|
رووووعه البارتيين نتريآج لااطوليين =) الله يوفقج فدرآستج |
|[ وخلصنـآإ آإلكوووولج ..~ تسلمييييييييييييييين ضحويهـ عآإلبـآإرتين ..~ وآإرقب آإليديد منج }..~ |
. . البارت الـ 73 سلامه تطلع من الغرفه ومتوجهة الصاله بالكرسي المتحرك . . يصد صوبها محمد وهو مبتسم : العرووس !! سلامه مبتسمه : انا ويه عروس الحين ؟ محمد باهتمام : وليش لاء . . سلامه وصلت قريب منه ونزلت راسها : لو كنت مكانه . . بترضى تتزوج وحده مثلي . . محمد : لو كنت أحبج و الله برضى . . سلامه تطالعه : ولو ماتحبننني . ! اكيد لاءءءءءءء محمد : لكن كلمه " لو " مش موجوده الحين . . لان الريال يحبج ومستعد لكل شششي عشانج . . ليش ما يبين فعينج كل هذا ؟؟ طالعه ع اختج ما تنلامين عنود حاطه ايدها ع خصرها : شفيها اختها . . محمد يكلم سلامه : توج زعلانه . . وماده البوز شبر . . وركضتي فوق . . انا قلت مول الحين اسبوع ما بشوف ويهج . . عنود تطالع سلامه : سلاموه كفي ششرج عني لاني واصله حدي . . سلامه : اعوذ بالله منكم . .ّ! محمد ينش : يالله سلامه انا طالع . . تبييين شي عنود : احسسسن سلاموه ما بغيتي تفجيييين شوي محمد يبتسم : وآحلى فجه بعد آلحين . . قام محمد بخبث ومسك تلفونه بابتسامه عريضه . . لبس نظارته الشمسيه وطلع . . عنود تربع صوبه وتجابله : وين رايح محمد : وخري " يأشر بآيده " كشش مناك عنود فاجه عينها : انا كشش . . ما رد عليها محمد وطلع من البيت . . عنود : آنآآآآآآآآآآآآآآآآآ تسوووووي فيني هالحركه يا حمود ؟ والله بتششششششوف والله سلامه : شفيج تنطحنيين . . عنود : بسير العرسسس سلامه : ما قلتي محمد ما رضى ؟ عنود : رضى توا . . سلامه : عيل يالله تلاحقي روحج ب اي صالون ! ماشي وقت عنود : حمد وين ؟ سلامه : طالع . . ما شفته موول . . عنود : مش لازم صالون . . برررووووووحي بتعدل . . العرس بسيره بسيره وتسير فوق . ! " شـ نآويه عليه يآ عنود " . . . " هاه شو تسوين ؟ " " اتعطر . . " " ولييش ؟ " " يعني اروح العرسس وانا مش متعطره ؟؟ " " ما درستي شي اليوم صح ؟ " " سلطان إلآ آنجليزي بآجرر . . شووه ادرس مآ يبآله درآسه " " انزين خلصتي ولا بعدج ؟ " " هييه الحين بتبخر وبروح " يتصل لها . . عذاري تكح . . سلطآن : بسم الله علييييج . . شوه فيج . . عذاري بعدها تكح . . سلطآن : كلممميني شوه فيج . . عذاري تكح بقوه سلطان : قووووووووووووومي شربي ماي بسسرعه عذاري فرت الفون ع السرير وشربت ماي وطلعت المبخر برى الغرفه . . عذاري : ألو سلطان : كل هذا عشان المدخن صح ؟ عذاري : هييييه لاني خليته وايد وانا ما اتحممل وايد سلطان : ودامج تعرفين انج ماتتحملين وايد لييش تخلينه ؟ تستهبلين ولا تستغبين عذاري : ترى كنننت اكتتتتتب لك مسسسج . . مابي اتأخر عليك . . سلطان سكت . . ردها كان قوي بالنسبه له . . حس قلبه ينبض بقوه . . عذاري : ألوووه سلطان : اسمعج . . :2: عذاري : شووه فييك ؟ رممسني سلطان : قاهرتني تراج :خ8: عذاري : والله قلتلك اخاف اتاخر عليك . . يعني ليييين اطلع المبخر ولييين افج الباب ولين اطلعه ولين ارد ادخل ولين اصصصصك الباب ولين امشي واوصل صوب الفون سلطان مبتسم : مينونه عذاري تبتسم وبصوت واطي : مينونه فيك سلطان سوا عمره ما سمع : شـ قلتي ؟ عذاري : مينوووووووووونه فييييييك سلطان ابتسم وبصوت جدا واطي : غناتي والله عذاري ماسمعت : هاااه ؟ سلطان : اقول من يومج ميونه وهبله . . عذاري :شككرا . . يي منك اكثر . . الله اكبر الله اكبــــــر . . عذاري : اويه " تشوف الساعه " صارت 7 . . أي أذان هذا . . المغرب ولا العشا سلطان : يوم اقول هبله . . المغرب المغرب . !! قومي يالله صلي عذاري : بصلي وعلى طوووول بروح الصاله سلطان : لاء ماتروحين ! اتصلي فيها اول اطالعيها ويين . . اذا وصلت الصاله عقب روحي . . مش تروحين مثل الهبله تتريينها اهناك . . عذاري : ان شاء الله سلطان يعض ع شفاته بالقو " ياربيه عليهآآآآآآآ" . . : يالله . . عذاري : انته ليش جيه جافي ويايه وايد سلطان : كيف جافي وياج ؟ " يبتسم " عذاري : ما ادلعني ما تقول لي كلام حلو " تلعب باصابعها" مول ما اسمع شي حلوو . . سلطان : شتبين تسمعين يعني .؟ عذاري : يعني تباني اعلمك شوه تقولي سلطان : مافيها شي عذاري : يعني قول لي . . " بحيا ملحوظ ف صوتها " حبيبي . . حياتي . . اي شي من جي . . سلطان بنبره استهزاء : اوكي . ّ! حبيبي . . حياتي ! عذاري : مممممممالت . . خربت الاحساس كله . . سلطان يبتسم : فديت الاحساس . . عذاري استحت . . سلطان : شفيج . ؟ استحيتي ؟ " باستهزاء " ليكون استحيتي عذاري : لا ليش استحي >> بتموت حيا سلطان : هيه تحريت بعد استحيتي ولا شي عذاري : آآآآآآه . . بند بند خلني اصلي سلطان : شو بند بند .؟ طرار عندج ؟ عذاري : محشووم . . " بنبره حزينه " ماقصد سلطان : يالله مع السلامه وبند على طول عذاري : عثثثثثثثثثره شو قلت انا . . ردت اتصلت فيه بس ما رد عليها . . سلطان منسدح وغمض عينه : انتي جوهره يا عذاري . . جوهره . . يا حظي فيج . . وقام عشان يصلي و حول فونه سايلنت عمدآ . . آمآ عذاري صلت وعقبها تمت مقهوره حييل وتحس بتأنيب الضمير وتتصل فيه فوق الـ خمس مرات بس مايرد عليها . . لين يئست . . " رن فونها " حصيص : انتي ويييينج ؟؟ عذاري : كنتت بدقلج قبل شويه . . انتي وينج ؟ حصيص : انا توني وصلت الصاله . . عذاري : الساعه كم ناويه تنزلين ؟ حصيص : انا بنزل ع ال10 ونص عذاري : وريلج حصيص : علاوي قال من يخلص عرس الرياييل بيي اهني قاعه الحريم بيتريا لين 11 ونص عقب بينزل . . عذاري : يالله انزيين . . شوي وبييج . . حصيص : لا تبطييين . . ابي اتصور معاج ! عذاري : لا ما بتآخر الحين بخلي منصور ييبني . . . . . مهره تركب السياره : السلام عليكم . . " تطالع سيف " تأخرت عليك صح ؟ سيف : لا ما تآخرتي . . يلا فجي الغشوه خليني اشوفج مهره فجت الغشوه وابتسمت . . وش هالجمال اللي تغطيه يا بنـت ؟ وش هالجمال اللـي مانلقـى بديلـه عاشق انا مغـروم بالحيـل وافتنـت فـي زينـك الفتـان يـام الجديلـه لاهنت ياغض الصبا اقـول لاهنـت يـام العيـون الناعسـات الكحيلـه الناس تسألني وانا اقول وين انـت ؟ ياعـز عنـدي كـل نـاس القبيلـه لولا غلاك بنظـم الاشعـار مامنـت مونـة غـلا دام المشاعـر نبيلـه جرح الهنادي يا هنا بالحشا اطعنـت طعنت محبـا بالهـوى هـام ليلـه احلا صدف لا قلت يا زين كيف انت ؟ وشلون حالك وانت راعـي جميلـه مهره فاجه عينها : شفيك تبحلق فيني جيه ! :21: سيف : ماقول غيير الله يحفظج من كل عييين . . " يحط ايده ع راسها ويقرا عليها " مهره تبتسم بحيا :ast7eee: سيف : شفيج ي الخبله مهره : مممممافيني شي " تبتسم له " :oi-o: سيف يبتسم : شفيج مستانسه . ؟ كل هذا عشان مدحتج يعني مهره : عشان مدحتني وعشآن تريييتني وماتحرطمت ووعشآن كل شي . . سيف يبتسم . . مهره : انا احب جيه . . سيف : وانا احبج انتي . . مهره تبتسم بحيا وتصد صوب الجامه . . سيف : ضروري العرس يعني ؟ مهره تطالعه وبصوت عالي عفوي : هيييييييييييييه بعد شو سيف : بلللل . . مهره تبتسم :يالله آستآنس فيني اليوم . . لان باقي بعد 5 ايام بتنحرم فيها مني . . " تذكر شي " اوه . . عقب يومين بتروح اداوم " بوزت " سيف : عقب اسبوع قصدج . . مهره تطالعه بصدمه . . سيف : حبيتيني اكثر صح ؟ مهره تسير صوبه وتحظن جتفه ": حبييييييييييييييييييييييبي والله سيف : هههههههه . . عشانج بس . . اخر مره اتهاون . . اخاف يفنشوني وانتي السبه مهره : لالا ما بيفنشونك ان شاء الله سيف سكر الشمسيه الي جدآم . . سيف : وريني شسويتي ف شعرج . . مهره تبطل الشيله . . حب تسريحتهآ الخفيفه . . شعرهآ على صغره استشورته على برع ونزلت قصتهآ الصغيره كلها ع ويهها مع شباصه كريستال ع الينب . . مطلعنها وايد حلوه . . سيف مبتسم : وايد حلووو . . مهره تراويه فروت راسها : شوف شعري الاسود بدا يطلع . . سيف : احسن خل يطلع . . حلو كان عليج الاسود مهره حاطه ايدها ع خصرها : يعني مش حلو الاشقر سيف عاقد حياته : بلاج مستويه انتي ام لسان . . حلو حلو . . بس الاسود احلى بعد . . تمت تشوف عمرها ف الجامه وترتب شعرها . . سيف ذكر اليوم الي قص فيه شعرها . . قلبه عوره وعض ع شفاته بالقو . . سحب ايدها بدون ما يتكلم وباسها . . سيف : احبـــــج . . مهره تطالعه باستغراب : شفيك . . سيف مبتسم : مافيني شي . . حرام ابوس ايد حرمتي ؟ مهره تبتسم : لاء مش حرام . . ابتسمو هم الاثنين . . ودقايق بسيطه ووصلت بيت امها . . سيف : تبيني امر عليج اوديج الصاله ؟ مهره : لا بروح ويا عذوووور . . بس لحظه خل اتصل فيها . . " تطالعه " ما بتنزل ؟ سيف : لا بروح بيتنا . . مهره : عذوور ما ترد . . انزل انزل . . سيف : خلاص انتي نزلي وبعدييين اذا جهزتي اتصلي فيني بيييج . . مهره : ابا اعرف ليش ما تنزل . . سيف : محد ف بيتكم . . مهره : وشعرفك محد ف بيتنا . . سيف : يا هبله ما شي ولا سياره مهره : انزين شتبي فيهم . . بتقعد وياي . . سيف بخبث : شفيج متحمسه :oi-o: مهره : اقولك شي لا تنززل . ." ونزلت وصكت الباب بسرعه وخلته يضحك بقوه عليها " . . . |
. . البارت الـ 74 بعد صلاه العشا . . . حمد ومحمد يدشون البيت .: السلام عليكم . . ام خالد : وعليكم السلام والرحمه سلامه : وعليكم السسلام . . محمد يسير صوب الغنفات ويقعد صوب سلامه وبهدوء : وين عنود ؟ سلامه : قبل شوي مرت عليها عذاري وراحو العرس . . محمد عاقد حياتها : لا تجذبين سلامه : والله ماجذب محمد : كيف راحت العرس وانا قلتلها لاء ؟ سلامه بصوت واطي : هيه قالتلي انك وافقت !! محمد : ايووا . . سيف يدش : السلام عليكم . . " تلفونه يرن " هلا حبيبي . . حمد يطالع سيف باهتمام : والله توني واصل البيت . . ترى رحت المسيد وتميت اهناك وعقب شفت واحد من الربع وخذتنا السوالف . . خلاض شووي وبمر عليييج . . ما بتااخر . . ام خالد : وحالك ابويه . . توك داش . . سيف يسير صوب امه ويبوس راسها : بوديها العرس وبرد امايا . . "يطالع سلامه " ليش ما تروحين معاهم ؟ سلامه تبتسم : وين اروح وانا جي الله يهديك . . سيف تلوم وما قال شي وطلع . . محمد يقوم: يالله انا بعد برووح حمد : وين وين ؟ محمد : بوظبي . . حمد : الحييييييييين ؟ باجر دوام . . محمد : سلم على امك . . باجر الجمعه حمد : اووب نسيت . . محمد : لا تخاف انا اتريا الاحد اصلا عشان اداوم . . حمد يبتسم : يالله بخاويك بوظبي . . محمد : لاا بروح ويا الاهل حمد عاقد حياته : وانا شو اقربلك ان شاء الله محمد : حرمتي . . سلامه : هيه والله . . صدق جنك حرمته . . لاصقين ف بعض اعنبوه محمد : قوووووولي ماشاء الله . . عناد فيها طوف طوف ابن عممي سلامه تبتسم . . محمد يطالع سلامه : احنننا وين رايحين ؟ سلامه ترفع جتفها بمعنى ماعرف . . محمد : ايووه خلج جيه . . وراحو . . . . . " وينج ؟ مطولهـ ؟ " " سلطون شفيك ؟ توني احين نزلت للناس " " لييييييش وين كنتي ؟؟؟؟ " ماردت عليه ألتهت ويا السلام والتبويسس . . اتصل فيها . . سلطان : وينج ليش ما تردين علي " بانفعال بسيط " ليييش !!! عذاري : لحظه شوي ماسمعك . . بروح التوآليت وييت . !! :: عذوووووووووووووووووور . . عذاري بصدمه : امووووووووووووووووون حبيبتيي !!!! امون : فديت الاحمممر انا عذاري : هههههههه ياويلي عليج . . اشتقت حق تقردينج . . امون : احلويتي قسم بالله . . شو هالجماااال عذاري : واي لا استطيييع . . لا اتحمممل . . امون : لا لا صدق ممماتمصخر !!! شكلي بحط عيني عليج حق اخوووي عذاري تشوف مبايلها لو بعده سلطان ع الخط . . وطلع بعده ومن قالت هالجمله ربيعتها بند . . عذاري : خيير ان شاء الله خيير . . يالله بخلييج . . بشوفج عقب امون : انزين عطيني رقمج شي . . عذاري: عقب عقب . . وراحت عذاري عنها التواليت بسرعه وتم تدق حق سلطان الي ما يرد عليها . . " سلطان والله تررررررد . . حلفت . . تبي يصيرلي شي يعني ؟؟ " مارد عليهآ . . " سسسسلطان لهدرجه ما اهمك ؟؟ قلتلك اني حلفت . .!!رد علي بمسج ع الاقل عشان حلفاني " طرش لها مسج فاضي . . " لا تستبهل رد علي " وتمت تدق وادق بس ما رد !! انقهرت وغلقت الفون وسارت ترتبش ويا البنات . . ليين صارت الساعه 10 ونص ونزلت حصيص . .. كانت جمييله . . صح انها ما تغيرت وايد لكن تبقى جميله . . لامين شعرها كله ع فوق مع لمعه . . ومكياجها ازرق بكل تدرجاته مع اسود ع الاطراف . . روج وردي فاتح مع بلاشر خفيف خلاها معنى للجمال الطبيغي . .نزلت وابتسامتها ما تفارقها . ! تحس انها مرتبكه لكن ابتسامتها ما فارقتها . . دموووع عذاري كانت تنزل قبل لا تنزل دموع اهل حصيص . . عيييين حصيص مركزه على عذاري الي تحاول قد ما تقدر تسوي حركات هبله وما تبين الي ف قلبها . . وصلت الكوشه وألتموو عليها الناس يسلمون . . ما قدرت عذاري تسير تسلم . . فتحت تلفونها وماشافت ولا مس كول ! ولا مسج . . انقهرت اكثر واتصلت فيه بس ما رد عليها . . كانت مجتاجه ترمس عنده وتقوله عن مشاعرها بس للأسف ! . . . مهره : حرام عليييييك صارت 10 ونص خلني انززل . . سيف ماسك ايدها بقوه : لاء ماتنزلين . . ياخي ماقدر افارجج حسي شوي . . مهره : شوه الفايده انا كاشخه ومخسره حق الصالون سيف عاقد حياتها : مافيها خساره عليح . . وبعدين حقي ّ! خليني انا اتمتع فهالجمال . .شو تبين اتسيرين اهناك ؟ محد بيسويلج سالفه مهره : لا والله ؟ سيف يبوس ايدها : هيه .. مهره بوزت . . سيف يطالع عيونها : انتي احلى شي صار بحياتي . . مهره تطالعه . . سيف بنبره خفيفه : انتي احلى قدر . . مهره تحط ايدها ع ويهه : لا تقول جي بصيح . . سيف يبوس ايدها الي ع ويهه : لو غيرج ما تحملني ولا دقيقه مهره : وولو غيرك ما رضى بالماضي وتركني . . سيف : اتحبيني ؟ مهره ترد على طول : امممموت فيك سيف يغمض عينه : انا ماعرف بدونج كيف حياتي . . مهره تقرب منه وتبوس خده : انا اهني . . وبتم اهني . ! معاك ولاصقه فيك للابد . . سيف يطالعها : انا ماقدر على بعدج . . وماقدر على الاتفاق . . وانتي الفايزه بجداره . . انا ماقدر اوووووودرج الحين لاني خايف باجر ماراح اشووفج . . تبين الفوز ؟ فززتي . . بس لا تخليني . . مهره تطالعه ونزلت دمعه حاره على طول . . : انا كنت اكابر وايد . . لكن . . والله انا ما اقدر استغني عنك دقيقه . . ولا اتخيل حياتي بلياك . . ولا يومي بدون حسك وحنانك ولمست ايدك هذي . . سيف يمسك ايدها بقوه : الله لا يذوقني حزنج ف يوم . . مهره تبتسم : ولا يذوقني حزنك ف يوم يارب . . سيف : خلاص يالله نزلي . . مهره تشوف الساعه : عقب شوو !! الحين العروووس نازله ومخلصه . ." تبتسم " قعدتك احلى . . سيف : ماعليه سيري سلمي عليها وتمي ويا عذور . . ورقدي عندهم الليله . . وبالباجر انا عندج . . مهره : يعني خلاص انت الخسران اوكي ؟ سيف : هههههههههههه ياربي تفكيرج وين وانا وين . . مهره شاقه الحلج : انزين شو هديتي . ؟؟؟ سيف : خبريني شو تبين مهره : مممممممم . . دام انه عندك اسبوع اجازه . . اباك تقنع اهلي واهلك ب مكان حلو يجمعنا كلنا ونقعد فيييه ونستانس . .من متى ف خاطري نجتمع كلنا . . سيف : من عيوووني " يبتسم بخبث " بس ؟ مهره تبتسم بحيا : جب جب . . تلفونها يرن . . مهره ترد ع الفون : هلا عنود عنود : انتي وينج ؟؟ دورت عليج بكل مكان ماحصلتج . . مهره : ليش اخوج مخلني انزل من السياره ؟ سيف : يالمكارررررررررره . ! من الصبح اقولج نزلي ونزلي . . مهره تأشر له يسكت . . عنود : سيف برع ؟ مهره : هيه . . احنا عند باب القاعه . . عنود : الحممدلله . . انا بطلع الحين وبرد وياه البيت . . مهره :/ اوكي حبيبتي . . سيف : شفيها . ؟ مهره : تباك توصلها البيت . . سيف : واذا شردت عنها ؟ مهره : ما بتشرد لانها اختك . . " تعطرت اكثر " يالله انا بنزل حبيبي . . سيف : زين تعالي " يسحبها صوبه ويحظنها ويهمس ف اذنها" : بتوحشيني مهره توخر عنه بهدوء وتبتسم : بآي . . سيف يسحبها : تعاليييي . .! لكنها ماردت عليها ونزلت وعلى طول يت عنود وركبت السياره . . . . . |
. . . البارت الـ 75 مهره : انتي وينج ؟ ادقلج فونج مبند . . عذاري تمسح دموعها : اهني مهره : وليش تصيييحين حبيبتي ؟؟ عذاري تحضن مهره وتصيح اكثر . . مهره : ليييش عذاري : حصوه طول عمرها حذال بيتنا ومتى ما ابا اروحلها وهي متى ما ضاقت يتني . . الحين خلاص . . بيتهم بيكون بعييد وما راح اشوفها مثل اول .. ريلها بياخذها عني مثل ما خذاج سيفوه عنا . . مهره تحظنها : لا تقولييين جيه حبيبتي . . انا عندج . . متى ما بغيتيني وقلتي لي تعالي بيييج على طول . . وحصيص نفس الشي . .اكيد كل ما حصلت فرصه راح تيج . . لا تقولين لها هالكلام وتكدرينها . . وبعدين هذي سنه الحياه . . انتي بييج بعد ريل وبيشلج وبتلتهييين . . مسحت عذاري دموعها . . مهره : يالله عاد . . شوفي حصيص عينها عليييج !! لا تعورين لها قلبها . . تبندت الليتات مره ثانيه . . ويآ المعرس ونزلو معاه اخوان حصيص . . ومن بعد ما راحو اخوانها . . الفرقه : آهــدآآآآء . . شعر خآص وحصري .. يمسك المآيك بكل جرأه ويقول القصيده بآحسسآس : أبد..ماجيت أبارك ولكن جيت بأوصيك على اللي ناوي تدخل بها الليلة..مُعذبتي ترى لولا الظروف اللي عطتك وحدت محاكيك قسم بالله ماتدخل عليها لو على رقبتي ولكن النصيب أقوى ولا أدري ويش أسوي فيك نعم...صارت معزبتك..ولا صارت معزبتي كذا شاءت بنا الأقدار تحرمني لجل تعطيك كذا لازم عشان تفوز أنت ... أخسر بتجربتي تراها غالية جداً..وتكفى..والله يخليك تدللها..تدلعها..تنسيها مصاحبتي أنامن كثر ما أغليها أحس أني بديت أغليك ولاتسأل بأية حق؟ ولا وش مناسبتي؟ لأنك لو بتسألني بتسمع شئ مايرضيك لذا ياأخوي لا تسأل ولا تسمع لأجوبتي أبيك تحطها داخل {عيونك} وبين {أيديك} وهي دلوعة اعتادت على كثرة مداعبتي فداعبها شوي شوي حتى تشتهي طاريك وشاغبها ألين تقول لك :بطل مشاغبتي وإذا هي مالها خلقك...ولا تضحك ولا تسليك تحملها وأسألها:ياعُمري ليه عصبتي وبالك أسمع أنك يوم تضربها وهي تشكيك ما يحتاج أوري لك بفن الضرب موهبتي صحيح أنك بتملكها ومعك العقد بالتمليك وأنا عارف حدود الله ومن حقك معاقبتي ولكن قلها [المجنون] وصاني وهو يعنيك يقول أنه بينتظرك.. ولو شيب وشيبتي وأنا[مجنونها]اللي مانساها وأنت ما يمديك تغطي ذكرياتي في هواها وربع تجربتي أحس أني تماديت بكلامي .. والغضب حاديك لو أنك في [مكاني] ماتفكر في محاسبتي كفاك أني تركت أشغالي الليلة عشان أجيك دخلت القاعة برجلي ولا أدري ويش عاقبتي وأنا ماجيت أخرب عرسك الليلة ولا أذيك أناجيت عشان أخاطبك وأسمع مخاطبتي توصى .. أنتبه .. وأحرص عليها والله يهنيك ترى كل الكلام اللي طلع من ضيقتي وكبتي ولكن ماقدرت أني أقوله وأنت مايخفيك أخاف أني أذا قلته تقوم وتقطع رقبتي. عذاري ومهره يطالعون بعض : مستحيل يكون هو . ! كل إلي ف القاعه صفقو . . وانذهلوو . . إلي يقول هذا واحد يحبها بجنون . . وإلي يمدح الفرقه ويقووول ماشاء الله عليهم مبدعين . . وإلي يقول حلوه الحركه والفكره . . ما يدرون صدق او جذب . . كل واحد بتفكيره . . حصيص قلبها انعصر بالقو وماعرفت شو تسوي . . تمت تطالع ريلها بنظرات مش مفهومه وهو بالمثل . . اهل المعرس عصبو وفارو والرمسات والصوت بدى يعلى . . علي : منو هذآ ؟ حصيص : مآعرف . . مآعرف !! علي : قولي منو !!! حصيص تبلع ريجها : مممادري . . حصيص عينها على عذاري . . وعذاري فهمت النظرة .. عذاري : حصوه متووهقه . . متوهقه . . ناصر استخخخخف . . كيف يسوي جي كييف . . مهره : انقذي الموووووووقف . .تحركي سارت عذاري صوب الفرقه وتغشت وشلت المايك عنهم : حصه . . هذي كانت هديه من بنات صفج كلهم . . هذي مزحه من مزحااتنا . . ادري هالمره كانت حييل ثجيييله . . بسس سويناها علشان ما تنسين بنات كلاسج طول عمممرج . . احبج حصوه . . بدت مهره وصفقت وشوي شوي بدو الحريم يصفقون . . الكل خذاها على انها طياشه بنات وحركات والحمدلله أن علي اولهم . . واغلب الحريم انتقدو ووما على لسانهم إلا : هذا الي يتزوج ياهل ومرابعه يهال . . علي يبتسم : والله ربعج مش صاحيين . . عليهم افكار . . حصيص تبتسم بخوف وماردت عليه . . انزفو المعاريس . . وخفو الناس . . ومهره وعذاري ما تحركو لين خلص العرس و اطمنو ان العرس خلص بدون اكشن زياده من نآصر .! . . . |
| الساعة الآن 03:06 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir