منتدى استراحات زايد - ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟!

" اليازيه : وينهم تأخرو
نصره : آخ فيني رقاد
ام راشد : عيب عليكم
نصره : اميه انا برقد اول مايوصلون وعوني
بو راشد : تعالي نصير اهنى تعالي
سارت نصره صوب ابوها
هادف : بلاها هاي تتدلع
نصره : كيفي
ميثا يتهم
ميثا : نثـره لو ثمحتـي قومـي مكاني

كـــــــــــــــــــــــــــــــــــــــــــــــــ ـــت "

دامك نويت فراقي وش باقي تنشد عنه وتسال
الكون دونك باقي واشواقي عزيتها بالحال
مالك رجى بخفاقي واحداقي الدمع منها سال
والقلب منك عاقي اراقي وجرحك معي لازال

بعد دقايق وصلو بطي وموزه
اليازيه " تزاعق " : مواااااااااااااااااااااااااااااااااااااااااااااااا ز
ام راشد : اصصصص
اليازيه : اوبس سوري مام
نصره : آآآ تولهنا عليج
موزه : انا اكثر والله
بطي : مويز عن الخرط شو قلتي لي الباارحه
موزه " شهقت " : شو !!!!!!!
بطي : اونه قالت افف الحمد الله افتكيت من ويوه خوااتك
موزه " فاتحه عيونها " : والله جذوب لا تخرط " وتضربه بالخفيف على صدره
بطي " يضحك عليها " : ههههههه
اليازيه : اصلا موزه ماتقول عنا جي
نصره : صح
موزه " تدور بعيونها ميثا " : ويـن ميثا
ميثا : احم انا هنيي
موزه " شلتها وحضنتها "
ميثا : وين ثـرتي عني
موزه : هذا " وتأشر على بطي اللي يالس ويا ابوه واخوانه " شلني يقول مانبا ميثا وميثا مب شاطره وقال وايد كلام
ميثا " شهقت " : انا براويه انا براويه " وسارت ربعت صوب بطي
ميثا : انته ثو قايل عنـي
الكل : ههههههههههههههه
ميثا : لو ثمحتو انا ما اتمثخر
بطي : ههههههههههههههههه من وين طلعت هالنتفه
ميثا : اوكي ماعليه ماعليه يا بطه " وركضت صوب موزه وبطي وراها "
ميثا : موذه موذه
موزه : تعالي
ميثا : بيذربني
موزه : مايروم
بطي : بضربج انتي وياها
موزه " تعال بقولك شي ويرته من اذنه عالخفيف وباسته "
بطي " فاتح ثمه " : مـ ـ ـ وزـ ـه
موزه : ههههه جب
بطي : بعد
موزه : شو بعد
بطي : قوليلي شي
موزه : ماريد
بطي " ويغمز لها " : ماعليه يا مويز
موزه : احم جب
وراحت موزه يلست صوب البنات
بعد نص ساعه استأذنو موزه وبطي وسار وياهم هادف وراشد المطار
فالمطار
بعد ماسلم هادف وراشد على بطي راحو يخلصون الاجراءات

موزه : اريد ماي
بطي : اوكي تريي اهنا
موزه : انزين
راح بطي ياخذ لها ماي وهو راد شاف واحد واقف صوب موزه يلعوزها ,, وموزه معصبه ومب مسوتله سالفه
بطي : نعم اخوي
.......: أأآ أآ منو انته
بطي " قبضه من قميصه
موزه : بطي خلاص ودره
بطي : لا خليه يحترم عمره
موزه قبضت بطي : بطي بليز مانريد مشاكل خله يروح
بعد مافجه بطي عطول شرد
بطي " معصب " : قالج شي
موزه : لأأ أآ
بطي : ممكن تتغـشيـن
موزه : ليـ ـ ِش
بطي : بدون ليـش تغشي وخلاص
موزه : ماريد
بطي " قبضها من ايدها ورص عليها
موزه " بصوت واطي " : بطي انته تعورني
بطي " رص على ايدها زود "
موزه " بدت عيونها تدمع وسحبت ايدها
بطي " تم يشوفها وهم تتجدم عنه " : اففف انا شو سويت انزين هي شو يخصها
.
.
.
اما صوب سعيد ومانع
مانع " وهو مستانس انه نجحت عمليته "
مانع " يرمس امه بالفون " : الله يسلمج يا اميه
ام احمد : انزين حبيبي متى بتردون
مانع : بعده اميه اسبوع ولا اسبوعين لانه شوي سعيد تعبان وبعدين هاي عملية قلب وكانت مش سهله
ام احمد : خلاص عيل نترياكم
مانع " : يلا الغاليه فداعه الله
ام احمد : برد اتصلبك خلاف
مانع : ان شاء الله
ام احمد : مع السلامه
مانع : الله يحفظج الغاليه
بعدها راحت ام احمد صوب بو احمد واحمد وقالت لها انه بيسافرون المانيا وبيسون لهم مفاجأه
احمد : هي والله فكره
ابو احمد : خلاص عيل انته احمد اتصل بـ سلطان وقوله يحجز
احمد : انشاء الله ابويه
ام احمد : شوف اقرب موعد
احمد : اوكي
.
.
.

صوب موزه وبطي
بعد ماركبو الطياره
موزه : اقعد انته داخل
بطي : لا والله
موزه ...... " ويلست صوب الدريشه وبطي حذاها
شوي وفتح بطي فونه وياه مسج وموزه تشوفه
فتح المسج وكان مكتوب فيه
تسير وترجع بالسلامه حبيبي بتوله عليك
وعلى حسك اتصلبي اي وقت تكون فيه فري
كان خاطري اشوفك قبل لا تسير
وكان من خوله
وابتسم بطي وموزه عاقده حياتها
موزه سحبت الفون وشافة المكتوب وفرت الفون عليه وصدت الصوب الثاني تصيح
بطي " مسك ايدها " : مواز حبيبي
موزه " سحبت ايدها " : .........
بطي : حبيبي والله انا ما ارمسها هي بروحها تتصل وتطرش لي مسجات
موزه : .......
بطي : ساند راسه وغمض عيونه وتنهد
موزه " تمت تشوفه ودموعها تنزل بصمت "

بعدها حطت راسها ورقدت

صوب بيت بو راشد

نصره : انا بحدر ارقد مسطله
هادف : انزين عيل انا بشل اليازيه وعفاري ونظهر
نصره : لا لا لا مابرقد
هادف : يلا جب
ميثا : هي انا بلوح
راشد : وين بتلوحين انتي ايلسي انا بوديج ويايه
ميثا : اوكي خلاث غيرت رايي ;$
الكل : ههههههههه
هادف : انزين يلا يزوي سيري تلبسي
نصره : وانا
هادف : سيري يلا بسرعه
نصره : اقص عليكم اصلا انا مسطله من البارحه وانا مب راقده
هادف : اوكي تبين شي دبوه
نصره : اذا مريتو باسكن هاتو لي
اليازيه : عدتها مويز
نصره : حتى انتي انزين
اليازيه : هه ادري
هادف : يلا عندج 10 دقايق
اليازيه : انزين
بعد ماخلصن عفرا واليازيه ظهرن
اليازيه : هادف شو رايك فيني
هادف " كان واقف وفاتح ثمه وعفرا واليازيه يضحكن عليه
اليازيه سارت وقرصته
هادف : ااي
عفرا : حبيبي بلاك
هادف : ممـا شي
عفرا " تضحك " : يلا نسير
بعدها ويهو صوب المارينا

( العيــــــــــــن ) - زاخر
ام احمد : يلا يا ابويه احمد
احمد : لحضة امي بس بيب آخر شنطه
بو احمد : يلا انقفض
احمد : يلا
ام احمد : خلاص مانسيتو شي
احمد : الجوازات وين
بو احمد : عندي
ام احمد : يلا عيل توكلنا على الله
وراحو
فالسيارة
احمد : انزين حتى مانع مايدري
ام احمد : لا الغالي مايدري
احمد : اها " وساند راسه على جتف امه
بو احمد : احم احمد قوم عن امك
ام احمد : لا عادي هذا الغالي
احمد : مشكلة اللي يغارون
بو احمد : عن امك تتعب
احمد : ابويه قول انك تغاار وانك اصلا االحينه تبا تي مكاني
بو احمد : ..........
احمد وام احمد : هههههههههههه
احمد : فديت اللي زعل ابويه ترا اسولف وياك
بو احمد : كان مسولهم طاف ويقرا جريده
احمد : اميه عادي انسدح فحضنج
بو احمد " صد ورا " : بزوالك حمود
احمد : خخخخ
وتمو على هالحال لين ماوصلو المطار

المانيا
موزه " توعي بطي "
موزه : بطي بطي
بطي : همم م
موزه : نش
بطي : وصلنا
موزه : هي
اول مانزلو كان الجو بارد او بالاحرى كان ثلج عندهم حدرو المطار بعد ماخلصو الاجراءات حصلو سيارة تترياهم برع وعطول ودتهم الفندق
موزه : مم فيك رقاد
بطي : هي
موزه : اول مانوصل حط راسك وارقد
بطي : وانتي
موزه " صدت صوب الثاني " : ماعليك مني انا
بطي " عرف انها لين الحينه متضايجه
وصلو الفندق
موزه : مم
بطي : انا بدخل اسبح
موزه : ماسوتله سالفه راحت صوب الشنط ظهرت له لبس دافي ورتبت اغراضها واغراضه
بعد ماظهر بطي شاف انه موزه مظهرتله لبس واستانس
بطي : مم يوعانه
موزه : لا
بطي : اوكي انا يوعان ماتبين تتغدين ويايه
موزه : انا مب يوعانه
بطي : يلا نشي تلبسي
موزه : ماريد اظهر مكان
بطي " بدى يتنرفز من اسلوبها "
بطي : مـــــــــــــــوزه بتنشين ولا لا
موزه : ...... لا
بطي : اوكي ماعليه لبس وظهر عنها وتمت هي تصيح خلاف دخلت تسبح
بعد ماخلصت ظهرت وفتحت التلفزيون وانسدحت تشوف لين ماوصل بطي وشافها راقده
سار صوبها تم يشوفها وباسها على راسها
موزه " وهي تفتح عيونها " : ممـ
بطي : صح النوم
موزه : متى يت
بطي : توني
موزه : مم اوكي
بطي : نشي ارقدي داخل جان فيج رقاد
موزه : لا مافيني بروح اشوف الجو برع
بطي : لا لا بتمرضين
موزه : عادي
بطي : لا مب عادي .. يلا نشي خلينا نظهر
موزه : وين
بطي : نتمشى
موزه : مم انزين
بطي : اخيرا
.
.
.
صوب عايلة احمد بعد ماوصلو
احمد : بتويهون جدى المستشفى عطول ولا
بو احمد : هي يا ولدي
احمد : يلا عيل توكلنا على الله بس الشنط وين بنخليهم
بو احمد : جوزيف انته ودي الشنط البيت
جوزيف : من عيوني

فالمستشفى
سعيد كان يسولف مع مانع
سعيد : تولهت على قوم امايه
مانع : يلا مابقى شي غير 5 ولا 7 ايام بالكثير
سعيد : انزين مم ملل
مانع : تبا تظهر
سعيد : هي
مانع : جب خخخ
سعيد : افف
مانع :يلا نلعب اونو
سعيد : من وين
مانع : من شوي شارنها
سعيد : يلا
" شوي وانفتح الباب "
وحدر بو احمد واحمد وام احمد
ومانع فز صوبهم وسعيد كان بينش بس لحقت عليه امه
سعيد " يصيح "
ام احمد : فديتك الغالي لا تصيح
سعيد " وهو فحضن امه "
ام احمد : فديتك يا بو عسكور يعلني ماخلا منك الغالي
احمد : اميه عاد بس مصختيها يا ويلج من ابويه
الكل : ههههههههههههه
بعد مرور اسبوع ردت العايلة الامارات
بوظبي - المارينا
كانت اليازية ظاهره من باريس غاليري ودعمها وطاحن الاغراض فيدها بعد مارفعت راسها
......: اليازيه !!!!!!
اليازيه : ممـ " وسارت عنه تحاول تتجاهله , بس هو كان يلحقها "
......: اليازيه وقبضها مسك ايدها فمكان بعيد عن الناس
اليازيه : ثاني لو سمحت ودر ايدي
ثاني " ودر ايدها " : انزين ليش جي كارهتني انا شو مسوي والله عن هاك الموضوع ماكان قصدي
وبعدين انا ماشفتج
اليازيه : هذا موضوع وانتهى
ثاني : اليازيه انا احبج
اليازيه " طارت من الفرحه من داخلها " وانا
ثاني " قبض ايدها" : والله انج تحبيني وتموتين فيني
اليازيه " سحبت ايدها " : هه واثق " وروحت
بعد مارد ثاني البيت سار صوب امه
ثاني : اميه اميه
ام ثاني : آمر حبيبي
ثاني : اميه اباج تخطبيلي
ام ثاني : هذي الساعه المباركه يا حبيبي آمر الغالي تباني انا اختار لك ولا في حد معين
ثاني : مم لا في حد
ام ثاني : منو
ثاني : ممـ اليازيه اخت هادف
ام ثاني : هادف ريل عفرا
ثاني : هي نعم اميه
ام ثاني : والنعم والله زين ماخترت
ثاني : استانس وطار من الفرحه وباس راسها وظهر

.
.
.

يتبع ...

عساك دايم باقي فعماقي خيلي وانا الخيال
يعني كذا المشتاقي معتاقي فالحب ماله بال
بصبر وقلبي ضاقي واعواقي تشعل جروح ثقال
تبقى معي الاشواقي تنساقي مثل المطر تنهال

.
.
..
الخميس
ام ثاني فاتحت ام راشد بالموضوع
ام راشد : نصره
نصره : هلا اميه
ام راشد : وين اختج اليازيه
نصره : مم مادري ليش
ام راشد : ماشي بس يوم بتشوفينا ازقريها
نصره : اوكي " وراحت "
راحت نصره تدور اليازيه لين ماحصلتها
نصره : يزوي اميه تباج
اليازيه : ليـش
نصره : والله مادريبها قالت لي يوم بتشوفينها ازقريها
اليازيه : وينها
نصره : ف غرفتها شوفيها
اليازيه : اوكي يلا انا سايره
سارت اليازيه صوب اومها
اليازيه : طق طق طق
امها : ادخل
اليازيه : هلا امايه بغيتيني
امها : هي تعالي
سارت اليازيه ويلست صوب امها
امها : ممم
اليازيه : اميه شو مستوي في شي
امها : يا امايه انتي الحينه كبرتي وغديتي حرمه
اليازيه " وهي متوتره " : باختصار اميه
امها : مم ثاني ولد حمد خطبج
اليازيه " بصدمه " : ..........
امها : مم شو رايج
اليازيه : !!!! أآأ مـ ـ مـ
امها : خذي وقتج وردي عليه
اليازيه : . .. انـ ـ ــشـاأآ ء الله

المساء - المانيا

موزه كانت توها ظاهره من الشاور وبطي يرمس برع بالفون " فالبلكونه "
موزه : وينه هذا
وراحت وايقت على بطي وشافته يدوخ زقاره ويرمس بالفون
بطي : انزين خوالي فديتج بخليج الحينه
موزه تسمع رمسة بطي وتحس حد طعنها في ظهرها
موزه راحت غرفتها بسرعه ورضت بالباب بالقو
بطي " !! موزه سمعتني اوف وركض بسرعه صوب الغرفه
بطي : مويز موزه
موزه " كانت تصيح "
بطي : افتحي الباب
موزه : ماريد روح من اهني
بطي : يلا افتحي الباب
موزه : ..................
بطي : بتفتحينه ولا اكسره
موزه " كانت تلبس وتزهب شنطتها "
بطي : اففف " وبدى يصارخ " : موووووووووزه
موزه فتحت الباب وكانت الدموع فعيونها
بطي " يتقرب منها " : مم موزه
موزه : لا تيـ ـ ب اسمي على لسانك
بطي : موزه حبيبي
موزه دزته وظهرت عنه راحت تشرب ماي وبطي يلحقها
بطي قبض القلاص اللي كانت تشرب منه موزه
موزه : ابا ارد بوظبي
بطي : انزين
موزه : اليوم
بطي : لا مب اليوم
موزه : كيفك انا برد بروحي
بطي " وهو يرص عالقلاص "
موزه : بتكسره
بطي " رن فونه وكانت خوله "
موزه " عيونها تدمع " : رد وراحت عنه
بطي : كسر القلاص وانيرحت ايده

بعد مرور الايام رد بو احمد وعياله وحرمته العين والكل راح وتحمد لسعيد بالسلامه اما صوب بطي وموزه فاليوم موعد رجعتهم وبطي وموزه ماكانو يرمسون بعض
بطي : مانسيتي شي
موزه : سوت له طاف ومشت عنه
بطي " قبضها من ايدها " : انا ماحب حد يتجاهلني
موزه : ومنو تكون انته
بطي : بطي ريلج
موزه : هه " ومشت عنه "
بطي : ماعليه بشوف لين وين غرورج بيوديج
بعدها ويهو جدى المطار
الاحد - بوظبي - الساعه 12 الضحى
اليازيه : هويدف وين نصوره
هادف : مادري مم فوق
اليازيه : بسير اشوفها هالبنت كله منخشه ماعرف شو عندها
راحت اليازيه صوب اختها
اليازيه " عطول فتحت الباب "
ونصره خافت بندت عطول الفون
اليازيه : منو ترمسين
نصره : ممـ مـحد
اليازيه " بعصبيه " : نصـــــــــــــــــــــره
نصره " شوي وتدمع عينها ":ممـ ممـحد اأآليـ ـاأآزيـ ـ ـه شو فيـ ـ ج
اليازيه :هاتي هالتلفون اشوف
وعادت اليازيه على آخر رقم ورد
.........: الو
اليازيه : ...........
..........: حبيبي نصاآري بلاج ساكته
اليازيه بندت فويهه وراحت صوب اختها وعطتها كفين
نصره "وهي تصيح " :خلاآأآص ياالـ ـ ـيـازية
اليازيه : جب ولاكلمه ماشي لابتوب ولافون ولانت ولاطلعة فاهمة انا بسكت عنج لين ماتين تفهميني منو هذا ولا بخلي ابوج ولااخوج يتفاهم وياج " ودزتها وظهرت عنها "
نصره عقت بعمرها عالشبرية وتصيح
راشد : وينها
اليازيه : مم فوق راقده
هادف: غربيها ماحيدها ترقد هالوقت
اليازيه : لانها مب راقدة كانت سهرانه طول الوقت
صوب بطي وموزه بعد ماوصلو مطار بوظبي راح بطي بيته قال بيريحون خلاف بيروح بيت ابوه
فبيـت بطي
بطي : جيـن جين
جين : yes
بطي : دخلو الشنط داخل
جين : ok
دخل بطي ولحقته موزه
بطي : انا برقد
موزه "راحت عنه الغرفه الثانيه وبدلت ورقدت "
بطي " بعد ماظهر من الشاور دورها ولقاها راقده فالغرفه الثانيه "
بطي : وين بتسيرين عني " انسدح حذالها وحضنها ورقد "

السـاعه 5
بيت بو راشد الكل كان متيمع
ام راشد : ها سعيد شو حالك الحينه
سعيد : الحمد الله يسرج الحال
هادف : ها سعيد اشوف طالع كرتك
احمد : لازم هذا حبيبهم
ام احمد : بتسكتون عنه ولا لا
سعيد " نش عنهم وراح ييلس برع مع ميثا
شوي ودخلت سيارة بطي
موزه : سياير منو
بطي : مادري اضني عيال عمي زايد
موزه : هم يدرون انه نحن رادين
بطي : لا انا ماخبرت حد
موزه : انزين يلا ننزل
نزل بطي مع موزه وشافهم سعيد من بعيد وقلبه عوره
ميثا ركضت بسرعه داخل وتمت تصارخ بطي يا بطي يا والكل ظهر برع صوبهم
اليازيه : مواااااازه !!!! والكل راح يسلم عليهم بعد ماخلصو دخلو داخل
اليازيه : تعالي فوق
ام راشد : خليها يا اليازيه توهم ياين
اليازيه : احم انزين علومج بعد
موزه : علومي طيبه
اليازيه " وهي تقرصها وبصوت واطي " : ها شو العرس
موزه : يلوع بالجبد مانصحج تعرسين
اليازيه : افااا لييـــــــش يعني ارفضهم
موزه : منو !!!!!
اليازيه : كح كح
موزه : يزوي انخطبتي
اليازيه : يقولون
موزه : اوكي تعالي انروح فوق
بعد ماراحو فوق يلسو يسولفون
موزه : عيل وينها نصااري
اليازيه : الحيوانه لا تسالين عنها
موزه : بسم الله بلاج !
اليازيه " خبرتها بالسالفه "
موزه " شهقت " : ماصدق
اليازيه : والله العظيم ها الصدق
موزه : انا بروح لها
اليازيه : لا تسيرين لها والله قاهرتني السباله
موزه : ماخبرتي حد
اليازيه : لا
موزه : زين سويتي انا بروح لها
.
.
.
بعدها موزه راحت صوب نصره
موزه : طق طق طق
نصره : ..............
موزه : مم " فتحت الباب وشافت نصره عالشبرية حاضنه المخده وتصيح
نصره " منصدمه من وجود موزه " : مــوزه
موزه : مفاجاه صح
نصره " عطول سارت وحضنت موزه وتمت تصيح "
موزه : ليـش نصره سويتي جي
نصره " مـ ـ ـادري
موزه : انزين تعالي ايلسي
نصره : متى يتو
موزه : من شوي
نصره : " ابتسمت "
موزه : تبين ترمسين الحينه ولا عقب
نصره : انتو بتباتون اهنا
موزه : لا
نصره : باجر بتين
موزه : انشاء الله
نصره : عيل باجر بخبرج
موزه : انزين يلا انزلي تحت
نصره : مابا اظهر ولا ابا اشوف حد
موزه : يلا عشاني
نصره : انزين انتي سيري وانا بلحقج
موزه : يلا عيل بخليج وبروح تحت
بعدها نزلت موزه تحت ويلست مع ام راشد ويلسن يسولفون ويا بعض

يوم الخميـــــــــــس
اتصلت ام ثاني بأم راشد عشان تتخبرها عن اليازيه وقالتلها ان اليازيه موافقين وانه الثلاثا بيونهم
فهاليوم قررت العايلة تروح المزرعه تم 3 ايام

كــــــــــــــــــــــــــــــــــت

" توقعاتكم "
روؤح البداآوه ..ّ

والسموحة عالتأخير