المشاركة الأصلية كتبت بواسطة ولد_زعبيل_vtc (المشاركة 1674767)

♦♦ مالهدف من التدخين هل لحرق الرئة أم احدى مميزات التي تدل ع الرجلولة..♦♦

هب شرط الي يدوخ ولا ما يدوخ يكون ريال زايد بن سلطان الله يرحمه كان يدوخ وراشد بن سعيد الله يرحمه بعد كان يدوخ ...


لكن مأراه ان شباب اليوم يدخون رغم معرفتهم بالاضراه وان اضراره أكثر من منافعه..؟؟؟

في مثل يداون بين عيايزنا وشوابنا (كل واحد عقله في راسه ويعرف خلاصه) ومحد يجبر حد على شي ما يباه ...


♦ يعني بنقول ولد قاعد مع شله يدخنون وهو مايدخن لكن شله قعدت تتهزأ فيه كونه لايدخن فيروح يتعلم التدخين ويدوخ لأجل يبين أنه رجل ولكن شو راح يستفيد عقب؟؟

هذا الشي هب اجباري هب واحد عايرني قالي انته ما ادوخ هب ريال حق اشو اضر عمري انا اكثر الي ايلس معاهم دوخيه وايلس في المقهي بس اخر شي قمت افكر قلت انا ما ادوخ وايلس مع ناس دويخه منو الي بيضرر اكثر اكيد انا ما قمت ايلس في المقاهي الا بصدفه ويوم اشوف حد من ربعي يدوخ ااخر عنه شويه وان شفته يدوخ في السياره انزل كل الجاات واخليه يدوخ ولا اني امنعه من الدواخه ...



أسئلتي هي:

•ما الهدف من التدخين؟؟

بنسبالي ولا شي اضر عمري على الفاضي ...

لانه يوم صغير من شطانتي كنت ابغي ايرب كل شي حتى لو هالشي يضرني بس ليروح فكركم بعيد طبعا هب كل شي وكنت افكر اونه الي يدوخ يكون زعيم كنت في صف رابع ولا ثالث جربت الدواخه اذكر هاي في سنه سكتو ههههههه اذكر الباكيت الملبورو الحمر ب 3 دراهم كنت اشتري وكنت ادوخ ويوم من الايام زقرني اخويه العود ويوم يت عنده قالي هات اديك اتعيب منه شم اديه جان يروح الزقاير ما ضربني قالي كلام ههز معني صغير ظهرت الباكيت عفصته وكسرت الولاعه وقتله ان شفتني ادوخ علقني في المروحه قالي الحين انته ريال وذيب يوم ما بدوخ ومن هذاك اليوم تقريبا ما دخت معنه كان يدوخ هو ويوم اذكره بسالفه الحين يضحك عليه ...


•شو شعورك اذا مادخت ؟؟

ما عندي اجابه لاني ما ادوووخ ...


•شو تنصح الي يدخنون؟؟

يقعلون الدواخه عنهم اخيرلهم ...

• هل انت مع التدخين ام ضده؟؟؟

ضده طبعا ...

المشاركة الأصلية كتبت بواسطة عطسة فار (المشاركة 1673801)

اممم .. السلام عليكم ورحمة الله وبركاتة

موضوع جيد جداً ..

---

بصراحة انا ماعرف شو اقول .. لاني اساساً مدخن ^^

في البداية تعلمت التدخين منذ كنت صغير

كنت في الصف الثالث الابتدائي .

يمكن كان طيش + لعب يهال .

كملت كذا سنة ادخن

وبعدين قدرت إني اقلع عن التدخين .

لكن للأسف بعد اربع شهور من الاقلاع عن التدخين ههههه اخوي حرضني إني ارجع ادخن

هالاخو بدال ماينصحني يخربني . ورجعت للتدخين

ومن ذاك الوقت لين يومنا هذا وانا ادخن ^^

حاولت كذا مرة إني اقلع عن التدخين لكن ماقدرت . لانة صار عندي إدمان

يعني جربت كذا طريقة . الطريقة الاولى قالولي أشرب سمن عربي بعد ماتركض كيلوو متر . واشرب فنيان سمن عربي .

للأسف مافادتني .

الطريقة الثانية ..

شخص سار اشترالي هدية هههه

انزين شو كانت الهدية .؟ الهدية عبارة عن بان يكرهك في التدخين .

وجربت اكل هاللبان . لكن ماقدرت لانة سبب لي حساسية في بلعومي .

انا ما أنكر إني ماعرف ان التدخين مضر بالصحة . لكن شو اسوي صار عندي إدمان

والشخص الي صدق يبي يقلع عن التدخين . لازم يكون عندة عزم قوي جداً ..

لكن للأسف انا ماتواجد عندي العزم القوي في هالمووضوع .

•ما الهدف من التدخين؟؟
مافي هدف بصراحة . لكن ارضي صوعتي وخلاص ^^



•شو شعورك اذا مادخت ؟؟
احس إن في شي ناقصني



•شو تنصح الي يدخنون؟؟
نحاول مع بعض إنة نقلع عن التدخين



• هل انت مع التدخين ام ضده؟؟؟
انا مع التدخين وضدة ..

معة لاني ادخن

وضدة لاني اعرف انة مضر بالصحة

ومشكورة على طرحج لهالموضوع .

ويعطيج العافية ..

المشاركة الأصلية كتبت بواسطة grshoob albdoo (المشاركة 1673872)