|
السلام عليكم صح انه هالموضوع تناوله وايد ناس باشكال مختلفه لكن بيتم يتكرر وينعاد لين اخر الزمن لانه فعلا شي حاصل في حياتنا كل يوم : قريت كل الردود قبلا ارد وعيبني تباين الاراء واختلافها عيبني رد راكاويه اللي قالت ان فالنهاية البنت غبية وانا وياها فعلا البنت غبية وفي النهاية بتصيح بدال الدموع دم لو ان نيتها كانت سليمة محد بيقول وحليلها وبيدور وراها .. الكل بيلوم ويمكن يسب بعد! : وعيبني رد القمرهـ اللي قالت ان الحب هب عيب وفعلا مثل ما هو لود ناس هي بعد بنت ناس لكن غلطتها انها انخلقت بنت وهو انخلق ولد يعني اخر شي اللوم بيطيح عراسها وهو بيطير وبيروح ولا عليه شي : : وعيبني رد جنوني اللي قال ان حتى لو الاهل ما يرضون ما في ريال بمعنى ريال يمشي ع شور اهله الا اذا كان فعلا ماله كلمه او ماي يعرف يتكلم او كان ياهل او ماله راي : : خلاصة الكلام انا اقولكم شي الانسان السيده من البدايه يعرف شو يبا واذا يبا يلعب او ما عنده يفكر جديا في الارتباط واكتفى انه يلعب له يومين ويتسلى مع بنت الناس وخلاف يقول ما اقدر اسوي شي ومب بايدي هذا ما نقدر نرد عليه نحن بس الله بيرد عليه وكما تدين تدان اذا ما خاف ربه في بنيه لا حول لها ولا قوة الله فوق وبياخذ حقها بنفس الطريقه ولا يمكن اقسى بعد هو عايش وموجود والله فوق ربه بيجازيه في ماله ولا اهله ولا صحته ولا سمعته الخيارات وايد وعند الله ما في شي يضيع وانا عن نفسي ما اسامح انسان يسمح لنفسه يعيش يوم واحد وهو يفكر بهالاسلوب البشع ويبرر لنفسه ويعيش قرير العين ولو رمسنا من اليوم لين امية سنه بتشوفون هالنوعية من الشباب في كل مكان يعيثون في الارض فسادا والبنات بعد ما اقول انهم بريئات بس شي منهن ضحايا وشي منهن بكيفهن والله يصلح حالنا ويهدي الجميع |
اقتباس:
|
اقتباس:
تسلمين يا الغاليه ع المرور الطيب....و صدقتي فى كل كلمه قلتى... |
باختصـــــار " كل مايبنى على بــاطل فهو بـــاطل" .. ١٪ من هذي العلاقات تنجح .. تسلمين اختي ع الطرح .. |
اقتباس:
|
تسلمين الغلا ع الموضوع الحساس تبين الصراحه.. الغلطه غلطة البنت مو الريال.. يعني مااعتقد ان في ريال يثق ببنت تكلمه او حتى تعترف و تبادله الشعور.. ولا تنسين عاداتنا و تقاليدنا وتربيتنا المميزة الي اتخلينا مختلفين عن الغرب والي كل شي مباح عندهم.. وكيف يرتضي ريال انه يتزوج وحده يكلمها او يطلع معاها؟ وكيف يقولها جدام اهله؟ و الأهم كيف يعزز ثقته فيها و ما يخلي للشك مدخل في حياتهم؟ كثير من التساؤلات تطرح نفسها في هذي الحاله وعني انا .. اعتقد ان البنت يفترض فيها حتى لو حبت شخص .. تكتفي بان تنبهه بانها تحمل له مشاعر.. وماله داعي انها تتمادى في تعريفه و الأعتراف بحبها له.. هذا له اثر سلبي على تربيتها و اهلها ..قب لا يكون عليها.. والسموحه.. هذا رأيي ^_^ |
[overline] تسلمين زهوري على هالطرح ربي يسلمج [/overline]وكل عضو ورايه الخااااص؟..... بس الغلط غلط من اول بادي.....الغلط انه هي رضت تكلم واحد غريب...وتسوي شيء من وراء اهلها......والغلط منه انه لعب بالبنت .... والريال اللي صدق ريال ما يتبع رمست اهله هو ريال وله قراراته.... عجبني رد حنان القصيد....واااايد....وانا وياها بكل اللي قالته تقبلي مروري |
اقتباس:
|
اقتباس:
|
| الساعة الآن 05:51 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir