هذا البارت وسوري ع التأخير




الجزء الحادي عشر:




ساروه [ ياربي شو فيني افكر في هاي امون .. منصور يحبني وها الي يهمني ..ياربي ليش الحين انا ضايجه بس لانها قالت انى انا بنت فقر وها هاي كلاس
انزين انا اعرف هالشي بس اخاف يوم من الايام منصور يندم انه اتزوجني بسس هوه يرتاحلي ! ويحبني اكيد يباني ااه فديتك يا منصور خلني ادش المسن .. شفت
شويه اونلاين و اييميل ضايفني ياربي ايميل منو ها فجاءه دش وكان النك > المزيونه< ونك نيمي انا > قلبي رهيف <

قلبي رهيف: السلام عليكم
المزيونه: وعليكم السلام
قلبي رهيف: منوو
المزيونه: انتى ساره
قلبي رهيف: هيه
المزيونه: انتى ساره خطيبة منصور ناصر
ساروه [ منو هاي الي تعرفني ]
قلبي رهيف: هيه منو انتى
المزيونه: انا بنت عم خطيبتج
قلبي رهيف: منو
المزيونه : مايخصج بس ابا اقولج شي يالي اسمج ساره ! منصور مايصلحلج
ساروه [ منصدمه] : ليش
ملاك: شوفي يا ساره انا ماريد ازعلج ولا شي بس بقولج الصدق
ساروه: اوكي
ملاك: ساره انتى الحين يوم بتاخذين منصور تتوقعين اهله كلهم راضين ؟؟ قولي
ساروه: ماعرف
ملاك: انزين تتوقعين الحين انتى بتكونين حرمته اخوانه الي اصغر عنه بيرضون بيرضون انتى تكونين حرمت الي مسؤؤل عنهم تتوقعين
بيرضون غرييييبه تكون على حلالهم هم بيسكتون اول شي بس عقب مابيسكتون يا ساره انتى وحده مب من مستوانا ماتعرفين كيف حياتنا
ماتعرفين كيف نعيش تتوقعين بتتبدل حياتج وبتصير نفسنا تتوقعين عيالج الي بتيبنهم اهل منصور بيكونون راضين عليهم !
ساروه[ حسيت راسي يدور وانا اسمع هالرمسه رمستها صح بس انا احبه]
ساروه: بس انا احبه
ملاك [ حبج برص ]
ملاك: الحب مايكفى والله شوفي انا ماريد اخرب من بيتكم بس اباج تعيشين الواقع منصور مايناسبج انتى لا تفكرين فكري بعد الزواج شو بيصرلج
يوم بتطلعين يوم بيروح عنج اهله بيوافقون منصور منصووووووووووووور ناصر ..!! ياخذ منوووووو تتوقعين الناس مابترمس ربعه اهلنا كل حد
مابيرمسوون كلهم بيرمسون لين ما منصور تنهد حيله صح هوه مايفكر بس انتى تبين سعادته صح ّ!
ساروه[ دموعي بين عيني ]
ساروه: اكيد
ملاك: اذا تبين سعادته خليه لانه هوه ماينفعلج وصدقيني بينساج عنده وايد بنات عم وكل وحده تحبه ماتبين يحتقرونج ماتبين تستوي ضرابه بين اهله بين امه و الاهل
ماتبين امه تندم في يوم انه اختارتج و تقوله يطلقج وتعرفين عاد امه حبيبته تتحرين الي امثالج يناسبون امثالنا وبيعيشون بسعاده انا اعرف وايد نفسج تزوجوا واطلقوا
كانوا يحبون بعض واطلقوا الحب مايكفي صدقيني .
ساروه: بس انا احبه شو تبيني اسوي
ملاك: بتنسينه خليه صح بينجرح بس بيروح هاي مرحله وبتروح
ساروه: كيف اقوله انا مخطوبه
ملاك : افصخي الخطبه
ساروه: ماقدر احبه والله احبه وايد بعد
ملاك: اذا صدق تحبينه تبين سعادته
ساروه: ابا سعادته
ملاك: عيل بيادج افضخي الخطبه
ساروه: بس اخافه يزعل شو اقوله عقب
ملاك : لاتقوليله انى انا قلتلج تراه بتستوي ضرابه قوليله اي شي ماتحبينه
ساروه: ماااااااحبه مستحيل انا اموت فيه
ملاك: عيل مستحيل يصير شي وانتى الي بتتعذبين وهوه بعد
ساروه: ماعرف ماعرف
ملاك: اذا تحبينه خليه فقلبج و قوليله انج ماتحبينه وتحبين غيره
ساروه: ماقدر
ملاك: تقدرين
ساروه: تعرفين انتى انا شكثر احبه احبه اكثر من الدنيا اموت عشانه ماريد اجرحه والله
ملاا [ ااااااف ياربي شو يفكني منها الحين]
ملاك: لا تجرحينه خليه يكرهج
ساروه: يكرهني مستحيل
ملاك: هيه يكرهج و بيخليج و بينساج
ساروه: يكرهني كيف
ملاك: قوليله انج ماتحبينه وجيه و انج تبين فلوسه و قوليله كلام
ساروه: ماعرف ماعرف [ تميت اصيح و دموعي ينزلن اربع اربع مستحيل الي يصير كل ها ]
ساروه: شوفيي يا ملاك انا مستحيل اخلي منصور لاني احبه و احبه وايد ويصير الي يصير بتحمل كل شي عشانه
لو حتى موتي في السالفه فا لا تفرقين من بينا و الي كتباه ربنا بيصير مع السلامه

ساروه[ مستحيل اخلى حد يفرق بيني وبينه غير الموت .. والله احبك منصور احبك وايد ]



..

..

زايد [ ياربي ليش هالكثر افكر فيها وايد والله كاسره خاطري وايد ! خلني ادقلها اطمن عليها ]

زايد: الو
شوق [ بنعومه صوتها ] : الو
زايد [ حسيت قلبي انتفض من سمعت صوتها وذاب ] : شوق
شوق : هلا زايد
زايد: شحالج ؟
شوق: بخير الحمدالله شحالك انت
زايد: بخير ربي يعافييج وين انتى
شوق: فالبيت والله
عم الهدوء
زايد: انزين اممم ابا اشوفج
شوق: اوكي
زايد: عادي؟
شوق: هيه عادي ههه ليش يعني
زايد: ماعرف لانج بنت وجيه
شوق: انت تعرف انه انا متعوده على الشي ونحن بس اخوان مب اكثر
زايد: [ حسيت بضيجه يوم قالت اخوان] اوكيه وين تبين
شوق: شو رايك نرووح نلعب اليهال
زايد: اممم اوكي بيب اخوي
شوق: وانا بيب اختي
زايد: اكيد هاتيها
شوق: ههه من اقولها زايد بي بتنط من الفرحه
زايد : حليلها يالله عيل اشوفج الساعه 7 المغرب في المرينا
شوق: يالله مع السلامه
زايد: مع السلامه

زايد[ شليت التلفون ووحطيته على قلبي ماعرف ليش بقى 3 ساعات وايد اف لين ماروح ]

طق طق طق ..

زايد: هلا منوو
منصور: انا
زايد: ادخل
منصور: ها زيوووود ماتنشاف هالايام
زايد: ماشي
منصور: شو فيك والله احس من زمان ماشفتك ماتولهت على ههه
زايد: ويا وييهك ههه هيه تولهت عليك
منصور: استحيت الصراحه انا شو اليديد عندك
زايد: ماشي والله شي يديد نكرف فالشغل
منصور: هيه والله
زايد: وانت شو اخبار الشغل وياك في الشركه
منصور: والله تمام الحمدالله نكرف بعد
زايد: ماتفكر توضف حمدان
منصور: خل اول شي يخلص كليه و سيده بوضفه
زايد: على طاري حمدان وينه العود ماشوفه هالايام
منصور: هههه خله ها فحاله و الهوى شالنه
زايد: ههههههههههههههه لا يكون يحب
منصور: يبتهاااااا !
زايد: وهاهاهاها حمدان يحب ماينفع على ويه قسم بالله بتقل في ويهه وين ها وين الحب
منصور: حليله خله
زايد: منو الي كسرت خشمه الخقاق هااا
منصور: امممممم ماعرف [ ماريد اقوله ]


نروووح صوب حمدان الي قاعد في غرفته وسابع نومه يالس يحلم

مريم: والله احبك وايد يا حمدان
حمدان: انا احبج اكثر والله انتى الوحيده الي سكنت قلبي
مريم: ..
حمدان: فديت الي يستحوووووون والله فديت روحهم اه كم بعيش
مريم: بتعيش انشالله و بتشوف ولدك
حمدان [ قربت راسي من بطنها ] : متى بتطلع ايييييه يالله اطلع بنشووف تشبهني ولا تشبه امك
مريم: اكيد يشبهني فديته
حمدان: اكييييييييييد عيل بيطلع قمر دام يشبهج
مريم: فديته والله وفديت ابوه
حمدان: احم منو ابوه
مريم: حمدان نااااااصصصصص..

راشد: حمداننننننننننننننننننننننن وصمممممممممممممممممممممممممممخ
حمدان: اوووووووووووووه انجلع شو تبا
راشد: قوووم صلااااااااااااااااه صلاااااااااااااااااااه
حمدان: اننننننننننننجلع من ويهي قسم بالله رشود برتبك فيك جريمه
راشد: احمد ربك استغفرالله زين يوم قومتك حق الصلاه قووم
حمدان:اف انزين انزين [ وقمت]

[ طلع راشد]

حمدان: ااااااااااااااه محلات الحلم واللله ياليته صدق ااااف وين صدق وهاي العنز حتى ماتفهم قسم بالله !


نرووح شويه بعيد صوب مريم

مريم: ساروه ماعليج من هايل والله عذال تلاقينها تخرف عليج والله زين يوم سويتي
ساروه: والله ماعرف مريوم صدقيني عورت قلبي
مريم: لا تهتمين انتى تحبين منصور وخلاص وهوه يحبج
ساروه: اااه فدييييييييييييييييييييته وفدييييييييييييت روحه وقلبه و عيونه و كل شي فيه
مريم: ههه وين منصور عن كل ها جان تلاقينه الحين طايح وذايب
ساروه: جب انزين
مريم: هههه ويا ويهج متى تعرسين وتفكينا
ساروه: مالت عليج حتى يوم بعرس بيب منصور يعيش اهنيه وياي هه
مريم: ههههههههههه اتخيل والله ويا ها الصرصور مالج تخسون والله
ساروه: نعم نعم بيبه وبيب حمداااااااااااااانوه وياي
مريم : ااااف مالت دخيلج عيل لا تعرسين ولا شي والله ماتخيل حمدان ها بيكون اخو ريلج
ساروه: هههههههه شفيج عليه حليله والله طيب عسل ههه
مريم: ووووووووووووووووووع خقاق و عنز و كلب و سبال و كل شي ها العنز
ساروه: ههههههههههههههههه وايد حارقه اعصابج عليه
مريم: هيه هههه
جسووم: على شو تضحكووون
مريم: مايخصك شو تبا
جسووم: انتى شو يخضج ياي اكلم ساروه
ساروه: هلا جسووووووووووووووووم شو تريد ههه
جسوم: قسم بالله خبال بسج ضحك عقب ريلج بيخليج هه
مريم: هههه يخليها اونه هيه تخليه وهوه لا يخليها
جسوم: امم ساروه ابا طلب لا ترديني
ساروه: عيونيييييييييييي لك امر
جسوم: احلفي اول شي تلبينه
ساروه: واللله
مريم: غبيه يمكن شي يباه الحين بيتامر
ساروه: كل شي يفدااااااااااااااااا جسومي
جسوم: اميه طلعت راحت ويا الدريول ماعرف شو تاخذ و يا عليوه
مريم: هاي عليوه كله تهوم وياااها
جسوم: وابا اروح عند سواف لانه يباني الحين ويعني انتى توصليني وانتى حلفتي تراه
مريم: ههههههههههههههههههههههههههههههههههه يوم قلت لج لا تحلفين
ساروه: جسوم ماقدر
جسوم: بس انتى حلفتي مايخصني
ساروه: اوكيه خلاص بنزلك و برووووح
جسوم:لا لااااااااا بعدني ماخلصت بعدين سيف بيركب ويانا و نزلينا في المرينا
ساروه: لا والللللللللللله و ليش ماتروحين ويا دريول قوم سيف
جسوم: تراه 3 الدريوليه راحوووا مالهم العزبه ماعرف شي يودون الهوش شدراني وقلتله عادي ساروه بتوصلنل
ساروه: لا والله
مريوم:و اخوانه ليش مايودونه
جسوم: مايبا يروح وياهم
ساروه: ليش مايبا يروح؟
جسوم: ماعرف االمهم ساروه بلييييييييييييييييييييز بلييييييز والله انتى حلفتي والولد يترياني
ساروه: ااف انزين
مريوم: ههه صبري صبري بي وياج
ساروه: انزين اول مانوصل خله ينزل بسرعه انزين
جسوم: انزين خلاص هه

راح جاسم

مريوم : ها ويهي ان ماصار شي
ساروه: لا تخافين انشالله مابيصير شي
مريوم: شاقه الابتسامه رايحه بيت ريلج اكييييد دقي حق عنود وقوليلها تطلع وتركب ويانا
ساروه: ماعرف والله اخاف مايطيعون لا لا ماريد اقولها اخاف تخبر اخوها ولا حد انى بعدني اسوق مافيني على منصور
مريوم: هههههههههههههه هيه والله بيهزبج
ساروه: الا بيزعل منى لاني وعدته ومافيني على زعله
مريوم: يويل حالى انا هه

..

شوق: ماما عهود قومي يالله بنروح اللعاب
عهود: والله
شوق: هيه يالله بنرووح ويا زايد بيب حمودي
عهود: الله دايد بي معاااااانا الله
شوق: فديت روحج والله

..

ساروه : حشى ها جسوم رايح عرس ولا شوه
مريوم: انزين هه شوي شوي كل ها حب تبين تروحين ترا عقب بتعيشين اهناك لا تستعيلين
ساروه: انتى شو فيج ويا ويهج ههه مب مستعيله اصلن ماريد اروح اخاف منصور يشوفني
مريوم[ تقلدها] اخاف منصور يشوفني هههه ماعليج قولي يمكن يذبحج لانج مركبه سيف وياج
ساروه: اممم تهقين يعصب ولا يزعل
مريوم: ماعرف واللله بس يمكن سيف يشوره
ساروه: اخاف يعصبون ولا شي
مريوم: طرشيله مسج وشوفي
ساروه: لا والله وتعرفين انى اسوق سياره بيذيحني
مريوم: عيل لازم حد مايعرف عن هاي الطلعه
ساروه:هيه لازم والله عشان جيه بنوقف برع البيت و خله يطلع برع مابندش في الحوي
مريوم: هيه
..

..

ساروه[ وصلنا بيت قوم حبيبي الى هوه منصور وقفنا برع صوب الباب عاد الباب مل حوي وايد كبير و شي غرفه فيها الحارس طبعاا نتريا سيف ماعرف
ليش مايروح ويا منصور يمكن زعلان منه ولا شي هالانسان والله يكسر خاطري ]

جسوم: الو سيف يالله اطلع
سيف: انتوا برع صح
جسوم: اتحمل حد يشوفك انزين
سيف: اوكي لا تخاف
جسوم: يالله نترياك


مريوم: والله يحيج ساروه بتعيشين اهنيه
ساروه: ياربي شو فيكم بعدني مخطوبه
جسوم: اول ماتعرسين كل يوم بي عندج
ساروه: هههههه
مريوم: اذا منصور خلاك عاد
جسوم: منصور حليله والله
ساروه:ههه ليش
جسوم: طيب وايد ههه كل مايشووفني اي ويسلم و يحبني و يقولي شو تريد والله مايقصر ريال
مريوم: عيل حرمه هههه مب من الله يسلم
جسوم: هههه ليش
ساروه: ههه ماشي هاي مريوم خبله [ شفت مريوم بنظره تسكت ]


ساروه[ شفنا سيف يطلع من الباب ماشالله عليه سيف يشبه منصور نفس النظره الي تذبح والخشم الي مستحيل ينزل عال ارض ومرفوع كان لابس بنطلون و قميص
وراد شعره على ورا و كاب ..]
جسوم: اكوه يا
مريوم: حليله والله
جسوم : ايه تراه يستحي منكم لا تخلونه يتسحي زياده

[ فجاءه طلعت بنتلي من الباب ]

ساروه[ اهنيه طاح قلبي لانه هاي سياره من سياير منصور خلاص حسيت عمري منتهيه شفت سيف ارتبك شويه بس كل الارتباك راح يوم فتح الجامه]

حمدان: سووواف شو تسوي اهنيه
سيف: هاااه اممم ماشي بطلع ليش
ساروه[ شفته لف ويهه على سيارتنا و ابتسم و بطل باب السياره]
حمدان: ويا منو انشااله
سيف: جاسم ربيعي
حمدان[ اكيد ساره داخل خلني اسلم عليها]
ساروه:اويييه شوفي ياي صوبنا
مريم: اااااااااااااااااف [ ياربي مافيني اجابله ]
حمدان شاق الحلج يدق على جامه ساروه
ساروه[ فتحتله الجامه ]
حمدان[ اول مافتحت الجامه طاحت عيني على مريوم حسيت رعشه يتني وشفته لفت ويها وشافت الجهه الثانيه] هلا والله بسويره
ساروه: ههه هلا حمدان
حمدان: شحاللللللللللج
ساروه: بخير ربي يعافيك وانت
حمدان: بخير هاه اشوفكم طالعين وماخذين سيف
ساروه: امم لا بوصلهم بس لانه دريولنا محد
حمدان: هيييييييييييييييييه زين عيل شو رايج توصليني انا بعد متعايز اسوق
ساروه: هههههههه لا والله اتخيلك
حمدان: هيه والله ماشي مكان اشوف عادي بقعد ورا
ساروه: حياك واللله
حمدان: تبين ريلج يدفني حي اهنيه جدام البيت عقب ماشي حمدانوه عقب عيالج العفاريت مابيكون عندهم عم جميل وحلو شراتي
ساروه[ اول ماقال عم احمر وييييهي ] هههههه
حمدان: [ شفت مريوم ضحكت شوي واي فديت هالضحكه انا]
مريوم: [ ياربي شو فيني قلبي يدق بقوي احس انفاسه تنسمع و احس ماعرف كيف شو ها ليش يطالعني]
ساروه: اممممم حمدان
حمدان: هلا [ وعيني على مريوم]
ساروه: بليز لا بخير منصور تعرف
حمدان: اعرف اعرف مابخبره افا عليييييج كم ساروه حرمت منصور عدنا
ساروه[ ياربي كم بيتم يحرجني]: مشكووره
حمدان: العفوه حرمت اخوييييييييييييييييه يالله عيل مع السلامه و شفت مريم الي ولا سالت ولا طالعتني والله براويج ]

..

شو تتوقعون يصير

أويه الحمدلله زين انهاا ماسمعت كلامه .. ولا مابتحلوا القصه ..خخخخ

وهيه صح أكيد سيف بيجوف زايد مع شوق ..خخخ

مشكووره ياحبوبه على البارت الرووعه ..

ونتريا التكمله ..

زين انها ماسمعت كلام الحاقدة ملاك

لانه منصور يحبها وبعدين البيزات مب كل

شي والفقر مب عيب ..

نتريا البارت:8989: