|
لا تعلييق الصرااحة< تو النااس والسمووحة ع القطيعة خيتوو كلمة طرر شوي ع هالقصة الغااويه دووم للاماام يالغلاا نترقب الباارت اليااي |
اقتباس:
اقتباس:
ربي لاهانكن ع الردوووووود ^^ |
وينج يالمييث مهب جنه طولتي بالباارت.؟! |
اقتباس:
فديتج ادري تاخرت طشوونه بس يعني ما طولت وايد بس هالاسبوع غريب عجيب كل ما يت بكتب لي كم سطر طلعت لي شغله بس تقريبا نص البارت زاهب رغما عن ظروف تقطيع الافكار لووولز اوعدكو باجر لو ما خلصت البارت كامل بنزل نصه شو الراي ؟! |
يــالـــب قلبــــكـ~ وعينـــكـ ولبــــاكـ.. قلــب(ن)علــى كثــــر البعـــايـــد" يلبيـــكـ.. اســكن حبيبـــــي" وسـط عينـــي وحيـــاكـ.. كــــــل الجـــــــواآارح فــي غيــــابـــكـ تحيـــكـ.. السلام عليكوو عرب استراحاتنا اشحالكوو..ربكوو بخير وماتشكوون الآآبعادي اممم مستغربين اكييد من الاسم لالاميثانه ماغيرت اسمها بس انا بخبركوا السالفه تبغون البارت ولاالسالفه السالفه هااا سلمكوو الله ميثانه هالاسبوع عانت وااايد مع كتابة البارت هاذا غير انها كانت so so so busy ..فقررت اني افازع بنت عمي وحليلها فكملتلكو البارت وبنزله وهي هاذيهي عدالي تسلم عليكوو وتقوول السموحه ع التأخير ولومب انا مانزلكووا البارت اليوم هههاي ~~~~~~~~~~~~~~~~~~~~~~~~~~~~~~~~~~ Part 5 راكان... دخلت الميلس وعطيتهم الدفتر شفت الكل يطالع صوب الباب كان مطر واقف مطر.. كشخة وسرت لبيتنا خذت نفس ودخلت الميلس ما با حد يحس بشي : السلام عليكو ورحمة الله وبركاته شهاب... مطر وجوده دوم غير.. شخصيه لها هيبتها من دخل تغير الجو احس ابويه ارتاح من شافه بوعبدالله ... ارتحت يوم شفته الحمد لله كنت خايف يفضحنيه بس بوغيث ما خيب ظني مطر.. الوقت خطف بسرعه وعطوني الدفتر اوقع يودت القلم وشخطت بسرعه وبكل ثقه ما بغيت حد يحس باني مغصوب عليها الكل يباركلي واللي يتخبرني عن التاخير وانا مول هب وياهم بس كنت اقوول فداخلي : الله يسامحك يابويه الله يسامحك راكان... كنت اتريا الدفتر ابا اشله لريم بس عسب اكحل عنونيه بشوفتها شليته واتصلت بفطيم... ردت عليه هنوو بدلع : الوووو انا تلخبطت من سمعت صوتها يا ويل حاليه ياما دقيت هالرقم وياما ردت علي فطيم بس صدق ربي خلق وفرق خخخخخخخ ما عرفت شووو اقوول سويت عمري مستعيل: هلا هلا ااااا اطلعي ما عليج امر شلي الدفتر لريم هنو: ثواني ريم ... شفت هنو داخله وياها الدفتر حسيت قلبيه انتفض حسيت بخوف ما ادري ليش حطووه فثباني والكل يترياني اوقع التفت ع فطيم وقلتلهاا: هونت فطيم حطيت عيني بعين الريم اعرفها عدل حسيت نظرتها صادقه ما تمزح شكلها خايفه قربت من اذنها وهمستلها : يارحة النفس في دنياي باكملها يا كبر حظي ان حقق مطلبي ربي ملكت دنياي اخرها مع اولها ريم... من سمعت هالكلمات تذكرت حبي لمطر من زمــــان من زمااااان وانا احبه لدرجة اني نسيت من متى وانا احبه ما اذكر الا اني طول عمري كنت احبه هو دنيتي ابتسمت غمضت عيني : وين القلم هنوو: هذا هوو ريم .... تعوذت من الشيطان و يودته وقعـــــــــــــت توالفن عليه البنات وحسيت بفرحه بس بعدها هالفراشه تحوووط فيوفيه هنوو: ساره وقعت من غير ما تردد وريمان فكرت شؤي وعقب وقعت تتوقعن فطيم يوم ملجتها شو بتسوي عليا بنت خالوه ام بطي: بترتز مع شيخها بالميلس وبيوقعون رباعه فطيم : هههههههههههههههه عادي المهم ارتبط بسعودي سمعنا الباب يدق وسرت افتحه بس انفتح وشفنا سلامه ريم: سلاااااااااااااامي سلامه: السلاااااااااااااااام عليكم فطيم : مرحباااا الساااع فذمتيه وقمنا نوايها كلنا وعرفناها ع البنات سلامي : اشحالكن فديتكن الكل : بخير وسهاله الرب ريم : يتي بوقتج سلامي سلامه يعلني افدا قلبش كم ريم عندي انا الا هن ثلاث فطيم : هههههههه لازم هالمواقف يعني حتى وهي عروس سلامه: ويش اسويبها يوم سميتوها ريم ونحن عدنا ريم بعد الكذب خيبه يعلني افداش الكل ضحك ع سلامه وسالفها ريم ...ع الساعه 8 نزل قالولنا بتنزلن عند الحريم يباركلكن وتشوفكو يدتكوعسب تلبسكو الذهب كنت انا لابسه فستان فستقي فيه شغل عيناوي ناعم وايد ورافعه شؤيه من شعري ومحطيه Make up ناعم اما سارونه ففستانها اورنج وفوشي وارضيته سكريه وكانت فاجه شعرهاقصته وايد حلوه degrade ع طوله نزلنا وكنت احس باحراج وخوف وفرحه واحاسيس وايد وايد ما كنت مركزه الكل يبارك وفرحان ويدوووتيه الدموع فعينها يوم شفتها كنت بصيح والله.. لبستنا هديتها تمينا عندهم ساعه الا ربع تقريبا عقب كل وحده منا دخلووها فغرفه وهن سارن يتعشن كنت خايفه مع انه حلم حياتي يتحقق بس كنت متوتره سمعت صوته يسلم ارتبكت وقفت ورديت السلام بصوت واطي وزين طلع مني صوت بعد.. شفته يلس مقابلني دخلت عند الريم لاني ما اباحد يحس بشي خصوصا انه مايد بيدخل عند ساره شفتها كاشخه كانت سرحانه او تفكر ما ادري سلمت عليها ويلست بس هي تمت واقفه هب حاسه بعمرها شكلها قلت لها: شكلج تعبتي من اليلسه!؟ ريم.. رفعت عيني وتلاقت بعينه نزلتها بسرعه شكله حلو بالابيض كاشخ علني افداه كنت مستحيه وايد يلست مطر: مبروك الريم ريم: ربي يبارك بحياتك مطر سكتنا فتره ما عندي شي اقوله شو اقوولها انه يلستي وياج اكبر مصخره اني اتمنى مواااز بدالج تنهدت وغمضت عيوني تولهت عليها من متى ما سمعت صوتها شو كان بيستوي لو هي بدال الريم شو كان بيكون شعوري سرحت فيها ريم.. ساكت وانا ساكته وضع غريب ... سمعته يتنهد شكله تعبان اصلا ويهه يبان عليه التعب شفته خذ راحته باليلسه ورد راسه ع ورا وهو مغمض عينه طول شؤي عدل من عمره بسرعه كانه انتبه لنفسه شفت الباب ينفتح وعموه ام عبدالله وفطيم دخلوو يباركن لنا طبعا فطيم اكيد رزت بعمرها ويا عموه ذابحنها الفضووول عرفت هالشي من ابتسامتها افهمها من نظره مطر ... اميه انقذتنا بدخلتها علينا باركتلي هي وفطيم وظهرووو وانا بعد بظهر عن هالمصخره لي تستوي : شي فخاطرج الريم؟. ريم: سلامة راسك مطر: فداعه الله ريم: فداعه الرحمن ريم.. احسن يوم انه ظهر اكيد هو مرتبك شراتي احس اني ميهوده افكار وايد براسي ابا غرفتيه ابا شبريتيه ابا اغمض عنوني واستوعب انه حبيبي استوى ريلي الخميس اللي طاف كنت اقول عنه ما يحسبي وهالخميس هو ريلي هذي كانت افكاري وانا فدربي لغرفتيه ما ابا اشووف حد قفلت على عمري وتغسلت ولبست بيجامتي وبندت الليت وعقيت بعمري ع شبريتي وانا حاظنه دبدوووبي .............. اما عند مايد وساره الوضع كان غير غيررر مايد ... كنت احس اني اطير خطواتي سريعه من متى وانا اترياها هاللحظه شفتها فالميلس ومنزله راسها كان شعرها مغطي ويها وشكلها حلووو قربت منها وقفت يوم شافتني قلت لها وانا امشي صوبها: السلام عليج والرحمه ساره : كنت مرتبكه اعد 1 2 3 4 5 ابا اخفف من ربكتي شفت حد دخل كان مايد وقفت : وعليك السلام والرحمه مايد... قربت منها حظنت ويها بكفوفي وبستها ع راسها وخدها لي استوى طمامه من شافتني قربت من اذنها وهمسة لها: مبروووك غناتي ساره ... شو اللي استوى ميووود شؤيه شؤيه علي داخل بقوه الريال كلمة استحيت ما توصف حالي حسيت اني فقدت توازني واتنفس بسرعه تم يطالعني فتره خذت نفس: ربي يبارك فحياتك مايد ..يودت يدها ويلسنا ساره .. يلس عدالي الا لاصق فيني احس جسمي لبج ضو ما اتوقعته بهالرومنسيه رفع راسي مايد: اشحالج الغلا؟ ساره :يسرك الحال مايد: ماشي ومن صوبك حبيبي ساره.... ضحكت عليه كيف يدلع رفعت راسي طالعته : ربك الا بخير وسهاله!؟ مايد رفعت يدها وانا اطالعها وبستها شفتها نزلت عينها : بخير وسهاله ومن ريتج ساره : يعلها مديمه مايد : وياج حياتي مايد... تمينا ثواني ساكتين: بطــــير ساره.. رفعت حياتي وانا ابتسم له: بطير؟^^ مايد : فديت هالويه محلاه هيه بطير بطير من فرحتي .. حرمتيه ما بتخاويني؟؟ ساره قلت بدلع : اذا تباها مخوتي بخاويك مايد : الا ابااااها تدرين خاطري الحينه اشلج واشردبج ساره: ميـــــوود مايد: عيووونه ساره.. سمعنا الباب يدق وعموه وفطيم دخلووو يباركن لنا مايد تميت ويا قلبي لين ما يت يدووتيه وراغتني: اميه خليني اتهنى من متى اترياها هالليله العيووز : هيه ثرك هذا لي تبااه من الملجه هااا لو ادري انك بتشووفها ما رضيت شفت ساره تضحك : اميه قوليلهم يدخونها حجرتيه ساره بتبات عنديه الليله ام محمد: تخسي الا انت ويااها هذا لي قاصر بعد لا تخليني احلف ما تعرس بها الا بعد سنتين مايد: والخيبه.. ليش ليش حرجتي حلاليه الحينه... شفتها ارفعت عصاها هههههههههههههه بست راسها امزح امزح الا عصااج عاد حشمينيه حرمتيه تشوفنا ام محمد : دواك هالعصا يومك ما تحشم ولا تخيل ساره طلع مايد وسوالي حركات من ورا يدووه شفت فطيم دخلت وياها box كبيره ع شكل قلب ولونه عيناوي فطيم : تراااااا ترااااااا ساره : فطيم حياااتوووه ليش عبلتي بعمرج حبيبي ثانكس فطيم : ولكم عنووووني بس هب منيه هالهديه تراها من ريلج وعاد انا واخويه واحد صح اعتبريها منيه بعد هههههههههه ساره .. احساااس غريب وانا اسمعها اتقول ريلج يلست وحطينا الهديه من بينا وفتحتها بسررعه ابا اشووف شو فيها اول ما فتحتها هبت علي ريحة الجاردينيا كان ناثرنها فالبوكس بكبره وريحتها قوووويه وشي ساعة شوبارد كيووووت وعطر شؤبارد بعد فديته الذويق انا مطقمها لي وبين الورد المنثور والهدايا شفت بوكس اصغر طالعت فطيم ابتسمت وهي تشم العطر خذت البوكس وفتحته كان ممزور باتشي وبين الحلاوه شي فوون Nokia N97 ابيض فطيم: اوووب اوووب شرات فوونه هنو اليديد ساره : الله والله كان خاطري فيه فطيم: طلع ميود حركات فتحيه فتحيه ساره فتحته... خلفيته صووورته وشي بطاقه يديده فيه بعد ومسجل اسمه واخيرا ريلج يتصلبج ههههههههههههه مدلع عمره حبيبي والفوون ممزور صووره من كان صغنونو لين يوم الملجه فديت قلبه انا ^^ والله بصيح انتبهت ع الوضع اسمه يا احلى من السكر اللي فأخر الشاهي ههههههه تلومت فيه وايد مدلعني لبست الساعه وتعطرت من العطر وكلت من الحلاوه يت بسكر البوكس انتبهت شي كتابه ع الغلاف من داخل بالفضي تاريخ اليوم ياغايـــــتي وكـــــــل ارتيــــاحــي اشــــوف فـــقربـــك صــــلاحــي ~~~ حبـــك سكـــن كـــل النـــواحي وأصبـــح غــذا دمـــــي والعروق ~~~ الـــــــــــف مبـــــــــــــــــــــــروك ~~~~~~~~~~~~~~~~~~~~~~~~~~~~~ الفلتين هدت اوضاعها وتقريبا خلت من المعازيم هنووو رقدت عند الريم لانهن بيرقدن من وقت بس ساره وفطيم ناويات ع السهر ع ساس انه ساره برد مع اهلها من عقب الفير لدبي ابوها عنده اشغال الكل تقريبا ارقود ما عدا شهاب ومطر شهاب... كنت احوط فالموتر ما ياني ارقاد افكر بالموقف اللي استوالي اليوم شفتها بالغلط فمطابخنا معقووله تكون هي ولا من كثر ما اهويسبها قمت اتخيلها ... اذا هي يعني البنات يعرفنها اممممم هيه اكيد يعرفنها كيف راح عن بالي انا اذكر مره فطيم يابت طاري انها تعرف خوات حد من ربعنا بس وقتها انا ما اهتميت ... انا باجر لازم اسال عنها بدور لي طريقه المهم اتاكد اذا يعرفنها البنات ولا لا ~~~~~~~~~~~~~~~~~~~~~~~~~~~ مطر ... طلعت صلب الزقاره وانا افكر معقوله فاسبوع واحد خسرت كل شي حسيت بشوق فضيع لمواز اباها ابا اسمع صوتها ابا اسمع ضحكتها اباها تزعل واراضيها فديتها وفديت دلعها... بس كيف بقولهاا اني خيبت ظنج وانا اللي وعدتج اني لج وانتي لي غمضت عيني واتذكرت بدايتنا هي ابد مش من هالبنات اللي يرمسن شباب ولا فكرت بهالشي بس انا وياها كنا نلتقي وايد وايد وايد وبشكل غريب لين ما تعرفنا ع بعض كانت خايفه من الفكره ومني بس حبي لها ريحها حسستها بالامان لدرجة انها فتحت قلبها لي وشكتلي عن مشاكلها مع اخوانها وحريمهم من بعد وفاة ابوها وعن امها وطلعاتها وسيراتها من بيت لبيت واحساسها بالوحده وهي بين اهلها اللي بينا ما كان شي عادي ومش مفروض ينتهي بهالطريقه اكيد بترفضني يوم بتعرف عن الملجه اكيد .. سمعت صوت مسج وصلني من غير لا افتحه كنت متاكد مليون فالميه انه من موزه عورني قلبي سمعت الاذان معقوووله خطف الوقت من غير لا احس ركبت موتريه وحركت ادور لي ع مسيد بصلي وبرد العين لاني كنت فابوظبي طبعاااا كارهنها العين احس اني ميهووود وابا اررررقد شهر كامل وياليت انش الاقي كل هذا حلم وصلت للمسيد بركنت الموتر ونزلت اصلي هنو... نشيت من وقت لاني البارحه كنت تعبانه ورقدنا من وقت انا وريموووه شفتها راقده تسحبت شؤي شؤي تسبحت وتلبست وتعدلت وطلعت عن لا اخرب عليها رقادها لاني البارحه حسيتبها تتقلب وايدكانت الساعه تسع خذت لي كوب حليب وحطيت فيه شؤية نسكافيه ويلست اقلب فالقنوات راكان... نزلت ع التسع وربع تقريبا وشفت الهنووف يالسه فالصاله محلاها الصاله يومج فيها ياليت كل يوم ملجه هع: صباااح الخير هنو.. عدلت يلستي : صبااااح النور والسروور راكان: والله اليوم احلى صباح مر علي هنووو: مديمه يا ربيه راكان: ما اعتقد هنوو@@: اااا اصبلك حليب ولا شاي راكان : خلي خلي عنج انا بصب لعمري هنوو: شو تصب لعمرك هذي هااا قريبه عن الدلع راكان قلت بدلع : ابااا شراااتج<< وانا اصلا ما ادري هي شو صابه لعمرها هنوو.. استحيت من نظراته اليوم غير : هاا اندوك الحليب راكان : سلمت يمناج ... ما ادري شو ياني ع الصبح تعمد المس يدهااا ^^ هنوو.. تكهربت من لمسته بس ما بغيته يحس: امم الامتحانات الاسبوع الياي راكان : الله يقلعها من امتحانات اوووف متى نتخرج هنو: هانت هذي اخر سنه راكان التفتنا ع باب الصاله اللي انفتح ودخلت منه يدووه قمنا نصبح عليها ام محمد : تحبون الكعبه ان شاء الله حي الله عيالي ما شااء الله ناشين من وقت هنوو : وين كنتي يدوووه ليش ما خذيتيني وياااج اهئ اهئ راكان ... ياويلي ع الدلع انا بس ام محممد بنتيه مادريتبج بتنشين من وقت ولا امبوني ابا حد يخاوينيه راكان : ليش وين كنتي اميه ام محمد: لفيت شؤي ع العزبه يبت الذبايح وسووق الخضره راكان : ليش وينهم ابويه وعميه ام محمد: انا قلتلهم لا يسروون انا بيبها الذبايح لاني ابا اشووف حلالي وبالمره خطفنا ع السووق هنووو: يعطيج العافيه اميه قربي بنتقهوى ام محمد : لا لا بسير اسبح الحينه انتي بس دقيلي ع ابوج اباااه ضروري هنو : ان شاء الله ~~~~~~~~~~~~~~~~~~~~~~~~~~~ الكل كان واعي ع الساعه 11 ومتيمعين فبيت بو عبدالله لانه الغدا عليهم الا قوم دبي ردوو نوره ... كنا انا وروووضه واميه فالصاله دخل علينا مبارك معصب مبارك: انا بفهم شتبغووونبه هاللدلوع مخلينه عدنا ام عبد الله : ويدي شبلاك مبارك تطري منوه انت مبارك : وفيه غيره دلوووووع فهالبيت نوره : اكيد يطري راميووه روضه : وشو سوى بعد مبارك : قسم بالله لو ما يدووه كنت دافننه الحينه بس مصيبتي انها تزعل وما ترضى عليه ام عبدالله : هدي ولديه اذكر ربك وقصر من صوووتك عن تسمعك يدتك رووضه : انزين فهمنا شو مسوي بعد؟! مبارك: شو مسوي بعد يتحوط فهالقايله اتقول موتر ابووه معلي ع هالهنوود ربعه وكاشخلي بالكاب البربري قسم بالله كرهتنهن الماركات من عقبه ويوم ارمسه ما يسويلي سالفه الهرم يدريبها يدوووه ما ترضى عليه ومقويه ظهره نوره : هههههههههههههههههههههههه انا مستغربه منه هذا يشتغل عسب يكشخ ولا شووو كل مره طالعلنا بلبس يديد وماركات وحركات ولا فوووناته ولا رناته ولا اخر صيحات موضته تدروون شوو مبارك : التلفزيووون اللي معلقنه كبر اليدار والDVD نوره :هيه ام عبدالله: انزين وانتو شلكو بالريال برايه بيزات وين ما بغى يصرفهن مبارك : بيزاته يلتعن برايه فيهن ان شاء الله يحرقهن بس الموتر لا يتم يتحوط لي فيه ما بقى هنديه ما غازلها ام عبدالله : لا تحط فذمتك مبارك مبارك : شو ما حط فذمتيه شايفنه بعيوني انا اقووولكن هالموتر سحبته منه وان قالت شي يدوتيه قولو مبارك ماخذ السويج وراقد روضه : اتحمل عاد اللي بيك ~~~~~~~~~~~~~~~~~~~~~~~~~~ شهاب ..كنت موطي راسي فثبان اميه متعلق فيهن وايد ربيه لا خلاني منهن وصورة سلامه وهي تنظف ياهل فالمطبخ ما خازت من بالي بس هادم اللذاات ما يخلي حد يتهنى بشي سعود....شفت شهابووه مغمض عيونه وما تحرك من عشر دقايق خفت لا يرقد بروحي ملان يودته من بكلته وسحبتها بالقوووو شهاب: حووووو ولعنه ربي يالخام ما تشوفني راقد سعوووود: ككككككككككككككككككككك ام مبارك: شهااااب لا تلعن استغفر ربك سعود : ههههههههههههههههههههههههههههههههههه شهاب : ما تشووفينه اميه فلخنيه كنت راقد ام مبارك : استغفر ربك اقوولك سعووود : هههههههههه كان يبالك تصوير شهاب : استغفر الله العظيم من كل ذنب عظيم سعود: شهابووه لا ترقد شهاب : انطب صوتك مابا اسمعه ع بالك بطوفها لك هين فذمتيه انها بتنردلك واقووووى بعد سعود : عادي تغير لي روتيني فديت خشمك الحياه ممله شهاب : ما تشووفني برقد يعني تسولف مع منوه انت سعود... يودت كوب الشاهي : اشووفك بس ليش ترقد وانا اتم واعي ترا ان رقدت بصبه هالكوب ع راسك شهاب : جان فيك خير قرب منيه سعوود : تم الساع ام مبارك: قرررب وشوووف سعوود اوووب اووب تهدديني انا ولدج حشاااشة يووفج انا خريج بطنج هذا عنده امه هنااااااك شهاب : هع هع ثره هذا اللي قاهرنك هاااا ام مبارك: سعووودوووه مسود الويه كم مره اقوولك لا تقولها خريج بطنج متى بتكبر انت سعود: يوم هالدلوووع اللي راقد فثبانج بيكبر شهاب: خشيت راسيه اكثؤ فثبان اميه ابا اقهرر سعووود انقهرت منه: ما يسوى علينا هالحليب اللي رضعتك ايااه استحليته ثبانها اعنبوووه مكتوب باسمك شووو كل ما شفتها رقدت فثبانها شهاب بكل برود : كــــــيفي ام مبارك : ويديه سعوودووه حاسدنه اخوووك شلك فيه خله يرتاح سعود: يرتاااح بعيد عن ثباانج هذي الصاله مكبرها ينقلع يرقد ع الكنبه ام مبارك : حد قضبك عن ثباني امبووونك انت اللي ما اتيني الا هو شهاب الوحيد فيكو علني افداه اللي يحب يرقد فثبانيه سعود: لانه دلووووووووووووووع شهاب ما كنت ارد عليه اطلعه وانا مبتسم وميود ايدهااا هع هع خله يموووت بغيضه خرب علي احلامي ... شفت فطيم دخلت ولا طالعتنا وقفت عند الجامه تتعدل وتغني الحبيبه فطيم دخلت صالة عميه وانا اغني يالبه قلبك وعينك ولبااااااااااك قلب على كثر البعايد يللبيك اسكن حبيبي وسط عيني وحيااااك كل الجوااارح ف.... شهاب : فطيمووووه وقف قلبي :: زيغتني شهاااب شهاب: عنبوج طقااااقه داخل ولا سلمتي ولا حشمتي سعوود عفدت عليه هو كان ورا اميه بذبحه دومه يخرب علي بس اميه ميودتني: اميه ذابحنه انا ذاااابحنه خليني ام مبااارك سعووودووه اعقل ذبحتني خل عن اخوووك فحاله شهاب: لا لا خليه خليه بشوفه شوبيسوي سعود : انت شو يخصك فيها تغني تسلم تحترق شتبابها شهاب : عجيب !! الحينه انا ما يخصنيه فاختيه؟؟ اقوولج فطيم .. يخصني فيج ولا ما يخصني ام مبارك تعبت وهي تفرقهم فطيم : السلام عليكوو ام مبارك : وعليج السلام بنتيه ما عليج منهم سيري فووق عن هالخبايل شهاب خبـــــــــــايل؟؟ ام مبارك هيه نعم ؟؟ ولا هب عايبتنك الرمسه شهاب : عسل عسل يقطر يا عرب سعووووود : ههههههههههههههههههههه لا لا قول هب عايبتنك شهاب انت لا ترمس خلني برقد سعود ارقد علني افداك ارقد شهاب : قرب منيه جان فيك خير سعود : طبعا واثق راقد فثبان اميه جان فيك خير ارقد ع الكنبه شهاب : فال الله ولا فالك اخلي دافية الحظن وارقد ع الكنبه سعوود رقد شهاب وانا طرشت مسج لفطيم عقبالنــــــــــــــــــــــــــــــــــا ~~~~~~~~~~~~~~~~~~~~~~~~~~~~~~~ فغرفة ريم فطيم فتحت الباب فدفااااشه: ريم بسم الله فطيم فلختينيه فطيم : هع هع ليش يالسه رووحج ها ؟؟!! عندج مكالماات سؤسريه ريم: طول اليوم وانا تحت وين يالسه بروووحي فطيم فريت عمريه ع الشبريه : ريمووه ملل كلهم روحووو اهئ اهئ ريم : نوره بعد؟ فطيم: بعد صلاة العصر بيحركون ريم: صدقج والله ملل الا وينهم شنغل ومنغل اشتقت لهم احس عمري من زمااااااااااااااااان ما سولفت وياهم فطيم : ههههههههههههههههه ذكرتيني بهم تحت يتضاربون وعموه حليلها متوهقه من بينهم وبعدين تراج انتي اللي مستويتلي رومنسيه وحالمه هالاسبوع محد يشووفج اعنبووه تعبت وانا ارقى هالدري ريم : ههههههه يالدبه متعايزه تتحركين فطيم : هع هب عن بس قبل كنا كلنا نتيمع يعني الحينه والله فاقدينج ريم: ما تفقدين غالي ياربيه فطيم : امين امين امين انزززززززين بعدني ملانه ريم: بنشووف شنغل ومنغل جان منهم فايده فطيم غصب عنهم مفروووض اليوم يدلعوونج ويحتفلووونبج تراج عرووووس ^^ ريم: فكره بستغل الوضع فطيم : الا على الطاري تعالي تعالي خبريني شو استوى البارحه وين شردتي عنا هاا ريم: شو بيستوي يعني واصلا ما شردت هنووو كانت عندي فطيم: اونه ما استوى شي لا تخليني اسحبها الرمسه قولي عااد ريم : انتي ع كيفج تبغين اقول شقووول فطيم : انزين شوو هديتج ريم نرفزتني فيطمووووه بحنتها : تشوووفيـــــــــــن شي بالغرفه فطيم : لا ريم : عيل لا تستعبطين فطيم ريم عصبت بسرعه شسالفتها غريبه : امممممممم انزين خلينا من هالسالفه لازم نتفق مع سلامه ع البروجكت ما باقي شي تاخرنا وايد ريم: هيه صح ذكرتيني شهاب... طلعت برع ركبت موتريه بس حاس انه سلامه فخاطري ابا اتخبر عنها ما اقدر اتجاهل هالشي غيرت راي ونزلت ودخلت الحوي شفت مطر يدووخ فالعريش !!: بوغيث من متى رديتلها! مطر: وعليكو السلام ورحمة الله وبركاته شهاب : اوووه مطر عن الغلاسه عاد كيف تردلها نسيت كيف ودرتها انت مطر : شو رايك ارسلك تصريح كيف ومتى وليش وانت تقراه واذا وافقت توقعه وتطرشه صوبي شهاب : بلاك ياخي ضووو وصديت عنه يلست عداله وينها حرمتك؟! مطر تلومت فيه صدقه انا نفسيتي مول تعبانه هو ماله ذنب بس طنشته ما رديت عليه شهاب شليت فونيه ودقيت لريمان: ريم : مرحبا السااع شهاب بام عيون خبووق وسااع ريم: شهااااااااااااااااب حرام عليك انا عيوووني خبووق شهاب : انتي ما سمعتي الا خبووق ما سمعتي الوساع ريم : اصلا ما تركب شهاب انزين ريمان اباجضروري تعالي فمكانا السري هع ولا تخبرين دبوووه بروووحج بس ريم: الحينه؟ شهاب : لا باجر هع ريم: اوك باي مطر: وليش ريم من غير فطيم شهاب: سر ما يخصك رفعت حياتي : انا ما يخصني تدري لو اقولها لا تيك ما بتيك شهاب : اتحداك مطر : لا تحداني تراك الخسران شهاب قمت بسير لها وشفته قام ويايه : بنشوف^^ ريم .. شفتهم قربو منيه استغربت مطر وياه شو السالفه حسيت بخوف شهاب كنت اتعمد اغيض مطر : مرحبا مرحبا مليار بالريم السروووحي .. ريم : مرحبااابكو مطر: اشحالج الريم ريم : طيبه طاب حالكو شهاب: احلى طاف معطتني ريمان ريم : بلاكو شي مستوي شهاب : لا غناتي انا اباج فموضووع وريلج ضاربنه حفوز الا يعرفه ريم ... حسيت فراشتي تحوس فيوفيه من قال ريلج مطر : ما حفلتبك انت وسالفتك بس ريم بتدخل وما بتسمعها ريم : ليش؟ مطر: بس دخلي داخل... ولآبتردينيه..؟! ريم..طالعتهم وهم يتريون جوابي :بس شهاب يباني بسالفه ^^ مطر:ادري بس انا مااباج تسمعينها ريم: ليش؟ مطر..حطيت ايدي فمخباي ورفعت اجتوفي:بس من غير ليش. ريم..عصبت من اسلوب مطر قهرني:اسمحلي مطر بس يوم شهاب يبغاني بموضوع مابرده وانت ماعطيتني سبب مقنع... التفت ع شهاب وانا ارتجف :خير شهاب شالموضوع الي بغيتني به شهاب..استانست من رد ريم ماعرف ليش اليوم حبيت اغلس فبوغيث:تعالي فديتج بخبرج فالموتر عن لايسمعونا العذاب مطر: مارمتي تردينه بس رديتيني ريم:اسمحلي مطر لوطلبتني بشي منطقي مابردك بس اسلوبك هب معقوول ليش ادخل داخل وشهاب يباني بموضوع..قلت هالكلمات وانا زايغه من نضراته مطر..حرجت من خاطري وسرت عنهم ماادري شو السبب هل هو ردها علي او انها ردتني فطلبي واحرجتني عند شهاب ولاالمصيبه الي انا فيها حسيت الكل ضدي ومحد فاهمني اتصلت بربيعي واتفقت وياه اني اشوفه ~~~~~~~~~~~~~~~~~~~ عند ريم وشهاب ريم:هابواحمد شوالموضوع الي تباني فيه شهاب ماعرف من وين ابدي :اممممم ريم..حسيت شهاب مرتبك وكنه الموضوع جدي :لاتلف ودور قول الي عندك بواحمد شهاب:امممم امنوا البارحه حضر الملجه من ربيعاتج؟ ريم..استغبرت يتخبر عن ربيعاتي من متى:واااااايد ليش؟ شهاب: ااااالاني احب.....<<اوووبس انا شو قلت ريم..حسيت انه بواحمد قطع رمسته:فديتك وانا احبك بعد شهاب:لاانا اقصد....آآه ريم:معجب يعني؟ شهاب :هاااا...لالالا ريم...حطيت يدي ع ركبته اباه يرتاح شوي:بواحمد شو فيك مب ع طبيعتك تتخبر عن ربيعاتي وتقول انك تحبني شهاب..آه انا وين وهقت عمري ويا ريم شو اقولها الحين اصلا انا ماعرف البنت :لابس بتخبر عن اهل ربيعي حمدان حضروا الملجه البارحه ريم:هيه حضروا شهاب:توني ادري انكم تعرفونهم ريم:وكيف عرفت؟ شهاب..سكت شوي :حمدان خبرني ريم:آآآهآآآ هيه ..حضرت ربيعتيه وامها وانت كيف تنسى تراني من قبل مخبرتنك اني اعرفها من دخلنا الجامعه انا وفطيم شهاب:آهاااا هاذي علومج عيل.. ريم:من الآآخر شهاب انت شو تبا ف البنت شو عندك تتخبر عنها شهاب:لالامابغي منها شي ريم.. سكت عنه ابا اشوووفه وبعديين وياه شهاب..هي ساكته وانا ساكت مرت كمن دقيقه عقب قلتلها :هي اسمها سلامه صح ريم:شهااابو من ويلك اسم البنت شهاب : شومن وين لي اسم البنت عشرت عمر ويا اخوااا ريم:يعني حمدان يعرف اسامينا شهاب:طبعــــــــــــــــــــــا لاااا ريم:عيل انت تعرف اسم اخته.....شوف بواحمد انت مانزلتني من فوق عسب تتخبرني امنوا حظر الملجه من ربيعاتي وبلأخير تقولي عشرت عمر مع اخوها وطبيعي اعرف اسمها بتقولي سالفتك مع البنت ولالا؟ شهاب..انا مثل مابديت بالموضوع مع ريم لازم انهيه لان لو ماتخبرت عن سلامه اليوم عمري مابتخبر عنها يودت فروختي قمت العبها ..ااااه :شوفي ريم لاتفهمني الموضوع غلط انا ماخبرت فطيم لاني ادري انج عاقله ولاتسألني انا كيف اعرفها سلامه ولاتظنين فبالبنت ظن سؤؤؤ تراها البنت ماتدري عني بس انا اباج تخبريني الي تعرفينه عن البنت. ريم:يااااسلااام شهاب..تميت العب بفروختي من حفوووزي :ارد اقووولج لاتفهمين الموضوع غلط ريم: اوك البنت ربيعتيه انا وفطيم من ثلاث سنين وبنفس التخصص ومن يومها مافترقنا شهاب:يعني هي من عمركواا ريم:هييه شهاب:اممم مخطوووبه ولا محيره لحد؟ ريم:لاا شهاب:بااالها فحد؟ ريم:شوقصدك؟ شهاب :لاا انتوا البنات تسولفن لبعض وهي اكيد مخطلطه مع عيال عمها عيال خالها ماقد طرتلكوو حد ريم: هيه هي طرتلنا ثنين من عيال عمها دوومهم في ضرابه عليها بس هي ماتبا حد منهم ع قولتها تصرافاتهم تصرفات يهال والمسأله عناد امبينهم شهاب..صابني احبااااط:وللللل! ثنينه عااد ريم:بواحمد انت شو فخاطرك شهاب..تركت فروختي:لامافخاطري شي دام ثنينه من عيال عمها يضاربون عليها انا وين برز بفيسي امبينهم ريم..حسيت شهاب صابه احباط من طريتله عيال عمها حبيت اخففها عليه :الحينه عرفت شو قصدك ف.. احب شهاب:هااااه ^^ ريم:اذا هي من نصيبك بتأخذها لو العوامر كلهم بيتضاربون عليها شهاب:بس انا بعدني ماتخرجت ولين مااتوضف مداها البنت تطير ريم:الدنيـــا هاذي نصيييب.......والله وعرفت تختار يابواحمد شهاب:بس ريمان دخيلج السالفه هاذي اتم امبينا ريم: انت لاتحاتي انت اتخرج وعقب التخرج انا بتحرك بطريقتي الخاصه شهاب:لالاشو بطريقتج الخاصه فضيحه فبنت العرب ريم:وانا برقمها لك مثلا؟! بس بقووولك شي قبل لاتحط الموضووع فراسك ولاترد علي فكر فيه وعقب رد عليه شهاب..حسيت الموضوع استوى جدي:قووولي شو؟ ريم:سلامه اخت ربيعك من ابوه بس يعني امها غير امه شهاب:وشو يعني؟ ريم:لان امها هب.... cut ~~~~~~~~~~~~~~~~~~~~~إإإآآأأأأهــــــــــــداء وهالمره مني انـــا al6rf~alk7eel لك عين قرت كلمات بنت عمي فديت روحها والي طبعها لكوو اصبوعي علني افداه آآآسعـــد الله صبـاحـــكـ ~وآسعــد الله مســاكـ".. إنت يــانــون عينـــي~ يــاهنــى العــاشقيـــن.. ان تقـــربــتـ منــي فــز قلبــــي~ جــــداكـ.. وان تـــباعـت عنــي زآآد فـــي الحنيــــن".. ~~~~~~~~~~~~~~~~~~~~~ همسه<<أحم احم هالله هالله بالترحييب الغاوي ترا هاذي اول مشاركه لي ولاتنسووون بنت عمي بالردووود مب تحدر ماتلاقي ردوون وااايد كل الي يقرأ ومايعلق احسله لايقراا آآآآديت بنت عمي تبدعلكوو كل هالابداع وماتبردوون خاطرها بالردووود >> فداعة الله |
| الساعة الآن 01:50 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir