منتدى استراحات زايد - ٱحبَڪ ۈٱڎرـﮯ تحبَنـﮯ فڎيتڪ يٱنظر عينـﮯ !●₪●..

صدقني إشتقت لگ وحنيت ~
ولو بيدي أجيگ الحين للبيت * *
لاتقول إني خبل و الا جنيت ’’
لگن روحي تحبگ وبـ{حبگ تغنيت

السلااام عليييكم والرحمهـ ..
اشحااالكم ؟؟
الباارت الرابع وصللل ..^

اليوم الثاني الظهر ..

فـ بيت شيخه يت الخدامهـ اتوعيهم ..
سونيا ادق الباب
سونيا : شيييكا فتاامي يلا قومووا ..
شيخه نشت وفتحت الباب وابتسمت :صباح الخير ..
سونيا مبتسمهـ : صباح النور ..
شيخهـ : زهبتي الغدا ؟
سونيا : يس شيكا ..
شيخهـ : يلا نحن ألحيين بننزل ..
سونيا : اوكي وراحت ..
وراحت شيخه اتوعي فطامي لأن نومها ثجييل ..
شيخهـ : فطامي ..
فطامي : ............. .
شيخهـ : فطاااااامي ..
فطامي : انجلبت الصوب الثاني ..
سيخهـ صرخت فـ اذنها : فطااااااااااامي ..
فطامي فزززت من نومها : بسم الله شو صاير ؟؟شو فيج ؟؟
شيخهـ نققعت ظحك خخ ..
فطامي مستغربهـ : !!!!!
شيخهـ بعد ما هدت : قومي عسب نتغدا وانرووح ناخذ الكييكهـ والوروود .
فطامي : الله ايغربل العدو خوفتيينيي قلت ألحيين شي صاير ><
شيخهـ : هههههـ,, لا مافي شي يلا نشي ..
نشت فطامي وراحت الحمام ( أكرمكم الله ) اما شيخه ظهرت راحت حمام (أكرمكم الله ) الغرفهـ الثانيهـ ..
وعقب الغدا اتزهبوا وظهروا راحوا خذوا الكييكهـ والوروود ,, وردوا بيت شيخهـ ,,وحطوا الشنط الثلاث إللي امحطيين فيهم أغراضهم فـ سيارة بطي ,,اما باقي الاغرااض ويا الدييول ..
وكلهم تيمعوا فـ بييت بو فطامي لين المسا وبعديين كلهم ظهروا
*سيارة بو فطامي وام فطامي + اليد واليدهـ ..
*سيارة بوطحنون وام طحنون + بوزايد وام زايد ..
* سيارة نواف ونايف + زايد وشعيب ..
*سيارة طحنون وسهيل ومروه وشهد + روضه ومهره ..
*سيارة نهيان وبطي +فطامي وشواخ ..
*سيارة الدريول واغراض فطامي ..
*سيارة الدرييول والبشاكير ..
ويووم وصلوا اتعشوا وساروا نامو لأنهم تعبوا ..

نرووح المطار ..
الرجاء من المسافريين لألمانيا التوجه للطائره ..
>> شباب وبنات إللي يبا ايي ألماانيا يركب الطيارهـ ولا بنرووح وبنخليهـ ..
يلا وصلنا خل انشووف شو بيصيير تابعوا وياي ^^

مايد فخاطرهـ : والله اني اشتقت لج ,,ويينج ماقمتي اطرشين رسايل ؟ لهـ الدرجهـ هنت عليج ؟ آآآآآآآآهـ ,, بس إللي سوتهـ عيين العقل ,, كبرت فـ عيني فدييتها وفديت قلبها ..
شهاب : ها ميود فـ منو سرحان ؟
مايد : آآآآآآآآآآهـ محد ..
شهاب : كل هـ التنهيدهـ ومحد !! يلا قول امنو ماخذ تفكيرك ؟؟
مايد : محد ..
شهاب ما حب يدخل ازيادهـ : انزيين مابتقووم نظهر ؟
مايد : وين ؟
شهاب : اممم ,, ما ادري بنروح نتمشى ..
مايد كان ايفكر ( هي والله يبالي تغييير جو قال لـ شهاب : خلاص اوكي ..
شهاب : خلاص عيل ربع ساعهـ وبنظهر ..
مايد : اوكي الغالي وابتسم لهـ ..
وبعد ربع ساعهـ ظهروا ويلسوا يتمشون وهم ايسولفون فجأهـ شهاب قال لـ مايد :
شهاب: ميود انتهـ اتحب ؟
مايد انصدم : شوووهـ ؟!
شهاب بهدوووء : انتهـ اتحب ؟
مايد وهو منصدم : لا ,,(مايبا حد ايعرف عن مشاعرهـ ..
شهاب : لا تجذب علي ميود ,, صار لك (5) سنيين وانتهـ اتحب ,, من اوول ما يينا ألمانيا ..
مايد : لا امنو قال ؟
شهاب : انا اعرفك عدل ,, وايبيين عليك ..
مايد : شهاب ممكن اتغير السالفهـ ؟؟
شهاب : اول خبرني شوفيك ؟
مايد : مافييني شي ,, واذا ماغيرت السالفهـ بخليك وبروح ..
شهاب ماحب ايزعلهـ : خلاص الغالي ولا ايهمك .. وعقب دقايق قال : مشتاق للبلاد ؟؟
مايد : هيي طبعا مشتاااق لها واااايد وفي قلبهـ ايقول (( وللي فـالبلاد بعد *_^))
شهاب : باقيلنا اشوي وانرد ..
مايد : هي والله ,,والله اني مستاانس ..
شهاب : الله ايديييم وناستك ان شاء الله ..
مايد وهو مبتسم : ان شاء الله ..

اما صووب المزرعهـ بعد اللعب والوناسهـ من صباح الله خيير ,, اتغدوا ويلسوا فـ الصالهـ يتقهوون ..
فطامي يالسهـ تدلع على ابوها ..
فطامي : باباتي خلنا انسووق دراجات ..
ابو فطامي : لا فدييتج اخاف تتعوروون ..
فطامي : لا بابا نحن انعرف انسوق وما بنتعور ..
ابو فطامي : لا حبيبتي ..
فطامي : دخييييلك باباتي وهي مادهـ بوزها خخ ...
اليد : خلاص مهير خلهم يلعبون ..
فطامي : هي يديي قووول لهـ ..
ابو فطامي وهو مبتسم : خلاص روحوا بس اتحملوا ..
فطامي : ان شااء الله ,, وباست يدها وابوها على راسهم وراحت عند البنات ..
فطامي وهي شاقهـ الحلج : يلا بنات انروح نلعب ..
البنات : يـــــــــــــس ^^
وراحوا البنات كل وحدهـ خذت دراجهـ ويلسوا يلعبون فهـ الوقت راحوا الشبااب المسبح عسب يسبحون ..
كل اثنين كانوا ويا بعض من الشباب وواحد منهم كان راقد إللي هو سهيل خخ ..
طحنوون :بطوووي بطووي ..
بطي : هاااهـ ؟
طحنون : أحبــــــك ..
بطي ظربهـ على راسهـ : غبي خخخ ..

عند شعيب ونهيان
شعيب يدندن : إذا ناوي تروح ,, ابفهم ويين اروح ,, تخليني اعيش بعدك بـألم وجروح ,, واذ..... ونهيان يقاطعهـ ,,
نهيان : انطب انطب ,, انتهـ امنووو قص عليييك وقال ان صوتك حلو ؟؟
شعييب : ايييهـ ,, لا اتقوول جيهـ احس بـ احباط "وسوى روحهـ حزين"
نهيان : اتحس ابـ شووهـ ؟؟ احباط !!!هههههـ اسمييك انتهـ .. ووصلوا المسبح وشاافوا بطي وطحنوون يلعبوون بـ الماي ..

عند نايف ونواف :
نايف : ايهـ نواف ماتسمع صوت دراجات ؟
نواف : هيهـ اسمع , امنو ايسوق ألحين ؟!
نايف : أكيد البنات في غيرهم .!
نواف : ما اعرف ..
نايف : اشـ راايك انزيغهم ؟!..>>شريير خخ
نواف : اييييهـ عن الحركات خلهم فـ حالهم ..
نايف : لا لا ما ايخصني إلا ازيغهم ..
نواف : كيفك ..
نايف : سر ولا لا ,, بسير انا .." وسار عنهـ ونواف هز راسهـ وكمل دربهـ خخ ..
عند نايف اتلثم بـ غترتهـ ويلس ايراقب البنات من بعييد ,,ويركز فـ ويووهم وقال فـ خاطرهـ : وااايهـ فدييتج .. بسير ازيغها هع ..
وصوب البنات ..
شهد اونها تبا تثبت لهم انها اسرع وحده فيهم ويلست اتسوق بعيد عنهم ومستاانسهـ وتظحك >> خبلهـ هع ..
ونايف مااصدق يووم شاافها رووحها قايم يربع ويوم وصل عندها ظهر فـ ويهها فجأهـ !!
نايف : بوووووووووو ..
شهد صرخت : امااااايهـ .. وانجلبت فييها الدراجهـ لأن كان يدامها حصى عودهـ ودعمتها وانجلبت ..
نايف طاااح قلبهـ وسار صوبها : شهوود ,, شهووود ,,شووو استوى فييييج ؟؟ واابويهـ شهوووود ؟؟
نشت شهد وهي تنفظ الرمل عن ملابسها ويلست تطالعهـ وهي خايفهـ ..
شهد : انتهـ تخبللت ؟؟ طييييحت قلللبي حمار واحد ><
نايف ابتسم : انا ماكان قصدي ..>>شوفوا الخرط خخ ..

شهد : اخررط على هندي ويا هـ الفيس ,, ايي اييدي الله ايغرببل عدووك يا نايف ><

نايف يظحك : السمووحهـ والله ما اتشووفيين شر ..
شهد : الشر ما اييك , وخر وخر "وركبت دراجتها " ..
فجأهـ نايف صرخ : لحظهـ لحظهـ !
شهود زاغت : بسم الله بلاك زيغتني ؟
نايف : شهود انا بركب يدام وبسووق وانتي اركبي ورايهـ ..
شهد فتحت عينها : شووووووووو !!
نايف : هههههههههـ ماشي يابوج كلتينا ..
شهد شافتهـ بنص عين ومشت ونايف مشى وراها وهو يظحك ..
ويوم وصلوا نزلت شهد من على الدراجهـ ومشت ويا نايف رايحيين البيت ..
البنات شافوا شهد ويا نايف ..
فطامي : بنات هاي مب جنها شهد ويا نايف ؟؟
روضه : هي هاي شهد !!
مهرهـ : خل انسيير صووبهم ,, و ساروا صوبهم ..
فطامي : نيوووف شو عندكم سايرييين البيت وانتي شهوود ليش ماكملتي لعب ؟؟
نايف : ماشي اسإليها ويلس يظحك وهو ايشووف شهد بنص عين خخ ..
شهد : جب جب انتهـ وشافتهـ بنص عين ..
مهرهـ : بلاااكم ارمسوا ؟؟
نايف : ماشي انا زيغتها وانجلبت فيها الدراجهـ خخخخخ ..
شهد فتحت اعيونها : اووووف هذا إللي بيخليييني اتخبل ,, انتهـ ليييش تظحك ؟؟
نايف : ما ادري هع .
مروهـ : الحمدالله والشكر هههههههـ ..

وكلهم راحوا صووب البيت وماكملو لعب ..
وهم واصليين صوب باب البييت فجأهـ يظهر لهم واحد شعرهـ كشششهـ وفانييلتهـ يايهـ على صوب وزاخ وزارهـ خخ ويحج شعرهـ ( أكييد عرفنوهـ هذا سهيل خخ ..
سهيل : اعوووذ بالله من ويين طلعتوا انتوا ؟! ويطالعهم بعبط ..
البنات ونايف تموا يطالعوون بعض وفجأهـ نقعو ظحك : ههههههههههـ ..
نايف : ما ألوومهـ الصراحهـ تراهـ اخو طحنون خخ..
فطامي : الحمدالله والشكر ,, سر دااخل اسبح واتعدل خخ ..
سهييل ايشوف عمرهـ من فوق لـ تحت قال وهو قافط : أ أأ أ احم انا رايح .. وسار عنهم ..
روضهـ : هههههههـ "فخاطرها : فدييييتهـ اشحلااتهـ ^^ روضووه استحي لووولز..
ودخلوا داخل والكل راح على غرفتهـ :
صوب فطامي وشيخهـ يالسيين عـ اللاب يسمعوون اغاني وايسولفوون ..
فطامي : آآآآآآآآآآهـ يا شواخ اشتقت لهـ ,, ودمعت عينها ..
شيخهـ شافتها اشوي و مدت اييدها تمسح ادموعها : الله ايصبرج ,, لا اتصيحيين ان شاء الله خييير ..
فطامي : ان شاء الله ,, وخذت اللاب ويسلت علييهـ ,, اما شواخ خذت ورقهـ وقلم ويلست اتشخبط وترسم ..

صوب زايد يالس ايرمس حرمتهـ ريوم ^^
زايد وهو منسدح عـ الشبريهـ : السلام علييج والرحمهـ..
ريم وهي مستحيهـ : عليكم السلام والرحمهـ ..
زايد وهو مبتسم : اشحالج فدييتج ؟؟
الريم : بخير الحمدالله ,, ومن صوبك ؟؟
زايد : بخير دامج بخير غناتي ..
الريم وهيي رايحهـ فيها من المستحى : علهـ حال"ن" مدييم ..
زايد : ههههههـ ريووم فديييتج للحين تستحين ماباقي عـ العرس غير شهر ^^
ريم ذابت من المستحى خخخ : ................
زايد : هههههههههـ ,, خلاص بنغير السالفهـ ,, اممم ,, ويين بتروحين اليوم ؟؟
ريم وهي يـ الله يـ الله ترمس من المستحى : ما ادري ..
زايد : اهاا ,, الفستان جاهز ؟؟
>> خلوووووووونا منهم احم ^^

صوب طحنون وبطي وشعييب ونايف ونواف ونهيان وسهيل يالسييين فـ المييلس يلعبون ..
" طحنون وبطي ,, بلاي ستييشن "
" سهييل ونهياان بي اس بي "
اما شعييب ونايف ونواف منسدحين خخخ ..
صوب البنات رقدوا من التعب ماعدا مروهـ اتشووف تلفزيون ..
يووم اذن العصر الكل نش ايصلي ..
الشبااب والرياييل راحوا المسيد ,, البنات والحرييم صلوا فـ البييت ..
بعد الصلاة الكل راح فـ صووب ..
الريااييل والحرييم فـ الصالهـ ايسولفوون ..
الشبااب يلعبوون دراجات ..
البنات : فـ الغرفهـ ..
انرووح الغرفهـ عند البنات يالسيينن على الارض على شكل دائرهـ ..
فطامي : انزيين سمعوا بعد ما انصلي المغرب على طوول بنرووح انزهب للحفلهـ اوكي ؟
البنات : اوكي ..
ويلسوا ايظهروون افكار وحركتات حق الحفلهـ ..
اما صووب الشباااب يالسيين يتسابقون بـ الدراجات ..
زايد : يلا شباااب نبا اثنييين يتساابقوون ؟؟
طحنون : انا ..
نايف : انا ..
طحنون : انسحب احسن لك انا بفوز خخ ..
نايف : بنشووف هع .. ولف صوووب زايد : من وين لـ وين ؟
زايد : من اهنيييهـ لييييين اهناك وأشر على مكان بعييد اشوي ,, انا حاط حاجز اهناك اوصلوا للحاجز وتعالوا وبتشوفوون اهناك شعيب .
طحنون : اوكي يلا ..
زايد : 1_2_3 ..
ورااحوا الشباااب وصلوا صوووب شعييب وكان اول شي نايف ,, ويووم وصلو صوب قوم زايد طحنوون إللي فاز ..
الشباب : ها نااايف !!
نايف : اصلا" ن" انا خليتهـ ايفوز خفت على مشاعرهـ وسوا حركهـ اتضحك وراح ..
الشباب نقعوا ظحك عليهـ خخخخ ..

صووب حارب وربعهـ ..
كانوا متيمعيين فـ بيت رشود ..
راشد : ها و ألحييين متى بتحطوون الاغراض ؟
حارب وهو ايشووف ساعتهـ : خل انحط الاغراااض وانزهبهم ونيلس اشوي وعقب نظهر .
ناصر : هي صح كلام حروب ..
راشد : خلاص عيل يلا خل انروح ..
وراحوا ايحطوون الاشيااء إللي بيحتايوونها فـ السيارهـ..

انرووح ألمانيا..
كان ويا حبييبتهـ صوب البحر يالسيين ايشوفوون البحر وهم ماسكيين ايد بعض وهي حاطهـ راسها على جتفهـ وفجأهـ قامت تركضض وهو يركض وراها ليين ما مسكها وتم ايدووور ابها وهي اتصرخ وتظحك ويوم تعب نزلها ويلس عـ الارض يظحك ومستانس وهي وياهـ وعقب مسكها من اييدها وقاموا يمشوون فجأهـ !!
.......:ميود حبيبي بلاك ؟؟
مايد مستغرب وهو ايشووف المكان من حولهـ واستوعب انهـ كان سرحان : لا ماشي .
شهاب مستغرب من مايد : مايد فيك شي ,, صاير شي ؟؟
مايد وهو يبتسم : لا الغالي مافيني شي ..
شهاب : عيل قوم خلنا نتغدى ..
مايد : يلا تراني يوعان خخ ..
شهاب ابتسم وراحوا ويا بعض المطبخ ياكلون ..

فـ البلاد بعد أذان المغرب ..
فـ المزرعهـ بعد ما صلوا البنات راحوا المكان المحدد ,, هـ المكاان بعييد عن الفلهـ إللي فـ المزرعهـ ,,تمشوون من ورا الفلهـ لين توصلون هـ المكان ,,المكان رووووعهـ فييهـ احجاار ونازل ماي شرات الشلال ويدامهـ شرات المسبح الصغير والاضاءاات طرررر ,, وعـ المسبح جييهـ شي شرات ممر بـ الخشب ,, والحركهـ وااايد حلوهـ ,, والمكان رووعهـ بمعنى الكلمهـ وترا هـ البقعهـ كلها حشييش ...
المهم ..
راحوا البنات وعدلوا المكان بـ الشموع وايعدلوون الاضااءات بـ اللون الاحمر..
ووزعوا الدبادييب والوروود بطريقهـ حلوهـ ..
بس جد المكان اصلا"ن" حلو والبناات حطو لمساتهم ظهر شي ولا فـ الخياال روووعهـ ..
بعد ماخلصوا البنات ردوا البيت ولقوا الكل يالس ..
اليدهـ : ها فدييتكم وين كنتوا ؟؟
البنات ارتبكوا وقاموا ايشوفون بعض ..
اليد : بلاكم ؟؟
مروه : ها ,, لا ماشي كنا نتمشى ^^
ابو فطامي وهو شاك : اهااا ..
فطامي : عن اذنكن نحن بنروح فوق .. وراحوا البنات و إللي تحت على راسهم علامة !!!
وكملوا سوالفهم ,, ويووم أذن العشا طرشت فطامي مسج للشباب :

السلام علييكم ..
اشحالكم ؟؟
بغييت اخبركم اذا بتتعشوون لا اتكثروون ,,
بعدين بتعرفون ليش *_^
المهم الساعهـ "11" اباااكم كلكم فـ الصالهـ إللي فوق ..
احم همووسهـ (( يارييت الكل يلتزم هع ..
يلا مع السلامهـ ..

الشباب استغربوا من المسج بس ما فكروا واايد لأن ياخبر ألحين بفلوس بعدين ببلاش ..

ويوم حطوا العشا يلسوا ياكلووون ,, والشياب لاحظوا انهم مايااكلون عدل بس سكتوا ,, ويوم اليد انتبهـ ..
اليد : لييش ماتاكلون ؟؟
كللللللل الشبااب شافوا فطامي خخ بس نهيان ادارك الوضع ..
نهيان : ماشي يدي بس كثرنا على الغدا ..
اليد : صح صح صدقت ..
الشباب والبنات ماسكين ضحكتهم خخ ..

قووم حارب حارب كانوا ظاهريين فـ الدرب وقفوا عند الشيشهـ ونزلو ياخذوون لهم جبسات "بطاط" وشي يشربوونهـ هع .. ويوم خلصوا وحاسبوا كملوا دربهم ..

خلووونا انرد صوب البنات بعد العشا قالوا بنروح انام والشياب مستغربين لأنهم دايما يسهرون ,, والشباب بعد راحوا فوق يتريوون فطامي و إللي تحت قالوا مساكين يمكن تعبوا اليوم خخخ ..>> ما ايعرفوون شو تحت راسهم خخ ..
البنااات فـ الغرفهـ معتفساات و بـ الذات انهم شرات اللبس خخ ..
المهم كانوا إللي اتحطي بودرهـ ,, وإللي اتحطي منكيير ,, و إللي اتحطي جحال ,, و إللي قلوس يعني حالتهم حالهـ خخ ..اما فطامي وشواخ كانوا ايجهزوون اغراض الشباب وظهروا من غرفة البناات راحوا غرفة الشباب .
شيخهـ : فطوووم صدقيني بصفعععج ياخي فضييييحهـ احدر عندهم ><
فطامي وهي تطالعها : لا فضيحهـ ولا شي انتي وحدهـ من الاهل ..
ووصلوا الغرفهـ وفطامي دقت الباب وحدرت وسحبت شويخ وياها خخخ ..
فطامي وشويخ : السلااام عليكم ..
الشباب : عليكم السلام والرحمهـ !!
فطامي : اشحالكم ؟؟
الشباب : بخير ..
نواف : فطامي شـ السالفهـ ,, وشو هـ الشنط ,, ولييش يايبتنا فوق من وقت ؟؟
فطامي فتحت عيونها على وسعهن : بللل بل بل تبااني اجااوب على كل هذا ؟؟
نايف : هي جااوبي ابـ صرااحهـ يالسيين على اعصابنا ><
فطامي يلست ويلست شواخ وياها خخ ..
فطامي : بتعرفوون كلل شي بس اتريوا اشوي ,, يلست اتظهر الاجياس وكل وااحد واسمهـ على الجيس ,,وشيخهـ تعطي فطامي وفطامي تعطيهم..
فطامي : شوفوا الاجياس فييها الاغراض وكل واااحد يستخدم الاغراض إللي فـ جيسهـ ويوم اتخلصوون اتريوونا فـ الصالهـ .
الشباب وهم مستغربين : اوكي !!
فطامي : يلا نحن بنروح مع السلامهـ ,, اشوفكم بعدين هع ..
الشباب : مع السلامهـ .." وظهروا فطامي وشويخ من الغرفهـ..

الساعهـ 11:45 الشباب والبنات كلهم فـ الصالهـ واشكااالهم روووعهـ ,, وظهروا راحوا المكان المطلووب اول ماوصلوا اشتغلت موسيقى هاااديهـ ,,
والشباب يطالعوون المكان لأنه ظاهر صج صج روووعهـ ..
الساعهـ 11:58بـ الضبط البنات وقفوا فـ النص ..
مروهـ : احم احم شباب .
شعيب : فديييت هـ الصووت ..
مروهـ مسكينهـ من المستحى وقفت ورا البنات ..
شعيب : فدييت المستحيهـ والله ..
زايد :احم لاتاخذ راحتك وايد للحين ماملجت علييها إلا خطبهـ ..
شعيب : حشى كلتنا ياريال ..
زايد كان بيرد بس فطامي اداركت الوضع لأنهم مابيخلصون رمستهم خخ ..
فطامي : بسكم خلاص ,, المهم نحن اليوم اجتمعنا عسب نحتفل فـ( طحنون ) لأن اليوم يوم ميلادهـ واهنيييهـ سمعوا صوت

غنّوا لحبيبي وقدّموا له التّهاني
في عيد ميلاده عساها مية عام
افرح حبيبي واطلب أغلى الأماني
الليلة يا عمري تناديك الأحلام
ودعت عام وقابلك عام ثاني
تعال نتقضي العمر في حب وهيام
انسى الهموم اليوم واضحك عشاني
والله ابتسامة منك تسعدني أعوام
أحاول أشرح لك بقلبي معاني
والله الفرح نساني هموم والآم
وأجمع أفكاري ويعجز لساني
من فرحتي معذور والله ما الآم
احترت وايش أهديك غير الأغاني
ويهديك قلبي اللّي معك في الهوي هام
واطلب من الله ياحبيبي عساني
ما أنحرم من شوفتك طول الأيام

والشباب إللي ايصفر و إللي ايصفق وحالتهم حالهـ ^^
وطحنوون منصدم ومبلللم فـ المفآآآجأهـ .واحمر الريال واستحى خخ ..

اتفرقوا الشبااب والبنات يلسوا فـ صوب
طحنون راح عند البنات ..
طحنون : السلام علييكم والرحمهـ ..
البنات : عليكم السلام والرحمهـ ..
طحنون : اممم ,, فطامي ممكن اشوي؟؟
فطامي : امم ,, اوكي !
شهد : هااا طحنوون شوو تبا من فطاامي *_^
طحنون : هااا ,, عن اللقاافهـ شهوود ><
روضهـ : قفطهـ هع ..
شهد : جب جب ..
الكل : هههههههههـ .. وراحوا فطامي وطحنون على صوب بعييد عن الكل ..
فطامي : هلا طحنوون بغيت شي ؟؟
طحنون : امممم ,, ابـ صرااحهـ فطامي بغيت اخبرج شي !
فطامي : قول !!
طحنون : فطامي انا

كــــــــــــــــــــــــــــــــــــــــت هع ^^

توقعاتكم ..

طحنوون شو كان يبا من فطامي ؟؟
شواخ مالها حس هل بيصيير لها شي ؟؟
الحفلهـ بتمر على خير ولا بيصيير شي ؟؟
اليد والشياااب بيعرفون ؟؟
اذا عرفوا شوو بيصيير ؟؟
حارب وراشد وناصر بيووصلوون بـ السلامهـ ولا بيصير شي ؟؟
مايد امنو هاي حبييبتهـ إللي امعذبتنهـ ؟!
هل وحدهـ من اهلهـ ؟؟
بيخبر شهاااب قصتهـ ويا حبييبتهـ ولا لا ؟؟
شـ راايكم فـ البااارت ؟؟

السموحهـ ..

أحس إنگ وسط قلبي تربيت **
ملاگ بـ{قلبي و لو على حبي تغليت ~~
مسا الحب وعمري لگ أهديت "
وسامحني في يوم إذا قصرت أو أخطيت . . .