتنج ..؟؟ قلت : لا وين .. أول يوم وثاني يوم .. عقب نستني هههه ميثا : صح ما قلتي لي .. رحتي الموعد اليوم ..؟؟ قلت : هي .. ميثا : بشري شو النتيجه ..؟؟ قلت : يوم الخميس انشالله بتظهر .. ميثا : يلا انشالله خير .. قلت : انشالله .. ما أوصيج ادعي لي .. ميثا : انشالله في كل صلااه .. قلت : والله اني هب مطمئنه ... ميثا : توكلي ع ربج وانشالله ما يصير الا كل خير .. وبعدين الحمدلله الحين شي مستشفياات وكل شي .. قلت : بس بعد مب مطمئنه .. ميثا : ادعي لروووحج وانشالله التحاليل تطلع سليمه .. قلت : امين .. الله يسمع منج .. ميثا : يلا عيل أنا بروووح .. قلت : تو النااس ميثااني ... ميثا : ريلي يتريااني .. ههه قااال لي تمي ربع سااعه وأنا ماشالله ما صدقت خذتني السوالف .. قلت : ههههه وأنا بعد والله خذتني السوالف .. ميثا : عااد بيي لج مره ثاانيه انشالله .. قلت : هي حياااج بأي وقت .. ميثا : وانتي بعد تعاالي .. قلت : انشالله بس بيوم ريلي وريلج يكونون فالدواام ههه ميثا : هي عسب نطول .. مب شراات اليوم بالشحته طالعين هههه قلت : صدقج ههه ميثا : يلا عيل فديتج .. بروح أنا .. قلت : الله وياج حبيبتي .. ميثا : طمنيني بااجر شو بيقول الدكتور .. قلت : انشالله .. ميثا : لا تخافين حبيبتي انشالله كل خير .. قلت : الله يسمع منج .. ادعي لي .. ميثا : انشالله .. يلا عيل حبيبتي مع السلامه .. قلت وأنا اوصلها للبااب : مع السلامه حبيبتي .. سندت رااسي ع البااب ... ياربي ميثااني واايد طيبه .. من سكنت فهالشقه وهي زينه ويااي ما جد شفت منها شي غلط .. يلا الحمدلله ان فيه نااس زينين بهالدنيا .. آآآآهـ ياربي أنا خااايفه بااجر نتيجة التحاليل بتظهر .. يارب النتيجه تطلع سليمه .. والله ما فيني يستوي بي شي .. روحي تعباانه نفسيا .. والحين يزيد الطين بله .. واتعب جسديا .. شو بيبقى فيني عقب ..؟؟ يلا .. اتوكل ع ربي .. وانشالله ما يصير الا كل خير .. ارووح أقووم زاايد أحسن لي .. عسب نتعشى وبالمره أذكره بااجر نتيجة الفحص عسب ينش بااجر بدري .. غير جذا بااجر بنروح العين .. |
الحلقه الرابعه و الأربعون .. تبي الصراحه يالغلا منك مليت مليت من طبعك وأنا اليوم برحل نسااك قلبي وأشهد اني تناسيت لا عاد ودك غالي مثل الأول اليوم الثااني الصبح الساعه عشر بتوقيت مدينة العين ... شييوم فتحت عيونها شاافت الساعه وقاالت : وجـــــــــــــــــــع انشالله .. شذى : يوجعج قولي أمييييين .. شييوم : جيييه موعتني الساعه عشر .. شذى : اليوم خميس .. ورانا حفله .. شييوم : الحفله بليل هب الصبح .. شذى : بس نتجهز من وقت .. شييوم : تبيني من الظهر ايلس اتريااهم .. شذى : لا بس قومي تجهزي .. شييوم : اقووول شذوووه اجلبي ويهج .. لأني مب رااقده عدل .. شذى : براايج .. شييوم : يالغبيه انتي بعد ارقدي .. تبين بليل عيونج تورم .. شذى : اوفـــ ... انزين برقد .. شييوم غطت في ساابع نومه وما علقت على شذى .. وشذى هي الثاانيه بعد رقدت .. × × خليفه : خلااص عيل بااجر انشالله بنروح ... عمر : هي بااجر الظهر .. خليفه : كم سياااره .. عمر : سيارة وحده تكفي ... بس بعد نااخذ سيارتين ما تدري انت هنااك الظروف كيف .. خليفه : اوكي عيل سياارتين .. عمر : انت وشهاب فسيارة وأنا فسيااره .. وجنه حمود بيي ويانا .. خليفه : خلااص عيل انت وحمود اظهرو بسيارتك .. عمر : أوكي .. خليفه : بس لو نظهر المغرب أحسن .. عمر : أوكي .. وبعدين المغرب أحسن .. خليفه : هي لأنه بااجر اليمعه .. عاده لو ظهرت قبل الغدا .. بيسوون لنا استجواب هههه عمر : هي انت الله يعينك هههه ... رمست شهااب ..؟؟ خليفه : برمسه اليوم انشالله .. عمر : خل يتجهز عن يأخرنا شراات كل مره .. خليفه : أوكي .. عمر : يلا عيل أنا بروووح برد بناات عمي من السوق .. خليفه مستغرب : بنااات عمك ...!! عمر ابتسم : هي ... هههه خليفه ضحك : هههه الحبيبه ويااكم هااه .. عمر : ما تشوفني شااق الحلج هههه خليفه : روووح روووح موفق انشالله هههه عمر وهو راايح : جيه قالو لك مقدم على وظيفه هههه خليفه : ههههه أدعي لك بس .. عمر : هههه يلا مع السلامه .. خليفه : مع السلامه .. ادعي لنا عسب حظي العااثر يتركني .. ههه عمر : هههه بدعي لك .. يلا فمااان الله .. × × ونحن فالسياره .. قلت : لييش الدكتور ما رمس جداامي يعني ...؟؟ زايد : برمسج أنا فالبيت .. نزلت رااسي وقلت بألم : زااايد أنا فيني شي ..؟؟ زايد : شهووود ما فيج الا كل خير .. قلت بنفاذ صبر : انزين جيييه ما ترمس ..؟؟ زايد : شهد حيااتي .. برمسج فالبيت بس انتي تريي .. قلت : يعني أكيييد فيني شي .. زايد : ومنووو قااااااال ..؟؟ قلت : أكيييد فيني شي .. ولا جييه ما خليتني ارمس الدكتور روحي .. زايد : شهد فالبيت برمسج حبيبتي .. قلت وأنا دموعي تهل : نشوووف ... زايد بدا يسوووق وهو مركز ع الشاارع ... وأنا بدوري اكتفيت بالسكوت .. وأنا اطاالع برع .. لييش الدكتور ما رمس يداامي أكيييد أنا فيني عله .. لييش ياربي أنا بالذاات .. لييش ...؟؟ استغفر الله العلي العظيم .. شو هالرمسه .. كل شي ربي كاتبنه يصير .. مب اي شي ع كيفي .. وأكيد ربي يبي يختبرني عشان جذا ابتلااني .. بس آآآهـ متى أعيييش حياتي متى ...............؟؟ وصلنا البنايه .. وأنا سااكته وزايد هم سااكت .. محد فينا تكلم ولا فتح فمه بكلمه .. زايد بعد ما صكر السياره .. وقفت بصوب اتريااه .. ياااه صوبي .. رفع رااسه يطالعني ... ورد نزل عيونه ومسك يدي ... ومشينا ... تميت ساكته .. زايد وهو يضغط على زر المصعد .. قاال : تحسين بدوخه ولاشي .. قلت وأنا مستغربه : لأأأ .. زايد : شافني ورجع يده لورا ظهره وطاالع فووق وغمض عيونه .. وتنهد تنهيدة ألم استغربت من حركته الصراحه .. نزلت رااسي .. يعني أنا فيني شي أكيييد .. وصلنا للشقه .. زايد فتح الباب وأشر لي أدخل .. دخلت .. بعد ما صكر البااب .. طالعته .. نزلت رااسي .. ومشيت للحجره .. طلعت عبااتي .. وعلقتها .. ورحت صوب السرير .. ويلست... شفت زاايد دخل .. وسند ع البااب .. وهو يلعب بالسويج .. قلت وأنا يالسه : وصلنا البيت زاايد دخيلك خبرني .. زايد : بخبرج بس انتي لا تحاتين .. وقفت وقلت : زاايد ارمس ما فيني اتريا أكثر .. دخيلك ارمس .... زايد قاال وهو يلعب بالسويج : شهد انتي ..................... قلت : أنا شو يا زاايد .. شو ...........؟؟ زايد يبا يتكلم .. قلت : لا تقووول أنا فيني ................ زايد قاطعني وقاال بسرعه : شهد انتي حااامل ..... طالعته .... رجعت على ورا ورميت روحي ع السرير .. يلست ومسكت رااسي بيديني .. نزلت دموووعي ... رفعت رااسي .. قلت لزايد باستغراب : أنا حااامل ....... زايد هز رااسه : هي .. والربو خلااص قااعد يخف مع العلااج ما يخصه بتدهور حالتج ... قلت وأنا اصيح بحراااررررره : ليييييييييييش حملت ليييييييييش ...؟؟ زايد استغرب وعقد حياته وقاال وهو يتجدم : شو هالرمسه .. قلت : كيفي أقووول اللي أقوله ... زايد بجمود وعصبيه : انتي عقلج صاااابه شي ........؟؟؟ قلت وأنا أصيح : كيفي انت ما يخصك فيني ما يخصك لا تقترب عني ... سمعتني ما يخصــــــــــــــــــــــك .... زايد تجدم عني .. وصفعني كف ... حسيت بخدي يحترق .. رفعت رااسي وحطيت يدي مكااان الكف .. نزلت دموعي .. زايد بعصبيه : اسكتي .. ويخصني غصباا عنج سمعتي .. قلت بحرقه : هه ماشالله .. كان بااجي الضرب ,.. وهالمره ضربتني بعد .. زايد رفع رااسه وقاال بجمود : وليييش انشالله ما تبين تحملين ..؟؟ منو حبيب القلب هذا وكم عدده ..؟؟ حز بخااطري كلامه .. قلت : شووووف هذا انت اللي تشك فيني ... زايد : ولا شو تفسرين رمستج قبل شوي ... قلت : فسره باللي تبا .. أنا ما يخصني فيك .. مليت يا زاايد مليت منك ... زايد بسخريه وعصبيه نفس الوقت : لااازم تملين مني .. عندج اللي يكفونج .. يلست ع الأرض وأنا اصيح قلت : حرااام عليك زاايد حرااام ... أنا ما بغيت هالولد من البداايه .. دام بدايتنا كانت جذا أكيييد الولد بيتشتت زايد : انتي اللي اخترتي هالبدااايه .. بديت أصيح أكثر وقلت : يعل ربي ياخذني وأفتك .. قوووول أمييين ... زايد خذا سويج سيارته ,, وطلع من الحجره .. طالعته .. رووح صوب باب الصاله وظهر من الشقه .. وقفت ورحت صووب السرير .. رميت روحي وبديت أصيح وأنا أطاالع بطني .. الحين صااار في شي يربطني بك يا زااايد .. صار في بينا ولد .. بس بيعيش مشتت حليله لا أمه ولا أبوووه متفاهمين .. زاايد يوم عن يوم يقسى علي أكثر وأكثر .. مليت منه والله مليت .. ابا اطلع من حياته وابيه يطلع من حياااتي ... صااار لنا فوق الشهرين متزوجين .. وبندش الثاالث وبعده حالنا مثل ماهو .. تجدمت عن الكوميدينه ... سحبت الدوا .. فتحت الغطا .. الا اشرب منه الا أموووت ما فيني اصبر أكثر .. حتى اليوم زاايد شك فيني .. حتى يوم بينا ولد يشك فيني .. والله انك عديم احساااس يا زاايد ... تعبت منك تعبت ومليت .... ابا أموووت .. مابي هالدنيا مابها .. خلااااص مليت والله ملييييييييييييييت .... فتحت غطا الدوا ..... الا ارحل عن هالدنيا ..... عسى زااايد يحس فيني .. × × مريوووم تسحب الترولي عنها : وخري بس وخري ... نوف : بلاااج ..؟؟ مريوووم : انتي اللي سنه لما تدزين الترولي .. نوف : شو قالو لج دبه عسب ادزه بسرعه .. مريوووم : امشي وانتي ساكته .. نوف : ارمسي شوي شوي انزين .. ترااج فضحتينا .. مريوووم : ما يهمني .. يلا نحااسب .. نوف : أوكي يلا .. مريوووم وهي وااقفه تتريا الزحمه تخف .. : اوووف .. يعني لاازم كلهم ييون يشترون ويانا .. نوف : اش درااني عنهم .. مريوووم : قلت لج نشتري من المحلااات أغرااض بس انتي ما تفهمين .. المحلات هب زحمه .. نوف : بس أغرااض كارفور أحلى .. مريوووم : لا والله ... ترااج ويه فقر ماشالله عليج .. نوف : أحسن عنج يالبطرانه .. مريوووم : ما علينا .... ويااج بطاقة البنك .. نوف : لا منصور ما عطاني اياها .. عطاني بيزااات جذا .. مريوووم : انزين عطيني البيزات عسب أحااسب عنج ... نوف : تسوين خير .. مريوووم فونها يرن .... : اوفووو .. هذيل ربيعاتي ما يتصلن الا يوم أطلع .. نوف : تريي دقي عليها يوم نرجع البيت .. مريوووم : أدري .. نوف : مو جنه هذا عموووور .. مريوووم رااحت ورا نوف : هي عموور .... نوف تضحك : بلااج ههههه ...؟؟ مريوووم : خلج يدامي ... نوف : قومي عني هههه فضحتينا .. مريوووم : يعني لااازم اليوم أخوج تطلع أشغاله عسب يطرش عموور .. نوف : حظج الحلو هذا ههههه عموور يتجدم وهو مبتسم : السلام عليكم .. نوف ومريوووم : وعليكم السلام .. عمور : اش حالكن ..؟؟ نوف : بخير ومن صوبك ..؟؟ عمور : بخير ربي يعافيج ... مريوووم اش حالج ..؟؟ مريوم منزله راسها ومرتبكه : بخيررر .. عمور ابتسم وعطا سويج السياره لنوف : سيرو ايلسو وأنا بحاسب .. نوف : لا عاادي نحن بنحاسب .. ما نبا نتعبك .. عمور : لا هب مشكله انتن ايلسن فالسياره وأنا بيي .. نوف : أوكي .. عمور ابتسم وهو يطالع مريووم .. ومريوووم بسرعه لحقت نوف وهي ماشيه عسب يرووحون صوب الباركنات ... × × ........... مايا يلا جهزي سعود .. مايا : مدااام ما يبا يلبس .. شيخه : سعووود حبيبي يلا سير تلبس .. سعود يطالع اسبيستون : مابا مابا .. شيخه : سعووود باباتي بنروووح العين .. سعود يمد بوزه : مابا ... شيخه تصارخ : جااابر تعاال تصرف مع ولدك .. جاابر من الحجره : بلااااه .. شيخه : ما يبا يغير ... جابر : انتي غيري له انزين .. شيخه : أنا يالسه اغير لحامد .. جابر طلع من الحجره : بابا سعود سير غير .. سعود : مابا .. شيخه : قلت لك ما يبا .. تصرف ويااه .. جابر : سعود باباتي غير بنروح العين عند مريوووم .. وبشتري لك حلاوه .. سعود يقوم ويقول : اثتري هواوه .. جابر يبتسم : هي بشتر لك بس سير غير .. رووح سعود مع الخدامه .. جابر ضحك : ويا رااسه قاام يفهم .. شيخه تلبس حامد : تعبني هالولد .. يكفيني حامد .. وهذا يااي يتدلع .. جابر : يااهل حليله .. شيخه : واايد دلعته انت الصراحه .. جابر يضحك : ولدي وع كيفي ... شيخه : خلااص أنا بدلع حامد عيل وابتلش بالاثنين .. بنشووف عقب بتراضي منو هههه جابر : يكفيني أمهم الحين هههه شيخه : لا والله .. عاد أنا اهون عنهم مب لهالدرجه هههه جابر : الا شراتهم وأخس عنهم هههه شيخه : اوفوووو .. انت بس تبا تقهرني .. جابر يضحك : تجهزو بسرعه يلا ورانا درب .. شيخه : بنرووح بيتكم أول .. جابر مستغرب : جيييه في بيتكم ماشي حفله وما أدري شو ... شيخه : امبلا .. بس أنا بسير بتجهز مع نوف .. جابر : اها .. شيخه : وبنسير أنا ونوفاااني رباااعه .. جابر : براايج .. يلا تجهزو عسب ما نتأخر ... ابا اوصل الظهر عسب اريح .. شيخه : أوكي مب بااجي شي بس البس العياال .. جابر : عاد برووح بتلبس .. شيخه : أوكي .. × × ما حسيت الا وواحد يسحب الدوا عن يدي ... حسيت مطرقه ضربت يدي .. لفيت بسرعه وأنا متخرعه ,,, طالعت زاايد يطالعني وهو معصب .. حسيته في هاللحظه بيذبحني .. ما عرفت شو اقول ولا عرفت شو ابرر .. قلت وأنا اتأتأ .. : انــــا ............... قاطعني وقاال بعصبيه : شو انتي غبيه .. ما تخافين ربج ... تبين تدخلين جهنم .. عبرااتي هلت .. وقلت : انت اللي خليتني اسوي جذا .. زايد بعصبيه : شو انتي ما تفهمين ... يعني أنا اللي قلت لج سيري موتي ... صحت وقلت : هي انت ... انت اللي ما تعاملني عدل .. زايد وهو معصب : شهد فكيني من صدعة الرااس .... واليااهل لو ما تبينه برااايج ييبيه وأنا بربيه ... وانتي اسرحي وامرحي ع كيفج .. قلت وأنا ايلس ع الأرض واصيح : زاايد انت لييش ما تفهمني لييييييش .. زايد : ما بنرد العين اليوم .. قلت وانا ميته صيااح : لأأأ ابا اسير عند أهلي مابا أتم عندك مابا .. زايد : قلت ماشي روحه يعني ماشي .. قلت : بس أنا ابا اسير عند اهلي مابا أتم عندك .. زايد : اذا بتسيرين اليوم .. بنرد اليوم دبي .. هزيت رااسي وقلت : مابا ارد عندك مابا ... زايد : عيل تسيرين عند منو ...؟؟ هذا بيتج .. قلت : مابا ايلس وياااك مليت .... اسير اي مكاان بس ما أتم عندك .. ما أحبك أنا ما أحبك ..... زايد لف ويهه ورااح صوب البااب : بوديج بس اليوم نرجع .. قلت وأنا معانده : لأأأ مابرجع معااك .. ابا اسير بيت أهلي وما ارجع ... طلقني مابااااك .. يعني ماباااااااااااك .. زايد لف طالعني وقاال وهو مصدوووم ومستغرب : شكلها حلت لج السالفه .. قلت : زاايد ما أحبك .. طلقني خلااص والله مب مستحمله أيلس معااك ولا دقيقه .. مليييييت .. زايد مشى .. يلست ع الأرض وحضنت ريولي .. بديت اصيح أكثر وأكثر .. ياربي متى أفتك.. خلااص مب مستحمله العيشه مع زاايد أكثر تعبت منه تعبت ... كل يوم والثاني تزيد المشاااكل بينا ويصعب فك العقد .. كلمالها الاموور تتعقد ويصعب علي فهم زايد وهو يصعب عليه فهمي ... آآآآهـ مليت والله مليت ... يكفي يا زاايد مابي منك ملاااام مابي .... كرهت حياااتي والسبب انت ... × × الساعه خمس العصر .... شييوم يالسه تستشور شعرها فالحجره .. شافت الساعه .. : ياربي وينها هذي تأخرت ... شذى : يمكن توهم طالعين ما تعرفين لدواماتهم انتي .. شييوم : يمكن .. شذى : ترى شويخ وصلت .. شييوم : هي أدري مريوووم اتصلت بخلود .. شذى : بتيي مع قوم نوف ... شييوم : هههه نسيت اباارك لنوف ع الخطبه .. شذى : ما أتخيل شكلها هههه شييوم : أعتقد بتكشخ عدل اليوم .. شذى : بس خالد ما بيشوفها .. شييوم : بس لاازم تكشخ لأنها مخطوبه .. شذى : هي من هالنااحيه هي هههه .. شييوم : ياربي شهدوووه وينها بعدها مايت .. شذى : جييه قالت لج الساعه جم بتظهر .. شييوم : قالت الظهر بيظهرون من دبي .. شذى : عيل لاازم يكونون واصلين هالحزه .. شييوم : هي عسب جذا يالسه أحاااتي .. شذى : يمكن رااحت لبيت عمتها .. شييوم : هي يمكن .. شذى : بس اتصلي بها .. شييوم : بتصل بها عقب شوي .. شذى : عااد أنا بروووح بشووف شو الوضع تحت لأني قلت لهم يفضون الميلس .. شييوم : هي خل يرتبونه عدل .. واايد بناات بييون .. شذى : بسير برمسهم الحين ... × × فتحت عيوني الساعه خمسه العصر .. التلفون شكله مب نااوي يسكت اليوم .. ياربي .. روحي مصدعه والحين من يتصل بعد .. مديت يدي للكوميدينه .. وسحبت التلفون .. ركزت طاالعت رقم شييوم .. أكيد بتسألني اذا بروح ولا لأأأ ولو ما ردبت بتحاتي .. خل أرد وأتوكل على الله .. رديت : السلام عليكم .. شييوم : وعليج السلام والرحمه .. قلت : هلا شييوم .. شييوم : هلا شهد .. وينـــكم .. قلت : سمحي لي شييوم ما أروم ايي ... شيوم شوي وتصيح : لييييييش انزين ..؟؟ قلت : زاايد عنده دواام اليوم .. شييوم : دوااام .....؟؟ انتي ما قلتي عنده اجازه ..؟؟ قلت : امبلا بس اتصلو به وطلبووه .. شييوم : اوووف .. الحين خططنا وسوينا وأخر شي هذيل الا يبونه يداوم .. قلت : شفتي كيف عاااد .. شييوم : ما يروم يترخص .. قلت : ما اظن .. شييوم : ياربي .. انزين عيل ... أنا برووح بشووف شخباار التجهيزات .. قلت : مب زعلاانه مني ..؟؟ شييوم : لا لييش ازعل دام دوام ريلج .. ما يصير بعد .. قلت : عقلتي زين هههه شييوم : هي شفتي كيف ههههه قلت : زين ... خلااص بتصيرين حرمه ههه شييوم : هي .. يلا عاد شهوود برووح برتب اغرااض الحفله .. قلت : أوكي .. سلمي ع البنات .. شييوم : يوصل .. قلت : يلا فمان الله حبيبتي .. شييوم : فمان الله .. بعد ما صكرت شييوم .. شذى : ها شو السالفه ...؟؟؟ شييوم باحباااط : ما بتيي .. شذى باحبااط : لا تقووووووووولين .. شييوم : هي والله .. شذى : وليييش انشالله .. ليكون ريلها ما يبا .. شييوم : لالا ما يخصه .. شذى : عااد لييش ..؟؟ شييوم : ريلها عنده دوام اليوم .. شذى : اهاااا ... وأنا اقوول جييه غيرت رايها .. شييوم : يلا مره ثاانيه انشالله .. شذى باحبااط : بس مب شي بدونها .. شييوم : هي صدقج .. شذى : شكلنا بنمل بسرعه اليوم .. شييوم : لا ربيعاتي بييون وربيعاتج .. مره ثاانيه انشالله .. شذى : وأنا قاايله لربيعاتي أختي وأختي .. وآخر شي شهود ما بتيي .. شييوم : خيرها في غيرها ماما .. يلا نسير نطالع شو أخباار الدي جي .. شذى : والله لو ابوي يدري عن سالفة الدي جي بيقطع رااسي ورااسج .. شييوم : جي ولا جي بيدري ههههه شذى : الحين شهااب كيف سمع كلامج بدون ما يشااور الوالد .. شييوم : أنا روحي مستغربه .. بس يلا عاادي ما أظن بابا بيعصب .. شذى : انشالله .. شييوم : اش راايج بالبدله .. شذى تطالع شييوم من فوق لتحت .. : ولك شو هااد بيعأئد .. شييوم تبتسم : جني سوريه لااه ..؟؟ شذى : ابووي لو شاافج بيذبحج .. شييوم : عاادي في دبي كنا نلبس أخس عن هاا .. شذى : هههه الله يهديج ,, شييوم : أميين .. شذى : خلوف لو بيشوفج بيغمى عليه هههه شييوم : لا لا هههه .. قصدج بينحرني اهني جدااام باب بيتنا ههه شذى : هي صدقج .. هههه شييوم : دبوووه في حد يدق البااب .. شذى : بروح ببطله .. شييوم : لالا تريي .. بلبس عبااتي عن يكون بابا ولا شهااب بيذبحوني .. شذى : هي هههه البسي عبااتج بسرعه .. |
الحلقه الخامسه و الأربعون .. يا دمع عيني خف .. جرحت عيني .. والعين تبكي خوف تفقد بصرها .. كف يادمع ما ودي انك تجيني .. بنسى عسى نفسي تدارك خطرها .. مسكت رااسي بيديني ورجعت رااسي لورا .. آآآآه ... وصلت فيك المواصيل يا زاايد انك تطقني .. هالشي ابد ما توقعته منك ... صرت عديم احساااس .. لا تحس ولا تشعر فيني .. تعبتني .. صرت بسببك اصبح ع الهم وامسي ع الغرباال .. بديت أصيييح ... البكا صاار مخاويني بكل شي بحياااتي .. صرت ضعيفه واايد .. أنا اللي كنت أستحمل كل شي يييني واستحملت حياتي اللي كانت غير عن بجية البناات .. رفعت رااسي ومسحت عبرااتي طالعت حواليني ما شفت زاايد .. طلعت شفت الصاله فااضيه .. رجعت الحجره .. سمعت صوووت البااب يتبطل .. لفيت شفت زاايد قااعد يدخل من باب الشقه .. نزلت راسي وكملت طريجي بدون ما أعطيه اي اهتمام .. رحت أتغسل عشاان اصلي .. × × شذى وهي تبطل الباااب ... : السلام عليكم ......... شذى ابتسمت : وعليكم السلام .. هلا والله هلا .. شيخه : هلأأأ فديتج .. شذى وهي تبوسها : تو ما نورت العين .. شيخه : منوره باهلها ههه .. اش حالج حيااتي ..؟؟ شذى : بخير وعافيه فديتج .. انتي اش حالج ..؟؟ شيخه : تمام .. ( تطالع شييوم وتقول ) هلو .. يا قوم نحن هنا .. شييوم تبتسم .. وترفع عباتها وتبين ريولها هالفاسقه هههه وتمشي ... وتقول : اش رااايج ..؟؟ شيخه تطالعها من فوق لتحت : أووووب أووووب ما نروم عاااد .. شييوم تضحك وتبوس شيخه : اش حاالج شو علوومج ..؟؟ شيخه : بخير حبيبتي انتي اش حاالج ..؟؟ شييوم : تمام التمام ... شو أخباار النسيب والعياال ..؟؟ شيخه : بخير .. هكوهم العياال تحت .. شييوم : بسير بسلم عليهم .. شيخه : مريوووم تحت تتريا شذى وخلود .. شييوم : هي أنا قلت لها تيي مبجر عسب تساعدنا .. شذووو سيري لمريوووم واتصلي بخلود عسب تيي .. شذى : أوكي .. شيخه تطلع عباتها : وين شهووود ..؟؟ شييوم : ما بتي ... شيخه لفت متخرعه : خير انشالله .. شييوم :تقوول ريلها عنده زاام اليوم .. شيخه : اهااا .. شييوم : يلا مره ثاانيه انشالله .. شيخه : انشالله .. شييوم : تجهزي بيأذن المغرب وانتي بعدج .. شيخه : هههه أوكي .. شييوم : أنا سايره أشووف عياالج .. شيخه : عز الله كشختج اختربت هههه شييوم : لا لا بس فلاااي كيس ما بتقرب صوبهم هههه × × خلصت صلااه .. بعد ما سلمت .. وقفت وطلعت شيلة الصلاه .. طالعت زاايد يالس .. ما كلمته .. خذيت تلفوني وظهرت من الحجره .. يلست ع الكنفه أعاابل بالتلفون .. شوي الا ويطلع زاايد من الحجره .. ياااه يلس ع الكنفه .. ما رفعت رااسي .. خفت وارتبكت بنفس الوقت .. زاايد وهو يطاالع تلفونه : تبين تسيرين العين ...؟؟ قلت وأنا محرجه : هي .. زايد : بس بشرط نرجع اليوم .. قلت : لأأأ بتم عند أهلي .. زايد بسخريه : ولييش انشالله .. قلت : مالي رجعه معااك يا زاايد .. زايد : ولييش انشالله .. قلت : لأن مالي مكاان في قلبك .. زايد وقف وقاال بسخريه : زين انج تعرفين هالشي روحج .. وقفت معااه وقلت : عيل لييش خذيتني ... زايد : تعتقدين لييش يعني .. قلت : عشاان تعذبني .. تنتقم مني ... ( بديت أصيح وقلت ) بس أنا شـ سويت لك خبرني ... شـ سويت ...؟؟ زايد : ما فيني ارمس أكثر .. بس اليوم ماشي روحه بيت أهلج .. داامج تبين تتمين عندهم احلمي فالروحه عاااد .. شفت زاايد راايح صوب الحجره .. رميت روحي ع الكنفه : أووووووف .. شكله محكوم علي بالعذااب طول عمري .. × × تمر من عند ربيعاتها وهي تبتسم .. رااحت صووب نوف .. : هلا نوافي .. نوف : زين ييتي صوبنا .. شييوم تضحك : سمحي لي عاده لاازم نرااضي الكل اليوم .. نوف : أدري هههه امزح معااج .. شييوم : كااشخه اشوفج .. نوف : هي لاازم هههه .. شييوم : دووم اكشخي .. وبرتب لج يلسه مع خالد ههه نوف تعقد حياتها : ويا رااسج .. هههه شييوم : خلااص خلااص عن تعصبين بس .. نوف : وينها شهووود ...؟؟ شييوم : ما بتيي .. نوف باحبااط : لاااااا تقوليييييييين .. شيوم : ريلها عنده زام اليوم .. نوف : أهاا .. شييوم : انشالله تيي يوم عرسكم هههه نوف تلومت وقاالت : سكتي ويا رااسج شو هالرمسه .. شييوم : ههه حشا حاره ما تتحمل المزح .. نوف ضحكت : مزح بس مب شرااات مزحج .. شييوم : لا يكثر بس .. تعاالي نرقص .. نوف : شو قالو لج رقااصه ارقص .. شييوم : لا بس نستانس هههه نوف : استحي أنا .. عرس منصور ما برقص تبين فالحفله ارقص هههه شييوم : براايج بروووح عند مريوووم .. نوف : هي هذي ما تصدق لو قالو لها تعاالي ارقصي .. طيرااان .. شييوم ضحكت : بسير بشوفها هههه × × ........... : يالنسيب ... خالد يطالع صوب مصدر الصوت .. يبتسم ويتجدم : هلا والله هلا .. منصور : هلا بك زود .. خالد : منور .. منصور : النور نوركم ههه خالد : يايب خواتك .. منصور بنص عين : قول باختصاار حرمتي هههه خالد يضحك : لا مب قصدي جذا هههه بس أقوول يعني .. ولا مب من عوايدك تيي بيتنا .. منصور : هي يبتهن .. شي حفله وخراابيط بناات عاد انت أدرى .. خالد : هي لا تعلمني .. ههههه منصور : ورااك مشواار ولا كيف .. خالد : لا بس قلت ارووح الشيشه أقعد مع الشبااب .. منصور : هي ... خالد : تعاال نرووح رباعه .. لما البناات يظهرن تعاال خذهن .. ترا بيطولن .. منصور : جي شوورك .. خالد : هي .. وبعدين بتيلس مع منو ... منصور : صدقك .. خلااص بيي ويااك .. خالد : يلا نروح بسياارتي .. منصور : أوكي .. خالد يطالع ساعته : زيووود مايا .. منصور : أعتقد ما بيي .. خالد مستغرب : وجيييه ...؟؟ منصور : مدري عنه والله .. خالد : البناات مسوين حفله .. هذا صااحي ما ييب حرمته في حفلة خواتها .. منصور : اش درااك يارياال يمكن عنده زاام ولاشي .. خالد : جااايز .. بس كاان يتصل بنا ولا بأخوها .. نحن نييبها .. منصور : يمكن الرياال ما يحب .. خالد : هو حر .. حرمته وكيفه .... منصور : صدقك اش لنا نحن .. خالد : وليد فديته رااقد .. منصور : لو أنا منك .. أقومه وأطرشه لنوف وأكون قبل قاايل له كلاام يوصله لها هههه خالد : لا أنا مو من هالنوع ... هههههه أنا جااد في كل شي .. منصور : تبسم انزين يالرياال .. خالد : حتى ابتسامتي بالشحته هههه منصور يضحك : الله يعين أختي ألصراااحه .. خالد : لا هذي غير عنكم ههه منصور : ما نرضى ع محارمنا هههه خالد : انت آخر من يتكلم ههه ولا ما تعرف أنا منو ...؟؟ منصور : أصلاا لو ما أعرفك زين جاان ما عطيتك أختي .. هههه × × يوم الجمعه الصبح الساعه 11 بتوقيت مدينة دبي .... قلت وأنا عاقده حيااتي : الحفله وما وديتني براايك .. بس اليوم رجعني مابا أتم اهني .. زايد وهويااكل : قلت لج من أمس مابا .. قلت : حراام عليك .. تبا تحرمني من اي شي براايك بس من أهلي اسمح لي .. زايد : لا ترمسين واايد ترا ماشي فاايده .. قلت : حراام عليك زاايد حس فيني ولو شووووي .. زايد بسخريه : هه بشووو أحس فديتج خبريني .. قلت وأنا أصيح : صاار في شي يربطنا في بعض الحين ... زايد : ياريت لو خليتي شوية حشيمه لهالشي اللي يربطنا في بعض.. قلت وأنا اصيح : انزين أنا اش سويت يعني .. زايد قاام من ع الطاوله : أوووف تسدين النفس بكلااامج من الصبح ... طالعته وهو راايح صووب الحجره .. وقفت ورحت صوب المطبخ .. يلست ع الكرسي وسندت رااسي ع يدي .. وبديت أصيح .. لي متى بتم بتعذب لي متى بتم جذا ويااك ياا زاايد .. داامك ما تبااني جييه من البداايه خذيتني ... بس ما أقوول يا حساااافه يااا زاايد خااب ظني فيك .... مابي ألحين سوا انه ننفصل .. معني لاازم أفكر باللي في بطمي .. لكن انت ما خليت مجااال للتفكير بعد .. أحسن حل لي ولك انه ننفصل وكلن يروووح بحاال سبيله ... × × شييوم : واااااااااي فديتك أخووي .. شهاب : ماشي .. شييوم : حراام شهاابوووه .. شهاب : هههههههههه شييوم : بلاااااااااك ..؟؟ شهاب : بلاك ولا فيوووز ..؟؟ هههههه شييوم : شهاابوه لا تستوي مليييييييق .. شهاب : يالكويتيه .. شييوم : في عينك .. اماراتيه فيني عرج فلبيني ههههه شهاب : ويا هالرااس .. شييوم : حراام شهاااب .. شهاب : ماشي يعني ماشي .. شييوم : بليييز شهاابو .. طلعنا اليوم وبس .. شهاب : ماشي ما أقدر .. شييوم : ولييييش ...... شهاب : مشغوول .. شييوم : حراام وبعدين نحن من أجزنا انت ما طلعتنا .. شهاب : مشغووول واايد والله .. شييوم : بس سااعه وحده .. شهااب : بس أنا متفق مع الربع نرووح اليوم دبي .. شييوم متفاجأه : صـــــــدق ..؟؟ شهاب : هي .. جيييه ... شييوم : ودني ويااااااك .. شهاب : قلت لج مع الربع .. شييوم : انزين ودني حرااام .. وربعك خل يروحون بسياارتهم ... شهاب : ما أرووم وبعدين شهود انشالله تيي روحها .. شييوم : يعني أخر قرااار .. شهاب : هي أخر قراار .. شيوم : ماشي روحه للمول ...؟؟ شهاب : ماشي .. الأسبوع اليااي انشالله .. شييوم تعقد حياتها : انشالله .. امـــــــــف .. ملل .. شهاب : سيري انتي وشذى وخلود الحديقه اللي جريبه عن بيتنا .. شييوم : بشوووف العصريه يمكن بنرووح .. شهاب ابتسم : وياا رااسج أونج مسويه روحج هب مال حداايق .. كله ماال مولاات .. شييوم : هي ترااني استايلش .. شهااب : ويا هالرااس .. مصدقه روحها السيلانيه .. شييوم تعقد حياتها : شوووو ...؟؟ شهاب : السيلانيه هههههههه شييوم : عيد عيد لو سمحت .. شهاب : البنغاليه .. خلااص رضيتي ... ههههههههه شييوم : ما أحبك .. شهااب : حبتج القراده قولي أميين .. شييوم : خلاااص زعلانه .. شهاب : بالطقااق هههههه شييوم : شهاااااااااب .. شهاب : هاا .. شييوم : ممكن سؤال ..؟؟ شهاب : لأأأ .. شييوم : الا هو سؤال .. شهاابو انت لييش تحب تطفرني ..؟؟ شهاب : لأنج أختي الغبيه .. عرفتي لييش ... ههه شييوم : أوهووو علينا .. شهاب ضحك : يلا عيل أنا بسير عند ربعي .. شييوم : توها الساعه ثلااث الظهر .. شهاب : هي بسير لهم .. تراانا الساعه خمس بنظهر .. شييوم : الله ويااكم .. شهاب : يلا بااي .. شييوم : سؤااال ...........؟؟ شهاب طفران : هاااااااااا .. شييوم : خلوووف ويااكم .. شهااب يغمز لها : هي لا تخاافين .. بكفخه عدل .. شييوم مستحيه : اونك عااد .. شهاب : ترمسينه وما أدري جيييه تسأليني .. شييوم بطلت عيونها : ها ..؟؟ شهاب : ع باالج ما أعرف يعني .. شييوم : لا أدري .. بس ودي أسأل .. شهاب : بناات آخر زمن .. شييوم تضحك : بنشوووف خطيبتك انت كيف بتكون .. شهاب : لا هذي بكفه والعالم بكفه .. شييوم : يا حيها عيل .. هههه شهاب : يلا أخرتيني يالثرثاره هههه شييوم : الله يساامحك ههه شهاب : اتصلي بالحبيب سوي له حفل توديع هههه شييوم استحت وقالت : باايخ .. شهاب : هب أكثر عنج .. شييوم : مب انت تقوول انك متأخر .. شهاب : هي واايد بعد .. شييوم : عيل رووح ههه شهاب : ويا رااسج .. يلا مع السلامه .. شييوم : مع السلامه .. بنفتقدك اليوم .. شهاب يبتسم : أحسن ههههه شييوم : ويا رااسك .. قوول تبا الفكه منا .. شهاب : كيف عرفتي يا أختي العزيزه هههه شييوم : ادري بك لوتي هههه شهاب : يلا ربعي قااعدين يتصلون وأنا يااالس اسولف .. شيييوم : الله ويااك .. شييوم تروووح صوب التلفون : خل اتصل به .. ادري عقب ما بيرد عليه ويقول انه مع الربع ... × × خالد : كم يوم بتقعدون ..؟؟ خليفه : بااجر بنرد .. خالد : زين ... وين بتسيرون ..؟؟ خليفه : قلنا اطلنتس .. خالد : معااك الكاارد ماالك .. خليفه : هي .. شو ع باالكم بعدني يااهل .. خالد : فيه بيزاات تكفيك ..؟؟ خليفه : هي .. وتسدني هالبيزات شهر بعد .. خالد : أوكي لا تسرع ودير باالك ع روحك .. خليفه : انشالله .. خالد : شهاب ويااكم ..؟؟ خليفه : هي أنا وشهااب بنروح بسيارته .. خالد : اها زين .. خليفه : عااد انت رمس الوالد ما فيني ع الحشره .. خالد : خلااص انت توكل وخل الوالد علي .. خليفه يبتسم : الله لا يحرمني منك .. خالد يبتسم ويقول : يبا يتزوج وبعده مب معتمد ع روحه .. خليفه : بس بااجر يوم اني بتزوج بعتمد ع روحي .. خالد يضحك : هي هي اخرط عليه انت .. خليفه يبتسم : ها متى ناااوي تتزوج .. خالد : جييه ..؟؟ خليفه : جييه سؤال يعني ههه خالد يبتسم ويقول : أدري لييش ..؟؟ خليفه : داامك تدري جييه تسأل ههه خالد : من بااب التعقيد قول هههه خليفه : انزين .. ودي أملج .. خالد : خلووف حبيبي البنيه بعدها صغيره تريا ... خليفه : وين صغيره .. ثمنتعش سنه وصغيره .. خالد : هي صغيره .. تخلص الثانويه وعقب املج .. خليفه : عقب بيقولون لي تريا لما تخلص الجامعه .. خالد : لا انشالله محد بيقول جذا .. خليفه : انشالله .. بنشووف وقتها شو بيقولون .. خالد : لهالدرجه مب ضاامن رمستنا .. خليفه : تبا الصرااحه لأأ ... خالد : جيييه انشالله ... ههه خليفه : ما تعرف له عمي بو شهااب .. يوم يقوول هي ويوم لأأ عشاان الدراسه ... خالد : هههه خلها علي ولا تحاتي .. خليفه : أوكي .. ههه يلا عاد الشبااب قاعدين يتصلون بي .. خالد : يلا توكل على الله ,,, ودير باالك ع روحك .. خليفه : انشالله .. خالد : يلا فمان الله .. خليفه : فمان الكريم .. × × الساعه عشر بليل .. بتوقيت مدينه دبي ... دخل وملامحه متغيره ... طالعته .. نزلت رااسي ورحت عسب أدش الحجره .. مالي خااطر أقعد وياااه .. يكفيني ما يااني منه .. زايد : شــــهــــــد .. قلت وأنا ما أطاالع صوبه : نعم ...؟؟؟ زايد : شهد .......................... سكووت زاايد خلااني اشك السالفه فيها انه ... شو السالفه اللهم اجعله خير ...خوفني سكوت زايد واسلوبه.. اش صااير .. الله يستر بس عسا مب شي جاايد ... لفيت وأنا خاايفه .. طالعت زاايد وقلت : خير اش صااير ...؟؟ زايد ما رد علي بس قاال : انتي مؤمنه ... خلج قويه ... قلت وأنا أتجدم صووب زاايد : اش صاااير زاايد .. خوفتني قوول ابوي أمي .. صاار بهم شي .. زايد هز رااسه وقاال : لأأأأ .. قلت وأنا امسك جتوف زاايد واهزه .. وخاايفه وارتجف بنفس الوقت : اش صااار زاايد .. زااايد حد من أهلي مستوي به شي .. قووول .. خوفتني ارمس .... زايد نزل يدي وقاال : شهد أخوووج وولد عمج سوو حاادث وهم يايين دبي ... انصدمت ... اخــــــــــــــــوي .. وولــــــــــد عــــــمـــــي .. طالعت زاايد وأنا اصيح : شو استوا بهم .... اخوي صاار فيه شي .. ولد عمي صار فيه شي .. زايد مسكني وقاال : شهد اهدي .. خطر عليج الانفعاال .. قلت وأنا ارمي روحي بحضن زاايد : زااايد لا تقوووول ان شهااب وولد عمي استوا بهم شي .. لا تقووول دخييييييييلك ... زايد : شهد شهااب عطاااج عمره ........ رفعت رااسي طاالعت زاايد وأنا ميته قهر ... شهااب لأأأأأأأأأأأ أخــــــــــــوي الا أخــــــــــوي .. هذا أخـــــــوي الوحيد اللي حبيته من كل قلبي .. هذا اللي اذا ابوي استوا به شي بيوقف مكان ابوي .. وبيكون سند لنا .. رميت روحي بحضن زاايد وبديت أصيح : لأأأأأأأأأ اخــــــــــــــــوي .. مابي .. ابي أخوووي وبس .. مابي أي شي .. ما أقدر أعيييش بدون أخوي .. هذا أخوووي الوحيد اللي أحبه .. اللي ما استحمل أعييش من دووونه .. انتظروني في الحلقه القادمه ..... ( وبتكون الحلقه الأخيره ان شاء الله ) |
الحلقه السادسه و الأربعون .. لقرب هذي الحلقه من قلبي .. ومن قلب كل قارئيها أكيد ... ما رااح أكتب لا بيت شعر ولا اي كلاام ... بس بكتفي بأن أقوول ...: وشلون ..؟ ما أغليك وانت الذي علمتني حبكـ ..! شهااااااااااب ارجع .. شهااب دخيلك لا تروووح عنا .. انت أخونا الوحيد انت اللي بتوقف معانا ... ما أستحمل أعييش بدووونك والله ما أستحمل .. لا أنا ولا شييوم ولا شذى ولا شيخه ولا أمايه ولا أبويه .. حتى عياال عمي ... وأولهم خلووود .... ما حسيت الا ... ويد تهزني بقوووه ... فتحت عيوووني بصعوبه .. وقلت : وين أنــــــــــــا .............؟؟ زايد يهزني : شهد ... تعوذي من ابليس ... طالعت زاايد وأنا مستغربه وقلت : أعوووذ بالله من الشيطاان الرجيم ... وين أنا ..؟؟ زايد : كنتي يالسه تصيحين فالرقااد .. تذكرت كل شي صااار .. وبديت أصيح .. زايد طالعني وقاال : حلماانه ...؟؟ هزيت رااسي وقلت : هي وحلم مررره هب شي ... زايد : تعوذي من ابليس انزين .. وانفثي يساارج .. قلت بخوف وأنا ارتجف: زاايد اباا اسير عند أهلي .. زايد يهديني: بوديج .. بس انتي اهدي .. قلت : مب متطمنه .. أحس فيهم شي .. زايد : انشالله ما فيهم الا كل خير .. وبعدين هذا حلم من الشيطان .. قلت : اعوذ بالله من الشيطان الرجيم .. انشالله ما بهم شي .. بس قلبي ناغزني .. مدري لييش أحس فيهم شي .. زايد : انشالله مابهم الا كل خير .. قلت : انشالله .. زايد : كملي رقاادج وبااجر بوديج لهم ... استغربت ... حطيت رااسي ع المخده وقلت : تصبح ع خير .. زايد : وانتي من أهله .. غريبه .. زايد اسلوبه تغير معاايه .. لييش ..؟؟؟ شاللي غيره ,,,؟؟ الصبح كاان متضااايج ومتنرفز .. معقوله عشاان الحلم .. لا لا ما أظن .. أكيييد هلي بهم شي أكيييد .. أصلا أنا شااكه من أمس ان صااير شي .. بس لييش زاايد ما خبرني .. داامه متغير علي وصااير أوكي أكييد يشفق علي .. أكيييد هلي مستوي بهم شي ... وزاايد مب طاايع يخبرني عشاان اليااهل أكييد .. × × يوم السبت الساعه 12 بتوقيت مدينة العين ... زاايد بركن سيارته في حوي بيتنا وقاال : يلا ننزل .. قلت : ما أدري لييش أحس مستوي شي .. شوف اش كثر سياير يداام البيت .. زاايد : انشالله مب مستوي الا كل خير .. بس انتي اهدي .. قلت : انشالله .. زايد : ترا مو زين الانفعال .. انتي حاامل .. هزيت رااسي وهاللحظه تاأكدت انه صااير شي .. بس عسا خير انشالله .. ما بسبق الأحداااث بس انشالله مب صااير الا كل خير .. معنه عدد السيااير اللي يداام البيت غير مطمن .. حتى الوضع مب مطمن ... نزلت .. زايد نزل ويااي .. قلت : تسير الميلس .. بقووول للوالد وشهاب ييونك .. زايد : لا بدش ويااج .. ما رفضت ... قلت : أوووكي .. تأكدت ان السالفه فيها انه .. سالفة تغيير زاايد عليه .. هذا غير انه بيدخل ويااي البيت .. أول مره يسويها .. مب من عوايده يدش البيت .. زايد من النوووع اللي يستحي .. يعني أكييد صااير شي .. مشينا الين وصلنا لباااب الصاله ... زايد دق الجرس .. الخدامه فتحت البااب .. دخلت وأنا مستغربه وبنفس الوقت مبتسمه لأني شفت وليد يااالس يلعب يداامي .. قلت : السلام عليكم .. وليد ابتسم لي وقاال وهو يركض صوبي : ثهووووود .. ابتسمت وحضنته وقلت : اش حاالك حبيبي ..؟؟ وليد : ذين ... هههه قلت : وين قووم شييوم ..؟؟ وليد اشر : فالثاله ماال دااخل ... قلت : انزين حبيبي انت العب وأنا بسير عندهم .. وليد ابتسم : انذين .. طالعت زايد وقلت : بتدش ولا ...؟؟ زايد بسرعه : هي هي بدش .. قلت باستغراب : انزين .. بس يمكن شي حريم فالصاله .. زايد هز راسه : لأأأ منو بيي الظهر .. قلت وأنا بعدني مب مستوعبه موقف زايد : أوكي حيااك .. مشيت مع زاايد الين وصلنا صوب الصاله .. دقيت البااب وقلت : السلام عليكم .. طالعت شييوم وشيخه وشذى يالسات وأماايه بعد وخلود .. ردن السلام : وعليكم السلام .. قلت : زاايد يااي .. شيخه وشييوم لبسن الشيله البيضا اللي كاانت ع جتوفهن .. قلت : ادخل زاايد .. زايد : السلام عليكم .. الكل : وعليكم السلام .. تجدمت عن أماايه وقلت : اش حاالج الغاليه ..؟؟ أم شهااب وويهها عليه علاامات الحزن : بخير بنتي ومن صوبج .. قلت وأنا أطاالع البناات وأنا مستغربه : بخير .. شو السالفه ...؟؟ شيخه طالعت شيما وشيما طاالعت شيخه .. قلت مره ثاانيه : خير صاااير شي ...؟؟ زايد مسكني وقااال : شهد ايلسي مب صااير شي .. وقفت وقلت وأنا أطاالع زاايد : كيف مب صااير شي .. وهم يشووفون بعض ويتكلمون بالألغااز .. زايد يهديني : شهد اهدي .. قلت وانا خايفه : زاايد ارمس صااير شي .. ثوااني الا واشووف شهااب داخل من بااب الصاله .. طالعت شهااب وقلت بانفعااال : شهااب اش صااير .. شهاب تجدم بدون ما يتكلم ... قلت : حتى انت مثلهم .. ارمسو .. تكلمو .. اش صااااااااااير ...؟؟ شهاب تجدم وقاال : شهد مب صااير الا كل خير ... قلت : كيف مب صااير شي وانتو كذا كييييييييييف ..... شهاب : شهــد استغفري ربج مب صااير شي ... قلت بخوف : استغفر الله العلي العظيم .. ارمسو اش صااير ...؟؟ انتو لييش جذا .. شهاب : شهد الوالد مرقد فالعنااايه ... طالعت شهاااب ورميت رووحي فحضنه بقوووه .. شهاااب مسكني .. بديت أصيح وقلت :ابـــــــــــــــوي ...... شهاب مسح شعري وقاال : شهد استغفري ربج مو زين اللي تسوينه .. قلت وانا اصيح: كنت شاكه انه صاااير شي ... ابوي فيه شي ...؟؟؟ شهاب : لا ما فيه الا كل عاافيه وبيقوم بالسلامه انشالله .. قلت وأنا اصيح واضرب شهااب : بسببكم انتو .. انتو اللي ما خليتوني اشوووف ابويه .. شهاب مسكني : شو هالرمسه شهد .. قلت وأنا اصيح : اول كنتو حارميني منه والحين يوم انه رجع لنا .. ربي بياخذه عنا ... شهاب : شهد استغفري ربج انتي مؤمنه .. يلست ع الأرض .. شيلتي طااحت .. بديت أصيييح : ابا أبــــــــوي مابااكم ما أحبكم .. كلكم .. ابا ابوي .. ما حسيت الا وزايد يمسكني ويوقفني ويقول : شهد قومي مو زين اللي تسوينه .. قلت وأنا اصيح : ابا ابوي.. ودوني لأبوي .. شهاب مسكني مع زاايد وقاال : بنوديج بس انتي اهدي .. شهد انتي مب ياااهل قلت : كلكم خوزو عني خووووووووزووووو .. ابا ابــوي .. بسير له رووحي .. انتو ما تبوني اشووفه ادري .. زايد مسكني ويلسني ويلس وقاال : شهد بوديج بس انتي اهدي .. بديت اصيح أكثر وأكثر .. .. شوي الا أشووف شييوم وقفت ويت عندي وقاالت : شهد اهدي .. قلت : كيف تبيني اهدا وابوي بين الحيا والموت .. شييوم بانفعال وعصبيه : بعيد الشر عنه انشالله يقوم .. حضنت شييوم وقلت : شييوم ابوي بيروووح عنا .. مابااا .. ابااه يتم ويانا .. مابي الدنيا لو ابوي مب فيها .. شييوم تمسكت فيني وبدت تصيح وقاالت : لا انشالله يتم وياانا وما يبتعد عنا ... طالعت شييوم .. حسيت كل شي يصير اثنين جداامي .. مسكت بطني من الألم .. وبديت أون من الألم .... حسيت بشي في بطني قااعد يقرصني بقووووووووه ما استحملت الألم بغيت أصرخ ... × × نوف : قولي والله ... شيخه يالسه تلبس حامد : حليلها طااحت علينا .. نوف : ما تستاهل .. حراام .. شيخه : غير انها حامل بعد .. نوف تبتسم : صج والله .. مبرووووك .. شيخه : الله يبارك في حياتج .. نوف : بأي شهر ..؟؟ شيخه : الثاني .. بس أمس من طااحت علينا وقلبي مو متطمن ... نوف : عسا خير انشالله لا تحاتين .. انشالله تقوم بالسلامه .. شيخه : انشالله ... الله يسمع منج .. نوف : وهي شخبااارها الحين ..؟؟ شيخه : بعدها تصيح وحالتها حاله .. نوف : جييه انزين .. خبروها انشالله الوالد ينش بالسلامه .. شيخه : اش كثر رمسناها حتى ريلها حليله رمسها بس هي عيت تفهم .. نوف : مب زين لها غير انها حامل .. شيخه : هي صدقج .. نوف : ردوها البيت ولا كيف ..؟؟ شيخه : اليوم الساعه عشر بيرخصونها .. نوف تطالع ساعتها : الحين تسع .. شيخه : هي ترا الضحى الدكتور ايي .. من جذا قالو عشر مدري عشر ونص بيرخصونها ... نوف : اهم شي تكون سالمه والبيبي بعد يكون بخير .. شيخه : آمييين ... نوف : بلااااج ..؟؟ شيخه بانكساار : نوافي أنا خاايفه على ابوي واايد .. نوف : لا تحاتين .. وبعدين انشالله يقوم بالسلامه .. شيخه : انشالله ... نوف : وبعدين مو أول مره يطيح .. اهوه دايما يرقدونه بسبب السكر والضغط .. شيخه : بس أول مره يدش العنايه .. نوف : انشالله ما يصير الا كل خير حبيبتي .. شيخه : انشالله .. نوف : اليوم بنسير نشوووف شهد .. شيخه : هي العصر بزور ابويه والمغرب نسير عند شهد .. نوف : أوكي ... شيخه : بس تدرين الوالد كان بخير مدري ليييش فجأه طاااح .. نوف : ما تدرين ربج لا بغا شي لاازم يصير لأنه مكتوب ومقدر .. شيخه : ونعم بالله .. نوف : بس كيف طااح .. شيخه : أمس العصر الشبااب بعد ما ظهرو من البيت .. والبنات قالو يبون يروحون الحديقه .. جاان الوالده ساارت عسب توعي الوالد من الرقااد ولا ما ينش .. نوف : هييييه .. حليله الله يقومه بالسلامه .. شيخه : آمييين ... نوف : ادعو له انشالله بيقوم بالسلامه .. شيخه : هي ندعي له بكل صلااه وكل دقيقه بعد .. × × زاايد : يعني هي بخييير يا دكتوره ..؟؟ الدكتوره : بخير الحمدلله بس عطيناها ابره عسب اليااهل يثبت .. زايد : اليااهل جييه فيه شي ... الدكتوره : لا ما فيه شي بس هذي ابرة تثبيت عاديه أغلب الحريم نعطيهم اياها عسب لا يجهضن .. زايد : اهاا .. بس هي قااعده تمر بضرووف هالشي بيأثر عليها .. الدكتوره : ما بنكر وما بقول انه ما بيأثر .. من جذا لااازم تحاافظ ع روحها .. زايد : مشكووره دكتوره .. الدكتوره : بس لو تتعب على طول ييبوها .. زايد : انشالله ... الدكتور : بكتب لك الترخيص وبامكانك تااخذ حرمتك وترجع .. زايد : خلااص أنا بروح بسوي اجراءات الخروج .. الدكتور : وأنا برمس وياها .. عسب تحااافظ ع روحها .. زايد : أوكي .. ظهر زاايد وورووح عسب يخلص الاجراءات .. الا يشوووف شهاب وخالد جدامه .. وقف وسلم .. زايد : السلام عليكم .. خالد وشهاب : وعليكم السلام .. زايد : بشرو اش حاال الوالد ..؟؟ خالد : بعده حاله مثل ما هو ... زايد : ما في اي تحسن ..؟؟ خالد : لأأأ ... زايد : يلا انشالله يقوم بالسلامه .. خالد : انشالله .. زايد يمسك يد شهاب ويقول : خل ايمانك بالله قوي ياشهااب وانشالله الوالد يقوم بالسلامه .. شهاب يبتسم بابتسامه كلها تعب : انشالله .. خالد : اش حاال شهد ...؟؟ زايد : راايح اخلص اجراءات الخرووج .. خالد : شو ياها ...؟؟ زايد : حامل .. ومن جذا يوم تعبت يا عليها ضغط وطاحت .. خالد : هي عيل الله يقومها بالسلامه .. ( يبتسم ) ومبروك .. زايد : الله يبارك في حياتك .. خالد : انشالله عمي يقوم عسب تكمل الفرحه .. زايد : آمييين .. يلا أنا اترخص عسب أكمل اجراءات الخرووج .. تامرون بحااايه .. خالد : سلااامتك .. زايد : بوصل شهد البيت وبيي لكم .. خالد : ما يحتاااي تتعب روحك .. زايد : واجبنا ... واذا تبون تسيرون تشوفون شهد هي في قسم النسا .. غرفه رقم اثنعش .. خالد : خلااص بنروح لها .. زايد : يلا بشوووفكم ع خير ... خالد : الله ويااك .. × × طالعني وقاال : بنسير بيتنا أوكي ... نزلت رااسي وقلت بتعب : لأأ بسير عند أهلي .. زايد : انتي روووحج تعباانه .. قلت : لا زاايد بسير عندهم .. وبعدين ابوي محد لاازم بهالضروف نكون مع بعض .. زايد : بخليج .. بس اوعديني ما تهملين روحج .. قلت له : بوعدك بس ودني لأهلي .. زايد : خلااص عيل بشلج بالبااجر .. عسب نرد دبي .. قلت : لأأأ أنا بتم لما ابوووي يقوم بالسلامه .. زايد : شو الفاايده دامه مرقد ... قلت : بس أبا اتم مع اهلي .. زايد : برااحتج .. عاده أنا بنزلج وبااجر بمرج عقب برجع دبي .. قلت : أوكي .. أنا بتم عند أهلي لما الوالد يقوم بالسلامه .. زايد : ع رااحتج .. ما اقدر امنعج ها ابوووج .. نزلت راااسي وما رمست .. قلت : أنا خاايفه على ابوووي .. زايد : انشالله يقوم بالسلامه .. قلت : انشالله .. زايد مسك يدي .. وطالعني .. رفعت رااسي عيني يت بعينه .. نزلت رااسي بسرعه ... وارتبكت من حركته ... ييت بسحب يدي بس زاايد لما تكلم حسيت روحي ما أروم اتحرك .. زايد سحب يده وقاال وهو مرتبك : ديري باالج ع روحج في غياابي ... نزلت رااسي وقلت وأنا مرتبكه : انشالله .. زايد : يلا انزلي .. ولا تبيني اساعدج .. قلت : لا لا ما يحتااي .. اكيييد الخدامه عند البااب ... زايد : يلا عاااد فمان الله بشوفج بااجر .. نزلت وقلت : فمان الكريم .. مشيت .. صح اني حاسه بتعب بس مو ذااك الزود .. الحمدلله اروم امشي ع ريولي .. بس بعد لا زلت أحس بدوخه بسيطه .. فتحت بااب الصاله .. ودخلت .. شفت شييوم قااعده وسانده راسها ع يدها .. قلت : السلام عليكم .. شييوم : لا رد ... قلت وأنا اتجدم : السلام عليكم .. شييوم انتبهت .. ورفعت راسها وقاالت بسرعه : وعليكم السلام .. تجدمت ويلست يمبها وقلت : وين راايحه بفكرج ..؟؟ شييوم وهي متضايجه : وين بعد .. أبوي يا شهد ... قلت بضيج : أنا سايره اريح .. شييوم طالعتني وقاالت : صح نسيت أقول لج مبروووك .. قلت بحزن : الله يبارك في حيااتج .. شييوم : شخباارج الحين .. قلت : ما أعتقد اني بخييير .. شييوم : شهد لا تسوين بروحج جذي .. قلت : شييوم كيف تبين أرتااح وابوي فالعناايه .. يعني يوم انه صرنا ويااه ننحرم منه .. شييوم : الله لا يقووول .. وبعدين حبيبتي انتي ديري باالج ع روحج وع البيبي وانشالله الوالد يقوم بالسلامه .. قلت : انشالله .. شييوم : انشالله الوالد يقوم بالسلامه ويشووف ولدج .. قلت : انشالله .. يلا عيل أنا بسير بريح .. شييوم : وأنا بعد لأني من أمس مب رااقده .. × × اليوم الثااني الساعه تسع الصبح ... خالد طالع خليفه وقال : سير له اليوم خليفه هز راسها وقال : انشالله خالد : انت الله يهديك من رقدوه مارحت الا مره خليفه : وجودي ماله حايه وبعدين المفروض اهني حد منا يكون مع الأهل خالد : صاار خير بس سير لعمي انت خليفه : انشالله بروح له اليوم خالد : هي ومر بيت عمي تدري انت أقرب لهم مني ترااك نسيبهم خليفه : هي بسير لهم اليوم انشالله خالد : شخبارها شيما خليفه : تمام بس متغيره واايد خالد : يلا فتره وتعدي تدري ابوهم فالمستشفى وين بيكون لهم بارض لشي خليفه : هي أكيد خالد : الثانيه طاحت ورقدوها في المستشفى خليفه : هي خبرني شهااب الله يهديها جيه مسويه بروحها جذي انشالله عمي يقوم بالسلامه خالد : زين ما استوى بها شي طلعت حامل خليفه هز راسه : يلا الحمدلله على كل حال وانشالله عمي يقوم بالسلامه عسب الفرحه تكتمل خالد : آمييين يارب خليفه يوقف : يلا عاد أنا بظهر الحين تبا شي خالد : سلامتك بس مر ع قوم عيال عمي خليفه : انشالله يلا عاد فمان الله خالد : فمان الكريم × × ............. : ادخل .. دخلت اسيل .. : مدام .. هازبند مااال انتي تحت .. قلت : وديه الميلس وقولي له الحين مدام بتنزل .. أسيل : أوكي .. طالعت أسيل .. تجدمت صوب المراايه طالعت ويهي شااحب اصلا وين ييني باارض اكشخ ولا أكل .. وهنااك ابوي بين الحيا والموت .. لبست الشيله البيضا .. ونزلت .. وأنا ناازله أحس بألم خفيف .. بس أكيد هذي أعراااض الحمل ... دقيت باب الميلس ودخلت .. شفت زاايد ياالس .. ووقف يوم دشيت .. قلت : استريح .. زايد : اش حاالج ..؟؟ قلت : بخير وعافيه .. انت اش حاالك ..؟؟ زايد : بخير ... قلت : اش حاال الوالد ..؟؟ زايد : تمام .. تبين تروحين تشوفينه .. قلت : ماشي فاايده .. مرقد .. يعني لو رحت ولا ما رحت وااحد .. ما بنرمس معااه .. زايد : لو تبين تروحين أنا مرمس شهااب بيوديج .. قلت : هي بقوول لشهاااب .. زايد : حبيت امر واسلم والحين بروح دبي .. قلت : ما بتتم في العين زايد : لأأأ وراااي دوام ومايصير أأجز توني ماخذ اجازه قلت : هي عاد الله ويااك .. زايد : تبين شي ...؟؟ قلت : لا سلااامتك .. زايد : ديري باالج ع رووحج .. يوم الخميس بيي انشالله .. قلت : انشالله .. وانت بعد هالله هالله فالدرب .. زايد : أوكي .. يلا فمان الله .. قلت : فمان الكريم .. زايد مشا ومشيت معااه الين وصلنا لباااب الميلس .. زايد طالعني ... حسيت بنظراته وده يقول لي كلاام .. بس نزل عيونه وظهر .. بندت البااب .. وسندت رااسي عليه ... آآآآه .. ابـــــــوي من صووب وزااايد من صووووب .. والهموم من صووووب ... مشيت عسب اطلع من الميلس .. شفت شهااب راايح صوب المطبخ .. رحت صوب المطبخ .. ابتسمت لشهااب .. قلت : صبااح الخير .. شهاب : صبااح النور ... قلت : متريق ..؟؟ شهاب : لاأأ بتريق الحين .. قلت : أنا بعد .. خلااص بطلع لك ولي ريوووق .. شهاب ييلس ع الكرسي وقاال بتعب : مبروووك .. قلت وأنا اجهز الاشياا : الله يبارك في حيااتك .. شهاب : ديري باالج ع روحج .. قلت : انشالله .. شهاب : بسرعه لأني ميت يوع .. قلت وأنا أحط الأشياا ع الطاوله : اش حااله ابويه الحين .. شهاب : مثل ما هو ... قلت وأنا دموعي تهل : والله ما يستااهل .. شهاب : شهد انتي مؤمنه وتعرفين هالرمسه مب أوكي .. قلت : هي بس بعد نحن نحب بابا .. شهاب : بيقوم بالسلامه انشالله .. قلت : انشالله .. شهاب : انتو ادعو له وانشالله يقوم بالسلامه .. قلت وأنا ايلس : انشالله .. شهاب : بس يقوم بالسلامه انشالله بوديج تشوفينه .. دموعي نزلت وقلت : اسمح لي ع الرمسه اللي قلتها البارحه ... شهاب : مسموحه و بالحل .. قلت : ما كنت فـ وعيي غير اني انصدمت والحمل .. ما كنت اعرف شو اقووول .. شهاب : صاار خير .. قلت : شهااب أنا حلمت فيك ... شهاب ابتسم ابتسامه عرفت انها مو من قلبه وانه مهموم .. وقاال : شو حلمتي .. قلت وأنا اصيح وانش احضنه : ما بقول لك .. بس دير بااالك ع روحك .. شهاب مسح ع شعري : شهووود انتي عااقله وبعدين في احلاام من الشيطاان .. قلت : والله اني أحبك .. شهاب مسكني ويلسني ع الكرسي وقاال : شهووود انتي كبيره وبعدين أنا بعد أحبج بس انتي ديري باالج ع روحج وع اليااهل .. قلت : انشالله .. ثواااني الا وتدخل شييوم وهي ميته صيااح ومب راايمه تتنفس ... وقفت بسرعه وتجدمت صوبها .. قلت : شييوم بلاااااااااج ....؟؟؟ شهاب يااه : شيما صاار لج شي .. شييوم تصيح ومب راايمه تتكلم .. : بـــاـبــــــــــــــــــا .... هزيت شيما وقلت : شيما ابوي صاار له شي .. شيما ما ردت علي وقاامت تصيح .... قلت بسرعه وأنا اصيح : شييوم لا تقولييييييين ابوي صاابه شي .. شيما تهز رااسه : لأأأ .. شهاب : عيل منو ....؟؟ شيما تصيح وما ترمس .. ثواني الا ويمسكها بقوه ويعطيها كف ع الخفيف ... استغربت وانصدمت .. طالعت شهاب وقلت : اش سويت ...؟؟ شهاب : عشااان ترجع لوعيها .. ما تشوفينها .. مب ناااقصين تطيح علينا .. شييوم طااحت في حضن شهااب وقاالت : شهااب ودني عند ابووووي ... شهاب مسكها وقال : حبيبتي بوديج بس انتي ليييش مسويه بروحج جذي .. شيما : ابا أبوووي .. حلمت فييييه .... شهاب ابتسم وهو الثااني أحسه بيصيح بس الريااال على كثر ما يحس الا انه منقووود يصيح .. والمفروووض انه يكون قوي بهالمواقف لأنه كلنا ضعاااف .. شهاب قاال : اش سالفتكم مع الأحلااام انتو ... شيما : ابا ابوووي .. شهاب : بوديكم له اليوم انشالله بس انتو اهدو .. قلت وأنا امسك شيما : كمل ريوقك حبيبي وأنا بتصرف مع شيما ... شهاب هز راسه : أوكي .. مسكت شييوم ورحنا الصاله .. قلت : شييوم حبيبتي جييه تسوين بروحج جذي .. شييوم : ابا بابا .. ما استحمل اعيش بدونه .. قلت وأنا اصيح : مب انتي بروووحج كلنا يا شيما كلنا ... × × بعد مرووور يومين ... من أكثر الأياام بحياااتي صعوبه .. كرهت هاليومين من كل قلبي .. أحس بألم وحرقه فيهم .. بس الحمدلله هاليومين عدو على خير لما الوالد قاام بالسلامه .. ودي أصيح من اليوم الين بااجر وأنا أحمد وأشكر ربي انه ابوي قاام بالسلامه .. أمس بليل .. دخل علينا عمي سيف وهو يبشرنا انه الوالد قاام بالسلامه .. حسيت الدنيا مو واسعتني من الفرحه كاان ودي اطيييير ... الحمدلله ابووي قااام بالسلامه ... ياكثر الحب اللي احمله لك يااابوي .. ربي ما يحرمني منك ولا يحرم اي أحد عن ابوووه ... نزلت وأنا مستاانسه .. وقلت : صباااح الخير .. الكل : صبااح النور ... بست رااس عمي بو خاالد وقلت : اش حاالكم ..؟؟ الكل : بخير .. عمي سيف : انتي اش حاالج ويا كرشتج .. حسيت روحي استحي .. نزلت رااسي وقلت : الله يهدااك بعدها الكرشه ما طلعت هههه عمي سيف : بتطلع جريب انشالله ههه عمي بو خالد : بنتي ريلج رد دبي ..؟؟ تغيرت ملامحي .. بس حاولت ابين طبيعيه وقلت : هي ترا دواامه .. عمي بو خالد : هي حليله تعنا ويااج .. عنيده رااسج ياابس .. الا تبين ابووج وماأدري شو .. ابتسمت وقلت : ترااه غاالي بعد شـ نسوي .. عمي بو خالد : الله يحفظه لكم ولنا كلنا .. قلت : ويحفظك انت بعد .. عمي ابتسم وقاال : فديتج بنتي .. قلت : وين الشبااب ..؟؟ عمي بو خالد : خالد وشهااب راحو ييبون ابووج من المستشفى .. قلت : هي .. زين عيل بنشووفه .. طالعت حواليني .. شفت أماايه ياالسه قلت : اش حالها الغاليه ..؟؟ ابتسمت وقاالت : أحسن عن أول الحمدلله قلت : دوم انشالله .. قلت : خلوووف وين ...؟؟؟ عمي بو خالد : قال بيي يوم عمج بيي .. قلت : اها .. أماايه : بنتي سيري ازقري شييوم ولا شذى .. يلسون مع خلود .. قلت : انشالله ... أمايه : شييوم بتشوفينها فالمطبخ ولا الصاله اللي داخل وشذى في حجرتها .. ازقري شيما لأنه شذى فوق ومو زين لج تتحركين واايد ابتسمت وقلت : أوكي .. مشيت رحت صووب المطبخ .. سمعت أصواات ... استغربت .. تجدمت ودخلت .. طالعت شيييوم وخلووف .. عضيت شفايفي وقلت : اسميكم ما تستحون ع ويهكم .. شييوم : ما يخصني ها ولد عمج .. خليفه ضحك : اسولف مع حرمتي .. شو تبون انتو ...؟؟ شييوم ضربته ع يده وقاالت : حرمتك في عينك .. خليفه : صح مبروووك بنت عمي .. قلت : الله يبارك في حيااتك .. خليفه : عقبالنا .. طالعته بنص عين وقااال : ما قلت شي غلط ههههه شييوم عضت شفايفها وقاالت : بطلع ولد عمج هاا مستوي غجري .. ضحكت وقلت : سيري ايلسي مع خلود .. شييوم : هي أحسن لي .. قلت : يلا عيل خلوووف أنا بسير دااخل بيلس مع الجماعه .. خليفه : وأنا بهج ... هههه برد بيتنا عن يشوفني الوالد .. وبتصير الحرب العالميه .. ضحكت وقلت : هي سير قبل لا يجكونك .. خليفه ابتسم وطلع .. طلعت وأنا اضحك .. رحت صووب الصاله .. أول ما دخلت شفت ابويه وشييوم حاضنتنه وتصيح وشذى بعد وياها .. تجدمت بسرعه ووقفت بعيد وأنا أطالعه .. غادي ضعيف ومصفر .. وويهه شاااحب .. فديته .. شهاب ماسك ابويه : شييوم شذى .. خلو الوالد يستريح روحه تعباان ,, أم شهااب : شهاب مجهزين الحجره لأابوك وده .. ابويه بتعب : لا بقعد مع العياال شوي .. خالد : عمي ارتااح مب زين لك .. ابويه : بقعد ويااهم شوي .. خالد : ع رااحتك بس لا تطول .. ابويه .. تجدم عن الكنفه ويلس .. وهو تعباان .. رفع رااسه .. شافني .. دموعي هلت أول ما شفته .. ابويه ابتسم لي وقاال وهو يبتسم ويفتح يدينه لي ... قاال : بنتي تعاالي عند ابوووج .. حسيت وقتها اني بنيه عمرها خمس سنوااات مشتااقه لأابوها .. ومحتااجه لحنانه وعطفه .. عرفت وقتها اني ما اقدر أعيييش بدونه .. مهما كاان ومهما سوى يضل أبوووي وهو الغاالي .. هو عزوتي ونااسي .... مهما الأبو عامل عياله بأي طريقه يظل قلبه ابيض صااافي يحمل أكبر حب بالدنيا لعياله تجدمت عنه وأنا أصيح ... يلست ع الارض .. وبست يده .. وقلت : الحمدلله ع السلامه ابويه .. ابوي انحنى شوي وبااس رااسي وقاال : الله يسلمج بنتي .. مسكت يده ويلست يمبه وقلت وانا اصيح : ابوووي لا تودرنا نحن محتاجين لك ... كلنا نحبك .. ابوي ابتسم وضم رااسي لصدره وقاال : ادعي لي بنتي .. قلت : بدعي لك من كل قلبي .. كلنا ندعي لك ونحبك .. شهاب : شهد لا تلصقين فالوالد واايد روحه تعباان .. وقفت ابتسمت وقلت : انشالله .. فديته ما صدقنا انه قاام بالسلامه .. عمي سيف ابتسم : عيل انتن الحشريات لا تلصقن فيييه .. شييوم تخصرت : عمي هذا ابونا .. يعني نحبه لااازم نسوي جذا .. ولا كيف يوم الناس ابوهم يقوم بالسلامه يعني ما يحضنونه عمي بو خالد : هالبنيه لساانها طويل يباله قص .. خالد ابتسم : لا تحااتي ابويه خلوووف بيقصه .. عمي بو خالد : ترااه هووو شراااتها .. يعني الله يستر ع عيالهم .. شييوم تلومت وكلنا ضحكنا .. هاللحظه دخل خليفه ... شافنا نضحك .. ابتسم وقاال : السلام عليكم .. الكل : وعليكم السلام .. خالد : تونا نطريك .. هههه خليفه : خير ...؟؟؟؟ خالد : سلم ع عمي أول .. خليفه يطالع ابويه ويبتسم ويروح يبوس رااسه : الحمدلله ع السلامه بو الشبااب .. انشالله ما تشوووف شر .. ابويه : الشر ما ييك ولدي .. عمي سيف : هههه سمعتو شو قاال .. خليفه مستغرب : جني اطرش فالزفه .. قولو شو كنتو تحشوون فيني ههههه خالد : لا بس بيخلونك تملج .. خليفه شق الحلج ... : صدق .. لفيت اطاالع شييوم ولا البنيه هب موجوده .. قلت : واستحت البنيه ههههه خالد : خلاااص ... خالو خل عمي يروووح الحجره .. مو زين .. مسوين حشره نحن .. أم شهااب : هي شهااب سااعد ابووك .. شهاب : انشالله أماايه .. طاالعت ابويه وهو يمشي .. حسيت روحي أسعد انساانه .. شعووور الأبوووه غير .. أحلى شي فالكون الواحد يكون عنده والدين .. لا يمكن أحد في هالكون يعوض مكان الأبو والأم .. قلت : عن اذنكم ... الكل : اذنج معااج .. مشيت الين صعدت لحجرتي ... فتحت البااب ودخلت .. تجدمت ع السرير .. يلست بديت أصيح .. دموع فرح ولا ألم ما أدري والله .. اصيح لأنه ابووي قاام بالسلامه ابوي رجع لنا الحمدلله ولا اصيح لأني ما اعرف وش هي نهايتي معااك زااايد وش مصيري .. صاار قدرنا مجهووول يازاااايد كنت شي والحين صرت شي ثاااني.. ثوااني الا واسمع تلفوني يرن .. شفت الرقم .. هذا زاايد ... مسحت دموعي بسررعه .. ورديت .. قلت : السلام عليكم .. زايد : وعليكم السلام والرحمه .. قلت : هلا زاايد .. زايد : هلا .. اش حاالج ..؟؟؟ قلت : بخير ربي يعافيك انت اش حاالك .. زايد : بخير الحمدلله .. الحمدلله ع سلامة الوالد .. قلت : الله يسلمك .. زايد : انشالله بااجر بيي بشوفه .. قلت : حيااك الله .. زايد : الله يحييج .. انتي اش حاالج الحين واش حاال اليااهل .. قلت : تمام الحمدلله .. زايد : شهد بااجر ترااني بيي ورااج .. قلت له : تعاال بااجر وبصير خير .. زايد : شو قصدج ..؟؟ قلت : بااجر بيصير خير .. زايد بسرعه : بتصل بج عقب .. مشغوول شوي الحين .. قلت : أوكي .. فمان الله .. زايد : فماان الكريم .. سمعت صوت البااب يندق ... قلت : ادخل .. شييوم وايجت وقاالت : هلووو سيس .. قلت : هلا شييوم .. شييوم : جيييف حالها الدبه .. قلت : بخير .. يالهرمه انتي اش حالج ههههه شييوم : بخير .. شو المعنويات ..؟؟ قلت : عال العاال دااام الغاالي قام بالسلامه... شييوم : واااي فديت روووحه والله .. قلت : اشتقت له حيييييل .. احس حيااتي ولا شي بدونه .. شييوم : وأنا بعد .. والله اني كنت خااايفه عليه حيييييل .. قلت : يلا الحمدلله رجع لنا بالسلامه .. شييوم : انشالله يرجع مثل اول وأحسن بعد .. قلت : أمييين .. شييوم : بااجر بترجعين مع ريلج .. قلت : ما أدري .. شييوم : كيف ما تدرين وبااجر الخميس .. قلت : يمكن هالأسبوع بتم عند بابا .. شييوم : بس ريلج مسكين اسبوع كاامل وانتي مودرتنه .. قلت : هو طول عمره كاان عاايش بروحه يعني حبكت على هالأسبوع .. شييوم : لأأأ بس بعد لااازم تديرين باالج عليه .. قلت : يصير خير بااجر .. ولكل حاادث حديث .. شييوم : ابا اسير عند بابا .. قلت : وأنا بعد .. شييوم : خلااص أنا برووح بحط أغرااضي فالحجره وبروح .. قلت : أنا بروح الحين وانتي لحقيني .. شييوم : أوكي .. اسبقيني عاد ... قلت : يلا أنا سايره له ... ظهرت من الحجره .. مشيت فالممر شوي شوي .. تجدمت عن حجرة الوالد ... دقيت البااب .. سمعت صوت وااحد يقول .. : ادخل .. دخلت وابتسمت .. قلت : السلام عليكم .. ابويه وخالد : وعليكم السلام .. تجدمت وقلت : عسا بس ما ضايجتكم ولا قطعت رمستكم .. خالد : لا حيااج بنت العم .. ابتسمت ورحت صوب الوالد .. يلست ع طرف السرير .. ابويه ابتسم لي وقاال : اش حاالج بنتي ..؟؟ قلت : بشوفتك صرت بخير يالغالي .. ابويه ابتسم .. خالد : يلا عيل أنا استأذن .. قلت : تم خاالد عادي أنا بظهر الحين .. خلصو رمستكم وبيي .. خالد : لا خلااص أنا رمست عمي و خلاااص .. ابتسمت وقلت : ع رااحتك .. خالد : يلا أخليكم الحين .. قلت : الله ويااك .. خالد ابتسم وقاال : لا ترمسين معاه واايد .. ادري بج بربرجيه هههه قلت : هههه توصيني ع ابوي .. خالد ابتسم : عيل أنا بروح لأني تأخرت ع المعرض واايد .. ابويه : هي دير باالك ع الشغل .. خالد : هههه الله يهديك عمي حتى وانت مرقد تحااتي الشغل ... ابويه : شـ سوي عااد .. هذي شغلتي هههه قلت : لا لا ماشي شغل هالفتره الا ترتاااح بعد ما طلع خالد .. طالعت صوب البااب هذا هو خالد مثل ماهو انسان جاد يتحمل المسؤوليه يخفي الامه وحبه زايد النسخه الثانيه منه بس الفرق زاايد كلمني وخلاااني اتعلق به .. بس يمكن خالد سوا جذي مع وحده ما يعرفها الله الأعلم .. تجدمت عن ابويه .. وحطيت رااسي ع صدره وقلت : اشتقت لك حيييل يبا .. ابويه : وأنا بعد اشتقت لج .. قلت : انشالله ما ينعااد اللي صاار .. ابويه : بنتي كل شي مكتوب يصير .. قلت : ربي ما يحرمني منك ابويه .. ابويه : ولا يحرمني منكم .. رفعت رااسي وقلت : بتم عندك هالفتره .. ابويه : وريلج ...؟؟ قلت : عاادي .. انت أهم من كل شي .. ابويه : بس ما يصير تودرين ريلج .. قلت : بس انت تعباان ابوي بتم وياااك .. ابويه : بصير زين لو شفتج في بيت ريلج .. قلت : لا تحااااااااااااول .. بتم عندك يعني بتم عندك .. ابويه : عنيده ورااسج ياابس .. ابتسمت وقلت : هذي شييوم يت .. شييوم دخلت : هلا والله بالغاالي هلا .. ابويه : هلا ببنتي هلاأأ ,, عقدت حياتي وقلت : ترااني أغااار .. ابويه ابتسم : ربي يشهد ان معزتكم وحده بقلبي .. قلت : يعل ربي يحفظك ويخليك ذخر لنا .. قوول آمييين .. ابويه : آميييين .. ابتسمت .. الحيااه حلوه لو عرفنا نعيشها واتذخنا الدرب الصحيح اللي هو نتمسك بديينا .. الواحد عمره ما بيتوفق بحيااته الا يوم يكون عنده الارااده وطبعا يكون مؤمن ويذكر ربه .. ربنا بيوفقه بكل شي ... وعمره التهرب من المشااكل ما يحل المشكله .. بالعكس ... بيخلي المشكله تكبر .. ولا انه نحبك المشكله .. لاأأ هالشي بيزيد المشكله تعقيد ... وعمره الانتحااار مو الحل الصحيح .. بالعكس .. هذا أكبر غلـــط .. لأن باختصاار الانتحاار .. رااح يدخلنا الى طريق جدا خاطئ واللي هو جهنم .. يعني مستحيل نطلع منها .... المفروض الفتره اللي نواجه فيها صعوبات نتمسك بديننا .. لأنه المشااكل اللي نواجهها بالحياة الدنيا هي اختبااار من رب العالمين لعبده .. ويبي يعرف شو بنسوي .. عشان جذا لاازم نتمسك بديننا وصدقوني ان هالشي بيخلي المشكله الكبيره .. تتلاشى .. ثم تتلاشى الى ان تنتهي .. لأنه ربنا يحب كل عباده .. ومستحيل انه يسوي لعبده شي الا وهو يبي يختبره .. اليوم الثااني الساعه اربع العصر .. طالعت التلفون يرن ... تجدمت عنه .. شفت بلسم جروحي يتصل بك .. ارد ولا لأأأ .. وشو بقول له ...؟؟ كيف بقول له عن القرااار اللي اتخذته .. يمكن قرااري ما بيعجب زاايد .. الا أكييد ما يعجبه .. توكلت ع ربي ورديت .. قلت : السلام عليكم .. زايد : وعليج السلام .. قلت : هلا زايد .. زايد : اش حالج ..؟؟ قلت : بخير ربي يعافيك ومن صوبك ..؟؟ زايد : بخير .. أنا عند بيتكم .. يوم قال أنا عند بيتكم .. قلبي زاادت دقاته وقلت : هاا ...؟؟ زايد : شهد ألحين بنزل عسب اسلم ع أبوووج .. ارتحت شوي وخذيت نفس وقلت : حياااك انزل الحين بنزل لك .. زايد : قبل بغيت ارمسج .. قلت : حياك دش وبرمسك زايد : أوكي .. عيل أنا بروح الميلس .. قلت : البيت بيتك ..دش جيه عادي ماشي حد .. زايد : اتريااج فالميلس .. قلت وأنا خاايفه : أوكي .. الحين بي لك .. يا ربي .. أكييد بيناقشني بالرجعه .. الله يستر بس .. مدري كيف بقول له عن القرار اللي اتخذته .. الله يستر بس .. تجدمت عن المنظره .. تعطرت و لبست الشيله البيضا .. ونزلت .. وأنا نازله شفت اسيل قلت : اسيل سوي عصير وييبيه الميلس .. اسيل : أوكي مدام .. قلت : وخبري الوالده انه زايد يااه .. اسيل : انزين .. مشيت .. تجدمت عن الممر ومشيت الين وصلت للميلس .. دقيت البااب ودخلت ... شفت زايد .. تجدمت عنه وسلمت عليه .. زايد : اش حاالج ..؟؟ قلت : بخير ربي يعافيك .. استريح .. زايد : شخباار البيبي ..؟؟ قلت : تمام انت اش حالك ..؟؟ زايد : بخير الحمدلله .. قلت : تبا تشوف الوالد ..؟؟ زايد : أول برمسج عن موضوعنا .. قلت : ياريت أنا اللي ابدا .. لأني أنا بعد فكرت بالسالفه .. زايد : ارمسي قولي اللي عندج ... قلت وانا خايفه: زااايد أنا اشووف انسب حل انه ننفصل ... زايد رفع راسه مصدوم وقاال : من صدقج انتي .. قلت وأنا مرتبكه: هي زاايد ... لا أنا أفهمك ولا انت تفهمني .. زايد : شهد بس .................. قلت : شوووف .. الحين يوم اني قاطعتك حسيت باللي كنت انت تسويه فيني .. زايد : شهد بس انتي أدرى بعلاقتنا من البداايه كيف كاانت .. قلت : زاايد رجاءا .. أنا وفيت لك أكثر من اني أوفي لروحي بعد .. زايد : وتصرفاتج .. الفتره الأخيره شو تفسرينها ..؟؟ قلت : زاايد انت اللي ما وثقت فيني .. زايد طالعني بطرف عينه وقاال : والحمل ...؟؟ قلت : أنا صحت مب لأني ما كنت أبا أحمل .. زايد مستغرب : عاد شو تفسرين موقفج قلت : أنا صحت لأن انت بعدك ما تثق فيني .. عااد كيف بنييب ولد ونحن بعدنا مب فاهمين بعض زايد : شهد خلااص صاار بينا شي يربطنا .. اذا انفصلنا بيتشتت اليااهل .. قلت : انت اللي اخترت هالدرب .. زايد : بس اشووف ان الانفصااال مب الحل المنااسب .. قلت : بس أحسن من انه نعيش مع بعض ومحد يحب الثااني .. زايد باستغراب : ومنو قاال محد يحب الثااني .. قلت : انت زاايد .. تعاملني ولا جني وحده بحيااتك .. تحسسني كأن وجودي فرض وانت ما تحبه .. زايد : شهد لا تفسرين كل شي ع كيفج .. هلت عبراتي وقلت : عيل لييش كنت تعاملني جذي .. وتفسر كل شي ع كيفك زايد : شهد فتره وعدت على خير الحمدلله .. قلت : بس أنا ما سويت لك شي .. زايد : ما أنكر اني فالبدايه بغيت العب عليج بس يوم عرفتج حبيتج .. وانتي روحج فرقتي بينا بشكج .. وحكمتي على كل شي باللي شافته عيونج قبل لا تعرفين أنا منو بعد .. قلت : أعتقد لو انت مكاااني كنت بتسو نفس موقفي .. زايد : بس الوااحد يفكر قبل لا يتخذ أي قراار .. قلت : وأنا فكرت .. زايد : شهد أدري انج تحبيني وتكاابرين ... قلت وعبراتي تهل : بس انت ليييش ما تحبني .. زايد : ومنو قاال اني ما أحبج .. كيف ما أحبج وأنا مختارج شريكه لحياتي .. قلت : زاايد كاافي .. تحملتك واايد وتحملت صدك .. زايد : شهد فكري عدل .. قلت : فكرت عدل وخلاااص ... زايد : عندج أسبوع تفكرين فيه كثر ما تبين .. وبرجع لج .. وأتمنى تكونين غيرتي راايج لأنه في بينا يااهل .. طالعت عيون زاايد وقلت : يعني تبااني عشاان اليااهل ما تباني أنا .. زايد : شهد ليييش تفسرين كل شي من عندج .. مو شرط الواحد يعبر عن حبه حبيبي وحيااتي .. في نااس ما يقدرون .. شهد : بس أنا اباااك تفهمني ع الأقل .. زايد : شهد أنا أحبــــــــج ... وما أقدر أعيش بدونج .. رفعت رااسي عيوني طااحت بعيونه اليوم يعني يوم اني قلت لك ننفصل قلت الكلمه اللي اترياها من فتره الكلمه اللي ما ظنيت انك بتقولها لي .. نزلت رااسي بسرعه وقلت : بشوووف الأسبوع الياااي برد عليك ... زايد : يصير خير الأسبوع اليااي وأتمنى انج تتخذين القراار الصح وتفكرين عدل .. هزيت رااسي وقلت : يصير خير .. زايد : عيل أنا برووح بشووف الوالد قبل لا ارووح البيت .. قلت : متى بترد دبي ..؟؟ زايد : قلت اليوم لو انج ترجعين معااي .. بس دامج ما بترجعين بقعد عند الوالده هـ الكم من يوم .. قلت : اها .. يلا نسير نشووف االوالد .. زايد مشا معااي .. حسيته يطالعني .. هالشي اربكني .. وحسيت روحي بطيح .. مب قاادره استحمل .. حاسه بدوخه ولوعه بنفس الوقت دخلنا الحجره .. ابتسمت لأابوي وقلت : مسااء الخير .. ابويه ابتسم وقاال : مسااء النور .. قلت : ادخل زاايد محد غريب .. زايد دخل : السلام عليكم .. ابويه ابتسم : وعليكم السلام والرحمه .. زايد بااس رااس ابويه وقاال : الحمدلله ع السلامه يالغاالي .. ابويه : الله يسلمك ويعافيك ولدي .. زايد : شو الصحه انشالله احسن .. ابويه : الحمدلله أحسن بوايد .. زايد : الحمدلله .. ابويه : انت اش حالك ..؟؟ زايد : بخير وسهاله عمي .. ابويه : اسمح لنا عاد .. ماخذين حرمتك عنك هههه زايد : بنتكم قبل لا تكون حرمتي .. ابويه : اصيل يا ولدي اصيل .. زايد ابتسم وقاال : ها عيل بييك حفيد يديد .. ابويه ابتسم وقاال : شو قصدك ..؟؟ زايد : ما خبرتك ...؟؟ طالعت زاايد وقلت بسرعه : لأأأ ما خبرته ... ابويه ابتسم وقاال : مبرووووك مبروووك .. وأنا توني ادري .. لا عاد زعلت منكم ههه ابتسمت وقلت : اسمح لي ابويه .. والله مايا ع باالي روحي ناسيه ههه زايد طالعني بنظره حسسني بأني جذابه واني أهتم له ولولده أكثر من اني أهتم بحالي .. ابويه : وأنا اقوول بتتمين عندي .. ماشي اليوم ترجعين مع ريلج هههه سكتت ما عرفت شو اقوول .. زايد قاال : لا خل تتم عندك اسبوع .. حليلها مشتاقه لك .. ابويه ابتسم وقاال : والنعم فيك يا ولدي .. زايد : يلا عيل عمي بستأذن أنا .. ابويه : وين تو النااس ولدي .. زايد : بروووح صوب الوالده بسلم عليها .. ابويه : عيل الله ويااك .. زايد : تامروني بحاايه ..؟؟ ابويه : سلامتك .. بس مدري حرمتك لو تبا شي ... طالعت زاايد وقلت : بيي ويااك بوصلك ... ابويه ابتسم وقاال : ههه وصليه ... ابتسمت ووقفت .. زايد باس ابويه وقال : فمان الله .. ابويه : فمان الكريم .. مشيت مع زايد .. ونحن نمشي فالممر قلت : متى بتيي ..؟؟ زايد مستغرب : الأسبوع اليااي جييه ..؟؟ قلت : ماشي .. زايد ابتسم : ديري باالج ع روحج وع اليااهل .. قلت : انشالله .. ( وبصوت واطي ) وانت بعد .. زايد ابتسم : انشالله .. قلت : يلا الله ويااك .. زايد : شهد ...........؟؟ لفيت مستغربه : نعم ..؟؟ زايد : أدري انج تحبيني .. وترا الغروور و التغلي ما ينفع .. نزلت رااسي وقلت : يصير خير للأسبوع اليااي .. زايد : يصير خير .. ع قولتج .. يلا مع السلامه .. ابتسمت وقلت : مع السلامه .. رجعت لدااخل الصاله .. طالعت شييوم نازله .. قلت : مسااء الخير .. شييوم : مسا النور .. قلت : على وين ..؟؟ شييوم : ع حمر عين ... قلت : لا تستوين لي عله .. يلا قولي وين راايحه .. شييوم : العين مول .. قلت : آهاا .. شييوم : منو توه طلع .. قلت : زاايد .. شييوم مبتسمه : نسيبي .. قلت : هي نسيبج ويا هالرااس .. شييوم : اها يلا عيل أنا بروح .. تيين ويااي ..؟؟ قلت : لأأأ المشي هب اوكي حقي .. شييوم : من اولها الحرمه تحاافظ .. قلت : هي .. شو قالو لج غبيه ما اعرف هههه شييوم : يلا عااد شهاب قااعد يترياني .. شذوووه الخبله مع خلود بعدهن ما يو .. قلت : وأنا اقووول جييه بيوديكن .. طلعت خلود وياكن .. شييوم : هي هههه باااجر لو خذاها صدقيني بيمل .. حتى حديقه ما بيوديها هههه قلت : خل تستانس من الحين عااد ههه شييوم ضحكت : يلا بااي .. قلت : بااي .. × × يوم الجمعه الساعه ثلااث الظهر بعد الغدا .... قلت : شييوم صبي لي كولا .. ابويه : لا لا هب زين .. قلت وأنا مستغربه : جييه ابويه .. ابويه : ههه ترااج حامل .. قلت وأنا اضحك : هيييه .. فديتك تخااف عليه ها هههه أماايه : بنتي ما بترجعين مع ريلج بااجر .. قلت : لا أماايه .. هالأسبوع بتم عند الوالد .. أماايه : وريلج ..؟؟ قلت : بيقزر روحه .. أمايه : بس مب زين .. وبعدين ابووج ماشالله عنده بنتين .. غيري أنا .. ما يحتااي تتعبين روحج .. وانتي حاامل .. قلت : لا عاادي هذا ابوي .. لا كلاافه ولاشي .. أماايه : بس بعد ريلج .. لااازم تسيرين له .. قلت : ماما اسبوع وااحد ما يصير شي .. أمايه : سألي أبوووج ..؟؟ طالعت الوالد وقلت : بتخليني صح .. ابويه : داام ريلج قاال اسبوع خلااص اسبوع ,,, ابتسمت وقلت : فديتك يا أحلى ابو فالدنيا .. يعل ربي ما يحرمني منك قوول أمييين .. ابويه ابتسم : كل هذا لليلسه حقي هههه أمايه : ترا بدينا نغاار هههه قلت : ولا يحرمني منج يالغلا ههههه أمااايه : هي اعدلي ترا الظلم مب زين هههه ضحكت وقلت : الله يخليكم لنا .. يارب .. شييوم : اشوووف من يت المدللة نسيتونا .. شذى : هي ما قول غير لنا الله نحن الفقارى .. ضحكت وقلت : غيووورررات وبعدين أنا ما ايي عندكم الا ناادر .. × × يوم السبت الصبح .. قمت من النوم مفزوعه .. شو سالفتي مع الأحلااام المزعجه هالأيااام .. ياربي ... شسوي .. الله يبعد الشر عني وعن أهلي كلهم يارب .. دموعي بدت تهل .. ما أتخيل روحي بدووون زاايد... يعني هالحلم وقته الحين أحلم به .. لا انشالله مب مستوي به شي ... خذيت التلفون من ع الكوميدينه شفت اسم بلسم جروحي .. وضغطت ع الاتصال بسرعه .. رن ورن ورن .. زايد ما رد عليه .. خفت .. اتصلت فيه كذا مره وما رد ... عسا خير انشالله ... والله اني ما أستحمل بعادك يا زايد انت حياتي وعمري وكل شي بهالكون .. قمت بسرعه ورحت تغسلت .. طلعت من الحمام ( الله يعزكم ) رفعت راااسي شفت الساعه .. توها سبع الصبح ... أوووه ماااااااي قاااد .. شو غبيه أنا اتصل بزااايد هالحزه .. يا ربي أكيييد راقد ولو قاام بيتخرع لأني متصله به هالوقت .. بس أنا غبيه من شفت الشمس طالعه ع باالي عشر الصبح .. ياربي .. الله يكملني بعقلي هههه بس صج اني اي شي .. زايد شـ بيقول عني يا ترا .. اكييد بيقول حرمتي تخبلت من الفير تتصل بي هههه .. لا لا حراام أكييد بيروح فكره بعيد ويقول مستوي بنا شي ... يلا الله يستر بس .. نزلت تحت عشان اتريق .. شفت أماايه وابويه يالسين .. تجدمت وبست رااس ابوي وعقب أمي .. قلت : صباح الخير ... ابويه وأمي : صباح النور .. قلت : اش حالهم حبااايب قلبي ..؟؟؟ هههه ابويه وأمي : بخير بنتي انتي اش حالج ..؟؟ قلت : بخير الله يسلمكم ويعافيكم .. ابويه : شو الصحه ..؟؟ قلت وأنا اضحك : بخير ماشي كحه هههه ابويه ابتسم وقاال : دووم انشالله .. يلست يمب ابويه وقلت : فديتك أنا .. ابويه : هههه أمج بدا الشرر يطلع من عيونها تغاار ههههه ضحكت وقلت : هب لهالدرجه عااد هههه صح ماما .. أماايه تبتسم : صح رمسة بنتي .. ابويه : خلااص عيل أنا بغاار .. قلت : دامكم بتتضاربون بودركم وبروح فوووق هههه أماايه : شاللي موعنج من صباااح الله خير ..؟؟ قلت : ههههه لا بس تولهت عليكم قلت أنزل اسولف ويااكم .. أمايه ابتسمت : زين نشيطه عيل اليوم ابتسمت وقلت : هي .. ههههه أماايه : عيل أنا بروح بييب الريوق .. قلت : لأأأ لاأأ لأأأ ... والله تستريحين .. أماايه : جيه بعد ... وبعدين من قاال لج تحلفين ... قلت وأنا ابتسم : ماشي اليوم أنا بييب لكم ريوق .. أماايه : روحي عيل هههه زين ريحتيني .. رحت صوب المطبخ وجهزت أغرااض الريوق مع الخدامه وسويت خفايف ع السريع واشيا ما خذت مني أكثر من ربع ساعه أو نص ساعه بالكثير .. وطلعت وخليت الخدامه تساعدني عسب نتريق فالصاله .. يلست .. وبدينا نااكل أنا والوالد والوالده .. أحس بنشاااط فضييييع اليوم .. مدري ليييش .. وبعد ما خصلنا ريوق يلسنا مع بعض .. ع الساعه تسع .. قلت : فيني رقااد .. أماايه : محد قاال لج نشي الساعه سبع .. قلت : اقول لج ترااني تولهت عليكم هههه أماايه ضحكت : هههه سيري ارقدي .. ابويه : هي ريحي وانتي حاامل بعد وسويتي لنا ريوق اليوم .. قلت : لجل عيونكم كل شي يهووون هههههه ابويه : الله يحفظج بنتي ... ابتسمت عسب اصعد ... مشيت ع الدري ... ثواني الا اسمع صوت جرس الصاله يرن .. قلت بصوت عاالي : اسيل سيري فتحي البااب .. اسيل مشت بسرعه وفتحت البااب .. وأنا واقفه ع الدري قلت لها : منو ...............؟؟ اسيل : بابا زاايد .. قلت لها : اها قوولي له يروح الميلس وأنا بروح له .. اسيل : أوووكي مدام .. بعد ما روحت اسيل .. شو هااا .. ياربي صاار اللي كنت خاايفه منه .. لييييييش ياااه انزين .. كاان يتصل بي ع التلفون .. لييش يا .. شقاايل برمسه الحين .. يلا الله يستر .. مشيت ورحت في الممر .. الين ما وصلت للميلس ,, دخلت ... قلت : صبااح الخير .. زايد : صبااح النور .. قلت : هلا زاايد .. زايد : هلاا .. صااير شي شهد .......؟؟ قلت : لأأأ منو قااال ....؟؟ زايد : انتي متصله فيني الساعه سبع الصبح .. قلت : هيييه .. جان تتصل بي ... هب لاازم تتعب روحك .. زايد : اتصلت بج بس انتي الله يهديج ما تردين .. قلت وانا مستغربه : اتصلت بي ...!! طلعت التلفون من جيبي .. شفت بالفعل .. ثلااث مكالمات لم يرد عليها .. قلت : السموحه كان ع السايلنت .. زايد : لاا عاادي .. بس خير متصله الساعه سبع .. قلت بارتبااك : لا مااشي بس جي اتصلت .. زايد مب مصدقني : الساعه سبع عااد .. قلت : هي بس بغيت اسألك لو بترد دبي اليوم .. زايد : جييه تبين شي ..؟؟ قلت : لا سلاامتك .. زايد : شهد انتي فيج شي .. هزيت رااسي بالنفي وقلت : لا لا ,, ما فيني شي .. زايد تجدم عني وقاال بحنان : امبلى شهد انتي فيج شي ... وقتها بغيت أصيح .. ودي ارمي روحي عليه واصيح الين باااجر .. اي زااايد أنا فيني اشيااا مو شي واااحد .. أنا أحبك يااا زاايد أحبك بس انت افهمني ... تمالكت .. ومسكت أعصاابي .. قلت : زااايد .. أنـــا حلمت فيك .. وقمت مفزوعه واتصلت بك لا اراديا ... زايد طالعني مبتسم وقاال : يعني تحبيني وتخاافين علي .. نزلت رااسي وقلت : ما أعرف .. زايد : كيف ما تعرفين ..؟؟؟ قلت : ما اعرف يعني ما اعرف .. زايد طالعني وقاال : شهد انتي واايد تغيرتي .. نزلت دموعي وقلت : أنا اللي تغيرت ولا انت .. زايد : انتي كل شي فيج تغير حتى تصرفاتج .. قلت : بس انت يا زاايد مب طاايع تفهمني .. وربي اني كنت معااك انت وبس .. وانت ادرى بهالشي .. ومحد بحيااتي غيرك زايد رفع رااسه وقاال وهو يتنهد : السالفه مب جذي يا شهد .. قلت : عااد كيف يا زاايد كيييف ..؟؟ فهمني ع الأقل .. زايد مسكني من جتوفي وقاال : شهد لا تكااابرين .. أدري انج تحبيني .. أنا بعد أحبج وربي .. هلت عبرااتي بصمت .. قلت : انزين ليييش سويت فيني جذي يا زاايد لييش عذبتني معاااك .. زايد : شهد انتي اللي خليتيني اسوي جذي .. أنا كنت أحبج أكثر من روحي بس انتي حكمتي على كل شي بالشكل وبس .. قلت : أدري انك تحبني .. بس أبيك تعاملني عدل مثل أول .. ابي يكون لوجودي معنى .. ابااك تحسسني انك زايد اللي كنت أعرفه أول زايد اللي يخاف علي من نسمة الهوا .. زايد رفع رااسي وقاال : بعااملج مثل اول وأحسن بعد .. بس خلينا مع بعض .. شهد ما اقدر أعييش العمر ولو لحظه بدونج .. هزيت رااسي وقلت : زايد ما أعتقد انه بنقدر نعيش مثل أول مع بعض .. زايد : لا نقدر يا شهد .. قلت : بس انت تعاملني بشك .. جنك ما تعرف انت شو بالنسبه لي .. زايد : شهد اعتبريه مجرد ثار .. قلت : يعني تبي تنتقم .. زايد مسك راسه : ومن شو أنتقم يا شهد من شو .. نحن كبرنا ع هالسوالف .. قلت : بس انت اللي بديت .. زايد : شهد انسي اللي صار وخلينا نفتح صفحه جديده وأوعدج ما أتخلى عنج .. نزلت رااسي وقلت : ما أدري .. زايد مسكني وقال : شهد والله اني أحبج .. اوعديني انج طول عمرج تكونين معااي .. نزلت دموعي وقلت : أوعدك ما أتخلى عنك زايد لو كل هالعالم درو باللي بيني وبينك وكرهوك أنا لا يمكن أكرهك حتى ولو سويت لي أي شي لأني حبيتك من كل قلبي واللي يحب مستحيل يكره محبوبه بسهوله .. بس انت اوعدني انك ترجع زايد اللي اعرفه .. زايد ابتسم : أوعدج .. ابتسمت وقلت بهمس : زايد انت ما تدري اش حل بي من عقبك .. زايد ابتسم : أدري انج ما تقدرين تعيشين بدوني ... يلا عااد أنا بروووح دبي .. الأسبوع اليااي بيي باخذج .. قلت وأنا عبراتي تهل بصمت وهدووء : أوكي .. بشتااق لك .. زايد مسح دموعي وقاال : انا بعد .. يلا عاد لا تسوين بروحج جذي .. نزلت راسي وقلت : خلااص ما بصيح زايد تجدم عن بااب الصاله .. قلت : زاااااااااايد .. زايد بدون ما يلف : نعم .. حسيته متضايج انه يرد دبي بدوني قلت : زااايد أنا ............................... زايد : انتي شو ...؟؟ قلت وأنا مبتسمه : برجع معاااك دبي ... زايد ابتسم وقال : أكيييد أكيييد .. هزيت راسي وقلت : أكيد .. زايد ابتسم : وأخيرا عقلتي هههه ابتسمت وقلت بهمس : انت حبك اللي كان مجنني .. زايد ابتسم لي وقاال وهو مطنش جملتي : يلا عاد اجهزي بسرعه .. أنا أترياااج .. ما فيني تغيرين رايج .. ابتسمت و قلت : أوكي .. طلعت ركض من الميلس ... رحت صوب الوالد والوالده وقلت : يما يبا ....؟؟ طالعوني مستغربين .. قلت : برجع مع ريلي دبي .. ابويه ابتسم : زين تسوين .. واحسن لج لأنج حامل ولاازم تكونين مع ريلج هالفتره .. قلت : يلا بروووح بتجهز وبيي بسلم عليكم .. ابويه ابتسم : روحي بس شوي شوي ع رووحج هههه .. بعد ما سلمت ع الوالد والوالده ووصيتهم يسلمون ع خواتي وشهااب .. لأني ما سلمت عليهم .. رحت مع زاايد للسياره .. يلست .. حسيت روحي مستانسه ابوي ريلي أهلي وولدي جريب انشالله بكون عايشه بينهم بحب وحنااان وتفااااااااهم .. زايد طالعني مبتسم وحرك السياره وقاال : قولي كل شي بخااطرج .. قلت : اي شي اي شي .. زايد ابتسم : هي اي شي اي شي .. قلت : زاايد أنا آسفه لأني كلمتك ....... زايد : ياربي .. بعدج على هالطبع .. على كل شي تتأسفين .. قلت : ما فيها شي دامك زوجي .. وثاني شي .. أنا آسفه لأني كنت فاهمتك غلط .. وهالشي خلاااك تفهمني غلط .. زايد حط يده ع يدي وقاال : انشالله من اليوم نبدا حيااه يديده ونعيش مثل أول وأحسن بعد .. وانسي كل شي .. لا أنا أتاأسف ولا انتي تتأسفين .. قلت : اهم شي اني معااك .. زايد ابتسم : شهد انتي صدق الحين حبج لي ما قل يوم انه افترقنا قلت وان ابتسم : وشلون ما أغليك وانت الذي علمتني حبك ... زايد ابتسم لي : ما نقدر ع الكلام الحلو ههه قلت : زااايد تدري اني لا يمكن أكرهك بيوم من الأيااام لأني حبيتك من كل قلبي هههههههههه زايد : دوم هـ الضحكه يارب .. شهد : ويااكـ .. .................................................. ................................... بعد مرور خمس سنوات ...... شيخه وعيالها مع جاابر استقرو في بوظبي ..... وصاارت ما ترجع العين الا ناادرا أو فالمناسبات .. بسبب الدراسه والدوام .. أما نوف وخالد مع وليد عايله سعيده .. ربي يديم السعاده بين الجميع .. فالبداايه وليد ما تأقلم مع نوف .. بس مع الأياام حبها .. والحين ما يحب غيداء .. اللي هي أخته الصغيرونه .. هههه عقباال ما يتأقلم معاها ... خليفه خذا شييوم بعد ما تخرجت على طول .. بعد اسبوعين سوو العرس .. الريااال مشتط .. الا يعرس .. وبالفعل تزوج .. وطبعا صاار عندهم تؤام .. عزام و ارياام ... بس أنا ما ارووح لبيتهم .. لأسبااب .. ومنها ان عيالهم غجر .. مب مقصرين اي أحد رااح لهم فلعو .. طالعين ع أمهم وابوهم هههه .. معلي يكبرون ويعقلون .. شهاب .. خااطب خلود من كم سنه .. من صاار عمرها ثمنتعش سنه خطبها .. وعمي ما رفض لا لأنها صغيره ولا شي .. لأنه هذا ولد عمها وأولى بها من الغريب .. والعرس بعد فتره انشالله .. عمر خذا مريوووم .. وحياتهم يعمها شي اسمه البساطه .. وعندهم بنت صغيرونه اسمها النّوار .. أما شذى .. فـ نقلها الوالد الله يطول بعمره لجامعة زايد .. وهي فالسكن الحين .. صح انها في دبي .. بس للأسف ما أشوفها ولا تشوفني .. لأنها فالسكن أما عمي سيف ومرته أحلام .. راحو سكنو فـ المانيا ثلااث سنين .. بسبب دراسه عمي .. ورجعو السنه الماضيه .. بس الله لا يراويكم .. ولدهم مستوي لي اجنبي ابا عن جد هههههه ومنصووور ... استقر مع حرمته مهره .. في الكويت .. بسبب فرع المعرض اللي هنااك .. طبعا شهريااا ييون الامارات .. × × طلعت من الروضه ... قلت : مس حنـــــــان .. مس حناااان .. مس حناان : نعم مس شهد .. قلت : نادي لي ولدي حمد .. مس حناان : انشالله ... يلست ع الكرااسي اللي جداام البااب ,, ترييت لما ولدي يي .. حمد يركض : انـــــــــــــا أول .... ربيع حمد : لا أنــــــــــا .. ابتسمت وقلت : اثنينكم شطاار لأانكم بذلتو جهد لما وصلتو .... حمد ضحك وقاال : ماما ...؟؟ قلت : كم مره قلت لك فالروضه تزقرني مس .... حمد ضحك وقاال : مس مس .. قلت وأنا اتأمل شكل اليااهل اللي معااه : قول حبيبي اش عندك ..؟؟ حمد : هذا صديقي .. ابتسمت وأنا أطاالع اليهال وقلت : شـو اسمه..؟؟ حمد : ثلتان.. ضحكت وقلت : عااشت الأسامي سلطان قلت : حبيبي شو اسمك انت بالكاامل ..؟؟ سلطان متلوم : ثلتان حمد الـ .......................... انصدمت وأنا أطاالعه .. سبحاان الله نسخه من عمه سلطااان .. شكل حركاات وكل شي فييه .. معقوله يعني هذا ولد أخو سلطااان معقووله .. صدق الدنيا صغيره ... عيوني امتلت دموع وأنا أتذكر المااضي .. قلت : الله يحفظك حبيبي .. سلطان : بابا ياا .. بيباااي .. حمد يضحك : بيباااي .. مسكت يد حمد وقلت : يلا حبيبي بابا يتريانا برع .. حمد ابتسم ومسك يدي وقاال : نلوووح عند وليد .. قلت : هي حبيبي .. بنروح العين .. حمد : وليد كبير .. عنده اشياااء حلوه .. قلت : انت بعد بتكبر .. حمد ابتسم ومشينا الين ما وصلنا للسياره .. ركبت حمد ورا .. وركبت .. قلت : السلام عليكم .. زايد : وعليكم السلام .. ابتسمت وقلت : اش حالك بو حمد ..؟؟ زايد : بخير .. انتو اش حاالكم .. قلت : لا تسأأل .. مدري منو قاال لي اصير مدرسه .. زايد : محد قاال لج ادرسي لغاات وأخر شي ابتلشتي وصرتي مدرسة انجليزي .. قلت : كنت ابا اصير مترجمه بس في نااس .. ما رضوو .. زايد ضحك : حرمتي وكيفي .. مابيها تشتغل بأي مجاال .. أغاار هههه قلت : شفت ولد أخو سلطاان اليوم .. زايد : هي شفته الله يحفظه .. ترا ولد حسن بعد يدرس عندكم في الروضه .. ابتسمت وقلت : ماشالله .. زايد : حمود .. يالهرم ........ حمد يقعد فالنص : ها بااباا ... زايد : كم مره قلت لك لا تقول هاا .... حمد يضحك : بابا ثوف هذا ... زايد يطاالع برع يشوووف وااحد معااه فراري .. قاال : شو بلااه .. حمد : سيارته مو حلوه .. زايد ضحك : لييش ..؟؟ حمد : نحن نقدر ندوسه مع ثيارتنا ثيارته صغيررررره.. زايد ضحك وقاال : هالولد مسوي لي فضيحه هههه ضحكت وقلت : تستاهل ترااه تربيتك .. حمد : اليوم بنرووح عند يدوووه العوده ...؟؟ زايد : هي حبيبي .. حمد : براويها الواجب .. عندي نجمه .. ضحكت وقلت : مذله هالولد مره ما يسكت .. بربرجي .. زايد يبتسم : على أمه هههه اللي كاانت ذالتني .. قلت : لا والله ... ومتى ..؟؟ زايد : ما تذكرين ههههه قلت : مب لهالدرجه عااد .. زايد : ههه كل شي ولا تزعل حبيبتي وغلايه .. ابتسمت وقلت : اختار وااحد من الاثنين حبيبتك ولا غلاااتك هههه زايد ابتسم لي و مد يده للمسجل وشغّل .. وشلون ما أغليك ..؟ وانت الذي علمتني حبك ياهاجسي عشقي عيونك اسأل وتقرا الجواب في محجر عيوني تصوير لاجمل عذاب حبك يامفتوني وشلون ما أغليك ..؟ تلقى حياتي كلها لذة غرام مهما سهر طرفي او جارت ظروفي او عشت انا الحرمان تلقى حياتي كلها لذة غرام وشلون ما أغليك ..؟ ياعذب الصفات ياكل الحياة صبرك علي هذا قليل مهما ترى من تضحيات هذا قليل خل السهر لعيون من حبك خل العيون اللي لها عشقي تبات الـــــــــنـــــــــــــهــــــــــــــايــــــــ ـــــــــــــــــــه .. أشكر كل من تابعني وخط على صفحتي ,, وكل من يتابعني خلف الكواليس .. والسموحه من الجميع ع القصور .. اذا بيوم رديت على أحد رد جارح أو بيوم ما رديت على سؤال أحد يمكن ما انتبهت .. واشكركم لأنكم تحملتو ضروفي وتأخيري بعض الأحيان .. وأتمنى الروايه تكون عجبتكم .. أدري الكثير تمنى شهد تاخذ فلان وفلاان .. بس هذي الحياااه .. مايصير الا اللي مكتوب لنا .. وبالفعل هذا اللي صاار .. واتأسف كثيرا من أعضاااء منتداااي الغاالي بسبب خروجي وتوديعي لهم .. لأنه بالفعل ضرووف خاصه جبرتني أترك المنتدى وأغلق المحمل .. واليوم بعد ما انتهينا .. بنودع بعض .. ولكن لنا لقااء عما قريب ان شاء الله .. بروايه جديده .. انشالله يتم طرحها قريبا .. لكم مني أجمل وأرق تحيه .. أختكم ومحبتكم .. يتيمة زايد .. |
وبما اني اول انسانه دايم ارد عليج والقصه رووووووووووووووووعه شويه في حقها وبعدين تعالي انتي وين بتسيرين تراني انا وراج وراج والزمن طويل هههههههههههههههههههههه يلا عجلي ونزلي روايتج اليديده والله يعطيج العافيه على القصه |
اقتباس:
من ذوقج حبوبهـ :001_wub: همسهـ : أدري انج قريتيها من قبل:p مرووورج الأروع وربــي .. ههههه اي وأنا ويآكم ويآكم ع آلخط .. جريب انشالله بس بروح العين كم من يوم :ast7eee: من جذي بتأخر شوي بس ان شاء لله بشهر سبعه بإذن الله .. ربي يعافيج ويسلمج .. الــــــ:ax: ــــورد لمـــرورج العطِر .. |
| الساعة الآن 12:15 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir