البآآرت { 82}





يآ كُثرهُم الليّ " خَآنَوآ " لَو سألتْ ..
وآحِدّ / إثنيّنَه / ثلآثَه / وأربعَه ..
[ أنصِدِمّ ] منهُم وأسكِتّ مآ زعلتْ ..
وأبتعِد بـ( سكَآتْ ) وعقلِيّ أتبعُه ..



/\
\/
/\
\/
/\
\/



غآيوه وهيه توصله لين الدروآزة : شو تسوي فـ سويحآن .؟
آحمد : عندي شغل ( لبس نظآرته الشمسيه وتوه بيفج بآب الدروآزة ألا يشوفهن فويه ) وكل ما أيي مكآآن أحصلكن فويهي
شويخ : ههههههههه مآندريبك الشيخ ولا جآن مآيينآآ وعكرنآ مزآجك
آمون تشوفه وهوه وآقف ويآ غآآيووه
شويخ ترمس غآيوه : شو يدي آلحين .؟
غآيوه : بخيير ( مسكتهآ من إيدهآ ودخلن دآخل )
آمون وهيه تتخطى آحمد وحآيسه بوزهآ : أونه نآس مسويه فيهآ تعرف الوآجب ويآآيه تسلم
آحمد وهوه عآطنهآ مقفآآه .. عقد حوآيبه .. صرخ عليهآ لأنه طفر من نغزآتهآ : آمووون
آمون فزت ووقفت
آحمد : كيييف يعني مسوي فيهآ يعرف فالوآآجب ؟
آمون ترقع : ماشيء مآشيء ( وهيه تسرع خطوآتهآآ .. مآتشوفه ألا وآقف جدآمهآ )
آحمد أبتسم : يلاااا بتفتكيين مني أسبووع وشيء
أمون : هيييييه جذيه السآلفة .. ثرك يآآي تسلم ع غآآيووه ( بطنآزة ) له له ولد خآلي طلع حركآت ومن تحت لـ تحت
آحمد وهوه رآص ع ضروسه : بغض النظر عن كل شيء بيني وبيينج .. أنا عمرييه ما أسوي شيء من تحت لـ تحت . . حتى ( أشر عليهآ ) حبي لج الكل يدرييبه أمايه و أمج و أخوآآنج ( عق النظآره وهوه يصغر عيونه ) شو هيه الحركآت ألي من تحت لـ تحت .؟
أمون فخآطرهآ " ظلمته .؟ " نزلت رآسهآ
آحمد غمزلهآ وهوه يتخطآهآ : عمرج مآبتفهميييني ><" .. يلا أناا سآير عنج أسبووع وشيء وبتفتكيين مني ( فتح بآب الدروآزة ) مع السلامه .> ظهر وهوه يسكر الباب وراه
آمون لفت ورآهآ " الله يغربل هاللسآآن . والله مآتنلااام أماايه > <" " > هبطت دآخل
/\
\/
/\
\/
السآعه 2 الظهر > بتوقيت الامارات
الفندق
شمآ دقت لنآدر : حصلتليه حجز ؟؟
نآدر : هيه حصلت .. بس شمآ تعب عليج تسآفرين وتردين فـ يوم وآآحد
شمآ بغصه من ألي صآرلهآ : ما أبا أتم هنيييه ( تنهدت ) جهز السيارة بسير أسلم ع نورة
نآدر : انزين أرتآحي من يينآ و أنتي مب رآقده .. وبعدين ورآنآآ طيآرة السآآعه 5
شمآ : ربع سآعة ونآزلة .. جهز السيآرة .. مع السلامه > سكرت
نآدر : بسسج عناااد يآ شماا .. الي حووولج تعب و انتي من دآخلج تعبتي .. ريحي عمرج شوي .. ( نزل و هوه يشغل السيآآرة ويتريآهآ تنزل .. بعد عشر دقآيق نزلت شمآ وسآآرو بيت بو عزوز . . )*
/
بيت بو عزوز . . *
الصآلة ( أم عزوز .. نورة )*
عزوز دخل عليهن وهوه معصب : كم مرره قآآيلكم الفوآله مآتنشل من الميييلس
أم عزوز و نورة تم يتطآلعن
أم عزوز : يبووووك البشكآرة امبونهآ تنظف وشلت الفوآلة بتنظف تحتهآآ ويتهن شغله غيرهآ ونست مآترده
عزوز وهوه يتحضى دخل المكتب وشل الملفآآت وظهر : قوووللهآآ ترد الفوآآلة .. ومره ثآنيه ان نست مآترده مكآنه أنا ألي بنسيهآ حليب أمهآآ
نورة بطنآزة : ع أسااس هيه تتذكره
عزوز عصب ولف صوبهآ : نوووووورة
نورة : هه هااه
عزوز : عن خفة الدم هذي
نورة : أبآآك تآنس من ألي أهييسه منك .. خص يوم أكوون معصبه
أم عزوز نشت عنهم
عزوز يآي بيمسك قبضه البآب بيظهر ألا روحه بندز صووبه : بسم الله
..... : عن ويييهك ..
عزوز : هههههههههههههههه حي الله آهل لندن
نورة يوم سمعت رمسته نقزت صووبهآ وحضنتهآ : هلااا شمييييم حيااااتي شحآلج .؟ شخبآج .؟ متى ييتي .. والله نورت البلاااد .. محمد ويآآج .؟
شمآ تشوف عزوز وهيه تضخك ع نورة
نورة مسكت ذقنهآ ولفتهآ صوبهآ : شو حآل محمد آآلحين .؟
عزوز : هب هب هب شوي شوي يبووووج .. كل هذآ أسئلة
نورة : سر سر أنته صييح ع فوآلتك .. ويآ رآسك هذآ الأنآنآآس ( مسكت إيد شميم ودخلتهآ ) تعآلي يلسي خبرييني
عزوز : ههههههههههه > ظهر عنهن
شمآ شهقت : هئئئئئئئئئئئئئئئئئئئ
نورة : شو .؟
شمآ : يالدوووووبه .. أمتنيتي
نورة : شفتي كيف.. ضآعت رشآقتيه
شمآ : بلا رشآقة بلا بطييخ .. كل شيء يهون عشآن ألي فبطنج
نورة : انزين مآقلتيلي
شمآ : أناا بخييير وسهآله .. ومحد يآآي ألا روحي عندي كم شغلة هنيه فالبلاااد .. ومحمد بخيير وسهآله .. متآبع ع العلاج الطبيعي و أن شاء الله الله كرييم
نورة : أن شاء الله .. انزين متى ييتي .؟
شمآ : اليوم الساعه 3 الفيير
نورة : هيه .. الحمدلله ع السلامه
شمآ أبتسمت : الله يسلمج
نورة : وشخبآآرهآآ عمووه أم محمد و لطوف وعيآلهآ
شمآ : بخير الحمدلله .. يسلمون علييكن
نورة : الله يسلمج ويآهم من الشر .. وكم بتمين فالبلاد .؟
شمآ : اليوم الساعه 5 العصر طيآرتيه
نورة صرخت : شووووووووووووووووو
شمآ كفختهآ : الله يغربلج فزييييت
نورة : عنبووه مآوحتي تريحيين
شمآ تذكرت ألي صآرلهآ : برد لندن .. بعدين أنا خلاص خلصت شغلي
نورة غمزتلهآ : ولا تولهتي على ( قرصتهآ ) بو جسييييم
شمآ : هه ما أروم آآخلييه وهوه فـ هالحآله
نورة : ألا قوليلي شخبآآر الصفقة .. وشو قلتي لـ عمج
شمآ : سمعي الله يسلمج ( أبتسمت وهيه تخبرهآ السآلفة )*
/\
\/
/\
\/
بيت بو حمد
السآعه 3 ونص الظهر
مسوين أجتمآع عآئلي
مكتب بو حمد . . *
( بو حمد .. أم حمد .. حمد .. حمدوه .. يزوي .. فطييم . *)
آم حمد : جييييه مب بشوورهآ تجسم الحلااال وتآخذ حلال عيآآلي
بو حمد : سلاااامه سكتي وخليني أعرف أرمس
آم حمد : سكتنآ
يزوي : بس يآآ عمي مآيصيير جذييه .. هيه تآآخذ 75% .. عيل نحن شو بقآلنآ
حمدوه : شفييج مستقطعه .. هذآ بس من الحلاال ألي فالأمارات .. أكييد لنآ نسبة من ألي فـ لندن
حمد : ههه وآيد متأمله .. لا حبيييبتي .. نحن مآآلنآ ولا فلس من الفلوس فـ لندن .. ألي فـ لندن حلااالهآآ كله
فطيم : يعني حلالنآ بس ( بنبرة طمع ) 25%
حمد : قصدج 20% .. بس هيه تكرمت علينآ بـ 5%
حمدوه : ههه وكل هالخيييير و العز و أنا ( بنبرة أستهزآء ) حمده رآشد حمدآن الـ.. وخآقه بعمريه طوول هالسنييين وآآخر شيء 25% بسسس
حمد نش : كل هذآ يرد لـ ( أشر ع أبوه ) أبويه .. طووول هالسنين وهوه معيشنآآ فـ خير و نعمه ومخلنآ نتفشخر ع النآآس .. وآآخر شيء ندنى من الـ 100% لـ ( بنبرة أستهزآء ) 25%
بو حمد وقف وهوه معصب .. صرخ فويه : حممممممد .. أنا مآسويت ألي سويته بس عشآآن أعييييشكم فـ خيير ونعمه وتشوفووون الدنيآآ . . كل ألي سويته عشآن مصلحتكم .. لو كنت متنآآزل من البدآآية جآن مآشفتوو حتى 1% من نصييبنآآ بس هالشيء لمصلحتكم
حمد : أي مصلحه يآ أبويه .؟ مصلحة أنك خليييت هالنعمه تنجلب علينآآ بـ نقمه .. مصلحة أنك ربطت لسآآنآآ جدآمهآ .. ( لف لأمه ) والله يا اماايه وهيه تقول النسب مآآعرفت أرمس بكملة وحده .. أنربط لسآآآني .. لانه كل التقسيمآت ألي تقوولهن صح ( وقف جدآم حمدوه ) ولا فوق هذآ كله .. عندهآ أدله و توآقيع من المحكمة أدل ع هالشيء
بو حمد سآر ورآه ومسكه من جتفه .. لفه صوبه وصطعه طرآآآق
حمد حط إيده ع خده : لأنه كلاااامي كله صحح .. و أنا ألي وآثق من عمريه وآآقف جدآآمهآآ و اتحدآهآآ هههه ( نزل رآسه ولف يمين ويسآآر ) أتحدآهآآ بفلووسهآآ . . و ننهب ونختلس من فلوسهآآ ونقوول ( يقلد عمره ويقلد أبوه ) هالفلوس من حقنآ ( سآر صوب البآب وفتحه .. ولف لأبوه ) وأصلاً لا هيه من حقنآآ ولا شيآته .. والبنت سآكته ولا قآآلت شيء بس ( جدم لأبوه ) تبآ الصدق أبوويه .. الخسآرآآت ألي حلت علينآآ أكدتلي انه هالفلووس مب لنآآ .. لا نقص ع عمآآرنآآ و نسوي المستحيييل عشآن أنجذبهآآ ونصدق جذبتنآآ .. الفلووس فلوسهآ و الحلاال حلالهآآ
أم حمد : شو هالكلاااااام يآآ حمد ..؟ أنا مآربيتك جذييه .. مآربيتك من أول عثره تطيح بهآ ولا تنش .. مآربيتك تسمع من هب ودب وتصدق
حمد : آآلحين شمآآ صآرت من هب ودب
يزوي وقفت عدآل أم حمد : هيه من هب ودب .. هذي ألا مآكملت سنة ودخلت فعآيلتكم جذييه سوت . . ولا فوق هذآ تصدقوونهآآ وتبون تستغنون عن كل حلالكم عشآنهآآ
بو حمد عصب وصرخ صرخة هزت البيت : بسسسسس خلااااااااااص ( ظهر عنهم )
/\
\/
/\
\/
لندن . . *
مهند كآن توه يآآيب محمد من المستشفى
محمد : بس وصلني لين البآب و اناا روحي بحرك الكرسي
مهند : أن شاء الله ( وصله لين البآب )*
محمد وهوه يحرك الكرسي .. رفع رآسه للصآله وشآف وحده يآلسه عدآل أمه و ام سيف : السلام عليكم
أم محمد+ أم سيف + ..... : وعليكم السلاـآم
محمد عرفهآ من صوتهآ .. لف صوبهن وهوه يحرك إيديه بسرعه ع الكرسي .. أشر عليهآ وهوه فآج عيونه ع وسعهن : أنتتتتتتي .؟
...... وقفت : سآمحني محمد أنا والله مش كآن ئصدي أعمل هييك بس أنجبرت وهددوني بأهلي
محمد : مع السلااااامه كييييتي
أم محمد : محمممممد .. أشوف غربتك برآ البلاااد علمتك مآتحترم ضيووفك
محمد : لا يا اماااايه أنا ربآج و أنتي عآرفتني كيييف بس ( أشر عليهآ ) ما اتم فالبيييت
أم سيف : بلااااكم .؟ وشعنه مآتبآآهآآ .؟
محمد : هذي ألي كلكم وآقفين فصفهآآ هيه ألي ( قآآلهم شو سوت كيييتي وشو كآنت نوآيآآهآآ )*
كيتي : أنااا أئلتلك والله مش ئصدي أعمل هييييك .. بس أناا انزليييت و ازطرييت خونى لحتى حآفظ ع أهلي و بيي و خيي
أم محمد : البنت يآآيه تستسمح مآطلبت اكثر عن جذيه
أم سيف وقفت عدآل محمد : أناا رآيي من رآي محمد .. مدآآم أنهآآ رضت تخونهآ بإرآدتهآآ .. بتخونهآ كل مره
أم محمد : بس البنت عرفت غلطتهآآ ويآآيه تطلب رضآآكم
محمد : أمااااايه هذآ بيت شمآ و مدآمنآ فـ بيتهآآ بيكون قرآرنآ من قرآرهآآ و أضن حتى لو كآنت شمآآ هنيييه مآبترضى أدخلهآ بيتهآ وتأمن عليهآ مره ثآنيه
كيتي : دخييييلكووون سآمحوني اناا تشتت مآعرفت وين بدي روووح ولمين بدي ألجأ
محمد : جذآآآآآآآآآآآبة .. وحتى و انتي مطرووده من البييت .. وخآينه ثقتهآآ فييج ( وهوه يركز ع عيوونهآ ) أمنتلج مكآآآآن وحطتج عند جمآآنة .. لاتنكريين هالكلااام بعد . لا قووولي أنهآ عقتج فالشآرع وغربتج بوجوودهآآ
كيتي : أنا مآئلت هيييك .. بسـ...
محمد قآطعهآ : لا أتميين تبسبسيين .. البآآب ألي هبطتيه رآويني عرض مقفآآج منه
كيتي شلت شنطتهآ وظهرت
محمد : أم سيف مآعليج اماره وديني حجرتيه
أم سيف : أن شاء الله
/
كيتي أول مآظهرت من الفلة يآهآ أتصآآل وهيه تشوف الرقم وتتحضى .. : إييييه لك الله يآخدكووووون و أرتآآح منكوووون شو كرهتوني بحيآآتي .. ( ردت ع الفون ) آآهلين أستآآز خليفة
خليفة : شو سويتي وبلا هالمقدمآت التآفهه .؟
كيتي : مآرضيوو فيني أرجع لعندوون
خليفة : ومنه والي مآرضى .؟
كيتي : جووزى .. محمد
خليفة : أناا مآلي حآيه فالكلاام هذآآ .. أنتي تدخليين عندهم .. وتخليينهم يوثقون فييج من يد ويديد فهمتيني .؟
كيتي : كيييف بدك يآهون يسقوو بييه و أناا ألي عدمت هالسقة من أسآآسى
خليفة : لأنج خسسسسفة وبقره .. روووحج خبرتي ع عمرج وقلتي أنه حمد ألي مطرشنج
كيتي : أنتوو ألي خططكوون فآآشلة ووآآضحة للمخلووئى .. مآ خلاااص بئة تعملوو الغلط وبترموه علييه .> سكرت الخط فويه وعيونهآ تدمع " مآآبعررف كيف عملت هيك كرمآآلهووون .. > <"
/\
\/
/\
\/
بيت بو عزوز
السآعه 4
الصآلة ( شمآ .. نورة )
نورة : هئئئئئئئئئئئئئئئئئ من صدقج سويتي جذيه
شمآ : ما أضن غلطت
نورة : دخييلج شمييم ( مسكت إيدهاا ) مره ثآنيه يوم بتسيرين تهزبينهم شليني ويآآج أبا أشووفج و أشوف جرأتج
شمآ : الجرأة مآآبتي ألا إذآ كآن ورآهآ حق
نورة : المهم شليني ويآج مره ثآنيه
شمآ : هه هذآ إذآآ كآنت مره ثآآنيه بيني وبينهم بعدين ( لفت صوبهآ ) أشلج عشآن يجوتونج فكرشتج
نورة : شدخل .؟
شمآ بعدت الشيله عن خدهآ
نورة حطت إيدهآ ع شفآيفهآ وشهقت : هئئئئئئئئئئئئئئئئئئ ضربج .؟
شمآ : ههه وهوه شو يعرف يسوي غيير الضرب و التصفييع ..
نورة : هييه لازم بيسوي جذيه .. مآعنده دفآآع عن عمرره
شمآ وقفت : انزين أنا اتأخرت ع الطيآآرة
نورة سآيرة توصلهآ لين البآب : سلمي علييهم و هالله هالله فعمرج
شمآ : و أنتي بعد .. وهالله هالله فـ شمييم
نورة : منهو شمييم
شمآ : البيبي ( يت بتصد صوب البآب ألا تشوف وآحد وآقف جدآمهآ )
عزوز : الله لا قآآله .. تبيني أناا أسمي عليج يآ عشبه
شمآ : ههه عشبه فـ عيينك .. أنا أسميه شمآ مب عشبه ..
عزوز : شخبآره محمد ؟
شمآ وهيه مجفيه عنهم : عفآآف بتخبرك أناا اتأخرت ع الطيآآرة ( ركبت السيآرة وهم سآيرين صوب المطآر )*
/
عزوز : أي طيآرة .؟ وهيه متى يآيه أصلاً عشآن ترد لـ لندن .؟
نورة مسكته من إيده ويلسو فالصآلة : أسمع
/\
\/
/\
\/
فالمطآآر . . *
نآدر : مآبتقوليلي شو ألي شفتيه ؟
شمآ تذكرت الظرف .. غمضت عيوونهآآ وحطت إيدهآ ع شفآيفهآآ
نآدر وقف جدآمهآ : شوو .؟
شمآ : نآآآدر وألي يعآفيك لا تطريلي السآآلفة .. روووحي مصدعة ورآسي نآقع
نآدر : قلتلج خلينآ نأجل السفر
شمآ لفت عنه الصوب الثآآني .> 5 دقآآيق وركبو الطيآآرة . . *
/\
\/
/\
\/
اليوم ألي بع‘ـــده
شمآ وصلت طيآرتهآ السآعه 12 ألا ربع > الظهر بتوقيت لندن . . *
الصآلة ( أم محمد .. أم سيف .. محمد .. شمآ .. ودوم .. سيف .. شوآقي )
شمآ مخليه ودوم فحضنهآ .. وقفت وحطتهآ عند أمهآ
محمد : وين نآهيه .؟
شمآ بتعب : بسيير آرقد .. منهد حيلي من الطيآرة
آم محمد : مآمكلفة يآ أماايه تسيرين وتردين فـ يوم وآحد .. ( وقفت ) بسيير أقولهم يغرفون الغدآ وعقب رقدي
شمآ : مآلي خآطر لـ شيء
آم محمد : يلسي يلسي آآلحين بيغرفنه وتغدي وصلي ورقدي
محمد : خلاص شمآ يلسي
.> حطو الغدآآ وهم يتغدون
شوآقي : مامااه أباا ثمن
آم سيف : جآن قلتيلي بسخنلج الزبده
شوآقي هزت رآسهآ بلا : ما أباا ذبده .. أبااا ثمن ( صرخت ) ثمممن
آم محمد : اميين نييبلج سمن
محمد : هههههههه صدق انج بدوية
آم سيف : وبنت سويحآن بعد مآتيووز بلا سمن
هآيدي يت صوب شمآ تربع : خدي شمآ امسكي فيه ألك اتصآآل ( حطت السمآعة ع أذن شمآ .. مآكملت نص دقيقه ألا الأتصآل مسكر )
شمآ : كحححححح كحححححح
أم محمد : دحيييييهآآ
هآيدي : كيف بدي دحى .؟
شوآقي : دقيهآ منيه ( تأشر ع ظهرهآ )
هآيدي دحتهآ بقوو
شمآ فجت عيونهآ ع وسعهن .. مب من الدحه بس من ألي سمعته
أم سيف : عنبوووه مب إيد عليج .. طيرتي عيوونهآ
شوآقي : هههههههههههههههههههه مثل الضفدع
شمآ نشت عنهم .. غسلت إيدهآآ ودخلت الحجرة
/
محمد : هآيدي منهو ألي متصل
هآيدي هزت جتوفهآ بـ ما أدري
/
بع‘ــد ربع سآآعة أم سيف سندت محمد وهيه تودييه حجرته ..
أم سيف فجت بآب الحجرة وهيه تزقر شمآ : شمآآ تعآلي وصلييه
شمآ كآنت متلحفة ومغطيه وييهآ .. نشت صوبهآ وسندت محمد عليهآآ وحطته فالطرف الثآني من الشبرية .. وهيه مآآكلفت نفسهآ حتى ترفع رآسهآ صوبه .. سآرت الجهة الثآآنيه من الشبرية وتلحفت
محمد عدل يلسته وهوه يتنهد : شمآآ
شمآ عضت ع شفآآيفهآ وهيه مغمضه عيووونهآآ
محمد حط إيده ع جتفهآ وقرب صوبهآ : فيج شيء .؟
شمآ بعدت اللحآف عنهآ ولفت صووبه وطآآحت فحضنه
محمد ما أستبعد هالحركة منهآآ لأنه عآآرف ومتأكد أنه فالفترة الأخيير .. شمآ بدت تمييل لـ محمد وتووثق فييه .. مسح ع ظهرهآ : قووليلي شمآ شوفيج .؟ شو ألي مضآيقنـ.. ( قطع كلامه صوت شهقآتهآآ )
شمآ وبنبرة صيآآح وتعب : تعببببببت من كل شيء محمممد .. والله ملييييت .. ضآآقت نفسي من كل شيء ( تمسح دموعهآآ وهيه بعدهآ دآفنه رآسهآ فحضنه ) يظلموون .. يخووونووون .. يلومووبي وأنا ساكته و أسااااامح
محمد حط إيده ع رآسهآ يبآ يهدييهآآ .. رفع رآسهآ وهوه يمسح دموعهآ .. : قوليلي شوفيج .؟ شو أستوآلج فالبلاااد .؟
شمآ نشت عنه .. سآرت تغسل وييهآآ وفخآطرهآ " شو صآرلج شمآ .؟ ع كل مشكله طحتي فحضنه تصييييحيين .؟ " ردت صووبه وهيه وآآقف عدآل التوآليت
محمد : لو أروم انشلج جآآن نشيييت .. ( أشر عدآله ) تعآلي خبريني شوفيج .؟
شمآ قربت منه وردت مكآآنهآ .. عدلت يلستهآآ .. أختفن دموعهآ .. بس حمآر عيونهآ وآضح .. عدلت نبرة صووتهآ .. بس شهقآتهآآ كل مآلهآ وتعلى وهيه تخبره بالسآلفة
/
( نرد الأحدآث لـ ورى )
شمآ أول مآطلعت من عند عمهآ وهيه مصفيه الحسبه .. لقت فوويهآ عبيد .. سلطآن ( ألي كآنو مشتركيين فالصفقة )
شمآ : مرحبآ أخ عبـ..
عبيد وهوه معصب: لا مرحبآآآآآ ولا مسهلااااا .. تلعبيين دور الطييبه و المظلومة و ألي مآلهآآ ذنب
شمآ أشرت ع عمرهآ وبصدمه : أنـ..
سلطآن : لا تتصنعيين الصدمه وفضآآيحج وآآآآضحه .. تدعميين الصفقة من تحت لـ تحت عشآن تعلين أسمج
عبيد : لكن الله سبحآنه وتعآلى كششششفج .. ونزلج من المركز ألي كنتي تبيينه
سلطآن : لالا يآ عبيييد لاتقوول هالكلاام .. أصلاً هيه المركز الثآلث وآيد علييهآ يآ ( بنبرة أستهزآء ) شمآ حمد حمدآن الـ... يالمحترمة.. قلنآلج طلعي من الصفقة لكن عشآن ( مرر إيده ع شفآيفه ) تسكتييينآ .. شو سويتي .؟
عبيد يكمل ع كلااامه : دعمت الصفقة عشآن تبينلنآآ أنهآ قآآدره تكسبهآآ
سلطآن هز رآسهآ بلا : بس لااا .. دعمج للصفقة كآآآن خطييير .. ومآآيى فبآلنآآ حتى أنج بتسوين جذيه .. قلنآ دعمييهآ بـ ( سوى حركة الفلوس وهوه يمسح صبعه البهآم على الصبعين السبآبة و الوسطى ) فلووس .. لكن مب
شمآ رفعت رآسهآ صوبهم : مب شووو .؟
عبيد فر الصور عليييهآ : مب بعرررررضج وشررررفج و سمعتتتج ( جفى عنهآ هوه وسلطآن بس ألي وقفهم صوتهآ )*
شمآ : لا تذكروووون أسم الله وهوه أسمه أعز عنآآ .. لاتكذروووونه ع لسآآنكم ألي متوصخ بالظلم و تصديق كلاام من هب ودب
سلطآن لف صوبهآ وشآف ظرف الصور مكآآنه مب مفتووح : هههه شوفي الصور قبل وبعديين تكلمي عن الظلم .. يآآآ ( بنبرة أشمئزآز ) الحقآآنيه ( جفوو عنهآ وروحو )
/
شمآ وآقفة مكآنهآآ منصدمة .. نزلت تييب الظرف .. فجته وهيه تشوف أول صورة طآحت شنطته من إيدهآآ من الصدمة .. تمت تجلب الصور وهيه حآطة إيدهآ ع شفآيفهآآ .. ودهآ تصرخ وتقووول مب أنااا ألي أتمصلح ع غيييري عشآن أكسب .. ودهآ تقول مب أناا ألي أغضب ربي عشآن أكسب فلوس ووصخ دنيآآ .. نزلت لمستوى شنطتهآآ .. وفرت الظرف فيهآ وطلعت لـ نآدر
( نرد للوآقع )
/
محمد : وكيييف يسوون جذييييه .؟
شمآ : محمممد مب أناا الي أتمصلح ع مدير الصفقة و أتخلى عن سمعتيه و كرآمتيه عشآن أكسببهآ و اتفشخر بيين النآس بأني علييت أسميه و أناا من ورى لـ ورى مدنيية أسمييييه بالوصآخة هذي .. والله مب أناااا ( نزلت رآآسهآ )*
محمد صدق انقهر من هالحركة .. تنهد : أبا أشووف الصور .؟
شمآ : محمد لا تصد..
محمد قآطعهآ يوم حط إيده صوب رآسهآ من ورى وحضنهآ : ومب أناا ألي أشك فييج .. أناا مسلمنج الثقة ووآثق فكل خطوة تخطيينهآآ .. بس أبا أشووف ليش يقولون هالكلاام .. و شو ألي شآفووه عشآن يصدقووونه .. لا نبآ صفقة ولا نبآ مكسب .. الكرآمة و السمعه الطيييبه هيه ألي دآآيمه
شمآ نشت عنه .. فتحت شنطتهآ مآلت السفر .. وطلعت منهآ الشطنه ألي فيهآ الظرف .. سحبت الظرف من شنطتهآآ و صدق ضآربتنهآ غمه ع أنهم صدقوو بدون مآيسمعون منهآ .. تجدمت صوب محمد .. يلست ع طرف الشبرية وهيه تمدله الظرف
محمد مسك الظرف و طرف صبوعهآ : أوعدج حتى قبل لا أفتحه مآ بفكر أني أشك فأخلااقج ( أبتسم وهوه يركز عيونه فـ عيونهآ ) أنتي حرمتيه ألي أحبهآ .. ولج مكآنه فقلبي مآيقيسهآ بني آآدم ولا يلوثهآ نذل ( فتح الظرف وهوه يشووف الصور ويجلبهن .. صورة ورى الثآنيه . )*
( الصور كآنن >> . . *
الصورة 1 في المطعم : كآنت شمآ يآآلسه ومدير الصفقة ( مبآرك ) فطآولة وحده ومن بينهن أورآق
الصورة 2 فالمطعم : كآن مبآرك مآد إييده لإيد شمآ .. ويبين من الصورة أنه شمآ رآصه ع إيده ..
الصورة 3 فالمكتب : كآنت صورتهم ربآآعة وهم وآقفين وهوه محوط إيده ع خصرهآ
الصورة 4 المكآن يبين أنه خآص مب فالشركة ولا المطعم ( شقة بالمختصر ): كآن مآسك طرف شيلتهآ وحآط صبعه ع قذلتهآ
الصورة 5 نفس الصورة الـ 4 ( شقة بالمختصر ) : كآنت ورده وشمآ مقربة منهآ ومبآرك مقرب منهآآ ومتلامس خشمه فـ خشمهآ
/
محمد رد الصور فالظرف
شمآ نزلت رآآسهآآ
محمد : شمآ انتي مآسويتي جذيه .؟
شمآ : بغض النظر عن أنك وعدتني مآتشك فييه .. بس ترآه نحن متربين ربآعة ونعرف أخلاااق بعض قبل مآآنسمع من غييرنآآ ( يت بتلف )
محمد : شمآآ
شمآ لفت صوبه
محمد : أناا مب قصدي أشك فأخلااقج .. بس قصدي يوم أنتي عآرفه عمرج مب مسويه جذيه . ليييش منزله رآآسج .. أنا متأكد أنج مآبررتييلهم ولا قلتيلهم أنه ألي فالصور مب صوورج صح .؟
شمآ هزت رآسهآ بـ هيه : مآقلتلهم
محمد تنهد : أحسن ( مسك الفون و اتصل لـ مهند ) *
/\
\/
/\
\/
بع‘ـــد يووميين . . *
السآعه 10 الضحى . . *
بيت بو عزوز
قسم عزوز . .*
عزوز وآقف جدآم المرآية وهوه متلبس تيشيرت أبيض ومكتوب بخط عريض أسود فالنص danger ( خطر ) ويآآ جنز ..
نورة دخلت عليه : أوووووب اليوم مغيير
عزوز لف صوبهآآ
نورة شهقت : هئئئئئئئئئئئئئئئئ ( وهيه تشوف الكلام ألي مكتوب صوب صدره ) و خطر بعد .؟
عزوز قرب صوبهآ : نآهي أضآآرب
نورة فجت عيونهآ : شووووووووو .؟
عزوز : يلا مع السلامه
نورة مسكته من إيده وسآرت صوبه : عزوز أنته ينييت .؟ شو نآهي تضآرب مآتضآآرب .. قررر محلك لا أزقرلك أبوويه آلحيين آخليه يهزبك .. شو يآهل أنته بعدين ( حطت إيدهآ ع بطنهآ ) ترآه ورآآك نآس تتريآآك لا تسوي جذيه وتطيش
عزوز قرب إيده من ويهآ وهوه حآضن ويهاا لصدره : مب أضآرب .. بسيير أتفآآهم
نورة هزت رآسها بلا : عزووز أناا آآعرفك مب هيين .. دخييييلك لا تسيير
عزوز سمع صوت الهرن : يلاا بسيير تأخرت
نورة مسحت دموعهآ : انزين انزين صبر .. عند منهو بتسيير ولييش نآهي تضآرب أصلاً
عزوز : مخربيين سمعة أختج
نورة حطت إيدهآ ع شفآيفهآ وشهقت :هئئئئئئئئئئئئ
عزوز تخطآهآ وظهر عنهآآ وهوه يربع ع الدري ويلبس الكآب مآآلته السودآآ .. وحآط نظآآرته الشمسيه السودآآ وهوه يصرخ .. : هناااد .. نآيف ( البوديقآردآآت )
هنآد و نآيف قربو صوبه
عزوز :عندنآ كم شغله ..( وغمزلهم)
( هناد و نآيف ع طوول سآرو يعدون للضربه لأنهم عآرفين لبسه ولفظته لكلمة شغله مآتي ع الفآضي )
/
نورة يلست ع آآقرب كرسي و هيه منصدمه : كييف يعني سمعت أختيه ( وبصوت شبه مسموع ) شمآآآآ .؟ لالا شمآ .. انزيين كييف وليش يخربون سمعتهآ و ( لفت صوب البآب ) عزوز شدرآآه .. ( سآرت صوب التوآليت وشلت فونهآ تبآ تفهم السآلفة من شمآ بس وطته مكآآنه .. مآتبآآ ترووع شمآ رووحهآ زآآيغة و تعرف أنه نبرتهآآ مآبترحم شمآ من التوسوييس )*
/\
\/
/\
\/
ع السآعه 11 ونص . . *
وصلوو عزوز و بوديقآردآته ( نآيف & هنآد ) وبوديقآرد محمد ( مهند ) مطرشنه لـ عزوز مخصوص يفهمه شو يسوون )*
مشى عزوز وهوه متلبس نظآرته الشمسيه فالشركة وبين الممرآت و البوديقآردآت ورآآه .. وقفو عند مكتب السكرتييرة .. عزوز تسآآند ع الايدار : هنآد و مهند أنتو دخلوو حرروه حقي شويه وشوفووه إذآ بيرضى يسوي ألي نبآآه بدون ما ادخل عليه .. و ( أشر ع نآيف ) أنته نآآيف تم هنيه
دخلوو مهند و هنآآد . تلاقو ويآ السكرتيير
السكرتير : نعم نعم وين دآخليين
مهند سآر صوبه وهوه عآقد حوآيبه دق بكل قوته ع الطآوله ألي هزت كل ألي عليهآ : أصرط نفسك .. وطو لسآآنك وخشه فحلجك
السكرتير بلع رييجه
مهند : يلا هنآآد ..
( دخلوو وهم فآآجيين البآآب بدفآآشه و رضخوو بالبآآب بقوو وهم يسكروونه )
مبآرك وقف : نعم وين هآبطيين .؟
هنآد : أششششششش ..
سآر مهند صوبه ودزه ع الكرسي وخلووه يآلس ع الكرسي وهوه يدور بعيوونه عليهم ومب فآآهم شو ألي يصيير
مبآرك : شوو تبوون .؟
مهند يشوفه بأجرآآم .. حط إيده فجيبه وطلع المسدس وقرب صووبه
مبآرك : آ.آآآ
مهند : أششششش ( مرر رآس المسدس ع رقبته ) خلنآ نبدأ بالكلاام
مبآرك يبآ يبعد المسدس وبربكه : انزين الـ..الــ..ممسدس
مهند أبتسم : أناا جذيه يريحني .. أحب أشوفه ع رقبتك .. لعل وعسى تفرط إيدي و ( خش المسدس فحلجه ) يعدمك من الدنيآآ
مبآرك : آانزيين ممنهو أنتو .؟
مهند غمز لـ هنآد
هنآد طلع صور شمآ وحطهن جدآمه : شوووو هذآ. ؟
مبآرك يشوف الصور : ممأ.ما أدري
مهند تنهد : تدري شو ألي يطربني ( نقع ع زآوية فالمكتب ) هالصووووت .. بس يوم ينغرز فـ ( هوس بقو ع رقبته بالمسدس ) جسم نذل .. و أسمع صوته يترنن فأذنيه .. هذآ له طعم ثآني
مبآرك : شـششـ...مآآ
هنآد أبتسم : وشوو فيهآ شمآ .؟
مبآرك : ................
مهند صرخ : بشووووو ضرتك .؟ ( عطآه بكس ع ويه ) هنآد دقله خله يدخل
هنآد أتصل لـ عزوز ومآوااحت تكتمل الرنة ألا عزوز رآد : مرحبآ طآل عمرك .. تقدر تدخل آآلحيين .. سخنآه حقك . > سكر
/
دخل عزوز وهوه يمشي بكل هيبته .. دز البآآب وورآه نآآيف .. وسكرووه
عزوز نزل النظآره من عيونه وطآلع مبآرك بنظره تحدي
مبآرك وهوه يبلع ريجه : عـ..عـ..عع..
عزوز قآطعه : لا اتم تعووووعي .. ( قرب صووبهم ) أشوفه لسآآنك قآصر .. أكييد سخنوك الشبآب مآآقصرو فييك ..
مبآرك : عبدالعزيز .. الشيييمه ظهرني من بين إيدييهم ( أشر ع مهند ) بيـ..بيجتلني
عزوز يرمس مهند : خآآطرك فييه .؟
مهند تشقق : خلني ابرد خآآطرييه
عزوز جفى : أعفدبه مآيغلى علييك ( وهوه مروووح )
مبآرك صرخ :عبد العزيز و الله بسوي ألي تبووونه مني
عزوز أبتسم ولف صوبه : انزيييين .. أسمعني يآ أخ مبآآرك .. يآمحترم .. يألي معروف أسمك فالسوق بالحقآآني .. ( وهوه يأشر ع الدعنه بصبعه السبآبة ) آآلحيين تبري البنت ألي خربت سمعتهآآ
مبآرك : مم..ممن .؟
عزوز : ألي تشوفهآ فالصوورة
مبآرك : أنآ..مآلي دخل . هم قآلولي
عزوز قرب صوبه وهوه يصرخ فويه : قآآلوولك . رشوووك .. دفعووولك .. غشووووك .. دهنو سيرك هذآ مب شغلي .. أهم مآآعندي انك تبري ذمتك و ترد ألي سويته مثل مآكآآن ولا ( بصوت هز المكتب ) والله لا أخلي ( ظرب جتف مهند ) يعفدبك
مبآرك : حمد و ..وأبووه هم قآلولي .. د..دفعولي مـ..مليون عشآن يكسبون الصفقة و أسوي كل هذآ
عزوز عآرف هالجوآب .. جفى عنه : مآآآآآقلتلك منهوو أمرك تسوي جذييه .. أنا أقوولك ترد ألي خرربببته ( لف صوبه ) هذي ألي فالصوورة .. شمآ صدق .؟
مبآرك : ......................
هنآد مآسكنه من جتفه .. دزه ورقع برآسه ع المكتب : أرررمس
مبآرك هز رآسه بلا
عزوز : وييين الصور الأصلية .؟
مبآرك : ..............
عزوز صرخ :وييييييييييييييييييينهآآآآ .؟
مبآرك أشر ع الدرج .. مهند فتح الدرج وشآفو نفس النسخ ألي مطرشينهن لـ شمآآ .. ونفس الحركآت .. بس البنت ألي ويآآه مب شمآآ ..
عزوز يشوف الصور : أي ألي مآتستحي ع ويييييييهك
مبآرك : إذآ أهلهآآ و عمهآ يبآ يخرب سمعتهآ وشرفهآ بأردآآته أناا شدخلني
عزوز عفدبه بشرآسه وهوه يضربه بكسآت : الفلوووووس عآآميه قلووووبكم يالحثآله
مبآرك يمش الدم ألي ع وييهه بظهر إيده
عزوز : تظهههر لكل ألي خبرتووووهم بالسآلفة وشوهتوو سمعت البنت جدآآآمهم ..
مبآرك : مآبيصدقوني فـ شيء
مهند عصب وضربه ع رقبته بالمسدس : مب مشكلللتنآآآآآآآ .. أنته ألي خربت و أنته تصلح ألي دمرته
عزوز طلع سجين من مخبآه وقررب صوب المكتب .. غرز السجين فـ صور شمآ ألي محطوطة جدآمه : بتسوي ألي نقووولك علييييه ولا ( وهوه يشوف مهند )
مبآرك زآيغ من مهند : لـ..آآلا بسوي
عزوز : عندك نص سآآآآعة .. إذآآ مآردييت ألي دمرته .. حيآآآتك ( وهوه يفج بآب المكتب ) ودعهآآآآآ
لحقة نآآيف وهنآآد
مهند وهوه رآص عيوونه .. تفل فويه : تففففففف علييييك يالنذل .. ( شل صور شمآ ولحقهم )*
/\
\/
/\
\/
بع‘ـــد 4 شهوور . . *
شمآ .. أنحلت سآآلفتهآ .. كآنت فالمركز الثآلث فالصفقة و أستوت فالمركز الثآني .. تحسنت علااقتهآ ويآآ محمد . . و أستمروو هالشهريين مثل أي 2 معرسين . . ردوو الأماراات قبل شهريين .. و من البلاااد تسوي شغلهآ كله ع النت .. مآتبآآ تبعد محمد عن أهله عشآنهآآ .. وفنفس الوقت محمد مآيبآ يخلييهآ رووحهآآ .. و أم محمد مآتبآآ تيلس فـ لندن أكثر عن الشهرين ألي يلستهن .. و آلحين هيه حآمل من 4 أشهر وشيء . . *
محمد .. كآنو طول هالـ 4 أشهر مستمريين فالعلاااج الطبيعي و ضآغط ع عمره عشآن يرد مثل أول .. ومآينسى الفضل الاول من بعد الله سبحآنه وتعآلي يرد لـ شمآ ألي كآنت ويآآه فكل حلقة من العلااج الطبيعي وتسآعده و تشجعه ع أنه يتحرك .. عقو الكرسي عنه ويمشي ع عكآز وآحد بس .. ومستمريين فالعلاج الطبيعي فالبلاااد . . *
نورة .. عزوز .. متفرغين هالشهر بس للتجهييز حق البيبي .. ونوورة كثر مآتقدر مآتبآآ ترآويه ملابس البيبي وشو لونهن عشآن جذيه تشتري الملابس بيض و برتقآليه . تنآسب للولد و البنت .. عزوز محتشر عليهآ ويقولهآ " حتى هذآ ضنآيه و أباا آآعرف شو بتيبين " لكن لاا نوورة مب طآآيعه تقووله ..
آحمد . هوه الوحيد ألي يدري نوورة شو بتييب .. عسب جذيه آكثر آوقآته ويآآ نورة ويسيروون المول .. حتى ملاابس البيبي ألي مخصصه حقه تكوون عند آآحمد مآيبون يخبرون عزوز .. آحتشر ع أمه يبآآ يعرس .. قآلهم أنه يشتغل ويقدر يصرف ع عمره .. والدرآسه مآبيودرهآ و ع قوولته " ترآه لو عرست مآبيلهيني لا عن درآستيه ولا عن شغليه .. مب أناا ألي بحمل وبربي .. " وخطبووله أموون .. كلاام بس بعده ما أستوى كل شيء رسمي . . *
شويخ .. بمآ أنه شمآ خلاص أستقرت فالبلاااد .. لازم هيه ترضى وما اتم تتحسس كل مآتشووفهآآ .. فحست أنه شمآ وآآيد متعلقه بـ محمد .. وشكوكهآآ فـ حمدآن وشمآآ مب حلووه لا فحقهآآ ولا فحق حمدآن ألي مسلمنهآ الثقة وهيه تشك من ورآآه .. ألي خفف عليهآآ حملهآ .. هيه حآمل من شهرين . . *
حصة .. من أسبوع ربت ويآآبت بنووتة تشبه عبووود .. وسموهآ شموس
أمون .. بتكمل فالجآآمعه .. ودخلت علووم . . *
/\
\/
/\
\/
بيت محمد
السآعه 10 الضحى
شمآ كآنت فوق تبدل لـ ودووم
أم سيف يآيه صوبهآ : شو تسويبهآ .؟
شمآ : موصخه عمرهآ .. يا أبووية شآآفت صحون الكوآفي موطآية و عفدتبه
آم سيف : يالله يبحص العدووو .. انزين شمآ ترآه نورة و أمنه وحرمة حمدآن تحت
شمآ : جيه كالعآدهن ين
آم سيف : يويين أمهآتهن مطرشآتنهن يعآآوننآ ..
شمآ : هههه هآي حركآت عموه أم حمدآن مآتودرهآ
أمون ترقى الدري و تصرخ : هوووود هووووووود
شمآ: ههههههه بعد وين تهوديين ترآج هبطتي
أمون وآيهتهن : شميم يالدبه
آم سيف : هآ عآد كله ولا حرمة ولديه
أمون تعآيب عليهآ : ولديه .. لطوووف أنتي يوم حآمل مآخليتيني أطفربج .. وهذييج نويير عوير زويير مآنروم نصكهآ ألا حمآآتهآ نطرتلنآ ويآ عجفتهآ هذي .. خلني أبرد حرتيه فـ شمآآ
شمآ نشت : لا حبيبتي سيري ظهري حرتج فـ شوييخ .. أناا شدخلني تبلشيني
أمون : انزين أنتي فأي شهر .؟
شمآ : 4 شهوور و 23 يووووم
أمون : لا أفاا علييج عدي بالسآعآآت بعد
أم سيف تشل ودووم : شيآآينج أنتي اليوم
أمون : اللطييييفي رآويني عرض مقفآآج
آم سيف : بيذبحج محمد لو سويتي شيء فيهآ
أمون : شو بسوي يعني .. ( ترمس شمآ ) شو قآلولج بنت ولا ولد .؟


كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت . . *


/\
\/
/\
\/
/\
\/


شمآ .. شو بتييب .. بنت ولا ولد .؟!
رآيكم فـ هالـ 4 آآشهر .. و تغير حيآة ..
محمد .. شمييم .؟
عزوز .. نورة .؟!
عبود .. حصة .. بنوتتهم شموس .؟!

توقعآتكم للبآرتآآت اليآآيـ‘ه .؟@