عند بوابة الطوارى ,,زعق فهد ويو النيرسات و معاهم كرسية حطوها و دوها يفحصون عليها بس استغرب فهد يوم قالوله ان هي عندها ملف هني
فهد:مستحيل تشابه اسماء
المسؤول:عشان تتأكد هذي صوره من الجواز
فهد منصدم:كيف
المسؤول:بحولك على الدكتور الي مسؤول عن حالتها
فهد:اي حاله و اي دكتور
المسؤول:روح استريح في غرفة اختك بيك الدكتور المسؤول عن حالتها
فهد راح صوب غرفتها و قعد يرقب الدكتور
حمدان:السلام عليكم
فهد: وعليكم السلام,,دكتور المسؤول يقول ان ختيه عندها ملف مني و انت المسؤول عن حالتها هي شو فيها طمني يادكتور
حمدان:انت اخوها
فهد:هيه
حمدان:هي شوصارلها؟
فهد:كنا في المول دخلت الكوفي شوب وهي تعبانه رحت ارمسها قالتلي ايبها هني بدون ماخبرحد
فهدبقلة صبر:خبرني يادكتور شوفيها؟
حمدان تم يشرح له حالة اليازي و فهد منصدم من كل الي يقوله الدكتور اخته دلوعته كل هذا فيها و ماخبرة حد لف عليها يشوف و يها ماصدق ورى كله الجمال مرض ومرض يمكن تموت منه
فهد:والحل يادكتور؟
حمدان:انا قترحت عليها العمليه صح ان فيها مخاطره بس اذا تمت هذي الاكياس في راسها ممكن تنفجر و تموت في اي لحضه
فهد:خلاص نبى العمليه في اسرع وقت ممكن
حمدان:انا بحاول احصل غرفة عمليات فاضيه و بحجزها و بخبرك
فهد:اوكي

في السكن,,
مريوم:اقولج ماعرف بس هي دخلة راح يرمسها و بعدين قالي انه بيوديها المستشفى,,بس لا تخبرين حد انه في المستشفى
نورة:انزين هي ماترد ع التلفون اكيد تعبانه..وهي تلبس عباتها..انا ماروم اقعد اكثر عن كذي
مريوم:وين بتروحين الساعه الحين 9 و نص!!
نورة:مالي خص هذي يزوي اذاستولها شي و الله ماسامح عمري
مريوم تلبس عباتها:يلا

في المستشفى,,
سالت نورة عن غرفت اليازي ,,وراحت و هي تربع صوبها
نورة:فهد شوفيها يزوي
فهد بهم:تعبانه شويه
نورة:شوالي متعبنها؟
فهد ماحصل حل الايخبرهن:اليازي عندها اكياس طفيليه في دماغها و ممكن ينفجرن في اي لحظه
نورة و هي ماسكه قالبها:هااا مستحيل هي كانت في المول معايه و ماكان فيها شي
فهد:كانت تعبانه بس ماخبرت حد
مريوم:وهي اللحين راقده؟
فهد:لا منومينها لانها كل شوي تقوم و ماتروم ترقد
نورة:اوكي فهد انت رد البيت انا بقعد معاها
فهد:لا انتن روحن
نورة:روح البيت اتسبح و ارقد وباجر الصبح تعال و هات ريوق حقي
فهد:ههه و الله انج ماتنسين بطنج
نورة و هي تأشر ع مريوم:وشل هذي معاك ابا اقعد بروحي مع يزوي
مريوم معصبه:شو بعد هذي انا اليه اسم
نورة:امزح امزح روحي البيت شو لي يخليج تقعدين معاها خلاص انا واحده و اكفي
مريوم:اففففف منج
فهد:يلا مريوم انا بروح
مريوم:يلا

في السكن,,
قدام شقة البنات
مريوم:يلا مع السلامه
فهد:اوووو نسيت انتي ماحد بيبات عندج
مريوم:لا عادي
فهد بخبث:تبيني ابات عندج؟
مريوم ضربته على كتفه:اصطلب
فهد:ههههههههه,,تصبحين ع خير
مريوم:وانت من اهله
في المستشفى,,
نورة ماسكه بطنها الي يصاوووي:نسيت اتعشى..طالعت يزوي..مستحيل تقوم هي ف سابع نومه..طلعت من الغرفه و نزلت الكافتيريه تشتريلها كيك..طلبت الكيكه الي تبها و هي رايحه صقعت ف واحد رفعة راسها
نورة:سالم!!
سالم يضحك على شكلها:ههههه,,انتي شو تسوين مني؟
نورة برتباك:هااا لا ماشي بس بايته عند يدي اليوم
سالم انتبه على ارتباكها:انزين تعالي اوصلج غرفته
نورة:لا ماعليه بروح بروحي انت استريح
سالم كفايه اني برقد اليوم و انا شايف و يهج:ع راحتج

دخلت نوره غرفة اليازي و حصلتها واعيه
نورة:سلامات سلامات يعله ف عدوج و لا فيج
اليازي:الله يسلمج
نورة:يزوي حياتي ليش ماخبرتينا ان انتي تعبانه
اليازي بحزن:ماكنت اريدكو تهتمون كفايه يدي
نورة:المهم ان انتي بخير
اليازي:منويعرف غيرج؟
نورة:مريوم و فهد و بس
حمدان:السلام عليكم
نورة+اليازي:وعليكم السلام
نورة و هي تحاول تذكر هي شايفه هلويه وين:انت شو تسوي هني؟
حمدان:هه,,انا دكتور اليازي
نورة توها اذكرت:انت دكتور,,شكلك ابدا مايوحي انك دكتور
حمدان بخقه:مش دكتور بس و جراح بعد(بأحباط)فذمج مايبان عليه!!
نورة و هي اطالعه من فوق لين تحت:ابدا
حمدان:الله يسامحج حطمتيني
نورة:ههههه
حمدان:شحالج اليازي؟
اليازي:احسن بس الصداع ماراح
حمدان:انشالله بيروح,,انا رمست اخوج عن حالج و هو طلب العمليه و انا بحاول احجزلج اول غرفة عمليات فاضيه
اليازي:اوكي,,ممكن تخبرني كيف بتكون العمليه
يلس حمدان شويه بعيد عنهاو تم يرمسها عن العمليه و كيف بتكون و هو نص الوقت يرمسها و النص الثاني سرحان في ملامحها
بعد ساعه,,
حمدان:المهم رمسي اخوج اي باجر من وقت عشان يوقع على كمن ورقه..صاح تلفونه..
حمدان:الو
النيرس:انت حاجز غرفة عمليات صح؟
حمدان:لين الحين ماحصلو غرفه فاضيه
النيرس:اوكي انا حصلت غرفه تروم تبتدى الساعه 10الصبح
حمدان:اوكي شكرا
حمدان:تحدد وقت العمليه بتكون الساعه 10 الصبح
اليازي:باجر صح
حمدان:هيه
اليازي:اوكي خلاص
حمدان:يلا مع السلامه
اليازي:مع السلامه
الصبح في السكن,,
دق دق دق
مريوم:منو؟
فهد:انا
مريوم:منو انت بعد
فهد:ههههه,,انا فهد
مريوم:تستهبل و يويهك
فهد:ههههه,,انا بروح المستشفى تروحين معايه
مريوم:هيه ارقبني ف الصاله و بيك
فهد سكر باب الشقه و لحق مريوم ع غرفتها و سكر الباب
مريوم بخوف:انت شوتسوي هني؟
فهد و هو يقترب صوبها:ابا ارمسج في موضوع
مريوم و هي تبتعد عنه:اوكي رمسني بره مش هني
فهد و هو يقرب اكثر:هههه,,ليش فالخه؟
مريوم ضرب ظهرها في اليدار:مش فالخه بس روح عني
فهد قرب منها و مابقى شي بينهم همس في اذنها:احبج
مريوم شردة عنه الحمام و هي تنتفض
فهد و هو يدق:مريوم فجي كنت العب معاج
مريوم و هي شويه و بتصيح:حد يلعب كذي؟
فهد:والله اسف ماكان قصد,,يلا قومي بروح المستشفى بنتأخر
مريوم:ماريد اروح معاك اطلع بره
فهد طلع بره وتم يلوم عمره على الحركه الهبله الي سوها

في المستشفى,,
حمدان:وقع هني
فهد:العمليه فيها خطورة
حمدان:فيها بس الخطورة الكبيره انها اتم بدون عمليه لأن ممكن في اي لحظه تنفجر الأكياس
فهد و هو يوقع:ومتى العمليه؟
حمدان:الساعه 10
فهد دخل على اليازي
فهد:يزوي انا لازم اخبر اميه وبويه
اليازي:لا كله و لا ابويه و اميه يعرفون
فهد:مايصير يا يزوي تدخلين غرفة العمليات و اميه وابويه مايعرفون
اليازي:على شرط ماحد يخبر يدو
فهد و هو ياخذ تلفون يزوي:اوكي..خذ رقم مريوم وسيفه عنده و ظهر

في السكن,,
فهد:ابويه و اميه اريد ارمسكم في موضوع
بوخالد:خير و لديه؟
ام خالد:ارمس يا فهد انا قالبي ناغزني من امس
فهد:نحنا كلنا بخير بس يزوي امس اغمي عليها ووديتها المستشفي و قالو ان عندها اكياس طفيليه في مخها و لازم يسولها عمليه لان ممكن في اي لحظه الاكياس تنفجر وتموت
بوخالد:ومتى العمليه؟
فهد:اليوم الساعه 10
بوخالد:انا بروح صوبها
ام خالد:ودنيه معاك

عند شقة البنات,,
مريوم طالعه من الشقه بتروح صوب شقة عمها
بوخالد:هلا بنتيه
مريوم:وين بتروح عمي
بوخالد:بروح عنداليازي,,حياج معانا
مريوم:اوكي بيم شنطتيه وبلحقكم
بوخالد:انا تحت ارقبج
مريوم دخلت خذت شنطتها و طلعت بره حصلت فهد يرقبها طالعته بنظره ومشت عنه
فهد و هو يمسك يدها:مريوم حبيبتي اسف و الله ماكان قصدي
مريوم و هي اطالع يده الي ماسكه يدها:فج يديه
فهد:مابفجها الا يوم بتقولين انج سامحتينيه
مريوم:يعني تدري انك غلطان
فهد:هيه ادري
مريوم:اوكي بقولها بس بشرط
فهد بفرح:امري
مريوم:حركتك الي سويتها ماتعيدها مره ثانيه
فهد:انشالله
مريوم:يلا عمي يرقبنا تحت
فهد:لا انا قلتله يروح انا بوديج
مريوم:اوكي

في المستشفى,,
ام خالد و هي تصيح:ليش يابنتيه ماخبرتي حد
اليازي و هي ادمع:فديتج اميه لا تصيحين انا بخير الدكتور قال انه بيروم يظهرهن
ام خالد:انشالله

الساعه9 و نص,,
حمدان:السلام عليكم
الكل:وعليكم السلام
حمدان:اسمحوليه بس لازم نجهزها حق العمليه

ظهرو كلهم و دخلو غرفة الأنتظار العمليه بتكمل خمس ساعات او اكثر,,الكل قاعد على اعصابه ام خالد تقرى قران و تصيح,,بوخالد حس انه الدكتور مش غريب شايقنه ف محل او مشبه عليه بس ماهتم الأنه عقله كان مشغول ببنته,,نورة شويه وبتصيح على بنت عمها و ربيعتها من ايام الطفوله و مريوم نفس الحاله بس فهد كان يخفف عليها و هي تخفف عنه.