منتدى استراحات زايد - ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

البآآرت { 29}

يَـآ قـلْـب : لَـآ تَـشْرهـ عَـلى بَعـض آلكَـلآمْ
مَـآ كِـلْ خَـلـق أللهْ عَلـى [آلـدّربْ آلسّـوُي]
إنْ مَـا حَصـللِـكْ خُــوّة آلنـَاسْ ألكِــرامْ ..؟
أحْسَنْ لِـك تـعيـشْ ـآلحَيــاة[ بـلا خُـوي ]

////
///
//
/

عبود : حصووه حيااتي لاتصيحين قوليلي أسمة و مستحييل تكونين ع ذمته
حصة تمش دموع التمااسيحح : ما أبا مشآآكل ويا اهليه ،، أنته تحبني ؟
عبود : هيييييه أحببج واللـ‘ه
حصة : عيل أنسااني و أتمنآآلي الخيير
عبود : مستحييييل تكوونيين ويآآ غييري حصوه أنا والله أحححبببببببج
حصة نشت : ماا أقدر أطول ويآآك و أنا ع ذمة غييرك .. ضميري يأنبني ..( ونشت وهيه فطريجهآ ) : ههههههههه والله يا أحمد بندمك ع الكف ألي عطيتني أيآآه وبخلي الخيآآل فأنك خآطبني حقيييييقة و بتخطبني وغصبن عنك ..
+++
++
+
نسير صوب منصوور .. ( مآتكلمنآ عنه من زمآآن بس حيآته صآيره مملة من بعد ألي وسااه لـ شمييم .. ( صآآير أكثر شيء ويآآ خآآلد و شلته > <" . . . . يرد البيت متأخر ،, وسهرآآته زآآآآدت .. حتى عموور مآقآآم يسيير عنده .. )
السآآع‘ـــه2 الظهرر فـ شقة خآآلد ..
خآآلد : انزييييين ألي مضآيقنك وحده ؟؟
منصور هز رآسه بـ هيه
خآلد : بدآآل الوحده بييبلك عششر جدآمك ولا تضآيق عمرك
منصور رفع رآسه فوق وتنهد : أحببببببببهااااااا
خآلد : من وين تعرفهآآ ؟
منصور لف صوبه و طآلعه
خآآلد : أدري انك مب رآعي خربطآآن بس قوولي من وين تعرفهآآ ؟ ولا ما أتأمن عليه
منصور : بنت خآآلي وبنت عمتيه ..
خآلد : هيه مآتحبك ؟
منصور : ما أدري
خآلد حآس بوزة : حشى شوه البنت ألي مسويه فييه جذيه ،، أقوله بييبلك عشر غيرهن يقولي أحبهآآ . . . مآآلت عليك وعلييهآآ > <" ؟
+++
++
+
حمدآآن فـ دبي يآلس ع البحر وعآق سفرته فالسيآآرة وحآط إيديه ع رآآسه : وين أيآآمك يآ محمد ؟! ويين ألي وعدني مآيتخلى عني لو شو مآصآآر ؟!
دق فوونـ‘ه .. ورد بدون مايشوف الأسمم ..
حمدآن : آآلوو
نورة : هلاا حمدآن وينك من متى أدق عليييك ومآترد علييييه
حمدآن يطآلع الفون ويرده ع أذنه : أنتي إيييه شو تبين مني ؟ نوووورة طلعييي من حيآآتي . .
نورة : حمدآآن أنا والله ماقلت لـ محمد
حمدآن صرخ : جاااااااب ، أنتي بالذات ماترمسيين . . بس عآآد عطيتج ويه وآيد وسآيستج ليين خسرت أخوووويه
نورة : حمدآن أسمعنـ....
حمدآن سكر فوييهآ وفر فونه عدآله : مستحيييييله هالأنسااااااانه > <" صدق انهآ بلا قلب ومآآفيهآآ ضميييييير ( صرخ بصوت عآلي ) لييييييش يآ محمد لييييييش ؟!
+++
++
+
صوب نورة .
فرت الفون ع الشبريه وسآرت صوب التوآليت : شفيييه هذآ ؟ ليش يعاملني بـ هالطرييقه ؟ شو سويتله ؟؟ و هـ النآآصر وين أختفي .. ( بعد خمس دقآآيق ) شو أبآآه أنا اتخبر عنه يعللله الحرق فنآآر جهنم . . .
دق بآآب حجرتهآآ وحصلت اليده .. .
نورة : هاا يدوه بغيتي شيء ؟
اليده : دقي لـ شمآآ بتخبرهآ عن احوآلهآآ
نورة : أووووووونه صدق أنه طآآح سووووقي
اليده : عآآد شمآ نآفعتني والله ما أعرف بلاااهآآآ
نورة : اووووكي بدقلهآ خلاف وبشوفهآآ
اليده :بشريني عنهآآ
نورة : أن شآء اللـ‘ه
+++
++
+
السآآع‘ــه 6 ونص المغرب فـ لندن . . . كآآنو أبطآلنآ توهم طآلعين من غرفهم ..
حمد لابس تيشيرت أبييض وفالنص مكتوب لندن بالأنجليزي باللون الأسود ويآ بنطلون جنز و جآآكيت أسوووود و يآ خطووط بيض .. و كآآب بيضآآء و يآ علم لندن فالنص ونظآر‘ه سودآآء ^^
شمآ كآآنت متلبسه طقم بنطلون ويآآ قميص بـ لون ليلكي و جآآكيت ألين الركبـ‘ه لونه ليلكي ويآ أسوود . متلبسه شيله بلون ليلكي فآآتح لكن رآبطتنهآ بطريقة حلوه مب نفس الرطبه العآديـ‘ه . تقريباً نفس الربطه التركيه وطآلع‘ــه عليهآآ كششخه خصوصا أنه تلبست الشيلة الليلكية الغآآمجه وربطتهآ وبعدين تبعتهآ بـ شيله خفييفه ليلكي فآآتح و ربطتهآآ ويآآهآآ .. تلبست نظآآر‘ه سودآآ .. و أكسسوآرآآت تقريباً ألوآنهن مآيل للون الليلكي .. . =)
حمد تيشرت بني وفيه كتبه فالنص بالابيض و بنطلون جنزز ويآ جآآكييت بني فروو + نظآره بينيه .. و كآآب أبيض ويآ خطوط بنيه ..
. . . حضرو التكرييم . . . كآن تقريباً سآعتين بس وطلعو ع السآع‘ــه 9 ألا ربع ودآهم حمد مطعم ( مروش ) وكلو خفآآيف ودقو سوآآلف
حمد : شمآ صدق مشكوووورة ع ألي سويتيه
شمآ أكتفت بأبتسآآمـ‘ه
أحمد : حممد فذمتك هآآي شكل وحده تشتغل ولا فالثآنويه
شمآ طآلعته
حمد : هههههههههههههههه صدقه والله ،، ألي يشوفج يقول حدج سآآبع‘ يآآهل
شمآ : طووولي طول يهآآل بس عقلي يوزن جبآآل
أحمد : أووووووووووب خشمج ( وتخآشمو شمآ و أحمد )
حمد : ههههههههههههههههههههههههههههههههههههههههههههههه لا الصراحه خطييييييير‘ه .. عيبتيني والله
أحمد : حمد مب جنك قمت تخورهآآ
حمد : يآآخي مديرهآ وكييفيي ،، متى طيآرتكم ؟
أحمد : بآآجر السآآع‘ــه 12 الظهرر
حمد : يلسووو أكثثر ،، يوم برد البلااد ردو ويآآيه مونسيني والله
أحمد : أحم والله ودنآ ولا وين بنلقى سفرة ببلااش
شمآ جآتته بريلهآ
أحمد : آآآآآآآآآآآآي يعلج الكسر بلاا وسر كسرتي رييلي
شمآ أبتسمت : لا نحن مستعيلين لأنه عميي طآيح فالمستشفى وخلاص خلصنآ شغلنآ شو أيلسنآآ
أحمد وهوه يمسج ع رييله : آآآآآححححح ،، هيه صدق عشآآن عمي ( قرب ويه صوب أذنهآ ) كسرتيني يالهرررمة برآويج شو بسوي فييج ..
شمآ طلعتله لسآآنهآ : اننننننننن
حمد يضحكك عليهم وفخآطره : والله ما أدري شو بسوي هالفترة كلهآ بدون ما أشوفج .. ( أبتسملهم )
طلبوولهم عصيير برتقآآل فرش و روحو ع السآعه 10 وربع
.. . . .
+++
++
+
اليووم ألي بعد‘ه . . .
شمآآ و أحمد ردو ع ركبوو الطيآآرة السآع‘ــه 12 الظهر بتوقيت لندن وكآن مرآفقهم نآدر أول مآركبو الطيآآرة رد صوب حمد .. ووصلو البلااد ووصلو السآآع‘ــه 11 ونص الظهر بتوقييت الأمآآرآآت ^_^أستقبلهم بو أحمد فـ مطآر بوظبي وردو البييت ..
بيت بو أحمد تقريباً الكل كآن متيمع ( أم أحمد ، اليده ، نورة ، هزاع ، عمور ، أمون ، أم حمدآن ، حمدآن > كآن توه رآد من دبي وعيوونه حمر يبين أنه مآذآق طعم الرقآد ، منصوور ، أم حصة ، حصة )
أول مآنزلو من السيآآرة
اليده : مرحبااااااااااا مرحبااااااا تو مآآنور البيييت و البلااااد . .
شمآ سيده ربعت فحضن يدتهآ : يدوووووتي أشتقتلج و أشتقت لصدعتج
اليده : والله أنهآ قررررت عيني بشوووفتج أنتي و اخووج سآآلمين
سآرت شمآ تسلم علييهم وآآحد وآحد وحضنت أم حمدآن و أم احمد و عمورو وهزآعي و أمون و نورة . .. حصة و أم حصة سلمت عليهن بالخشوم .. وصلت عند حمدآن
شمآ فخآطرهآ (خييييبه كيييف متغيير ؟! شو صآآرله هذآآ ؟
حمدآن : الحمدلله ع السلامه شمييييم .. لج وحشه والله
شمآ أبتسمت : الله يسلمك ،، ع فكرة وآآيد متغيير
حمدآن فخآطره ( والله والله لااااااحظت ،، وأخيراً حست فيه )
وصلت عند منصوور
منصور : الحمدلله ع السلاآـآمة
شمآ : الله يسلمك ..
اليده : تعآآلي شمآآ عدآآلي
أحمد : و أنا ماااتبوووني يعني ،، خلاص برووح برد
شمآ ترمس أمون : سمووون لحقيييه لايسآآفر ،، أدري أنج أشتقتيله
أمون فقطت : جب جب
( وتمووو يسولفوون ربآآع‘ـــ‘ه
+++
++
+
صووب محمد . كآآن رووحـ‘ه فالمستشفى . .
شآآف السسترآآآت يربعن صووب حجرة أبوو‘ه ..
محمد مسك وحده منهن : شوووووووووفيكن ؟ أبويه فيه شيء ؟
السستر : ما أدري ما أدري
محمد وقف عند البآآب وهوه يشوف 3 سسترآآت و الدكتوور . .
الدكتور وهوه طآلع‘ : محمممممد خوش لعند أبوووك
محمد ع طول دخل ومسك إيد أبوه وهوه يشوف جسمه كله وآيرآآت و الاكسجيين ع ويهه
بو محمد خوز الأاكسجين : مح...ممد لاا ...لــ.آآ لآتاخذ نورة . . وبنتي .. سر.. شوو..وف عيآلي ..
طووووووط طوووووووو طوووووط .. > جهآآز القلب
محمد : أبوووووويه تسمعني .. دخييييلك أبووويه رد عليييييه
شآف الدكتور دآخل وسآر صوبه
محمد : دكتوور أبوووويه مافيه شيء صحح .. مافيه شيء ><" ؟؟
الدكتور : طلعوو لـ بــرآآ
ظهرو محمد برآآ وهوه حآآط إيدييييه ع رآآسه ( بنته ؟؟ وعيآآله ، منهو هذيلاااا ؟
ظهر الدكتوور : البأيه فـ حيآآتك يا أبني
محمد صرررخ وزخ الدكتور من قميصه : أنته إيييييه ، أبويه مآفيه شيء .. أصلاً أنتو ألي ذبحتو قلتلكم بسفررره أنته ماااطعت ( أخر إيده عن قميصه ) أستغفرالله يآآرب بس أبوووويه مامات ( كل وييه دمووع‘ ع فرآآق أبوو‘ه .. وسنده فالدنيآآ ) خمس دقآآيق و أغمى عليه شلوه الغرفة و حطلوه مغذي ودقو ع آآخر رقم متصله . ( حمدآن )
حمدآن : مرحبآ محمد .. .
الدكتور : حضرتك ممكن تتفضل عندنا فالمستشفى ؟
حمدآن نش بدون مآيجآوب ع أمه يوم سألته ع وين !؟
0 وصصل المستشفى وودوه غرفة محمد وشآآفـ‘ه طآآيح ع الشبريه . .
حمدآن يسأل الدكتور : شو صآآر ؟
الدكتور إمآرآتي لانه المصري معصب ع محمد : أنصدم يوم عرف انه أبوه توفى . وهوه الفترة الأخييره قلت تغذيته و من التحآليل ألي سوينآهن يوضحن أنه فيه أنيميآ بس مب حآده توهآ فـ بدآيتهآآ . . لأنه أهمآآل التغذيه وقلة النوم سببله هالشيء
حمدآن : مشكوور دكتوور أنآ بتم عنده .
الدكتور : بخصوص أبووووه تقدرون تخطفون عند الأستقبآآل و تخلصون الأورآآق عشآن تبدون مرآسم الدفن لأنه مآله دآآعي يضل فالثلاجة
حمدآن هز رأسه : أن شآء الله
سآآر الدكتوور .. وسآر حمدآن صوب محمد كآآن فآتح عيوونه بس مآيرمس . محمد عيونه كلهآآ دموووع‘ وحمر > <"
حمدآن حط إيده ع جتفه : أفاا الريآآل مآآيصيح
محمد حآط إيده ع رآآسه : آآآآآآآآآآآآآآآه يا أبوويه كسرتليه ظهريه بفرآآقك . . شو بسوي من غييره ؟
حمدآن : محمد أنته ريآآل و عييب عليك تسوي جذآ
محمد : مآآلك بدييييل يا أبووويه ( صرخ عليه ) مآآلي غييييييره
حمدآن حط إيده ع جتفه وسآنده ع الشبريه : محمد أنا عندك .. أنا حمدآن . انا أخووك . أنا ربيعك
محمد دفر إيد حمدآن عن جتفه : جذااااااااب ، ألي أيي من ورى ويطعن مب أخو . ألي أقووله عن مكآن ويعيه و جروحي ويزيدني جروح عليه مب أخوو . . ألي ينآفق و يمثل دووووريين عشآن يرضي الكل مب أخووووو .. ( طآلع حمدآن ) حمدآآآآآآن أطلع برآآ .. كلللله منكم أصلاً . لو مب يدوه غآضبه ع أبووويه جآآن مآصآر ألي صآر . جآن ماسوى حآدث و لا توفى . لو مب عنآآد نووووورة وكررههآ لي جآن مآغضبت يدوتي لو مب أخووووويه و ربييييعي حمدآآآن طعني فظهريه جآآن مآغضبت يدوتي و لا طآح أبووويه .. كله منكم . حمدآن أنا ما أأمن فيييييك . ما أبآ أشكييييلك شيء .. أنته غدرت فيييني . . حمدآآآن قووووم عني وخلني رووووووحي .. قوووووووووووووووووم .. ماصاار يهمني شيء .. تغدر ولا تنآآآفق و لا تلعب دور الطيييييب فالطرفيين .. ألي خذته منك هوه أني خسسررت ابويه ولا تفكر فـ يوم من الأيآآم تحل محله ولا يرد غلاك مثل مآكآآن قبل .. أنته لوثت غلاااك .. انته خذت قلبي ومحييت أسمك منه .خلاص حمدآآن آظهر ما قمت أتحمل منك كلمة ( يمش دموع‘ــه ) قووم عني خلاص رووح
حمدآن ظهر من الغرفة و أنسحب مآيبآ يزييد محمد دق ع خآآله وقآآله أيي

الكلل عرف
اليده فحجرتهآآ : كللللله مني أناا .. أنا غضبت ع ولديه ( حآطه إيدهآ ع ررآسهآ وتصيح ) أنا فتنت علييييه .. انا دعيييييت عليييييه . . ردولي ولديه وخذوو رووووحي .. ما أبآآ أشووف فرآآق ولدييييه . . يعلني ألحقك يا حمد
ام احمد : أستغفري ربج يآ خآلتيه .. مب زيين هالرمسه
بعد يووووميين من العزآآ .

. .
اليوم الثآآلث الظهر فحجرة نورة ( شمآآ & نورة & حصة & أموون .. .)
حصة : أحم لييييش هالكآآبه
الكل سآكت بعد عشر ثوآني ..
نورة : حصة فذمتج هذآ سؤآآل
حصة : والله صدق يعني هذآ مب أبووووج ولا أبوهن عشآن هالكثر تصيحنه . انا خآلي ومآصحت شرآتكن
أمون : لأنج بلاا قلب
حصة طآلعتهآ بنظره
نورة : هاا هاا بنبدأ بالمشآكل . كل وحده تقبض لسسآنهآ وخلااص
حصة لفت صوب شمآ ألي كآنت حآضنه المخده : أمم شمييم شو يبتيلنآ من لندن
شمآ فرت المخده ونزلت من الشبريه : نااااااس فآآضيه مب مقدره الأيآآم الي نمر فيهن وتسأل عن الهدآآيآآ ( سآآرت صوبهآ ) فذمتج أنتي أنسآآنه
حصة طآلعتهآ بنظهر حقد
شمآ : لا والله صدقق يعني أنتي أنسآآنه وعندج قلب وتحسين بمفآرق أهلج ولا مآيهمج
حصة :شو ألي يآب هالسآلفه . أسألهآ عن لندن وتقوولي مآعندج قلب .. خلاص مآبنسأل عن الهداايآآ بس شو سويتي فـ لندن
شمآ حطت إيديهآ ع رآسهآ : اللهم طووولج يآآرووح .. ظهرت عنهن وسآرت حجرتهآ وقفلت البآآب .. ( أتذكرت الفون ألي عآطنهآ أيآآه محمد .. من عد هذآك اليوم ألي كلمته فيه مآفتحته .. أول مآفتحته حصلت 120 مكآآلمه .. ( من عند محمد بس ..

دقتله وهوه كآآن منسدح ع الشبريه ويبآ يرقد أول ما آسمع الفون مآكآن يبآ يرد بس شل الفون بدون مآيشوف الأسم وفخآطره : ما أدري شو من مصآآيب يآيتنآ بعدهآ
محمد : آآلووو
شمآ : آلوو .. هلا محمد
محمد تنهد : أهلييين شمآ
شمآ : شحآآلك ؟
محمد : شو بيكون حآلي من بعد الغ‘ـآلي
شمآ : محمد لا تسوي فعمرك جذيه .. والله مب زيين علييك
محمد : شوووو ألي ما أسويييه فعمري . . ؟ شمآ بذمتج من عقب أبوويه أنا لي حيآة ؟ والله ما أعرف اعيييش بدون أبووويه . لا رفييج ولا صدييج ولا خوي
شمآ : عندك حمدآآن
محمد : لا تييييبيين طآآريه .. ما أبآ أسمه يترنن فأذنيه . هووووه السبه فألي صآآر هوه و أختتتتج
شمآ : كل شيء مقدر و مكتوب
محمد : بس أبويهـ...
شمآ قآطعته وتعلي صوتهآ شوي : محمد ..
محمد حآط إيده ع ويهه : .......................
شمأأ : مب بس أنته ألي متأثر بوفآة أبوووووك .. أبووك كآآن عمي وكآن ابووويه .. دمووعك تعذبه .. تتحسر ع شيء مب بإيدك ولا بإيد أبووك أنته تعذبه بالطريقه هذي جنك تحآسبه وتقوله لييش سرت عني ؟.. كلنآ ع هالطرييج مآآشين ، الكبير و الصغيير له يوم . كلنآ ضيوف فالدنيآ وبنسير عنهآآ . . أنته فضنك أنه عمي كآن مرتآآح بالوآيرآآت ألي محطووطه ع جسمه . كآن مرتآآح بعذآب المستشفى و تكسير جسمه .. ربك يبآآ رآآحتـ‘ه .. والله مآآيختبر عبد ألا إذآ يحبه ، أنته لا تتحسر ولا تندم لانه مآآلك ذنب فـ شيء هذآآ يووووومه . . وربي يرحمه
محمد : ...........................
شمآ : يقوووولوون فيك أنيميآآ ؟
محمد : ................................
شمآ : أنا أحييد البنيه ألي يوم تصب دميعآآتهآآ مآتآآكل . .
محمد : .......................................
شمآ : محمد ترآآه أمك محتآيتنك .. ألحين انته سندهآ فالدنيآآ .. مآعندهآ غييرك .. لاتعذب عمرك وتحرم عمرك من الأكل . وحرمآنك من الأكل مآبيرد أبوووووك . . قو عمرك .. أنته ألي المفروض تووآسي أمك .. والله أنته تعذبهآآ يوم تشوفك مآتآآكل وضآيقه فيك الدنيآآ
محمد : أبويه متوفي شو تبيني أسوي أرزف
شمآ بطنآز‘ه : لا انعش .. مآقلتلك والله أرزف أقووولك وآآسهآآ . . لا أتم دومك مبوز وحآكر عمرك فالحجرة . هيه تتعب بعد جذآ يوم تشووفك تعبآآن .. سر عندهآ وكل ويآآهآآ . وأبوووك أدعآله ترآه الدمووع مآتنفع
محمد بأبتسآمه تعب : مشكووره شمآآ
شمآ أبتسمت : يلاا ققمم كل بآآبآآ ولا تعذب مآمآتك انزين
محمد : شو تشوفيني يآآهل ؟
شمآ : أنا أصلاً ما أشووووفك ألحين
محمد أونه يعصب : بلا أستهبآآل
شمآ : اونه محمد يعصب .. دخييييل وآلدييييك والله مآيركب .. رد رد ع مودك القبلي
محمد وفخآطره يضحك عليهآ : أنا اترخص بسير أشوف أمايه
شمآ : بتسير تشوف أمك ولامليت من الهذره هههه خلاص اوكي سلم عليهآ ..
محمد : يووصل
شمآ : وهييه صحح تعآآل لـ يدوتي من متى تتخبر عنك
محمد : أن شآء الله
شمآ : فدآآعة الله ( وسككرت ) ..

خلصن أيآآم العزآ وهذآ اليوم الرآآبع‘ . . . . شمآ دآومت ع السآعه 10 ونص > متأخره لا هع .. بس لأنه عندهآ شغل تبآ تشوف ديزآين مكتب حمد لوين وصل .. وسآرت بعد محل مآل التصوير ( جميرآ ) تشوف شو سوو بالصوره > بعدين بقولكم صورة شو ويآ وصف الديزيآين ^_^
ع السآآع‘ــ‘ه 2 الظهر محمد يدق بيت خآآلـ‘ه عشآن يدخل وهود ودخل ..

أم أحمد : مرحبآآآآآ مرحبآآر محمد . .
محمد هوى عليهآ ويتوآيه ويآآهآآ
أم أحمد : شحآآلك ؟ وشو حآل أمك ؟
محمد : بخير الحمدلله ، وين يدوتي عيل ؟!
أم أحمد : فحجرتهآآ ، تعآآل أقررب
نورة تشوفه من الدري وهيه ترمس حصة : حصيييص وآآيد تغير حتى طآلعي مضعف عن قبل
حصة : يزووووووووووووول
نورة : حصيييييييص بس عآد والله حرآآم عليييج
حصة : ويييييه مآآجنه ألي يستوي كله منج .. ووفآة أبوه بسبتج أنتي وحمدآن
نورة من أول مآتوفى عمهآ محد قآلهآ أنتي السبب بس هيه كآآنت تدري , ع طول سآآرت حجرتهآ وقفلت البآآب . . .
صوب محمد ..
وآيهه يدته ويلس عدآلهآ
اليده : سآآمحني يآ ولديييييه ع ألي أستوى
محمد : كل شيء مقدر ومكتوب لا تلومين بعمرج
اليده : يآآليت ربي خذني قبل لا أشوف ولديه سآآير عن الدنيآآ ليته شل جفنيه بيديه ليييتهآ عيني مآدمعت علييييه و ع فرقآآه
محمد منزل رآآسه ومآيعرف شو يرد وهوه يآآآي عشآآن حد يوآآسيه ويخفف عنه و اليده تزييييده ع ألي فيه .. نش وحبهآ فوق رآسهآ : هذآ يومه يدتيه و كلنآآ مكتوبلنآ يوم
اليده : .....................................
محمد : أنا أترخص عنكم ،, مخلي الوآآلده رووحهآآ هنآآك . . .
اليده : الله يحفظك وسللم علييهآآ
محمد : يبلغ ان شآء الله .. وسلمو ع خآلي وعيآلـه
أم احمد : يووصل
محمد : فدآعة الله ( وظهرر )
تلااقى ويآ شمآآ برآآ
شمآ : هلااو الله بـ ولد العم ..
محمد : أهلييين ببنت الخآآل
شمآ : خآآل فـ عيييينك
محمد : هههههه وأنتي دوومج فآهمه غلط ويآ هالرآآس لجج ،، مدآومة اليوم ؟!
شمآ : هييه سرت أشوف المكتب لوين وصل
محمد : اهااا .. عآد السموحة مآسويت ويآآج شيء مع أنه هوه مكلفني
شمآ : لا أفآآ عليييييك أناا كفيت ووفييت .. بتشووووفه كيف طآآلع ..
محمد : أونه كفيت ووفيت وآآيد وآآثقه ترآآج
شمآ : وآآيد .. هههههههههههههههه أقول انا صقعتني الشمس أهبط خلنآ نكمل هذره
محمد : اناا بسير البييت أمايه روحهآآ ..
شمآ : هييه انزين سلم عليهآآ ^_^
محمد : يووصصل .. فدآعة الله ..
شمآ :الله يحفظك ( دخلت ..

كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت ..

////
///
//
/

تصرف حصة فـ ملامة نورة كآن صح ؟!
شو بيصيير عقب مآآتوفى بو محمد ؟!
حمدآآن & محمد .. شو نهآآيه هالعلاقة ؟!