منتدى استراحات زايد - لا تحـاسبنے علـے جرحٍٍٍٍِ نـزفـ .. انتــ سـآس الـجرحِِِ يالخــل العنيــدِِِ ..

مــرحب الســآآع ..

تسلمووون ع التوقعـآآآت الغــآآويهـ ..

البارب العاشر ..

)( قررت اموت ..{ بحبك ..! وآمشي معآك فدربك ..! أنت يآسآكن ..{ قلبي ..! أسمحلي أعيش بقلبك ..! )(

محمد: انا اتصلتبج عسب اعتذر وانتي ماعطيتيني فرصة عسب اشرحلج وكل ما اقوولج احبج تصديني اشعنه!! شو مسولج عسب تعامليني جذه .. مب حرااام عليج .. يعني غلطتي اني حبيتج .. ليتني مت ولا .........
شوق قاطعته: لا تيب طاري الموت (وتذكرت امها وصاحت) انا آسفــــــه ..
محمد: شو ذنبي اذا انا احبج ؟؟؟؟

شوق: .............. تصيح
محمد:شوق فديتج لا تصيحين والله ماروم استحمل
شوق: .................
محمد: خلاص برايج اذا انتي ماتحبيبني ولا تبين تشوفيني انا حاظر بظهر من حياتج وبسافر
شوق: .................
محمد: وداعة الله ..
شوق: محـ ........... >>طوط طوط
شوق طول الوقت تصيح .. بعد ماهدت شوي اتصلت ف علايه
عليا: .. مرحبا ملايين
شوق: عليا .. وصاحت
عليا: بسم الله شوق شبلاج؟
شوق: عليا تعالي بسرعه وتراج بتباتين عندي (وسكرت)
عليا سارت عند امها .. تق تق
ام سيف: تفضل ..
عليا: امايه بسير عند شوق
ام سيف: الحين حد يظهر الساعه 11
عليا: هي اتصلتبي وقالت انها تعبانه شوي
ام سيف: فديتها والله
عليا: وببات عندها
ام سيف: اوكيه سيري
عليا: ثاانكس .. ظهرت وتلبست وشلت فياها بجامز وسااارت ..
ف بيت بو محمد ..
تق تق .. مها: احدر
محمد ساار ويلس عندها ..
مها: هلا محمد
محمد: اهلين
مها: فيك شي؟
محمد: انا مسافر
مها فتحت عيونها: شوووو ..
محمد: الي سمعتيه ويكمن ماارد
مها: محمد انت تخبلت ولا شووو .. تبى تهد البيت وتودرنا ارواحنا جيه!! تدري لو امايه درت شو بيستويبهاا ؟؟
محمد: مب لازم تخبرنها
مها عصبت: محمد انت مينوون ولا تستهبل .. انت تعرف شو يالس تقول
محمد و بكل برود: هيه اعرف شو يعني؟؟
مها عطته كف قوي لدرجة انه اللتف ويه الصوب الثاني
محمد: ..............
حدرن دموعه من غير استاذاان .. هالكف صحااه من الحلم الي عايش فيه .. صحاه من الغلط الي كان ناوي يسويه .. حس انه خاين واناني مافكر بأمه شو ممكن يصبها او ابوه او حتى خواته .. حس انه قذر ونذل .. ماقدر يعبر عن شعوره غير بصياحه
مها صاحت: محمد سوري والله سوري (وحضنته)
محمد: .......... بعدها عنه وظهر خاااري
سار البحر يشكي همومه عل وعسى البحر يحسبه ويفهمه .. حس عمره ضايع ومتضايج ...
عند شوق .. خبرت عليا بالي استوى
عليا: حراام عليج والله انه غمضني
شوق: الحين انا السبب ولا هووو
عليا: خلاص الحين هو بيسير عنج وبترتاحين و ............
شوق: لا تكملين والله احس اني بموت حرام عليكم .. رن فونها ..
شوق: عليوو هاي مهوو صدقيني شي استوى انا حاسه قلبي قابضني
عليا: انزييين ردي
شوق: الووو
مها وهي تصيح : شوووق اهىء
شوق: مها فديتج شو فيج؟
مها: محمد ظهر من البيت
شوق: شوووو ؟؟ اشعنه!!
مها: ..... صفعته ...................... (وخبرتها بالسالفه)
شوق: .................... ماقدرت تكمل .. شلت عليا عنها الفون وتمت تهدي بمها وسكرت عنها ..
شوق: انا بسير ادور
عليا: اتخبلتي انتي
شوق: اخاف يسافر ..بسيرعنده
عليا: شووق .. انتي الثانية تخبلتي بعد .. انزيين اتصليبه شوفيه وين؟؟
شوق: ها اوكيه .. واتصلتبه ومارد .. واتصلت مرة ومرتين وثلاث لين ماحرقت فونه وهو مايرد ..
شوق: عليووو مايرد شي صابه اهىء
عليا: لا انشاءلله استهدي بالله
شوق: عليا انا خسرت امايه وماريد اخسره بعد .. وصااحت ..
مرن 3 ساعات ومحمد مارد البيت .. وشوق كل دقيق تتصل بمها وتتخبر عنه وعليا تهديها .. استوت الساعه 3 وشوق وعلايه غفلووو
بالباجر .. ف بيت اليد
اليد(سلطان): والله اني تولهت ع العياال
اليده(سلامه): ولا يتصلوون ولا يسألوون
اليد(سلطان): شو رايج نسير عندهم ع الغدى
اليده(سلامه): بعد مايباله اكيد موافقة
اليد(سلطان): سلامه بعدج تحبيني؟
اليده(سلامه) استحت خخخ
اليد(سلطان) سار عندها: مارديتي علي
اليده(سلامه): سلطان ودر عنك هالسوالف تراني استحي
اليد(سلطان): ههههههه فديتج والله .. تذكرين قبل يوم كنت اترياج تخطفين عند الدكآآآن عسب اشووفج ؟؟
اليده(سلامه): ههههههههههههه
اليد(سلطان): يعل هالضحكه ماتفارقج
اليده(سلامه): ويعل ربي يخليك لي ومايحرمني منك >>>عااشوو المرااهقيين هههه
ف بيت بو علي ..
بوعلي: وينهم العيااال ؟؟
ام علي: ارقوووود
بو علي: وعيالج متى بيداوموون ؟
ام علي: بعدهم ع الدوامات خلهم يرتاحون شوي
بوعلي: دلعج الي بيخربهم
ام علي: هههههه تغاار
بوعلي: وليش اغار
ام علي: ههههه حبيبي ماعليه خلهم كمن يوم يرتاحوون
اوعلي: آآه وانا اقدر ارفضلج طلب (سار وحبها ع يبتها) : يلا فديتج انا بسير الشركه تامريني بحايه؟؟
ام علي: لا سلامتك .. بحفظ الله
بوعلي: مع السلامه ..
ف بيت بو سعيد ..
شوق نشت وشافت علاايه راقده لحفتها عدل وسارت تتغسل وتصلي .. ومن خلصت يلست ع الكرسي وهي ميودها فونها .. اتصلت ف محمد ومارد عليها ف طرشتله مسج (حبيبي الله يخليك ابي ترجع وتريحني ) وطرشت الثاني (مـن يـوم غبـت والتعَـب - يكتـب – علـى وجهـي أرق .. مـن يـوم غبـت والسهَـر × ما كفّـر × الذنـب و غفـى .. مـدري ؛ بـ / مـوت مـن العطـش ؛ وإلا ؛ بـ / مـوت مـن الغـرق .. مـن روحتـك وأنـا " انتظـر " و أعشّـم جـروحي شفـا .. مامـرّ فـي صـدري عـذر الاّ رميتـهـ و ~ احتـرق .. حـتى استحيـت مـن الضلـوع ليـا نشدتـني ][ مالفـى ؟! .. محمد الله يخلييك رد البيت . . )
عند محمد .. كان راقد ف السياره وفونه ع السايلنت وتوه نااش
محمد: آآخ×× رقبتي تعورني .. وشغل موتره وساار البيت .. حدر غرفته وشاف مها راقده .. من شافها تذكر الي صار امس .. شريط خطف عليه بسرعه .. حس بغصه وبضيجه .. سارعندها ووعاها .. محمد: مها .. مها ..
مها فتحت عيونها ومن شافته حضنته: محممممد ..
محمد: ههه بلاج؟
مها: آسفه والله آسفه .. ماكان قصدي
محمد: لا عادي فديتج ومشكوورة ع الكف .. مادريت انج قويه حشى شليتي فيسي طيرتيه (وحط ايده ع خده) ..
مها: ههههه حبيبي حموود لا تسير لا تساافر
محمد: اممم بفكر
مها: شكلك ناوي ع خدك الثاني
محمد: لابويه فديته خدي
مها: ههههه يلا ااناا بسير
محمد: اوكيه وسكري الباب ورااج
مها: انشاءالله .. وظهرت .. بعد ماتغسلت وصلت اتصلت ب شوق ..
مها: مرحبا بالطش والرش
شوق: مرحبتين
مها: شووقوو بوجسييم رد البيت
شوق: صدق؟؟
مها: يب يب
شوق: الحمدالله ..
عليا شلت الفون: صباح الخير يا احلى مهايه
مها: هههه صبااح النوور يا احلى علايه
عليا: ارووح ريحه سرقه هع
مها: هههههههههههههههه
عليا: وكيف اصبحتي؟
مها: بخير والحمدالله وانتي هل نمتي جيدآآ ؟؟
عليا: نمت جيدآآ وصحوت مبكرآآ من بنت عمك شوقوو الي لم تخليني ارقد
مها: يانااس لغتنا ف خطر
عليا: هههههههههههههه جب جب .. وتموو يسوولفوون
ف الشركه ..
بوسيف: شو رايكم هالسنه نساافر
بوسعيد: والله خووش راي
بو محمد: هيه والله نغير جوو
بوعلي: غايته بس وين ؟؟
بو سيف: امم .. سويسراا ولا فيناا
بوعلي: اممم ناخذ شو العياال احسن
بوسعيد: خلاص اووكيه ..
ف بيت بو سعيد ..
روضو: سعيد ابى اسييير هدني
سعيد: ماشي انت مابتتحركين من مكانج
روضة: حرام عليك والله بتخبل
سعيد: عادي هع
روضة: لا والله
سعيد: ههههه فديتج والله
روضة: انزين عطني فوني
سعيد: اشعنه!!
روضة: بخبر امايه اني حامل
سعيد: اوكيه .. اتصلت روضة ف امها
ام محمد: مرحباا السااع .. اشحالج فديتج؟
روضة: الحمدالله انتي اشحالج واشحال ابويه وخواتي
ام محمد: الحمدالله كلنا بخير وعافيه
روضة: امايه .. انا حاامل
ام محمد: مبرووك فديتج مبروووك
روضة: الله يبارك ف حياتج
ام محمد: عساج مرتاحه
روضة: جيف ماتبيني ارتاح وانا 24 ساعه ف الغرفة وماتحرك
ام محمد: هههههه ماعليه فديتج
سعيد: عموه شوفيها ماتسمع الرمسه
ام محمد: ههه .. انزين ماعليه خلها تتحرك شوي والمشي زين حقها وحق الياهل
سعيد: انشاءالله عمووه
ف بيت سالم و فاطمه
فاكمه: اووووه سلطوون يوز عاد .. تراك اذيتني
سلطان: ماما ابى حواوه اهىء
سالم: سلطان تعال انا بعطيك
فاطمه: انت دلعه وانا الي اتلعوز اففففف
سالم ساار عندها: بلاج معصبة؟؟
فاطمه: ماشي بسير اشووف الغدى
سالم زخ ايدها: حبيبي شو فيج ؟؟
فاطمه : ثرك وايد مصختهاا ادلع عيالك وتحاتيهم وانا ولا جني حرمتك
سالم: تغارين من عياالج؟؟
فاطمه: هيه كيفي
سالم لوى عليها: حبيبي انتي قلبي وعمري وكل حياتي .. من دوونج انا ولا شي والله ولا شي
فاطمه حضنته: ساالم احبك
سالم: ياويل حالي
فاطمه: هههه انا بسير اشووف الغدى
سالم: بشتاقلج
فاطمه: هههههه
سالم: شلي سلطوون فيااج
فاطمه: لاااا مشكووور
سالم: ههههه امكم تخبلت
مريم: بابا ماما اشعنه تخبلت؟
سالم: لانها تحبني ..
مريم: انزيين نحن نحبك ماتخبلناا!!
سالم: ههههههههههههههههه
ف بيت بومحمد ..
محمد توه نااش .. وكانت الساعه 1 .. سار وتغسل وصل .. وحدر الصاله
محمد: السلام عليكم
مها: وعليكم السلام
محمد: وين امايه؟
مها: ف المطبخ
محمد: اهاا .. ريتي فووني
مها: نووو
محمد: يمكن نسيته ف الموتر .. شار شل فوونه وحصل 30 مسكوول 20 من شوق و 10 من مها و مسجيين .. استغرب انه شوق متصلتبه .. فتح المسجات وانصدم وعلى طوول اتصلبها ..
محمد: الووو ..
شوق: ...........
محمد: شوق
شوق: هـ .. هلا
محمد: اممممم شفت المسجاات و ........ شوق تحبيني؟؟
شوق: ............. مدري
محمد: لا والله
شوق قافطة ومستحيه ومرتبشه وحالتها حاله .: امممممممممم
محمد: وبعدين
شوق: اممم يمكن هيه ويمكن لا
محمد: شووقووو
شوق: هع .. ...... هيه .. ورقعت الفون ف ويه
محمد: يــــــــــــــــــــس .. وحدر الصاله وهو فرحاان ومستاانس ويلس يبس ..
مها: الحمدالله ع نعمة العقل بلا؟؟
محمد: كيفي موااطن هههههه
مها: خخخخ
ف بيت بوعلي ..
ام علي: يسرج الحال واشحالج انتي واشحال بوراشد والعياال؟
ام راشد: الحمدالله كلهم بخير
ام علي: طلبتج ياميثة واتمنى انج ماتردينيه
ام راشد: افا علييج آمري فديتج
ام علي: والله اني ابى بنتج هند لولديه علي
ام راشد: هاي الساعه المباركه
ام علي: ابييج تشاورين البنت وتردوون عليه .. عسب نخطبها رسمي
ام راشد: اكييد موافقه هذاو ولد خالتها ومب غريب
ام علي: تسلمين .. بس بعد لازم تشاوروونها ولا تتاخروون ف الرد
ام راشد: انشاءالله فديتج يومين بالكثير ونرد الخبر
ام علي: يلا عيل بخليج الحينه مع السلامه
ام راشد: مع السلامه ..
علي: بشرري وافقت؟؟
ام علي: بلاك مستعيل .. اغد رياال واثقل..
علي: انشاءالله >>وعدل بيلسته <<
ام علي: بيشااورون البنت ويومين وبيردوون الخبر
علي: آآخ شو يصبرني ..
ام علي: ههههه
ف بيت بوسيف ..
تينتوون .. تيينتوون >> صوت الجرس هع
ام سيف: ميري سيري افتحي الباب
ميري: انشاءالله مداام .. وسارت تفتح الباب .. وام سيف ظهرت من المطبخ : امنو يـ ... هلا امايه
اليده(سلامه): اهليين فديتج اشحالج؟
اليد(سلطان): مرحب الساااع
ام سيف: الحمدالله تمام ... هلا فديتك .. حياكم اقربووو
بوسيف: مرحب السااع .. اشحالك عميه (وطاح ع راسه) .. هلا عموو اشحالج ؟
اليده(سلامه): الحمدالله
اليد(سلطان): وينكم لاتسالوون ولا تتصلوون
بوسيف: سامحناا عميه
اليده(سلامه): عيل وينهم العياال؟؟
ام سيف: سيف ظاهر .. وساره ف غرفتها وعليا ف بيت بوسعيد ..
وان ساره حادره : مرحباا السااع حي من لفااناا ياحيكم
اليد(سلطان): فديتج والله اشحالج؟
ساره: تماموو .. وكيفوو الحلووو
اليد(سلطان): ههه تمامووو
اليده(سلامه): اشووه يالسين تهذربوون .. شو هالرمسه الماصخه بعد
الكل: هههههه
اليد(سلطان): منى خبريهم الغدى بيتكم والي مايي بالعيره
ساره: خخخ اذا العيره تشتغل بتشووفهم يتراابعوون ع الباب هههههه
اليد(سلطان): وهذا المطلوووب .. وخبرتهم ام سيف .. وكلن شل غدااه فيااه وتيمعوو بيت بوسيف ..
اليده(سلامه): نشوو نتغدى ف الحديقة الجوو غااوي
ام علي: غاايته الجوو اووكيه اليوم يسااعد ..
شوق: باباتيه .. امم شورايك اليوم نسير البر الجوو حلوو
بوسعيد: والله كيفكم
عبدالله: وبنشل الدراجات فياانا
البناات: هيه هيه
ام سيف : انتو تغدووو وبعدين سيرووو
بعد ماتغدووو .. الكل تلبس عسب سيرة البر .. ظهروو 6 مواتر
(1) فتك .. وفيها الشباب وعبدالله الي يسووق وحذاه علي .. وسيف وعزوز واحمد ورى
عزوز: شايفيني ياهل فاريني ف نص .. جني بعير ميلس اففف .. الكل: هههههه
(2) لكزز ستيشن .. وفيها البنات .. سعيد الي يسووق وحذاه روضة .. وشوق وعلياا ومهاا يالسات جدام وف الدبه ساره وميرة ..
ساره: شوها اشعنه نحن فارينا ف الدبه؟؟ميرة: شايفينا هووش ميلسيناا ف الدبه افففف
سعيد: الي ماتسكت بفرها برع
ميرة: انت يرب بس
سعيد: ميرووه يالدبه
ميرو: حرمتك الدبه هع هع
سعيد: احلفي .. اووكيه انا براويج .. وقف السيارة ..
ميرة: لا لا خلاص سوري والله سوري
(3) ستيشن اليديده وفيها اليده(سلامه) واليد(سلطان) وبوسعيد وام سيف وبو سيف والدريوول الي يسوق
(4) انفنتي وفيها ام علي وبوعلي وام محمد وبو محمد والدريول الي يسووق
(5) بورش وفيها سالم وحرمته وعياله
(6) fj وفيها البشاكير والاغرااض ودريول الي يسوووق ..
جريب العصر وصلووو وفرشوو حصيرهم ويلسوو
ف بيت بوراشد ..
نورة: ههههههه كشخخه
هند: هيه اضحكي .. وبعدين كل شي يطيح ع راسي
نورة: انتي الي ماتعرفين ترقعين السالفه خخخ
هند: اففففف بس والله تكسرت .. وان ام راشد حادره ..
هند ونورة: هلا امايه ..
ام راشد: اهلين . اممم نورة اظهري بغيت اختج ف سالفه
هند: اتاك الموت ياتارك الصلاه
نورة: ههههههه
ام راشد: شبلاج زايغه؟؟
هند: توني محصله تفليعه عدله ومب ناقصه آآخ ظهري
ام راشد: هههه انا اباج ف موضوع يخصج
هند: والله مب مسويه شي هاي اكيد نورووو
ام راشد: مالها خص نورة .. هند فديتج انتي تعرفين ان الزواج سنة الحياه وان كل بنت مصيرها تكون ف بيت ريلها وانتي ماشاءلله كبرتي واستويتي عرووس والكل يتمنااج .. وفي نااس طلبوو ايدج
هند مصدوومه: شوو؟؟
ام راشد: علي ولد خالتج مريم خطبج ويتريا الرد عسب يخطبج رسمي
هند: !!!!!!!!!!!!!!!
ام راشد: عندج يومين تفكرين فيهم وتردين علي .. وظهرت ..

كـــــــــــــــــــــــــــــــــــــــــــــــــ ـــــــــــــــــت ..

امممممممم ..
ظنكم هند بتوافق ع علي؟!
وشو من احدااث بتستوي ف البر؟!
وشوق ومحمد شو مصيرهم ؟!
وشو رايكم ف البارت ؟!