آلبــــــــــــــــــــــــــــــآرت الـعشـــــــــــ 3 ــــــــــــــــرون ..!
يآ زيـن يآ بـﯛ عقص مطلـﯛق يآ الحـر لبـآس الـعبآيــﮧ. .//~
בֿــذني برﯛف آللّـﮧ مرفـﯛق لآ تستـﯛي نآقل ﯛ زآيـــﮧ

.
.
سويسرا ..
بعد مرور يومييين ..
شقة ناصر وروضة ..
ع العصصر ..
فـ الصالة ..
ناصر " يالس ع الغنفه " : روضضضة ..
روضة " واقفه حذال الدريشه " : ......
نآصر " يزاعج " : روووووضه ..
روضة " تلتفت " : ...........
نآصر : اونج زعلـآنه عسسب رقدت حذالج .. ياخي روفي بحالي ظهريه تكسسر من الغنفه ..
روضة : انته تدري اني ما ادانيك .. وبعدييين ليش تاخذ وححده ما تبااك .. " ببسمة استهزاء " هــه ولـآ الحريم قالولك وانته وراهن ..
نآصر " يوقف ويتجرب منها وهو مفول " : نععععآم .. حطي شئ واحد برآسج مب ناصر اللي يمشي على كلام الحريم ويتبع شورهن ..
روضة : هاي الرمسه إلـآ جداميه لـكن من ورايه الله أعلم ..
نآصر " خلاص وصلت عنده " : رووضة احترمي عمرررج لـآ اسوي شئ فييج ما يرضييج ..
روضة " باستهزاء " : هــه وانته شو بتسوي .. ؟! كلها كلمتييين ع بعضها بتقولها وبتطلع ..!
نآصر " معصصب لـآخر درجه عطاها كف ع ويههها وطيحها وتم يضربها ع بطنها وظهرها ويرفسها وينشع شعرها وايره .. طلع كل حرته و قهره اللي من كم يوم فيه ع سبها لـآ هدوء ولـآ رومنسيه ولـآ طيب فاد فيهآ .. ما لقى إلـآ هالطريقة اللي بيبرد فواده فيها وبيطفي لهب نار قلبه .. وروضة تفاجأت بـ كل الضرب اللي ياها تحملت بـ البداية بس ما رامت تتحمل بعديين ونزلت دموعها دون سابق إنذار و خشمها ينزف دم وتحس بعظامها خلـآص تكسسرت ما بقى شئ صآحي فيها و حست بـ عمرها دخلت عالم السواد .. أما ناصر عقب ما برد فواده خلاها طايحه و مغمضه عينها وطلع وهو يتنفس بقو ويحححس عمره ارتاح من شئ و متوتر من شئ ..
.
.
.
دبــي ..
بيت بو هزاع ..
الساعه 8 ..
فـ الصاله ..
هزآع " ييلس حذال أبوه " : ابووويـه ..
بو هزآع " عرف شو يبا " : آمرر ..
هزآع : أأ هذآ أأ ابويه ابا املج ..
بو هزآع : يالله ما شفت حد ملغوث كثرك ..
هزآع : أبووويه !!
بو هزآع : .......
هزآع : الموافقه وخلاص وافقوا يلا ابويه عاد .. ولا اعطيك شور ..
بو هزاع : قوول ..
هزآع : الملجة والعرس بـ نفس اليوم والشهر الياي ..
بو هزآع : ما عندي مانع لكن اخر شئ اهل حرمتك المهم ..
هزآع : برمس عبدالله بعديين وبقوله ..
بو هزآع : زيين ..
هزآع " وقف وهو فرحان ونط ع الغنفه وركض حجرته "
بوهزآع " بنظرات استخفاف " : الله يكملك بعقلك ..
..
حجرة هزآع ..
دق لـ عبدالله كم مرة بس مارد عليه وبعدين اتصل على سعييد وقاله ..
سعيد : امره جان تباها اليوم تعال خذها بعد ..
هزاع " يبتسم " : الله يسسلمك .. وان شاء الله المهر باجر بيوصلكم والأغراض بععد ..
سعييد : نترياك اعيل بآجر ..
هزآع : ان شاء الله يلـآ فمان الله ..
سعيد : فمان الرحمن ..
" سكروا "
هزآع " منسدح ع الشبرية " : الله و اخيراً .. الحمدالله ان مححد خذاها عني ولا كنت بنتحر .. " قام وتحرك لـ غرفة عليا اخته .. دق الباب ودخل "
هزآع " بانفعال و ابتسامة " : علييوه باركيلي عقب شهر عرسسـ .. " انتبه للبنت الموجوده " أووه سوري ما كنت ادري ان حد عندج .. " بيطلع بس وقفته عليا "
عليا : تعال تعال هاي إلـآ ميثوه بنت عمي ..
هزآع " يصد صوب ميثا " : هلـآ شحالج ميثو ..؟!
ميثا " منزله راسها " : بخيير الحمدالله .. شحالك انته ..؟!
هزآع : طيب الحمدالله ..
ميثا " توقف " : انا اترخص بسير البييت ..
هزآع : يلسي عادي انا بطلع ..
ميثا : لـآ اصلـاً بروح انا من العصر هنييه ..
هزآع : منو بيوصلج ..؟!
ميثآ : عادي بسير مشي مب من بعد البيييت ..
هزآع : شارعيين عن بيتكم تستعبطين اتسيرين روحج ..؟! يلـآ تعالي ويايه بوصصلج مدامني ساير اقضي شغلي .. " طلع "
ميثا " صدت صوب عليا "
عليا " تبتسم " : عادي سيري بيوفر علييج التعب والحيين فليل عن تدعمج سياره ولا شئ ..
ميثا " متوترة وخايفه شلت شنطتها وسلمت على عليا وطلعت .. طلعت من البيت وما عرفت اي سيارة كانت سيارة هزاع لين هرن وركبت كانت خايفه شويه ومستحيه بالنسبه إلها هزاع كان حب حياتها وطفولتها استانست يوم خطبوها له بس يوم عرفت انه ما يباها ويبا غيرها زعلت ف البدايه لكن بعدين تمت تدعي ربها ان يوفقه .. "
هزآع " قطع عليها تفكيرها " : تعالي اركبي جدام انا مب دريول !
ميثا " مستحيه " : أأ لـآآ انا مب متعوده اركب جدام ويا اي حد ..
هزآع : الحيين انا اي حد .. " يلف عليها ورا ويبتسم " انا معرس العايله عاد يلـآ لـآ ترديلي طلب .. وابا اشوفج مرتزة فـ القاعه يوم عرسي ..
ميثا " منزله راسها " : بصفتي منو ..؟!
هزآع : أختـــي ..
طععععنها فـ الصميم بهالكلمه وهو ما يدري .. انترست عيونها دموع .. وحاولت قد ما تقدر تحبسسهن لأنها تتمناله الخيير وقالت وهي خانقتنها العبره " : إذآ حد شافنا بيفهم غلط وانته على ويه زواج واذا وصل خبر لـ حرمتك اكيد بتغار وبتضآيج .. دخيلك ما ابا اكون خراب بين شخصصين .. حرك السياره وخلني اوصل البيت ..
هزآع " شبه مقتنع بكلامها وحرك السيارة وهو ساكت وصلها بيتهم وتحرك يقضي أشغاله "
..
بيت بو حمد ..
" دخلت ميثا منزله راسها وهي شبه تركض دخلت حجرتها وقفلت الباب فرت شنطتها ع الأرض وطاحت ع الشبريه .. واستسلمت لـ دموعها "
ميثآ " بصوت خافت " : حب حياتي يا ناس يعتبرني أخته ! كيييف ..؟! والله احححبه ومتعلقه فييه .. هذا مب حب دقيقتين ولـآ يوميين ولـآ سنتين هذا حب سنين حب الطفوله يآ نآس .. آآخ على القدر وعلى الدنيا .. تمنيييته حبييته بكل اللي يحتويني .. " تمسح دموعها " بس أنآ لين متى بتم جيي ..؟! هو يحب وباين عليه يوم دخل الحجرة وهو فرحان .. وخلـآص عررسهم قرب .. على شو أصصيح ألحيين .. الله يهنييه ويسسعده ويعيين قلبي .. " قامت وعقت عباتها وتوضت وفرشت سيادتها .. يلست وتمت تقرا قرءان وتدعي وتقرا اكثر واكثر لين ارتاحت شوي وعقبها نزلت عند اهلها فـ الصاله "
بوحمد : الأب ..
ام حمد : الأم ..
ميثا : الأخت الكبيرة 19 سنة .. طيوبه لـ درجه فظيعه وحساسه .. حنونه ولطيفه وحلوه ..
حمد : 16 سنة .. حاله كـ حال اي ولد فـ عمره ..
سارة : 12 سنة .. صف سابع ومجتهدة فـ الدراسه ..
غايه : 9 سنين .. دلوعه وحساسه وغيورة ..
بدر : 6 سنين ..
.
.
آلعيـــــن ..
بيت بو سعععيد ..
الساعه 9 ..
حجرة نورة ..
نورة " توقف " : ششششششو ..؟! امايه شو تقولين شو عقب شهر !
ام سعيد : شبلـآج ..؟! كل يوم سيري مكان وخلصي اغراضج وانتهت السالفه ..
نورة " دموعها فـ عيونها " : مب سالفه اغراض ولبس امايه ما ابا افارقكم .. وبعديين هو ليش مسسستعيل خل يتريا شوي .. وبعدين باقلي كورس عن دراستيه يخليني اخلص وارتب وضضعي ..
ام سعيد : شتبينها الدراسه انتي .. بسسج 14 سنة تدرسين .. ويمكن ما يششغلج واذا شغلج عندهم ششركه وبيشغلج فيها .. وجانه ما يباج تشتغليين عندج بيتج وعيالج وايلسي فييه .. وبعدين سعيد عطاه كلمه وقاله موافقييين وباجر بييب المهر ..
نورة " تيلس حذال امها " : اووووووووه .. ها ولدج ليش بععد جيي ..
ام سعيد " بحزم " : عيييب يلـآ لـآ انتي ولـآ عبدالله فيكم احترام لـه .. حتى اخوج هالهرم ما ادله وييين بآيت وين يآلس .. مآ فيكم إحساس عنبو انا امكم وجي تعاملونيه .. خسسارة الربا فييكم كل واحد السانه يلـآوط اذانه .. " يلست تمش دموعها "
نورة " تلوي على امها " : خلـآص موآفقه ..
.
.
بيت بو محمد ..
قسسسم محمد ومهرة ..
محمد طايح ع الغنفه ومهرة يالسه تحت ..
مهرة : امم دريت بـ عبدالله اخويه ..؟!
محمد : لـآ شو فيه ..؟!
مهرة : مضارب ويا سعيد اخويه امس الفليل عسب امايه خطبتله فطامي بنت عمتيه وهو ما يباها ودخل عليه سعيد وهو يزاعج وتموا يضاربون ويالله يالله فجج من بينهم ابويه .. وعقب طلع وبات برع البيت ولين الحين ما ياهم وامايه مستهمه ..
محمد : اخووج من يوم يومه طايش وما همه شئ .. الحين بيهتم ..؟!
مهرة : انزيين ما تعرف ربعه ولـآ أي حد تسأل عنه مب عايبنيه حال امايه ..
محمد : بسأل وبششوف .. كم ام لطيفه عندي انا ..؟!
مهرة " ابتسمت ونزلت راسها "
محمد : كم باقي عن ولدييه ..؟!
مهرة " تحط إيدها ع بطنها " : اممم 4 شهور ونص .. ليش واثق انه ولد ..؟!
محمد : احسساسي يقول جيي ..
مهرة " تبتسم " : الله يرزقنا بولد حلوو ..
محمد : آميييين .. اممم شتبين اسسمه .. ؟!
مهرة : عادي اي اسم حلو ..
محمد : بابو .. ولـآ عبد الرزاق ..
مهرة " رافعه حاجب " : نعم نعم نعم ..؟! تبا ولديه يتعقد ..؟!
محمد : هههههه استهبل عليج .. خاطريه اسميه فهههد ..
مهرة : الله حلوو ..
محمد : ادري ان ذوقي حلو " يلس تحت حذاله و حاوط بـ إيده عليها وجرب منها بس قطع عليه صوت طفله تصيح "
لطيفه " تصيح وتصآرخ " : مآمآآآآآآآآ .. اطان ألبني < اتحداكم تفهمون بنت اخويه جي تقول .. " سلطان ضربني "
محمد " عصصب " : يغربل بليسج انتي وسلطان فووقج ..
مهرة " منزلة راسها ومبتسمه عرفت ليش محمد عصب "
لطيفه " تشاهق " : انا أآ سويتله شئ هو ألبني ع كييفه ..
مهرة : خلـآص حياتي تعالي .. ما يستحي سلطان .. " يلستها فـ حضنها "
محمد " رد يطيح ع الغنفه ويبدل بالقنوات وهو معصصب "
.
.
.
بعد مرور الوقت ..
الساعه 12 الفليل بتوقيت سويسرا ..
نآصر " دخل الشقه وهو متضايج شوي ودخل حجرته وشهق .. شافها طايحه وبقعة دم ع الارض حذال حلجهها .. نفس طيحتها من الساعه 4 العصر .. 8 ساعات وهي على حالها وطايححه .. خاف وايد عليها وأتأكد 100% انه هو سبب اللي هي فيه لأنه ضربها ضرب ما ضرب مخلوق مثله .. نزل لين عندها ورفع راسها بإيده وضربها ع الخفيف بإيده ع ويهها عسب توعى " : روووضة ! رووضه .. روضة .. شو صار الها هاي .. " بعد المحاولات الفاشلة .. لبسها عباتها ع السريع وحط وقايتها ع راسها وشلها بين إيديه وهو متوتر وخايف وبععد متلوم فيها .. وتم يركض للمستشفى اللي ما كان بعيد عنهم .. ويوم وصل دخلوها حجرة ودخل دكتور ونيرس يشوفون حالتها .. وتم هو يالس ع الكراسي اللي فـ الممر متوتر ويهز ريوله .. بعد نص ساعه طلع الدكتور وخبره عن حالتها وان الكدمات مأثره فيها شوي وهي فقدت الوعي ولو اتأخر اكثر كانت عادي تدخل فـ غيبوبه .. ووبيعالجون كدماتها وبيهتمون فيها وهي الحييين راقدة .. و بعد ما طلعت النيرس عقب ما حطتلها مغذي وهالأشياء .. ناصر شل الكرسي وخلـآه حذال سريرها .. وهو متلوم منها وايد ما كان لازم ينفعل .. بس هو منقهر منها ومن تصرفاتتها وطريقة كلامها وياه واللي قهره اكثر يوم قالت انه يتبع الحريم .. وعاد هو كله ولـآ كرامته وعزة نفسه .. المهم تم يطالعها و يطالع شكلها وويها اللي ع الطرف في بقعه زرقة .. وإيدها اللي مستويه بنفسجيه وكدمات وحاله .. كان صدق متلوم وما بيلومها على اي ردة فعل تصدر منها .. اجرب اكثر ويود إيدها بحنان ويلس يطالعها .. وبعدييين نزل راسه ع سريرها حذال ايدها وراح فـ نومه عقب هالتعب .. "
..
بعد يوم متعب وليل مخوف ..
و ع اشعة يوم يديد رفع ناصر راسه على حركة من إيد روضة وصوت منها ..
روضة " تفتح عينها بتعب " : همممم ..
نآصر " خوز إيده عن إيدها متلوم وفيها وحاول يقوم بس اريوله عورته نسى انه ما شرب دواه امس وطول اليوم يمششي من القهر اللي فيه .. تم يالس شوي لين انتبهت روضة "
روضة " تحرك راسها وحركت عيونها صوبه بس بعدين طالعت السقف وهي تحاول تذكر شاللي استوى .. "
اما ناصر فـ قآم شوي شوي ودخل الحمام يتغسل ويتوضى .. صلى ورد يلس حالها وهو منزل راسه .. بس بعدين قام ووقف حذال شبريتها ورفعها بالازرار اللي ع اللوحه وعدل لها سريرها .. روضة حطت إيدينها الثنتين على ويهها وتمت تصيح ..
روضة : لييش سويتبي جي يآ ناصر ليش ..؟! كرهتك زود ما انا كارهتنك .. ابويه اللي هو ابويه ما ضرربني انته تي تضربني .. أبآ ارد عند امايه وابويه .. ما اباك .. ما ابا اتم عندك دقيقة وححده ..
نآصر " يوقف ويجرب صوبها " : روو .. روضضة أنا اسف ما كان قصصدي بس انتي قهرتبيه .. وهنتينيه وتبينيه اسكت ..
روضة " خوزت إيدها عن ويهها وتمت تصارخ علييه " : اطلللع بررررع .. اطللع اكرهك وبظل اكرهك .. " تشاهق " اطططلع يا ناااصر اطلع " وبدا صريخها يرتفع لين دخلن النيرسات وخلنه يطلع .. وضربنها ابره تهديها .. وعقب ما تأكد ناصر انها ما بتوعى الا عقب ساعتين على الأقل .. رد الشقة وبطريجه خطف على محل واشترا شنطه متوسطه يحط فيها اغراضهم للمستشفى واتوجه للشقة .. شرب دواه وحط كذا لبس لها وحط له كم لبس بعد .. وحط دواه واغراضهم الضرورية .. و سار يتسبح ويغير ثيابه .. ورمس امه وربعه شوي .. وطاح شوي يريح .. ويوم قام عقب ربع ساعه تقريباً جيك على انه اغراضهم بأمان وكل شئ زيين .. تحرك وشل الشنطه ورد للمستشفى مرة ثانيه .. دخل الحجرة وحط الشنطه فـ الكبت الموجود فـ الحجرة ورد يلس حذالها وين كان يالس مساعه وتم يطالعها وهي طايحه .. وبعد مرور الوقت قامت والتفتت له و اول ما طاحت عيونها فـ عيونه تجمعت الدموع فـ عيونها يوم اتذكرت كيف كان يضربها والتفتت للجهة الثانيه تحاول تنساه ..
ناصر " قرب منها " : اييبلج ريوق ..؟!
روضة : ..........
نآصر " طلع عنها وشاف اللي اييبن الاكل توهن بيدخلن عسب يحطنه فجلهن الباب ودخلن حطنه وطلعن .. تقرب ناصر من صينية الاكل وحطها على طاولة الاكل الموصوله بالسرير .. وحطلها لقمة من صنعه وجربها من فمها بس هي ما طاعت تفتح وحاول وياها بكل الطرق بس ما طاعت "
نآصر " عقب ما رد اللقمه " : روضة انا ابويه ما علمنيه اضرب حريم لكن انتي اللي حديتينه وخليتينيه اضربج وانا ما ودي بهالشئ .. سبق وقتلج ما اداني حد يهينيه او يسبنيه او اي شئ وقتلج اذا سويتي اي شئ من هـ الأشياء اتحملي اللي بييج .. خذتج غصصبن عنيه لأني ما عنديه حد أغلى من امايه فهالدنيا وما ابا ازعلها او ارفضلها طلب .. وعسسب جي خذذتج .. وحتى لو ما تحبينيه براايج مع الأيآم بتحبيني .. عديتج بنت عميه وحرمتيه لكن ما ينفع وياج شئ .. تحملتج مرة ومرتين وثلـآث .. واخر مرة تعاملت وياج بالضرب وتلومت يوم صار لج جي .. خلـآص افهمي وقومي كليلج شئ عسسب تتحسنين ..
روضة " نزلت راسها وتمت تطالع إيدها "
نآصر " رد يمسك اللقمه وحاول فيها بس بعدها مثل ما هي واخر شئ هوس على كدمه فـ إيدها وصرخت وسيدآ حط اللقمه فـ حلجها .. عيبتها الحركه ونزلت راسها وابتسمت وهي تاكلها .. "
.
.
الأمارات ..
أبوظبي ..
بيت بو منصور ..
السااعه 1 الظهر ..
حجرة فطآمي ..
فطآمي : مآمي أنا ما أبآه .. وأبا اكمل دراستي .. وما ابا واحد متعقد وطايش مثله !
ام منصور : كل اسبابج هاي ما تدخل مخخخي ..
فطآمي : مامي خلـآص انا قررت وقلت .. عبدالله ما أبآه زوج لي .. والحرييم وايد شمعنى انا يعني ..
ام منصور : الله يهديج بس .. غصب بتفضحينيه فـ العرب ..؟!
فطآمي : مشكلتهم ما قلتلهم اخطبوني ..
ام منصور " توقف " : الله يهديج يا بنتي .. فكري بعدج .. " طلعت "
فطآمي : هاللي قاصر بعععد .. وبعديين هو كيف ياخذني اصلـاً وكنت اكلمه بالتلفون اكيد بيشك فيني شك خايس بس انا مب جيي .. < وآثقه !
’ وطبعاً اتصلت لـ عآرف ويلسست تدلع وتسولف وياه "
.
.
بعد ساعه ..
عآرف فـ شقته هو وسالم ..
عآرف " طايح ع الغنفه " : اففف بلوى هاي بليتني فيها ..
سالم : هههههآي انته شاطر وتستاهل البيزات يآ حبيبي .. بس انته هاتها اهنا وخلني اشوفها فـ هاي الشقة وبعدييين بتجوف فلوسك عندك .. ولـآ مآ تبآ البيزات ..؟!
عآرف " فز " : هآآ أكييييد اباهن منو قالك اني ما اباهن ..؟!
سالم : اعيييل اصبر ع البلوى ع قولتك وبعديييين لنا تصصرف ثاني ..
.
.
دبي ..
بيت بو هزآع ..
فـ الصاله ..
هزآع " واقف " : يلـآ انا بسير العيييين ..
عليآ " توها نازله من فوق " : انا بععد ابا اسير وياك ..
هزآع : يلـآ لبسي عباتج وتعالي ..
عليا " ردت فوق مرة ثانيه وتكشخت ع السريع ولبست عباتها وشلت شنطتها وفونها وردت تحت "
محمد : عمي انا بعد بثير وياكم ..
هزآع : يلـآ تعآل ..
ريم : سير الحجرة بلبسك وسير الحمام بععد ..
محمد : اوكييه .. " وركض قبلها الحجرة وتلبس وسآر ويا عمه وعمته العيين "
..
فـ الطريج ..
هزآع : عليوه فكرتي بالموضوع ..؟!
عليا " تعرف قصده بس تستغبي " : أي موضوع ..؟!
هزآع : عليه هآ ..؟!
عليا : ......
هزآع : استخرتي ..؟!
عليا " بخجل واضح " : هييي ..
هزآع : وارتحتي ..؟!
عليآ " تطالع برع " : اممم هييي ..
هزآع : يَ حظه فيج و يَ حظج فييه .. الله يجدم اللي فيه الخير ..
عليآ " بصوت خافت " : آميييين ..
هزآع : أمممم عليوه قولي تم ..
عليآ " تلتفت صوبه " : تم ..
هزآع : اتصلي لـ نورة وحطي سبيكر ..
عليا " تفتح عيونها ع وسعهن " : لـآآآآء ..
هزآع " بنظرة ترجي " : الله يخلييج الله يخليج بس بسمع صوتها ..
عليآ : أفف منك .. " واتصلت لـ نورة وحطت سبيكر "
نورة : هلـآ والله ..
عليآ : اهلييين .. شخبآرج ..؟!
نورة : بخير الحمدالله .. شحآلج انتي ..؟!
عليا : تمام الحمدالله .. امم تدريين انّ نحن يايينكم ..؟!
نورة : اا منو انتوآ ..؟!
عليا : انا ومحمد ولد خليفه و كح كح هزآع ..
نورة " حست بشعور غير وابتسمت " : أها حيآآكم ..
عليا : الله يحييج .. ترييني ها مب ترقدين ادريبج رقاده ..
نورة : ههه حيوآنه الحيين انا رقآده .. اعيل اخوج الدب شيطلع ..؟!
هزآع " ابتسم " : الحييين انا دب ورقاد ؟! فديتني رششيق .. واليوم مارمت ارقد من كثر ما افكر ..
نورة " احترق ويهها وسيدآ بند تالفون وتمت اطرش مسجات لـ عليا ع البي بي تنازعها ومحرجه عليها وعليا تضحك وتقول السالفه لـ هزآع وهو يشاركها الضحك "
.
.
أبوظبـــي ..
بيت بو نآصر ..
ميلس الرياييل ..
حامد : انته من صصدقك الحيين متضارب ويا اخوك ومسوي سالفه وبايت برع البيت بس عسب ما تبا تاخذ بنت عمتك ..؟!
عبدالله : انا مب ياي عندك عسسب تتفلسف ع راسي سير هاتلي عيشه أعيش بها بدال هذرك الزايده هاي ..
حامد " يوقف " : مششكور ما تقصصر .. بسير اييبلك امري لله ..
عبدالله : عيل ولد خال ونس عن الموت ..؟!
حامد : لم ثمك .. " وطلع ساير اييبله عيشه يعيش بها ع قولته .. ويابله خفايف ويلس حذاله " امسس وين بت اعيل ..
عبدالله : ميلس النسييب .. اقصصد احمد ..
حامد " بـ حاجب مرفوع " : ما شاء الله النسسيب استوى .. لقيتلك صيده شو ..؟!
عبدالله " يطيح ويحط إيده ع قلبه " : آآآخ حامد شو صيده هاي صوبتني تصويييب ..
حامد : خف علينا يالهدف .. قوم ايلس وانته تاكل ..
عبدلله " اييلس " : تعال قرقطني عسسب اضضحك .. وبعدييين انته ليشذ الني ع اكلك ..؟! المطاعم ولله الحمد وايد ..
حامد " يوقف ويشل عنه الصحن " : هات اعيل بتوفر خل المطاعم تطعمك ..
عبدالله " يوقف ويمط الصحن عنه " : يلـآ عاد عن العبط خلني اكل يوعان ..
حامد " يطييح ع الغنفه ع بطنه ويغني فـ داخل قلبه ووهو يتألم كل ما تذكر روضة وحبه لهآ بس بعدين يهز رآسه عسب ينسى وما يخون اخوه .. "
.
.
.
ع طآري روضة نرد لـ سويسرا ..
الساعه 11 الضحى عندهم ..
المستشفى ..
نآصر : أأ .. أ .. روضة تبين ترديين الشقة ولـآ بتمين هنييه ..؟!
روضة " بصوت خافت " : عااادي ..
نآصر : ترآ ورآ بآجر بنرد البلـآد اتصلولي الشرطه عسسب التحقيق فـ اللي طعنوني ..
روضة " التفتت له " : ليش ما خلصت القضيه بععدها ..؟!
ناصر : لـآ بععدها ..
روضة " عضت شفايفها ع طرف ونزلت راسها عقب ثواني رفعته وعيونها متروسه دموع وهي تطالع ناصر " : اشتقت لـ أمايه ..
نآصر " غمضته وكسرت خاطره .. مشى ووصل جريب منها ويلس حذالها ع الشبريه وفتح إيده الثنتين لها بـ معنى حضني لج وحدج "
روضة " ترددت فـ البدايه بس بعدين فرت عمرها فـ حضنه حسست عمرها ناقصه حنان .. هو استانس عليها وحسس بـ شئ فـ قلبه بس ما عرفه شو هو .. اما هي فـ خششت ويهها فـ صدره استحت من جرأتها .. واخيرا استسلمت للنوم فـ حضنه .. وهو عرف انها رقدت بس عايبنه الوضع جي وما يباها تطيح ع الشبريه حضنه ولا الشبريه بس ما يعرف شهالشعور اللي ينتابه وعند قربه لها بالذات "
..
بععد مرور ساعه إلـآ ربع تقريباً ..
قامت روضة من حظن ناصر واستوعبت شو سوت وعصصبت من عمرها وايد كيف انها ترقد بحظنه وبرضاها بععد .. وقامت يالسه ..
روضة " بضيق " : أبا ارد الشقه لو سمحت ..
ناصر " اللي كان يالس حذالها ومستغرب من مزاجها اللي انجلب " : اوكيه بسير ارمس الدكتور ..
’ سار عند الدكتور وقاله انها تبا تطلع وما خالف وعطاه دوا اللي يخفف من كدماتها و عطاه بعض النصايح .. ورد عند روضة وساعدها ع انها تقوم من السرير ويوم قامت كانت بتطيح بس مسكها من خصرها وتوازنت توتروا ثنيناتهم بس ساعدت روضة عمرها شويه ولبست عباتها ووقايتها وهو عدل الاغراض ف الشنطه الصغيره وتحرك صوبها يبا يمسكها من ايدها عسب يساعدها بس هي رفضت .. مشى قبلها ومشت وراه وخلص اوراقها وتوجهوا للفندق .. وصلوا ودخلت روضة الحجرة وعقت عباتها ويلسسست اتشوف الكدمات وهي تتألم منهن .. شلت المرهم اللي عطاها اياه ناصر وخبرها كيف تتستعمله .. رفعت قميصها من ورا وين ظهرها وحاولت تحط المرهم بس ما قدرت .. وتمت تحاول لين فجأة دخل ناصر وشافها جيي .. ’
نآصر " بتوتر وهو مستحي " : أ أأ أساعدج ..؟! " جرب منها "
روضة " توترت وتمت ترتجف "
ناصر " جرب منها اكثر وشل المرهم عنها ورفع قميصها شوي ’’ وين ظهرها ’’ ويلس يحطلها ع الكدمات الصغيره اللي كانت ع ظهرها ويوم خلص "
روضة " تلتفت وتشل المرهم عنه " : أأ مششكور ..
نآصر " مبهت فيها وتذكر توآ شوسوآ وسيددآ طلع "
.
.
.
أنتههههى البآرت ..
آرآئككم .. توقعاآتكم ..