|
(الجزء 41) • فطيم طايحة ع شبريتها : والله انه عواس .. لو مب عواس جان ما اعتفس ويه خالوه جذيه .. (وتسير حجرة نشبة ) يالله ما تنش .. يالله ما تنش .. (وخذت التيلفون وهي ساكتة وردت حجرتها ) والله انه عواس ..آآه يا ويله .. انزين ليش جذبوا علينا ؟ ( تتصل وهو راقد ) • عواس لا اراديا رد عليها : هاااه؟ ألو؟ • فطيم : مرحبا .. • عواس : اممم.. (وهي يخفق قلبها ) • فطيم : راقد؟ • عواس : همممم • فطيم : أحبك يا عواس .. • عواس : هااه؟ هممممم .. انته منو؟ (وبطل عين وحدة مب مستوعب شي) • فطيم : انا فطيم .. (وبند التيلفون الا غلقه ..ردت اتصلت كم من مرة .. بس هو كان مغفي ما يدري بالدنيا ) فديته ياربي رمسني !!! (اما ميود وصل البيت على الساعة 5 الفجر .. وكان يائس .. طاح على الغنفة في الصالة وما حس بعمره الا راقد .. وعلى الساعة 10) • شمسة : بسم الله الرحمن الرحيم .. شمايل ؟ بلاج؟ • شمايل : ما فية شي بس اطالع الاوادم من الدريشة .. ليش غلطت؟ • شمسة : لا امايا .. يالله سيري اتسبحي لين إييبون لنا الريوق .. • شمايل : ان شاء الله .. (وهي داشة الحمام ) • شمسة : خازت عنج اللوعة ؟ • شمايل : هيه • شمسة : انزين سيري سيري .. (ويوم سارت ) كيف خازت عنها اللوعة وهي في الثالث ؟ يعني يتها يوم او يومين بس؟ يالله اتقوّمها بالسلامة .. (وشمايل تتسبح) • شمايل فخاطرها : ما بستريح لين أكسر خشمك يا مايد .. انا تلعب بي؟ جيه انا شو سويت؟ طول عمري قلبي يخفق باسم مايد عمره ما نظر لحد ثاني غيرك .. ولا لأني طلبت منهم يعتدون عليّة ولا شي ؟ (وتصيح ) بس انا لازم ما اصيح ( وتحط ايدها على بطنها ) ليش ما احس فيك؟ كل بنية اتحس بوليدها .. الا انا !! يمكن ما عندي قلب .. طبعا ما عندي قلب من اللي صار .. وين بحّب الولد .. الله يصبرني بس (وفبيت حمد ) • نشبة : اقولكم البارحة سوالي واحد • شما: ويدي منو؟ • نشبة : واحد قال يباني اسوي جواز يديد • ميثاء : اعنبوا من شهرين مجددين لج .. • نشبة : قاللي الريال ان ما سويته ما بيطلع لي بيت .. • شما : ابووه !! قصدها هوية !! • ميثاء : ومتى سوا ما شفناه؟ • نشبة : امسات مسوي في الليل !! • ميثاء بججت عيونها : اييييه المدحوبة !! اي ريال يسوي في الليل؟ وين مكتب مفتوح في الليل؟ خلق الله رقود !! • نشبة : انتي شدراج؟ هذيلا قوم بو 12 ساعة عيل فيهم هيازة شراتج .. • ميثاء : ماعليه بنسويلنا يوم وبنسير .. • نشبة : شموس سوّت تيلفون؟ (ويصيح التيلفون ) • ميثاء : بسم الله يالساحرة !! يالساحرة !! • نشبة : اذكري الله ميثووه عن اتعجيني !! • ميثاء ترد : مرحبا .. • الجود : سلامن عليج خويتيه .. • ميثاء : عليج السلام والرحمة .. • الجود : وياج خويتج الجود بنت سعيد .. • ميثاء : مرحبا .. مرحبا الساع .. • الجود : مرحبا بخويتيه .. ياختيه امسات حرقنا تلفونكم ومحد يرد .. • ميثاء : هيييه يا امايا سامحينا كنا فبيت غريبة .. انتي شحالج وشحال البنات ؟ • الجود : بخير ربي يعافيج .. عاد نحن قلنا بني اليوم .. وبنخطب بنتكم .. الهند حق رويشد ولد ولديّة ..ويوم رمسنا ابوها قال تعالوا دبي ... • ميثاء انصدمت : سامحينا موول ما ندري يا خويتيه .. هذا ملعون الصير فضول !! انتي بغيتي منو من البنات؟ • الجود : هند .. هند .. • ميثاء استانست : حياكم الله أي وقت يا غناتي .. (وردت بها الحاسية ) جيه انتوا قلتوا لأبوها؟ • الجود : بسم الله عليج شكلج مغفية .. امايا قاللنا ابوها تعالوا دبي • ..ميثاء : اشوووه؟ جيه؟ خويتيه بسويلج خلاف وبرد عليج الخبر .. • الجود : على خير ان شاء الله .. سلمي سلمي (وبندت عنها ( • ميثاء : واعثرتي عثراااه .. • شما : خير؟ خير؟ • ميثاء : الله يستر من فضول لا بركتن فيه ولا في اللي يابه .. • شما : جيه شو مستوي • ميثاء : جان ما إييّوز هنود !! (ويصيح التيلفون ) شموه !! طرشي زهور تزجر غروب دهديه !! (وترد ) مرحبا .. • ام مانع : مرحبا الساع .. علومج ميثوه؟ • ميثاء : تسّرج علومي يا غناتي .. انتي علومج؟ • ام مانع : بخير والله .. ميثوه؟ ابا اكلمج فسالفة لكن مخيّلة منج (=مستحية منج ) • ميثاء : افا يا عويش من خويتج؟ • ام مانع : ترا والله متلوّمة منج .. • ميثاء : خير؟ • ام مانع : مانع يبا يخطب هنيد .. (ميثاء حطت ايدها على راسها ) • ميثاء : وابوييه .. وابوويييه .. • ام مانع : ادري والله .. أدري وانا اعرف ردكم .. بس ماباج تكدرين عمرج .. • ميثاء فوّلت : احينه يبا هنود؟ جان قلتي له من زمان جدامك .. توّك تباها؟ وبعد على عصمتك عديلة !! اتهبي !! • ام مانع : انزين ميثوه .. امسحيها فويهي ..ورمسي البنية واذا قالت لا .. عمرنا ما بنطريها السالفة .. عشان ما نعيش الندم .. • ميثاء : على خير ان شاء الله .. • ام مانع : تراه فضّول زاجرنه بيكلمه .. • ميثاء : متى ها؟ • ام مانع: هاا امسات .. • ميثاء : والخيبة اتخيبه من أبو .. (وبعد ما بندت عن ام مانع ..) • غريبة : سلامن عليكن .. • ميثاء : لحقي يا غروب .. لحقي على ريلج الهيس !! بيسوي فلم هندي ببنتج !! • غريبة منصدمة : بلاه؟ • ميثاء: اليوم متصلة الجود .. الحرمة .. راعية بوظبي بتخطب هنود لراشد .. • غريبة ابتسمت : يالله هاي الساعة المباركة .. • ميثاء : لا وبشيرج .. متصلة ام مانع اتخطب هنود لمانع بعد .. • نشبة مبججة عيونها : والخيبة !!! مب حظ عليها هالبنية .. على ايامنا ما استوا جذيه .. • غريبة : وابوييه .. إشوووه هذا !! • ميثاء : قومي نشي وعّي ميود !! خلينا نتلاحق عليهم .. فضّول بييّمع مانع وراشد .. • غريبة : أخييييج يا فضيحتنا !! (وخلّت راشد الصغير عند فطيم .. وربعت البيت ) قم !! قم بوطبر قم !! • مايد : شو يا امايا .. والله اني ياي الصبح .. • غريبة : قم يا ريال البيت .. ابوك بيفضحنا جدام العرب !! (وخبّرته بالسالفة .. وسار اتسبح واتلبس .. وسارت وياهم ميثاء .. يعني غريبة وميثاء ومايد بس .. اما عند مي وهنود ) • مي: خلاص خلصتي؟ (هنود اتعدل شيلتها وتهز راسها بالايجاب ) • هنود فخاطرها: يالله تستر .. يالله ما تكون امها مستجلبة !! (وهن نازلات .. يسمعن تيلفزيون .. طارين علية ..) • .............: يمه قرصتني عقربة .. (ويسمعن دبيج ) • مي: السلام عليكم .. (ويوم صدن يمين انه وحدة قصيرة متصابية ومترصصة بالبنطلون .. وقابضتنها رقص ..وهن منصدمات ) السلام عليكم.. زينة صدت وسارت لهم مسرعة : هالو !! هالو !!هالو يا عيوني .. (ومي تنتفض ) هلا ببنيتي .. (وزينة تصيح وعلى طول حضنت هنود ) • هنود فخاطرها : مب انا والله !! مب انا .. • زينة : انا ما كنت ادري انه بنتي جميلة جذيه .. آآآه ويلي عليج .. • مي : شو ها.؟ (وكانت حرمة قصيرة وما فيها وايد حلاة .. عمرها 45 سنة بس تبيّن اصغر متمكيجة ..شعرها اسود وفيه خصل شقر ..وضعيفة بس ويهها منتفخ .. ) انا بنتج هب هي !!! • زينة منصدمة : شنو؟ (وترد تحضن مي ) سامحيني يا بنيتي .. شمدريني .. ههههه • هنود فخاطرها : اتخبلت الحرمة .. (ويلسوا يتريجون ومي اتطالع امها وهذيجي اترمسها بس كانت مي تتأملها .. ) • مي فخاطرها : هاكيه امي العراقية .. هاكيه .. جدام عيني ما ينلامون العرب يوم كانوا يعلقون علية !! كانوا يعرفون انها رقاصة فمرقص .. (ودموعها يغرغرن ) • زينة : آآه ويلي شفيج يا نظر امج؟ • مي : انا ما روم .. ابا ارد ليوا .. • زينة : شنو؟ انتي شنو تقولين؟ ما بيج اتحجين .. انتوا جايين هنانه وبتمون هنانه .. هذا بيتكم .. • مي معصبة : بيت ما ربيت فيه؟ بيت الرقاصة اللي يابتني؟ بيت تيب رياييل؟ بيت تشرب غراش الخمر؟ • زينة : انا يا مي ؟ اتحجين عن امج كذيه؟ • مي: انتي ام في الجواز (وقامت هنود تتمسل وسارت الحجرة ) لكن اللي ربتني وعدتني من بناتها اميه غريبة تفهمين؟ • زينة تصيح : بس انا يا بنيتي ..ابوج اللي خذاج عني .. انا ما كنت رايدة هالشي .. • مي : رايدة ولا هب رايدة !! من يوم انا ياهل يعايروني ببنت العراقية ما كنت افتهم .. وكبر ويايه هالشي .. لدرجة كرهت بلادج .. بس احينه خلهم يقولون ويشبعون بعد .. انا امي اماراتية وابويه بعد ..في وايد ناس من العراق نفسهم عزيزة لكن انتي؟ انتي من حثالة المجتمع !! • زينة : ياعيوني .. انتي ما تعرفي حالة بلادنا كيف .. • مي: لو فيها دمار شامل .. انا اقولج اتمنى اتكون اميه عراقية ويالسة في بلادها .. مب ياية تعرض نفسها في المراقص !! (وروحت الحجرة وهي مفوّلة ) ( اما في مستشفى الامل ) • شمايل : يالله يا اميه .. هذا المستشفى وايد عود ...وايد عرب فيه .. حتى رياييل .. اخاف .. (واندست في ذراع امها) • شمسة : اذكري الله ..اانا حاطتلج في الشنطة مصحف .. • الممرضة : نحن هني بنستلمها .. • شمسة : أي شي سوولي تيلفون .. • الممرضة : ان شاء الله .. (وتوّها الممرضة بتكمل كلامها .. ما حسّت الا بشمايل حاضنة شمسة .. ويوم روحت ) هناء ...حبيبتي .. (وشمايل تصد يمين ويسار مستغربة وينها هنوه ..وعقب اتذكرت انه امها حاطتنها باسم هناء ) اعتبريني ربيعتج وناديني متى تريدين .. (وطاف جدامهم واحد زين ما جلّع جتف شمايل .. وقامت تتنافض ويلست عالارض ) • الممرضة : هوووه !! هووووه!!! هزاع على وين العزم؟ • هزاع : بسير اسوي مكالمة .. • الممرضة : خلص الوقت .. • هزاع : ماشاء الله عضوة يديدة!! مخدرات ولا خبال؟ • الممرضة : هناء لحظة بروح انادي الممرض المناوب عشان يوّديه .. • هزاع : ليش هذا كله؟ قبل لازم اتصل .. • الممرضة : طوف جدامي .. اتحمل اتقرب منها لأنها حالتها حالة اغتصاب .. (وهو يمشي على جدام وصاد وراء يطالعها اللي كان ما يبيّن شي غير ويهها بس اتنافض ) • شمايل فخاطرها : ربي سترك !! ربي سترك .. هذيلا اللي فيهم اعواق الدنيا كلها ميوبين هنه؟ الله يستر يمكن يعفدون علية !! انا ادريبهم هذيلا ما يشوفون شي جدامهم ولا يحسّون بالذنب !! (ويفلت هزاع عمره من الممرضة ويركض صوب شمايل وهي اتطالعه ودموعها نزلن وقلبها يخفق من الزياغ ... ومن وصل عندها نزل على ركبته ومسكها من جتوفها ...وهي داسة راسها على ركبتها) |
(الجزء 42) • هزاع : اعتبريني اخوج .. يوم محد بيسمعج .. انا اللي بسمعج يا شمايل .. انا دوم اكون في الحديقة العصر على الساعة 5 اترياج .. • الممرضة : هزاع !! مب كأنك زوّدتها؟ شكلها اقامتك بتطوّل !! (وروّح وياها .. وهي تمت مبهّتة و منصدمة ومن رفعت راسها ) • شمايل فخاطرها : كيف عرف اني شمايل؟ هذا جذاب !! اكيد من ربع هاييلا !! (وودوها حجرتها .. كانت عبارة عن سريرين ومطلة عالحديقة وفيها سور يعني من سابع المستحيلات الشردة من هالمكان .. يعني اللي مسّواي حق شمايل كنها يالسة في فندق 5 نجوم .. وطاحت عالشبرية .. ) • شمايل : احينه انا وانته بنتجابل وايد .. آآخ يا ولدي .. مادري كيف بتعامل وياك .. اخافني اقصّر فحقك .. (ودخلت الممرضة ) • الممرضة : لا تخافين بس بنسوي تحاليل !! • شمايل : لا !! مابا تحاليل !! • الممرضة : لازم حبيبتي .. عشان الدكتور النفسي يوم بيعطيج الدوا .. ما يكون له آثار يمكن عندج حساسية من شي معين .. • شمايل داست على كرامتها : ان شاء الله .. • الممرضة : شكرا .. معظم اللي إيونا المستشفى ما يتجاوبون بس انتي ما شاء الله عليج .. • شمايل فخاطرها : يالله تستر علية !ولا الفضيحة .. يالله ما تكتشف اني حامل .. بس لازم كرامتي فوق كل شي ولا ميود الهرم ...آآآخ كيف حبه لبسني ... (اما عند عيسى ) • حسن : عواس؟ قوم . قوم ... • عيسى : هممم .. والله ما شبعت والله .. • حسن : فوّتت حصة الرياضة .. احينه بتيك الممرضة .. • عيسى بطل عينه : يالله !! فاتتني صلاة الفير .. (وقام مال بسرعة بسرعة وتوضأ وصلّى وبعد الصلاة سار يتسبح ويوم طلع ) تعال ما خبرتك حسون ... (وهم يتريقون ) هاكي اليوم سرت بعطي الممرضة بيزات على فزعتها ما رضت .. ممرضات اخر زمن .. ناس يتمنون وهي خجاجة .. ما رضت !! • حسن ميت من الضحك :انته اتعرف منو هاي؟ • عيسى يرد شعره على ورا : ملكة جمال امريكا ؟ • حسن : ياريت !! هذي بنت واحد مرشح مال الانتخابات .. سيناتور سيناتور !! يعني مليارديرية !! • عيسى : والخيبة هههههههههههههههه عشان جيه ما بغت البيزات مب من مستواها .. • حسن : عيل شو اتحرى ؟ • عيسى : بس حليلها خيّرة .. • حسن : الا تحبك !! • عيسى منصدم : اتحبني؟ • حسن : اتعرف انه يوم كنت فحالة الادمان مول ما هدتك .. كانت ليلها بنهارها موجودة .. • عيسى : حليلها غمضتني .. بيض الله ويهها .. صدق انها نشمية .. • حسن : هههههههههههههههاااااااااااااي عاش نمر بن عدوان !! انزين عواس كم بتعطيني؟ • عيسى : اللي في البوك .. خير؟ • حسن : هههههههه ماباه بوكك !! انا اليوم بسافر بالسلامة .. خخخخخ • عيسى : يابوك سامحني عجيتك فنشبة ويايه ... • حسن يضحك: احيدها اميه نشبة في ليوا ... • عيسى : ههههههههههههههااااااااااي وأبشرك بتسير تسوي هوية .. (وحسن ميت من الضحك) • حسن : بسألك شو استوا في الحادث؟ • عيسى : يعني هذا وقته؟ • حسن : انته من يبناك لين حزتها ما طعت ترمس .. • عيسى : شو اخبرك؟ اخبرك اني انجتلت من الضرب .. بس الحمدلله .. الحمدلله والشكر انه الله نجّاني .. يعني لو واحد مكاني جان مات .. بس بعد الضرب اللي حصلته .. مول ما انسى هالباكستاني اللوث !! اللي خبر علية !! وما حسيت الا شالني وعاجيني في الدبة .. ولا الحقيرة ميووه !! نزلت راسي .. (وعيونه احمرن ..) وودوني مكان ما اذكر وين .. الله يغربله .. وهدّاني هناكي في السيح .. ويوم وصلت عند الرصيف وانا ميت وداير راسي .. كنت حاس بالدوار .. رقدت عالشارع لأنه بعدها شفت واحد هندي يرمسني وهو زايغ .. وشلاني ودليته بيتك ..ما رمت اخليه يردني البيت عن يستوي شي بأميه وخواتي .. • حسن يبا يغير السالفة: عواس ...؟ • عيسى : خير؟ • حسن : ابا اخطب وحدة من اهلك .. • عيسى مبتسم : هذي الساعة المباركة.. منو بغيت؟ انته آمر .. • حسن : ما يامر عليك عدو .. • عيسى : الهند؟ • حسن : لالالا تبا تستوي المشاكل بيني وبين منوع .. مع احترامي ما اقدر .. • عيسى : مي؟ بس مي اكبر عنك .. • حسن : لالالالا الا مي !! • عيسى : جيه بلاها مي؟ (واتذكر الكلام اللي انقال في التيلفون ) غير عن مي .. المشكلة شمايل حق ميود .. ولا جان يوّزتك الحليوة .. شو رايك ب فطوم؟ • حسن مبجج عيونه : فطوم؟ ايييه عواس؟ اتخبلت؟ • عيسى : ليش اتخبل هاه؟ البنية ما تباني ولا اتطيقني بعيشة الله .. • حسن : انزين انا ماروم آخذها .. منو بعد؟ في حدباجي؟ • عيسى : همممم هيه هنوه ؟؟ ههههههههههههه هذي البنية شيطانة .. بس حليلها طيبة .. • حسن : عيل من اتخلص من الدورة والدراسة .. شو رايك اترمس اهلها؟ • عيسى : على خير ان شاء الله .. وبعد بتكون مخلصة الثانوية .. • حسن : تشبه منو؟ • عيسى : تشبهني هههههههههههههههه وابويه عليك من احينه مستعيل؟ • حسن : انزين طيارتي عالساعة 1 في الليل وانته شكلك تتمايط .. يعني الدكتور وقّع على ورقة الخروج وانته شكلك عايبتنك بنت السيناتور .. • عيسى : انا ما ااتدش راسي الا قهوة البلاد .. • حسن : هااه؟ ثرك ما تحب الكوفي الغسالة .؟ • عيسى : لا لله احب القهوة العربية راعية الهيل والزعفران .. • حسن شاف تيلفون عالارض وشلاه : يا مستهتر !! الشيخ يعطيك موبايله جذيه اتسوي؟ • عيسى : هههههههههه مب قصدي والله اتعرف كنت حلمان اني اكلم فطيم .. • حسن : عشقك لها ماله حدود .. • عيسى : قول عشقي لها وقّف يوم استوالي الحادث .. (وطلع من المستشفى وحط اغراضه ف شقة حسن وساروا يتمشون .. اما في دبي ..) • مايد : والله يا امايا دار راسي ويوعان .. • غريبة : ودنا مكان خلنا ناكل .. • ميثاء : ودنا مكان نتيّدد بيأذن العصر .. • مايد : خلونا انرد البلاد .. ابويه ترا والله ما يرد متقصد انه ما يرد .. ونحن اندوّر في المنطقة ومحد يعرفهم .. • ميثاء : الا نحصلهم !! (ووداهم ياكلون لهم شي ) • غريبة : تصدقين يا اميه؟ يت في راسي فكرة .. • ميثاء : خير؟ • غريبة : فضول طول عمره ما يستحمل هندوه !! مول ما يقهرها .. لو انا قلت له انا ياية آخذها بيناحس وما بيرضى !! شو رايج يا ميه اذا سألنا ليش يايين .. بنقوله عشان ناخذ راي البنية وانروّح وهو اعطيج ضمان من يحيدنا ظاهرين بيقول شليها وياج ماروم لها .. • ميثاء : هي والله صدقتي طول عمره ما يدانيها مع انها من لحمه ودمه .. (اما بعد أذان المغرب .. كان راشد ويا عمه علي وعواد .. ووصلوا عند بيت فاضل وكانوا في الميلس ) • عواد يصاصر راشد : يقول الشاعر .. (واحمر ويه راشد ) • راشد : انطب مب وقته !! • عواد : يالله كل هذا حق العروس؟ والسيوفي يصل من اذنيك لو شمته اخافها اتدوّخ.. ثرك متعبن حالها يا رويشد !! هههههههههه • راشد يدفره بكوعه : بتسكت ولا هههههه • علي: والله يا بوعيسى .. نحن يايين انخطب بنتك هند ل راشد ولد اخويه .. • فاضل: والله زارتنا البركة يا بوحمدان .. (وحد يدق الباب .. فاضل سار يبطل الباب ..) • مانع: السلام عليكم .. (وكلهم ردوا السلام .. ويلّم عليهم ) • عواد يصاصر راشد : هذا اخوها؟ • راشد : شكله مايد اخوها .. (وكان مانع منصدم .. منو هذيلا ..) • علي: وبغينا انعرف رايك .. (اما عند الدكان ) • مايد : بابا؟ في بيت جديد مال ماما زينة مال دانس ؟ • الهندي : انته شنو يقول؟ • مايد: في عرف بيت مال مامازينة؟ • الهندي :إيييه .. هذوه !! (وكان مجابل الدكان ) • مايد : والخيبة هب بيت .. قصر !! (ومن وصلوا .. بطلت ميثاء الباب ) • زينة : هوووه هوووه من تريدين؟ • ميثاء: جاب يالله جاب ..إلتعني مكانج وان اتحركتي يا ويلج وسواد ليلج ... (وتصارخ ) ميووه؟ يا هندوه ؟ (ومي طالعة من المطبخ ) • مي : امايا !! • غريبة : واااايه فديت يومج يا غناتي ... (وتحضنها ) لا خليت من هالويه . • .ميثاء بججت عيونها : سمعيني يالرقاصة !! أي وحدة حجرة هنود؟ • زينة : م م م م م • ميثاء تزاعج : رمسي لا بركتن فيج !! • زينة : مدري (وزايغة ) • مي : اول حجرة عاليسار .. (وتسير ميثاء فوق وهي مفوّلة وكانت توقعاتها انه هنود بترضخ وتبا مانع .. وبطلت الباب فجأة وزاغت هنود ) • هنود فخاطرها: بسم الله الرحمن الرحيم !! • ميثاء : هندوه ؟ تبين تاخذين منوع ولا رشود؟ (وهذيجي تهز راسها مب عارفة شو السالفة ) • هنود فخاطرها : شو قصدها؟ • ميثاء : يالله دهديه قولي !! مانع ولا راشد ؟ .. ولا اقولج؟ قومي ... قومي يالله !! لبسي وجايتج !! • هنود فخاطرها : امييييه بلاها يدوه زيغتني !! (وميثاء ساحبة هنود لين تحت ) • غريبة : وااايه هنود !!! • هنود فخاطرها : امييييه !! (وعيونها كله دموع ..) • ميثاء : إييييه الهزازة وين الميلس؟ (واتأشر زينة ) • مي : شو مستوي اميه؟ (ويسيرون الميلس ويدقون الباب ويفتح فاضل ) • فاضل : شو تسوين هنه؟ (ميثاء تدفره بعيد ) • ميثاء : قوم عني يالنيس .. سلامن عليكم يا عرب زايد سامحوني قاطعتكم .. (وهنود منخشة ورا ميثاء ونازلة لين مستوى جتفها وكلهم وقفوا وردوا السلام بس مستغربين .. ) بس انا يدة هند ومابغي اغشكم مثلما سوا ابوها .. قصده يايبنكم هنه يبا يشوف منو الدفّيع اكثر .. • فاضل احمر ويهه : عيب يا ميثوه !! • ميثاء : انته اتعرف العيب ؟ هاه؟ مسّود الويه !! • راشد فخاطره : يغشنا؟ • ميثاء : تراه هو يحاتي البيزة .. وانتوا يايين اتخطبون صح يا راشد .. ويا مانع؟ (صدوا الشباب على بعض وهنود بعد ) • هنود فخاطرها : وابويييه شو اللي صاير !! منوع ورشود؟؟ • ميثاء : هذي البنت جدامكم (وصدت ورا ) اشوفك ما رمست يا فضول؟ • فاضل : تجذبين جدام العرب؟ (وهنود اتمسّل ايدها تبا تشرد ) • ميثاء تهزبها : تمي مكانج ولا اتحركين ..بس ابا اراويكم .. منو اللي يجذب ومنو اللي صادق .. (وتسحب هنود جدام عشان تي حذالها وهذيجي منزلة راسها) طوفي جدامي الحينه .. كلهم شهود .. منو بغيتي؟ مانع ولا راشد؟ • علي: جانه غصب ما نريد يا اختيه .. • ميثاء : هب غصب بس خله تختار عشان ما تقول ظلمناها او غصبناها .. وعشان ما يظلمها ابوها !! • مانع فخاطره : اكيد تباني .. الله يستر ما تسوي حركة خساس وتاخذ رشود .. • راشد يطالعها وفخاطره : ليتني ما حطيتج فهالموقف ولا شفت دمعتج • ميثاء : ترا جدامكم البنت تراها ما تتكلم .. منو بغيتي؟ (وردت تبا تشرد وكانت تصيح ومغطية ويهها ومستحية .. يالله يا فضيحتها ) • هنود فخاطرها : ماباه يطالعني وانا اصيح !! • ميثاء بحزم : ردي اقولج !! (وكانن ورا الباب يتسمعن غريبة ومي ) يالله اشوف أشري !! (واتدزها على جدام وكانت تتنافض وهم على اعصابهم ومنصدمين من اللي صاير .. ورفعت ايدها وأشّرت عليه واحمر ويهها زيادة وسيده على طول وقفت ورا ميثاء) |
(الجزء 43) • عواد وراشد يطالعون بعض : ههههههههههههههاااااااااااااااااااااااي .. (لأنه هنود أشّرت على العم علي .. اللي كان منصدم وضحك .. وكانت تبا تسويلهم جو ولا هالجو المشحون ) • علي: انا؟ ههههههههههههههههههههههههه • ميثاء : حسبي الله عليج !! فضحتينا !! غربلج الله ... (وهنود تضحك عالهزاز .. ومانع ملامحه جدية ) • علي: خالوه تفضلي يلسي ولا تحرقين اعصابج .. ترا بنتج سوّت لنا جو لأنه شوي مشحون .. اتفضلي اتفضلي .. (ويلست مجابلتنهم وحذالها هند اللي كانت على ريولها وفخاطرها ترفعهم واتطالع حبيب القلب رشود ..) • ميثاء : زاد فضلك يابويه .. سامحنا والله بس هذي ذمة .. (واتطالع فاضل اللي منصدم اللي لا يهش ولا ينش .. وخصوصا جدام ميثاء ) البنية حرام يتسوى فيها هالشي .. وانا ماباها تنظلم على إيد ابوها وخصوصا انه البيزة حارقتنه .. (وحزتها احمر ويه فضّول .. وهنود متيّودة فإيد ميثاء .. وميثاء اتحاول تفلت إيد هنود عشان تتكلم على راحتها ) • هنود فخاطرها : يالله .. سبحان الله .. احينه مانع يركض ورايه؟ بعد كل المشاكل؟ لا وراشد اللي سبيته هاكي اليوم وظلمته .. راشد ...آآآخ منك .. • ميثاء صدت صوبها : بس يا هنود .. هديني خليني اتكلم .. الله يهديج .. (وراشد يبتسم وفيه ضحكة .. وعواد حليله ضحك بس عالهزاز .. وهي تتكلم ) • مانع فخاطره : سبحان اللي خلقج يا ام عيون رصاصية .. والله لو يطلبون مهرج اللي يبونه يفداج .. • ميثاء : شو رايج يا هنيد؟ منو بغيتي؟ (و يت اللحظة الحاسمة واتأشر عليه ) • هنود فخاطرها : ابا راشد .. اباه .. كيف ماباه وانا عاشقتنه .. (وطلعت وهي منحرجة ..) • راشد فخاطره : واااااااااااااااايه يعلني افدااااج وافدا هالصبع اللي أشر علية !!! • عواد : بالبركة .. بالبركة يا راشد .. (مانع قام من مكانه وهو مفوّل الا منصدم وطلع .. ) • مانع: انا؟ انا ترفضني ؟ لويش؟ كله عشان ما خذتها؟ وخذت ربيعتها؟ يعلج ما تتهنين مثل ما حطمتي قلبي يا هنود !! (وعلي يسلم على فاضل وحتى الشباب ..) • ميثاء : عاد شرطنا .. • علي: اللي تريدونه نحن حاضرين .. • ميثاء اتطالع فاضل : نبا اغلى مهر .. (وفاضل سيده ابتسم ) وهو انكم تدفعون للمليج 50 درهم وعن الملجة ويقرا آية الكرسي .. وهذا هو المهر .. وان طلب ابوها شي ثاني تراني بلغي الزواج ..وأسويها يا فضّول .. (فضول منصدم ويلس مكانه ) • راشد ميت من الفرحة : جان تبين خالوه بقرا لج الآية الحينه جان بغيتي تراني حافظنها ... • ميثاء تضحك : حسبي الله على منكرك مستعيل عالملجة؟ ههههههههههه شو رايك يابويه؟ • علي: هذا العرس العدل .. والزهبة علينا .. متى تبونا نملج؟ • ميثاء : انتوا متى تبون؟ • علي: الاسبوع الياي .. (وراشد ينغز علي ) • راشد : خله عقب يومين ... (وعلي متعجب منه ) • ميثاء : على خير ان شاء الله .. عاد يا راشد لا تقول من نملج ملجة الرياييل بشوفها وبتم وياها.. خمس دقايق وبتطلع تسمعني؟ يوم عزيمة الحريم بتشوفها .. (وانقطعت آمال راشد اللي كان متحمس ) • عواد: يقولكم الشاعر .. • ميثاء : شو يقول يابويه؟ • عواد: يقولكم بالبركة عليكم ويعله مبارك وسعيد ..اوووب قصدي راشد.. • ميثاء : علينا وعليك يابويه عقبال ما نشوفك معرس • عواد :هههههههههه خالتيّه انا معرس وتحتي ذرذور عيال هههههههههه • علي: على بركة الله.. (ويسمعون داخل ) • غريبة : كللللويييييييييييييييييييييييييييييييييييش ..وااايه بالبركة .. (وتحضن هنود ) يالله يا فرحتي اليوم.. • مي : بالبركة يا عيوني .. (واتسلم عليهم ) • هنود فخاطرها : الله يبارك فيكم ..اخجلتوني .. يالله يا رشود انته من نصيبي يا عيوني ..ههههه • غريبة : يعلج يا ميوه يا بنتي يا خبز إيدي بريل شيخ او تاجر .. • مي تضحك : فديتج يا امايا .. • غريبة : تصدقين يا ميوه انه ميود متوله عليج؟ (مي تضحك ) • مي : آنيي؟ من متى يا حظي؟ • غريبة : والله .. يقول قبل اشوفها وألعوزهاوتيلس تصارخ .. وأحينه البيت مب شي بدونها .. • مي : وااايه فديته .. (ويتها الصيحة ) وينه هو؟ • غريبة : في الموتر .. ما طاع ينزل .. (وتركض برع .. وتبطل الباب ..) • مي : ميود !! (وتحضنه وهو منصدم ) تولهت عليك يا بوطبر !! (وتضربه على راسه ) • مايد : هههههههه آآي انتي ام طبر طالعه على اخوج .. متى بتردين؟ • مي : اممممممممممم يوم بيبيض الديج .. • مايد : وبعده ما باض ؟ • مي : اصلا محد متوله عليّة ليش ارد.؟ • مايد : ميووه جاب يالله جاب هذا كله .. ومحد متوله عليج يالبطرانة؟ وباجر بنخبركم اذا سارت شمايل عالموعد ولا لأ.. هل بتلتقي ميود او هزاع .. |
(الجزء 44) • ميثاء : انزين عيل بنترخص .. واسمعني عدل يا فضول .. جان تباني أستر على فعايلك جدام الهزازة .. اتتمم عرس بنتك على خير .. وزهاب البنت علية لا تخاف عالبيزة .. (وزينة توايج من المطبخ ..) • فاضل: وليش بخاف عالبيزة دامني بايع البنية وبفتك منها.. • ميثاء اشتطت : غروب !! يالله طوفي .. • مي: على وين؟ (وهنود متعلقة فأمها ) • غريبة بحزم : تموا عند ابوكم .. (وفاضل منصدم ) • فاضل : اكملت !! وانتي ما تبين تربينهن؟ • غريبة : شعلية انا؟ بناتك انته أولابهن !! تراك انته اللي خذتهن.. (وغريبة تصاصر هنود ) لعوزيه هو وحرمته صدقيني بيّردكم عندنا .. (وهنود منصدمة من كلام امها ) • مي : اميه ما تبينا؟ • غريبة : اباكم .. بس يوم بتكرون لي خشم ابوكم .. تذكرين يا مي؟ تتذكر يا فضّول؟ (فاضل صد الجهة الثانية ) • فاضل : يالله اتوكلوا بدون مطرود .. • ميثاء : لا تخاف الاسبوع الياي بني .. اووووووووووه .. قصدي بنطرش لكم البيزات ويا ميود عشان تجهزونها .. ياله غروب .. (وروحن بس كانن في الموتر منكسرات .. لأنهن اتوقعن انه فاضل بيمشي البنات وياهم ..) • غريبة : امايا شفتي ويه ميووه ؟ والله انها غمضتني ... • ميثاء : الله يستر من الهزازة وملاعيبها .. • غريبة : وابوييه ... اخاف اتسوي شي فبناتي .. • ميثاء : اذكري الله .. انتي ما حفّظتي هندوه؟ اكيد بتنفذه دامنه السالفة فيها شطانة !! يا امايا ما شفتيها اليوم فشلتنا جدام العرب .. • غريبة : جيه شو سوّت؟ • ميثاء : انا اقول لها أشري منو بغيتي .. والهرمة أشرت على عمه !! • مايد : هههههههههههاااااااااااااااي .. مسوّدة الويه !! • غريبة : هههههه حسبي الله على منكرها من بنت !! • مايد : امايا .. • غريبة : ها يابويه .. • مايد : سوي حق خالوه شموس .. • ميثاء تنهد عليه : سوّد ويه ابوك يالهرم !! (وتضربه على راسه ) بوطبر تبا تاخذ شملوه عشان بيزاتها !! هذا اللي ربيناك عليه ؟ • مايد : انا؟ امايا انا اللي قلته حق ابويه بس كلام عشان يسكت .. ولا انا رايد شمايل .. • ميثاء : جذوب اسميك انك جذوب . • مايد : ب شو احلف لج يا امايا .. • غريبة : لا تحلف ولا شي .. تبا البنية؟ إلحقها ودوّرها نحن ما يخصنا .. • مايد يتوّعد : صدقوني ان حصلتها باخذها غصب (ن) عن الكل .. • ميثاء : بوطبر !! لا تهمل شغلك !! بيفنشونك !! ومحد بيّدور لك .. • مايد: يلتعن الشغل .. اهم شي غناتي ما تبتعد عن نظري .. كانت تدوم جدامي حتى لو أهزبها بس اهم شي اني كنت اشوفها دوم .. حتى يوم كانت تركب ع الدري وتعفد من بيتهم لبيتكم يا امايا .. نظري موول ما يخوز عنها .. (اما عند هزاع ) • هزاع : ليش ما يت؟ حليلها ما اتوقعت انه اخت هنوه يفرونها في النفسية .. الله يعينها ويصبرها .. لازم هنوه اتكون بدالها مسوّدة الويه .. انا لازم أساعدها .. (وشمسة من وصلت ليوا سيده سارت بيتها ودخلت حجرتها تصيح حتى ما سألت عن هناء .. اول شي دوم بناتها جدام عينها .. كيف بتتعود على فراق شمايل اللي مالية البيت كانت بضحكتها وحتى هدوءها .. اما عند فاضل وزينة في الحجرة ) • زينة : حسبي الله عليها من عيوز مخرفة !! تطلب مهر انه يقرون آية ؟ لا صارت ولا استوت !! لعنبوا شنو هذا العقل !! لا وانا سامعة انه عريس مريّش وعنده بدال المليون ملاييين .. • فاضل : الله ياخذها من عيوز محيصنة !! غصصت بي .. قهرتني !! لكن انا براويها خله الملجة اتعدي وانا ببهدل فبنتها اللي رافعة راسها بها .. دوم هنود وهنود ولا جنه عندهم بنت ثانية .. • زينة : واعلية عليج يا بنيتي اكيد مشغلينج خدامة عندهم .. • فاضل : ما شفتيهم كيف يحتقرونها ويسبونها كل يوم وخصوصا غرّوب .. ومانعتنها من الشغل وحتى الظهرة .. حتى الثياب اتلبسها ثياب هنود المستعملة .. • زينة : آآآويلي .. آآآويلي عليج يا بنيتي .. وانته ساكت ما تقول شي؟ • فاضل : انا تراني ما رمت عليها ويوم طفح الكيل تراني طلقتها وسحبت هندوه بس عشان اكسر قلبها التعبان هذا !! • زينة: اشوف فيج يوم اسود يا غرّوب .. يعلج ما تتهنين فحياتج كلها .. • فاضل : زينة ما خبرتيني سرتي المحطة تسالين عن اوراق ميوه؟ • زينة: إيييه رحت قبل ما تجون .. والصراحة ما كانوا موافقين لأنها ما فيها مقاييس جمال .. • فاضل : وبعدين.؟ • زينة: الواسطة ما تقول لأ !! ههههههههه كلمت واحد يشتغل في المحطة ... بس على امل انها تستغني عن العباة والشيلة.. أصلا شنو هالعبايا .. انا ما ألبس أخلي بنتي تلبس؟ • فاضل : إييييه زينة !! مجتمعنا ما يرضى .. عيب اصلا .. • زينة : والله انته ومجتمعك طقوا روسكم .. انا هذي بنتي انتوا شكوا؟ • فاضل : يصير خير ..اللي تبينه بيصير .. بس هنود مالج خص فيها .. ما فينا انا روحي ابا الفكة منها ما فية اتطيح فجبدي ويشرد عنها المعرس .. • زينة: باجر راح نروح السوق نشتري اغراض الملجة .. وبنسوي تغيير لوك حق بنيتي وبنتك لوجه الله عشان ما يقولون زينة النسرة ما سوّت شي وما فيها خير يا عيوني .. • فاضل : انتي اصلا الخير كله .. انزين ما خبرتيني متى بتحولين لي البيزات عشان امشي عمري في المشروع .؟؟ • زينة : آآني راح افكر وأرد عليك .. انته اتعرف انها فلوس مش لعبة يا عيون زينة .. (حزتها سكت وميت من الغصة لأنه الغصة يته من صوبين زينة وميثاء خخخخخخ دواه ..وعند البنات ) • مي : حظج يا عيوني .. لا وبعد يايينج اثنينه .. عمري ما شفت خطبة جذيه .. • هنود تكتب : عقبالج يالسبالة .. • مي : على قولة ماماتي ب شيخ او تاجر .. • هنود تكتب : تحلمين انتي واميه ...وااااااااااااااااااايد !! (مي تضربها على راسها ) • مي : جاب جاب عيل شو ناقصني آني؟ • هنود تكتب : شوية طول !! شوية توسيع لعينج .. شوية تصغير لبراطمج.. شوية تقصير لسانج .. ويقصرون بعد على حسّج يوم تصارخين .. (وتضحك هنود ) • مي : جليلة الحيا !! اصلا اتمنين تستوين مثلي يالقمة !! • هنود تكتب : خلّج انتي يا اخت القمة .. قصدي يا راعية اليولة .. (طاحت هنود وحطت الموسدة على ويهها اتغطي مستحاها .. من غير تخفي ويهها البشوش ..) • هنود فخاطرها : آآآخ .. ويل حالي عليك .. معقولة احبك؟ معقولة اباك؟ معقولة ضحكتك عذاب؟ انا غبية بعد !! لو رفعت نظري شوية شو بيستوي يعني؟ محد بيلاحظ!! اصلا لو رفعت نظري جان اميه ميثاء جدّت عيني بصبعها .. خخخخ .. أوووف .. أويييه منو كان اللي ويا رشودي؟يمكن حمد او فهد .. او راشد .. او عواد فديته !! هههههههه رشودي بيغار !! (وتحمست اكثر ) ياربي اتخبلت !! هههههههه وحليلها الجود ملّقطة الجمال من صوب ابوها .. وطلع العم علي صدق ما فيه حيلة جنه واحد من الشباب .. لا خليت منه .. ومنوع !! دواه يستاهل الهرم .. انا اللي احترق قلبي وخلاني اصيح صياح عليه .. وذلّني لا وفي الكوشة يقولي مشكورة !! خله الشكر ينفعك انته وحرمتك النسرة .. والله مصخرة !! معرس ويباني بعد !! خلاص فات الفوت !! رشودي متربع فقلبي الحينه ومحد بيروم يشله من قلبي .. ياخي ليش احس انه مرات فمواقف يكون بارد ومرات يعصب ويشتط .. ومعقولة بعد ما ماتت اللي كان بياخذها يفكر يعرس ..؟ طبعا يحق له من غير انا شو ناقصني؟ لو يدوّر ف ليوا محد احلى عني .. مب شكلي زودتها .. بس شو اسوي عشقته .. (وعند راشد ) • فهد : اخخخخخخخخخخخخخخخخ (ما يضحك بس كان يناخر لأنه راقد ) • راشد علي : ياخي صّخ خله يرمس.. • فهد : هاه؟ (نش منتبه على مغفي ) ياخي تعبان خلني ارقد !! (عواد داش عليهم وحاط على جتفه ولده زايد اللي عمره 5 سنين ) • حمد : خاف الله فيه !! طالع عيونه مب رايم يبطلهن !! • عواد: يقول الشاعر !! (ويأشر على راشد ) يا هنود بس الله يهديج !! • راشد : اتعّلق على حرمتيه؟ ماعليه ماعليه خلها توصل اول !! • عواد : ياخي هههههههههههه يدتها فنتكة !! • حمد: جيه ؟ خبرونا شو استوا؟ اذا عندها اخت احجزوا لي اياه دخيلكم ابا اعرس !! • عواد :هههههههههههههههههههههههااااي !! انطم يالدياية !! دخلوا العروس وقالوا اختاري المعرس .. ونحن نتحرى اللي حذالنا اخوها !!! ههههههههه طلع ياي يخطب نفس البنية هههههههههههااااي .. • حمد وراشد وسهيل: اووووب !! اووووب !!عواد : اكمل ولا لأ بو سنيدة؟ (راشد يأشر له يكمل ) والعيوز مشتطة .. يوم قالت لها أشري اتوقعون على منو أشرت؟ • حمد وراشد : على منو؟ • سهيل : عليك !! • عواد يرفع راسه : زيود !! عنلات صير ابوك !!خيّست راسي كله روان !! حسبي الله على ابليسك !! (حليله كان ينود على راس عواد .. ونزله على ثبانه ورقد ..) هههههههههه ادري نذل ما بقول .. اتوقعون منو؟ • حمد: يعني حد غير رشود؟ • عواد :ههههههههه لا !! على ابوكم !! (وعواد ورشود نقعوا من الضحك لأنهم اتذكروا الموقف ) • راشد : انا والله كنت على اعصابي ابا اعرف شو ردها بس والله لو تشوفون ويه عمي علي بجج عيونه والعيوز أخسّين ههههههههههههههههههههااااااااااااي !! • عواد : ابويه اونه يقول انا؟ يباها من الله هو !! ماعليه ان ما خبرت عليه وفاية !!! بس حليلها البنية ياها غربال من العيوز من الخاطر .. شرات عيوزنا ما تقصر !!الله يعين اذا توالفن !! • راشد : بس عاد عيبتك السالفة؟ احينه بتنش يدوه بتقول حد يطريني !! (وكانوا يتكلمون عن الخطبة بس راشد كان بعيد عنهم ) • راشد فخاطره : خطبتج يالمغرورة !! وبتصيرين من نصيبي .. ما اتوقعت اني احب بعد ميرة !! او حتى يتعلق قلبي الشغوف بج يا هنودتي ..لدرجة انه صورتج مب طايعة تنمسح في بالي .. حتى يوم عصبتي هاكي اليوم نظرة الاندهاش حسيت بها .. ليتني ما فلّتت ذراعج .. (اما عند غريبة تسمع حد يدق الباب ..) • غريبة : ويدي بسم الله الرحمن الرحيم !! منو يدق هالحزة؟ صدت يمين وحصلت رويشد راقد .. (وقامت وفتحت الباب ) ويدي؟ ميود؟ بلاك يا بويه؟ • مايد : الصراحة ابا ارقد عندج مب يايني الرقاد .. • غريبة : وابوييييه؟ جيه انته ياهل؟ • مايد : امايا .. قولي اللي تقولينه تراني ولدج الصغير !! قبل عواس كان ويايه في الحجرة هو ونيسي ويوم راح كنت أسمع دبيج خواتي وضرايبهن .. احينه موول صخة ما اسمع الا حسّج وحس رشود .. (وميود جنه ياهل ) • غريبة : تعال انزين تعال .. (وكان شعره مكشش بس حلوعليه وهو داخل وساحب موسدته وياه ) هههه معلوم معلوم لازم هالموسدة !! بترقد عالارض ما عنثري تنجلب على رشود تسمعني؟ • مايد : شمعنى رشود من انوّلد لين الحينه وهو يرقد عندج؟ وانا مسترخصة فية هالرقدة؟ ابا حنان !! • غريبة تضربه على راسه : بوطبر !! انته عاد محد مبزّي (= مدلع ) شراتك!! انته لين كملت 15 سنة ترقد عندي !! ورويشد حليله ما تهنّى !! • مايد : بتذليني عال 15 سنة اللي رقدتهن عندج؟ ماباهن كلهن ضرايب وحشرة ويا ابويه!! احينه ابويه محد !! (ويمارج ) يعني الحنان عندج فول اوبشون ههههههههههههه ابا سيريلاك !! (وردت ضربته على راسه ) • غريبة : انته ما اتوب؟ يالله ارقد !! عنلات صير ابوك !! • مايد : ان شاء الله بس قوليلي قصة قبل ما ارقد .. (وجهزت له الدوشق وهي تتحرطم عليه لأنه يلعوزها ويضحك .. ويلست وحط راسه على ثبانها وهي تمسح على راسه ) • غريبة : أي اوامر ثانية؟ • مايد : ارحم الله والديج جان بتيبين لي سيريلاك مال رشود وخاشوقة !! (ويته ضربة ثالثة ع راسه ) • غريبة : بوطبر حشّم !! • مايد : آآي !! خبقتي لي راسي !! ادريبج حاطة عينج على راسي !! اذكري الله عن يطيح شعري !! ولو سمحتي تمسحينمن قاموسج اسم بو طبر اسمي مايد.. ميادي .. جذي الدلع !! • غريبة : لا حول ولا قوة الا بالله .. الله يعين حرمتك .. (وهو يضحك ) • مايد : حرمتي؟ باجر بسير ادوّر عليها .. صدقيني لو هي فآخر العالم بييبها .. • غريبة : اتحبها ميود؟ • مايد : شوما احبها؟ الا احبها واحبها واحبج يا اماه !! • غريبة : هههههههه حسبي الله على مذهبك !! مادري من وين تيب هالمغازل منو يعلمك؟ • مايد : انا مدرسة وروحي أدرّس .. تبين؟ بعلمج !! انف عيب امايا !!! الحريم ما يغازلن !! (وغريبة تضحك ) ضحكي يا امايا ضحكي .. بسنا من اللي شفناه من ابويه وظلمه !! • غريبة: هي والله في هذي صدقت .. بس انا اللي ماحناتني خواتك .. (اما عند شمايل ) • شمايل : مستحيل اتقرب من ريال .. مستحيل !! (وكانت الليتات مبندة .. واتطالع تحت الباب في حد يمشي كان قلبها يدق ) يالله ارحمني برحمتك ..ياالله .. (وعلى الساعة 1 ..تصرخ ) آآآآآآآآآآآآي إلحقوا علية !!آآآآي !!! بيعفدون علية !! لا تتقرب دخيل الله .. بعطيك اللي تباه !! في عندي بيزات والله !! آآآآآآآآآآآىي !! (وتدخل الممرضة ..عطوها ابرة تهديها .. وعلى الساعة 3 نشت على نفس الصريخ .. وبعد الساعة 6 الصبح نفس الصرخة ....اما اليوم الثاني نشن الصبح وتلبسن ويوم هم على طاولة الفطور ) • زينة : سمعيني عدل يا مي .. وحطي كلامي حلقة فأذنج !! حصلنا لجيا عيوني وظيفة وهي انج تكوني مذيعة .. بس شرطهم .. • مي : شووه؟ مذيعة؟ شو شرطهم؟ • زينة : انج ما تلبسي عباة وشيلة .. (مي وهنود يطالعون بعض ) • مي : تبيني انغسل من الضرب؟ • زينة : ليش يا عيوني؟ انتي ما مسوية شي غلط !! كاني آني ما ألبس شي صار؟ • مي : انتي غير وانا غير !! • زينة : غير ف شنو؟ انا امج اللي يابتج !! • مي : تبين ابويه يسطعني طراقات .؟؟ والله لو يدري ميود جان ذبحني !! • زينة : شوفي اليوم سماح (واستقوت زيادة ) لكن مرة ثانية يوم بحجي شي يتنفذ .. ما ريد أي حجج .. هذا مستقبلج اللي ضيعتيه من قبل !! قوموا روحوا بدلوا بنروح السوق نشتري ل هنود اغراض الملجة !! (وهنود منصدمة انه العراقية بتدفع .. واما في المستشفى ) • الممرضة : هناء حبيبتي قومي .. عندج موعد ويا الدكتور النفسي .. • شمايل : ان شاء الله.. ان شاء الله .. (وبدلت ملابسها ويوم دخلت المكتب ) لالالالا طلعوني !! ما اقدر طلعوني !! • الدكتور زايغ : خير خير شو صار؟ • شمايل تصيح وتصارخ بهستيرية : اقولك لا تتقرب .. دخيلك تراني ما استحمل .. حرام عليك .. حرام عليج يالدنيا تسوين فية جذييه .. بعيد !! بعيد قلت لك !! • الدكتور : خلاص ..خلاص .. اللي تريدينه .. ممرضة منال؟ • الممرضة : نعم دكتور ؟ • الدكتور : حوليها للدكتورة سعاد حالا .. قوليلها حالة طارئة .. (ويوم حولوها بعد ربع ساعة دخلت ) • الدكتورة : هناء؟ خبريني عن حياتج؟ • شمايل : عن شو اخبرج؟ ما عندي شي اقوله.. • الدكتورة : أي شي .. طفولتج .. مراهقتج مع انج مبيّن عليج فمراهقتج !! • شمايل تصرخ فويهها: احينه انا مراهقة؟ امايا انا حرمة لكن حقيرة !! اتعرفين شو حقيرة؟ ضيّعت شرفي !! بس ما كان بإيدي.. غصب (ن) عني .. لو سمحتي ابا اروّح حجرتي انا تعبانة .. • الدكتورة : اسمحي لي يا هناء .. بس باجر بتكلم وياج لأني احس انج مرهقة ..بوصف لج بروزاك بيهديج بس تاخذينه الصبح .. و تاخذينه 3 حبات عشان يريحج .. • شمايل : مشكورة دكتورة • الدكتورة : وعد اتكلميني باجر؟ • شمايل : ان شاء الله .. اللي تامرين به .. (طلعت وهي تنتفض .. زايغة .. شو بتكون ردة فعل الدكتورة ..اكيد بتخبر الدكاترة اللي وياها عنها وعن حالتها الميئوس منها .. اما في السوق ..) • مي : يالله ياربي يا ريولي .. هنود؟ انتي ما يعيبج العجب؟ انتي ما تبين فستان مثل الخلق؟ • هنود تكتب : مادري ما دش شي مخي .. • زينة: هنودة ؟ عيوني؟ اكتبي لنا ..إيش تريدين .. • هنود تكتب : مادري بس انا يالسة اطالع .. • زينة : شو رايج في الاحمر؟ • هنود تكتب : مادري لونه مب شي .. • زينة تتمصخر: ماباجي غير الثوب شو رايج بعد؟ • هنود تغيرت ملامحها وتكتب : صدقتي !!! وانا هذا اللي اباه !! • زينة : صدج؟ • هنود تكتب: هيه والله فخاطري بموووت ان ما سويته !! • زينة : حبيبتي .. ما في خياط بيسويلج اياه .. ويبيله وقت على الاقل شهر .. • هنود تكتب : ما يخصني .. (وساروا دوّروا ..وماشي فايدة كله يحوّشونهم لأنه محد راضي يسويلهم ..) • مي : بسوي حق الجود عادي؟ • هنود تكتب : فشيلة شو نقول لها؟ • مي : نباها تساعدنا ... اذا هي في دبي بنمر عليها او هي تمر علينا .. (وتتصل مرتين .. وخلاف ترد) سلام عليكم • الجود : عليكم السلام ورحمة الله وبركاته • مي : شحالج الجود؟ • الجود : بخير الحمدلله .. منو ويايه؟ • مي: اافا يا عيوني .. • الجود: ميوووووووووووووووووووووه !! فديتج شحالج؟ • مي: بخير الله وشحال النسيب؟ • الجود: ههههههه والله ما يندرى به البارحة اسمعه يهذرب ويا الشباب وطارين الدنيا من الضحك.. • مي : عاد طلبناج .. نحن ما ندل دبي ابدا .. • الجود : انزين تبيني ايي؟ • مي: اذا تقدرين .. هنود طلبتها عسرة تبي ثوب !! • الجود : ههههههههههههههه ثوب؟ حق الملجة؟ احيد فستان يلبسون .. • مي: مزاج غربله الله من مزاج !! (واتطالعها هنود وتضربها على راسها ) آآي ههههههههههه • الجود : انزين ماعليه برمس يدوتي واميه نداية ..وان شاء الله بني نطالع العروس وطلباتها .. • مي: اوكي يا عيوني ... يالله عيل اترخص متنا حر .. • زينة: شنو قالت؟ • مي: قالت بيمرون اليوم اذا الله راد هيي وامها ويدتها .. (اما عالعصر الساعة 4 بعد ما صلّت شمايل ..طلعت وتتمشى ويا الممرضة اللي تكلمها بس هي مسوية طاف .. اتفكر ف ميود ..) • الممرضة منال : وهذي حديقتنا .. (وكانت شمايل تتلفت .. اتطالع ناس كل وايد وخصوصا شباب يتعالجون عن المخدرات .. واللي مرضى نفسيا .. بس ما حصلت ولا بنية .. كله رياييل..) • شمايل: وديني داخل ما روم !! اخاف حد يعفد علية !! (وتنتفض ) • الممرضة : هناء حبيبتي .. شوفي كل واحد وياه ممرضة اتطالعه وتراقبه .. يعني ما عليج خوف ..ما خبرتيني انتي شو تحبين تسوين ؟ • شمايل: مادري .. • الممرضة : انا عن نفسي .. عندي بنية ودوم ايلس وياها ألوّن .. • شمايل: تلوّنين؟ • الممرضة : هي ألّون ليش هذا شي عيب؟ • شمايل: مادري .. • الممرضة : شورايج اييب لج ألوان وكتاب للتلوين؟ (شمايل تهز راسها انها موافقة ..وتمت واقفة عند شجرة عودة اتطالعها .. وحسّت ب فراغ ..ويلست ومتساندة عليها .. ما لاحظت انه في واحد متعلق ع الشجرة يطالعها ..) • شمايل: آآخ منك يا ميود كيف ملكتني؟ • الممرضة : اتفضلي .. هذي الألوان والكتاب.. ترا صفحتين بنتي مريم ملوّنتنهن .. يالله انا بطالعج من بعيد .. • شمايل: انزين .. (وبطلت الكتاب وروحت الممرضة .. وهي تتصدد يمين ويسار اتخاف حد يتقرب منها .. ولقّت انه الدار أمان ) فديييتها ياربي ..شكلها صغيرونة ... (وبطلت الصفحة مرسوم عليها تويتي ويالسة اتلوّن وهي مستمتعة وبعد ربع ساعة وهزاع طول الوقت يطالعها وهو مستمتع ) • وداد: هااااه الحامل؟ بعدج عن اتربين؟ • شمايل رافعة راسها اتطالع منو اللي يدري عنها : انتي؟ • وداد : هيه انا .. يقولون انج حامل؟ ييت ابارك لج هههههههههههههههه حرام يفوتني هالشي .. • شمايل: انتي شو تبين مني؟ مب كفاية الفضيحة اللي سويتيها في المستشفى؟ • وداد: الطراق اللي عطيتين اياه عمري ما بسامحج عليه .. وصدقيني يوم عن يوم بتندمين على اللي بسويه فيج بعده ما ياج شي .. • شمايل: خافي الله يا وداد .. • وداد: انا مب ياية عشانج بس عشان اقولج (وحاطة ايدها على بطنها ) تدرين اني حامل؟ لا وبعد ابشرج انه ميود .. • شمايل: ابوه؟ • وداد: هههههههههههههههه لا مب ابوه .. بس حبيت اقولج اني رديت ل ميود .. ويكلمني ونتقابل بعد • شمايل منصدمة : شو تقولين؟ • وداد: شو اتحرين؟ فديتج ... رد .. وعلى فكرة اعترف انه يحبني ويباني .. وبياخذني من اتطلق من منوع • شمايل: تصيح : انزين ليش ياية اتخبريني؟ • وداد: بس جذييه .. عشان هو بيدوّرج واذا حصلج بيقول والله انا ابا اخذ شملوه عشان بيزاتها .. (قامت شمايل وهي منفعلة وتمسكها من شعرها ) • شمايل: انتي يالخايسة !! ياللوث !!! انا اللي براويج يالجلبة !! (وتطيح وداد عالارض وتصارخ .. تستنجد ) خله ايي ياخذج الحينه يالجلبة !! (وتصفعها .. ) يعلج بعوق (ن ) ما تقومين به !! قراءة ممتعة والبارت الياي يوم الاثنين |
(الجزء 45 ) • الممرضة مندفعة صوبهم وتمسك شمايل : لا يا هناء لا هناء !! • وداد: آآخ الله ياخذج طلعتي الدم !! آآآي !! (وكانت مشرمختنها على خدها ) • شمايل: الله ياخذج وياخذ ميود فوقج !! يالخياس !!! (وبعد ألف يا ويلاه ودوها الحجرة .. وزادت عصبيتها .. وقامت تكسر كل شي ..) يعلكم العدم ان شاء الله .. ما عندكم قلب !! مبهدليني فحياتي يالجلاب !! (وداد وصلت البيت على الساعة 2 ) • ام مانع: وداد؟ بلاه ويهج؟ • وداد منهدة عليها :جاب !! ما يخصج !! (وبطلت باب الحجرة ) • مانع منسدح عالفراش : انتي وين سرتي؟ • وداد: وانته ليش ما ماداومت؟ • مانع: تعبان راسي يعورني .. (ويوم دقق في ويهها ) شو ها؟ بلاه ويهج؟ منو مشرمخ خدج؟ • وداد: هاي قطوة عنودوه اختك .. الله ياخذها تسببت عليّة !! (وعدّت السالفة على خير .. وعند عيسى ) • عيسى : باجر بنبدا دوام .. وبلتهي عن الكل .. حتى عن اميه .. (ويقرا الشروط .. انه ممنوع يستخدمون التيلفون لمدة 6 شهور لأنهم متدربين .. وخصوصا اذا يبا ينتسب للقوة الخاصة الداخلية .. وإييه اتصال ) هلا بطويل العمر .. • سعيد : مرحبا الساع .. مشغول ولالأ؟ • عيسى: والله متملل .. • سعيد : أهأ .. متملل وانا وياك؟ • عيسى : والله صخة .. قبل حسن وانته واحينه ولا حد ويايه .. • سعيد : شو نسوي نتغلى .. • عيسى : انف شو بعد هذا !! • سعيد : هههههههههههه هذي المناكر اللي عندهم .. • عيسى : انزين سعّود متى بتي؟ • سعيد : ليش اتولهت علية؟ • عيسى : لا .. بس اتولهت على منطوقك .. • سعيد : يالله اتفججت تراني .. • عيسى : ادريبك .. انزين عازمنك موافق؟ • سعيد : اوكي .. فأغلى مطعم صح؟ • عيسى : ههههههههههه .. انته قدرك اعلى .. بس عازمنك على قدر ميزانيتي .. • سعيد : وميزانيتك .. شو تسمح؟ • عيسى : اعزمك على ماكدونالد .. • سعيد : هههههههه مطعم مال المهرج هاكي؟ • عيسى : لا يغرك شكله .. ترا احلى اكل اكلهم .. • سعيد : خلاص انزين انا ياينك .. (اما عند مي ) • مي : ألو؟ • الجود : هلا ميوتي .. غناتي وصلنا الشارع العام صوب ... • مي : خلاص يا عيوني نحن بنتلقف لكم .. (ومن بندت عنهم ) لحقي عيني لحقي يا هنود !! (وهذيجي اتطالعها ) قوم جود وصلوا .. (واتراكضن من العيّلة ونزلن تحت ) زينة؟ يا زينة !! • زينة : خير يا بنيتي !! في المطبخ !! في المطبخ !! • مي : قوم جود وصلوا !! والله وصلوا !! • زينة : ويييه ... انا مرخصة السايق اليوم .. حد منكم يعرف السواقة ؟ • مي : كلنا انعرف .. • زينة : آني راح اخلص طبيخ واروح اتحمم .. وانتوا روحوا هاتوهم .. (وتعطيهم مفتاح الموتر ) • مي : أي موتر ناخذ؟ • زينة : خذوا البورش كايين .. (وعلى فكرة عندها 4 مواتر في البيت .. بورش كايين .. ليكزس استيشن ومرسيدس وكامري .. واتفججت مي وهنود أخسين .. ويوم وصلن الموتر ) • مي : هنود فخاطري اسوق .. (وهنود اتطالعها بنظرة ) بس !! اخاف من زمان ما سقت !! (وهنود تدفرها بعيد وتاخذ المفتاح ) • هنود فخاطرها : انا بسوق عنج يالجبانة .. (ويوم ركبن هنود ومي يطالعون بعض ) • مي : بنحصله ولا لأ؟ • هنود تهز راسها بإيجاب وفخاطرها : احساسي يقول انه هو .. ويل حالي عليك يا الغالي .. (وتشخطه ويل وبعد 5 دقايق .. ) • عواد : يالله يالله يالله اعنبوا حرق الشارع !! • اليدة الجود : وابويه الله يسلمهم .. ( ويشوفون نفس الموتر يريوس .. ومي وهنود يطالعون بعض لأنهم اكتشفوا شي ..) • مي تصارخ : اويييييييييييييييييييييييييييييييييييييه • هنود فخاطرها : يا فضيحتنا !! • مي : لا ونحن مجابلينهم كيف جذيه؟ (ثرهن الحبايب متعدلات وحالتهن لله وناسيات يلبسن عباة وشيلة وكانن لابسات شيل بيضاء .. وهن مفتشلات .. هنود اتأشر عليها تتصل ب جود .. وتتصل ) • الجود : هلا ميوتي .. هذا موتركم؟ وابويييه حرقتوا الشارع يابوج !! • مي : هههههههههههه لا وأبشرج نسوق بدون ليسن بعد !! • الجود تضحك : ههههههههههه بعد؟ بارك الله فيكم .. عواد؟ حرّك الموتر هذيلا هم .. (وهو منصدم .. اما مي خبرت هنود انه اللي يايبنهم هو عواد هب راشد وعند عيسى وسعيد ..) • عيسى : وماشي .. قالت انها ما تدانيني بعيشة الله • سعيد منصدم : معقولة ؟ وربي هذي هب آدمية !! • عيسى يضحك : هههههههههه ليش؟ هذي هي الحياة .. (ويصيح تيلفونه ( ياشايف (ن) نفسك على الناس هونك .. الله الكبير .. (ويرد على طول ..) مرحبا الساع .. • فطيم تغير صوتها : مرحبا الساع .. • عيسى : الله حيّه .. • فطيم : الله يحييك .. شحالك؟ (وقلبها يدق بطريقة مب طبيعية لأنها زايغة ) • عيسى : بخير الله يسلمج ... منو بغيتي الشيخة ؟ • فطيم : ليش؟ ما عرفتني؟ • عيسى : لا والله ما عرفتج ؟؟ • فطيم : انا سارة .. • عيسى يضحك : وانا سعيد (وسعيد بجج عيونه ) • سعيد يتكلم شوي شوي : ويلك ويلاه !! (فطيم انصدمت كيف سعيد؟ ووينه عيسى ؟ بعد الصوت مب صوت عيسى .. أصلا كان عيسى زجمان ومتغير صوته بس كان احساسها يشدها صوبه .. ) • عيسى : انتي متصلة تسألين وتعّرفين بعمرج؟ • فطيم مصّرة : أكيد .. (وهي تبا تسمع صوته زيادة عشان تتأكد ..) • عيسى : مخسّرة رصيدج على مكالمة خارجية؟ سمعيني يا بنت الناس .. مب انا اللي بيلس ألعب بعقول البنات .. و الله يستر عليج وعلى أمة محمد .. يالله انا اترخص .. (وبند عنها وهي احمر ويهها ) • فطيم : قسما بالله براويك !! مادري على شو شايف عمرك !! ولد الذين !! خجاج !! بس انا متصلة عشان عيسى مب عشان حلات ويهه الجلب !! (وترد تتصل كم من مرة ) • عيسى : لا حول ولا قوة الا بالله !! بلاها هذي طفرة!! • سعيد : ياخي عطني اياها بهزبها هزبة محترمة !! • عيسى: اندوك عندك اياها !! • سعيد : ألو؟ • فطيم : انته صدق ما تستحي .. مب انته اللي اتبند فويهي .. • سعيد : عنلات صيرج انتي صدق المذهب ما تعرفينه .. الريال ما يبا يكلمج غصب هوو؟ • فطيم : والله ما وجهت لك الكلام .. يوم بتيك الرمسة تقدر اترد .. • سعيد : جاب يالله جاب .. صدق بنات آخر زمن !! يوم تبين المغازل مكوّدين في البلاد !! • فطيم : صدق جليل الحيا !! انته هب متربي لو متربي جان ما نطقت بهالمنطوق اللي شرات ويهك !! • سعيد: اوووه !! انا ليش اعوّر راسي ببنت لوث !! (وبند فويهها ) • فطيم : حقييير !! والله بتشوف .. وانته يا عواس بحصلك يعني بحصلك !! • سعيد : يالله اعنبوا اشوووه هذا !! • عيسى : شدراني والله .. ومن البلاد بعد !! • سعيد : يمكن حبيبتك !! • عيسى : منو قصدك؟ فطيم؟لالالا اصلا فطيم ما عندها موبايل ... (وفطيم اصلا ما استراحت لين خلت يدتها تاخذ لها موبايل ورقم ...اما عند فطيم ) • فطيم: ألو السلام عليكم .. ويايه العقيد ......؟ |
(الجزء 46) • فطيم : ألو؟ مرحبا .. ويايه العقيد .............؟ • العقيد : يا مرحبا .. هيه نعم وياج العقيد ..... • فطيم : انا ياة من طرف ام شمايل ... • العقيد : اللهحيّه .. آمري الشيخة؟ • فطيم : بغيت أسأل عن شخص مفقود من 6 شهور .. اسمه عيسى فاضل ... • العقيد : ان شاء الله .. بس هو وين يشتغل؟ • فطيم : يشتغل فمكافحة المخدرات .. وبعد حادثة دهم على مكان اختفى .. • العقيد : ممكن اعرف شو يقرب لج؟ • فطيم وبغصة : أخويه .. • العقيد : انزين الشيخة .. عطيني يوم بالكثير .. وبرد عليج خبر .. • فطيم : أي شي عنه ... يزاك الله حير وفمان الله .. (وبندت عنه ) أحبه يا ناس أحبه .. أحب عواسي !! (اما عند قوم مي ) • زينة: ياهلا والله زارتنا البركة ... • اليدة الجود: تسلمين يا غناتي .. عادة يالغالية من طرت الجود انه بنّيتكم تبا تلبس ثوب .. قلت هذا الشي الزين .. يالله فرحت من قلبي .. أسميني كوّدت القطع الغاوية .. • زينة : سامحينا طلبتها عسرة !! (وهنود تقهويهم ) • اليدة : لا وين .. انا ما سويت شي بس يبت القطع .. • عواد : هود !! هود !! (واقف عند الباب ) • زينة : هدا هدا ..اقرب ... (مي اتطالع امها منصدمة ..انه امها اتكلم اماراتي بطلاقة ) • الجود : اقرب عواد ... (واتغشن ) • عواد دخل : وين احط الاغراض؟ (وساحب وراه 5 أجياس من الكبار ..) • هنود فخاطرها : ويلي ويلاه !! كل هذا حقي؟ • مي: شو هذا؟ خالوه تراج وايد يبتي .. وهي الا بتلبس قطعة وحدة .. • اليدة : امايا هذي حرمة ولدي هب لعبة ولازم تلبس من الزين .. • الجود : هنود؟ كيف تبينه الثوب؟ • هنود تكتب : مادري انتوا شو رايكم؟ • اليدة الجود : تبينه شرات الثريا ولا النشل؟ ولا المنقّد؟ • هنود تكتب : شو الأحلى ؟ • اليدة : امايا شو تقول؟ • الجود : اتقول شو الاحلى؟ • اليدة : كلهن غاويات .. • هنود تكتب : انزين شو لبست ف يوم عرسها ؟ أي واحد؟ • الجود تضحك : هذا وقته؟ تفتحين المواجع؟ • اليدة : بلاكم؟ • الجود : تقولج ف ليلة عرسج شو لبستي؟ • اليدة تتنهد : هييييييييييييييييييهأأأ .. لا تذكريني يا غناتي لا تذكريني .. يالله محلات هاكي اليوم .. يالله يا حلاته .. (وكل وحدة تتخيل كيف ليلة عرسها بتكون .. وبعد نص ساعة من البحث والتنقيب .. اختارت قطعة مقّلمة كلها ألوان .. واليدة طول الوقت اتفداها .. ) شو شوركم؟ بعد يومين نسير العين عند المخوّر نوّدي القطعة؟ • زينة : شوركم وهداية الله يا عيوني !! • اليدة : انزين بنسوي حق يدتكن بنخليها تي ويانا .. (هنود ومي يطالعون بعض ..) • هنود فخاطرها : كشخة !! والله اتولهت عليها !! • الجود : هنود غناتي؟ تعالي شوية ؟ (وقامن سارن الميلس .. هنود اتأشر لها ..) • هنود فخاطرها : خير؟ الله يستر بس !! (وطلعت الجود من شنطتها ظرف ) شو ها؟ • الجود : هذا من راشد .. (وعطتها وطلعت وتمت هنود اتطالع الظرف .. ) • هنود فخاطرها : ليش كل هالغموض؟ (وفتحت الظرف متوقعة انها رسالة حب .. شي .. حقها .. طلع ... وهي منصدمة ..) وابووويييييه !! يالله تستر !! يالله تستر !! (شيك بمبلغ 500000 درهم ويصرف لحامل الشيك .. من كثر الأصفار اشلقّت ..) انا عمري ما طلبت ولا تمنيت اني أغتني .. مادري ليش حبيتك .. بس يوم بكون ع ذمتك تقدر تصرف عليّة !! يمكن درا انه نحنا فقراء او ابويه ضغط عليه .. لكن انا براويه .. (وطرّت الشيك صغار صغار مال غياظ .. وحطته داخل الظرف بس لاحظت ورقة داخل .. شلتها وحطتها داخل مخباها وبندت الظرف ..ويوم هي طالعة .. الجود قامت وسارت صوبها .. عطتها الظرف .. وكتبت " اتمنى يوصل الظرف ل راشد ..") • الجود : من عيوني .. حشا غادية غير مرسال .. متى الله بيفكني واتعرسون نبا نرقص !! (وهنود تبتسم بس مب من خاطرها لأنها لين هالوقت متغايظة من الشيك .. وعلى الساعة 10 روحوا .. ويتهم زينة الحجرة .. ) • زينة : هنود يا عيوني .. ما يصير قاعدة في البيت جذيه لازم تنتجين !! • مي : كيف تنتج جيه هي بقرة ؟ (وهنود من الغياظ اتفرها بالموسدة ) • هنود فخاطرها : ملعونة !! • زينة : قصدي انها لازم تشتغل .. اوك تكمل دراستها .. تشوف العالم ... مو كله محبوسة فهالحجرة .. • هنود تكتب : منو بيرضى يشغلني؟ • زينة : هنود حبيبتي .. خلي السالفة عليّ.. بس بكرة روحي ودّي اوراقج البلدية .. • هنود تكتب : ما عندي اوراق .. ما خلا لي فرصة أشل شي ويايه .. • زينة : على ما اظن عند ابوج هالأوراق انا راح أسأله .. وانتي يا مي من بكرة ماشي عباة ولا شيلة .. • مي : بس !! مادري مادري مب مقتنعة .. • زينة : شوفي يا عيوني انا ماني ناقصة بنت معقّدة !! تريدين تعيشين فهالبيت ترا له قوانينه !! • مي : والله انا مب عايبني شو بتسوين؟ • هنود فخاطرها : غربلج الله سكتي عنها روحها بتنسى ... • زينة : حلمج انج اتكونين مذيعة بيروح ولا بيرجع تفهمين؟ انا كلمت حد انج اتروحين البعدا لبلدية بس طبعا ما شي فايدة ..شكلج مكانج هنه في البيت ومالج مستقبل !! (وروحت عنهم وتمت مي مشغووول بالها وهنود نامت وفتحت مي لابتوب ماخذتنه لها زينة .. ) • مي : ياربي ملل شو اسوي؟ (دخلت الأغاني وخلاف المنتديات بس بعد ملل .. وخلاف اتجرأت انها تدخل شات بس مب أي شات .. شات صوتي ..) بجرب وأمري لله .. (وبعد ساعة كاملة كانت اتبين لهم انها بنت محد اقوا عنها وخصوصا من ردودها الجريئة .. كانت حاطة السماعة وترمس رياييل وحريم .. وخلاف خلّت غرفة الشات وما تم فيها غير واحد .. ) اوووه !! ماروم بالسماعة (وعجت السماعة ... ) • العقاب: محد ويانا شكلنا شردناهم .. • مي : يستاهلون !! • العقاب : ليش انتي قوية وايد؟ • مي : وليش انته ضعيف وايد؟ • العقاب : من طيب اصلي ههههههههههههههههههههه (وكان صوته ينسمع ووايد عالي وغليظ ...) • مي : انزين يوم بتتكلم شوي شوي لانه اختيه راقدة وبتسمعك .. • العقاب: ليش اتخافين منها؟ • مي : انا اخاف؟ انا اخوّف !!! (وكان مار فاضل بيسير حجرته ..ويسمع صوت ريال يضحك ... الا ميت من الضحك ويرمس بعد .. ) • فاضل: عوذبالله من الشيطان .. اعنبوا جني فغرفة البنات ؟ (وحط أذنيه عالباب يتسمع ) • العقاب : فديييتج والله لا خليييييت من الجريئة انا !!! (فاضل اشتط أكثر منو هاي الجريئة الماصخة اللي اتكلم شباب .. وبطل الباب .. بس كان مقفول ..) • فاضل يدق الباب : بطلي الباب !! • مي : اوييييه ابوي !! ابوي !! بكلمك خلاف يالله باي !! (وبندت اللابتوب وقلبها يدق .. شو بتسوي شو بتسوي؟) يالله تستر علية !! يالله تستر علية !!! (وحطت اللابتوب على ثبان هنود اللي كانت راقدة وقلبها يدق .. وبطلت الباب ..) • فاضل : انا سامع حس في الحجرة !! (وكان مطيّر عيونه يبغي يعرف ...) • مي : آآآآه (وكانت تتثاوب ) خير؟ نحن رقود !! (ودفرها ودخل ..وقام يطالع تحت الشباري ويبطل الكبتات ..ومي حاسة عمرها انه نهايتها قرّبت ..) • العقاب: اوكي يالله باي سلمي على ابوج !! ههههههههههههههه • فاضل صد ويطالع اللابتوب : وتسوي ن عمرج راقدة هاااه؟؟ (الجزء 47 ) • مي تهز هنود من جتفها : هنود؟ هنود قومي!! (وهنود بطلت عين وحدة ..) • هنود فخاطرها : أشوا .. الحمدلله انه طلع حلم .. ولا جان ذبحتها !! • مي : قومي !! ابويه يدق الباب وانا زايغة !! والله آسفة .. مدري شنو أسوي !! (وقامت هنود مفزوعة من فراشها .. لأنه اللي حلمته كله صار .. وحصلت اللابتوب ف سرير مي ..) • هنود فخاطرها : الله يغربلج !! اتكلمين شباب ؟ (ومي واقفة تنتفض وشوية وبتنطّر عيونها من الزياغ .. لأنها اول مرة تستوي هالسالفة .. مع انه ما يخصها في الشباب بس من يت هالمكان اختّست .. صح انه محد يشجعها بس عقلها هو اللي اتغيّر .. قامت هنود معصبة ..شلت اللابتوب وبندته كامل ..) • فاضل : إييييييييييييه !! وينكن!! (ويسمعون دق قوي .. وحطت اللابتوب فكبت الثياب وبطلت التلفزيون وقصّرت شوية عليه وبطلت الباب ..) اعنبوا سنة !! جيه اتأخرتي؟ (وهنود اتطالع مي ) • مي : هااااه؟ لا ما شي كنت أرمسها .. • فاضل يطالعهم بطرف عينه مب مصدق : وانا سامع صوت !! بعد مب أي صوت !!! صوت ريال !! • مي : هاااه؟ هاااه؟ حشا !! • فاضل : بلاج هااه وهااه؟ (وسار بطّل باب الحمام وخلاف الكبت وتحت الشباري يطالع وعقب سمع ضرابة وصريخ .. ) مرة ثانية قصروا عالتلفزيون يالتنابل .. حاشرينا به فهمتوا؟ ولا كسرته على راسكن !! (وحط ايده على راس هنود ويدفر راسها واحمر ويهها واأول ما طلع من الباب .. سيده هنود قفلت الباب .. ) • مي يلست: أووووف ما بغى!!! (ويت هنود مسرعة وصفعتها هايييجي الصفعة اللي خلّت أذنيها تدوي وعشان عقلها يصحى.. ومي قامت معصبة وركضت الحمام تصيح .. هم صح يتضاربون لكن عمرهم ما وصلوا انه وحدة تصفع الثانية .. بس لازم تصفعها عشان تصّحيها من الوهم اللي عايشتنه ..وتمت هنود طول الليل صادة الجهة الثانية وتصيح ومي بعد ..اما عند شمايل .. ردت لها الحالة نص الليل .. وقامت اتهاذي بس هالمرة بمنو ب ميود .. اما عند راشد اللي كان في بوظبي وياي دبي ع نص الليل ..) • الجود :ألوووووووووووووووووووووووووو؟؟ • راشد : جودوه انتي وين؟ • الجود : ف بلادي انته وين ؟ (الحرمة مغفية ) • راشد: هههههههههههههههه اتقولين عروسي مطرشة شي وينه؟ • الجود: منو؟ ليش انته منو؟؟ • راشد يصرخ : إيييييييييييييييييييييه !! جودوه !! عنلات صير اخوج رشود !! • الجود : هاه؟ (وبطلت عين وحدة ) شو تبا رشود ؟ غثيتني تراك !! يالله بسرعة بيفوتني الحلم !! • راشد : هههه انزين اتقولين انه العروس مطرشة شي وانا احين واصل البيت .. وين حاطة الظرف؟ • الجود : فحجرتك يالتنداه !! ترانا فنفس البيت !! • راشد : جيه ما رديتوا بوظبي؟ • الجود: لا !! لأنه بعد يومين بنرد نسير العين ويا عروسك نختار لها الثوب ... • راشد : لالالاه !! (وشج الحلج من الفرحة ..) زين .. زين والله.. (وبعد ما بند عنها ..وصل البيت وسيده على غرفته ..بند الباب وراه وطاح على فراشه يطالع الظرف ... أول ما بطلاه ..) هههههههههههههه هاي البنية عمرها ما اتوب !! كله تفهمني غلط ... لكن خلينا نملج بس وانا براويج يا الغاوية ... (اما اليوم الثاني ..سارن هنود ومي وكانن ما يتكلمن ويا بعض ومي بعدها بعباتها وشيلتها..اما في البلدية ..) • موزة عمرها 17 سنة توّها مخلصة الثانوية ويالسة في البيت..بيضاء وكولها 170 ووزنها 55 .. عيونها ماشاء الله وساع ... ودوم يسمونها ام عيون فناييل من جمال عينها واتساعها .. وفيها لمحة البداوة .. عيونها عسليات وخشمها ضعيف وسليل واللي يميزها يوم تبتسم لازم يرتفع حاجبها الأيسر هذا يبيّن غرورها مع انه من داخل وايد خيّرة وبعد ما تسكت عن حقها ..وشيطانة ومسوية جو في البيت .. واذا كان البيت هادي ها معناته انه مويز شي بلاها ... وعنده اخو اكبر عنها اسمه عبدالله • مويز : مشكووور ياخويه مشكووور .. والله انك فرحت قلبي .. • عبدالله : شوفي عاد .. اباج يا مويز اتّمين بحشمتج .. • مويز : افا عليك.. مويز اختك مب الكلمة هي اللي توّديها وتيبها .. • عبدالله : يالله طوفي انروّح البيت .. • مويز : ان شاء الله .. (وهو ميت من الضحك .. مب جنه كلمه ودتها ويابتها ..) • عبدالله : لا فديتج .. تمي اتريي دورج .. انا ما أبا أضيّع عليج فرصتج .. • مويز : ميرسي بوكو .. (اما هنود ومي وصلن المكتب نفسه اللي فيه مويز ) • مي : السلام عليكم .. (وكلهم ردوا السلام .. ) لو سمحتي الأخ عادل .. • السكرتيرة :الاسم لو سمحتي؟ • مي : هند فاضل ويايين من طرف الأخت زينة .. (وحوالي ثواني ..) • السكرتيرة : اتفضلي .. اتفضلي .. • عبدالله يصاصر مويز : هذيلا شكهم كبّارية • مويز : ونحن؟ • عبدالله : نحن ما نحتاي الواسطة .. • مويز : أكيد .. (ودخلوا المكتب ) • مي : السلام عليكم ... • عادل يرحّب ويهلي : ياهلا يا مرحبا ملايين فذمتيه .. هلا بمذيعة المستقبل .. • مي : ماشاء الله خبّروك؟ • عادل: اكيد .. احم سامحوني اتحبون تشربون شي؟ • مي : لا شكرا .. بس نحنا يايين عسب الوظيفة حق اختيه .. • عادل : هيه نعم .. نحن بنحطها في مدينة الطفل وهناك ك وظيفةمساعدة سكرتيرة ..ودوامها الصبح بس بتم متلثمة جذيه؟ (وصدت هنود وهي شوية وبتاكله..) • هنود فخاطرها : الله ياخذك ان شاء الله تباني أتطلّق؟ • مي : اكيد بتم جذيه !! • عادل : آسف على السؤال .. انا خلاص وقعت على الأوراق ..لو سمحتي ابا اشوف الجواز وخلاصة القيد .. (ويوم عطوه ... تم يتمتم ..) ما تنلام يوم اتغشت .. أوووف يالقهر ليتني حطيتها عندي سكرتيرة ..ياربي شو هالغصة ... • مي : هذا كل شي؟ • عادل : تقدر باجر اتداوم وبيعطونها كرت لازم اتوقّع اول الدوام عن طريق الآلي وآخر الدوام .. • مي : مشكور وما قصرت .. (وتاخذ عنه الأوراق ) • عادل: سلمي على زينة سلامن كثير .. • مي اتغايظت : سلامن ما يوصل ان شاء الله ... (وطلعن .. وبعد ما سارن ..) • السكرتيرة : تقدرون تدخلون.. • مويز : شمعنى دخلتيهم قبلنا؟ ونحن من نص ساعة نتريا .. • السكرتيرة : هذيلا يعرفهم الأستاذ عادل وهذي أوامره .. • مويز : والله حالة .. (ومن دخلوا ..) • عبدالله : السلام عليكم .. (عادل بجج عيونه وقام ) • عادل : عليكم السلام ورحمة الله وبركاته .. اتفضلوا اتفضلوا .. • عادل فخاطره : يالله يالحظ اعنبوا القمارى اليوم من كل صوب؟ اسميه من حظ .. • مويز : غلاسة !! (وينغزها عبدالله لأنه صوتها ينسمع ) • مويز فخاطرها : يعل عيونك تنجّد .. قسما بالله نظرتك خايسة يالوصخ !! • عادل : انتوا يايين عشان الوظيفة صح؟ • مويز : اكيد ..عيل ليش يايين عشان نجابلك؟ (وعادل منصدم ) • عادل : انزين .. انا محتاج سكرتيرة لمكتبي .. • عبدالله : لا آسف ما اقدر أخلي اختيه هنه تشتغل .. انا مقدم أوراقها عشان اتحولونها لأي مركز .. يعني مكان أكثرية حريم يشتغلن .. • عادل : انزين خلاص .. (وسوا عمره يدور في الأوراق .. وقامت مويز ) • مويز : لو ماشي وظيفة خلاص مب لازم اتدوّر (وقاموا ) • عبدالله : يالله اختيه طوفي.. • عادل : أوووه حصلتها !! شو رايج فمدينة الطفل؟ (وهو مال بسرعة بسرعة يوقّع اوراقها ) • مويز تغيّرت ملامحها : صدق؟ (وتبتسم ) يزاك الله خير يابويه وما عليك قصور !! (عادل بجج عيونه ..وبصوت واطي اتقول) أحسن عشان تتأدب.. • عادل فخاطره : ابويه؟ يالله انا مب من كبري !! (وهم طالعين ) • عبدالله : أجديتي فيه يا مويز .. شكله كان يبا واسطة شرات هذيلاكي .. اباج ابدا ما اتغيرين .. انتي جذيه ازجرت .. • مويز : أويييييييييييه اشووووه هذا؟ • عبدالله: يالله تستر .. • مويز : إلحق عليهن طالعهن دهديه !! كيف بيكون لقاء هنود ومويز؟ |
(الجزء 48) (اما عند الدكتورة ) • شمايل : بتمّين اتطالعيني وايد؟ • الدكتورة : انا اترياج اتكلمين .. • شمايل : انتي كل شي اتعرفينه عني .. وأكبر اثبات الملف اللي على الطاولة .. انا ليش أعوّر راسي.. • الدكتورة : صحيح بس هذي وقائع .. وانا اباج اتخبريني خطوة ب خطوة .. • شمايل تضحك بهستيرية : هههههههههههههاااااااااااي ضحكتيني .لالالا مافية أضحك وأنطر وينطر ويايه ال .. (وسكتت لأنها كانت بتقول ولدها ..) ممكن أسير الحجرة؟ • الدكتورة : انزين سؤال أخير .. ليش ضربتي الحرمة امسات؟ • شمايل : قصدج وداد؟ لسبب بسيط ..هههههههههههههه لأني مينونة .. • الدكتورة : انتي مش مينونة .. انتي عندج صدمة عاطفية ... • شمايل تضحك : هههههههههاااااااااي ياربي !! انتوا يايبيني هنيه عشان اتضحكوني جذيه صح؟ أسميكم فنتكة .. طبعا طبعا صدمة عاطفية .. بخبرج بقصة حلوة سمعيها بتعيبج .. (وتتقرب زيادة من الدكتورة ..) كان يا مكان في قديم لا في يديد لالالالا.. في بلادي بلادي بلادي ..بنية عشقت لها واحد ..امممممم شو احلى صفة فيه اممممم شوه؟ شوه؟ شوه؟ هيه لقيتها !!! واحد خسيس ولعين وجذاب بس قلبي حبه .. (ونزلت راسها ) بس كل تأخيرة وفيها خيرة ..اتعرفين ليش؟ لأنه الصدمة العاطفية يتني من 3 باكستانية مادري أي واحد منهم حبني .. (ورفعت راسها بكل جرأة تبيّن قوتها ) مادري الأول .. اللي كنت أتوسله .. أقوله بعطيك بيزات .. اللي تباه بس ولا كأني اتكلم ..عفد علية والثاني ووالثالث .. امممم أي واحد منهم حبني المشكلة ما أذكر .. ولين الحينة مب متذكرة .. منو ها اللي خطبني من اهلي عشان يستر علية .. شكله الثاني !! كان ويهه سمح بس ما رحمني (وبعصبية ) يا أم صدمة عاطفية !!! (وروحت عنها وهي تصيح .. وما حست بعمرها الا وهي واصلة الحديقة صوب الشجرة ..وكانت الساعة 12 وبعد نص ساعة من الصياح ) • هزاع : بدال هالصياح لوّني الكتاب اللي عطوج اياه .. (ورفعت راسها صدت يمين ويسار وما حصلت حد ) • شمايل : بسم الله الرحمن الرحيم .. • هزاع: انا فوق .. (وصدت فوق وحصلته متشلبح عالشيّرة وقامت من الزياغ تحبي بعيد ..) طبعا شردي شردي !! (وهي صدق شردت وسارت غرفتها وهي تنتفض وبطنها كان يعورها وكانت اتزوع دم هالمرة وبطنها يذبحها من الويّع وكانت كاتمة على عمرها ..) • شمايل : لازم أستحمل الويّع !! انا اللي يبته لعمري .. يالله اتعفوا عني ...يالله .. (اما عند فطيم ) • فطيم : ألو؟ • العقيد : سامحينا عالتأخير .. • فطيم : مسموح بالحل .. خير؟ حصلت شي ؟ • العقيد : سامحيني ما باليد حيلة .. دخلت على ملفات المكافحة وحصلت على ملف عيسى كاتبين عليه سري .. • فطيم متوترة : كيف يعني سري؟ • العقيد : يعني ما نعرف اذا هو ميت ولا حي وخصوصا انه سري للغاية وكله من أوامر الشيخ .. • فطيم : خلاص مشكور وما قصرت .. (وبندت عنه وهي متغصصة ) بس والله ما اهدك !! لأنه قلبي عمره ما خانّي !! (وطرشت له مسج " ضيفني على هالايميل .......... واتمنى اتكون بداية صداقة لا غير ") • عيسى: ياربي !! هالبنية موول ما بتخليني في حالي انزينهي شو تبا !! حشا لزقة عنزروت !! (اما عند باب بيت نشبة .. حد يدق الباب ) • نشبة : منو؟ طاك طاك طاك طاك • نشبة : منو يا مالك السم !! (ويدق زيادة ) كسّرت بيباننا !! (ويوم فجت الباب ) امنوه؟ بوطبر؟ • مايد سيده حباها على راسها : فديتج انا لا خليت من هالويه السموحي .. يعلني افداج يا نشيبة !! • نشبة : ويدي بسم الله بلاك؟ • مايد : ما بتقولين لي اقرب ولا بعدج زعلانة.؟ • نشبة وتضربه على طبره : مسوّد الضلع جذيه اتسوي ببنت ابوك... • مايد : ههههههههههههه ردينا للتخريف .. • نشبة : خرّف الله ضلعك المهاروم !! • مايد : قصدج بنت عمي صح؟ • نشبة : وانا شو قلت؟ انته ما اتوبي؟ • مايد : توبي؟ههههههههههههههه • نشبة يأست منه : اقرب داخل خلنا انشوف آخرتها وياك .. • مايد : جريب فديتج .. • شما : منو يا نشيبة ؟ • نشبة : بو طبر حد غيره !!! • شما : الله يحفظه .. الله يحفظه في صورة !! • مايد متعجب من المثل اللي عجته شما : في صورة ؟ جيه انا برواز؟ ماعليه بنطوّفها على خير هع هع هع (وبعد ربع ساعة من الأهلا وسهلا ومرحبا ملاييين .. ) • نشبة : ماحيدك يا ميود تيني البيت الا وجان في راسك شي.. • مايد : انا؟ • نشبة : لا زهور .. • شما : بلاها زهور بسم الله عليها ... (وميود يضحك ) • مايد : عاد انا ياي أسأل عن هنوه .. (هو يدري ان جلب الرمسة على نشبة سيده بتخّر وبتقول مكان شمايل ..) • نشبة : بعد ما هديتها احينه تباها؟ اندوكم وانا اتحريتني جالبة الرمسة .. امبوني فهيمة .. • شما: انتوا شو تقولون؟ • مايد : عاد انا ودي ارد لها .. الود ودي اييب المليج وآخذها .. • نشبة : وايد اتحلم .. دامنه فروها فمال النفسية ما بترد الا وهي بخير ... • شما: شو هاي النفسية .؟ اول مرة اسمع بها !! ايييه المدحّب !! (توّها بتقول هنوه في البيت عند شموس بس قاطعها ميود) • مايد : ويييه انا اول مرة اسمع بها مال شو هي؟ • نشبة : مستشفى مال وحدة جنها يسمونها امل..هاي يقولك دكتورة وحدةتعالجهم عن كل شي رويلات .. حتى لو ياينهم متكسر .. بس واعلية عنها هنوه من اللي صار لها يلّسوها هناك في الحجرة وياها.. • مايد : جيه متى ودوها؟ • نشبة : يوم الخميس الصبح مدخلينها .. (وشما تقرص نشبة ) • شما: ونحن شو موّاصايين؟ • نشبة : عن شو؟ • شما: مب قايليلج لا تتكلمين عن شملوه؟ • نشبة: ابوووووووووووووووه !! • مايد ضحك :لا تخافون ما بسير لها انا اصلا قطعت الأمل .. • نشبة : ما بتسير لها اخافك الا عشقت امل الدختورة اللي تعالجها .. اصلا انته ما بتعرفها • مايد : جيه ما بعرفها اعرفها هاي شمايل حبيبتي • نشبة : حبك برص قول آمين يا بو البيزات .. اتعلمت شرات فضول !! ابويه يوم غيّروا اسمها وعطوها اسم اختها وين بتعرفها (طاعوا ولا جنه موّصاية انه ما تقول .. وهو قام ) • مايد : اكرمكم الله .. يالله بترخص .. • نشبة : وين بتسير؟ • مايد : ورايه دوام .. (ويوم روّح ..) ماعليه يا شموول ان ما يبتج والله ما كون مايد ان ما يبتج!!! (ااما عند مي ) • مي : ألو؟ مرحبا الجود ؟... (وتكلمها بتوتر ..) • الجود : هلا مي ... • مي: انتي وين؟ • الجود : انا فطريج شارع الامارات مرّوحة بوظبي.. • مي : خير انتي ما بتين باجر ويانا؟ • الجود : لا فديتج حصلت لي مشلكة في الشغل ما اقدر .. خير؟ في شي؟ • مي : هاه؟ لا ماشي.. • الجود : والله اتخبريني ... • مي : دعمنا • الجود بججت عيونها : شو تقولين؟ • مي: والمشكلة ولا وحدة منا عندها ليسن واخاف يحبسونا !! • الجود : الله يحفظك وصار لكم شي؟ • مي : لا ما صار شي .. كلنا بخير .. بس ما عليه انا بسوي حق ابويه .. الله يستر بس .. • الجود : لا تسوين ولا شي انا بتصرف ... • مي : بس كيف انتي ف بوظبي .. • الجود : ما يهمج انتوا وين ؟ (واتخبرها بالمكان وكل شي ..) • مويز ترمس هنود : انتي بخير؟ • هنود فخاطرها : الله يغربلج ويغربل اليوم اللي يابوج فيه يا ميوه !!! • مي : هي بخير .. • مويز: اعنبوا انتي اول مرة تسوقين ؟ • مي : الصراحة من زمان ما سقت .. وناسية شوية .. • مويز : عيل منو يايبنكن؟ • مي : هنود !! الله يخليج ممكن اتقولين حق اخوج لا يتصل بالشرطة لأنه كلنا نسوق بدون ليسن !! • مويز منصدمة : بدون ليسن؟ وكلكن؟ اكملت .. • مي: الله يخليج لين ما تي ربيعتي .. • مويز : خلاص ولا يهمج ... (وسارت عند اخوها اللي واقف بعيد ) عبادي !! لا تتصل بالشرطة اصبر .. • عبدالله : خير؟ هن استوا فيهن شي؟ • مويز : لا هن بخير .. • عبدالله: عيل؟ • مويز تضحك وعيونها تدمع من الضحك : يسوقن بلا ليسن ... • عبدالله : الله اكبر !! جيه في الجاهلية نحن؟ • مويز : ربيعتهن بتي وبتيلس مكانهن اصبر لاتتصل .. • عبدالله : خلاص سيري يلسي وياهن .. لين ما آخذ لكن شي .. أكيد مرارتهن انفجرت .. واعلية على موتري .. • مويز : الله يعوّضك خير .. يوم اقولك خذلك رنج بدال النيسان اللي يهدر علينا اتقول بينفجر .. • هنود تكتب : البلخة !! منو بيي؟ • مي : الجود بتي ..والله لو ابويه درا جان جتلنا !! • الجود تتصل على راشد : ألو؟ • راشد : هااااااااه؟ • الجود : رشود قم اقولك !! • راشد : منو؟ • الجود : اختك الصغيرة !! • راشد : يالله باي (وبند فويهها وغلق موبايله مغفي الأخ ) • الجود : انا براويك يالتمساح !! (وتتصل على البيت ) • راشد : اوفيييييييييييييه !! منو؟ • الجود : حرمتك داعمينها في البلدية ......... وان ما لحقت عليها بتموت .. • راشد بطل عينه وعج اللحاف : شو تقولين؟ • الجود تبتسم لأنها عرفت انه هو يحبها : يا تلحق ياما تلحق !! بسرعة سير لها !!! (وبندت عنه وهي ميتة من الزياغ ..) • راشد يبدل ثيابه : معقولة هنودتي تستوي ميرة مرة ثانية؟ لالالا بسم الله عليها .. يالله يالله تستر .. (وخذ السويج ويسوق وهو مسرع خايف انه شي مستويبها مب عارف هي داعمينها ولا هي داعمة حد وعيونه محمرة .. اول ما وصل حصل واحد ريال بعيد يتكلم .. ومي اتكلم مويز .. وهنود يالسة عالرصيف وحاطة ايدها على راسها اتغطي عمرها عن الشمس الحارة ..) • هنود فخاطرها : ياربي متى بتي الجود متنا من الحر !!! (راشد نزل من الموتر وقلبه يدق بطريقة فظيييعة ..وخلا الموتر ف نص الشارع مب هامنه شي .. وركض جداها ..) • راشد مسكها من من ذراعها : هنود غناتي دخيلج لا تموتين !!! (الجزء49) (وهنود رفعت راسها اتطالع منو هالهرم اللي ميوّدنها ويدعي عليها بالموت .. وعصّبت وقامت واقفة) • هنود فخاطرها : ويه بسم الله الرحمن الرحيم من وين ظهر لي هالساحر ... (وتضربه بايده الا تكفخه ) عنلات صيرك يالهرم انا براويك !! • راشد :آآي !!! آآآي !! هنيد بلاج؟ (وفصخت نعالها وتربع وراه بطبجة وحدة ولابهامنها وتضربه وهو يشرد عنها وتلحقه ... طرباخ طرباخ ..) • هنود فخاطرها : قصورك تلمسني بعد !! هرم واحد !! • راشد : انا راشد .. راشد ... (ومن الغياظ اللي جاسها فرّت عليه النعال .. وقامت تمشي وهي اتعرّي .. وخلاف فرت الطبجة الثانية ومشت حافية ..) • هنود فخاطرها : انا راشد .. راشد وخير يا طير !! نقعن المدافع !! قليل الأدب ما تستحي على ويهك !! من متى الرياييل ايّودون حريمهم قبل العرس؟ ماعليه ان ما خبرت عليك يدتك .. هي اتعرف اتأدبك .. هذا من الحينة متطيفس !! (وهي تتحرطم وهو واقف منصدم والطبجة فإيده ..ليش سوّت جذيه وسار صوبهم ) • مويز : هههههههههههااااااااااااي !! شفتي اختج كيف تربع وراه بنعال؟ • مي :هههههههه حسبي الله عليها فشلة هذي البنية .. انتي اتعرفين منو ها؟ • مويز : اكيد من الشباب الرغود مطفربها .. • مي : لا يا عيوني .. هذا الاسبوع الياي بيملج عليها ... (ومويز منصدمة ..) • مويز : والله؟ • مي : شفتي عاد؟ هل ليوا غجر ... (وهنود سارت عند البنات وعبدالله ساير يكلم راشد ) • عبدالله :ههههههه سلامات سلامات .. دواك محد قالك اتغازل البنية .. • راشد : نعم؟ • عبدالله : الله ينعم عليك .. خذ موترك واتوكل لأنه الهرنات هب موقفة .. • راشد : هاي خطيبتي .. • عبدالله ميت من الضحك : جيه وين نحن ف سوريا خطيبتي؟ ياخي اتكلم عدل .. • راشد : والله انه ملجتنا يوم الخميس .. ب شو احلف لك؟ • عبدالله : خلاص انا ما يخصني .. انا بتصل بالشرطة عشان انخلص بسرعة .. (وسارت مي بكل جرأة تكلم راشد وهومنزل راسه ) • مي : سامحها يا عيوني بس من اعتدوا عليها هاكي اليوم وهي تخاف من الرياييل .. • راشد منصدم : شو تقولين؟ • مي : شنو؟ ليش ما خبروك؟ • راشد : هاه؟ لا خبروني بس ناش من الرقاد مغفي .. • مي : ههههههههه تباني اطلب لك كوفي؟ (وهنود اتطالعها ويتطاير من عينها الشرار على جرأة مي وأصلا كانت ميتة من الغيرة عليه ) • مويز : اتصدقين موقفج عيّبني ..اتبينين انج بنت بدو وأصيلة .. انا مويز .. وانتي؟ • هنود فخاطرها : انا هند ... (وتبيّن لها انها ما تتكلم ) • مويز احمر ويهها : ويييه انا آسفة ما كنت ادري انج .... (ودمعت عينها ) • هنود تحضنها وفخاطرها : ليش تصيحين .. (ويوم يت الشرطة مي رازة بويهها ويوم حلوا المسألة ) • راشد : مي نادي هنيد ..يالله بوديكن البيت .. (ومي تمشي بكل رقة صوب هنود) • مي : هنود حبيبتي يالله راشد بيّردنا .. • هنود تكتب : اتخبلتي؟ نركب وياه؟ • مي: عيل منو بيردنا يا عيوني؟ • مويز: نحن بنرّدكم .. • مي : مشكورة بس ما اتدلّون .. • هنود تكتب : جانج بتغدين فارطة ركبي وياه الرب لج حافظ .. لكن انا لا .. • مي : بكيفج .. • هنود تكتب : مويز لو ما عليج امارة بكلّف عليج ممكن توّصليني البيت؟ • مويز تبتسم : افا عليج عيوني لج .. (وتبتسم لها .. وحسّت انها بنية اتعرف الأصول .. لكن اختها اللي بدت يوم عن يوم تستوي فارطة ..) • راشد : وأختج؟ • مي : تبا ترد البيت وياهم ..من غير انته ما اتدل .. وبدّليك البيت ... (وهي ركبت جدام ..اما هو نزل وسار صوبها ..وهي اتطالعه ومب مهتمة ..) • راشد : هنيد اكسري الشر وركبي الموتر ... • هنود اتطالعه ومب مهتمة وفخاطرها : والله لو تموت .. • راشد احمر ويهه : انتي اتحبين اتخالفيني من الحين.؟ • هنود تكتب : والله اذا هب عايبنك طز لأني ماركب ويا ريال غريب • راشد : بس انا باخذج ... • هنود تكتب وهي معصبة : يوم بتملج علية يصير خير اما الحينة لو تنطبق السماء عالأرض يالأجنبي !! (وكانت مويز سايرة اتخبر اخوها ) • عبدالله : شو مستوي؟ اشوفهن افترقن هذيلا خوات؟ • مويز : هذي الا ماصخة .. اقولك اخويه هنيد بنوّصلها البيت ..عادي.؟ • عبدالله : مافي مشكلة .. يالله طوفي .. (وركبت مويز ورا ويا هند .. وهنود اتطالع القوية مي اللي ترمس رشود ) • هنود فخاطرها : الله ياخذج يا ميوه !! جذيه تسوين بأختج؟ الله لا سامحج يالفارطة !! • مويز : هنيد؟ هذي اختج؟ • هنود تكتب : هيه .. • مويز : مادري بس لهجتها شوي مكسّرة .. • هنود تضحك وتكتب : لأنه امها عراقية .. • مويز :أها وأمج؟ • هنود تكتب : من ليوا .. (وكانت هنود شاغلتنها مويز لو مب هيه جان صاحت .. وعند عيسى ) • عيسى : سعيد شفت البلى اللي انا فيه؟ • سعيد : إشوووه؟ • عيسى : اتحيدها الطحنة اللي سوّت هاييجي المرة؟؟ • سعيد : اووووه الطحنة ما غيرها؟ بلاها يعلني بلاها؟ • عيسى : مطرشتلي ايميلها .. • سعيد : احلى شي .. بس تعال اخافك كنت ممثلولا مطرب قبل ما تدخل المكافحة ... • عيسى : هههههههههههه قصدك عن البنات يالداهية؟ • سعيد : هيه عيل شي غيره؟ • عيسى : شوف انا فعمري ماكلمت بنات.. بس هذي غريبة مصرة تلاحقني روحي حافي ومنّتف شو تبا فية؟ • سعيد : انته ضيفها ويصير خير .. لأنه بينشل تيلفونك العصر .. • عيسى : بس انا ما اذكر ايميلي .. • سعيد : سو لك واحد يديد .. • عيسى : شو أسّمي عمري؟ • سعيد : essa • عيسى : هههههه لا مابا حد يعرف اسمي .. اخاف اتكون ربيعة فطوم ... • سعيد : وانته تخاف من فطوم؟ • عيسى : لقيتها .. شو رايك في المحقق كونان؟ • سعيد :ههههههههههههاااااي بتتحراك ياهل .. • عيسى : انزين احلى شي .. عشان ما اتحط آمال علية .. • سعيد : ليش انته على شو ناوي؟ • عيسى : تقدر اتقول اني كنسلت فطيم من حياتي .. وكنسلت الزواج من مخي بعد ... (اما يوم وصلت هنود البيت ) • زينة : هلا والله يا عيوني !! (وتتصدد) وين مي؟ اكيد توقّف الموتر في الباركينج .. (وهنود تفصخ شيلتها ..) • هنود تكتب : لا يا عيوني بنتج الا فارطة وتبا تسوي مشاكل • زينة زاغت : خير؟ • هنود تكتب: اليوم دعمت سيارة • زينة : شنو؟ كيف؟وهي صار لها شي؟ • هنود تكتب : والله الخيل يوم دعمت العرب سوّت حق الجود .. وياء اخوها وركبت وياه ماطاعت تي ويايه .. • زينة: شنو لوحدهم؟ • هنود تكتب : لا الشيطان ثالثهم بس.. (وروحت حجرتها وهي تصيح ..وبعد ربع ساعة نشت واتذكرت الرسالة اللي كاتبنها راشد لها ..وسارت الكبت وطلعتها ) هنيد هذا الشيك هدية صغيرة لج عشان تقّضين اشغالج واللي محتايتنه .. وأي شي تأمرين به من عيوني واتمنى ما فهمتيني غلط يوم في المستشفى .. انا كان قصدي تتعالجين لأنه فخاطري أسمح حسّج .. كفاية انج ملكتيني .. • هنود فخاطرها :ههههههههههههههههه والله ضحكني هنود دخيلج لا تموتين !! جيه وين نحن عايشين لايكون مسوين فلم هندي ؟ هههههههههههه بس ياربي خبل بي !! شكله طررر يا ناس .. لا وبعد يسميني هنيد فديت رويشد انا .. • وداد: ألو؟؟ • هناء: هلا ودووود .. وينج من زمان ؟ • وداد : انا موجودة انتي اللي وينج؟ • هناء : موول ما كان عندي رصيد .. • وداد : افا عليج انا بطرش لج ... • هناء : هذا العشم فيج .. خبريني سويتي اللي اتفقنا عليه؟ • وداد: سرت لها وما خليت شي .. اقولج بس عفدت عليّة لا بركتن فيها .. • هناء : جان دستيها فبطنها .. امبوني ما دانيها .. • وداد : الفضل لج لو ما دليتيني مكانها كنت بخرب على ميود.. • هناء : يبالج تفرّين مخ ميود بكم من كورس .. • وداد: ميود؟ ميود حبيبتي مالي وبيتم لي وبتشوفين .. • هناء :ومنوّع؟ • وداد: منوع عالمقاعد الاضافية .. (اما عند ميود..) • مايد : متى اقدر ازور مريض عندكم؟ يوم الخميس؟ العصر؟ اها واذا سألت عن مريضة ممكن تساعدوني؟ اخاف اتكون ييتيّة عالفاضي .. هيه نعم .. اسمها هناء ............ أيوا ان شاء الله بصبر .. (وبعد 5 دقايق ) ليش ياخي؟ ليش ممنوع؟ شو يعني بعدها؟ مشكلة؟ مشكلة شو؟ نعم؟ منو هالحرمة؟ انا .؟ انا ريلها ليش في شي؟ حامل منو هاي الحرمة الحامل؟ خلاص انا بيي يوم الخميس واتمنى اتخلوني اشوفها لأنه اذا ما خليتوني اشوفها بطلّعها من المستشفى ويحق لي ... |
(الجزء51) (وعلى الساعة 1 في الليل ) • راشد يتجلب مب ياينه رقاد : اووووف ليش هب يايني رقاد .. (ويتصل على احمد ) احمدوه؟ • احمد: نعمين؟ • راشد : بلاك ياخي؟ • احمد : مافية رقاد .. وكلما بحط راسي وأرقد حد يسويلي .. وهالمضيفة ملعوزتني .. بند تيلفونك وبند تيلفونك .. • راشد : جيه انته وين؟ • احمد: في الطيارة راد البلاد .. • راشد : احمدوه !! إلجق على خويّك !! • احمد: جيه بلاه خويّه؟ • راشد : I'm in love • احمد : وخير يا طير؟ أنقّع شلّق يعني؟ • راشد : اوهووه يالله باي .. • احمد يضحك : لا والله !! تتصل وتوّعيني وتقطع حبل افكاري وآخرتها اتبند وتخليني ب حيرتي؟ • راشد : احمدوه بتسمعني ولا لأ؟ • احمد : لازم اشارك واتفاعل وياك ... • راشد : احمدوه رفعت لي الضغط .. • احمد : هيه انته عج المياديف !! احمدوه اصغر عيالك !! • راشد : انزين يا احمدان .. (ويخبره عن هنود وعن اللي سوّته ) • احمد يضحك بصوت عالي وكل الخلق اتشوفه في الطيارة : ههههههههههه احلف؟ تربع وراك؟ • راشد : جاب جاب .. بس والله حركتها غريبة .. يعني عادي .. شو بيستوي؟ وأصلاكنت زايغ عليها خفت انه ... (وما طاع يكمل ) • احمد: انا اعرف ليش ... (وبجدية اكثر ) شوف بوسنيدة انته نص عمرك قضّيته ف أمريكا .. وتعلمت عاداتهم وتقاليدهم .. • راشد : صح بس بعد ما نسيت عاداتنا .. • احمد : يمكن ما اتعرف انه البنية المحترمة ما تداني تنلمس بشعرةوحدة .. تبا الناس يتكلمون عنها بكل شي زين وخصوصا اخلاقها وسمعتها .. وهذا يبيّن انه البنية لوما سوّت جذيه .. انته بتقول خلتني أدقها وبتخلي غيري يدقها .. حتى لو فرضنا انك زايغ عليها .. بس هذا طلع لا إراديا .. (وتم يالس يفكر بكلام احمد ويضحك .. بس كل ما يتذكر شكلها كيف تربع وراه .. يموت من الضحك وأذّن الفجر ونشت هنود تصلي وحصلت مي راقدة اكيد ياية نص الليل .. وبعد الصلاة .. سارت اتسبحت ..ولبست جلابية صفراء يايبتلها زينة اياها .. وتجحلت بأثمد لأنها كانت حاسة عيونها اتعوّرها ) • هنود فخاطرها : مب حاطة أي شي فويهي .. خله يشوفني على طبيعتي بدال الصبغ .. انا روحها عيوني منتفخة .. (وطلعت شوي شوي وسارت المطبخ ) • زينة : يمة !! خوفتيني !! كان نمتي؟ انا كنت راح أصحّيج !! • هنود فخاطرها : كنت أصلي .. (وتسويلها بإيدها حركة انها تصلي ) • زينة : آني اليوم مسوّتلكم خوش ريوق .. • هنود فخاطرها : شو؟ (وتبطل الطاستين الحرّارات .. وحدة فيها سندويشات جبن والثانية عرسية .. وهنود مبججة عيونها ..) • هنود تكتب : والخيبة اتعرفين اتسوين عرسية؟ متى حصلتي وقت تضربينها ؟ • زينة تضحك : فديتج آني خبيرة في الأكل الاماراتي جارتي علمتني .. وفي المطبخ هنانه محد يدخله غيري .. • هنود تكتب : وآني بسوي شاي حليب كرك .. • زينة تضحك : اتحجي على كيفج يوم عن يوم بتتعلمين تتحجين عراقي .. (وبعد نص ساعة انه اليدة الجود مسوية تيلفون ) هالو؟ مرحبا .. • اليدة : مرحبا الساع ... صبحج الله بالخير يا بنيتي .. • زينة : صبحج الله بالنور حجة .. شلونج حجة؟ • اليدة : بخير وعافية غناتي .. شو اصبحتوا اليوم ؟ • زينة : الحمدلله بخير .. الساعة جم راح تمرون على هند؟ • اليدة : عطينا 10 دقايق بس ..ليش هي راقدة؟ • زينة : لا حليلها واعلية من بعد الأذان ... • اليدة : ما شاء الله عليها ... يالله اتجهزي انتي بعد ... • زينة انحرجت : لا يا حجة آني ما اقدر اروح وياكم .. • اليدة : افا ليش؟ جان عالموتر تراه يسّد .. • زينة : لا يا حجة .. بس بوعيسى يوعى وما يشوفني يتعصب من غير بروح الجمعية .. • اليدة : خلاص عيل براحتج .. تامرين بشي الغالية ؟ • زينة : سلامتج يا عيوني .. • اليدة: الله يحفظج .. نحن يايين ترانا .. • زينة : ان شاء الله (وبندت عنها .. وسارت اليدة حجرة راشد ) • اليدة محتشرة لأنها موعتنه كم من مرة : رشود ويهّد !! لين الحينه ما نشيت؟ • راشد : اممممم شو؟ • اليدة : ورانا سيرة غربل الله شرك !! قم !! • راشد يفتح عين وحدة يطالع الساعة : والخيبة امايا الساعة 6 جيه بنلاحق الدياي؟ 5 دقايق بس .. • اليدة : انا لو فإيدي الدريول جان سرت .. قم لأكسر ضلعك بهالعصا .. هاكيه حرمتك غابشة حليلها .. • راشد فز من مكانه ويمسكها من جتوفها : حلفي اامايا حلفي؟ • اليدة : والله .. يالله ارحمنا وقم .. وانقفض !! (وهو ساير الحمام مستعيل واتأشر بعصاتها ) تعال تعال تعال !! (وهي اتأشر بصبعها بتوّعد ) ان لبست بنطلون وقميص بكنسل السيرة فهمت؟ • راشد يسمع الكلام ويهز راسه : من عيوني فديت your eyes (واتدزه عشان يطوف يدش الحمام ) • اليدة : طوف يالله طوف !!! (وماشاء الله عليه اتسبح ف 5 دقايق طلع وصلى واتسبح في العطر ودش حجرة الجود ورد اتسبح فيا لعطر للمرةالثانية وهو نازل واليدة اتطالعه ) • راشد : اذكري الله !! اذكري الله !! أهــــأ عن تصكيني بعين !! • اليدة : هب هبيت !! يالله طوف جدامي .. (وركبوا واتحركوا ..) • راشد : امايا؟ بناخذها وبنسير العين رواحنا؟ • اليدة : لا !! بناخذها وبنتريا يدتها لين توصل دبي وبناخذهم ويانا .. • راشد : انزين امايا تحبيني؟ • اليدة اتطالعه : انا ما حبك .. اسأل ندوه هيه بتجاوبك .. (ويحبها على راسها وبرقعها ) بس اعنبوك بتدعم !! شوف الاشارة جدامك حسبي الله على ابليسك .. • راشد : هههههههههه اتصدقين اني احبج؟ وأمووووت عليج وعلى طوايفج يالجود!! • اليدة : مب من الله .. • راشد : دومج ظالمتني ولا انا فقيّر .. • اليدة : انزين إمش شوي شوي الدلال ورا .. • راشد : لازم دلالج وياج؟ • اليدة : انا ما روم اطلع بدون دلتي .. هي اللي تفجج راسي .. • راشد : هاي؟ الا غسالة !! • اليدة : غسالة اللي تشربونه المدحّب قصوا عليكم هالأمريكان .. صبوا ماي وحطوا خاشوقة قهوة اععععععع.. • راشد : امايا الدنيا اتطوّرت .. ماعلينا .. خلينا فموضوعنا !! • اليدة : شو بغيت تراك طفرتني !! (ووصلوا عند قوم هنود ويضرب الهرن ) • راشد يترجى : دخيلج عشان خاطري فديت ويهج .. • اليدة : بلاك عوذ بالله؟ • راشد : دوري ورا وخليها تدور جدام .. (وتضربه على راسه ) آآي !! • اليدة : قصورك يالرغيد !! • راشد : انزين ماعليه .. ان يت يدتها خليها اتدور في النص عشان اشوفها .. • اليدة : انزين يصير خير .. (وخلاف حسبتها ) انا ادري عشان ترفسها بريولك ولا اتطلع ايدك من ورا ادري .. ولا هالطول !! (وصدت ) هاكييه يت .. قم !! قم شل عنها الأجياس !! • راشد : هوااااااااااا من عيوني !!! (وينزل بسرعة وساير صوبها .. وهي انصدمت انه هو ) • هنود فخاطرها : وابويييه هو بيوّدينا؟ لا يالفضيحة !!! • راشد : صباح الخير والاحساس والحلاوة .. (وهي عصبت وكانت رافعة حواجبها وطافت عنه ولا مهتمة ) مب قصدي والله بس عطرج لعوزني لأنه ريحته مثل الحلاوة .. • هنود فخاطرها : أسميه هب صاحي (وعطته الاجياس وبطلت الباب اللي جدام عشان اتسلم ) • اليدة : هلا صباح الخير فديييت روحج .. (وتسلم عليها ) واايه فديتج .. • هنود فخاطرها : فديت هالخيّرة ... (ودارت وراها واول ما ركب رشود ) • راشد : اتصدقين يا امايا؟ • اليدة : خير؟ • راشد : انا كنت يوم عايش برع .. ثرهم ما يسلمون بالخشوم شراتنا .. • اليدة : اووص !! اسكت اسكت فضحتنا .. • راشد : شو فضحتج؟ انا اقول الصدق تراني .. يوم الريال بيسلم عالحرمة لازم على خدها .. واليوم تراج ما سلمتي علية .. (وسيده هنود فهمت التلميح ) • هنود احمرت وفخاطرها : يالله شكله اليوم ما بيمر على خير .. • راشد فخاطره : وانا لازم آخذ حقي .. على الضرب اللي حصلته هههههه انحرجي شوية .. اليدة صادة : هنود امايا؟ اتعرفين رقم يدتج ؟ (وهنود اتهز راسها بإيجاب ) عطينا اياه فديتج (وكتبت في ورقة رقم مايد ) أبويه اتصل .. راشد : ان شاء الله ... (ويتصل ) ألو ؟ السلام عليكم .. مايد ويايه؟ مايد : هيه نعم مايد وياك .. راشد : وياك راشد بن سالم .. مايد: يامرحبا الساع والله .. متصّل تتخبر عن العربان؟ راشد : ههههههههههه اكيد .. وين وصلتوا؟ مايد : والله واصلين صوب الواحة .. القريبة من البيت .. راشد : انزين اوقف هناك نحن يايين .. مايد : شليتوا هندوه ولا؟ راشد : خلاص شليناها .. بس العيوز محتشرة علينا .. مستعيلة على رزقها .. اليدة اتمتم : لا حول ولا قوة الا بالله (وهنود تضحك ويوم وصلوا صوب الشيشة نزل وسلم على مايد ) هنود فخاطرها : توّني الاحظ كشخته .. وااايه فديت الكشخة انا والله احبه يا ناس !!! (وهنود تنزل وتبطل السيت عشان تيلس ورا .. ويلست ووصلن العيايزالثلاث ) ميثاء تركب : سلامن عليكم ... اليدة : وعليكم السلام ورحمة الله .. نشبة : انا بيلس صوب الدريشة .. ماداني اليلسة في النص .. شما : ولا هالطول .. امبوني ايلس صوب الدريشة وانتي دومج تيلسين في النص .. الله يحفظني في صورة .. (وسلمن على بعض ودارت ميثاء في النص ونشبة على اليسار وشما توّها بتركب عاليمين وهنود اتحببهم على روسهم .. وشما حطت ايدها عشان اتاجب وياها راشد على غفلة مايدري بند الباب ويسمعون صرخة تدوي .. وهن قفزن من الزياغ ) شما: آآآآآي !! لحقوا عليّة!! (وهن مبججات عيونهن شو بلاها؟ اتخبلت هذي؟) بطلوا الباب !! بطلوه !!! (واتدقق براسها على سيت اليدة .. وتضرب بإيدها على السيت متويّعة ) آآآي بطلوه !! بطلوه !! ميثاء : بلاها هذي؟ (وشما اتيّود ميثاء من عباتها وتمطها ) هنود فخاطرها : اوييييييييييييه بند الباب على صبوعها !! (وراشد صد يطالع بلاهن؟) اليدة تضرب على الدريشة : إلحق بطل بابها !! بطّل !! صبيعاتها !!! (وشما اتدقق براسها انزين يالغبية بطلي الباب وفكي عمرج ..ذكاء يا ناس .. وهنود عفدت جدام بس نص جسمها واتبطل لها الباب .. وسكتت فجأة ووشما تنتفض) شما تنفخ على صبيعاتها : اوووووووفففف اوووووففف كنت بموت الله سلمني كنت بموووت !! (اما عند مايد ) مايد : هلا مانع.. مانع: اهلين اقووولك انته في دبي صح؟ مايد: هيه مانع: خلك مكانك .. اباك اتيي هالمكان .. مايد: خلاص تم ... بس ليش هالمكان مال الحريم جيه موّدي الحرمة؟ مانع: لا بس بنسير انغيّر شكلك.. مايد : شو بعد شكلي؟ الله اكبر .. بتسشورون شعري ولا بتحطون لي مكياج هب هبيت !! مانع: لااااا ..بس شوية بنغيّر اللوك مالك .. عشان اتبيّن فلبيني اصل ... مايد: شو بتسوي؟ بتلبسني مراري؟ وعقود وخواتم؟ مانع: ههههههههههههه تقدر اتقول جذيه ... مايد عصب : اكرم انك هب عاقل ... لو الموت ما سويت هالشي .. |
(الجزء 52) • نشبة ميتة من الضحك : هههههههههه احينه الله يحفظج في صورة !! (وميثاء حاطة ايدها على قلبها ) • راشد بطّل الباب جداها : خالوه؟ اشوف صبوعج؟ تبيني اييب لج ثلج؟ • شما : لالالا تيب شي فدياك .. • ميثاء : رد اركب يابويه .. ورانا درب .. حسبي الله على منكرج عجيتي فؤادنا .. • اليدة : يالله يا مرارتي .. زين ما اندحقت .. • ميثاء : امايا نحن دوم جذيه .. (وهو يتحرك ويضحك وهنود ناقعة من الضحك ) نشبووه لسانها .. اما شموه بتلقينها داعمة ولا طايحة .. • شما : تعايبين علية ما عليه .. الله سلمني بس .. • اليدة : تستاهلين السلامة يا شميم .. حد اتوحّاج .. • شما : الله يسلمج ياغناتي .. هي والله صدقتي .. عادة انا قلت بييب زهور ويانا .. لكن ميثوه ما خلتني .. • ميثاء تتحرطم : جيه نحن سايرين نتلقف لحد؟ ترانا سايرين نقّضي شغل ويايين .. • نشبة : كل ما تقولين لها شي .. تقولج زهور وزهور .. حشا لو عيالج ما سويتي بهم جذيه .. (وهنود اتطّلع الطوّس الحرارة .. وراشد عينه عليها ) • ميثاء : امايا هنود شو يايبة ؟ (وهنود تراويها الاكل وتعطيهم ياكلون ..) • راشد فخاطره : فدييييت اللي مسّوين لي ريوق .. (يقطع حبل افكاره مسج ياينه .. " معقولة تاخذ وحدة ثانية .. وتنسى حبيبتك اللي اتحبك؟" هو احمر ويهه ) بسم الله الرحمن الرحيم .. منو هذي بعد؟ (ويطرش " شكلج مغلطة في الريال اختيه " .. ويوصله مسج بعد 3 دقايق .. " لا انا مش مغلطة ياراشد " ) منو هاي؟ انا ما جد كلمت بنات ولا احتكيت فيهم بعد ..شو السالفة؟ (وصد يطالع هنود من المنظرة ما حصلها ) اكيد منسدحة .. • هنود فخاطرها : انا احينه ميّلسة ومجابلني ريلي حبيبي وقلبي ..وليش افكر بميوه الماصخة؟ شو استوا البارحة يوم سارت وياه؟ وايد طول لسانها ملعومنة الصير ..انا لازم اخبر عليها زينة .. لازم توقّفها عند حدها .. هذي بتفكر تظهر ويا شباب .. كل ما ياها بتتفيرط .. (وعند عيسى العصر .. كان ياي من الدوام ..وحطوه فغرفة ويا سعيد بأوامره .. وكانوا واصلين اثنينتهم فنفس الوقت .. بس كان شغل كل واحد فيهم مختلف ..) • عيسى : يالله اتكسّر ظهري اعنبوا موّعينا من الساعة 4 خافوا الله .. • سعيد : هذا وانا وياك بعد .. كلنا في الهوا سوا ماشي عندهم واسطات .. • عيسى وهو يدخل النت : بدخل النت .. • سعيد : ما بترتاح شوية؟ قبل ما يكرفونك زيادة؟ • عيسى : لا .. ياخي ضربني فضول على هالبنية احس انها فطيم .. مادري ليش.. • سعيد : هههههههه يا هالاحساس .. عيل بيلس وياك شوي قبل ما اسير اذاكر .. بنشوف اخرتها انتوا الثنينة شو بتصير؟ • عيسى : حياك .. بس آخرتها هي اللي بتندم هب انا .. (وضاف فطيم .. وسيده دخلت ) حشا شكلها اترياني .. • سعيد : هاي مريضة نفسيا .. • عيسى يكتب : شكلج ما صدقتي؟ • فطيم تكتب: انته منو؟ • عيسى يكتب: انا المحقق كونان وانتي؟ • فطيم تكتب : هاهاها ما يخصك غلاسة !! قول منو ولا بتحصل البلوك .. • عيسى يكتب: أها اتذكرتج انتي اللي تتصلين واتطفرين الخلق ..امممم على ما اظن اسمج العقربة صح؟ • فطيم تكتب : قليل الأدب انته هب متربي .. • عيسى يكتب: خليت التربية لج يا ام كراع .. • فطيم تكتب: الكرعان خلهن لك يمكن اتسوي صالونة كرعان يا كونان .. • عيسى متعجب : صالونة؟ • سعيد ميت من الضحك : هههههاااااااااي .. صالونة كراعين !! • فطيم تكتب: شو اسمك؟ • عيسى يكتب: اسمي عنتر وانتي؟ • فطيم تكتب: انا عبلة .. • عيسى يكتب: كم عمرج يا عبلة؟ • فطيم تكتب: 35 سنة وانته؟ • عيسى يكتب: توّني أحبي .. • فطيم تكتب: معرس؟ • عيسى يكتب: اممممممم ما يخصج .. • فطيم تكتب: عاد انا الفضول ضرب عندي .. • عيسى يكتب: خلي فضولج لعمرج او اضربيه هذي اشياء شخصية .. لا يكون حبيتيني؟ • فطيم تكتب: حبك برص .. • عيسى يكتب: تعجبيني يالتمساحة .. • فطيم تكتب: من زينك انته يالطيطار .. لازم تنعجب فية اصلا .. • عيسى يكتب: صدقتي عمرج؟ كنت اقولج تعجبيني لأنج ذكرتيني ببشكارتنا .. كانت رمستها شراتج .. • فطيم تكتب: بشكارة فعينك !! انته ما تستحي !! • عيسى يكتب: لا ما استحي ويهي لوح وانتي؟ • فطيم تكتب: ياربي تقهر ..ليش تسوي جذيه؟ • عيسى باستهبال ويكتب : انا؟ شو سويت يا تمساحة كونان؟ • فطيم تكتب: ثمّن كلامك ياولدا لبلاد !! • عيسى يكتب: تشترينه؟ • فطيم تكتب: فضّل عنه منو بيشتريه وععع • عيسى يكتب: ابيعه بمليون ولا اقولج؟ لي شور بقّص لسانج اول وخلاف بتصدق عليج بالمليون .. (وفي الصالون الرجالي في جميرا .. مايد يتصدد يمين ويسار يخاف حد يشوفه ..) • مايد فخاطره : الله يغربلكم ان شاء الله .. كله منج يا شمايل .. • حسن : اووووب !! اووووب ابو المجد علومك؟ • مايد زايغ : شو يايبنك هنه؟ • مانع: ياي ويايه .. • مايد : اكملت !! مانع دخيل الله ما لقيت غير اتخليني فلبيني ؟ • مانع: جاب يالله جاب هذا أمر (ويزجر على الحلاق ) يالحبيب؟ • مايد: انزين اول شي خبرني .. ليش حسن ما ايي بدالي؟ • مانع: شوف اذا ما تبا ارمس من الحينه .. عشان احط بدالك حد .. واذا انته انسحبت بتنطرد وبتنسجن قبل لأنه على غيابك المتواصل .. • حسن : اذا ما تبا على راحتك محد بيغصبك .. • مايد فخاطره : كله عشانج يا شمايل يهون اهم شي اكون عندج اوصلج .. • مايد يتنهد وعقد العزم: سووو اللي تسوونه انا جاهز .. • مانع: انزين ترا بعد المهمة هذي بتحصل 2000 زيادة على معاشك .. يعني كل شي بحسابه .. (ومايد ساكت ) • حسن :وانته ليش زعلان؟ ياخي كلنا جربنا .. اتحيد مرة طبيت على عواس ووياه باكستاني؟ • مايد يتذكر : هيه الخان بلاه؟ • حسن : هههههههههههههه هذا انا .. • مايد مبجج عيونه واعتدل فيلسته : جذااااب !!! • حسن : والله .. ومرة .. تذكر منوع؟ شو خلونا؟ • مانع يضحك : بس والله يا ميود ان خبرت حد لأجتلك !! • مايد : شوه؟ والله ما بخبر .. • حسن : كان عندنا نقص في الحريم هاكي الوقت .. من غير في الليل محد يداوم .. اقولك لبسوني انا ومنوع جلابيات حريم وحجاب وغيّروا هيئتنا وخلونا اندونيسيات .. والله لو تشوف اشكالنا .. • مايد يضحك : هههههااااااااااي لالالا اندونيسيات مرة وحدة؟ يا راجل !! ما فيكن حيلة اوووب قصدي ما فيكم حيلة !! • حسن : والله لين الحينه عندي الصورة مصورينها اراويك .. • مانع عصب : حسووون ويهّد !! امسحها !! • حسن يضحك : ياخي ذكرى .. (وقام مايد عشان يطالع ) • مايد: راوني .. • حسن هاااه شوف ... (ومايد يشوف بنتين غاويات حذال بعض بس بحجاب وحدة جلابيتها وردية والثانية خضرا وخلاف صد يطالع حسن ومانع ..) • مايد : غربلكم الله شو هالغوا ؟ • مانع يضرب ميود على راسه : جاب ماصخ واحد !! احم !! (ويكلم الحلاق) لو سمحت نباك اتغيّر هيئته .. • اللبناني: شو بدك نعملوا ميك اووفر... • مايد: قصوورك بعد اتحط لي مكياج ان حطيت لأحش ايدك حش !! • مانع: اسكت .. نبا اتسويه شرات الفلبينية .. • اللبناني : أها فهمت عليك .. بدكن اكستنشنز ولا صبغة؟ • مانع : شو رايك ميود؟ • مايد : والله قلبي منقبض من هالكلمتين شو هن؟ • مانع: تباه يصبغ شعرك ولا يركب لك توصيلة؟ • مايد قلبه يدق : وابوييه توصيل بعد؟ لهالدرجة وصلت السالفة؟ • مانع عصب : شو قلنا؟ • مايد : سووو اللي تسوونه لا تسألوني .. (وهو عوّره قلبه لأنه الرجولة اختفت ) • اللبناني : انا برايي انه شعره مو محتاج للقص .. • مايد : اكيد دامني معسكر كل اسبوع عند الحلاق .. • اللبناني: يقبرني شو اسمووه؟ • مايد : بابو عبدالصمد .. • حسن ومانع :ههههههههههههههههههاااااااااااااااااااااي • اللبناني: اوكي تأبر عظامي .. برايي انك ما بتحتاج لل coloring بس راح اوصل لك توصيلات شقر وبني .. (ومايد غمض عينه من الكارثة اللي بتستوي ) وراح انشيل الشنبات واللحية .. امممم (ومايد بجج عيونه .. واللبناني يحط ايده على خصره ) شو رايكن نعمل له سكسوكة (قفل ) ولا نشيلهوون؟ • حسن عينه تدمع : شيل شيل !! • مايد : شلاك طهف ان شاء الله يالهرم .. • مانع: نحن بنسير ناخذ لك كم من غريض ..تعال خبرت اهلك انك بتبات برع البيت؟ • مايد : خبرت اميه ... • مانع: يالله عيل حسن خلنا نتوكل .. (وروحوا ..) • مايد يشوف اللبناني يحط له شي يقبض له شعره : وبعد اتحط لي قباضات مال الحريّم؟ شو رايك اتحط لي وردة فراسي؟ تراك ظهرت لي نخلة !! • اللبناني يضحك : لك تقبشني هادا شغلي !! • مايد فوّل : جاب يالله جاب .. اعتدل فرمستك لأعطيك ع ويهك بخليه يعتدل هرم واحد !!! |
(الجزء 53) (وكان ميود طول الوقت مغمض عينه وهاكي يمطط شعره .. وعند حسن ومانع ..) • مانع : حسوون بلاك احسبك مب على بعضك من رديت البلاد .. • حسن : ليش شو بلاني؟ • مانع : احس ما تتكلم الا اذا ويانا حد .. ويوم نكون روحنا تسكت .. • حسن : لا عادي مادريبك انته .. • مانع : ولين متى بتم؟ • حسن : مادري لين يأمر الشيخ سعيد .. • مانع : مين قدك يا عم .. احينه ويا الشيوخ ونسيتنا .. • حسن : خخخخخخخخ تقدر اتقول جذيه .. • مانع : قولي شو تشتغل هناكي ؟ • حسن : ألحق الشيخ وين ما يسير .. تقدر اتقول بودي جارد .. • مانع : احينه انته مستواك بودي جارد؟ موّدر شغلك على بودي جارد؟ • حسن : والله ماحيده لا عيب ولا حرام ولا اسوي شي غلط .. • مانع قفط : شغلك وبكيفك .. (وعند راشد في الموتر كان شاغل باله عالمسج ..وأول ما وصلوا .. ) • اليدة : يالله الحمدلله عالسلامة اعنبوا ما بغينا .. • نشبة : هي والله صدقتي .. حشا اتكسرت ظهورنا .. (وهم نزلوا .. وبندوا الباب .. انزين والآدمية اللي داخل .. ) • هنود اتدق عالدريشة وفخاطرها : الله يغربل هالحالة .. اعنبوا كل مرة ينسوني !! • راشد : خخخخخخخخخخخخخخخخ نسيناج !! (ورد بطل الباب ..) ههههه آسفين آسفين ... • هنود فخاطرها : جاب جاب .. هذا شي شاغل راسه .. (وبطل السيت عشان تنزل ..) • راشد مد ايده : هاتي ايدج عن اتطيحين ... • هنود فخاطرها : قصورك بعد !! (ورد ايده يترياها تنزل .. وهي تنزل ..) [COLOR="DeepSkyBlue"]ويييييييييييييييييييييييه .. [/COLOR](وتنخرط واتطيح على الرصيف .. ) ويييه حسبي الله على ابليسك .. • راشد : واي بسم الله عليج .. سلمتي سلمتي !! نشي نشي .. شي يعوّرج ؟ (هنود تأشر له لا .. وكانت محمرة .. بس ما كان يبين يشي غير عيونها ..) • هنود فخاطرها : الله سلم ما طلع سروالي .. • راشد : دواج محد قالج انا يوم مديت ايدي شوية وبتعضيني .. حوباتي ... (هنود بتفصخ نعالها ..) • هنود فخاطرها : انا الحينه براويك ملعون الصير .. • راشد : لالالا التوبة خلاص .. كنت اتمصخر انا ... (اما عند شمايل .. كانت طالعة من عند الدكتورة النفسية ... اتكلمت شوي وياها في حدود 5 دقايق .. يعني في تطور في شخصيتها ..وكانت سايرة الحديقة .. وتمشي .. ووصلت صوب الشيّرة ودارت عليها اتطالع اذا هزاع فوق ولا لأ .. ويلست .. ويتها الممرضة .. ) • الممرضة : هناء حبيبتي .. شلونج اليوم؟ • شمايل : والله بخير .. بس مادري من رحت غرفتي ارتحت حلمت حلم وايد عيبني .. • الممرضة : خير؟ • شمايل : أفضّل اخليه لعمري ... ابا اعرف دفتر الالوان وينه؟ • الممرضة بفرحة : تبينه؟ • شمايل : وابا الوان بعد ... • الممرضة : من عيوني .. (وسارت الممرضة وردت يابت لها الدفتر .. وكانت شمايل ابتسامتها شرات اليهال فرحانة .. وطلعت الممرضة من مخباها .. ) • شمايل بفرحة اكثر : جالاكسي؟ • الممرضة : اتحبينه؟ • شمايل : وااايد امووت عليه • الممرضة : شكلج رومانسية .. • شمايل : ليش؟ • الممرضة : اللي عايش حالة حب ياكله .. من غير الكاكاو هذا يهّدي الاعصاب .. (وروحت عنها .. وخلاف ياها هزاع وهي ما شافته ..) • هزاع : السلام عليكم .. • شمايل تهمس : عليكم السلام .. (وقفت وتبا اتروح .. الا تنافضت ..) • هزاع : انا شرات اخوج لا تخافين .. انا اللي بحميج .. • شمايل: اخوي؟ انا ما عندي اخو .. (وكان محمر ويهها ) • هزاع : انا قلت اعتبريني شرات اخوج .. • شمايل :مع السلامة • هزاع: ابا اكلمج عن اختج .. • شمايل : هنوه؟ (ووقفت مكانها ..) بلاها؟ • هزاع: ممكن تيلسين؟ • شمايل يلست : نعم؟ آمر؟ جان بتعفد علية ؟ 100 واحد واقف لك .. • هزاع: انا ما اعفد على حريم .. • شمايل : شو تبغي؟ (وهو يلس مجابلنها .. بس بعد ابعد ..) • هزاع: انزين ليش عاقدة النون؟ اميييه بسم الله زيغتيني !! • شمايل تبتسم على كلامه : كيفي.. • هزاع: كيفج كيفج حطيه فجيبج !! اووووه تاكلين كاكاو؟ • شمايل: باجي شوي .. تباه؟ • هزاع: ياريت من زمان ما كلت .. • شمايل: انته شو تسوي هنه؟ • هزاع: يقولج غداهم غاوي هني.. • شمايل: انته اخو مانع صح؟ • هزاع: صحيح .. (اما عند ميود .. ) • حسن: هههههههههههههههههههههااااااااااااااي عاش عاش ..فلبينو !! • مايد : جاب يالله جاب عنلات صيرك يالهيس !! (وهو محمر .. كان لابس بنطلون جينز وفانيلة سودة .. ومانع لبّسه سلسلة على رقبته ..وعيون ميود منطرة ) غربلك الله مرّية؟ • مانع : هههه احم احم اصول الشغل .. • وحسن يعطيه : وهذي الحيول !! • مايد: هب هب هبيت والله قصورك .. • حسن : اقص عليك هاي سلسلة .. والبنيات يسمونها سويرة .. تكملة الغريضات .. • مايد : الله اكبر عليكم ما خليتوا شي .. شورايكم بعد اتلبسوني بو شوجة؟ • مانع: ياريت بس ما حصلنا قياسك .. الله الله على الاصفر اللي فراسك .. • مايد: استغفر الله العظيم .. (وكانن الخصل على طول شعره بالضبط ..لين اذنيه وفيه كم من خصل كان يبين انه بنية .. بس هيئته شوية فيها دفاشة يبونه يليّن ) • مانع: انزين قبل ما نسير .. راوني مشيتك .. (ومايد يمشي..) • حسن : لالالا خف المشية .. شوي شوي .. يعني يوم بتمشي اختال شرات عارضات الازياء .. • مايد يطالعه بنظرة احتقار بياكله :شو رايك اربط الشيلة على خصري بعد؟ • حسن: هههههههه لالالا اكرم .. • مانع: شوف ميود ماباك اتخرب العملية .. اباك تستعمل عقلك والفطنة .. • حسن : ميود صد .. • مايد وهو صاد : هاه؟ • حسن يصوره : للذكرى .. • مايد ويعفد على حسن : والله تمسحها والله ان ما مسحتها لأمسح راسك عالارض .. • حسن : هههههههههه فجني الله يهديك العقيد طالب الصور هب انا .. • مانع: هي والله هو طالب الصور بذات نفسه يبا يتأكد.. (وميود قام عنه .. واعصابه خلاص ..وهم يمشون .. ) • البنية : وابويه انا على المريلة .. شو رايك بعد تلبس عباة وشيلة؟ • مايد : هب هب هبيتي يا ام لسانين .. عاد من زين لباسج المرصص والطحين فويهج !! فضل عنج وعن شكلج فوقج .. انف عليج انجلبي عن ويهي عنلات هالويه !! (البنية زاغت تتحراه اجنبي .. وهو انهد عليها ما خلا شي .. وهم ما استراحوا لين وصلوا الموتر ..) • حسن: انا باخذ موترك وبرده البيت .. المهم ابا اقولك شي .. كل ما تمشي .. حط ايدك على خاصرتك .. تراهم جذيه يسوون ... • مانع: هيه .. وكل ما تتكلم ارمس انجليزي .. • حسن : انزين كل ما تشوف بنية قول لها مدام منيكير.؟ • مايد مب فاهم : مناكر؟ انا احينه ياييبيني عشا المناكر؟ • حسن : منيكير يعني اتسحل ظفورهم... • مايد: اععععععععع جيه ماشي صالونات؟ • حسن: يالغبي عشان تكسبهم وتسألهم .. • مايد: هيه فهمت كل ما اسألهم باكل كلمة عشان ما يفهمون .. • حسن : انزين .. بعد .. اتحذر من الباكستانية لأنه نحن شاكين فيهم لأنه 5 منهم موجودين .. • مايد : الله يغربلهم ما جد شفنا باكستاني شريف ابدا !!! حشا بالينا بلى !! (وحسن يظهر له خشم .. وهاكي مبجج عيونه ..) • حسن : هذا اقولك خشم بحط لك اياه بس تراه سيده يطيح .. • مايد : انزين كيف بتثبته؟ • حسن : سرنا عند الجيناوية ( هل الصين تشاينا تاون ) وسألناهم .. المهم هذا.. • مايد : غربلك الله صبغ مال الظفور ... • حسن : هههههههههههه لالا يالدفش .. هذا تحطه عشان يلصق الخشم .. (ويحط على الخشم اليديد ..وماسكنه خمس دقايق .. وخلاف لصق ..) • مايد : اععععععععععع فضل عنه من ريحة !! • حسن : استحمل .. وبعد تستعمل نفس المادة انك تغطي جفونك بس نحن يبنالك نظارة .. • مايد : ارحم الله والديك يزاك الله خير ياخويه !! • حسن : وهذا تيلفون شرا القلم خذه .. محد بيدريبه .. (وأول ما وصلوا قلبه يرفرف .. لأنه بيشوف شمايل ..) • مايد : واخيرا بشوفج .. (ويوم وصلوا عند الاستقبال ..) • الممرضة : تعالي حبيبتي .. بوّديج الحديقة لين يخلصون الاجراءات .. • مايد فخاطره : الله يغربلج .. (وهو يسويلها انه هو ريال ) • الممرضة : سوري سوري .. كوم كوم تو ذا هديكة .. (مايد مشى واول ما وصل اصطن مكانه ..) • مايد فخاطره : شو تسوي ويا الريال؟ الله يغربلك ... (وهي توها قايمة وتمشي .. ويوم وصلت عند ميود ..) شو اقول لها شو اقول؟ مدام منكر؟ لالا مدام منكير؟ لاااااااا .. مدام مكنير !! هيه هذا هو .. • مايد يميط الرمسة: مداااااااااااااااام مكنير؟ • شمايل صدت : شو؟ • مايد ويميطها اكثر: مدااااااام مكنير؟ (وهو قلبه يدق ..) • مايد فخاطره: يالله ما تكشفني .. فديت هالويه انا لا خليت منج يا غناتي.. • شمايل: قصورك بعد .. يالمتبنت !! هب هبيت .. سير سحّل ظفورك اول يالحريموه !! |
(الجزء 54) • مايد فخاطره : هههههههه اسميها قوية ... بعدها على هالشخصية مسيطرة عليها .. الله يحفظج يا اميه نشيبة مورّثة اللسان الطويل .. • شمايل وهي مروّحة وتتحرطم : اكرم انك هب طبيعي .. (وبعد ربع ساعة .. حسن ومانع يايينه ..) • مانع : نحن كلمنا مديرة المستشفى .. وخبرناها عنك .. • مايد : تدري اني متخفي؟ • مانع: تدري .. بس طبعا الدكاترة .. والممرضات ما يدرون وهي ما بتخبرهم لين اتزخه .. • حسن : خلك بعيد عن المشاكل .. • مايد : ان شاء الله .. (وروحوا عنه وودته الممرضة غرفته .. اما هنود .. من وصلت الخياط راوته القطعه قال بيخلصها لها بعد اسبوعين .. وهي الا كم من يوم الملجة .. وخلاف راواها قطعة بنفسجية فاقعة عيناوية وفيها الاحمر الفاقع مخوّرة ومخلصة .. لوحدة من سنة ماخذتها وسيده شرتها وخذتها وياها ..وروحت البيت .. كان راشد تفكيره في المسج وهي في اختها مي .. ويوم وصلت الساعة 8:30 ) • مي : السلام عليكم ورحمة الله وبركاته .. اسعد الله مسائكم .. قام صاحب السمو رئيس الدولة بزيارة .. • نشبة : اندوج طاعن كل سنة اييبون لنا وحدة شيفة .. • غريبة اتدقق: هذي رمسة ميوه .. اندوج تشبه ميوه !! • نشبة : وعععع وايه تراب !! ميوه وين !! الا عند فضّول مسوّد الضلع .. • غريبة تولول : حسبي الله عليج يا ميوه !! فضحتينا يالمكرفونة !! طاعي لباسها طاعي !! لا وجاية ولا عباة !! لا بركتن في هالبنية !! هاي آخرة تربيتي فيج هاي؟ (وتتصل ) ألو؟ • مي : مرحبا • غريبة مشتطة : مستانسة على اللي سويتيه؟ سوّد ويه ابوج !! • مي بدلع : ليش ؟ آآآآآني شو سويت؟ • غريبة تزاعج : اكرم انج ما سويتي شي .. • مي : اييييه ليش تزاعجين؟ انا مو بنتج !! وثاني شي انتي ما يبتيني من بطنج !! • غريبة : هب هب هباج الله من بنية !! احينه انا اللي ربيت وشاب شعر راسي وآخر شي تفضحيني وتنزلين راسي هذا يزايه؟ • مي : أي يزا هذا هاه؟ الام اللي اتفر بنتها هذي يسمونها هاي ام؟ ما اتكلم عن العراقية بس اتكلم عنج .. كاني موجودة .. ييتي وخطبتي لبنتج ولا فكرتي اتقولين لي ردي معاي .. اقولج ما من بيني وبينج كلام .. والبطاقة راح اقطعها .. جانج اتريدين اتحاجين بنتج .. شريلها موبايل .. باي .. (وبندت ببرودة اعصاب وغريبة مستغربة من طريقة كلام بنتها .. وعند هنود ) • زينة : كاهي .. كاهي اتشوفينها؟ • هنود فخاطرها : ويدي غربلج الله شو هاللباس؟ قصير ؟ فقدتج وفقدت كراعينج السود وععععععع فضل عنج !! • زينة : بكرة ملجة الرياييل .. متحمسة حبيبتي؟ • هنود تكتب : اكيد .. بس اليوم مول ما سوالي سالفة .. • زينة : ليش يا عيوني؟ • هنود تكتب : مادري يمكن وايد زوّدتها وياه .. (وسارت غرفتها اتفكر شو مصير اختها وحركاتها ..وتتذكر رشود وضحكته اللي لعوّزت حالها .. وعند عواس وفطيم عالنت ) • عيسى يكتب : اوووه التمساحة تترياني .. • فطيم تكتب : ممكن اقول لك شي؟ • عيسى يكتب : قولي .. • فطيم تكتب : انا بكل صراحة اسمي فاطمة .. • عيسى يكتب : اصلا اعرف انج فطيم .. وانا عيسى • فطيم تكتب : صدق؟ (وكانت منصدمة ومب دارية بعمرها ) • عيسى يكتب : على راحتج اذا ما تصدقين .. • فطيم تكتب : افتح الميكرفون .. عشان أتأكد .. • عيسى يكتب : آسف .. • فطيم تكتب : يعني انته جذاب .. • عيسى يكتب : اوكي انا جذاب .. بس براويج شي يا بنت نشيبة .. (ويراويها صورته صوب البحيرة وكان شكله موول متغير خاف شعره عالآخر ومسوي سبايكي ومبيّض لدرجة انه ما فيه دم في ويهه وجسمه ) يالله باي • فطيم تكتب : لحظة لحظة دخيل الله عواس .. • عيسى يكتب : شو بغيتي؟ فخاطرج بشي؟ • فطيم تكتب : عواس ليش اتسوي جذي؟ • عيسى يكتب : ما يخصج .. • فطيم تكتب: ليش اتكلمني جذيه؟ (وبند الماسنجر وتم طول اليوم وهو مفوّل عليها ويسبها .. ومي على الساعة 12 ردت البيت كانت طبعا اتهوم وسمعتها هنود بس سوّت عمرها راقدة .. اما غريبة اللي مرضت بسبة كلام مي .. كانت فيها حمى وزاد عليها من التفكير وكانت حاسة بالذنب لأنها ودرت بناتها عند ابوهم ..وشمايل حالتها من اسوأ لأسوأ .. اما الصبح الساعة 9 كانت الممرضة توّعي شمايل ..) • الممرضة : هناء حبيبتي .. قومي ..قومي .. حان موعدج ويا الدكتورة وبعدج ما خذتي الدواء .. (وتهزها ) هناء ..هناء .. ليش ما اتردين؟ (ورفعت اللحاف عن ويهها ولقت شمايل ما تتحرك والدمّان عالموسدة وتربع برع ) نادوا الدكتور حالا ... بسرعة البنت انتحرت .. بسرعة !!! |
(الجزء 55) (ونقلوها على طول الطابق السابع يسعفونها ..وعلى الساعة 10 ) • شمسة : ألو؟ مرحبا .. بنتي ؟ (وتصيح ) شوه؟ عملية شو؟ يالله انا ياية ..يبالي ساعتين .. انا موافقة موافقة .. اهم شي بنتي .. (وبندت التيلفون ..وشلت عمرها .. وسيده عالمستشفى .. واما ميود كان يدوّر على شمايل في الحديقة .. وخلاف ما عرف شو يسوي .. سار عند مديرة المستشفى .. ويدق الباب ..) • مايد : مدااااام مكنيررر؟ • السكرتيرة : شو بدك؟ • مايد : مدااااام.. (ويحط ايده ع خاصرته ) • السكرتيرة : ويت هيرر.. (اصبر هني .. وسارت وخلاف طلعت ..) كوم انسايد .. (ادخل ) • مايد : تانكيو .. تانكيو .. (ومن بندت الباب ...) السلام عليكم .. (وعج النظارة ..) • امل : عليك السلام .. هههههههههههههه أيوا انته المتخفي مايد ... آمر ... • مايد : في عندكم مريضة ما شفتها اليوم .. • امل : اتعرفها ؟ • مايد : هيه اسمها شمايــــ قصدي هناء .. • امل : هناء؟ هييييييه .. حليلها هالبنية موول مب مترقعة .. • مايد زاغ : خير؟ شو استوا؟ • امل : شو تستويلك؟ • مايد : بنت عمي .. وبنت خالتي فنفس الوقت .. • امل : ايوا .. يا مايد .. بنت عمك عندها الدودة الزايدة .. ويبالها عملية مستعجلة .. ونحن نتريا امها • مايد منصدم : الدودة الزايدة والحمال؟ الله يستر بس .. • امل : أي حمال؟ • مايد : إييييه المغفية !! عاطينج دكتوراه ببلاش؟ البنية حامل .. • امل قامت من مكتبها مفزوعة : شو تقول؟ حامل؟ لالالالا غلطان .. • مايد : شو غلطان؟ انا ويا امها سايرين عند الدكتورة وفحصتها والدكتورة أكدت هالشي !! • امل قامت : انته متأكد؟ • مايد : والله العظيم ... • امل : بس تحاليلنا ما بيّنت هالشي .. • مايد : قومي سيري اتأكدي .. دخيل الله .. ممكن تسويلي تصريح اني ادخل ؟ • امل : بهالشكل؟ • مايد : أي شكل؟ هذي حبيبتي انا هب هادنها .. (وسيده ساروا غرفةالانعاش .. وهم يسوون لها التحاليل ومايد ماسك ايدها ويقرا عليها .. ) أحبج .. أحبج .. (ودس صبوعه في صبوعها ويلمح السلسلة اللي ماخذنها لها .. ) فديتج يا ربي .. ادري انه قلبج طيب .. ومستحيل تنسين حبيبج .. (ويتقرب من اذنيها ) شمايل حبيبتي قومي .. تراني اترياج .. طول عمري بترياج .. احبج .. اتعرفين شو يعني احبج؟ امووت على شمايل وروحها وقلبها وشطانتها وحتى صبرها .. حبيبتي قومي يعلني افدا روحج .. ليتني مرّقد بدالج .. (وهي راقدة مب حاسة بعمرها ..) • شمايل : هزاع .. • مايد منصدم : هزاع؟ منو هذا هزاع؟ لايكون الريال اللي كان مجابلنج؟ ايهبي ياخذج عني !! والله لأراويه .. (وبعد نص ساعة تدخل الدكتورة ..) • امل: اتعرف انك خوفتني ؟ • مايد : خير؟ • امل: البنت هب حامل .. • مايد منصدم : شو تقولين؟ • امل وتراويه الورقة : متى حصل الاغتصاب؟ • مايد : من شهر.. • امل: بالله عليك !! حالة الاغتصاب او حتى الحالة بين الريال وحرمته .. يعني مستحيل يكون اليوم الثاني الحمال.. جيه بالله عليك البنية ارنبة وانا مادري ؟ • مايد متنّح : ما فهمت !! • امل : انته ما درست علوم؟ • مايد : درست .. • امل : افتح كتاب العلوم صفحة 22 وبتعرف .. • مايد : والله ما يبته ويايه يالخبيرة !! فهميني !! كيف هب حامل؟ • امل : حصل الاغتصاب انقول مثلا يوم الاحد .. وانتوا سرتوا العيادة بعد اسبوع صح؟ • مايد : اظني جذيه .. • امل : عيل خلاص .. البنت مستحيل اتحمل بعد اسبوع .. يوم الدياي يباله 45 يوم عشان يفقس كيف الآدمي !! • مايد :هااااااااااااااااااه معناته الآدمية يبالها 9 شهور توّني فهمت !! • امل : صح .. • مايد : بس ليش جذبت علينا الدكتورة هاييجي ؟ الله يغربلها يعلها السقم .. يعلها فكل خطوة سم ان شاء الله .. • امل : يمكن خطأ طبي.. • مايد : بعد الغبية ما سألتهم .. لكن ما عليه خليني اخلص منا لمهمو وانا براويها والله ما هديتها ولا هديت هزاع .. • امل : منو هزاع؟ • مايد : واحد ما تعرفينه .. • امل : انزين نحن نخاف انه يزيد عليها الويّع .. ممكن اتوقع على هذي؟ انك موافق انه انسويلها الجراحة .. • مايد : مضمونة؟ • امل : عملية ناجحة بإذن الله .. • مايد : أوقعها وأوّقع ابوها بعد !! |
(الجزء 56) • امل وتعطيه الاوراق : كلك اتحبها .. • مايد: الا اموت على هواها .. ( امل اتأشر على ويهها ) نعم؟ • امل تضحك : ههههههه خشمك على الحافة بيطيح !! • مايد يمسك خشمه : هههههه احينه بسير اعدله .. • امل: غاوية هالاكستنشنز ..بسير اسوي منهن ..اي صالون مسوي؟ • مايد : تراج زوّدتيها .. سيري عالجي حبيبتي .. (وسارت وهو سار غرفته يعدّل خشمه وعند هندوه ) • مي : انا عندي بعد ساعة تسجيل .. بتين ويايه؟ لأني بعدها بروح الصالون .. • هنود تكتب : روحي بسير الصالون مب محتاجة لج .. • مي : ترا هناك مكياجهم يجنن • هنود تكتب : خليته لج .. • مي : براحتج يا عيوني .. (وسارت لبست تنورة وردية طويلة وفانيلة بيضاء .. كاجوال عشان هناك يلبّسونها .. وشلت شنطتها بس انفرطت وطاحت .. وطاحن الاغراض عالارض .. موبايلين اثنينه ..كلينكس .. جلوس .. جحال .. مبرد .. مشط حق الكشة .. لكن الصدمة الاكبر محصلة شيئين ما يتحصلن فشنطة بنية واللي هو علبة سجاير ومدواخ ودوخة .. ) • هنود فخاطرها : ويلي ويلاه !! مدواخ .؟ لهالدرجة توصل؟ (وحطت ايدها على راسها ومي سيده كانت تحبي وشلشلت اغراضها وهي زايغة وقامت وطلعت وهي تربع ..) هب هباج الله ..يالقوية يالمستلعنة الله يغربلج !! (وتم داير راسها وخذت بنادول اكسترا .. والصداع مب طايع يخوز عنها .. ونزلت وهي يائسة من اختها .. كل مرة تتذكر صورة اختها والمدواخ .. بس المدواخ حق الشباب .. ما كد شافت بنية اتدوخ مدواخ .. ) • زينة : يمه هنودة شفيج؟ • هنود تبتسم وفخاطرها : ليتج اتعرفين شو فداخلي يا خالوه .. • زينة : ابي اطلب منج طلب .. هنودة حبيبتي .. ابيج لما تطلع مي تروحين معها .. ريلج على ريلها .. يا يوم .. انا خايفة عليها .. وعيال الحرام اشكثر .. وهذي بنتي لو مهما يصير يا يوم .. • هنود تكتب : ان شاء الله .. • زينة : اتصلت بج الجود .. حاجتني واتقول بتمرج بعد ساعة .. • هنود مستغربة : لويش؟ • زينة : هههههه لويش؟ لأنه راح توّديج الصالون .. • هنود تكتب : وانتي؟ • زينة : آني؟ لا يا عيوني .. آني راح تمرني وحدة تعمل مكياج وشعر .. اما انتوا البنات خذوا راحتكم .. • هنود تكتب : فديتج يا عيوني .. (وزينة اتظهر لها بيزات .. يكفيها الا ويزيد .. وردت اتفكر ف أبوها اللي هي من لحمه ودمه من اتحولوا ما فكّر يعطيها درهم واحد تصرفه .. وحرمته العراقية قلبها اصفى عنه .. وعيونها تدمع .. ليش الدنيا مرات تكون قاسية .. ابا يكون ابويه شرات كل ابو .. شمعنى انا ابويه اللئيم؟ شمعنى همه هو البيزات .. ما عمره فكر بحياتنا وكم من مرة فكر انه يبيعنا .. ما همه سعادتنا او حتى ابتسامتنا .. اهم شي عنده يعاندنا ويشوف الدموع في عيوننا .. كأنه انجز انجاز .. وخذ براءة الاختراع عليه .. وعند عواس .. كان يلبس الدريس ماله وسعيد وياه ..) • عيسى : اتعرف انه البارحة كانت تترجاني رجا .. • سعيد يلبس الدلاغ : كانت فطيم صح ؟ • عيسى : كنت حاس .. واصلا روحها اعترفت .. • سعيد : وشعنه ما ترد لها ؟ • عيسى : انا ارد لها ؟ ههههههه والله ضحكتني يا سعّود !! انا ارد لها ؟ (وبجدية ) انا اقولك لو تموت 100 موتة ما رد لها .. اتعرف شو ما ارد لها ؟ يعني بعذبها شرات ما سوّت بي .. انا ادريبها تبا ريال مريّش وعنده فلوس .. لكن اتهبي تاخذ قلبي .. انا انقرصت مرة وقلت لها الله يهنيج .. لكن من سابع المستحيلات ارد لوحدة خسيسة ومنافقة شراتها !! يعني انا اترييتها وحتى بسبتها ما كملت دراستي ولا دشيت جامعة كله عشان امسك عمري وأيّمع لعرسنا بيزات .. ريال على ريال .. وهي الا لعّابة بتلعب شوية وبتفر قلبي .. ههه هذي الا ياهل بعدها ما عقلت !! • سعيد : يالله يا عواس وايد شال فخاطرك .. • عيسى : شو ما شليت ... لكن احينه هي اللي تراكض ورايه .. تراها تبا واحد لعّاب حاضرين .. • سعيد : إييييييه لا تنسى هذي من هلك وعرضك !! • عيسى : هه ومن قالك بسّوي شي؟ خلها تركض ورا حلم ما بتحصله .. • سعيد: يا ريال .. خلك من الخجة .. لا تتعلم هالطبع !! (وبطل الماسنجر ..) • عيسى : طاع !! هاكيه اونلاين !! • سعيد : لا حول ولا قوةالا بالله .. انزين رد عليها .. • عيسى : مالي مزاج .. • سعيد : خاف الله فيها .. • عيسى : ماخافت الله يوم قالتها جدام اميه نشبة .. يوم غربلتني .. انا ما كنت ادري انها وايد شالة علية !! طوف طوف خلنا نسير نتريق قبل ما يدق الجرس .. (وهو يطالع نافذة المسن وهو متألم الا منكسر .. وعند مستشفى الامل ..اليدة ميثاء وشمسة يايات مسرعات .. وكانت امل طالعة من غرفة العمليات ..) • شمسة : سامحينا عالتأخير .. شو مستوي فبنتي ؟ • امل: انا بسألج ايام الاغتصاب كانت اترجّع صح؟ • شمسة : هي اترجّع دم حتى روحي اتروعت عليها .. • امل : من يبتوها لعندنا سوينالها وايد تحاليل بس ما كان مبيّن لين طاحت علينا وعرفنا عوقها .. • ميثاء : شو عوقها واعلية عليها ؟ • امل : الدودة الزايدة .. • ميثاء منصدمة : دودة فبطنها ؟؟ طلعوها عيل !! هذا اكيد من اللوز !! • امل تضحك : خالوه مب دود دود .. قصدي انه سبب انها ترجّع دم والويّع فبطنها .. ورفضها للاكل والحمى .. هذي هي اعراضه .. بس ما تبيّن الا بعد فترة وعند هناء .. موّصل لمرحلة متقدمة .. بس نحنا اتلاحقنا عليها والحينه بإذن الله اتكون بخير .. • ميثاء : يالله الحمدلله والشكر .. (وتصيح ) يالله تشافيها .. هاي البنية مووول هب مترقعه ... • امل : وممكن تتفضلون لمكتبي ؟ (وشمسة كانت زايغة انه شمايل سقطت الحمل .. ويوم سارن وياها ) • شمسة : خير يا دكتورة .. • امل : لو سمحتي ابغي اعرف اسم الدكتورة اللي شخصت حمال هناء .. • شمسة : مادري والله شو اسمها بس احيدها اردنية .. جيه؟ • امل : لأنه هناء مش حامل .. ولا شي كما تعتقدون .. • شمسة منصدمة : شو تقولين؟ عن الخبال !! لالالا نحن متأكدين .. • ميثاء منصدمة : أي حمال؟ بنتج حامل؟ • امل : هناء لا حامل ولا شي .. وانا مسويتلها 5 مرات تحليل تبع الحمل .. • شمسة عصبت : شوه؟ تتحرانا نلعب وياها؟ جيه لا حسيب ولا رقيب عليها؟ والله لأشتكي عليها .. انزين دكتورة منو وقع عالعملية؟ • امل اتلعثمت : هاه؟ اختيه من قلتي انج موافقة خلاص .. نحن اتصرفنا .. • شمسة : مشكووورة يا بنيتي .. الحينه عادي نشوفها؟ • امل : لا ما يصير لين اتكمل ساعة بالكثير .. ويخوز عنها البنج .. • ميثاء وهن طالعات : تعالي اباج .. (واتخبرها كل شي واليدة شوية وبتتخبل من اللي تسمعه ..وعند الجود ) • الجود : بنسير صالون وحدة اعرفها من زمان .. بس توّها فاتحتنه بس شو مكياجها خبال .. • هنود تكتب : اهم شي اني وياج .. مب مهم المكياج .. • الجود : فديتج والله ما خبرتيني .. جيه ما خليتيني اسوق ؟ واصريتي انه ناخذ موتركم ..؟ (وهنود حطت صبعها على راسها معناتها مزاج ) ههههههه يا مزاجية .. (ويوم وقفوا عند الاشارة ..) • هنود تكتب : متحمسة اشوف امج نداية !! • الجود : اميه نداية ؟ ههههههههه اقولج وايد متلومة منج .. لأنها ما يت يوم الخطبة حتى ما رقدت الليل .. وهي تفكر بس والله يا هنود اميه ما تروم سيراتها ويياتها ثجيلة .. ما تحب تطلع .. ونادرا ما تي دبي .. ومن توصل المزرعة تتذكر ابويه سالم وتدعي له بالرحمة .. • هنود فخاطرها : الله يغفر له ويرحمه .. بس من القصة والله حبيته .. • هنود تكتب : وشو اخبارج ويا محمد؟ • الجود تضحك هب مصدقة : هههههههه محمد؟ الله يذكره بالخير .. انسان بصم على قلبي ومستحيل انساه .. يمكن هو نساني .. بس انا اقولج مستحيل انساه .. • هنود تكتب : وليش ما تحاولين اتدوسين على كرامتج واتردين له ؟ ما تبين عيال؟ ما تبينه هو؟ ما تحبينه؟ • الجود : حب؟ دخيلج يا هنيد .. بعدج ما جربتي الحب .. (ودمعة ورا دمعه تنزل من الجود ) اتعرفين يوم تكسرين بخاطر واحد حبّاج من كل خاطره وباع الدنيا عشانج هذا هو محمد .. وانا وايد متندمة لين يومجهذا اني ما رديت له .. والله اني اذكر يوم يطلقني في القرية كأنه توّة حاصل لي .. حسيت روحي بتظهر من ينبي .. ولا اقولج .. في آدمي يتريا حرمته سنتين لين اتخلص دراستها ومستحمل جفاها وعنادها؟ في؟ ياختيه وايد بنات مستقويات لين ايييهن شي ويعجهن مرة وحدة امممرة .. (ومن وصل الصالون سيده غيروا الموضوع لأنه حساس وايد .. لدرجة انه الجود صاحت .. وعند شمايل دش مايد ..) • امل : شوف اا دخلتك على اساس انك ممرض .. • مايد : ان شاء الله .. ان شاء الله (ولبسته الكمامة عشان ما يبين شي غير عيونه .. وبعد ربع ساعة .. شمايل تمسك ايده وهو كان سرحان بس قفز ) • شمايل : ابا جالاكسي .. • مايد بجج عيونه وفخاطره : جالاكسي .؟ من وين اييبلج جالاكسي؟ هااااااايه رديتي لي روحي .. (وهي بعدها ماسكة ايده ) • شمايل : اقولج ابا جالاكسي سيري هاتي لي .. (ونشت تتويع وهدته ) آآخ اشووو هذا؟ شو استوا ببطني؟ (مايد طلع برع لأنها بدت تقوم .. وسار يدوّر لها الجالاكسي ما حصل وعج الكمامة ..ويوم هو راد ) • ميثاء : تستاهلين السلامة يا امايا .. • شمايل تحضن ميثاء وما طاعت اتهدها : اتولهت عليج يا امايا .. (وصدت اتطالع ) انته بعد ؟ اعنبوا لاحقني فكل مكان ؟ • شمسة : جيه منو هاي؟ • مايد : مدااااااااااام مكنير؟ • شمايل : اطلع برع !! كلنا حريم شو تبا بنا؟ • ميثاء : منو هاي اميه؟ • شمايل: هذا ريال فلبيني بو المراري شو فيه فضل عنه طاعي شوية وبيتحيّس !! فضل عنه .. انا روحها جبدي اتلوع من هالاشكال .. • مايد فخاطره : حسبي الله عليك يا منوع يا ساس البلى .. (وهو واقف مصطن يسوي عمره مب فاهم ) • شمايل: انته مينون؟ اقولك اظهر .. • مايد : مداااام مكنير .. مداااام !! • شمايل: يابويه ما نبا شي !! سر عند الممرضات يمكن يبنك سر الله يهديك !! (وحاطة ايدها على بطنها ) انا ما روم اقول شي بس تعبت وياه يأست !! • ميثاء: خليه مصطن لين تي الممرضة .. بتسحبه .. (ويخبرونها بكل شي وشمايل منصدمة واتطالع بطنها ) • شمايل تصيح : انا هب حامل؟ حلفي امايا؟ • شمسة : والله العظيم انج هب حامل .. تعبوا وهم يسوون التحاليل طلعت هذيجي الدكتورة اونها مغلطة !! • شمايل: والله اتهدوني عليها الملعونة !! انا كنت اصيح دم بسبت هالشي ويننت بي في بنية بترضى تسكت عن اللي استوالها؟ • شمسة : اكيد لا .. بس انتي يوم بتقومين بالسلامة .. كل اللي تبينه بيستوي .. • شمايل وبهدوء : وميود؟ • شمسة : شو تبين فيه ؟ خليه يلتعن عنج !! هو ساس البلى !! • شمايل : بس انا احبه اميييه والله احبه !! • مايد يدقق براسه عالطوفة وبصوت واطي : يالله .. يالله يالله !! ودوني الانعاش .. انتي انعاشي يا حلات هالكلمة .. • ميثاء : وابويييه وابويييه .. الحقي طاعيها اتدقق براسها على اليدار .. اهبي !! وابوييه هاي فيها زيارين .. طلعي برع هب ناقصينج !! (وعند مانع ..) • مانع يمسك اخته العنود من شعرها : شوفي ان ما رديتي استسمحتي من ريلج وابو ريلج والله لأمسح بويهج عالارض • ام مانع: دخيلك يا مانع هدها .. • مانع : محد مخرب اخواني غيرج انتي ودلعج !! انا اختيه اتسير تشتكي عن ابو ريلها؟ هذا شرات ابوج اهبي هباج الله .. جنتج ونارج .. وهاكي الاهبل مبطل حلجه اتقول ياهل .. • العنود : اصلا ما دانيه !! هاتوا له حد يشله ويحطه انا ما اقهره !! • مانع: بتغدين شرات بشكارته اتعرفين شقايل؟ شرات البشكارة تحت ريله ... شرات ما فضحتينا .. لعنبوا دارج بيزاته كلهن عندج انتي ومحد يروم يردج وتبين تفرينه برع البيت والله وراسي يشم الهوا .. انا بعرف دواج !! (ومسكها من رقبتها ) |
(الجزء 57) (اما بعد صلاة العصر ..) • الجود : سوري أخرتج .. يالله انا بروّح وبيي وياهم .. • هنود تكتب : ما بتتغدين ويانا؟ • الجود : أي غدا فديتج؟ أذّن العصر وبيأذّن المغرب .. يالله اشوفج خلاف يا احلى عروس .. • هنود فخاطرها : الله يحفظج .. (وسارت سيده لحجرتها اتطالع عمرها في المنظرة .. اتفكر ..) هل انا عاشقة لرشود؟ ولا انا اقص على عمري؟ ومانع؟ نسيته؟ (وتتنفس بصعوبة ) أميييييه ..هل قلبي بيرضى اني اخذ واحد احبه بعد اللي صار لي؟ اخافه يوم من الايام يسألني عن الحادثة .. (تمت بجلابيتها .. اتطالع مكياجها اللي يمزج بين الناري الاحمر والاصفر الهادي .. والجحال الفحمي الاسود اللي مرسوم من اول العين لآخره بخط طويل ورفيع .. والروج الاحمر الصارخ .. واتطالع التنورة والقميص لكن مب أي كلام .. كانت شارتنه لها زينة من مصمم بس مب معروف توّة في بدايته .. تنورة حمراء حرير ضيقة لحد الركبة ومن تحتها وسيعة شرا السمكة.. وقميص اصفر ومسّوي فيه قصات للقميص مبيّن انه انيق وعند الاكمام ركّب الدانتيل الفرنسي من نفس لون ال القميص وفيه صبّة كريستال من اللون الاحمر وكله عالاكمام ..) (وعند راشد) • راشد : معرس !! معرس فديتني .. ياحظي فهالبنية .. (ويوصله مسج يقطع فرحته .. " مستانس على عمرك بهالعرس؟ الله لا سامحك " ) والخيبة !! منو هاي ؟ العثرة تعثرها !!! (ورد اتصل بالرقم .. محد يرد ) اووووف !! come on طاف طاف هاي وحدة فاصية .. ( اما شمايل .. على طول ودوها حجرتها القبلية .. وكانت وياها ميثاء وشمسة وامل ) • امل : نحنا نقلناج لغرفتج لأنج خلاص مب محتاية غير للراحة ..وغيرج يحتاج اكثر للعناية .. • شمايل : زين سويتي .. ممكن تخلوني ويا الدكتورة رواحنا ؟ • ميثاء : ليش امايا؟ شي فيج؟ شي يعوّرج ؟ • شمايل : لا ببس ابا اكلمها شوي .. • ميثاء : ان شاء الله طوفي شموس .. (ويوم طلعن ) • شمايل عجت شيلتها : أسئلة وايد اتدور في بالي يا دكتورة .. • امل يلست :وانا اقولج اعتبريني دكتورتج لأني بشرف على علاجج .. • شمايل : دكتورة انتي متأكدة اني هب حامل ؟ • امل :اتعرفين اني استغربت وخلاف اتأكدت وكله من التحاليل .. (واتخبرها بكل شي ) • شمايل : يالله هم وانزاح .. اتعرفين انه هلكني والله اني كنت حاسة انه مافي فداخلي ياهل .. • امل :انتي قوليلي شو اسمها الدكتورة وانا بتصرف .. • شمايل : انا اعرف شكلها بس ناسية اسمها .. ودّوني صوبها وانا براويها الويل على اصوله .. • امل : في اسئلة ثانية في بالج؟ • شمايل اترددت : هل ؟ هل؟ هل انا؟ (واحمر ويهها وحطت ايدها على بطنها ) يعني بنية ؟ • امل: لا يا هناء .. انتي مب بنت .. • شمايل نزلت دموعها لأنه وقع الكلمة صعب عليها : مشكورة مشكورة .. اناما ابعطلج عن شغلج ... • امل : زعلتي؟ هذي هي الحقيقة واتمنى اتعرفين حقيقة مرضج .. • شمايل بعصبية : انا هب مريضة .. • امل : هناء .. الدكتورة شخصت مرضج وانتي عندج خلط بين الواقع والخيال .. من كثر الكوابيس .. • شمايل : وسببهن الاغتصاب .. وانا فاهمة .. • امل : بإذن الله كل مرض وله علاج انتي مستعدة تستمرين في العلاج؟ • شمايل: هالحزة لا .. • امل : اتمنى اتقولين أقدر وأقدر ويكون العزوم عندج يفوق التوقعات صدقيني بتتعافين بأقصر وقت ممكن .. • شمايل : تتكلمين جد؟ • امل : اكيد ..هناء انا بعطيج دواء يرقدج عشان يخفف الالم .. • شمايل : ياريت لأنه بطني يعورني والخياطة اتزيّغني .. • امل : لاتشوفين الخياطة عشان ما تلمسينها .. (وعطتها الابرة وطلعت .. وعند عيسى فتح المسن بس ما لقاها اون لاين ..) • عيسى مستغرب : غريبة ما دخلت اليوم؟ هههههههههه شكلها يأست الحرمة .. • سعيد : عواس ما شفت طبجة نعالي؟ • عيسى : اظني فارنها في الحمام .. • سعيد : منو كنت اتكلم توّك ؟ • عيسى : ههههههههه اكلم عمري ... • سعيد يسّوي عمره منصدم : لهالدرجة وصلت السالفة؟ اتكلم عمرك ؟ • عيسى : هع هع هع لهالدرجة واكثر يا عموه .. • سعيد : اشوفك جلبت مصري يا واد .. • عيسى : أمال؟ • سعيد : بقى عاوز أسألك البت دي بتاعت اللي ما بيتسمى المسن بتدخل؟ • عيسى: لأه .. دي عاوزة تتغلى .. على مين يا راجل !! (سعيد وعيسى يضحكون .. وقابضينها على القناة المصرية ..وفي الموتر ) • نشبة اتكلم الدريول اليديد : ابويه محمد اتدل؟ • محمد: ماما انتي قول وين انا في روح مكان وين تبي !! • نشبة : لا حول ولا قوة الا بالله .. • غريبة تضحك : بلاج معتفسة عموه؟ دامنه ويانا محرم خلاص .. (وترقد راشد عشان ينش خلاف ) • حمد : شو تقولين ؟ • غريبة : ابويه خف صوتك عن ينش الياهل ... • نشبة : ما نقول شي ما نقول شي .. • غريبة : لا تحاتين انا ادل .. • شما : احينه الله يحفظها في صورة لو خليتوا زهور تي ويانا .. عشان ترفه عن عمرها بدال الحبسة .. جان زين .. • نشبة نشت لها نشة : انطبي اقولج انطبي زهور وزهور شعنه؟ روحتنا مرتصين .. (وفطيم وهناء يواويجون جدام ويطالعون نشبة ) • فطيم : رواحتنا؟ من وين يا يبتنها بعد؟ • هناء: بدينا بقاموس التخريف !! • فطيم : اميه؟ بس وينها اميه ميثاء ؟ • غريبة : سارت ويا شموس عند حرمة .. • فطيم : قصدج شمايل؟ • هناء : خالوه ؟ وينه مايد ؟ احيده لازم يكون موجود فهالمناسبة .. • غريبة : مسافر برع البلاد .. دورة مال الشغل.. • هناء: حراااااااااااااااااااااام بيفوّت ملجة اخته .. • نشبة : وانتي شو حارّنج ؟ (واتغير السالفة ) الله يستر .. يالله توصلنا بالسلامة .. روحه الدريول يديد .. • فاطمة فخاطرها : طبعا اليوم ما بدخل المسن بسبت الملجة ... اكيد ما بيحاتي اذا دخلت ولا لأ .. بعد اللي سويته فيه .. ادري انه ما يباني .. بس انا قلبي يباه .. ومب طايعة انسى صورته اللي حطاها آخر مرة .. كان مبيّن انه بخير وعافية الا طرر .. (وكانت هنوه متغشية واتطلع موبايلها من شنطتها .. وبالدسة اتطالع 3 ميسد كول .. انه هزاع لأنها اتعرف رقم المستشفى .. محد غيره يتصل .. ) • هنوه فخاطرها : ياربي شو اسوي ؟ ارد عليه؟ والله لو سمعونني اهلي جان جتلوني .. ماشي غير ارد عليه خلاف .. امبونه اهبل .. ولا بيسوي شي ادريبه جبان .. (وسيده اييها مسج ..ان ما رديتي علية لأطلع ورقة الزواج العرفي جدام اهلج وأطّرها جدامهم ..") |
[align=center]قريت اول جزء بس .. لي عودهـ ~ ^^[/align] |
بلييزززز كمليها |
ثــــــــــــــــــــــــــــــــانكس علااااااايه كمليها بسررعه فديييتج :) |
(الجزء 58 ) (كانت هنوه زايغة ينكشف امرها .. توّها كانت تسبه واتقول عنه جبان بس الله راواها .. ويوم وصلوا بالسلامة دخل اليد ميلس الرياييل وحصل عايلة علي كلهم هناك .. من صغيرهم لين كبيرهم .. ومن دشن الحريم كانت الجود وندى ودانا ووفاء وسلامة وعهد واليدة الجود موجودات .. سلموا على بعض ومن يت زينة سلمت عليهم عم الهدوء لأنها يت قريبة من غريبة ..مدت إيدها ..) • زينة : مبروك ملجة بنيّتج .. • غريبة : الله يبارك فيج .. (والكل يطالع العدايل ..) • زينة : اتفضلي .. اتفضلي .. • غريبة احمر ويهها : زاد فضلج الغالية .. (وماكانت تروم ترمس لأنه الغلط منها البنت يوم بيملجون عليها لازم يكون من بيت ابوها .. ولازم مكان ما هي عايشة ومتربية هي ليوا مب دبي .. احينه الناس بياكلون ويهها .. وعند مي وهند في الحجرة ) • مي : ياعيني يا عيني انا ما كنت دارية انج هب سهلة .. (وهنود اتطالعها بنظرة .. كانت مي لابسة فستان اسود ضيق وقصير لين ركبتها وفيه كريستال بيض .. وكان كات .. وتسريحة مرفوعة ما تناسبها لأنه رقبتها عريضة ومكياج اسود .. ويابوا المليج .. وهنود على اعصابها ما تعرف فشو اتفكر .. ومحد دخل عليها الغرفة .. وهي تاكل في عمرها وتتحرطم .. وتسمع فجأة صوت تيهيييل .. ) • .................. : ألف الصلاة والسلام عليك يا حبيب الله محمد .. (ودخلت غريبة لحجرة هنود انصدمت مكانها وهنود سيده حضنتها ) • غريبة تصيح : ما توقعت انج كبرتي وبتسيرين بيت ريلج .. سامحيني .. سامحيني .. (وهنود راصة عليها مب طايعة اتهدها .. ) • هنود فخاطرها : على شو اسامحج؟ انتي ما سويتي شي يا امايا ... آآآخ اتولهت عليج .. انتي ملكتي قلبي .. صدق يوم يقولون حنان الام غالي .. (ويلست غريبة توّصيها على ريلها .. لين نزّلتها ) • ندى عينها دمعت : بسم الله عليها الله يحفظها ... (واتطالع شعرها المنشول لين ركبتها .. ) • شما : ربي تحفظها في صورة .. ربي تحفظها في صورة .. • هنود قلبها بيطلع من مكانه وفخاطرها : امييييه مادري ليش زايغة جذيه .. ( وسلمت على ندى ..) • ندى تمسح على راس هنود : حصّنت عليج بالله وملائكته .. (وهنود سلمت عليهم ويلست قريب من ندى و خلاف ينّها البنات كلهن ويسولفن عليها حتى دانا بلهجتها المكسرة .. ومرات تتكلم عربي بحت .. ومي وهنوه كانن معتزلات رواحهن كل وحدة في صوب .. وفطيم يالسة ويا شلة البنات ماخذتنهم السوالف .. ومي ترمس في التيلفون وكان ويهها منوّر .. كأنها اتكلم شخص غالي ..) • الجود : ألوه؟ ها بوسنيدة بالبركة .. ملجتوا؟ انزين لحظة بعطيك امايا .. • ندى : هلا ابويه .. ان شاء الله ان شاء الله قلنا .. انزين .. (واتطالع هنود وتبتسم) من عيوني .. ام عيسى؟ • غريبة : يا لبيه .. • ندى : لبيتي الحاية يا غناتي .. راشد بيدخل بيسلّم .. خذوله درب فديتج .. • غريبة : ام مي وين الميلس الثاني ؟ • زينة: على يسارج يا عيوني .. ( الجود شالة الكيمرة وتصوّر ) • ندى : شعنه اتصورين بعد؟ • الجود : اميه هاي ليلة العمر ما تتفوّت .. (ودزت كرسي امها وسارت وياهم هنود للميلس الثاني ..) • راشد : عمي خذ لي درب بدخل .. • اليد مسك ايد راشد : مبروووك يا بويه .. • راشد يبتسم له : الله يبارك فحياتك .. • احمد : مستعيل الريال .. • عواد : بلاك ؟ هيّد !! البنية ما بتشرد يقولك الشاعر .. • احمد: كاشخ الريال .. كل هذا حق ال women مالك؟ • راشد : انطب انطب .. • احمد يضحك : اسميهن ألفاظ .. (فاضل كان يرمس زينة ويوم بند عنها ..) • فاضل : تعال .. اقرب .. (وكان راشد لابس كندورة سودة والغترة الحمراء والعقال وويهه منوّر بشوفة الحبيب .. واليد حمد لابس لكم الكندورة الكركمية ..ومتجحل بأثمد .. شكله هو المعرس هب راشد هع هع هع .. ) • حمد وراشد: السلام عليكم .. (والحريم كلهن ردن السلام ) • هناء فخاطرها : والخيبة هب جمال فيه .. أسميه طرر لا وشخصية بعد !! • مي : ويلي ويلاه من رشود .. وطوايف رشود .. (وهناء اتطالع مي باحتقار .. كأنه كل وحدة اتعدت على ممتلكات الثانية .. وراشد يدوّر بعيونه على هنود وأمه مب محصلنهم ..) • اليدة الجود : هاااه اتدوّر على حد؟ (واحمر ويهه منحرج لأنه كلهم يسمعونه ) سر على يسارك بتحصلهم هناك .. • راشد متحمس : ان شاء الله .. (ودق الباب .. ووراه اليد حمد .. ) اتجدمني ابويه .. • اليد حمد: ما تقصر يا بويه .. • ندى : اقرب .. اقرب .. (وبطل الباب ومن دخلوا .. اتغشن ندى والجود ) • اليد حمد : السلام عليكم .. • ندى والجود : عليكم السلام ورحمة الله وبركاته .. • هنود سارت حضنت يدها وحبته على راسه وفخاطرها : وااايه فديت ويهك .. (وراشد يطالعها وهي مبتسمة ..) • اليد حمد : باليركة يا بنتي .. منج العيال ومنه المال ان شاء الله .. (و حط فإيدها كلينكس ملفوف بشي ..و سيده روّح عشان ياخذون الحريم راحتهم ..) • ندى : مبروك يا ولدي عساه مبارك وسعيد .. • راشد: الله يبارك فحياتج .. عقبال رحيل انتوا ما منكم فايدة .. • ندى تضحك : ما اتيوز عن سوالفك .. (وسيده حباها على راسها ..) • راشد : فديتج يالغالية .. (وسار صوب هنود ) علومج العروس؟ (ويغمز لها ) • هنود فخاطرها : اميييه يالفضيحة .. عيني عينك تغمز لي ؟ (واتدوسه فريله والدم وصل لين راسه وكان غادي غير طماطه مارام يصرخ من الويّع خاف من الفضيحة قصدي من الدوسة اللي جاسته ) دواك مهاروم !! (كانت ناسية عمرها انها خلاص حرمته ) • راشد يصاصرها : خليهم يظهرون .. بعمرج .. اتعرفين والله ما بخليج .. • ندى : يالله الجود .. خليهم يسولفون .. • الجود : حركة حلوة يالعروس زيدي منها فديتج .. • راشد : فارجي دخيل الله .. عندي علوم ويا عروسي .. • هنود زاغت وفخاطرها : أي علوم؟ جان جذيه الملجة زياغ ماباها !! (وطلعوا الجود ونداية .. ) • راشد يطالعها بمكر : انزين يا عروسي الغاوية .. (وهي ابتعدت شوي لأنها كانت زايغة وتتنفس بصعوبة .. وحسّر عن ايده يبا يزيّغها .. وهي اتطالعه منصدمة ويربع لها ويمسكها من خصرها وهي ميتة حاسة ضلوعها ما يتحركن وهي تحاول تفلت عمرها ما رامت ..ويقرقطها تقرقيط .. ) • هنود فخاطرها : ههههههههههههههههه آآي حسبي الله عليك لا تقرقطني ما روم هههههههههههههه ماروم ماروم ماروم بصيح .. • راشد : ههههههههههههههههااااااااااااااااي ابا التوبة تكون في عيونج .. (واتطالعه بتكبر وتيلس عالغنفة وتسويله حركة كيفي ..) ياويلي عالكيف انا .. عيل دامنج جذيه .. شكلج ما تبيني ايلس وياج .. احسن لي أروّح .. (وقام من مكانه .. وتمسكه من ايده وهي اتطالعه ..) • هنود فخاطرها : أهبل ..رد اباك .. منو يشوف هالويه ويقول لا .. • راشد : فديت اللي يباني .. (ويحبها على راسها ..) أسميج طرر كل شي فيج كل نظرة .. كل ابتسامة .. كل فلعة يتني منج .. (وهنود تبتسم ) • هنود فخاطرها : حليو يمدح خسيفة .. وين عايشين يا ناس .. • راشد : يايبلج شي .. (وطلع من مخباه ) هذا حقج .. (وحطّاه في ثبانها ومسك ايدها ) تراني لو أخبّل بج .. بدا قلبي يخفق باسمج يا هنيد انا احبج .. • هنود احمر ويهها وفخاطرها : ياويلي يا رشود انته تحبني؟ انا؟ انزين انا غبية شعنه خذني؟ اكيد يحبني مالت عالدبش !! (وبطلت التيلفون وتكتب في المسج عشان تراويه " ماحبك ") • راشد : صدقيني انتي تحبيني .. بس مب راضية تعترفين ... • هنود تكتب له : فأحلامك .. • راشد: دامنج ما تحبيني مع الايام بتموتين على طوايف رشودج !! • هنود اتطالعه متعجبة وفخاطرها : اويييه هذا وايد خجاج من احينه شايف عمره عليّة .. • راشد : بس صدقيني احبج .. (ويقرقطها وهي مبتسمة .. تشرد عنه بعيد ) • هنود فخاطرها : ههههههههه ما يتوب والله انه ما يتوب .. (وعند شمايل ) • الممرضة منال : هناء ما نمتي لين الحين؟ • شمايل: رقدت شوية .. بغيتي شي ؟ • الممرضة منال : تبيج الدكتورة امل .. (ويابت لها الكرسي المتحرك ..) جلسي عليه .. • شمايل اتعدل شيلتها وتلفها على راسها : ان شاء الله .. (وكان مبيّن عليها التعب ويوم وصلن للمكتب ..) • امل : اتفضلي اناراح اخليكم روحكم فمان الله .. (دخلتها وطلعوا عنها وكانت اتطالع ريال عاطي ظهره يطالع اللي برع وصد صوبها ..) • مايد صد : شحالج شمايل؟ • شمايل مبججة عيونها من الصدمة وسيده انهمرن دموعها : ويلي انا ميود؟ • مايد : لا تتكلمين .. • شمايل : بس انا ابغي اخبرك .. • مايد يتقرب منها وييلس عالكرسي مجابلنها : انج ما تحبيني برايه .. ماباج تحبيني .. خليني انا اللي احبج .. اعشقج .. احلمج .. وانتي ماباج اتسوين شي .. تبين اتعذبيني .. ضربيني كل يوم .. كسري راسي .. جلعي قلبي حاولي .. بس بتحصلين صورتج متربعة هناكي (ويأشر على قلبه ) هناكي !! انا بتخبل بستوي مينون ان ما خذتج .. اباج حقي تسمعين يا شمايل ؟ حقي !! (ونزل على ركبته توّة بيمسك ريلها عشان ما تحاول تشرد منه وهي تتحراه بيبوس ريله .. بس صدق عرفت تكسر راسه الا تيب راسه وقلبه .. بس سبقته وتصفعه هاييجي الصفعة ) • شمايل : انا احبك .. بعمرك ان نزلت راسك لحد حتى لو كانت حبيبتك .. • مايد قام مب مصدق : حبيبتك؟ تعتبريني انتي؟ حبيبج؟ يعني شو؟ • شمايل تبتسم وتوقف: اقول انا بطلع .. • مايد يمسكها من ذراعها : ياويلج مني .. والله ما هديتج .. • شمايل: هد ايدي .. شو قصدك؟ • مايد : قصدي تتزوجين هالحافي المنتف؟ • شمايل : لا .. • مايد : شو السبب ؟ • شمايل : مايد ؟ حبيبي بتسمعني للآخر ؟ • مايد يتنهد : واايه وااايه فديت كلمة حبيبي .. بسمعج يعلني افداج .. يلسي .. (ويلست ) • شمايل احمر ويهها : انزين لا تطالعني جذيه استحي .. • مايد : هااااااايه هااايه ليت هاللحظة موول ما تخلص .. • شمايل : ميّادي (يالله بدينا بالدلع ) حبيبي انته راضي تاخذ وحدة .. وحدة مغتصبة ؟ • مايد : شوفي شمايل .. انا كنت احبج وامبوني احبج .. وما كنت احب اعترف بهالشي لأنها بحس اني منهزم .. بس جذيه ولا جذيه باخذج يعني باخذج .. شو يعني مغتصبة ؟ بإرادتج؟ اكيد لا .. انا احبج .. تعرفين شو يعني احبج ؟ • شمايل تتويع : آآي بطني .. • مايد زاغ عليها : بسم الله عليج .. بلاج؟ • شمايل :بموووووووووووووووووت .. • مايد : لاتقول جذييه .. • شمايل تبتسم : قصدي قلبي يعورني مب مصدقة انك تحبني .. • مايد يضحك : يراسج !! زيّغتيني عليج !! |
يسلموووووووووووو خيتوووووو ع القصه الروووووعه وين التكمله ؟؟؟ |
thnx 3layah ntrya al bagi bsr3aaaaaaah :) |
نتريا التكملة |
(الجزء 59) (وفي الجامعة ..صوب الحديقة كانت مسّوايه شرا الغابة.. معظم الطلاب ييلسون جريب ..) • عيسى يتصدد : Joseph where is the team? " جوزيف وين فريق المكافحة ؟" • جوزيف : there is no team you fool " اصلا ماشي فريق يالاحمق " • عيسى فخاطره : شو السالفة؟ شو يبا؟ لا يكون يبا بيزات ؟ • عيسى: how come ? " ليش عاد؟" • جوزيف: I caught you , you're terrorist I know that " زخيتك .. انته ارهابي وانا اعرف هالشي " • عيسى منصدم : me ? come on joe .. I'm not insane to do this "انا؟ حرام عليك يا جو .. انا ما فية هالخبال " .. • جوزيف : don't fool me " لا تقص علية " • عيسى: joe please I came to this country to study not to be terrorist "جو.. بليز .. انا ييت على هالبلاد لأني ابا ادرس مب عشان استوي ارهابي " • ديفيد: joseph put down your weapon, we're not in a war " جوزيف .. اخفض سلاحك نحن مب في حرب " • جوزيف : He's terrorist , why can't you believe me? "انه ارهابي .. ليش ما تصدقوني؟ " • ديفيد : who told you ? " منو خبرك؟ " • جوزيف : I heard rumors in the street "انا سمعت اشاعات من الشارع العام " • ديفيد : oh jesus Christ!! Are you crazy? We taught you to kill innocent people? Put down your weapon commander " اووه يا ربي ..هل انته مجنون؟ نحن علمناك تقتل ناس ابرياء؟ نزل سلاحك بسرعة ".. • جوزيف : before I do .. "قبل ما اسوي هالشي " ( ويطلق رصاصة على عيسى اللي تم واقف يطالع وعينه تدمع ومسك جتفه من الويّع .. وسيده سار ديفيد ورا جوزيف ويمسكه وحاول يربطه وانطلقت رصاصة ثانية يت قريبة من عيسى .. وسيده ديفيد ربطه بالحبل ) • عيسى فخاطره : آآآخ الله يسامحك .. (ويتقرب شوي شوي من جوزيف ) • ديفيد : are you okay essa? " هل انته بخير ؟ عيسى؟ " • عيسى معصب عالآخر : I'm not terrorist " انا ارهابي؟ " (واغمى عليه ..وسيده طاح على جوزيف ونقلوه المستشفى وهو يهذي كانت الضربة على جتفه كان يصارخ من قمة راسه من العوار اللي جايسنه .. اما في الشقة ) • سعيد : hello? Yes I am , who? Commander? What happen? What? Shot? Is he alive? Medical hospital? Ok ok I'm coming ,if he's injured badly you'll wish that your mother didn't give your birth "ألو؟ هيه انا .. القائد؟ شو استوا؟ شوووه؟ طلقة؟ هو حي؟ المستشفى ؟ اوكي اوكي انا ياي .. لكن اذا اصابته خطيرة ما تلوم الا نفسك بتقول ليت امي ما يابتني .." (وبعد ساعة وصل سعيد .. كان يهزبهم ما خلا شي ووياه سفير مال دولة الامارات كان راقد فعز نومة من اتصل به سعيد سيده ربع صوبه ..) • ديفيد : please your highness we don't want any problems with your embassy "ارجوك يا صاحب السمو نحن ما نبغي مشاكل ويا سفارتكم " .. • سعيد: who is your boss? And where is the bloody idiot? "منو رئيسك؟ ووين هالغبي؟" • ديفيد : in the other room, waiting to take him to jail "في الغرفة الثانية ينتظر لين يوّدونه السجن .. " .. (سعيد دخل الغرفة اللي فيها المتهم جوزيف تم نص ساعة وظهر وايده كلها دم بس ما كان ميروح والعسكري ديفيد يوم دخل لقا جوزيف طايح عالارض مضروب ضرب والدمّان يظهر من ينبه كله وهذا كله وما استخدم شي الا قبضة ايده .. كان صدق قوي .. ) • سعيد : now you can take him to the bloody jail " والحينه تقدرون اتوّدونه للسجن " • ديفيد : please sir, we don't want the media to know about this accident " ارجوك يا سيدي .. ما نبا الصحافة اتعرف عن الحادث " • سعيد : mind your own business, and arrest him or you'll be taken with him "ما يخصك ..واذا ما اعتقلته بتنأخذ وياه .. " • ديفيد : I beg you pardon you highness "السموحة منك طويل العمر " (اما عند عيسى طلعوا الرصاصة وخاطوا له المكان .. وكان يوّن من الويّع .. ينش يطالع واحد مجابلنه يطلع عسكري ويرد يغمض عينه .. لين بطّل وهو ما كان يدري انه مرتكب غلط .. قام من مكانه ومحمر ويهه من العصبية ومسك العسكري وهو يتنفس بصعوبة .. ويوّده من رقبته ودزاه على اليدار ) • عيسى : مب انته اللي تسميني ارهابي .. والله لأجتلك .. انا ارهابي؟ (والعسكري مب رايم يرمس الا ما يروم يتنفس ) انا اخون بلادي ؟ انا؟ (ويرفسه في بطنه ) عمرها سمعتي شرا المسك وانته ياي اتقولي اني ارهابي؟ انته يا جوزيف؟ انته ياللي عدّيتك اخويه؟ حسافة طلعت بو ويهين ما سار بعيد منّوع نفس النوعية .. لكن حقي وباخذه منك ومنه !! (ويرفسه مرة ثانية ) • سعيد داش : عواس؟ شو ها؟ عواس؟ (ومسكه ) عواس استهدى بالله ياخي .. مب هو مب هو .. • عيسى : هدني عليه .. تراه عندهم حياة الناس لعبة فإيدهم .. شافوا عربي قالوا ارهابي .. • سعيد : انزين عواس هده هو ماله ذنب هاكي في الحجرة الثانية .. (وتيييه الممرضة وردوه لمكانه ..واما شمايل وميود كانوا احلى اثنين .. روّح عنها وهو فرحان .. حتى رقد رقدة .. اسميه ناخر وشاخر .. ويوم نش يلس عدل شعره .. ) • مايد : اشوا انهن ما طاحن البارحة ولا جان فضّحني .. (وطلّع الصبغ الشفاف ويحط الخشم وهو طالع يدوّرها يمكن طلعت .. يمكن عند الدكتورة النفسية .. ويلس يتمشى في الحديقة .. حتى هزاع اختفى ... وشاف واحد مينون ينتفض .. وحذاله واحد باكستاني متوتر ويتصدد .. ورافع الكم عن المينون يبا يضربه بشي .. ويوم دقق انها ابرة .. وهو نفس اللي معتدي على شمايل طبعا مايد ما يدري .. لأنه ما كد شافه ) ( اما هنود ورشود .. لاعبين ملاعيبهم .. مسجات طول الليل وعلى الساعة 8 الصبح انه ياينه مسج) • راشد : منو بعد؟ (بطّل عين وحدة وهو يتثاوب ) اكيد الحب مالي فديتها (وسرح .. يتذكر يوم يلعّوزها واحلى لقطة يوم تمسك ايده ما تباه يروّح ..) آآآه ويلي محلات الحب .. (ويقرا " ليتك مع خلي ميرة لرشود بس رشود خوّان " بطّل عينه واعتدل فيلسته ) ميرة؟ البارت الياي يوم الاحد |
لييييييييييش الأحــــــد يعني بنتريا واايد :( المهم ثـــــــــــانكس وااااااااااااايد D: |
thnx 3laya ntrya altkmlah =) |
يسلموووو ع البارت و نتريا الباااااارت اليااااااااااااي |
يسلمووووووووووووو ع قصه الروعه |
(الجزء 60 ) (اما راشد سيده قام يطرش مسجات ..ويتصل بمعارفه عشان يظّهرون له الرقم باسم منوه .. حتى لدرجة انه نسى هنود في هالمحنة.. وحزتها انصدم .. ميرة سالم هي صاحبة الرقم ..) راشد : الله اكبر .. كيف جذيه؟ لعنبوا والبنية اللي جثتها كانت بين ايدي؟ هذي وحدة مستغلة الرقم لحسابها الملعونة !! انا براويها !! (وطلع لين بيت قوم ميرة ..ويدقق براسه عالسّكان من القهر .. ظهر الابو ..وظهر الاخو .. اتصل بها محد رد .. طرش لها مسج " ان ما رديتي لأدخل البيت واللي فيها فيها " وبعد محد رد تم مهموم وقلبه يدق ومب فاهم شو السالفة لين اليوم الثاني .. كان يطرش مسجات حق هنود لين وصله " لقانا اليوم فمقهى .... في آب تاون عالساعة 7 ") مسج هنود:انا اليوم بداوم العصر في مدينة الطفل مسج راشد : انتي هب محتاية الشغل .. مسج هنود : وأبويه محتاي للبيزات .. عشان يسير بعيد عني .. مسج راشد : وبيزاتي انا؟ ما يكّفنه؟ مسج هنود :خلنا احينه عن شغلي مسج راشد :هنيد بتشتغلين مكياج ما اتحطين .. مسج هنود : ولا اثمد؟ مسج راشد : ولا شي قصورج والله لأذبحج .. مسج هنود : اتغار علية ؟ مسج راشد : وعدسات ماشي تفهمين؟ مسج هنود: انا ما احط عدسات مسج راشد :لا تجذبين .. عيونج هذيلا هب لونهن .. مسج هنود : والله هذيلا لونهن بلاك اتخبلت؟ مسج راشد : انزين يوم بيي بكشف على عيونج .. ان طلعن عدسات لأجّد عينج (يعني بيدخل صبعه فعينها خخخ) مسج هنود : مجرم مسج راشد : عيل تبين فلان وعلان يتمنظر فحرمتي والله لأعدمه .. مسج هنود :غيار .. بحط مكياج خفيف وبعّج اللثامة .. يابوك حر هالايام .. مسج راشد :وابويه عليج وابويه .. قصورج بعد !! مسج هنود : أسوّيها افا عليك .. المهم الغالي انا احينه بسير اتزجرت لأنه العصر دوامي .. مسج راشد : صدقيني بوقف عند الباب .. وصدقيني بمسحه ..ريلج وأسويها .. (وهنود ميتة من فرحتها لأنه يغار عليها ..وسارت توّها بتدخل الغرفة وتسمع ضحك اختها بصوت عالي ..) مي : هههههههههاااااااااي لا ياعيوني ما ريد اليوم مالي نفس اروح ..لا بس راح اروح المقهى شوي ويا جمانة .. شيش هنود دشت وفخاطرها : شيشة يالفارطة يالخايسة يا ام اليور .. خليني انا براويج .. (ومي زاغت وبندت التيلفون وكان مبيّن على ويهها الزياغ لأنها اتكلم واحد ومبيّن .. ما عبّرتها ..وسارت اتبدل ملابسها .. لبست جلابية مخّورة حمراء ..وفوقها عباة وسيعة من جدام .. يعني قطعة عريضة شرا حركة المنديل .. او النوّام .. .. وعلى طرف اليدين مثل قطعتين زيادة شرا الدائرية بس نازلة .. وما فيها أي شي كانت سيمبل بس تلفت بعد .. لأنه الموديل غريب وما فيه شي ...) مي : هنود؟ شفيج؟ انتي ما قمتي اتكلميني شرات قبل؟ هنود طالعتها بطرف عينها وكانت اتسحي شعرها وخلّت المشط وكتبت : انا بالاصل ما اتكلم .. مي احمر ويهها : مب قصدي يا هنود .. انتي اختي .. يعني لازم توقفين وياي اذا استوا فيني شي .. هنود تكتب : مافيج شي تراج شرات الخيل .. والعقربة بنفس الوقت ... آسفة البارت قصير .. بس في بارت باجر ان شاء الله شو بيستوي بين ميرة وراشد هل بيلتقون؟ وراشد بيخبر هنود عن اللقاء ولا؟ وشمايل بتلتقي في اللي معتدي عليها؟ |
يسلموووو و نتريا البارت الياي :) |
تســــلمين ونتريا التكمله |
thnx ntryach bacher :) |
يسلمووووووووووووووووو ونتريا التكمله |
ثــــــانكس و اتريا البارت الياي باجر D: |
thnX 3laya ntrya al tkmlah =) |
السموحة من الجميع بسبب ظروف اتمنى من الجميع المعذرة والسموحة لأني بغيب فترة وبرد لكم |
اويييييييييه كل قصه جييه انصدم فيها بالاخر مابتكمليينها دخييلج واايد اندمجت |
مشكوره على المبادرة |
بلييييييييييز علاايه لا تتأخرين نتريااج :) |
ana atrya :( |
ثاااانكيووو ع الطله و المبااادره الحلووووه منكم |
(الجزء 61) • سعيد : عواس؟ انته بخير؟ اباك اتم زيادة في المستشفى .. عشان اتأكد انك بخير .. • عيسى : سعوّد ؟ شو سواو بالريال؟ • سعيد : قصدك جو؟ • عيسى : بيخضع للمحاكمة صح؟ • سعيد : اكيد .. شو اتوّقع؟ • عيسى : سعوّد .. انا ما برفع دعوى عليه .. الله يسامحه على اللي سواه .. • سعيد عصب : انته شو من البشر ؟ عواس هذا اللي كان بيثوّر فيك !! (وضرب سعيد بإيده على الطاولة ) • عيسى : استهدى بالله .. عيّن من الله خير .. • سعيد : لا إله الا الله .. عواس هذا حقك .. لين متى بتغدي أهبل وينقص عليك؟ • عيسى : اهبل؟ تسمي طيبتي هبالة؟ • سعيد : مب قصدي يا عواس .. انته وايد خيّر .. وهذا ما يستاهل طيبتك • عيسى : انا فكرت في الموضوع ليش ابهدل الريال وراه حرمة وعيال .. خله الله يسامحه .. • سعيد يتهازب : عواس !! عيل ما فكر هاكي الجلب اذا انته وراك اهل او حرمة ؟ كان جذيه ولا جذيه بيثوّر فيك اووووهوووه !! الكلام وياك ما يفيد !! انا ظاهر .. ( طلع وهو مشتط .. وعيسى روّح لحجرته في الجامعة .. وهو ماسك جتفه المربوط وخذ مسّكن الآلام ..اما عند هنود كانت نازلة ) • فاضل: هاه ام السعف والليف؟ على وين العزم؟ • زينة : بوعيسى وراها شغل .. • فاضل : أي شغل العصر؟ مغازل؟ سمعيني يالجلبة .. ان طحتي في جبدي وطلقج صدقيني بفّرج برع البيت .. • هنود فخاطرها : اللهم طوّلج يا روح .. يعني من زمان ما رمست ويايه والحينه تقولي هالسم؟ بدال ما تقولي مبروك؟ • زينة : وامها؟ خلها تروح تزور امها .. • فاضل : صدقيني ان فرّيتها عمرها ما بتوصل عند غرّوب .. صدقيني وهذي كلمتي ..زينة : يا بوعيسى .. ارحمنا .. وخل البنية تروح .. (واتأشر لها عشان اتروّح .. عشان ما يزيد عليها .. وطلعت وهي تصيح ... وسارت بتركب الموتر .. وتحس بإيد تمسكها ..) • راشد : علوم حبيبتي؟ • هنود زاغت وفخاطرها : راشد؟ • راشد عج الغشوة عن راسها وانصدم : بلاج هنيد؟ (وهنود تبتسم ) انا قلت شي يزعل؟ (وهي تلعب بشعره ..) أدريبج ما بتخبريني .. بس في المسجات بتخبريني .. (ويصاصرها ) صح؟ (وحسّت شعر ينبها يقّف) • هنود فخاطرها : ياويلي يا رشود ضربت عالعوق ... (وغمضت عينها لأنه كان يمسح دموعها ..) • راشد : ان شفت دمعه لأقرعج !! (وهي تضحك .. ومسكها من إيدها وساروا المطبخ اللي برع .. وهي مستغربة ليش .. والخدامة طلعت من شافتهم .. غسل إيده ومسح على ويهها يمسح دموعها ..) عمرها الدموع مب الجواب او العلاج يا هنيد .. (ومسك فجها ..) أحبج يا هنيد .. (وهي احمر ويهها مب عارفة شو اتقول ) • هنود تنطق : آآآ .. آآآ .. آآه (ويأست ..وهو رفع راسه يطالعها ..) • راشد مب مصدق : انا بكمل عنج أحب ... أحبج .. تسمعين ؟ (وروّح عنها ..وهي وقع الكلمة عليها مأثرة عليها .. ) • هنود فخاطرها : أحبه ... أحبه .. أحبك يا رشود .. (وهي سارت مدينة الطفل ..دخلت مكان اتوقّع فيه حضورها عن طريق بطاقة مخصصة لها .. اول شي حسّت بالغربة .. وكانت شغلتها انه كل بنتين تقبض لها شغلة .. يعني هي شغلتها ترسم على ويوه الاطفال بالألوان والبنية اللي وياها غايبة .. وبنتين يسوّن هدايا صغيرة .. او يعلمن الصغارية القص واللصق .. يعني أشياء طفولية تعليمية .. وكانن ينقسمن لفريقين .. فريق الازرق وهذيلا المثبتات .. والفريق الثاني وهن المتطوعات واللي هي هنود وياها وكانت لحالها .. اتخاف تختلط ويا حد لاحظوا البنات المثبتات انها ما تعرف ترسم على ويوه الاطفال فقاموا يطرشونها تيب لهم أغراض ..يعني يآمرونها وهذي أصلا هب شغلتها .. اما عند راشد .. وصل آب تاون .. وقلبه يخفق بطريقة هب طبيعية ..) • آلاء : واااو شوفي هالغرشة .. • مي : وين ؟ وين؟ • آلاء : ثاني واحد على اليمين راعي الكاب .. • مي صدت وكانت اتشّيش : كح كح .. ( وغصّت ) راشد ؟ ( ونزلت تحت الطاولة ) • آلاء : شفيج؟ • مي : سكتي .. سكتي .. !! (وراشد يطرش مسج " وين " ويلس يتصدد لين احمر ويهه ) • راشد : ميره؟ ( وحس كل عضلة في ينبه ما اتحرك ..) استغفر الله العظيم !! قمت أحلم !! (واتقربت منه خطوة على خطوة لين وصلت مجابلتنه ) • ميرة : فمان الله .. • راشد شوي وبيفقد عقله : ما بخسرج لا ...!! (ويمسكها من ذراعها ) ميرة!!! • ميرة : هدني !!! ( وكل اللي في الكوفي يطالعونهم ) • راشد : ميرة ؟ • ميرة حاطة إيدها على خصرها : هيه نعم !! ميرة .. ( وسارت تيلس صوب طاولة خالية وهو لا إراديا وراها كأنه مسحور .. سيده يلاحقها .. وقلبه يدق .. يدق بناقوس الخطر .. ويلس مجابلنها وعينه محمرة ..) • راشد : ليش سويتي جذيه فية ؟ انا أذّيتج بشي؟ انا كنت حاطنج ع راسي من كثر ما حبج .. • ميرة : مادري منو الغلطان .. • راشد : انتي شكلج متغيرة .. انتي هب ميرة ... اصلا الحادث استوا جدام عيني !! • ميرة : لا والله ؟ زين .. زني .. زين حصل جدام عينك .. • راشد : شو قصدج؟ • ميرة : انا اسمي ميرة سالم .. أخت مريم اللي حبتّك .. • راشد : شو تقولين؟ انتي قمتي اتخرفين !! (وهو من الغصة دموعه ينزلن ) • راشد : مريم؟ • ميرة : انا حبيت اقولك انه اختي التوأم الله يرحمها كانت تجذب عليك قالت انه اسمها ميرة .. اتوّقعتك واحد لعّاب ..لين يوم حان وقت الجد ..يا راعي الجد .. ييت وخطبتني بدال ما اتخطب اختيه ... • راشد : لالالالالا انا احلم .. • ميرة : شو تحلم؟ اسمعني عدل .. كلام هب عايدتنه ..انته حبيت اختيه مريم واللي عطتك اغلى ما عندها ... (وهو احمر ويهه ) • راشد : هالشي محد يدريبه غيري انا وهي .. • ميرة : وكتابها اللي تكتب فيه عن كل شي .. كل تفاصيل صغيرة .. تحصل لها .. زعلها .. زعلك .. سفرك .. رجعتك .. دراستك .. لقاكم ف ............ • راشد : انتي جذوب .. انتي هييي .. جيه الدنيا لعبة؟ • ميرة : اذا هب مصدق .. جهنم كلتك .. لكن ثمن شرفها اللي ضاع ما بيضيع دامنها أختها .. • راشد : الله يغفر لها ويرحمها .. ميرة .. أختج .. بعدها في قلبي .. وانا لين الحين منصدم .. • ميرة : ليش لأانه نحن توائم ؟ او بتستغلني شرات ما استغليتها؟ • راشد : انا.. • ميرة : انته شوه؟ انته واحد خسيس .. لا سرت ولا رديت .. دلوع ماخذتنك بيزات أبوك .. صدقني بحطمك .. • راشد : يالله جان ترومين !! • ميرة : صدقني لحرمتك المصون بوصل لها .. وانته اتعرف الباجي .. • راشد يطالعها فعينها : شو بغيتي ؟ (وهي اتوترت ) • ميرة : انا قلت اللي عندي .. ( وقامت ) • مي : صورتي كل شي ؟ • آلاء : أكيد فديتج كل شي من أول مسكة ذراع .. • مي : لع رشود هب هيّن ..يراكض ورا البنات .. (وعند شمايل .. كانت اتطالع تلفزيون في الصالة العودة ) • هزاع : انتي هنه؟ وانا أدوّرج ؟ (ودخل مايد ) • مايد : مدااااام مكنير؟ • شمايل : دخيلكم بعيد عني .. • هزاع : شو السالفة ؟ • شمايل تبتسم : ماشي .. ( ودخل الباكستاني ..يوم شافته سيده نزلت راسها لين ريولها ) • مايد فخاطره : بلاها؟ بلاها زايغة جذيه؟ ( وتنتفض) • شمايل فخاطرها : يالله قوم بعيد عني !! دخيل الله .. انا قمت اخلط بين الواقع بالحلم !! (وسيده لحفّت ويهها وتركض لحجرتها ..وبغى مايد يلحقها وعرف انه بينكشف .. طلعت شوي شوي تتصدد وما حصلت حد ) • هزاع : بووووه !!! • شمايل اتقبضت بالباب وقلبها يدق : تبو بو حسّك وانقبض فجّك !! • هزاع : صبري .. صبري لا تدشن داخل .. ابا اكلمج .. • شمايل : ياخي شو تبا مني !! كفاية الل صار لي وماباه يصير لي .. • هزاع : شو قصدج؟ • شمايل نزلت راسها : ماشي .. • هزاع : ابااكلمج عن هنوه اختج .. • شمايل : بلاها؟ • هزاع : تعالي يلسي .. (وساروا عندالاستقبال اللي حذال حجرتها وهو يلس عالكرسي داخل وهي تمت واقفة ومنزلة راسها ..) انتي اخت خيّرة وعلى نياتج .. • شمايل : من طيبك .. • هزاع : شمايل اتحملي من اختج هنوه .. • شمايل قلبها يدق : بلاها؟ انته من متى اتكلم هنوه ؟ وهنوه ما خبرتني .. • هزاع : اختج .. انا .. انا .. انا متزوجنها في السر .. (شمايل مبججة عيونها .. كيف وليش؟ شو السبب؟ مارامت تتريا ولد الحلال لين اييها ..) |
| الساعة الآن 11:41 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir