منتدى استراحات زايد - مع غيري( إلـ ع ـب) وبين له( مهاراتك)

..الجزء الـ ت ـــاســع عشــر..

(الفصل الأول)

••.•°¯`•.•• لحظـة ألم ••.•°¯`•.••

تعال ولايهمـك هـرج عذالـك وعذالـي
تعال أجلس أقبالي لاتكـدر صاحبـي بالـك
ترى ماكل شخص أستقبله وأشرحله أحوالي
ولا كل البشر عندي مثل قـدرك ومنزالـك

●
●
●
●
"لحظـة صمــت"
●
●
●
●

روضه:....ههههههههههههههههههههههههههههههههههههههههه اااي..
حلووووووووووووووووووة حلووووووة ..والله انج يا فطامي سوااالف..
ههههههههههههههههااي..اونه سهيل..سهيل ما يحبني انا..خخخخخخخخخخ؟؟
صخـت فطـامي ...ما كـانت متوقعه ردة الفعل هااي..صج كانت ردة فعـل"غريييييبه"..تضحك؟؟شو هالغبيه تضحك؟؟!!!!لهالدرجه يعني..روضه خلاص ما تصدق أي كلمة تنقال عن سهيل..
فطـامي"معصبه":اييه انتي شو بلااااج تضحكين..
روضه"اعيونها ادمع":خخخخخخخخخ..الا انتي اللي شو بلااااااااج؟؟!!
اونه سهيل ما يحبج و لا عمره فكـر فيــج..شو هالرمسه..من وين ظويتيها ويا راااســج..أقول ..ييبي رمسه غيرها..
فطامي:انزين انا ما جذب..؟؟!!
روضه:خخخخخخخخخخخخخخخخخ..هعهعهعهعهعهع..دوري دوري غيييرها..
فطامي:جان تعيبج الرمسـه..انتي اصلن ما تنعطين ويه..شو اللحينه هب مصدقتني..؟؟!!!
روضه:هههههههه..غبيه انا أصدقـــج..تدرين فطامي..
فطامي:شو؟؟
روضه"دمعه لمعت في عينها":لو تلفين هالعالم بكبره..ما بتلقين حد يحس فيني شرات سهيل..فطامي..فطامي....انتي ما تعرفين شو يعني سهيل..أنا قطعه منه..وهو قطعه منــي..ومستحيل تلقيـن شرات سهيل..فطامي..انا لو ...فطامي ..أنا..انا..فطامي شو اقولـج..مااقدر اوضح والله احس اني ما اقدر اوفي حق سهيل..فطامي..فطامي هاااذاااا سهيل تعرفين شو يعني..سهيل اللي عمره ما فكر فيني بهالطريقه اللي كنـتي تقولين عنها من شوي..فطامي..هاذا سهيل..اللي..اللي..اللي مستحيل يتركني..مستحيل يجذب علي..اسسهييييل يا فطامي اسهييييييييل..يترك هالعالم كله عشـاني انا..فطامي..شو اقول..والله ماقدر أوضح ولا اقدر افهمج كيف أنا أحب...سهيل..أأأأه ..ثقتي فيه اكثر من ثقتي بنفسي..ويوم انج ما دانين شوفته..لا اتميين تعقين الرمسه عليه..واتحاولين اتشوهين صورته في عيونـي..ترى مالي غيره..ولاله غيري..
ظهرت روضه من حيرتها مخليـة فطامي..في صدمتها..

●
●
●
●

شووهذا؟؟

●
●
●
●

شو هالحب اللي سكـن قلب هالبنيـه..

●
●
●
●

معقووله اتحب سهيل هالحب الجنوووووووووووووووووونـي..

●
●
●
●

فطامي ماكانت متوقعه ان في ناااس يحبون بهالطريقـه..وبهالإخلاص..وبهالوفـا..اللي تعرفه ان رواضي اتحب سهيل وتموت فيه..بس ما كانت متوقعه انها اتحبه بهالجنون..لدرجه ان ثقتها بسهيل اكثر من ثقتها بنفسهـا..ولا تصدق أي كلمة تنقال عنه...؟؟؟!!!!
حطت راسها ع المخده..ويداتها ردتهن تحت المخده..وهي متأففه من هالحـاله..لمست شي..جان تنش وترفع المخده..وتشوف دفتر..شكله كيووووت..فجته..ولقت مكتوب بخط واايد كبير وحلو.."سهيـــل"..
تمت تتصفـح الدفتر..وعرفت انه مال روضه..وما قد مرة خبرتها عن هالدفتر..المووهيم..تمت تتصفـح..وتقرى شو المكتووب..

••.•°¯`•.••

:::القلب ذااااايب يوم شفته:::

السالفه استوت يوم الخميس..
يوم كنا في سويحـااان..
قبل ملجة خلودي بأسبووع..
بس أنا يالسه أكتب يوم السبت..

كنا نبغي نسير السوق..اونه عسب نتقضى مال ملجة خلودي..وبعد ما أقنعنا امايه العوده..يانا سيف بطره"بشوره"..ما يبانا انروح الا اذا طبخنا الغدى...المووهيم..طبخنـا الغدى...وبيضنا الويـه..وودانا السوق..
وفالسوق..ضيعتهم..مادري وين سارووا..وأشوي الا أشوف سهيل وااقف عدالي..فدييت قلبه..فدييت روحه..ياااالله علني ما خلا منه..
سهيل:ليش ارووحــج؟؟
أنا:ضيعتـــــهم..
سهيل:ربج كنت ياي لواحد من الربــع..لمحتج وعرفتـــج..
أنا:زين انك ييت..صارلي اكثر من ساعه ادورلهم..اللحينه قريب يأذن المغرب وريوولي عروتني من زود الحواطه..
سهيل :ييبي تيلفونج..
عطيته التيلفون..
سهيل:اتشوفينهم هااييلاك الشله..وهاه رقمي اليديد لو محتاايه شي دقيلي...
رديت عليه:تسلم..
سهيل:الله يسلمـــج..تامرين بشي فديتج؟؟
رديت عليه:سلامتك الشيخ..
سهيل:يلا بااي..لا تنسين احبـــــــج مووت..
لفيت ويهي ابسرعه عنه..كالعاده..لأني ما اريد شوفه وهو ساااير عني..اخاف ايسير ولا يردلي..
سهيل:الرووض..
صديت صوبـــه..ويــأ عندي..و قلبي مييت من الخوووف..كأنها ساعة الموت حاانت بالنسبه لي..
سهيل:مشتااااااااق..
أنا"باستهبال":لشووو؟؟
سهيل:لكلمــــة..
رديت عليه"باستعباط":شوو من كلمــــة..
سهيل:كلمة احبك يا سهيل..متى بتقولينهــــا..
قلت له:بدري عليها..
سهيل:اتحبيني؟؟
رديت عليه بثقه:هيه ..
سهيل:حبيبي لا تعذب من اذا طال الجفا يهواك..تولع في هوى حبك وحبك صدق يحلالي..وانا ما همني الا اشوفك والتقي وياك..وابدد وحشة غيابك بوصلك يا بعد حالي..
صخيت عنه..وأنا فدااخلــــــــي أتفداااااه..
سهيل:توعديني؟؟
قلت له:بشووو؟؟
سهيل:ما تتركيني...؟؟
أنا:انت اللي لازم توعدني انك ما تتركني..
سهيل:شفتيني غبي عسب اتركـــج..انا اترك هليه وهالعاالم كلـــه ولا اتركــــج..
قلت له:ما ظني..انت بتنساااني..؟؟>>>>>>>اسوي اختبار محبه..
سهيل:رواضي..مستحيــــــل انســــاج..
هالكلمتيين دووم يقولها عسب يسكتني..لأنها هالكلمــه الوحييده اللي تهدي نااري..
أنا:متأكـــــد..؟؟
سهيل:ما مليتي من الدرااســــــة..
أنا:لأ..شااطـــرة..
سهيل:شرااايــــج نملــــج؟؟
قلت له بتسرع:بعدني صغيرة..ما فيني التزم من اللحينه..
سهيل:رواااضـــي..
قـال اسمي..ولأول مرة اسمي يكون حلوووووووو..ياويل حالي خلااااص بمووت والسبه سهيل..
أنا:سهيل لا تحااول..لا ملجه ولا عرس ولا هم يحزنون..
سهيل:احيانن اشك انج موول ما تحبيني..؟؟
انا:انـــــا ما احبك؟؟انا؟؟
سهيل:اثبتيلي..؟؟
قلت له:من يحبك كثر ما احبك انا.. من يحبك حاول ويا ما إجتهد..
سهيل:روااضــي..
رديت عليه بسرعه:سهيل نتفااهم بعدييين فطااامي يايه..
قرب مني واااايد..همس قريب اذوني..مع اني ما أحب اتقرب منه واايد..لأني حتى ما امد يدي له..بس..بس..ذيج الساعه مادري..شو اللي خلاني اتم متصنمه في مكاني..
سهيل:احبج موووووت..واتمنى وصاااااااالج..
طالعته..ابتسم لي ..وساار..بس لفيت ويهي عنه ابسسرعه..باختصاار ما اريد اشوفه وهو ساايـــر..لأنه فكرة ابتعااده عني تينني..
وبعدين بتني فطامي فديتها..وقالتلي ان سيف اونه ويا راسه تم يدور علي..جيه شاااااااافوني ياهل..وخرب وناستي السبال فالسيارة تم يهزبني..وعع عليه..أخر شي خليته وظهرت من سيارته..
وشافني حبيبي سهيل وردني لسويحــان..والله يا سهيل أحبك لو تحب غيري وتنساني وتبقى بعيد..

••.•°¯`•.••

فجـت اعيوناتها فطامي ع وسعهـــن..روضه شو مسويه في حياتها..عقت عمرها في مصيبه ..؟؟!!..شو الحـل..دامها حاطه في بالها ان سهيل مستحيل يلعب عليها..

●
●
●
●
."أأأه يا رواااضي..فديييت قلبج والله..ما تستااهلين كل هاذا...اللحينه شو أسوي..؟؟شو اقووول؟؟..قسم بالله ودي اسحب سهيل من اذونه وأخليه يعترف جدام روضه..ما أريدها تنصدم من سهيل..أباها تكوون عااادي..عسب ما أحس بالذنب..يالله ..أنا شو سويت؟؟ليش خبرتهـا..؟؟
والله خبرتها أو ما خبرتها ما أثر عليهـا..يالسه تضحك هي وراسهــا..أوووف مفروض يحمد ربه هالحيوان اللي اسمه سهيل..ان وحده مثل روضه .. اتحبه وتغليـه...؟؟!!
والله نــاس ما يحسون بقيمة الشي الا اذا يوم يفقدوونــه..
وسهيل ما بيحس بروضه..الا يوم يفقدهـا..كيف يفقدها..؟؟وهي متعلقه فيه..وهو معيشنها ومذوبنها في دباديب الغرااام..كيييييييييف؟؟؟لازم أقول للسيف.."

●
●
●
●

سارت تربع صوب خلودي..وفي قـاموس فطامي..ما عندها شي اسمه اسئذان..بس تسرق..سرقت تيلفون خلودي..أول ما حدرت حيرة روضه..دق التيلفون وكـان سلطان..
فطامي:أوووف هاذا شو يبى..
وردت عليه..
سلطان:مرحبااااااااااااااا مليووووووووووووون ولا يسدن في ذمتيه...
فطامي:هاه يالمغثه شو تبى؟؟
سلطان:منووو؟؟فطامي السراقه..يلا يلا ردي تيلفون خلودي..انتي ما تعرفين ان خلودي ما تحب حد ياخذ تيلفونها..
فطامي:لم ثمـك عن ارقع التلفون في ويهك..
سلطان:جب يالسبااااااله..بخبر سيف عليج..
فطامي"اتسوي عمرها يااااااااهل":واااااااااااااااااااااااااااااء وااااء..لا بلييز أخر مرة..
سلطان:اونج هاه..المهم خلي خلودي تسويلي كووول..
فطامي:انزين انزين..
سلطان:باي..
فطامي:باي..
بندت فطامي عن سلطان..ودقت لسيف..تمت تتريا ايرد عليها..بس هو مارد..خخخ..لقطي ويهج ..لوووول..
طرشت له مسج..
"ليش ما ترد"
وصللها مسج من عند سيف..
"كييفي.."
عصبت فطامي..دووومه سيف يوم ما يبا ايرد ع الواحد ايخليه يتنقع هو وتيلفونه..
"اوكيه..بنتفاهم بعدين..بقولك سالفه"..
تمت تتريا يوصلها مسج من عند سيف..وبعد ما ذلها طرشلها مسج..
"مااارييييد..هب متفيج.."
دقتله ودقتله ودقتله ودقتله و........."لين متى يعني"..لوووول..المهم انها تمت اتدقله وهو مسويلها أكبر طااف..وأخر شي أغلق تيلفونه..عصبت عليه..حست بالإهانه.ووعدت نفسها انها تسير قسمه يوم يردون بيتهم وتخربه.."هع هع هع"؟؟

●
●
●
●

انا ماهزني غيرك حبيبي بالـــــــــبشر انسان
ولاحبيت ابد قبلك ولا افكر احــــــــــــب ثاني
دخيل الليل والقمر او النجم في سمــــانا ظال
ودخيل الحـــــب وعيونك ودمعا غرق اوجاني
ابي حبك يزلـــــــــــــزلني يفجر داخلي بركان
ابيه يطهر جروحــــــــــي يمحي باقي احزاني
ابيك تكثر الرهبه وقلـــــــــــــبي ممتلي ايمان
وابيك تشد من عزمي اذا همــــــــــــي تلقاني
ابي حبك ينسيني همومي وعالم الاحــــــــزان
وابي قلبك يصبرني اذا جيتك انا اعانــــــــــي
ابيك تشيل من قلبي معالم لوعة الحرمـــــــان
ابيك توقف بصــــــــــــــفي اذا ظرفي تحداني
ابي حبك يجنني وينــــــــقش في سماي الوان
ابي قلبك يحسسني بصـــــــــدق الحب لاجاني
ابيك الصاحب الوافي يحطـــــــني دايم بهيمان
ابيك العاشق المخلص يشافـــي دوم عطشاني
ابي عطشك ابي قربك ابــــــي حب كما البنيان
ابي قلبآ كبيرآ لاملاه الشــــــــــــــــوق ناداني
ابيك الشاعر الصادق ابيك المــــــغرم الهيمان
تبيع الـــــــــــــــــــــروح من شانــــــــــــــــي
ابي امكن بقلــــــــــــبك لوحدي مامعي انسان
ابملك كل تفكــــــــــــــيرك وتملك كل وجداني
وابي قلبك يواعدنــــــي لو خان البشر ماخان
وابي اطلب طلب واحد رجيتك وهو المهم الان
وانا ادري مستحيل تــــرفض لانك جد تهواني
ابيك تـــعيش في قلبي اذا تسمح مدى الازمان
ابيك تشـــــــــوف ماتملك في قلبي وماتعداني

دبـــي داار الحــي..
بعد صـلاة المغرب..
الفنـــدق..

كـانت شموس يالسه تتعدل لأنهم بعد شوي ظاهرين من الفندق صوب المطار..يعني تقريبن بعد نص ساعة لا أكثر..وكانت في هاللحظه تلبس عبايتهـا..اممم..متعدله تعديل بسيط..بس شكلها غير..يمكن ان الراحه انعكست بعد ع ويههـا..صحيح انها من بعد ما نتقلت وعاشت عند عمومتها فالإمارات..حست بالأمـان أكثر من يوم ما كانت عند أمهـا..بس مع حمد..اتحس بأمـان..براحـه..بسعاده..وجود حمد جدام اعيونها..هي السعاده بحد ذاتها عند شموس..والله وظهرت عليج حركـات شموس..كنت أحسبج مالج ومال هالسوووواااالف..ظهرتي هب هينه..برايها البنيه اللحينه عرست..بنخليها تعشق ع كيفها..لوووول..اللحينه ما بنقول بنيه..غدت حرمــه ومنو قدها..خخخخخ...؟؟
حمد"قاعد فالصاله ويصارخ":شموووووووووووس عيوووووووني خلصتي؟؟
حشـى..حشــى..حشــى..شو هاذا؟؟؟جيه ايصارخ..؟؟؟قسم بالله انه هالريااال غبييييي..دفففشششش..
شموس"تضحك عليه":هيه هيه اللحينه خلصت..
حمد"مسوي عمره معصب":تضحكييييين هاه؟؟ماعليه ما عليه..الأيام بيننا..
شموس"ظاهره من حيرتها":نزلوا الأغرااض كلهـا..؟
حمد"يمد يده صوبها":هيه فديتج يلا..
دومه يحرجها بهالكلمــات..بس هو يستاانس يوم يشوفها تتلوم..خخخخ..
يود يدهـا..ومن ظهروا..كان حمد يتمصخر ع الرايح والراد..وهي بس عليها تضحك على حركـاته..ركبوا السيارة..
"حشى انا وياكم أبرااج مرااقبه عليهم"..
حمد:أقول العنيده جلبي ويهج انتي واللي يقرووون..
العنيده212:حشششى كيف شفتني..
حمد:مندسه ورى هاه..؟؟!!
شموس:هيه وفي بعد حد وياها..
العنيده212:ربيعتي مااالكم خص..
جـان تظهرلهم ربيعتي جدام وويووهم..
شموس:اوووه ذبحنـي الشوووووق..مرحباااااااااا مليوووون ولا يســدن..
انا كنت مستانسه..يوم عرفت ان شموس تعرف "ذبحني الشوق "..من قبل..ذبحني الشوق اونها كانت مستحيه..خخخخخخ..حتى حمد تم يضحك عليها..هيه صح ما خبرتكم..حمد يكون اخو ذبحني الشووق..لوووووووووووول..
مادري مادري..بس المووهيم انه يقربلها.."أكبر جذااابه اتحدى روضه بعد"..
الموهيم تم حمد يطردنا ويسبنا..يبانا نظهر من السيارة..وأنا وذبحني الشوق هب طاايعااات..بعدين راحت ذبحني الشوق تشد شعري..وتعطيني كف..شفتوا؟؟هي اللي بدت..ولا انا ما احب أأذي حد..بس هالبنيه شرانيه..لوول..
رحت انا صحت..بس عصبت عليها..جيه صحت..."واااااااااااااااااااااهئئئئئئئئئئ اهئ اهئ اهئوواوووواااااااااااااااااااااااااااااااااااااااا اااااااااااااااااااااااهاءءءءء"
يعني عصبيه على صياح..ورحت صفعتها كف..جان هي بعد اتصيح..وويها استوى أحمر..انا استتاااانست..هع هع هع ...يعني انا قويـه..نياهاهاهاهاهاها..
تم حمد يصارخ علينـا..ويقولنا انتن يهال ومادري شووو..سويناله طاااااف..وتمينا نسولف..تم يصارخ علينا مرة ثــــــانيه..بس هالمرة ذبحني الشوق كانت تضحك..انا كنت ساكته لأني متوقعه في أي لحظه حمد يطردنـا..
الموهيم اشترولنا اسكريمـات..بابا حمد وماما شموس..واحن مستانسات..الصراحه كانت رشوه..لوووول..تركناهم في حالهم ورحنا نتحوط انا وذبحني الشوق في مول الإمارات..في الحلقات القادمـه بخبركم شو استوى..لوووول..

●
●
●
●

ركبوا حمد وشمسه السيارة..
حمد"مبتسم":خاطرج في شي؟؟
شموس:لا سلامتــك..
حمد"يحرك السيارة":تصدقين شموس..
صدت صوبه باهتمام..
حمد:انيه من شفتـج حبيتــج..
شموس:لاا مارووم انا ع الرمسـه..
حمد:اتشكين؟؟!!
شموس:من متى انا اشك فيك..أنا أدري انيه غاليه عليك..
حمد"يضحك":هههههههههههه..وشو درااااج؟؟اممم..يعني...؟؟كيف حسيتي..؟؟
شموس:من عيونــك..
حمد"يلعب بالسيارة يمين ويسار":ياااااااااااااوووووووويـــل حالي بنتحر..ماروم أعيييييييش دقيقة وحــده..
شموس:حمود علني فداااك شو بلاك..ايه بتجتلنا انته..؟؟
حمد"يصااارخ":ياناااااااااااااااااس اتقولي علنيييي فدااااااااااااااااااااك...
شموس"تضحك":ههههههههه..انزين انزين لا اتم اتطالع فيني..طااالع جدااام..
حمد"يهدي من الوضع":خلاص انزين..شموووووس..انا شو اعنييلج..؟؟
شموس:..................................
حمد:امممممممم..انزين..شموس..
شموس:هاه..
حمد:اممممممممم..قوليلي أي شي..ابغيج اتظهرين اللي في خاطرج..
صخت شموس..وهي تفكر في شو تقول..وحمد وقف السيارة..خخخخ..
شموس:ليش وقفت..؟؟
حمد:اترياااج ترمسين..
شموس:أعـــــــــــزك..>>هاللي قدرت عليه..
صخ حمد..وطالع جدام..بعيدن سند راسه على ورى..وغمض اعيونه.
شموس:حووه بلاااااك؟؟
حمد: هو قال " أعزك " بعدها بالفـرح طـرت
وشلـون لـو صـرح بكلمـه "احـبـك"
صخت شموس..وهي مستانسه بالساعات والدقايق اللي تقضيها ويا حمـد..لأنه وجود حمد حسسها بمعنـى ثـاني للحيـاة..حسسها انها غاليه ومحد مستعد يرخص بهـا..حسسها انها في عالم ثـاني..عالم ما يسمونــه..الا "الحب"..

●
●
●
●

ما قدرت اصبر ثواني..في غيابــك عن مكــاني...
أنا عنك ما اتصبر..انته يابــــــــــــسمة زمــاني..

بيت بومحمد..
بعد صلاة المغرب..

بعيد عن أجواء الرومـانسيه..إلى أجواء خليجي 18..وأخر مباراة بين الإمارات العربية المتحدة..والمملكة العربيه السعوديه..صد ذيـاب صوب روضه بطرف عيونه..
ذياب:انا شو قلتلج؟
روضه:شوقلتلي؟؟
ذياب:اتذكري..
روضه:كيف يتذكرون..؟؟
غبوش:ههههههههههههههههههههه..غبييييييييييه..
روضه"تفر غبوش بالريموت":والله أخبر أمايه عليــج..
أماااااااااااااااااااااايه...أماااااااااااااااايه. .
ذياب"يصارخ وتصخ روضه":أنا شووووووو قتلتج..؟؟
روضه:انزين ذكني...
ذياب:ما قتلتج اتييبن لي عصير..
روضه"تضرب راسها ع الخفيف":اوووه اوووه ماي انكل..نسيت نسيت..
ذياب:انزين فزي ييبي لي عصير عن اترفس بطنـج..
روضه:شووووووووو؟؟والله أخبر أخوك الكبير.."تقصد أبوها"..
ذياب:هع هع هع ..والله أخبر عليه أمااايه..
نشت روضه تربع صوب أبوها اللي كان قاعد ويا أمه وحرمته في الصاله الثـانيه..
روضه:أبوووووووووووووويه..
بومحمد:علمــج يوم العلم يــاج؟؟
روضه:شوف أخووك يسبني وينااازعني..
بومحمد:منو ذياب..؟؟
روضه"اونها تمسح دموعها":منو غيره..وااهئهئهئهئهئهئهئ..
أم راشد:يييييييها يالبزا..طووول وعرض وتصيحين..اسميج مبزاايه من صج..
بومحمد:ذيااااااااااااااااااااااب..
ذياب"يرمسهم وهو مجابل التلفزيون":لبيه..
بومحمد:شوو مسوي برووضه..؟؟
روضه:ضربني..>>محد سألج..
ذياب:بنتك مسوتلها راااس..رووووووووضه..
روضه:هاااه..
ذياب:بدا الشوط الثــــااااني..
فزت روضه من مكانها وسارت صوبهـم اتكمل شوفـة المباااراااه..ويوم سجل اسماعيل المطر القووول..انشلت البقعه بصريخ وصقيع ذياب وروضه..ذياب واحليله مارام يسير للمباراة من زود الزحمــه..
كـان ميود علم الإمارات..ويربع فالصاله..وروضه وراه تصفق..وعبودي وعنودي يصفقون ومستانسين يوم يشوفون روضه وذياب بايعين العقل بشرف..لووول..
مامرت ربـع سااعه..الا والمسجـات والمنتديات والإمارااات اف ام..وأكيد كل قنـاة تهني دولة الإمارات بفوزها بكأس خليجي 18..كـان يوم عالمـي في تاريخ كل إماراااتي ..
سعيد وحميد وسهيل وسيف وناصر وحمدان..كلهم ساروا لستاد محمد بن زايد من وقت..عسب يحصلون مكان ييلسون فيه..ياغير ذياب اللي تم رااقد..وشاف المباراة ع التلفزيون..بس ماشافها اوكي..بسبة استهبال روضه وحركاتها الطفوليــة..
سار ذياب لقسمه..اللي كان في الحوي..بس بعيد اشوي عن قسم حمدان..وبدل ملابسه..وسار ركب سيارته من بعد ما رمس الشباب وتخبرهم هم وين..وخبروه انهم عايشين أجوااء الفرحه بالمسيرة اللي في بوظبي..
ويووووم ركب سيارته..شاف وحده يالسه ورى..الريال بغا يموت..تم صاد صوبهـا..وبعدين شاف عنودي وعبودي يالسين عدالها ويضحكون..
ذيااب:رووووووووووووووووضه..
روضه:لبيه لبيه..لبيه لبيه يا أغلى محبيني...ياعمي ذياب الغالي فديت روحك..
وتنش عنودي اتهز..وعبودي ييبس..رووح مافيهم حيله عيال محمد..ذياب عصب..وشل العصا اللي حاطنه جدام وفج الباب الوراني..وسحب روضه وتم يضربها بالعصا ع يدها..عنودي وعبودي شردوا..ركب ذياب سيارته وسار بوظبي وروضه راحت تدور على عنودي وعبودي وتضربهم لأنهم نقعوها خيــــااااانه..

●
●
●
●
●
●
●
●

(الفصل الثاني)

••.•°¯`•.•• لحظـة بعادك ••.•°¯`•.••

عزت علي النفـس لأقـول مشتـاق .. خوفي تـذوب الـروح مـع كـل غيبـه
أنا أشهد إن لك داخل الصدر خفاق ..و إن لــك بقلـبـي إحـتـرام و هيـبـه
ذوقك جذبني لك مع حلو الأخـلاق ..و عجـزت ألقـى فيـك شيـن أعيبـه

بيــت بو خليفـه..
السـاعه 8 ونــص..
حيرة موزاانــي..

وقت ضراابه بين روضه وموزااانــي..
موزاني:أقووول ييبي التيلفون برمسهــم..
روضه: يوم يكون تيلفونـج رمسيهـم..
موزاني:انزين حمد أخووووووووي..
روضه:وأخوووي بعد..
موزاني:انزين شموس بنت عمي..
روضه:انزين حتى انا شمووس بنت عمي..
موزاني:والله اطب عليج فليل وانتي راقده وارقد كلب وياج..
روضه:هاهاهاهاها خوفتييييني..
صوت حمد من الصوب الثـاني:شو بترمسـن ولا ببنـد..
روضه:حشششى يالبخيــل..شو ماليزيا حلوة؟
حمد:أكيييد حلوة دام شموس ويــااايه..
روضه:لالالا ما رووووم..ششو هالرمسـه حمود قمت تاخذ راحتــك..
حمد:كييفي حرمتيــه..وشو أخبارج وش علومــج..
روضه:يييها لا تتخبــر..من بدت المداارس وانا حـالتيه هب حــالة..ضيييجـه من الخـاطر..
حمد:خخخخ..أحن مستانسين وانتوا كل يوم تسرحون المدرســه..
روضه:جب جب..
حمد:اتسكتيني هاه..لو انج جدامي بتشوفين عمرج ميته..
روضه:هاهاها..والله خفت وشوف دموعي في طرف عيوني..خذ موزاني بترمســك..
فرت التيلفون ع الموزاني بقوووة..وطالعتها بطرف عينهـا..
موزاني:يالسبااااااااااااااااله..
شردت روضه لأن موزاني نشت من مكـانها أونها بتربـع ورى روضـه وبتضربهـا..لوول..نزلت روضه تحـت..وشافت الحرمـات يالسـات فالحوي..وتمت يالسه عندهن تتقهوى وتسولف على أمها العوده..
روضه:ولا هاك اليوم نزلنــا من المدرسـه..أشوف عيوز متبرقعـه وحاطه نظارتها الشمسيـة..ولابسه بدلة وبنطلون لونها أحمر..وتفحط بسيارتهـا..واشوي الا تظهر من السيارة وتطييييييييير في الهوى واحن تمينـا نصفقلهـا..وهي مستااانسـه..
أم محمد:حووه ياروضه استهدي بالله وبلا جذب..ما احب الجذابين..
روضه"ترفع برقع امها وتبوسها":والله والله أسولف ..اممممووواح فديييييت رووحـج والله.."وتصد صوب يدوتها"..هاه يدوه صدقتي؟؟
أم راشد:ومنو بيصدقج يالجذابه انتي..نشي نشي ..ما ريد اشوف رقعـة ويهـج..
روضه:أفـا انزين بدورلـج جذبه اتصدقينهــا..
أم راشد:يلا جذبي عسب أأدبـج..
صخت روضه وهي تفكر بصااروخ كشووخي وتصدقـه امها العوده..بس ما لقـت..لأنها صواريخها كل يوم تستعمل واحد لين خلصوا..اللي عنده صواريخ قويه..يخبرني عسب أقولها لرووضـه..لووول..يعني سلفوها مفلسه البنيه واحليها..
من شــافت سعيد ياي صوبهـم..وميود تيلفونه ويرمس..عزرت"أصرت"ألا تورطه في موقف ويا يدوتـه..
روضه"تبتسم بخبث":دريتي يماايـه باللي وقـع البارحـه..؟؟
أم راشد:خبري يا بنت راشد..
روضه:أمسـاات..أنا وسلامــي ظاهراات من البيت..شفنا سعيد يالس يرمس تيلفون..ويالس يقول يه فديتج والله أحبج ..فديت قلبج انا علني ما خلا منـج..يعيبج يايه حد من عيال عيالج جيه ايسوي..يرمس البنـات وما يخلي بنت في حـالها..
أم راشد:يييها والله يا ان شفته أمردغه بالعيره ..خله يتأدب مسود الويـه..
وقف سعيد عندهن وسلم..بس لقـى هجوم قوي من صوب أمه العيووز.
سعيد:حووه بلاها العيوز مصنفره علينــا..؟؟؟
أم راشد:عيوز؟؟!!عيزن ركبك مسود الويـه مضيع المذهب..جيه اتسوي يالسبال ياللي ما تحشم..
سعيد:شووو الساااالفه..؟؟
روضه:ههههههههههههههههههههههههههههااااااااااااااااا اااي..
عليا:اقعـد أقعد وعين خير..هاي الروض ملزمـه الا تورطـك..
سعيد:وانا أقول أمايه العوده ما تطيح فيني مني والدرب..
دق تيلفونه في هاللحظــه..وصدت روضه على طول صوب يدوتها.
روضه:أماااااايه ربيعته ربيعته اللي تم أمس يرمسهــا..صدقوووني ربيعتــه.
عليا وأم محمد:هههههههههههههه..
أم سهيل:ييها طحت من عيني يا سعيد ظهرت راعي بنـات..
سعيد"يصد صوب أمه":والله أماايه هاذا ربيعي والله ماجذب عليـج..
روضه:مغير إسمها..مثلن حمد ...يخلييها حمده..صالحه يخليها صاالح..خخخخخخههههههههههههههههههههههههههههههه..
خريانه يخليها خربااان...هههه هههههههههههههههه..
عليا:ههههه..عنلاتتتتج يالسباااله ما تيوزيــن..
روضه:هههعععهههعععهههععع..اماايه ضربيه بعيـرتتج..
أم راشد:بضربه مسود الويــه اللي ما يخيل ولا يحشم..
سعيد:الشرده نص المريله..
ونش سعيد من مكـانه..بس تم واقف..
روضه:ليش اتطاالعني..؟؟
سعيد"يوطي وياخذ قلاص الماي":بسود عليج حياتج..يالجذاابه العووده..
نشت روضه تربـع بتدخل الصـاله..وهي ميوده شييلتها بقوو عن اتطيــح ..
روضه:وهيهيهيييهيهيهيهي..ماا بترووم..انا روضه انا..من أدي أنا...
تموا فالصاله يترابعون..هي شارده منه..وهو الا يسبحها بقلاص مااي باارد..وفالأخير نزلت موزاني ووياها شجون من فوق..وتمت روضه متخبيه ورى موزاني..لأنها هي وسلامي يعرفون تأثير موزاني على سعيد..
روضه:في ويهــج يا مووزاااني..
موزاني"أكبر نذله":عندك اياها يابوعسكور..سبحهـا خلها تبات وهي مزجمـه..
ووسعت عن روضه..جـان يرشها سعيد بالمااااااااااااااااي..خخخخخ..دوااااج..وروضه تشرد منه..لأنه بقا في القلاص مااي..بس راامت تشرد..لأنها سريعه..أرنب..خخخ..
موزاني"اتصفق لسعيد":أجديييت فيها من شوي..ماخليتني أرمس حمد الا بعد مووت..
سعيد:يالسه تجذب على أمايه اتقولها سعيد يرمس بنـات..ما تخيل هالبنيـه..
شجون:والله أخبرهـا..
سعيد"يرش شجون بالمـاي الباقي":تشابهين اختج عنلاااتــج..
شجون"تربع برع صوب يدوتها":والله أخبر يدوووتي والله..
ضحكوا موزاني وسعيد وخلاف ظهروا خاري ..

×عند رواضي×

كـانت تربع صوب بيتهـم..لأنها بتغير ثيابها..وبالمرة بتشل عنودي اللي يالسه عند البشاكير..وما طاعت اتسير ويا أمهـا..اونها تبغي تاكل كرون فلكـس..من حدرت البيت..شـافت منظر وانصدمـت منــه..شـــافت منظر وكـانت اعيونهــا اشوي وبتظهر من مكــانها..
شـافت الناار تاكل قسـم البشاكير وطرف المطبـخ..أكل محترم..كانت النار اتشب بقووو..ومنظرها من صج يزيــغ..قربـت وقربـت وقربـت..ولون النار..يلمـع في عيونهـا..مندمج مع دمعه تبغي اتطيــح..
عنووودي..؟؟!!!!عنوودي عند البشــاااااكير وأكيد في قسمهـــــم...
أكيــــد...

× هاللحظه×

وقفت رنـج سيف جدام بيت بومحمـد وهو ميود تيلفونـه..
سيف:ان شالله أمايه بقول ليدتيه..هاه..انزين انزين لا توصين..هيه جدام بيت خالي راشد اللحينه..أكيد حمدان داخل..اوكي مع السلامه..
بنـد عن أمـه..وظهر من سيارته وويه صوب بيت خاله راشد بيحدره بيشوف منو من العرب موجدين دااخـل..
بس انصـدم يوم شاف روضه واقفه جدام النااار..
نــار×روضه
ما حس بعمره الا واقف عدال روضه..اللي كـانت تصيـــح بكل قهـر..وطـاحت عينه في عيونها وهي ترمسه وتشكيله حالهـا.تقوله عنود] دااخل..تقوله عنودي دااخل..سيف تسمع؟؟..اقولك عنوودي دااخل منو بيبهــا...سيييف..سيااافي عنودي دااخل والنار ما وقفت...بس للأسف سيف ضاع في متاهات رمشها..ولا سمـع ولا كلمـة..وذااب في الدمعـه اللي تسيل بكل انسياب على خدهـا..وده الا يمسـحها بكل حنيـه..لأن منظر الدمعه على خد روضه هــلااااك بالنسبـه له..

ليتني ماشفت في عينيك دمـــوع
منظر الدمعه علـى خدك هـلاك
يامضوي في دجى عمري شموع
الحزن ماخلف لعيون المـــــلاك

روضه:والله أدخل اييبهـا..بموووت من دون عنودي..ماااقدر..مااقدر..
تجدمت خطوه جدام..بتدخل وسط هالنيران بتييب بنت أخوهـا..بس سيف يودها من يدها بقووو..
سيف:شو يالسه اتقولين انتي ..؟؟؟!!
روضه"تصييييييح من الخاطر":شووو يالسه اقول؟؟انا ابغي اشوف عنودي اللحينه مااالي مااللي خص..والله حررااام عليك..انته دووم أصلن قلبك قاسي وما يهمك حد..بس عليك اتصاارخ وتاكل الناس بنظررررررااااااتتتتك..
انته ما تحب حد..انته قلبك قاااسي..قااااااااااااااسي...
وقف الزمـن بالنسبه لسيف..لأنه سمع كلام"قاسي"..عن قلبه القاسي..صخ وما رام يظهر كلمـه..لأنه روضه جرحتـه بكلمـاته الأخيره..بالنسبه لروضه كان عادي عندهـا..لأن مشاعر سيف ذيج الساعه ما همتهـا..
روضه:خوز يدك بحدر بييب البنيـه..
سيف:والله ماحدرتي وانا ريال واقف جدااامـج..ما تسن عند الجبااايل هالسوااه..
قطع صوت سيف صراخ عنودي وهي ظاهره من باب الصـاله وميودة الخاشوقه لابسه تنورة قصيرة لونها وردي تظهر عصاقيلها البيضا وهي تربـع..
والبشكـارة وراها ميودة صحـن الكرون فلكس..
عنودي"تشكي لعموتها":رووضه شوفي هالبشكارة السباله اقولها..ابا..ابا.. ابا كافي من دكانج"ثلاجة روضه"..وهي يالسه اتقولي لا..لا..لا..بناكل..بناكل كرون فلكس..
نزلت روضه على مستوى عنودي..وتمت عنودي تتأمل ملامح روضه وهي تصيح..و روضه اتطالعها بعدين حظنتهــا..وعنودي متضاايجه من روضه..
سيف يود تيلفونه ودق للمطافي وبلغهم..وخلاف دق لحمدان ومحمد..وهل الرمـاح تقريبن الكل يأ ايشوف شو السـالفه..ويتحمدون لهل راشد بن سهيل"أبو روضه"بالسـلامه..
من بين هالزحــام..ورياييل الأطفـاء اللي ما قصروا..وقفت روضه ع الدريشه العووده اللي في صـالتهم..وكانت فاجتهـا..وعنودي واقفه وياها..
سلامي:شو تطااالعين روضه..؟؟
روضه"تنتبه لعمرهـا":...هاه..ما قلت شي..قصدي ..بس أطالع شو يسوون..
وطـاحت نظرتها الأخيره على سيف..اللي صد عنهـا..وهو متضاايـج..وتوها روضه استوعبت امر..وتذكرت انها عقت عليه رمسه هب زينــه..وفكرت انها تعتذر له..بس كييف..وهاذا السيف ..اللي ...اللي..ما عرفت شوو تقول..فراحت ويلست وهي طفراااانــه..

العنيده212
مشاهدة ملف هويته
أرسل رسالة خاصة إلى العنيده212
إيجاد المزيد من مشاركات العنيده212
أضف العنيده212 إلى قائمة الصداقة
(الفصل الثـالث)

••.•°¯`•.•• عودة حــب ••.•°¯`•.••

الظحـــــــك ماهو علامة مستريح والــــــبكا أحيان ما يوحي بحزن ..
خذ مني مـــــــثل : أنا قلبي جريح وابتــــــــــسم لك بغرابيل وشجن ..
وإن بكيت يجوز أبكي من صحيح من جرح من ظلم أو صدمة زمن ..
أو يجوز أبكي عشــــــان استريح أو نتيجة شــــــوق أو خيبة أمل .. !!

شركـة سيف وسهـيل..
السـاعه 10 ونـص..

من اللحينه يحس بملل..ويحس عمره متضااايج ولا عنده شي يسويه..ع الأقٌل لو سهيل موجود .. كان خطفوا الوقت بالسوالف .. بس سهيل اللحينه راقد..أونه يرتــاح لأنه اليوم بعد صلاة المغرب..بيسافرون للبحريـن..
تم سـاكت ويلعب القلم اللي في يده..يتذكر أخر حوار بينه وبين سهيـل..وتذكر كل كلمة قالها سهيل..عن روضه..فالوقت اللي يحاول سيف يبعد خويه عن درب اللعب بمشاعر الناس..

سهيل"هههههههههه..دخيلك سيف لا اتحاول فيني..هي اصلن غبيه وعاطتني مجـال..خلني أخذ راحتي..بس أنا اخر شي باخذها..وبوهق عمري ..وهاللي قاهرني.. آآه لو اتييني وتقول سهيل ماباك..في ذمتيه بقولها أخييييييييرن ما بغيتي..قسم بالله بس عشان خاطر بويه قلت باخذهـا..ولا روضه..اممممرة قلبي ما يباها ويعافها"

كل كلمة يتردد صداها ..وكل كلمة تزيد من النار في قلبه..فالفتره الأخيرة كل ما يشوف روضه..يحس بشي ثـاني.يحس انه بياكلها بعيونه..ما يعرف شو هي طبيعة مشاعره تجاه روضه..بس اللي يعرفه..انها شي مهـم في حيــــــااااته..؟؟!!
تقرون شو مكتووب..
شي مهـم في حيـــــاته..
من متــى؟؟
ما يعرف..
كيف؟؟
ما يعرف..
ليش؟؟
ما يعرف..
هو أصلاً سيف مستغرب كيف رامت روضه تحتل جزء كبير من تفكيره..من بعد أخر موقف جمعهــم..أيـام ما احترق مطبخ قوم روضه..كيييف رامت تاخذ تفكيره..وهي بس شي مهم في حيـاته..كيف وهو كـان يشوفها بنوته ياهل تحب تستهبل وتستعبط..وبنيه بدويـة شموخها عااالي ومحد يوصلها ومتكبرة وقوية عين..وهو كان يشوفها أنثى حنونه بطبيعة مشاعرها وحبها الصافي لسهيل..كيف رامت تحتل جزء من تفكيره..وهي سرااقه تحب تسرق السيايير وتعيش حياتها..كييييف..و شيخه اللي حبهـا من قلبـه ما احتلت هالجزء الكبير..
ما يعرف ليش كل ماسهيل يتم يتمصخر ويتطنز على مشاعر روضه ويستهزء فيهـا..يعصب سيف ووده الا يود ويدوس في بطنـه..ولا يعرف ليش يحس بالغيرة تاكل قلبـه أكل يوم يشوف سهيل في بيت عمه..
ومع ذلك..للحينه ما يريد يعترف أنه يحب ويغلي روضه..لأنها اتشابه شيخـه..ولأنه سيف بكبره خايف من تجربة حب يديده..ويعرف في قرارة نفسه..ان روضه مصيرها ترد لسهيل..
دق بيداته ع الطاوله بقوووة..وهو معصب من أخر فكرة..ونش من مكانه..لأنه يكره نفسه اللي تخليه يحب ويغلي من يديد..وتجبره يتبع درب المحبه..وهو هب ناقص جروووح..كافي اللي سوته شيخه..ومايريد روضه اتسوي شي..
خطف ع السكرتير محمد..هاذا وااحد ثـاني..سهيل أصر انهم يفنشون ناصر..لأنهم ما يبونه..ويوم ركب سيارته دق للسكرتير وقاله يأجل كل شي لباجر..ماله بارض
لأي شي..وصك خط سويحـان..ووصل البيت ورقــد..

●
●
●
●

سافر وخل احزان عمري تخاويك..
يمكن معك تلقى حلول لضياعي..
حاولت اشوه صورتك يوم اخليك..
لقيتك اصدق من بكــى في وداعي..

بالنسبه لروضه..اليوم سبيشل..وهب سبيشل..اليوم حلوو..وهب حلوو..اليوم عيد ميلادهـا..وبمـا انهم مشتركين هي وموزاني وسلامي وسهيله وميرو ونعمه وعواش في جمـاعة التاريخ..فبعد نص ساعه بيظهرونهم رحلـه لوحده من مدارس العين..يشوفون المعرض اللي فيهــا..ومع هالأحداث الكشوخيه..سفر سهيل بيخرب عليهـا..
كـانت كـاشخه..اونه عيد ميلادهـا..ولابسه شيله مخالفه عليها تطريز وردي..من أطرافها الثلاثـه..وسرقت شباصة لونها وردي كيوووت من عند عنودي..وللحينه عنودي ما تعرف..وحاطه كريم أونها عااد..وحاطه جحال..وظاهره اعيوناتها واايد حلوة..ولابسه ساعه ورديه..وحالتها كلها على بعضها وردي..واونه البنات اللي يحبونها .."سخافه"..يبون يمشون وياها..بس هي ما عطتهم ويـه..كركركركر..
اللحينه..عليهم رياضيات..ميوده القلم وتشخبط ع دفترها..والمس ما تنتبه لها لأنه روضه قـاعده أخر شي..وموزاني ماكله المس من كثر ما تسأل..هااذ كيف..وليش؟؟وليش ما نتبع الطريقة الثـانيه..لا بالعكس مس هاللي أسهل..متى انييبه..ايوا اللي في الصفحه ..ومادري..شووو..يعني امممممممرة مندمجه ويا المس..سلامي..صاااخه وما ترمس..شكلها متضايجه..أما سهيله..هاي في صوب والناس في صوب..يالسه تاكل شيتوس وتشرب عصير توت..شوفوا كيف الذوق حتى في الأكـل..لوووووووول..
ظهرت روضه ستكرات خضرا من الشنطه..وطرشت وحده لسلامي مكتوب فيها"بلاج متضاايجه"..سلامي صدت صوب روضه .. وخلاف يودت القلم وكتبت لها"والله رواضي احس عمري اشوي وبصيح..صارلي موقف مع خلوف..حلف أنه ما يرمسني اسبوعين......والله بصيح.."
من قرت روضه شو كاتبه سلامي..حطت يدها ع ثمهـا..تمنع الضحكه..بس مارامت من شافت اعيون سلامي..
روضه:هههههههههههههااااااااااااهااااااااااااااااااا اااااااااااااااااااا..
"عاد هاي ضحكتها غيييييييييير"
المس:هاه روضه شو بلااااااااج؟؟ليش مظهره ضرووسـج..
روضه:هههههه..لا لا لا مس مافي شي..
المس:انزين انتبهي لشرح محد بيفدج فالأخير..
روضه:هيه مس بتخبرج..ليش غايبه أمس ما شفنـاج..؟؟
المس:والله بس جيه..من نشيت من الرقـاد مالي بارض للدوااام..
"عاد هاي المس واايد اوكي وياااهم..والبنات يحبون حصتهم"..
روضه:هعهعهع..ياحظــج..انا قلت يمكن الباااص راح عليج..
البنات والمس:هههههههههههههههههههههههههه..
كملت المس شرح المسائل..وتمت روضه تشخبط ع دفترهـا..وبعد مرور نص سـاعه..لبسن عبيهن ..وسلامي حالتها لله..وخطفن ع نعوم وعواش ومريوم..وسارن الإداره..ياحظهم عليهـم رحلـة..لوووول..تدرون احن حرمونـا من الرحلـة..بس من شافونـا انضبطنا ورتبنـا صفنا الصلعه..قالوا بنوديهم رحلة..والحمدالله ودونـا..المووهيم..
وبعد خمس دقايق..ركبن الباص اللي بيوديهن للمدرسه اللي فيها المعرض..عاده مريووم وروضه ما عليهن من معرض ولا هم يحزنون..بس ودهن ايشوفـن البنـات ويتعرفن..هاذا همهــن..
من وصلوا للمدرسه..لقوا استقباال واايد حلو من قبل إداارة المدرسـه..وحدروا المعرض..كاانن شلة روضه وكمـن بنـت..المووهيـم..كـانن في كمـن بنت من المشرفات ع المعرض واقفات عند الباب ميودات سلـة اشوي عوده..وفيها هدايا أشرطة وكتيبات إسلاميـة..معدلينها بشرايط حلوة ويا حلويات صغيرونـه..عاده روضه حطت الأشرطه في مخباها وتمت تاكل حلاوة..لوول..وهي اتشوف الأغراض..راحت خذت ميداليات وبرشات بحرف الـs....وخذتلها كورة مطاطيه لونها برتقـالي..تلعب بها يمين ويسار..ودقها في راس نعوم وعواش..
روضه:ههههههههههه..يلا دروج نعمه..
وتضرب نعوم ع راسها..
نعوم"اونها معصبه":اييه بسـج روووضه..
مريوم"تحط يداتها ع ضروسها وتهز راسها وتضحك":وواااخخخ..ضربووج نعوم وانتي يالسه..
عواش:نعوم ما عليج منهن ..بنأدبهن في الباص..
موزاني:عنلااتكــن الرياااال المصري يالس ايطالع فيكـن..
سلامي:موزاني تركيهن مافيني ع صدعتهــن..
موزاني:اوكيك يلا براايكـن..
وتمن يتحوطن مريووم ونعوم وعواش وروضه..اما سهيله سارت ويا موزاني وسلامه..وكانت تخبرهن شو مستوي ويا خلوف..
من صوب ثـاني..روضه واللي وياها ظهرن السااحه..اونهن يبون ماي من المقصف..مريوم ما تقول مقصف..تقول دكـان..وما تقول ساحه..تقول حوي..خخخ..
مريوم:اووف والله اخيرن ظهرنا الحوي ..يلا بنسير الدكـان بناخذ ماي وجبس وعصير كافي يلا يلا..
روضه صدت صوب نعوم وعواش..ونقعن ضحك مرة وحده عليها..
روضه:خخخخخخخخخ..شو هالعوز..وين تبين؟؟
مريوم:اوووه..يلا يلا ظمـــاااااااااانه..
روضه:اوكيك اوكيك..بس على حساب نعوم..
نعوم:حشى فقرتني كل يوم والثـاني اشتريلكن..
عواش:شو هالزطيه اذا بتذلينا خلاص..
"وتغمـز لروضه "
روضه:هيه نعوم بتذلينا ما نبى شي من عندج..
نعوم:خلاص زين لا تزعلن عليه بشتريلكن..
مريوم:والله انج مقصه..
وتشير عواش تضرب مريوم ع راسها..
مريوم:اااااااااااااااخ يعور..
روضه:بسكــن عنلاتكن البنات يطالعنا..
واشوي يت وحده تعرف عواش..وتت اتسولف ويااهن..وتيمعن البنات ع قوم روضه..لووول..وتمن ياخذن ايميلاتهن وأرقامهن..ومعظمهن متخبلات ع شكل روضه وحلات منطوقها ..وتمن أكثر شي يسولفن وياها..وكل ما تسحبها مريوم لأن المس واقفه برع تترياهنز..روضه اتقولها لحظه شوي..أخر شي عيزت مريوم منها وسارن صوب المـس..وركبن البنات الباص ناسيات روضه في المدرسه..هع هع هع هع ...
دق الجرس..وتذكرت روضه ربيعاتها..استأذنت من البنـات اللي وياها وسارت لإدارة المدرسه راعية المعرض.بس ما لقت ولا مس من مدرستهم..ولا نعوم وموزاني وسلامي ..ولا حصلت لا مريوم ولا عواش ..ولا حتى سهيله..او أي حد..شافتها وحده من الإداريات..وقالتلها روضه بالسالفه..وهي تحس عمرها اشوي بتموت من الضحك والفشيله..
ورد باص مدرسة الرمـاح ..وركب روضه الباص وهي متغشيه..أونها ويهها محترق..وتمت تسب البنات اللي وياها..يوم ما ذكروها..لووول...

●
●
●
●

حس فيني ياا معودني غيابي..في وجودي وش مدى فرق التشابه..
ليه ادق الباب دام الباب بابي..يا معيــــــــــــــشني تفاصيل الغرابه..

العزبــــــــة..

وقفت روضه ع راس العرقوب تتريا فطامي اتييهـا..
فطامي:ااااااااااااااه والله تعب..
روضه:انزين عقي نعوولــج يالعيوووووووز..
فطامي"تفصخ نعالها وتفرها":وانتي ليش لابسه نعلوـج..
روضه:انا دوم اطر العراقيب بهن..ماتعب منهن..
فطامي:حشششى...سفينة الصحرااء انتي..؟؟
روضه:جببببب..انا روووووووووووووووضه..
فطـامي:ع بالي مدرسة..خخخخخخخخ..
روضه:تتمصخرين..
فطامي:لا اتطنز..
روضه:اوكي براايـج خلج اتضيعين بين العرااقيب يوم انج مادلين عراقيب الرمـاح..
فطامي"تزيد من سرعتها":لالالالالالالالالا..اللحينه بيييج فدييييت قلبــج..
وسارت فطامي تربع صوب روضه..اللي يلست تترياها اتي صوبهـا..عسب يكملن حواطـه..
اليوم..وبما ان هل سويحـان يو صوب هل الرمـاح..قرروا يسيرون للعزبـة..وروضه وفطامي ما صدقن..لأنه خاطرهن يسرقن سيارة..بس قالن بيتحوطن وخلاف بيسرقن أي وحده من السيايير..ومستانسات ان حمد محد..لأن هو الشرطي اللي دوووم ودووم يلقي القبض عليهـن..وتمن يالسـات يسولفـن..لين ما شافن نيسان أسود أقبل عليهن..جان ينشن..
روضه:السيف
فطامي:الحمدالله انه يأ..ما فيني اكشي خلاص تعبت..
روضه:ابصم بالعشر استويتي عيوووز..
فطامي:شو قالولج روضه..
روضه:هع هع ..والله مادري..شوفي عمرج قبل اشوي بتصيحين..
فطامي:انزين خلاص بتاكليني..
روضه:جب جب..
وقف سيف سيارته..وقال لهن يركبن..عسب يوصلهن ..فطامي..أكيد ركبت جدااام..وروضه وراااهااا..من حرك سيف موتره..
فطامي:سياافي سيااافي..وقف وقف..
سيف:هاه يافطامي شو تبين..؟؟
فطامي:نعولي فريتهن اهناكي بسير بيبهن..
سيف:اوكي بنخطف عليها..
فطامي:اووه ..لالا..هكي هن جريييب..
سيف:نزلي ييبهن..
ونزلت فطـامي وهي مستاانسه خلتهم ارواحهـم..لووول..وتمت روضه مرتكـه وحالتها حاله..أما سيف ميود تيلفونه ويقرا المسجات اللي واصلتنه من ربعه..
تذكرت روضه انها كانت تبغي تعتذر له..وهاللحظه هي اللحظه المناسبه للأعتذاار..مع انها كانت متردده..بس لامت نفسها يوم نادت سيف..
روضه:سيف..
سيف ما صد صوبهـا..
سيف:هـلا..
روضه بلعت ريجهـا وهي اتحس عمرها داخله في معركـة..ياتفوز..يا تخسر..

●
●
●
●

انتهىىى البارت

●
●
●
●

تتوقعون روضه هل بتعتذر ولا بتغير رايهـا..؟؟

●
●
●
●

وان شالله عيبكم البــااارت..

●
●
●
●

وبس..
تحيـاتي..