منتدى استراحات زايد - روووووواااايــة [ツتآهــت أقدآري بـحبك و [الهوى] بحره عميق#!.*

Part 9

الكل ف حالة ذهول ف حالة استغراب نقدر نقول آممممممممم بعدهم ما استوعبوا الموضوع اللي يبجي و اللي مفهي و اللي ما * هوب قادر يتحرك ..

بو سعود و هوو يحضن الانسان اللي اعتبره صديق و اخو و اكثر و اللي ما توقع ان ف يوم من الايام بيظهر اخوه حضن بو منصور بس هالمره غير اجتاحتهم مشاعر الدم اللي يربطهم من امهم اللي حملت فيهم تسع شهور مششاعر الاخوه صادقه نار تلتهب من الطرفين من الحب الكل تأثر من المنظر شياب يبجون صح بو منصور و بوسعود يبجون من توقع هالشي يصير ف يوم من الايام *من يدري يمكن عن جويب بيصيرون اجداد بس مع ذلك كان الرابط أقوى و بجوا الكل عقبها بجى كبار صغار بنات شباب و اليده مستانسه انها تجوف عيالها ويا بعض متيمعين..

بو سعود يزقر عياله:يالله عيال تعالوا سلموا ع عمكم..

الكل بدى يسلم و يعرف ع عمره و ضحك ووناسه و استهبال روعه الصراحه..

اول شي الشباب بدوا..

سعود: هلا عمي و يحبه ع راسه..

حمود يحضنه ماشي تفاهم: نورتنا و يحبه ع راسه..

عبود يسلم عليه و يحبه ع راسه: هلا بعمي تو ما نورت العايله..

بو منصور: بوجودكم..*

حمدان اصلن ما سلم و ظهر يعني ماشي فايده منه..

بو حمدان: لا حول و لا قوة الا بالله..

بو منصور اللي استنتج ان حمدان واحد ف عالم ثاني حط يده ع جتف بو حمدان: هونها يا حوي و تهون..

عقب سلم عليه مايد و هو حده مصدع و مجروح بقلبه و حبه ع راسه و وقف ع يم طالع مريوم بنظره خلتها تنزل راسها..

عند مريوم اللي منزله راسها و ف خاطرها: معقووله مايد كان يحبني لا مستحيل انا شو سويت يالله يا مايد من بين الكل انا انا !! .. و تتنهد.. و الله أني ما استاهلك أوف الحين سلوم شو بسوي وياه المشكله صوري عنده امبييه انا شو سوييت بعمري يا ريتني ما عرفته أوف ياهي بلشه..*

و سلموا ع ام منصور اللي يالسه تبجي من الوناسه ان عيالها صار لهم اهل و حبايب و عزوه عقبها قاموا عيال بو منصور يتعارفون و جي و الكل راح يسلم ع اليده اول ام منصور و حضنتها اليده و يلسوا يبجون..

اليده:سامحيني الغاليه سامحيني..

ام منصور مسموحه الغاليه انتي سامحينا..

اليده تبوسها و تحضنها......الخ

اليده: و الله وولدي عرف يختار..

موزه: هيه خلاص أمي و خالاتي مال اول..

الكل:ههههههههه..

عقب منصور..

منصور يحبها ع راسها: هلا الغاليه انا البجر منصور..

اليده: هلا بالغالي ولد الغالي..

راشد: لا حتى انا شكله سوقي طااح..

فواغي: الا طاح و نص..

منصور صد صوبها و ف خاطره: معقوله القدر يتوه لهالدرجه .. يتنهد.. يا ربي عونك..

عقب سيف سلم ع اليده: هلا بيدوتي هلا بج انا سيف قد راشد..

اليده قامت تهلي فييه و تحضنه و تبوسه..

عقب سلامه اول شي استحت لوجود عيال عمها بس اتشجعت و سارت تسلم ع يدتها: هلا الغاليه شخبارج انا سلامه..

سعود ف خاطره: اه منج يا رب تسلم قلبي انا لازم استعيل و ارمس أمي بس عقب اللي سمعته ما أظن شي امل..

عقب تجدمت علايه بخطوات جامده و يت تسلم ع يدتها بس اليده سبقتها و حضنتها..

اليده: و الله ما هو بييدي غصبن علي و انت بنتي صدقييني فرحتي كبيره بشوفتج انتي و اخوانج..

علايه ما رامت تستحمل و انفجرت ف حضن اليده: هئ هئ كنت اتمنى هالحضن طوول عمرري و و الحين مستحييل افرط فيج مب انتي اللي تطلبيين هئ السماح مني انا اللي اطلب منج..

عبود ف خاطره: و حلييلها شكلها حساسه واايد و قلبها ابيض..

بو منصور يجوف بنته بحب و الحيين عرف انه ربى عياله احسن تربيه..

نخلييهم ع راحتهم ...

-------------------

انروح عند اثنيينه *ابد ما يبنا طاريهم..

ف نمسا و بالتحديد ف مستشفى ....... غرفه رقم 206..

...... تبجي حييل: هئ كل بسبتك خليتني افقد اغلى ما عندي ضناي يا صقر ضناي..

صقر: اسمه و اللي يعافيج انا عيال منج مابي هه أخاف يطلعوون علييج..

اسمه: انت ليش مب هئ راضي تفهم ليش هئ و الله أني ما خنتك..

صقر: شكلج نسيتي يوم

و قطع عليهم صوت الباب و اللي يدل ع انه الدكتور بيدش اسمه لبست وقايتها ع السريع..

دش الدكتور و يلس يرمس صقر..

doctor: how does she feel now..??

الدكتور: بماذا تشعر الآن..؟؟

sa8r: she is fine but when can she out from here..??

صقر: هي بخير و لكن متى تستطيع الخروج من هنا..؟؟

*
doctor: tomorrow because we give her injection I hope that's she well be more careful at future..

الدكتور: غداً لأننا اعطيناها ابره اتمنى ان تكون اكثر حذرا في المستقبل..

Sa8r: ya ok thank you so much..

صقر: اا حسنا شكرًا لك..

doctor: it's my job have a nice day..

الدكتور: انه عملي اتمنى لك يوما سعيدا..

Sa8r: you too..

صقر: لك أيضاً..

ظهر الدكتور و صقر جاف اسمه بنظرة اسمئزاز و ظهر..

اسمه تنهدت و رجعت ذاكرتها لسنه و نص ورى..

.......................

يا ترى شو صار..؟؟

و توقعاتكم لكل الشخصيات..