منتدى استراحات زايد - قلبي رفض يحب غيرك وٰ صرت أنا مجنونك♥..

البارت الـ19 ..
.
.
.
.
قلبي تعلق به وحبيت طاريه لو طالت الجفوه فلا ظني أنساه يفتني بطيبه وندرة مواريه والفكر يهذي به صباحه وممساه<4.
.
.
.
.
.
دخلت البيت و سرت حجرتي . . اول ما وصلت رن فوني .. و المتصل سيف ..
أنا ابتسمت : هلاآ سوافي ..
الريال : احححم .. منو انتي الشيخه ..
انا : منو انته ؟ ها فون ريلي ..
الريال تنهد : سامحيني اختيه .. الريال مسوي حادث ..
انا انصصدددممت : ها؟
الريال : في سياره دعمته و سارت انا اول ما شفته وديته المستشفى ..
أنا صحت : اي مستشفى ؟
الريال : ال***** ..
سكرت الفون ولبست عباتي .. و نزلت تحت شفت نهيان ف ويههي ..
نهيان : شو فيج ؟ ليش تصيحين ؟
انا مسحت دموعي : نهيان ودني المستششفى اللہ يخليك ..
نهيان : انزين تعالي ..
سرنا المستشفى و سألنا عن سيف المهيري .. قالولنا انه فـ العناية .. نزف وااايد دممم .. و يحتاجون دم فصيله a+
انا : دكتورة اللہ يخليج قولي شو بلاه سييف ؟
الدكتورة : نزف كتييير و هوا محتااج دم عششان يعيش ..
انا : انا بعطيه ..
نهيان : وين تعطينه انتي عظم .. وين فيج دم اصلا ؟
انا : مب وقتك نهيان ..
الدكتوره : محتاجين دم فصيله +a
انا : انا دمي o+ ينفع أعطيه ؟
الدكتورة : ايواا . . تعالي معايه ..
انا : خبر عميه و عمتيه و روضضوه ..
نهيان : انزين انتي سيري وياها الحين ..
سرت وياها الغرفه و من سحبت عني الدم و انا احس ب صداااع فظييييع !!!!!!! و احس ان الدنيا تدور . . و رااسي بينفجر .. سحبت عني ثلاث أكياس دم .. و انا كل شوي يغمى علي ..
نهيان يزااعج : حسسبي الله علييييج .. شووو سويييتي ف البنت ؟؟
الدكتوره : هاذي أعراض عاديه . . مش المطلوب انك تخااف ..
نهيان : كيييف ما تبيني اخاف ؟ شووو ياااها ؟
الدكتورة : اطلع برا لو سمحت ..
طلع نهيان و اتصل فيه عمي بو سيف .. و خبره وين نحن و يا عندنا ..
روضه ب خوف : شووو بلاه اخويا ؟
نهيان : سوا حادث و نزف واايد دم .. و هم محتاجين دم عشان يسسون له عمليه و يعيش ..
ام سيف تصيح : واااحسسسررررتي على ولييدي ..
نهيان : اذكري اللہ عمتيه ..
ام سيف : راح وليدي راااااح . .
روضه : لا اله الا الله ..
ام سيف : حسبي الله على من كاان السسبب ..
نهيان : استغفر اللہ ..
بو سيف صااابر و متحمل . . و مااسك اعصصاابه . . و يذكر الله فـ كل دقيقه ..
روضه : وين عنوود ؟
نهيان : داخل .. يسحبون منها دم ..
روضه : بدخل عندها ..
"دخلت"
روضه : ليش استوووى ويهها جذي ؟ بس بس لاااا تسحببيين عنهاآ خلاااص ..
الدكتورة : باقي كيس واحد ..
روضه : سحبي عني انا أخته ..
الدكتورة : طيب ..
سحبت من روضه كيسين زياده . .
الدكتورة : خلاص مشكورين ..
روضه : عنود ليش مغمى عليها ؟
الدكتوره : لما سحبنا عنها الدم اغمى عليها ..
روضه : كم كيس سحبتوا منها ؟
الدكتورة تأشر تحت عند ريولها 3 اكيااس كبار . .
روضه فجت عينها : خييييبه .. لازم يغمى عليها ...
نروح عند سيف .. يوم سوى الحادث دعمه الريال من جدام .. و ششرد خاااف يكون جتله .. ضرب راسس سيف على الجامه اللي جدام .. و دخل ف جسمه زجاج . . و نزززف واااايد . . ياه نزيف ف المخ . . و بطنه و ريله دخل فيهم زجاج و نززفووا وااايد .. يعني محتاجين دم عششان يسسون له عمليه …
نهيان رش على ويههي ماي لين ماا نششيت ..
أنا يتني الغبنه : وين سييف ؟
نهيان : اذكري اللہ ي اختي ..
انا : لا اله الا اللہ ويييين سيييف خبرني !!!
نهيان : يسسوون له عمليه ..
أنا نشيت و ظهرت برا وين كلهم يالسين ..
ريم شافتني و يت صوبي : انتي السبب .. انتي خليتيه جيه ..
انا اطالعها ب نظرات مب مفهومه !!
نهيان صفعها : مب من طبعي اني أمد ايدي على بنات . . بس البنات اللي ما يحششمون هاذا دواهم ..
ريم تصارخ : خذيييتيييه مني !!!!!!!! ما خليتييني اتهنى وياه ... اللہ ينتقم منننج .. انتي اللي دوووم يسير عندج .. انتي اللي حبج و فضضللج علللي .. و كررهههني ب سبتج ..
أنا ب نفس النبرة : اناااا حبييييته وهو حبني . . مب مششكلتي اذا هو حبني من كل ققلبببه ..
بو سيف : اذكرن اللہ يا بنيات !!!!
انا : استغفر اللہ ..
ظهرت الدكتوره ..
الدكتوره : الحمدلله قدرنا ننقذه . . بس دخل ف غيبوبه ..
ام سيف : عنببوووج زاد شو هالرمسه يااا ****** كيف انقذتتووه و دخل ف غيبوبه كييف ..
روضه تهديها : ما عليه امايا .. ان شاء الله بيقوم ..
.
.
.
.
.
اميه : الله يهديه نهيان وين سار ويا اخته .. شيخه اتصلي له ..
شيخه تتصل بس محد يرد ..
شيخه : ما يرد امايا ..
اميه : و عنود ما فكرت ف عيالها ؟ كيف تسير و تهدهم ..
شيخه : اكيد شي قوي امايا ولا ما بتظهر جي فجأه !!
اميه زخت قلبها : قلبي يقوولي انه استوالها شي .. مووول مب مطمنه ..
شيخه : لا اله الا الله ما بيصيبهم الا الخييير ...
شما يت هي و بناتها : بلاج عمتيه .. عسى ما شر ؟
اميه : نهيان و عنود ظاهرين من مسسساعه و تيلفوناتهم مغلقه ..
شما : ما عليج اكيد تيلفون نهيان ما فيه جرج و عنود نفس الشي ..
اميه : قلبي يعووررني .. مب مطمنه مب مطمنننه !!!
شيخه : سلامت قلبج امايا لا تقولين جيه ..
.
.
.
.
.
.
سمعنا صوت البنج .. و الجهاز اللي يطلع اصصوات .. دخلت الدكتوره عنده و نحن على أعصابنا .. قاست النبض و التنفس و طلع بخير الحمدلله ..
سيف يتلعثم ف كلامه : ععع ن و ..
الدكتورة : ششو ؟
سيف : عنوود ..
الدكتوره : اناديها ؟
سيف رفع ايده بمعنى هيه ..
الدكتورة ظهرت : بدوو يشوف العنود ..
أنا سرت وياها ..
سيف أشر لي بمعنى تعالي .. سرت يلست عداله و مسكت ايده بقوو ..
سيف : آححح بب ج ..
انا صحت : لا تخليني برووحي سيف !!! الله يخليك لا تسسير عني ..
سيف غمض عينه : مرريييم .. و سس اا لم ..
انا : سيف لاااا ترووح الله يخلييك لا ترووح و تخليني ..
سيف فتح عينه و رد يغمضها ..
انا حطيت راسي ع صدره : سيف ما اتخيل الحياه بدوونك كيف . . ما اقدر اعيش بدوونك ما اقدر اعييش بلااااك . . دنيياا بلااك مااا اباااهاااا . .
سيف ابتسم و غمض عينه ..
.
.
.
.
.
.
ودعتهم والدمع ينساح ..
من موق عيني كالمساييل
من عقبهم ماظني ارتاح ..
يا ونّة اللي به يذا الحيل
يا اللي تريّح مول ماناح
مثلي ولا حسّ ابسهر ليل ..
وانا شرات الطير نواح
اللي لفا وجت المقاييل
ابا ولا حسّيت بفراح ..
من يوم صغري حظّي ايميل
لو بنظره حسّيت بالراح
وانسى همومي والتعاليل ..
.
.
.
.
.
شوق يايه تربع وهي تصيح ..
ام منصور : شووقووه !!! ليه تصيحين ؟
شوق تصيح : اماااايه ..
ام منصور : هب هباااج الرب . . شبلاج تربعين جذه و تصيحين ؟
شوق تصيح ..
ام منصور : بسم الله شووو مسستوي شووو فييج ..
منصور ابتسم : تسوي رياضة ..
شوق طالعته : سخيف "طالعت أمها" اماياه روضووه توها متصله و تصييح تنووح ..
أم منصور : بسم اللہ بلااها ؟
عليا : يمكن شي استوالهم ..
شوق طالعتهم : يعني ما اكمل ما أكمل ؟ اذا ما كملت بسكت ..
منصور : رمسسي طيحتي فواادنا ..
شوق ردت تصيح : سواف توووووفى !!!!!!
ام منصور : لا اله الا اللہ ..
عليا : انا لله و انا اليه راجعون ..
اماا منصصور الصدمه عنده مب طبيعيه . . ربيع طفولته و اخوه و صديقه الروح ب الروح كيف توووفى كيييف !!!!
شوق تطالع منصور اللي مبين من وييهه انه منصدم ..
شوق : قوم ودنا صوبهم دخيلك . .
ام منصور طالعته : قوم . . انا بسير اييب عباتي ..
.
.
.
.
.
.
انا اصييح : لااااااااااااااااء . .
سمعت صوت البنج مادري شو اسمه اللي يطلع صوت و يت الدكتوره هي و النيرسات ..
أنا : سيف ما اقدر اعيش بدونك . . انته رييلي بوو عياالي . .
الدكتورة مسكتني : عطاج عمره ترحميله وٰ ادعي انه يدخل الجنه ..
انا ظهرت وأنا منننهااااااارررره من الصيااح . . كيف بعيييش بدووووونه كييييف !!!!
نهيان : عنود !!!!
الدكتوره : عطاكم عمره ..
بو سيف من الصدمه يلس .. و ام سيف تصيييح .. و رويض تصيح ويا أمها .. و ريم متغشيه و تصيح . .
انا طالعت نهيان و ابتسمت ب ألم : راح عني ..
نهيان لوى علي : حبيبتي ..
انا رد اغمى علي .. و كل مااا انشش يغمى علي .. استمريت على هالحال خمس اياااام تقريبااً اسسبوووع . . ما ادري عن اللي حولي . . ما اعرف منو وياي و منو يرمسني .. اشوفهم يرمسون بس ما اسمعهم و من أغمض عيني يغمى علي .. لا اكل دخل فـ بطني و لا رمت ارقد شرات خلق اللہ . .
نشيت الفير و ما لقيت حد . . لفيت شيلتي و حسيت اني مليت من جوو الغرفه الكئيب .. و ظهرت دعمت ف واحد ..
الريال : السمموحه اختيه ..
أنا ما عرفت شو قال و غمضت عيني ..
الريال : محتايه أساعدج ؟
أنا اطالع شفايفه تتحرك تنطق بس ما اروم أتكلم ولا اروم اسسمع شي ..
الريال مسك جتفي .. و حطني على الشبريه و لحفني : لاا تتحركين اكيد انتي تعبانه "ابتسم" بزقر لج النيرسات ..
انا غمضت عيني بقوو .. و تذكرت سيف و رديت اصييح . . الصبح يــــوو اهليه عندي و يابوا لي مرييوم و سسالم ..
نهيان مسك ايدي : لا تسوين جي ف روحج ياا اختيه ..
ابويه : تعدلي فديتج ..
أنا اتكلم ببطئ : م مااروم ..
اميه : الحمدلله ع سلامتج الغاليه ..
انا ابتسمت غصب ..
أبويه : شحالج الحين ؟
انا : بخير ..
ابويه : الحمدلله ..
شيخه ابتسمت : ولهنا عليج ..
حمد : هي والله صدقها .. اشتقناالج . . حتى عيالج تولهوا عليج ..
انا تذكرت سيف و غمضت عيني و انسدحت ..
اميه : خلوها بروحها ..
نهيان : بيلس عندها ..
اميه : لا تيلس تسوي ازعاج ..
نهيان ابتسم : اوكيه ..
.
.
.
.
.
.
.
.
عليا تلوي عليه : خلااص قلبي بسسك ..
منصور يصيح و ما يرمسس ..
عليا : من أسبوع و انته ع هالحال .. خلاص عاد ..
منصور يصيح بدون صوت ..
عليا : والله قلبي يتقطع عليك يوم تسوي جيه ..
منصور طالعها و تم يصيح ..
عليا : بس حبيبي بسك صييياح ..
منصور يمسح دموعه : والله انه غالي علي ..
عليا : الأعمار بإيد اللہ هو توفى اليوم .. و باجر انا واللي عقبه انته ..
منصور : لاااا تفاااولين ع عمررج لاا تييبين طاري الموووت !!!!!!
عليا : بسم اللہ بلاك جيه عليه ..
منصور مسك ايدها : فقدت اخوي و عضيدي و رفيقي و سندي مابغي افقد حبيتي حرمتي ..
عليا تنهدت : اللہ يرحمه ..
منصور : امين يارب ..
..
.
.
.
.
.
حارب : اللہ يصبركم ..
نهيان : انا صاابر . . بس ختيهِ الله يهديها ..
حارب : ما تستاهل عنوود ..
نهيان : اللہ يعينا ..
حارب : و وين عيالها الحين ؟
نهيان : عند الخدامه ف البيت ..
حارب : كيف تخلونهم ف البيت اروحهم كيف !!! ما تخاف عليهم ..
نهيان : لا تحسسني .. منو الحين بيجابلهم .. أمهم طايحه ف المستشفى و اميه وياها ما تفارقها دقيقه .. و شويخ نفس الشي و حمد يداوم هو و ابويه .. و شما ف بيت أمها .. منو بيتفيج لهم السكني ؟
حارب : قوم نشش .. بنسير انييبهم ..
نهيان : اففف حرووب مب متفيج لك ..
حارب : ما بتجابلهم ؟ انا بجابلهم عنك ..
نهيان وقف : بسير بس فكني من صدعتك ..
ساروا بيت ابويا ..
سالم : ابا ماماه ..
عايشه : اوووه أمك راقده ..
مريم : راقده ؟ ويين محد ف البيت ؟
عايشه : ف المستشفى ..
مريم و سالم : المثتثفى !!!
عايشه : أووهوو هيه هيه . . و باباتكم مات ..
مريم : ثو ؟
عايشه : باباه رااح ..
شيخه : عوااش لا تعلمينهم ..
عايشه : ترا أبوهم رااح و ما بيرد خلاص ..
شيخه : عوااش . . قومي انجلعي . .
مريم تصيح : ماماه ..
شيخه : لا تصيحين حبيبتي ..
دخل نهيان هو و حارب ..
نهيان : هوووود هوووود ..
شيخه عرفت انه واحد من الريااييل و لبست شيلتها : هدا هدا ..
حارب : السلام عليكم ..
سالم ربع صوبه : وين بابا ؟
حارب يغير السالفه : تبغي تسير الألعاب ؟
سالم ابتسم : هييييييييه ..
نهيان : شو فيها الحلوه زعلانه ؟
عايشه : انا مب زعلانه ..
نهيان ابتسم : منو رمسج انتي ؟ انا ارمس مرييوومه ..
عايشه : اصلا عادي ..
نهيان لوى على مريوم و شلها : حيآآتي انا فديتهم اللي يصيحون .. قولي منو صيحج و بضربه بدوووسه بالكروزر ..
شيخه ابتسمت : عواش صيحتها ..
مريم تطالع عواش : ماحبث ماااحبث انا احب خااالي و حررب ..
حارب : بسم الله الرحمن الرحيم .. انا حروب مب حرب ..
مريم ابتسمت : حروب ..
نهيان : ها ي الحلوه ؟ نسير الألعاب ؟ ولا نشتري اسكريم ..
سالم : اثثثكرييييم ..
مريم : و ما نييب حق حايثه > عايشه ..
حارب : ما بنييب حق حايثه ..
عايشه : انا مابا .. ابويه "بدلع" بيشتريلي اسكريم ..
.
.
.