منتدى استراحات زايد - قلبي رفض يحب غيرك وٰ صرت أنا مجنونك♥..

البارت الٓـ20 و الأخير ..
.
.
.
.
مستحيل أنساك هذا مستحيل ..
مستحيل أنساك والله للأَبَدْ ..
من يعاشِرْ شخص مثلك ما يميل ..
لا ولا ينوي على غيرك أحَدْ ..
تهت في حبّك مثل تُوْه الظليل
وزادت جْروح الَحَشا جْروحٍ جِدَدْ ..
ولا ولا عن حبّك أرضى بالبديل ..
.
.
.
.
.
بعد سنتين . . مرت هالسسنين وأنا احسس انه ما بقت فيني مششاعر ولا احاسيييس .. صرت ع قولتهم *متبلده* شليت كل اغراضي و اغراض اليهال و وديتهم بيت اميه و هناك رتبت الاغراض و اللي ما اباه وزعته ع المساكين .. و تصدقت و زكيت عن روح المرحوم *سيف* .. استويت مااا اسسولف وايد و لا اضضحك و ما ايلس ويا اهليه اصلا .. كثرت يلساتي ويا ابويه .. دومه ينصحني و يساندني .. و عيالي دوم عند نهيان ما اجوفهم وايد .. دوم ايلس ف غرفتي و أتذكره و اصيح ..
.
.
.
التطورات اليديده :
- شويخ عرست بدون دق و بدون اغاني احتراماً لاهل سيف .. و خذت ربيع نهيان *سعيد* ..
- عليا حرمه منصور ربت ويابت ولد سموه سيف ..
.
.
.
.
أنا يالسه ع الشبريه و ماسكه صورته و اصيح ..
نهيان دق الباب : ممكن ادخل ؟
انا مسحت دموعي بسرعه : تفضل ..
نهيان دخل و ابتسم لي : واعيه ؟
أنا : هيه ..
نهيان : جيه ما رقدتي ؟
أنا : ما ياني رقاد ..
نهيان : بلاها عيونج جيه ؟ لا يكون كنتي تصيحين ؟
أنا سكتت ..
نهيان لوى علي : بس حبيبتي بس . . قلتي خلاص ما بتصيحين ؟
أنا : هاذا الغالي .. كيف ما تباني اصيح عليه ..
نهيان : المفروض تكونين نسيتيه ..
انا : ماقدر !!
نهيان : حاولي بتقدرين ..
أنا : ما بحاول لأني ادري اني ماا اقددر ..
نهيان : هيه صح ..
أنا : شو ؟
نهيان : في واحد تقدم لج ..
انا : نفاااد يششله . . مآا بععرس يعني ما بعرس .. و بعدين خل تطول المده ..
نهيان : مده شوه ؟
أنا : توووه متوفي سيف ..
نهيان : وين توه ؟ سنتين خطفن ..
انا : قلتلك ما بعرس ..
نهيان : مب ع كيفج .. ابويه موافق ..
انا : نعم ؟؟ مب ع كيفكم توافقون ..
نهيان : سيري رمسي ابويه ..
انا نشيت و سرت مكتب ابويا لانه متعود ييلس هناك يقرى كتب و روايات ..
انا : ابويا ؟
ابويه : هلا غناتي ؟
انا : مشغول ؟
ابويه : لا .. رمسي فديتج .. احس انه عندج شي تبغين تقولينه ..
أنا : ابويه صدق اللي يقوله نهيان ..
ابويه : عن المعرس ؟ اذا عن المعرس هيھ صدق ..
أنا : ابويه شو هالرمسه .. مابغي اعرس ..
ابويه : تبغين تكونين ارمله طول حياتج ..
أنا : مابغي اعرس مره ثانيه .. عفففت الععررس وطاريييه ..
ابويه مسك ايدي : يا بنتي فكري ف عيالج .. الحين ما يرمسون عن أبوهم بس عقب بيرمسون .. بيقولون وين أبونا ؟
انا يييت أبا ارمس بس قاطعني ..
ابويه : انتي بعدج صغيره عمرج 23 و الدنيا ما توقف على حد .. اذا ما وافقتي على ها بيي غيره وغيره و غيره . .
أنا : بس ابويا ..
ابويه : انا وافقت لانه ريال و النعم فيه .. طيييب و اصصييل .. ما عليه كلام ودارس براا .. و عنده خير الحمدلله ..
أنا تنهدت ..
ابويه ابتسم : سيري رقدي الحين .. و عقب صلي صلاه الاستخاره .. و ردي لي خبر ..
انا حبيت راسه : ان شاء الله ..
.
.
.
.
.
.
.
اليوم الثاني -الصبح-
.
شيخه : سعييد !!!
سعيد راقد : هاا ؟
شيخه : خيبه شوو هاا !!! كل شوي راقد .. عنبو انا حرمتك ..
سعيد : و خير يا طير ..
شيخه : مب معبرني ولا مسولي سالفه ..
سعيد : عادي ..
شيخه : انا ماخذتنك عشان ترقد ..
سعيد : انا ماخذنج بس جي ..
شيخه انصدمت : صدق ؟
سعيد نش و سار صوبها و ابتسم : لا طبعا ً..
شيخه : قصورك بعد ..
سعيد تثاوب : الساعه الحين 8 خليني ارقد لين تيي عشر ..
شيخه : لالالا ..
سعيد : شو لا الله يهديج !
شيخه : بسك رقاد عنبو كل حياتك رقااااد ؟
سعيد سار الحمام : خلاص ما برقد ارتحتي ؟
شيخه ابتسمت ب نصر : هيه ..
شوي و ظهر سعيد من الحمام يغني : وينك يا عايش بدوني حبك ب قلبي جنووووني .. اختاااار تسكن ف قلبي ولا بتسسكن عيووٰني ..
شيخه : بسكن قلبك ..
سعيد حب يبهتها : و للأبد المؤبد . .
.
.
.
.
.
.
روضه تقص السلطه ف المطبخ .. دخل عليها احمد ..
احمد حب راسها : السلام عليكم ..
روضه ابتسمت : انته ييت ..
احمد : هيه يييت ..
روضه يلست تقطع ..
احمد : عاد لو تدرين اليوم منو شفت ؟
روضه : منو ؟
احمد : وووححححدده غررششوبه ..
روضه قطعت الطماط بقوو ..
احمد : بسم اللہ شوي شوي .. خليني اكمل ..
روضه : كمل حبيبي ..
احمد : ااااه عليييها جسسسم صاروخ و ويهها محلااااااه ..
روضه : صدق والله ؟
احمد : هيه .. و فيها حبت خاله خفيفه على خدها ..
روضه ابتسمت لانه تعرف انه يقصدها ..
احمد : خير نعم ليش تضحكين ؟ شو اللي يضحك ف السالفه ؟
روضه : ما ضحكت بس ابتسمت ..
احمد بخبث : صدق والله ؟
روضه ابتسمت و بالغلط يرحت عمرها : اااااايييي ..
احمد : خيييبه انققص صبعج ..
روضه : مااا انققص يا حيوان ييب لي شاش و دوووى . .
احمد يابلها ثلج و حطه ع صبعها و عقب لزقه ب اللزقه ..
روضه : اااخ ..
احمد : ابا افهم انتي غبيه ؟
روضه ببراءه : لا ..
احمد : شي 3 خدامات "ياشر عليهم" و ليش تدشين المطبخ ؟
روضه : أمك تقولي دشي سوي وٰ طبخي ..
احمد : ماعليج من اميه .. هاي آخر مره تدشين المطبخ و تطبخين مفهوم ؟
روضه هزت راسها ..
احمد ابتسم لها : احبج . .
.
.
.
.
.
.
منصور : فديتك انا .. هات بووسه .. "يلس يبوسه لين ما قطع غزوزه"
عليا : بسس منصصور جتلت الولد ..
منصور : بسم الله عليه ..
عليا : بس لا تبوسه ..
منصور : كيفي ولدي ..
عليا : جب جب ..
منصور : يجبببج .. ادري انج تغارين منه ..
عليا : ياااهل هااا حق ششو اغاار ؟
منصور : سألي عمرج ..
عليا : ان شااء الله يوم عمري بتجاوبني برد لك خبر ..
منصور حب يبهتها : فديت رووحج ..
عليا ابتسمت ..
منصور : احبج ..
عليا ابتسمت اكثر و طالعت سيف ..
منصور تنهد : يشبه المرحوم ..
عليا : اللہ يرحمه ..
منصور : آمين يا رب العالمين ..
.
.
.
.
.
.
.
.
انا ابويه غصبني على واحد اسمه عبدالله .. تقبل اليهال ب صدر رحب .. و حبهم و عطف عليهم .. و اليهال استتووا يحبونه .. عبدالله ريال طيب و النعم فيه .. بس انا ما حبيته .. ما عندي ولا ذره حب صوبه .. فقدت كل شي يوم توفى سيف .. فقدت الاحسساس و الطييبه .. حسيت انه شل عني قلبي و سسار .. استويت ما احسس ..

عبدالله ابتسم : ارمسج ليش ما تردين علي ..
انا : ششو ؟
عبدالله : شرايج ف الاكل ..
انا : حلو ..
عبدالله : صدق ؟
أنا : هيه ..
عبدالله : انتي ليش بارده ؟
انا : تباني استوي حاره ؟
عبدالله ابتسم : تنكتين ؟
انا : لا ..
عبدالله : اعرف انه وفاه ريلج أثرت عليج وايد .. او بالأصح .. أثرت عليج ب شكل سلبي .. و عشان جيه آبغيج تحطين ايدج فـ ايدي .. عشان نبني مستقبلنا و نكمل حياتنا انا و انتي و مريم و سالم ..
انا سرحت ف كلامه . . سيف . . من عقب هالاسم ماشي اسسامي . . سيف هو اللي نهب قلبي من يسسار . . مستحيل احب. غيره .. او ابيع حبه او ارخصه .. لو يصير اللي يصير بيتم حبي لـ سيف مستمر ف قلبي . . و للأبد .. "طاحت دمعتي و مسحتها بسرعه"
عبدالله : العنووود !!! ادري انه حبج ل سيف بعده مستمر لكن أوعدج اني راح اعوضج ..
انا تنهدت : يصير خير ..
عبدالله ابتسم : احبج . . و بيي يوم و بتحبيني ..
انا : وايد متفائل ..
عبدالله : ما عرفت التفائل الا يوم شفتج . .
انا وقفت و سرت داخل . . دخلت حجرتي وانهررررت من الصياح .. آه يااا سيف وينك عني . . بتحظنني . . بـتخفف علي . . بتونسني . . اللہ يرحمك يارب .. اللہ يرحمك و يغفر لك و يدخلك فسيح جناته يارب العالمين ..
.
.
.
.
صباح / مساء الخير متابعيني . . احب اقولكم انه انتهت روايتي و اتمنى انها تكون نالت على اعجابكم . . و سامحوني لأني ما رديت عليكم . . كنت ميههوده و يالله يالله اروم انزل بارت ف اليوم الواحد . . و سامحوني ع القصور .. و ع كل شي . . و السموحهه <3 .. *
كنتم مع {داهيه} و مع السلامه . .
.
.
.
.