تسلمين حبوبه ع البارت

تسلمين ونتريا البارت الياي

مرحبا بالجميع
المتابعين بردودهم
والمتابعين بصمت


اليوم الثاني .. بعد ردة الدوامات

انتشرت سالفة خطبت راااشد ..
راشد تغدى ودخل حجرته يبغي يرقد وما يدري عن اللي حوله ياها اتصال.
راشد : احين برقد من داق هالوقت ؟؟؟؟
حمد :الو
راشد : هلا شو بغيت .
حمد يصارخ : انا شفت نذاله لكن شراتك ماشفت .
راشد مستغرب: بلاااااااك انته
حمد : وتسوي عمرك ماتعرف ؟؟؟
راشد: حمد لا تصارخ انا مش اصغر عيالك .
حمد : عيل هاااي مفاجاتك ياراشد وتقولي خوي روحي .
راشد : حمد انته بلااك تونا كنا اوكيه شو السالفه .
حمد يصاارخ: مابقول غير رووح الله يهنيك معااها
سكر الخط ومن القهر رمى تليفونه وانكسر وظهر من البيت .
راشد مستغرب : يهنيني معاااها ؟؟؟؟!!!!!!!! شو السالفه ليكوون جن هذا والا يمزح بدقله ,,,, مغلق ,,, قال مفااجاة ليكووون ,,,,,,, لااا
راح يربع عند امه .
راشد : انتي خطبتيلي ؟؟؟
ام راشد : هيه خطبنالك البارحه افرح ,,, واصبر لين ما يردوون علينا.
راشد : منووووووووووووه؟؟؟؟؟؟
ام راشد: مابتلااقي احسن من بنت خالك موزه.
راشد : شوووووووووووو موزه ؟؟
ام راشد :هيه موزه شو فيها ؟؟؟
راشد : ليش ماقلتيلي قبل ما تخطبينها ؟؟؟
ام راشد: تراك قلت مايهم أي وحده؟ تعاال وين رااايح شو السالفه ؟؟؟
راشد :بعدين بقولج .
راشد راح حجرته يربع لبس كندورته وخذ مفتاح السياره ويدق لحمد تليفونه مغلق.
راشد: بروح لين بيتهم ,,, الله يهديج ياامايه مالقيتي غير موزه ؟// قالتلي من البارحه يعني الكل يعرف ,, تليفونه يدق .
راشد : منوه وديمه انتي مش وقتج احينه وكل اللي استوى بسبتج مابرد عليج .
.....................................

موزه يالسه فحجرتها بروحها: احين يتريون مني الرد ,,, مااقدر استوعب ,,, يمكن عسب كذيه حمد ماقام يطرش لي مسجات الفتره الاخيره ,, والله احس بضيقه خاطري اصيح ليش مادري وانا اللي طول عمري اتريا راشد واحبه وادري انه مايحبني واليوم خطبني,, بس حمد كان ,, انا بجن اليوم ,, شو الحل؟؟؟؟؟؟؟؟؟!!!!!!!
........................

راشد : متى ظهر ؟؟
حمدان : قبل ربع ساعه تقريبا .
راشد: ماقال وين رايح ؟؟؟؟
حمدان : لا ليش في شي ؟؟؟
راشد : ماشي . يالله انا بروح اشوفه وان رجع دقلي وقلي .
حمدان : اوكيه .
راشد طلع من بيت حمد ..
راشد : وين بيروح ؟؟؟ وتليفونه بعد مغلق ,, بروح الاماكن اللي نروحها دوم وبشوفه .
تليفون راشد يدق .
راشد : وديمه شو بغيتي والله مش فاضي لتفاهاتج اف برد وبشوف شو سالفتها.
وديمه بصوت هادي: الوه
راشد : الوه مرحبا .
وديمه : راشد .
راشد : هلا شو بغيتي ؟؟؟
وديمه : صدق اللي سمعته ؟؟
راشد : وهيه صدق اللي سمعيته وانتي في شي يضايقج فالسالفه؟؟
وديمه : مضايقني !!؟؟؟ راشد لييش هذا وانته سمعت مني جوابي.
راشد :لاني سمعت جوابج طبعا والا تتريني شو اسوي مثلن ؟؟؟ حلفتي بعد انج ماتحبيني شو تبغيني اسويلج ؟؟ دامج ما تحبيني مليون غيرج يتريا دووره ؟
وديمه منصدمه : انته شو تقووول ؟؟؟؟
راشد : اللي سمعتيه ويالله انا مش فاضي .
وديمه : بسكر بس قبل انتي شو سالتني ؟؟؟؟
راشد : احين شو يفيد ؟
وديمه : يفيد بس انته قول ؟؟
راشد : انتي ما تحبني ؟؟؟
وديمه بحزن: راشد انا سمعت العكس سمعت انتي تحبيني ,,, ويوم رديت حلفت بعد ..
وسكرت الخط .
راشد مصدم : شووووووووووو سمعت العكس ؟؟ ,,,,, احينه تقوليلي انج سمعتي العكس ياوديمه ,,, ياخي شو اسوي حمد من صوب ووديمه من صوب ثاني ومووزه اللي ..لازم انهي السالفه هاي بس كيف ؟؟؟ ,,, انا الي بديتها لعمري وانا اللي بنهيها,, وينك ياحمد؟؟
دق لكل ربعه وسالهم عنه مادروا عنه بشي,, دوره كل الااماكن اللي يروحونها مالقاه,, شو الحل معااك ياحمد وينك ؟؟؟؟ خلني اوقف وادق لمووزه وافهمها السالفه ؟؟؟
موزه بعدها محتاره بالسالفه وقطع تفكيرها صوت تليفونها انصدمت من رقم راشد : ليش داق شو السالفه ارد والا ما ارد ,,, امم برد وبخلي عمري طبيعيه .
موزه: الـــوه .
راشد : الوه السلام عليكم .
موزه: وعليكم السلام والرحمه .
راشد : اشحالج موزه ؟
موزه : بخير ربي يسلمك انته علومك ؟
راشد : علومي ما تسر والله سمعي انتي مشغوووله ؟؟
موزه: ليش ماتسر ؟؟// لا مش مشغوله ؟
راشد : انزين حد عندج ؟؟
موزه: لا ليش شو السالفه خوفتني ؟؟
راشد : سمعي بقولج السالفه بس لا تزعلين مني ولا تاخذين بخاطرج صوبي.
موزه : قول شو السالفه خوفتني والله .
راشد : تعرفين طبعا حمد شو يعتبرج ,, وانا خطبتج اقصد اهلي خطبوج لي ,, وانا كنت مادري ان انتي اللي بيخطبونها لي وحمد يوم درى عن السالفه قالي الله يهنيك معاها وظهر من البيت ولي احين ما رد ولاحد يدري عنه وتيلفونه مغلق,,, موزه لا تزعلين مني بس انا مش نذل اخذ اللي يحبها حمد وتعرفين حمد شو يعنيلي .
موزه برتبااك : انزين احين شو الحل؟؟
راشد: مادري والله بس المشكله الحين حمد مادري وين راح ؟؟ وتليفونه كل مغلق ؟ والمشكله انه معصب وظهر اخاف يتهور ويستويبه شي .
موزه : لا ان شاء الله بيكون بخير .
راشد : موزه لا تاخذين بخاطرج عسب الخطبه .
موزه : لا مش ماخذه بخاطريه واحسن شي سويته انك انته اللي دقيتلي وفهمتني السالفه .
راشد: احين كيف بنهيها ؟؟؟
موزه :تراهم يتريون مني الرد برفض وانتهت السالفه .
راشد : اخاف تستوي حساسيه بين الاهل .
موزه : ماظني .
راشد : بحطج بموقف صعب سمحيلي والله .
موزه : لا عادي اختك قدها .
راشد : تسلمين والله يااختيه ويالله انا احين بدرو حمد وبفهمه بالسالفه .
موزه: اوكيه عيل عقب قوولي اذا لقيته وفمان الله.
راشد: ان شاء الله .. ووداعة الله .
.........................

مهره : قتلها عن السالفه .
سيف : أي سالفه ؟؟؟!!
مهره : سالفة موزه .
سيف: انتي مينونه شو قلتيلها ؟
مهره :قتلها تنفع لسيف .
سيف: حد قالج تقوليلها // شو ردة عليج .
مهره : احين انا ابغي اعرف شي انته تبغي البنت والا؟؟؟؟
سيف: مايخصج شو ردة عليج امج؟؟
مهره : اف منك ,, سكتني وقالتلي مايخصج .
سيف: صدقت .
مهره : ياخي بتقولي من البدايه انك مابغيت البنت وبنهي السالفه .
سيف يضحك: والله انج يااااااهل .
مهره : سيف امي تسالني عن قبيلتها وعن كل شي عنها يعني يمكن عيبتها البنت .
سيف: ان شاء الله تعيبها .
مهره : انته شووووو بلاك ليش تساايرني ؟؟؟؟
سيف: اقول ترى انتي ماعندج سالفه يالله قلبي ويهج خربتي عليه؟؟
مهره : احين هاا ماعليه يالخالي الشيبه اكيد كنت ترمس وحده تافهه.
سيف : هي من ناحية تافهه ,,تافهــــــــــه ونص بعد وانتي شراتها تافهه يالله سكري باااي
مهره : انا تافهه يالمعفن ,, مابكلمك مره ثانيه بااااي
سيف: ماتقدرين ,, ومع السلامه بسكر بوهج.
مهره : والله سوالها ماعليه يااالشيبه .
.....................

راشد : وين بتكون ياحمد ؟؟؟؟ تعبت وانا ادورك بدق لحمدان يمكن رد ونسى يقولي ؟
حمدان راااقد ويحلم ازعجه صوت التليفون ورد .
حمدان : الوه
راشد: الوه حمدان.
حمدان : هلا رااشد .
راشد : شكلك كنت راقد بس ابغي اعرف حمد رد ؟؟
حمدان : هااا ..
راشد : حمدان اصحـــــــــــــى حمد رد والا؟؟؟
حمدان : هييييه // مادري عنه بشوف لك ؟
حمدان دخل حجرة حمد لقاها فاضيه وتليفون حمد مكسوور ع الارض ,, شاف سيارته ما لقاها .
حمدان: لا مارد وتليفونه مكسور فالحجره
راشد : مكسور !!! وانا عبالي مغلق .
حمدان : راشد شو السالفه ؟؟؟؟
راشد : ماشي وانته كمل رقاادك .
حمدان: وين ارقد واخويه محد وتليفون مكسور هنيه شو استوى؟؟؟
راشد : مادري شو استوى ادورله من الصبح مالقيته ؟
حمدان : راشد انا مش ياهل تكذب عليه .
راشد : انا مادري وينه عسب اقولك شي.
حمدان : عيل يوم تعرف عنه شي قولي ,, وانا بظهر ادرو عليه بعد .
راشد : لا دخيلك انته خلك مكانك وان شاء الله بيرد يعني وين بيروح .
حمدان : اوكيه عيل باي.
راشد :باي.
......................

موزه : ياربي كيف رمست رااشد مادري قتله اختك ,,, يقولي مستحيل اخذ اللي يحبها حمد ,, وحمد طلع من البيت ,, صح تليفونه الثاني بدق عليه بس شو بقوله ؟؟؟!! بقوله اللي قالي راشد.
موزه : الحمد الله يدق مش مغلق ..يالله رد ياحمد رد دخيلك .
حمد : الـــــــــوه
موزه : الوه حمد .
حمد: هلا موزه
موزه : انته ويــــــــــــــنك؟؟؟؟؟؟
حمد : آآآه موجود
موزه : الدنيا مقلوبه عليك وتليفونك مغلق .
حمد : وتنقلب ويعني ماعاد يهم ,, بس انتي لا تعطين حد هالرقم وانسيه بعد .
موزه : انته فاهم السالفه غلط.
حمد : ما اريد افهم أي شي بلييز .
موزه : انزين انته تظن انه راشد يسويهااا ؟؟
حمد : خلاص ياماما قد سواها وخطبج .
موزه : بس انا برفضه.
حمد : بترفضينه ؟؟؟؟!! ليش ؟
موزه : لان راشد هو اللي طلب مني هالطلب .
حمد : شو ع باله بنات الناس لعبه يخطب وعقب يقولج انتي ارفضي .
موزه : انزين انته ماقلتلي ليش قالي ارفض ؟؟
حمد : ما اريد اعرف شي عنه ولا ترمسين عنه وسوا اللي بتسونه ؟؟
موزه : يعني مايهمك ؟؟؟؟!!
حمد: موزه شو تبغيني اقولج انتوا الاثنين اغلى ناس عندي بالدنيا الله يهنيكم.
موزه : حمد اسمعني بليز ,,راشد على حسب ما قالي انه ماكان يدري ان هله بيخطوني.
حمد : بذمتج انتي تصدقين في حد بخطبونه ومايدري منوه ؟؟؟
موزه : صح كلامك بس هذا الصدق .
حمد : أي صدق الله يخليج .
موزه : زين لين متى بتم على هالحال ؟؟
حمد : خلاص انا قررت وبنفذ الي قررته .
موزه : شو قررت ؟؟؟؟!!!!!!!!!
حمد : بسافر وبكمل دراستي فالخارج وراشد ..
موزه تقاطعه : راشد مابياخذني انته ماتفهم خلاص انتهت سالفه الخطوبه .
حمد : موزه ترى خلاص ماعاد يهمني شي صدق حتى اذا انتهت السالفه انا رايح يعني رايح واحين برد البيت وباكر بقدم اوراقي ,, وانتي لاترفضين راشد مابتلاقين احسن عنه.
موزه منصدمه : حمد انته شو تقول ؟؟؟؟
حمد : اقول الصدق واحين بسكر ومثل ماقتلج انسي سالفة هالرقم لاني بعد ما اسكر بغلق التيلفون وبكنسل هالرقم .
موزه : حمد لاااااااا ..
حمد : شو اللي لاااا؟؟؟
موزه: لا تغلقه الا بعد ما اتاكد انك فالبيت عقب سوي اللي يعجبك ؟
حمد : اوكيه عيل وانا احين حركت السياره ورايح البيت يالله بسكر يا....
موزه ساكته ..
حمد : فمان الله .
موزه : بحفظ الرحمن واول ماتوصل البيت خبرني .
حمد : ان شاءالله .
موزه سكرت من حمد ويلست تصيييح : ليش انا بالذات ليش والله مايهون عليه اللي استوى بينكم والسبه انا ,, صح كلام حمد مش معقوله حد يخطبوله بدون ما يعرف منوه؟؟؟ ليييش انا ..
.................

حمد وصل البيت لقى امه وحمدان يالسين ينتظرونه .
ام حمد: وينك ياحمد مش على عادتك تتاخر وتليفونك مغلق .
حمدان : وراشد قلب الدنيا عليك يدورك .
حمد : بروح انام تعبان .
ام حمد : حمد شوفيك ياولدي ؟؟
حمد : مافيه شي يا امايه بس تعبان بروح انام .
حمدان : بدق لراشد بطمنه .
حمد : لا تدق له ؟
حمدان : ليش ؟؟
حمد : دقيته انا .
حمدان : عن الخرط وبعدين تليفونك فوق .
حمد طلع تليفونه الثاني : بهذا دقيتله ويالله انا برح ارقد .
ام حمد : نوم العوافي .
حمدان : وانا بعد بروح اكمل رقاادي .
حمد دخل حجرته وقفل الباب وانسدح على شبريته : اسميني تعبان برقد رقااااااد بس قبل خلني ادق لموزه واقولها اني فالبيت .
قبض تليفونه ويلس يتامل اسمها بالتليفون مسجلها قــلبي مسحه وخل الرقم بدون اسم ودق عليها .
يوم شافوني انا بقربك ابعدوني عنك يالغالي مادروبي كم انا احبك ..
موزه بصوت مخنووق : الوه
حمد: الوه رقدتي ؟؟
موزه : لا بعدني , وانته وينك ؟؟
حمد : موزه بلااه صوتج ؟؟؟
موزه : ماشي ,,, عااادي,, انتي وينك فالبيت ؟؟؟
حمد: كنتي تصيحين؟؟؟؟؟؟؟؟
موزه : لا .
حمد: ليش تصيحين؟؟؟
موزه: مايهم ,, اصلن ما كنت اصيح هذا تاثير النوم فيني نوم شوف الساعه احين كم , 2ونص بالليل .
حمد: لا يهم قولي بلااج؟؟؟
موزه : مابلاني شي ياولد الحلاال قولي انته وينك؟
حمد: عيل انا بعد بقول مايهم .
موزه: حــــــــمد .
حمد: قولي بقول.
موزه: كنت مضايقه ع اللي استوى وبس يالله قولي انته ؟؟
حمد: انا فالبيت وعلى شبريتي بعد.
موزه: والله؟؟؟؟
حمد : والله .
موزه: عيل احين انا بخليك ترقد,, وتصبح على خير.
حمد : قبل هذا ,, شو اللي مضايقح بالسالفه بالضبظ؟؟؟
موزه بدت تنزل دومها : ماشي ياطويل العمر وانسى السالفه .
حمد: الا شي بتقوليلي احين ؟
موزه بصوت مخنوق: دخيلك لا تزعل من راشد ,, من كيف ماظهرت من البيت الين احينه يدور عليك مثل المينون راشد مستحيل يسويها تدري شو قالي ؟؟ قـــالي مستحيل اخذ اللي يحبها حمد وخايف عليك يستوي بك شي حرام عليك ياحمد تحكم عليه بدون ماسمع منه شي.
حمد مصدووم: موزه لا تصيحين قطعتي قلبي .
موزه : حمد يالله برايك انا بسكر.
حمد: لا صبري .
موزه: دخيلك ياحمد بسكر والله اني تعبااانه حيل .
حمد: اوكيه عيل بس انتي مع من ؟؟؟
موزه: كيف هاي بعد؟
حمد : يعني راشد والا انا.
موزه منصدمه من السوال مابفرق بينهم : ولا حد منكم .
حمد: خلاص عيل فمان الله .
موزه : مع السلامه .
.....................................

بعد مرور 5 سنوات ..


وديمه : حمد ايلس شوي ,,, حبيبي اصبر خلني ,,, ياربي انته دومك تعبني معااك .
راشد دخل : مرحبا بالحلوين ؟؟؟
وديمه : اهلين حيااك .
راشد : وانت يالدب قم وسلم على ابووك .
حمد: بابااا
وديمه : تعبني ولدك هذا مايبغيني البسه عنيد طالع عليك .
راشد : ياليت طالع عليه ,, طالع على حمد حتى فيه شبه منه ,, آآآه ياحمد اشتقتلك والله ,, وديمه .
وديمه : ياقلب وديمه امر فديتك ؟؟
راشد : يسلملي قلبها انا والله /// كيف حال موزه احينه ؟؟
وديمه : حالتها مايعلمبها غير ربك ,,, والله تقطع القلب .
راشد : الله يكوون بعونها ويرحمه برحمته الواسعه؟؟؟؟
وديمه : اللهم آآمين.
راشد :وديمه يالله خلصتي؟
وديمه : هيه خلصت بس بلس عباتي شل حمد وياااك .
راشد: حموود يالله بابا بنروح عند يدوووه .
........................

شجون : بعد هاي السنين كلها احين تقولي ؟؟ // والله صدمتني .
سلطان : ماتوقعتي صح ؟
شجون : اكيد ماتوقعت تقولي شمه هاا؟؟
سلطان : فديت قلبج والله اول بنيه بنسميها شمه .
شجون : بعدنا ماعرسنا وانتي تطري العيال !! ,, لا ماريد .
سلطان : شو اللي ما بغيتيه ؟؟؟!!
شجون: اسم شمه .
سلطان يضحك : هييه قولي من البدايه ع بالي شي ثاني // انا شو خلاني اقولج عن السالفه ؟
شجون : محد قالك ماعليه ياسلطان؟
سلطان : تعيبيني يوم تعصبين .
شجون :يالله انا بسكر بسير اتلبس بنسير بيت عمي.
سلطان : اوكيه ونحن بعد رايحين يعني بشوفج.
شجون : ع السالفه اللي قلتلي اياها ما بخليك تشوفني .
سلطان : مش ع كيفج ,,
شجون : بنشووف يالله باي .
سلطان : فديت اللي المعصب مع السلامه حيااتي .
............................

ام مهره دخلت على مهره لقتها ترمس بالتيلفون .
ام مهره : مهره سكي بغيتج بالسالفه .
مهره تتطالع امها وتاجرلها حاضر.
مهره : امي بغتي بخليك احين اوكيه ,, فمان الله ..
ام مهره بعصبيه: كم مره كلمتج انا انتي ماتيووزين عن طبعج ؟؟؟
مهره : انزين انا ما اسوي شي غلط ؟؟
ام مهره : كل هذا وماتسوين ؟؟؟
مهره : يعتبر ريلي صح؟؟
ام مهره : ماقلنا شي ريلج بس افهمي يامهره لاتكثرين من التليفونات بعدين عقب العرس بيمل منج حمدان بسرعه.
مهره : ان شاء الله يامايه تامرين .
ام مهره : كل مره نعيد السالفه بس احين انا اتكلم صدق ياويلج اذا لقيتج تكلمينه مره ثانيه .
مهره : يعني ما اكلمه ابد؟؟؟
ام مهره : كلميه بس مش بالساعات ثقلي الثقل زين يابنيتي.
مهره : حااضر .
ام مهره : بنشوووف؟؟
مهره : لا هالمره صدق .
............................

فالبيت الكبير الكل متيمع ...

موزه : وين مزنه ؟؟؟
ريم : مادري ماشفتهاا .
موزه قامت تدور مزنه وتسال الكل عنها ما لقتها : اكيد سوتها وقبضت الباب بظهر اشوفها.
بطلت باب البيت شافت رياال عاطيها ظهره وحامل مزنه يكلمها .
منوه الحلوه؟؟؟// اكيد هاي بنت خالد شو قالي اسمهاا؟؟ نسيت .
موزه فخاطرها : هالصوت انا اعرفه بس منوه ؟؟؟
الريال صد وشاف موزه : السلام عليكم.
موزه انصدمت : وعليكم السلام ,, حمدالله ع السلامه .
ماعرفها كانت متغشيه وعقب ماعرفته شلت الغشوة : الله يسلمج موزه اشحالج؟
موزه : الحمد الله بخير وعافيه ,, ادخل ليش واقف برع ,, انته اشحالك ومتى ييت من السفر؟؟
دخل هو وموزة ومزنه ,,,وفالحوي..
حمد : توني ياي رحت البيت ابغي افاجئهم مالقيت حد قلت اكيد الكل هني ويييت .
موزه : حييااااك ع حظك اليوم الكل هني ,, عطني بشلها عنك اكيد تعبان ؟
حمد: لا خليها فديتها ,,ماشاء الله هاي بنت خالد شو اسمها نسيت ,, وفيها شبه منج ؟؟
موزه : هاي مزنه بنتي .
حمد منصدم : بنـــــــــتج !!!!! محد قالي ,, ماشاء الله عليها خذت شبه منج واايد ولا يت صوب بوها .
موزه: الله يرحمه .
حمد : الله يرحمه سيف مااات متى؟؟؟؟؟ وكيف؟؟؟؟ وليش محد قالي ؟؟؟ احين انا صدق عصبت .
موزه: من خمس اشهر بحادث سياره ,, ولاتعصب انته اللي تقطع وماترمس هلك واايد .
حمد: مايستاهل والله ,, عظم الله اجرج والبقى فراسج .
موزه : اجرنا واجرك ,, ادخل الكل بيفرح بك يالقاطع .
حمد : خلاصت دراسه وارتحت وماشي رده .
موزه : الف مبرووك,, وزين مايبت شهاده شقره معااك.
حمد يضحك ويتطالع عيون موزه: بنات بلادي عندي ويامحلااهن وايبلي وحده شقره ليش؟؟ مزوونه حبيبي هاتي بووسه .
مزنه : لاا بث ماما بــوثه.
حمد يضحك : موزه بنتج ماتعطي بوسات الا لج .
موزه : حمد اصبر بسويلهم اعلان .
حمد يطالع موزه : لج اللي بغيتيه يامعالي الوزير .
موزه تبتسم : وانته بعدك تذكر .
حمد : كيــــــــف انسى يا..؟
دخلت الميلس : ياجمااعه شوفوا منوه وصل بالسلامه.
بطلت الباب ودخل حمد ومزنه .
حكاية عشق مكتوبة
النهايه
نلتقي في قصص ثانيه
"عيش في ظل من تحب"

لو سحتوا راايكم بكل صراحه بدون مجامله
من اخطائي اتعلم
وهاي اول قصه لي ..
اللي عنده تعليق او نقد
اتقبل بصدر رحب

وان شاء الله عيبتكم القصه
^ـــ^

افا ليش النهايه جي

المهم تسلمين عالقصه اللي كانت طررر

و ثانكيوو حبوبه و بنتظار يديدج ..