منتدى استراحات زايد - مـآلومـ عـيـنـيـ تـسـهـر عـليـكـ وآحـلمـكـ فـيـ غـمـضـة عـيـونـيـ

البارت السادس عشر

مـآلومـ عـيـنـيـ تـسـهـر عـليـكـ وآحـلمـكـ فـيـ غـمـضـة عـيـونـيـ

العاش بصوت عالي وحاد: امااااايه نشي انا ادري انهم يجذبون انتي ما تقدرين تفارقيني
احمد: العاش يكفي
العاش بحاله هستريه : امي انا ادري انج موجوده امي ليش ما تسمعين رمستي نشي الله يخليج "وبصوت عاليوتهزها " امي بسج رقاد نشي
احمد: العاش خلاص
العاش : احمد رمسها شوفها ليش مب طايعه تنش
احمد: تعوذي من الشيطان
العاش وبترجي: رمسها الله يخليك
احمد: العاش ترحمي لها
العاش : لا امي عايشة يا احمد هي ما تقدر تفارقني بس هي راقده ومب طايعه تنش
احمد: كل منا له عمره
العاش : امي كلهم ودروني لا تودريني انتي حرامعليج امي ردي عليه خلاص نشي بسج رقاااد اميه
احمد: بس خلاص
العاش وبصياح : لااااااا امي حرام عليج انا احبج والله احبج ليش تروحين خذيني وياج بس لا تتركيني بروحي
احمدبترجي: العاش
العاش وهي تشهق :ماقدر اعيش من دونج والله ما اقدر
احمد: بسم الله عليج
العاش : ماقدر كيف بعيش من دونج اماية خبريني جاوبيني ليش تركتيني
احمد: بس خلاص امسحي دموعج واترحميلها
العاش :انا عاندت انا قلتلها سوي العملية
احمد: كل منا له عمره يالعاش محدن يموت وهو ناقص عمر هذا مكتوب
العاش :بس هذي امي يا احمد امي تعرف شو يعني امي
احمد: اعرف هذا انا كل هالسنين عشت من دون ام
العاش :صعبة علي انساها "وتصده" امي ارجعي امي بسج رقاد نشي

سلطان :وين العاش
بوسلطان :مع احمد
سلطان :ليش ان شاء الله
بوسلطان :كانت تبغي تشوف المرحومه وهو خذها
سلطان بنرفزه :ليش ما قالت لي
بوسلطان بتأمر :سلطان هب وقتك ترى قم سر المطار
سلطان :ليش
بوسلطان :شو ليش بتييب رحمه وحرمته
سلطان وهو متملل :ان شاء الله
بوسلطان :بس لا تخبرهم شي ورحمه اذ نشد عن امه قوله الحمدلله او انك ما تعرف

ريم :هذا رحمه وخذ رشا يلا شو وراج يا عنود
عنود :اففف بس هالحمار لو يفهم بس
ريم :انتي حاولي وياه وبيفهمج
عنود :اقولج ما يطيقني يوم اتلصق فيه
ريم :انتي الحماره ليش تتلصقين فيه
عنود :عيل شو اسوي
ريم :خليج رزينه يالحماره سوي اشياء تغرينه فيه او تخلين انتباهه لج
عنود :ياما سويت وما نفع معاه شي
ريم بعد دقايق من التفكير :تدرين
عنود :شو
ريم :انا دوم اشوفه يطالع العاش بنظرات غريبه
عنود بصدمه:لا تقولين
ريم :اوكي
عنود :شو اوكي
ريم :انتي تقولين لا تقولين
عنود :يالحماره
ريم :ههههههه لا والله جد انا دوم اشوفه جي يطالعها جنه يوعان يبا ياكلها
عنود :الله يغربل بليسج
ريم :هههههههه صدق حتى ما شفتي هاك اليوم يوم ضارب سلطان عشانها
عنود بصراخ:اوووووويه
ريم :شوبلاج
عنود :تبا تاخذه مني لااااا
ريم :يالحماره نسيتي انه العاش من صغرها لسلطان يعني مستحيل ياخذها
عنود :الحمدلله والله طلعتي مب هينه
ريم :بس انتي ثوره ارتزي وخليه يحبج
عنود :والله ياما اسويله بس ما ينفع معاه
ريم :لانه حمار مثلج
عنود :اييييه ما ارضى
ريم :سيري يا عمتي

العاش وهي تشهق :خالي ماما راحت
بوسلطان :الله يباها تقدرين ترفضينه
العاش وهي تمسح دموعها :بس انا احبها هذي امي
بوسلطان :وكانت اختي الغالية لكن ما نقدر ندخل ف حكم ربنا
العاش :خالي اميي راحت وتركتني بروحي
بوسلطان :انا وياج
العاش :خاليي امي راحت
بوسلطان :بس يا العاش
العاش وهي بحيره :خالي امي ماتت
بوسلطان :ان لله وانا اليه راجعون
العاش :انا اقول حق احمد انه امي راقده بس هو مب طايع
بوسلطان :اسمعيني العاش الموت حق علينا كلنا باجر كلنا بنموت
العاش وهي تصيح :امي خالي امي امي حرااااااااااااااااااااااااااااام امي
بوسلطان :بس
العاش وهي تصيح من الخاطر:اميييي انا ما اقدر اعيش من دونها هذي اميييي اميييي
بوسلطان وهو مب قادر يسيطر عليها:احمد شوف وينها الممرضه
العاش بحاله هستريه:امي مابا ابي امي ردولي اميي انا ادري امي ما تتركني امييي امييي
Nears: Where is she

She is hereاحمد:

العاش :امي خالي
Nears: Come with me aisha

No I want my mother where is she العاش :

Nears: Sir she need an injection and take a rest

No I need my mother العاش :

Nears: Hold her
ومسكها احمد وهو يناظر فعيونها
العاش :لا احمد ماريد ابرة منوم اريد امي
بوسلطان :ارتاحي العاش
العاش :اريد امي قومي عني بروح عند امي
بوسلطان :شوفيني العاش
العاش :ماريد ابره خالي اريد امي حراام عليكم اريد اميي

احمد: وين سلطان
بوسلطان :راح ييب رحمه من المطار بس هب جنه تأخر
احمد وهو سرحان : قلبي يتقطع عليها
بوسلطان :تعرف اتذكرت حالتكم يوم توفت المرحومه امكم
احمد: بس ابوي سكر هالموضوع
بوسلطان :غامضتني هالبنت امها كانت الوحيدة معاها والحين الله العالم هل رحمه بينشد عنها ولا لا
احمد: الله كريم
بوسلطان :قم يا ولديه كمل الاجراءات بنرجع البلاد باجر وكلنا بنرجع مع جثة المرحومه وانا بنشد مبارك وجيرانا بو كميدش يجهزون كل شيء عشان اول ما ننزل البلاد على طول نغسلها ونكفنها ونصلي عليها
احمد: حاضر يالوالد تامر وانا البيي لك سمعٍ وطاعة

وبعد مرور 6 شهور

بوسلطان وهو يزاعج :رحمه
سلطان :اووووف شو تبا ابويه تعبتني تراك ابا ارقد
بوسلطان :قم راقد رقدة اهل الكهف والشركه منو بياجبلها
سلطان :احمد موجود
بوسلطان: احمد مسافر
سلطان :انت موجود
بوسلطان: قم يالي ما تستحي تقول حق ابوك جذا
سلطان :ابويه يعني فهالبيت الواحد ما يقدر يرقد صح شو ف مدرسه نحن ولا ساكنين سكن جامعي
بوسلطان :قلت لك قوم انا هب اسولف وياك انا اتأمر عليك يلا قم عندك 20 دقيقه واريدك تكون جاهز سمعت
سلطان من تحت اللحاف:اففففففف
بوسلطان بنبره حاده:سمعت
سلطان :هيه
بوسلطان :يلا انا طالع واترياك تحت ف صاله

رشا :بتروح الشركه
رحمه وهو يطالعها بنظره حاده :هيه
رشا :انزين بتمر على عواش
رحمه وهو معصب :انتي اذيتيني من صباح الله خير تسألين وتراج وايد تسألين
رشا :انا اسفه
رحمه :سيري شوفي الخدم شو مسويين للريوق وجهزيلي
رشا :حاضر
"وهي نازله تحت"
رشا بصدمه :اوييييه صباح الخير عواشي
العاش :صباح النور
رشا :كنت اتحراج ف بيت خالي متى ييتي
العاش :امس
رشا :اهاااا كيف الحال الحين
العاش :الحمد لله على كل حال
رشا :انا بطلع مع خواتي اليوم بنسير نتمشى بتيين تغيرين جو
العاش :لا تسلمين يكفي الجو اللي انا فيه
رشا :عواش شوفي كيف صرتي ضعفتي وايد واصفريتي وتحت عيونج كله سواد
العاش :ما عليه
رشا :لا شو ما عليه عواش انتي بنت ولازم تهتمين ف عمرج
العاش :هذا كله من الدراسة وهم الامتحانات
رشا :انتي تخصصج بتاخذين عليه سنتين صح
العاش :هيه
رشا :كيف
العاش :لأني ادرس ف صيف بعد
رشا :اهااا يعني هالسنه واللي عقبها وبعدين بتتخرجين
العاش :بأذن الله
رشا :بالتوفيق
العاش :اجمعين
رشا بعد مده من التفكير: تتذكرينها
العاش :انا ما نسيتها
رشا :لكن ربنا رزقنا بنعمه هي النسيان
العاش :انتي تقدرين تتجاهلين معاملة رحمه لج
رشا :لا
العاش :انا ما اقدر انسى امي
رشا :تعبت يا العاش
العاش :ادري وانا حاسة فيج وانت ما تستاهلين اللي يسويه فيج
رشا :بس احبه
العاش :الحب ولاشي جدام كرامتج كرامتج هي الاهم
رشا :العاش انتي تقولين هذا كلام جربي الحب وبتعرفين
العاش وهي يايه بتنش من طاولة الطعام: جربت الحب وحبيت انسان نذل وحقير ماريد اتذكره لأنه بنسب لي تبخر من زمان
رشا :وين
العاش :الجامعة ادعيلي عندي امتحان
رشا :يلا بالتوفيق وسمي بالله حبيبتي
العاش :يلا فديتج
رشا :باي
"وبعد دقايق"
رشا بصراخ: رحمه
رحمه وهو نازل :ياااااااي شو عندج تصارخين
رشا :تأخرت
رحمه :بتعلميني انتي الحين
رشا :لا بس اقول
"ويلس يتريق"
رحمه :يلسي ليش واقفه فوق راسي
رشا :حبيبي
"رحمه ياكل ريوقه ومتجاهلنها"
رشا :اقدر اسير مع خواتي المول
رحمه :في مره سألتيني ومنعتج
رشا :لا
رحمه :عيل ليش تسألين " ويشرب الكوفي "وكم مره قلت لج الكوفي اباه دووم يكون مر
رشا :ليش هب مر
رحمه : لا تسأليني بعد "وبصراخ " انتي متى بتعقلين متى بتفهمين شو ياهل انتي كل مره لازم اخبرج ما يستوي تتعلمين من البداية صدق غبيه كلي الريوق بروحج يلا عن اذنج
"وطلع"
رشا :تعرف المفروض اسب عمري بدال ما اسبك لاني انا الحمارة صدقها العاش كرامتي فوق كل شيء

في ارجاء المانيا

احمد: اففف اشتقت لج يا امارات
غيث :اشتقت لجيا حرمتي
احمدوبتنهيده : اااااااه
غيث :قول
احمد: شو اقول
غيث :قول انها وحشتك
احمد: عن المصاخه
غيث :يبين من عيونك
احمد: قم خلنا نزهب الشنط
غيث :تدري انا خايف على فاطمه
احمد: من شو
غيث :مادري حسيت فيها شي او انه اهلي مسويين فيها شي وهي مب طايعه تقول انا خايف عليها وهي ف شهرها التاسع عشان جي ابا ارد بسرعه انا اسف خربت عليك السفره
احمد: لاااا افاااا منقود من بينا الاسف يا غيث وبعدين هي بمثابة اختي وحامل ف احمد يعني شو اسوي ما باليد حيله
غيث :يلا مناك قال شو قال احمد
احمد: والله غصبن عن خشمك
احمد وغيث :ههههههههه

ريم :شوبلاج
رشا :ماشي
ريم :بعد ريلج
رشا :يولي
ريم :ان لله وينه انا براويه
رشا :كرهته
ريم :وانا اكرهه من زمان ابا اذبحه
رشا :ما يخصج فيه
ريم :لا بعد يالسه ادافع عنه
رشا :يلا خلوني اتزهب وايي لكم
ريم :اوكي
رشا :امي ما بتي
ريم :لا تقول ظهرهي يعورني
رشا :انزين الدريول بيودينا ولا مبارك
ريم :لا الدريول
رشا :يلا انزين
ريم :باي

واسمحولي عالتأخير