منتدى استراحات زايد

منتدى استراحات زايد (http://vb.ma7room.com/index.php)
-   قصص و روايات (http://vb.ma7room.com/forumdisplay.php?f=26)
-   -   ¨°o.O (صوب عوشه قلبي اتعلق..انتفظ من شلة الرمشي) O.o°¨ (http://vb.ma7room.com/showthread.php?t=43692)

~ . دمـ آلــغزال . ~ 11-12-2008 05:54 PM

تسلمـ
ونتريا زود

ستاربكس 11-12-2008 06:28 PM

وااااااااااااااااااااااااااااااو


القصصه شي

نتريا يديدك ؟؟؟؟

Grshoob Albdoo 11-12-2008 08:14 PM

حبيبي ليش ما تسأل ... انا مشتاق لعيونك
نعم مشتاق ياعمري .. وروف بحال مضنونك
دخيلك بس لا تقسى .. على منهم يحبونك
انا اللي عاشق ومغرم .. وانا والله مجنونك
يا اروع ما خلق ربي .. يغار الورد من لونك
سحر عينك سلب عقلي .. يا بدر ضاوي بكونك
عسى يا خل تذكريني .. وعسى ما خابت ضنونك
تراني ع العهد باقي ,, اداري الحب واصونك
حبيبي والله ما يسوى .. اعيش العمر من دونك
لانك مالك حساسي .. محال انساك وآخونك
حبيبي ليش ما تسأل .. انا مشتاق لعيونك


سيف تنهد : شو العذاب
تذكر يوم يشوفها في لندن ..
وكيف في هذيج اللحظه اعترف لها بكل اللي في قلبه .. وبعد أسبوع يقولها انسي الكلالام .. من ذاك اليوم وسيف متندم على كل كلمه قالها لها ..
شل التيلفون ودور اسم حمد اخو عوشه ..
سيف : بتصل في حمد والله اشتقتله حصل الرقم واتصل .. وشاف انه الرقم مقطووع
سيف : يالله يا خظي .. والله لسير لهم البيت مالي خانه سار سيف صوب بيت أبوا عوشه كان حافظ المكان عدل وقف عند الباب ودق جرس
طلع له هندي
سيف : وين حمد ؟
الهندي : حمد محد سير بيت جديد من شهر
سيف : شوووووو ؟ وحس انه ضربته حره في قلبه ..
سيف : اوكي تعال وياي ودني بيت باباه راشد
الهندي : ما يقدر سير انا سوري باباه منه حرمه مالي انا
سيف : ياربي يا الحرمه الماس قم بعطيك بخشيش تعال ويايه
الهندي : جين باباه واحد دقيقه انا يجي
سيف : مب يسوي تأخير ؟
الهندي : لا لا يجي
-----------------------------------------------------------------------------
وفي المستشفى ..
الدكتور : الفحوصات لازماها يمكن تكون حامل
محمد انصدم : حاااامل ؟! لا مستحيل
الدكتور : اله ليه ؟
محمد ارتبك : ما شي ما شي سوو الفحوصات المهم تكون بخير
الدكتور : تأدر تدخل عليها الحين .
محمد : لا لا بعدين بعدين
الدكتور يطالع محمد باستغراب ومحمد سرحان بعيد ..
عوشه كانت طايحه على الشبريه ومحطين لها المغذي وعيونها وارمه من الصياح تحس بأنه موتها اقترب .. راسها مكان الضربه يعورها .. لافينه لانه كان ميروح وطالع منه الدم
عوشه : الله يهديك يا ابويه ياللي خليتني متعذبه عند هالريال ياللي ما عرفته من عرست ..
محمد فتح الباب بشوي شوي .. وتم يطالعها .. عوشه اول ما شافت محمد صدت الصوب الثاني ..
كانت متغايضه منه وتحس انها كارهتنه لحد الجنوون
محمد دخل وصك الباب كان مب عارف شو يقوول : ما كان قصدي ايرج
عوشه والدموع في عينها وهي صاده منااك
محمد : عاد أنا آسف
عوشه عصبت ع الاخر تمت تزاعق وهي في عيونها الدموووع : أكرررررررررررررررهك ليتك تدري بمقدار الكره اللي لك في قلبي .. اكرهك يا محمد كره العمى .. أكرهك أكرهك عمري ما حبيتك من عرست عليه
محمد عصب : جبببب يال****ه تقرب عندها ويرها من شعرها جب جب جب انتي مجبوره تحبيني مجبوره .. وكان يوديها فوق ويردها تحت .. عوشه كانت تزااعق بحييييييييل
السسترات والدكاتره سمعوا الصوت ودخلن ويودوا محمد وطلعوه برع
محمد طلع من المستشفى وخلا عوشه روحها وسار سيده شقته اللي كان يسهر فيها ويا ربعه ..
عوشه انهارت من كثر ما تصييح تمت ظربوها ابرة ورقدت .. في هالوقت فطيم كانت تحس بويع الولاده ..
فطيم تحس انها بتمووت : سالم
سالم كان راقد : هااا فطيم خليني ارقد شويه تعبان ياي من الدوام والله
فطيم : سالم قم بموووت سالم والله احس اني بربي
سالم قفز من فراشه : فطيم شو تقولين انتي
فطيم : سالم ما ادري احس بطني يعورني
سالم : انتي بعدج في الشهر السابع شو تتكلمين
فطيم تحس بدواار فطيع في راسها : نشت ونقز عليها سالم
سالم طلعها من الحجره : اميه اميه لحقي فطييم بتربي
وتركض ام خالد شلت عباتها وظهروا .. اول ما طلعوا عند الباب كان سيف توه ياي صافط بموتره ..
سيف : انزل انزل دق جرس
الهندي : لالا انته سوي جرس انا ما في انزل
سيف طلع بوكه وعطاه 50 ربيه وقاله انزل
الهندي : سويه هدا
سيف : بطراان ثرك روّح لا اضربك
الهندي نزل من السياره وسيف سار عند الجرس يدقه
طلعت الشغاله وقالت لسيف انه حميد وحمد محد في البييت ..
سيف : أوكي ما عليه بس يوم بيي قوليله سيف يا يدورك جان فهمتي عاد
الشغاله واقفه ومب فاهمه شي ..
ركب سيارته وتم يطالع البيت .. تنهد وساار
دخلت فطيم المستشى وسيده للعمليات الولاده صوب قسم الولاده
سالم وام خالد ميتين من الزيغه واتصلوا لام سعيد عشان تي صوبهم
ام خالد : الله يسهل عليها ..
سالم بخوف : امييه انا ما اقدر اصبر
ام خالد : اذكر الله يا ريال الله يسهل عليها ويقومها بالسلامه
سالم : آمين ..
شويه وطافوا بعوشه صوب ام خالد وسالم كانت راقده وبيحطونها في حجره في قسم الولاده
ام خالد حست بنغزه في قلبها . : وا عليه بلاها هالرحمه
سالم : اميه نحن وين وانتي وين
ام خالد : الله يعافيها
سالم : ما اتصلنا حق عوشه
ام خالد : اتصل فيها بتعصب لو ما خبرناها
سالم تم يتصل على تيلفون عوشه وما كان حد يشله
سالم : محد يرد
ام خالد تتنهد : روحها ما تي صوبنا ولا تمر الله يعينها هي الثانيه ويا ريلها
مر الوقت ونشت عوشه من الرقاد .. وكان فطيم مدخلينها في حجره عدال عوشه ..
عوشه اول ما شافت الحجره يتها الغبنه .. وصاحت .. كانت تحس بآآآلام فضيييييييعه في بطانها
حصلت في ايدها مغذي ...
دخلت السستر وتطالعها بخوف ..
عوشه : شو السالفه ليش انا هنييه وكانت تحس بألم فضييع
السستر : نحن لازم ننألك الى العمليات حاااالا
-----------------------------------------------------------------------------------
مر الوقت وكانت فطيم مستاااااانسه ودموع الفرحه في عينها
سالم طاير من الفرح لانه حرمته يابت له ولد ..
ام خالد : عاد الحين شو بتسموونه
فطيم : مثل ما قلنا بنسمييه مبارك
ام خالد : على يد أبوكم هاا
سالم : كنت ابا اسمييه راشد بس ابويه ما طاع
ام خالد : كل الاسامي فيها الخير والبركه الله يطرح فيه البركه ياربي
سالم : ابا ولدييييي فديته ياربيي.. بيخلونه عندهم
فطيم خنقتها العبره : ياربي تقومه بالسلامه
سالم : آميين
ام سعيد : ما عليه شر سعيد كان ياي في الشهر السابع .. لو شفتووه قلوبكم بتعوركم عليه
-------------------------------------------------------------------------------------

Grshoob Albdoo 11-12-2008 08:15 PM

-------------------------------------------------------------------------------------
محمد كان مراقب من الشرطه بكل تحركاته وبكل سيراته ويياته من زمااان وكانوا يتريون الفرصه عشان يزخونه .. محمد كان مدمن مخدرات وفي نفس الوقت يتاجر بهن .... كانت الامور طيبه عنده يالس ومكيف ويا رباعته ... في هالوقت
دق الجرس بعد ما احترق وقام ربيع محمد يفتح الباب ..
فواد فتح الباب وحصل ربيعهم الثاني بدر واقف
بدر : ادق من ساعه ليش ما فتحتوا الباب ؟
فواد : والله محمد كان تعبان وماله نفس يدخل حد
بدر : وانا بالله ليش مب ربيعكم
فواد يطالع محمد : لا ربيعنا بس
بدر معصب : بس شو
فواد : ما نبااك في الشله خلاص
بدر يود فواد من كندورته : انته شو يخصك ؟ مب انته اللي ترمس
محمد معصب من بدر لانه كان ناصب عليهم وغاشنهم في البيعه : بدر هد فواد احسلك
بدر منصدم : حموود انته تقول هالكلام
محمد : أطلع برع يالخاين .. يالحقيير والله ان لقيتك هنيه مره ثانيه بذبحك
بدر معصب هد فواد : انزين يا حموود والله بتندم .. جنك ما عرفتني في دقيقه اقدر امحيكم ما عليه يالحميير
وكان ساير صوب الباب
في هالوقت محمد طلع سجيين من تحت المخده وركض ورى بدر وطعنه في ظهره
بدر صرخ من كثر ما تألم اول ما شاف فواد وربيعه سعيد هالموقف شردوا على طوووول
بس ما اكتملت شردتهن لانهم أنزخوا اول ما نزلوا الدري وعلى طووول الشرطه ألقت القبض على محمد وأسعفوا بدر لانه كان غايب عن الوعي
----------------------------------------------------------------------------------------
حمد : ياربييييي فدييتهم والله
حميد : ويين مبارك ؟
سالم : هذا اللي في القوطي
بو خالد : يعلني افداااه
سالم : شوفووووووه يشبهني
بو خالد : الا يشبهني تراه ابويه هذا
سالم مبتسم
بو خالد : وعوشه ما خبرتوها ؟
سالم : ما خبرناها ما تشل التيلفوون
بو خالد : وليش ما خبرتوها الحين بتزعل
سالم : الحين بتصل فيها
بو خالد : اتصل
سالم كان يتصل على تيلفون عوشه ومحد يرد وانقطع الخط : محد يرد
بو خالد : رد اتصل مره ثانيه
فطيم على السريير : عوشه ما خبرناها والله بتزعل عليه
ام خالد : اتصلي فيها الحين
فطيم : اوكي
دخلوا سالم وبو خالد وحمد وحميد
سالم : ما ترد
فطيم : منو
سالم : عوشه 4 مرات اتصلت فيها من قبل بعد متصل فيها وما ترد
ام خالد يمكن راقده
حمد كان واقف عند الغرفه اللي عدال فطيم ويقرى الاسم .. عوشه راشد
تم يفكر وسار صوبهم .. حصلت في الحجره اللي هنييه مكتوب عوشه راشد
الكل صد صوبه
فطيم : يمكن متشابهه الاسماء
ام خالد : فطيم انتي متى مرمستنها آخر مره
فطيم : البارحه وكانت تعبانه احيدها
ام خالد:بو خالد اتصل حق بو محمد شوف شو بلاها عوشه قلبي نغزني
بو خالد : ما فيها الا الخير اكيد ناسيه تيلفونها
ام خالد : الحييييين تتصل
بو خالد : الله يهداج انتي بعد وشل التيلفون عسب يتصل
اتصل بو خالد
بو محمد : يا مرحبا والله
بو خالد : اهلين الغالي
بو محمد : شحالك
بو خالد : بخير شحالك انته
بو محمد : الحمد لله بخير وسهاله
بو خالد : الا ااقولك الغالي ما احصل عدالك عوشه يا ريال نتصل فيها وما ترد علينا
بو محمد تم مستغرب : ليش سو السالفه
بو خالد : مرت ولدي ربت وبغينا نبشرها
بو محمد : مبروكيييين
بو خالد : تسلم الغالي الله يبارك فيك
بو محمد : قراب الظهر كان محمد طالع ويقول انه بيباتوون برع
بو خالد : هاااه عيل نحن متروعيين ندورها
بو محمد : لا لا طالعيين يستانسوون
بو خالد : هيييه الله يسعدهم
بو محمد : آآمين
بو محمد كان حد يتصل فيه على الخط الثاني
بو محمد : بخليك انا الحين الغالي اشوف اتصال غريب يايني ع الخط الثاني
بو خالد : الله وياك الغالي
بو محمد : نتشاوف على خير
وسكر
بو محمد : آلو
النقيب : السلام عليكم
بو محمد : عليكم السلام هلا
النقيب : انته عمر محمد
بو محمد : هيه نعم انا هو
النقيب : ويااك أداره الـ
-------------------------------------------------------------------------------
ام خالد : فديتهم والله
فطيم : انا بحط كرسي وبيلس هنييه عند ولدي
ام خالد : اسمع انتوا
فطيم تحس انها بتصييح : فديته والله .. قلبي مب مطاوعني اخليييه
ام خالد : ما فيه الا كل خير .. انتي بعد تحملي على عمرج
فطيم : ان شاء الله
--------------------------------------------------------------------------------
والعصر بعد ها العنا كله كانت عوشه طايحه على الفراش والسستر واقفه فوقها تحط جلكووز يديد في ايدها
نشت وتمت تطالعها
عوشه : شو صار فيني ؟
السستر : أقهضتي
عوشه حست برعشه قويه في قلبها : شووو
السستر : كنتي حامل وأقهضتي
عوشه حست بالدمووع تنزل من عينها
السستر : بس ما قا حد من أهلك فين زوقك
عوشه والدموع في عينها : راح
السستر : ممكن رقمه عشان اتصل فييه
عوشه تصيح : لالالالا ما اباج تتصلين فييه
السستر : مهو لالازم يقي حد من اهلك
عوشه : اتصلي في بنت خالي هذا رقمها 00000000
السستر : اسمها اييه
عوشه : فطيم
السستر : اساميكو غريبه ليه ؟
عوشه طنشتها وتمت تصييح
سارت السستر صوب غرفة السسترات واتصلت بالرقم .. رن عند فطيم تيلفونها
فطيم تطالع الرقم : ما اعرف منو ها سالم رد ما لي بارض
سالم : كيف تيلفونج وتخليني انا ارد
فطيم : يالله عاد رد
سالم خذ التييلفون : آلو
فطيم تطالعه وتقوله منو ؟
سالم : اهلين
السستر ..: فين فطيم ؟
سالم : انا زوجها آمري
السستر : بتعرف عوشه ؟
سالم : عوشه ؟؟؟؟!! عوشه اختي ؟
السستر : ما بعرفش المهم انها منومه في المستشفي وهي عطتني الرقم علشان اتصل
سالم : منومه ؟
فطيم نقزت : شو السالفه
السستر : انا اتصلت علشان تقولها لانها وحيده زوجها خلها هنه وراح
سالم : وين هي في أي قسم وفي اي مستشفى ؟
السستر : مستشفى الزهرا قسم الولاده غرفه رقم 4
سالم مب مصدق وفطيم تطالعه بأستغراب صد على فطيم وتم يطالعها :
السستر : آلو
سالم : الحين ياي
السستر : اوكي
بند في وييها ونش من على الكرسي ..
فطيم..: وين ساير
سالم يرمس بسرعه : عوشه منومه هنيييه عنداالج ؟
فطيم : شوووووو
سالم : خليني اسير اشوف شو السالفه
فطيم نشت بشوي شوي ولحقت سالم
سالم اول ما طلع من عند الباب مشى شويه وقف عن غرفه رقم 4 وقرا الاسم عوشه راشد
على طوووول دخل وعوشه ما عيونها متورمه من كثر ما تصييح .. : ركض ليين السريير ..
عوشه متفاجأه : سالم ؟!
سالم متفاجا: عوشه شو فييج
عوشه صاحت : ساااالم ... تعال شوف شو استوى فيني .. وتقرب منها سالم وحظنها .. تمت متمسكه في حظنه وتصييح وسالم مستغرب .. ويشوف اللف ليل في راسها
فطيم دشت من عقبه وتشوف عوشه حاظنه اخوها وتصييح بصوت عالي ..
فطيم زاغت ويت مسرعه : عويش شو فييج عويش ؟ ويودتها من ايدها ..
عوشه : ماابااااه اكرهه خلالاص بموووت ..
سالم : شو السالفه
عوشه ردت على ورى وهي تصيح .. فطيم خلاص ماباااه قلبي بينفجر من العذاب .. فطيم ساعديني ..
في هالوقت فطيم صاحت وسالم مب عارف شو يسوي
عوشه : دخليك سالم لا تردوني عنده
سالم عصب : شو السالفه شو مسوي فييج هالحقيير
عوشه : تجوف راسي .. انفلعت بسبته وأغمى عليه في البيت ..
سالم : ال**** الجذااب .. ويقول لابوه انكم سايريين جدى دبي ...
عوشه تصييح : سالم انا كنت حامل والحين لا
سالم وبعصبيه : افتكيتي منه ..
فطيم تحضن عوشه وتمت تصييح وياها ..
سالم : ما اصدق .. هذا حيواان .. ولا شووو
سالم : وين سار ويين خلاج وذلف
عوشه تهز راسها بالنفي
فطيم : عويش بس اسكتي يالغاليه لا تعذبيين نفسج عشاانه
عوشه تصيح : سكت وايد يا فطيم سكت وايد ومحد كان يدري بعلتي
سالم متغايض طلع من الحجره وسار
-------------------------------------------------------------------------------------------
بو محمد كان واقف وقلبه يعوره من كثر ما سمع عن الاشياء اللي مسونها ولده ..
بو محمد : حسبي الله علييك من ولد .. ليتني ما يبتك ولا ربيتك
النقيب : يا بو محمد لا تقول هالكلام ..
بو محمد : لا تقوليي بو محمد .. لا تسميني بسمه ربيته وتعبت عليه وكبرته في عز والحين في شيبي ينزل راسي ..
النقيب يالس عدال بو محمد ويعطييه ماي : اسمحلي اقولك يا ابويه انه البطره وكثره البيزاات تخلي الانسان يسهى في ملذات الدنيا .. ويدور على أي شي يلهيه .. ومحمد ولدك مثل واااااااايد من هالشباب الساهيين اللي مب عارفين وين يودوون بيزاتهم ..
بو محمد يصييح : يارب عفوك وغفرانك
النقيب : باجر بتكون الجلسه الاولى في المحكمه وارجوك رجاء تااام انك تثبت عمرك وتخلي ايمانك بربك قومي .. ولا تضعف جدام هالمشكله ... ان شاء الله خير

ذبحــ الحب ــني 11-12-2008 11:20 PM

تسلم غرشوووووووووووووووووووووووووووووب وبانتظار التكمله ولا تتاخر علينا دخيلك


الساعة الآن 08:34 AM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227