|
ودّيْ [ أغمضَ , وآفتح آلعين , { ألقآكِ ! مها:هلااا والله.. ميثاء:اهلين... اشحالج..؟؟ مها: يسرج حالي.. ومن صوبج..؟؟ ميثاء: تمام...مممم مهووي.. ابعيج فـ موضوع.. مهم جدا جدا.. مها:ههههه شو هوو.. ميثاء: ربي يسلمج....تعرفين انه بس عندي .. اخو واحد الين الحين ما تزوج.. مها خافة: اهاا... ميثاء:وانا ودي اليوم قبل باجر اشووفه..معرس.. مها: ربي يوفجه.. ميثاء: آآآمين.. امساات يه ورمسني.. وقال ..ميثاء.. انا ودي اتزوج..بس هب اي وحده لااا انا ابه مهاا .. لي..عـ سنة الله ورسوله.. ..ممم وانا اليوم .. متصله عليج.. عسب اخبرج.. وشوف راايج.. مها ودموع فـ عينها: فـ شوو..؟ ميثاء:هههه ..ابغه راايج.. شوو اموفقه عـ اخووي.. مها: ميثاء.. مهماا يكون رااي ..علقتي فيج ماتتغير صح..؟؟ ميثاء استغربة: اكيد... مها:ان شالله بفكر .. وبرد لكم خبر؟؟ ميثاء: اخليج الحين.. مها: اووكي.. مع سلاامه.. ميثاء:مع سلاامه... مروان: هاا شوو قالت.. ميثاء: قالت برد لكم خبر..بس مادري.. احس انها بترفض.. مروان: جيه..؟؟ مياثْ: مادري عنهاا... مها يلست اتصيح: معقووله....الي قالته منال... صدق.. مها: ما بتراجع عن قرااري .. مهما كان .... ما ابه اعيش .. بعذاب. معه.. بس ..هوو شو يبه فيني....ليش يبه يبهذلني.. انا شوو سويت...استغفر الله...نسيت اصلي .. صلاة العشاء... اماني:..الصراحه.. طبخهاا رؤؤؤعه.. نووري: صدقهاا اماني.. ربي يعطيها العافيه...الصرااحه عـ هل طبااخ.. ريووم: يااامي الكيك رؤؤعه.. حمده: منووه احله كيكت اميه خديجه.. وله اماني.. اماني:هههههه.. اكيد اميه خديجه..ووين انا ما اوصل لطباخهاا..الصرااحه.. حمده:هههه زين يت منج.. اموون: يلااه بنات انا ساايره.. اميه تتريااني.. برع.. نووري: حتى اناا .. الدريول من متى يتريه.. حمده: ووين تو النااس.. نووري: السااعه 11.. ووين تو النااس ... الحين امي وبوي بيحااتون.. ريووم: نحن عـ اسبووع اليااي .. امساافرين.. امون: انا .. الاسبوع اليااي .. عندي .. عرس.. بدت الاجازه.. وبدت الاعرااس .. عدناا..هههههههه البنات:ههههههههههه حمده: انااحتمال.. اسافر عند ابوي.. نووري: ووين..ابوج امسافر..؟ حمده: الهند..مادري بشووف.. نوري: انا اقول سيري وستانسي .. اماني: اووه ماما اتصلت .. الحين بتحشرني .. يلااه بااي بنات.. امون: بي معاج امي تتريااني..برع اماني: يلااه... وساارو يلبسون عبيهن.. ريوم: نووري.. بي معاج.. اتريني.. نوري تلبس عبيتهاا: اووكي.. يلااه.. حمده: والله يلستكم ما تنمل..تعرفين اول مره اسوي حفله.. نووري: صدق...؟؟ حمده: هي والله..بس الصرااحه استانست من الخااطر معكم.. نووري: فديتج.. ريوم: يلااه.. بااي حمدووه حبيبتي. حمده: بااي. .. اماني وامون: باااي.. حمده: باااي... ارجع , / ترآنِي شفْت [ موتِيْ ] , وانا ..{ حيْ حارب:هاا باجر متى تون اي سااعه.. سلطان: ان شالله عـ ظهر.. حارب: اهاا.. ممم .. كلكم..؟؟؟ سلطان: هي.. بس .. نووري.. قالت ما بتي شراات كل مره.. حارب بيأس: اهاا.. سلطان: هاا شوو ..النادي اووكي...؟؟ حارب: هي.. يوم بتي ... باخذك معي.. عسب اتشووف المكان.. سلطان: اووكي.. ابعيد عن بيتكم ..؟؟ حارب: يعني.. تقريباا اجريب.. سلطان: اهاا هي صح.. حمده.. الين الحين اتكلمك.. حارب:آآه هي بعدهاا.... سلطان: حشه هذي ما تفهم.. شوو هل انساانه.. حارب: خليها عـ الله.. فيّني من , الوناات كثيْر ! منهآ ~ْ حلَم و وجَع و أمنيهْ , نووري وهي ترتب اغراضهاا .. امعليه عـ غنيه.. فـ لبهاا وتغنيه ياغالي انشغل بالي ياغالي تعب حالي ياغالي ليش قلبك نساني جفاني زماني مااصدق تغيب عني واعاني في ايامي ياغالي ياغالي .. وانت تدري حبيبي مااقدر على فراقك انت معنى حياتي وجودي غرامي انت ياهنى عمري .. ياروحي وآمالي ياغالي .. ليه تنسى الليالي ترحل ولا تبالي منهو غيرك بقالي بحياتي ياغالي >>جديمه اخخخ.. بس حلووه..الصراحه... رن فونه بس ما سمعته..ورن مره ثانيه .. انتبهت عليه.. نووري: آلووو.. هند سمعت صوت الغنيه:ههههه شوو هل غنية الرؤؤؤعه. .. نووري: حلوه صح.. وصارت اتغين معه... منهو غيرك بقالي بحياتي ياغالي هند: تنفعين بدالهاا... هههههه نووري:ههههه.. هند: هاا .. بتين بااجر.. نووري: هي ان شاالله بس ما ابه حد من الشباب يعرف ..اني ياايه.. هند: افاا عليج.. الشله عرفة.. باجر صبااحي.. ما شي نووم..اخبرج من الحين.. نووري:آآآه من زماان ما شفتكم.. والله مشتاقه لكم.. هند: حددي.. نحن وله حاارب..ههههههههههه نووري: افففف.. انتي ليش تفهمين غلط.. اكيد انتووه.. حاارب انا نسيته.. هند: ههههه ضحكتيني.. بااين.. ودليل كل يوم تسألين عنه.. نووري: عاادي يعني .. اسأل عنه...بس جي.. جيه هو مب ولد عموه..؟؟ هند: حشه كلتيني.. هذا كله عسب حاارب.. نووري: انتي وبعدين معاج.. حاارب مسحته.. من باالي.. انتي شوو ما تفهمين..اففف تعرفين بغير رااي.. الين الحين محد يعرف اني ساايره فـ بيت غير ماما خلااص بخبرهاا مـ هند: لاااااا دخيلج.. يولي حاارب نووري: هنـــــــــد.. جيه تقولين عنه جي.. هند: والله ما فهمتج.. نووري :غيري الساالفه.. سمعي هل غنيه.. هند:هههههه شرااته .. نوري: ادري.. بس من البدايه.. وصارت اتغني.. ياغالي انشغل بالي ياغالي تعب حالي.... هند اتغني..: ياااغالي .. ياغالي... نووري وهند: ياغالي ليش قلبك نساني جفاني زماني مااصدق تغيب عني واعاني في ايامي ياغالي نووري: يااغالي.. ياغالي.. ياغالي.. في وسط روحي دوم ساكن غلاكم وبقربكم شفت السعاده بعيوني تبسم ليا الدنيا ببسمة شفاكم وأحس نفسي سيدٍ وسط كوني ثاني: يلااه شبااب.. اخليكم... سعيد: عاد مرنه انت... ثاني: ان شالله.. حمد: يلاه مع سلاامه.. ثاني : مع سلامه.. وركب سيااارته..وظهر من البااركناات..وصل صوب الاشاره.. سمع حد يدقله هرن..يوم لف شااف سعيد.. نزل الجاام سعيد: تتراايس..؟؟ ثاني:هههه اووكي... يلااه.. سعيد عل عـ اغاني وكان حااط... ارقصي مع نبض قلبي والقصيد وداعبي بحر الشعر قبل الرقاد بالانام الي طوع الحرف العنيد وارسمي بلوحة حروف الوداد حرفي ينبع من خفوقي للوريد ينسج الاحساس مع خط المدان ينثني له رمش عن عيني بعد رمش سارق من جدا ليل السواد والله لعيون لها لحظ فريد ناعسات كني ف شاه النواد وان نظرت لحسنها شوقي يزيد وان كان تبعد الوله والشوق زاد تلني برق النحر والجيد جيد التماني لي ع المشراف عاد لجلها ولعيونها صغت الجديد والحروف استسلمت عقب العناد ونفجت الاشااره.. ونطلقو...كل واحد يساابق الثااني.. الين.. ما وصلو للجسر..(( ..نسيت اسمه المهم..)).. ثاني: باااي شبااب... حمد: بااي.. سعيد يزاعج: مر اووكي.. هب تقطع.. ثاني يزاعج..: اكيد بمر.. مشتاق حق موزه وابوهاا.. وطااااااار..فـ سياارته...متجه للبيت..... انتبه عـ يسااره .. كانت وره .. من يوم كان واقف عند الاشااره.. بس بعدين ما هتم.. وكمل دربه.. لبيته.. أنا كلي على بعضي قضية حب منسيه00 أبد ما اتحمل النكران ولا اتقبل بعد تأجيل بعد ما شكرت من هند .. رن فوونهاا عـ طول.. نوري: اففف شوو يبه بعد.. نووري:آلووو خالد: هلااا.. نوري: اهلين.. خالد: اكيد بااجر هب سااايره..؟؟ نووري: قتلك اني بسير شوو ما تفهم.. خالد يزاعج: نوره .. وربي اذا ما سمعتي الرمسه .. بتشووفين شي عمرج ما شفتي.. نووري: تعبت من التهديد.... تعبت من التحكم.. انت وبعدين معاك هدني في حاالي.. خالد: هذي يزااتي ابه اساعدج...لمصلحتج ياا نوره.. نوري:لمصلحتي ما اشووف اهلي.. خالد: اكيد بتشووفين حارب.. نووري: هي بشووفه..انت وشلك خالد: لااااااااا هب عـ كيفج.. انتي فاهمه .. نووري: والله بسير .. وشوف شوو بتسوي.. وسكرت في ويهاا.. وطرش لهاا مسج...مكتوب.. نوره...حارب .. يحب وحده ثانيه افهمي..وانتي امخربه حيااته..لزم تبعدين.. يا نووره...لزم..حارب مايبج..صدقيني..حارب طرشني.. عسب اعذبج.. عشان تنسينه.. هوو مايحبج..هو يحب حبيبته الي كل يوم يرمسهااا... نووري انصدمة: انا الحين امخربه حيااته..اناا..؟؟!! نووري:اذا ما يحبني...ليش .. كتب لي هل رساله..ليش.. ترجااني عسب ما اسير..؟ ظهرت لبلكونه حست روحه مختنقه....يلست اتصيح....وبيدهاالرساله..وصارت تقرهاا مره ومرتين.. وثلاث.. تــــــــــــــــــــــــأبع..:66: |
فـ يوم الثااني... عـ عصر... شيماء: تفضل.. نووري: ممم.. ماما...انا بسير...بيت اماني تبااني..ضروور. وبلحكم.. اوكي.. شيماء: انزين ..بخليلج.. الدريول..وخدامه.. نووري: شكرا ماما.. شيماء: العفوه.. نووري توها بتظهر بس :ماما.. شيماء: هلااا.. نوري: ممم اذا قالو ووين نوري .. قوليلهم .. ما يت.. اوكي..ابه اسويلهم سبرايز.. شيماء: ان شالله.. نوري: يلااه مع سلاامه.. انا بسير لـ اماني.. شيماء: اوكي... هذي حجه.. ظهرتهاا نوري ..تبه توصل متأخر... عسب ..ماتشووف حارب.. فـ صاله.. راشد: هاا جاهزين... شيماء: هي... راشد: عيل وووين نوري.. شيماء تساسره: بتلحقنا بعدين سارت عند اماني.. تبه تسويلهم سبرايز.. راشد: اهاا.. اوكي.. فطوم تزاعج: نووووووووووووووووووري.. راشد: نوري ما بتي معنه..يلااه سرينه.. سلطان: ميصير انخليهاا روحه.. شيماء: هي عند اماني.. اربيعتهاا سلطان: اهاا.. فـ بوظبي..تحديد في بيت.. راشد في غرفة نوري.. هند: مونيا.. دخني .. الغرفه.. وعدليهاا.. يله ابسرعه.. مونيا:نووري ايجي..هني..؟؟ هند: هي بتي.. مونيا:ان شالله هند: نظفتي الغرفه البااجيه.. مونيا: هي .. انا وخدامه كله سوي نظف كل غرفه حتى مال نوري.. اليوم صبح.. هند:اووكي...نظفيها مره ثانيه.. لو ذقت منك هجر بعطيك حب وغلا واحلى شجوني لا ظن يا المحبوب ناسيك ولا ظن حبك لي يهوني سوالم حارب: هاا وين انتوو الحين.. سلطان: نحن.. فـ شهاامه.. حارب: يعني قربتوو.. سلطان: هي... حارب: ممم في حد تم فـ بيت..؟؟ سلطان: هي .. كل عااده.. حارب: نووره..؟؟ سلطان: هي.. حارب: بس ... البناات مشتااقين لهاا... سلطان: حولت معهاا بس هب طايعه.. حارب: اهاا.. ياي بسيارتك..؟؟ سلطان: هي... ومعاي.. فطووم.. وملكووه.. حارب: وميره.. فديتهاا مشتااق لهاا..مووت.. سلطان: الدلوعه مع امهاا وابوهاا. ... حارب: هم يداامكـ...وله انت ساابقهم..؟ظ سلطان: لاا يداامي.. حارب: انزين قول دريولك يسرعه..وسبقهم عسب توصلون ابسرعه .. سلطان:ههههه ان شالله... حارب: اخليك الحين... سلطان: اووكي بااي.. حارب: باااي.. اماني: انزين يمكن..يقص عليج.. نووري: ماادري.. اماني: نووري.. حبيبتي.. لاا تصيحين.. والله ما يستاهل... نوري: احس اني تاايه.. ماعرف .. وين الصح ووين الغلط.. اماني: خليها عـ ربج...يوم بتسيرين.. حولي انج.. ما تشووفينه.. نووري: اكيد... .. اماني: نووره.. يمكن .. خالد.. صادق في كلمه..عاادي كل شي جايز... نووري: يمكن.. ليش لاا.. عيل كيف يعرف عن اخبااري... اكيد.. حارب امطرشه لي..بس ليش يقول يحبني.. اماني:آآه هذا الي امحيرني..خلااص نووري انتي لزم تبتعدين عنه..لزم.. نووري: وهذا الي بسويه... اماني: اذن المغرب... نشي خلينا انصلي.. نووري: يلاه.. إن طالت الفرقـا تـرى دمعتـي دم بأبكي عليك ولـو ماأنتـه بـداري وإن طالت الفرقا ترى عيشتـي سـم بأصبر على سمي وبالجوع ضـاري فـ بيت راشد هند: عيل ووين نووري ...؟؟ شيماء: ماا يت.. ساؤوه: واالله مشتاقيلهاا .. خالووه جيه ما يبتوهاا قصب.. راشد: خلوهاا عـ راحتهاا.. موزه: انا بتصل فيهاا وبهزبهاا..جيه ما تي.. اتصلت بس محد رد.. هند: هاا ردت..؟؟ موزه: لاااا.. ام سعيد: بس ما يصير اتخلونهاا روحه فـالبيت.. راشد: هي كل مره يوم نيلكم.. اتروح اتنام عند ..خالتنهاا.. وله اربيعتهاا.. اليده: موزه اتصلي عليهاامره ثاانيه.. خليني انا برمسهاا جيه ما تي الهرمه.. حارب حاط ميره في حضنه..ويسااسرهاا: ميرووه.. ميره: هممم.. حارب: نووري ليش ماايت...؟؟ ميره: مادري.. اتقول انه ماتبه تي عسب يدي....حارب شوو فيه يدي..؟؟\ حارب: آآآه.. حبيبتي .. يدي.. راح عند الله..فووق.. ميره اطالع فوق: ووين فوق..؟؟ حارب: عند الله.. ميره: يعني ما يصير انشووفه..؟؟ حارب يبوسها عـ خدهاا: لااااا. ميروه: عشن جي نووري كله اتصيح..؟ حارب:آآه هي كل يوم اتصيح.. ميروه: هي.. داايمن اسمعهاا تصيح... حارب:اها... سلطان: حرووب.. نش.. بنظهر. .. حارب: ملي خلق.. سلطان: هب عـ كيفك... نش.. بنسير السينما..يلااه نش.. حارب: سلطان والله هب متفيج.. سلطان: وانت كل ماقتلك شي قتلي هب متفيج.. حارب: والله مالي خلق.. سلطان: هب عـ كيفك... خالتي ام سعيد.. ام سعيد: هلاا فديتك.. سلطان: شووفي ..حارب.. هب طايع يظهر.. ام سعيد: حارب .. فديتك.. نش.. اظهر..صارلك فتره ماتظهر غير لنادي ساروه: صدقهاا امي.. نش حرووب.. حارب:مالي خلق.. عفيش: نش بتغير جوو.. حارب: ان شالله... ارتحت.. الحين.. سلطان شاق الحلج: اكيد.. حارب: يلاه نش.. سلطان وحارب: مع سلاامه.. الباجي: مع سلاامه.. اماني: اشراايج.. انسير مع امي.. الجمعيه.. نووري: اووكي ما عندي ما نع.. اماني: يلاه نشي.. لبسي عبااتج.. نووري: اووكي... ام اماني: هاا بنات جاهزات..؟ البنات: هي.. ام اماني: يلااه.. عيل.. لعيونك يالغلا سديت بابي ،،، قادني احساسي وانا لبيت عونك حبك العذري في وجداني سطا بي ،،، والمحبة مالها ذوق بدونك مها: آآلوو.. عفاري: هلااا.. اشحالج..؟؟ مها: تماام...وانتي.. شحالج ..؟؟ عفاري: يسرج حالي... مهوو شوو فيه صوتج.. انتي صاايحه..؟؟ مها:هااا لااا... عفاري .. عندي موضوع .. ودي راايج فيه.. عفاري: وشوو هل موضوع.. مها: ممم..في واحد تقدملي؟؟ عفاري: صدق.. مبروووووووووووووووووووووووك.. وعقبال ما اشووفج.. حامل..ههههه مها: ..انتي عرفي امنووه.. عفاري: امنووه.. مها: اخو ميثاء... مروان.. عفاري: صدق.. مبرووك غنااتي.. والله مروان يستاهلج.. ماشالله.. انتي جميله .. وهو بعد تليقون حق بعض..واايد.. مها:هههه والله انج متفيجه... عفاري.. مروان.. من اي نووع .. من الشباب..في راايج..؟؟ عفاري: ممم.. شوفي.. مروان.. بتندمين..اذا رفضتيه مها: يعني هو هب رااعي.. امغازل... وهل سوالف.. عفاري: لااااا..بس ليش.. تسألين انتي سامعه عنه شي.. مها: امساات .. في وحده اتصلتني.. عفاري: انزين.. مها: اتقول انهاا .. مرت مروان... عفاري: شوووووووو...؟؟؟ في ظني وتقديري ما حد يعشقك غيري=اسكن حلي يا طيري مالك فالفلك دوار تحديدا في دبي.. في مركز..وافي... مانع: لطووف.... اي واحد احله.. لطيفه: الثاني.. احسه كشخه..بس بعد الاول حلو.. مانع: خلااص عيل باخذهم الاثنين.. لطيفه: لاا انا اقول خذ واحد منهم .. وبدل الخاتم الثاني خذ لهاا عقد..احله مانع: اووكي..وحاسووب.. وظهرو.. لطوف: جيه مهووي.. مايت..؟؟ مانع: والله ما دريبهاا يا اختي.. احس انهاا متضيجه.. من شي.. يوم قتلهاا تعاي بظهرج قالت ما ابه..حولت معهاا بس هي هب طاايعه.. لطوف: خلااص انا بشووفهاا يوم انرد..البيت.. مانع: اووكي.. لطوف: تعال بنشووف.. هل محل... مانع: يلااه... في بيت ابو سعيد ساروه: اقول بنات.. عدنا وقت الحين عسب انورح .. ونشووف الفسااتين, موزه: بس نحن بغيه نووري معنه عسب مره وحده.. ساروه: تعرفين.. بنخليهاا باجر.. اشراايكم انسير دبي.. المحلات رؤؤعه اهناك,.. هند: ومره وحده نخطف عـ نووري.. سارووه: اعرف عسب جي بنسير دبي.. عواش: خلااص عيل...بااجر من الصبح.. نحن بنظهر.. شهد: يعني شوو ما بنسهر اليوم.. ساروه: امنووه قال ما بنسهر.. بنسهر الين فير بعد.. فطوم: بخبركم من الحين.. انا فستاان في ملجتكن.. هب لبسه.. موزه وسااره: نــــــــــــــــــــعم... ساروه: ما سمعت عيدي الرمسه.. هند اتساسرها: الله يعينج..اخخخ فطوم: صدق بعد شوو انا هب لبسه.. فستاان.. موزه: اشراايج تلبسين بنطلون وقميص.. شراات ما لبستي فـ عيد..احله صح.. فطوم: اكيد احله.. خلااص بلبس.. ساروه: فطوم.. وربج اذا لبستي.. لبس اولااد بجتلج.. فطوم تغير السالفه:هههههه.. موزه: طع تضحكـ.. بعد.. فطوم: ههههههه.. تذكرت نووري. ساروه: شوو فيهاا.. فطوم: ماشي.. بس بغت اتقلدني.. امساات.. وشترت لبس اولاد.. وابوي وامي.. حطو عليهاا حط..من الخاطر.. هند: ههههه خبرتني.. عفيش: لااا نووري اتخبلت.. موزه: ادريبج تبين اتغيرين السالفه.. لااا غناتي.. انتي ما راح تلبسين هل سواالف وانا راح اختارلج ..الفستان الي بتلبسينه.. فطوم: هب لبسه فستان.. ساروه وموزه: بتلبسين.. فطوم: لااااا. موزه وساروه: هي... فطوم: لاااااااااااااااااااااااااااااااااا عفيش: فطووم.. صمختينه.. فطوم: مالي خص.. هب لبسه فستان... اعاهدك باللى خلقنى وسواك وبعاهدك قلب أذا غبت صانـك والله ما أرخصك ولا افكر انساك ومفقود قلبى كأنه بيوم هانك لا ضاق صدرك وأزعجك جور دنياك بتلقانى اوفى من عرفت بزمانـك اماني: نووري..نووووري.. نوري: هاا فضحتينيا.. اماني: انتي..الي شاارده.. ها ووين وصلتي.. نووري: ماشي.. اماني: انزين جيه.. تطالعين.. فـ زيتوون.. جيه تبينه باخذه لج..هههههههه نووري ظربتهاعـ جتفهاا بخفه: سيري لااا.. .. اماني: انزين شوو فيج سرحتي وانتي اطالعينه.. نووري: تبين الصدق.. اتذكرت حاارب.. اماني: حارب..؟!! نووري: هي.. يمووت عـ زيتون الاخضر... اماني: الله يعينج عـ هل حب..الضايع.. نووري: هي والله.. اماني: تتوقعين بتنسينه في يوم.. نووري ابتسمت: اماني.. حارب.. صورته مطبوعه..في بالي.. اقص عليج اذا قتلج بنسااه.. وا نسيته.. اماني: بس الي يسويه فيج هب اشويه.. نووري: ادري.. مع هذا احبه.. ام اماني: يلااه بنات تعالو بنسير فووق.. البنات: اووكي.. فـ بيت ..راشد سعيد: السلاااااااااااام عليكم.. الباجي: وعليكم السلام.. حمد: مرحبـــــــــــا الباجي: مرحبتين.. سعيد يوايه راشد: اشحالك خالي.. اعلوومك.. راشد: يسرك حالي.. حمد يوايه راشد: اشحالك عمي .. ؟؟ راشد: الحمدالله.. سعيد: اشحالج.. مرت خالي..؟؟ شيماء: يسرك حالي.. حمد: مرت عمي.. جم باجلي عـ ما تربين.. شيماء: ممم حوالي .. ثلاث اسابيع.. سعيد وحمد: ربي ييسر عليج.. الباجي: امين.. سعيد: هلاا والله اميره.. فديت هل ويه.. ويبووسهاا.. حمد: عيل ووين نووري وفطوم..وسلطان.. سعيد : فديت ملووك كبرت صاارت .. حرمه.. ملوك:.. انا هب حرمه.. سعيد:ههههه.. خلاص وله تزعلين انتي بنت.. اوكي.. ملكوه: اويك. شيماء: فطوم.. مع البنات.. وسلطان .. ظهر مع حارب.. ساروه المول.. ونوري .. فـ دبي.. حمد يبوس ميروه.. ويشيلهاا: جيه ماايت... والله متولهين عليهاا.. سعيد: صدقه حموود.. ووين من زمان ما شفتهاا..وهي روحه فـ بيت..؟؟؟ شيماء: لاا عند اربيعتهاا. اليده:اتصلو عليهاا مره ثانيه... يمكن اترد.. خوله: اميه ملووك عطيني .. الفون.. ملكو: ان شالله.. خوله:آآلوو.. نووري: هلاا مرحبا بـ هل صووت...اشحالج.. خالووه..؟؟ خوله: مرحبتين.. يسرج حالي.. ومن وصبج غناتي..؟؟ نووري: تمام. اليده: حطي عـ هذا شوو يسمونه عسب نسمعهاا.. حمد: يدووه اسبيكر.. اسمه اسبيكر.. اليده: الي هوو.. نووري:ههههه اشحالج..يدووه.. اليده: فديت الصووت انا.. نووري يل هرمه.. جيه ماتين نوري: السموحه.. منج يدوه.. بس.. اليده: بس شوو.. ياابنتي.. ودنه انشووفج.. البنات.. زعلن يوم عرفن انج هب ياايه.. سعيد: نووري..تبين ايبج الحين.. نوري:لااااا مافي داعي..شحالك سعيد.. وانت حمد اشحالك.. حمد وسعيد: يسرج حالنه.. نووري: مممم وين عموووه.. ماسمع حسهاا.. ام سعيد: هلا غناتي.. نووري: اشحالج.. عمووه..؟ ام سعيد: يسرج حالي..يابنتي والله هب حاله.. الين متى وانتي ماتينا.. اله بسنه مره.. نووري ما عرفت شوو تقول: ................................ نوري: اخليكم .. عيل...سلموو عـ بناات.. مع سلاامه. اليده:آآآه.. مع سلاامه.. راشد:والله يا امي تعبت معهاا.. كل كما نيبهاا طاري.. السيره لـكم.. يلست اتصيح.. ام سعيد:ياخوي ما تلام... هي واايد متعلقه فيه.. كيف تبهاا تنسه... ڪَنتَ احسَبَ -َ اللهَ ● عطَانَيـﮯ● ماَدريَت انهَ عطَاڪَ! اللهَ بشَرَڪَ بلاَنيَـﮯ وانَتَ بالخَيرَ ابتلاََڪَ ڪَنتَ عَايشَ بالأمانَيـﮯ وڪَنتَ اعدَيَـﮯ لَڪَ خطَاڪَ ليَ متَىـﮯ بمَسَڪَ لسَانيَـﮯ ؟ ؟ ؟ واكتَم العَبرهَ مَعاَڪَ حارب: افففف ابه ارد ابسرعه.. سلطان: جيه...؟؟ حارب:مااشي.. بس ..راسي بده يعورني. راشد: بس نحن اشترينه التذاكر.. ولي يسلمك حرووب.. بنحضر هل فيلم.. وبنرد.. حارب:آآه يلااه.. سلطان: تره كوميدي... حمني: شبااب شوو تبون... ناخذ.. من اكل.. سلطان: انا بيبسي.. حارب: شرااته.. راشد: سفن آب.. صقر: مممم بيبسي.. حمني: اووكي..انتوو سيرو شووفو وين اماكن كراسينا.. وانت صقور تعل معي.. صقر: اووكي.. يلاا..مشي.. راشد: اووكي.. سي يوو شبااب.. حارب:مقعدناا فووق..؟؟ سلطان: يب.. انا طلبت .. فوق.. احله.. راشد: يلاه عيل.. تــــــــــــــــــــــابع... |
خالد: عاندت...وهي الحين تلقينهاا اهنااك عدهم. حمده: اهاا.. خلااص عيل ابدوو في تنفيذ الخطه..4 خالد: اووكي.. اليوم..؟ حمد: هي...خالد.. ان شالله يوم الثلااثاء امسافره.. خالد: عند ابووج..؟؟ حمده: هي..فـ دخلك لاا تتصلون علي.. اووكي... خالد:اووكي... حمده: كم من واحد انتوو..؟؟ خالد: حوااي... السبع.. عفاري: انزين الحين والحل.. مها: ماادري.. بس تعرفين..انا برفضه... عفاري: لاااا.. انتي من صدقج...مهووي.. حبيبتي.. انتي.. حلوه..باسلوبج .. تقدرين .. تخلينه.. يطلقهاا صدقيني.. مها: ليش.. هب حراام.. عفاري: وشدراج.. انهاا ما تقص عليج.... وبعدين هب حرااام.. تخسرين.. فارس احلامج.. الي كنتي تتمنينه..؟؟ مها: جيه اتقص علي.... وبعدين.. انا ما كنت اتوقع انه فارس احلامي.. يظهر متزوج..وبسر بعد.. عفاري: انا اقوول.. احتمال. اتقص عليج... مها حبيبتي .. فكري.. وصلي استخااره.. مها: آآه.. ان شالله... عفاري: اوعديني انج بتفكرين.. مها: وعد..اخليج الحين.. عفاري: اووكي.. مها: عفاري.. هذا سر بيني وبينج.. عفاري: افا عليج.. مها: مع سلامه.. عفاري: مع سلامه.. صارت الساعه 10 الفليل... فـ غرفة شيماء.. شيماء: رااشد..نووري الين الحين ما وصلت.. راشد: اتصلتي عليها.. شيماء: هي من سااعه.. تقريبا.. راشد: ووين كانت.. شيماء: عند اماني.. حتى كلمتني ام اماني..كانو توهم رادين من الجمعيه.. راشد: انا بتصل عليهاا الحين.. من اول رنه ردت.. نووري: هلاا بابا.. راشد: هلاا بنتي.. نووري ووينج.. نوري: بابا.. الين .. ما نزلو الخدم الاغراض.. وحطوهاا.. وبعدين.. سألت ابو بكر.. اتعشيت قال لااا.. والحين نحن واقفين عند.. مطع عسب يطلب له ولل خدامه.. لانهم ما تعشوو.. راشد:هههه خوفتيني عليج..اوكي..وانتي اتعشيتني.. نووري: نووو.. ام اماني لحت علي اتعشه معهم بس خفت اطوول فـ الحين بتعشه معهم.. خليته يطلبلي وجبه.. راشد: اهاا.. انزين عيل..نحن بنتريااج.. نوري: لااا بابا.. اخاف يحسون.. انتوو خلو باب .. المطبخ.. مفتوح.. عسب احدر.. اوووكي.. راشد: ان شالله.. نووري: سلاام عـ ماما.. وقولهاا تصبحين عـ خير..وانت بعد بابا تصبح عـ خير.. راشد: وانتي من اهله حبيبتي.. نووري: مع سلاامه.. راشد: مع سلاامه.. نوري: وفاء.. (الخدامه وفاء: نعم.. نووري: عيبج الاكل.. اذا ما عيبج.. بهزب ابو بكر.. وفاء: لااا ماما.. زين اكل.. نووري: عليج بل عافيه.. نووري:ووين ابو بكر.. والله يعت.. نوري: وفاء.. انا بنزل بشوف.. ابو بكرانزين.. وفاء: اوكي.. نزلت .. نوري.. عدلت شيلتهاا.. وتقشت... ابو بكر.. داخل ماكدونلد.. ((الي فـ جميره العووود.. تعرفونه..)) وحدرت.. في خاطرهاا: افف ياربي ..كله شبااب.. غربلاات العدو..قفطه ارد الحين..افف خلني اكمل.. وصلت صوبه نوري: واايد زحمه.. ابو بكر: ماما انتي ليش انزل.. نوري: قلت بشووف ليش اتأخرت.. ابو بكر: ماما انتي اجلس هني.. .. انا .. بسوي طلب هق انتي.. نوري يلست عـ اقرب طوله..: اووكي..ابو بكر.. انت ما تبه من هني..؟؟ ابو بكر: ما ارف ماما.. اكل مال هوو اوكي..؟؟ نوري: هههه هي.. اوكي.. ابو بكر: كلاس ماما.. انا بسوي طلب نفس انتي..بك ماك.. نوري: اووكي.. بس انا ابه ميديم.. ما ابه لرج.. ابو بكر: ان شالله ماما.. ويلست نوري تتريه..يت في بالها تتصل عـ هند.. نوري في خاطره: بس حشره اهني..خلني اسير الحماام.. رفعت راسهاا.. شافت الطوله الي يدامها شبااب .. والي عـ يسارهاا شبااب.. والي وراهاا ام وولدهاا. اجانب.. سارت صوب الحمام.. الي صوب الالعاب.. نوري:آلووو هند: ياسخيفه.. ياخاايسه.. يال نوري: افف كل هذا شايلته .. علي.. هند: اكيد.. جيه ما يتي.. نووري: سووري ما رمت..كنت عند اماني اربيعتي.. هند: نووري والله حرام عليج.. من متى ونحن نتريااج.. نوري: هنوود فديتج.. لاا تزعلين.. هند: شوو لا ازعل.. والله حطيت في خااطري.. نوري: والله سوووري.. هند: اوكي خلاص امسامحتج.. نوري: فديتج.. وينج الحين.. هند: اناا.. فـ بيت عمووه.. نووري: سهراانين..؟؟ هند: يب.. نوري: وووين..؟؟ هند: فـ غرفة سارونه.. نوري: اهاا.. سلامي عليهم كلهم. هند: تبين احط اسبيكر نوري: لااااا دخيلج.. تبينهم يظهرون من الفون ويزقدوني.. هند:ههههه اولهم موزه..اخخخخ نوري:ههههه بااي.. هند: بااي.. نوري: يعني ما حصلو.. الله بيت عموه..يارب ما اشووف حارب .. دخيلك ياربي ما ابه اشووفه..عسب مااضايجه..بشوفتي.. ظهرت من الحمام..وهي تكتب مسج..لـ ريم.. وصلت الين ابو بكر.. نوري يالسه تكتب: هاا ابو بكر.. ما خلص الطلب..؟؟ ابوبكر: لااا ماما انا سوي طلب خلاص .. بس هو مافي خلاص طلب.. نوري:اهاا..ويلست مكانهاا.. نوري: واخير .....حطت فونها عـ طوله.ورفعت راسها.. انصدمت.. انه الكل يطالعه.. وهب بس هي الي انصدمت.. لااا.. شخص.. ثاني..بعد.. نوري في خاطرهاا : بسم الله.. ليش جي يطالعون.. نوري حرجت: بتخبركم.. اول مره اتشوفون ادميه..؟؟ نست انه هي هب متغشيه .. وتغشت.. واحد من الشباب: واحله ادميه.. نوري تزاعج: انت.. ايه.. بتسكت وله شوو..(( شوف بناتنا ماعدها واحد اثنين.اخخخخ واحد ثاني:..فديت المحرجه اناا.. اتريااج.. اليوم عـ نوري:انت واحد قليل ادب. .. وما تستحي عـ ويهكـ.... نش واحد من الشبااب يوسف: انتووه ايه.. ما تستحون عـ ويهكم.. خلو البنت في حالهاا.. واحد من الشباب: وانت وشلك.. يوسف: ما ترضون.. عـ خوتكم.. و .. عـ بنات اناس..عادي عدكم.. جنهم لعبه.. نوري امطنشتنهم..وخلتهم يتناجرون عـ راحتهم.. نوري: ابو بكر... انا سايره.. اذا خلاصت تعال ابسرعه.. ابو بكر: ان شالله ماما.. ظهرت نووري.. من المكان.. كان ودهاا تربع عسب توصل لسياره.. من خووفها...اول ما وصلت قفلت عـ رووحهاا الباب..مسكينه وفاء زاقت....الله يذكرهاا بل خير من كل شي اتخااف..اخخخخ يوسف منصدم: عبوود.. تذكرهاا.. عبود: منووه .. يوسف: هذي البنت.. تذكرهاا..الي شفناهاا في مارينه.. عبوود: ما اذكر.. يوسف: الي اختهاا كانت ضايعه عنهاا..ونحن حصلنهاا.. عبوود: هي... تذكرت.. شو يايبهاا اهني.. يوسف: مادري علمي علمك.. عبود: بتخبرك.. يرانكم اليدد..عدهم ولد قدناا..؟؟ يوسف: ماادري.. اصلن انا ما شفتهم. بس عـ ما عتقد.. لاا ..كلهن بنات.. عبود:اهاا ويلاهـ ضاق الصدر وماذڰر ,, يسأل عليٌ ويلاهـ .. نســـآهـ طول الهـجر وإلا الصـبر ,, من قسـوته قسـآهـ .. مل وهو متسدح عـ سرير .. صارله نص ساعه .. وهو يحاول ينام..بس ماشي فايده..نش من مكانه..وتجه ناحيت البلكونه.. .. حاط ايده عـ خده..ويالس امجاب.. بلكونة.. نوري.. حارب:ظهر احسااسي في محله....انا ما بشوفهاا بعد.. حارب: انزين ليش...؟؟تعب من التفكير.. فتح ادفتر ويلس يكتب.. لا جـيـت أبــرقد حــارب النوم عيـني ,, ,, ,, ,, وقمـة وأنـا من لـذت النوم محـروم وجـاني الملل وقلت مـن هـو يواسينـي ,, ,, ,, ,, لقـيـت فوقــي القمـر بيـن النجوم أناظـر الـقمر وأقول عسى نوره يجيني ,, ,, ,, ,, دامـه مثلــي محـروم لـذت الـنـوم الحر الأشقر لا تصافقت جنحانه الاثنيني ,, ,, ,, ,, صابه من الجـوع وهو حايـم الحــوم والذيـب ما يهرول عبث بين السـنـيني ,, ,, ,, ,, وأن صابه الهم كـل أنسان مهـــموم ذكرت خلي يا عـســــى قبرنا دورنــي ,, ,, ,, ,, ياللي بدونـه مقـدر أعيـش لو يـوم دونـه أعيش الدنيا ومدري أنا ويـنـي ,, ,, ,, ,, ياللي أخـذ قلبي وقـلبي فخر قــوم موزه: شهوود.. منووه معطنج هل فيلم..؟؟ شهد: هذي اربيعتي.. دانه..معاي فـ اكلاس... ساروه: باين عليه.. كشخه... شهد: همم ..قالت .. انه رؤؤؤعه.. عفيش: هنووود.. صكي اليت.. هند: خلي فطوم.. اصغرناا خادمناا...هههههه فطوم: لااا والله.. هند: هي والله يلاه نشي .. فطوم: اففففف ان شالله.. هند: بعد تتحلطم..الاخت... فطوم: كيفي... ساروه: اسكتوو.. بده... فطوم: اقول شهود.. يخوف..؟ شهد: هي... وااايد.. فطوم: صدق.. اقول بيلس امبينكم.(( قصدها عن موزه وساره.. ساروه: تفضلي.. بس عاد هب اتصمخينه بصريخج.. فطوم: اوكي.. تبغاني أتعب وإنت ماتتعب شلون .. !! هذا الهوى مافيه يمه إرحميني .. لا تقول ميت فيڰ , وآجد يقولون .. أنا وين أصرف ڰلمة تموت فيني .. !! نوري تساسرهاا: وفاء.. ودي شنطي فوق.. بس عن..يحسون عليج .. اشوي شوي..اوكي.. وفاء: ان شالله ماما... سارت.. صوب غرفة يدهاا.. عـ طول.. فتحت الباب ..بهدووء.. شمت ريحت يدهاا اول ماحدرت.. سارت صوب يدتهاا...حبتهاا عـ راسها...وظهرت.. ماقدرت تستحمل.. اول ما صقت البااب... انفجرت ويلست عند البااب اتصيح.... عضت عـ شفاتهاا عسب تكتم شهقتهاا..تخاف تنش يدتهاا..صعدت فوق..حنت لغرفتهاا.. ربعت..وفجت البااب.. وليت.. نوري: اشتقتلج..والله اشتقتلج...شافت دباديبهاا.. سارت صوبهم.. ويلست امبينهم..وهي حضنتهم.... نوري: آآه..قطع عليهاا فونهاا.. فقدتك يا اعز الناس فقدت الحب والطيبه وأنا من لي في هالدنيا سواك إن طالت الغيبه نوري: اففف ما برد..خليه..يسوي الي يسويه...ان شالله لو يجتلني.. احسن.. بسير عند يدي..(المتصل هو خالد... نشت من كانهاا..وسارت خذتلهاا شور سريع.. صوب حارب انصدم... حارب: نووره محد.. امنووه .. حدر غرفتهاا.. ؟؟..يمكن حد من خدم.. حارب:بـ قطع عليه رمسته فوونه.. حارب: اففف متى بفتك منهاا ما ادري.. حارب:آآلووو حمده: مرحبا حارب.. حارب: مرحبتين.. حمده: اشحالك.. حارب: يسرج حالي.. حمده: ماشي شخباارج..؟؟ حارب اففف: وانتي شخبارج..؟؟ حمده: تمام.. حارب: خير حمده.. شوو بغيتي.. حمده: سلاامتك.. بس بغيت اشووف اخباارك... حارب: آآآه اخبااري ماتسر لا عدو ولا صديج حمده: خير ان شالله... حارب: اليوم قوم خالي وصلو.. بس .. حمده: بس شوو.. حارب: آآه بس حبيبتي ما يت... حمده: ماايت..؟؟!! حارب: هي.. حمده: يعني تمت روحهاا فـ دبي..؟؟ حارب: لااا عند خالتهااا... حمده: اهااا... حارب: وانتي.. شوو اخباارج..؟؟ حمده: ربي يسلمك.. انا بعد كمن يوم بسافر لابوي.. حارب: اهاا... بعد دقاايق حمده: حارب يمكن انت .. ماتحبني .. وماتباني.. بس انا ........انا احبك..حارب انا امي مااتت اول ما ولدتني..وما حصلت منهاا الحنان.. وابوي. 24 ساعه امسافر..ما عندي اخوان..ربتني مربيتي.. تعرف ليش انا متمسكه فيك.. لنه ماحصلت.. الحنان اله عندك.. صح انت جاف معي.. وعصبي.. بس كل هل عصبيه .. وراهاا قلب طيب.... حارب:..................... حمده: اخليك الحين...تصبح عـ خير.. حارب: وانتي من اهله... حارب: مسكينه ياحمده..ماتلمين يوم اترمسين واحد.. حارب رفع راسه فوق : اكيد بي يوم.. وبتفارقني..شراات نوري..بس هذي غير ونوري غيـــــــــــر.. حارب: حمده... شرات اختي.. نووري حبيبتي.. حارب: بس في يوم اي ويصير العكس..؟؟ حارب: معقوله.. بعد نووري عني .. يخليني اتمسك فـ حمده.. حارب:لااااا .. يعل هل يوم اموت فيه وله يصير .. خالد: يعني قصت علي.. حمده: اظاهر.. خالد: انتي متأكده.. حمده: اهي..متأكده.. خالد: يعني انرد..دبي.. حمده: هي ردوو.. الخطه اتكنسلت.. خالد: وااكي..خلااص نحن الحين رادين.. يلااه بااي.. حمده: بااي.. حالي شرات الليل مظلم بلاكم والليل دون البدر ظلمه وسكوني آشوفني بموت اتبع خطاكم صارت حياتي بيدكم صدقوني في ذمتي مالي حبايب سواكم انتوا هنا عمري وسبة شجوني وقفت اطالع روحها فـ منضره.. كانت لبسه.. بجامه رصاصيه(حرير)).. وفيهاا قلوب بل احمر.. عـ انعال.. بيت.. لونه احمر.. تعطرت ودهنت بدهن العود....وسحت شعرهاا ..وجففته بسشوار..عقب لفته ..بمقبض احمر.. لبست شيلتها الصلاه .. وظهرت.. من غرفتها .. جنها حراميه.. ظهرت من باب المطبخ الي برع.. نوري: ماما.. شو هل ظلمه....والله برد....وسارت تربع.. لمطبخ .. بيت ابو سعيد..وصلت..وحمدت ربها حصلته مفتوح..حدرت وصارت تمشي..جنها حراميه..وصلت صوب الدري.. وركبت.. نوري بهدو: واخير.. وصلت.. انتبهت عـ غرفة حارب.. سرحت وهي تذكر الرساله..وكل كلمه فيها.. حافظه الرساله وكل كلمه فيها تذكرت ..القلده..لمستها ((كانت لبسه القلده.. وصارت تذكر ... موقفها مع حارب..مانست وله موقف....رجعت لوره يوم.. كانو اصغار... وقتها عمرها كان..6 سنواات.. حارب: نوري شووفيج..؟؟ نوري يالسه و اتصيح: مافيني شي... حارب: لاا فيج شي.. عيل ليش اتصيحين.. توها واصله هند: اوويه حارب انت ليش اتصيح نووري..؟؟ حارب: والله ما صيحيتهاا.. انا اصلن ما عرف شووفيهاا..؟ هند: نووري ليش اتصيحين.. نوري: تحط من عـ سيكل.. هند: ووين يعورج.. نوري تاشر عـ ايدهاا.. حارب: اوويه.. نوري ايدج كلهاا دم.. هند: انا.. بزقر.. حمدان.. حارب:اووكي.. يلس عدالها . وصار يمسح بكندورته .. عـ ايدهاا.... نوري تناشق..: آآي..يعور .. حارب: اسف.. ..وصار يهف عـ ايدهاا.. وصل حمدان.. حمدان: نووري... اشووف ايدج.. نوري: هاا..شووف حمدان: نشي حبيبتي.. بنظفلج ياهلل ..ولفهاا. انتبه حمدان عـ حارب.. حمدان: حرووب شووفيك.. حارب يمسح دموعه: مااشي.. بس.. نوري كسرت خااطري.. حمدان:ههههههههههههه..خيست كندورتك..سير افصخها ولبس غيرها.. حارب: لاا اول شي بشووف ايد نووري.. حمدان:هههه يلاه.. تعلو.. هند: مااايد.. صوورنااا.. مايد:هههه انتي الوحيده المتفيجه... ان شالله.. وصورهم هم الثلاث... ونوري فـ وسطه.. وتصيح.. وحارب يمسح دمعتهاا.. علامك ليش / [ مهملني ] و في رفّكـ انا تذگار ؟ اذا گان الهدف ’ بعدي ‘ أنا حاضر و ممنونكـ .. رجاوي توضح اسبابكـ ! " سكـوتكـ " زاد بس أفكار إذا ناوي هوي غيري ! عسى رب السماء يصونكــ وصلت لباب الغرفه.. وهي هب حاسه..قطع عليهااا.... لمست.. شخص... واقف يدامها يمسح دموعهاا الي تنزل عـ خدهاا... من كثر الدموع..ماعرفت امنووه هل شخص.. بس اول ما سمعت صوته ..عرفته.. ........: معقوله اتخيل..اكيد اتخيل... مغروره وياحظ الغرور ويازينــه حلوه و مافي بالدنيا مثلك اثنيــن نفسي أعرف منهو اللي تحبينــه منهو اللي حاطته بجفـن العيــن يابخته أكيد عايش أحلى سنينــه أكيد عمره راح يعيشه مرتيــن أكيد انه يصبر حتى لـو تجرحينـه أكيد انه مو مصدق انك تحبيــن أكيد انك بلون عيونك تسحرينـه أكيد انه يذوب لو بس تناظريــن ياليت أنا اللي تحبينه و تعشقينــه والله راح أحبك الى يوم الديــن راح أذوّبك و قلبي راح تهوينــه ومثل جنوني والله ماراح تلقيــن وحبي لو ذقتيـه والله ماتنسينــه ومن دفا ضمتي أظنك تسكريــن آه بس من حظي آه الله ياشينــه يعني حتى في الغرام جتني عيــن ياويل قلبي اللي ذاب الله يعينــه كلّه من انسانه كاملة في الزيــن حارب قرب صوب اذونها وهمس:..جاوبيني .. امنووه...؟؟ حارب: منوه الي ماخذ قلبج..مني يا نوره. امنووه..؟؟؟ ضعفت يدامه.. كانت بتعترف له ..كانت بتخبره امنووه الي ماخذ عقلهاا..بس ....تردد صوت خالد في اذنها وهو يقول حارب مايحبج.. حارب مايحبج.. حارب مايحبج... كان يتأمل عيونهاا..يتأملهاا....ريحتها دوخته...وده يحضنهاا.. بس مايروم..كان يقره .. نضراتهاا..حس من نضارتهاا بتقول شي.. شي يفرحه.. شي يخصه.. بس مسرع ما تغيرت هل نضره لـكراهيه استغرب منهااا... تسأل علي يا خاين الحب والملح تبي تشوف حالي بلياك هذا انا متوسد الهم والجرح احاول انسى ماضي الحب وانساك جيت ببرودك تعتذر تطلب الصلح لك عين تنطق اسمي شفااااك؟! نوري امحرجه: ممكن تبعد.. حارب: نووره شووفيج.. انا ماصدقت اشووفج بعد هل غيبه...خلج معاي...تكفين لاا تبعدين..تره .. انا هب قد هل بعد.. نوري فورت: بتخووز وله شووه.. حارب زخهاا من جتوفهاا وهو امحرج من تصرفها: شووفيج..هاا .. انا شو سويتلج..؟؟ نوري: افففف ماسويت شي.. ممكن تبعد.. سمعو صوت بااب ينفتح بل مفتاح... حارب زخ نوري ودخلها غرفته.. المظلمه..والباارده... نوري: هدني.. حارب صك عـ فمهاا :اووصصص... حارب: تمي مكانج.. بشوف امنووه ظهر.. ماعطته سالفه نوري وتجتفت..بقهر.. ظهر حارب عسب يشوف امنووه..سمع صوتها وضحك... سعيد يغني : يا حبيب الرّوح من غيرك أحبه من هو يستاهل في قلبي يعيش دايم إنت وحدك حاكم إحساسي محبّه إنت وحدك لي وأنا اللّي فيك هايم حارب:هههههه انت شوو تسوي فـ مطبخ... سعيد: شووفت عينك...كوفي.. تبي اسويلك...؟؟ حارب: لاااا... تــــــــــــــــــــــــــــــــــابع.......:eh_s(1)P: |
بريــــــــــحكـ... مني خلاااص وغيب عن عينكـ.. مدام هذي رغبتكـ لزم احققهااا... نوري : انا من صدقي يالسه اهني..ظهرت من الغرفه .وفتحت بااب غرفة ساروه بهدووء. المكان كان مظلم... شافتهم مندمجين فـ فيلم..الي حاطينه...سارت وره هند...وهمست فـ اذنهاا... نوري: احــــبج...ونشت من مكانهاا ابسرعه هند لفت : بسم الله.. عفيش سمعتي... عفيش: شوووو هند: في حد يقول احبج.. فطوم: اميه ليكون ينيه.. ساروه: لااا شووو.. يت نوري صوب موزه وسكرت عـ عينهاا موزه:ااااااا نوري عـ طول سكرت عـ فمهاا... نوري: ااووووصصص فضحتينااا هند:نوووري..؟؟!! فطوم: اميه ليكون يني يشبه نوري.. نوري:هههههههههه لاا انا نووري.. شهد نشت وفجت اليت.. عفيش: هي والله نوري موزه:يلا هرمه...وووين كنتي...؟؟؟ نوري: كنت فـ دبي.. ساروه: كيف يتي.. نوري: سؤال غبي الصراحه.. كيف يعني.. هند: ياسخيفه.. جيه ما خبرتيناا.. نوري: حبيت اسوي لكم سبراايز.. هند نشت وحضنت نووري.. هند: اشتقتلج يالسباله.. نوري: انا سباله..؟؟!! هند: لا وله يهمج فطوم السباله.. فطوم: جيه تسبيني اناا..؟؟ هند: لاا حول خلاص.. انا السباله... البنات:هههههههههههه ? ليــــــــه؟؟ ? ليه يوم احتجت لك خيبت ظني ؟ ليه صاير قاســــي و ضيــِّـق طباع ؟! كل ما آعاتب خفوقك صد عني كن ما صــدق لقى فرصه و .. باع!.. حارب: وووينهاا...؟؟ حارب: اكيد سارت...افففف ......معقوله الي شفتها نوره... هذي هب نوره الي اعرفهاا.. ... ليش يانوري اتغيرتي علي ليش.. انا شوو سويتلج.. فج اللب ... وحط غنية...وتسدح عـ سرير والافكار تيبه وتوديه... ودي اكون اي شخص ثاني اي شخص عابر والتقاك وبسالك وش منك جاني وبالمقابل شاللي جاك انت ما تذكر حناني وكيف كنت اشري رضاك كنت اشوف العمر فاني واللي يبقالي هواك كنت احسب الله عطاني ما دريت انه عطاك الله بشرك بلاني وانت بالخير ابتلاك كنت عايش بالاماني وكنت اعدي لك خطاك لي متى بمسك لساني واكتم العبره معاك كنت اعاند بك زماني واتحداه بوفاك انت رحت وهو بكاني قال انا بوقف معاك اكتشفت انك اناني واني اكبر من خطاك حظك اللي ما قواني جابك و رد و خذاك نوري: افففف منووه الي يتصل من صباح الله خير نوري شلت الفون وردت وهي راقده نوري:آلووو ساروه: هلاا نوري.. اقول نشي يلااه ابسرعه.. نوري: حرام عليج .. والله ماشبعت نووم... وبعدين شوو تبين ساروه: نشي.. بنسير دبي.. بنفصل فساتينااا يلااه نشي... نوري: الحين.. ساروه: هي.. يلاه توه 8 الصبح الين ماتتجهزون ونوصل دبي صارت الساعه 10.. يلااه ابسرعه نوري: اووكي... امنوو بيوديناا ساروه: بنسير ابسيارتين.. بنسير مع دريول نوري:اهاا...انزين.. عموه ...وخالوه خوله.. مابيون..؟؟ ساروه: لاااا بس نحن البنات.تراني خبرت امج..يوم ابتنزلين بتحصبين بيزاتج انتي وفطووم..عند امج.... ومره وحده بنمر عـ ريووم وحصه انا متفقه معهم نوري: هااا...انزين اخليج.. بسير اخذلي شور.. وتلبس..وبتريق وبيلكم.. ساروه: لا تتريقين .. خليه مره وحده.. كلنا بنتريق فـ درب.. نوري: اوكي... ساروه: بااي.. نوري: بااي.. وصلهاا مسج...وبعدها عـ طول اتصل عليهاا.. ? صباكـ حــب ? صباح الحب .. ياحبي ..صباحكـ،، صباح الشوق .. لك .. في كل يوم ،، عطى عطر المحبه .. من عطائك ،، تنفّسْك .. وكأنــك .. تنتمي له ،، ولو بسمتك .. تعكس من سمائك ،، حبيبــي تصبــح القمرا هزيــلة ،، خليفه: ازعجتج..؟؟ هند: لااا.. عادي اصلن انا ..ناشه من ساعه تقربيا... خليفه:جيه..؟؟ هند: بنسير دبي اليوم... خليفه: احلفي...؟؟؟ هند: وربك.. خليفه: خلااص عيل .. بشووفج.. هند: نـــــعم... تشوفني... خليفه: هي بس من ابعيد.. حتى انتي ما بتحسين فيني.. وبتشووفين... هند: ههههه من صدقك.. خليفه: هي بعد شوو...انزين انتوو متى بتسيرون..؟؟ هند: الين ما نتلبس ..ونوصل دبي قول الساعه عشر ..تقريبا.. خليفه: اهاا زين. بكون امخلص شغلي.. هند: هي شغل..؟؟ خليفه: ماشي.. بس .. متواعد مع ربعي .. انسير .. النادي وبخلص تقريبا عـ 9 ونص.. هند: اهاا.... خليفه: تجهزتي...؟؟ هند: لااااا بعدني محتاره شو البس.. خليفه: مممم لبسي ..احمر هذا لوني المفضل... هند: شرااتي..؟! خلفيه: صدق..؟ هند: هي والله خليفه:انزين شوو رايج..؟؟ هند: خلااص .. ماعندي مانع... خليفه: اخليج.. الحين.. ويوم توصلين طرشيلي مسج..وخبريني وووين... هند: بعدك مصر...؟ خليفه: هي...يلااه غناتي ... باااي.. هند: بااي.. بلا حب بلا وجع قلب وش جانا من ورى هالحب !! غير الألم غير التعب وش جانا .. ياناس أنا مابي دفا قلبي من الحب إڰتفى .. وين العشق وين الوفا ودنـآ .. !! فـ كوفي... مايد: حاااامد... حامد: نعم... مايد: مممم انت كنت اتحب...؟؟ حامد التفت له: ليش هل سؤال... مايد: مادري حسيت من كلامك..عن البنات .. والحب.... حامد: الحريم مالهم اماان صدقني... مايد: هب كلهم..حامد.. اصابع ايدك تختلف..هب كل الحريم خايناات حامد: يمكن بنسبه لك...بس لي .. كلهم شرات بعض.. مايد انت لزم ماتثق بهذا الجنس..لانهم...مايستحقون منه .. الثقه صدقني.. مايد: ... حامد شوو السالفه..؟؟ حامد: تعرف ليش ما ثق فيهم..لانهم.. مايستحقونه تتحسبهم ..من اول غلطه يتوبون .. بس لاااا هل جنس مايتوب..يعيد الغلطه بدل مره مراااات.. حامد: امي.. تركتني.. وانا عمري سبع سنوات .. وشردت مع ولد خالهااا. ههههه امسويه روحهاا جوليت....تركتني وانا محتج لهاا.. تركتني.. لمرت ابوي..الي.. ماخلت وحده من اهلها ماخبرتهاا انه امي.. شردت..هي كانت تكره امي.. بس كانت اتحبني....خلتني فـ عونهاا..بس بعد شوو بعد مافضحت امي يدام الخلق... الي يشوفني يقول هي هذا الي امه شردت مع حبيبهاا....اكنت انقهر ..يوم اسمع منهم هل رمسه.. صرت ادعي عـ امي ..وعـ مرت ابوي بل موت....مرات سنين.. وكبرت ..وابوي..شراتي...او بل احره انا شرااته.. ما ايثق بل جنس الاخر.. كان كل ما تظهر مرت ابوي.. يخلي .. حد يلحقها عسب يعرف ووين اتسير هوو الي .. زرع هل شي فيني..اعترف.. هو الي خلاني اصير جي....ومرت الايام وحبيت.. وحده من اهل مرت ابوي.. ..اتحسبت .. انه حبيبتي ما تخوني.. شرات ما امي خانت ابوي..بس .. ظهر كلام ابوي صح.. الحريم مالهم امان..خلتني اتعلق فيهاا.. وحبهاا حب..ماتتخيله..كانت كل يوم اتخليني احلف اني .. ما غزلة ..وله كلمت .. وحده..وانا من يوم حبيتهاا تركت هل سوالف.. كنت صاين هل حب..بس.. ههههه هي لااااا.. فـ يوم اترمس اربع غيري....ههههه.. لا وبعد متزوجه مسيار.. ومحد يعرف..تشوفهاا تقول هي طيبه عـ نيااتهاا خلوقه.. بس يامه تحت السواهي دواهي.. مايد منصدم:امنوووه خبرك انه امك شردت مع ولد خلاتهاا حامد: ابووي.. مايد:معقوله شي ام.. جي..؟؟ حامد: وووووايد.. مايد خذه نصيحه.. لاا تثق بهل جنس.. ماهم كان يقربلك هل شخص.. مايد ضربه وسوااس في خاطره: معقوله شهد ماتحبني لانهاا اتحب غيررري...؟؟؟ مايد: اكيد اتحب غيري.. ترهي 24 ساعه عـ المسن.. مايد:وكيف عرفت عن حبيبتك...؟؟ حامد: واحد من الربع كان يرمسهاا..وقالي عنهااا..ونصدمت.. مايد:حامد..تعرف اناا حتى احب.. بس حبي من طرف واحد.. حامد:هههه..شوو تستويلك..؟؟ مايد: هي.. بنت خالي... حامد: انصحك.. شيلهاا من راسك..ماتعرف يمكن ورهاا بلوي.. مايد: لااااا بنت خالتي غير.. حامد: وووايد غيرك قالوهاا.. حبيبتي غير.. بس اخر شي.. كلهم.. نفس الشي.. مايد اتسند عـ يدار:اله شهد..شهد غير.. حامد: تحدر المسن... مايد: هي.. حامد: ههههه ابشرك يالحبيب.. تلقهاا اتكلم مليون واحد.. مايد: بس هي ما ترمس شبااب شهد ما عدهاا هل سوالف.. حامد: شوو دراك.. ماتعرف..شوو مخبيته.. مايد حرج: حـــــــــــــــــامد.. لاا تغلط عـ ليهاا شهد.. وحده متربايه وتعرف الصح من الغلط... حامد: مايد هدي.. وريح اعصابك...انت افكارك غير عن افكاري... انا شفت اشياء .. خلتني ..ابعد عن هل جنس تماما.. والله لو اخبرك عنهاا...يمكن انت بعد تتغير افكارك.. عن هل جنس... يَدري { إنّ أسْبآب ضعْفِي " نَظرته " . . يَدري { إنّي مآ أقأومْ . . " ضَحكتَه " . ~ يَدري { إنّ الْروُح ،. مآ تِغلى عَليه !.! { لَو دَعآها } ،، جَت تلَبي ‘ دعْوتَه ‘ . فـ حوي.. حارب: مااشالله عـ وووين..؟؟ ساروه: سايرن صووب دبي.. حارب منصدم: جيه...؟؟ عفيش: شوو فيك.. لا تخاف ما بنرد نووره..ههههههه البنات:ههههههههههههه حارب قفط: وانا قلت جي.. انتي ليش اطلعين كلام من عندج.. وصلت نوره.. نوري: صبااح الخير.. الباجي: صباح النور شهد: ليش متغشيه..؟؟ نوري: تعوت اتغشه.. هند: هههههه انزين بعدناا ماوصلنا المول عسب تتغشين.. نوري: اففف خلني عـ راحتي.. نوري ماكانت بتتغشه.. بس يوم شافت حارب لبست غشوتهاا..كلاام خالد وووايد مأثر فيهااا اخخخخ فطوم: حرووب تعرف ووين خالي سلطان..؟؟ حارب: سلطان رد دبي.. نوري: جيه..؟؟ حارب: نسه يجدد.. اشتركه فـ نادي..واليوم اخر يوم..يجدد.. فطوم: عبالي.. ساروه: حرووب جيه ماتي معنه... حارب: حق شوو سايرين دبي...؟؟ شهد: بنفصل فسااتين... حارب: اهاا.. عفيش: اهاا شوو قلت.. حارب: مممم مادري عـ راحتكم.. تبوني اي..((قصده نوري)) البنات ماعده نوري: اكيــــــــــد.. هند: يلاه حرووب سير اتلبس.. ابسرعه.. حارب:اووكي.. تريوني.. البنات: نتريااك.. ساروه: بنات اتوزعن ابسرعه الين حروب مايخلاص... هند وفطوم نوري ركبو الرنج..وساروه وشهد وعفيش فـ الاستيشن.. ساروه : شووفو نحن بنسير بناخذ موزه.. وانتو اتريوو حارب نوري: وليش ما نحن انسير ناخذهاا وانتوو تتريون حارب..؟؟ ساروه: لاا موزه ابها اتكون معي.. نوري: تعرفين.. انا بي عدكم..وخلي وحده منكن تي مكاني.. هند: انتي ايه.. ماتشين من مكانج.. يلااه عاد .. نووري: بس اناا ماا ابه.. اهني.. ساروه شافتهم يظاربون قالت لدريول يحرك السياره .. ويسيرون لموزه نووري: اففف ارتحتي ساارت.. هند: هههه احسن.. فطوم: اففف قصرو صوتكم. ابه انام.. هند: فطوم ايلج شوور ليش ما تنامين فـ دبه .. ترها عوده.. فطوم: والله فكره..فجت السيت ورقدت... نوري: يحضج هب لبسه عبااه.. هب شراتناا فطوم راقده: لاا حول حسديني ..بعد سنه بلبس ابشرج..اميه اتقول وايد عطيناج ويه.. هند:ههه أنا تعلمت الهوى تحت يمناك.. درست معنى العشق حسب اختياري.. مبغاك تعشقني ولكني أبغاك.. لاضاقت الدنيا تصير داري.. وابيك لامني تزاعلت وياك ترضي غروري قبل أجيب اعتذاري.. وابيك تدري لو أحاول بفرقاك إني بحاول قبلها بانتحاري..!ه نوري:افففف والله حر..هنوود علي عـ مكيف هند: والله عالي .. انا بجمد من البرد.. فصخي غشوتج... نووري توها اتلحض: هنوود..نشي .. نشي ابسرعه هند: جيه.. حارب فج البااب: السمووحه اتأخرت بس لزووم الكشخه نووري في خاطره: ااففف عـ حظي مالحظت غير الحين.. ((هي كانت يالسه وره حارب ..فيوم بغت اتغير.. وصل حارب هند: لااامانروم الصراحه ..شيخ حارب ساير اترقم انت... حارب:هههههههههههه... لاا تبين الصدق امواعد..حبيبتي.. نوري في خاطرها: يعني خالد مايقص علي.. يوم قال انه حبيبته من دبي.. حارب كان لبس...كندوره بنيه.. عـ سفره بيج..ماخل عطر.. ماتسبح فيه.. وريحت الدهن العود.. اتشمهاا من بعد..كيلوو..ونعال بيج.. هند: اسميك بطيحهاا ..فيك اكثر عن قبل..هههههههههه حارب:هههههه.. ووين فطوم..؟؟ هند: وره راقده.. حارب: اهاا.. فج المنظره الي يدامه..وصار يعدل سفرته وهو كل شوي يطل عليهاا... رن فونه.. حارب: هلاا غناتي.. ساروه: اهاا وين انتوو.. حارب: ظهرت من الفريج.. من شوي ساروه: اهاا.. انزين عيل نحن خذنه موزي.. شووف بنتقابل عند المحطه الي بينا وبين دبي.. حارب: اهاا اوكي... ساروه: موزه اتسلام عليكم... حارب : ربي يسلمج.. حيااتي نوري في خاطرهاا: اكيد.. حبيبته..اففف عرفنه انج ما ترومين اتفرقينه.. حشه من صباح الله خير متصله.. طبعن .. تبه تعرف متى يوصل الحبيب.. ساروه: اخليك حرووب بااي.. حارب: بااايات... حارب: بنات ..موزه اتسلم عليكم... هند: الله يسلمك... نوري في خاطرها: هههه اسميني . ..مصخره.. ظهرت موزي...افف انه بعض الظن اثم... حارب في خاطره: من اول ماركبت..وهي ساكته...اففف لا وبعد متغشيه...ارحميني ياانوري.. ودي اشووفج...بعدي ماشبعت من شووفتج.. هند تسترها: انتي شووفيج...استحي عـ ويهج..حتى الله يسلمك.. ماقتيله..ابعرف شوو مسويلج ماكل حلاالج.. نوري: دخيلج سكتي عني.. هند: انزين فصخي الغشوه.. نوري: امااابه.. هند: انتي ليش اتعاندين.. نوري: كيفي.. حارب: سممعو هل سيدي ..انا امسونه.. هند: شووفيه...؟؟ حارب: قصايدي.. واغاني..و بعد..شلاات ابصوتي وصوت سلطون... هند: انزين عل عـ صووت.. حارب: ان شالله.. شله ابصوت حارب..((كنت بنزلها لكم.. بس المشكله...ماحصلت مركز تحميل هذا 1 و2 نحن في رمضان لزم مانسمع اغاني وله شلاات اخخخخ.. ،غآيَبِ وَطِيَفِكَ عَنِ القَلِبَ مَاِغَاِبَ تَبِتَعَدَ وَنِاَ حَاِوَلَ اَلِقَرِبَ مَنِكَ غَاِمَظِ وَدِوَرِلَكِ حَلِوَلِ وَاِسَبِاَبِ قَاِسَيِ وَتِقَسِىَ عَاِلَلِذَيِ َعَاِشَقِنَكَ : : مَاِبَيِ َقِصَاِيَدِ َكلَهِاَ حَزِنَ وَعِتَاِبَ اَبِغَيَ حَرِوَفَيَ تَرِشَفَ اَلِحَبَ مَنَكَ لَيِتَكَ حَبَيَبَيَ تِفَهَم اَلِحَبِ غَلِابَ وَالِشَوِقَ غَاِلَبِ قَلَبَيِ وَغِاَلبَنِكَ : : بَسِكَ تَغِلَيِ يَاِلَغَلا بَيِنَ الاحَبِاَبَ يَتعَبَنَيَ اَكثِرَ مَاِهَوِ مَتِعَبَنِكَ اَرِحَمِ حَبَيَبَيَ عَاِشَقِنَ َفيِكَ مَنِصَاِبَ ارَحِمَ فَوِادَن َفاِلَهِوَا طَاِلَبَنَكَ موزه: شهوود حطينه شي.. شهد كانت يالسه يداام: شوو تبون.. عفيش: ممم اي غنيه لعبد المجيد عبالله شهد: اوووكي.. شهد: ابو بكر.. عطني..السيديااات.. ابو بكر: ان شالله ماما شهد: مممم اسمعو هذي... جيت مع قلبي يبي قلبك بشي بينهم ميعاد ما هانوا علي صد عنهم خلهم لا تراقب نبضهم الزعل بيني وبينك ولا هم وش ذنبهم شهد اتغني معها:جيتي اياك تحسبها علي غصب عني جيت لك ما هو بيدي لا تفسرها خضوع وخطه مني للرجوع الزعل بيني وبينك موزه: ولا هم وش ذنبهم هم حبايب والخصوم انت وانا ليه نجعلهم ضحيه بيننا ليه نظلمهم حرام ليه نحرمهم سلام الزعل بيني وبينك ولا هم وش ذنبهم موزه: هذي تنفع لبعض نااس..((قصدها حارب نوري)) ساروه: امنووه موزه: سلاامتج..وتصلت عـ حارب حارب: هلاا والله بمرت اخووي الغاليه.. موزه: اهلين..حرووب حط اسبيكر... حارب: اووكي.. موزه: اشحالكن بناات هند: تمام.. موزه: بس انتي البنت الباجي شبااب.. هند:ههههه فطوم راقده.. موزه: فطوم عذرنهاا ...ووين قطوتنا ماينسمعلها حس..ليكون ماتت حارب وهند: بسم الله عليها موزه:هههههه قطوتناا ووينج نوري: هلاا موزه اشحالج.. موزه: يسرج حالي...... مممم حروب تذكر يوم سمعتني اغنية اذا تفارق .. ابصوتك.. حارب: هي ليش.. موزه: انزين السيدي موجود.. حارب: عـ ماعتقد.. موجود.. موزه: انزين حط غنية اذ تفارق...الي فيهاا دق .. هب الثانيه .. اووكي.. حارب: اووكي.. موزه: تره هل غنيه اهدااء لبعض ناس... هند: منووه هل ناس.. موزه: تعرفينهم مافي داعي انقوول هنوود هند:هههه صدقج... موزه: اخليكم.. سمعو الغنيه عدل اخخخخ.. جااو حارب: جااو حطت ايدهاا عـ خدهاا وتمت اطالع الشارع.. بعد مافصخت الغشوه.. تمت تسمع..صووته..عرفت انه موزه تقصدهاا بس كيف عرفت مااتعرف.. شافت هند.. صاده الصوب الثاني .. ومندمجه مع الغنيه... لفت مره ثانيه وشافته..من المنضره..شافته سرحاان..ردت وطالعت الشاارع.. وهي ودها تقول سكروو عـ غنيه.. ماودي اعذب ازيااده... إذا تفارق شخص عادي مصيبة وشلون لو فارقت من هو تحبه؟!! يا رب رجع كل حبيب لحبيبه دام الحياة في بعدهم حيل صعبة طبع الوفي لو راح شوقه يجيبه على حبيبه ما اعتقد يقسى قلبه و بالدنيا محد ياخذ الا نصيبه و ياليت قلبي ياخذ اللي احبه انا تعبت و فرحتي مو قريبة و احيان اقول الحب يا ناس كذبة لكن قلبي يرجع و هذا عيبه يشتاق للي مبعد حيل دربه وصلو المحطه... والكل نزل ما عده.. نوري .. هند فتحت بابها: ليش ما تنزلين..؟؟ نوري: اففف ادمووع هب طاايعه توقف... هند.. شكلي ينبان اني صاايحه.. هند: ليش اتصيحين.. نوري: ماا شي.. بس الغنيه عورت قلبي.. هند: الغنيه وله الي غناهاا.. نوري: هند دخيلج يووزي عني.. هند: عـ هوااج.. نوري: تريي بلبس غشوتي.. هند: يلااه... ونزلت... سلامة عـ موزه... موزه: يلااه شوو تبون اطلبكم.. حارب: انا مابي.. متفطر.. ساروه: انا ابي كروسون.. وحليب بالككااوو.. موزه: اووكي.. عفيش وشهد: نحن نبي..كروسون بل جبن ..وكوفي.. هند: مممم انا شرااتهن. فطووم: انا ماا ابه كروسون باخذلي من شيشه... شبس وحلوياات.. موزه: اووكي وانتي نوري.. نوري: كووفي بس.. موزه: ماتبين كرواسون..؟؟ نوري: لااا موزه: حرووب ماايصير يلااه عااد.. حارب: مااابه.. موزه: شووفيك.. ماد بووزك سبرين... حارب: سلاامتج.. هند: ههههه اخرتووه .. عن حبيبته.. حارب: هههه مايضحك.. موزه:ههههه شوو سالفه.. حارب: سلاامتج.. بسير اطلب لكم.. موزه: بي معاك.. ساروه: نحن بنيلس اهني.. نتريااكم.. فطوم: بسير اخذلي شبس وحلوووياات اووكي.. هند: اتريي بي معااج..نووري ماتبين تين.. نوري: لاااا شهد: نوووري شوو فيج.. نوري: مااشي..بس راسي بده يعورني .. عندج بندوول... عفيش: انا عندي... نوري: عطيني حبتين...والله بينفجر علي.. موزه: شووفيك... حارب: موزه حبيبتي .. صدقيني مااشي.. موزه: هب علي هل رمسه.. انت من صوب ونوري من صوب ثاني شو صاير حارب: انا مافيني شي.. هي مادري عنهاا موزه: حروووب .. حارب: آآآه... مادري عنهاا.. موزه: وانت... حارب: سمعت الغنيه...وتكدر خاطري.. موزه: بس.. حارب: ياربي عليج.. شووفي.. هي كانت التصيح...يمكن عسب الغينه... ياريتني ماحطيتهاا...افففف كله منج.. موزه:ههههه.. صاحت ليش.. حارب: ماادري... الفليبيني: Hiii حارب:Hii..ممم حارب: مووزه شوو بغوو..؟؟ تعبت اكتم قهر حبي و اعاند كل حسادي ولا ودي احد يدري عن حياتي وش جرى فيها انا في يوم حبيتك..احسه يوم ميلادي قصايد قلتها لجلك كتبتك في قوافيها اذا مات الامل فيني يظل الشوق بفؤادي وتبقالي حروف اسمك قصيده دوم اغنيها بعد ماطلبو وتفطرو.. نوري: انا بسيرالسيااره.. ونشت وساارت السياره.. محمد: ماما.. انا في روح.. حماام.. اوكي.. نوري:هههه اوكي.. نوري:اففف اتأخرو وينهم... وصل حاارب..ويلس فـ ساره.. نوري: وونهم..؟؟ حارب: سارو الحماام.. نوري:اهاا حارب:نوري ممكن سؤال... كــــــــــــــــــــــــــــــــــــــــــت.... تتوقعون جواهر جاده في كلامهاا...؟؟ نوري جاده بكلامها انها بتبعد عن حارب..؟؟ مروان صدق متزوج...؟؟ مها تتوقعون بعد ماعرفت بسالفة مروان بتوافق...؟؟ تتوقعون يوسف ((تذكرونه)) بيحل مكان حارب عند نوري...؟؟ خليفه بيقابل هند وله بيصير شي..؟؟؟ مايد تتوقعون فكرته بالجنس الاخر بتتغير شراات حامد..؟؟ احدااث.. واايد.. في جزء الي يااي.. واتمنى هل بارت يعيبكم.. وينال رضااكم.. وسمووووحه... عـ تأخير... غرشووووووووووب.. |
يا سلام انا اول وحده اقرا البارت وارد عليه احم احم تسلم يمناك غرشووووووووووووووووووب بس خيووووووووووووووو انا كـــــــــــــــــــــــــــــــــــــت هذي تقهرني ما احبها ما تقدر تنساها لازم في كل بارت بصراحه البارت طوووووووووووووووووويل من خاطر وابدعت يعطيك العافيه وبعدين خيووو طلبت ارحم حارب والله كاسر خاطري خلاص طلع حموده وخالد من القصه ما نبيهم بهدلوا نوري وعذبوا حارب خلاص طلعم المهم ما قصرت وبانتظارك بالبارت اللي بعده |
| الساعة الآن 08:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir