منتدى استراحات زايد - رواية حلم سرآب في رحلة عناء بقلمي : أسرار قلب =)

التكملة :yaw:
البارت ((٢٤))

التكملة ،
نغير في أنفسنا لكي نتأقلم معهم
في حين يتغيرون لتصدمنا تصرفاتهم ..

،،

هههههه ذكرياات ما اتخيل سيف يتذكر ..
كتبت في القروب : تروحون وتردون بالسلامه ..

ساره : ربي يسلمج ..
عنود : ميثوووووووووووووووه ويينج مختفيه ..
رديت : شفيكم كله تقولون اني مختفيه هنيه موجوده ..

عنود : هههه لا بس هالاسبوع ماشفتج ..
رديت : ان شاء الله بمر عقب ، برب ،
" سمعت صوت سيف " : ميييييييييثهههه !!!!!!!!!

إلتفت : هلاا ؟؟؟؟؟!!!
سيف ومتنرفز : شو يالسه تسوين هنيييه ؟؟
رديت : شو أسوي ماشي يالسه ارمس بنات عمي ،،

سيف : ميييثه انا ماقلت لج نوره تتريااج ماعندها حد يوصلهاا ؟؟
أنا ومستغربة : بسس هيييه قالت خلاص غيرت رايها بتم بيت عمتكم ..
سيف : اوك برايهاا جهزي عمرج بنسافر عقب بااجر
انا ومنصددمه : نسااااااافرررر !!!!
سيف ويضحك : ليش منصدمه جيه خلينا نسافر عالاقل نبتعد عن نوره واميه كم فتره ،

أنا كنت مستغربه ليش يعني شو صاير بعد ..
سيف : شو قلتي ؟ اختاري وين بخاطرج تروحين ؟
أنا ومستانسه غريبه اليوم سيف رايق ولا بعد يضحك : ممممممم
سيف ويطالعني بنص عين : لاتقولين بتروحين مكان بعيد وايد

رديت : خلاص نرووح تايلند ..
سيف وماعيبه اقتراحي : غيري مب كله تايلند .،
دخلت نوره : بتسااافروووون !! " ويلست اطالعني تتريا جواب وانا اطالع سيف "
سيف : نوره انا وميثه بنسافر بروحناا ..
نوره ؛ لااا بتسااااافرووون بروووح معااكمم ، ولا برمس اميه انكم ناويين تسافرون وتخلوني ..

أنا هنيه تضايق عرفت أن مابنروح مكان دام نوره تلاحقناا ..
سيف ويتأفف : نووره بدوون مشااكلل ماعندي مانع تعالي وياناا بس مشااكل مابي فاااهمه ؟؟؟
نوره واطالعني : قول هالكلام لحرمتك مب لي انا ،، انا حليلي ماحب المشااكل ..
"عقب راحت المطبخ ، انا رديت يلست وانا اتافف سيف ييه صوبي "

سيف : شوو الحين تتأففين !؟؟ وبعدين سعوود رمسج فالموضوع ؟
أنا : اي موضووع ؟؟
سيف ويفكر وحسيت في عيونه كلام وايد : خلاص عقب بتعرفين ..
قلت بحزن : سعود مدري شو فيه هالايام كل يحاول يبتعد عني ، ليش مدري !!
سيف : ميثه ممكن سؤال ؟
رديت وانا شوي واضحك : هيه ممكن بعد تستأذن ؟؟
سيف ؛ انتي بلاج هالايام فيج شي وايد تتخيليين !!!

حسيته يتطنز علي مسكت فوني وسويت عمري مندمجه بشي ،،
سيف ويطالعني فهم اني عصبت : عصبتي ؟ ولا زعلتي ؟
رديت : ماايخصك رووح حجرتك وخلني بحالي ..

سيف : تعالي قلتي عازمه بنات عمج اليوم ؟
انا واتذكرت : هيييييه صحح اليوم عالمغررب
سيف وابتسامه على طرف : عساس زعلانه وفجأه تحمستي ،
أنا : اي شي مايخصك ويخص اهلك يسعدني
سيف وفهم علي : هيه نحن الي مخربين وناستج . . " سكت شوي وعقب " عموما بروح حجرتي ،
وتحرك وراح حجرته انا على طول اتصلت في البنات أأكد لهم عسب يمرون علي وبعد على خوله
ربيعتي قلت اكلمها اكيد ملانه وكالعاده محبوسه ف البيت حاولت معاها لين ما اقتنعت وقالت
بترمس اخوها يوصلها ..

مرر الوقت وانا يلست أعابل في المطبخ
وخلصت طبااخ رحت خذيت شور وكشخت قبل لايوصلوون ،
رتبت كل شي الفواله العصاير والشاي والقهوه والسويت فالصاله
نوره كانت اطالعني مستغربه ..
نوره وتتمشى بهدوء فالممر : شو السالفه كاشخه ومبخره البيت ؟
رديت : بنات عمي بيمررن هنيه عندي ..
نوره وتسوي عمرها فيها رقاد : اها انا فيني رقاد باي ..
" وراحت حجرتها واناادري انا تتصنع التعب وانا بترقد "

رحت المطبخ وسويت دلة كرك لسيف ومريت حجرته الثانيه الي دوم يحب ييلس فيها
ليش مدري وشو يسوي بعد مدري الغريب ان قبل كان يسوي اشغاله هناك والحينه
هو مقدم استقالته من حوالي قريب شهر ، وشكله يدور شغل او شي !!!
دخلت الحجره كان الغرفة بارده كالعاده وهو يالس على الشبريه الصغيره
وماسك فونه واللاب على صوب ..

طالعني : ميثه !!
أنا ورحت حطيت الدله والكوب : سويت كرك لك ..
سيف ؛ هه غريبه في العاده مايهمج انا شو اكل او شو اشرب !!
أنا وافكر صح ان مايهمني بس انا مب ل هدرجه ما افكر الا بنفسي : يهمني ..
سيف ؛ هيه وااضح "قالها بطريقة مستفزه"
رديت : سيف مانبي حياتنا كله مشاكل على امور ماتستاهل !!
سيف ورافع حايبه : انتي كل تتطرين المشاكل !!!
قلت : اووككك آسفه " تحركت رحت المطبخ ويلست ع الكرسي "

انتظرت رد من خوله ارمسها فالبي بي ام ..
خوله : ميثووه سوري والله تاخرت ..
كتبت : عادي هاا شو قال اخوج ؟
خولة : كالعاده لا ..
كتبت: لييييش *فيس حزين*
خولة : أخوي دوج جيه مايرضى اروح مكان يقول اربيعتج خليها اتييه عنج اما انج تروحين لها مافي .
كتبت : خلاص ماعلي انا انتظر بنات عمي الحينه ،
خولة : برد اكلم اخوي ..
كتبت : أوك برببب ..

عقب سمعت صووت الجرس رحت فتحت الباب واستقبلتهم ..
شووق : هلااااااااااااااااااااااااااااااا "وحضنتني "
انا : وييييه بسسس بمووت ..
شووق : مقددددددرررر مشتااقه لج ..
عنود وتضربهااا : يالله دووووووووري ..

آمون : ههههههههههه شفيييكم جييه ..
ضحكت : ماكنت ادري مشتاقين لي لهدرجه حيااكن داخل ..

" دخلنا الصالة " وصبيت لهن ماي وعضير ..
عنود : ميثووه شحاالج شو الاخبااررر ؟؟
رديت : الحمدلله حبيبتي بخير مثل ما اتشوفين ..
قلت : وينها فطوم ؟؟؟
شوق : ما طاعت اتييه وياناا شكلها تتحراج بعدج مضايقة منهاا ..
رديت : خلاص شي صار في الماضي لا نرمس عنه زين " ابتسموا البنات لي "

ويلسناا نسولف وتضحك ..

>

<

>

<

شفتها من ورا الباب هيه وبنات عمها يضحكون !!
حسيت بقهرر ليش مستانسين ، ليش نحن مب مثلهم ..
شوي واشوف نوره تطالعني ..

نوره : عييب شو يالس تتسمع لسوالف البنات ؟؟
رديت : لا بس كنت بمر المطبخ ..
نوره ودخلت عندهن : السلااااام علييييييكم عندناا ضيووف وانا ما أدري ..

" عقب سلموا على بعض "

شفت ميثه اذا اتضايقت اول مايلست نوره معاهم ..
وحده من البنات : هذيييييييييييييي شووو تبيييي ؟؟؟؟؟؟؟؟؟
ميثه : عنووود !!!
البنت : شوووو متشووفينهاا احنا نسولف وتدخل بيناا .. وبعديين هالانسساانه الي خربت حياتج وخلتج تتزوجين من اخوها غغصب .. " ميثه كانت اطالعها بنظره سكتي "
البنت الصغيره : ايييه خلااااص ..
عنود : أوووووووووف ليشش تسكتون قولوا لحقق "واطالع ميثه " مب هاي الي خربت حيااتج ؟؟

نوره وتضحك : هههههههههههه "طالعت ميثه " اعترفي انج عازمه بنات عمج عسب المشاكل !!
ميثه : بسسس خلالالاصصص ..
كنت افكر ادخل بس ماقدرت عجزت ادخل بينهم وهن بنات مع بعض !! يلست اراقب من بعييد ..
نوره : لييش خلاص قولي الصج لوين تبين توصليين ...
البنت الي اظن اسمها عنود معصبه : جببببببب انتي اخر وحده تتكلم خربتي حياة ميثه وتبينا نسكت لج مسكييينه اذا مييثه سكتت عنج نحن مانسكت لين ما ناخذ حقهاا ..
نوره وتضحك : هههههههه أي حق شو تخربطين انتي ؟
البنت الثانيه : كيييييييف قدرتي تخططين لكل هالشي انتي واخووج هااا ؟؟ تكلمييييي

ميثه ومتنرفزه : قلللللللللت خلاااااص !!!!
عنود : لا مب خلااااص ميثه تعرفيين الحين هو يبون يخربون كل شي بداية تتزوجيين من انساان عااججججززز والحينه انتي مثل الخاتم في اييدهممم ..

ميثه : صح ان سيف مجرد انسان عاجز . .

لما سمعت هالكلمه حسيت بقوه تخليني أقاطعهاا : ميييييييييييثثثه !!!
ميثه واطالعني ومنصدمه : سيف !! من متى وانت تسمع ؟؟
تحركت : تعاااليييييييي ..

نوره وتصاارخ : عاااايبببببببنك يالسييين يحطون علي بالرمسه ويهينوني ..؟؟؟
رديت : نووره حجججججرررررجت .. جداامي !!
نوره وبعصبيه : اهانتك جداام بنات عمهاا وانت ساكت هذا الي قدرت عليه !! "وتحركت لحجرتها "

رجعت للحجرتي ولحقتني ميثه وسكرت الباب وراها ..
ميثه : سيف ..
رديت بعصبييه : هذاااا الي كنتي تبيينه ؟؟؟؟؟؟
ميثه : بس ..
قاطعتهاا : شوو الي بسس مستاانسه الحينه ؟؟ عايبنج الكلام ؟؟ ولا هه اساسا انتي هذا الي كنتي تبينه من البدايه ؟
رديت : لااا لاااا اناا مااكنت ارييد يصيير جييه ..
ضحكت : ههه لا ؟؟ حراام اني اصدقج لانج ماتستاهلين ..
ميثه : اناا بظهررر ..
قلت بقهر : قلتييها على الساانج انا مجرد انسان عاجز .. من البدااية كان هذا همج ولين الحينه مستمره في دور المسكينه المظلومه ؟

ميثه : عندك شي تضييفه ؟؟
مارديت عليهاا ..
ظهرت من الحجره "

>

<

>

<

>

<

رديت الصاله وردت لعنوود : زييييييين جييييييييه ؟؟؟؟
عنود ومتوتره : ميثه سوري والله مب قصدي ..
قلت : مب قصصدج ؟؟ انا كنت ارييد نستانس مع بعض ماتوقعت منكن هالشي ..
أمون : ميثثثثثه والله مب قصدنااا شي بس عسب تعرفيين ان نحننن معااجج ومابنسكت عن هالشي ..
رديت بحزن : ليش ؟ .. ليش عنود ..
عنود : كيف تبيني اسكت وانا اشوفج جيه خبريني كيف ؟؟؟؟

رديت : يالله تعالن بوصلكن البييت .. " لبست عبايتي "
وظهرت برع لسيارتي ..
وشوق مساكتني واتهديني عسب ما اعصب ..
شوق : خلاص ما صاار شي " وركبنا كلنا السياره كان همي ابتعدد اروووح أي مكاان المهم ماتم في البيت"

عنود : آسففه ميثووه والله آسفه " كانت اطالعني طول الوقت بنظرات ندم وانها ليش تدخلت "
رديت : عاادي انا مب مضايقه انا بس ماتوقعت يصير جيه طول هالفتره كنت اقص على عمري واقول كل شي بخير لكن اليوم وعييت من احلامي وتخيلاتي بان كل شي بتصلح ..

أمون : ماحبيناا نسكت حبينا نكون معاج ..
قلت : مشكورات ..
أمون وعنود وشوق : العفوو ..
شوق : اووووووووووووووف حساافة بسسس ماوصلناا للضرب كاان خااطري اضرب الي اسمهاا نوووره ..
كلنا ضحكنا : هههههههههههههههههه
أمون : ههههههههههههههههه لا ما اتخيل زين انا طلعناا من الموقف بسرعه ..
>

<

>

<

>

(( وصلت بالاول شوق وسلمت عليها .. عقب دخلت بيتهم وانا كملت دربي اوصل البقيه ))

شوق دخلت الصالة وتسلم : السلآم عليكم ورحمة الله ..
حمد : وعليييييييييكم السلام شوووقووه ..
شوق : شووقوووه فعيينككك ..
حمد : هههههه جب زيين ..

شوق وتيلس : انت من يوم رديت من السفره وانت بس فالح اتسبني ..
مها : افااا ليش حمد لاتسبهاا ما ارضي تراهاا بنت عمي وربيعتي ..
حمد : طططططع واناااا زييين رييلج ؟؟؟
مها : هههههههههه زين هيه ربيعتي قبل ما اصير حرمتك صح شوق ..

شوق واتسير صوبها : فديييييتججج صحيييييييين ومليون صح ..
حمد وبقهرر : مهوووه اناا نااقصه شووقوه والحين انتو الثنتين علي !!
مها : عيل مالك خص بشووق ولاتغلط باي كلمه " وضحكت "
حمد : اهااا جييه السالفة المحامية مهاا ، عيل تدرون اليوم كنت ناوي اخذكم معاي احوطكن بدبي بس اقوول تموو فالبيييت لين ماتموتووون من الملل ..
شوق : لالالالالالالالالالالالاااااااا خلااااااص والله خلااااص ..
مها وتكمل عليهاا : حممد بترووح برووحكك !!

حمد ويضحك : ههههههههههههه هااا اشووف يالله كل وحده تعتذر ؟؟
مها : ترى الموضوع مب مستاهل " وشوق تحرك راسها بمعنى هيه "
حمد : يالله معع السلاااامه ..
شوق ومهاا : لااا خلالاص اسفييين ..
حمد ويلتفت : ما اسمع شو قلتو ؟؟؟
شوق : آسفييين خذناا معااك مابي اتم في البيت خاطري اغير جوو ..
حمد : اسف الشيخ حمد ؟

شوق وبقهرر : لاااا عااااد ..
مهوه : آسفيين الشيخ حممد ولاتزعل المهم نرووح ..
حمد : هههههههه خبله انتي وياها يالله لبسوو بسررعه عسب نظهررر..
شوق وتحضن حمد : فدييييييييييييييت اخوووي ..
حمد : هيه وقت المصاالح بس ..
شوق ومها : ههههههههههه

>

<

>

<

>

<

(( وصلت أمون لبيتهاا ))

أمون دخلت البيت : السلام عليكم " وسلمت على امها وابوها وباستهم فوق راسهم "
عقب تحركت لحجرتهاا وكان في شخص يترياهاا ..

..... : رجعتي ؟؟؟
أمون : هيه رجعت شو يابج لين حجرتي ؟؟
..... : شفتي ميثه ؟؟
أمون : هييه شفتها اشو تبين شيمااء ؟؟
شيماء : امون بطلب منج خدمه سعود هالفتره تعبان شوي انا برد البيت بو سعود بعد شوي ..
أمون وباستغراب : شوو بلاه ؟؟ مييثه تدري ؟؟
شيماء : لااا ماتدري هو بخير الحينه الحمدلله .. بس وعدته اعتذر لميثه اريدج تكلمين ميثه ..

أمون ومنصدمه : انتي شيماااء !!!!!!!!!!!!!!!!!
شيماء : هيه شيماء ليش منصدمه مني جيه ؟؟
أمون : آسفه مقدرر اساعدجج بشي تبين تعتذرين لميثه روحي بروحج ..
شيماء وتترجاها : أموون لو تعزيني انا اختج في النهايه .. ما اريد اتم الكراهيه الي بيني وبين ميثه ..
أمون وبعصبيه :انتيييييي بنيتي هالكراهيه وانتي الي تختاريييين اذا بتم ولا أنا مالي خص فييج شو يضمانج مب ناوية على شي يديد ..
شيماء بحزن : أمون أنا اختج ؟؟ ماتثقين فيني ..

أمون : لآاا .. " وتحركت من الحجره "

>

<

>

<
وصلت عنود بعد مايلست تصيح وتعتذر مني ،
وأنا بالعكس ماتضايقت منها حسيت بان لازم استيقض من احلامي الي مالها معنى واملي من ان شي يتغير ..
هالشي الي خلاني لعبة فايد الناس وسيف كان مجرد شخص توقعته يتغير بس للاسف ماتغير ولا قدرت اغير في اهله ..

(( رجعت البيت صليت وعقب يلست في حجرتي كلمت ابوي واميه وتطمت عليهم عقب حطيت سكرت ))

ماشفت سيف نهائيا .. اختفى !!
معقولة استسلم ب هالسهوله وابتعد ..
وصلني مسج منه ( ميثه جهزي اغراضج باجر مسافرين )
وقت وزهبت ثيابي وكل شي وعقب رقدت كنت احس بتعب اليوم كان طويييييييل ..

الصبح :

حملنا شنطناا في السياره انا ونوره وسيف لكن سيف ماشفته للحين !!
وبعد ماركبت السياره انا بسوق ركبت نوره ورا وقالت : صحيح نحن تخلينا عن سيف فتره طويلة لكن نحن ما ناذي سيف شرات ما انتي تسوين ..
مافهت شو تقصد شوي الدريول وصل مع سيف وساعده يركب السياره وراح ..
سيف : يالله سرناا ..

شغلت السياره وانا طول الدرب افكر شو تقصد نوره لي شجيه معاي !!
مرر الوقت وانا بعدني افكر بكلام نوره ..

سيف : انتبهي وانتي تسوقين ..
رديت بهدوء : زين ،
سيف : نوره ساكته !!
نوره وبهدوء غريب : ماعندي شي اقوله ..

كنت لاول مره احس بفراغ وصلنا المطاار وبعدهاا من مطار بوظبي ليين مطار تايلند ..

>

<

>

<

>

<

>

كانت رحللة طوييلة الغريب كان شعوري غرييب وكان هاللحظات تنعاااد علي !!
كأن شي يتكرر وصلنا الفندق ارتحنا شوي صليينا وتعشييناا ..
سيف !! محد من يوم وصلنا تركنا بروحنا واختفى ، كنت استرجع ذكرياتي في هالمكان ..
الي كان بداية تغير كل شي .. هنيه البداية الي غيرت حياتي كلها !! هنيه عرفت سيف ..
وعرفت ان لي ولد عم الي بعدها حسيته قريب مني عنهم كلهم وماتوقعت في يوم اني بتزوج سيف !!

قاطع على ذكرياتي صوت نوره : وييييينههه سسسسسسيييف !!
كنت احس بخوف : مدري ؟؟
نوره : ميييثثثثثثه تكلمي ويينه لو صار شي بأخووي ماتلوميين نفسج " وظهرت تدور عنه "
انا : سيف وين رحت .. !!!!!!!!!!!!

ظهرت ادور مع نوره .. لين ما اختفت نوره وتمييت بروحي ،
تحركت ادوره في الاسواق الي قريبه من الفندق لين ماحسيت صوت ..

: مييثه ؟؟
التفت وانصدمت : ساره ؟؟
ساره وتحضني : ميثثثثثثثثه اششششششتتتقتلج ليش ماخبرتيني انج بتسافرين لييششش ..
مدري شو كان شعوري كان اللحظه نفسها تتكر : آسف ساره آسفه لاني تخليت عنج ..
ساره وتصييح : لآااا اناا الغلطاانه والله اني عااتبت نفسيي واايد وااايييييددد ،
حسيت بدموعهاا علي : انتي ماغلطتي انتي ماكنتي تدرين ان جيه بيصير معاي ..
ساره واطالعني وعيونها حمره من زود البجي : كنت حاسه اني بشوفج هنيه من يوم قلتي انج مسافره ..

رديت : وانا ما اخترت اني اروح تايلند الا لما عرفت انج هنيه ..
ساره وترد تحضني : ساامحتيينيي ..
رديت بحزن : لاتصيحيين سامحتج كل الي صار مجرد رحلة عناا وانتهت ..
ساره : مشكووووره ..

ناصر : مطولييين !!!!!!!!!!!!
انا انصدمت من وين طلع : ناصر !!
ناصر : هيه شحالج ميثه ؟؟
رديت : الحمدلله بخير .. " خلاص عيل بخليكم على راحتكم وراح "
ساره : ميثه تذكريين ذكرياتنا هنيه ..
طالعتها وابتسمت : كيف انسى ؟؟

ساره وتمسك ايدي : يالله نسترجعهاا ..
وعقب يلسنا نمشي ونمشي ونمر بالاماكن الي كنا نروحهاا قبل ، وواشترينا شي ناكله ..
مرر الوقت للحظه قلت : سيف ..
ساره وبستغراب : شو فيه ؟؟
رديت : اختفى ..
ساره ومب فاهمه شي : كييف يعني !!
كملت : من يوم وصلنا ظهر وماشفته لحظة صمت ..

ساره وتفكر : ميييييثه المكتبه ؟؟؟
رديت باستغراب : أي مكتبه ؟؟
ساره وتكمل كلامهاا : المكتبه هنيه قبل سنين لما كنا انا وياج دوم نروح وانا اشتري كتب ..
قلت : سارووه مافيني عقب اشتري كتتتتببب ..
ساره : لاا لااا ..
طالعتها باستغراب : شو الي لا ؟؟؟
ساره : هههههههه يالله صرتي ماتستوعبين بسرعه سيف يمكن موجود في المكتبه كان دوم يتواجد هنا قبل ..
قلت : صصصصصصصصصصصح كيف نسييت ..

ساره واطالعني : يالله نروووح !!
ردديت : هييه بسررعععه " عقب رحناا ندور المكتبه لين ماوصلنااا انا ساره وناصر "

وقفت عند الباب محتاره ادخل ولا ..
ساره واطالعني : ميثه انتي دخلي انا وناصر بنرد الفندق عقب بكلمج اوك ..
رديت : اوك خلاص تعبتكم معاي ..
ساره : لا عااادي يالله تحملي من روحج " وعقب راحت مع ناصر "
>

<

>

<

>

دخلت المكتبه مثل ماهي ماتغير نفس الكراسي والطاولات ..
يلست ادور معقولة سيف هنيه .. ليش لا هو مثل ما قالت ساره دوم كان هنيه ..

رحت صوب الرفوف اطالع الكتب ..
عقب تحركت واخيرا شفته ، كاان ياالس وماسكت كتااب يقرااا ..
تحركت بهدوء صوبه وهو حس بحركه التفت وشافني : ميثه ؟
قلت : انت اهنيه ونحننن ندوور وييت بكلم نوره ..
سيف : لالااا تتصليين كلمتهاا وقلت برد بعد شوي ..

رحت صوبه ويلست : اووووف سييف خليناا تم نحااتي وندوور ..
سيف ويضحك : هه عساس تحاتوني انتي وياهاا ..
فهمت قصده : من متى هنيه ؟؟
سيف : من زماان وانتي كيف تتطلعين على كيفج ؟؟
رديت : كنت مع ساره ..

سيف : ادري شفتكم ..
أنا ومنصدمه : كييف شفتنا وانت هنييه !!!
سيف ويطالعني بنظره غريبه : مب مجبوره تصدقين الي ماتشوفينه ..
رديت : سيف تعببت خلناا نررد الفندق ..
سيف وكمل يقرا ..

قلت بعناد : بتم هنييه عيل ..

يلست انظهره مرر الوقت بطييييييييييييء لين ماحسيت شوي وارقد غمضت عيوني ..
سيف : مييثه .. ميييثه !!!
فتحت عيوني : خلصت ولا ؟؟
سيف : يالله بيسكرون ..
عقب قمت وتحركت انا وسيف كنت ادز الكرسي ..
سيف : عايبنج جيه انا في الكرسي ؟؟

رديت : شو الي تبي تعرفه !!
سيف ببرود : كل شي بينتهي اسرع من ماتتوقعين لاتحاتين ..
مافهمت شو يقصد !!
سيف : يالله نرد ..

>

<

>

<

>

<

( في اليوم الثاني ) الصبح . .
كننت اناا وسااروه يالساات نلعب ونضحك ونسولف ماخليناا شي ماسوينااه في الفندقق ..
حسيت براحه في داخلي انا وساره رجعنا مثل ماكناا ومستحيل أي شي يفرقنا مره ثانيه ،
كانت نوره اطالعنا واتراقبنا من بعييد ..

ساره : نوره تعالي يلسي معانا ؟؟
نوره ومنصدمه : أنا !!!
ساره وتبتسم : هيه تعالي ليش يالسة بعييد ..
نوره واطالعني : بس خليني هنيه احسن ،
ضحكت : هههه يالله تعاالي وخلي عنججج الكبريااء مالج ..

نوره : مااابي ..
ساره واطالعني : شو الحينه نطلع ونخليهاا بروحهاا ..
نوره ومنصدمه : شووووووه !!
ضحكنا انا وساره : هههههههههههههه
أنا : نمززح يالله تعالي يلسي معانا مب حلو جيه يالسه بروحج ..

قامت بعد تردد ويلست معانا .. كانت تطالعني وكان فخاطرها كلام وايد بس ماتكلمت ..
انا : يالله عقبببببب ننزلل ناااكلل شراكم ..
ساره : هييييييه يوعااانه ..

يلسناا انا ونوره وساره نسولف ونشغل اعمارناا وسيف كالعاده محد !!

كاات ..

بكمل عقب حبيت اقولكم قربناا من النهاية :Afk_r:
ابي اشوف ردودكم ..