|
رؤية نقديــة اخرى ملاحظة في مسلسل حاير طاير حلقة البارحة " الحلقة التاسعة " اللي هي عن قرار سمو الشيخ رئيس الدولة "حفظة الله" حول رفع تمويل المنح التعليمية .. الحلقة اليوم تتحدث عن الطلبة الإماراتيين المغتربييين ، جذبتني الحلقة بمحتواها مجموعة طلبة اماراتيين ( مواطنين ومواطنات ) واحد منهم اضطر يشد الى شقة او سكن "اقل ثمناً " من السكن الذي تواجد فيه ..ثم طلبت منه (الزميلة المواطنه) ان تغير سكنها بجانبة بحكم "تكاليف السكن " بحيث انها ارخص من السكن الأولي .. ويوم تزقرة فالمكتبة تقول له ماترد ع بنت بلادك !! ( شو تبينه يخاويج ويسولف وياج ولا يوديج تتحوطين وياه )!!!! وماشالله البنات ( فالتــــــــوه ) سايرات ويا الرياييل المطعم وبعدها كل واحد يوصل ربيعته ( قصدي زميلته ) الى السكن .. في ذمتكم ، هل هذا تجسيد حقيقي للطلبة الإماراتيين المغتربيين!!! شو هالعادات الخسفة اللي مظهرينها المسلسلات الإماراتية هاي السنة !!! والأخس والأدمر انها تقول يدام ابو الريال ( هيه شقتي عدال شقة ولدك "بذكر اسمه " )!! يعني ضعاف النفوس وبعض اولياء الأمور راح ياخذون فكرة عن ابناءهم بان الغربة (فعلاً تخرب العادات وتحرف الإنسان عن دينه ) !! اللي بياخذ كلامي ( نقد هدام )... برايــــة ... نحن الحينه كل يوم نتفاجأ - من مسلسل الى مسلسل ، كل يوم يظهرون لنا سالفة ..والله يستر الين آخر رمضان كم بنولف ملاحظات عليهم ....والله اناس كلها تنقد عن المشاهد الخسفة اللي نطالعها فالتلفزيون ... قوات عين والظاهر السنة موضه لتخريب سمعة الإمارات بهذه الصور وحسبنا الله ونعم الوكيل كاتب الحلقة يروم يكتب قصة احسن عن جذه وتجسيد ( مُشـــــرف) يعكس صورة طيبة للمواطن المغترب لي رجعة لردود الأخوات اللي مارديت عليهن .. والسموحه منكم اخوكم/ غديّر النعيمي |
السلام عليكم ورحمة الله وبركاته اصلا فكرة انه مواطنه تدرس بروحهاا برع البلاد بدون محرم لا أخ او زوج او غيره منبوذه في مجتمعنا وحرام كيف هالبنت تأمن على نفسها تدرس برع البلاد وين الخوف!!بصراحه الوحده اليوم في الشعبيه تخاف تظهر اروحها وين تتغرب !!! والله هالبنات قويات شي مخزي و يوطي الراس حسبي الله ونعم الوكيل يعني قلن عليهن الجامعات والكليات في الدوله !!! يا الله بالستر بصراحه ماعرف شاقول ولا اعرف اعبر لانه سواتهن مستنا نحن كإماراتيات الخير يخص والشر يعم الحين البلدان الثانيه شو بيقولون علينا شو انطباعهم عناااا لا حول ولا قوة الا بالله سودن ويوهنا جان الا هاي سواتهن برع البلاد امبونهم الشيبان يخافون من دراسة عيالنا برع يخافون يزلون او يمشون في طريق السو الحين يوم بيشوفون البرامج هاي بيقولون هيه هاي سواتكم هناك وبياخذون انطباع سيئ الموضوع ما ينسكت عليه هالبرامج بتزيد الطين بله ما بتصلح حد بالعكس سلبياتها اكثر من ايجابياتها هذا ان كان لها ايجابياات اصلا اعصابنا فلتت بسبة هالبرامج ما ادري شو آخرتها ؟؟!؟!؟!؟ يعطيك العافيه النعيمي عالمواضيع الطيبه السموحه عالقصور |
اقتباس:
وخصة البنت تكون مطمع بعض الذئاب البشرية ... وعيال الحرام وايدين للأسف الله يهديهم ويهدي امة محمد ... تسلمين على المرور واكيد رايج واحترمة اخوج / النعيمي |
اقتباس:
مسموحة بالحل طال عمرج بالنسبة لمسلسل حظ ياناصيب ماتابعتة الا اول ثلاث حلقات بحكم انشغالاتي بس الغريب ان الإنفتاح اللي طرا عليهم مرة ضاربين بالإنفتاح الغير اخلاقي عرض الحائط وجعل التمثيل الخارج عن نطاق الدين والأخلاق شماعة لأدوارهم " للأسف " يعلقون عليها بحجة ان هذا الدور يتطلب هذا المشهد ..مثل اللي ذكرناهم والاخوات كذلك .. تحياتي لج اختي الكريمة على التفصيل الجاد ، وشاكر لج نشاطج فالقسم اخوج / النعيمي |
اقتباس:
ههههههههههههههههههههههههههههههههه مسموحه والله انا هب زعلان الا من هالتلفزيون بس اتمنى تستوي ضجة اعلامية ومحد يسكت عنهم ع سبة يعرفون ان هم غلط ( اذا كانوا غافلين عن الغلط ) لووول تسلمين ختيه الجوري على الرد الطيب النعيمي |
مرحب وعليكم السلام ورحمة الله وبركاته اول شي مشرفنا النعيمي مشكور عالموضوع الغاوي احم وثاني شي بعلق عالموضوع تبى الصدق انا بروحي استحيت يوم شفت الموقف نحن كنا كل العايله نطالعه لا حشيمه ولا مستحى عنبوه الريال اللي هو الريال استحى وخيل يوم كل ساع تتقرب منه وهيه ما حشمت نزين كان باماكنهم يسوون مقلب غير عن هذا مالقوا الا هذا المقلب ومارامت هيه تصوره من بعيد يعني تقربت منه بطريقه فضيعه الصراحه عنبوه خوانا نحن ما نتقرب منهم بهالطريقه وما اعتقد انها بروحها تقدم البرنامج عندها ريال ليش ما خلوا الريال هو اللي يسوي هالمقلب بصراحه ما اعرف شو اقول انا تميت انزل راسي واقول اختربت الدنيا لا مستحى ولا حشيمه عنبوه الريال استحى هذا اونه يسمونه مقلب هذا ينزل الراس اكثر من ما يخلي العرب يضحكون ومشكور عالموضوع الغاوي ولو مهما قلنا ما اعتقد انه كافي وصح انه اغلب المسلسلات هزت وشوهت صورتنا جدام العالم |
السموحه اخوي ارد مره ثانيه صحيح ان مسلسل " حاير طاير " قدم موضوع يهين بنات البلاد و اعيالها بشكل عام سواء بنت او ريال .. بس البعض .. البعض من البنات .. ومن الشباب .. يستغلون غيابهم عن البلاد و عدم وجود حسيب او رقيب لهم .. و ينسون او بالأحرى يتناسون ان الله يراقبهم ع الدوام .. و ما يستحضرونه في اوقاتهم و افعالهم.. يعني تصرفاتهم غريبه و اقول لك هذا الكلام بناء على الي شافته اربيعتي .. و الله انها ردت ع نص السنه و كملت في البلاد..؟! استغربت من التحرر المفاجأ الي يصيب البنات و الشباب المواطنين في البلادين الي برع؟! والعياذ بالله جنه مرض ؟!! يعني اذا هم ما يعرفون انتوا منو؟ يمكن يمر حد يعرفكم ؟! رب العالمين يعرفكم ما يجهلكم..!! يعني ما يهمهم الأمر و يتركون انطباع سيئ عنا نحن العرب ..!! وصدف سألني واحد اجنبي مستغرب من حالنا في بلادنا و في حالنا في بلادهم ؟! مستغرب ليش البنات ملتزمات و محتشمات في بلادنا وفي بلادهم ولا يعرفن معنى الحشيمه الا هنتين او ثلاث منهن؟! انا اشوف ان المسلسل قدم شي من واقعنا مع انه غلط و ينقص من قيمتنا .. بس اذا اعترفنا بواقع اعيالنا بنلاقي طريقه نحل فيها مشكلتهم في المستقبل . السموحه.. مجرد رأي ^ ^ تحياتي |
شفت برنامج وراك وراك ألي تقدمه المذيعه غزلان الصرااحه لا مستحى ولا خيال ..يعني ألحين هالأشكال يخربون سمعه دولتنا .... وشفت مسلسل أبله نوره الصراحه الممثل محمد العامري ما صخ في هذا المسلسل كيف جيه يسوى ما شاء الله ماخذ راحته في هذا المسلسل ...... تسلم أخويه النعيمي على الطرح المميز والمهم .. وربي يعطيك العافيه ... |
اقتباس:
معاك حق و الله ياخويه حسيت باشمئزاز منها و الله .. و لاعت جبدي من هالحركه .. عيب و الله عليهم .. |
والله والعثرتين فيهم مسخوها عالآخر مسودين الويوه وخاصه هاللي اسمها غزلان والثاني اللي وياها ،لا حيا ولامستحى عنبوكم زاد حشموا عماركم استحوا ع ويوهكم طالعين ب هالصورة اللي تفشل اونهم يعني يضحكون عبالهم انهم مقدمين برنامج حلو ،، والله دواهم حد يغسلهم بعصا ولا ذاك المسلسل ابله نورة يعني لازم تسوون حركات لا بركتن فيكم سودتوا ويوهنا جدام الخلق نحن عيال الامارات عدنا عادات وتقاليد متمسكين فيها ونحترمها ،احترموها ولا انتو مب مواطنين ؟؟ جان هالبلاد ماعايبتنكم ذلفوا عنها فستين داهيه سيروا خربطوا في بلاد برا تقبل مثل تفاهاتكم اللي مالها آخر بسكم عاد ترى بلادنا ما تبا هالمصخرة اللي تصير كل رمضان مشكور يالنعيمي عالطرح والله اني كنت بكتب موضوع عنهم لغير سبقتني ماشاءالله عليك ،،، يعطيك الصحة والعافية والسموحة |
http://www.alqlbzayed.com/up/uploads/2c4fdb6542.gif يــــســعـــدلــــي صــبـــاأأحــــكــم / / / مــســــأأأكــــــم بــــالــــــخــــيــــر و الــــــــســـــــرور ๑o ๑o ๑o كلامك صح و الي يالسين انشوفه في هذي الايام شي من العجب او بالاحري ما تعودنا اننا انشوفه لكن لا حيله ولا قوة انا شفت الحلقة اللي يستضيفون فيها المطرب هزاع وشفت المقطع اللي قلت عنه و يوم كانت غزلان اتمرر الموبايل عليه المطرب حس بالاحراج و هذا الشي كان واضح وباين علية ومب حلوة الحركة انها اتكوون مقلب لانه هذا على الهوى و كل الناس اتشوف و وين بتوصل سمعتنا؟؟ الله اعلم وحتى لو ماكان على الهوى الحركة وااايد مااصخة و مالها معنى اما بالنسبة الي مسلسل ابلة نورة الكل يعتبرة نجاح في هذا الشهر بس في مقاطع (في قله الادب ) و العامري واحد مواطن كيف يقبل بهذا الدور ما فكر بسمعتة و بس عن ابله نورة في غير و غير مثلا لعنة امرة من اخراج زينب العسكري لو كننا نشوف من ناحية اللبس(حدث ولا حرج) لبس مخل بالاداب و الاسلام و الحركات السخيفة في واايد من الممثلين الخليجين الي هم احسن عن زينب العسكري ما سوو الي هي سوتة على الاقل تستر على نفسها شوي لكن هذي هي رغبتها ونحن ما بايدنا شي وتسلم اخوي على الموضوع تقبل مروري.... ๑o ๑o ๑o كــــــأأأأنت هنــــأأأ....}}. βiηт ƒeηdi http://www.alqlbzayed.com/up/uploads/4d6e24ea8e.gif |
اقتباس:
● ● وعليكم السلام والرحمه ., قبل كل شي --{ محد يقـدر ينتقد كلآمك لأنه وآقع لا مفـرـر منه وكل شخص له رآي ويحق له يعطي رايه من دون انتقآد وان وجد انتقاد ( لايفسد للود قضيه ) بس انتقآدك على قنـآة (سمآ دبي ودبي ) --{ يعطينآ الجرأه اللي نستمدهآ منك لنتكلم بوضوح في هالموضوع ., لكن ورآـآك ورآك --{ برنـآمج في قمـة السخآفه " والسموحه ع الكلمه " بس حتى الوـآحد مايضيع وقت يشـوفه استهزـآء ومن الخآطر ع الممثلين & مافي اي احتـرـآـآم للي يطيحـوـون في مصخرتهم مثل "حلقة التخفي ".. ●●● اقتباس:
وهي نفس النفس --{ لـو كآنت تهتم بعآدات ولا تقاليد وقبله هذا وهذآك ديـن مآشفتهآ في مجآل الفن "قل الشغل " ●●● اقتباس:
وهذـأ شفنآه في وـآـآيد من المحطآت ., لكن صرنآ في مجتمع نسى دين وعادات وتقاليد وشآف مصلحته فـوق كل هالاشيآآء " وقصدي المجتمع اللي يهتم في مجآآل الفن والاختلاط اللي صآر عادي جدا عندهم " السموحه ع الإطآآله --{ ولـو كثرت مآبيغير فالسالفه شي المهم الصـوره تـوصل _^ ● ● ● |
مرحبا الساع مشكور علطرح المميز اخوي غدير لاتحط عالقنوات والممثلين الاسباب من المخرجين والكاتبين هم الي مألفين الشي بكبره وهم الي يختارون شو يسـوون وبعدين مب الا دبي وسما دبي الي يحطون مسلسلات اغلب القنوات يحطون وعلى هالكلام على سما دبي ودبي ترا عادي تستوي سوالف من وراها وبرنامج وراك وراك امم سخيف بصراحة يعني قبل كان حقك علينا بداله والله انه حقك علينا احلـى عن وراك وراك واندوك انته بعد احلـىآ وهالبرامج صدق مال كاميرا خفيه لاكن وراك وراك يطلعون اشياء سخيفه والناس ماتعصب منها ! وهاي اللقطه الي ويا هزاع بعد بصراحة لو انا من هزاع كفخت التليفون وطيـرته تحت وبروح عنهم هع هع وانا اقول كل المسلسلات فيهم لقطات خايسـه وحتى فريج !! يوم اونها بتربي ويالسه عالشبريه وتتعصر !!!!!! يعني الصغاريه شافوها وفهموها ولا اكثر المسلسلات يتكلمون عن الاغتصاب وربت وهي مب متزوجه وهتك عـرض وهالسوالف بس عشان يراوونا كيف بعض الناس عايشين وهالشي غـلط وخلاص الحين اغلب المسلسلات تتكلم عن هالقضايا |
اقتباس:
ومحد مقصر الا عقول بعض الفنانيين ( الفارغه ) وبعض المنتجين كذلك .. بارك الله فيج وانا شاكر لج تواصلج معنا فالقسم اخوج / النعيمي |
اقتباس:
لمرحب باجي ولا هان راعية الكروزر تسلمين على ملاحظاتج ، ونحن نتمنى تقليص هذه الفجوة للإعلام اماراتي نظيف بارك الله فيج اخوج / النعيمي |
اقتباس:
رمست وياربعي فالحلقة وتناقشت وياهم قالوا لي ياغديّر الغالبية من الشباب والبنات فالخارج هاي تصرفاتهم والظاهر يابر نغموش او كتاب الحلقة ( قاصدين ) يسوون هالمشاهد ، لإعلام الآخريين بحال طلابنا او (البعض ) منهم .. وصدقج القصة من الواقع لكن للأسف انها تنعرض بهاطريقة مع العلم ان الفكرة الاساسية من الحلقة عن تمويل المنح والبعثات الدراسية ، وليس حال الطالبات والطلاب المواطنين المغتربين فالخارج ..!! تسلمين على المرور ختيه بارك الله فيج اخوج / النعيمي |
عطرها دمعة - شيخة الغيد - فيمتــــو سلمتن خواتيه ع المرور الكريم ، وانا مستانس من مشاركاتكن الطيبة والله يستر عليكن ويوفجكن اخوكن / غديّر النعيمي |
اقتباس:
عاده كله ولا مسلسلات زينب العسكري السنه اليايه مسلسلها اليديد ( المتمرده ) والله هب متوقع من هالأشكال الا مسلسلات ماصخه وفارغه وكلها عرض ازياء وهذربان مخمبق تسلمين على المرور والتعليق ختيه الكريمة اخوج / النعيمي |
اعشق ذاك ، غريب الدار ان شالله لي رجعة لردودكم |
انا معاك %100% بالي تقوووله و الله انها مصخره شهر رمضان لازم نحث الناس على العباده فيه لا كن يحثون الناس على المنكر و الفواحش و الضلال الله يستر |
وعليكم السلام و رحمة الله و بركاته ..[align=justify] أنا انصدمت لمن شفت حركات البنيه ويا ها المغني هزاع .. ولا حركات الممثلين و الممثلات في معظم المسلسلات .. ممكن يكون هدفهم انهم يوصلون لأقصى مرحله من الجراه و الطفاسه الزايده .. لنه ع حسب منطقهم .. يجذب المشاهد أكثر .. و مثل ماذكرت خويه .. اللي يزيدنا حرى .. انهم مواطنين .!!!! ممكن نقول ان هالشي راجعلنا .. حنا بنشوف الشين و لا الزين من هالمسلسلات .. بس العائق انها مسلسلات تنعرض على قنوات بلادنا .. لازم نحن كـ مواطنين بيكون لنا موقف منها .. و البنت الحشيم لي تخاف ربها .. اذا فكرت تظهر للساحه الاعلاميه .. بتحترم نفسها قبل لاتظهر يدام خلق الله .. بمعنى .. مش حلوه ابد مواطنه يكون لها دور في برامج الكاميرا الخفيه .. شو بتكون خانتها ؟!! تروح تحتك بالناس بلا رقيب و لا حسيب ؟!! و حلقة وراك وراك السخيفه مالت هزاع .. مغزاها كان مخزي الصراحه .. ولو انه مقلب .. أحس ان الفكره ماكانت في محلها .. الفكره انها تقعد تسوي حركات و تنوهله انها معجبه فيه و تبه تسوي أكثر من مجرد جلوسها معاه .؟؟!!!!!!! (( ؟؟ )) [/align] هيه ياخوي شو بنقول .. مبادئنا تحولت من عربيه لأجنبيه .. و قيمنا ضاعت هه .!!!!!! ربي يعطيك العافيه النعيمي ^^ ونرقب الزود من مواضيعك ..*~ |
ما نقوول غير الله يهديييهم ابصرااحه كلامك صحيح اخوويه النعيمي والله انا انصدمت من شفت حركاتهاا ويا هزاع وبيني وبينك كل هالبرنامج مصااخه × مصاااخه ومن دوون هدف والله الحمدلله ما اتابع الا فريج وشعبية الكرتوون وباب الحارة :66: والمسلسلات الخليجية صارت بس عرض للمكياااج والفساتين والملابس اللي تكشف اكثر مما تستر للاسف والله :54: الله يهدي اليمييع واشكرك على الموضوووع الرائع وما قصرت يا غدير ^^ |
اقتباس:
الإختلاط نفس الجبريت يحترق شوي شوي الين ماينتهي والله يستر على المجتمع الإماراتي وفوق العماله الأجنبية وعيال الحمرا ستوينا بليا عادات ودين واعراف والله يستر ... تسلمين اعشق ذاك على المرور بارك الله فيج اخوج / النعيمي |
اقتباس:
ونعم الساع ونعم الساع قرررررررررررررب ياريال اسميك طماشة والله نقعت من الضحك الصراحه تعبيراتك اضحك والله فريج ماتابعته السنة عدل بس على الإعلادة بتابعة ولا بنزلة من محروم وبتطالعة شو مسوي محمد سعيد حارب بالنسبة لحقك علينا والله طماشة الحلقات واحلى عن الحينه وراك وراك ، اندوك انته بعد يمشي الحال ع الأقل عارفين حدودهم لنهم (متربيين ) لوووووول تسلم يالمزروعي الله يعطيك العافيه يالغالي انا اليوم مستانس بمشاركاتك ويانا فالقسم وان شالله مديم اخوك / غديّر النعيمي |
اقتباس:
|
لي رجعة للرد على الأخوات ان شالله |
اقتباس:
[align=center]في كل مكان في الزين والشين ما أختلفنا بس نحن نتكلم في مجال الإعلام بشكل خاص سواء الإذاعي أو التلفزيوني .... ألخ عايبنج إللي نشوفه في البرامج المحليه من سنتين أو ثلاث وهي تنزل للأسوء أنا ما أبغي أحش بحد وإلا أذكر اسم لإنا إللي مارضاه على نفسى ما أرضاه على غيري بس والله الفنانات الإماراتييين صاروووا أكثر وقاحه وجرأة والله قبل كانوا حشيمين ما أدري شو غيرهم وغير أفكارهم لبسهم صار يثير الفتنه واااايد مب شوي بشكل فضيع ياااساتر من يومين شفت وراك وراك كنت في بيت الأهل الممثله غزلان يوم كانت في السنتر والبوك طاح منها والله تتمايل وتتمايع بمشيتها والله المشيه مب كانت طبيعيه عيب نشوف هالحركه الوصخه في البرامج المحليه عيل شو خلووا حق الغرب لو ربطت الوقايه على خصرها ورقصت في السناتر يومها بنقول هاي فعلاً كاميرا خفيه خل الكل يطمش عليها هاذيلا ما يعرفون المنقود يبغي حد يشرح لهم المنقود عدل ( أنا مستعد ) .................................................. ............ أنا عن نفسي أعارض فكره إنا البنت تشتغل في هالأمكان أعارض وبشده والله بنت الإمارات تبغي تشتغل ما اختلفنا في أماكن مخصصه للحريم حق شو بعد الأختلاط أنا لو حد من هلي فكر وبمجرد التفكير يشتغل بها الامكان والله أذبحها وهي حيه وكف من الخاطر ألزقها ع اليدار ..... حشى أبو بثن حلوه هاي تظهر بالتلفزيون والكل يطمش عليها أنا ما أبغي أدخل في مسائل الحلال والحرام بس هالشيء معروف أنه حرام بس الناس يعرفون إنه حرام بس يحبونه بس والله الواحد يخاف على عياله وبناته وشبابنا من التلفزيون صار وسيله قذره يتعلم منها الصغير والكبير يوم الواحد يشوف مثل هالشغلات والله تتركز فالذاكره هالشغلات يحط يده على أكتوفها والله ما كنا نشوفها في البرامج المحليه كنا نشوفها في الأفلام العربيه والهنديه والله يعينا ع الياي [align=center]( لا يجتمع رجل والمرأة إلا كان بينهم شيطان ثالث )[/align] .................................................. . وإلا مسلسل لعنه إمرأة ياربي شوها والله تابعته حلقه وحده وتوبه أشوفه مره ثانيه لفتني عنوان المسلسل ياربي شو هالإغراءات والفتن بها الشيء شو المقصود منه يبغون يحركون شهواتنا حسبي يالله عليهم بس الواحد الملتزم يعرف دينه زين ماينخاف منه أونه شو لعنه امرأة صدقج زينبوووه أنتي بكبرج ملعونه استغفر الله .................................................. ......... شبابنا صاروا يتصرفون تصرفات شاذه والسبب الرئيسي التلفزيون والله له أثر خطييير حالة الخواء والفراغ الفكري التي يعيشها شبابنا نتيجة التربية الإسلامية التي غابت عن الكثير والتي يدفع الشباب ثمنها . السبب الرئيسي في الانحرافات التي نلاحظها في سلوكيات الكثير من الشبابنا المسلمين في الوقت الحالي إلى كثرة الإغراءات التي يتعرض لها الشباب من وسائل الإعلام الآن بصورة مخلة . .................................................. ... بس فالحين يقولون شبابنا منحرفين ........... ألخ أنتوا السبب إللي وصلتوا فيه أعيالكم من أهمال وعدم التربيه .................................................. ........ والله حالة أمه محمد تقطع القلب وتضيق الصدر وتشيب الراس بس ها كله من علامات الساعه الكبرى انتشار الفواحش والزنى وتطاول البنيان وانتشار الراقصات ............ ألخ اللهم لاتؤاخذنا بما فعل السفهاء .................................................. السموووحه ع الإطاله وع المعثه ومشكور أخوي النعيمي على ردوك الطيبه مع الإعضاء أنت زينه الرياييييل يشد الظهر فيك الله يحفظك ويرعاك يارب ... ويكثر من أمثالك الطيبين [/align] |
أهنيك يا خويه غديّر على الطرح و بصراحه سبقتني كنت ناويه أناقش الأعضاء في هالموضوع أنا وياك في كل كلمه قلتها .. و نحن شفنا بعيونا المشهد تكرر أكثر من مرة ويا العامري و فاطمة الحوسني أكثر من مرة حطو مشهد لهم في الفراش .. و لا تستغربون اذا حط ايده على جتوفها توقع أي شي منهم .. من المفترض أن يكون الإعلام " هادف " و يناقش موضوع أو قضية المسلسل ما عليه كلام .. لكن ما زالوا يضيفون أشياء بعيده عن مجتمعنا الاماراتي المحافظ من متى المدرسات يعقن شيلهن و عبيهن في مدرسه فيها ريايل !؟ من متى "بنات العز" يصرفن ع المدارس ؟؟ هاذي أشياء خارجه عن واقعنا لكن نحن تقبلناها بصدر رحب أما الطفاسه هاذي ف لا ترضي الله ولا رسوله انتهكوا حرمة هذا الشهر الفضيل .... بالنسبه لغزلان ف كل واحد و معدنه .. و أنا شفت جزء من الحلقة من كثر ما زودتها نشيت عن الأهل لانه الحركات اللي سوتها مبالغ فيها بنات الامارات ما عمرهن كانن خفاف و أنا ما أجمع لكن على الأقل .. المفروض انهم ما يخربون صورة بنت البلاد اللي من المفترض انها تكون " جوهرة مكنونه " بالنسبه لبرنامج تواصل .. أنا ويااك في نفس النقطة لاحظت انه سوالفهم وايد .. ضحك و هذربان و جنهم يعرفون بعض .. ولا جنهم على الهوا ما راعوا انهم بهالطريقه يخربون صورة البلد و يشوهونها .. لكن العتب على العاملين في إذارة قناة سما دبي سامحني ع الإطاله و ربي يعطيك العافية |
اقتباس:
الله يعافيج ويبجيج مبروووك الإسم اليديد ، وتسلمين يالنشيطة الأديبه الصغيره على المشاركات الطيبة فالقسم ودمتِ متألقه دائما اخوج/النعيمي |
اقتباس:
تسلمين ختيه على المشاركة معنا اخوكم/النعيمي |
اقتباس:
الله يسلمّك الغالي ، بارك الله فيك .. وانا اضم كلامي لك اخوك/ النعيمي |
اقتباس:
فالمدارس..! << فاتتني النقطة لوووول . تسلمين على الإسهاب فالرد ، واشكر لج المتابعه الدائمه فالقسم اخوج/ غديّر النعيمي |
أخويه النعيمي { سلـآم عليك ~ أنآ معآك بهآلشي الصرآحه هب بس هآلشي.." والله إنه برنآمج ورآكم نحن موليه مآنتآبعه لو شفنآه كله نعلق ونتمصخر لنه صدق موليه مآشي فآيده منه كله حركآت مآلهآ معنى وأصلن من متى جيه الموآطنين أظن شي أسمه عآدآت تقآليد.. وهب بس العآدآت بعدين وين الـأخلـآق وين تعآليم الـأسلـآم .." أصلن أظن عيآل البلـآد مستحيل يكونون جذه ..!! غريبة حآل الدنيآ |
تسلم اخوي غدّير على الموضوع وعلى غيرتك على بلادنا العزيزه اللي كل مالها وتصير لغيرنا .. ( للأسف ) >< وعن هالمواقف اللي ذكرتها الصراحهـ انا ما شفتها واصلا هالبرنامج انا ما اتابعه لأني حسيت انه بايخ وماله معنى وعن المسلسل الصراحه اهو حلو وايد بس هالممثل تمثيله زايد عن حده .. يعني دورة حلو لو كان محترم نفسه وما يسوي هالحركات ... والله صارت المسلسلات الخليجيه تخوف أكثر من باقي المسلسلات صار تمثيلهم ماله معنى , حاله حال المسلسلات المكسيكيه والاجنبيهـ .. الله يعينا على اللي ياي لنا منهم .. تحياتي لك اخوي وتسلم مرة ثانيه ع الموضوع ويستاهل التقييم . اختك نسوومه |
والله صح لسانك الصراحة انا يوم شفت حلقة وراك وراك مع هزاع وايد كرهتهم وكرهت الحركات مال غزلان لانها صدق مصختها واااايد تقربت منه بطريقم مب طبيعية ولمسته بعد وهو الريال يحليله استحى واستغرب... واما عن حلقة ابله نورة انا الصراحة استغربت من تحمل العانري هالأهانات كلها خصوصا اول حلقة.... الصراحة مب حلوة ... |
بلوشية يالله حيها ، حمد الله ع السلامة تسلمين على المشاركة والحضور .. نسايم كلبا / فديتي نفسج تسلمن ع المرور خواتيه ، ماقصرتن النعيمي |
الى هنا نكتفي بهذه الآراء الطيبة ، واشكر كل من رد على الموضوع وكل من تابع الموضوع وكل من نقل الموضوع لمنتديات اخرى ، واتمنى ذكر المصدر عند نقله .. مغلق غديّر النعيمي / مشرف استراحة الحوار والنقاش |
| الساعة الآن 12:49 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir