تسلم غرشووووووب على البارت



ونتريا البارت الياي

يله نتريا ع التكمله

غرشووووب وين البارت

الجزء التاسع والاخير



مرت الايام وكانت عوشه يالسه في بيت ابوها .. اليديد وفي حجرتها اللي كانوا مخصصينها لها .. وحمد وحميد عدالها
حمد يا ويلس عدال عوشه وباسها على خدها : عوشه ما باااج تتمين يالسه هنييه
عوشه : عيل وين ايلس
حمد : اتمشي في البيت انسي السالفه
عوشه ابتسمت : فديتك والله ولا خليت منك
حميد يطالعها بنظرات فيها حزن : عوشه شرايج تلعبين ويانا بلاي ستيشن
عوشه : حبيبي ما لي بارض
حميد : امبلا شويه
عوشه تمت تفكر : هذا الهم والحزن ما بيفيدني بشي ..
حميد : انزين بس بنلعب لعبه السيايير انتي تبينها وايد
عوشه : حبيبي في وقت ثاني ان شاء الله الحين بسير عند فطيم بشوف مبارك
حمد استااانس يوم سمعها تقول هالكلام : ياالله قومي نشي
عوشه مبتسمه وحط حمد ايه في ايها اليمنى وحميد في ايدها اليسى وقاموا ساروا عند فطيم
حمد وحميد يركضون بعوشه وهي تضحك : بس بس ما اقدر اركض
ودخلوها حجرت فطيم كانت تبدل حق مبارك ثيابه .. .
فطيم اول ما دخلوا ابتسمت يوم شافت عوشه وياهم
فطيم : شووووو هالمفاجأه الغاليه
عوشه مبتسمه : تولهت على مبارك ويايه العوزه
فطيم : لعوزييه ولعوزي ابووه وامه المهم تين صوبي واستاانس ويااج
حمد : نحن يبناها
فطيم : زيين والله كل يوووم صارخوا عليها عشان تي صوبي ..
عوشه وهي تلعب وياا مبارك : فديت روحه الحين أشوفه يشابه حمد
فطيم : لا لا بسم الله لا تقوليين جييه يشابه
حمد : احمدي ربج يا العيوز لانه طلع ولدج يشابهني
فطيم : ليش بالله ؟
حمد : لاني ملك جمال الامارات ..
فطيم : عشتوووااااا
حمد : هي نعم
فطيم : عوييييش بدلي حفاض مبارك
عوشه: لالالالا مستحيل انا ابدل حفاض ولدج ؟
فطيم : وليش سعني .. تعلمي يا اميييج باجر يوم بسافر انا وسالم بنخليه عندج ..
عوشه : خليه فديته خليه ..
فطيم : اسولف ويااج بس يعني يمكن اطلع واخليه عنج كل شي جايز يعني .. ترااه ياي عرس ولد عمي وانا ما سويت لي ثياب
عوشه : الله يوفقهم كانت تقولها بكل برود
فطيم حست ان عوشه من كثر المشاكل ومن كثر التفكير ما تدري بدنياها ..
عوشه سحبت ايد مبارك وشلته عن فطيم ويلست تمسحه على راسه وتطالعه مبتسمه ..
فطيم قلبها عورها .. هالبنت اللي ياها من ريلها وايد .. تعذبت وياه من عرست لين هدته ولين الحين متعذبه بسببه ..
محمد دفع ثمن غلطته بسجنه وبطلاق عوشه بعد ما حلف ابوه انه يطلع عوشه وبرضاها حكوا علييه بعشر سنوااات سجن لانه كان مساعد لتاجر بالمخدرات وكان متعاطي له ..
طافت من عدت عوشه شهرين .. وما باجلها الا القليل
كانت عوشه طايحه وتحس انه آآلام الدنيا فيها ..
دخل بو خالد عليها ..
بو خالد : السلام عليكم
عوشه صدت صوب الباب بويه مصفر : وعليكم السلام
بو خالد تفطر قلبه يوم شاف بنته وحس انه العبره خانقتنه
عوشه نشت من على الفراش تبا تحب ابوها فوق راسه كعادتها .. وركض ابوها ويلساها ..
عوشه يرت راس ابوها وحبته ..
بو خالد ما قدر يتمالك نفسه : وبعدج تحبيني
عوشه : وليش ما احبك
بو خالد والدموع في عيونه : كل هالمشاكل والهموم اللي فييج بسببي .. لا حول ولا قوة الا بالله .. كنت اعمي يا امييه وما اشوف هالوحش جدامي ... سامحيني يا الغاليه ويبوس ايدها
عوشه ما كانت تعرف شو تقول .. خانقتنها العبره والدمووع فوق خدودها تصب .. تمت تطالع ابوها .. وتذكرت الغنيه اللي كانت دوووم ترددها له .. أغنيه الاولييين وتمت ترددها .. :
كانت كل ما تبا تحسسه انها تغليه وتعلمه بغلاته في قلبها تردد هذي الابيات ..


يابويه يا غناتي ... لا ترقد في السيووح ..
ارقد في ظل بارد .. بين الحشى والرووح
بحطك في صندوقي .. صندوقي بوميت لوح