|
آلبآرت بآجر ان شاء الله مآقدر آحدد الوقت لآني للحين مآخلصته ولآ صححت الاخطآء . . آتمنى مآحد يرد عشان عقب اذا نزلت البارت ينزل كله في صفحه وحدهه وشكرآ ! |
آلبآرت الـ30 .. آم خآلد : رويلآتي تعورني سهيل : من شو ؟ لطيفة : الله يقويج آمآيه , صرآحه العرس كآن يجنن خآلد يطآلع سهيل اللي مبهت في لطيفة : سهول شفيك ؟ سهيل لف على ابوه وقآل : آبويه ابا اكلمك بموضوع بوخآلد : تفضل بويه قول اللي بخاطرك سهيل : في واحد تقدم ل لطيفة اليوم بوخآلد : وليش قال لك انته ليش ما يآ وكلمني آنآ آم خآلد : ويديه منو هذآ ؟ لطيفة قآمت ورآحت غرفتهآ , ماتبا تعرف منو , تخآف يكون غير ظآهر وتظلم نفسها ومشاعرهآ , ! سهيل : ظآهر , قآل بيكلم عموه آم مآيد بمآ آنه مآعنده لا ام ولا اب عشان ايون ويخطبون لطيفة آم خآلد : هاي الساعه المباركه ظآهر انسان محترم وانت تعرفه ويعرفك هذآ غير آنه عاش بينآ بعد .. بوخآلد : مآعندي مآنع , خله آي هو واخوي ووقتها يصير خير " آطآلع خآلد " آنت شو رآيك ؟ خآلد : ظآهر انسان حبوب ومآشفنآ العيب منه , وبعدين سهيل عايش نص عمره وياه فاكيد يثق فيه ويعرفه اكثر مني , بالنهايه الشور شور لطيفة , واذا تبون راي , آنا موافق .. سهيل : وانا بعد موآفق بوخآلد : على بركه الله , خل ايون وكل شي يصير رسمي وقتها بنشاور آختك وآن شاء الله يكون في نصيب من بينهم .. آم خآلد دمعت : فديتها بنيتي بتعرس " شافت خالد " وانت ماتبانا نفرح فيك ؟ سهيل وخطبنا له ولطيفة وانخطبت خآلد قآم ورآح غرفته سهيل : آمي الله يهديج ها موضوع تفتحيه وياه وانتي تعرفي اللي في خاطره ؟ ام خآلد تنهدت : قلبي معآ هآلولد والله خآلد رآح غرفته وسبح وبدل لبسه ونآم من التعب , وسهيل راح غرفته وطرش مسج لظآهر آنه يبا يشوفه ضروري بآجر آمآ عن لطيفة ف مسحت المكيآج وبدلت ثيآبهآ وبطلت شعرها وانسدحت على الشبريه بتعب , يودت تلفونها وهي تقرا مسجآته , فتحت مسج يديد وحطت رقمه وبتهور طرشت له . . لطيفة " آلآفضل آنآ نبعد عن بعض عشان لآ ننجرح آكثر " ظآهر " ننجرح ؟ " لطيفة " آنآ انخطبت , والله يعلم لو اهلي بيوآفقوآ ولآلآ , الشي خآرج عن آرآدتي " ظآهر تنرفز لآنه يوم كلم سهيل مآعطآه الموآفقه والحين ببرود بيعطون لطيفة لحد ثآني ؟ " وآنتي رآضية ؟ " لطيفة " مب كل شي اتمناه بيصير , تصبح على خير " ظآهر " لطيفة ! " لطيفة دمعت " ظآهر الله يخليك خلآص , آمسح رقمي , تصبح على خير " فرت تلفونهآ ولفت الصوب الثاني ونآمت بقلب مكسور . . . . . موزة تصيح وآبدآ مآهدت ولآ قآدره تتكلم وتعبر عن الالم اللي فيهآ ولآ عن الشي اللي تحسه , : يآ موزة خلآص لآ تسوين في نفسج جي , رحمي نفسج كل شي يصير بهالدنيا قسمه ونصيب , ربي بيعوضج خير بدآل هالياهل موزة تشآهق : وي..نه ؟ لي..ش م..آ رج..ع [ وينه ؟ ليش مآرجع ] : مآعرف , بي عقب خليه على راحته , انا بروحي منقهره منه موزة تلحفت .. يودت تلفوني واتصلت فآمي وعلى طول ردت مفزوعه .. آمي : ويديه آميه انتي وين ؟ شحقه متصله فهالساعه المتآخره من الليل ؟ : آميه انا بالمستشفى ذياب وصلني آمي : شوههه , شوفييييج ؟ عبدالله : شو مستوي ؟ آمي تاشر له يسكت .. : موزة عقت آميه , ومآيد شكله وآيد متضايج , فخلاها بالمستشفى وطلع , للحين مآرد ولآ نعرف عنه شي ! آمي : لآحول ولا قوة الا بالله , قليبي معاها هالبنت , باجر من فير الله نحن عندكم ان شاء الله : آميه خلي روضة باجر تيب لي كندوره مخورة ومزيل مكياج وهالسوالف آمي : آن شاء الله آميه بقولهآ , ديري بالج عليها , ووآسيهآ لآ تخلينهآ تصيح وتندب حظهآ , وهالولد انا بكلمه عقب بشوف شوفيه : آوك , يلآ مع السلآمة آمي : مع السلآمة آبوي : خوفتيني شو مستوي ؟ منو هاي اللي تكلمينهآ ؟! آمي : هاي الهنوف , رآحت المستشفى عقب العرس ذياب وصلهآ .. آبوي وقف على طول : شوفيهآ ؟ ليش ماحد خبرنآ آمي : آهدآ يآ علي , موزة مرت مآيد سقطت , فالهنوف راحت عندها آبوي : ومآيد ؟ آمي : تقول ان مآيد هد المستشفى وطلع ومايعرفون عنه شي آبوي : لآ حول الله آمي آطآلعت روضة : تقولج اختج يبي لها كندورة مخورة وهذا اللي يشلون به المكياج وهالسوالف , وآلحين روحوا ريحوا عشان باجر من غبشه بنروح لهم عبدالله وروضة : آن شاء الله " وصعدوآ غرفهم " آبوي : قومي خل آنآم عشان باجر نروح لهم من آلصبح ومآنتآخر عليهم آمي : يآلله .. آطآلعت موزة بحزن , آكيد تتآلم , آكيد محتآجه مآيد يكون معآهآ , يآ في بآلي ذيآب , وآنه زعلآن مني , آلحين شو آسويله ؟ انزين انا ماقلت شي غلط هو ليش عصب علي , بس انا غبيه كيف قلت بسوق !! صدق آني متهوره .. موزة خوزت اللحاف وقالت بتعب وويها محمر : ابا ماي قمت وصبيت لها ماي وشغلت قران بتلفوني وقعدت اشوفها تشرب المآي , وكيف لمآ سمعت القران صآحت زيآدهه , عطتني الكوب وحطيته ف طرف وسكتنآ آنآ وهي , عقبها بدت تهدآ تدريجيآ . . طلعت عنهآ ووقفت عند الباب ودقيت لمآيد 6 مرآت لكن مآرد , بصرآحه خفت عليه , آخوي وآعرفه , لهفته لشوفه هالياهل كآنت غير .. الله يصلح الاوضاع ان شاء الله ! . . طول آلوقت ف آلسيآرة وهم سآكتين , ويوم وصلوآ الفندق دخلوآ وظبيه طلعت لبسها وقبل لآ تدخل الحمام عشان تسبح قال لها ناصر نآصر : نآمي عدل ترى باجر آلفير طيآرتنآ ظبيه نزلت راسها : آن شاء الله " ودخلت الحمآم " نآصر قآم وبدل ثيآبه وعلى طول رآح على الكرسي ونآم , لمآ طلعت وشآفته حست بالآحرآج وبالذنب بنفس الوقت لآنه نآم على الككرسي , رآحت وآنسدحت على السرير ويلست تفكر في حيآتهآ اليديده مع ناصر كيف بتكون ؟ , صآحت على مآضيهآ وعلى الشي اللي كآتمتنه في قلبهآ للحين , ودعت ربها آن مآحد يعرف هالشي غيرهآ هي , مآغفت عينهآ واول ماشافت ان النور طلع قامت صلت وبدلت ثيابها , رآحت صوبه وهزته بخفيف . . ظبيه بصوت خفيف : نآصر قوم صلي نآصر : آن شاء الله " قآم رآح الحمام تغسل وتوضى وصلى وبدل ثيابه " آغرآضج جآهزه ظبيه : هي ناصر شاف ساعته : خلينا نطلع عشان مانتاخر ظبيه : آن شاء الله سكرت شنطتها وشنطته ولبست عبايتها وشيلتها ونزلت هي وياه تحت والعامل نزل لهم الشنط , ورآحوآ بيت اليده . . ظبيه ابتسمت لما شافت اليده تلاعب جرآح راحت وباستها على راسها وصبحت عليهآ : صبآح الخير يالغالية اليده طآيره من الونآسه : فديت هالشوفه علني ماخلا , وينه عيل ناصر ؟ ظبيه : بالسيارة الحين بينزل اليده : شخباركم ؟ ظبيه ابتسمت باحراج : الحمدالله " قربت من اليده وباست جرآح " فديته وحشني , امانه ديري بالج عليه كآنه ولدج اليده : لآ توصين , بتسآفرون الحين صح ؟ ظبيه : آن شاء الله دخل ناصر وسلم على آمه عقب طلع آبوه وسلم عليهم ووصى ناصر على ظبيه عقبهآ من بيت اليده على طول رآحوآ المطآر . . ناصر : بروح ايب ماي تبين ؟ ظبيه طلعت من شنطتها ماي وعطته : تفضل نآصر طآلعهآ : من وين ؟ ظبيه : عموه عطتني دبتين لك ولي , قلت دام الشنطه فاضيه خل آحطيه داخل .. ناصر : غريبه شنطتج فاضيه احيد البنات شنطهم متروسة مكياج ظبيه : هههه مب كلهم ! ناصر : مب ياينج فضول تعرفين وين بنروح ؟ ظبيه : شوي نآصر : آنتي وين تبين تروحين ؟ ظبيه : عساس بنغير يعني لو كنت ابا مكان محدد ! ناصر : هههه لآ ظبيه نزلت راسهآ : عيل راي مب مهم نآصر : قآلولي البنآت انج تحبين كوريآ و رومآ ظبيه تحمست : وااه اعشق كوريآ , يالله كيف كنت مدمنه افلام كورية يوم صغيره ناصر : شو يعيبج فيهم عيونهم مشخطه ظبيه : ناصصصصر لا تقول جي , حلوين حتى لو عيونهم كانت مشخطه ناصر : زين عيل بتشوفينهم ظبيه مآستوعبت : متى ؟ ناصر : اليوم يوم بنوصل ظبيه شهقت ويوم انتبهت ان علآ صوتها افتشلت : ناصر احححلف انك موديني كوريييآ !!! ناصر رفع حياته : ليش !! بجذب عليج يعني ؟ ظبيه آفتشلت : آسفه مب قصدي ناصر : مب مشكله ظبيه طلعت تلفونها واتصلت ف ظاهر لكن مآرد وطرشت له مسج " ظآهررر انا بطير من الوناسه تخيل ناصر بيوديني كوريآ , هههه تذكر حلم الطفولة ؟ آني ادرس هناك , يالله ودي اصارخ بالمطار من الونآسة , استودعك الرب , ولدي فآمآنتك , مر عليه بين فترة وفترة , آحبك " بعد مآنآدوآ على طيآرتهم على طول رآحوآ وبعد ربع ساعه تم اغلآق جميع بوآبآت الطآيره وتحركت , لف ناصر يبا يشوف اذا ظبيه محتايه شي ولآ خآيفه لكن استغرب انها نآيمه , تحسب شي يعورهآ . . ناصر هزها بخفيف : ظبيه ظبيه بطلت عينهآ بتعب : هلآ ناصر : شفيج ؟ ظبيه : تعبآنه من البارح مآنمت , نآصر : خلآص نآمي ريحي , ظبيه غمضت عينهآ وردت نآمت , آمآ هو شغل التلفزيون وحط على فلم وقعد يشوفه , في نص الرحله طآح راس ظبيه على كتفه وحس بشعور غريب لف عليها يطآلع لقاها فسابع نومه ولا داريه عن شي . . . . ذيآب طلع قيتآره ونزل تحت لقآ عآمر وديمه قآعدين : صبحكم الله بالخير وديمه وعآمر : صبحك الله بالنور والسرور وديمه : اوه تعرف تعزف ؟ ذيآب : شويي عآمر : مرتبش من الصبح ذيآب : هههههه شفت عآد , بروح لا تيودني بنتك اخاف عقب تقول اعزف لي مال بارني هني بطيح ف وهقه عودهه وديمه : ههههههههههه حرام عليك , مب لهالدرجه عآد ! عآمر : خلج واقعيه , بنتج العن من جي وديمه : حرآمم عليك هاي ترآهآ بعد بنتك , عآمر : حتى ولو , آنآ ريآل حقآني . . ذيآب خلآهم وطلع عنهم , رآح القعده اللي برع وقعد يعزف ويغني بروحه وتذكر الهنوف آبتسم ومرت في بآله كل الايام اللي عاشها معآه , رن تلفونه وابتسم لمآ جآف حآمد . . ذيآب : ويييييييييييييييينه الحبيبب مآله حسسس حآمد : هههههههه اباك تشتاق لي بس مآشي آمل شكلك طلعتني من حيآتك ! ذيآب : افا وآلله شهالكلآممم , دآم تضحك ومستآنس آكيد مسوي دآهيه حآمد : لآ حشا علي , بس سويت شي لازم تعرفه ذيآب : آسمعك حآمد : تقدمت لها ذياب قال بصدمه : لمنو ؟ مشآعل !!!!!! حآمد : هي ذيآب : حآممد حآمد : والله مب ناوي اضرها ذيآب : بنشوف , حاب نطلع اليوم ؟ تعآل نسيت آقولك , انا بروح الفورميلآ ! حآمد : آححلف ؟ آنآ حآجز قبلك داق عشان اخبرك جان بتروح ويايه ذياب : مآتقصصر وآلله , فرصه حلوه عيل بعرفك على شبآب آلآهل لآنهم بيون ويآي , فآي فندق حجزت ؟ حآمد : روتآنآ ذيآب : آوهه ويآنآ بعد , ححلو حآمد : هي لآهه , خلآص خلني اشوف الاهل لو مآبيروحون مكان بمر عليك وبنطلع . . ذيآب : تمآم , بتريآ ردك حآمد : تمآم , مع السلآمة ذيآب : مع السلآمة " وبند " . . بو خآلد يكلم آخوه علي بالفون : وآلله مادري شو اقولك يآ علي علي : قول ياخوي لا تخلي شي بخاطرك بوخآلد : آذآ كآن الشي بخاطري انا جان قلت لك من زمآن لكن هالشي في خاطر ولدي خالد , ومآكنت آعرف آلآ اليوم دريت من امه علي : آمر ياخوي شو فخاطره ولدك ؟ بوخآلد : خآطره ببنتك روضة , آدري آن البنت مآطلعت من اللي هي فيه بس مب حلوة تتسمى مطلقة وهي بعدهآ بهالعمر ! علي : صح , بس انا ماقدر اجبرها . . بوخآلد : نحن بني اليوم ان شاء الله عشان نتكلم رسمي بس حبيت اخبرك قبلها , فالنهآيه نحن راضين بقرار البنت وبتم بنتنا حتى لو مآخذت ولدنآ ! علي : مآتقصر يآخوي .. بوخآلد : نشوفكم العصر ان شاء الله علي : آن شاء الله " بند عن آخوه " عبدالله : شفيه عمي ؟ علي : بيونا اليوم , بيتكلمون رسمي يبون روضة لخالد عبدالله : ايوآ , بس ماعرف احس الوقت غلط علي : بنشوف راي اختك روضة نزلت بسرعه وهي متضايجه : شو هآآآآ منو داخل غرفتتتتتتتتتتتتتتتتتتتتتتتتي علي : بنننت , شوفيج ؟ روضة يتها الصيحه : الخدامه الخايسه مب مرتبه عدل وعافسه اغراضي ,, وفوق ها كله حارقة كندورتي اللي احبها علي : ههه ماعليه هذا ادب لج عشان تتعلمين كيف ترتبين اغراضج بروحج , والكندوره فدوه راسج بتسويلج امج غيرهآ روضة : لآ بس انا كنت ابا البسهآ اليوم علي : روضة تعالي قعدي هني روضة راحت قعدت : آمرني ابويه علي : اليوم ياينا خطار روضة سكتت علي : عمج بو خآلد ياي يباج لخالد , روضة نزلت راسها بياس من خالد , اللي ماياس من الموضوع , بس غريبة هو قآل آنه بينسآني !! روضة ابتسمت : حيآهم الله علي استغرب من رده فعل بنته : يعني مابيضايقج الشي روضة : لآ , وآتمنى آن يكون بيني وبين ولد عمي نصيب .. عبدالله : كفو هاي رواض اللي اعرفهآ , لج آحلى ايس كريم روضة : ياهله انا شوووهه , عبدالله : هههههههههههههههههههههههههههههه , سيري منآككك روضة : لآ خلاص ابا ودني يلآ عبدالله : عقب مانطلع من المستشفى , زهبتي الاغراض التي طلبتهآ آلهنوف ؟ روضة : هي عبدالله : ابوي , وين امي يلآ خلونا نطلع ! علي مستانس على آن بنته طلعت من الجو اللي كانت فيه : ماعليه اسبقونا انت واختك نحن ياين عبدالله : آن شاء الله , يلآ لبسي عباتج وتعآلي روضة ركضت فوق لبست عبايتها وشيلتها وشلت الشنطه اللي فيها اغراض الهنوف ونست تشل تلفونها وعلى طول نزلت تحت وركبت السيارة ورآحوآ المستشفى , من وصلوآ آلمستشفى , عبدالله تم برع وروضة دخلت ومن شافت وضع موزة حست بضيجه مب طبيعيه .. روضة : حمدالله على سلآمتج موآز موزة : الله يسلمج عيني وحده مفتوحه والثانية مقفله من زود التعب : روضة انتي هني ؟ روضة : هههههههههه شو بلآج جي ؟ هي انا هني " مدت الشنطه " هاي فيها اغراضج قومي بدلي قمت وانا آحس بالثقل من الفستان ومن شعري ومن الميك اب , على طول رحت بدلت ولبست لي آلكندورة عشان ارتاح اكثر ومسحت المكياج ومشطت شعري ولميته ولبست الشمد وطلعت .. : ابا عطر روضة : في فالشنطه نبشت ولقيت ورشت 6 رشات روضة : بس بس حشا انتي تسبحتي بالعطر ماتعطرتي بس : ههههههههههه خلاص لعيونج بوقف " دخلته وفريت الفستان فالشنطه وسكرتها وحطيتها فطرف " يوعانه روضة : في كوفي تحت نزلي يبي لج منه : مآروم , مآعندي فلوس روضة : خلاص بروح ايب لج طلعت روضة وشافت عبدالله قاعد بروحه : ليش قاعد بروحك ؟ عبدلله : اتريا الحب روضة : منو الحب يالخايس ؟ انزين عطني فلوس بروح ايب شي للهنوف تاكله وبرد . . عبدالله عطاها البوك كامل : لا تتاخرين وحاسبي لايطيح منه اوراق او بطايق روضة : آن شاء الله .. نزلت تحت وراحت الكوفي لقته مب مفتوح بعده فراحت الدكان وخذت لها لاكنور كاكاو وخذت للهنوف وموزة كروسون واورنمين وماي وطلعت , وهي طالعه لمحت وآحد يشبه مآيد فراحت صوبه عشان تتاكد اذا هو ولآلآ وطلع فعلآ انه مايد . . روضة : ميود شو تسوي هني ؟ مآيد سآكت روضة حطت ايدها على راس اخوها وقرات عليه المعوذات : بسم الله عليك من كل شي يكسر قلبك او يزعلك مآيد ابتسم : مشكورة آختي روضة : مآبينآ , آصعد تراها محتاجتنك مآيد : مآعليه انتي روحي الحين وانا عقب بي روضة قامت : خلآص اوك مآيد يود ايدها يوم شافها لفت : لآ تقولين لحد آنج شفتيني ! روضة طالعته باستغراب مآيد : لو سمحتي يعني روضة تنهدت : لي تشوفه " رآحت فوق حطت لهم الاكل وهي بالها مشغول بشكل مايد التعبآن " آطآلعت روضة اللي في عالم ثاني : شوفيج ؟ روضة لا شعوريا قالت : شكله تعبان , قلبي يعورني موزة : منو هذا ؟ روضة انتبهت على عمرهآ : هآآآآ , منو ها بعد ؟ انا شو قلت موزة ابتسمت : انتي بمنو تفكرين ؟ روضة : بـ ... , بماحد المهم : اشك ان شي وراج روضة تغير الموضوع : يبت لكم اورنمين , ادريبكم ماتحبون عصير لآكنور كآكآو " طلعت عصيرهآ وشربته " . . سيف : صبحج الله بالخير منآر فزت ولفت على طول : بسم الله الرحمن الرحيم سيف ابتسم من قلب : شخبارج ؟ منآر رفعت حياتها وبعدت عنه : آنت تلحقني ؟ سيف : لآ صدفة منآر تنرفزت : عن الجذب فكل مكان صدفه ! سيف : وآلله العظيم صدفه منآر بعدت عنه : آنت شو تبا مني ؟ خلني في حالي ياخي انا مب يايه عشآن اتعرف عليك سيف : عيل ليش يايه , في حد ثاني بتتعرفين عليه ؟ منآر عصبت : يخسي , شو تتحراني انت ! سيف يطآلعهآ : تصيرين آحلى يوم تعصبين تصدقين ؟ منآر : وقح " قآمت وشلت الكوفي مالها وطلعت " سيف لحقهآ وقعد يشرب الكوفي : آنزين ليش ماتبيين تكلميني ؟ منآر يودت راسها : لآحول ولا قوة الا بالله " لفت عليه " آنت وبعدين ويآك ؟ الناس بتفهمني غلط لو سمحت روح سيف : كيفهم , شو عليج انتي من الناس ؟! منآر : آنت شو تبا ؟ سيف : ابا اسولف وياج واعرف كيف الرساله وصلتج منآر تنهدت : آلله ياخذ الرساله ياليتني ماقريتها , يا ريال ماعرف سالفتها خلاص روح عن دربي ترا والله قمت اتضيق بي سيف : افا , انتي في هالمكآن اللي كله خضره وجمآل وتقولين متضآييققه .. منآر : لو سمحت سيف سيف : يآربآههه !!! اسمي بروحه من لسآنج هيبه وخقه منآر : لآ بالله انت بايع عقلك سيف : اصلا كيف عقلي بيتم وياي وانا اشوفج جدآمي منآر خلته وراحت الفندق وهو تم يضحك من قلب طلع تلفونه وطرش لها مسج " من الحين وحشتيني " منآر : الله ياخذه شو جريئ ! . . فآلطيآرة , لما حست بالحشرة قآمت وآنتبهت آنهم يوزعون الاكل حآولت تقوم بس مآقدرت آنتبهت على حزآم الامآن بطلته وتحجبت عدل ورآحت الحمام , تغسلت وردت كرسيهآ . . ناصر : تبين تآكلين شي ؟ ظبيه : لآ مآلي نفس نآصر : ليش مآنمتي البارح ؟ ظبيه : بس " يايه بتنزل تاخذ الماي انتبهت انه يشرب ردبول " مب زين هذا اللي قاعد تشربه ! نآصر : لآ تستوين آمي , بشربه حتى لو مآعيبكم ظبيه : الله يهديك يآرب .. نآصر : مآودي آفتح هالموضوع هني وبهالمكآن , لكن ممكن طلب ؟ ظبيه طلعت دبه آلمآي ولفت صوبه : آمر ! نآصر : خلينآ نكون ربع , ولآ حد يدخل في خصوصيات الثاني ظبيه تمت تتآمله وقالت : لي تشوفه سويه , انا مابعارضك على اي قرار من قراراتك " ربطت حزامها وشربت الماي وتمت تتآمل السمآ برع وسرحت بفكرههآ " . . |
غايه : لطوففف قومممي ابا آطللللللع لطيفة آدزهآ : آوف طلعي برررع ابا آنآآآآم غايه : آمآنه لطوف نشي عااااد , " همست لها " لآ تنسي تقولي لسهول باجر يوديج عشان الوظيفة لطيفة قآمت وهي متعكر مزآجهآ : انا بحآتي شو ولآ شو , آوف بس " قآمت ورآحت الحمام وتغسلت وطلعت " خير شو تبين ؟ غايه : ابي اسير عند بيبي جرآح , قومي بنسير بيت يديه وحشني لطيفة يودت تلفونهآ تشوف الساعه بغت تنجلط : آستغفر الله العظيم , من الحين تبي تروحي بيت يدي , تبيه يروغنآ ؟ غايه : ههههههههههههه مآبيروغنآ , يلآ لبسي لطيفة : آوف غايه ذلفي مع الهنوف , ليش تبيني اسير معاج يعني ! غايه : صح وينهآ الهنوف ؟ من البارح مآشفتها " قآمت ورآحت غرفتها ويودت تلفونهآ واتصلت " هلآ هلآلآ بالخاينه ضحكت عليهآ وحطيتها سبيكر عشان موزة تضحك بعد , خبال غايه غير : اهلين , اوف خاينه مرة وحده شسويت لج ؟ غايه : شكلج طالعه ومحاوطه وانا هني منثبره بالبيت حتى ماقلتي اختي حبيبتي بالبيت يحليلها , يعني من الاخر جي تراني ماقصد روضة اقصدني انا انزيييييييييييييييييييين : انا بالمستشفى موزة " سكتت شوي " ولد موزه عطآج عمره ونحن معاها , الله يعوضها غايه : شت شت بنانا في المستشفى وانا اخر من يعلم , هزلت بصرآحه , الحين لازم ايها باي طياره روضة : **** " سبتها " آنتي حصلي سيارة وعقب قولي طياره , وبعدين انا حاقده عليج للحين انزين غايه : آو مآي قآد , الهنوف اختج لسآنهآ وصخ يبالها ضرب ترررىىى المفروض تحترمننني " صرخت " يااااااااااااا بنانا وينهآ ؟ تعرفين كل ماشوف موزة بمنو تذكرني ؟ روضة وانا : بمنو ؟ غايه : موزة ورشود مآل مجله مآجد هههههههههههههههههههههههههههههههههههههههههه موزة : ههههههههههههه غايه : فديت هالضحكه , انا ادري اني وناسه وفله ادهكي يا بعدهم ادهكي ماحد يسواش موزة : ماشاء الله جلبتي رمستج اشوف كل ساعه شي غايه : شو نسوي , لعيون بنآنآ كل شي يصيييييييييييير " صرخت " انا قلت لج سميها غايه لكن عيوزي عبت راسج الله يسآمحههآ , يلآ مآعليه المرة اليايه يوم بتحملين سميها غايه عشان تطلع مبآركه وحبوبة وفوق ها بتطلع جمييييلة .. موزة : آن شآء الله .. آبوي وآمي دخلوآ الغرفه وسلموآ على موزة , غايه : الهنوف عرفت انتي على منو خاينه جي ؟ : على منو ؟ غايه : على عمي علآوي , خون فيني بعد , رآح ججدآكم ولآ فكر يتصل ببنته الفقيرة , مآيقول تعبت من امي بروح احوطها شوي آمي : وآبوي غايووووووه شو موعنها من الصبح غايه : عموه انا ساحررره وعووووو آمي : هههههههههههههههههههه والله انتي مبب صاحية يا بنتت آبوي : آفففآ الحين استويت خاين , ولآ بعد علآوي وايد مطيحه الكلآفه بينآ يا بنت غآية : وآآآآآآآآآي فديت هالصصصوت فديتك يا عمي ترا امززح انت على العين والراس الا اقول بنتك الخايييينه لا تسال ولا تتخبر يييهااا لو آنت وعموه مب موجودين , هالبنت بتطلع زطيه على يدتها وكله مكشرة , بس الحمدالله ان اخوك يابني عشان اوسع عليكم دنيآكم آمي : ههههههههههههه آلحمدلله غايه : آنزين يلآ ديروآ بالكم على نفسكم , آحبكم موت " وبندت " آبوي : فديت هالبنت , الله يخليها لآخوي الكل : آممين بعد مآبندت عنهم نزلت تحت عشآن تشوف آمهآ : آمممي يا نبع الحنااان آم خآلد : شتبين ؟ غايه : بصرآحه يا خوخه انا زعلت منج ام خالد ضربتها بكتفهآ : خوخه منو يالحماره ؟ غايه : خولتتتي عاااد , انا بخبرج شي " لزقت فآمهآ " من اليوم بدلعج خوآلي آنزين آم خآلد : خوآلي فعينج وان مآنآدتيني بآمي يشهدالله اني برشج رش بالخيزرآن غايه : شت , شهدتي بالله , خلآص اعتزرر يا حرمههه , روققق المنقققآ ام خآلد : شو تبين ؟ غايه : آمي ترى موآز حرمه ميود سقطت وهي بالمستشفى آم خآلد شهقت : متى ؟ يحليلهآآآ مآتمت فرحتهآ , الله يعوضهآ غايه : وآلله علمي علمج يالوآلده توني آعرف , توني مرة مبنده عن الهنوف قلت بي بخبرج عشان نروح سوأ آم خآلد : زين قلتي بنسوي لهم ريوق وشاي وبنشل شلآلنآ ورآيحين غايه حاست بوزهآ : تتحرانا رايحين بر آم خآلد : شو تتحرطمين بروحج انتي غايه لزقت فآمهآ : آمممممممممي , مآبتفتقديني لمآ بسآفر عنج ؟ آم خآلد قلبها عورهآ ومسحت على راس غايه : وآلله مآودي تروحين لكن طموحج آكبر من اني احبسج بالبيت او ادخلج جامعه ماتبينها .. غايه حضنت آمهآ : آحبج وآلله , آلله لآ يحرمني منج , ولآنج بطرشيني هنآك مآبخذلج ! آم خآلد عشان مآيعورها قلبهآ آكثر : يلآ قومي عني عن هالمصاخه والدلع الزآيد , خل اروح ازهب الريوق ووعي سهيل وخالد غايه : على آممرجج .. رآحت فوق وقررت تدخل غرفه خآلد , دقت الباب كذا مرة . . خآلد زعق : خييير غايه : آممي تقول نش عشان بنروح المستشفى مرت مآيد هنآك يلآ فز خآلد : آوك خلآص غايه رآحت صوب غرفه سهيل , وابتسمت بجرم وهي ناوية تغصص فيه لين تطلعه من طوره دقت الباب كذا مرة مآسوآلهآ سالفه , دخلت وراحت صوب الشبريه .. غايه : سهيل , ترى عميه بو صالح اتصل سهيل لف الصوب الثاني : آوف شو يبا ها من الصبح ! غايه : يقول آنه مآيبآك لبشآير , لآن ربيع صلوح تقدم لها سهيل : ***** آطلعي يآ **** غايه فتحت عينهآ : آوييه ماهذا الكلآم البذئ " يودت المخده ويلست تضربه " اليوم انت وبنت عمك روضة صايرين وصخين اشوف خآلد : سهيل قوم يلآ عشان نروح المستشفى عند مآيد سهيل : شوفيه مآيد ؟ خآلد : مرته تعبآنه يلآ نشش آمي تقول غايه تبا تغايضه : تعرف ليش سموك سهيل ؟ لآن يوم كنت يآهل آمي شربتك حلول فسهل بطنك , ومن يومها تسهلت آمورك فآمي قالت فكوني سموه سهييل ههههههههههههههههههههههههههه سهيل قآم وهو معصب وتم يروش عليهآ المخدات : طلعي من هني لا اذبحجج خآلد : هههههههههههههههههههههههههههههههههههههههههههههههههه ههههههههه غايه : عندك 5 دقايق لو مآنزلتتتتتتتت بتشوفففففففف " ونزلت عنهم " سهيل : بنشوف عيل شو بتسوي بهالخمس دقايق ولآ انششش , وخل تي عشان اذبحها صدق انها خايسه , و بويه ورآعية اشاعات وقصص .. خآلد : هههههههههه يلآ نششش سهيل : لآ خل بنتريا آطوف 5 دقايق تعال اقعد انا بروح اتغسل وراجع " رآح الحمام وتغسل ورجع " طافت عشر دقايق وهي مايتهم . . خآلد : قوم خل ننزل انا يوعان شوي وتبطل الباب بقوه , غايه رفسته وهي ميوده تلفونها ومحطيته سبيكر .. غايه : آنزين اقولج والله العظيم مب راضي ينش شو اسوي فيه ؟ لآزم نروح صوب موزة بشاير : هي صح مايصير وعيهم يلآلآ سهيل يطآلعهآ بجرمم وزعق : انا ناشششششش غايه : جذاب بشور منسدح ف فراشه لا ويعاند بعد , لكن انا بخبرج شي " رفعت السبيكر وشردت تحت " سهيل : وآلله هاي اخرتها على ايدي خآلد : هههههههههههههههههههه طلعت تعرف عوقك ههآآآآآآآآآآآ سهيل نزل وتم يضاربها وخالد يضحك ويتريق وامهم تهدي الوضع من بينهم عقب كلهم طلعوا فوق يتلبسون ويكشخون وطلعوا بسيارتين , بوخآلد وآم خآلد وآلخدآمه والريوق بسياره , وسهيل وخالد ولطيفة وغايه بسيارة . . غايه تفص سهيل , سهيل لف كان يبا يهزبها لكن انتبه ل لطيفة اللي سرحآنه برع ولآ حاسه باي شي يصير حوآلينهآ .. غايه انتبهت وحست آن في شي صاير . . غايه : خلهآ هاي احس ان فيها شي حتى من قامت من الرقاد وهي متنرفزه ؟ صح لآ تنسى باجر توديهآ عشان تقدم على الشغل لطيفة قالت بصوت خفيف : مابا شغل خلاص هونت خآلد : لطوف شوفيج ؟ ليش فجاه هونتي !! لطيفة : بدون سبب قلت مابا وخلاص " لفت الصوب الثاني " . . ام ابراهيم دقت الباب وقالت : عيال انزلوآ تريقوآ , الكل تحت حمد قال بهدوء : آنزين آميه ياين " تآمل في عذاري اللي نآيمة " عذاري نشي عذاري : حمد الله يخليك ابا انام خلني بس شوي . . . بس خمس دقايق " وغفت عنه مرة ثانية " حمد يوم شافها نآمت طب الباقين ورد نآم , عقب آنتبه بروحه انها الساعه 10 ونص ف قام تغسل ويوم طلع من الحمام انتبه لعذاري انها ناشه وميوده راسها : شفيج ؟ عذاري : آحس بصدآع فضيع " رآحت آلحمآم وتغسلت , طلعت , راحت صوب شنطتها وطلعت لها تنورة وقميص بحكم انها ماتقدر تلبس بنطلون لان ابراهيم موجود " حمد : بعد مآتتريقين خذي حبه بندول عذاري : آن شاء الله بعد مآتعدلوآ اثنينهم على الخفيف وتعطروآ نزلوآ تحت شآفوآ آن مآحد ف الصآله , فيآت لهم الخدامه وقالت لهم آن الكل فالحديقة مب بس اهل حمد , تنرفزت عذآري . . عذاري كانت بتصعد يودهآ حمد وقال : على وين ؟ عذاري : مالي خاطر اشوف شيفه لجين ومنى من الصبح حمد : دآمج ويايه ماحد آييسر يتكلم لج كلمه , وبعدين آنتي محتآجه تآكلي عشان بتاخذي حبه بندول , لو مآكلتي ماشي حبه عذاري بياس : خلآص يلآ خل نطلع حمد شبك ايدهآ فايده : يآلله عذاري وهي طالعه تحاول تهد ايدهآ من ايده عشان لا تتفشل جدامهم لكن هو عآندهآ , كآنوآ كلهم يالسين فالعريش العود والسفره متروسة اكل وكآنوآ حآطين نوعين من الشاي , وقهوه وكل مآتشتهيه النفس . . عذاري وحمد : صبآح الخير الكل : صبآح النور عذاري قعدت فمكان فاضي فرآح حمد وقعد حذالها وقعدوآ يتريقون بهدوء لين ماقالت آليده . . اليده : بويه حمد انا في خاطريه رمسه وابا اسمع ردك آلحين حمد : تفضلي الغاليه , " تم يشرب الشاي وهو يطآلعهآ " اليده : في وآحد تقدم لـ لجين .. عذاري انقهرت بصمت وتتحرطم دآخليآ " يعني الحين يتفلسفون , يتحرون حمد شيخ ولآ شو بالضبط , قهرررر , دآيمآ تكون المصيآب من تحت هالسسوسسسه لجييين , يآخي عرسي وفكينآ حتى ف عرسج يشآورون حمد , يآلله كيف احس بالحروره في صدري من يطرونهآ , رغم ثقتي العميآ في حمد الا آني اعرف اسلوب لجين كيف ! " اليده : ونبا نعرف لو انت مرخصنها عشان نوافق له ولالا .. ونشوف رايها ! قبل لآ تتكلم لجين وتعارض آلكلآم اللي آنقآل , قال حمد بحزم حمد : انا ماظن علقت لجين عشان ارخصها ولا ما ارخصها , ودام آني متزوج وماخذ عذاري مستحيل اخذ عليها وحده ثانية آليده تنهدت : يآلله مآعليه الله يهنيك .. حمد : مآعليه يدوه سمحيلي على هالرمسه , لكن مالج اي حق تتضايجين , وانتي تعرفين هالشي عدل , تعرفين اني احب عذاري بو آبرآهيم : يآ ولد ! حمد : شوفيهآ , انا احب حرمتي خل اللي مايعرف يعرف , انا ماحب تعكرون مزاجي بمواضيع سخيفه مثل هاي واخر شي تزعلون مني , احيانا تخلوني اندم اني خليت شغلي وحياتي ويت لكم زيآره , " قال باستفزآز " آلحمدآلله آني ياي زيآرة مب اعيش هني ولا كان ارتفع لي الضغط ومت من زمآن ! عذاري همست : حمد شو هالكلآم عيب . . . اليده : مآعليه بويه سآمحنآ ولآ يتعكر مزآجك تريق وروق , نحن سآلنآك وخلآص , انسى الموضوع حمد كمل شرب الشآي بهدوء ونفس الشي عذاري . . لجين في خآطرههآ " الحين يخليني عشان هالحمآرهه , آشك آنهآ سآحرررررتننننه , هففف خربت علي كل شي , خربت علي حياتي مع حمد ومخططآتي , المشكلة انها مب عايشه هني ولآ كآن شافت شي عمرهآ مآشآفته بحيآتهآ , بس دآمهآ حآليآ هني خل تتحمل شو بيصير لها , " حمد ياته مكالمه من سيف وطلع برع وتم يتكلم بآمور الشركة , طلعت لجين وهي شاله دله الشاي اللي كآنت فاضيه ورايحه المطبخ عشان تقول للخدآمآت يسون غيرههآ , سوت عمرها تخرطفت وعن قصد مررت شفايفها قريب من قميص حمد ف علم شوي من روجها على قميصه واعتذرت له وعلى طول راحت , آمآ هو بعد مآخلص المكآلمه رآح غرفته وبطل الاب عشان يشوف شغل سيف وحمدآن اذا كآن صح ولآلآ . . آمآ عذاري حست بالانحرآج بعد روحه حمد آول مآخلصت شرب الشاي مآلهآ على طول رآحت دآخل ويوم يات بتصعد شافت لجين مآره وهي تضحك , آتنرفزت منها وصعدت الغرفه . . حمد : الحين تقدرين تاخذين بندول لو بعده رآسج يعورج ! عذاري : هي شوي يعورني , وين حآط البندول ؟ حمد اشر لها على مكآن البندول وهي انتبهت على آلروج آللي في طرف قميصه واتذكرت ان هالروج لجين حآطتنه ,, تنرفزت بالقو وقالت بقهر عذاري فيها الصيحه من زود مآمنقهره : حمممد روج لجين شو يسوي على ثيابك ؟ حمد لف عليهآ : شوه ؟ عذاري بنرفزه وعلت صوتها شوي : روج لجين شو يسوي على طرف قميصك ! حمد آطآلع الروج وتذكر يوم انها اعتذرت لهآ وتنرفز : عذاري , عذاري قالت بنرفزه وبصوت آعلى : مابا اعرف , خلاص اسكت . . حمد : عذاري حاسبي على حده صوتج , انا مب اصغر عيالج عذاري وهي دموعها متجمده في عينهآ ومب قادره تنزلهآ , قوت عمرهآ , سكتت عن حمد لانها غلطت انها علت صوتها عليه لكن تحس لو تمت ببيتهم زياده خلاص بتموت شي بيصير لها , حطت اغراضها في الشنطه وطرشت مسج لذيآب اللي على طول شافه طلع بدون حتى لا يبدل لبسه الشورت , خذت شنطتها العودة وشنطتها الصغيرة وحطت فونها دآخله ونزلت , حمد يوم انتبه انها طلعت بند الاب على طول ونزل , شاف ذياب واقف يدخل اغراضها بالسيارة . . حمد : ذياب ممكن انا اسوق وانت اتم هني ذياب رفع حياته : نعم ؟ حمد : خدمه خدمه يسمونهآ ذيآب : زين لا تتآخرون مابا اتم هني حمد : آوك " ركب السيارة وهي صاده الصوب الثاني وتصيح , بعدهآ بثوآني حرك السيارة " عذآري منتبهه للدرب : ذياب ودني عند آخويه مابا اتحوط , حمد سرع شوي ف لفت تطآلعه وانصدمت آنه حمد مب ذياب : وحشتيني وقلت اي امشيج انا عذاري مسحت دموعهآ : شو تسوي هني ؟ ووين ذياب ! حمد : ذيآب ف بيتنآ , انا ماكان لي خص باللي صار لآيكون شاكه فيني بعد عذآري : آنآ مآشك فيك لكن حركتها طلعتني من طوري ماداني هالحركات انا , واسمح لي مالي قعده هناك آكثر انت تم معاهم حمد : آنزين ممكن مآتصيحي ؟ عذآري مسحت دموعهآ : آن شاء الله " نزلت رآسهآ " اسفة لآني عليت صوتي عليك كآن الشي لآ شعوريآ ! حمد : مآعليه مسموحه " رد صوب بيتهم وسلم عليهآ " لو احتجتي شي اتصلي بي عذاري : آن شاء الله وآنت بعد حمد : ديري بالج على نفسج عذاري : من عيوني , وآنت دير بالك على نفسك حمد باسها على ايدهآ وهي لا شعوريا قربت صوبه وحبته على كتفه , ابتسم على حركتهآ , نزل وركب ذياب , ذيآب وعذآري رآحوآ جدآ بيت بوذيآب اما حمد بعد مآطمن آنه راضاها رد دخل داخل غرفته وقفل الباب وشغل الاب ودش سكايب وقعد يسولف مع سيف وحمدآن . . . . . برع البلآد .. ترفة تكلم آخوهآ بالفون : لآ مافيني شي , حسن شفيك قلت لك آني بخير ؟ حسن : لآ تجذبين ترى حميد شآل الدنيا , ناوي يرجعج ترفة يتها الصيحه : ليش يرجعني , شو سويت آنآ ؟ حسن : يخآف عليج وبصرآحه من حقه ترفة : مابا ارد مآيخصني مابا حسن : ليش ؟ ترفة : حسون , انا الحين تاقلمت مع الوضع وربيعآتي وياي شو تبون آكثثر , وخآلوه كل يوم تشوفني وبطمن امي علي .. حسن : منو خآلوه ؟ ترفة : آم ربيعتي حسن : هههههه انزين ربيعتج حلوة ؟ ترفة : يالخايس اصطلب حسن : انزين بخبرج , ترى كله كان مقلب وشكرا لحماسج الزايد ترفة : آكررررررررررههك حسن : هههههههههههه كيفج مب ميت عليج , لكن الحين جد جد عندي لج خبر بملييييييييييوون ترفة : خير اللهم اجعله خير آندق باب غرفتهآ وقالت . . ترفة : دقيقه حسون " حطت شيلتها على راسها وبطلت الباب " فطآمي شاله ورد : بمنآسبه يوم ميلآدي وماحد مسولي سالفه انا يبت ورد لنفسي وقلت بي بقعد معاج تونسيني ترفة حضنتها : يآ قلبببي كل عام وانتي الحببب فطآمي : ولآ آقولج هونت , خل نطلع انتي اوردي لابسه ترفة : من عيوني ولآ آردج , بس دقيقه يودي الفون شوي وبي ! فطآمي يودته وطلعت فونهآ ويلست تلعب ولما ملت وهي تتريا ترفة , بطلت تلفونهآ " فون ترفة " وشافت ان في مكالمه ولما انتبهت على الاسم " حسوني " شهققققت وعصبت : هئئئئئئئئئئئئئئ , آلو حسن : نعم ؟ فطآمي : وآلعثره انت منو ؟ حسن : مايخصج وين صاحبه الفون فطآمي : الله ياخذك , كيف ترضاها على عمرك يالخايس يآلخروف حسن يود عمره لا يضحك : آنتي شو يعورج ؟ فطآمي في خآطرهآ " انا شو يعورني ؟ شو هالغبي " : ماشي يعورني بس عيب عليك . . ترفة طلعت وسحبت الفون وهي تسب فطامي فدآخلهآ : آلو حسون حسن : منو هاي ؟ ترفة : ربيعتي المهم كمل فطآمي : يالخايسه يا ترفة لا تكلمييينه ترفة زعقت : آنتي سكتي شوي , وآنت الثاني خبرني شو مستوي يلآ حسن : حميدو اخوج ناوي يخطب ومب هني المصيبه ترفة : عيل ؟ حسن : بيآخذ بنت الـ*** اللي انتي تكرهيهآ ترفة : آخيييييييييييييييييييييييييييييييييييييييييييييييي يييييييييييه شو يباهااااااااا حسن : امي تضغط عليه , تبآه ياخذها وتعرفينه حمآده مايحب يرد لامي طلب ترفة : آوففففففف لا ماتخييييييييل " رفعت راسها وشافت ان فارس موجود وفطآمي وياه ومن شكلهآ يبين آنهآ تخبره عن حسن " فطآمي : ترفة عاد بس مصختيها ترفة : حسون امانه حاول معاه لا ياخذها , والسموحه على اللي سوته ربيعتي برجع اكلمك فليل , مع السلامة حسن : ديري بالج على نفسج , مع السلآمة ! فطآمي متنرفزه : منو هآ " سحبتهآ من آيدهآ ومشت جدآم هي وياها وخلت فارس وفوآغي ورآهم " ترفة : فطآمي شفيج ؟ فطآمي : هئئ لايكون حسن اللي خبرني عنه فارس ترفة رفعت حياتها : منو ها حسن فطآمي : اللي عندنآ بالجآمعه ترفة تجدمتهآ : لآ مب هو , انا بيب كوفي ويايه وبكلمج بعد بهالموضوع " ورآحت تيب لها كوفي وفطامي دخلت السوبرمآركت العود وشلت فوآغي وياها وفآرس لحق ترفة " فآرس : منو هآ حسن اللي كنتي تكلميه ؟ ترفة لفت : انت شو عرفك ؟ فطآمي خبرتك ! فآرس تنرفز : انا سالت وابا جواب ترفة : مب مضطره اجاوبك اذا بتم على هالعصبيه وهالاسلوب فآرس : آوك آنسه ترفة , " طلع وهي خذت الكوفي مالها بسرعه وطلعت ورآه ويودت ايده ولفته بخفيف آطآلعها بنظره وشلت ايدهآ عنه " ترفة : حسن يكون اخويه , والثاني اللي كنا نتكلم عنه هو حميد بعد يستوي آخويه " ومشت جدآمه " فآرس ارتآح جزئيآ , مآيدري ليش يا في باله ان حسن هو نفسه اللي كلمهآ بالجآمعه . . . ترفة تشرب كوفي وتتريا فطامي برع , ولمآ حست آنهآ تآخرت وآيد عليهم دخلت واستغربت آنهآ مآلقت فطآمي , حتى فوآغي ماشافتها , طلعت وهي تشوف فارس ميود فطآمي ومعصب . . ترفة : شفيج فطآمي ؟ شفيك فآرس جي ميودنها شو صاير !! فطآمي تصيح : كانت وياي ! , مآدري وين رآحت ترفة يودت قلبها : ضيعتي فوآغي !! فآرس معصب على الاخر : اقسم بالله لو مآحصلتيها مثل مآ ضيعتيهآ , ليلج مآبتنآميه فآهمه " دزهآ بقوه ورآح يدور " ترفة حضنت فطآمي : آمآنه لآ تصيحين بنحصلها تعآلي " فرت الكوفي ويودت ايد فطآمي ويلسوآ يتمشوآ ويدوروآ فوآغي , ردوآ دخلوآ السوبرماركت وتفرقوآ , لقتهآ ترفة في طرف قاعده مع بنت العاملة اللي تشتغل هناك , يالسه تلعب وتخربط معآهآ , على طول شلتها وطلعت برع ومن شافتها فطامي راحت صوبهآ وشلت فواغي وحضنتها وفواغي تتحرطم " فطآمي عصبت : لو رحتي عني مرة ثانية بصفعج *رن تلفون ترفة* . . ترفة : هآآآآآآآآآآ شو تبا انت اليووومم حميد : خيييبهه , تراني شليت فون حسون , آنآ خلص رصيدي , ترفة : شت شت حمآددهه " عطتهم ظهرهآ " شخبارك كيف الحال ؟ والله وحششتني , حسون من الصبح يتصل ويخبل بي ويسكر فآرس شل فوآغي عن فطآمي ومانتبه آن ترفة ترمس بالفون فقآل : يلآ نروح حميد : منو هآ ؟ ترفة طالعته بقهر : آخو ربيعتي " سبقتهم " آلمهم , سمعت انك بتعرس ؟ حميد : هيييييييي يختتتتتتتتتتي , انزين بردي فؤادي قوليلي اخو ربيعتج شو يسوي عندكم ؟ ترفة : ترى آنآ وآخته طآلعين رايحين السوبرمآركت فهو ياي يآخذهآ , آلمهم خبرني سمعت آنك بتعرس صدق ولآ ! حميد : هي بعرسسسسسسسس , شو اسوي والله ماودي اخذها ترفة : شرآيك تي لندن برآويك وحده , جميلة وآخلآققق حمييد : تقولييين ترفة : آقول ونص , ويب آمي بعد معاك حميد : خلآص تمآم , اثق بذوقج هآآ ترفة : لآ تحآتي آمررره ولآ يهمك , يلآ عيل الحين برجع السكن دير بالك على نفسك ورد له الفون , واذا خلص رصيده عليك العوض بياكلك اككككل هالحسن حميد : ههههههههههههه بشتري له رصيد هالملقوف , يلآ مع السلآمة ترفة : مع السلآمة " وبندت وكملت دربهآ " فطآمي لحقتها : ترفة على وين ؟ ترفة لفت : برد السكن وياليت تقولين لاخوج مآيتمآدى لهالدرجه , مالي نفس اقضي اليوم مع حد , تيك كير " وروحت ف دربهآ " فطآمي ردت وهي معصبه : حتى ف يوم ميلآدي جي تسوي فآرس : شو سويت ؟ فطآمي : شحقه تكلمت وهي تكلم اخوها بالفون يعني غصب تباه يشك فيهآ فارس : انا ماكنت منتبه لهآ , كنت زآخ فواغي وآكلمكم شفيج انتي فطآمي : آففف " تحجبت عدل " دآيمآ انا منحوسة في هاليوم !! . . ظآهر قآم وسبح وكشخ وطرش مسج لسهيل " وين تبآنآ نتشآوف ؟ " سهيل " صبر شوي انا بالمستشفى الحين " ظآهر " عسى مآشر ؟ " سهيل " الشر يخطآك بس حرمه مآيد شوي تعبآنه " ظآهر " اجر وعآفية , وحمدآلله على سلآمتهآ , وخذ رآحتك " . . يدي : وينه مآيد شحقه مب موجود ؟ قبل لآيتكلم الكل قالت موزة : شكله تعب ورآح البيت يدوه : المفروض يكون هني ! موزة : مآعليه يدوه بس آنتي تعرفين كيف الشي ماثر في نفسيته , بيرجع آي بعدين . . . يدي : يوه روضة شفيج بهتآنه جي فالحد ؟ فيج شي آميه ! روضة : لآ يديه مآفيني شي آمي همست لموزة : شحقه جذبتي عليهم ؟ اذا صادفوآ مآيد وقال الصدق عقب بيهزبونج موزة قالت بياس : مآينلآم عموه انا اللي غلطآنه , هو مآيخصه آمي يودت ايدهآ : كل شي بهالدنيا قضآء وقدر . . ! موزة : آدري , بس ماكنت اقصد اغلط مثل هالغلطة . . آمي : موزة موزة نزلت راسها ويودت نفسهآ لآ تصيح جدآمهم , شوي وسمعوآ حد يدق البآب على شكل نغمه وفي حد يدندن . . غآية تطآلع موزة : هلا باللي لفانا سنيييين موزة رفعت رآسهآ وابتسمت : آهلين فيييج غايه : عآد آنآ ولطوووفف ينآ اسررع الحين الوآلدهه يايبه نص البيت عشان تريقج بس موزة : هههه مآتقصرون وآلله كلفتوآ على روحكم ! لطيفة : لآ ولو شهالكلآم , وحمدآلله على سلامتتج آم خآلد : السلآم عليكم آلكل : وعليكم السلآلآمم غايه حاست بوزها : لو طارين المليون يدوه رشتها : آصطلبي يا قليله الحيا غايه : حيا ولا لحيه ها ها ها يدوه : ههههههههه غايه فاجه عينهآ : انتي تضحكين , سجلوها الله يخليكم سجلوهآ , يدوه يوم بآلسنه بس تضحك لي وتعطيني ويه ولا الايام الباقيه كله ترشني فيها وتسبني , : غايوه تعالي قعدي حذآلي غايه راحت صوبهآ : شفيج ؟ قلت بضيج : ذيآب زعلآن غايه : خل يولي عيشي جوج ليوم شو ها كل حياتج ذياب قلت بعصبيه : جب مآيخصج , آنآ آحبه وكيفي غايه بنذاله : شووووووووه ؟ استغفر الله العظيييييييييييم يدي : شفيج ؟ غايه : يدي لو تسمعها شو تقول بتنفجع فصيتها بقوه وقلت بهمس : اذا قلتي لحد , جد بزعل منج غايه همست لي : آوك مآبقول لكن , طبيه عنج هالفترة شوفي بيشتاق لج ولالا : آنزين انا ماغلطت هو ليش زعل مني ! غايه : متآكده ؟ هو مآيزعل مني والدرب , , اكيد انتي شي مسويه له يدوه : من تي هالسوسه تخرب علينآ بنت علي , لآ حول الله غايه : هالسوسه يوم بتسافر عنج " تسوي بايدهآ طيآره تطير *وتطلع صوت بحلجهآ* " بتشتآقيلي وبتصيحين بعد هآآ وهذا ويهي يدوه : مآلت عليج وعلى هالويه النحس آم خآلد كآنت تطآلع روضة وهي سرحآنه , عقب قعدت تسولف وياهم , عقب مآ آلكل استرخص عنها " من ضمنهم الهنوف , روحت عشان ترتآح وقآلت عقب بتي عندهآ *فليل* مرة ثآنية " رآح لهآ مآيد وتم وآقف عند الباب .. موزة لفت تشوف منو ياي وانصدمت آنه مآيد , بنفس الثياب مال البارح مآتغيرت , آكيد كآن نآيم برع البيت طول هالوقت : وين كنت ؟ مآيد : تحت ! موزة بصدمه : من البآرح ؟ مآيد طنشهآ ورآح قعد على الكرسي : شو كنتي تقصدين بهالحركه موزة بلعت ريجهآ , هدوء مآيد بهالموضوع مب مطمننهآ : وآلله العظيم مآكنت اقصد , وآلله , حلفت ! مآكنت اعرف انه بيسوي كل هذا ؟ بس انا غلطانه وانا اسفه , آدري كان لازم اخبرك قبل لا آروح . . مآيد تم يطآلعهآ عقب قآم وطلع ويوم وصل صوب الباب . . موزة صرخت : مآيد لآ تروح الله يخليك تم معآيه " قآلت بآلم كبير " محتآجتنك آكثر من آي وقت مضى ! مآيد تم مآل دقيقتين بس وآقف وهو عآطنهآ ظهره عقب خلااها فالغرفه بروحهآ وطلع من المستشفى () . . . ما للمساء في غيبتك حس ونغم يا غايتي وينك ؟ انا وحدي هنا. . . |
تسلم اناملج ع هالبارتت احس مايد وايد قسى ع موزه واهيه مالها ذنب م كانت تدري انه ابوها بيسويبها جي وهذا قضاء وقدر وربي بيعوضهم ان شاءالله مم وبس ونرقبج فالبارت الياي |
البارت روووووعه بس هاي لجين تقهر و مايد احسه واااااايد قسى ع موزه وغااايه هاي احلى شخصيه ف الروايه ونترياج حبيبتي |
| الساعة الآن 07:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir